ziw_reg/59-HEB.usfm

\id HEB
\ide UTF-8
\h Waebulaniya
\toc1 Waebulaniya
\toc2 Waebulaniya
\toc3 heb
\mt Waebulaniya
\c 1
\cl Sula 1
\p
\v 1 Aho kale Chohile alonganga na wadalahala kujinkila waini nkana zilozize na kwa sila zilozize.
\v 2 MNna mazuwa yano chinanayo, Chohile kalonga na suwe kujinkila mwana uyo nakamwinka kutenda mlisi wa vintu vyose na nuyo kujinkila uyo naho aumbaga ulangazi.
\v 3 Mwanawe ni ung'azi wa ukuka wakwe mitendele yakwe kukongela kale nakwendeleza vintu vyose kwa ulosi wa udahi wakwe, eze achintize ung'azi wa masa yetu niyo ekala hasi mkono wa kulume wa ukulu uko kulanga.
\p
\v 4 Ktenda mkulu kujinka wandima wa kwembingu saviya idizina alisie dyendile kulu kujinka zina dyawo.
\v 5 Kwaviya ni mndima yuhi awahiye kugamba weye wi mwanangu dyelo sitenda iso naho, nanitende iso naye mwanangu?
\p
\v 6 Naho chipindi Chohile aho amletile mwelekwa ywa nkongo mwe isi, agamba, wandima wose wa Chohile waungwa wamvikile.
\p
\v 7 Kulanga wandima wa Chohile, uyo ambaye akutenda wandima wakwe kutenda muye na wandima wakwe kutenda miali wa moto.
\p
\v 8 Mna kumlanga mwanwe agamba chiti chako cha ukulu Chohile ni cha ulo na ulo nkome ya useuta wako yo uwagila.
\q
\v 9 Kunga kuwagilwa na kwihiwa wavu, kwaivyo Chohile, Chohile ywako, kakwinka mavuta ya chinyemi kujinka weyawo.
\p
\v 10 Aho kale Zumbe aikaga chegamo mwe isi, ulanga ni ndima ya mikono yakwe.
\q
\v 11 Nazihalawe mna weye naujendeleze kwikala, zose nazisakale saviya suche.
\q
\v 12 Nozikunje kunje saviya koti nazo nazibanike saviya suche mna weye ni uyudya ne imihilimo yako haikusila.
\p
\v 13 Mna ni kwa mndima ywa Chohile yuhi, alongaga chipindi chochose ikala mkono wangu wa kulume kubula aho naniwatende wankondon wako kutenda hasi mwe iviga vyako?
\p
\v 14 Kwani wandima wa Chohile wose siwo muye utumigwe kusankanila na kwikavyedi wadya wakunga wamlisi wambulwe?
\c 2
\cl Sula  2
\p
\v 1 Ivyo vyaungwa chikaulise kwa yadya chivile chani kugamba chinase kusentwa hale naayo.
\v 2 Kwaviya uneva ulosi ulongigwe na wandima wa kwembingu nichindedi naho chila wavu na ubanasi vyahokela kusulumizwa du.
\v 3 Nachdahe cheze kuhona uneva hachikusinyisa wambulwa uno mkulu? Wambulwa walongagwa nkongo ni Zumbe niyo walongwa ni wadya wevile.
\v 4 Chohile naye kalavyanya kwa vilagiso mpintuko na kwa mbuli nkulu zilozize na kwa jeleko dya muye ukukile azipangile kwa ivyo aungile uyo mwenye
\p
\v 5 Chohile haikiye ulangazi ukwiza uwo chikulongela izimbuli zakwe, hasi mwa wandima wa kwembingu.
\v 6 Chinyume chakwe mntu fulani kaukula kugamba, mntu ni yuhi hata adahe kukumbuka? Hegu mwana wa mntu hata umlele?
\q
\v 7 Kumtenda mntu kutenda mdodo kujinka mndima wa kwembingu, kumvala chilemba cha kumwika kulanga mwe indima ye mikono yako hayamuli mwa mawandiko yakale?
\q
\v 8 Kwika chila cintu hasi he viga vyake kwaviya Chohile kaika chintu hasi mwe mntu hasize chintu chochose hechimuli hasi mwakwe mna vino haluse bado hachikuwona chila chintu chikatenda hasi mwakwe.
\v 9 Hata ivyo chawona kugamba andile katenda kwa chipindi hasi kujinka wandima we kwembingu, Yesu uyo kwa chausa cho kusulumizwa kwakwe no ukubanika kwakwe kavikwa kalemba cha ukuka na uwagilwa. Ivyo haluse kwa wedi wa Chohile Yesu kaluma kubanika kwa chausa cha chila mntu.
\p
\v 10 Nandile ni jejeje kugamba Chohile kwaviya chila chintu chiyaho kwachausa cha yeye, na kujinkila yeye navyungwa kuwaleta wana walozize mo ukuka na kugamba navikaungwa kutenda chilongozi mo wambulwa wawo kutenda kuchinta kujinkila kusulumizwa kwakwe.
\v 11 Kwaviya wose waidi yudya akuwalengusa na wadya wakuleguswa wose walwaw mwe chintu chimwenga Chohile, kwa viya ichausa icho, yudya akuwalengusa kwa Chohile hakuwona soni kuwetanga walukolo.
\v 12 Agamba nanilonge idizina dyako mwa walukolo nanicheme kulanga weye kulawa mndima mwe fyo.
\p
\v 13 Naho agamba nanizumile kwa yeye, naho kaula hano niyaho na wana aninkile Chohile.
\p
\v 14 Ivyo, kwaviya wana wa Chohile wose wenkigwe mwili na sakame Yesu naye kenkwa vintu ivyo chani kugamba kujinkila ifile yakwe chipate kutenda hana udahi yudya ana udahi mwe file yudya umwavu.
\v 15 Ino naitende ivyo chani kugamba awafunguile wadya wose awo kujinkila nkama ya file wekale wikazi wawo wose mwe usigilwa.
\v 16 Nichindedi siyo wandima wa kwembingu akuwambiza keza kuwambiza welekwa wa Ibulahimu.
\v 17 Ivyo, imtenda yeye atende saviyabmlukolo wawe mwe izisila zose, chani atende mlavyantambiko mkulu, mta mbzi na mchindedi mwe vintu vya Chohile naho chani kugamba atende na udahi wakulekeila masa ya wantu.
\v 18 Ivyo Yesu mwenye kasulumila na kujezwa anaudahi wa kwambiza wadya wakujezwa.
\c 3
\cl Sula 3
\p
\v 1 Mwa ivyo walukolo wakukile, wehamwenga mo witango, wa ko ulangazi, mumfanyanye Yesu, msigilwa na mlavyantambiko mkulu ulosi wetu.
\v 2 Nakatenda mchindedi kwa Chohile amsagule saviya Muas ivyo nandile mchindedi naye mwe inyumba yose ya Chohile
\v 3 Kwaviya Yesu kawazwa kutenda na ntunyo nkulu kujinkila ivyo ananayo Musa, ivyo udya akuzenga inyumba akantilwe kutenda na ntunyo nkulu kujinka inyumba yeye
\v 4 Kwaviya chila nyumba yazengwa ni mntu msiku, mna yudya akuzenga chila chintu ni Chohile.
\v 5 Chindei Musa nandile ni mchindedi saviya mndima mwe nyumba yose ya Chohile, akalavya ukuzi kulanga mbuli zikunga zinalongwe chipindi chikwiza.
