ziw_reg/50-EPH.usfm

\id EPH
\ide UTF-8
\h Waefeso
\toc1 Waefeso
\toc2 Waefeso
\toc3 eph
\mt Waefeso
\c 1
\cl Sula 1
\p
\v 1 Paolo msigilwa ywa Yesu Kulisito mwe ungi wa Chohile mwe upagulwa wachausa cha Chohile weyuko Efeso na awo ni wachindedi mwa Kulisito Yesu.
\v 2 Wedi utende mwenyu na utondowazi ukulawa mwa Chohile tate na Zumbe Yesu Kulisito.
\p
\v 3 Chohile na tate ywa Zumbe ywetu Yesu Kulisito atogolwe, nuyo achijimbike mwe chila jimbiko dya chimyuye mwe hantu houlanga mndani mwa Kulisito.
\v 4 Hewinati kuubwa isi Chohile nakachisagula suwe awo chikuzumila mwa Kulisito, nakachisagula suwe chani chidahe kutenda wakuka naho hewena lema kulongozi kwakwe.
\v 5 Mwe ungi wa Chohile nakachisagula nkongo mwe kuchiguha saviya wana wakwe mwe sila ya Yesu Kulisito, nakadamanya vino kwaviya nakaunga kudamanya chiya akunga.
\v 6 Ulailo wakwe nikugamba Chohile atogolwe mo wedi wo ukuka wakwe, chino nicho achinkile bule mwe sila ya munga wakwe.
\p
\v 7 Kwaviya mwe munga wakwe china ugombezi kujinkila sakame yakwe kulekeilwa mwe masa chinanadyo dino mwaviya mo ugoli wa wedi wakwe.
\v 8 Ndamanya wedi uno kutenda ulozize kwachausa chetu mwe ubala na umanyi.
\v 9 Chohile nakadamanya imanyike mwetu chani chindedi chifisike cho umzungu kwaviya naakaunga alagise mndani mwa Kulisito.
\v 10 Mazuwa ye chipindi yeze yabule mwe kuchinta mo mzungu wakwe, Chohile naike hamwenga chila chintu cho ulanga na chakulanga mwe isi mndani mwa Kulisito.
\v 11 Mwa Kulisito nendile chisagulwa na kungwa hekwinati chipindi, ino nednile ni kulawa na umzungiu wa kudamanya vintu vyose mwe kulanga mwe ungi wakwe.
\v 12 Chohile nakadamanya ivyo chani kugamba chidahe kwikala mwe ntogozi yo ukuka wakwe, nachiwankongo kutenda na ukankalu mndani mwa Kulisito.
\v 13 Nendile mwe sila ya Kulisito kugamba namwiva ulosi wa xchindedi mbuli yedi ya wambulwa wenyu mwe isila ya Kulisito, nendile mwa yeye naye kugamba mzumila na kulagiswa na muye ukukile uyo alagane.
\v 14 Muye ukukile nuyo ukombolo wo ulosi wetu kubula ukuhokela umo ukapatikana dino nendile ni ntogozi yo ukuka wakwe.
\p
\v 15 Mwe ivyo, elo vino kukongela amazuwa nize nive kulanga utondowazi wenyu mndani mwa Zumbe Yesu no kulanga ungi wenyu mwe wadya wose awo wasagulwe kwachausa chakwe.
\v 16 Silekile kumtogola Chohile kwachausa chenyu na kuwetanga mwe malombezo yangu.
\v 17 Nalombeza kugamba Chohile ywa Zumbe ywetu Yesu Kulisito, Tate ywa ukuka nawenkeni muye wa umanyi ugubulo lwa umanyi wakwe.
\v 18 Namlombeza kugam, ba meso yenyu yo myuye ijelwe ulangazi mwa nuywe kumanya ni uhi ukankalu wa witango wenyu, nalombeza kugamba mmanye ulozo wo ukuka mo kuhokela kwakwe mgati mwe wadya wasagulwe kwachausa chakwe.
