ziw_reg/47-1CO.usfm

\id 1CO
\ide UTF-8
\h 1 Wakolinto
\toc1 1 Wakolinto
\toc2 1 Wakolinto
\toc3 1co
\mt 1 Wakolinto
\c 1
\cl Sula 1
\p
\v 1 Paolo etangwe ni Kulisito Yesu kutenda msigilwa mwe ungi wa Chohile na Sosithene mlukolo ywetu.
\v 2 Mwe vikilo dya Chohile diyuko Koliso mwe wadya awo walenguswe mwa Yesu Kulisito awo wetangwe kutenda wantu wakukile, chawdolonyeza naho wadya wose wakuditanga zina dya Zumbe ywetu Yesu Kulisito mwe hantu hose Zumbe ywawo na ywetu.
\p
\v 3 Wedi na utondowazi utende wenyu kulawa mwa Chohile Tati ywetu na Zumbe ywetu Yesu Kulisito.
\p
\v 4 Mazuwa yose namtogola Chohile ywangu kwachausa chenyu mo wedi wa Chohile uwo Kulisito Yesu nakawenka.
\v 5 Kawetenda kugamba wata ugoli mwe chila sila mwe kulonga hamwenga na ubala wose.
\v 6 Kawatenda wata ugoli saviya ukuzi kulanga Kulisito kugamba kawonekana uchindedi kugamba chindedi emgati mwenyu.
\v 7 Mwe ivyo hamkuhungukilwa luso za muye saviya mtendile na nkwina kugoja ugubulo wa Zumbe ywetu Yesu Kulisito.
\v 8 Nawatogezeni nyuwe nanywi kubula udumo chani msekutenda na lema mazuwa ya Zumbe ywetu Yesu Kulisito.
\v 9 Chohile ni mchindedi uyo awetangeni nyuwe mwe ndala ya mwana ywakwe Yesu Kulisito Zumbe ywetu.
\p
\v 10 Haluse nawaunga wakulu na walumbu zangu kujinkila zina dya Zumbe ywetu Yesu Kulisito kugamba wose mzumile na kugamba msekutenda na kupagula mgati mwenyu nawaunga kugamba mhanganyike hamwenga mwe ungi umwe na mbuli imwenga.
\v 11 Ivyo wantu wa nyumba ya Kloe wanigambila kugamba kuna kubagulana kujendeleza mgati mwenyu.
\v 12 Imana ni ino chila yumwenga ywenyu agamba miye ni wa Paolohegu naho miye niApolo hegu naho miye ni wa Kefa hegu naho miye ni waKuilsito.
\v 13 Vino Kulisito kabagulika? Haluse Paolo nakasulumizwa kwachausa chenyu? Vino nambatizwa mwe zina dya Paolo?
\v 14 Namtogola Chohile kugamba simbatize yoyose mna Krispo na Gayo.
\v 15 Ino nendile kugamba hahana yoyose akunga alonge nambatizwa kwa zina dyangu.
\v 16 Naho nasiwabatiza we nuymba ya Sitefania vitende aho simanyize hegu nasimbatiza mntu mtuhu yoyose.
\v 17 Kwaviya Kulisito hanisigile kubatiza mna kalonga ulosi wedi, hanisigile kulonga mwe ulosi wa umanyi wa chiuntu chani kugamba udahi wo msalaba wa Kulisito usekusigwa.
\p
\v 18 Kwaviya ulosi wo msalaba ni uhezi mwe wadya wakubanika mna mwe wadya awo wa Chohile wakugombelwa ni udahi wa Chohile.
\v 19 Kwaviya idolonywa nanibalange umanyi wa wenye ubala, ubala wa fanyanyi.
\p
\v 20 Ekuhi mntu mwenye umanyi? Ekuhi mwenye elimu? Ekuhi akulonga mhembeleza we isi ino? Vino Chohile hahitule umanyi we isi ino kutenda uhezi?
\v 21 Kukongela mwe isi itenda yenye umanyi wakwe haummanyize Chohile, kakavyunga Chohile wo uhezi wawo wakulonga chani wambulwe wadya wazumile
\v 22 Mwe Wayahudi wauza mpituko na Wayunani walonda umanyi.
\v 23 Mna chigambilwa Kulisito asulumizwe, atendile achinda mwe Wayahudi naho ni uhezi mwe Wayunani.
\v 24 Mna mwe wadya awo wetangwe ni Chohile, Wayahudi na Wayunani chamlonga Kulisito enga udahi na umanyi wa Chohile.
\v 25 Kwaviya uhezi wa Chohile una umanyi kujinka awantu no usokezi wa Chohile una udahi kujinka vya wantu.
\p
\v 26 Kaula witwngo wa Chohile mlanga mwenyu mkulu na lumbuzakwe kugamba walozize mwenyu nawelekwa mwe usenta.
\v 27 Mna Chohile nakasagula vintu vihezi vye isi chani kuvijela soni vikutenda na umanyi Chohile nakasgula chiya chisokele mwe isi kuchijela soni chiya chenye udahi.
\v 28 Chohile nakasagula chiya chili cha hali ya hasi na chiya chibeligwe mwe isi, nakasagula hata vintu viya heviwazigwe kugamba ni chintu, mwe vikutenda siyo chintu vitendile na ugoli.
\v 29 Nakadamanya vino chani asekutendekana yoyose mwe mbuli ya kweduvya kulongozi kwakwe.
\v 30 Mwe chiya Chohile adamanye haluse mndani mwa Kulisito Yesu uyo adamanyike umanyi kwachausa chetu kulawa mwa Chohile nendile uwagila wetu na ukuka na ugombezi.
\v 31 Saviya ulailo saviya wandiko ivyo dikulonga, akweduvya eduvye mwa Zumbe.
\c 2
\cl Sula 2
\p
\v 1 Umo nizile mwenyu wakulu na walumbu zangu, sizile mwe ulosi wa uhembelezo na ntunyo saviya nilongile chindedi chefisize kumlanga Chohile.
\v 2 Nasunga nisekumanya chochose umo nedndile mgati mwenyu mna Yesu Kulisito uyo asulumizwe.
\v 3 Naho nendile nananyuwe mwe usokezi na mwe kogoha mna mwe kujijimiza vidala.
\v 4 No ulosi wangu na kulonga kwangu hakutende mwe ulosi wa uhembelezo na ntunyo mna nedndile mwe kwelaviza muye no udahi.
\v 5 Chani kugamba utondowazi wenyu usekutenda mwe ntunyo ya wantu, mna mwe udahi wa Chohile.
\p
\v 6 Haluse chalonga ntunyo mgati mwe wantu wajima mna siyo ntunyo ye isi ino hegu ya ulongozi we ichipindi chino awo wakujinka.
\v 7 Mna akajika chalonga ntunyo ya Chohile mwe chindedi chifisike, ntunyo ifisike iyo Chohile nakaisagula hechinati ichindedi cho ukuka wetu.
\v 8 Hahana yoyose mwe ulongozi wa chipindi chino aimanyize ntunyo ino uneva waimanyize mwe ichipindi chiya, hegu hawemsulumize Zumbe wa ukuka.
\v 9 Mna hegu ivyo idolonywe mbuli ambazo hahana ziso diziona hahana gutwi divile, kuwazagula na kufanyanya, mbuli izo Chohile kasasanya kwachausa cha wadya wakunga uyo.
\p
\v 10 Zino ni mbuli izo Chohile kachigubuila suwe kujinkila muye mwe viya muye kupelemba chila chintu hata mbuli zi mndani mwa Chohile.
\v 11 Ni yuhi amanyize kuwazagula kwa mntu mna muye wa mntu mndani mwakwe? Ivyo naho hahana amanyize mbuli zi mndni mwa Chohile mna muye wa Chohile
\v 12 Mna hachihokele muye we isi mna muye uyo alawana na Chohile chani kugamba chidahe kumanya mwe kulekeilwa mbuli chinkigwe ni Chohile.
\v 13 Chalonga mbuli zino mwe ulosi uwo ntunyo ya mntu haikudaha kuhinya mna uwo umuye wachihinya, kutafasili ulosi wa chimuye mwe ntunyo ya chimuye.
\v 14 Mntu eli suyo ywa chimuye hakuhokela mbuli za muye wa Chohile kwaviya uwo ni uhezi mwakwe hakudaha kuyamanya kwaviya yamanywa chimuye.
\v 15 Mwa yudya wa Chohile hakukantilwa ni mbuli zose mna hakukantilwa ni watuhu.
\v 16 Ni yuhi akudaha kuyamanya akuwazagula Zumbe uyo adaha kumhinya uyo? Mna china kuwazagula mwa ulisito.
\c 3
\cl Sula 3
\p
\v 1 Miye nami wakulu na lumbu zangu silongile na nyuwe na nyuwe wantu chimuye mna saviya wantu wa chimwili wana wadodo mwa Kulisito.
\v 2 Nasiwanywesani mele siyo nyama mwe viya hamtendile mchinta.
\v 3 Mwaviya nyuwe hamnati mwichei wa mo mwili, kwaviya chinyulu na kweduvya vyawoneka mgati mwenyu vino hakukwikala kuligana na mwili naho vino hamkujenda saviya mazwela ya chiuntu?
