ziw_reg/44-JHN.usfm

\id JHN
\ide UTF-8
\h Yohana
\toc1 Yohana
\toc2 Yohana
\toc3 jhn
\mt Yohana
\c 1
\cl Sula 1
\p
\v 1 Aho nkongo nandile kuna ulosi na ulosi nanihamwenga na Chohile na ulosi nendile ni Chohile.
\v 2 Uyo ulosi nkongo nendile ehamwenga na Chohile.
\v 3 Vintu vyose vidamanyika kijnkila yeye naho hegu siyo yeye hahana hata chintu chimwenga chitendile chidamanyike.
\v 4 Mndani mwakwe nendile mna ujima, na uwo ujima nendile ulangazi wa wantu wose.
\v 5 Ulangazi walangaz mwe chiza mna ichiza chadunduga.
\p
\v 6 Nendile hana mntu asigilwe, kulawa kwa Chohile, uyo zina dyakwe nendile ni Yohana.
\v 7 Nakeza saviya mukuzi, kukula vikulanga udya ulangazi, chani kugamba wose wadahe kuzumila kujinkila yeye.
\v 8 Yohana nendile suyo uyo ulangazi mna nakeza chani aukule vikula udya ualangazi.
\v 9 Ivyo nendile ulangazi wa chindedi uwo nendile wiza mwe isi nayo yamjela ulangazi chila yumwenga.
\p
\v 10 Nendile mwe isi neisi nayumbwa kujinkila yeye naho isi haimmanyize.
\v 11 Nakeza mwe vintu vyakwe na wantu wakwe hawamhokele.
\v 12 Mna mwe wadya walozize wamhokela awo wamzumile idizina dyakwe mwa awo nakawenka udahi wa kutenda Mwana ywa Chohile.
\v 13 Awo welekwa, siyo mwe sakame, hegu mwe ungi wa mwili hegu mwe ungi wa mntu mna mwa Chohile mwenye.
\p
\v 14 Naye ulosi wadamanyika mwili na kwikala mgati mwetu, chiwona Ukuka wakwe, Ukuka saviya mwawantu echedu wa ichedu nakeza kulawa kwa Tate, kamema mbazi na chindedi.
\p
\v 15 Yohana aukula vikulanga miye na kuguta izwi akagamba, yuno nuyo nendile silonga mbuli zakwe hamgamba, yudya bada ya miye ni mkulu kujinka miye kwaviya neyuko sina miye.
\v 16 Mweviya ukalila mwe uchintile wakwe, suwe chose chihokela bule chipawa kubla chipawa.
\v 17 Mwviya sigilizi ailetwa kujinkila Musa, mbazi na chindedi naviza kujinkila Yesu Kulisito.
\v 18 Hahana mntu amuwone Chohile, chipindi chochose, mntu eichedu uyo ni Cohile, emwe chifuwa cha Tate kamtenda yeye amanyike.
\p
\v 19 Naho uno nuwo ukuzi wa Yohana ichipindi walavyantambiko na Walawi wasigilwa mwakwe na Wayahudi wamuza weye wi Myahudi?
\v 20 Mna halemele naho hakanile mna ahitula miye suyo Kulisito.
\v 21 Ivyo wamuza mwe ivyo weye wi yuhi halues? Weye wi Eliya? Miye suyo uyo, walonga wimuoni? Ahitula bule.
\v 22 Akajika awagambila weye wi yuhi, chani kugamba chiwenke uhitulo wachisigile? Weukula zeze weye?
\v 23 Agamba miye ni izwi daykwe ekenyika chumizani sila ya Zu, be saviya muoni Isaya ivyo alongile.
\p
\v 24 Elo nendile wantu wasgilwa hadya kulawa mwa Mfalisayo kumuza na kugamba,
\v 25 nimbwani wabatiza elo uneva weye suyo Kulisito hegu Eliya hegu muoni?
\v 26 Yohana awahitula awagamba nabatiza kwa mazi mna ivyo mgati mwenyu achimala mntu hemkumbunkula.
\v 27 Uyo nuyo akwiza hajika miye niye sikuwagila kufungula luzigi lwe ivilatu vyakwe.
\p
\v 28 MBuli zino zidzmznyika uko Besaniya, ntendele ya Yolidani, hantu ambaho Yohana nandile akabatiza.
\p
\v 29 Zuwa diyongele Yohana nakamuona Yesu akeza kwakwe akagamba kaula Mwana ngoto ywa Chohile akuguha masa ye isi.
\v 30 Yuno nuyo nilongile mbuli zakwe hagamba, yeye akwiza kunyuma kwangu ni mkulu kujinka miye, mwaviya nendile umo sinati miye.
\v 31 Simbunkule uyo, mna idaanyika ivyo chani kugamba, agubulwe we Izulaeli, kugamba, nasibatiza kwa mazi.
\p
\v 32 Yohana nakaukula nasiwona Muye ukasela kulawa mo ulanga mliganyo wa suwa manga naisigala mlanga mwakwe.
\v 33 Miye sibunkule mna uyo anisigile chani nibatize kwa mazi, nakanigambila yudya ambaye nouwone Muye ukasela na kwikala mlanga mwakwe, uyo nuyo nabatize kwa Muye Ukukile.
\v 34 Siona naho siukula kugamba, yuno ni Mwana ywa Chohile.
\p
\v 35 Naho zuwa ditongele Yohana nendile kachimala hamwenga na wanampina wakwe waidi.
\v 36 Namuona Yesu akajenda na Yohana akagamba, kaula Mwana ngoto ywa Chohile.
\v 37 Wanampina waidi nawamwiva Yohana akagamba, haya niyo wamtongela Yesu.
\v 38 Naho Yesu niyo akahituka na kuwaona wanampina wadya wamtongele, niyo awagamba, monga mbwani? Wahitula Rabbi nuko kugamba, mhinyi wekala kuhi?
\v 39 Niyo awagambila, soni namuone, niyo waita nakuwona hantu nendile akekala, nawekala hamwenga naye zuwa idyo, kwaviya nendile yabula masaa mlongo.
\p
\v 40 Yumwenga wa wadya waidi wamwivile Yohana akalonga niyo akajika amtongela Yesu nendile ni Anduleya, mlukolo ywa Simoni Petulo.
\v 41 Niyo waona mlukolo ywake siona na kugamba chimuwona Mesiya uyo nivyo kugamba Kulisito
\v 42 Niyo wamleta mwa Yesu niyo amsinya na kugamba, weye Simoni mwana ywa Yohana nowitangwe Kefa nivyo kugamba Petulo.
\p
\v 43 Zuwa ditongele ichipindi Yesu eze aunge kuhalawa kwita Glilaya nakampata Filipo no kumgambila nitongele miye.
\v 44 Filipo nendile ni mkaya wa Besisaida, mnzi wa Anduleya na Petulo.
\v 45 Filipo nakampata Nasanieli na kumgamba, chimpata yudya endile Musa adolonye mbuli zakwe mwe sigilizi na waoni, Yesu mwana ywa Yusufu kulawa Nazaleti.
\v 46 Vino chintu chedi chadaha kulaila Nazaeliti? Filipo amgamba soo nauwone.
\v 47 Yesu niyo amuwona Nasanieli akeza mwakwe nakugamba, Kaula mwe Izulaeli chindedi chindedi hena udanti mndani mwakwe.
\v 48 Nasanieli niyo amgamba, kunimanya zeze miye? Yesu ahitula na kugamba, henati Filipo kukwitanga umo endile hasi ho umti nasi kuwona.
\v 49 Nasanieli ahitulaRabbi weye wi mwana ywa Chohile weye wi Mseuta ywa Izulaeli.
\v 50 Yesu ahitula amgamba, kwaviya sikugambila sikuwona hasi ho mti vino wazumila? Nauwone ntendwa nkulu kujinka zino.
\v 51 Yesu niyo amgamba acahendedi, chindedi nawagambilani namuone ulanga ukagubuka na kuwawona awandima wa kwembingu wakakwela na kusela mnanga mwe wana ywa mntu.
\c 2
\cl Sula 2
\p
\v 1 Dize dibule zuwa dya katatu, nendile kuna nyinka uko kana ya Galilaya na mami yakwe Yesu naeyuko.
\v 2 Yesu na wanampina wakwe nendile wagona mwe nyinka.
\v 3 Chipindi weze wabinde idivai mami yakwe Yesu amgamba hawana divai.
\v 4 Yesu ahitula mvyele iyo yanilanga mbwani miye? Chipindi changu miye hachinati kubula.
\v 5 Mami yakwe awagambila wandima, chochose nawagambilani damanyeni.
\v 6 Elo nendile hana mabiga mtandatu ya mayuwe hadya yaikigwe kwaviya kwelendusa mwe zuwa kulu dya Wayahudi chila yumwenga nendile na umemezo wa madebe maidi, matatu.
\v 7 Yesu niyo awagambila memezani mazi mabiga ya mayuwe wamemeza mnanga.
\v 8 Niyo awagamba wadya wandima guhani chidogo haluse mwigaile mwe mndima ywe imeza inkulu, niyo wadamanya saviya wasigilwe.
\v 9 Mndima mkulu ayaluma yadya amazi endile yahitukila na kutenda divai, mna hamanyize uko yalaile, mna wandima wayatekile amazi nawamanya uko yalaile, niyo amwitanga umwali na
\v 10 kumgambila chila yumwenga akonga kuwenka awantu divai ihiye mna weye kuninka divai yedi kubula haluse.
\v 11 Chilagiso chino cha kana ya Galilaya nandile nivyo bosi mwe chilagiso adamanye Yesu akagubula ukuka wakwe, ivyo wanampina wakwe niyo wamzumila.
\p
\v 12 Vize vyajike, Yesu mami yakwe, walukolo wakwe na wanampina wakwe nawaita mwe mzi wa Kapelanaumu niyo wekala uko mwe mazuwa majeche.
\p
\v 13 Elo Pasaka ya Wayahudi nendile ihaguhi, ivyo Yesu niyo aita Yelusalemu.
\v 14 Niyo awambwila wataga ng'ombe, ngoto, na wasuwa manga mndani mwe nyumba nkulu ya kuvikila, akajika na wakahitula hela nendile wekala mndani mwe nyumba nkulu ya kuvikila.
\v 15 Yesu niyo adamanya luzigi lwenye mafundo, niyo awalavya wose nendile weyumo mwe nyumba nkulu ya kuvikila, hamwenga na ng'ombe na ngoto, nakwitila hela za wakuhitula hela nakuzibidula izimeza zawo.
\v 16 Mwe wataga wasuwa manga awagamba lavyani ivintu vyose vino hale na ahantu hano, lekani kuitenda nyumba ya tate ywangu kutenda hantu ha gwilo.
\v 17 Wanampina wakwe niyo wabunkula kugamba, nendile idolonywa, chinyulu che nyumba yako naunidye.
\p
\v 18 Wakulu wa Chiyahudi wahitula, wakagamba, ni vilagiso vihi nauvilagise mwe viya wadamanya mbuli zino?
\v 19 Yesu awahitula bomolani inyumba nkulu ya Chohileino miye naniizenge yakajika mazuwa matatu.
\v 20 Niyo wakulu wa Wayahudi niyo wagamba, iguha mihilimo milongo mine na mtandatu kuizenga inyumba nkulu yo kuvikilaino, weye wegamba nauizenge mwe mazuwa matatu?
\v 21 Mna hegu yeye nakalonga nyumba nkulu ya kuvikila na akalonga umwili wakwe.
\v 22 Ivyo umo eze auyuke mwakwe kulawa kwa wabanike, wanampina wakwe niyo wakumbuka kugamba nakalongaivyo, Niyo wazumila madolonyo alongaga dino ambadyo Yesu nendile kalonga kale.
\p
\v 23 Elo umo nendile Yelusalemu ichipindi che Ipasaka, chipindi cha zuwa kulu, wantu walozize nawazumila idizina dyakwe weze waone vilagiso na mpintuko adamanye.
\v 24 Mna Yesu nahena na uzumizi nawo mwaviya nakawamanya wantu wose.
\v 25 Haungile mntu yoyose kumgambila kulanga ivyo weli wantu kwaviya awamanyize chimndani mwawo.
\c 3
\cl Sula 3
\p
\v 1 Elo kwendaga na Falisayo endile zina dyakwe Nikodemu, yumwenga ywa wazumile wa chitala cha Wayahudi.
\v 2 Mntu yuno nakambasa Yesu nechilo na kumgambila Rabi, chimanya ya kugamba wimhinyi kulawa kwa Chohile kwaviy hahana mntu akudaha kudamanya mpituko zino zose za Cohile niviya ehamwenga na naye.
\v 3 Yesu ahitula chindedi, chindedi, mntu hakudaha kwingila mo Useuta wa Chohile hanelekwe nkanana ya kaidi.
\v 4 Nikodemu amgamba, mntu adaha zeze kwelekwa akatenda kadalahala? Hakudaha kwingila mweinda yanine yakwe nkanana ya kaidi na kwelekwa, vino adaha?
\v 5 Yesu ahitula chindedi, chindedi mntu henelekwe kwa mazi na kwa Muye, hakudaha kwingila mo Useuta wa Chohile.
\v 6 Chelekwe ni mwili ni mwili na chelekwe kwa Muye ni Muye.
\v 7 Usekwehelwa kwaviya sikugambila vyaungwa kwelekwa nkanana ya kaidi.
\v 8 Mpeho yavumila hohose ikunga na izwi dyakwe mwadiva, mna hammanyize uko ikulawa naho uko ikwita, nivyo ili namna ya chila elekwe na Muye.
\v 9 Nikodemu ahitula, na kugamba, mbuli zino zadahika zeze?
\v 10 Yesu amhitula weye, weye umhinyi wa Izulaeli, vino huzimanyize mbuli zino?
\v 11 Chindedi, chindedi nakugambila, chila chimanyize chakivikila mwe chiya chikiwone, mna hamkuhokela ukuzi wetu.
\v 12 Hegu siwagambila mbuli zihano heisi naho hamzumile, namdahe vivihi hegu hawagambilani mbuli za ulang?
\v 13 Kwaviya hahana akweila kulanga kulawa mo ulanga mna yeye aseile Mwana ywaMntu.
\v 14 Hegu viya Musa ivyo amwinule nyoka kweddijangwa nivyo Mwana ywa Mntu enulwe.
\v 15 Chani kugamba wose nawamzumile, watende wajima wa kale na kale.
\p
\v 16 Kwaviya mbuli ino Chohile nakaunga isi, kugamba niyo amlavya Mwanawe wa ichedu chani kugamba, mntu yoyose amzumile asekusulumizwa mna atende na ujima wa kale na kale.
\v 17 Kwaviya Chohile hamsigile Mwanawe mwe isi chani akantile isi, mna kugamba isi yambulwe mwa yeye.
\v 18 Naho amzumile yeye hakantilwe, yeye hekumzumila kajika kukantilwa kale, ivyo hezumile zina dya Mwana echedu ya Chohile.
\v 19 Vino ni kwaviya kukantilwa kugamba, ulangazi wiza mwe isi mna wantu niyo waunga chiza vitendese vya ulangazi kwaviya ntendwa zawo nendile ziha.
\v 20 Chila mntu akudamanya yehiye ehiwa ulangazi naho hakwiza mo ulangazi chani ntendwa zakwe zinasekugubulwa.
\v 21 Mna yeye akudamanya chindedi eza mo ulangazi chani ntendwa zakweziwoneke kugamba zadamanywa mwe uzumizi wa Chohile.
\p
\v 22 Yakajika yano Yesu hamwenga na wanampina wakwe, nawaita mwe isi ya Yudeye, uko wajeseza chipindi hamwenga nawo naho nendile akabatiza.
\p
\v 23 Haluse Yohana naye nendile akabatiza uko Aineya haguhi na Salim kwaviya nendile mazi yalozize hadya, wantu wendile wakeza kwakwe na kubatizwa.
\v 24 Ivyo Yohana nendile haduligwe mwe dijeleza.
\v 25 Niyo nahalaila mahigano mgati mwa wanampina wa Yohana na Wayahudi ikulanga zuwa kulu dya ukuka.
\v 26 Niyo waita kwa Yohana niyo wamgambila, Rabi weye nednile umanyize ntendele yo mto yolodani, uwo ukukile izimbuli zakwe, kaula abatiza wose waita wamtimila.
\v 27 TYohana niyo ahitula mntu hakudaha kuhokela chintu chochose mna hegu kwinkigwa kulawa mo ulangazi.
\v 28 Nyuwe wenye mwaukula kugamba, nasilonga kugamba, miye suyo Kulisito, mna yakugamba, sisigilwa kulongoila.
\v 29 Mta mwali wa chiche na mwali wa chilume haluse mbuyangu wa mwali wachigosi akuchimala na kwetegeleza eleleswa kwaviya izwi dya mwali wa chigosi vino haluse ni kwelelwa kwangu kuchintile.
\v 30 Aungwa atendese na miye na miye naungwa kuhunguka.
\p
\v 31 Uyo alaile kulanga, ekulanga kwa yose, uyo emweisi alawa mwe isi naho alonga mbuli za mweisi, uyo alaile mo ulanga eyuko mlanga mwa yose.
\v 32 Uyo aukula ukuzi wakwe yudya ayawone nakwiva mna hahana akuhokela ukuzi wakwe.
\v 33 Uyo ahokele ukuzi wakwe katogola kugamba Chohile ni chindedi.