\v 19 Nalombeza kugamba umanye ukulu ujinkile mo udahi wakwe mndani mwetu uwo chazumila, uno ukulu ni mwa viya nakadamanya ndima mwe udahi wakwe.
\v 20 Uno ni udahi udamanye ndima mndani mwa Kulisito mazuwa Chohile eze amuyuse kulawa mwa wabanike na kumwikaza mwe umkono wakwe wa kulume mwe hantu ho ulanga.
\v 21 Nakamwikaza Kulisito mlanga hale na useuta, ulongozi udahi ienzi na chila zina dikwitangwa, nakamwikaza Yesu siyo du mwe mazuwa yano du mna mwe mazuwa yakwiza nayo.
\v 22 Chohile avinyamaza vintu vyose hasi he iviga vya Kulisito kamtenda yeye mtwi mlanga mwe vintu vyose mwe mavikilo.
\v 23 Nivikilo kugamba nuywo mwili wakwe kuchinta kwakwe uyo kwamemeza vintu vyose mwe sila zose.
\c 2
\cl Sula 2
\p
\v 1 Saviya nendile kugamba mbanika mwe kubalanga na masa yenyu.
\v 2 Nendile mwe yano kugamba nkongo namwita kuligana na amazuwa ye isi ino, namwendile mkaita mwe kutongela mlongozi ywa udahi wa kulanga uno nuwo muye wakwe yudya akudamanya ndima mwe wana hewekumwiva.
\v 3 Suwe wose aho nkongo nendile chimgati mwa wano hewekuzumila, nednile chikadamanya mwe namna ye izitama zihiye ze imili na umanyi wetu. Nendile mwe ivyo nachiwana wa maya saviya watuhu
\p
\v 4 Mna Chohile ni mta wedi kwa chausa cho ungi wakwe mkulu uwo achungile suwe.
\v 5 Umo nedile chibanika mwe masa yetu nakachileta hamwenga mwe kwikala uhya mndani mwa Kulisito ni wambazi kugamba chambulwa
\v 6 Chohile kakachuyusa hamwenga na kuchitenda kwikala hamwenga mwe hantu ho ulanga mndani mwa Kulisito Yesu.
\v 7 Nakachitenda vino chani mwe mazuwa yakwiza kuchilagisa ugoli mkulu wa mbazi zakwe akachilagisa suwe dino mwe sila ya wedi wakwe mndani mwa Kulisito Yesu.
\p
\v 8 Mwe mbazi mgombelwa mwe sila ya utondowazi naho ino hailaile mwetu, ni jeleko dya Chohile.
\v 9 Haikulawana na ntendwa, ulailo wakwe wasekutenda yumwenga ywawo ywa kutunywa.
\v 10 Kwaviya suwe chi ndima ya Chohile, kachumba mwa Kulisito Yesu kudamanya ntendwa zedi ni ntendwa zino ambazo Chohile kazimalanya kukongela kale na za chikale kwachausa chetu chani chijende mwa uyo.
\p
\v 11 Mwe ivyo bunkulani kugamba aho kale nednile ni wantu wa si mwe namna ya mwili mwetangwa hemjeligwe ngasu mwa chiya chikwitangwa ngasu ya mwili ikudamanywa mwe imikono ya wantu.
\v 12 Mwe mazuwa ayo mwendile msentwa ni Kulisito, mwendile mwiwajeni mwe wantu wa Izulaeli mwendile mwe lagano dya ulosi alongaga, nahemwina Chohile mwe isi.
\v 13 Mna haluse mwa Kulisto Yesu nyuwe aho nkongo mwendile hale na Chohile mletwa haguhi na Chohile mwe sakame yakwe Kulisito.
\p
\v 14 Kwaviya yeye nuyo utondowazi wetu, nakadamanya waidi kutenda yumwenga, mo mwili wakwe nakaubalanga idipaziya dya ukupagulana uwo wendile uchibalanga uwo unkondo.
