ziw_reg/56-2TI.usfm

\id 2TI
\ide UTF-8
\h 2 Timoseo
\toc1 2 Timoseo
\toc2 2 Timoseo
\toc3 2ti
\mt 2 Timoseo
\c 1
\cl Sula 1
\p
\v 1 Paolo msigilwa ywa Yesu Kulisito mbuya ywa Chohile viligane na lagano dyo ujima wimndani mwa Kulisito Yesu.
\v 2 Mwa Timoseo mwana hunga wedi, mbazi na utondowazi kulawana na Chohile Tate na Kulisito Yesu Zumbe ywetu.
\p
\v 3 Namtogola Chohile uyo hudamanyanyiza mwe ungi wedi saviya watendile watate zetu hawafanyanye mazuwa yose mwe malombezo yangu chilo na
\v 4 Msi naunga kuwaona chani kugamba ni memwe kwelelwa, nayafanyanya mesozi yako.
\v 5 Sitenda hakumbuswa kuulanga utondowazi wako wa chindedi, uwo aho nkongo nakekala mwa weyako Loisi na mami yako Yunisi naho ninachindedi kugamba utondowazi uwo wekala mndani mwako naho.
\p
\v 6 Ino niyo ikuleka nakukumbusa kuchimpula ya Chohile iyumo mndani mwako mwe sila ya kwikiwa imikono yangu.
\v 7 Mwa viya Chohile achinkile muye wa woga, mna mwe nguvu na ungi na kunyanyahala.
\p
\v 8 Mwe ivyo usekuwona soni ukuzi kulanga Zumbe ywetu, hegu wangu miye Paolo mtalizwa ywakwe, mna mlugano masulumizo kwa chausa mbuli yedi iligane no udahi wa Chohile.
\v 9 Ni Chohile achambule na kuchitanga mwe witano wo ukuka, wakutenda vino kuligana na ndima zetu mna kuligana na wedi na mwalo wakwe mwenye nakachipatila mbuli zino mwa Kulisito Yesu henati kukonga.
\v 10 Mna haluse wambulwa wa Chohile wajika kugubulwa mwa kwiza mwambulwa ywetu Kulisito Yesu, Ni Kulisito aidumize file na kuchiletela ujima hewine udumo mwo ulangazi wa mbuli zedi.
\v 11 Mwe ivyo nasisagulwa kutenda mlosi, msingilwa na mhinyi.
\v 12 Mwe vino nasulumila mna sikuwona soni kwaviya simmanya uyo nizumile ninachindedi kugamba uyo adaha kuchidima chiya nisigaze mwakwe kubula zuwa diya.
\p
\v 13 Ukumbuke mliganyo wa ulosi wa uzumizi uwo uwivile kulawa mwangu, hamwenga na uzumizi na ungi wi mndani mwa Kulisito Yesu.
\v 14 Zidime mbuli ntana akwinkile Chohile kujinkila Muye Ukukile akwikala mndani mwetu.
\p
\v 15 Kumanya kugamba wose wakwikala mwe Asiya nawanasa mwe bunga dino weyumo Figelo na Hemogene.
\v 16 Zumbe ailekeile inyumba ya Onesiforo mwa viya nkanana zilozize nakanisangalaza naho hanionele soni iminyololo yangu.
\v 17 Akajika umo nae Roma nakanilonda mwe kukazana no ukunipata.
\v 18 Chohile amjimbike mbazi kulawa mwe zuwa diya saviya ivyoambizwe umo nendile Efeso weye kumanya vyedi.
\c 2
\cl Sula 2
\p
\v 1 Mwe ivyo weye mwanangu ujelwe udahi mwe wedi wimndani mwa Kulisito Yesu.
\v 2 Na mbuli uzivile mgati mwangu mwa waukuzi walozize uwenke mwa wantu wachindedi awo nawadahe kuwahinya walozize nawo.
\p
\v 3 Lungana na masulumizo hamwenga na miye saviya mnkondo ywedi ywa Kulisito Yesu.
\v 4 Hahana mnkondo akusankanila ichipindi icho icho akehanganya na mbuli za mazwela za kwikala kuno chani kugamba amtogole afisa wakwe mkulu.
\v 5 Naho hegu mntu akahigana saviya akuguluka henkigwe chilemba hanahigane mwe kutongela mazwela.
\v 6 Vyaungwa kugamba akuhima akuhikiliza atende ywa nkongo kuhokela ulozo wa mazao ya kwe.
\v 7 Fanyanyi kulanga hulonga mwe imana Zumbe kachinka umanyi mwe mbuli zose.
\v 8 Mfanyanye Yesu Kulisito kulawa mo lweleko lwa Daudi uyo nakauyuswa kulawa mwe wabanike ino ni kuligana no ulosi wangu wa mbuli yedi.