\v 34 Ivyo uyo asigilwe ni Chohile alonga ulosi wa Chohile kwaviya hakumwinka muye mwe chihimo.
\v 35 Tate amunga Mwana naho kamwinka vintu vyose mwe imikono yakwe.
\v 36 Uyo namzumile Mwana ananwao ujima wa kale na kale, mna mwe uyo hekuzumila mwana hauone ujima, mna maya ya Chohile mnanga mwakwe.
\c 4
\cl Sula 4
\p
\v 1 Mna Yesu eze amanye kugamba Mafalisayo weva kugamba Yesu nandile anawanampina na kuwabatiza kujinka Yohana.
\v 2 Mna Yesu mwenye nendile hakubatiza mna wanampina wakwe,
\v 3 kalawa Yudeya niyo aita Galilaya
\v 4 Ivyo nandile ni vyedi kujinkila Samaliya.
\v 5 Niyo abula mo mzi wa Samaliya ukwitangwa Sikali hajihi na inkonde ya Yakobo amwitanga mwanawe Yusufu.
\v 6 Naho idisima dya Yakobo nendile diyaho, Yesu nandile kasokezwa ni ntambo niyo ekala hajihi ne idisima nandile ni saa za nomsi.
\v 7 Mvyele mfambazi keza kuteka mazi niyo Yesu amgamba, ninka mazi ninywe.
\v 8 Kwaviya wanampina wakwe nandile waita komzi kwe kugula nkande.
\v 9 Yudya mvyele amgamba, navitende vivihi weye Myahudi kunilombeza miye mvyele mfambazi mazi ya kunywa? Kwaviya Wayahudi hawakudaha kuhanganyana na wafambazi.
\v 10 Yesu ahitula hegu wamanyize ntunyo ya Chohile na yudya akukugamba ninka mazi nakumlombeza nakakwinka mazi ya ujima.
\v 11 Uyo mvyele ahitula Zumbe huna ndowo ya kutekela na idisima ni tali nauyapate kuhi mazi ya ujima.
\v 12 Kwani weye wi mkulu kujinka tati yetu Yakobo yeye achinkile idisima dino yeye mwenye na wanawe wose hamwenga na wanyama wakwe wanywe mazi ya idisima dino?
\v 13 Yesu amhitula yoyose akunywa amazi yano hawone nchilu naho.
\v 14 Mna yudya akunga kunywa mazi hunga nimwinke haone nchilu naho, mna amazi hunga nimwinke nayatende na mfajo ukulawa kale na kale.
\v 15 Yudya mvyele amgamba, Zumbe nayalombeza amazi ayo nisekupata nchilu nisekusumbuwa kwiza hano kuteka mazi.
\p
\v 16 Yesu amgamba hita kamwitange mgosiwo akaheza wize.
\v 17 Mvyele amgamba sina mgosi, Yesu amhitula, kulonga vyedi huna mgosi.
\v 18 Kwaviya kutenda na wagosi washano na uyumwenga unanaye siyo mgosiwo mwedino kulonga chindedi.
\p
\v 19 Yudya mvyele amgamba, Zumbe nawona kugamba weye wi muoni.
\v 20 Tati zetu nawakavikila mo lugulu luno, mna yuwe mwagamba kugamba ni Yelusalemu naho ahantu ambaho wantu waungigwa kuvikila.
\v 21 Yesu niyo ahitula, weye mvyele nizumila, chipindi cheza aho hamumnivikile Tate mo lugulu luno Yelusalemu.
\v 22 Nyuwe wantu wavikila ciya hemchimanyize mna suwe chivikila chimanyize kwaviya wambulwa walawa kwa Wayahudi.
\v 23 Mna hano hakwiza na haluse wiyaho hano umo walavyantambiko chindedi nawamvikile Tate mwe muye na chindedi kwaviya tate awalonda wantu sawo kwa wantu wakwe wakumvikila.
\v 24 Chohile ni Muye wa wayda wakumvikila waungigwa wamvikile kwa Muye wa chindedi.
\v 25 Yuyda mvyele niyo amgamba sivimanya kugamba, Masiya eza akwitangwa Kulisito uyo aneza nachimgambile yose.
\v 26 Yesu ahitula miye hulonga na weye nuyo.
\p
\v 27 Chipindi icho icho wanampina wakwe wauya wehelwa kwambwani nandile akalonga na mvyele mna hahana ajezize kumuza waunga mbwani hegu kwambwani walonga naye?
\p
\v 28 Yudya mvyele kadyasa idibiga dyakwe niyo aita ko mzi niyo awagambila wantu.
\v 29 Soni mkaule mntu anigambile mbuli zangu zose nidamanye, vyadahika akatenda nuyo Kulisito.
\v 30 Walaw ko mzi weza kwakwe.
\p
\v 31 Ichipindi cha nomsi wanampina wakwe nawamhembeleza wamgamba mhinyi udye nkande.
\v 32 Mna yeye awahitula miye nina nkande hemwiimanyize nyuwe.
\v 33 Wanampina wagamba hahana amletele chintu kudya, togola nawaleta?
\v 34 Yesu awagamba nkande ya miye ni kudamanya ungi wakwe wa yuo anisigile nakuchintiza indima yakwe.
\v 35 Kwani hakulonga isigala miezi mishano uvuni watenda uheza? Nawagambilani kaulani izinkonde zihezize kwa kuvunwa.
\v 36 Yudya akuvuna ahokele maliho na kuchisanya nkande kwachausa cha ujima wa mazuwa yose chanimmwa yadya akuhandam naye avune welelwe hamwenga.
\v 37 Kwaviya ulusimo luno ni lwa chindedi yumwenga ahanda na mtuhu avuna.
\v 38 Siwasigila kuvuna chiya hamchihandile, watuhu wadamanya ndima na nyuwe mwengila chinyemi mo mbwedo we ndima yawo.
\p
\v 39 Wasamaliya walozize mo mzi udya wamzumila kwaviya, mwe mbuli ya yudya mvyele nandile akamukuila amgambile izimbuli zose nidamanye.
\v 40 Ivyo Samaliya weze weve wamlombeza wekale hamwenga naye niyo ekela nawo kwa mazuwa maidi
\v 41 Naho walozize mno wamzumila kwa ulosi wakwe.
\v 42 Wagamba yudya mvyele chazumila siyo du kwa mbuli yako mna suwe wenye chimwiva naho haluse chimanya kugamba, chindedi yeye ni mwambula we isi.
\p
\v 43 Kujinkila amzuwa ayo maidi kahalawa na kwita Galilaya.
\v 44 Kwaviya yeye mwenye nandile aukulanga kugamba muoni hakutunywa mwe isi yakwe mwenye.
\v 45 Eze eze kulawa Galilaya Wagalilaya wamhokela nadile wamuonaga izimbuli zose adamanye Yelusalemu mwe idizuwa kulu dya Pasaka
\v 46 Eze eze naho kana ya Galilaya uko ahitulaga amazi yakatenda mpombe nandile hana mkulu yumwenga mwanawe nendile ni mnyonje uko Kapelanaumu.
\v 47 Eze eve kugamba Yesu alawa Yudeya naho aita Galilaya kaita kwa Yesu na kumhembeleza asele amhonye mwanawe yuo nendile ehejihi na kubanika.
\v 48 Niyo Yesu amgamba nyuwe haamonile mpituko na vilagiso hamkudaha kuzumila.
\v 49 Mkulu uyo ahitula, Zumbe sela hasi ivino mwanangu hanati kubanika.
\v 50 Yesu amgamba hita mwanawo ni mjima yudya niyo azumila ulosi alongile Yesu niyo aita zakwe.
\v 51 Umo akasela wandima wakwe, wamhokela na kumgambila mwanawe katenda mjima.
\v 52 Niyo awauza ni chipindi chani kawona vyedi wamhitula gulo nomsi saa mfungate homa imlekeila.
\v 53 Ivyo tatei yakwe abunkula kugamba, chipindi chiya ichiya ichiya Yesu alongile mwanawo ni mjima.
\p
\v 54 Dino nandile ni chilagiso cha kaidi adamanye Yesu eze alawe Yudeya kwita Galilaya.
\c 5
\cl Sula 5
\p
\v 1 Akaheza ayo nendile kuna ngasu Wayahudi Yesu kakwela kwita Yelusalemu.
\v 2 Mna kudya Yelusalemu nendile nendile kuna ndiwa ya mazi homlango we zingoto zandile diketangwa kwa chiebulaniya Betishaza nadyo dina balaza shano.
\v 3 Wanyonje walozize nendile weyumo hawekuona, vilema, hewekujenda, waholomale nendile wagona he balaza iyo, mna ichipindi chimwenga mndima asela mndani mwe ndiwa niyo atibula amazi.
\v 4 Yudya atendile ywa nkongo kwingila mndani mwa mazi yatibulwe katendwa na kulawana na chochose chimtozize. Kwa chipindi icho.
\v 5 Mntu yumwenga nendile akaluma mihilimo mlongo mitatu na mnane nandile eyaho mwe balaza.
\v 6 Yesu eze amuone kagona mwe balaza na kuvumbula kugmba kagona hadya kwa chipindi chitali, Yesu amgamba, Togola waunga utende mjima?
\v 7 Yudya mnyonje ahitula, Zumbe sina mntu wa kuningiza mwa mazi uyo akutibula chila hagamba, nijeze kwingila mntu mtuhu anilongoila.
\v 8 Yesu amgamba, inuka na uguhe idigodolo dyako na wite.
\v 9 Niyo uydya mntu ahonywa kaguha ulusazi lwakwe niyo aita na idizuwa dyo kuhumula nidyo.
\v 10 Ivyo Wayahudi wamgamba, yudya mntu ahonyigwe dyelo dyelo ni zuwa dya kuhumula havikungigwa uketwika godolo dyako.
\v 11 Amhitula yudya anihonyize, yudya anihonyize nuyo anigambile kuga godolo dyako na wite.
\v 12 Ni yuhi akugambile guha idigodolo dyako wite?
\v 13 Mna yudya ahonyigwe hammanyize kwaviya Yesu nandile kahalawa kwa kwefisa kwaviya nendile na wantu walozize ahantu aho.
\p
\v 14 Akaheza aho Yesu kambwila yudya mntu mwe vikilo, niyo amgamba, kaula kuhona usekudamanya masa naho unasekupatwa ni mbuli nkulu mno.
\v 15 Yudya mntu kaita kuwagambila Wayahudi kugamba Yesu nuyo amhonyize.
\v 16 Ivyo mwe izimbuli izo Wayahudi wamsumka sumka Yesu kwaviya kadamanya mbuli ino mwe zuwa dya kuhumula.
\v 17 Yesu awagamba Tate yangu adamanya ndima vino haluse miye nami nadamanya ndima.
\v 18 Mwe ivyo Wayahudi wakazana kumlonda chani wamkome siyo kwaviya kabalanga umhumulo mna kwakumwitanga Chohile Tate yakwe, etenda kaligana na Chohile.
\p
\v 19 Yesu wawahitula, zumilani, zumilani, mwana hakudaha kudamanya chintu chochose ise akudamanya nicho no mwanga akunga adamanye.
\v 20 Kwaviya Ttae amunga umwana amlagisa chila chintu akudamanya naho namlagise mbuli nkulu kujinka zino kugamba, nyuwe mwehelwa.
\v 21 Mna saviya Tate akuyusa wabanike kuwenka ujima ivyo mwana naye amwinka yoyose akumunga.
\v 22 Kawviya Tate hakukantila yoyose mna kamwinka ukanta wose.
\v 23 Mna kugamba wose wakumwiva mwana saviya mwana akumwiva ise, yudya hekumwiva mwana hamwivile yudya anisigile.
\v 24 Zumilani, zumilani yudya akwiva ulosi wangu na kuuzumila wa yudya anisigile natende na ujima wa kale na kale hankantilwe mna yeye kajimbikwa kulawa mwe file kwingila ujima.
\p
\v 25 Zumilani nawagambileni ichindedi cheza aho haluse chiuyaho wose wabanike naweve nguto ya Mwana Chohile na wose wakunga weve nawatende wajima.
\v 26 Mna enga viya Tate eli na ujima mndani mwakwe mwenye.
\v 27 Niyo amwinka umwana atende mjima, mndani mwakwe na ise kamwinka umwana udahi wakuga, ba, akante kwaviya kwaviya ni Mwana ywa Adamu.
\v 28 Msekwehezwa ni dino, kwaviya chipindi cheza kwa wabanike wose weyumo mwe zimbila nawaive izwi dyakwe.
\v 29 Nawo nawafose kuse, kwa wadamanye yedi kwa uyuso wa ujima na wadamanye yehiye kwa uyuso wa ukantilwa.
\v 30 Sikudaha kudamanya chintu chochose kulawa kwa miye mwenye enga ivyo hwena, ivyo hukanta na ukanti wangu ni wa chindedi kwaviya sikulonga umbuya wangu mna umbuya wakwe anisigile.
\p
\v 31 Uneva ninaeukuila mwenye, ukuzi wangu hautendile wa chindedi.
\v 32 Kuna mtuhu akwinukila akunilanga miye mna simanya chindedi ukuzi akunukuila ni wachindedi.
\v 33 Imsigila kwa Yohana naye kaniukuila chindedi.
\v 34 Mna ukuzi huhokela haukulawa kwa wantu, naye nalonga yano kugamba mdahe kwambulwa.
\v 35 Yohana nandile ni ta nandile ikaka kupulika naho namheza kuibweda kwahadodo ulangazi wakwe.
\v 36 Ukuzi ninanawo ni mkulu kujinka wa Yohana kwezindima Tate aninkile kuzibilindiliza izo izindima huzidamanya zaukula kugamba Tate kanisigila.
\v 37 Tate anisigile yeye mwenye amukula miye hamnati kwiva izwi dyangu naho ivyo eli hantu hohose.
\v 38 Hahana mbuli yakwe ikwikala mndani mwenyu kwaviya hamnizumile miye nisigilwe.
\v 39 Wayakaula madolonyo mkafanyanya mndani mwakwe mna ujima wa kale na kale na ayo madolonyo yaukulaa mbuli za miye.
\v 40 Hamkunga kwiza kwa miye, chani mhokele ujima wa kale na kale.
\p
\v 41 Sikuhokela ntunyo kulawa kwa mntu.
\v 42 Mna simanya kugamba umbuya wa Chohile mndani mwenyu nyuwe wenye.
\v 43 Siza kwa zina dya Tate ywangu hamdahile kunihokela mna mtuhu akeza kwa zina dyakwe namumhokele.
\v 44 Mwadaha zeze kuzumilana nyuwe wenye ambawo mwahokela ntunyo kulawa kwa cjila yumwenga wenyu, mna hamkudaha ntunyo kulawa kwa Chohile weichedu?
\p
\v 45 Msekugamba miye naniwalaheni kulongozi kwa Tate akunga awalaheni ni Musa mwa nyuwe mwikigwa mwe msuhi kwakwe.
\v 46 Hegu mwandile mwamzumila Musa namnizumile miye kwaviya kadolonya kulanga mbuli za miye.
\v 47 Hegu hamkuzumila madolonyo yakwe na mdahe zeze kuzumila izimbuli za miye?
\c 6
\cl Sula 6
\p
\v 1 Eze yaheze yano, Yesu kaita ntendele za bahali ya Galilaya naho yetangwa bahali ya Tibeliya.
\v 2 Fyo kulu nendile wakambasa kwaviya waona vilagiso nakadamanya kwawendile wanyonje.
\v 3 Yesu kakwela kulanga mo lugulu niyo ekala uko nawanampina wakwe.
\v 4 Naho Pasaka, ye ngasu ya Wayahudi nendile ihaguhi.
\v 5 Yesu eze enule ameso yakwe kulanga kawona fyo kulu dyeza kwakwe amgamba Filipo kwa kumjeza nachite kuhi chikagule nkande ya wantu wadye.
\v 6 Mna Yesu kalonga ayo kwa Filipo kwaviya amjeza yeye mwenye kamanya akunga adamanye.
\v 7 Filipo ahitula, hata nkande ikubula magana maidi haichinte kwa chila yumwenga apate chihande chidodo.
\v 8 Anduleya yumwenga ywa wanampina wa kwe mlukolo wakwe Simoni Petulo amgamba,
\v 9 Yesu kuna mbuyangu hano, anamigate mishano na samaki waidi, mna vino navichinte mbwani kwa wantu wlozize savino.
\v 10 Yesu amgamba wekazeni wantu hasi nendile hana mani yalozize ahantu aho, ivyo wagosi wakubula magana milongo mishano niyo wekala hasi.
\v 11 Niyo Yesu aguha idya imigaate imishano amtogola Chohile kawapangila wadya nendile wekale, niyo naho awapangila samaki kwa chila viya aungile.
\v 12 Wantu eze wegute awagamba, wanampina wakwe dondolani ivibesu vye migate ivyo visigale kugamba chinase kwaga chochose.
\v 13 Niyo wadondola nakumemeza ntangulu mlongo umwenga na mbili vibendu vya migate mishano ya shaili vibendu visigszwe ni wadya wadile.
\p
\v 14 Niyo wantu weze waone ichilagiso chino adamanye wagamba, chindedi yuno nuyo yudya umuoni akwiza mwe isi.
\v 15 Yesu ezeamanye kugamba nandile wakaunga kumgwila chani wamtende seuta ywawo niyo atendegela naho niyo aita ko lugulu yeye mwenye ichedu.