\v 4 Mwa viya yumenga agamba namtongela Paolo, mtuhu agamba namtongela Apolo hamkwikala saviya wantu?
\p
\v 5 Apolo ni ani? Na Paolo ni ani? Wandima wa yudya mumzumile, kwa chila uyo Zumbe nakamwinka ndima
\v 6 Miye nasihanda Apolo niyo ajela mazi mna Chohile nuyo akukuza.
\v 7 Mwa ivyo siyo ahandile hegu akujela mazi anachochose mna ni Chohile nuyo akukuza.
\v 8 Haluse akuhanda na kujela mazi wose waligana naho chila yumwe naahokele maliho yakwe kuligana ne indima yakwe.
\v 9 Mwa ivyo suwe chiwadamanya ndima wa Chohile, nyuwe mwinkonde ya Chohile, zengo dya Chohile.
\p
\v 10 Mo wedi wa Chohile ninkigwe saviya mzesi mkulu nasiuzenga msingi mtuhu uzengwa mlanga mwakwe, mna mntu asinyise ivyo akuzenga mlanga mwakwe.
\v 11 Kwaviya hahana mntu akudaha kuzenga msingi mtuhu vitendese vya uwo uzengigweni Yesu Kulisito.
\v 12 Haluse hegu yumwenga ywenyu azenga mlanga mwakwe mwe mazabahu, hela, mayuwe ya yombe, miti, nyasi hegu mani,
\v 13 ndima yakwe naigubulwe mwe ulangazi wa msi naulagiswe mwe kulagiswa na moto, moto naubalange utana wa ndima ya chila yumwe icho adamanye.
\v 14 Uneva chochose mntu icho azengile nachisigale uyo nahokele vilozize.
\v 15 Mna uneva ndima ya mntu ikatikima mwe moto napate hasala, mna uyo mwenye nagombelwe saviya kwenega mwe moto.
\p
\v 16 Hammanyize nyuwe mwi nyumba ya kumvikila Chohile na kugamba muye wa Chohile wekala mndani mwenyu?
\v 17 Uneva mntu anaibalanga inyumba yo kumvikila Chohile Chohile nambalange mntu yudya mwe nyumba yo kumvikila Chohile na ukuka, naho ivyo na nyuwe.
\p
\v 18 Mntu asekwedanta mwenye hegu yoyose mgati mwenyu akwewona anaumanyi mwe mazuwa yano atende mhezi nivyo natende na umanyi.
\v 19 Kwaviya umanyi we isiino ni uhezi kulongozi kwa Zumbe kwaviya idolonywa awagizwa ni wata umanyi mwe ubala wawo.
\v 20 Naho Chohile kamanya fanyanyi ya wata umanyi sicho chineu.
\p
\v 21 Ivyo mntu asekweduvila wantu kwaviya vintu vyose ni vyenyu.
\v 22 Uneva ni Paolo hegu naho ni Apolo hegu naho Kefa, hegu naho isi, hegu naho ujima, hegu naho file, hegu naho vintu viyaho, hegu naho viya navize, vyose ni vyenyu.
\v 23 Nyuwe nanywi mwi wakulisito na Kulisito ni ywa Chohile.
\c 4
\cl Sula 4
\p
\v 1 Ivyo nivyo mntu achiwaze suwe saviya wandima wa Kulisito na wachimaila wa chinyele cha chindedi cha Chohile.
\v 2 Mwa dino chikungigwa ni uchimaila kugamba watende wa kuzumilika.
\v 3 Mna mwa miye ni chintu chidodo mno kugamba nakantilwa na nyuwe hegu ukantilwa wa chimntu kwaviya sikwekantila miye mwenye.
\v 4 Sikwekantila miye mwenye ino siyo kugamba miye mwenye ni mwagila, ni Zumbe akunikantila.
\v 5 Elo msekulonga ukantilwa mwe dyodyose ichipindi hechinati kubula, kwiza kwa Zumbe ayalete mo aleta mo ulangazi mbuli zifisigwe mwe chiza na kugubula mwe myuye, nivyo chila yumwe nahokele ntunyo yakwe kulawa kwa Chohile.
\p
\v 6 Haluse wakulu na walumbu za miye na Apolo msigilwa mbuli zino kwachausa chenyu chani kulawa kwa suwe mdahe kwehinya imilongele msekwefisa mno mwe ivyo vidolonywe ni kugamba hakuna yumwenga ywenyuakwefenyeza mwe mtuhu.
\v 7 Mna ni yani akuwona mhitulo mgati mwenyu, na mtuhu ni chihi unanacho hukihokele bule hegu kuheza kuhokela bule kwambwani mwefenya hemdamanye ivyo?
\p
\v 8 Mheza mnanavyo vyose hegu namunga, mheza kutenda na ugoli mkonga Uzumbe, naho mwachimaila yetu suwe chindedi nawaungila uchimaila mtana chani chichimaile hamwenga na nyuwe
\v 9 Ivyo nafanyanya Chohile kachika suwe wasigilwa saviya kuchilagisa udumo enga sila ya maliganyo naho enga awntu wakantilwe kukomwa chitenda saviya ngasu mwe isi kwa wandima nakwa wantu.
\v 10 Suwe chiwahezi kwachusa cha Kulisito mna nyuwe mna ubala mna nguvu mwatunywa mna suwe chabelwa.
\v 11 Hata mwe sa ino china sala na nchilu hachina suche chatoigwa naho hachina hekwikala.
\v 12 Chadamanya ndima mno kwa mikono yetu mwenye chikabelwa chajimbikwa, chikasulumizwa chajijimiza.
\v 13 Chikahulutwa chahitula kwa vyedi chitenda naho bado chawazwa kugamba saviya kulemelwa mwe isi naunga kwa mbuli zose.
\p
\v 14 Sikudolonya mbuli za kuwajela soni nyuwe, mna nawawiya nyuwe saviya wana wa miye huwaungisa.
\v 15 Hegu uneva mna wahinyi magana milongo mwa Kulisito hemna tate walozize kwa viya sitenda Zumbe kwenyu kwa Yesu Kulisito kujinkila ulosi.
\v 16 Ivyo nawalombezezani mnitongele miye.
\v 17 Ivyo nivyo vileka simsigila kwenyu Timoseo mbuyangu na mwanangu mkanuni kwa Zumbe nawakumbuseni sila za miye mwa Kulisito saviya huwahinya chila hantu na chila vikilo.
\p
\v 18 Haluse mgati mwenyu wefenya wakadamanya saviya kugamba sanize kwenyu.
\v 19 Mna nanize kwenyu hajihi saviya Zumbe akaunga, naho nanimanyize kugamba siyo ulosi wawo du wakwefenyeza, mna naniwone nguvu zawo.
\v 20 Kwaviya useuta wa Chohile haukutenda mwe milosi mna mwe nguvu.
\v 21 Mwaunga mbwani? Nize kwenyu na nkome hegu kwa ungi na mwe muye uhoile?
\c 5
\cl Sula 5
\p
\v 1 Chiva mbuli kugamba kuna uchilanga mgati mwenyu chilanga ambacho hachimgati mwa wana si china mbuli kugamba yumwenga ywenyu agona na mkaza ise.
\v 2 Naho nyuwe mwetuna hehena chinyulu yudya adamanye ivyo aungigwa ausigwe mgati mwenyu.
\v 3 Hata sihamwenga na nyuwe chimwili mna niyaho na nyuwe chimuye siheza kumkantila yudya adamanye vino enga viya naniyaho.
\v 4 Mkadugana hamwenga mwe zina dya Zumbe ywetu Yesu na umuye wa miye wiyaho hadya enga kwa nguvu za Zumbe ywetu Yesu siheza kumkantila mntu yuno.
\v 5 Siheza kumwinkiza mntu yuno kwa mwavu chani kugamba umwili wakwe ubalangwe chani umuye wakwe udahe kwambulwa mwe dizuwa dya Zumbe.
\p
\v 6 Mwe duvyo yenyu siyo chintu chedi hammanyize hamila chidogo yabalanga donge jima?
\v 7 Kwesuntni nyuwe wenye hamila ya kale chani kugamba mtende donge hya hedijeligwe hamila kwaviyaKulisito mwa ngoto ywetu ywa Pasaka kaheza kuchinjwa.
\v 8 Mna nachivineni ngasu siyo kwa hamila ya kale yenye mbuli zihiye na wavu mna chivine kwa hevijeligwe hamila kwa unyanya halo na chindedi.
\p
\v 9 Nasidolonya mwe baluwa ya miye kugamba msekuhanganyana na wavilanga.
\v 10 Sikugamba wavilanga wa mwe isi ino hegu na watuhu wenye kubunyanya hegu wakuvikila matukulu mwikale hale nawo hegu nivyo naviwaungani mlawe mwe isi.
\v 11 Mna haluse nawadolonyezezani msekwehanganya na yoyose akwitangwa mbwanga hegu mndele mwa Kulisito mna ekala mwe uchilanga hegu naho ni mntu ywa mbuli zihiye hegu naho mbunyanyi hegu akuvikila matukulu hegu akuhuluta hegu mkozi uyo msekudya naye mntu we ivyo.
\v 12 Kwa ivyo nanitende zeze kuwakantila we kuse mwe vikilo mna nyuwe hemkuwakantila wadya wemndani mwe divikilo.
