ziw_reg/43-LUK.usfm

\id LUK
\ide UTF-8
\h Luka
\toc1 Luka
\toc2 Luka
\toc3 luk
\mt Luka
\c 1
\cl Sula 1
\p
\v 1 Walozize wakazana kwika vyedi, ntamulizi kulanga mbuli zatendekaga mndani mwetu.
\v 2 Saviya wachinkile suwe, kambawo kukongela nkongo ni waukuzi wa meso na wandima wa mbuli.
\v 3 Ivyo miye nami nize nisinyise, nkongelo ye izimbuli zino zose, kukongela aho nkongo siwona ni vyedi mwangu miye, kuwadolonyeza mwe untanda wakwe mtunywa vilozize Teofile.
\v 4 Chani udahe kumanya ichindedi che izimbuli uhinyigwe.
\p
\v 5 Mwe dizuwa dya Helode endaga seuta ywa Yudeya, endaga kuna mlavyantambiko yumwenga akwitangwaZakaliya, mo lukolo lwa Abiya, mkaziwe alawaga mo lukolo lwa Haluni, zina dyakwe naketangwa Elizabeti.
\v 6 Wose wendile wata wedi kulongozi kwa Chohile, nawajenda bila mbuli zihiye mwe lagizo dya Zumbe.
\v 7 Mna nandile hawana mwana kwaviya Elizabeti endaga hana cheleko, na kwe chipindi icho, wendaga wadalahala vidala.
\p
\v 8 Haluse niyo yalaila kugamba, Zakaliya nandile emwe kumsankanila Chohile akajendeleza na vikutasa mlavyantambiko mwe mazwele ye izamu yakwe.
\v 9 Kuligana na mazwelwa yo kusagula ni yani mlavyantambiko akunga asankane, nendile kasagulwa kwa kula, kwingila mwe inyumba nkulu yo kuvikila ya Zumbe chani akavunkize ubani.
\v 10 Bunga dyose nendile dikuse dikalombeza chipindi cho kuvunkiza ubani.
\v 11 Haluse mndima ywa kwembingu ywa Zumbe, niyo amlaila, achimala ntendele ya kulume ye inchanja yo kuvukiziza ubani.
\v 12 Zakaliya niyo ehelwa, eze awone, woga niyo wamwizila.
\v 13 Mna ndima ywa kwembingu amgamba, usekogoha Zakaliya, kwaviya kulombeza kwako kwivigwa, mkaziwo Elizabeti nakupatile mwana zina dyakwe netangwe Yohana.
\v 14 Nautende na chinyemi nosangale, na walozize nawakusangaile kwelekwa kwakwe.
\v 15 Kwaviya nautende mkulu kulongoile amweso ya Zumbe, hanywe divai, hegu mpombe, naho amemezwa Muye Ukukile, kukongela mwe inda ya nine.
\v 16 Naho wantu walozize wa Izulaeli nawavuzwe mwa Zumbe Chohile ywawo,
\v 17 naite kulongozi kwa Zumbe mwe muye na udahi wa Eliya, natende ivi chani kuvuza myuye ya watate kuwavuza kwa wana, chani kugamba hewekwiva nawajende mwe umanyi wa wata kuwagila, natende vino chani wemalanye kwa Zumbe ywetu, awo waikigwe kale kujinkila yeye.
\p
\v 18 Zakaliya amgamba, mndima ywa kwembingu nanidahe kumanya zeze dino? Kwaviya miye sidalahala mkazangu naye mihilimo yakwe ilozesa.
\p
\v 19 Mndima ywa kwembingu amhitula, amgamba, miye ni Gabulueli miye huchimala kulongozi kwa Chohile, situmwa hugambile, huletele imbuli ino yedi.
\v 20 Naho kaula haulonge, nonyamale, haudahe kulonga, kubula idizuwa diya izimbuli zino zikunga zilaile, vino ni kwaviya kudunduga kuzumila ulosi wangu ambawo naulaile mwe ichipindi ichenye.
\p
\v 21 Haluse wantu nandile wakamgoja Zakaliya, nawehelwa kugamba, nakekalisa kwe nyumba yo kuvikila.
\v 22 Mna eze alawe kuse, hakudaha kulonga nawo, niyo wamanya kugamba, nandile kapata kulonga na Chohile, chipindi ekwenyumba nkulu yo kuvikila, kajendeleza kulagisa naho hakulonga.
\p
\v 23 Niyo yalaila kugamba, amazuwa yo kumsankanila kwakwe yeze yaheze, niyo auya kwe kaya yakwe.
\p
\v 24 Zakaliya eze auye kukaya, kulawa ko kumsankanila, kwe nuymba inkulu yo kuvikila, mkaziwe niyo atenda ana nda, naye halaile mwe nyumba yakwe,
\v 25 Dino nidyo Zumbe atendile kwa miye, eze anisinye kwa kunungila, chani kunusiza soni zangu mwa wantu.
\p
\v 26 Haluse mo mwezi wa mtandatu we inda ya Elizabeti Chohile amgamba mndima ywa kwembingu, Gabulueli aite mo mzi wa Galilaya ukwitangwa Nazaleti.
\v 27 Kwa mali nandile kalombwa, ni mgosi akwitangwa Yusufu, yeye nandile ni mlikolo ywa Daudi, idizina dyakwe umwali uyo na ketangwa Maliyamu.
\v 28 Niyo eza kwakwe niyo amlamsa, amgamba, weye uhokele utondowazi mkulu, Zumbe kakwelelwa.
\v 29 Mna ulosi wa mndima ywa kwembingu naumchanganya naho hamanyize kwambwani mndima ywa kwembingu amlamse, indamsa iyo ikwehela.
\v 30 Mndima wa kwembingu amgamba, usekogoha Maliyamu kwaviya kupata kufilwa mbazi kulawa kwa Chohile.
\v 31 Naho kaula nawinule nda, mwe inda yako kaula, naweleke mwana, nawe naumwitwnge zina dyakwe Yesu.
\v 32 Natende mkulu naho netengwe mwana ywa e kulnga vidala, Zumbe Chohile namwinke chiti cha ukulu cha Daudi Tati yakwe.
\v 33 Natende Seuta mo lukolo lwa Yakobo, kale na kale na useuta wakwe, nautende hauna uhelo.
\p
\v 34 Maliyamu amgamba, mndima wa kwembingu vino navilaile zeze, kwaviya simanye kugona na mgose yoyose?
\v 35 Mndima ywa kwembingu amhitulaa Muye Ukukile naukwizile weye na udaha wa e koulanga vitendese nawize kwako kwaviya uyo ukunga weleke kakuka netangwe Mwana ywa Chohile
\v 36 Naho kaula mlukolo ywako Elizabeti, ana nda ya mwana mta mihilimo ya udalahala uno ni mwezi wa mtandatu kwakwe uyo, nakagambigwa hana cheleko.
\v 37 Kwaviya hakuna hedikudahika kwa Cohile.
\p
\v 38 Maliyamu amgamba, kaula miye ni mndima ywa chiche ywa Zumbe, leka vitende ivyo ulongile, niyo mndima ywa kwembingu niyo amwasa.
\p
\v 39 Nivyo mwa mazuwa ayo, Mliyamu niyo ahalawa aita na kuya mwe kaya, ya wagulu gulu ko mzi we isi ya Yuda.
\v 40 Kaita kwe nyumba ya Zakaliya, niyo amlamsa Elizabeti.
\v 41 Niyo vyalaila kugamba, Elizabeti eze eve indamsa ya Maliyamu umwana kwe inda yakwe niyo apilika Elizabeti niyo amemezwa Muye Ukukile.
\v 42 Niyo enula izwi kulu niyo amgamba, kujimbikwa weye kujinka mwa wavyele na umwana emwe inda yako kajimbikwa.
\v 43 Naho vita zeze kwa miye kugamba nine dya Zumbe wangu kumtenda eze kwa miye?
\v 44 Kwaviya kaula dize divike izwi dyako mwa magutwi mwanangu izwi dye indamsa yako kazana kateke mwe inda niyo kapilika kwa chinyemi.
\v 45 Naho ajimbikwe mvyele yudya akuzumila kugamba na ulaile Ukuka mwe izimbuli ziya agambilwe kulawa kwa Zumbe.
\p
\v 46 Maliyamu niyo agamba, muye wangu wamtogola Zumbe.
\q
\v 47 Na muye wangu wabweda mwa Chohile mwambula ywangu.
\q
\v 48 Kwaviya kawona hali ya hasi, ya mndima ywakwe ywa chivyele, kaula kukongela vino, mwe vyeleko vyose nawanitange mto kujimbikwa.
\q
\v 49 Kwaviya yeyemndani kadamanya makulu kwangu zina dyakwe naye dikuka.
\q
\v 50 Mbazi zakwe zekala vyeleko kubula vyeleko kwa wadya wakumogoha yeye.
\q
\v 51 Kalagisa udahi kwa mkono wakwe, kawasawanisa wadya wakwefenya, mwe zifanyanyi zawo ye myuye yawo.
\q
\v 52 Kawaseleza hasi wana wa maseuta kulawa mwe iviti vyawo vya ukuka, na kuwenula kulanga wantu wa hali ya hasi.
\q
\v 53 Kawegusa wata sala, kwa vintu vitana, mna wagoli kawabalaza mikono iyudu.
\q
\v 54 Kalavya lavyo kwa Izulaeli mndima ywakwe, chani kukumbuka kulagisa wedi,
\v 55 (saviya alongile kwa watati zetu) kwa Abulahamu ne cheleko chakwe kale na kale.
\p
\v 56 Maliyamu kekala na Elizabeti, miezi mitatu niyo auya kukaya kwakwe.
\p
\v 57 Haluse chipindi chize chibule Elizabeti kwefungula mwanawe, kefungula mwana chilume.
\v 58 Wantu wa hajihi, nawo na walukolo wakwe weva ivyo Zumbe, amfile mbazi zijinkile kwakwe, niyo welelwa hamwenga naye.
\v 59 Haluse niyo dyalaila zuwa dya kane, kugamba weza kumvikila umwana, vyaunga wamwinke zina dya Zakaliya, chikakaula zina dya ise.
\v 60 Mna nine ahitula agamba, bule netangwe Yohana.
\v 61 Wagamba hakuna hata yumwenga, mwa walukolo wako akwitangwa idizina idyo.
\v 62 Niyo wamtendela chilagiso teti yakwe kulagisa yeye na akaunga kumwitanga zina dyani.
\v 63 Ise niyo aunga chibawo cha kudolonyeza, niyo adolonya zina dya Yohana wose niyo wehelwa mwe dino.
\v 64 Ahadya mlomo wakwe niyo wafunguilwa na ululimi lwakwe lwalekela.
\v 65 Woga niyo waweila wose nawakekala nawo hajihi, mbuli zino niyo zazagala mwe isi yose lugulu lugulu ya Yudeya.
\v 66 Wose wevile niyo wayaika mwe imyuye yawo, wagamba, uyno umwana ezeze? Kwaviya mkono wa Zumbe wihamwenga naye.
\v 67 Tati yakwe Zakaliya, niyo amemezwa Muye Ukukile niyo alavya uoni agamba,
\q
\v 68 atogolwe Zumbe Chohile ywa Izulaeli, kwaviya kanambiza nawo kasankanila wambulwa wa wantu wakwe.
\q
\v 69 Kchinuila hembe dya wambulwa, mwe nyumba ya mndima ywakwe Daudi, kaula mwa walukolo wa mndima ywakwe Daudi.
\q
\v 70 Enga ivyo alongile kwa mlomo wa waoni wakwe nandile weyuko mazuwa yajinkile.
\q
\v 71 Nachambule na wankondo wetu na kulawa mwe mikono yawo wose wakuchihiwa.
\q
\v 72 Natende vino kulagisa mbazi zakwe, kwa watati zetu na kukukmbuka lagano dyakwe dikukile.
\q
\v 73 Kwelisa alongile kwa Ibulahimu tati yetu.
\q
\v 74 Elisaga kumanya kugamba, naidahika kumsankanila yeye bila nkama,
\q
\v 75 mwe Ukuka na kuwagila kulongozi kwakwe mazuwa yose.
\p
\v 76 Heye naho weye mwana, nawitwngwe muoni ywa ekulanga vidala, kwaviya nawite kulongozi kwo uso wa Zumbe, chani umdamanyize sila, kwakumalanya wantu kwachausa cha ukwiza kwakwe,
\q
\v 77 kuwagambila wantu wakwe kugamba, nawambulwe kwa sila ya kulekeilwa amasa yawo.
\q
\v 78 Dino nadilaila kwa mbazi za Chohile ywetu, kwachausa icho cha zuwa kulawa kulanga nadize.
\q
\v 79 Kuwalangaziza mwe chiza na chizuli cha file, natende ivi kuvilongoza iviga vyetu mwe isila ya utondowazi.
\p
\v 80 Haluse yudya mwana niyo akula, niyo atenda na udahi wa Muye, naho nakekala kwenyika kubula zuwa dya kwelaviza mwakwe mwe Izulaeli.
\c 2
\cl Sula 2
\p
\v 1 Haluse mwa amazuwa ayo, niyo kwalaila lagizo dikulawa kwa kaisali Augosito kugamba, iguhigwe idadi ya wantu wose wakwikala mwe isi.
\v 2 Iyo nandile ni nkanana ya nkongo wantu kuwazwa, idamanyika chipindi Kleniyo akatenda mulu ywa Siliya.
\v 3 Ivyo, chila yumwenga aita kwe ikaya alaile akawazwe.
\v 4 Yusufu naye niyo ahalawa mo mzi wa Nazaleti, uko Galilaya niyo aita Yudeya, mo mzi wa Bselehemu, kukumanyika saviya mzi wa Daudi, kwaviya kalawa mo mzi wa Daudi.
\v 5 Nakaitwa uko akawandikwe hamwenga na Maliyamu endile kalomba naye, andile mwe kweloleza.
\v 6 Niyo yalaila kugamba, iviya wekudya chipindi chakwe cha kwefungula mwana niyo chabula.
\v 7 Niyo efungula mwana ywa Chilume, mwekekwa ywakwe ywakwe ywa nkongo, niyo amgubika suche mo mwili kumchingila impeho umwana, naho akamwinka mwekahondo, kamwinkiza nkande wanyama, kwaviya nahendile hantu mwe inyumba ya wajeni.
\p
\v 8 Mwa hantu aho, nahana wadimi nawakekala kwezinkonde, wakamila mafyo ya ngoto zawo nechilo.
\v 9 Hampu, mndima ywa Zumbe niyo awalaila ukuka wa Zumbe niyo wawalaila, kuwazunguluka niyo wogoha vidala.
\v 10 Niyomndima ywa kwembingu awagamba, msekogola kwaviya nawaletela mbuli yedi, ikunga ilete chinyemi mwa wantu wose.
\v 11 Dyelo mwambizi kelekwa kwachausa cha nyuwe, mo mzi wa Daudi, uyo nuyo Kulisito Zumbe.
\v 12 Chino nicho chilagiso mkungwa winkwe, namumbwile umwana, kavikwa suche kagona mwe hondo dya kudila wanyama
\p
\v 13 Chipumpa, niyo kwatenda na wankondo wa kwembingu, niyo walungana na mndima uyo, niyo wamtogola Chohile, wakagamba,
\q1
\v 14 Ukuka una Chohile ekulanga vidala, na utondowazi utende mwe isi, kwa wose awo wakuwelelwa.
\p
\v 15 Niyo vyatenda wandima wa kwembingu, eze wahalawe kuhigana ko ulanga, wadya awandima wagamba, chiteni haluse Beselehemu, chikawone chino ichintu icho chilaile icho Zumbe achigambile.
\v 16 Niyo watenda halaka kuya, niyo wambwila Maliyamu na Yusufu wamuwona umwana kagona mwedihondo dya wanyama.
\v 17 Eze wawone viya niyo wawagambila chiya chilongigwe kumlanga umwana.
\v 18 Wose wevile imbuli ino wehelwa ni chiya chilongigwe na wadimi.
\v 19 Mna Mliyamu nendile achekufanyanya kulanga yose ahezize kwiva, niyo ayaika mo muye wakwe.
\v 20 Wadimi niyo wauya wakamtunya na kumjimbika Chohile, kwachausa cha chila chintu wevile kale kuwona, saviya ilongigwe kwawo.
\p
\v 21 Eze dibule zuwa dya mnane, nendile ni zuwa dya kumtina umwana, niyo wamwitanga zina Yesu, zina ahezize kwinkwa ni yudya mndima ywa kwembingu kabula inda hainati kwingila mwe inda.
\p
\v 22 Misi yawo yungigwe yo ukuka eze ijinke, kuligana na lagizo dya Musa, Yusufu na Maliyamu niyo wamwigala Yelusalemu kweinyumba inkulu ya vikilo kumwika kwa Zumbe.
\v 23 Saviya idolonywe mwe inkanto ya Zumbe, chila mwana ywa chilume akufungula nda, naetangwe alavigwe kwa Zumbe.
\v 24 Wowo nawo iviya weza kulavya jeleko, kuligana na chiya chilongigwe mwe lagizo dya Zumbe, wasuwa manga waidi hegu machinda maidi ya wasuwa manga.
\p
\v 25 Kaula nendile kuna mntu mwe Yelusalemu uyo zina dyakwe nendile aketangwa Simoni mntu uyo nani mntu mta kuwagila, naho nakamogoha Chohile, uyo nandile akagoja kwachausa cha mta kuhembeleza, Izulaeli mna Muye Ukukile nandile ananaye.