\v 15 Kugamba nakausa siligilizi ya mwiko na mazwela chani kugamba amumbe mntu yumwe mhya mndani mwakwe niyo adamanya utondowazi.
\v 16 Nakadamanya vino chani awevanye mabunga maidi ya wantu kutenda mwili umwenga wa Chohile kujikila umsalaba mwe sila yo usalaba nakausa unkondo.
\v 17 Yesu nakeza na kulonga utondowazi mwenyu nyuwe mwihale na utondowazi mwawo wadya we haguhi.
\v 18 Kwaviya mwa sila ya Yesu suwe chose waidi china hantu mwe udya Muye umwenga kwingila mwa Tate.
\p
\v 19 Ivyo elo, nyuwe wantu we izisi siyo wakutamba na wajeni naho mna wakaya hamwenga na wadya wasentigwe kwachausa cha Chohile na walukolo mwe inyumba ya Chohile.
\v 20 Mzengwa mnanga mwe chigamo cha wasigilwa na waoni Kulisito Yesu mwenye nednile yuwe kulu dya hankanda.
\v 21 Mwa yeye zengo dyose dilunganywa hamwenga na kukula saviya nyumba mndani mwa Zumbe.
\v 22 Ni mndani mwakwe nyuwe nanywi mzengwa hamwenga saviya hantu ha kwikala ha Chohile mwe Muye.
\c 3
\cl Sula 3
\p
\v 1 Mwe vino miye Paolo ni mfungwa ywa Yesu Kulisito kwachausa chenyu izisi.
\v 2 Nao nazumila kugamba mwiva kulanga mwe ndima ya wedi wa Chohile uwo aninkile mwe chausa chenyu
\v 3 Nawadolonyezani kwaviya ne imbuli yo ugubulo uwo ugubulwe mwangu, uno ni uchindedi ufisike uwo nasidolonya mwe haguhi mwe baluwa zilozize.
\v 4 Ukasoma kulanga zino naudahe kubunkula ubala wangu mwe chindedi chino chifisike kumlanga Kulisito.
\v 5 Mwe lweleko lulozize ichindedi chino hachidamanywe chibunkulike mwe wana wa wantu, mna mwe haluse ugubulwa pwilili mwe muye wa wasigilwa wapagulwe ni waoni.
\v 6 Ichindedi chino nachifisika kugamba wantu wa si ni wendala yetu wambuya wetu wa mwili ni wandala hamwenga ne dilagano dya Kulisito Yesu kujinkila ulosi wedi.
\v 7 Naho mwe dino sidamanyika msigilwa jeleko dyo wedi wa Chohile dilavigwe mwangu kujinkila udamanyo wa udahi wakwe
\p
\v 8 Chohile nakalavya jeleko dino mwangu, mna kugamba miye ni mntu mdodo wa wose mwe wadya wapagulwe kwachausa cha Chohile jeleko dino ni kugamba yanunga kuwagambila izisi mbuli yedi yenye ulozo heukupelembeka wa Kulisito.
\v 9 Vyanunga kuwalangaziza wantu wose kulanga ni bwani mwalo wa Chohile wa chinyele, uno ni mwalo uwo nendile ufiswa mwe mihilimo ilozize ijinkile na Chohile uyo nakavyumba vintu vyose.
\v 10 Ino nendile kugamba kujinkila vikilo vilongozi na udahi mwe hantu ho ulanga watende kumanya zilozize za mazwela ya umanyi wa Chohile.
\v 11 Yano yalaila kujinkila mwalo wa kale na kale uwo nakauchintiza mndani mwa Kulisito Yesu Zumbe ywetu.
\v 12 Kwaviya mwa Kulisito china ukankalu na udahi wa kwingila mwe ukankalu wo utondowazi wetu mwakwe.
\v 13 Mweivyo nawalombeza msekufa chevu mwa masulumizo yangu kwachausa chenyu ni ukuka wenyu
\p
\v 14 Mweivyo mafika madi kwa Chohile.