\v 6 Mna Kulisito ni mwana mo kuchimaila inyumba ya Chohile, swe chunyumba yakwe uneva nachitozese, upesi kwa ukankalu na kujenda kwa ukankalu
\p
\v 7 Ivyo saviya muye ukukile akulonga dyelo hegu namwive ulosi wakwe.
\v 8 Usekutenda umuye wako kutenda mdala saviya Waizulaeli. Ivyo watendile mo ubanasi mwe ichipindi cho kujezwa kwe niyka.
\v 9 Icho nachitende chipindi ambacho tati zenyu nawanileka kwa kunijeza naye chipindi cha mihilimo milongo mine waonaga izitendwa zangu.
\p
\v 10 Kwaviya selelwa ne icheleko icho niyo nagamba waga chila nkanana mwe myuye yawo naho hawamanyize izisila zangu.
\p
\v 11 Nisaviya nelisez mwa wamaya yangu hawengile mo mbwedo wangu.
\p
\v 12 Msinyise walukolo chani kugamba, mnasekutenda wiyaho muye mwavu, hewikunga kuzumila kwa yumwenga ywenyu muye ukunga wite hale na Chohile akwikala.
\v 13 Chinyume chakwe mjelane muye chila zuwa chila mntu no mnyawe chani chila ikwitangwa dyelo mbese, chani kugamba yumwenga mgati mwenyu asekutendwa mdala kwa kudantwa ni masa.
\v 14 Kwaviya chitenda wamwenga wa Kulisito uneva chatozana naho chindedi chetu kwa udahi wa yeye kulawa nkongo kubula uhelo.
\v 15 Kulanga dino ilonga kale, dyelo hegu namuwive ulosi wakwe msekuitenda imuye yenyu kutennds midala, saviya Waizulaieli ivyo wadamanye mo uwavu.
\p
\v 16 Niwahi awo wamwivile Chohile naho watenda wavu? Hawendaga awo wose wadya Musa nandile kawwalongoila lulawa Misili.
\v 17 Naho ni wahi wadya Chohile awehiwaga kwa mihilimo milongo mine? Siyo hamwenga na wadya wadamanye masa, awo izimaiti zawo zigona kwedijangwa?
\v 18 Ni wahi awelisiz Chohile kugamba hawengile mwe chinyemi chakwe, hegu siyo wadya hewemwivile yeye?
\v 19 Chauna kugamba washindwa kwingila mwe chinyemi chakwe kwachausa cho kuleka kumzumila.
\c 4
\cl Sula 4
\p
\v 1 Mwe ivyo yachunga kusinyisa chani kugamba mndani mwenyu asekutenda hata yumwenga akunga awoneke kushindwa kubwila mwa malagano ya ulona na ulo dyo kwingila mo kwingila mo kuhumula na Chohile.
\v 2 Kwaviya chitenda na mbuli yedi ikulanga kuhumula na Chohile dimbwelekezwa kwetu saviya Waizulaeli nandile nadyo mna imbuli iyo haiwambize wadya wevaga ukaleka kulunganya na utondowazi naiyo
\v 3 Kwa suwe chizumile kale ni suwe chiyumo niyo kuhumula saviya ivyo ikulonga, ivyo, nilisize mwa amaya yangu, hawengile mo kuhumula na miye alongaga dino, hata hegu ndima zose atendile kachintiza kukongela nkongo akakonga ulangazi.
\v 4 Kwaviya kalonga kale hantu hasiku kulanga zuwa dya mfungate, Chohile ahumulaga msi wa mfungate mwa ayo adamanye.
\p
\v 5 Naho kalonga kale hawengile kwikala na miye.
\p
\v 6 Mwe chausa icho, kalawana no kuhumula uko bado ni mpamba kwa wamwenga kwingila naho aho, Waizulaeli walozize wevaga mbuli yedi kulanga kuhumula kwakwe hawakwingila kwachausa cha kuleka kuzumula.
\v 7 Chohile niyo aika naho msi msiku, ukwitangwadyelo, uyo kawongeza umsi uno, hadya alongile kujinkila Daudi, ambaye alongaga mazuwa yajinkile bada ya yalongagwa dyele hegu namwive izwi dyakwe, msekutenda imyuye yenyu kutenda midala
\p
\v 8 Ivyo uneva Yoshuwa awenkagani kuhumula Chohile nandile halongeile kulanga zuwa tuhu.
\v 9 Ivyo kuna zuwa dya kuhumula ikigwe kwachausa cha wantu wa Chohile.
\v 10 Kwaviya mo kwingila na Chohile uyo mwenye naye kahumula kulawana na izimbuli zakwe saviyaChohile ivyo atendile mwa uyo.
\p
\v 11 Kwaviya chitenda na ntogozi zo kwingila mo kuhumula, chani kugamba hanasekutenda kugamba kuna nagwe mo wavu watendaga.
\v 12 Kwaviya ulosi wa Chohile, wimeso naho una udahi naho dyakola kujinka bamba dyodyose dikwitangwa kose kose, naho dyoka hata kubula kupanga untu na muye na vitago mo ubongo.
\v 13 Hakuna chumbigwe chefisize mo uso wa Chohile chinyume chakwe, chila chintu chiwazi pwilili kwa ameso ya yumwenga uyo aungwa kulavya uwazwa.
\p
\v 14 Msi ukwiza chitenda na mlavyantambiko mkulu engile mo ulangazi, Yesu mwana ywa Chohile chiutoze ngingingi kuzumila kwetu.
\v 15 Kwaviya hachina mlavyantambiko mkulu hekudaha kufanyanya, mazi kwa chausa cha usokezi wetu, mna yeye uyo kwa sila zose nandile akajezwa saviya suwe, mna uyo hana masa.
\v 16 Nachize kwa unkankalu, mwe ichita cha useuta cha wedi chani kugamba chihokele mbazi na kupata wedi wa kuchambiza chipindi cha kupombokeza.
\c 5
\cl Sula 5
\p
\v 1 Kwani chila mlavyantambiko mkulu asagulwe kulawa mgati mwa wantu, kasagulwa kuchimala badala yawo mwa vintu vikuligana na Chohile chani adahe kulavya kwa hamwenga jeleko kwa chausa cha masa.
\v 2 Adaha kwesankanila kwa uhoile na wahezi na hewekwiva kwaviya uyo mwenye naho kazungulukwa kwa kuhwa.
\v 3 Kwaviya uyo aungwa kulavya lavyo kwa chausa cha masa yakwe saviya akudamanya kwa masa ya wantu.
\v 4 Naho hakuna mntu akuguha ntunyo ino kwachausa chakwe mwenye, mna badala yakwe, vyaunga etange Chohile saviya viya endile Haluni.
\v 5 Hata Kulisito hainkile ntunyo mwenye kwa kutenda mwenye mlavyantambiko mkulu badala yakwe Chohile nakalonga kwakwe weye ni mwanangu dyelo sikutenda tati yako.
\p
\v 6 Enga viya akulonga hantu hatuhu weye ni mlavyantambiko mazuwa yose bada ya mligano wa Melikizedeki.
\p
\v 7 Mwa chipindi chakwe mwe umwili kalombeza na kulombezeza nakamlombeza Chohile kwa mesozi kwa yeye ukudaha kumbwambula kulawa kwe file. Kwa viya unyanyahala wakwe kwa Chohile, nakevigwa.
\v 8 Hata hegu nakatenda mwana nakahina kwiva kwa mbuli zi msulumize
\v 9 Nakachintiza kwa sila ino nakadamanyika kwa chila mntu akumzumila kwaviya wambulwa ni wakale na kale.