\p
\v 16 Eze chibule chisingi wanampina wakwe wasela kwita kwediziwa.
\v 17 Wakwela mwe hondo nandile wakadeluka kwita Kapelanaumu, chiza nandile chingila, Yesu nandile hanati kwiiza kwawo.
\v 18 Mna luzimu lukali nandile ukavumila niyo ibahali nandile ikajendelaza kubanika.
\v 19 Niyo wanampina wakwe watowa chilometa milongo midi naa shano, niyo milongo mitatu wamuona Yesu ajenda mlanga mwe bahali kubwila idihondo niyo wogoha.
\v 20 Yesu awagamba ni miye msekogoha.
\v 21 Naho nawemalanya kale kumwinula mwe dihondo nivyo idihondo dibula mwe isi hantu nandile wakaita.
\p
\v 22 Zuwa ditongele fyo dya nandile wachimale kumpezo kwe bahali wasinya kugamba hakuna hondo tuhu mna diya ambadyo Yesu na wanampina wakwe nendile hawenati ukwela mna wanampina wakwe nendile waita wowo wenye.
\v 23 Mna nandile kuna yamwenga ya mahondo yalaile Tibeliya, hajihi na hantu wadile imigate mwa Zumbe kulavya ntogozi
\v 24 Awo wantu weze wamanye kugamba siyo Yesu hegu wanampina wakwe wandile kudya wow wenye wakwela mndani mwe mahondo waita Kapelanaumu wakumlonda Yesu.
\p
\v 25 Eze wamuone hantu hatuhu mwe diziwa wamuza, Mhinyi kwiza ini kuno?
\v 26 Yesu awahitula awagamba, zumilani, zumilani mwanilonda miye siyo kwaviya muona vilagiso ni kwaviya mdya migate niyo mweguta.
\v 27 Lekani kuidamanyiza ndima nkande yenye kubanika, mna mkaidamanyiza ndima nkande ikwikala mazuwa yose chiya ambacho Mwana ywa mntu nawenkeni kwaviya Chohile Tate kaika hula ulwivi wakwe.
\p
\v 28 Niyo awagamba nimbwani chaungigwa kudamanya chani kuzidamnya ndima za Cohile?
\v 29 Yesu awahitula ino niyo indima ya Chohle kugamba mumzumile yeye amsigile
\v 30 Niyo wamgamba ni vilagiso vyani ukunga udamanye kugamba, chadaha kuzisinya na kuzizumila no tende mbwani?
\v 31 Tati zetu wadyaga mana mwe dijangwa saviya vidolonywe kawenka migate kulawa kwembingu chani wadye.
\p
\v 32 Niyo Yesu awahitula, zumilani, zumilani siyo Musa awenkileni migate kulawa kwembingu mna ni Tate miye nuyo akuwenkani migate ya chindedi kulawa kwembingu.
\v 33 Kwaviya migate ya Chohile ni idya ikusela kulawa kwembingu na kuinka ujima isi.
\p
\v 34 Niyo wamgamba Zumbe chinke uwo umgate mazuwa yose.
\v 35 Yesu awagamba, miye nuyo mgate wa ujima yudya akwiza kwa miye halumwe ni sala na yudya akunizumila haone nchilu naho.
\v 36 Uneva siwagambilani kugamba, mniwona bado hamkuzumila.
\v 37 Wose wadya Tate akuninka naweze kwa miye na yoyose akwiza kwa miye sanimdule kweise chindedi.
\v 38 Kwaviya sisela kulwa kwembingu siyo kwawadamanya umbuya na miye chani umbuya wakwe anisigile.
\v 39 Uno nuyo umbuya wakwe kugamba nisekmwaza hata yumwennga wa wadya aninkile mna niwauyuse zuwa dya udumo.
\v 40 Kwaviya uno nuwo umbuya wa Tate miye kugamba yoyose akumsinya mwana na kumzumila enkigwe ujima wa kale na kale nami naimuyuse zuwa dya udumo.
\p
\v 41 Niyo Wayahudi wamng'ung'uzikila kwaviya yeye agambile miye ni mgate useile kulawa kwembingu.
\v 42 Wagamba yuno suyo Yesu Mwana ywa Yusufu tati yakwe na mami yakwe chiwamanya, vitenda zeze haluse agamba sisela kulawa kwe mbingu?
\v 43 Yesu awahitula awagmba, msekung'ung'uzika mgati mwenyu wenye.
\v 44 Hehena mntu akwiza kwa miye hanakwezigwe ni Tate miye anisigile miye nanimuyuse zuwa dya udumo.
\v 45 Kwaviya idolonywa mwa waoni nawahinywe ni Chohile chila evile kehinya kulawa kwa Tate kiza kwa miye
\v 46 Siyo kugamba, kuna mntu amuwonile Tate, mna yudya akulawa kwa Chohile kamuwona Tate.
\v 47 Zumilani, zumilaa, yudya akunizumila ananawo ujima wa kale na kale.
\v 48 Miye ni mgate wa ujima.
\v 49 Wakale wetu nawadya mana mwedijangwa niyo wabanika.
\v 50 Uno nuwo mgate kusela kulawa kwembingu kugamba mntu adye ichedu mwenye asekunanika.
\v 51 Miye ni mgate useile kulawa kwembingu uneva mntu yoyose anadya chipande cha mgate uwo nekale kale na kale, mgate hunga nilavye ni mwili wa miye kwachausa cha ujima we isi.
\p
\v 52 Wayahudi wehiwa mwenye kwa wenye niyo wakonga kuhigaana waagamba mntu yuno adaha zeze kuchinka umwili wakwe chiudye?
\v 53 Niyo Yesu awagamba, zumilan, zumilani hamnadile umwili wa Mwana ywa Adamu na kuinywa isakame yakwe hamtende na ujima mndani mwenyu
\v 54 Yoyose naudye umwili wa miye na kuinywa isakame ya miye, natende na ujima wa kale nakale miye nami naimuyuse zuwa dya udumo.
\v 55 Kwaviya umwili wa miye ni nkande ya chindedi na sakame ya miye ni chikunywegwa cha chindedi.
\v 56 Yudya akudya umwili wa miye, na kuinywa isakame ya miye ekala mndani mwa miye na miye mndani mwakwe.
\v 57 Seivy Tate ana ujima uyo anisigile, ivyo hwikala kwachausa Tate yeye naye ekala kwachausa cha miye.
\v 58 Uno nuwo mgate ukusela kulawa kwembingu siyo enga viya tate wadile niyo wabanika, yudya akudya umgate uno nekale kale na kale.
\v 59 Yesu kayalonga yano mndani mwe divikilo nandile akahinya aho Kapelanaumu.
\p
\v 60 Niyo walozize wa wanampina wakwe eze weve yano wagamba dino ni hinyo dala ni yani akudaha kudihokela?
\v 61 Yesu kwaviya kamanya kugamba wanampina wakwe wakading'ung'uzikila diya awagamba, dino ni dala?
\v 62 Mna navitende nammuone Mwana ywa Adamu akasela kulawa aho nendaga.
\v 63 Ni Muye nuyo akulavya ujima mo mwili haukubweda chintu chochose.
\v 64 Mna kuna wantu mgati mwenyu hawekuzumila kwaviya Yesu kamanya kukongela nkongo yudya yeye hekudaha kuzumila na yufya akunga amhituke.
\p
\v 65 Awagamba ni kwaviya dino nasiwagambila kugamba hahali mntu akudaha kwiza kwa miye mna kenkwa ni Tate.
\p
\v 66 Akaheza yano wanampina wakwe walozize wauya kunyuma naho hawatendile hamwenga na yeye naho.
\v 67 Yesu awagamba wadya mlongo umwenga na waidi togolani naywi mwaunga kuhalawa?
\v 68 Simoni Petulo amhitula chite kwa yuhi kwani weye una ulos wa ujima wa kale nakale,
\v 69 naho chizumila na kumanya kugamba weye wi Mkuka wa Chohile.
\v 70 Yesu awagamba mna miye siwasaguleni, nyuwe na nyuwenga ywenyu ni mwavu?
\v 71 Haluse nakalonga mwa Yuda umwana ywa Simoni Isiliyote kwaviya nandile akatenda yumwenga mwa wadya mlongo na waidi yeye nuyo akuga amhituke Yesu.
\c 7
\cl Sula 7
\p
\v 1 Eze aheze yano, Yesu atamba aita Galilaya kwaviya haungile kwita Uyahudi kwaviya Wayahudi nandile wakaika njama za kumkoma.
\v 2 Haluse ngasu ya Wayahudi, ngasu ya makumbi nandile ihajihi.
\v 3 Niyo walukolo wakwe wamgambila halawe ahantu hano wite Uyahudi chani kugamba wanampina wake iviya iviya wayasinya yano ukudamanya.
\v 4 Hekuna akudamanya dyodyosekwa chinyele uneva yudya mwenye amunga kumanyika kwaviya wadamanya mbuli zino kwelavize mwenye mwe isi.
\v 5 Hata walukolo wakwe nawo hawakumzumila.
\v 6 Niyo awagambila nchintizo ya miye hainati kubula bado mna nchintizo yenyu iheza iligana.
\v 7 Isi haikudaha kuwehiwa nyuwe mna unanihiwa miye kwaviya naukula kugamba izimbuli zakwe ziha.
\v 8 Kwelani mwite kwe ngasu miye sikwita kwengasu ino kwaviya chintizo dyangu hadinati kuchinta.
\v 9 Eze aheze kulonga ayo, kwawo niyo asigala Galilaya.
\p
\v 10 Walukolo wakwe nandile kwita kwengasu niyo naye aita siyo ko molumpe kwa chinyele.
\v 11 Wayahudi nandile wakamlonda mwe ngasu niyo wagamba ekuhi?
\v 12 Nandile kuna ntamulizi zilozize mgati mwe dibunga zikumlanga yey wamwenga wagamba, ni mtu ywedi, watuhu walonga awaza awantu mwedibunga.
\v 13 Mna hahana alongile mo lumpe mwa yeye kwa kuwogoha Wayahudi.
\p
\v 14 Mwe ingasu eze ibule mgati mgati Yesu kakwela kwita mwe vikilo na kukonga kuhinya.
\v 15 Wayahudi nandile wehelwa na kugamba, ni kwavivihi mntu yuno kamanya mbuli zilozize naye hasomile kabisa
\v 16 Yesu awahitula na kuwagamba, mahinyo ya miye siyo ya miye mna ni yakwe yudya anisigile.
\v 17 Uneva ni yoyose yudya aunga kudamanya umbuya wakwe, yudya namanye mahinyo yano yakulawa kwa Chohile hegu nalonga kulawa kwa miye mwenye.
\v 18 Chila akusinwila yakulwawa kwakwe mwenye alonda ntunyo yakwe yudya anisigile mntu uyo ni wachindedi na mndani mwakwe hamna wihi wowse.
\v 19 Musa hawenkile nyuwe mbuli mna hahana hata yumwenga mgati mwenyu akudamanya mbuli kwa mbwani mwaunga kunikoma.
\p
\v 20 Idibunga dyahitula una mpepo ni yani akunga akukoma?
\v 21 Yesu awahitula na kuwagamba sidamanya ndima hamwenga na nyuwe nyose mwehezwa kwakwe.
\v 22 Musa kawenkani jelwa ngasu siyo kugamba, vilawa kwa Musa mna idya ilawa kwa Tate na mwe zuwa dya kuhumula mwa mvikila mntu.
\v 23 Uneva mntu hahokele ngasu mwe zuwa dya kuhumula chani kugamba imbuli ya Musa isekuvunwa kwambwani mwanihewa miye kwaviya simtenda mntu atende mjima naho mwe zuwa dya kuhumula?
\v 24 Msekukanta kuligana na viya ukuwona mna kantani kwa chindedi.
\p
\v 25 Mgati mwawo kulawa Yelusalemu wagamba, siyo yudya wakumlonda wamkome.
\v 26 Kaula alonga mo lumpe nawo hawakulonga dyodyose mwakwe.
\v 27 Chimanya yudya mntu alawa kuhi Kulisito aho nezile mna hahana akunga amanye uko akulawa.
\p
\v 28 Yesu nandeile kaguta mwe divikilo akahinya na kugamba, nyuwe nyose mnimanya miye naho mmanya uko nilaile, sizile kwa udahi wangu mna yudya anisigile ni wachindedi naho hammanyize yeye.
\v 29 Simmanya yeye kwaviya silawa kwakwe naye kanisigila.
\p
\v 30 Nandile wakajeza kungwila mna hahana hata yumwenga enule mkono wakwe kwakwe kwaviya isa yakwe nendile hainati kubula.
\v 31 Niyo awalozize mwe dibunga niyo wamzumila wagamba Kulisito aho nezile nadamanye vilagiso vitendese kujinka adamanye mntu yuno.
\v 32 Mafalisayo waweva idibunga wakatakalisana mbuli zikumlanga Yesu, niyo walavyantambiko na Mafalisayo wasigila wankondo wawagwile.
\p
\v 33 Niyo Yesu awagamba nina chipindi chidodo ni hamwenga na nyuwe akaheza naita kwakwe yudya anisigile.
\v 34 Namnimlonde naho hamniwone kudya hwita hamdahe kwiza.
\v 35 Niyo Wayahudi walonga wowo mntu yuno naite kuhi kugamba chisekumuona? Naite kwa wadya wazagale mwa Wayunani na wakuhinya Wayunani.
\v 36 Ni ulosi wani uno alongile namnilonde naho hamniwone kudya hwita hamdahe kwiza.
\p
\v 37 Haluse zuwa dya uhelo, zuwa kulu dya ngasu Yesu kachimala kaguta agamba, uneva yoyose ana nchilu neze kwa miye anywe.
\v 38 Yudya akunizumila miye saviya madolonyo ivyo yalongile kulawa mndani mwakwe nayajuluzike makolongo ya mazi ya ujima.
\v 39 Mna kayalonga yano kwa Muye Ukukile yudya ambaye namzumile nawamhokele Muye Akukile nandile hanati kulavigwa kwaviya Yesu nandile hanati kutunywa.
\p
\v 40 Mgati mwe dibunga weze weve izimbuli izo wagamba chindedi yuno ni muoni.
\v 41 Watuhu wagamba yuno ni Kulisito, mna watuhu wagamba mbwani Kulisito adaha kulawa Galilaya.
\v 42 Madolonyo hayalongile kugamba Kulisito nalaile mwe lukolo lwa Daudi na kulawa Beselehemu mzi ambawo Daudi nandile?
\v 43 Niyo ahadya henuka mpangano mgati mwe dibunga kwachausa chakwe.
\v 44 Watuhu mgati mwamwo waunga wamgwile mna hahana asuluse mkono wakwe mwakwe.
\p
\v 45 Niyo wadya wankondo wauya kwa wakulu wa walavyantambiko na Mafalisayo niyo wamgamba kwa mbwani hamumletile?
\v 46 Wankondo wahitula, hahana mntu ajezaga kulonga saviya yuno.
\v 47 Mafalisayo wawauza nyuwe nanywi mzaganywa?
\v 48 Kuna yoyose mgati mwe vilongozi wamzumile hegu yoyose mwa Mafalisayo?
\v 49 AMna wa mwedibunga hawamanyize mbuli waligitwa.
\p
\v 50 Nikodemu awagamba, yudya amwitilaga ye aho kale akatenda yumwenga wa Mafalisayo.
\v 51 Togolani mbuli yetu inamkantila mntu henati kutegelezwa na kumanya chiya akudamanya?
\v 52 Wamhitula wamgamba, weye nawe walawa Galilaya? Londa ukaule kugamba hahana muoni alailaga Galilaya.
\p
\v 53 Niyo chila mntu aita kukaya kwakwe.
\c 8
\cl Sula 8
\p
\v 1 Yesu kaita ko lugulu we mizeituni.
\v 2 Kuchele na mtondo keza naho mwe divikilo niyo awantu wose wambasa niyo ekala na kuwahinya.
\v 3 Wadolinyi na Mafalisayo niyo wamleta mvyele agwiligwe mwe mbuli ya ugonyi wa mwinka hagati.
\v 4 Niyo wamgamba, Yesu, mhinyi mvyele yuno kagwilwa mwe ugonyi mwe mbuli za chindedi.
\v 5 Haluse mwe mbuli ya Musa kachisigala kugamba kuwahuta mayuwe wantu sa wano wagaze mwako.
\v 6 Walongaa yano chani wamwetegeleze chani wadahe kumlongeleza mna Yesum kafunama hasi adolonya mo msanga kwa kadole kakwe.
\v 7 Eze wahikilize kumuza niyo achimala niyo awagamba yudya hena masa mgati mwenyu atende wa nkongo kuhuta mayuwe.
\v 8 Niyo afunama naho hasi adolonya mo msanga na akadole kwakwe.
\v 9 Eze weve ayo wahalawa yumwenga na mtuhu kukongela emdalahala abinda Yesu kasigwa ichedu mwenye hamwenga na yudya mvyele nandile emgati mwawo.
\v 10 Yesu kachimala na kugamba, yudya mvyele wakulongeleze weye wekuhi? Hahana hata yumwenga akukantile.
\v 11 Agamba hahana hata yumwenga Zumbe, Yesu amgamba hata miye sikukukantila hita mwenye sila yako mna kukongela haluse na kujendeleza usekudamanya masa naho.