\v 26 Andile iheza kugubulwa kwakwe, kujinikla muye ukukile kugamba, yeye habanike kubula aho akunga amuwone Kulisito ywa Zumbe.
\v 27 Zuwa dimwenga keza mndani mwe inyumba, ye divikilo, akalongozwa ni Muye Ukukile, aho ise na nine wamletile umwana, Yesu, kumdamanyiza yadya nayakaungwa mwe kola dya lagizo.
\v 28 Naho Simoni niyo amhokela mwe mikono yakwe, niyo amtogola Chohile akagamba,
\q1
\v 29 haluse, mlekeile mndima ywako aite kwa utondowazi Zumbe, kuligana na ulosi wako
\q1
\v 30 Kwaviya ameso yangu yawona wambulwa wako,
\q1
\v 31 uwo uwoneke mwa meso ya wantu.
\q1
\v 32 Yeye ni lumuli kwachausa cha ugubulo we isi yose na Ukuka wa wantu Izulaeli
\p
\v 33 Ise na mami yakwe umwana wehelwa mwe izimbuli izo zilongigwe zikumlanga yeye.
\v 34 Niyo Simoni amjimbika alonga kwa Maliyamu, tegeleza vyedi, umwana yuno natende chausa cha kwaga, na kwambulwa kwa wantu walozize naho natende chilagiso chikunga chilemelwe ni wantu walozize.
\v 35 Naho ni bamba, dikunga dikutunge mo muye wako mwenye, chani kugamba fanyanyi za wantu walozize zimanyike.
\p
\v 36 Muoni ywa chiche etengwa Ana naye naeyaho, mwe nyumba nkulu yo kuvikila, yeye nendile ni chigoli Fanueli kulwa mwe dikabila dya Asheli. Nendile ana mihilimo ilozize vidala, naye kekala na mgosiwe kwa mihilimo mfungate kukongela weze waguhane.
\v 37 Naho hatendile hana mgosi kwa mihilimo milongo mnane na mine hawahiye kuhalawa mwe nyumba nkulu ya vikilo naho nandile akajendeleza kumvikila Chohile hamwenga na kufunga, na kulombeza chilo na msi.
\v 38 Naho ichipindi icho niyo eza hadya weli niyo akonga kumtunya Chohile, na kulonga vikulanga umwana, kwa chila mntu nandile akagoja wambulwa wa Yelusalemu.
\p
\v 39 Weze wabindi chila chintu waungigwe kudamanya kuligana nalagizo dya Zumbe, niyo wauya kweikaya yawo Galilaya uko Nazaleti.
\v 40 Mwana niyo akula, niyo atenda na udahi, niyo ajenyela umanyi, na wedi wa Chohile wendaga mwakwe.
\p
\v 41 Tati yakwe na mami yakwe, chila mhilimo nawakahinga Yelusalemu, kwachausa cha zuwa kulu dya pasaka.
\v 42 Eze atende na lika dya mihilimo mlongo umwenga na midi, nawaita naho mwe chipindi chichintile ivyo vili kwachausa cha zuwa kulu.
\v 43 Eze asigale mazuwa yose, kwachausa cha zuwa kulu, niyo wakonga kuya kaya, mna mbwanga Yesu kasigala kunyuma kudya Yelusalemu welesi wakwe hawamanyize dino.
\v 44 Nawakafanyanya nendile emwedibunga idyo nendile wakajesanya, ivyo niyo wajenda lujendo lwa msi mjima, naho wakongile kumlonda mwa walukolo, na mwawambuya zawo.
\v 45 Weze wamswese niyo wauya Yelusalemu niyo wakonga kumlonda umo.
\v 46 Niyo yalaila kugamba, yeze yabule mazuwa matatu, niyo wampata kwe nyumba nkulu ya kuvikila akatenda emgati mwa wahinyi, akawategeleza na kuwauza maswali.
\v 47 Wose wamwivile wehelwa mo umanyi wakwe, na ivyo akuhitula.
\v 48 Eze wamuone wehelwa, mami yakwe amgamba, mwanangu kwambani kuchitenda vino? Tegeleza tati yako na miye, nachikakulonda kwa nkama nkulu.
\v 49 Awagamba, kwambwani nandile mkanilonda? Hammanyize kugamba vyaungwa nitende mwe nuymba ya Tate?
\v 50 Mna nandile hawamanyize ana mana yani mo ulosi uwo.
\v 51 Niyo aita hamwenga nawo kubula kukaya Nazaleti naho nandile akawevisa, mami yakwe niyo aika mo muye izimbuli izo.
\p
\v 52 Mna Yesu niyo ajendeleza kukula, umanyi na chimo, niyo ajendeleza kungwa ni Chohile na wantu.
\c 3
\cl Sula 3
\p
\v 1 Haluse mo mhilimo mlonga na umwenga, na shano wa Useuta wa Kaisali Tibeliya chipindi Pontio Pilato endaga mkulu ywe isi ya Uyahudi, Helode nendile ni mkulu ywa kaya ya Galilaya na Filipi mlukolo ywakwe na mkulu ywa Ituleya na Tlokoniti na Lusiya nani mkulu ywa mkowa wa Abilene.
\v 2 Chipindi cha ulavyantambiko mkulu, wa Anasi na Kyafa, mbuli ya Chohile yamwizila Yohana mwana ywa Zakaliya kwedijagwa.
\v 3 Kajenda mo mkowa wose, kuzunguluka mto Yolidani, akalonga wambulwa wa kusunguza kwachausa cha kweila masa.
\v 4 Saviya idolonywe, mwe chitabu che milosi ya Isaya muoni, izwi dya mntu akwila kwe nyika, idamanyeni iheze isila ya Zumbe, damanyeni mo kujinkila kwakwe mchume.
\q1
\v 5 Chila kolongo nadigubikwe, chila gulu na kagulu navisalahazwe, sila zigojize zichumizwe, sila zina majenje zidamanywe vydi.
\q1
\v 6 Wantu wose nawaone wambulwa wa Chohile.
\p
\v 7 Ivyo nYohana adigambila idinubga dya wantu wamwizile, wakauya wapate wambulwa kwa yeye, nyuwe welekwa wa nyoka zina sumu, ni yuhi awawileni mwiisuke nkanto ikwiza?
\v 8 Mweleke matunda yakuligana na kweila masa yenyu, msekukonga kugamba, chinanae Ibulahimu uyo tati yetu, kwaviya nawagambila, Chohile adaha kumwinula Ibulahimu wana hata kulawa mwamayuwe yano.
\v 9 Hoya ikwa kale mwa maizi ye miti, ivyo chila mti haukweleka matunda yedi, wakantwa niyo wadulwa mo moto.
\p
\v 10 Niyo wantu mwe isi wamuza wagamba, haluse chongigwa chtende zeze?
\p
\v 11 Ahitula awagamba, hegu mntu ana nkazu mbili, aungwa alavye nkazu imwenga kwa mtuhu hena vilozize, na mta nkande atende ivyo.
\p
\v 12 Akaheza wakuchisanya kodi, weza nawo wambwila nawo wamgamba, mhinyi chaungwa chitende zeze?
\p
\v 13 Awagamba, usekuchisanya matundu vikujinka ivyo mkungwa kuchisanya.
\p
\v 14 Wankondo awamwenga nawo wauza, suwe nswi chaungigwa chitende vivihi? Awagamba, msekuguha matundu kwa udahi naho msekumlongeleza mntu kwa udanti, naho mzumile maliho mkwikwa.
\v 15 Haluse kwaviya mntu nandile aunga kumgoja Kulisito akunga eze, chila yumwenga na akafanyanya mo myuye wakwe kumlanga Yohana saviya yeye nuyo Kulisito.
\v 16 Yohana ahitula awgamba, wose, miye nawabatiza nyuwe kwa mzai, mna kuna yumwenga akwiza uyo anaudahi kujinka miye naho sikuwagila hata kufungula isigi ye vilatu vyakwe, nawabatizeni nyuwe kwa Muye Ukukile na kwa moto.
\v 17 Lungo lwakwe lwi mo mkono wakwe chani kuheta vyedi hantu hakwe hakuhetela ngano niyo achisanya ngano yakwe kwedigulu dyakwe, mna nayoke amakanka mo moto hewikufa.
\p
\v 18 Kwa mafundo yalozize naho akalonga mbuli yedi kwa wantu.
\v 19 Yohana kamkwahila naho Helode mkulu wa mkowa kwaviya amsoile Helodiya mkaza nduguye naho kwa ubanasi ulozize matuhu ayo Helode nakayadamanya.
\v 20 Mna badaye Helode, niyo atenda mwavu ulozize mtuhu wihiye, kamtaliza Yohana kwedijeleza.
\v 21 Niyo yalaila kugamba, chipindi wantu wose wakambulwa ni Yohana Yseu naye niyo abatizwa, ichipindi akalombeza ulanga niyo wagubuka,
\v 22 Muye Ukukile niyo wasela mlanga mwakwe kwa chilagiso cha chimwimmwili cha kasuwa manga, ichipindi icho izwi niyo dyeza, kulawa kulanga kwembingu dyagamba, weye ni mwangu hungisa, nawagilwa vidala ni weye.
\v 23 Haluse Yesu mwenye eze akonge kuhinya nandile ana kamo dya mihilimo milongo mitatu nandile ni mwana enga ivyo, ikufanyanywa mwa Yusufu mwana ywa Eli.
\v 24 Mwana ywa Matasiya, mwana ywa Lawi, mwana ywa Milika, mwana ywa Yona, mwana ywa Yusufu.
\v 25 Mwana ywa Mtasiya, mwana ywa Amosi, mwana ywa Nahumu, mwana ywa Esli, mwana ywa Nagai,
\v 26 mwana ywa Maati, mwana ywa Matasiya, mwanya ywa Semeini, mwana ywa Yusufu, mwana ywa Yuda,
\v 27 Mwana ywa Yoanani, mwana ywa Resa, mwana ywa Zelubabeli, mwana ywa Shealitieli, mwana ywa Neli,
\v 28 mwana ywa Meliki, mwana ywa Adi, mwana ywa Kosamu mwana ywa Elimadamu, mwana ywa Eli,
\v 29 mwana ywa Yoshuwa, mwana ywa Eliezeli, mwana ywa Yolimu, mwana ywa Matasi, mwana ywa Lawi,
\v 30 mwana ywa Simeoni, mwna ywa Yuda, mwana ywa Yusufu, mwana ywa Eliyakimu,
\v 31 mwana ywa Melea, mwana ywa Mena, mwana ywa Matasa, mwana ywa Nasani mwana ywa Daudi,
\v 32 mwana ywa Yese, mwana ywa Obedi mwana ywa Boazi, mwana ywa Salimoni, mwana ywa Nashoni,
\v 33 mwana ywa Abinadamu, mwana ywa Alamu, mwana ywa Hesiloni, mwanaywa Pelesi, mwana ywa Yuda,
\v 34 mwana ywa Yakobo, mwana ywa Isaka, mwana ywa Ibulahimu, mwana ywa Tela, mwana ywa Naholi,
\v 35 mwana ywa Selugi, mwana ywa Lgau, mwana ywa Pelegi, mwana ywa Ebeli, mwana ya Sala,
\v 36 mwana ywa Kenani, mwana ywa Alifakisadi, mwana ywa Shemu, mwana ywa Nuhu, mwana ywa Lameki,
\v 37 mwana ywa Mesusela, mwan ywa Henoko, mwana ywa Yaledi, mwana ywa Mahalalei, mwana ywa Kenani,
\v 38 mwana ywa Enoshi, mwana ywa Sesi, mwana ywa Adamu, mwana ywa Chohile.
\c 4
\cl Sula 4
\p
\v 1 Akaheza Yesu nendile kamemwa Muye Ukukile, Niyo auya kulawa ko mto Yolodani, akalongozwa ni muye kwe dijangwa.
\v 2 Kwamazuwa milongo mfungate, uko niyo ajezwa ni mwavu, chipindi icho hadile chochose, udumo we chipindi icho niyo awona sala.
\v 3 Umwavu niyo amgamba, hegu weye wi mwana ywa Chohile, dilonge dino idiyuwe ditende bofulo.
\p
\v 4 Yesu ahitula, idolonywa, mntu hekale kwa bofulo idyodu.
\p
\v 5 Akaheza umwavu niyo amlongoza kulanga ko lugulu, kolunenegwa, niyo amlagisa seuta zose za ulangazi, kwachipindi chijhi.
\v 6 Umwavu amgamba, nahwinke udahi we iziseuta zose zino hamwenga na ugoli wose, nadaha kutenda ivyo kwaviya vyose, vikwa kwangu nivilongoze, naho nadaha kumwinka yoyose hunga nimwinke.
\v 7 Ivyo, uneva nonifikile madi na kunivikila vintu vino vyose nsvitende vyako.
\p
\v 8 Mna Yesu amhitula amgamba, idolonywa, vyaungwa umvikle Zumbe Chohile ywako, naho vyaungwa umsankanile yeye ichedu.
\p
\v 9 Akaheza umwavu nyio amlongoa kubula Yelusalemu, niyo amwika kulanga vitendese kwe dizengo dyo kuvikila, Niyo amgamba, hegu weye ni mwana ywa Chohile, kwedule hasi kulawa hano.
\v 10 Kwaviya idolonywa, nawalagise wandima wa kwembingu wakwamile na kukudima,
\v 11 naho nawakwinule kulanga mwe mikono yawo, chani kugamba, usekulumila iviga vyako mlanga mwe diyuwe.
\p
\v 12 Yesu ahitula amgamba, idolonywa usekumjeza Zumbe Chohile ywako.
\p
\v 13 Umwavu eze abinde kumjeza Yesu, niyo aita zakwe, amleka kwa chipindi chituhu.
\p
\v 14 Akaheza Yesu niyo auya Galilaya, kwa udahi wa muye, na mbuli zikumlanga yeye niyo zazagala, mwe izisi zose zi mjihi zose.
\v 15 Niyo ahinya mwe izinyumba za kuvikila, chila yumwenga amtogola.
\p
\v 16 Zuwa dimwenga aitaga Nazaleti, mzi aleligwe, saviya akutendaga, engila mwe nyumba ya kuvikila, zuwa dya kuhumula, niyo achimala kusoma mawandiko.
\v 17 Niyo enkwa gombo dya muoni Isaya, ivyo niyo agubula idigombo, niyo agubula hantu hadolonywe,
\q1
\v 18 Muye wa Zumbe wi mlanga mwangu, kwaviya kanihaka mavuta, kulonga mbuli yedi mwa wachiwa, kanituma kulonga kulekeilwa kwa watalizwe, na kuwatenda matuntu wawone naho, kuwalekeila wadya watalizwe.
\q1
\v 19 Kulonga mhilimo ambawo Zumbe, nalagise wedi wakwe.
\p
\v 20 Niyo agubika idigombo, niyo amvuziza mkulu we nyumba ye divikilo, niyo ekela hasi, meso ya wantu wose nandile yamweinyumba ye divikilo yamsinya yeye.
\v 21 Niyo akonga kulonga na wowo kugamba, dyelo wandiko dino dichintizwa mwa magutwi yenyu.
\p
\v 22 Chila yumwenga hadya niyo aukwila chiya alongile Yesu, walozize mgati mwawo, wehelwa ne izimbuli zedi zendile zikalawa mo mlomo wakwe. Nandile wakagamba, yuno ni mbwanga du wa Yusufu siyo ivyo?
\p
\v 23 Yesu awagambila, nichindedi namgambe vino kwa miye, mganga, kwehonye mwenye, chochose chivile nakakidamanya Kapelanaumu chitende hano hegu naho.
\v 24 Naho awagamba, chindedi, nawagambilani nuywe, hakuna muoni akuwagila mwe isi yakwe.
\v 25 Mna nawagambila chindedi kugamba, nakuna wavyele na wagosi, walozize chipindi cha Eliya. Chipindi ulanga ufungigwe fula isekunya kwa mihilimo mitatu na nusu, chipindi nendile kuna sala nkulu mwe isi.
\v 26 Mna Elia hatumwigwe mwa yoyose, yumwenga ywawo, mna mwe mjane yumwenga uyodu nakekla Selepta hajihi no mzi wa Sidoni.
\v 27 Naho nakuna wata matana walozize, mwe Izulaeli, mwe chipindi cha Elisha muoni, mna hakuna hata yumwenga, mna Naamani mntu ywa Silia.
\v 28 Wantu wose mndani mwe nyumba yo kuvikla, niyo wehelwa, weze weve izimbuli izo zoseni.
\v 29 Niyo wachimala wamsukumila kuse kwe ikaya, niyo wamlongoza kubula mnkanda mo lugulu wo mzi uwo, ulugulu wawo, uzengigwe mlanga mwakwe chani wadahe kumdula hasi.
\v 30 Mna niyo ajinka mjima mgati mwawo niyo aita zakwe.
\p
\v 31 Akaheza niyo aseleza Kapanaumu, mwe ikaya ya Galilaya, zuwa dimwenga dya kuhumula nendile dikahinya wantu mndani mwe inyumba ye divikilo.
\v 32 Wehelwa na mahinyo yakwe, kwaviya nakahinya kwa udahi.
\v 33 Haluse mwe idizuwa idyo mndani mwe inyumba, yedivikilo nandile kuna mntu endile na majini yehiye, niyo aguta,
\v 34 China mbwani na weye Yesu wa Nazaleti? Kwiza kuchikoma? Sikumanya weye wi yuhi, weye wi mkuka ywa Chohile.