\v 10 Kwa kusagulwa ni Chohile saviya mlavyantambiko mkulu badala zamu ya Melikizedeki.
\p
\v 11 China yalozize ya kulonga mlanga mwa Yesu mna ni vidala kuwagambila kwa viya nyuwe ni wabwa wa kwiva.
\v 12 Hata uneva kwa chipindi chino naunga kutenda wahinyi mchei mwaungwa mtende wantu wa kuhinya mahinyo ya nkongo ya mbuli za Chohile mwaunga mele na siwo nkande itogile.
\v 13 Kwaviya yoyose akunywa mele du hazwele mwe mbuli za kuwagilwa kwaviya uchei ni moto.
\v 14 Kwa ntendele mtuhu nkande itogile niya wantu wajima wadya ambawo kwaviya kuzwela kwawo mwa kutimila uwagilwa na wihi wahinywa kumanya dyedi na dihiye.
\c 6
\cl Sula  6
\p
\v 1 Ivyo chigale icho chinyijigwe nkongo, kuhusu imbuli ya Kulisito, chaungwa kutenda na ukankalu kujendeleza kwe kutoga, chisekweka naho mfilimbi wa kweila kulawa mwe ndima hezine ujima na utondowazi mwa Chohile.
\v 2 Naho mfilimbi wa mahinyo ya wambulwa na kwikiwa mkono, uyuso wa wabanike na nkanto dya kale,
\v 3 naudamanye ivino uneva Chohile na azumile.
\v 4 Kwaviya haikudahika kwa wadya ambawo nawapate ulangazi wa nkongo ambawo nawaluma jeleko dya kwembingu na kudamanywa kutenda kulungana na Muye Ukukile.
\v 5 Na ambawo nawaluma utawa ulosi wa Chohile na kwanguvu za chipindi chikwiza.
\v 6 Naho ukajika wagwa haikudahika kuwavuza naho mwe kweila, ino ni kwaviya wamsulumiza mwana ywa Chohile nkanana ya kaidi mwe mihenyo yawo wakamdamanya kutenda ni chiya cha kubela mo lupwe.
\v 7 Ivyo msanga nauhokele fula ikunya nkana kwa nkana mlanga mwakwe, niyo yalavya mazawo yakungwa kwawo wakudamanya ndima mo umsanga kuhokela ujimbiko kulaw kwa Chohile.
\v 8 Mna uneva zeleka miwa na masukuzi haina nacho mana naiyaho mwe hatali ya ligito uhelo wakwe ni kubalangwa
\p
\v 9 Hataikatenda chalonga vino, mbuyangu waungwa chahembelezwa mbuli ntana yakuwaunga nyuwe na mbuli ya kunga wambulwa.
\v 10 Kwaviya Chohile ni mta wedi hata ajale ndima yangu na kwa ungi mulagisa kwachausa cha zina dyangu mwe dino, nendile mkasankanila wazumizi naho hachinati mchei kuwasankanila.
\v 11 Naho chinaukaula vidala kugamba chila yumwenga ywenyu adahe kulagisa ukankalu udya udya kubula uhelo wa chindedi wa ukankalu.
\v 12 Hachikunga kutenda wabwa, mna chitende wa kutongela wa wadya wakulisi lagizo kwachausa cha utondowazi na ujijimizi.
\p
\v 13 Kwaviya Chohile eze wamwinke Abulahamu lagizo kwelisa kwa jisi yakwe, kwaviya hegu helisize kwa mtuhu yoyose ekale mkulu kujinka yeye.
\v 14 Niyo kalonga chindedi nahujimbike, naho nakukongeza ulweleko lwako kujinka.
\v 15 Kwasila ino Abulahamu nakahokela chiya alisigwe bada ya kugoja kwa ujijimizi.
\v 16 Kwaviya wana mntu welisa kwa uyo ekale mkulu kujinka wowo kwawo uhelo wa mahigano yose ni kwelisa kwa kuyawona.
\v 17 Chipindi Chohile aungile kulagisa pwilili kujinkila walisi wa lagano kusudi dyakwe tana hedikuhitukila, kuzibitishwa kwa kwelisa.
\v 18 Niyo kadamanya saivyo chani kwa wantu waidi havikudahika kuhitukila, ambavyo mwe ivyo Chohile hakudaha kulonga lulimi, suwe chigulukile hekwefisa chipate kujelwa muye kutozesa kwa nguvu kusankanila diya dikigwe kulongozi kwetu.
\v 19 China ukankalu uno saviya nanga imala ya kwegamila muye wetu ukankalu ambawo wengila hantu hakundani kunyuma kwe dipaziya.
\v 20 Yesu niyo kengila hantu hadya saviya mlongozi ywetu, akaheza kudamanyika mlavyantambiko mkulu hata kale baada ya utalatibu wa Melikedeki.
\c 7
\cl Sula 7
\p
\v 1 Nandile ni vino, Melikizediki seuta ywa Salemu mlavyantambiko ywa Chohile e kulanga adugane na Abulahamu akauya kulawa kuwakoma maseuta niyo amjimbika.
\v 2 Abulahamu kamwinka imwenga ya mlongo ya chila chintu ananacho achitahile zina dyakwe Melukizedeki imaana yakwe seuta ywa uwagila naho ni seuta ywa Salemu ambayo ni seuta ywa utondowazi.
\v 3 Hani ise, hana nine, hana welesi hana nkongelo ya zuwa hegu udumo wa wikazi wakwe. Akajika, asigaila mlavyantambiko kale na kale saviya mwana ywa Chohile.
\p
\v 4 Haluse fanyanya kwa yuno mntu ivyo eli, Zumbe mwelesi ywetu Abulahamu kamwinka imwenga ya mlongo umwe ya vintu vitana ivyo avitahile kwenkondo.
\v 5 Nichindedi ulukolo lwa Walawi wahokela nyumba za ulavyantambiko nawendile na lika kulawa kwe dilagizo kuchisanya imwenga ya mlongo kulawa kwa wantu, awo kulawa kwa Waizulaeli weyawe, hamwenga na kugamba, awo nawo ni lukolo kulawa kwa Abulahamu.
\v 6 Mna Melikizedeki uyo suyo lwa lukolo kulaila kwa Walawi kahokela imwenga ya mlongo kulawa kwa Abulahamu niyo ajimbika yudya nandile na cheliso
\v 7 Aho haikulemelwa kugamba mntu mdodo kajimbika ni mkulu.
\v 8 Kwembuli ino mntu akuhokela imwenga ya mlongo nabanike zuwa dimwenga mna kwa mbuli ntuhu yumwenga ahokela imwenga ya mlongo kwa Abulahamu ikalongwa saviya akwikala.
\v 9 Nakwanamna ya kutamwila, Lawi ahokela imwenga ya mlongo naye kaliha imwenga ya mlongo kwa Abulahamu.
\v 10 Kwaviya Lawi nandile mwe vigudi vya tati yakwe Abulahamu chipindi Melikizedeki adugane na Abulahamu.
\p
\v 11 Haluse uneva uchinta udahika kujinkila ulavyantambiko wa Lawi, iyo hasi hakwe wantu wahokela lagizo, nandile na kunga kwani kujinka kwa mlavyantambiko mtuhu kwinuka akajika namna ya Melikezedeki, na suko kwitangwa bada ya vipangigwe kwa Haluni?
\v 12 Kwa ivyo ulavyantambiko unahitukila hakuna naho lagizo nadyo kuhitukila.
