ziw_reg/55-1TI.usfm

\id 1TI
\ide UTF-8
\h 1 Timoseo
\toc1 1 Timoseo
\toc2 1 Timoseo
\toc3 1ti
\mt 1 Timoseo
\c 1
\cl Sula  1
\p
\v 1 Paulo msigilwa ywa Kulisito Yesu, kuligana na lagozo dya Chohile na mkombola ywetu Yesu Kulisito nuo mnkondo ywetu.
\v 2 Kwa Timoseo mwanangu na Chohile mo utondowazi wedi uhoile na utondowazi ukulaila kwa Chohile Tate na Kulisito Yesu Zumbe dyetu.
\p
\v 3 Saviya hugambile nahalawaga kwita Makedoniya, wikale Efeso chani kugamba udahe kuwajesa wantu watuhu wasekuhinywa mahinyo matuhu
\v 4 Naho wasekwetegeleza simo na vintu vikutongelana hevine udumo. Yano yakuleta mahigano kujinka ukaleka kuwambiza kujendeleza mwe mbuli ya Chohile ywa utondowazi.
\v 5 Mna umwalo we isigilizi ino ni umbuya ukulaila mwe myuye mtana, mwe imili yedi na mwe utondowazi wa chindedi.
\v 6 Kna namna ya wantu wasesa mwalo wayasa amahinyo yano na kuhitukila milosi ya chihovyo.
\v 7 Waungwa watende wahinyi wa lagizo, mna hawamanyize icho wakulonga na icho wakuhikiliza
\p
\v 8 Ivyo chamanya lagizo ni yedi kwa mntu najesese kwa yedi.
\v 9 Chimanya kugamba lagizo haiwandikwe kwa chausa cha wawagile ni kwachausa cha wakuhiga idilagizo nawahige wantu hewekukile wata na wavu na hewene Chohile na yehiye idamanya kwa chausa cha wagoni tate na mami zawo kwa chausa cha wakomi.
\v 10 Kwa chausa cha wachilanga kwa chausa cha wantu wakudyana, kwa chausa cha wakutaha wantu na kuwatenda watumwa, kwa chausa cha walulimi kwa chausa cha walonga lulimi, na yoyose akuhiga mahinyo ya chindedi.
\v 11 Mahinyo yano yalawana na ulosi wedi wa Chohile uwo ukuka wa Chohile uyo mta kujimbikwa chani kwa yano sizumilwa.
\p
\v 12 Namtogola Yesu Kulisito Zumbe dyetu kunijela nguvu kwa viya waniwaza miye kuwa ni mchindedi.
\v 13 Nandile ni mtumwa kusimanga mtesi na mntu wa vulugu mna nasipata yedi kwa viya sitenda kwa kutokuzumila.
\v 14 Mna ivyedi vya Chohile ywetu imema utana na umbuya wimuno mwa Kulisito Yesu.
\p
\v 15 Ulosi uno ni wachindedi na waungwa kwigalwa ni wose kugamba Kulisito Yesu keza mwe isi ukombolwa wa masa watendile vihiye.
\v 16 Mna kwa chausa chino miye sinkigwa wedi chani kugamba mndani mwangu miye nkongo mwa yose Kulisito Yesu elavize ujijimizi wose kadamanya ivyo saviya ntangulizo kwa wose wakunga wamzumile uyo kwa chausa cho ujima wa mazuwa yose hewine udumo.
\p
\v 17 Naho kwa Seuta hena udumo, hekubanika hekuwoneka Chohile ichedu utende ntunyo na ukulu mazuwa yose. Taile.
\v 18 Nasika lagizo dino kulongozi kwako Timoseo mwana ywangu, nadamanya vino kuligana na uwoni ulavigwe aho nkongo kulanga weye chani kugamba wingile mwe nkongo yedi
\v 19 Damanya ivyo chani kugamba utende na wedi na kunga kwedi wantu wasiku wayalemela yaano waubalanga uwedi.
\v 20 Saviya Himeneyo na Alekizanda wadya hwinkile mwavu chani awahinye wasekubela.