\p
\v 12 Naho Yesu kasimwila na wantu akagamba, miye nuyo ulangazi we isi yudya akunitogola hajende mwe chiza mna natende mlangazi wa ujima.
\v 13 Mafalisayo wamgamba weukuila mwenye ukuzi wako siyo wa chindedi.
\v 14 Yesu awahitula awagamba, mna hegu neukuila mwenye ukuzi wa miye ni chindedi namanya hantu nilaile na kudya hwita, mna nyuwe hammanyize, aho hulawa hegu kudya hwita.
\v 15 Nyuwe mwakanta chimwili miye sikukantila yoyose.
\v 16 Miye hata ninakanta, ukanti wa miye ni wachindedi kwaviya si chedu mna nihamwenga na Tate anisigile.
\v 17 U=Ivyo ni mwe sigilizi yenyu vidolonywa kugamba, ukuzi wa wantu waidi ni wachindedi.
\v 18 Miye nuyo hweukuila na Tate anisigile aniukuila.
\p
\v 19 Wamgamba Tati yako ekuhi, Yesu awahitula miye hamnimanyize hata Tatiyangu hamummanyize, mwammanyize, namnimanya miye, na Tate wantu naye.
\v 20 Kalonga ulosi uno akatenda hajihi na hazina nandile akahinya mwe divikilo niyo hahana hata yumwenga amgwile kwaviya isaa yakwe nahainati kubula.
\p
\v 21 Niyo awagamba, naho naita na nyuwe namnilonde naho nambanike mwe masa yenyu kudya hwita hamkudaha kwiza.
\v 22 Wayahudi wamgamba, nekome mwenye yuno akugamba kudya hwita hamkudaha kwiza?
\v 23 Yesu awagamba mwalawa hasi miye nalawa kulanga nyuwe ni weisi ino, mna miye siyo we isi ino.
\v 24 Mna nawagambilani kugamba, mnatende mwe masa yenyu vituhu, nizumilani kugamba MIYE NUYO nambanike mwe masa yenyu.
\p
\v 25 Niyo wamgamba weye ni yuhi? Yesu awagamba yudya niwagambileni kukongela nkongo.
\v 26 Nina mbuli zilozize za kusimwila na kukanta mwenyu, mwa yeye uyo anisigile ni wachindedi mbuli nivile kulawa kwakwe yano nayalonga mwe isi.
\p
\v 27 Hawamanyaga kugamba nandile akalonga nawo ya Tati yakwe.
\v 28 Yesu agamba aho mkunga mmwinuile kulanga Mwana ywa mntu naho nammanye kugamba miye nuyo, na kugamba sikudamanya dyodyose kwa ungi wa miye enga Tate ivyo anihinyize nalonga mbuli zino.
\v 29 Yudya anisigile ehamwenga na miye naho hanilekile ichedu miye kwaviya mazuwa yano nadamanya ydya yakumwelela.
\v 30 Umo Yesu akalonga izmbuli zino walozize wamzumila.
\p
\v 31 Yesu alonga na wadya wWayahudi wamzumile uneva mnekala mwe ulosi wa miye nivyo nautende wanampina wa miye chindedi.
\v 32 Nyuwe nammanya ichindedi na ichindedi hachimwikeni mo ulekeilwa.
\v 33 Wamhitula suwe chi lweleko lwa Ibulahimu naho hachinati kutenda watalizwa mwa yoyose, wagaze nachi mo ulekeilwa?
\v 34 Yesu awahitula, zumilani, zumilani, nawagambila chila akudamanya masa ni mtalizwa ywa masa.
\v 35 Mtalizwa hakwikala kukaya mazuwa yose mwana ekala mazuwa yose.
\v 36 Mna kwaviya Mwana awaika mwe ulekeilwa na mtende mlekelwa chindedi mno.
\v 37 Nsamanya kugamba nyuwe ni welekwa wa Ibulahimu mwalonda kunikoma kwaviya ulosi wa miye hamuuzumile mndani mwenyu.
\v 38 Nalonga mbuli ambazo siziwona hamwenga na Tate miye na nyuwe iviya, iviya, mwadamanya mbuli ambazo mziva kulawakwa tati yenyu.
\p
\v 39 Wamhitula na kumgamba, tati yetu ni Ibulahimu, Yesu awagamba, mwandile ni wana wa Ibulahimu namdamanye ndima za Ibulahimu.
\v 40 Mna haluse mwaunga mnikome mntu awagmbile ichindedi kugamba siva kulawa kwa Chohile Ibulahimu hadamanye vino.
\v 41 Mwadamanya ndima za tati yenyu wamgamba hachelekwe kwa ugonyi china tati yetu yumwenga Chohile.
\v 42 Yesu awagamba, uneva Chohile ni Tati yenyu na mununga miye kwaviya silawa kwa Chohile naho sizile kwa udahi wa miye kwa yudya anisigile.
\v 43 Kwambwani hamkumanya ulosi wa miye? Kwaviya hamkudaha kujijimiza kwiva ulosi wa miye.
\v 44 Nyuwe ni watati yenyu mwavu naho mwunga kudamanya zihiye za tati yenyu nandile ni mkomi kukongela nkongo naho hakudaha kuchimala mwe chindedi kwaviya chindedi hachimuli mndani mwakwe.
\v 45 Mna haluse kwaviya nalonga idya ye chindedi hamkunizumila.
\v 46 Ni yuhi mgati mwenyu akuniukuila kugamba ni mmasa? Uneva nalonga ye chindedi kwambwani hamkunizumila.
\v 47 Yudya ywa Chohile eva mbuli ya Chohile, nyuwe hamkwiva kwaviya nyuwe siyo wa Chohile.
\p
\v 48 Wayahudi wamhitula, na kumgamba, hachilongile chindedi kugamba weye wi Msamaliya naho una mwavu.
\v 49 Yesu amhitula sina mpepo mna namtunya Tate wa miye nyuwe hamkunitunya.
\v 50 Sikulonda ntunyo yangu kuna yumwenga akulonda na kukanta.
\v 51 Zumilani, zumilani nawagambila, uneva yoyose natoze ulosi wa miye hawone file naho.
\p
\v 52 Wayahudi wamgamba, haluse chimanya kugamba, unampepo, Ibulahimu na waoni wabanika mna wagamba, uyo mntu natoze ulosi wa miye halume file.
\v 53 Weye siyo mkulu kujinka tati yetu Ibulahimu abanike, waoni nawo wabanika weye wetenda wi yuhi?
\v 54 Yesu amhitula uneva netunya mwenye utunyi wa miye siyo chintu, ni Tate ywa miye skunitunya uydya mkugamba, nuyo Chohile ywenyu.
\v 55 Nyuwe hamummanyize yeye mna miye naammanya yeye, mna ninagamba simmanyize nanitende mlulimi sa nyuwe, seivyo nammanya na ulosi wakwe siutoza.
\v 56 Tati yenyu Ibulahimu kawona chinyemi ivyo akunga awone idizuwa dya miye kadiwona naho kelelwa.
\p
\v 57 Wayahudi wamgamba, hunati kubula umhilimo wa milongo mishano hainati weye nawe kummanya Ibulahimu?
\v 58 Yesu awagamba, zumilani, zumilani, nawagambila hanati Ibulahimu kwelekwa miye niyaho.
\v 59 Niyo walogota mayuwe chani wamtowe mna Yesu niyo efisa kuse kwe divikilo.
\c 9
\cl Sula 9
\p
\v 1 Chipindi Yesu akajinka niyo amuwona mntu tuntu kukongela kwelekwa.
\v 2 Wanampina wakwe niyo wamgamba mhinyi ni yuhi adamanye masa, mntu yuno hegu welesi wakwe hata elekwe ntutu?
\v 3 Yesu amhitula, siyo yuno mntu hegu welesi wakwe wadaanye masa, mna ndima za Chohile zipate kugubulwa kujinka yeye.
\v 4 Cahaungugwa kusankanila ndima zakwe yeye anisigile chipindi bado ni msi, chilo cheza chipindi icho hakuna nadahe kudamanya ndima.
\v 5 Chipindi nihano mo ulangazi miye ni mng'azi wa ulangazi.
\p
\v 6 Yesu eze atamwile ivyo niyo atwa mo msanga mate, niyo amhaka yudya mntu mwa meso idya intope.
\v 7 Amgamba hita ukahake mwedisima dya Siloamu yani kwa asuntigwe uyo mntu niyo aita akauya aona.
\v 8 Wakwikala hajihi na yudya mntu na wadya wamuone nkongo saviya mlombezi wagamba, vino uyno mntu siyo yudya andile akekala akalombeza? Awamwe wagamba ni yeye.
\v 9 Awamwenga wagamba nuyo, mna awamwenga wagamba suyo uyo mna wafanana naye.
\v 10 Wagamba haluse ameso yako yagubulwa zeze?
\v 11 Mntu akwitangwa Yesu kadamanya tope niyo anihaka mwa meso yangu anigamba, hita Siloamu ukanawe niyo naita nakunawa niyo napata kuona vituhu.
\v 12 Wagamba ekuhi? Awahitula simanyize.
\p
\v 13 Niyo wamwigala yudya mntu andaga tuntu kwa Mafalisayo.
\v 14 Naho dyendaga zuwa dya kuhumula chipindi Yesu akadamanya intope akayagubula ameso yakwe.
\v 15 Niyo naho Mafalisayo wamuza kupata zeze kuwona, awagamba kaika tope mwa meso yangu, niyo nahaka, haluse nadaha kuwona.
\v 16 Mafalisayo wesimile wagamba, mntu yuno halaile kwa Chohile, kwaviya hakutoza zuwa dya kuhumula wamwenga wagamba vyadahika vivihi vino? Ivyo niyo kwatenda na mhigano mgati mwawo.
\v 17 Naho wamuzize vituhu yudya tuntu wagaze kulanga yeye mwenye kwaviya kugubulwa ameso yako, tuntu agamba ni muoni.
\p
\v 18 Hata chipindi chino Wayahudi hawakumzumila kugamba endaga tuntu naye kapata kuwona kubula eze wawetange awelesi wakwe uyo apatile kuwona.
\v 19 Wawauza awelesi vino vino yuno ni mwana ywenyu mkagamba kelekwa tuntu? Vitenda zeze haluse awona?
\v 20 Nivyo welesi wakwe wahitula chimanya kugamba, yuno ni mwenetu na kugamba kelekwa tuntu.
\v 21 Vivihi vino haluse awona hachimanyize uyo naye amgubule ameso yakwe, hachimmanyize muzeni mwenye, yeye ni mntu mjima adaha kwelongela mwenye.
\v 22 Welesi wakwe nawalonga ivyo kwaviya wawogoha Wayahudi, kwaviya Wayahudi nawagamba vino, uneva yoyose nazumile kugamba Yesu ni Kulisito nasentwe mwe inyumba ye divikilo.
\v 23 Kwachausa icho, welesi wakwe niyo walonga kugamba, uyo ni mntu mjima muzeni yeye.
\p
\v 24 Ivyo nkana ya kaidi wamwitanga yudya mntu endaga tuntu wamgamba, mtunye Chohile, chimanya kugamba mntu yuno ni mta masa.
\v 25 Niyo yudya mntu ahitula atende ni mkola masa miye simanyize, chintu chimwenga nimanye nendaga tuntu haluse nawona.
\v 26 Niyo wamgamba, kautendela mbwani? Ugubulwe ameso yako?
\v 27 Ahitula siheza kuwagambilani kale, nanywi hamkwiva, kwambani monga kwiva naho? Nanywi hamkunga kutenda wanampina wakwe nanywi siyo ivyo.
\v 28 Niyo wamhuluta wagamba, weye wi mwanampina wakwe, mna sauwe chi wanampina wa Musa.
\v 29 Chimanya kugamba, Chphile kalonga na Musa mna uyo mntu hachikumanya uko alaile.
\v 30 Yudya mntu awahitula awagamba, kwambwani mwehelwa? Kugamba hammanyize uko akulawa naye bado kagubula ameso ayangu.
\v 31 Chimanya kugamba Chohile hakuweva wata masa, mna uneva mntu yoyose akumvikila Chohile, na kudamanya ivyo akunga Chohile amwiva.
\v 32 Kongla kumbwa kwe isi henati kulaila hata kwiva kugamba, yoyose kafumbulwa meso ya mntu elekwe tuntu.
\v 33 Uneva yuno mntu halaile kwa Chohile, nandile hakudaha kudamanya chochose.
\v 34 Wahitula wamgamba, na kwelekwa kwa amasa vitendese, weye nawe wachihinya suwe? Naho wambaleze kulawa mwe nyumba ye divikilo.
\p
\v 35 Yesu eva kugamba wamusa mwe inyumba ye divikilo niyo ampata niyo amgamba, wamzumila mwana ywa mntu?
\v 36 Ahitula agamba ni yuhi Zumbe chani miye nami nipate kumzumila?
\v 37 Yesu amgamba, kumona kale, uyo uyo ukulonga naye ni yeye.
\v 38 Yudya mntu agamba, Zumbe nazumila niyo amvikila Yesu.
\p
\v 39 Yesu amgamba kwakukanta miye siza mo ulangazi uno chani kugamba wadya amatuntu wadahe kuwona wadya nawo wakuwona watende matuntu.
\v 40 Mafalisiyo wesimile ne wehamwenga naye niyo weva izimbuli izo, wamuza, suwe naswi chima tuntu?
\v 41 Uneva mwendaga matuntu, hawatendile na masa, hata vino haluse mwagamba, chawona masa yenyu yekala.
\c 10
\cl Sula 10
\p
\v 1 Chindedi ndedi nawagambilani yudya hekwingila akajinkila kalwivi mwe mwedivikilo dye zingoto mna apalagata agwila kutuhu mntu uyo ni mbavi naho ni mpolaganyi.
\v 2 Mna mntu akkwingila ko lwivi ni mdimi ywa ngoto.
\v 3 Kwa uyo umwamizi wo mlango amvugwila magoto yamanya izwi dyakwe, naho azitanga izingoto kwa mazina yawo niyo ayalavya kweise.
\v 4 Aho akazilavya kuse izi izakwe, azilongwela izingoto nazo zamtogela, kwaviya wamanya izwi dyakwe.
\v 5 Hazikutongela mjeni, mna zamsindika, kwaviya hawammanyize izwi dya wajeni.
\p
\v 6 Yesu alonga chilagiso chino mna nandile hawabunkule mbuli izo nakawalonga.
\v 7 Yesu alonga naye vituhu, chindedi, chindedi namgambilani miye ni lwivi lwa magoto.
\v 8 Wose wanilongoile ni wabavi na wapolaganyi mna ngoto haziwevile
\v 9 Miye ni lwivi, miye ni lwivi yoyose akujinkila nambulwe, nengile kunyumba na kufosa naye apate nkande.
\v 10 Mbavi hakwiza, mna abasa kubawa, kukoma na kubalanga, siza chani wapate ujima naho watende nawo umemile.
\p
\v 11 Miye ni mdimi ywedi, mdimi ywedi enkiza ujima wakwe kwachausa cha magoto.
\v 12 Mdimi akutakulihwa, uyo siyo mdimi, uyo ngoto siyo zakwe, aona mauzi yeza azasa asumka izingoto akaheza azasa.
\v 13 Mauzi yeza yazigwila na kuzimwaganisa aguluka kwaviya ni mdimi ywa kutakulihwa, hakuyasinya amagoto.
\v 14 Miye ni mdimi ywedi wangu siwamanya, wangu nawo wanimanya.
\v 15 Tate kanimanya miye nami simmanya Tate miye nami nalavya ujima wangu kwachausa cha magoto.
\v 16 Magoto matuhu mna siyo ye didewa dino, awonawo vyaunga ni walete, nawo naweve izwi dyangu chani kugamba, watende fyo dimwenga na mdimi yumwenga.
\v 17 Vino nivyo vikulekaTate anunga niwenkize ujima wangu akaheza niuguhe naho.
\v 18 Hakuna akuguha kulawa kwangu mna naulavya miye mwenye, nina udahi wa kulavya na kuguha naho, sihokele lagizo dino kulawa kwa Chohile
\p
\v 19 Msigano niyo walaila vituhu mgati mwa Wayahudi kwaviya alongile.
\v 20 Walozize mwa wowo wagamba, anampepo naho ni mchilalu kwambwani mwamwetegeleza?
\v 21 Awatuhu wagamba, ino siyo milosi ya mta mpepo, mpepo yadaha kufungula meso ya mntu?
\p
\v 22 Niyo yeza ngasu ya kukumbukwa kusuntwa Yelusalemu.
\v 23 Chendaga chipindi cha mpeho, Yesu naye endaga akajenda mwe nyumba nkulu ya Chohile mwe ibalaza ya Sulemani.
\v 24 Niyo Wayahudi wamzunguluka wakagamba nochase na nkama kubula ini? Hegu weye wi Kulisito chigambile pwilili.
\v 25 Yesu ahitula simgambilani kale, mna hamzumile, ndima hudamanya kwa zina dya Tate nizo humukwila miye.
\v 26 Hata ivyo hamkuzumila kwaviya hamwimagoto yangu.
\v 27 Ngoto zangu zeva izwi dyangu, siwamanya wowow nawo wanitongela miye.
\v 28 Siwenka ujima wa kale na kale, hawabanike hata kujeza, naho hakuna hata yumwenga akunga awaguhe kulawamo mkono wangu.