\v 13 Kwa yumwenga uyo mbuli zino zalongwa, kuhusu kabila tuhu kulawa kwakwe, hakuna asankane mwe mazabahu.
\v 14 Haluse ni chindedi kugamba Zumbe ywetu kalawa kwa Yuda kabila ambadyo Musa hatajize kuhusu walavyantambiko.
\v 15 Na yano chikulonga ni chindedi hasa ikatenda mlavyantambiko mtuhu na alaile kwa mligano wa Melikezedeki.
\v 16 Mlavyantambiko yuno mhya siyo yumwenga uyo katenda mlavyantambiko kulanga mwe chegamo cha lagizo dikuhusiana na lweleko lwa mntu mna mwe chegamo cha nguvu ya wikazi hewikudaha kubanika.
\v 17 Ivyo nadolonya yakukula kuhusu uyo, weye wi mlavyantambiko kale na kale ukajika mfumo wa Melikizedeki.
\p
\v 18 Kwaviya mwe sigilizi ilongole naikigwa hankanda kwa viya nayendile isokela naho haikwagila.
\v 19 Ivyo lagizo hadidamanye chochose vichintile ukaleka nanile kuna ukankalu mtana kwa ayo, chamsogeila Chohile.
\p
\v 20 Na ukankalu uni ni mtana haulaile ukaleka kulonga cheliso, mwe dino walavyantambiko watuhu hawaguhile cheliso chochose.
\v 21 Mna Chohile kaguha cheliso chipindi alongile kuhusu Yesu, Zumbe kelisa naho hahitukile izifanyanyi zakwe weye wi mlavyantambiko kale na kale.
\p
\v 22 Mwe dino Yesu naye nakeza kwa zamana ya lagizo dyedi.
\p
\v 23 Nichindedi file yachinda walavyantambiko, kusankana kale na kale. Ino ni kwachausa cha weyaho walavyantambiko walozize, yumwenga mwa yumwenga.
\v 24 Mna kwaviya Yesu ekala kale na kale ulavyantambiko wakwe haukuhitukila.
\v 25 Ivyo uyo naye adaha kwa kuchintiza, kuchintiza kuwambula wakumsogeila Chohile kujinkila kwakwe, kwaviya uyo ekala kale na kale kwa kulombeza kwachausa chawo.
\p
\v 26 Ivyo mlavyantambiko mkulu wa namna ino awagila kwetu. Hena masa, lema, mtana, asentigwe kulaila kwa wata masa, naho katenda kulanga kijinka ulanga.
\v 27 Uyo nendile hekunga, mligano wa walavyantambiko wakulu, kulavya lavyo chila zuwa, nkongo kwa masa yakwe mwenye, akaheza kwa masa ya watu. Nakadamanya vino nkanana imwenga mwa wose, aho elavize yeye mwenye.
\v 28 Lagizo dyawasagula wantu wasokele kutenda walavyantambiko wakulu, mna ulosi wa cheliso, wizile bada ya lagizo, nakamsagula mwana, atendigwe kutenda mchinta kale na kale.
\c 8
\cl Sula 8
\p
\v 1 Haluse mbuli chikulonga ni ino, china mlavyantambiko mkulu ekale hasi mo mkono wa kulume mwe chiti cha kale kulanga.
\v 2 Uyo ni mndima we hantu haung'azi gubiko dya chindedi ambadyo Zumbe kadika suyo mntu yoyose wa kubanika.
\p
\v 3 Ivyo chila mlavyantambiko mkulu ekigwa kulavya ntunyo na lavyo, ivyo vyaungwa kutenda na chintu chakulavya.
\v 4 Haluse hegu Kulisito nandile ekulanga kwe isi na hatendile mlavyantambiko kujinka aho, kwa viya nandile wemalanya wadya walavize vihendo kuligana na lagizo.
\v 5 Wadamanya ndima chintu ambacho chitenda uwakala nampeho ya vintu vya kulangasaviya Musa afundigwe ni Chohile chipindi aungile kuzenga gubiko, kaula chohile agamba kugamba damanya chila chintu kuligana na namna viya ulagiswe kulanga ko lugulu.
\v 6 Mna haluse Kulisito ahokela ndima yedi mno, kwaviya yeye naye ni mwivanyi wa lagano dyedi iyo dyajike kutogezwa kwa lagano dyedi.
\p
\v 7 Ivyo hegu lagano dya nkongo hadyandile na malema ivyo nahekwine haja ya kulonda lagano dya kaidi.
\v 8 Kwaviya chipindi Chohile eze amanye malema mwa wantu, agamba kaula, mazuwa yeza alonga Zumbe, chipindi hunga nidamanye lagano hya hamwenga ne nyumba ya Izulaeli na nyumba ya Yuda.
\q
\v 9 Haditende savuya lagano nidamanye hamwenga na tati zawo zuwa ambadyo siwaguha mwe mkono kuwalongoza kulawa si ya Misili, kwaviya hawajendeleze mwe lagano dyangu miye sikuwasinya naho agamba Zumbe.
\q
\v 10 Kwaviya dino nidyo lagano nanidamanye mwe nyumba ya Izulaeli, mwa mazuwa yano, alonga Zumbe nanike lagizo dyangu mwe izifanyanyi zawo nanizidolonye mwe mihenyo yawo nanitende Chohile kwawo nawo nawatende wantu wangu.
\q
\v 11 Hawahinyane chila yumwenga na mnyawe na chila yumwenga na mlukolo wakwe agamba, mmanye Zumbe, ivyo wose nawanimanye miye, kulaila mdodo kubula mkulu ywawo.
\q
\v 12 Ivyo, nanilagise wedi kwa ntendwa zawo heziguwagila, naho sanikumbuke amasa yawo naho.
\p
\v 13 Kwa kulonga, hya kadoitenda lagano hya nkongo kutenda dihwele naidyo ambadyo kadigoneka kutendwa dihwele dihajihi kusika.
\c 9
\cl Sula 9
\p
\v 1 Haluse hata lagano dya nkongo nandile dina hantu ha kuvikila hano he isi na talatibu za kuvika.
\v 2 Kwaviya mwedivulu kwandile na chumba chimalanywe, chumba cha kuse, nahaketangwa hantu hakukile. Mwa hantu hano nandile hana chiya cha ta, meza ya migate ya wonyosho.
\v 3 Nho mnyuma mwe dipaziya dya kaidi nandile kuna chumba chituhu chikwitangwa hantu hakukile mno.
\v 4 Nmna nchanja ya zahabu kwa kuvukiza manikato. Naho namna sanduku dya lagano ambadyo nandile dizengwa kwa zahabu iyodu. Mndani mwakwe nendile mna bakuli dya zahabu dyenye maana ya nkome ya Haluni ilavize mazi na ziya izimbawo za mayuwe ze dilagano.
\v 5 Mlanga mwe idisanduku dye dilagano namna maumbo ya maselafi wakukile wagubika amawawa yawo kulongozi kwe chiti cha mevano, icho kwa haluse hachikudaha kuchilongela pwasa pwasa.
\p
\v 6 Akajika vintu vino kutenda viheza kumalanywa, walavyantambiko kwa mazwela wengila kwe chumba cha kuse che nchanja kulavya usankani wawo.
\v 7 Mna mlavyantambiko mkulu engila chiya ichumba cha mazwela ichedu nkanana imwenga chila mhilimo naho bila kuleka kulavya lavyo kwachausa chakwe yeye mwenye, na kwa masa ya wantu wadamanye bila kumanya.