\v 13 Mna Chohile awakantila we kuse museni mntu mwavu mgati mwenyu.
\c 6
\cl Sula 6
\p
\v 1 Yumwenga ywenyu anatenda ana ulemanyi, adaha kwita mwe vitala vya hewana chindedi, kujinka mwa wazumizi?
\v 2 Hammanyize kugamba wazumizi nawaikantile isi? Naho hegu namwiikantile isi hamkudaha kulamula mbuli hezina ulafya?
\v 3 Hammanyize kugamba nachiwakantile wandima? Ni chiasi chani mno chadaha kulamula mbuli za wikazi uno?
\v 4 Hegu chadaha kukanta mbuli ya wikazi uno, kwambwani wajeza kwigala malongelezo mwa wadya hewechimale mwe divikilo?
\v 5 Nalonga yano kwa soni zenyu hahana mta ubala mgati mwenyu wa kuchinta kwika mbuli vyedi mwa mlukolo na mlukolo.
\v 6 Mna hegu nivyo vili haluse mwazumila yumwenga aita mwe vitala kujinka mzumizi mtuhu na malongelezo ayo yaikwa mwe mkanti hezumile.
\p
\v 7 Chindedi ni kugamba kuna ulemani mgati mwa wakulisito ukaleta masumbuko mwenyu kwambwani msekwesulumiza mwa yehiye kwambwani mwetikila kudantilizwa?
\v 8 Mna mdamanya wavu na kudantiliza watuhu naho awo ni wakulu na malumbu zenyu
\p
\v 9 Hammanyize kugamba hewena chindedi hawaulisi uzumbe wa Chohile? Msekuzumila lulimi wa vilanga wavikila matukulu wagonyi wadya mapulu,
\v 10 wabavi, walafi, wakozi, wabunyanyi, wahulutaji, hahana mgati mwenyu mwa awo akunga aulisi Uzumbe wa Chohile.
\v 11 Na awo wendile mgati mwenyu nyuwe mna mheza kulenguswa naho mheza kusuntwa kwa Chohile naho mtendwa chindedi mwa Chohile kwa zina dya Zumbe Yesu Kulisito na kwa Muye wa Chohile ywetu.
\p
\v 12 Vinty vyose viligana kwa miye mna siyo chila chintu china wedi vintu vyose vyaligana na miye mna sanilongoilwe ni vimwenga mwa ivyo.
\v 13 Nkande ni kwachausa che inda na nda ni kwachausa cha nkande mna Chohile na vyose na mwili aumbile kwachausa cha Zumbe na Zumbe naudamanyize ndima umwili.
\v 14 Chohile kamwinula Zumbe na suwe naswi nachinule kwa nguvu zakwe.
\p
\v 15 Hammanyize kugamba imili yetu ina mlungano na Kulisto? Mwadaha zeze kuvilavya vya Kulisito na kwita kuvilunganya na mchilanga? Havikudahika.
\v 16 Hammanyize kugamba akulungana na mchilanga katenda mwili umwenga na yeye? Saviya dolonyo ivyo dikulonga waidi nawatende mwili umwenga.
\v 17 Mna akulungana na Zumbe natende muye umwenga hamwenga naye.
\p
\v 18 Usumkeni wavu chila masa akudamanya mntu kuse no mwili wakwe mna wavu wa mntu atenda masa mo mwili wakwe mwenye.
\v 19 Hammanyize kugamba imili yenyu ni vikilo dya muye ukukile ukwikala mndani mwenyu yadya ambayo mwinkigwa kulawa kwa Chohile? Hammanyize kugamba siyo nyuwe wenye?
\v 20 Nagamba mgulwa kwa yombe kulu kwa ivyo mtunyeni Chohile mwe mwe mili yenyu.
\c 7
\cl Sula 7
\p
\v 1 Mna mwe mbuli mnidolonyeze kuna vino uneva ni vitana mgosi asekugona na mkaziwe.
\v 2 Mna kwa majezo yatendese ya uchilanga chila mgosi atende na mkaziwe naho mvyele atende na mgosiwe.
\v 3 Mgosi aungigwa kumwinka chindedi chakwe mkaziwe na iviya mvyele naye kwa mgosiwe.
\v 4 Siyo mvyele akutenda na udahi mo mwili wakwe ni mgosi naho iviya iviya mgosi naye hana udahi mo mwili wakwe mna mkaziwe ananawo.
\v 5 Msekunyimana mkagona hamwenga mna mwivane kwa chipindi chidodo damanyani ivyo chani mhokele chipindi cha kulombeza naho mwadaha kuuwiyana naho hamwenga chani kugamba mwavu anasekuwajeza kwa kuswesa kudunduga.
\p
\v 6 Mna nagamba vino izimbuli ni kwa kunga naho siyo kugamba ni lagizo.
\v 7 Naunga chila yumwenga atendile saviya miye ivyo nili mna chila yumwenga ana ntunyo yakwe kulawa kwa Chohile, yuno ana jeleko dino na yudya anajeleko diya.
\p
\v 8 Kwa hawenati kulombwa wagane nagamba vino ni vitana kwawo kugamba wakasigala bila kulombwa saviya nili miye.
\v 9 Mna hegu hawakudaha kuchinda waungigwa walombwe kwaviya ni afazali kulombwa kuliko kutenda na uchilanga.
\p
\v 10 Haluse kwa wadya walombigwe nawenka lagizo siyo miye ni Zumbe mvyele asekulekana na mgosiwe.
\v 11 Mna hegu akesenta kulawa kwa mgosiwe niyo ekala ivyo bila kulombwa hegu nevane na mgosiwe naho mgosiwe asekumwinka talaka mkaziwe.
\p
\v 12 Elo kwa wadya wabanikilwe nagamba miye siyo Zumbe kugamba mlukolo yoyose mgosi hekuzumila mna aunga ekale naye hakungigwa kumwasa.
\v 13 Hegumvyele ana mgosi hekuzumila niyo uneva kaunga kwikala naye asekumwasa.
\v 14 Kwa mgosi hezumile asuntwa kwachausa cha utondowazi wa mkaziwe na mvyele hezumile asuntwa kwachausa cha mgosiwe azumile hegu ne nivyo wana wenyu hewendile wedi mna kwa chindedi wasuntwa.
\p
\v 15 Mna hegu mnyawe hekuzumila akahalawa na aite kwa ivyo mkulu na lumbu hakuzumila ni kwelisa kwawo Chohile kachifunga chikale mpeho.
\v 16 Naumanye zeze hegu mvyele adaha kumwambula mgosiwe? Hegu naumanye zeze hegu mgosi adaha kumwambula mkaziwe?
\p
\v 17 Chila yumwenga du nekale wikazi saviya Chohile ivyo awapangile chila yumwenga saviya Chohile awetange wowo uno ni ulongozi wa miye kwa mavikilo yose.
\v 18 Eyaho nandile ajeligwe ngasu ketangwa kuzumila asekujeza kusa iyalama yakwe, eyaho yoyose etangwe mo utondowazi hejeligwe ngasu? Hakungigwa kujelwa ngasu.
\v 19 Mwa dino mwa ajeligwe ngasu hakuna mbuli chenye mbuli ni kutongela lagizo dya Chohile.
\v 20 Chila yumwenga ekale mwe mwitango ivyo etangwe ni Chohile kuzumila.
\v 21 Nandile wimtalizwa mwa Chohile eze akwitange usekusinya idyo mna hegu wadaha kutenda kulekeilwa tenda ivyo.
\v 22 Kwa yumwenga etangwe ni Zumbe saviya mtalizwa ni mntu alekelwe kwa Zumbe enga viya yumwenga alekelwe etangwe kuzumila ni mtalizwa ywa Kulisito.
\v 23 Mheza kugulwa kwa yombe kulu ivyo msekutenda watalizwa wa wantu.
\v 24 Mkulu na lumbu dyangu mo wikazi chila yumwenga ywetu eze chitangwe kuzumila chisigala sa iviya.
\p
\v 25 Haluse wdya wose ambawo hewanati kulomba sina lagizo kulawa kwa Zumbe mna naweunga mbuli ya miye enga ivyo nili kwa mbazi za Zumbe za chindedi.
\v 26 Kwaivyo nafanyanya kwachausa cha kusumbuka ni vyedi mgosi naekale enga ivyo eli.
\v 27 Kutalizwa kwa mvyele na kwelisa kwa ndowa usekunga ulekelwa kwa idyo una ulekelwa kwa mvyele henati kulombwa asekulonda mvyele.
\v 28 Mna hegu ukalomba hunati kudamanya masa na hegu mvyele henati kulombwa analombwa hanati kudamanya masa mna wapata malimizo yoyose miye naunga niwauzize ayo.
\p
\v 29 Mna nakamba vino mkulu na lumbu za miye chipindi chisigale ni chijihi vino haluse na kujendeleza wadya wandile na wavyele wekale saviya hawana.
\v 30 Wose wenye chihovu wetende enga ne hewena chihovu na wose wakwelelwa saviya wandile hawelelwe niyo wose wakugula chintu chochose saviya hawakuwatawala chochose.
\v 31 Naho wose wakutumbwazika ne isi watende enga hawakutumbwazika nawo kwa viya isi ibula udumo wakwe.