\p
\v 35 Yesu niyo aikwahila impepo, nyamala dwi umlawe umntu yuno, mpepo uydya eze amdule umntu yudya hasi mgati mwawo, niyo amlawa mntu yudya bila kumsulumiza hohose.
\p
\v 36 Wantu wose wehelwa, niyo wajendeleza kusimwila imbuli iyo, chila mntu na mnyawe, wagamba, ni ulosi wi zeze uno? Alonga muye ihiye kwakuwantintisa na udahi naho wasumka.
\v 37 Ivyo mbuli kumlanga Yesu, niyo zazagala chila hantu mwe viwasa vikuzunguluka izikaya.
\p
\v 38 Niyo Yesu ahalawa mo mzi niyo engila mwe nyumba ya Simonio haluse mkwewe Simoni nandile akalumwa homa nkali nawakamtagusa kwachausa chakwe.
\v 39 Yesu niyo amsogeila niyo aikwahila idya ihoma niyo yamleka, ahadya, niyo akonga kuwasankanila.
\p
\v 40 Zuwa dikaswa, wantu niyo wamletela Yesu chila yumwenga nandile akalumwa ni manyonje yesimane niyo aika imikono yakwe, mlanga mwa chila mnyonje, niyo awahonya wose.
\v 41 Mpepo nazo ziwalawa walozize wakaguta vilozize wagamba, weye wi mwana ywa Chohile, Yesu niyo azikwahila izipepo zawo, hawenkile luhenyo lwa kulonga, kwaviya nawamanya kugamba, yeye nendile ni Kulisito.
\p
\v 42 Eze kuse niyo aita kuntu hekwine wantu, bunga dya wantu nandile wakamlonda, niyo weza aho endile, niyo wajeza kumchinda asekwita hale na wowo.
\v 43 Mna awagamba, vyaunga nilonge mbuli yedi ya Useuta wa Chohile mwe mizi mituhu ilozize kwviya kwaviya vino nivyo vikuleka situmwa hano.
\v 44 Akaheza niyo ajendeleza kulonga mndani mwe izinyumba zo kuvikila mo Uyahudi mwoase.
\c 5
\cl Sula 5
\p
\v 1 Ivyo ilaila chipindi wantu wakussnyikila na kumzunguluka Yesu, na kutegeleza mbuli ya Chohile, chipindi akatenda kachimala, mnkanda mwe diziwa Genesaleti.
\v 2 Kona mashuwa mbili zijela nanga, kumpezo kwe diziwa, wakalowa, nendile wafosa naho nawendile wakaunta izilwavu zawo. Z
\v 3 Yesu kengile mwe imwenga ye ziya izimashuwa, ambayo nandile ni Simoni na kumubga amwigale mwe mazi, hale hadodo ne isi inyaile niyo ekala na kuwahinya kulawa mwe mashuwa.
\v 4 Akasimwila, amgamba Simoni, igale imashuwa yako kubula kutali kwa mazi, niyo useleze izinyavu zako chani ulowe samaki.
\p
\v 5 Simoni amhitula, na kumgamba, Zumbe chidamanya ndima chilo na msi, mna hachigwile chochose, mna kwa ulosi wako naniseleze izinyavu.
\v 6 Eze wadamanye ivyo wakusanya chiasi chikulu, cha samaki, ne izi nyavu zawo zikonga kukantika.
\v 7 Niyo wapungiya weyawe, nawo kwe mashuwa ntuhu, chani weze kuwambiza, weza na kuzimemeza izi mashuwa zose chiyasi kugamba, zikonga kudidimila.
\v 8 Mna Simoni Petulo eze asinye, ivyo niyo agwela mwa mavindi ya Yesu, nakumgamba, halawe kwangu kwaviya miye ni mta masa Zumbe.
\v 9 Kwaviya nakeheleswa ni wose nandile hamwenga naye, kwa kulowa samaki nandile waudamanya.
\v 10 Dino diwahanganya Yakobo na Yohanamwana ywa Zebedayo ambawo nandile ni wamwe na Simoni niyo Yesu amgamba, Simoni usekogoha, kwaviya kukongela haluse na kujendelaza naulowe wantu.
\v 11 Eze waheze kuleta izinyavu zawo mwe isi inyaile, waleka chila chintu na kumtongela yeye.
\p
\v 12 Ilaila kugamba, nandile emo mzi umwenga, mntu nandile kamema matana nandile eyuko mna eze amuone Yesu kagwa niyo afunama, na kumunga akagamba, Zumbe uneva ukaunga wadaha kunisunta.
\p
\v 13 Niyo Yesu achulusa umkono wakwe, na kumdonta agamba, naunga usuntike ne isa idya idya matana yamlekeila.
\v 14 Kamsigila asekumgambila mntu yoyose, mna kamgamba hita zako kelavize kwa walavyantambiko naho ulavye lavyo dya kusuntwa kwako, sschiligane na chiya Musa alongile, kwa ukuzi wako.
\v 15 Mna mbuli zino kumlanga yeye zizagala hale mno, na bunga kulu dya wantu diza hamwenga kumtegeleza mahinyo na kuhonya manyonje yawo.
\v 16 Mna nkanana kwa nkana nakesenta ichedu na kulombeza.
\p
\v 17 Dilaila zuwa dimwenga mwe idyo nandile nakahinya nandile weyaho Mafalisayo na wahinyi wa lagizo wekala aho, ambawo weza wakalawa kaya zilozize zesimile. Mwe mizi ya Galilaya na Yudeya naho kulawa mwe mizi ya Yelusalemu, nguvu ya Zumbe nayendile naye akahonya.
\v 18 Wantu watuhu weza wamwinula mwe machela mntu aholomale, niyo walonda sila ya kumwingiza mndani chani wamgoneze hasi kulongozi kwa Yesu.
\v 19 Hawapatile sila ya kumwingiza mndani kwachausa che dibunga, niyo wakwela kulanga kwedigulu dye nyumba na kumseleza yudya umntu hasi kujinkila mwevigawe kulanga ho mcheka wakwe wihagati mwa wantu Kulongozi kabisa kwa Yesu.
\v 20 Akakaula utondowazi wako, Yesu niyo agamba, Mbuyangu, masa yako yalekeilwa.
\p
\v 21 Wadolonyi na Mafalisayo, wakonga kweuza idyo, wagamba, yuno ni ani akulonga uhovyo? Ni ani akudaha kulekeila masa ni Chohile uyodu?
\p
\v 22 Mna Yesu kamanya icho wakufanyanya, awahitula na kuwagamba, kwambwani mwauzana dino mwe myuye yenyu?
\v 23 Chihi ni chihufu kugamba masa yako yalekeilwa hegu kugamba, chimala jenda?
\v 24 Mna mmanye kugamba, Mwana ywa Adamu ana udahi mwe isi ino ywa kulekeila masa na kugamba, weye inuka guha umcheka wako naho wite kukaya kwako.
\v 25 Chipindi icho icho kenuka kulongozi kwawo, niyo aguha ucheka wakwe nandile kagolnela niyo auya kukaya kwakwe akamtunya Chohile.
\p
\v 26 Chila yumwenga kehelwa wamtunya Chohile wengilwa ni woga, wagamba, chiwona mbuli siyo ya kubela dyelo.
\p
\v 27 Bda ye zimbuli zino kulaila Yesu kafosa uko niyo amuona mtoza maliho akwitangwa Lawi kekala hantu hakukusanyiza maliho amgamba, nitongela.
\v 28 Niyo Lawi enuka kaleka chila chintu kunyuma.
\p
\v 29 Niyo Lawi amalanya nkande kunyumba kwakwe kwachausa cha Yesu naweyaho watoza maliho walozize wekala mwe meza akadya hamwenga nawo.
\v 30 Mna Mafalisayo na wadolonyi wowo nandile wakawafuzumila wanampina wakwe wakagamba, kwambwani mwadya na kunywa na watoza maliho hamwenga na wantu watuhu wenye masa.
\p
\v 31 Yesu awahitula wantu we mwe ujima wedi hawakunga ndaguzi ni wadya du wakulumwa nawo wakunga kwambizwa yumwe.
\v 32 Sizile kuwetanga wantu wata chindedi, wadahe kuleka mna siwetanga wenye masa wadahe kweila.
\p
\v 33 Wamgamba, wanampina wa Yohana chipindi chikulu wafunga na kulombeza na wanampina wa Mafalisayo nawo wadamanya ivyo ivyo, mna wanampina wako wadya na kunywa.
\p
\v 34 Yesu awagamba, vyadahika mntu yoyose akawatenda wezile mwe ngasu ya Zumbe, we ngasu wakasinywa kawo nivyo mwe dizuwa idyo nawafunge.
\v 35 Mna zuwa dyeza umo Zumbe ywe ngasu aho nausigwe kwawo, numo mwa mazuwa ayo nawafunge.
\p
\v 36 Niyo Yesu aho alonga kwa mligano hakuna akutatula chipande cha suche, kulawa mwe suche pya na kuchijeseza kuliganya suche ya kale, uneva anadamanya ivyo, natatule isuche impya na chipande cha suche kulawa kwa suche impya hachawagile kujeseza na suche ya kale.
\v 37 Naho hakuna mntu akwika mpombe pya mwe makopo yasakale, uneva anatenda ivyo, impombe impya naitule viya ivyombo niyo impombe yetika na makopo nayabanika.
\v 38 Mna mpombe pya yongigwa ikigwe mwe makop mahya.
\p
\v 39 Naho hakuna mntu badala ya kunywa mpombe ya kale aunga pya kwaviya agamba, ya kale ni yedi.
\c 6
\cl Sula 6
\p
\v 1 Haluse ilaila mwe zuwa dya kuhumula kugamba, Yesu nandile akajinka mwe nkonde ya ulozo wanampina wakwe nendile wakadya matunda waya hata hata mwe mikono yawo wadya amatunda.
\v 2 Mna mwa Mfalisayo wagamba, kwwambwani mnatenda chintu ananacho si chedi chilangizo kuchidamanya zuwa dya kuhumula?
\p
\v 3 Yesu awahitula awagamba, kusoma chiya Daudi atendile nandile anasala yeye na wagosi nendile we hamwenga naye?
\v 4 Kaita mwe nyumba ya Chohile kuguha migate ikukile na kuidya na kulavya mituhu kwa wantu nandile ananawo niyo waidya, hata hegu nendile vyaungwa walavyantambiko kuidya.
\v 5 Niyo awagamba, mwana ywa Adamu ni Zumbe ywa kuhumula [sabato].
\p
\v 6 Vilaila mwe zuwa tuhu dya kuhumula kugamba, kaita mndani mwe divikilo na kuwahinya wantu uko. Naho nahana mntu uyo umkono wakwe wa kulume nandile uholomala.
\v 7 Wadolonyi na Mafalisayo, nendile wakasinya vyedi hegu namhonye mntu zuwa dya kuhumula chani wadahe kupata chintu cha kumlaha kwa kudamanya ubanasi.
\v 8 Mna kamanya ni chihi nandile wakafanyanya niyo agamba, ko mntu aholomale umkono inuka chimala, hano, hagati ha chila yumwenga niyo uyo mntu niyo enuka na kuchimala ahadya.
\v 9 Yesu niyo agamba kwawoo, nawauza nyuwe ni vyedi zuwa dya kuhumula kudamanya yedi hegu kudamanya yehiye, kwambula wikazi hegu kuubalanga? Niyo awasinya wose na kumgamba yudya mntu.
\v 10 Chulusa umkono wako niyo atenda ivyo, mkono wakwe utenda uhona.
\v 11 Mna wamema maya niyo walongana wenye kwa wenye kugamba ni chihi chadaha chidamanye kwa Yesu.
\p
\v 12 Ilaila idizuwa idyo kugamba, kaita ko lugulu kulombeza kajendeleza chilo chijima akamlombeza Chohile.
\v 13 Eze ibule nomtondo kawetanga wanampina wakwe kwakwe niyo awwsagula mlongo na waidi mgati mwawo naho wetengwa wasigilwa.
\v 14 Mazina ya wadya wasigila nandile, Simoni uyo amwitange Petulo na Anduleye mlukolo ywakwe, Yakobo, Yohana, Filipo, Batolomayo.
\v 15 Matayo, Tomaso, na Yakobo mwana ywa Alifayo, Simoni etengwe Zelote,
\v 16 Yuda mwana ywa Yakobo, na Yuda Isikaliote, uye eli mchihitu hitu.
\p
\v 17 Niyo Yesu asela hamwenga nawo kulawa kolugulu niyo achimala hantu haligane idadi nkulu niyo ya wanampina wakwe nendile uko hamwenga na idadi nkulu ya wantu kulawa uyahudi na Yelusalemu mpwani ya Tilo na Sidoni.
\v 18 Weza kutegeleza na kuhonywa manyonje, yawo wantu wendile wakasulumizwa ni majini machafu wahonywa nawo.
\v 19 Chila yumwenga mwe uwo umdugano kajeza kumdokola kwaviya, nguvu za uhonyi nandile zilaila mndani mwakwe na kuwahonya wose.
\v 20 Niyo awakaula wanampina wakwe nakugamba, mjimbikwe nyuwe wachiwa kwaviya Uzumbe wa Chohile ni wenyu.
\v 21 Mjimbikwe nyuwe wenye sala haluse kwaviya namwiguswe, mjimbikwe nyuwe mkwila haluse kwaviya namseke.
\p
\v 22 Mjimbikwe nyuwe ambawo wantu nawamwihiweni na kuwasenta na kuwakunta nyuwe kugmba, ni wehiye kwachausa cha mwana ywa Adamu.
\v 23 Elelwani mwe dizuwa idyo na kupilikapilika, kwa kwelelwa kwaviya chindedi namtende na hazina nkulu kwembingu kwaviya tati zawo wawadamanyiza ivyo ivyo waoni.
\p
\v 24 Mna namluone nyuwe wagoli kwaviya mheza kwikwa falaja yenyu.
\v 25 Mna namluwone nyuwe mwigute haluse kwaviya namuone sala badaye, namluwone nyuwe mkuseka haluse kwaviya namlomboleze na kwila badaye.
\v 26 Namluwone nyuwe mkatogolwa ni wantu wose kwaviya tati zawo wawadamanyiza waoni wa lulimi ivyo, ivyo.
\p
\v 27 Mna nagamba, kwenyu nyuwe mkunitegeleza waungeni waihi wenyu na kudamanya matana kwa wadya wakumwihiwani.
\v 28 Wajimbikeni wadya wakuwaligitani nyuwe naho walombezezeni wadya wakuwaoneya.
\v 29 Kwa yudya akukutowa ifunda imwenga, mhituhile na ya kaidi hegu mntu akuhonka suche yako usekumlemeza mwinke ne nkazu.
\v 30 Mwinke chila akukulombeza, hegu mntu akakuhoka chintu ambacho ni maliho yako usekumlombeza achivuze.
\v 31 Seivyo mkunga wantu wawatendeleni nyuwe, watendeleni ivyo, ivyo,
\p
\v 32 Hegu mkaunga wantu wakuwaunga nyuwe du, iyo ni sawabu yanikwenyu? Kwaviya hata wenye masa wawaunga wadya wakuwang.
\v 33 Hegu mkawatendele yedi wadya wakuwatendela nyuwe yedi, ivyo ni swabu yani kwenyu kwaviya hata wenye masa wadamanya.
\v 34 Mna mkakopesha vintu kwa wantu ambawo wasinya kuvuzizwa iyo ni sawabu yani kwenyu hata wenye masa wawakopesha wenye masa, na kusinya kuhokela chiasi icho icho naho.
\v 35 Mna waungeni wehi wenyu naho watendeleni yedi, wakopesheni naho msekutenda na nkama kuhusu kuvuzizwa na sawabu yenyu naitende nkulu namtende wana wa ekulanga kwaviya yeye mwenye ni ywedi kwa wantu hwena kutunya na wehiye.
\v 36 Mtend na mbzi saviya Zumbe, dyenyu ivyo eli na mbazi.
\p
\v 37 Msekukantila nyuwe nanywi hamkantilwe, msekufuzuma nanywi hamfuzumilwe lekelani watuhu nanywi mlekeilwe.
\v 38 Wenkeni watuhu, nanywi namwikwe chiasi cha ukalimu chimemezwe, vidala na kwitika nachitike mwa mavinndi yenyu. Kwaviya chihimo chochose mkujeseza kuhima chihimo icho nicho nachijeseze kuhimilwa nyuwe.
\p
\v 39 Niyo awagambila mliganyo naho Togola mntu hekuwona adaha kumlongoza mntu mtuhu hekuwona uneva anatenda ivyo basi wose wengila mwe dibome.
\v 40 Mwanampina hakutenda mkulu enga mhinyi wakwe, mna chila mntu, akaheza kuhinywa kwa uchindedi atenda saviya mhinyi wakwe.
\p
\v 41 Ni kwambwani bsi wasinya kaziti ke mndani mwe diziso dya mlukolo ywako? Na kaziti ke mndani mwe diziso dyako hukukawona.
\v 42 Naudahe zeze kumgamba, mlukolo ywako, mlukolo, nakulombeza nilavya akaziti mndani mwe diziso dyangu mna hukusinya akaziti kemwediziso dyako mwenye, mfitini weye, nkongo lavya akaziti mwe diziso dyako mwenye nivyo nauwone vyedi kulavya akaziti mwediziso dya umlukolo ywako.