\v 9 Mweviya mweuwo nasulumizwa hata kutalizwa minyololo saviya mmbanasi mna ulosi wa Chohile haukufungwa na minyololo.
\v 10 Mweivyo najijimiza mbuli zose kwachausa cha wadya awo wachohile kajinka kuwasagula chani kugamba nawo naho waupate wambula wimwe Kulisito Yesu hamwenga na ukuka wa kale na kale.
\v 11 Ulongi uno ni wakuzumilika uneva chabanika hamwenga naye chekala naye naho.
\q
\v 12 Hegu chikajijimiza nachilongoze hamwenga naye naho hegu chinamlemela yeye naye uyo nachilemele suwe.
\q
\v 13 Hegu hachitende na uchindedi yeye nasigale kutenda mchindedi ivyo hakudaha kwelemela mwenye.
\p
\v 14 Jendeleza kuwakumbusa kulanga mbuli zino wafunde kulongozi kwa Chohile waleke kuhigana kulanga ulosi mwe viya hahana chongezekelo mwe mbuli ino mwe viya ino hana ubanasi mwe wadya wakwetegeleza.
\p
\v 15 Damanyani uhikilizi kwelagisa kugamba kuzumilika mwa Chohile saviya mdamanya ndima hena mbuli ya kulahwa udamanyize ulosi wa chindedi mwe uchindedi
\p
\v 16 Kwnege na ntamulizi ze isi, ayo yalongoza mwe vitendese na vitendese mwe wavu.
\v 17 Ntamulizi zawo nazizagala saviya nkwenje lukolo mgati mwawo ni Himenayo na Fileto.
\v 18 Wano ni wantu waswesize uchindedi walonga yakugamba ugubulo wajika ulaila wahitula utondowazi mwe wantu.
\v 19 Hata hegu chigamo chitogile cha Chohile chachimala wenye kudolonya uno, Zumbe kawamanya watendile wakwe na chila akuditaja zina dya Zumbe vyaungwa mwenege na wavu.
\p
\v 20 Mwe nyumba ya chigoli siyo kugamba viyumo vyombo vya zahabu na shaba du naho mna viya vya miti na ulongo mwe vituhu vya wino ni kwachausa cha madamanyo ya utunyo na watuhu wakwe ni kwe madamanyo heyena utunyo.
\v 21 Une mntu anelengusa mwenye kulawa mwe madamanyo heyena utunyo uyo ni chiya chenye kutunyika kasentwa kwa chausa Zumbe naho kamalanywa kwa ndima yedi.
\v 22 Zenege tama za ubwanga, ukatongela uwagila, utondowazi, ungi, kutondowala hamwenga na wadya wakumwitanga Zumbe mwe muye mtana
\p
\v 23 Mna ulemele uhezi na malaho ya chihezi viya kumanya ya kugamba yaleta nkumbizi.
\v 24 Mndima ywa Zumbe havikuwagila kutenda na nkumbizi mna ongigwa kahola mwe wantu wose hadahile kuchihinya na ujijimizi.
\v 25 Vyaunga uwahinye mwe kuhola wadya wakumhiga mna Chohile adaha kuwenkani kulekeilwa mwe umanyi wa chindedi.
\v 26 Wadaha kwinkigwa umanyi naho na kwenega mitego ya mwavu umo wakatenda watekwa ni yeye kwachausa cha ungi wakwe.
\c 3
\cl Sula 3
\p
\v 1 Mna umanye dino mwe mazuwa ya udumo nakutende na chipindi chidala.
\v 2 Mwe ivyo wantu nawatende wakweunga wenye wakungisa hela wakwetunya wakwefenya wakubela hewekuzumila welesi wawo hewena ntogozi naho wavu.
\v 3 Hewena ungi wa jadi hewekunga kwikala mwe utondowazi mwe yoyose, wasongagany, i wakuzigana hewekudaha kwechinda, wenye nguvu, hewekunga yedi.
\v 4 Nawatende walemanyi, wakwehiga, wakweunga wenye, naho wenye tama kuleka kumunga Chohile.
\v 5 Kwa kuse nawatende na uso wa wakumvikila Chohile mna waulemela udahi wakwe, kwenegeni na wantu awo.
\v 6 Mwa wantu awo ni wagosi wakwingila mwe nkolo za wantu na kuwahembeleza wavyele wahezi, wano ni wavyele wamemile masa naho wakulongozwa ni tama zilozize.
\v 7 Wavyele wano wehinya mazuwa yose mna hata hawakudaha kubwila umanyi wa chiya ichindedi.
\v 8 Saviya endile Yane na Yambre nawachimala wahigana na Musa mwe sila ino, wahinyi wano wo udanti wachimala kuhigana na chindedi ni wantu wabalangwe mwe fanyanyi zawo hewekuzumila kulanga utondowazi.