\p
\v 32 Naunga mtende mlekelwa kwa masulumizo yose mgosi helombile anadamanya vintu vikumtongela Zumbe enga kumwelelwa mkaziwe.
\v 33 Mna mgosi alombile akudamanya mbuli ye isi enga kumwelelwa mkaziwe.
\v 34 Mna mvyele helombigwe hegu chigoli adamanya vintu vikumtongela Zumbe enga kwesenta mo mwili mwe muye mna mvyele alombigwe anadamanya namna ye vintu vye isi kumwelelwa mgosiwe.
\v 35 Nalonga vino kwachausa chenyu naho sikwinka mtego kwenyu nalonga vino kwa viya ni chindedi chani kugamba mwadaha kweika ujimbiko kwa Zumbe bila lema dyodyose.
\p
\v 36 Mna hegu mntu afanyanya hakudaha kumtendela kwa ntunyo chigoli chakwe kwa viya fanyanyi zakwe zina nguvu mno alombane naye enga ivyo akunga siyo masa.
\v 37 Mna hegu kadamanya malamuzi yakuleka kulomba naho hehana ulazima na ho hegu adaha kuzihuda izitama zakwe adamanya vyedi hegu hamlombe.
\v 38 Ivyo akumlomba chigoli wakwe adamanya vyedi na yoyose ambaye nasagule asekulomba adamanya vyedi.
\p
\v 39 Mvyele kavugailwa ni mgosiwe umo emjima mna mgosiwe anafa kalekeilwa adaha kulombwa ni yoyose akumunga mna ni mwa Zumbe du.
\v 40 Naho mwa malamuzi yangu natende na kwelelwa mno uneva akekala enga ivyo eli nafanyanya kugamba miye nami nina Muye wa Chohile.
\c 8
\cl Sula 8
\p
\v 1 Haluse mwe nkande zilavigwe mwe matukulu chimanya kugamba suwe chose china umanyi, umanyi waleta wefenyi mna ungi wazenga.
\v 2 Uneva mntu yoyose afanyana kugamba kamanya mbuli yoyose mntu uyo hanati kumanya ivyo vikumunga amanye.
\v 3 Mna uneva yumwenga anamunga Chohile mntu uyo amanyigwa ni yeye.
\p
\v 4 Ivyo namna ya kudya nkande zilavigwe lavyo kwa matukulu chimanya kugamba matukulu siyo chintu mwe isi ino na kugamba hakuna Chohile mna yumwenga du.
\v 5 Elo hakuna walozize wakwitangwa milungu hegu ni kwe isi hegu mwe isi enga viya weli miuungu ya Zumbe walozize.
\v 6 Hta ivyo kwetu kuna Chohile yumwenga du uyo ni tate ywa vintu vyose vilawa kwakwe na suwe chikala kwakwe na Zumbe yumwenga Yesu Kulisito uyo kwakwe vintu vyose vyendga viyaho naho kwa yeye suwe chiyaho.
\p
\v 7 Kwa ivyo umanyi uno haumuli mndani mwa chila yumwenga mna awatuhu wazwela kutongela, kuvikila matukulu ayo aho kale naho hata vino haluse wadya nkande zino enga kugamba ni chintu chilavigwe lavyo kwa matukulu fanyanyi zawo ziwadntiliza kwaviya wahwa.
\v 8 Mna nkande haikudaha kuchisogeza suwe kwa Chohile suwe siyo waihiye mno hata hachinadile hegu wedi mno uneva chinadya.
\v 9 Mna msinyise kugamba ulekelwa wenyu usekutenda mbuli ya yudya ahwele mo kuzumila.
\v 10 Hebu fanyanya kugamba mntu anakuwona weye wili na umanyi wadya nkande mwe nyumba za kuvikila matukulu fanyanyi yakwe mntu uyo haimwingize uleke naye adye vintu lavyo kwa matukulu.
\v 11 Ivyo kwachausa cha umanyi wako wa chindedi mwa matukulu mkulu hegu lumbu dyako ahwele mna Kulisito kabnika kwachausa chakwe na balangwe.
\v 12 Ivyo ukadamanya masa ya mkulu na lumbu dyako niyo wazilumiza izifanyanyi zawo zihwele mwadamanya masa mwa Kulisito.
\v 13 Uneva nkande yaleta ulemanyi mwa mlulu hegu lumbu sanidye nyama ng'o vinasekuletela mkulu hegu lumbu dyangu kugwa.
\c 9
\cl Sula 9
\p
\v 1 Miye suyo mntu alekeilwe? Miye suyo msigilwa? Miye simwone Yesu Zumbe dyetu? Nyuwe sayo matunda ye ndima yangu mwa Zumbe?
\v 2 Uneva miye suyo msigilwa kwa watuhu, mna ni msigilwa kwenyu nyuwe, kwaviya nyuwe ni ulavyanyo wa usigilwa mwangu mwa Zumbe.
\p
\v 3 Uno nuwo wegombezi wa miye kwa wadya wakunizunguluka miye.
\v 4 Kwani hachina chindedi cha kudya na kunywa.
\v 5 Hachina chindedi kuguha mvyele azumile enga ivyo wakudamanya wasigilwa watuhu na walukolo wa Zumbe na Kefa?
\v 6 Hegu ni miye ichedu na Banaba wakungigwa kudamanya ndima?
\v 7 Ni yani mdamanya ndima enga mnkondo akweliha maliho yakwe mwenye ni yani akuhanda mti asekudya amatunda yakwe hegu ni yani akudima ng'ombe asekunywa amele yakwe.
\p
\v 8 Mna nayalonga yano kwa udahi wa chimntu? Mbuli nayo haikulongwa ivyo?
\v 9 Kwaviya vidolonywa mwe mbuli ya Musa usekumjela ng'ombe fuwo mo mlomo akadya nkande ni chindedi kugamba hahana Chohile asinya ng'ombe.
\v 10 Mna hakulonga ayo kwachausa cha suwe? Yadolonywa kwachausa cha suwe kwaviya uyo akulihwa nkande aungigwa kuliha kwa msuhi na akuvuna aungigwa avune kwa kwikala kajika kuhokela ulozo.
\v 11 Uneva chihanda vintu vya muye mgati mwenyu kwani ni mbuli nkulu kwetu chikavuna na vintu vya mo mwili kulawa kwenyu?
\v 12 Uneva awamwenga wapata wagilwa uno kulawa kwenyu? Togola suwe siyo vitendese? Hachikutigiza chindedi chino mna chajijimiza mbuli zose siyo wagilo wa kuchinda ulosi wa Kulisito.
\v 13 Hammanyize kugamba wose wakudamanya ndima mwe divikilo wapata nkande yawo kulawa mwe divikilo? Naho hammanyize wose wakudamanya ndima mwe nchanja wapata chiya chikulavigwa mwe nchanja.
\v 14 Ivyo nivyo Zumbe kalagiza kugamba wose wakulonga ulosi wadahe kwikala kulawana na ulosi wedi wa Chohile
\p
\v 15 Mna sungile uwagila wose uno naho sikudolonya yano chani mbuli yoyose idamanyike kwachausa cha miye ni vyedi miye nibanike ukaleka kumkinkisa mntu kwa ntunyo kwa miye.
\v 16 Uneva nalonga ulosi sikudaha kwetunya kwa viya yanunga nidamanye ivi nkondo ni yangu uneva sinalongile ulosi wedi wa Chohile.
\v 17 Kwaviya hadamanya vino hunga ninantunyo mna sinatendile viya bhunga vyanitenda mwe diya ninkigwe dya uchimaila.
\v 18 Mna ukutunywa kwangu ni kuhi kugamba halonga nalavya ulosi hahena maliho kudamanya ichindedi kwangu ninanacho mo ulosi.
\p
\v 19 Mna hata sitenda mlekeilwa kwa wose nasitenda mtalizwa wa wose chani kugamba niwapate walozize mno.
\v 20 Kwawyahudi nendile sitenda enga Myahudi chani niwapate Wayahudi kwa wadya wehasi mwe lagizo nasitenda enga yumwenga ywawo e hasi he lagizo
\v 21 Kwa wadya wekuse mwe mbuli nandile ni yumwenga ywawo kuse mwe mbuli mna miye mwenye nasimuli kuse mwe mbuli ya Chohile mna hasi mwe mbuli ya Kulisito sidamanya ivyo chani niwapate wadya we kuse kwe mbuli.
\v 22 Kwa wendile wanyonje nandile ni munyonje chani niwapate wanyonje sitenda zose kwa wantu wose nipate kuwambula awamwenga.
\v 23 Miye nadamanya mbuli nzose kwachausa cha ulosi chani nipate kwingila mwe ujimbiko.
\p
\v 24 Hammanyize kugamba mwe nguluko wose wakuhigana waguluka mna akuhokela jeleko ni yumwenga ivyo gulukani chani mwinkigwe jeleko.
\v 25 Akuseziga echinda mwe vyose umo akahinywa awo wadamanya ivyo chani wahokele ntunyo ikubanika mna suwe chaguluka chani chipate ntunyo heikubanika.
\v 26 Ivyo miye sikuguluka hehena dyodyose natowana ngumi saviya natowa hewa.