\p
\v 43 Kwaviya hauhali mti wedi ukweleka matunda yehiye naho hauhali mti wihiye ukweleka matunda yedi.
\v 44 Kwaviya chila mti wamanyika mwa matunda yakwe kwaviya wantu hawakwaha tini kulawa mwe miwa naho hawakwaha zabibu kulawa mwe mishongoma.
\v 45 Mntu ywedi mwe hazina yedi yo muye wakwe alavya yadya ayedi na mntu ehiye mwe hazina yakwe yo muye wakwe alavya yadya yehiye kwaviya umnomo wakwe walonga yadya yakumemeza umuye wakwe.
\p
\v 46 Kwambwani mwanitanga Zumbe, Zumbe, mna hamkutenda yadya hulonga.
\v 47 Chila mntu akwiza kwangu na kwiva imbuli yangu nakutendela ndima naniwalagiose ivyo eli.
\v 48 Na afanane na mntu azengile nyumba yakwe ambaye asimbile hasi mna nakazenga msingi wa nyumba mlanga mwe luwe utogile msayo eze yeze mahozomoko ya mazi yaitowa inyumba, na haidahile kusingisika kwaviya nandile izengwa vitana.
\v 49 Mna yoyose akwiva imbuli yangu na hakuitoza mligano wakwe ni mntu azenguile nyumba mlanga mo msanga heine msingi idikolongo eze disele kwa nguvu inyumba idya ipatwa ni kubalangwa kukulu
\c 7
\cl Sula 7
\p
\v 1 Niyo Yesu eze abinde chila chintu nanacho agamba, mwe wantu wamvikile Kapelanauma.
\v 2 Mndima yuwenga wa akida nendile aungigwe vitendese mwakwe nendile ni mnyonje vidala haguhi na kubanika.
\v 3 Mna akatenda eva zikumlanga Yesu, yudya akida nakamsigila mlongozi wa Chiyahudi kumlombeza eze kumgombela mndima ywakwe chani asekubanika.
\v 4 Weze wabule haguhi na Yesu, wamhembeleza kwa vitendese kugamba, vyaungwa kugamba, ongwa kudamanya vino kwachausa chakwe.
\v 5 Kwaviya nakaunga isi yetu, naho nuyo azengile inyumba yo kuvikila kwachausa chetu.
\p
\v 6 Yesu ajendeleza no utafi wakwe hamwenga nawo, mna henati kwita hale ne nyumba, mkulu yumwenga awasigila wambuyaze kulonga naye, Zumbe, usekwesokeza weye mwenye kwa viya miye sikuwagilwa weye wingile mwe nyumba yangu.
\v 7 Kwaviya vino sifanyanye hata nami mwenye kugamba, nawagila kwiza mwako, mna longa ulosi du, na mndima ywangu nahone.
\v 8 Kwaviya miye nami ni mntu nikigwe mwe udahi naho ninawankondo hasi hangu, ninamgamba yuno hita naite, namwe mtuhu, soo naye neze, na mwe mndima ywangu damanya chino naye adamanya.
\p
\v 9 Yesu eze eve ivyo nakehelwa, niyo ahitula, idibunga nendile dikamtongela na kugamba, nawagambilani, hata mwe Izulaeli sinati kuwona mntu mta utondowazi mkulu sa yuno.
\v 10 Niyo wadya nendile wasigilwa, wauya kukaya na kumbwila mndima ni mjima.
\p
\v 11 Ngachani bada ya vino, nailaila kugambaw, Yesu nendile akatamba, kwita mzi witangwe Naini, wanampina wakwe niyo waita hamwenga naye wakagambilana ne dibunga dya wantu.
\v 12 Eze wabule haguhi no lwivi lo mzi kaula, mntun abanike nendile kenulwa nani mwana ywa ichedu mwa mami yakwe, nendile hena mgosi bunga dimwenga dimtongela kulawa mo mzi nendile wehamwenga naye.
\v 13 Eze amuone Zumbe, niyo amsogeila na kumfila mbazi nkulu vitendese, mnanga mwakwe na kumgamba, usekwila.
\v 14 Niyo asogela kulongozi niyo adonta idijeneza ambadyo dinula ichimba na wadya wenule wachimala agamba, mbwanga nakugamba inuka.
\v 15 Abanike niyo enuka na kwikala hasi na kukonga kulonga niyo Yesu, wamwinkiza mwa mami yakwe.
\p
\v 16 Niyo woga wawmema wose wajendeleza kumtunya Chohile wakagamba, muoni mkulu kachimaliswa mgati mwetu na Chohile kawakaula wantu wakwe.
\v 17 Zino mbuli zedui za Yesu, zisambala Yudeya yose na mwe izisi zose zihaguhi.
\p
\v 18 Wnampina Yohana wawgambila, mbuli zino zose.
\v 19 Nivyo Yohana awetanga waidi wa wanampina wakwe, na kuwasigila kwa Zumbe, kugamba, weyeyni weye ukwiza, hegu kuna mntu mtuhu chimsinye?
\p
\v 20 Weze wabule hajihi na Yesu wano wakalonga Yohana mta kubatiza kachisigila kwako kugamba, weye ni yudya akwiza hegu kuna mtuhu chimsinye?
\p
\v 21 Mwe ichipindi icho nakawahonya wantu walozize mwe manyonje na masulumizo, kulawa mwe muye wihiye, na kwe wantu wana utuntu kawenka kusinya.
\v 22 Yesu ahitula na kuwagamba mwawo, eze mtende mwita uko mlaile mkamgambile Yohana icho muwone na kwiva, wenye utuntu wahokela kusinya vilema wajenda wanamatana walenguswa, hewekwiva weva, wabanike wauyuswa, na kutenda wjima naho, wachiwa wagambilwa mbuli yedi.
\v 23 Naho mntu ambaye haleke kunizumila miyo mwe yoyose aa wadamanya ntendwa zangu kajimbikwa.
\p
\v 24 Niyo wadya wasigilwe ni Yohana kuya uko walaile, Yesu akonga kugamba, mwe chitala vikumlanga Yohana namwita kuse, kusinya mbwani nyasi zikutenda zasingiswa ni mpeho?
\v 25 Mna namwita kuse kusinya mbwani, mntu avikile vitana? Kaula wantu wadya wakuvala suche za chiseuta na kwikala wikazi wa mbwedo wako mwe hantu ha chiseuta.
\v 26 Mna mwita kuse kusinya mbwani muoni? Nivyo nagamba, mwenyu, navitendese vidala ukaleka muoni.
\v 27 Yuno nuyo awandikilwe kaula namsigila, msigila ywangu kulongozi kwa meso yenyu, naadamanye isila ikulanga miye.
\p
\v 28 Nalonga mwenyu, mgati mwe wadya welekwe ni mvyele, hahana mkulu enga Yohona mna mntu hena utunywi vidala naekale na Chohile hantu eli yeye naatende mkulu kujinka Yohana.
\p
\v 29 Naho wantu wose weze weve vino hamwenga na wachisanya kodi, nawalonga kugamba, Chohile ni mwenye utana na weyaho mgati mwawo wadya wabatizwe mo ubatizo wa Yohana.
\v 30 Mna Mfalisayo na wahinyi sigilizi za Chiyahudi ambawo hawabatizwe ni yeye nawalemela umanyi wa Chohile kwaviya kwawo wenye.
\p
\v 31 Naho nadaha kualiganisa na mbwani wantu wacheleko chino? Wezeze hasa.
\v 32 Waligana na wana wakuseziga mwe hantu ha gwilo, wakwikala na kwitangana yumwenga bada ya yumwenga, wakagamba, chivila gunda, dikulanga nyuwe, naho hamwivile chachemaga wila wa ndilo mna hamwivile.
\v 33 Yohana mto kubatiza nakeza hadile bofulo naho, hanyele divai namkagamba, ana muye wihiye.
\v 34 Mwana ywa mntu keza kudya naho kanywa, niyo mwagamba, kaula ongisa kudya na wakozi, wambuya wachisanya kodi na wata masa.
\v 35 Mna umanyi ubunkuka kugamba, vina utana mwe wana wakwe wose.
\p
\v 36 Yumwenga ywa Mafalisayo nakamlombeza Yesu aite kudya hamwenga naye, eze Yesu engila inyumba ya Falisayo nakegamiza mwe meza chani adye.
\v 37 Kaula nendile hana mvyele yumwenga mo mzi uwo, nendile ana masa, abunkula kugamba, nendile mwe Falisayo, akuleta supa ya manukato.
\v 38 Nakachimala kunyuma kwakwe, haguhi ne viga vyakwe kuno akaila naho naho akonga kuchabaza iviga na mesozi na kuhangusa ne izifili zo mtwi wakwe. Akabusu iviga vyakwe nakuihaka manukato.
\v 39 Niyo yudya Flisayo nandile amhokele Yesu eze awone ivyo, afanyanya mwenye akagamba, hegu yunomntu endile ni muoni nakabunkula yuno niani naho naho ni wavivihi ywa mvyele akumdonta ywa kugamba ni mwenye masa.
\p
\v 40 Yesu ahitula na kugamba, Simoni ninachintu cha kukukgambila agamba, chilonge du mhinyi.
\v 41 Kwendaga na watigizwa waidi mwe mkopeshaji yumwenga, yumwenga nendile akadaiwa hela magana mashano na wakaidi adaiwa hela hamsini.
\v 42 Naho weze watende hawana hela yokuliha kawafila mbazi wose, haluse ni yani naunge vitendese?
\p
\v 43 Simoni ahitula na kumgamba, nafanyanya afilwe mbazi mta zilozize, Yesu agamba, kulamula mwe chindedi.
\v 44 Yesu amhitula mvyele na kumgamba, kwa Simoni wamuona yuno mvyele, singila mwe nyumba yako huninkile mazi ya kunawa mwe viga vyngu, mna yuno kwa mesozi yakwe, kachabaza iviga vyangu na kuvihangusa ne izifili zakwe.
\v 45 Hunibusize mna yeye eze engile mno halekile kunibusu iviga vyangu.
\v 46 Hunihakile iviga vyangu kwa mavuta, mna kanihaka iviga vyangu kwa manukato.
\v 47 Kwe imbuli ino nakugambila kugamba, nendile anamasa yalozize mna kafilwa mbazi vitendese, naho nakaunga vitendese, mna afilwa mbazi chidogo, naunge chidogo du.
\v 48 Akajika amgamba mvyele amasa yako yalekeilwa.
\p
\v 49 Wadya wekale mwe imeza hamwenga naye wakonga kulosana wowo kwa wowo, yuno niani kubula kulekeilwa masa?
\p
\v 50 Niyo Yesu amgamba mvyele, utondowazi wako ukwambula, hita kwa utondowazi.
\c 8
\cl Sula 8
\p
\v 1 Nailaila chipindi chiguhi badae kugamba Yesu nakakonga kutamba mwe mizi ilozize, kulonga mbuli zedi zo Useuta wa Chohile na wadya mlongo na waidi nawaita hamwenga naye.
\v 2 Iviya iviya mkaza ngachani nendile kahonywa kulawa mwe muye wihiye na manyonje matuhu tubhu nendile ni Maliamu akwitangwa Mgidalena yeye nendile kalavigwa imyuye mfungate.
\v 3 Yoana mkaza wa kuza na mkulu ywa Helode Suzana na wavyele wayuhu walozize nawalavya ugoli wawo mwa viya wowo wenye.
\p
\v 4 Niyo idibunga dya wantu niyo wachintana hamwenga wakatenda na wantu wezile mwakwe kulawa mizi mituhu mituhu, akalonga nawo mwe miliganyo.
\v 5 Mhandi nakaita kuhanda mbeyu, izimbeyu izintuhu nazigwela mnkanda mwe sila niyo zajantwa hasi ne viga, na wadege wa kulanga wazidya.
\v 6 Mbeyu ntuhu zigwela mlanga mwe ulongo wa yuwe niyo eze zihote na kukonga kulawa ziola kwaviya hahatendile na umazi umazi.
\v 7 Mbeyu izintuhu zigwela mwe miti ya miwa ne iyo imiti ye miwa niyo yakula hamwenga na ziya izimbeyu niyo zafintwa.
\v 8 Mna mbeyu ntuhu nazigwela mwe ulongo wedi niyo zeleka matunda nkanana gana vitendese niyo Yesu kulonga mbuli zino atula izwi yoyose ana magutwi ya kwiva eve.
\p
\v 9 Naho wanampina wakwe wauza imana yo mliganyo uwo.
\v 10 Yesu niyo awagambila mwinkigwa ungi wa kumanya chinyele cho Useuta wa Chohile, mna wantu watuhu nawahinywe du mwe miliganyo chani kugamba wakasinya, wasekusinya na wakeva wasekumanya.
\p
\v 11 Naho ino niyo imana yo mliganyo uno, mbeyu ni ulose wa Chohile.
\v 12 Mbeyu ziya zigwele mnkandankanda mwe sila nawo wadya wantu wakwivya ulosi niyo akajika mwavu shetani auguha hale kulawa muye, chani kugamba, wasekuzumila na kukombolwa.
\v 13 Niyo ziya zigwele mo luwe ni wantu wadya wakwiva ulosi na kuuhokela kwa kwelelaw mna hawana maizi yoyose, wazumila du kwa chipindi chiguhi naho mwe ichipindi cho kujezwa wagwa.
\v 14 Na mbeyu ziya zigwele mwe imiwa ni wantu wakwiva ulosi mna wakajendeleza kukula wafintwa ni nkuto za ugoli na ubwedo wa kwikal kuno naho hawakweleka matunda.
\v 15 Mna ziya izimbeyu zigwele mo ulongo umtana ni wadya wantu ambawo ni wanyanyahala ne imyuye yawo ni mitana, niyo bada yakwiva ulosi wautoza naho wekala vyedi na kweleka matunda ya kujijmiza.
\p
\v 16 Haluse hahana hata yumwenga akuwasha ta na kuigubika na bakuli hegu naho kuika hasi hedi vungu dyo lusazi, Mna naike mwe chiya xha kwikiya ta chani kugamba, chila yumwenga akwingila atende awona.
\v 17 Kwaviya hahana nachefise kugamba, hachimanyike chikatenda mwe ulangazi.
\v 18 Elo, msinyise mkatenda mwetegeleza, kwaviya ananacho najenyezezwe vitendese, mna hena nacho hata chiya ichidodo ananacho nachiguhigwe.
\p
\v 19 Niyo mami yakwe Yesu na walukolo wakwe niyo weza mwakwe hawaogele kwaviya idibunga kwa wantu.
\v 20 Niyo agambila mama yako na walukolo wako, we hadya heise wonga wakuwone weye.
\p
\v 21 Mna Yesu ahitula, mnala ywangu na walukolo wangu ni wadya wakwetegeleza ulosi wa Chohile na kuuzumila.
\p
\v 22 Nailaila zuwa dimwenga mwa amazuwa yadya Yesu na wanampina wakwe, nawakakwel mwe galawa, na kuwagambila, chiteni ntendele ya kaidi ye diziwa niyo wafunganya ingalawa yawo.
\v 23 Mna weze wakonge kuhalawa Yesu niyo agona ntongo aho nkung'unto nkulu yavumila, ne ingalawa yawo yakonga kumema mazi naho nendile we mwe nkulu vidala.
\p
\v 24 Akajika wanampina wakwe weza mwakwe kumwinula, wakagamba, Zumbe mkulu, Zumbe mkulu, chihaguhi kubanika niyo enuka na kuikwahila inkung'unto na mayumbi ya mazi vyatondowala niyo kwatenda na kunyamala.
\p
\v 25 Naho awagamba, utondowazi wenyu wi kuhi? Niyo wogoha wehelwa, walosana chila yumwenga na mnyawe, yuno ni yaani uneva kugamba alonga niyo nkung'unto na na mazi niyo vyamzumila?
\p
\v 26 Niyo wabula mwe mzi wa Gelasini intendele imnyuma mwa Galilaya.
\v 27 Yesu asela na kujata hasi, mntu n ngachani kulawa mo mzi abwilana naye na uyo mntu nendile adaudahi wa chisai mwe chipindi chitali nendile hakuvala suche, naho nendile akekala mwe nyumba mna ekala mwe mbila.
\p
\v 28 Eze awone Yesu niyo aila kwa izwi na kugwa hasi kulongozi kwakwe, kwa izwi kulu akagamba, sidamanya mbwani mwako, Yesu mwana ywa Chohile eli kulanga? Nakulombeza usekunisulumiza miye.
\v 29 Yesu alonga muye wihiye umlawa umntu yudya kwaviya nkankana zilozize atenda mchilalu, hata hegu katalizwa minyololo na kunyinywa na kwikwa hasi na wankondo, nakavuna ivifungo nakujendezwa ni muye mchafu kubula mwe inyika.
\p
\v 30 Yesu amuza zina dyako ni yani? Ahitula agamba, Legioni kwaviya muyye ilozize imwingila mwakwe.
\v 31 Yajendeleza kulombeza usekuchigala chite kwe dibome.
\v 32 Fyo dya nguluwe nendile dikadimwa mlanga mo lugulu, yalombeza ikagamba chilonge chikengile mwa awo nguluwe na kuwalonga kudamanya ivyo.
\v 33 Ivyo idya imyuye ihiye yamlawa, umntu yudya na kwingila mwe zinguluwe na diya idifyo niyo dyagulukaa mwe winuko wo lugulu na kubula mwe diziwa na kudidimila umo.