\c 2
\cl Sula  2
\p
\v 1 Kwaviya nkongo ya yose naunga kuvikilwa na kuvika na malombezi na kuhongela vidamanyike kwa chausa cha wantu wose,
\v 2 Kwa chausa cha Seuta na wose wadya weyaho mta udumo chani kugamba chidahe kwikala wikazi wa mwile na uhoile kwa kukuka wose wadya weyaho kwaulongozi chani kugamba chidahe kwikal wikazi wedi na mtana kwa ukuka wose na ntunyo.
\v 3 Dino ni dyedi na dina uzumizi kulongozi kwa Chohile mkombola ywetu
\v 4 Uyo chmwegamila kutenda wantu wose wakombolwe naho wadahe kumanya chindedi.
\v 5 Ivyo kuna Chohile yumwenga naho kuna mwivanyi yumwenga mwa Chohile na wantu wedya wa Kilisito Yesu,
\v 6 Kelavya mwenye saviya maliho kwa wose saviya ukuzi kwa chipindi chimwenga.
\v 7 Kwaviya uyo muye mwemye siwadamanya kutenda wasigilwa wa ulosi wedi wa Chohile na msigilwa nalonga chindedi sikulonga lulimi miye ni mhinyi ywa wantu we isi mwe utondowazi na chindedi.
\p
\v 8 Kwaviya naunga wana chilume chila hantu walombeze na kwinula mikono yedi heine nkuto na fanyanyi.
\v 9 Vino nivyo nahaunga wavyele wefunge magunya na kusigwa mwe ntunyo na kwechinda wasekudamanya na fili zishukigwe hegu zahabu hegu lulu suche ya yombe kulu
\v 10 Naho naunga wavale masuche yakuwawagila wavyele wakunga ntogozi kwa kujinkila ntendwa zedi.
\v 11 Mvyele ahine kutenda mnyanyahala kuwategeleza wose.
\v 12 Simsigile mvyele kuhiga hegu kudamanya mahigano kulanga mwana chilume mna ikalani mwe kunyanyahala.
\v 13 Kwaviya Adamu kaumbwa nkongo ukaheza Eva.
\v 14 Adamu hadantigwe mna umvyele kadantwa mwe uzavu.
\v 15 Hata ivyo naakombolwe kwa kujinkila kweleka wana hegu wajendeleza mwe utondowazi na ungi na mwe ukulu na umanyi wedi.
\c 3
\cl Sula 3
\p
\v 1 Ulongi uno ni wakuzumilwa hegu mntu abesa kutenda mchimaila abesa ndima yedi.
\v 2 Ivyo mchimaila aungwa asekutenda na mahuza. Aungwa atende mgosi wa mvyele yumwenga aungwa atende na chiyasi, na ntunyo na kupanga, mta chise aungwa atende na udahi wa kuhinya.
\v 3 Asekunywa mpombe asekutenda na vulugu, atende ahoile, mtondowazi. Asekutenda na tama ya hela
\v 4 Vyaungwa kuchimaila inyumba ywakwe mwenye na wanawe vyaungwa kumtunya kwa ntunyo yose.
\v 5 Ivyo uneva mntu hakudaha kuwachimaila wantu we nyumba yakwe mwenye na adizenge zeze idifyo dya Chohile?
\v 6 Asekutenda mzumizi mhya chani kugamba anase akefenya niyo agwa mwe inkanto saviya yudya mwavu.
\v 7 Aungwa atende na ntogozi zedi kwa wose we kuse chani anase kugwa we izisoni na mo mtego wo mwavu.
\p
\v 8 Mashemasi ivyiya ivyiya waungwa watende wawgila kupata kutunywa wasekutenda na kihituhitu, wasekunywa mpombe kujinkiliza hegu kutenda na tama.
\v 9 Wadahe kudima kwa kunga kwedi chiya ichindedi cho utondowazi ugubulwe.
\v 10 Watende naho wajinkizwe nkongo, nivyo wadahe kwambizwa kwa wadya hewekuzumilwa.