\v 29 Tate aninkile awo ni mkulu kujinka watuhu wose, naho hakuna hata yumwenga, akudaha kuwaguha, kulawa mwe minkono ya Tate.
\v 30 Miye na Tate chiyumwenga.
\p
\v 31 Niyo wenula mayuwe chani wamhonde vituhu.
\v 32 Yesu ahitula siwalagisa ndima zilozize ntana zikulawa kwa Tate, ni ndima ihi mgati mwe izo monga mnihonde na mayuwe?
\v 33 Wayahudi wahitula hachikukhonda mayuwe kwa ndima yoyose ntana, mna kwakusimanga, kwaviya weye wi mntu, wetenda wi Chohile.
\v 34 Yesu ahitula haidolonywe mweinkato yenyu nagambaga nyuwe mwi vyohile.
\v 35 Yesu ahitula unevya kawetangani vyohile, kwa wadya wevile ulosi wa Chohile nawo wadolonye hayakudaha kuvunwa.
\v 36 Mwalonga mwa yudya ambaye Tate amlavize niyo amlagiza isi waisimanga, kwaviya sigamba miye ni mwana ywa Chohile?
\v 37 Uneva sikudamanya ndima za Tati yangu msekunizumila.
\v 38 Hata ivyo uneva nazidamanya, hate hegu hamkunizumila, zumilani izindima chani kugamba mdahe kumanya Tate emndani mwangu miye nami ni mndani mwa Tate.
\p
\v 39 Niyo wajeza naho kumgwila Yesu, mna niyo acholopoka mwe mikono yawo.
\p
\v 40 Yesu niyo aita vituhu ntendele za kaidi zo mto Yolodani, hadya ahantu Yohana endaga akabatiza wantu niyo ekala uko.
\v 41 Wantu walozize niyo wambasa Yesu, wajendeleza kumgamba Yohana chindedi hadamanye vilagiso vyovyose, mna milosi yose alongile yakumlanga yuno ni ya chindedi.
\v 42 Wantu walozize niyo wamzumila aho.
\c 11
\cl Sula 11
\p
\v 1 Ivyo mntu yumwenga zina dyakwe Lzalo, nakalumwa, kalwa Besaniya kaya ya Maliyamu na Matha.
\v 2 Endaga Maliyamu uydya amhakile Zumbe, niyo amhaka malihamu iyo avuta iviga vyakwe ne zifili zakwe, uyo nendile mlukolo ywakwe ni Laza; o na akalumwa.
\v 3 Nao wadadize wano niyo watuma mntu kwa Yesu, wamgamba, Zumbe kaula yudya ukungisa alumwa.
\v 4 Yesu eze eve agamba, unyonje uwo siyo wakubanika mna chinyume chakwe ni wakumtunya Chohile chani kugamba mwana ywa Chohile apate kutunywa mo unyonje uwo.
\v 5 Yesu nakamunga Matha dadiye dya Lazalo.
\v 6 Eze eve kugamba Lazalo alumwa, Yesu niyo ekala mazuwa maidi aho endaga.
\p
\v 7 Nivyo badaye awagamba wanampina wakwe chiteni Uyahudi naho.
\v 8 Wanampina wamgamba, Mhinyi Wayahudi nawakakulonda na mayuwe weye nawe wonga uye uko naho?
\v 9 Yesu awahitula, saa za nomsi si mlongo umwenga na mbili? Mntu akajenda nomsi hakukowadika, kwaviya awona kwa ulangazi wa nomsi.
\v 10 Hata ivyo uneva najenda nechilo nakowadike kwaviya ulangazi haumuli mndaani mwakwe.
\p
\v 11 Yesu eze alonge ivyo, niyo badaye awagamba mbuyetu Lazalo kagona mna naita hamwinule mwe zintongo zakwe.
\v 12 Niyo wanampina wamgamba, Zumbe uneva kagona nenuke.
\v 13 Chipindi icho Yesu nakalonga ifile ya Lazalo, mna wowo nawakafanya alonga kagona ntongo.
\v 14 Naho Yesu halongile nawo pwilili, Lazalo kabanika.
\v 15 Selelwa kwachausa cha nyuwe, kugamba nandile sikuli kudya, chani kugamba, mpate kuzumila, chiteni kwakwe.
\v 16 Niyo Tomaso akwitangwa pacha awagamba wanampina weyawe suwe nawi chiteni chikabanike hamwenga na Yesu.
\p
\v 17 Chipindi Yesu akaita kabwila Lzalo kamalavywa kale emwe mbila mazuwa mane.
\v 18 Nayo Besaniya ihajihi na Yelusalemu uhale, ukubula maili ntatu vino.
\v 19 Walozize mwa Wayahudi naweza kwa Matha, Maliyamu wawahongeze kwachausa cha mlukolo ywawo.
\v 20 Niyo Matha eze eve Yesu eza, niyo aita kudugana naye, mna Maliyamu niyo ajendeleza kwikala kunyumba.
\v 21 Niyo Mtha amgamba Yesu, Zumbe hegu na wihayo mkulu nandile habanike.
\v 22 Hata vino haluse, simanya icho nomlombeze Chohile akwinka.
\v 23 Yesu amgamba muluwo nauyke vituhu.
\v 24 Matha amgamba simanya kugamba nauyuke mo uyuso wa zuwa dya uhelo.
\v 25 Yesu amgamba miye ni miye uyuso na ujima, yoyose akunizumila miye hata akabanika, ivyo natende emeso.
\v 26 Naho yoyose akwikala mna anizumile miye habanike, wazumila ivyo?
\v 27 Agamba heye miye nazumila kugamba, weye wi Kulisito, Mwana ywa Chohile, uyo akwiza mwe isi.
\p
\v 28 Eze alonge ivyo, niyo akwimwitanga mkuluwe kwa chinyele, amgamba Mhinyi ehano akwitanga.
\v 29 Maliyamu eze eve ivyo, niyo enuka chinguvunguvu aita kwa Yesu.
\v 30 Yesu naye nendile hanti kubula mwe ikaya, mna endaga bado eyaho adugane na Matha.
\v 31 Naho Wayahudi wendaga na Maliyamu mwe nyumba na wadya nandile wakamhongeza, eze wamuone akenuka chinguvunguvu afosa kuse niyo wamtongela nawakamanya aita kwe mbila akaile uko.
\p
\v 32 Naho Maliyamu eze abule hadya Yesu endaga niyo amuwona, niyo agwa mwe viga vyakwe niyo amgamba, Zumbe hegu nendile wihano mlukolo ywangu nendile habanike.
\v 33 Yesu eze amuone aila, Wayahudi nawo nawezanya nawo nawakaila, nendile akalombeza mndani mo Muye na kutumbwazika.
\v 34 Niyo agamba mmwika kuhi? Wagamba Zumbe soo umuone.
\v 35 Yesu niyo aila.
\v 36 Niyo Wayahudi wamgamba kaula ivyo nakamungisa Lazalo.
\v 37 Mna awamwenga mgati mwawo wagamba, siyo yuno auyuse meso ya yudya endaga tuntu, kadunduga kutenda yano asekubanika?
\p
\v 38 Niyo Yesu kuno akalombeza yeye mwenye niyo aita kwembila, haluse hendaga bome, nandile hana yuwe mwe nchili.
\v 39 Yesu niyo awagamba usani idiyuwe, Matha lumbudye dya Lazalo yudya abanike, niyo amgamba Yesu, Zumbe vino haluse umwili nautende uola, kwaviya katenda chimba kwa mazuwa matatu.
\v 40 Yesu amgamba miye sikugambila kugamba hegu unazumila nauwone ukulu wa Chohile?
\p
\v 41 Niyo wadyusa idiyuwe, Yesu niyo enula ameso yakwe kulanga, niyo agamba, Tate nakutogola kwaviya waniva.
\v 42 Nasimanya kugamba waniva mazuwa yose mna ni kwachausa cha wantu wano wadugane hano kwakunizunguluka, kugamba silonga ivyo, chani kugamba wapate kuzumila kugamba weye kunituma.
\v 43 Eze alonge ivyo, niyo aguta Lazalo fosa kuse. Kuzilitwa chitambala, Yesu awagamba mfunguleni aite.
\v 44 Mtokubanika niyo afosa kuse kazingitwa na sanda za kuhambila, kuno ko uso wakwe
\p
\v 45 Naho Wayahudi walozize wezile kwa Mliyamu eze waone, Yesu icho adamanye, wamzumila.
\v 46 Mna wesimile niyo waita kwa Mafalisayo niyo wawagambila izimbuli adamanye Yesu.
\v 47 Naho wakulu wa walavyantambiko na Mafalisayo niyo wadugana hamwenga mwe chitala wagamba, chatenda zeze? Mntu yuno atenda vilagiso vilozize.
\v 48 Chimlekeni vino echedu wose na wamzumila, Walumi naweze niyo waguha vyose hano hetu ne isi yetu.
\p
\v 49 Hata ivyo, yumwenga mgati mwawo Kayafa endaga mlavyantambiko mkulu umhilimo uwo, awagambaga hammanyize chochose kabisa.
\v 50 Hamkufanya kugamba, vyawagila mntu yumwenga abanike kwachausa cha wantu kuliko si yose kubanika.
\v 51 Ivyo ahvilongile kwachausa chakwe mwenye, mna kwaviya endaga mlavyantambiko mkulu mo mhilimo uwo, nakabunkula kugamba, Yesu nabanike kwachausa che isi.
\v 52 Nho siyo kwachausa che isi iyodu mna Yesu wapate kuwachisanya wana wa Chohile awo wazagale kuno na kuno.
\v 53 Ivyo kukongela idizuwa idyo, na kujendeleza niyo wapanga ivyo wakunga wamkome Yesu.
\p
\v 54 Yesu ajendeleza naho mo lumpe mgati mwa Wayahudi, mna niyo ahalawa aho niyo aita mwe isi ihajihi nedijangwa mwe mzi ukwitangwa Efulaimu aho nakekala na wanampina.
\p
\v 55 Ivyo Pasaka ya Wayahudi naihajihi, naho walozize nawakakwela kwita Yeluaslemu kuse mo mzi wakelenguse kwaviya Pasaka hainati kubula.
\v 56 Nandile wakamlonda Yesu, niyo wazunguluka zunguluka chila yumwenga chipindi wachimale mwe nyumba ya vikilo mwafanyanya mbwani? Kugamba haeze mwe ingasu?
\v 57 Chipindi icho wakulu wawalvyantambiko na Mfalisayo nawalavya lagizo kugamba, uneva yumwenga anamanya Yseu uko eli, aungwa alonge chani wadahe kumgwila.
\c 12
\cl Sula 12
\p
\v 1 Mazuwa matatu umo Ipasaka hainati, Yesu aitaga Besaniya, aho endaga Lazalo yudya amuyusaga kulawa kwa wabanike.
\v 2 Umo nawamwikiya nkande ya chisingi, Matha endile akamsankanila chipindi icho Lazalo endaga hamwenga na wadya wekale henkande na Yesu.
\v 3 Niyo Maliyamu aguha nusu lita ya mavuta yadamanywe na vintu vya yombe kulu niyo amkuluguta Yesu mwe viga niyo amhangusa ne zifili zakwe, nyumba yose niyo yampwepweleka mhempe mtana.
\p
\v 4 Yuda Isikaliyote yumwenga ywa wanampina wakwe uyo akunga amhituke Yesu akagamba,
\v 5 kwambwani amavuta ayo ya yombe kulu yasekutagwa niyo wenkwa wachiwa amatundu ayo?
\v 6 Naye kalonga ivyo kwaviya siyo kwakuwafila mbazi mna kwachausa ni mbavi, yeye naye endaga akatoza umkwiji naye nakaguha vintu vimwenga andaga umo kwachausa cha yeye mwenye.
\v 7 Yesu agamba, mleke aike kwachausa cha mazisi yangu.
\v 8 Wachiwa mnanawo mazuwa yose, mna hamtende na miye mazuwa yose Wayahudi.
\p
\v 9 Niyo fyo kulu dya Wayahudi niyo wamanya kugamba eyuko, nawo niyo weza siwo kwachausa cha kumuona Ysu mna wamuone Nazalo uyo Yesu amuyuse kulawa kwa wabanike.
\v 10 Wakulu wa walavyantambiko niyo watenda mizungu yakumkoma Nazalo naye.
\v 11 Kwachausa cha yeye, walozize Wayahudi waita kumzumila Yesu.
\p
\v 12 Zuwa dya kaidi fyo kulu nadiza kwe zuwa kulu eze weve Yesu aita Yelusalemu.
\v 13 Niyo waguha mahuto ya mitende, niyo walawa kuse wamsingila kuno watula ulwasu wagamba, kajimbikwa uyo akwiza kwazina dya Zumbe yeye ni Mseuta ywa Izulaeli.
\v 14 Yesu niyo apanda mwana mpunda niyo ampanda saviya idolonywe.
\q
\v 15 Usekogoha chigoli Sayuni, kaula Mseuta ywako eza, kapanda mwana mpunda.
\p
\v 16 Wanampina wakwe hawabunkule imbuli iyo, aho nkongo, mna Yesu eze atunywe naho waku wakumbuke kugamba, mbuli ziya zidolonywezwa yeye na kugamba viya wamtendile.
\p
\v 17 Niyo diya ifyo dya wantu endaga ananawo Yesu chipindi akamwitanga Lazalo kulaila kwembila niyo uukwila watuhu.
\v 18 Niyo vyatenda kwachausa icho fyo dya wantu niyo wakumsingila kwaviya weva kugamba, katenda ichilagiso icho,
\v 19 Mafalisayo niyo walonga wenye kwa wenye, kaula halusa hamkudaha kudamanya chochose kaula haluse isi yose iita kwakwe.
\p
\v 20 Haluse Wayahudi awamwenga andaga wehamwenga na wadya nawakaita kuvika kwe ingasu.
\v 21 Wano niyo wambasa Filipo, uyo alaile Besisaida ya Galilaya, niyo wamlombeza wagamba Zumbe chaunga kumuona Yesu.
\v 22 Filipo niyo aita akumgambila Anduleya, Anduleya na Filipo niyo waita wakumgambila Yesu.
\v 23 Yesu awahitula agamba, saa ibula kwachausa cha mwana ywa Adamu kutunywa.
\v 24 Chindedi namgambileni, mbeyu ya ngano hainakwele mwe isi niyo yafa, yekala ivyo yeli yoyo yenye mna inafa, yeleka matunda yalozize.
\v 25 Yeye akunga ujima wakwe nawaze, na yeye akuwihiwa ujima wakwe mwe isi ino nauhonye kubula ujima wa kale na kale.
\v 26 Mntu yoyose akunisankanila miye, nanitongele miye aho nili naho mndima ywangu akunga atende eyaho.
\p
\v 27 Haluse umuye wangu watumbwazika miye nami nigambe mbwani? Tate unihonye mwe isa ino? Mna kwachausa cino sibula mwe isi ino.
\v 28 Tate aditunye izina dyako, niyo izwi dyeza dikalaila ko ulanga dyagamba, siditunya naho najendeleza kuditunya.
\v 29 Niyo idibunga dichimale hajihi naye niyo dyeva dyagamba, kugamba, ni mlulumo wamwenga wakagmba ni mndima ywa keimbingu alonga naye.
\v 30 Ahitula agamba, izwi dino hadizile kwachausa cha miye mna kwachausa cha nyuwe.
\v 31 Haluse inkanto ye isi ino iyaho, haluse mlulu we isino nadulwe kuse.
\v 32 Miye nami naninulwe kulanga mwe isi naniwavute wose kwangu.
\v 33 Kalonga ivyo akalagisa ni file yani akunga afe.
\p
\v 34 Bunga dyahitula dyagamba, suwe chiva mwe nkato kugamba, Kulisito ekala kale na kale, weye walonga vivihi Mwana ywa Adamu naenulwe ko ulanga, yuno Mwana ywa mntu ni yuhi?
\v 35 Yesu niyo awagamba ulangazi wihamwenga na nyuwe chipindi chijihi, hitani mchemnanawo ulangazi chani kugamba chiza chinase kuwadahani, uyo akujenda mwe chiza hakumanya uko akwita.
\v 36 Mchemnanawo ulangazi, uzumileni uwo ulangazi chani mpate kutenda wana wa ulangazi, Yesu kalonga ivyo niyo aita zakwe akwefisa wasekumuona.
\v 37 Hta kugamba, Yesu katenda mpituko zilozize saivyo kilongozi kwawo, bado hawamzumile.
\v 38 Chani uchinte ulosi wa waoni Isaya amgambile, Zumbe ni yani azumile mbuli zetu? Naho mkono wa Zumbe ugubuilwa wahi?
\v 39 Nicho ichausa wowo hawazumile, kwaviya Isaya alongaga nawo.
\v 40 Kawatenda matuntu, naho kaitenda ilonge imyuye yawe, wanase kuwaona kwa meso yawe niyo wamanya kwa muye yawe, niyo wambulwa niyo nawahonya.
\p
\v 41 Isaya nakalonga milosi ino kwaviya nakauwona ukulu wa Yesu niyo alonga izimbuli zakwe.
\p
\v 42 Mna hata wakulu walozize nawamzumila Yesu mna kwachausa cha Mafalisayo, hawakulonga wanase kusentwa mwe nyumba yo kuvikila.
\v 43 Waunga tunyo za wantu kujinka ntunyo zikulawa kwa Chohile.