\p
\v 34 Wdya wantu nendile wakadima wadya weze waone chilaile niyo waguluka na kulavya mbuli hadya ho mzi wa kuse mwe imizi ihagati.
\v 35 Wantu weze weve ivyo nio waita kusinya chiya chilaile, niyo weza kwa Yesu na kumuona, mntu endile ana myuye ihiye imlawa, nendile kavikwa vyedi naho mwenye fanyanyi zichintile, kekala mwe iviga vya Yesu naho wogoha.
\v 36 Niyo yumwenga ywawo awone icho chilaile akonga kuwagambika watuhu ivyo uyo umntu nendile akalongozwa ni myuye ihiye ivyo ahonyigwe.
\v 37 Wantu wose we isi ya Wagelasi na hantu he haguhi nawamlombeza Yesu ahalawe mawo kwaviya nendile wana woga mkulu, niyo engila mwe ngalawa chani auye.
\v 38 Mntu yudya alawigwe ni myuye ihiye amlombeza Yesu kwita naye, mna Yesu amgamba aite na kulonga.
\v 39 Uya mwe inyumba yako naho uwaze yadya yose andile Chohile kakudamanyiza, yuno mntu nakhalawa kwaviya vikulanga yeye.
\p
\v 40 Niyo Yesu auya, chitala niyo chamhokele, kwaviya wose nandile wakamgoja.
\v 41 Kaula niyo eza mntu yumwnga akwitangwa Yailo ni yumwnga mwa walongozi mwe inyumba ya mavikilo, Yailo niyo agwa mwe viga vya Yesu na kumlombeza aita mwe nyumba ywakwe.
\v 42 Kwaviya nendile ana mwana chigoli yumwenga du, mwenye lika mlongo na midi naho nandile imwenamna ya kubanika, naho eze atende aita, bunga nendile dikafintana vikumlanga yeye.
\v 43 Mvyele mwenye kulawigwa ni sakame kwa mihilimo mlongo na midi nendile ehaya nakajeseza hela zose mwe wagangana, mna hahana amhonyize hata yumwenga.
\v 44 Nakeza mnyuma mwa Yesu na kudonta idilepe dye isuche aho kufosa isakame kwaleka.
\v 45 Yesu niyo agamba, ni yani uyo anidontile? Weze wlwmele wose Petulo niyo amgamba Zumbe mkulu, bunga dya wantu wakusindikana na kufintana.
\p
\v 46 Mna Yesu niyo amgamba, mntu yumwenga kanidonta kwaviya simanya nguvu zinilawa mwangu.
\v 47 Mvyele eze awone kugamba hakudaha kwefisa mwe icho adamanye, akonga kuzingiza, niyo agwa hasi kulongozi kwa Yesu alonga kulongozi kwa wantu wose, kwaviya mwe ivyo adamanye kumdonta na ivyo ahonyigwe aho.
\v 48 Niyo agamba, mwakwe chigoli utondowazi wako ukutenda utende mjima, hita kwa kutondowala.
\p
\v 49 Chipindi achei kujendeleza kulonga, mntu yumwenga niyo eza kulawa mwe nyumba ya mlongozi ywa nuymba za mavikilo akagamba, chigoili ywako habanike usekumsunkanya mhinyi.
\p
\v 50 Mna Yesu eze eve ivyo, ahitula, usekogoha, zumila du, naho nambulwe.
\v 51 Niyo eze engile mwe iyo inyumba, haungile mntu yoyose kwingila hamwenga naye, Mna Petulo, Yohana na Yakobo, tati yakwe chigoli na mami yakwe.
\v 52 Haluse wantu wose nendile wakahongeza na kulavya izwi vikumlanga yeye, mna niyo awagamba, msekutula ulwasu, habanik, mna kagona du.
\v 53 Mna niyo wamseka mwe kumbela, wakamanya kugamba, kabanika.
\v 54 Mna yeyey akamtoza chigoli mkono amwitanga kwa izzwi akagamba, mwana inuka.
\v 55 Muye wakwe wamuiya niyo enuka aho, aho, niyo asigila kugamba, enkigwe chintu chochose chani adye.
\v 56 Welese wakwe niyo wehelwa, mna awasigila wasekumgambila mntu icho chitendekeb chilaile.
\c 9
\cl Sula 9
\p
\v 1 Niyo awetanga wadya mlongo na waidi hamwenga, awenka udahi na nguvu mlanga mwa myuye yose na kuhonya wanyonje.
\v 2 Niyo awasigila waite wakalonge Useuta wa Chohile na kuhonya wanyonje.
\v 3 Niyo awagamba msekuguha chochose, chikulanga intambo yenyu, hegu nkome, hegu mkwiji, hegu nkande, hegu hela, hegu nkazu mbili.
\v 4 Nyumba yoyose namwingile ikalani umo, na umo mkahalawa ahantu aho.
\v 5 Naho kwe wadya hewekuwahokeleni, mkahalawa umzi uwo, kung'untani tifili mwe viga vyenyu, vitende ukuzi mlanga mwawo.
\v 6 Niyo wahalawa na kwita kujinkila mwe vijiji, wakalonga mbuli yedi na kuhonya wantu chila hantu.
\p
\v 7 Haluse Helode chilongozi, nakeva ayo yose endile yakulaila, kazaganywa vidala, kwaviya ilongeka na watuhu kugamba, Yohana mta kubatiza, kauyuka kulawa kwa wabanike.
\v 8 Watuhu wagamba, Elia kajika kulaila, na watuhu wagamba, yumwenga ywa waoni wa chikale kauyuka naho.
\v 9 Helode nakagamba, Simkanta Yohana, mna yuno niani hwiva izimbuli zakwe? Naho Helode nakalonda sila ya kumuona Yesu.
\p
\v 10 Chipindi weze wauye wadya wasigilwe, niyo wamgabila, chila chintu wadamanye, niyo awaguha hamwenga naye, niyo aita ichedu mo mzi ukwitangwa Besisadiya.
\v 11 Mna bunga weva vikulanga dino niyo wamtongela, niyo awahokela, niyo alonga nawo vikulanga Useuta wa Chohile, naho nakawahonya wadya waungile kuhonywa.
\p
\v 12 Zuwa dikukonga kuswa, aho wadya mlongo na waidi niyo waita kwakwe na kugamba, longani ne dibunga kugamba waite mwe ivijiji vihaguhi o mzi wakelondele hakuhumula, na kupata nkande, kwaviya chihantu he nyika.
\p
\v 13 Mna niyo awagamba, nyuwe wenkeni chintu cha kudya wagamba, hachina vitendese hana ntili shano za migate na samaki waidi, mna chaiteile na kugula nkande vikulanga vya umdugano uno wa wantu.
\p
\v 14 Nednile nakuna wagosi wakubula magana mlongo na mishano hadya, niyo awagamba, wanampina wakwe, wekazeni hasi mwe bunga ga dya wantu wakubula milongo mishano mwa mwa chila bunga.
\v 15 Ivyo niyo wadamanya ivyo naho wantu niyo wekala hasi.
\v 16 Niyo aguha imigate mishano, na wasamaki waidi niyo asinga kulanga, ajimbika, na kuvibesula mwe vipande niyo awenka wanmpina wakwe chani wavike kulongozi kwe dibunga.
\v 17 Wose niyo wadya niyo weguta ne ivipande vye nkande visikale vilogotwa na kumema ntangulu mlongo na vidi.
\p
\v 18 Niyo vyatenda kugamba, umo akalombeza echedu, wanampina wakwe nendile ehamwenga naye, naho niyo auza akagamba, wantu wagamba miye ni yuhi?
\p
\v 19 Watuhu wagamba, Yohana mta kubatiza, mna awatuhu wagamba, Elia, na watuhu wagamba, yumwenga ywa waoni wa mazuwa ya kale kauyuka naho.
\p
\v 20 Na nyuwe mwanigamba, miye ni yuhi? Ahitula, Petulo agamba, Kulisito kulawa kwa Chohile.
\p
\v 21 Mna mo kuwafunda, Yesu awalagisa wasekugambila yoyose kulanga dino.
\v 22 Awagamba, kugamba Mwana ywa Adamu, aungwa asulumizwe mwe mbuli zilozize, na kulemelwa ni wadlahala na walavyantambiko wakulu na wakudolonya, naho nakome, na zuwa dya katatu nauyuke.
\p
\v 23 Niyo awagamba wose, uneva mntu yoyose akaunga kunitongela, vyaungwa elemele mwenye, aguhe umsalaba wakwe chila zuwa, naho anitongele.
\v 24 Yoyose akwbalanga, kugombela wikazi wakwe, kwa chongezeko changu naukombole.
\v 25 Vino nachimfahe mbwani mwana ywa mntu, uneva unapata isi yose, mna niyo aza hegu naho apata hasala ya ujima wakwe?
\v 26 Yoyose akunga anionele soni miye no ulosi wangu, kwa mwana ywa Adamu namuonele soni aho, na atende mwe Ukuka wakwe, no Ukuka wa tate na wamndima wakwembingu wakuka.
\v 27 Mna nawagambileni chindedi, kuna wamwenga wenyu wkuchimala hano, hawalume file kubula wauone Useuta wa Chohile
\p
\v 28 Ilaila yabula mazuwa mnane bada ya Yesu kugamba, milosi ino kugamba, naguhe hamwenga naye Petulo, Yohana, Yakobo, niyo wakwela ko lugulu kulombeeza.
\v 29 Naumo wakalombeza, ukusinyika mo uso wakwe uhitukila, ne izisuche zakwe zatenda zing'ala na kung'alisa.
\v 30 Naho kaula naweyaho, wagosi widi wakalosana naye nendile Musa na Elia.
\v 31 Nawaonekana mwe Ukuka, walosana vikulanga kuhalawa kwakwe, mbuli ambayo ne ihaguhi kuchintizwaYelusalemu.
\v 32 Haluse Petulo nawadya nendile hamwenga naye, wendile mwe ntongo zitendese, mna weze wenuke, nawauona Ukuka wakwe na wagosi waidi wendile wachimala hamwenga naye.
\v 33 Niyo yalaila umo nendile wakahalawa mwa Yesu, Petulo amgamba, Zumbe ni vyedi mwetu kwikala hano, naho yachunga chizenge wikazi wa wantu watatu, chizenge umwenga ukulanga weye, umwenga ukulanga Musa, na umtuhu ukulanga Elia hamanyize icho nakalongela.
\v 34 Umo nakalonga ayo, niyo dyeza ingu niyo dyawagubika, naho nawogoha weze waone wazungulukwa ni ingu.
\p
\v 35 Izwi dyalawa mwe dingu dikagamba, yuno ni Mwanangu asagulwe, mwetegelezeni yeye.
\v 36 Izwi dize dinyamale, Yesu nendile echedu, nawekala dwi, na mwa mauwa ayo, hamgambile yoyose dyodyose mgati mwa yadya waone.
\p
\v 37 Zuwa ditongele, eze alawe mo lugulu, mdugano mkulu wa wantu naudugana naye,
\v 38 Kaula, mgosi kulawa mo mdugano nakaila kwa izwi, akagamba, mhinyi nakulombeza, umsinye mwanangu kwaviya ni mwanangu ywa ichedu.
\v 39 Waona muye mchafu umtoza, naho atula ulwasu, naho vyamtenda mchilalu naho kulawigwa ni povu mo mlomo, naho yamlawa kwa nkunto umwigaila usungu utendese.
\v 40 Nasiwaunga wanmpina wako waukwahile ufose mna havidahike.
\p
\v 41 Yesu ahitula awagamba, nyuwe cheleko hechikuzumila nanikale na nyuwe kubula ini? Nakuguhilana na nyuwe? Mlete mwanawo hano.
\v 42 Mbwanga nendile akeza, muye niyo umgwisa hasi, na kumsingisa kwanguvunguvu, mna Yesu niyo aukwahila uyda umuye wihiye, nakumhonya mbwanga naho niyo amwinkiza kwa tati yakwe.
\v 43 Wose nawehelwa no ukulu wa Chohile, mna wakatenda wehelwa wose mwe mbuli zose zidamanyike, awagamba, wanampina wakwe.
\v 44 Ulosi uwekale mwa magutwi yenyu, kwaviya Mwana ywa Adamu nalavigwe mwe mikono ya wantu.
\v 45 Mna hawabunkule imana yo ulosi uwo, ufisigwe mwa meso yawo, chani wanase kumanya, nawaogoha kumuza vikulanga ulosi uwo.
\p
\v 46 Niyo ngavungavu nazikonga kuaila mgati mwawo imlanga mwa yuhi atendile mkulu.
\v 47 Mna Yesu eze abunkule nawakaalosan, myuye yawo nakamguha mwana mteke nakumwika ntendele yakwe.
\v 48 Nakumgamba, uneva mntu yoyose, anamhokela mwana mteke saviya yuno kwazina dyangu, anihokela miye, naho na yoyose akunihokela miye, amhokela na anisigile, kwaviya atendile mteke mgati mwenyu wose nuyo atendile mkulu.
\p
\v 49 Yohana ahitula amgamba, Zumbe chimuona mntu aku
\p
\v 50 Mna Yesu niyo amgamba, msekumchinda, kwaviya hekuhigana na nyuwe ni mnyenyu.
\p
\v 51 Niyo yalaila kugamba, kuligana na zuwa ivyo na dili kukutenda zuwa dyakwe, dyo kwita mo ulanga, chindwdi nakahitukila uso wakwe Yelusalemu.
\v 52 Asigila wanampina kulongozi kwakwe niyo waita na kwingila mwe chijiji cha wasamaliya chani wamfunganyize hantu.
\v 53 Mna wantu uko hawamhokele kwaviya nendile kauelekeza uso wakwe Yelusalemu.
\v 54 Wanampina wakwe Yakobo na Yohana weze wadiwone dino, niyo wamgamba, Zumbe waunga chilonge moto usele hasi kulawa mo ulanga uwabalange?
\v 55 Mna awahitula awakwahila.
\v 56 Niyo waita chijiji chituhu.
\p
\v 57 Weze watende waita mwe isila yawo, mntunyumwenga niyo awagamba, Nahutongele kokose nowite.
\p
\v 58 Yesu niyo awagamba, mauzi yana mabome, wadege wa kulanga wana masas, mna mwana ywa Adamu hana hekugoneza umtwi wakwe.
\v 59 Ivyo awagambila, mntu mtuhu, nitongela mna yeye niyo agamba, Zumbe ndakunilekela haluse nite hamhambe tate ywangu.
\p
\v 60 Mna yeye niyo amgambila waleke wabanike wawahambe wabanike wawo, mna weye hita ukalonge Useta wa Chohile chila hantu.
\p
\v 61 AkJIK mntu mtuhu niyo amgamba, nahutongele Zumbe, mna ndkunileka haluse hawalage wemweinyumba yangu.
\p
\v 62 Mna Yesu, niyo amgamba, hahana mntu, akujela umkono wakwe kulima na kusinya kunyuma na awagilwe mo Useuta wa Chohile.
\c 10
\cl Sula 10
\p
\v 1 Akajika ye izimbuli izoZumbe niyo asagula milongo mfungate na watuhu, na kuwasigila waidi waidi wamlongoile mwe chila mzi na hantu aungile kwita.
\v 2 Niyo awagambila, ulozo uloza mna wandima ni wajeche ivyo elo mlombezeni Zumbe wa ulozo chani kugamba asigile haluse wandima wo ulozo wakwe.
\v 3 Hitani mwe mizi kaulani, nasiwasigila saviya ngoto mgati mwe mauzi.
\v 4 Msekwinula mkwiji wa hela, hegu mfuko wa ntambo hegu vilatu, naho msekumlasa yoyose mwe sila.
\v 5 Mwe nuymba yoyose na namwingile nkongo gambani utondowazi utende mwe nyumba ino.
\v 6 Uneva mntu ywa utondowazi eyumo aho utondowazi nausigale mlanga mwakwe mna hegu siyo ivyo wauya kwenyu.
\v 7 Sigalani mwe nyumba iyo dyani na kunywa icho nawalavye kwaviya mndima vyaunga maliho yakwe msekusama kulawa nyumba ino kwita ntuhu.
\v 8 Mzi wowose mkwingila niyo wawhokelani dyani chochose nachikwe kulongozi kwenyu.
\v 9 Naho honyani wanyonje weyumo umo longani kwawo useuta wa Chohile wiza haguhi henyu.
\v 10 Mna mwe mzi wowose namuwingile uneva hawawahokeleni hitani kuse mwe sila naho gambani,
\v 11 hata tifili mo mzi wenyu dimamatile mwe viga vyetu chadipumuntila mwenyu vikulanga nyuwe mna kumbukani dino, useuta wa Chohile wihajihi.
\v 12 Nawagambilani kugamba mazuwa ya kukantilwa nayatende na wafile mbazi kujinka mwa Sodoma kujinka umzi uwo.
\p
\v 13 Noluone wyw Kolozani naluone weye Bethesaida! Saviya ndima nkulu zidamanyike mndani mwako hegu yakudamanyika Tilo na Sidoni naweila masa yawo chikale vitendese wakekala mndani ya suche za maguniya na maivu.
\v 14 Mna nautende kufilwa mbazi vitendese zuwa dya kukantilwa mwe Tilo na Sidoni vitendese mwenyu.
\v 15 Weye Kapelanaumu wafanyanya nawinulwe kubula mo ulangazi? Bule nouselezwe hasi kubula bome hedine uhelo.
\p
\v 16 Akunga aweve nyuwe anitegeleze miye, na yoyose akuwalemela anilemela miye, na yoyose akunilemela miye, amlemela anisigile.