\v 11 Wavyele ivyo ivyo watende na ntunyo wasekutenda walulimi watende na chiyasi na kuzumilwa kwa mbuli zose.
\v 12 Mashemasi waungwa watende wagosi wa mvyele yumwenga wadahe kuchimaila vywedi wana wawe ne izinyumba zawo.
\v 13 Kwaviya wayda wakusankana vyedi kupata uchimaila wedi na ukankalu mkulu mwe utondowazi udya mwa Kulisito Yesu.
\p
\v 14 Nadolonya mbuli zino kwako, nakaula kwiza kwako ivino hajihi.
\v 15 Mna uneva nanichelewe nadolonya chani mpate kumanya ivyo mkujendeleza mwe inyumba ya Chohile, idyo idivikilo dya Chohile mta ujima, chigamo na wambizi wa chindedi.
\v 16 Naho haikuhigika kugamba chindedi cha Chohile uyo agubulwe, mkulu “awoneke mo mwili niyo wawoneka mwe muye akukile niyo awonwa mwe wandima wa kwembingu, alagiswa mgati mwe izisi, nyo azumilwa ne isi, naho niyo aguhigwa kulanga mwe ukuka.”
\c 4
\cl Sula 4
\p
\v 1 Haluse muye ukukile alonga pwili ukagamba mazuwa yakwiza wantu watuhu nawaleke utondowazi na kutenda na magutwi kwetegeleza myue ukudanta na mahinyo ya kijini yakunga yehiye
\v 2 Mwe lulimi na wihi myuye yawo naihitukile
\v 3 Nawalemezwe kusola na kuhokela nkante ziya Chohile kavyumba vidigwe kwa kutogola kwa wadya wakumzumila na wadya wachimanyize ichindedi.
\v 4 Naho chila chintu aumbile Chohile ni chedi hakuna chochose chikuhokela chedi hakikungwa kulemelwa.
\v 5 Kwa viya chasuntwa kujinkila ulosi wa Chohile kwa sila ya kulombeza.
\v 6 Hegu nauyaike yano kwa walukolo notende mndima wedi ywa Yesu Kulisito kwa viya kwikwa kwa mbuli za utondowazi na kwa kuhinywa vyedi nawe kuvitogola,
\v 7 Mna zilemelwa ngano ze isi ziya zikungwa ni wavyele wadalahale mna uhine weye mwenye kwa kukuka.
\v 8 Kutumbwanisa umwili ni kwedi hadodo mna kukuka ni kwedi kwezimbuli zo kutunya lagano dya dyelo na diya dikwiza.
\v 9 Ulosi uno watunywa na kuwagila vitendese.
\v 10 Naivyo ni kwachausa chino chatumbwanika na kudamanya ndima kwa kusinya vitendese kwa viya china ujima kwa Chohile emeso mkombola wantu wose wadya wakumzumila.
\v 11 Uyalonge naho uwahinye izimbuli izo
\p
\v 12 Mntu yoyose asekubela umbwanga wako chinyume chakwe adamanye chila lagizo kwa wose wachindedi mwe ulosi na mwe lujendo ungi na uchindedi na wedi.
\v 13 Umo hwizila ikala mo kuhina mwe kuogolana mwo kuhinya.
\v 14 Usekubela ibahasha imndani mwako iyo winkigwe kujinkila uwoni kwa kwikiwa mikono ni wadalahala.
\v 15 Ukaulise mbuli zino uyadamanye ayo chani kukuka kwako wantu wose wakuwone sinyisa ulujendo lwako na uhinyi.
\p
\v 16 Ukaulise ne izimbuli izo na kudamanya ivyo nawehonye mwenye wadya wakukwetegeleza.
\c 5
\cl Sula 5
\p
\v 1 Usekumkwahila mgosi adalahale mna umjele nguvu saviya Tati yako. Uwajele nguvu wambwanga saviya ni walukolo wako.
\v 2 Uwajele nguvu wavyele wadalahala saviya wamai yako, na wavyele wandele saviya wadadizo mo utana wose.
\p
\v 3 Uwatunye wambwanga wadya wabanikilwe chindedi chindedi.