\v 27 Mna nausulumiza umwili wangu naho na kuutenda saviya mtalizwa chani kugamba haheza kuwagambilani matuhu miye mwenye ninasekutenda wakulemelwa.
\c 10
\cl Sula 10
\p
\v 1 Naunga nyuwe mmanye lumbu na mkulu wa miye kugamba tati zetu nandile we hasi mwe wingu wose wajinkila mwe bahali.
\v 2 Wose abatizwa watende na Musa mndani mwe bahali.
\v 3 Nao wose wadya nkande idya idya ya Muye.
\v 4 Woseni wanywa chinywaji ichiya ichiya cha muye kwaviya wanywa kulawa mwe yumwe wa muye uwatongele na idiyuwe diya nandile ni Kulisito.
\v 5 Mna Chohile helelwe mno na walozize wawo na ivimba vyawo mo luwala.
\p
\v 6 Mna mbuli zino zose nendile ni mahinyo kwetu chani suwe chisekutenda wantu wa kuhisa yehiye saviya wowo ivyo wadamanye.
\v 7 Msekutenda wa kuvikila matukulu saviya watuhu wawowadamanye ivyo, idolonywe ni wantu wekala hasi wakadya na kunywa niyo wenuka na kuvina kwa vilanga.
\v 8 Chisekutenda na uchilanga enga watuhu wawo saviya wadamanye niyo wabanika zuwa dimwenga wantu milongo midi na watau elufu mwe mbuli iyo.
\v 9 Naho chisekumjeza Kulisito enga watuhu saivyo wadamanye niyo wabalangwa ni nyoka.
\v 10 Naho msekung'ung'uzika enga watuhu wawo saivyo wang'ung'uzike niyo wabalangwa ni wandima wa file.
\p
\v 11 Elo mbuli zino zitendigwa enga miliganyo kwa suwe, niyo yadolonywa chani kuchiogola suwe chibwile ni udumo wa kale.
\v 12 Haluse chila akwewona kachimala asinyise anase kugwa.
\v 13 Hahana jezo diwapatileni nyuwe dikatenda zwelo dya wantu mna Chohile ni mkanuni hawaleke mjezwe kujinkiliza udahi mwenyu hamwenga na jezo yeye nawenkeni lwivi lwa kulaila chani mdahe kujijimiza
\p
\v 14 Ivyo wambuya zangu sumkani na mbuli za kuvikila matukulu.
\v 15 Nalonga na nyuwe enga wantu wenye umanyi chani mlamule mwe dino hulonga.
\v 16 Chikimbe cha ujimbiko si mliganyo wa sakame ya Kulisito? Mkate udya chikubendula si mliganyo wa mwili wa Kulisito.
\v 17 Kwaviya mkate ni umwenga suwe chi walozize ch mwili umwenga suwe chose chahokela mkate umwe kwa hamwenga.
\p
\v 18 Wakauleni wantu wa Izulaeli, wadya wose wakudya ntambiko siyo walungana mwe nchanja.
\v 19 Nilonge mbwani bule? Tukulu ni chintu? Hegu naho nkande ilavigwe ntambiko kwa matukulu ni chintu?
\v 20 Mna nalonga mwe vintu viya wakulavya ntambiko wantu hewemmanyize Chohile kugamba walavya vintu vino kwa mapepo mna siyo kwa Chohile miye sikunga nyuwe mkalungana na mapepo.
\v 21 Hamkudaha kunywela chikombe cha Zumbe na chikombe cha mapepo hamkudaha kutenda mlugano mwe meza ya Zumbe na hamwenga mwe meza ya mapepo.
\v 22 Hegu chamjela Zumbe chinyulu? Chna nguvu kumhuda yeye?
\p
\v 23 Vintu vyose vyawagila kudya mna siyo vyose vikuwagila, vintu vyose vyawagila mna sivyo vyose vikudaha kuwazenga wantu.
\v 24 Hahana hata yumwenga akulonda matana yakwe du mna chila yumwenga alonda matana ya mnyawe.
\v 25 Mwadaha kudya chila chintu chikutagwa mwe digwilo ukaleka kuza, uza kwachausa cha nkama.
\v 26 Kwaviya isi ni mali ya Zumbe na vyose viimemeze.
\v 27 Naho mntu akawgonekani kudya mwaungwa kwita, dyani chila chintu akuwenkani msekuza mwe myuye yenyu.
\v 28 Mna mntu anawagambila inkande ino ilawana na ntambiko ya hawezumile msekudya ino ni kwachausa cha yudya awagambileni na kwachausa cha myuye yenyu.
\v 29 Siyo mwe myuye yenyu mna myuye yenyu ya yudya umtuhu kwambwani ulekelwa wa miye ukantilwe luhenyo lwa mntu mtuhu
\v 30 Uneva miye nadya nkande kwa kuhongela kwambwani nihulutwe kwa ciya nihongele mwaicho?
\p
\v 31 Haluse chochose mkudya hegu kunywa hegu chochose mkudamanya, damanyani yose kwachausa cho ukuka wa Chohile.
\v 32 Msekuwasongaganya Wayahudi hegu Wayunani hegu vikilo dya Chohile.
\v 33 Jezani enga miye ivyo hujeza waelelwe wantu wose kwa mbuli zose sikulonda wedi miye mwenye mna walozize miye nadamanya vino chani wapate kwambulwa.
\c 11
\cl Sula 11
\p
\v 1 Nitimilani miye saviya miye ivyo humtimila Kulisito.
\p
\v 2 Haluse namtogola kwachausa kwaviya mkunikumbuka mwe izimbuli zose, namtogolani kwaviya myatoza yadya mhokele saviya niwaletele kwenyu.
\v 3 Ivyo nonga mmanye kugamba Kulisito ni mwili wa chila yumwenga mgosi naye ni mtwi wa mvyele naho vyatenda Chohile ni mtwi wa Kulisito.
\v 4 Chila mgosi akulombeza hegu alulavya uoni uneva kagubikwa umtwi ajela sioni umtwi wakwe.
\v 5 Mna chila mvyele akulombeza hegu kulavya uoni kuno mtwi wakwe ugubulwa ajela soni umtwi wakwe kwaviya vyaligana na amogigwe.
\v 6 Uneva kugamba mvyele hagubike umtwi wakwe akantwe izifili zakwe zitende njihi kwaviya uneva ni soni mvyele kukatwa izifili zakwe hegu kuwegulwa ivyo agubike umtwi wakwe.
\v 7 Kwaviya havikufaha mgosi kugubika umtwi wakwe, uyo ni mligano wa ukuka wa Chohile, mna mvyele ni ukuka wa mgosiwe.
\v 8 Kwaviya mgosi halaile mwa mvyele, mna mvyele kalawa mwe mgosi.
\v 9 Naho mgosi haumbigwe kwa chausa cha mvyele mna mvyele kaumbwa kwa chausa cha mgosi.
\v 10 Vino nivyo vikuleka mvyele aungigwa atende na chilagiso cha uchimailwa kulanga umwili wakwe kwachausa cha wandima wa kwembingu.
\p
\v 11 Hata ivyo mwa Zumbe mvyele hahali ichedu ukaleka mgosi hegu ukaleka mvyele.
\v 12 Kwaviya mvyele alaile mwe mgosi ni iviya mgosi nae kalawa mwe mvyele naho vintu vyose vyalawa kwa Chohile.
\v 13 Kantilani nyuwe wenye vino ni sawa mvye amlombeze Chohile kuno umtwi wakwe wi lupwe.
\v 14 Hata ivyo eli ivyodu havikuliganya kugamba mgosi akatenda na fili ntali ni soni kwakwe?
\v 15 Vino ivyo eli havikuhinya kugamba mvyele akatenda na fili ntali ni ukuka kwakwe? Kwaviya kenkwa ziya izifili izintali enga suche zakwe.
\v 16 Mna uneva mntu yoyose aunga kuligana kulanga yano, suwe hachina mazwela matuhu hegu mabunga ya wamzumile Chohile.
\p
\v 17 Mwa malagizo yakutongela miye sikuwatogola kwaviya mkudugana soyo kwa faida mna ni kwa hasala.
\v 18 Mna nkongo mkadugana uneva kugamba mwa wazumile mna mgati mwenyu mna kupangana naho ntendele nazumila.
\v 19 Kwaviya mwatenda na kuhigana mgati mwenyu chani kugamba wadya wazumilwe wamanyike kwenyu.
\v 20 Kwaviya mkadugana icho mkudya siyo nkande ya Zumbe.
\v 21 Mkadya na chila yumwenga adya inkande yakwe mwenye hata awamwenga hawanati kudya hata hegu yuno ana sala yuno naye kakolwa.
\v 22 Vino hamna nyumba zakudila na kunywela? Hegu mwabela mbuga dya Chohile, nakuwajela soni hewene chintu? Nigambe mbwani kwenyu? Nimtogoleni? Sanimtogoleni mwedino!
\p
\v 23 Kwaviya sihokele vino kulawa kwa Zumbe Yesu ichilo ichiya asawaniswe niyo aguha mgate.
\v 24 Eze amhongeze niyo aubesula niyo agamba uno numwili wangu wimwechausa cha nyuwe mtende vino kwa kunikumbuka miye.