\p
\v 17 Wadya mlongo na mfungate nawauya na kwelelwa wakagamba, Zumbe, mna hata muye ihiye ichiva mwe zina dyako.
\v 18 Yesu awagambila nasimuona mwavu akagwa kulawa ko ulanga saviya mbaula.
\v 19 Kaulani siwenkani udahi wa kujata nyoka na visuse na nguvu zose za mwihi naho hahana chochose mwe sila yoyose chikunga chiwalumize.
\v 20 Mna ivyo mwelelwe du mwe dino, myuye iwevani mna mwelelwe vitendese kugamba, mazina yenyu yadolonywa kwembingu.
\p
\v 21 Mwe chipindi ichiya iichiya nakelelwa vidala mwe Muye Ukukile na kugamba, nahutogole weye Tate, Zumbe ywa ulanga ne isi mwaviya kuwafisa mbuli zino kulawa mwe wenye ubala na umanyi, na kuyagubula mwe hewehinyigwe saviya wana wateke niyo tate kwaviya imwelelwa mwa meso yako.
\v 22 Chila chintu chikizwa mwanga naho hahana amanyize mwana ni ani mna tate naho hahana amanyize Tate mna mwana na yoyose ambaye mwana aunga kwegubulwa mwakwe.
\p
\v 23 Niyo awahitula wanampina akagamba, umo wo wenye wajimbikwe wakuyaona yano ambayo nuywe mwayaona.
\v 24 Nawagambilani nyuwe kugamba waoni walozize na waseuta nawaungisa waone izimbuli mkuziona mna hawazione na kwiva zino mkwiva mna hawazivile.
\p
\v 25 Kaula mhinyi ngachani wa sigilizi ya chuyahudi nakachimala na kumjeza akagamba, mhinyi nitende zeze niupate ujima wa kale na kale?
\p
\v 26 Yesu amgambila, idolonywa mbwani mwe sigilizi? Kuisoma zeze?
\p
\v 27 Ahitula agamba Umunge Zumbe Chohile ywako mo moyo wose na mo muye wako wose na mwe nguvu zako zose, na mwe fanyanyi zako zose na ehaguhi hko saviya weye mwenye viya ukweunga.
\p
\v 28 Yesu niyo agamba kuhitula vitana damanya ivyo nawikale.
\p
\v 29 Mna mhinyi nakaunga awazize utana yeye mwenye niyo agamba Ysesu na ehaguhi hangu ni ani?
\p
\v 30 Yesu ahitula akagamba, Mntu ngachani endile akasela kulawa Yelusalemu kwita Yeliko niyo agwela mgati mwe wapolaganyi wamhokile ugoli wakwe, na kumtowa na kumwasa ehaguhi na kubanika.
\v 31 Mwe bahati mlavyantambiko ngachani nendile akasel mwe isila iyo eze amuone niyo ajinkila ntendele ntuhu.
\v 32 Ivyoivyo mlawi naye eze abule ahantu hadya eze amuone ajinkila ntendele ntuhu.
\v 33 Mna Msamaliya yumwe umo akatamba nakajinkila ahadya endile umntu uyo eze amuone kasindikwa ni mbazi.
\v 34 Nakumsogeila na kumzingiliza chitambala mwe zikwenje zakwe amwitila mavuta na divai mnanga mwakwe, naho kamkweza kulanga mwe mpunda yakwe na kumwigala mwe nyumba ya wajeni na kumlela.
\v 35 Zuwa dikutongela nakaguha matundu maidi na kumwinka umwenye inyumba ya wajeni nakumgamba mlele, nachochose na chongezekele mo kumlela chidamanyike nahulihe umo hauya.
\v 36 Ni yuhi mgati mwe wano watatu wafanyanya nendile ni ehaguhi hakwe yeye agwele mgati mwe wapolaganyi.
\p
\v 37 Mhinyi nagamba, ni yudya alagise mbazi kwakwe, Yseu niyo amgambila hita naho ukadamanye ivyo.
\p
\v 38 Haluse umo wakatamba nawengile mwe chijiji fulani na mvyele yumwe zina dyakwe Martha nakamhokela mwe nyumba yakwe.
\v 39 Nendile ana dadiye etengwa Maliamu endile ekela mwe iviga vya Zumbe, na kumwetegeleza ulosi wakwe.
\v 40 Mna Matha endaga na ndima zilozize na kwambika nkande nakaita kwa Yseu na kumgamba, Zumbe hukusinya kugamba, dadiyangu kanasa ichedu nidamanye ndima ichedu? Ivyo elo mgambile anambize.
\p
\v 41 Mna Zumbe ahitula na kumgambila Matha, Matha, wahangaika mlanga mwe mbuli zilozize.
\v 42 Mna ni chintu chimwenga du chikungwa Maliamu kasagula chintu chedi kugamba hachiusigwe kulawa mwakwe.
\c 11
\cl Sula 11
\p
\v 1 Nailaila chipindi Yesu nadile akaolmbeza hantu hasiku, yumwenga ywa wanampina wakwe, amgamba, Zumbe, chihinye na suwe kulombeza saviya Yohana ivyo, awahinyize wanampina wakwe.
\p
\v 2 Yesu awagamba, mkalombeza gambani vino, Tate zina dyako ditunywe, Useuta wako wize.
\v 3 Uchinke bofulo dyetu dya chila zuwa.
\v 4 Uchilekeile amasa yetu, saviya suwe chikuwalekeila wose wachikoile msa, usekuchijela mwe majezo.
\p
\v 5 Yesu awagamba, niani kwenyu mta mbuya akudaha kumbasa nechilo, akamgamba, mbuyangu nipangila migate mitatu.
\v 6 Kwaviya mbuyangu kanizila ivino haluse, alawa ntambo miye nami sina cha kumwinka.
\p
\v 7 Yudya ekunyumba amhitula, usekunitumbwadisa, lwivi luvi luvugala kale miye na wanangu chigona kale, mo lusazi, sikudaha kwinuka kukwinka weye migate.
\v 8 Nawagambila, hata hegu henuke niyo akwinka, imigate kwaviya kumbasa na kumgongela bila soni, naenuke niyo akwinka mabesu yalozize ya migate saivyo ukunga weye mwenye.
\v 9 Miye nami nawagambila, lombezani, nanywi namwinkwe, zungulani nanywi nampate, towani hodi nanywi namvuguilwe.
\v 10 Kwaviya chila akulombeza naho chila mntu akuzungula napate, naho chila mntu akutowa hodi lwivi naluvugulwe kwachausa chakwe.
\v 11 Ni tatiamntu yuhi mwanyuwe, mwanawe akalombeza samaki namwinke nyoka chinyume chakwe?
\v 12 Hegu akalombeza tagi naminke chisuse chinyume chakwe?
\v 13 Ivyo, uneva nyuwe wabanasi mdaha kuwenka wana wenyu majeleko yedi, vino siyo vilozize vidala, Tati yenyu wa kwembingu kugamba nawenke Muye Ukukile awo wakubalanga?
\p
\v 14 Nandile Yesu akakwahila mpepo, uyo mntu nandile hakuda kulonga, eze pepo amlawe uyo mntu, niyo adaha kulonga, idibunga dyehelwa vidala.
\v 15 Mna wantu watuhu wagamba, yuno alavya mpepo kwa Belizebuli mkulu ywa mpepo.
\v 16 Walozize niyo wamjeza wakamunga alagise mpintuko ikulawa kulanga kwembingu.
\p
\v 17 Mna Yesu niyo amanya fanyanyi zawe, awagamba, chila useuta ukupangana nautende uchiwa, nyumba nayo ipangane naigwe.
\v 18 Uneva mwavu natende kapangana, useuta wakwe nauchimale zeze? Kwaviya mwagamba nalavya mpepo kwa Belizebuli.
\v 19 Hegu miye nalavya mpepo kwa Belizebuli mkulu ywa mpepo kwa sila yani? Kwachausa chino, awo nawawkantileni.
\v 20 Mna uneva nalavya mpepo kwa kadole ka Chohile, ivyo Useuta wa Chohile umbwilani.
\p
\v 21 Mntu mta udahi naho ana viha akamila inyumba yakwe, vintu vyakwe navikale mpeho.
\v 22 Mna niyo akumpukila ni mntu mta udahi ulozize kumjinka yeye, yudya mntu mta udahi namhoke iviha vyakwe na kuguha ugoli wose.
\v 23 Uyo hehemwenga na miye, aligana na miye, uyo naye hekuchisanya na miye amwaganisa.
\p
\v 24 Mpeop nchafu akamlawa mntu, aita kulonda hantu hehena mazi andekukweta, anaswesa agamba, nanuye kudya nilaile.
\v 25 Akauya niyo awona nyumba, ihagilwa naho ikala vyedi.
\v 26 Nivyo aita kulonda mpepo mfungate weihise kujinka yeye mwenye, niyo awaleta weze wekale aho ahantu, naho ihali yo mntu uyo naitende iha kujinka nkongo.
\p
\v 27 Vilaila kugamba, chipindi akalonga izimbuli izo, mvyele fulani niyo aguta kujinka wose mwe dibunga, agamba, ijimbikwa inda ikweleke na matombo wonkile.
\v 28 Mna yeye agamba, wajimbikwa wadya wakwetegeleza mbuli ya Chohile na kuika.
\p
\v 29 Chipindi bunga dya wantu wakachisanyika, wakongezeka, Yesu niyo akonga kugamba, cheleko chino ni cheleko cha ubanasi, chazungula mpintuko mna hakuna mpintuko nawenkwe ikujinka idya ya Yona.
\v 30 Mna saviya Yona nandile lagiso kwa wantu wa Ninawi, nivyo na mwana ywa Adamu akunga atende mwe cheleko chino.
\v 31 Mlikiya wa kusini nachimale zuwa dya nkanto na wantu wa cheleko chino, na kuwakantila, wowo kwaviya yeye kalawa udumo we isi chani eze etegeleze umanyi wa Solomoni, nahano eyaho eli mkuluy kujinka Solomoni.
\v 32 Wantu wa Ninawi nawchimale mwe inkanto hamwenga na wantu we cheleko chino, mwedizuwa dye nkanto, nawachikantile kwaviya wowo weila amasa yawo kwa kulonga mbuli yedi kwa Yona kaula hano hahana mkulu kujinka Yona.
\p
\v 33 Hakuna mntu yoyose akuwasha taa hantu he hasi hana chiza, heikuwoneka, hegu hasi mwe ntangulu, mna wawsha na kuika kulanga mwe chintu chani chila mntu akwingila adahe kuwona ulangazi.
\v 34 Ziso dyako ni ta yo mwili, ziso dyako uneva ni dyedi, hata umwili wako wose nautende na ulangazi, mna ziso dyako dinatenda ni bovu ivyo, umwili wako wose nautende na chiza.
\v 35 Ivyo, mkaulise chani ulangazi wi mndani mwenyu unase kujelwa chiza.
\v 36 Ivyo uneva, umwili wako wose wi mwe ulangazi naho hakuna mntu hemwechiza, ivyo, umwili wako nautende saviya taa ikwaka na kulavya ulangai mwenyu.
\p
\v 37 Eze abinde kulonga, Falisayo niyo amgoneka akadye nkande kwe nyumba yakwe, Yesu naye niyo engila mwe inyumba niyo watenda we hamwenga naye.
\v 38 Niyo Mafalisayo niyo wehelwa kwaviya hehekile imikono henati kudya nkande ya chisingi.
\v 39 Mna Zumbe, awagamba, nyuwe Mafalisayo mwasunta ivikombe kuse, ne izibakuli, mna mndani mwenyu mmema ubesa vihiye na ubanasi,
\v 40 Nyuwe wantu hemkumanya, vino uyo aumbile kuse haumbile na kundani nako?
\v 41 Wenkeni wachiwa vikundani naho mbuli zose nazitende ntana kwa nyuwe.
\p
\v 42 Mna namluone Mafalisayo, kwaviya mwalavya zaka ya mnaa na mchicha na chila mboga yesimile, mna mleka mbuzi ikuwagila, na kumunga Chohile, ni vyedi vitendese, kutenda vya kuwagila, na kumunga Chohile bila kuleka kusankana na ayo amatuhu nayo.
\v 43 Namluwone Mafalisayo, kwaviya monga kwikala viti vya kulongozi mwe izinyumba zo kuvikila na kulamswa kwa ntunyo mwamagwilo.
\v 44 Namluwone kwaviya mwenga mbila, hezina vilagiso ambazo wamtu wajenda mlanga mwakwe bila kumanya.
\p
\v 45 Mhinyi yumwenga ywa lagizo dya Chiyahudi ahitula, agamba, mhinyi icho ukulonga wachuzi hata suwe.
\p
\v 46 Yesu awagamba, namluwone wahinyi wa nkanto, kwaviya mwawenka wantu mizigo mikulu hewekuidaha kwinula, mna nyuwe wenye, hamkudonta imizigo iyo, hata kwa kadole kenyu kamwenga.
\v 47 Namluwone kwviya, mwazenga, mwaika vikumbusa, mwe izimbila za waoni, mna wakomagwa ni wababa zenyu.
\v 48 Ivyo, nyuwe mwi waukuzi mwe kugamba, mweva ne izindima wadamanye wababa zenyu, kwaviya chindedi nawawakoma waoni awo mkuzengela na kwwika vikumbusa mwe izimbila zawo.
\v 49 Kweichausa icho naho, umanyi wa Chohile wagama, nanisigile kwenyu waoni na wasigilwa, nawo nawawasulumize, na kuwakoma mwesimile.
\v 50 Cheleko chino nachikantilwe, kweisakame ya waoni wakomigwe kukongela nkongo mo ufi we isi.
\v 51 Kukongela sakame ya Abeli, kubula sakame ya Zakaliya, akomigwe mgati mwe izinchanja yo kulaviza ntambiko, na hakukile, nivyo namgambilani cheleko chino nachikantilwe.
\v 52 Namluwone wahinyi wa lagio dya Chiyahudi, kwaviya mguha funguwo za umanyi, nyuwe wenye hamkwingila, wadya nawo wakunga wengile mwawachinda.
\p
\v 53 Yesu eze ahalawe hadya, wadolonyi na Mafalisayo, niyo wamlemela niyo wahigana naye vikulanga mbuli zilozize.
\v 54 Wakajeza kumziga kwe milosi yakwe.
\c 12
\cl Sula 12
\p
\v 1 Kwechipindi icho wantu walozize we chindedi, nawadugana hamwenga, vikutenda wajatane, niyo wakonga kulonga na wanampina wakwe, kweamileni na ugwadu wa Mafalisayo ni wasongaganyi.
\v 2 Naho hakutende na chinyele chefisize hechinagubulwe, hegu mbuli ifisigwe mna haimanyike.
\v 3 Naho dyodyose mkunga mlonge mwe chiza, nadivike mo ulangazi, naho dyodyose mkunga mlonge mwe gutwi, mndani mwe nyumba yenyu vya kundani vivugulwe, nayalongwe kulanga kwezinyumba,
\p
\v 4 Namgambilani wambuya zangu, msekuwogoha wadya wakukoma umwili, wakaheza hawana chintu chituhu cha kudamanya.
\v 5 Mna nawafundani uyo mkunga mumogehe, mwogoheni yudya akutenda anakoma, ana udahi wa kudula kwe bome hedina uhelo, nivyo nawagambilani nuwe mwogoheni uyo.
\v 6 Vino wadege washano hawakutagwa, hawakutagwa, kwa senti mbili, mna taha ivyo hata yumwenga akunga ajalwe mwe ulongozi wa Chohile.
\v 7 Mna mmanye kugamba, fili zi mwe imitwi yenyu, ziwazwa, msekongoha nyuwe mna yombe kulu kujinka wadege walozize.
\p
\v 8 Nawagambilani yoyose akunga anizumile kulongozi kwa wantu, mwana ywa Adamu namzumile kulongozi kwa wandima wa kwembingu wa Chohile.
\v 9 Mna yoyose akunga anilemele mwa wantu naye nalemelwe kulongozi kwa wandima wa kwembingu wa Chohile.
\v 10 Yoyose akunga alonge dihiye, dikumlanga mwana ywa Adamu, nalekeilwe mna yoyose akunga aubele Muye Ukukile halekeilwe.
\v 11 Wakamwigalani kulongozi kwa wakulu wa nuymba za mavikilo, nawawdye na wata udahi, msekogoha kugamba, namgambe mbwani, mwe kwegombela hegu mbwani namlonge.
\v 12 Kwaviya Muye Ukukile nauwahinyeni ivyo mkunga mlonge mwe ichipindi icho.
\p
\v 13 Mntu yumwenga mwe dibunga niyo amgamba, mhinyi mgambile mlukolo ywangu, anipangile hantu ha ulisi wangu.
\p
\v 14 Yesu agamba, ni yuhi anikiye kutenda mlamuzi na mwivanyi wenyu?
\v 15 Naho awagambila kwedimeni na chila chesimile vya tama, kwaviya ujima wa mntu haumuli mwe vintu vilozize ananvyo.
\p
\v 16 Yesu awagambila mliganyo, agamba, nkonde ya mntu yumwenga mgoli nayeleka vidala,
\v 17 niyo euza mo muye wakwe akagamba, nanitende zeze, kwaviya sina hantu ha kwikiya mpamba?
\v 18 Niyo agamba, nanidamanye vino, nanivune amagulu yangu yose madodo, niyo nazenga magulu makulu, niyo naika ipamba yangu na vintu vyangu vituhu.