\v 8 Muye akukile aukula kugamba sila ya hantu hakukile kujinka hainati kugubulwa kwa viya idya ingubiko ya nkongo ichei ichimala.
\v 9 Chino ni chielelezo cha chipindi icho cha haluse, vyose jileko na lavyo ivyo vikulavigwa haluse havikudaha kuchintiza kunga kwa akuvika.
\v 10 Ni nkande na vikunwegwa ichedu viduganywe mwe namna ya talatibu za kuvika kwa kusentwa, vyose vino nandile ni mazwela ya mo mwili nandile vimalanywa kubula dize idilagizo hya dikunga dikigwe hantu hakwe.
\p
\v 11 Kulisito keza saviya mlavyantambiko mkulu wa mbuli ntana ambazo ziza kujinkila ukulu na utogi wa vulu kulu ambadyo hadidamanywe kwa mikono ya wantu, ambadyo siyo wa si ino yumbigwe.
\v 12 Nandile siyo kwa sakame ya mbuzi na ndama mna kwa sakame yakwe mwenye kugamba, Kulisito engile hantu hakukile kujinka nkanana imwenga kwa chila yumwenga na kuchitogeza uwambulwa wetu wa kale na kale.
\v 13 Hegu ni kwa sakame ya mbuzi ng'ombe dume na kunyunyiziwa kwa maivu ya ndama mwa awo hewekukile nawasentwa kwa Chohile na kudamanya imili yawo yedi,
\v 14 togola siyo kujinka sakame ya Kulisito uyo kujinkila muye wa kale na kale nakelavya mwenye hehena lema kwa Chohile, kasunta ukunga kwetu kulawa kwa ntendwa zifile kumsankanila Chohile akwikala?
\p
\v 15 Kwachausa icho Kulisito ni Zumbe wa lagano hya ino ni kwachausa che file iwaleka hulu wose weli wa lagano dya nkongo kulawa mwe masa yawo, chani kugamba wose wetangwe ni Chohile wadahe kuhokela lagano dya ulisi wawo wa kale na kale.
\v 16 Hegu kuna lagano dikwikala vyaungwa kwelavyanya kwa file ya mntu yudya adidamanye.
\v 17 Ivyo lagano dyatenda na nguvu hantu hakulaila file kwa viya hamna nguvu chipindi mta kudidamanya atenda ekala.
\v 18 Ivyo hata siyo diya idilagano dya nkongo nandile dikigwa hadina sakame.
\v 19 Chipindi Musa nandile kalavya chila lagano dya lagizo kwa wantu wose kaguha sakame ya ng'ombe na mbuzi hamwenga na mazi na chitambala chinkundu na kahuto na kuwanyunyiza gombo dyenye na wantu wose.
\v 20 Niyo agamba ino ni sakame ya lagano ambadyo Chohile kawenka lagizo kwenyu.
\v 21 Mwe hali idya idya inyunyizwe isakame mlanga mwe digubiko ne viya vyose vitumiwe mwe indima yo ulavyantambiko.
\v 22 Kuligana na lagizo hajihi chila chintiu chasuntwa kwa sakame. Ukaleka kwitila sakame hakuna ulekelwa.
\p
\v 23 Ivyo vyandile vyaungwa kugamba nakala za vintu vya kwembingu vyaungwa visuntwe kwa dino idilavyo dya wanyama. Hata ivyo, vintu vya kwembingu vyenye vyaungwa kusuntwa kwa lavyo dyedi kujinkaq.
\v 24 Mna Kulisito hengile hantu hakukise hadamanywe ni mikono, iyo ili nakala ya chintu halisi. Ukajika nakengila kwe mbingu yenye, hantu aho haluse ekulongozi ko uso wa Chohile kwachausa chetu.
\v 25 Hengile kudya kwa chausa cha kwelavya, lavyo kwa chausa chakwe nkanana kwa nkanana saviya akudamanya mlavyantambiko mkulu uyo engile hantu hakukile mno mhilimo kwa mhilimo hamwenga na sakame ya mtuhu.
\v 26 Ivyo nandile ni chindedi ivyo nandile aungwa kwakwe kusulumizwa nkanana zilozize kukongela nkongo ye isi. Mna haluse ni nkanana imwenga hadi uhelo wa mihilimo iyo egubule kusa masa kwa lavyo dykwe mwenye.
\v 27 Saviya vili chila mntu akubanika nkanana imwenga ukajika iyo yeza kanto,
\v 28 Ivyo nivyo Kulisito naye uyo alavigwe nkanana imwenga kusa masa ya walozize, nalaile nkanana ya kaidi, siyo kwa kunga kusa masa, mna kwa ukombola wa wadya wakumgoja kwa kwina.
\c 10
\cl Sula 10
\p
\v 1 Kwaviya lagizo ni mpeho ya mbuli ikweza siyo yadya yamanyike. Lagizo du hadikudaha kuwachintiza wadya ambawo wakumsogeila Chohile, kwa sila ya lavyo iziya iziya walavyantambiko wajendeleza kulavya mhilimo kubula mhilimo.
\v 2 Hegu vituhu malavyo ayo hayadahile kuleka kulavigwa? Kwe namna iyo wakutongela wakatenda wasuntwa nkanana imwenga nandile hawena umanyi utendese mwa masa.
\v 3 Mna mwa malavyo ayo kuna ukumbuso wa masa yadamanywe mhilimo kubula mhilimo.
\v 4 Kwa viya haikudahika sakame ya majeku na mbuzi kusa masa.
\p
\v 5 Chipindi Kulisito eze eze mwe isi, kagamba, Hamungile malavyo ya lavyo, mkaleka, nammalanya imili kwachausa changu.
\q
\v 6 Nahemtunyigwe mwa malavyo yose ya koka hegu malavyo kwachausa cha masa.
\q
\v 7 Naho nasigamba kaula hano nadamanya umbuya wako, Chohile, saviya nidolonye kunulanga miye mwe chitabu.
\p
\v 8 Kagamba saviya ilongigwe aho halanga, hamungile lavyo, malavyo, hegu lavyo dya kokigwa kwachausa cha masa, naho huone chinyemi mndani mwakwe, malavvyo ayo yakulavigwa kuligana na lagizo.
\v 9 Niyo agamba kaula ni hano, kudamanya umbuya wako kaika hankanda umwalo wa nkongo chani kutogeza idya ya kaidi.
\v 10 Mo mwalo wa kaidi, chisentwa kale kwa Chohile kwa umbuya wakwe kujinkila kwelavya ko mwili wa Yesu Kulisito nkanana imweenga kwa vipindi vyose.
\p
\v 11 Ni chindedi chila mlavyantambiko achimala kwa ndima zuwa kubula zuwa akalavya lavyo idiya idiya ambayo kwa vyovyose hegu hadidahile kusa masa.
\v 12 Mna akajika Kulisito kulavya lavyo nkanana imwenga kwa masa ya kale na kale, nakekala ko mkono wa kulume wa Chohile,
\v 13 kagoja kubula wankondo wakwe waikwe hasi na kudamanywa chegamo che viga vywakwe.
\v 14 Kwaviya kwa sila ya lavyo dimwenga kawachintiza kale na kale wadya wasentigwe kwa Chohile.
\v 15 Naho Muye YUkukile naye kaukula kwetu, kwaviya nkongo kagamba,
\q
\v 16 Dino ni lagano hunga nidamanye hamwenga nawo mwe idizuwa idyoalonga Zumbe nanike lagizo dyangu mndani mwe mihenyo yawo naho nanizidolonye mwe izifanyanyi zawo.
