ziw_reg/57-TIT.usfm

\id TIT
\ide UTF-8
\h Tito
\toc1 Tito
\toc2 Tito
\toc3 tit
\mt Tito
\c 1
\cl Sula 1
\p
\v 1 Paolo msigilwa ywa Chohile na mndima ywa Yesu Kulisito. Mwo utondowazi wo ujima uwo Chohile na fanyanyi za chindedi zikuleta usagulo.
\v 2 Weyaho mo msuhi wo ujima wa kale na kale uwo wa Chohile hekudaha kulonga lulimi alagane nkongo kale na kale.
\v 3 Mwe chipindi mwivano nakagubula ulosi wakwe mwe mbuli aninkile miye kulonga nainunga kudamanya vino mwe isigilizi ya Chohile mombola ywetu.
\v 4 Mwa Tito mwana ywa chindedi mwo utondowazi wetu wedi, mbazi na utondowazi kulawa mwa Chohile mkombola ywetu.
\v 5 Kweivyo nasikwasa Krete kugamba udamanye izimbuli zose nazendile hezinati kuchinta nakwika wadalahale wa vikilo mwe chila mzi saviya ivyo husigile.
\v 6 Wadalaha we divikilo vyaungwa wasekutenda na laho mgosi ywa mvyele yumwenga, anawana wachindedi hewena ukuzi wihiye naho wetegeleze.
\v 7 Vyaungwa mwe chilongozi saviya akuchimaila mwe nyumba ya Chohile asekutenda na laho, asekutenda mntu wa ulwasu naho hekwekoma vyaunga asekutenda mguhi wa maya asekutenda mkozi, asekutenda msongaganyi wa nkumbizi naho asekutenda na tama.
\v 8 Akajika atenda na chisekwesekwe akunga wedi vyaungwa atende mntu mwenye ubala uchintile, akuwagilwa, akumvikila Chohile, akwemanya yeye mwenye.
\v 9 Akudaha kuchimaila mahinyo ya chindedi yahinyigwe chani adahe kuwajela muye mwe mahinyo yedi naho adahe kuwagolola wose wakumhiga.
\p
\v 10 Mwe viya kuna ubanasi ulozize vitendese wadya wakuvinila ulosi wawo ni wa uhezi wadanta na kuwalongoza wantu mwe kuwaza.
\v 11 Naho vyaungwa kuwachinda wantu saviya awo wakuhinya ydya heyekungwa mwe ulongozi wa soni na kubalanga nkolo zose.
\v 12 Yumwenga ywawo, mntu anaumanyi nakagamba Wakrete wana udanti hewena uhelo wehiye na wanyama wakutisa, wabwa na wakudyadya.
\v 13 Uno ulosi ni wachindedi ivyo uwachinde mo udahi chani kugamba wadahe kulonga mwe chindedi mo utondowazi.
\v 14 Weye usekweingiza mo lugano helwina chindedi cha chiyahudi hegu naho sigilizi za wantu awo wavuza kunyuma ichindedi.
\v 15 Mwe wose watendile watana vintu vyose ni vitana mna mwa wose watendile wavu, nahewekuzumila hahana chitendile chitana mwe viya ufanyanyi wawo na ungi wawo ubalangwa.
\v 16 Wazumila kummanya Chohile mna mwe izintendwa zawo wamlemela, wowo ni wavu naho hawakuzumila hawaonekane mwe ntendwa zozose zedi.
\c 2
\cl Sula  2
\p
\v 1 Mna weye walonga yadya yakuligana na sigilizi za chindedi.
\v 2 Wadalahaha watende na chiasi, ntunyo, fanyanyi, utondowazi wedi mwe ungi, na mwe ujijimizi.
\v 3 Iviya iviya wavyele wadalahale vywaungwa kale na kale welavize wowo wenye saviya wenye kwetunya naho wasekutesa, vyaungwa wasekutenda wasigilwa wa mpombe.
\v 4 Waungwa wahinye yeli matana chani kuwamalanya vigoli mwe ntunyo kuwaunga wagosi wawo na wana wawo.
\v 5 Waungwa kuhinya kutenda na ntunyo, watana, wakulela watana wa nyumba zawo na wakuzumila wagosi wawo wenye, waungwa kufanyanya mbuli zino chani kugamba ulosi wedi wa Chohile usekuhulutwa.
\v 6 Mwe inamna iyo iyo wajeleni muye wambwanga watende na ntunyo.