\v 9 Mna hawjendese hale mwe viya uhezi wawo nawelagise pwilili mwa wantu wose saviya na wili wadya wantu.
\p
\v 10 Mna weye kuyatimila mahinyo yangu lujendo lwangu na viya hunga utondowazi wangu ujijimizi wangu ungi wangu na ukugoja kwangu.
\v 11 Masulumizo, ulumi nayanipatile kudya Antiokiya, Ikonio na Listra, nasijijiza masulumizo Zumbe anigombele mwe yose ayo.
\v 12 Wose wakunga kwikala mwe wikazi wakumvikila Chohile mwa Kulisito Yesu na asulumizwe.
\v 13 Wantu wavu na wadanti nawatendese kutenda wavu vilozize nawawdante walozize wowo wenye wadantwa.
\v 14 Mna weye wikalise mwe mbuli uhinyile no kuzizumila mwe uchindedi mwe viya kumanya kuhina mwa yuhi.
\v 15 Kubunkula kugamba umo mo udodo wako nakuyamanya mawandiko yakukile yano yadaha kukwinka umanyi kwachausa cho ukombolwa mwe sila ya utondowazi mwa Kulisito Yesu.
\v 16 Chila wandiko dijelwa muye wa Chohile dyawagila mwe mahinyo yenye ulozo mwe kuhembeleza mwa kugolola masa na mwe kuhinya mwe uwagila.
\v 17 Ino ni kugamba mntu ywa Chohile atende kachinta akatenda kenkigwa umanyi wose kwachausa cha kudamanya chila ndima yedi.
\c 4
\cl Sula 4
\p
\v 1 Nakwinka sigilizi ino yenye izamile kulongozi kwa Chohile na Kulisito Yesu nawakantile ujima na wabanike na mweviya kwelagisa mwakwe no usuntwa wakwe.
\v 2 Longa ulosi wemalanye kwe chipindi chikuwagila na hechikuwagila uwagambile wantu masa yawo kwa chila tigizo mwe kujijimiza kose na mahinyo.
\v 3 Kwaviya chipindi nachize icho wantu hawaguhilane na mahinyo ya chindedi akajika nawelondele wahinyi wa kuwahinya ukuligana neizitama zawo mwe sila ino magutwi yawo nayatende yadegeswe.
\v 4 Nawaleke kwetegeleza mahinyo ya chindedi na kuhitukila lugano.
\v 5 Mna weye utende mchindedi mwe mbuli zose jijimiza madala damanya ndima yako yedi.
\p
\v 6 Kwaviya miye sajika kujidwa ichipindi cho ukuhalawa kwangu chibula.
\v 7 Siligana mwe uwagila lujendo silubinda utondowazi siudima.
\v 8 Chilemba cha uwagila chikigwa kwachausa changu uyo Zumbe akukantila mwe uwagila keukuila naho siyo mwangu du mna hata wose wakugoja mwe nkwina ukuoneka kwakwe.
\v 9 Hikiliza kwiza mwangu upesi
\v 10 Kwaviya Dema kanasa, anatendele zeisi ya haluse naho kaita Thesalonike Kreseni nakaita Galatiya na Tito nakaita Dmatiya.
\v 11 Luka du nuyo eyuko hamwenga na miye umguhe Marko wize naye kwaviya yeye ni mchindedi mwangu mwe ndima.
\v 12 Simsigila Tikiko Efeso.
\v 13 Diya idijoho aho nasidyasa Troa mwa Krpo umo ukeza dilete hamwenga na viya ivitabu mna hasa viya vyomkota.
\p
\v 14 Alekizanda akudamanya vyuma kanidamanyiza ubanasi ulozize Zumbe namlihe ukuligana na ntendwa zakwe.
\v 15 Weye nawe kwenege naye uyo kahigana vidala na ulosi wetu.
\p
\v 16 Mwe ukugombela kwangu mwa nkongo hahana mntu yoyose achimale hamwenga na miye mna chila yumwenga nakanasa Chohile asekuwawaziza masa.
\v 17 Mna Zumbe nakachimala hamwenga na miye akanijela udahi chani kugamba kujinkila mwangu, ulosi ulongwe mwe kuchinta ne izisi zidahe kwiva nasigombelwa mwe mnamo wa simba.
\v 18 Zumbe nanenegeze na ntendwa zose za ubanasi na kunigombela kwachausa cho useuta wakwe waulonga, ukuka utende mwakwe kale na kale. Taile
\p
\v 19 Mumlamse Prisika Akila na inyumba ya Onesiforo.
\v 20 Elasito kasigala uko Koliso, mna Trifimo nasimwasa Mileto akatenda mnyonje.
\v 21 Damanyeni upesi wize hechinati chipindi cha mpeho Eubulo akulamsa akajikaPudelino Claudiya na walukolo wose.
\v 22 Chohile atende hamwenga na muye wako wedi utende na weye.