\p
\v 17 Niyo agamba, hawakumbuke naho masa na ntendwa zawo zibanike.
\p
\v 18 Haluse hante nandile na ulekeilwa kwa wano, hahana naho malavyo yoyose kwachausa cha masa.
\p
\v 19 Ivyo walukolo china ugoli wa kwingila hantu hakukise kwa sakame ya Yesu.
\v 20 Iyo ni sila iyo kaifungula kwachausa chetu kwa sila ya mwili wakwe mhaya ujima ukujinkila kwe dipaziya.
\v 21 Mwe ivyo china mlavyantambiko mkulu kulanga mwe nyumba ya Chohile.
\v 22 Nachimsogeila kwa muye wa chindedi mwe uchinta wa chindedi wa utondowazi chikatenda na myuye inyunyizwe vitana kulawa mwa yehiye mkunga na kulawa mwe mili yetu isuntigwe kwa mazi yedi.
\v 23 Ivyo nachitoze kwa uchindedi mwe kweila kwa ukankalu wa mwalo wetu, ukaleka kuhituka, kwa viya Chohile alagane niuchindedi.
\v 24 Chijendeleza kufanyanya namna ya kujeseza umuye chila yumwenga kunga na ntendwa zedi.
\v 25 Naho chisekuleka kudugana hamwenga saviya wakudamanya awatuhu. Kaleka kujelana muye chila yumwenga kujinka na kujinka, saviya mukwona zuwa dyasogela.
\p
\v 26 Uneva chadamanya kasidi kujendeleza kudamanya masa ukaleka kugamba chihokela umanyi wa chindedi, malavyo matuhu ya masa haikusigala naho.
\v 27 Ukaleka kuna kawilo dichedu dya kukantilwa dya kutisa, na ukali wa moto uwo ukunga uwabalange wankondo wa Chohile.
\v 28 Yoyose uyo akulemela lagizo dya Musa kubanika ukaleka utondowazi kulongozi ko ukuzi wa wantu waidi hegu watatu.
\v 29 Ni chihimo chani cha kanto ukufanyanya chikuwagila chila yumwenga ambeile mwana ywa Chohile, yoyose edamanyize sakameya ndagano saviya chintu hechikukile, sakame iyo nakaika kwa Cohile yoyose uyo amligite Muye wa wedi?
\v 30 Kwa viya chammanya yumwenga uyo kagamba chiasi changu nanilihize. Nao, Zumbe nawakantile wantu wakwe.
\v 31 Ni mbuli ya kogoha mntu kugwela mwe mikono ya Chohileb akwikala.
\p
\v 32 Mna kumbuka zuwa dijinkile baada ya kujelwa kwenyu ung'azi ni kwa zeze mdaha kumjijimiza ulumi mkali.
\v 33 Nandile mwikigwa pwilili mo kubelwa ko kuligitwa na masulumizo, naho namwendile mlungana hamwenga na wadya wajinkile masulumizo saviya ayo.
\v 34 Kwaviya nandile mna muye wa mbazi kwa wadya wendile watalizwa, na mhokela kwa chinyemi nkanto ya ulisi wenyu, mkamanya kugamba nyuwe wenye namwendile walisi wedi wa kwikala kale na kale.
\v 35 Ivyo msekudula ukankalu wenyu, wili na jimbiko kulu.
\v 36 Kwaviya waunga ujijimizi chani kugamba mdahe kuhokela icho Chohile alagane akajika kubinda kudamanya umbuya wakwe.
\v 37 Kwaviya ukajika chipindi chidodo yumwenga akwiza eza chindedi naho haswelwe.
\q
\v 38 Mta kuwagilwa wangu nekale kwa utondowazi. Hegu nauye kunyumba sinivane naye.
\p
\v 39 Mna suwe siyo sa wadya wakuya kunyumba kwa kubalangwa. Ukajika suwe ni wasiku wa wadya weli na utondowazi wa kudima myuye yetu.
\c 11
\cl Sula 11
\p
\v 1 Haluse utondowazi ni wachindedi ananawo uyo mntu umo akakawila chintu chisiku kwa ukankalu chindedi cha chintu icho hekinati chiwoneke.
\v 2 Kwachausa chino wababa zetu welavyanya mo utondowazi wawo.
\v 3 Kwa utandawazi chimanya kugamba isi yumbigwa kwa sigilizi ya Chohile, chani kugamba chiya chikuwoneka hachidamanywe kulawana na vintu ivyo nendile vikawoneka.
\p
\v 4 Naitende kwachausa cha utondowazi kugamba Habili nakamlaviza Chohile lavyo dyedi sivyo ivyo adamanye Kaini naitenda kwa viya ino kugamba katogolwa kugamba ni mwenye kuwagilaChohile kamtogola kwaviya lavyo aletile kwachausa chakwe habili achei kulonga hata hegu kabanika.
\p
\v 5 Nani kwa utondowazi kugambo Enoko nakaguhigwa kulanga naho haone file hawamuwone kwaviya Chohile nakamguha, kwaviya ilongwa mwakwe kugamba nakamzumila Chohile henati kwinulwa kulanga.
\v 6 Ivyo hehana utondowazi haikudahika kumuwagila Chohile atende ni mwenye utondowazi kugamba Chohile emeso naho awenka jeleko wadya wakumlonda.
\p
\v 7 Nendile ni kwa utondowazi kugamba Nuhu eze atende kufundwa ni Chohile vikungwa ne izimbuli ziya hezinati kuwanwa ntogozi zaChichohile nakadamanya safina kwa ulokozi wo ukanti ulangazi niyo atenda mlisi wa kuwagilwa iyo ikwiza kujinkila utondowazi.
\p
\v 8 Naitende kwa utondowazi kugamba Abulahamu eze etangwe niyo azumila na kwita hantu ambaho nakaungwa kuhokela saviya mlisi nakafosa bila kumanya hantu hani ongigwe aite.
\v 9 Natende ni kwa utondowazi kugamba nakekala mweisi ya lagano oge mjeni nakekala mwe vulu hamwenga na Isaka na Yakobo walisi weyawe we dilagano idyo idyo.
\v 10 Ino ni kwaviya nakakawila kupata mzi udya ukuwazagule, na mzesi wakwe atendile ni Chohile.
\v 11 Itenda ni kwa utondowazi kugamba, Ibulahimu na Sla wawo wenye, nawahokela udahi wa kujelwa nda nawo nawtenda wantu wajima vitendese kwaviya nawamuona chohile kugamba ni mchindedi naye nakawenka lagano mwana wa chilume.
\v 12 Naivyo naho kulawa kwa mntu yuno yumwenga naho endile ehajihi kubanika niyo welekwa wana hewekuwazika nawatenda waloza oge ntondo mbeyu za mwe sanga umo mkatenda mwe bahali.
\p
\v 13 Wano wose nawbanika umo mo utondowazi hehena kuhokela lagano mna watenda waziwona na kuziwona kwa hale watogola kugamba naniwajeni na wakujinka kulawa kwe isi.
\v 14 Kwa wadya wakugamba mbuli saviya zino wazika kwa kusinya kugamba walonda si yawo wowo.
\v 15 Chindedi hegu watendile na fanyanyi isi iyo nawalawa, nawendile na luhenyo lwa kuya.
\v 16 Mna oge viya wakumeila mateisi iyo yedi nayo ya kolanga. Ivyo Chohile hakuwona soni kwitangwa Chohile ywawo kwaviya kamalanya mzi kwachausa chawo.