\v 15 Kwauyo chila nkolo mwe isi na mlanga mwe isi itangwa zina.
\v 16 Nalombeza kugamba adahe kuwatogezani kuligana na ugoli wa ukuka wakwe awatende mtoge mwe udahi kujinkila muye wakwe uwo ni mndani mwenyu.
\v 17 Nalombeza kugamba Kulisito ekale mndani mwe imyuye yenyu kujinkila utondowazi.
\v 18 Nalombeza kugamba mtende na sina dya wegamo wa ungi wakwe, mtende mwe ungi wakwe chani mdahe kumanya hamwenga na wose wazumile, viya wangalamu na utali na chimo na china cho ungi wa Kulisito.
\v 19 Nalombeza kugamba mmanye ukulu wo ungi wa Kulisito uwo wajinka umanyi, mdamanye yano chani mmeme na kuchinta wose wa Chohile.
\p
\v 20 Naho haluse mwakwe yeye akudaha kudamanya chila mbuli vitendese vya yose chikulombeza hegu naho chikuyafanyanya kujinkila udahi wakwe ukudamanya mndima mndani mwetu.
\v 21 Mwakwe yeye kutende ukuka mndani mwa mavikilo na mwa Kulisto Yesu mwe vyeleko vyose kale na kale. Taile
\c 4
\cl Sula  4
\p
\v 1 Ivyo saviya mfungwa ywa Zumbe, naweilani mjende vikuligana na witango uwo Chohile awetangeni.
\v 2 Mwikale mwe kunyanyahala kukulu na kuhola na kujijimiza mkaguhilana mwe ungi.
\v 3 Damanyeni mwe kuhikiliza kudima umwenga wa muye mwe chifungo cho utondowazi.
\v 4 Kuna mwili umwenga na muye umwenga ivyo naho mwendile mwitangwa mwe uchindedi wa msuhio umwenga wa witango wenyu.
\v 5 Naho kuna Zumbe yumwenga, utondowazi umwenga na ubatizo umwenga,
\v 6 naho Chohile yumwenga na Tate wa wose uyo eyuko kulanga mwe yose naho mwe yose na mndani mwa yose.
\p
\v 7 Mwa chila yumwenga ywetu kenkigwa luso kuligana ne ichihimo cho uluso lwa Kulisito.
\v 8 Ni saviya mawandiko yakugamba, eze akwele kulanga kulanga vitendese nakalongoza mateke mwe usigilwa niyo alavya luso mwe wantu.
\p
\v 9 Nibwani imanakwe nakakwela kulangamna ni kugamba nakasela naho naho ntendele za hasi ze isi.
\v 10 Yeye uyo nakasela ni mntu uyudya uyudya uyo naho nakakwela hale kulanga mo ulanga wose, nakadamanya vino chani uwiyaho wakwe utende mwe vintu vyose.
\v 11 Kulisito nakalavya luso enga vino wasigilwa, waoni, walonga mbuli zedi, wadimi na wahinyi
\v 12 Adamanya vino kuwatenda watahe kuzumila kwachausa che ndima yao kusankanila, kwachausa cho kuuzenga umwili wa Kulisito.
\v 13 Adamanya vino chani suwe chose chiumbwile umwenga wo utondowazi no ubala wa mwana Chohile nakadamanya vino chani chidahe kutoga saviya wadya wabwile chimo chichintile cha Kulisito.
\v 14 Ino ni chani kugamba chisekutenda naho enge wana chisekuyuganiswa kuno na kuno chani kugamba chisekuguhigwa na chila mbuli ya mpeho ya hinyo mwe mbuli za wantu wa ubala wa udanti wazaganyi.
\v 15 Akaheza nachilonge ichindedi mwe ungi na kukula vitendese mwe sila zose mndani mwakwe uyo nuyo mtwi Kulisito.
\v 16 Kulisito kalunganya hamwenga mwili wose wa wazumile walunganywa hamwenga na chila chilungo chani kugamba mwili wose ukule na kwezenga wenye mwe ungi.