\v 4 Elo uneva uyo abanikilwe ana wana hegu wezukulu waleke nkongo wahinye walagise kutunya wantu we hakaya hawo wenye waleke wawalihe welesi wawo yedi kwaviya nvyedi kulongozi kwa Chohile
\v 5 Mna wabanikilwe chindedi chindedi ni wadya wasigwe ichedu naho wonga chegamizo chakwe ni kwa Chohile mazuwa yose hwikala mwe sala nalombeza amazuwa yose chilo na msi
\v 6 Naho ivyo mvyele yudya akwikala mwe wavu kabanika mna hata hegu ekala.
\v 7 Nho uzilonge zino izimbuli chani kugamba wasekudamanya na kulongwelwa vihiye.
\v 8 Mna uneva mntu hanawadimile walukolo wakwe kauhiga utondowazi naho viha vidala kujinka yudya akuzumila.
\p
\v 9 Haluse mvyele awandikwe mwe kuwazwa saviya abanikilwe anatenda na lika haukuhunguka milongo mtandatu naho ni mvyele wa mgosi yumwenga.
\v 10 Hampu atende kamanyika akudamanya vyedivikatenda kugamba kawatunya wana hegu kawtunya wajeni hegu kawasunta viga wadya watondowale hegu kamtunya yudya akusulumila hegu kwe mndima yoyose yedi.
\v 11 Mna kwa wadya wavyele wambwanga lemela kuwawandika mo ukuwawaza awo awavyele, kwaviya wanengila mwe izitama zo mwili kujinka Kulisito wonga kusolwa.
\v 12 Kweisila ino kwingila mwe masa kwa viya kubalanga kweusa mwe nkongo.
\v 13 Naho hwingile mwe mazwela yo ubwa, awo wazunguluka mwe nyumba kwa nyumba sio du wabwa mna naho niwasebenkanyi mna wengila mbuli ya watuhu wowo walonga mbuli zikuwalanga kuzilonga.
\v 14 Ivyo miye nalonga wavyele wandele wasolwe weleke wana wachimaile izinyumba zawo cha mwavu asekuwabalanga moyo yakugambiliza na kudamanya masa.
\v 15 Kwaviya wantu wasiku wamhitukila mwavu
\p
\v 16 Saviya mvyele yoyose atondowale anawabanikilwe elo nawambize chanii divikolo disekuzamilwa didahe kuwambiza wadya wabanikilwe chindedi chindedi.
\p
\v 17 Elo wadya wadalahala wa Zumbe nivyedi wawazwe kugamba wadaha kutunywa vitendese, mna wadya wakudamnya ndima ino kuhinya ulosi wa Chohile.
\v 18 Kwaviya mawandiko yagamba “Usekumgubla ng'ombe umnomo uneva akadya nkande naho Akudamanya “ndima ongogwaumwingila mbago wakwe.”
\p
\v 19 Usekuhokela masa yakumunga mntu adalahale mna uneva hana wantu waidi hegu naho watatu.
\v 20 Waogole wakubalanga kulongozi kwa wantu wose chani watuhu weyaho wadahe kugoha.
\p
\v 21 Nakusigila kwa chindedi kulongozi kwa Chohile na kulongozi kwa Kulisito na kwa Zumbe wasagulwe udime izisigilizi ni vyedi usekusenta yoyose naho kugamba usekutenda mbuli yoyose kwakusinya.
\p
\v 22 Usekumwikiya mntu yoyose mikono hampu usekutongela wavu wa wantu mtuhu, yakunga kweike vyedi mwenye utende vyedi.
\v 23 Haikugwa kunywa mazi ichedu ukaleka unwe mpombe chidogo kwa viya yaita na manyonje yakwe ya hano na hano.
\v 24 Masa ya wantu watuhu yamanyika kwa chindedindedi naho vyalonga mwa amasa unaizintuhu zatongela nyumani.
\v 25 Ivyo ivyo awatuhu ndima zedi zamanyika vyedi kwa chindedi mna izintuhu hazikumanyika.