\p
\v 44 Yesu niyo aguta agamba, uyo akunizumila miye, hakunizumila miye uyodu, mna na uyo anisigile miye,
\v 45 uyo akuniwona miye amuwona uyo anitumile
\v 46 Miye siza saviya ung'azi we isi chani chila akunizumila miye asekwikala mwe chiza.
\p
\v 47 Uneva mntu yoyose akwiva izihulonga, mna asekuzitoza, miye sanimkantile, kwaviya sizile nikantila isi mna niyambule isi.
\v 48 Uyo akunilemela miye, na uyo hekuzumila ulosi wangu ananaye akumkantila, ulosi uwo nilongile nuwo ukunikantila zuwa dya udumo.
\v 49 Kwaviya miye silonga kwa udahi wamiye mwenye mna Tate nuyo anisigile nilongembwani naho nilonge vivihi.
\v 50 Miye nami simanya kugamba, sigilizi yakwe ni ya ujima wa ulo na ulo, ivyo ayo hulonga miye saviya Tate anigambile, ivyo hulonga kwa wowo.
\c 13
\cl Sula 13
\p
\v 1 Haluse zuwa kulu dya Pasaka hadinati, Kwaviya Yesu kamanya kugamba, saa yakwe ibula akunga ahalaile mwe isi ino, kwita kwe isi ya Tati yakwe akatenda awaunga wantu wakwe awo we mweisi nakawaungisa.
\v 2 Umwanawe nakaukwa kale mo umuye wa Yuda Isikaliyote, mwana ywa Simoni akumhituka Yesu.
\v 3 Yesu akabunkula kugamba, ise kaika vintu vyose mwe mikono yakwe na kugamba kalawa kwa Chohile naho nendile wakaita uko vituhu.
\v 4 Nakenuka he nkande niyo atandika suche yakwe hasi, suche yekwe niyo enula taulo efunga yeye mwenye.
\v 5 Niyo ajela mazi mwe bakuli niyo akonga kuwasunta iviga wanmpina wakwe niyo awafuta ne ditaulo idyo efungile yeye mwenye.
\p
\v 6 Niyo eza kwa Simoni Petulo, Petulo amgamba, Zumbe wonga unisunte miye iviga vyangu?
\v 7 Yesu amhitula amgamba idyo hudamanya hukudimanya vino haluse, mna nodimanye misi ikwiza.
\v 8 Petulo amgamba honisunte iviga vyangung'o, Yesu amhitula uneva sinakusuntile iviga vyako, hautende na hantu hamwenga na miye.
\v 9 Simoni Petulo amgamba, umbe usekunisunta iviga vyangu ivyodu, mna ne mikono no mtwi wangu
\v 10 Yesu amhitula amgamba yoyose ahakile kale hakutasa kuhakwa, mna iviga vyakwe, naho katenda kalenguka umwili wose nyuwe mtenda mlenguka mna siyo nyoseni.
\v 11 Kwaviya Yesu kamanya akunga amhituke vino nivyo vilekile akagamba siyo nyoseni mlenguke.
\p
\v 12 Chipindi Yesu eze awahake iviga vyawo naho eze aguhe isuche yakwe niyo ekala naho, awagamba vino, mwamanya idyo niwadamanyizeni?
\v 13 Mwanitanga miye mhinyi, na Zumbe vino mwalonga chindedi, kwaviya nivyo nili.
\v 14 Uneva miye Zumbe na mhinyi, siwahakani iviga vyenyu, nuywe nanywi mwaungwa muwahake wenyu iviga.
\v 15 Kwaviya simwinkani chilagiso chani kugamba nuywe nanywi mtende enga ivyo niwatendeleni.
\v 16 Chindedi, chindedi nawagabilani, msigilwa siyo mkulu kujinka Zumbe dyakwe, naho msigilwa siyo mkulu kujinka yudya asigilwe.
\v 17 Uneva kumanya imbuli iyo, kujimbikwa uneva watenda.
\v 18 Sikulonga kumanya vyoseni, kwaviya siwamanya wadya nisagule mna nalonga ayo chani kugamba, madolonyo yadahe kuchintizwa, yeye akudya mgate wangu kaninuila chisigino chakwe.
\p
\v 19 Nawagambilani dino haluse, hevinati kulaila chani kugamba, mdahe kuzumila kugamba miye Nuyo.
\v 20 Chindedi, chindedi nawagambilani akunihokela miye amhokela uyo anisigile yudya naye akunihokela miye amhokela yudya anitumile miye.
\p
\v 21 Chipindi Yesu akalonga ayo niyo engila tumbwaziko mo muye, aukula kugamba, chindedi, chindedi uyumwenga wenyu nanihituke.
\v 22 Wanampina wakwe niyo wasinyana, wehelwa ni kwachausa cha yuhi akulonga vino.
\v 23 Nandile nakuna yumwenga mwe meza, yumwenga mwa wanampina wakwe kegemela mwechifuwa cha Yesu yudya endaga Yesu nakamungisa.
\v 24 Simoni Petulo amuza wanampina uyo, chigambile alonga yuhi?
\v 25 Mwanampina yudya egemele mwe chifuwa cha Yesu niyo amgambila Zumbe ni yuhi?
\v 26 Yesu niyo amhitula ni yudya hunga nitwezeze chihande cha mgate na kumwinka. Ivvyo eze atweze umgate niyo amwinka Yuda mwana ywa Simoni Isikaliyote.
\v 27 Naho bado yo mgate mwavu niyo amwingila niyo Yesu amgamba, chiya ukunga utende chitende mahuya.
\v 28 Haluse hahendaga na mntu mwe meza amanyize ichausa cha Yesu kulonga mbuli ino kwa yeye.
\v 29 Wesimile nawakagamba, nikwachausa cha Yuda nendile kaguha umkwiji we impamba, Yesu nakamgamba, gula vintu kwa chausa che idizuwa kulu, hegu naho kugamba gula vintu kwachausa che idizuwa kulu.
\v 30 Yudya eze ahokele umgate, niyo afosa kuse chinguvunguvu naho na ninechilo.
\p
\v 31 Chipindi Yuda eze ahalawe Yesu agamba, haluse Mwana ywa Adamu katunywa, naho Chohile naye kamtunywa mwa yeye.
\v 32 Chohile namtunywe mwa yeye mwenye, naho namtunye chinguvunguvu.
\p
\v 33 Mwana mdodo ni hamwenga na nyuwe chipindi chijihi namnilonde enga viya niwagambileWayahudi uko hwita nyuwe hamkudaha kwiza, haluse namgambilani nyuwe nanywi.
\v 34 Namwinkani lagizo hya, kugamba mungane, saviya huwaungani nyuwe, ivyo nuywe nanywi vyamungani mungane nyuwe kwa nyuwe.
\v 35 Kwe ichausa icho wantu nawamanye kugamba, nyuwemwi wanampina wangu, uneva mna ungi nyuwenye kwa nyuwenye.
\p
\v 36 Simoni Petulo amgamba, Zumbe waitahi? Yesu amhitula aho hwita vino haluse hukudaha kunitongela, mna nonitongele mazuwa yakwiza.
\v 37 Petulo amgamba Zumbe, kwambwani nisekukutongela vino haluse? Miye nanilavye ujima wangu kwachausa chako.
\v 38 Yesu ahitula weye naulavye ujima wako kwachausa cha miye? Chindedi nakugambila zogolo hadile hunati kunilemela nkanana ntatu.
\c 14
\cl Sula 14
\p
\v 1 Usekuwinka sila umuye wako kwikala na sungusungu wimchindedi ywa Chohile tenda uchindedi naho kwa muye.
\v 2 Muno mwe nuymba ya Tati yangu mna wikazi utendese kwikala hegu nendile sivyo ivyo nendile sikugambila kwaviya naita kukwikiya hantu kaulanga weye.
\v 3 Umo naita nakwikala hantu nanize naho kuwahokela kwangu chani hantu niyaho naho nyuwe nanywi naho namwili.
\v 4 Mwimanya isila hantu hwita.
\p
\v 5 Tomaso niyo amgambile Yesu, Zumbe hachiimanyize ahantu ukwita, togola chadaha zeze kwimanya isila?
\v 6 Yesu amgamba miye niyo isila ye chindedi, na ujima, hahali akudaha kwiza kwa Tate hehekutenda kujinkila kwangu.
\v 7 Hegu namnimanya miye namkatenda mummanya Tati yangu naho kukongela haluse mummanya naho mummona yeye.
\p
\v 8 Pilipo niyo amgamba Yesu, Zumbe chilagise tate naivyo naitende ichintiza.
\v 9 Yesu niyo amgamba sitendile hamwenga na nyuwe mazuwa yalozize nawe hunati kunimanya miye Pilipo? Yoyose aniwone miye, kamwona Tate ni kwavihi walonga hugambile Tate?
\v 10 Hamna muye ukugamba miye ni mndani mwa Tate na Tate emndani mwangu mbuli ino hukulonga kwenyu sikuyalonga vikunilanga miye naumo yadya Tate emndani mwangu akudamanya ndima yakwe uyo.
\v 11 Umuye wangu ni kugamba ni yumo mndani mwa Tate ekala mndani mwangu umuye wangu kwaviya wimndani mwangu chindedi ndedi.
\v 12 Chindedi chindedi nakugambila uyo mwenye umuye wangu mwe zindiam ziya huzidamanya nazidamanye zino, naho nadamanye na ziya ndima izinkulu kwaviya naita kwa Tate.
\v 13 Chochose namlombeze kwe dizina dyangu nanitende chani kugamba Tate adahe kutunywa mo mwana.
\v 14 Hegu nalombeza chintu chochose kwe dizina dyangu idyo nanididamanye.
\p
\v 15 Hegu mnanunga namtoze idilagizo dyangu.
\v 16 Naho nanimlombeze Tate uyo naye nawenke mwambizi mtuhu chani kugamba, adahe kwikala na nyuwe kale na kale.
\v 17 Muye wa chindedi ulangazi haukudaha kumhokela uyo kwaviya haumuwone hegu kummanya uyo naye ekala hamwenga na nyuwe naho natende mndani mwenyu.
\v 18 Saniwaseni ichedu nanuye kwenyu.
\v 19 Kwa mazuwa wajeche ulangazi hauniwone naho mna nyuwe mwaniwona, kwaviya nekala na nyuwe, nuywe nanywi mwikala hano.
\v 20 Umo mwe dizuwa idyo nammanye kugamba, miye ni mndani mwa Tate na kugamba, nuywe mwi mndani mwangu na kugamba miye ni mndani mwenyu.
\v 21 Uyo naditoze lagizo dyangu na kudidamanya nuyo yumwenga, uyo anunga miye na uyo anunga miye na uyo akununga miye, naungwe ni Ttate ywangu nanimunge naho netangise miye mwenye kwakwe.
\p
\v 22 Yuda suyo Isikaliyote amgamba Yesu Zumbe heugu nimbwani chikulaila kugamba nawelagise we mwenye kwetu naho suko ko ulangazi.
\v 23 Yesu amhitula amgamba, hegu yoyose akununga nautoze ulosi wangu Tati yangu namunga naho nachize kwakwe nachitende hantu hetu hamwenga naye.
\v 24 Yoyose yudya hekununga miye hakutoza mbuli zangu, ulosi uno mkwiva suwao wangu mna ni watate uyo anisigile.
\v 25 Nalonga mbuli zino kwenyu mwe dizuwa dino hwikala hamwenga na nyuwe.
\v 26 Ivyo mjela nguvu, Muye Ukukile uyo Tate namwigale kwedizina dyangu kwaviya sihinya mbuli zose naho nawatende muwazagule yose yadya nilongile kwenyu.
\v 27 Utondowazi nawenka utondowazi wangu nyuwe sikuwenka ino oge ulangazi ukulavya msekutenda na moyo kutenda na ntumbwaziko za wogohi.
\p
\v 28 Namwiva viya nilongile naita zangu, nanuye kwenyu hegu namkanunga miye namdaha kwelelwa kwaviya naita kwa Tate ni mkanuni kujinka miye.
\v 29 Haluse siheza kuwagammbila umo hevinati kulaila chani kugamba umo vikalaila mdahe kuzumila.
\v 30 Sanilonge na nyuwe mbuli zilozize kwaviya mkulu wo ulangazi uno eza uyo hana udahi kulanga kwangu,
\v 31 mna chani kugamba ulangazi uhokele kumanya kugamba namunga Tate nadamanya chiya Tate anisigile miye oge viya aninkile lagizo inukani na chifose hantu hano.
\c 15
\cl Sula 15
\p
\v 1 Miye ni mzabibu wa chino ichindedi tati yangu ni mlimi wa zabibu.
\v 2 Chila tambi dimndani mwangu ambadyo hadikweleka tunda nasaswila chila ntambi ambadyo dyeleka tunda nadyusa chani kugamba didahe kweleka vikutendesa.
\v 3 Nyuwe mheza kutenda wedi kwaviya wasigilwa wao siheza kuwagambila.
\v 4 Mwikale mndani mwangu na miye mndani mwenyu saviya tambi hedikudha kweleka uneva dichedu hedikale na mzabibu na nyuwe nanywi hamnekale mndani mwangu.
\p
\v 5 Miye ni mzabibu nyuwe mwi matambi akwikala mndani mwangu na miye mndani mwakwe mntu yuno eleka matunda yalozize kwaviya hena miye hakudaha kudamanya mbuli yoyose.
\v 6 Uneva mntu yoyose asigale mndani mwangu nadulwe saviya ntambi na kunyala, wantu wachisanya matambi nakuyadula mo moto na kuhya.
\v 7 Uneva namwikale mnda mwangu naige imbuli yangu ikale mndani mwenyu lombezani dyodyose mkunga nanywi naniwatendele.
\v 8 Kwa dino tati yangu katunywa kugamba mweleke matunda yalozize na kugamba mwi wanampina wangu.
\p
\v 9 Saviya Tati yangu anungile miye naho nawaunga nyuwe mwikale mo ungi wangu.
\v 10 Hegu mnaditoza idilagizo dyangu, mnekala mo ungi wangu saviya nizitozize idilagano dya Tate yangu na kwikala mo ungi wakwe.
\v 11 Silonga izimbuli zino kwenyu chani kugamba ukwelelwa kwangu kutende mndani mwangu chani ko kwelelwa kwenyu kutende kuchinta.
\v 12 Dino nidyo idilagizo dyangu kugamba mungane nyuwe kwa nyuwe saviya huwaungani nyuwe.
\v 13 Hahali mntu atendile na kunga kulu kujinka uno kugamba alavye ujima wakwe kwachausa cha wambuyaze.
\v 14 Nyuwe mwi wambuya zangu uneva namtende yadya niwatumile.
\v 15 Sikuwetanga wasigilwa kwaviya akusigilwa hakumanya diya akudamanya kwa Zumben ywakwe, siwetanga nyuwe wambuyangu kwaviya siwagambila mbuli zose ziya nivile kulawa kwa Tate.
\v 16 Hamnisagule miye mna miye siwasagula nyuwe na kuwaika mwite mkeleke matunda na tunda dyenyu dihokele kwikala, dino dikulawa vino, chani kugamba chochose icho namlombeze kwa tate kwe dizina dyangu nawenkeni.
\v 17 Mbuli zino nawatuma kugamba mungane chila mntu na mnyawe.
\p
\v 18 Hegu ulangazi na uwahiwe mmanye kugamba mnihiwa miye umo hewinati kuwehiwa nyuwe.
\v 19 Hegu mwendile mo ulangazi nokawanga saviya wawo mna kwaviya sawo wo ulangazi wawehiwa.
\v 20 Wazagula ulosi uno niwagambile msigilwa suyo mkulu kujinka Zumbe ywakwe umo wanisulumize miye nawawasulumize nyuwe na nywi hegu namkatoza ulosi wangu nawaditoza idyenyu nyuwe.
\v 21 Nawadamanyizizeni izimbuli zino zose, kwachausa che dizuwa dyangu kwaviya hawamanyize yudya anisigile.
\v 22 Hegu sizile na kuwagambila nahewekudamanya masa mna haluse hawanaeile amasa yawo.
\v 23 Akunihiwa miye amwihiwa Tate naye.
\v 24 Uneva sidamanya ndima mgati mwawo ambawo hahana yumwenga kudamanya nawatenda hawana masa mna vino haluase, wadamanya yose maidi wasolana naho wanihiwa miye na Tati yangu.
\v 25 Dino dyalaila chani kugamba ulosi uchinte udya udolonywe mwe dilagizo dyawo wanihiwa miye hehena mbuli.
\p
\v 26 Umo akuhembeleza eze eze, uyo nanimsigile kwenyu kulawa kwa Tate uyo nuyo umuye wachindedi uyo akulawa kwa Tate naniukwile.
\v 27 Nyuwe nanywi mwanukwila kwaviya mtenda hamwenga aho hakongile nkogo.
\c 16
\cl Sula 16
\p
\v 1 Sigambilwa mbuli zino chani kugamba mnasekudaha kupata maya.
\v 2 Nawalavyeni kuse mwe nyumbo ya kuvikila chindedi isa yeza yo chila nawakomeni nafanyanye kugamba, adamanya ndima ywedi mwe vikumlanga Chohile.
\v 3 Nawadamanyizeni mbuli zino kwaviya hawamanyize tate naho hawanimanyize miye.