\v 25 Ivyo niyo aguha chikombe eze wadye agamba chikombe chino ni lagano hya mwe isakame yangu, tendani vino mala zilozize chila mkanywa kwa kunikumbuka miye.
\v 26 Chila chipindi mkadya mgate uno na kukinywela chikombe chino mwaibwelekeza ifile ya Zumbe mpaka aho akwizila.
\p
\v 27 Kwaviya chila akudta umgate hegu kunywela ichikombe icho cha Zumbe hevikuwagila natende kepatila masa ya mwili na sakame ya Zumbe.
\v 28 Mntu nande kefanyanya mwenye nkongo nivyo adye na kuywela ichikombe.
\v 29 Kwaviya akudya hegu akunywa ukaleka kufanyanya umwili adya na kunywa nkanto yakwe yeye mwenye.
\v 30 Nivyo vikuleka wantu walozize mgati mwenyu ni wanyonje naho wasokela awamwenga wenyu nawo wabanika.
\v 31 Mna niyo chefanyanya wenye hachikantilwe.
\v 32 Mna chikantilwa ni Zumbe chahinywa chani chinase kukantilwa ne isi.
\p
\v 33 Mweivyo mlulu na lumbu dyangu mkadugana chani mdye mgojane.
\v 34 Mntu mta sala naadye kweikaya yakwe chani kugamba mkadugana hamwenga visekutenda kwankato naho vikulanga mbuli ntuhu izo nidolonye naziliganye umo heza.
\c 12
\cl Sula 12
\p
\v 1 Kulanga majeleko ya muye mkulu na lumbu dyangu sikunga mswese kubunkula.
\v 2 Mwamanya kugamba chipindi ni wasi ntuhu mlongozwa kutongela matukulu heyekulonga kwa sila zozose mlongozwa kwa izo.
\v 3 Kwaviya nonga mmanye kugamba hakuna yoyose akugamba kwa muye wa Chohile kugamba Yesu kahulukilwa, hakuna yoyose akunga agambe Yesu ni Zumbe mna ni mwe Muye ukukile.
\p
\v 4 Ivyo kuna majeleko yesimile mna Muye ni yeye uyudya.
\v 5 Kuna ndima zesimile mna Zumbe ni uyudya.
\v 6 Naho kuna ndima zesimile mna Chohile ni uyudya akusankana izindima zose mwa wose.
\p
\v 7 Ivyo chila yumwenga enkigwa ugubulo wa Muye vikuwagila kwa wose.
\v 8 Mna mntu yumwenga enkwa ni muye ulosi wa ubala, mtuhu naye ulosi wa udahi, mtuhu ulosi wa umanyi, kwa Muye uyudya.
\v 9 Mtuhu naye amwinka uzumizi kwa muye uyudya na mtuhu naye jeleko dya udahi wa kuhonya kwa muye yumwenga.
\v 10 Kwa mtuhu naye mbuli za udahi, mtuhu uwoni na mtuhu udahi wa kubunkula muye wamwenga milongele yesimile mtuhu naye kumanya milongele yesimile.
\v 11 Mna muye ni uyudya akusankana izindima izo zose kumwinka chila jeleko mwaivyo akusagula mwenye.
\p
\v 12 Engaviya kugamba mwili ni umwenga nawo unavitago vilozize naho ivitago vyose ni vyo mwili udya nivyo na Kulisito naye.
\v 13 Kwaviya muye umwenga suwe chose chambulwa kutenda mwili umwenga kugamba Chiwayahudi hegu Wayunani kugamba chi wandima hegu walekelwa naho chose chinyweswa Muye umwenga.
\p
\v 14 Kwaviya siyo chitago chimwenga mna viloza.
\v 15 Uneva chiga nachigambe kwaviya miye siyo mkono miye siyo chihendo cha mwili ivyo havikutenda usekutenda chindedi cha umwili.
\v 16 Naho uneva gutwi dinagamba kwa viya miye siyo ziso miye siyo wo mwili ivyo havikutenda visekutenda hantu ho mwili.
\v 17 Hegu umwili wose nwutende ni ziso nakutende kuhi kwuva? Hegu mwili wose unatenda gutwi na kwihahi kunusa?
\v 18 Mna Chohile kaika chila chitago cho mwili hantu hakwe enga apangile mwenye.
\v 19 Naho hegu vyose vyendaga vchitago chimwenga mwili na wi kuhi?
\v 20 Ivyo vitago viloza mna mwili ni umwenga.
\v 21 Ziso hadikudaha kugamba mkono sina mbuli na weye, hegu mtwi haukudaha kugamba iviga sina mbuli na weye.
\v 22 Mna ivitago vya mo mwili vikuwoneka vina ntunyo itendese nivyo vikungisiswa.
\v 23 Naho ivitago vya mo mwili vikufanyanya vina ntunyo ndodo chavinka ntunyo ijinkile naho ivitago vyetu havikusinyika vina utana utendese.
\v 24 Naho haluse vitago vyetu vitana hawina haja ya kutunywa kwaviya tayali vina ntunyo mna Chohile kavilunganya vitago vyose hamwenga naho kavinka ntunyo izidiye viya hevikutunywa.
\v 25 Kutenda ivyo chani kusekutenda na kusimana mo umwili mna vitago vyose vyambizane kwa ungi na uhamwenga.
\v 26 Naho chipindi chitago chimwenga china lumila vitago vyose vyalumila hamwenga naicho, hegu chitago chimwenga chikatunywa, vitago vyose vywelelwa kwa hamwenga.
\p
\v 27 Haluse nyuwe mwi mwili wa Kulisito na vitago chila chimwenga ichedu.
\v 28 Chohile naye kaika mwa wamzumile nkongo wasigilwa, kaidi waoni katatu wahinyi akaheza wadya wose wakusankana mbuli nkulu akaheza jeleko dya dya kuhonya wadya wakwambiza na wadya wakusankanila ndima ya kulongoza naho woseni wamanyize milongele ilozize.
\v 29 Vino suwe chose chiwasigilwa? Suwe chose chi waoni, suwe chose chi wahinyi? Hegu suwe chose chasankana mwe mbuli za mpintuko?
\v 30 Togola suwe wose china jeleko dya kuhonya? Suwe chose chalonga kwa milongele? Suwe chose chatafasili milongele?
\v 31 Londani vitendese jeleko kulu, miye nami naniwalagise sila yedi itendese.
\c 13
\cl Sula 13
\p
\v 1 Chilonge kugamba chalonga kwa chemo za wantu na za wandima wa kwembingu, mna hegu sina ungi sitenda ni shaba ikwila hegu lupatu lukuvumila.
\v 2 Na kugamba ninajeleko dya uwoni na umanyi wa chindedi chefisize na umanyi na kugamba nina uzumizi wa kusamiza magulu mna uneva sina ungi miye ni wa bule.
\v 3 Naho chigambe kugamba nalavya vintu vyangu vyose kuwenka wachiwa na kugamba nalavya umwili wangu wokwe moto mna uneva sina ungi haikunambiza chochose
\p
\v 4 Ungi wajijimiza naho wambiza ungi haukweduvya hegu kwefenya hauna chibuli.
\v 5 Hauna nkumbizi haukuzungula mbuli zakwe haukuona usungu upesi hegu haukuwaza yehiye.
\v 6 Haukwelelwa ni ubunyanyi mna welelwa ni chindedi.
\v 7 Ungi wajijimiza mbuli zose, wazumila mbuli zose una ukankalu mwe mbuli zose, na hujijimiza mwe mbuli zose.
\p
\v 8 Ungi haukuduma uneva kuna uwoni wose naujinke uneva kuna nchemo nazidume, uneva kuna umanyi naudume
\v 9 Kwaviya chimanya hantu naho chadamanya uwoni kwa hantu.
\v 10 Mna ikeza idya ichintile idya heichintile yajinka.
\v 11 Aho nendaga mwana nahalonga saviya mwana, nahafanyanya saviya mwana, nahilamula saviya mwana. Aho nendile mntu mjima nasika hale miye mbuli za chizana.
\v 12 Kwaviya haluse chawona saviya chioo, saviya sula mwe chiza mna ichipindi icho nachiona uso kwa uso, haluse simanya chidogo mna ichipindi icho nanimanye vitendese saviya saviya miye nami ivyo nimanyike vidala.
\v 13 Mna haluse zino izimbuli zino izintatu zekala utondowazi, msuhi na ungi, mna kulu ni ungi.
\c 14
\cl Sula 14
\p
\v 1 Zungulani ungi na kubesa vitendese jeleko dya chimuye, mpate kulavya uwoni.
\v 2 Kwaviya yeye akulonga nchemo hakulonga na wantu mna alonga na Chohile kwaviya hakuna akumanya kwaviya alonga mbuli zefisize za chimuye.
\v 3 Mna uyo akulavya uwoni, alonga na wantu awazenga naho awajela moyo na kuwahoza.
\v 4 Uyo akulonga kwa nchemo hezikumanyika ezenga mwenye mna uyo akulavya uwoni ezenga wamzumile Kulisito.
\p
\v 5 Haluse nabesa vose mlonge kwa nchemo mna vikujinka ayo, nabesa kugamba mlavye uwoni uyo akulavya uwoni ni mkulu kujinka uyo kwa nchemo mafa hatenda na mntu akulavyanya chani kugamba bunga dya wamzumile Chohile dizengwe.