\p
\v 17 Mwe ivyo nalonga dino nawahikiliza mwa Zumbe msekujenda naho enga wantu we isi ivyo wakujenda mwe wavu wa fanyanyi zawo.
\v 18 Wajelwa chiza mwe fanyanyi zawo wabalangwa kulawa mwe ijima wa Chohile mwe uhezi wi mndani wawo kwa udala mo muye wawo.
\v 19 Hawakweona soni weinkiza wenye mwe wavu mwe ntendwa zihiye mwe chila aina ya ubafu.
\p
\v 20 Mna vino siyo viya mhinyile kulanga Kulisito.
\v 21 Nafanyanya kugamba mwiva kulanga yeye, nafanyanya kugamba nendile mkahinywa mwe yeye saviya du ichindedi chili mndani mwa Yesu.
\v 22 Vyonga mvule mbuli zose zikuligana na lujendo lwenu lwa kale untu wa kale, untu wa kale ukuola mwe mbuli za tama za udanti.
\v 23 Vulani untu wenyu wa kale chani kugamba mdamanywe uhya mwe muye wa fanyanyi zenyu.
\v 24 Damanyani vino chani mdahe kuvala untu mhya ukuligana na Chohile uumbwe mwe uwagila na ukuka wa chindedi.
\p
\v 25 Ivyo, ikani hale udanti longani ichindedi chila yumwenga na ehaguhi hakwe kwaviya chitoga mwa chila yumwe mwa mnyawe.
\v 26 Mtende na maya mna msekudamanya masa zuwa disekuhunga mkatenda mwe maya yenyu.
\v 27 Msekumwinka mwavu luhenyo.
\v 28 Yoyose akubawa vyaungwa asekubawanaho, akaheza yakwe vyaungwa adamanye ndima adamanye ndima yeny utana mwe mikono yakwe chani kugamba adahe kumsankanila mntu akugwa kwambizwa.
\v 29 Ulosi wihiye usekulawa mwe milomo yenyu mna ulosi vyaungwa ufose mwe milomo yenyu ukuwagila mwe ungi kuwenka jeleko wadya wakwetegeleza.
\v 30 Naho msekuujela chinyulu muye ukukile wa Chohile ni mwa yeye kugamba mjelwa luvengo kwachausa cha zuwa dya ugombezi.
\v 31 Vyaungwa mwike hale usungu wose, wihi, maya, nkumbizi, na mahuluto hamwenga na chila namna ya wavu, tendani wedi nyuwe kwa nyuwe.
\v 32 Mtende na mbazi mlekeilane nyuwe kwa nyuwe saviya Chohile mwa Kulisito awalekeileni nyuwe.
\c 5
\cl Sula  5
\p
\v 1 Mwe ivyo mtende wantu wa kumtogola Chohile enga wana wakwe wakungwa.
\v 2 Mjende mwe ungi iviya iviya saviya Kulisito ivyo achungile suwe na kwelavya mwenye kwachausa chetu uyo endile lavyo na jeleko kutenda mhempe mtana na ukumwagila Chohile.
\v 3 Uchilanga hegu uzavu wowose na tama zihiye vyaungwa visekutajwa mgati mwenyu enga viya vikungwa mwe wazumile.
\v 4 Hegu maihizo yasekutajwa, milosi ya chihezi hegu usungu, yakujela soni ayo sayo yedi mna kutende ntogozi.
\v 5 Mwadaha kutenda na chindedi cha kugamba kuna uchilanga, wavu, naho na mta tama uyo avikila tukulu hana ulisi wowose mo useuta wa Kulisito na Chohile.
\v 6 Mntu yoyose asekukudanta mwe ulosi uwodu kwaviya mbuli zino na maya ya Chohile mlanga mwe wana hewekuzumila.
\p
\v 7 Ivyo usekuhangana nawo.