\v 4 Siwagambilani mbuli zino chani kugamba, umo zikabula mwe zino kulaila, mwadaha kuyakumbuka ivyo niwagambileni muwadahe wowo, siwagambila ikulanga mbuli zino kukongela nkongo kwaviya nedndile nihamwenga na nyuwe.
\p
\v 5 Mna haluse naita mwa yudya anisigile mna hahana mgati mwenyu akunuza naita kuhi?
\v 6 Ivyo silonga ulosi uno mwenyu chinyulu chimeme mwe imuyuye yenyu.
\v 7 Mna ivyo nawagambilani chindedi ni vitana mwenyu hahalawa, kwaviya sinahalaile mwambizi heze mwenyu, mna ninaita nanimsigile mwenyu.
\v 8 Akeza uyo mwambizi nawalavyanyanyeze isi vikulanga masa kulana na kanto.
\v 9 Kulanga masa kwaviya hawanizumile miye.
\v 10 Kuligana no uwagila ivo naita mwa Tate naho hamniwone naho.
\v 11 Naho kuligana na nkanto ivyo ikulise ino kakantila.
\p
\v 12 Ninayalozize yakuwagambilani, mna hamyamanyize haluse.
\v 13 Mna yeye Muye wa chindedi akeza nawalongozeni mwe ichindedi chose, kwaviya hamlonge ivyo ivyakwe mwenye mna yoyose nauyeve nalonge mbuli zino bila kuyalagisa mwenyu mbuli nazize.
\v 14 Yeye naniletele miye mwe viya akuhile mbuli azngu naho nazilonge mwenyu.
\v 15 Vintu vyose ananvyo Tate ni vyangu, aho silonga kugamba, Muye nauguhe mbuli azngu na kuzilagisa mwenyu.
\p
\v 16 Hachinati chipindi chiguhi, hamniwone naho, naho chikajika chipindi chiguhi namniwone.
\v 17 Watuhu wa wanampina wakwe niyo wagambilana ni mbwani icho akuchigambila chipindi chihaguhi naho hamniwone na akajika chipindi chiguhi namniwone kwaviya nanite kwa Tate?
\v 18 Niyo awagamba, ni chintu chani akulonga hachinati chipindi chiguhi? Hachimanyize ivyo akulonga.
\p
\v 19 Yesu nakawona kugamba nawaunga wamuze, niyo awagambila mwauzana wenye kulanga dino nilongile hachinati chipindi chiguhi hamniwone naho na chikajinka chipindi chiguhi namniwone?
\v 20 Chindedi chindedi nawagambilani, namwile na kulomboleza, mna isi nayelelwe, namtende na chinulu, mna chinyulu chenyu hachihituke chinyemi.
\v 21 Mvyele atenda na usungu wakwefungula kwaviya ichipindi cha kwefungula chibula, anefungula mwana hakukumbuka naho usungu kwaviya vye chinyemi chakwe kugamba mwana kelekwa mwe isi.
\v 22 Nyuwe nanywi mnachinyulu haluse mna nani waone naho hahana nadahe kuchusa ichinyemi chenyu.
\v 23 Zuwa idyo hamuze mbuli chindedi chindedi nawagambila mkalombeza dyodyose mwa Tate nawenke mwe zina dyakwe.
\v 24 Kubula haluse hamlombeze dyodyose mwe zina dyakwe, lombezani nanywi namhokele chani kugamba chinyemi chenyu chichinte.
\p
\v 25 Silonga na nyuwe mwe miligano heikumanyika, mna isa yeza, iyo sanilonge kwa miligano heikumanyika mna badala yakwe, naniwagambileni, pwi pwi pwi kumlanga Tate.
\v 26 Zuwa idyo namlombeze mwe zina dyangu naho sikuwagambila kugamba mwa Tate mwenyu nanywe.
\v 27 Kwaviya Tate mwenye aawaunga kwaviya mnanunga miye naho ivyo mnizumile kugamba silawa mwa Tate.
\v 28 Nasilawa mwa Tate naho ziza mwe isi, naho nahalawa mwe isi naho naita mwa Tate.
\p
\v 29 Wanampina wakwe wamgambila, waaona, haluse walonga pwi pwipwipwi naho hukulonga mwe miligano.
\v 30 Haluse chimanya kugamba, kumanya mbuli zose naho haikunga mntu yoyose akuze mbuli, kwaviya vino chazumila kugamba, kulawa mwa Chohile?
\p
\v 31 Yesu awahitula, haluse mwazumila?
\v 32 Kaula isa yeza niyo anho chindedi ibula, ambayo namwaganikane chila yumwenga na mnyawo namnase miye mwenye, mna si ichedu kwaviya Tate ehamwenga na miye.
\v 33 Nawagambilani mbuli zino chani kugamba mndani mwangu mtende na utondowazi, mweisi mna nkanto, mna kwenkeni muye, sihuma isi.
\c 17
\cl Sula 17
\p
\v 1 Yesu nakalonga mbuli zino niyo enula meso yakwe akasinya ko ulanga na kugamba Tate isa ibula mtunye mwanawo chani na umwana naye akutunye weye.
\v 2 Enga viya umwinkile udahi mlanga mwe yose yenye mwili chani awenke ujima wa kale na kale wadya wose umwinkile.
\v 3 Uno nuywo ujima wa kale na kale, kugamba wakumanye weye Chohile wa chindedi naho wa ichedu na uyo akusigile Yesu Kulisito.
\v 4 Nasikutunya hano heisi, na kuichintiza indima uninkile nidamanye.
\v 5 Haluse, Tate, unitunye miye hamwenga na weye mwenye mo Ukuka udya nendele ninanawo hamwenga na weye heinati isi ukumbwa.
\p
\v 6 Sidigubula zina dyako mwe wantu uninkile hano he isi nendile wantu wako mna nakuninka miye, nawo watoza ulosi wako.
\v 7 Haluse wamanya kugamba chila chintu uninkile miye chalawa mwako.
\v 8 Mwe ulosi uydya uninkile miye siwenka kale wowo ulosi uwo. Wauhokela naho chindedi niyo wamanya kugamba miye silawa mwako, niyo awzumila kugamba weye ni weye unisigile.
\v 9 Nawalombezeza wowo, sikulombezeza isi, mna wadya uninkile mwa kugamba wowo ni wako.
\v 10 Vintu vyose ambavyo ni vyangu ni vyako, na viya unanavyo weye ni vyangu, miye nami natunywa mwe ivyo.
\v 11 Miye simuli naho mwe isi mna wowo weyumo mwe isi, miye nami haluse neza mwako, Tate Mkuka uwalele mwe zina dyako, chani wowonawo watende na umwenga, saviya miye na weye ivyo chili na umwenga.
\v 12 Umo na ninanawo nasiwadima mwe zina uninkile, nasiwadima, naho hahana hata yumwenga ywawo agile mna mwa ywa mto kwaga, chani kugamba madolonyo yachinte.
\p
\v 13 Haluse neza mwako mna nalonga yano isi chani kugamba chinyemi changu chichintizwe mndani mwawo wenye.
\v 14 Siwenka ulosi wako, isi naiwehiweni mwa viya wowo siyo we isi, enga viya miye sivili we isi.
\v 15 Sikulombeza kugamba uwause mwe isi mna uwadime na yudya mwavu.
\v 16 Wowo siyo we isi, enga viya miye nili siyo we isi.
\v 17 Uwalengese mwenye mwe chindedi ulosi wako nuwo chindedi.
\v 18 Nakusigila mwe isi, miye nami nawasigila mwe isi.
\v 19 Kwachausa chawo miye mwenye nelavya mwako chani kugamba na wowo welavye mwako mwa chiya ichendedi.
\p
\v 20 SIyo wano du hulombezeza mna na wadya nawazumile kujinkila ulosi wawo.
\v 21 Chani kugamba wowo nawo watende na umwenga, enga viya yeye Ttate wili mndani mwangu, nami mndani mwako, nawalombezeza chani kugamba wowonawo wadahe kutenda mndani mwetu chani isi idahe kuzumila kugamba weye ni weye unisigile.
\v 22 Ukuka udya uninkile miye siwenka wowo, chani kugamba wadahe kutenda na umwenga enga viya suwe chili na wamwenga.
\v 23 Miye mndani mwawo, weye nawe mndani mwangu, chani wadahe kuchintizwa mwe wamwenga, chani si imanye kugamba chindedi weye ni weye unisigile na kuwaunga enga viya weye unungile miye.
\p
\v 24 Tate chiya uninkile miye naunga kugamba wowonawo wadahe kutenda wamwenga na miye na miye hantu nili chani wadahe kuwona ukuka wangu, udya uninkile mwe viya weye nakununga miye heinati ukumbwa isi.
\p
\v 25 Tate ywedi isi haikumanyize weye, mna miye sikumanya weye, naho wamanya kugamba, kunisigila.
\v 26 Nasitenda zina dyako dimanyike mwawo naho naidamanye didamanyike chani kugamba udya ungi uwo kwawo nakununga miye udahe kutenda mndani mwawo na miye ni dahe kutenda mndani mwawo.
\c 18
\cl Sula 18
\p
\v 1 Yesu niyo alonga ulosi uno nakahalawa na wanampina wakwe, kwita mwe kolongo dya Kidroni aho nendile na chibuta ambacho yeye na wanampina wakwe niyo wengila mndani mwakwe.
\p
\v 2 Haluse yudya Yuda aungile kumhituka nakahamanya ahantu hadya ivyo Yesu nendile akaita aho hantu nkanana na nkanana akatenda na wanampina wakwe.
\v 3 Naye Yuda eze atende kapata bunga dya wankondo na wakulu kulawa mwe wakulu wa walavyantambiko niyo weza wakatenda na ta magala na viziha.
\v 4 Yesu naye akatenda kamanya chila chintu nendile chikadamanyika kumlanga yeye, awalaila kulongoza mwawo na kuwauza ni yuhi mkumlonda?
\v 5 NIyo wahitula Yesu Mnazaleti, Yesu awagambila ni miye niyo Yuda amhituka, nendile kachimala hamwenga na wadya wankondo.
\v 6 Ivyo zeze awagambile miye nuyo, nawauya kunyuma na kugwa hasi.
\v 7 Akajika awauza naho, ni yuhi mkumlonda? Niyo waihitula naho Yesu Mnazaleti.
\v 8 Yesu awahitula siwagambilani kugamba ni miye nuyo, ivyo hehu mwahonda miye walekeni wano watuhu waite.
\v 9 Yano nendile yeivyo chani udya ulosi uchinte, hadya alongile mwe wadya uninkile simwazize hata yumwenga.
\p
\v 10 Ivyo Simoni Petulo nendile ana bamba, asomola na kumsenga gutwi dya kulume mndima ywa mlavyantambiko mkulu ne idizina dyakwe mndima yudya nendile ni Maliko.
\v 11 Yesu niyo amgambila Petulo vuza idibamba dyako mwe iyala yakwe ni mbwani nisekujinkila mwe yadya masulumizo aninkile Tate?
\p
\v 12 Ivyo diya idibamba dya wankondo na wakankalu na wandima wa Chiyahudi nawamgwila Yesu na kumtaliza.
\v 13 Nawo niyo wamlombeza nkongo kubula mwa Anasi viya yeye nendile ise vyala wa Kayafa, uyo nuyo nendile mlavyantambiko mkulu mo mhilimo uwo.
\v 14 Haluse Kayafa nuyeo nendile akawenka uliganyi Wayahudi kugamba imunga mntu yumwenga abanike kulanga mwe walozize.
\p
\v 15 Simoni Petulo nakamtongela Yesu naho ivyo, ivyo, wanampina watuhu, na yudya wanampina nendile akamanyka mwa walavyantambiko wakulu, niyo engile hamwenga na Yesu mwe behewa ya mlavyantambiko mkulu.
\v 16 Mna Petulo nendile kachimala kuse mo ulwivi, elo yudya wanamina endile kamanyika mwe mlavyantambiko mkulu, nakafosa kuse niyo aita kulonga na yudya umvyele mzumizi endile akadima ulwivi na kumjela Petulo mndani.
\v 17 Niyo yudya mndima nendile akadima ulwivi niyo amgmabila Petulo vino weye wagamba wi yuhi mwe wazumizi wa yuno mntu? Naye niyo agamba miye siyo uyo.
\v 18 Niyo wadya wazumizi na wakulu nendile wachimala hantu hadya, wajimba moto mwe viya nendile kuna mpeho niyo ivyo nendile wakotela moto chani kupata chifuto futo niyo Petulo nendile akatenda nawo akotela moto akatenda kachimala.
\p
\v 19 Mlavyantambiko mkulu niyo amuza Yesu kulanga wanampina wakwe na mahinyo yakwe.
\v 20 Yesu niyo ahitula, sikugambila pwi pwi piwi isi miye sihinya nkanana mwe nkanana mwe nuymba ye ntambiko na nuymba nkulu ya vikilo hantu ambawo Wayahudi wachintana nami silongile dyodyose mwe chinyele.
\v 21 Nimbwani namnuza? Wauzeni wategeleze kulanga mwe chiya nilongile wano wantu wamanya mbuli ziya nilongile.
\v 22 Yesu eze alonge ivyo yumwenga ywa wakulu nendile kachimala niyo amtowa Yesu mo mkono wakwe na akajika alonga vino nivyo wakukulonga kumhitula mlavyantambiko mkulu?
\v 23 Naye Yesu amhitula hegu silonga mbuli yoyose ihiye ilo utende ukuzi mwe vikulanga vyo wavu naho hegu sihitula vyedi ni mbwani ukunitowa?
\v 24 Nivyo Anasi aho amwigale Yesu mwa Kyafa mlavyantambiko mkulu akatendwa katalizwa.
\p
\v 25 Haluse Simoni Petulo nendile kachimala akotela moto wenye, niyo wadya wantu wamgambila vino weye nawe wi yumwenga na wanampina wakwe? Alemela akagamba, miye suyo uyo.
\v 26 Yumwenga wa wandima wa walavyantambiko wakulu awo nendile ni mlukolo wa wadya wagosi uyo Petulo amsengile idigutwi nakagamba vino weye gamba nasikuwona naye kudya kwa chibuta?
\v 27 Petulo alemela naho aho zogolo dyaila.
\p
\v 28 Niyo amguha Yesu kulawa mwa Kayafa kubula mwe nyumba ya mkulu nedile ni mtondo wa mavukuvuku wowo wenye hawengile idya inyumba chani wanasekujelwa uzavu na kudya nyika ye Pasaka.
\v 29 Ivyo Pilato niyo abesa agamba, nina laho dyani dyakumlanga yuno mntu?
\v 30 Wamhitula na kumgamba, hegu yuno mtu hatendile vihiye hacha mletile hano
\v 31 Pilato awagamba mguheni nyuwe wenye, mkamkantile vikuligana ne sigilizi zenyu nawo Wayahudi wamgambila sigilizi haikuchiluhusu suwe kukoma mntu yoyose.
\v 32 Niyo wagamba haya chani ulosi wa Yesu uchitnte, ulosi uwo nendile kajika kuulonga vikulanga ivyo nabanike.
\p
\v 33 Niyo Pilato niyo engila naho mwe inyumba, inkulu amwitanga Yesu, niyo amgamba, vino weye wi Mseuta wa Wayahudi?
\v 34 Yesu ahitula vino weye wanuza dino mweivyo walonga kumanya hegu mwa viya wantu wakulonga wakusigila chani unuze miye?
\v 35 Uyo Pilato amhitula, miye siyo Myahudi hegu siyo ivyo? Isi yako na mlavyatambiko mkulu nawo wakuletile mwangu weye kutenda mbwani?
\v 36 Yesu ahitula, Useuta wangu siyo we isi ino hegu uesuta wangu watendile we isi ino wandima wangu nawanigombela chani nisekulavigwa mwa Wayahudi chindedi useuta wangu haukulawa hano elo.
\v 37 Pilato niyo amgamba vino, weye nivyo ukulonga kugamba miye ni mseuta, mwe vino miye nasilekeilwa na mwe zimbuli zino moye siza mwe isi chani nitende mukuzi wa chiya ichindedi yoyose ananacho chindedi ategeleze izwi dyangu.
\v 38 Pilato niyo amgamba chindedi ni mbwani? Yeye eze alonge vino niyo aita mwa Wayahudi na kuwagambila sione mwe dyodyose mntu yuno.
\v 39 Nyuwe mna jadi zikudamanya ni mlekeile mfungwa yumwenga chipindi che Pasaka haluse monga niwalekeile mseuta wa Wayahudi.
\v 40 Niyo watula ulwasu wakagamba, suyouyo chifunguile Banaba, uyo Banaba nendile nimpolaganyi.
\c 19
\cl Sula 19
\p
\v 1 Niyo Pilato niyo amguha Yesu niyo amtuwa.
\v 2 Wadya wankondo niyo aguha miwa niyo wailuka niyo wadamanya chilemba niyo wamfunga mo mtwi wa Yesu niyo wamvika suche ya langi ya zambalau.
\v 3 Niyo wambasa wamgamba, weye Mseuta ywa Wayahudi niyo naho wamhuta mwe mikono yakwe.
\p
\v 4 Niyo Pilato afosa kuse, awagamba wantu kaulani namletelani yuno mntu kwenyu, chani mmanye kugamba, miye sibunkule kuwagila masa yoyose mndani mwakwe.
\v 5 Ivyo Yesu niyo alawa kuse, nandile kavala chilemba cha miwa na suche ya zambalau, niyo niyo Pilato awagamba, kaulani mntu yuno hano.