\c 6
\cl Sula 6
\p
\v 1 Wadya wose we hasi heigole watenda wasigilwa wawaguhile Mazumbe watende asviya wana wakutunywiswa. Waungwa kudamanya ivyo chani zina dya Chohile na mahinyo yasekuhulutwa.
\p
\v 2 Wasigilwa wata Mazumbe wakuzumilwa wasekuwabela kwa viya nawo ni walukolo. Ukaleka ndima zawo ni wazumizi wakungwa hinya na kulonga mbuli zino.
\p
\v 3 Uneva mntu msiku ahinya na kwaza na kuhokela ulosi wetu wenye uzumizi udya wa Zumbe dyetu Yesu Kulisito, uneva hawakuzumila hinyo dikulongola mwe utumwa.
\v 4 Mntu uyo efenya na hamanyize chochose ukaleka anafujo na kuhigana kulanga izimbuli, mbuli izo yeleka chinyulu nkumbizi mahuluto, kuwaziza vihiye.
\v 5 Nafujo za mala kwa mala mgati mwa wantu wata fanyanyi zibanike. Waleka ichindedi wafanyanya kugamba kukuka ni sila ya kuwatenda wagoli.”
\p
\v 6 Haluse kukuka na kuchinta ni ugoli mkulu.
\v 7 Kwa viya hakwiza na chochose mwe isi naho hadahe kuguha chochose kulaila mwe isi.
\v 8 Ukaleka chichintize na kutenda na suche.
\v 9 Haluse awo wakunga kutenda na ugoli wagwa mwa majezo, mwe mtego, wagwa mwe uhezi ulozize na tama zihiye na mwe chintu chochose chikuwatenda wantu wadidimile mwe kubalangwa na mwe ubanasi.
\v 10 Ivyo kuga hela ni nkongelo ya namna zose za ubanasi wantu wadya wakubesa ivyo, wadulwa hale no utondowazi naho wewoka wenye kwa chihovu chilozize.
\p
\v 11 Mna weye mntu wa Chohile ziguluke izimbuli zawo timila uwagilwa ukuka, uchindedi, ungi, ujijimizi na kuhola.
\v 12 Towa nkondo yedi ya utondowazi, tozesa ujima wa kale witangilwe nautenda ni kwa chausa kugamba nakelanya ukuzi kulongozi kwa waukuzi walozize kwa chiya ichedi.
\p
\v 13 Nakwika lagizo dino kulongozi kwa Chohile kukulekeza vintu vyose ujima na kilongozi ywa Yesu Kulisito, alongile ayo chindedi kwa Pontio Pilato.
\v 14 Utoze lagizo kwa chindedi hehena lema, kubula kwiza kwa Zumbe dyetu Yesu Kulisito.
\v 15 Chohile nawoneke mo kwiza kwakwe mwe idizuwa diwagile Chohile, mjimbikwa, mta nguvu ichedu, Zumbe akuzunguluka, Zumbe akulongoza.
\v 16 Uyo ichedu ekala mazuwa yose na akwikala mwe ulanga hewikubwilwa. Hahana mntu akudaha kuwona hegu akudaha kumkaula kumsinya kwakwe ni kwa kutunywa na udahi wa mazuwa yose. Taile.
\p
\v 17 Wagambile wagoli mwe isi ino wasekwefenya na wasekwesinyiza mwe ugoli, udya hwewine chindedi. Ukaleka waungwa kuwamsinye Chohile. Uyo akuchinka ugoli wose wa chindedi chani chibwede.
\v 18 Wagambile wadamanye yedi, watende wagoli mwe ndima yedi, watende na kise na ugoli wa kulavya.
\v 19 Mwe isila iyo na waikiye ujima wedi kwa mbulli zikwiza chani kugamba wadahe kutoza wikazi wedi.
\p
\v 20 Timoseo amila chiya uhokele. Kwenege na ma na misigano ya uhezi yakwesiga yadya kwa walulimi yetangwa ubala.
\v 21 Wantu wasiku wayalonga mbuli zino ivyo wausizwa utondowazi. Mbazi zitende hamwenga na weye.