\p
\v 6 Mna haluse mkulu na lumbudye nneza nyuwe ni mbwani? Sikudaha mna uneva nalonga na nyuwe kwa sila ya ugubulo hegu kwa sila ya umanyi hegu kwa sila ya uwoni hegu kwa sila ya uhinyi.
\v 7 Uneva vintu hevina ujima saviya gunda hegu kayamba hevikulavywa izwi dyesimile navimanyike zeze ni chiya chani chikuvinwa?
\v 8 Kwaviya uneva gunda nadilanywe izwi haikumanyika mntu amanya vivhi ni chipindi cha kwemalanya kwa nkondo.
\v 9 Nivyo nyuwe nanywi mkalavya mbuli kwa lulimi haikumanyika mntu onga amanye zeze icho mkulonga? Namlonge mna hakuna akunga amanye.
\v 10 Hakuna nkama kugamba kuna misemo ilozize yesimile mwe isi naho hakuna hata imwenga heina mana.
\v 11 Mna uneva simanyize wagaze natende na mjeni mwauyo akulonga uyo naye akulonga natende mjeni kwangu.
\v 12 Viivyo hata nyuwe kwaviya mwabesa vitendese chindedi cha chimuye muungise kugamba mungise udizenge bunga dya wamzumile Chohile.
\p
\v 13 Ivyo akulonga kwa semi alombeze kulavyanywa.
\v 14 Kwaviya nanalombeze kwa semi muye wangu walombeza mna izifanyanyi zangu hasi na matunda.
\v 15 Mtende zeze? Halombeza kwa muye wangu mna naho nalombeza kwa fanyanyi zangu nachicheme kwa muye wangu mna naho nalombeza kwa fanyanyi zangu nazo.
\v 16 Vituhu vyakwe ukamtogola Chohile kwa muye mjeni naetikile zeze Amina ukamtogola uneva hakumanya ivyo ukulonga?
\v 17 Mna ni chindedi weye wamtogola vyedi mna yudya umtuhu hakuzengwa.
\v 18 Namtogola Chohile kugamba nalonga semo kujinka nyuwe nyose.
\v 19 Mna mwe dibunga dya wamzumile Chohile vyedi nilonge mbuli shano kwa umanyi wangu chani nipate kuwahinya wesimile kujinka kulonga milosi milongo gana kwa semo.
\p
\v 20 Mukulu na lumbu dyangu msekutenda wana wadodo mwe zifanyanyi zenyu mna vikulanga ubanasi mtende enga wana wadodo mna mo kufanyanya kwenyu katende wantu wajima.
\v 21 Idolonywa mwe inkato kwa wantu wa semo zesimile na kwa mikono ya wantu wajeni nanilonge na wantu wano naho hata ivyo haweve alonga Zumbe
\p
\v 22 Ivyo miye ni kilagiso siyo kwa wazumile mna kwa hewekuzumila kulavywa uwoni kwa hewekuzumila mna kwa wazumile.
\v 23 Haya uneva bunga dya wazumile didugana naho wose awlonga kwa semo wajeni na hewezumile nendile hawakudaha kulonga kugamba mnawazimu?
\v 24 Mna uneva woseni walavya uwoni naho hekuzumila na mjeni niyo engila nabunyanywe ni yose niyo eva nakantilwe ni yose ayo akulonga.
\v 25 Chinyele cho umuye wakwe zagubulwe? Ulailo wakwe ni kugwa chifunifuni na kumvikla Chohile emgati mwenyu.
\p
\v 26 Nimbwani chikutongela ivyo, wakulu zangu na malumbu zangu? Mkadugana hamwenga chila yumwenga ana zabuli mahinyo magubulo semo hegu kulavyanya damanyani chila chintu mzenge bunga dya wamzumile Chohile.
\v 27 Hegu chila yumwenga alonga kwa semo watendeke weyaho waidi hegu watatu naho yumwenga wenkana zamu naho mntu alavyanye chilongigwe.
\v 28 Mna hegu hakuna mntu akulavyanya ivyo chila yumwenga anyamale mndani mwe bunga dya wamzumile Chohile ivyo chila yumwenga b alonga ichedu na Chohile.
\p
\v 29 Naho waoni waidi hegu watatu walonge watuhu wanyamale wakafanyanya ayo alongigwe.
\v 30 Mna yudya ekale niyo agubuilwa mbuli mwe indima yudya nakalonga anyamale.
\v 31 Kwaviya chila yumwenga ywenyu adaha kulavya uwoni yumwenga bada ya mtuhu chani kugamba chila yumwenga ehinye naho woseni wadahe kujelwa muye.
\v 32 Kwaviya muye wa waoni wi hasi mo ulongozi wa waoni.
\v 33 Kwaviya Chohile siyo Chohile ywa ubanasi mna ywa utondowazi enga ivyo vili mwa mabunga yose ya wamzumile.
\v 34 Vyawunga wavyele wanyamale mwe bunga dya wamzumile, kwaviya hawakwinkwa luhenyo lwa kutamwila mna wongigwa wanyanyahale saviya lagizo dikulonga.
\v 35 Hegu kuna chochose wakubesa kwehinya ivyo wakawauze walume wawo kukaya, kwaviya ni soni kwa mvyele kutamwila mwe bunga dya wazumile.
\v 36 Vini ulosi wa Chohile ulawa kwenyu? Hegu umbwilani nyuwe awodu?
\v 37 Hegu mntu akawona yeye ni muoni hegu ywa chimuye vyamunga ayamanye yano humdolonyezani kugamba ni lagizo dikulawa kwa Zumbe.
\v 38 Mna hammanyize yano mlekeni asekumanyika.
\p
\v 39 Mna ivyo mkulu na lumbu dyangu mungisise kulavya uwoni naho msekumchinda mntu yoyose kulonga kwa semo.
\v 40 Mna mbuli zose zisankanileni kwa utana na vikuwagila.
\c 15
\cl Sula 15
\p
\v 1 Haluse nawakumbusani wakulu na walumbu zangu mwe ulosi wedi wa Chohile niwagambilenini wagambileni ivyo mhokele na kuchimala mwa ivyo.
\v 2 Nimwe imbuli yedi ino mwambulwa, mveva mnachitoza ichindedi ulosi niwagambileni mna mzumila vya bule.
\p
\v 3 Saviya nkongo ivyo nizumile kwa chindedi sileta kwenyu enga ivyo ili kugamba vikulawa mwa mawandiko Kulisito kabanika kwa chausa cha amasa yetu,
\v 4 kulawana na mawandiko nakazikwa na kugamba kauyuka zuwa dya katatu.
\v 5 Na kugamba kamlaila Kefa akaheza kwa wadya milongo na midi.
\v 6 Niyo walaila kwa chipindi chimwenga wakulu na walumbu zangu wakujinka magana mashano, walozize wawo bado wemeso mna awamwenga wagona ntogo.
\v 7 Akaheza niyo wamlaila Yakobo, akaheza wasigilwa wose.
\v 8 Udumo wa yose niyo anilaila mie saviya viya mwana elekwa mwe chipindi sicho chakwe.
\v 9 Kwaviya miye ni mdodo mwa wasigilwa sikuwagilwa kwaviya siwasawanisa wamzumile Chohile.
\v 10 Mna kwa wedi wa Chohile nivino enga nili na wedi wakwe kwangu hautendile bule kwaviya miye sikazana vidala kujinka wose mna andile siyo miye mna ukaleka sidamanya uhikiliza kujinka wose, mna sitendile miye, mna wedi wa Chohile wi mndani mwangu.
\v 11 Kwaviya hegu ni miye ni wowo chalonga ivyo naho chazumila ivyo.
\p
\v 12 Haluse uneva Kulisito kalongwa kugamba kauyuka kwa wabanike, vyate zeze wesimile wenyu wagamba hakuna uyuao wa wabanike?
\v 13 Mna uneva hakuna uyuso wa wabanike ivyo hata Kulisito hauyuke.
\v 14 Naho hegu Kulisito hauyuke nivyo kulonga kwetu ni kwa bule na utondowazi wenyu ni wa bule.
\v 15 Naho chitenda waukuzi wa udanti kumlanga Chohile kwaviya chimukuila Chohile chinyume kugamba kamuyusa Kulisito naye kumbe hamuyuse.
\v 16 Uneva wabanike hawakuyuswa Yesu naye hauyuswe.
\v 17 Naho hegu Kulisito hauyuswe kuzumila kwenyu ni kwa bule naho bado mchei mwa masa yenyu.
\v 18 Ivyo hata wadya wabanike mwa Kulisito nawo wangamila.
\v 19 Uneva ko ujima uno uwodu chani ukankalu kwa chipindi chikwiza mndani mwa Kulisito, wantu wose suwe chiwakantilwa vikujinka wantu wose.
\p
\v 20 Mna haluse Kulisito kauyuka kulawa kwa wabanike matunda ya nkongo ya wadya wabanike.
\v 21 Kwaviya file iza kujinkila wantu naho kujinkila mntu uyuso wa wabanike.
\v 22 Kwaviya mwa Adamu wose wabanika nivyo naho mwa Kulisito wose nawauyuswe.