\p
\v 6 Ivyo chipindi mlavyantambiko mkulu wa wakulu eze amuwone Yesu, niyo waguta msulumize, msulumize, Pilato awagamba, mguheni nyuwe wenye mkamsulumize kwaviya miye sikuwona kuwagila kusulumizwa.
\v 7 Wayahudi wamhitula Pilato suwe china nkanto naho kwe inkanto iyo yamuwagila abanike kwaviya yeye ketenda kugamba, ni Mwana ywa Chohile.
\p
\v 8 Pilato eze eve imilosi iyo niyo azidi kogoha.
\v 9 Niyo engila mwe inyumba yo kuvikila vituhu amgamba, Yesu weye walawa kuhi? Hata ivyo Yesu hamhitule.
\v 10 Niyo Pilato amgamba weye hukulonga na miye? Hegu humanyize kugamba miye nina udahi wakukufungula hegu kukusulumiza.
\q
\v 11 Yesu ahitula hwadahile kutenda na udahi ukulanga miye hegu hwenkigwe kulawa kulanga, ivyo uyo mntu anilavize kwako ana masa makulu.
\p
\v 12 Kulawana na ivyo amhitule, Pilato nakaunga kumlekela mna Wayahudi watula ulwasu wagamba, uneva unamlekeila ivyo weye suyo mbuyetu wa Kaisali chila akwetenda mseuta alonga chihitu cha Kaisali.
\p
\v 13 Pilato eze eve ulosi uwo niyo amleta Yesu kuse niyo ekala mwe chiti cha kukantila hadya ahantu hamanyike saviya sakafu, mna kwachiebulaniya, Gobatha.
\p
\v 14 Zuwa dya kumalanya Pasaka eze dibule chikabula chipindi cha sa mtandatu, Pilato awagamba Wayahudi kaulani mesuta ywenyu yuno ehano.
\p
\v 15 Niyo waguta muse, muse, muse msulumize Pilato awagamba vino nimsulumize Seuta ywenyu? Niyo wagamba, suwe hachina mseuta mafani Kaisali.
\p
\v 16 Niyo nPilato amlavya Yesu kwawo chani asulumizwe
\p
\v 17 Niyo wamguha Yesu niyo afisa enula umsalaba wakwe mwenye kubula kwe chiwasa chikwintangwa Goligotha.
\v 18 Naho wamsulumize Yesu hamwenga na wagosi waidi yumwenga ntendele ino, mtuhu ntendele ino Yesu ehagati hawo.
\p
\v 19 Akaheza Pilato niyo aika chiwalo niyo aika kulanga mo msalaba hano idolonywa MNAZALETI MESUTA YWA WAYAHUDI.
\v 20 Wayahudi walozize wasoma ichiwalo icho kwaviya hadya asulumizwe hendaga hajihi na kaya chiwalo icho chidolonywa kwa chiebulaniya kwa Chilumi na Chiyunani.
\p
\v 21 Niyo wakulu wa walavyantambiko wamgamba Pilato usekudolonya Mseuta wa Wayahudi mna yeye nuyo agambile miye ni Mseuta wa Wayahudi.
\p
\v 22 Naye Pilato niyo ahitula, nidolonye sidolonya.
\p
\v 23 Wankondo eze wamsulumize Yesu niyo waguha suche zakwe niyo wazipangana mwe mafungu mane chila mnkondo fungu dimwenga niivyo mwe inkazu idya haisumigwe itoigwe bwasholo kulawa kulanga.
\v 24 Niyo wagambana chisekuitatula mna chiigombela chani chione naitende ni yayuhi ino ilaile chani chidolonye chichintizwe chiya chikugamba wapangana izisuche zangu ne idivazi dyangu wadigombel.
\p
\v 25 Wankondo watenda ivyo, nine dya Yesu, lumbudye dya nine, Maaliyamu mkaza Klopa na Maliyamu Magidalene wavyele wano nawachimala hajihi no msalaba wa Yesu.
\v 26 Yesu eze awone nine hamwenga na yudya wanampina nakamungisisa wachimala hajihi niyo agamba, nine, mvyele muone mwanawo yuno hano.
\q
\v 27 Akaheza amgamba yudya wanampina kaula yuno hano mami yako kunkongela isa iyo yudya mwanampina niyo amguha niyo aita naye kukaya kwakwe.
\p
\v 28 Eze dijinke idyo, kuno Yesu kaheza kumanya yose yaheza usankani kuchintiza amadolonyo agamba naona nchilu.
\v 29 Chiya chandile chimema siki nachikwa handya, ivyo niyo waika divai igwaduke imemile siki mwe lukombosha lwa hisopo niyo wamjela mo mlomo wakwe.
\v 30 Yesu zeze aonje niyo agamba, iheza, niyo afunama umtwi wakwe niyo ainkiza umuye wakwe.
\p
\v 31 Kwaviya yendaga ni chipindi cha kumalanya kwaviya mili haikungigwa kusigala mlanga mwe misalaba chipindi cha zuwa dya kuhumula kwaviya zuwa dya kuhumula dyendaga kusinyisa, Wayahudi wamlombeza Pilato kugamba viga vyawo wadya wasulumizwe ivunwe na mili yawo iselezwe.
\v 32 Naho wankondo wezile niyo wavuna iviga vya mntu ywa nkongo na ywa kaidi nandile kasulumizwa hamwenga na Yesu.
\v 33 Eze wambwile Yesu wambwila kabanka kale ivyo hawamvunile iviga vyakwe.
\v 34 Hata ivyo mnkondo yumwenga niyo amduga guha Yesu mo lubavu, niyo yalawa mazi na sakame.
\v 35 Uyo awone dino kaukula kugamba ukuzi wakwe ni wachindedi chania hata nyuwe mzumile.
\p
\v 36 Mbuli zino zilzila chani kgamba udya ulosi ulongigwe uchinte, hakuna hata wakwe umwenga ukunga uvunwe.
\v 37 Vituhu dolonyo tuhu dyagamba nawamsinye uyo wamlungike.
\p
\v 38 Eze vichinte ivyo, Yusufu wa Alimasaya kwaviya endaga mwanampina ywa Yesu mna kwa chinyele kwa kuwogoha Wayahudi niyo amlombeza Pilato kugamba auguhe umwili wa Yesu.
\v 39 Nikodemu naye uyo ambasaga Yesu nechilo naye niyo eza yeye kaleta msanganya wa mane mane udi na uvumba ukuzama kwakwe vyabula chihimo cha latili gana dimwenga.
\v 40 Niyo waguha umwili wa Yesu niyo wauzingiliza mwe sanda ya chitani hamwenga na udya umhempe enga ivyo yendaga mazwela ya Wayahudi mo kuhamba.
\v 41 Antu aho Yesu asulumizwe hendaga na busitani, mndani mwakwe mwe ibusitani mna mbila mpya ambayo hakuna mntu awahiye kuhambwa umo.
\v 42 Kwaviya yendaga zuwa dya mandaliyo kwa Wayahudi na kwaviya idya imbila niyo wamgomneza Yesu umo mndani.
\c 20
\cl Sula 20
\p
\v 1 Chilo chilo zuwa dya nkongo dya juma kuche mavuku vuku, Maliyamu Magidalene nakaita kwe mbila niyo awona idiyuwe dyuswa mwe imbila.
\v 2 Ivyo niyo aguluka aita kwa Simoni Petulo na kwayudya wanampina umtuhu akungigwa ni Yesu, Niyo agamba wamguha Zumbe mwe mbila, suwe nswi hachikumanya kudya wamgoneze.
\p
\v 3 Niyo Petulo na yudya wanampina umtuhu wafosa kwita kwe mbila.
\v 4 Wose niyo waguluka hamwenga, ydya mwanampina umtuhu niyo aguluka kumjinka Petulo niyo atenda ywa nkongo kubula kwe mbila.
\v 5 Niyo achimala niyo asinya kwe mbila niyo aona sanda yachitani igonezwa, mna hegile mndani.
\p
\v 6 Niyo Simoni Petulo niyo abula niyo engila kundani kwe mbila.
\v 7 Niidya leso yendile mo mtwi wakwe heigonile hamwenga na ziya izisanda zachitani mna naitandikwa hankanda hakwe.
\v 8 Niyo yudya wanampina umtuhu, naye eze engile mndani mwe mbila niyo awona niyo azumila.
\v 9 Kwaviya kubula ichipindi icho andaga hawanati kumanya amadolonyo, kugamba naimunga Yesu auyuke mwawo wabanike.
\p
\v 10 Akaheza wanampina wakwe niyo wauya naho kukaya kwawo.
\v 11 Hata ivyo Maliyamu nandile kachimala ukudya kwembila aila, viya akaila nakachimala kuno asinya kweimbila.
\v 12 Niyo awona wandima wa kwembingu waidi, wakukile wekala hamwenga, komtwi yumwenga kweviga hantu Yesu agonile.
\p
\v 13 Niyo wamgamba, we mvyele, kwani wailani? Niyo awagmba wamguha Zumbe ywangu nami sikumanya uko wamwikiye.
\v 14 Eze alonge ivyo, ahituka amwona Yesu akatenda kachimala, mna nandile hambunkule kugamba nandile ni Yesu.
\q
\v 15 Yesu naye agamba, mnala kwambwani waila? Wamlonda yuhi? Naye kuno akafanyanya nu mwamizi we ibusitani amgamba, zumbe hegu ni weye umguhile nigambila, uko umwikiye miye nami hamguhe.
\p
\v 16 Yesu amgamba, Maliyamu naye ahitukla mwenye niyo amlonga kwa kialamu Lobani yani kugamba mhinyi.
\q
\v 17 Yesu amgamba usekunidonta kwaviya sinati kupaa kwita kwa Tate, mna wite kwa walukolo wangu ukawagambile kugamba nanipae nite kwa Tate naho nuyo tati yenyu Chohile ywangu, naho ni Chohile ywenyu.
\q
\v 18 Maliyamu Magidalene niyo eza kuwagambila wanampina, Simona, Zumbe, nakugamba kamgambile ivyo.
\p
\v 19 Eze ibule chisingi umsi uwo, zuwa dya nkongo dya juma, nyivi nazivugala, aho wanampia wendaga kwa kogoha Wayahudi, Yesu niyo eza niyo achimala mgati mwawo awgamba, utondowazi utende wi mwenyu.
\v 20 Eze aheze kuloga ayo niyo awalagisa mikono yakwe na lubavulwakwe, wanampina nawo weze wamuwone Zumbe niyo welelwa.
\p
\v 21 Niyo Yesu awagamba naho, utondowazi mtende mnanawo saviya anisigile miye niivyo nami nawasigilani nyuwe.
\v 22 Yesu eze alonge ivyo awavila awagamba hokelani Muye Ukukile.
\v 23 Yoyose mkunga mlekeile masa, walekeilwa na wadya mkunga na muwavugaile, wavugailwa.
\p
\v 24 Tomaso yumwenga mgati mwa wadya mlongo umwe na waidi etangwe Didimasi hendaga wanampina wa Yesu aho ezaga.
\v 25 Akaheza wadya wanampina awatuhu wamgamba, chimuwona Zumbe, yeye awagamba, uneva sinawone nkovu ze mitunga mwe mikono yakwe na kujela umkono wangu mwa mabome mo lubavu lwakwe sanizumile ng'o
\p
\v 26 Eze yachinte mazwa mane wanampina wendaga hamwenga vituhu, Tomaso naye hamwenga nawo, chipindi icho nyivi nazivugala yesu niyo achimala mgati mwawo niyo agamba, utondowazi mtende nyuwe.
\q
\v 27 Niyo agamba, Tomaso lete akadole kako naho usinye imikono yangu naho lete hano imikono wike mo lubavu lwangu, naho usekutenda hekuzumila mna utende akuzumila.
\q
\v 28 Tomaso naye ahitula agamba Zumbe ywangu na Chohile ywangu.
\q
\v 29 Yesu amgamba kwaviya kuwona, wazumila, wajimbikwa wadya wakuzumila naw hawaone.
\p
\v 30 Niyo Yesu adamanya mpituko zilozize mwa wanampina, mna hazidolonywe mwe chitabu chino.
\v 31 Mna zino zidolonywa chani mpate kuzumila kugamba Yesu ni Kulisito, Mwana ywa Chohile na kugamba mkazumila mtenda na ujima kujinka yeye.
\c 21
\cl Sula 21
\p
\v 1 Eze viheze ivyo, Yesu niyo elaviza mwa wanampina wakwe vituhu kweibahali ya Tibelita vino nivyo elevize mwenye.
\v 2 Simoni Petulo endaga na Tomaso akwitagwa Didimasi na Nasanaeli wa kana ya Galiliya, mwana ywa Zebedayo na mwanmpina mtuhu wa kaidi ywa Yesu.
\v 3 Simoni Petulo agamba, miye naita kulowa samaki, wowo nawo wagamba suwe naswi chitanye niyo waita wengila mwe ingalawa mna ichilo icho wose hawapatile chochose
\p
\v 4 Mtondo eze kutandazuke, Yesu kachimala hapezo mwe diziwa, wanampina hawambunkule kugamba ni Yesu.
\q
\v 5 Yesu awagamba, wambwanga mna chochose chakudya? Nawo wahitula hahana.
\q
\v 6 Awagamba selezani ulwavu ntendele ya kulume kwe ingalawa, nyuwe nanywi nampate samaki ivyo niyo waseleza izinyavu zawo, niyo wadunduga kukuvuta vituhu kwachausa che izisamaki ivyo zizamile.
\v 7 Ivyo yudya mwanampina Yesu amungile niyo amgambila Petulo, ni Zumbe, naye Simoni Petulo aliposikiya ni Zumbe, niyo afunga izisuche zakwe kwaviya nendile hadivaile vyedi, akajika niyo edula mwe bahali.
\v 8 Wadya wanampina watuhu niyo weza mwe mashuwa kwaviya na hewehale ne isi inyaile, yabula mita gana kulawa kunkanda nawo nawakakweseza izinyavu zimemile samaki.
\v 9 Eze wabule kunkanda niyo waona moto wa makala hadya halanga hakwe, hendaga na samaki hamwenga na mgate.
\p
\v 10 Yesu awagamba, leteni hano samaki zesimile mloile vino haluse.
\v 11 Niyo Simoni Petulo niyo akwela niyo abuluza ludya ulwavu lumema samaki wakulu wakwehela kubula 153 hata hegu wendaga waloza mna ulwavu halukantike.
\p
\v 12 Yesu awagamba, soni mnde kudya hakuna hata yumwenga mwa wanampina ajezize kumuza weye ni yuhi? Nawamanya kugamba ni Zumbe.
\v 13 Yesu niyo eza aguha udya umgate niyo awenka niyo atenda ivyo mwe izisamaki nazo.
\v 14 Ino yendaga nkanana ya katatu kwa Yesu kwelagisa kwa wanampina wakwe eze auyuke kulawa kwa wabanike.
\p
\v 15 Eze wapate chegulo, Yesu amgamba, Simoni Petulo, Simoni mwana ywa Yohana vino weye waungisisa kujika wano? Petulo ahitula, heye Zumbe, weye kumanya kugamba miye nakunga, Yesu amgamba, yenke nkande amagoto yangu.
\p
\v 16 Amgambila nkanana ya kaidi Simoni Petulo mwana ywa Yohana vino wanunga Petulo amgamba heye Zumbe weye kumanya kugamba, nakunga, Yesu amgamba dima izingoto zangu.
\p
\v 17 Amgamba naho nkanana ya katatu Simoni mwana ywa Yohana vino wanunga? Petulo naye niyo engila chihovu kwaviya agambigwe wanunga nkanana ntatu, vino weye wanunga? Naye amgamba Zumbe weye kumanya vyose kumanya kugamba nakunga, Yesu amgamba dima izingoto zangu.
\p
\v 18 Chindedi nakugambila, chipindi wi mbwanga nakuzwela kuvala mwenye izisuche, niyo waita kokose uko ukunga, mna ukeza kudalahala naugolole imikono yako mtuhu nakuvike suche niyo akwigala kuntu hwikukunga.
\v 19 Yesu kalonga ivyo chani kulagisa akunga abanike Petulo kwakumtunya Chohile eze alonge ivyo, amgamba Petulo nitongela.
\p
\v 20 Petulo ahituka niyo amuona yudya wanampina, yudya nakaungiswa awatongela, yuno ni yudya egamilaga mwe chifuwa cha Yesu chipindi che inkande ye chisingi niyo amuza Zumbe ni yuhi akunga akuhituke?
\v 21 Petulo niyo amuona niyo amuza Yesu Zumbe yuno mntu atenda mbwani?
\p
\v 22 Yesu amhitula hegu namunga ekale kubula aho hwizila ivyo vyakulanga mbwani? Nitongela.
\v 23 Ivyo imbuli ino niyo yazagala mgati mwa wadya walukolo kugamba mwanampina uyo habanike mna Yesu hamgambile Petulo kugamba mwanampina uyo habanike, hegu naunga uyo asigale kubula aho hwizila yakulanga mbwani?
\p
\v 24 Yuonnuyo wanampina akukula zino izimbuli naho nuyo azidolonye, naho chimanya kugamba ukuzi wakwe ni wachindedi.
\p
\v 25 Kna mbuli zesimile zilozize Yesu adamanye, hegu chila imwenga yadolonywe, nafanyanya kugamba isi yenye hayachintile kuvika ivitabu vidolonywe.