\v 7 Mwa sila zose mwemalanye wenye kutenda mligano wa ndima yedi naho mkahinya lagisa umanyi na ntunyo.
\v 8 Longani ulosi wenye umanyi naho hewine lema chani kugamba yoyose akutowa ajelwe soni kwaviya hana lema dihiye dya kulonga mlanga mwetu.
\v 9 Wasigilwa nawawzumile Mazumbe wawo mwe chila chintu, waungwa kuwelela naho siyo kuhigana nawo.
\v 10 Hawakugwa kubawa, mna waungwa welagise utondowazi wose mtana chani kugamba mwe sila zose wayalembe mahinyo yetu kumlanga Chohile mwambula ywetu.
\p
\v 11 Mwe viya wedi wa Chohile uonekana mwa wantu wose.
\v 12 Yachihinya kulemela mbuli hezikuwagila za chichohile na tama ze isi, yachihinya kwikala mwe utunyi, mwe kuwagila, na mwe sila za chichohile mwe ichipindi chino.
\v 13 Ichipindi chagoja kuhokela msuhi wetu wenye jimbiko, usinyo wa ukuka wa Chohile ywetu mkulu na mgombezi ywetu Yesu Kulisito.
\v 14 Yesu nakelavyanya mwenye kwachausa chetu chani kuchambula kulawa mwe wavu na kuchitenda watana kwachausa chakwe, wantu wakuwagila wenye nkwina ya kudamanya ndima yetu.
\p
\v 15 Yesu na kuvikiliza mbuli zino kwamila kwa udahi wose usekunga mntu yoyose akubele.
\c 3
\cl Sula 3
\p
\v 1 Uwakumbuse kunyanyahala ivilongozi na udahi, kuwazumila na uchinta wa chila ndima yedi.
\v 2 Uwakumbuse wasekumdamanyiza mntu yoyose vihiye. Waleke mahigano wawenke nafasi wantu watuhu mwekudamanya ungi na kulagisa kunyanyahala mwa wantu wose.
\p
\v 3 Mwe viya suwe naswi nachina ufanyanyi wihiye na kuhiga, nandile chaga nachidamanywa wasigilwa mwe ungi ulozize na ubwedo, nachikala mwe finju na wavu, nachihiza na kwihiwana.
\v 4 Mna chipindi cha mbazi za Chohile mlokozi ywetu na ungi wakwe mwe wantu umo uwoneka,
\v 5 Haitendile mwe ntendwa zetu za kuwagila chidamanye, mna nakachigombela mwe mbazi zakwe, nakachigombela mwe kuchisunta mo kwelekwa uhya na mwekudamanywa uhya mwe Muye Uukukile.
\v 6 Chohile naketila Muye Ukukile mwe ulozize mnanga mwetu, kujinkila Yesu Kulisito mlokozi ywetu.
\v 7 Nakadamanya vino chani kugamaba, chikatenda chawazizwa wagilo wa mbazi zakwe mo kuhangana mwe chindedi cha kwikala kale na kale
\p
\v 8 Uno ni ulosi wa chindedi, nawaunga myalonge mwe ukankalu mbulin zino chani kugamba wadya wakumzumila Chohile watende na ungi mlanga mwe ndima yedi, iyo nakaika kulongozi kwawo, mbuli zino ni ntana na ulozo mwe vikulanga wantu wose.
\v 9 Mna wenege na mahinyo ya chihezi saviya mahigano na nkumbizi kulanga sigilizi mbuli zino hazinz mana hata ulozo.
\v 10 Mlemeleni yoyose akuleta usongaganyi mgati mwenyu, akajika hokufundwa yumwenga hegu waidi.
\v 11 Mnyani kugamba mntu we inamna iyo kaileka sila ideleke naho adamanya masa kwekantila mwenye.
\p
\v 12 Umo nanimsigile kwako Artemi hegu nahoTikiko utende upesi wize kwangu kuno, Nikopoli ambaho sunga kwikala chipindi cha mpeho.
\v 13 Utende upesi naho umsigile Zena mbala mwe sigilizi na Apolo, hahana kuhungukilwa ni chintu.
\v 14 Wantu wetu waungwa wahine kulonda mwe ndima ntana izo zikunga mbuli zawo chani kugamba wanese kwiza wakatenda hawakweleka matundu.
\p
\v 15 Wose wehamwenga na miye wakulamsa. Walamse wadya wakunga mo utondowazi wedi utende na nyuwe naywi nyose.