\v 8 Kwaviya nyuwe nkongo nandile mwi chiza, mna haluse mtenda ulangazi mwa Zumbe ivyo jendani saviya wna wo ulangazi.
\v 9 Kwaviya matunda ya ulangazi yelagisa utana wose uwagila na uchindedi.
\v 10 Londa chiya chikukwelela mwa Zumbe.
\v 11 Kusekutenda na uchangano mwe ndima ya ya chiza hezina matunda mna mzike pwilili.
\v 12 Kwaviya mbuli zikudamanywa ni wowo chinyele ni sono vidala hata ukuzilonga.
\v 13 Mbuli zose zinagubulwa ni ulangazi watenda pwilili.
\v 14 Kwaviya chila chintu chilavyanywe chatenda hang'aile ivyo nagamba vino, inuka weye ugonile naho inuka kulawa mwe wabanike na Kulisito nang'ale mnanga mwako.
\p
\v 15 Elo sinyisani ivyo mkujenda siyo saviya wantu hewena ubala mna saviya wabala.
\v 16 Jesani chipindi mwe mazuwa ya wavu.
\v 17 Msekutenda wahezi mna manyani ni bwani ungi wa Zumbe.
\p
\v 18 Msekukolwa mwe mpombe ya yongeza ubanasi mwe kubanikilwa mna mmemezwe ni muye ukukile.
\v 19 Longani na chila yumwenga ywenyu mwe zaburi na kutogola na kuchema mo muye chemeni na kutogola ko umuye wa Zumbe.
\v 20 Mazuwa yose lavyanyi ntogozi mwe mbuli zose mwe zina dya Yesu Kulisito Zumbe ywetu mwa Chohile tate.
\v 21 Kwelavyeni wenye chila yumwenga mwe mtuhu mwe kutunywa mwa Kulisito.
\p
\v 22 Wavyele kwelavyeni mwe wagosi wenyu enga kwa Zumbe.
\v 23 Kwaviya mgosi ni mtwi wa mvyele enga Kulisito ivyo eli mtwi wa vikilo ni mlokozi wa mwili.
\v 24 Mna saviya vikilo ivyodili hasi ha Kulisito ivyo ivyo wavyele wongigwa wadamanye ivyo mwe wagosi wawo mwe chila mbuli.
\p
\v 25 Wagosi waungeni wavyele wenyu saviya Kulisito adyungile idiviklo niyo elavya mwenye kwachausa chakwe.
\v 26 Nakadamanya ivyo chani ditende dikukile adilenguse mwe kudisunta na mazi mo ulosi.
\v 27 Nakadamanya vino chani kugamba adahe kweletela mwenye vikilo dikukile hehena ntwentwe hegu lema hegu chintu chikuligana na yano mna dikukile hedina ubanasi.
\v 28 Mwe sila idya idya wagosi wongigwa kuwaunga wavyele wawo enga imili yawo yudya akumunga mvyele ywakwe eunga mwenye.
\v 29 Hahali hata yumwenga akuwihiwa umwili wakwe mna aulisa na kuunga saviya Kulisito naye ivyo adyungile idivikilo.
\v 30 Kwaviya suwe chivitago vyo umwili wakwe.
\v 31 Kwachausa chino mgosi namneke tati yakwe na mami yakwe na alungane na mkaziwe nawo waidi nawatende mwili umwenga.
\p
\v 32 Uno nendile ufisika mna nalonga vikumlanga Kulisito na vikilo.
\v 33 Mna chila yumwenga ywenyu ongigwa amunge mkaziwe saviya yeye mwenye na mvyele aungigwa amtunye mgosiwe.
\c 6
\cl Sula  6
\p
\v 1 Wana weveni welesi wenyu mwa Zumbwe mwe inama ni uwagilo.
\v 2 Mtunyeni tati yenyu na mami yenyu kwaviya ino niyo isigilizi ya nkongo yenye lagano.
\p
\v 3 Chani mchumilwe naho mdahe kwikala wikalo wa kale na kale mlanga mwe isi.