\v 23 Mna chila yumwenga na mwalo wakwe Kulisito matunda ya nkongo naho wakaheza wadya wa Kulisito wose wauyuswe chipindi akeza.
\v 24 Naho navitende uhelo, hadya Kulisito akeza kwinkiza useuta kwa Chohole tate yetu, ino ni hadya akunga abalange useuta wa wose na udahi na nguvu.
\v 25 Kwaviya ni lazima alongoze kubula akeza kuwaika wankondo wakwe wose hasi heiviga vyakwe.
\v 26 Mnkondo wa udumo kabalangwa ni file.
\v 27 Kwaviya kaika chila chintu hasi he viga vyakwe mna agamba kaika chila chintu pwilili kugamba ino haikulanga wadya waikiye chila chintu hasi hakwe mwenye.
\v 28 Chipindi vintu vyose vikwa hasi hakwe akaheza mwana mwenye naikwe hasi hakwe yudya aikiye vintu vyose hasi hakwe vino navilaile chani kugamba Chohile tate atende vyose mwe vyose.
\p
\v 29 Hegu vino nawatende zeze wadya wambulwe kwachausa cha wabanike? Hegu wabanike hawakuyuswa vitendese kwabwani naho wambulwa kwachausa cha wowo?
\v 30 Naho kwambwani chimwenkondo chila saa?
\v 31 Mkulu na lumbu dyangu kujinkila kweduvya kwangu mwe nyuwe, ivyo vimndani mwa Kulisito Yesu Zumbe wetu nalonga vino nabanika chila zuwa.
\v 32 Napata chibwani chikasinya chimntu mntu, hegu nasitowana na makala makali uko Efeso, hegu wabanike hewakuyuswa? Leka ivyo chidye na kunywa, kwaviya luvi chabanika.
\v 33 Msekudantwa, mabunga yehiye yabalanga mazwela yedi.
\v 34 Mtende na chiasi mwikale mwe kuwagila, msekujendeleza kutenda masa, kwaviya myesimile yenyu haina ubala wa Chohile, nalonga ivi kwa soni zenyu.
\p
\v 35 Mna mntu mtuhu nagambe, wabanika wauyuswa vivihi? Nawo naweze na mwili wizeze?
\v 36 Weye wi mhezi vidala chiya uhandile hachikudaha kugonga kukula, mna chindakubanika.
\v 37 Naho chiya uhandile siyo mwili ukunga ukule mna ni mbeyu ihotile, yadaha kutenda ngano hegu chintu chituhu.
\v 38 M na Chohile naike mili enga ivyo akunga naho mwe chila mbeyu mwili wakwe mwenye.
\v 39 Mili yose hakufanana, mna kuna mwili umwenga wa mntu mwili mtuhu kala mwili mtuhu wa dege mtuhu nawo kwachausa cha samaki.
\v 40 Naho kuna mili ya kwembingu na mili ya mwe isi mna ukuka mwe mili ya koulanga ni ya aina imwenga na ukuka wa mwe isi ni mtuhu.
\v 41 Kuna ukuka umwenga wa zuwa na ukuka mtuhu wa mwezi na ukuka mtuhu wa ntondo kwaviya ntondo imwenga yesimana na ntuhu mo ukuka.
\p
\v 42 Ivyi nivyo vili nayo uyuuso wa kubanika, chikuhandwa chabanika mna chikuhota hachikubanika.
\v 43 Chihandwa chitumiwe vya mazwela chahotezwa mwe ukuka chikahandwa mwe unyanyahazi chahotezwa mwe udahi.
\v 44 Chihandwa mwe mwili wa kolwa chahotezwa mwe mwili wa chimuye, hegu kuna mwili wa kolwa kuna mwili wa chimuye nawo.
\p
\v 45 Ivyo naho idolonywa mntu ywa nkongoAdamu katenda muye ukuhema Adamu ywa uhelo katenda muye ukulavya ujima.
\v 46 Mna wachimuye hawizile nkongo mna wa klo akaheza wa chimuye.
\v 47 Saviya mntu yudya adamaywe kwa ulongo, mntu ywa kaidi kalawa ko ulanga.
\v 48 Enga viya yudya adamaywe ywa ulongo nivyo naho wadya wadamanywe kwa ulongo enga viya mntu ywa kwembingu eli naho nivyo wadya wakwembingu.
\v 49 Saviya chinule chilagiso cha mntu ywa ulongo nachinule naho chilagiso cha mntu ywa kwembingu.
\p
\v 50 Haluse nawagambilani wakulu na walumbu zangu kugamba mwili na sakame havikudaha kulisi useuta wa Chohile hegu wa kubanika kulisi hewekubanika.
\v 51 Kaula nawagambilani nyuwe chinyele cha chindedi hachibanike wose mna chose nachihitukile.
\v 52 Nachihitukile mwechipindi mwekugubika na kugubula ameso mwedigunda dya uhelo. Kwaviya gunda nandile wabanika nawauyuswe niyowatenda hawakubanika naho nachihitulwe.
\v 53 Kwaviya unoubanika vyaungwa kuvala hevikuhitukila umonao ukabanika vyaungwa uvale hevikubanika.
\v 54 Mna ichipindi chino uno ukubanika ukavale hewikubanika nivyo nawize ulosi ukugamba naho udolonywa kubanika kumelwa ni kuhumwa.
\q1
\v 55 File kuhuma kwako kwihahi? File wikuhi usungu wako?
\p
\v 56 Usungu wafile ni masa naho udahi wa masa ni lagizo.
\v 57 Mna chamtogola Chohile akuchinka suwe kuhuma kujinkila Zumbe ywetu Yesu Kulisito.
\p
\v 58 Mwaivyo wambuya zangu wakulu na walumbu zangu
\c 16
\cl Sula 16
\p
\v 1 Haluse vikulanga misango ya wamzumile Chohile saviya ivyo nilagise mwe zinyumba ze vikilo dya Galatiya nivyo mkungigwa mtende.
\v 2 Mwa zuwa dya nkongo mazuwa mfungate chila yumwenga ywenyu aike chintu fulani hankanda enga ivyo mkudaha tendani ivyo chani kugamba kusekutenda na misango mazuwa hwizila.
\v 3 Naho heza kwiza yoyose mkunga msagule nanimsigile hamwenga na baluwa kulawa jeleko dyenyu uko Yelusalemu.
\v 4 Naho uneva ni vyedi kwa miye nami kwita hamwenga na miye.
\p
\v 5 Mna nanize kwenyu chipindi umo hajinkila Makedoniya.
\v 6 Mafani nadaha kwikala na nyuwe hegu hata kubinda imiezi yempeho chani kugamba mdahe kunambiza mweintambo yangu kokose hunga nite.
\v 7 Kwaviya sikufanyanya kuwawona kwa chipindi chijihi kwaviya nafanyanya kwikala na nyuwe kwa chipindi fulani.
\v 8 Mna nanikale Efeso kubula mazuwa milongo mishano.
\v 9 Kwa viya inchili ivugulwa kwachausa changu mna kuna wankondo walozize wakunihiga
\p
\v 10 Haluse chipindi Timoseo akeza muwone kugamba mwihamwenga na nyuwe bila kogoha asankana ndima ya Zumbe enga ivyo husankana.
\v 11 Mntu yoyose usekumbela, mwambize mwe isila yakwe kwa utondowazi chani kugamba adahe kwiza kwangu kwaviya nafanyanya eze hamwenga na walukolo.
\p
\v 12 Haluse vikumlanga mlukolo ywetu Apolo nasimjela muye vilozize mna niyo akanta asekwiza vino haluse mna hata ivyo naeze akapata luhenyo.
\p
\v 13 Mtende mwi meso mchimale mtogile mtende enga wagosi mtende na udahi.
\v 14 Ivyo yose mkusankana msankane mwe ungi.
\p
\v 15 Mwiimanya ikaya ya Stefana, mmanya kugamba nawendile wazumizi wa nkongo uko Akaya, na kugamba naweika wowo wenye mwe kusankanila wazumizi, haluse nawagambilani mkulu na lumbu dyangu.
\v 16 Mtende na kunyanyahala wantu wantu awo naho kwa chila mntu akwambiza mwe ndima ya wadamanya ndima hamwenga na nyuwe.
\v 17 Naho selelwa mo ukwiza kwa Stefana Fatunata na Akiko, wachimla hantu aho namkaungwa mchimale.
\v 18 Kwaviya waubwedeza umuye wangu na uwenyu kwaviya haluse wamanye wantu wakwinga awo.
\p
\v 19 Nyumba za vikilo za Asia wasigila ndamsa kwenyu, Akila Pliska wamlamsani mwa Zumbe hamwenga na wazumile we mwe inyumba yawe.
\v 20 Wakulu zangu walumbu zangu nawalamsa lamsanani kwa ungi ukukile.
\p
\v 21 Miye Paolo nadolonya vino kwa mkono wangu.
\v 22 Hegu kuna yoyose hekumunga Zumbe ivyo nkanto itende mlanga mwakwe, Zumbe ywetu soo!
\v 23 Wedi wa Zumbe Yesu utende na nyuwe.
\v 24 Ungi wangu utende hamwenga na nyuwe mwa Kulisito Yesu.