\v 19 Nanegambe miye mwenye kweikiya mpamba ya vintu vilozize vya mihilimo ilozize, humula, unywe, na kudya na kubweda.
\p
\v 20 Mna Chohile amgamba, weye mntu wihezi, ichilo cha dyelo waungwa umuye wako, ivintu vyose wikiye navitende vya yuhi?
\p
\v 21 Nivyo navitene kwa chila mntu akweikiya ugoli mna siyo kwa kutenda mgoli kwa Zumbe.
\p
\v 22 Yesu niyo awagamba, wanampina wakwe, ivyo, msekutenda na woga kulavya ujima wenyu kugamba, namdyeni hegu kulanga mili yenyu kugamba, namvale mbwani.
\v 23 Kwaviya ujima ni kujinka nkande na mwili ni kujinka suche.
\v 24 Kauleni madege ya kulanga, hayakulima naho hayakuvuna, mna tati yenyu ayenka cha kudya, nyuwe hamkuwangila kujinka madege?
\v 25 Ni yuhi mgati mwenyu uyo akudaha kusawanisa naho akudaha kweongezeza ujima wakwe?
\v 26 Uneva kumbe hamkudaha kutenda chintu icho chidodo naho ni chihufu kwambwani mkusankanila ayo amatuhu?
\v 27 Kaulani maluwa yakuneneha, hayakusankanila ndima, naho hayakuluka mna namgambilani, hata Sulemani mo ukuka wakwe wose havikigwe enga idimwenga dya aya.
\v 28 Uneva Chohile avika ivi mani ya kwenkonde naho yehano dyelo mna luvi yadulwa ko moto vino havikujinka na awavikeni nyuwe? Wa utondowazi mjejeche?
\v 29 Msekusankanila kugamba namdyeni hegu na mnyweni naho msekutenda na woga.
\v 30 Kwaviya izisi zose mwe isi, zasankanila izimbuli izo, Tati yenyu naye kamanya kugamba, mwaunga ivyo,
\v 31 Mna ndani kulonga Useuta wakwe, ayo amatuhu namongezezwe,
\p
\v 32 msekogoha nuywe bunga dodo, kwaviya tati yenyu elelwa kumwinkani uesuta.
\v 33 Tagani ugoli wenyu mkawenke wachiwa, mwedamanyize mifuko heikuhungukilwa mpamba ya ko ulanga heikusila, hantu aho wabavi hawasogele, hegu matele hayadahe kubalanga.
\v 34 Kwviya hadya ili impamba yako, naho umuye wako ukunga wikale.
\p
\v 35 Suche zenyu ntali zitende zifungwa, na mkaza, taa zenyu zitende zaka,
\v 36 mtende saviya wantu weli wakumgoja Zumbe, kulawa kwa chinyemi cha nyinka, chani kugamba, akeza akatuwa hodi nawadahe kumvuguila upesi.
\v 37 Wajimbikwe wadya wandima, wadya Zumbe akeza nawabwile wemeso, chindedi nafunge isuche yakwe ntali na mkaza, niyo awaika hasi kwachausa cha nkande, niyo awasankanila.
\v 38 Uneva Zumbe niyo eza chilo chikulu cha wamizi wa nechilo, hegu hata nkanana ya katatu yo uwamizi, niyo awabwila wemeso navitende vyedi kwawo awandima.
\v 39 Vikujinka ivyo, mmanye vino, hegu Zumbe, mwenye inyumba amanyize chipindi akwizila mbavi nandile halekele inyumba yakwe ivunwe.
\v 40 Mwikale mwemalanye, kwaviya hammanyize ni chipindi chani mwana ywa Adamu nezile.
\p
\v 41 Petulo amgamba, wachigambila suwe wenye, vilagiso ivyo, hegu wamgambila chila mntu.
\p
\v 42 Zumbe awagamba, ni yuhi mndima mchindedi hegu mta umanyi, uyo Zumbe ywakwe namwinke mwa wandima watuhu chani awenke nkande mwe chipindi chakwe?
\v 43 Kjimbikwa yudya mndima, yudya Zumbe ywakwe akeza nambwile akatenda yadya asigilwe.
\v 44 Chindedi nawagambilani nyuwe, namwikwe mo ugoli wakwe wose.
\v 45 Mna mndima yudya anagamba, mo umuye wakwe, Zumbe ywangu azigila kuya, niyo akunga kuwatowa wandima, wachilume na wachiche, akaheza akonga kudya, kunywa, kukolwa.
\v 46 Zumbe ywakwe yudya mndima, neze zuwa hegonele naho ne chipindi hechimanyize, niyo amkanta matili, niyo amwinka hantu hamwenga na wantu hewene chindedi.
\v 47 Mndima amanyize viya akunga Zumbe ywakwe naye hemanyize, naho hatendile ivyo akunga natoigwe nkome zilozize.
\v 48 Mna mndima hemanyize viya akunga Zumbe ywakwe, mna atenda yakumwagila kutoigwa, natoigwe nkme njeche, kwaviya yudya enkigwe vilozize vyaugigwa kulawa kwakwe, yudya enkigwe kwakwe navyungwe vilozize kujinkiliza.
\p
\v 49 Siza kuchulika moto mwe isi, naho nabesa kutenda ukonga kwaka.
\v 50 Mna nina wambulwa hunga, nambulwe, mna nina chihovu kubula ukeza kuchinta.
\v 51 Vino mwafanyanya siza kuleta utondowai mwe isi? Bule namgambilani bada yakwe sileta kwesimana.
\v 52 Kukongela vino haluse nakutende na wantu washano mwe nyumba imwenga, wesimane, watatu nawo na waidi nawesimane, waidi nawo nawesimane na watatu.
\v 53 Nawesimane tatiyamntu nesimane no mwana, mwanawe naye natende kesimana na tetyakwe, mamiyamntu natende kesimana na chigoli chakwe, chigoli chesimana na mamiyakwe, mamiyamntu vyala nesimane na mkaza mwanawe, mkaza mwanawe nesimane na ninevyala.
\p
\v 54 Yesu nakatenda awagambila mabunga vino mnaona amaingu yalaila mangalibi mwagamba vipindi vya fula vibula naho nivyo vikutenda.
\v 55 Naho mpeho ya kusini niyo yavumila, mwagamba nakutende na chivuguto naho chalaila.
\v 56 Nyuwe wasongaganyi, mwadaha kubunkula ivyo isi ili no ulanga, mna vyatenda zeze hamkudaha kubunkula chipindi cha haluse.
\p
\v 57 Ni kwambwani chila yumwenga ywenyu hekufanyanyavikuligana kwakwe kutenda chipindi icho ana inafasi yakutenda ivyo.
\v 58 Uneva ukaita mo ulailo wako, kwechitala, ungisa kwivana no mlahi ywako mkatenda mwi mwe sila anase kukwigala kwa mkati, mkanti akwigala, kwa nkondo, mnkodo akudula kwedijeleza.
\v 59 Nakugambila hukofosa umo kubula kuliha tundu dya udumo.
\c 13
\cl Sula 13
\p
\v 1 Mwe ichipindi icho kuna wesimile wamgambile kulanga awo Wagalilaya Pilalo nakawakoma na kuhanganya sakame yawo na malavyo yawo.
\v 2 Yesu noyo awahitula awagamba vino, mwafanyanya kugamba awo nendile wana masa kujinka Wagalilaya watuhu wose wapatwa ni yehiye ayo?
\v 3 Bule nawagambilani uneva hamweile nanywi nambalangwe ivyo
\v 4 Hegu wadya wantu mlongo umwe na wane kudya Siloamu wadya wagwelwe ni mnala niyo wawakoma mwafanyanya wowo wana masa kujinka watuhu mwe Yeslusalemu?
\v 5 Bule miye nagamba uneva hamneile nyuwe naywi vyose na mbalangwe.
\p
\v 6 Yesu awagambila mligano uno, mntu yumwenga nakatenda na mtini uhandwa mwe nkonde yakwe niyo aita kulonda matunda kulanga ko mtini mna hapatile.
\v 7 Niyo amgamba akusinya inkonde kaula kwa mihilimo mitatu neza kujeza kulonda matunda mo mtini uno mna sikupata, ukante kwambwani ubalange isanga?
\p
\v 8 Akusinya umgunda amhitula amgamba, uleke umhilimo uno chani niuhailile na kuwikiya mbolea mlanga mwakwe.
\v 9 Uneva uneleka matunda mhilimo ukwiza nivyedi mna uneva hauneleke ukante.
\p
\v 10 Haluse Yesu akahinya mwe zinyumba za kuvikila zuwa dya kuhumula.
\v 11 Kaula na hana mvyele yumwenga uyo, kwa mihilimo mlongo umwenga na mnanenandile ana mpeho nchafu uyo naye nakafunama hakudaha kuchuluka na kuchimala.
\v 12 Yesu eze amuone niyo amwitanga amgamba, mnala kulekeilwa kulawa unyonje wako.
\v 13 Niyo aika imikono mlanga mwakwe ahadya mwili wakwe niyo wachuma niyo amtunya Chohile.
\p
\v 14 Mna mkulu ywa nyumba ya vikilo niyo ehiwa kwaviya Yesu nakamhonya zuwa dya kuhumul. Ivyo akulongoza ahitula awagamba, kuna mazuwa mtandatu ya kudamanyiza ndima basi so mhonywe siyo mwe zuwa dya kuhumula.
\p
\v 15 Zumbe ahitula amgamba, wasongaganyi nyuwe hkuna chila yumwenga ywenyu hekufungula mpunda zakwe hegu ng'ombe zakwe kulawa mwe didewa na kuzilongoza na kuzigala kunywa mazi zuwa dya kuhumula.
\v 16 Ivyo naye chigoli ywa Abulahamu uyo atalizwe na mwavu kwa mihilimo mlongo umwe na mnane vino havikungwa kulekeilwa mwe zuwa dya kuhumula?
\v 17 Ivyo akalonga mbuli iyo wadya wose nawakamhiga niyo waona soni mna madugano wose na watuhu welelwa kwaviya atendile izimpituko izo.
\p
\v 18 Yesu agamba Useuta wa Chohile waligana na mbwani naho wadaha kutenda na chilagiso chani?
\v 19 Yenga mbeyu ya haladali aguhile mntu yumwenga niyo aihanda mo mgunda wakwe, niyo yakula niyo yatenda mti mkulu, madege ya kulanga niyo yazenga masasa yawo mwa matambi yakwe.
\p
\v 20 Naho agamba, niliganye na mbwani Useuta wa Chohile?
\v 21 Enga ugwadu mvyele aguhile niyo achanganya vihimo vitatu vya unga niyo vyaumuka.
\p
\v 22 Yesu niyo atalamkila chila kaya na mizi mwe sila akahinga Yelusalemu kuno awahinya.
\v 23 Mntu yumwenga niyo auza Zumbe ni wantu wajeche wakunga wambulwe? Ivyo awagamba,
\v 24 kazana wingile kujinkila nchili finyu kwaviya walozize nawajeze naho hawadahe kwingila.
\v 25 Hampu mwenye inyumba niyo achimala niyo avugala b ivyo namchimale kuse mkatowa hodi mo lwivi mkagamba Zumbe, Zumbe, chivugwile yeye ahitula akawagamba siwamanyizeni hata uko mkulawa.
\p
\v 26 Naho mkunga mgambe, chidyanya na kunywa hamwenga na weye nawe kuhinya umo chikwikala.
\p
\v 27 Mna yeye ahitula namgambani simmanyizeni uko mkulawa halaweni hano hangu nyuwe wabanasi.
\v 28 Nakutende na ndilo na kusaga mweno chipindi mkawaona Ibulahimu, Isaka, na Yakobo na waoni wose mo Useuta wa Chohile mna nyuwe wenye mdulwa kuse.
\v 29 Nawabule kulaila mashaliki, magalibi, kasikazini na kusini na kuhumula mwe imeza ya nkande ya chisingi mo Useuta wa Chohile.
\v 30 Ubunkule vino wa udumo ni wa nkongo na wankongo ni wa udumo.
\p
\v 31 Chipindi chijihi badae Mafalisayo wesimile niyo weza wamgamba, hita uhalawe hano kwaviya Helode onga akukome.
\p
\v 32 Yesu awagamba, hitani mkamgambile yudya Uzi, kaula nabalazampeho na kuhonya manyonje dyelo na luvi na zuwa dikutongela dyakatatu nakomeleza ayo nungile.
\v 33 Mwe hali yoyose vyanunga kwa vyovyose kwachausa changu kujendeleza dyelo na luvi na zuwa dikutongela kwaviya haikuzumilwa kumkoma muoni hale na Yelusalemu.
\p
\v 34 Yelusalemu, Yelusalemu, ni yuhi akukoma waoni na kuwatowa mayuwe wadya watumigwe kwenyu? Nkanana nyingahi sunga kuwachisanya wana wenyu saviya nguku viya ikuchisanya wanawe mwamawawa yakwe, mna hamungile ivyo.
\v 35 Kaula inyumba yako nailekwe, miye nami namgambilani hanione kubula aho mkunga mgambile kajimbikwa yuno kwazina dya Zumbe.
\c 14
\cl Sula 14
\p
\v 1 Niyo dyalaila zuwa dya kuhumula aho nendile akaita mwe nyumba imwenga ya vilongozi wa Mfalisayo, kudya mgate nawo, nawakamsinya kwa hajihi.
\v 2 Kaula hadya halongozi hakwe na hana mntu nakasulumizwa uvifi.
\v 3 Yesu awauza wamanyize lagizo dya Wayahudi na Mafalisayo vino ni vyedi kumhonya zuwa dya kuhumula?
\v 4 Wowo niyo wanyamala Yesu niyo amtoza naho niyo amhonya na kumgamba aite zakwe.
\v 5 Ni yuhi kwenyu mta wana hegu ng'ombe engile mwe sima zuwa dya kuhumula naye hamvute kubula kuse hampu?
\v 6 Wowo hawatendile na udahi wa kumhitula izimbuli izo.
\p
\v 7 Chipindi eze abunkule viya wadya wakusononeka kwa kugamba wasagula viti vya ntunyo niyo awagambila mligano akawagambila,
\v 8 chipindi ukagonekwa kwe nyinka usekwikala mwe viti vya ntunyo, kwaviya vyadaha kutenda kagonekwa mntu atunyigwe kujinka weye.
\v 9 Chipindi mntu awagonekeni nyuwe waidi niyo abula, nakugambe, weye mpishe yuno aho wikale akaheza kwa soni wakonga kuguha hantu hanyuma.
\v 10 Mna weye ukagonekwa hita ukekele udumo, chani chipindi yudya akugoneke akeza adaha kukugamba weye mbuyangu hita kudya kulongozi vitendese naho nautende na ntunyo kulongozi kwa wose wekale hamwenga na weye hemeza.
\v 11 Kwaviya chila akwedufya nabelwe, naho yudya akwebela natunywe.
\p
\v 12 Yesu naho amgambila yudya amgoneke ukenkiza nkande ya nomsi hegu chisingi, usekugoneka wambuyazo hegu naho walukolowako, hegu naho wadya wihajihi nawo, wagoli chani kugamba wanasekukugoneka weye niyo wapata maliho.
\v 13 Mna weye ukatenda na ngasu wagoneke wachiwa, waholomale, vilema na matuntu.
\v 14 Nawe naujimbikwe kwaviya hawakudaha kukuliha kwaviya naulihwe mo uyuso wa wata kuwagila.
\p
\v 15 Chipindi yumwenga mwa wadya wekale he meza hamwenga na Yesu eze eve ivyo naye awagamba, kajimbikwa yudya akunga adye mgate mo Useuta wa Chohile.
\p
\v 16 Mna Yesu amgamba mntu yumwenga na ana ngasu nkulu niyo agoneka wantu walozize.
\v 17 Chipindi ingasu ize ichinte niyo amtuma mndima ywakwe akawagambile wadya wagonekwe soni kwa viya vintu vyose viheza kwikwa kale.
\p
\v 18 Wose niyo wakonga kulombeza lazi, ywa bosi amgamba mndima sigula mgunda vyaunga hauwone nalombeza unilekeile.
\p
\v 19 Mtuhu amgamba, sigula jozi shano za ng'ombe miye nami naita nakuzijeza nalombeza unilekeile.
\p
\v 20 Mtuhu naye agamba, hisola mvyele kwaivyo sikudaha kwiza.
\p
\v 21 Mndima niyo auya kumgambila zumbe ywakwe izimbuli izo yudya mta inyumba idya niyo ehiwa amgamba mndima ywakwe, guluka mwe zikaya na mwe zisila zo mzi ukawalete hano wachiwa, waholomale, na matuntu.
\p
\v 22 Mndima amgamba, zumbe ayo yose unisigile yadamanyika kale mna hata vino haluse bado hana mwekwikala.
\p
\v 23 Zumbe amgamba mndima hita mwe zibalabala na mwamavumu uwalagise wantu wengile chani nyumba yangu imeme.
\v 24 Kwaviya namgambilani mwa wadya wagonekwe wa nkongo hahali akunga alume ingasu yangu.
\p
\v 25 Haluse fyo kulu nendile wakaitanya niyo awahitukila awagamba,
\v 26 hegu mntu akeza kwangu nae hakumwihiwa tati yakwe, mami yakwe, mkaziwe, wanawe, walukolo wakwe wagosi kwa wavyele heye naho hata ujima wakwe hakudaha kutenda wanampina ywangu.