\p
\v 4 Nyuwe naywi watate msekuwehiza wana na kuwahosa maya mnalo waleleni mwe fundo na sigilizi za Zumbe.
\p
\v 5 Nyuwe wasigilwa tendani wakuzumila mwe mazumbe yenyu wa hano heisi mwe nyunyo nkulu na kuzingiza mwe nkama ikulawa mwe imyuye yenyu, mtende wakuzumila mwao enga viya mkumzumila Kulisito.
\v 6 Uzumizi wenyu usekutenda du hadya ha mazumbe wenyu wakawsinya chani kuwelela, mna tendani wakuzumila enga wasigilwa wa Kulisito, damanyani ungi wa Chohile kulawa mwe myuye yenyu.
\v 7 Wasankanileni mwe myuye yenyu yose kwaviya mwamsankanila Zumbe siyo wantu.
\v 8 Mwaungwa kumanya kugamba mwe chila ntendwa yedi mntu akudamanya nahokele jeleko kulawa mwa Zumbe uneva ni msigilwa hegu mntu suyo msigilwa.
\p
\v 9 Nyuwe naywi mazumbe damanyani ivyo ivyo mwa wasigilwa wenyu, msekuwatisa mkamanya kugamba yeye atendile Zumbe ywa wose ni yudya ekulanga, mkamanya kugamba hahana kwekomba mndani mwakwe.
\p
\v 10 Elo tendani na udahi mwa Zumbe na mwe udahi wa nguvu zakwe.
\v 11 Valani viziha vyose vya Chohile chani kugamba mdahe kuchimala kuhigana na ubala wa mwavu.
\v 12 Kwaviya nkumbuzi yetu siyo ya sakame na nyama, mna ni mwe useuta na udahi wa muye naulongozi wo ulangazi na wavu na chza, vikulanga muye mwe hantu he ulanga.
\v 13 Ivyo valani viziha vyose vya Chohile chani mdahe kuchimala mtogile kujinka yo mwavu mwe ichipindi chino chiovu, akajika kubinda chila chintu namchimale mtogile.
\p
\v 14 Elo chimalani mtoge damanyani vinio akajika kutendanda mwetaliza sigi mwe chindedi na wagila mwe chifua.
\v 15 Damanyani vino mkatenda mvala kwemalanya mweviya vyenyu mwe kulonga mbuli zedi zo utondowazi.
\v 16 Mwe chila hale mkaguha nkinga ya utondowazi ayo nayakutenda udahe kuikoma imisale ya yudya mwavu.
\v 17 Valani nkofia ya wambulwa na bamba dya muye, uwo ni ulosi wa Chohile.
\v 18 Hamwenga na malombezo ya duwa lombezani mwa muye chila chipindi mwe kusinya tendani wakusinyisa chani chipindi mwe kujijimiza wose namlombeza kwachausa cha wazymile wose.
\v 19 Lombezani kwachausa changu chani ninkigwe ulosi umo hagubula mnomo wangu, lombezani kugamba nibukwila mo ukankalu chindedi chifisike kulanga ulosi wedi.
\v 20 Ni kwachausa cha ulosi miye ni mchimaila nitalizwe minyolo chani kugamba mndani mwawo nigambe mwe ukankalu icho hunga nilonge.
\p
\v 21 Mna nyuwe nanywi mmanye mbuli zangu na ivyo hujendeleza, Tikiko mlukolo ywangu mbuyangu na msigilwa mchindedi mwa Zumbe nawagambileni chila chintu.
\v 22 Simsigila kwenyu mwe kulanga dino dikungwa chani kugamba mmanye mbuli kulanga suwe kuwasangalaza myuye yenyu.
\p
\v 23 Utondowazi na utende mo lukolo na ungi hamwenga na utondowazi kulawa mwa Chohile Tate na Zumbe Yesu Kulisito.
\v 24 Wedi nautende hamwenga na wose wakumunga Zumbe Yesu Kulisito mwe ungi udya heukubanika.