\p
\v 17 Naitende kwa utondowazi kugamba Ibulahimu eze ajezwe, kamlavya Isaka nuyo uyo endile ahokele kwa kwelelwa idilagani na kumlavya naho nuyodu,
\v 18 uyo kulanga kwakwe kulonga kulawa kwa Iaska cheleko chakwe nachitangwe.
\v 19 Ibulahimu nakamanya kugambaChohile nuyo mweny udahi wa kumuyusa Isaka kulawa mo kubanika na kulonga kwa ulosi wa kudolonya kamhokela.
\p
\v 20 Naitende kwa utondowazi kugamba Isaka kamvikila Yakobo na Esau vikungwa ni mbuli zi kwiza.
\p
\v 21 Naitende ni kwa utondowazi kugamba, Yakobo umo endile emokubanika kamjimbika chila yumwenga wa wana wa Yusufu. Yakobo niyo amvikla akegamila mwe inkome yakwe.
\v 22 Naitende kwa utondowazi kugambaYusufu mwe dizuwa dyakwe dyo uhelo dikonga kuchinta, nakalonga mwe kulawa wana wa Izulaeli Misili na kawaunga kuguha hamwenga nawo mavuha yakwe.
\p
\v 23 Nitende ni kwa utondowazi kugamba Musa umo elekwe nakafiswa kwa mazuwa mlongo na chenda na welesi wakwe, kwaviya nawawona kugamba ni mwana mteke endile ni mtana naho hawogohe isigiluizi ya maseuta.
\v 24 Naitende ni kwa utondowazi kugamba Musa umo ne mntu mjima nakalemela kwitangwa mwana wa chigoli cha Falao.
\v 25 Baada yakwe nakasagula kwingila masulumizo hamwenga na wantu wa Chohile badala ya kwelekwa wavu wa masa chipindi chijihi.
\v 26 Nakafanyanya soni ya kumtongela Kulisito kutenda ni ugoli mkulu kujinka mpamba za Misili kwaviya nakang'ola meso yakwe mwe jeleko chipindi chakwe chikwiza.
\v 27 Naitende kwa utondowazi kugamba Musa nakalawa Misili hogohe maya ya seuta kwa viya nahajijimiza kwa kusinya kwa hewekuoneka.
\v 28 Nanitende kwa utondowazi kugamba naketoza kuyuswa na kunyunyiza sakame chani kugamba mbanasi wa mwelekwa wankongo asekujeza kuwadokola welekwa wankongo wa chilume wa Waizulaeli.
\p
\v 29 Nitende ni kwa utondowazi kugamba nawajinka mwe bahali ya Shsmu saviya umo mwe isi inyaile umo Wamisili wajezaga kujinka niyo wamelwa.
\p
\v 30 Naitenda ni kwa utondowazi kugamba chiwambaza cha Yeliko chigwa hasi na umo wazunguluke kwa mazuwa mfungate.
\p
\v 31 Naitende ni kwa utondowazi kugamba Rahabu yudya mchilangahabalangwe hamwenga na wadya wakumwiva kwa viya nakatenda kawahokela wakupelemba na kuwaika mpeho.
\p
\v 32 Ngambe mbwani kujinka? Kwaviya chipindi hachikuchinta kutamwila ya Gideoni Barak, Samsoni, Yeftha, Daudi, Samweli na zawaoni.
\v 33 Uwo kujinkila utondowazi wahiga iziseuta wadamanya uwagila na kuzihokela ndagano wachinda milomo ya simba,
\v 34 Wakoma ngu za moto wakwe mbulo za bamba wahonywa kulawa mo unyonje, nawendile wakankalu mwe nkondo, naho niyo wahosa wankondo wajeni waguluka.
\v 35 Wavyele wahokela wabanike wawo kwa sila ya ugubulo. Wamwenga wasulumizwa hewezumile kulekwa mpeho na umo kugamba wadahe kupata kuzwelawa ugubulo watuhu nawasulumizwa bila kunga kulekeilwa hekwine nkama chani kugamba wadahe kupata kuzwela ugubulo utendile mtana kujinka.
\v 36 Watuhu wasulumizwa kwa kubelwa na kutoigwa, heye, hata kwa kutalizwa na kwakujela kwe jela.
\v 37 Wahondwa mayuwe wakatwa matili kwa misumeno wakomwa kwa mabamba, waita kwa mkota, ya ngo'to na mikota ya mbuzi endile wakaunga wakajenda mo kulumwa na wakadamanya vihiye.
\v 38 Ayo isi hayakuligana kwikala nayo wakapaya paya na mwa mabome ya mo msanga
\p
\v 39 Mna wantu wose wano wazumilwa ni Chohile kwachausa cho utondowazi wawo hawadihokele idilagano.
\v 40 Chohile nakalongola kujinka chintu chedi chani kugamba bila suwe nahewedahile kuchintizwa.
\c 12
\cl Sula 12
\p
\v 1 Ivyo kwaviya chizungulukwa ni wingu kulu dya ukuzi na chidule chila chintu chikuchizamila hamwenga na masa, ayo yakuchizunguluka kwa vihufu chitowe nguluko kwa kugoja umo mo kuhigana kwikigwe kulongozi kwetu.
\v 2 Ching'ole meso yet kwa Yesu uyo akongile na nuyo abindilize utondowazi wetu nuyo kwaviya kwelelwa kwikigwe kulongozi kwakwe na kawagilwa msalaba na kubelwa na soni yakwe niyo ekala hasi mo mkono wa kulume we chiti cha ukulu cha Chohile.
\p
\v 3 Mna muwazaguleni uyo awagilwe mbuli ya kwihiya kulawa kwa wata masa zidi yakwe, mwenye chani kugamba mnase kusokela, hegu kufa chevu imyuye yenyu.
\v 4 Hamtumbwadise hegu kusulumizwa mkahigana na masa chiasi kusilwa ni sakame.
\v 5 Naho mjala kudya kujelwa muye kuwalongoza saviya wana wa chilume mwanangu usekuyaguhila vihufu kwilwa ni Chohile naho usekufa chevu unevya wevanywa nuyo.
\q
\v 6 Kwaviya Zumbe amwivanya yoyose yudya akumunga na kumtoa chila mwana yudya akumhokela
\p
\v 7 Jijimiza kujezwa saviya kwivanywa, Chohile adamanya na nyuwe oge viya akudamanya na wanawe mna ni mwana yuhi uyo tati yakwe hakudaha kumfunda.
\v 8 Mna hegu hakuna kufundwa uko suwe chose chadamanya, mna nyuwe mwi wana wa kuse naho siyo wanawe.
\v 9 Ongezeko dya yose nachina tati zetu, chi isi wa kuchifunda naho chiwatunya. Togola, haikuchunga kujinka kumzumila taye ywa chimuye na kwikala?
\v 10 Kwa chindedi tati zetu, nawakachikantila kwa mihilimo majeche oge ivyo vikusinyika saviya kwa wowo mna Chohile hachinkantile kwa chongezekelo chetu chani chilungane no ukuka wakwe.
\v 11 Hahana kanto ikubwedeza kwa chipindi icho. Vyatenda na kusulumila. Mna naho, aho akajika dyeleka tunda ya utondowazi wa ukuka kwa wadya wahinyigwe nuwo.
\p
\v 12 Ivyo inulani mikono yenyu iyo ilegele na kudamanya mavindi yenyu yasokele kutenda yenye nguvu naho,
\v 13 Lagisani umo mkujinka nyayo zenyu, chani kugamba yoyose aholomale halongozwe kukwaza mna adahe kuhonywa.
\v 14 Londani kwikala mpeho na wantu wose, no ukuka uwo bila uwo hahana akunga amuwone Zumbe.
\v 15 Mtende wakusinyisa chani kugamba, asekutendekana akusentwa hale no wedi wa Chohile na kugamba disekwiza sina dya usungu na disuke na kuwaletela kukuntana kuwahitula walozize.
\v 16 Kaulisani kugamba hakuna wavu hegu mntu hekukile saviya Esau, uyo kwachausa cha mdyo umwenga kataka uwagila wakwe wa kwelekwa.
\v 17 Kwaviya mmanya kugamba aho halongozi eze aunge kulisi ujimbiko kalemeilwa kwa viya henkigwe luhenyo wa kuleka ubanasi hamwenga na ise, naho aho nakalonda vitendese kwa mesozi.
\p
\v 18 Kwaviya hamwizile mo lugulu uwo ukudaha kudontwa lugulu lukwaka moto, chiza, kufila chevu na kusingiswa.
\v 19 Hamwizile kwa lugong'ondo lwa talumbeta hegu kwa ulosi ukulawana naizwi ambadyo diwatenda chila wakwiva wasekulombeza mbuli yoyose ikulongwa kwawo.
\v 20 Kwaviya wadunduga kujijimiza chiya chilamulwe mna hegu hata mnyama akunga adonte ulugulu, aungwa atoigwe kwa mayuwe.
\v 21 Yakogofya vitendese ni yadya awone Musa niyo agamba sogoha vidala chiasi cha kuzingiza.
\v 22 Mna nyuwe mwiza kolugulu lwa Sayuni naho mo mzi wa Chohile mta ujimaYelusalemu ya kwembingu, naho kwa wandima wa kwembingu magana mlongo wakudamanya chinyemi.
\v 23 Mwiza mwe didugano dya welekwa wankongo wose wadolonywe kwe mbingu kwa Chohile mkanti wawose na kwa muye wa wakukile wadya wachintizwe.
\v 24 Mwiza kwa Yesu mwivanyi wa lagano hya na kwa sakame ikung'untwe idya ikulonga vyedi vitendese vikujinka sakame ya Habili.
\p
\v 25 Kaula kugamba unasekutenda ukamlemela yumwenga yudya akulonga, kwaviya hawamwenegile weze wamlemele yumwenga yudya awafundile mo ulangazi kwa chindedi hachenege hegu nachihituke hale kulawa kwa yudya akuchifunda kulawa ko ulangaza.
\v 26 Mwe chipind icho izwi disingisa isi. Mna haluse kulonga havinati nkanana ntuhu naho saniusingise naho ulanga uwodu ulangazi nawo.
\v 27 Mbuli zino nkana imwenga yalagizwa kusigwa kwa vintu viya vikusingwa vino n vintu viya ambavyo vyumbwa chani kugamba viya ivintu hwvisingiswe visigale.
\v 28 Kwa ivyo chihokela Uzumbe udya hewisingiswe chimhongeze na kumvikila Chohile kwa kuzumila hamwenga kwa ntunyo na nkama.
\v 29 Kwa viya Chohile ywetu ni moto ukudya.
\c 13
\cl Sula 13
\p
\v 1 Ivyo ungi wa walukolo naujendeleze.
\v 2 Msekujala kuwahokela wajeni mna kwakutenda vino, wamwenga wawhokela wandima wa kwembingu bila kumanya.
\v 3 Kwakumbuseni wose weyumo mwe digeleza, saviya kugamba namtenda nawo wose kudya hamwenga nawo, na saviya mili yenyu naitendelwa saviya awo.
\p
\v 4 Ivyo nyika naitunywe ni wantu wose naho lusazi lwe nyinka lutendwe kutenda wedi mwa viya Chohile na awakantile wachilanga na wagonyi.
\v 5 Ivyo sila zenyu zokwikala zitendwe zilekeilwa mwe ungi wa hela, mtende wakuchintiza na vintu mnanavyo, mwaviya Chohile mwenye nakalonga saniwase nyuwe ng'o naho saniwadule nyuwe.
\p
\v 6 Ivyo chintizani chani chilonge kwa ukankalu, Zumbe ni mwambizi wangu sanogohe mntu adaha kutenda mbwani?
\p
\v 7 Wafanyanyeni wadya wawlongoze wadya walongile kulongozi kwa Chohile ywangu naho mwekumbuse malailo ya zinyendo zawo tongelani uzumizi wawo.
\v 8 Yesu Kulisito ni yudya gulo, dyelo na kale na kale.
\v 9 Unase ukalongozwa ni mahinyo yesimile ya chijeni kwani nivyo kugamba, muye uzengwe kwa wedi na siyo kwa sigilizi ikulanga nkande ayo hayawambize wadya wakwikla kwa ayo.
\p
\v 10 China chilinge ambacho wadya wakudamanya ndima mndani mwe nyumba ye divikilo wawana udahi wa kudya.
\v 11 Kwaviya sakame za wanyama, zilavigwe lavyo kwachausa cha masa yalavigwe kwa mlavyamtambiko mkulu ndani mwa hantu hakukise mna imili yawo nayokwa kuse kwe nkambi.
\v 12 Kwa viya Yesu naye nakasulumila kuse ko lwivi wo mzi chani kugamba kuwakukiza wantu kwa Chohile kujinkila sakame yakwe.
\p
\v 13 Na kwaivyo chiteni kwakwe kuse kwenkambi chikazinula soni zakwe.
\v 14 Kwaviya hachina wikazi wa mazuwa yose mo mzi uno, badala yakwe chizungule mzi ambawo weza.
\p
\v 15 Kujinkila Yesu mwaungwa nkana kwa nkana kwelavya lavyo dya kutumtunya Chohile kumtongela kugamba tunda dya milomo yetu dilonge zina dyakwe.
\p
\v 16 Naho usekujala kutenda yedi na kwambizana nyuwe kwa nyuwe, kwaviya ni kwa lavyo saviya idyo nivyo Chohile akwelelwa vidala.
\p
\v 17 Weveni na kweseleza kwa vilongozi wenyu kwaviya wajendeleza kuwadima kwa chausa cha myuye yenyu naho siyo kwa mbazi iyo haiwambize.
\p
\v 18 Chilombezezeni kwaviya china uchindedi kugamba china zamila yedi chaunga kwikala wikazi wa ntunyo mwe izimbuli zose.
\v 19 Naho nyose nawajela muye kujinka mtende vino, chani kugamba nidahe kuya kwenyu ahano haguhi.
\p
\v 20 Haluse Chohile ywa uzumizi ambaye nakatenda naho kulawa kwa wabanike mdimimkulu ywa ngoto Zumbe dyetu Yesu mwe sakame ya lagano dya kale na kale.
\v 21 Nawenke udahi wa chila mbuli yedi kutenda mbuli zakwe, akadamanya ndima mndani mwetu iyedi ya kumwelela mwa meso yakwe kujinkila Yesu Kulisito kwakwe utende ukuka wa kale na kale. Taile
\p
\v 22 Haluse nakujela moyo mlukolo, kuguhilana na mbuli ya kujela moyo ambayo kwa ujihi nasiidolonya kwenyu.
\p
\v 23 Umanye kugamba mlukolo ywetu Timoseo kaheza kulekeilwa ambaye hamwenga naye naniwawone uneva neze hano haguhi.
\p
\v 24 Nilamsiza vilongozi wako wose na wazumizi wose. Wadya wakulaila Italia wakulamsa.
\p
\v 25 N wedi utende na nyuwe nyose.