\v 27 Mntu hekuguha msalaba wakwe na kunitongela hanyuma hangu hakudaha kutenda wanampina yangu.
\v 28 Kawviya ni yuhi mgati mwenyu akubesa kuzenga mnala handekwikala na kukaula kugamba iyo ihela ya kuzengela hegu ananayo ikudaha kudumiza idyo.
\v 29 Vituhu bada ya kwika umsingi niyo wadunduga kukomeleza niyo wose waona wakonga kumbela.
\v 30 Wakagamba mntu yuno kakonga kuzenga niyo atenda hakudaha kukomeleza.
\p
\v 31 Hegu ni mseuta yuhi akunga aite akahutane na mseuta mtuhu mwe nkondo hekudaha kwikala hasi niyo andakufanyanya hegu yeye adaha hamwenga na wantu wakwe, mlongo magana na kutowana na mseuta mtuhu akwiza na kulanga yeye na wantu mlongo midi magana mlongo.
\v 32 Hegu siyo ivyo chipindi wankondo awatuhu hawanati wachehale watuma yumwenga kunga utondowazi.
\v 33 Mwaviya basi, yoyose mgati mwenyu hekuleka vyose ananavyo hakudaha kutenda mwanampina ywangu.
\p
\v 34 Munyu ni wedi mna uneva munyu waza umunyu wakwe, kwa sila yani wadaha kutenda munyu vituhu?
\v 35 Hautumike kwa ulongo hata kwa mbolea wadulwa hale, mta magutwi yakwiva naeve.
\c 15
\cl Sula 15
\p
\v 1 Ivyo waguha maliho wose na watuhu wata masa weza kwa Yesu na kumtegeleza.
\v 2 Mafalisayo wose na wadolonyi wamfuzumila wakagamba, mntu yuno awahokela wata masa naho adya nawo.
\p
\v 3 Yesu kalonga mligano uno kwawo akagamba,
\v 4 Ni yuhi kwenyu hegu ana ngoto gana dimwenga anagilwa ni imwenga yawo awaleka wadya milongo chenda mwenyika naho aita akailonde idya yagile kubula aiwone?
\v 5 Naye akaheza kuiyona aika mwa mayega yakwe na kwelelwa
\v 6 Akabula mwe nyumba awetanga wambuyaze wehajihi hakwe awagamba elelwani hamwenga na miye kwaviya sipata ingoto yangu yagile.
\v 7 Nawagambilani ivyo ivyo, nakutende na kwelelwa b kulanga kwachausa cha yumwenga mta masa yumwenga akuleka kujinka weye chindedi milongo chenda ambawo hawana haja ya kuleka.
\p
\v 8 Hegu kuna mvyele wani mwenye matundu mlongo ya hela anagilwa ni tundu dimwenga awasha lumuli niyo ahagila inyumba na kulonda kwa niya kubula aho akunga aipatile.
\v 9 Akaheza kiyona awetanga wambuya zakwe na wehajihi hakwe awagamba elelwani hamwenga na miye kwaviya sipata naho iditundu dyangu nandile nazize.
\v 10 Hata ivyo nawagambila kunakwelelwa kulongozi kwa wandima wa Chohile kwachausa cha mta masa yumwenga kuleka masa.
\p
\v 11 Niyo Yesu awagamba mntu yumwenga nandile anawana waidi,
\v 12 yudya umdodo amgamba ise tate ninka upande we mali ikunilanga ulisi niyo apanga izimali zakwe mgati mwawo.
\v 13 Mazuwa siyo mengi yudya umdodo kakusanya vyose akuwagila niyo aita si ya hale na uko niyo atumiya hela zakwe mwe kugula vintu hevyungile na kujeseza hela zakwe kwa wikazi wihiye
\v 14 Naye eze aheze kutumiya vyose sala nkulu ingila mwe isi idya naye niyo atenda kakonga kutenda emo kunga.
\v 15 Kita kudamanya ndima mwa yumwenga mlungwana we isi idya niyo amwigala kwe nkonde yakwe.
\v 16 Niyo atenda abesa kwegusa mwa maganda nandile izinguluwe kwaviya hakuna mntu yoyose amwinkile chintu chochose cha kudya.
\v 17 Mna yudya mwana umdodo mo muye wakwe agamba ni wandima wengahi kwa tate ywangu wana nkande zilozize ya kuchinta miye ni hano nafa na sala.
\v 18 Nani halawe nanite kwa tate ywangu na kumgamba tate sibalanga mwe izimbingu na kulongozi kwa meso yako.
\v 19 Sikwagila kwitangwa mwanawo naho nitenda saviya yumwenga wa wandima wako.
\v 20 Niyo ahalawa aita kwa tati yakwe chipindi nendile ehale tati yakwe kamuona niyo amuonela mbazi kaguluka na kumkumbatila na kumbusu.
\v 21 Yudya umwana amgamba ise sibalanga mwe izimbingu na kulongozi kwa meso yako sikuwagila kwitangwa mwana wako.
\p
\v 22 Yudya ise awagamba wandima wakwe niletelani upesi suche ntana zitogile mkamvale mjeleni pete mwe didole na vilantu mwe viga.
\v 23 Niyo leteni ndama idya inenehe muichinje chidye na kwelelwa.
\v 24 Kwaviya mwanangu nandile kabanika mna emeso nandile kaga mna kawonekana niyo wakonga kwelelwa.
\p
\v 25 Mna yudya mwanawe umkulu nandile ekwenkonde chipindi akeza akatenda ehajihi na hanyumba eva ngunto za wachemi na misezigo.
\v 26 Ketanga mndima yumwenga amuza izimbuli zino mana yakwe ni mbawni?
\v 27 Mndima awagamba mvunawo keza na tati yako kamchinjiza ndama anonile kwa viya kauya mjima.
\p
\v 28 Mwana umkulu kehiwa niyo alemela kwingila kundani kwa tate yakwe kalwa kuse kumhembeleza.
\v 29 N iyo amlandula tati yakwe amgamba kaula miye sikusankanila mihilimo ilozize naho sibalange lagizo dyako mna huninkile mwana mbuzi chani nidahe kudamanya ngasu na wambuya wangu.
\v 30 Mna eze eze yuno mwana ywako atumiye imali yako yose hamwenga na wachilanga kumchinjiza ndama anonile.
\p
\v 31 Ise amgamba mwanangu weye wihamwenga na miye mazuwa yose na vyose ninanavyo ni vyako.
\v 32 Mna itenda vyedi kwetu kudamanya ngasu na kubweda, yuno mlukolo ywako nandile kabanika, mna haluse ni mjima, nandile kaga naye kawoneka.
\c 16
\cl Sula 16
\p
\v 1 Yesu awagambila naho wanampina wakwe nahandile na yumwenga mgoli nandile na meneja nakagambilwa kugamba meneja yuno ugoli wa mali zakwe.
\v 2 Niyo mgoli amwitanga amgamba ni chihi chino hwiva chikukulanga weye? Lavya uwazwa wo umeneja wako kwaviya hukudaha kutenda meneja naho.
\p
\v 3 Yudya meneja agamba mo muye wakwe nitende zeze kwaviya zumbe dyangu anusiza indima yangu yo umeneja? Sina nguvu za kulimila naho kulombeza nawona soni.
\v 4 Namanya ivyo hunga nitende nnalavigwa mwe ndima yangu yo kulongela wantu wanihokele mwe zinyumba zawo.
\v 5 Ivyo kulongela awetanga wandima wa zumbe dyakwe chila yumwenga amgamba, ywa nkongo watigizwa chiasi chani ni zumbe dyako?
\p
\v 6 Vihimo gana dimwenga vya mavuta amgamba guha icheti chako ikala upesi dolonya milongo mishano.
\p
\v 7 Niyo amgamba mtuhu na weye watigizwa chiasi chani? Agamba vihimo gana dimwenga vya unga wa ngano niyo amgamba, guha cheti chako dolonya milongo mnane.
\v 8 Yudya zumbe kamtogola meneja mbunyanyi kwaviya adamanye kwa umanyi kwaviya wana wa ulangazi uno ni wamanyi naho wadamanya kwa ubala na wantu wa ntendele zawo kuliko ivyo weli wana wa ulangazi.
\v 9 Miye nawagambilani tendani umbuya mwe mali ya kubunyanya chani aho ukuswesekana wawahokele mo wikazi wa kale na kale.
\v 10 Endile mchindedi mwe didodo mno naatende mchindedi mwe kulu naho na endile mmolanyi mwe dodo natende mmolanyi mwe kulu naho.
\v 11 Uneva nyuwe hamtendile wachindedi mwe mali ya ummolanyi ni yani akunga awazumile mwe mali ya chindedi.
\v 12 Naho hegu hamtendile wachindedi mwe kujeseza mali ya mntu mtuhu ni yani akunga awenke ikunga yenyu wenye?
\v 13 Hahali mndima akudaha kusankanila mazumbe waidi kwaviya namwihiwe uyumwenga na kumunga umtuhu. Hegu natozane na yuno na kumbela yuno hamkudaha kumsankanila Chohile na mali.
\p
\v 14 Mna mafalisayo wendile na waunga hela wayeva yano yose niyo wambela.
\v 15 Niyo awagamba nyuwe nawo umkutenda mnachindedi kulongozi kwa wantu mna Chohile amanya imyuye yenyu kwaviya dikukile kwa wantu dyatenda wihi kulongozi kwa Chohile.
\p
\v 16 Lagizo na waoni naviyaho kubula Yohana eze eze. Kukongela chipindi icho mbuli yedi ya Useuta wa Chohile naikalongwa na chila mntu ajeza kwengiza kwa nguvu.
\v 17 Mna ni vihufu mwe zimbingu ne isi vihalawe kuliko mwe namba imwenga ya lagizo iswesekane.
\p
\v 18 Chila akumleka mkaziwe na kusola mvyele mtuhu agonya naye naye akumsola yudya asigwe ni mgosiwe agonya.
\p
\v 19 Nhandile na mntu yumwenga mgoli kavala suche za langi ya zambalau na chitani chedi nandile akelelwa chila zuwa ugoli wakwe mkulu.
\v 20 Na mchiwa yumwenga zina dyakwe ni Lazalo nakekigwa mwe nchili yakwe naho ana kwenje.
\v 21 Naye nandile akaunga kwiguswa kwa masigalo yagwele mwe meza ya yudya mgoli hata makuli yeza yakamlambita mwe zikwenje zakwe.
\v 22 Niyo yudya mchiwa abanika niyo aguhigwa ni wandima mwe chifuwa cha Ibulahimu yudya mgoli niyo abanika niyo ahambwa.
\v 23 Mna kudya kwe dibome hedina uhelo nendile emwa masulumizo kayenula ameso yakwe amwona Ibulahimu kwa hale na Lzalo mwe chifuwa chakwe.
\v 24 Nakaila akagamba, tate Ibulahimu nifila mbazi umgambe Lazalo adonte udumo wa kadole kakwe mwa mazi alegeze ululimi lwangu kwaviya nasulumizwa mwe moto uno.
\p
\v 25 Mna Ibulahimu amgamba mwanangu ukumbuke kugamba mo wikazi wako kuhokela mbuli zako zedi mna Lazalo naye kapata yehiye mna haluse ehano apata falaja mna weye wasulumizwa.
\v 26 Mna hata ivyo kwikigwa bome kulu naho ni tali mgati mwetu chani wadya wakunga kulawa kuno kwiza kwenyu wasekudaha naho wantu wa kwenyu waekujinka kwiza kwa suwe.
\p
\v 27 Yudya mgoli agamba nkulombeza tate Ibulahimu kugamba umsigile kukaya kwa tate miye.
\v 28 Kwaviya ninanawo walukolo washano chani awafunde kwa woga kugamba wowo nawo naweza hantu hamasulumizo.
\p
\v 29 Mna Ibulahimu agamba wananawo Musa na waoni waleke wawategeleze wawo.
\p
\v 30 Yudya mgoli agamba bule tate Ibulahimu uneva anawaitila mntu akulawa kwa wabanike nawaleke.
\p
\v 31 Mna Ibulahimu amgamba hawanawevile Musa na waoni hawahitukile hata mntu akenuka mwa wabanike.
\c 17
\cl Sula 17
\p
\v 1 Yesu niyo awagamba wanampina wakwe mbuli zikuleka wantu wadamanya wavu hazikuleka kulaila mna navimanye uyo mntu na leke vikalaila.
\v 2 Navitende vyedi hegu mntu uyo afungilwe yuwe dizamile disagilwe mwe singo na kudulwa mwe bahali hevikunga kutenda yumwenga wa wano wadodo wadamanye ubanasi.
\v 3 Kwedime hegu mlukolo ywako anakuchokoza mfunde umo analekeila mlekeile.
\v 4 Hegu anakuchokoza nkanana mfungate kwa zuwa dimwenga akeza kwako akagamba neila mlekeile.
\p
\v 5 Wasigilwa wakwe niyo wamgambila Zumbe chongezeze ukanuni kwetu.
\p
\v 6 Zumbe niyo agamba, hegu mwendile mkanizumila mpuluzi ya haladali namkadaha kugamba umti uno wo mkuyu ng'oka ukahote kwe bahali nawo naukaweva.
\p
\v 7 Mna ni yuhi mgati mwenyu uyo mndima akulima nkonde hegu akudima ngoto namgambe akuya kwe nkonde so nguvu wikale he nkande?
\v 8 Hegu hamgambe nikiya inkande idye neifunge umkanda unisankanile na umo heza kubinda ukudya no kunywa na umo noudye na kunywa.
\v 9 Mtogole umndima uyo kwaviya kachintiza yadya yalongigwe.
\v 10 Ivyo ivyo nyuwe mnaheza ukudamanya yadya mtumigwe kwambwani suwe chi wandima hechikuwagila chidamanya yadya du yakuchunga kudamanya.
\p
\v 11 Ilaila kugamba umo na katamba kwita Yelusalemu kujinkila mo mhaka wa Samaliya na Galilaya.
\v 12 Umo nakengila mwe kaya imwenga uko kabwilana na wantu mlongo wata matana wachimala hale.
\v 13 Waguta kwa izwi wakagamba Yesu Zumbe chionele mbazi.
\p
\v 14 Eze awone awagamba hitani mkelagise kwa walavyantambiko na umo wakaita niyo wakuka.
\v 15 Yumwenga ywawo eze awone kugamba kahona niyo auya kwa izwi ditendese kumtogola Chohile.
\v 16 Niyo afika madi mwe viga vya Yesu na kumtogola uyo nani Msamaliya.
\v 17 Yesu niyo amhitula amgamba, Togola hawasuntilwe wose mlongo wekuhi wadya awatuhu chenda?
\v 18 Hahana hata yumwenga alavyanye kuya chani kumtogola Chohile ukaleka yuno umjeni?
\v 19 Amgamba chimala wite zako utondowazi wako ukuhonya.
\p
\v 20 Eze auzwe Umfalisayo useuta wa Chohile weza ini Yesu awahitula akagamba, uzumbe wa Chohile sicho chintu icho chikudaha kuwonwa.
\v 21 Naho wantu hawalonge kaula hano hegu kaula kudya kwaviya uzumbe wa Chohile wi mndani mwenyu.
\p
\v 22 Yesu awagamba, wanampina wakwe zuwa nadibule ambadyo nambese kuwona imwenga ya zuwa dya mwana ywa mntu mna hamdiwone.
\v 23 Nawagambe kaula kudya kaula hano mna msekwita kukaula naho kuwatongela tongela.
\v 24 Saviya lumuli lwa lubaula ulangaze me imbingu kukongela ntendele imwe kwita ntuhu naho na uyo mwana ywa mntu naekale saivyo mwe zuwa dyakwe.
\v 25 Mna nkongo namtende kusulumila mwe mbuli zilozize na kulemelwa mwe cheleko chino.
\v 26 Saivyo vyendile mwe dizuwa dya Nuhu nivyo navikale mwe zuwa dya mwana ywa mntu.
\v 27 Nawakadya nawakanywa wakasola na kusolwa, naaho idizuwa diya ambadyo Nuhu kengila umo mwe safina na ukubalangwa kukeza kwawabalanga wose.
\v 28 Nivyo itendile mwe dizuwa dya Lutu nawakadya na kunywa wakagula na kutaga kulima na kuzenga.
\v 29 Mna idizuwa diya Lutu eze ahalawe Sodoma inya fula moto na chibiliti kulawa kwembingu niyo yawabalanga wose.
\v 30 Ivyo ivyo nivyo vitendile idizuwa dya mwana ywa mntu aho nagubwilwe.
\v 31 Idizuwa idyo kuse kumlekeila yudya ekwedigulu dye inyumba asele kuguha vintu vyakwe kunyumba naho usekumlekeila ekwenkonde kuya kukaya.
\v 32 Mfanyanye mkaza Lutu.
\v 33 Yoyose najeze kulamuila ujima wakwe nawaze mna yoyose nawaze ujima wakwe no umbwile.
\v 34 Nkugambila ichilo icho nakutende na wantu waidi mo lusazi lumwenga yumwenga naguhigwe mtuhu nasigwe.
\v 35 Nakutende na wavyele waidi wabunda nkande yumwenga aguhigwa na mtuhu asigwa.
\p
\v 37 Niyo wamuza nikuhi Chohile? Niyo awagambila, hadya willi mzoga, naho wadege waduganilana kwa hamwenga.
\c 18
\cl Sula 18
\p
\v 1 Naho niyo awagambila lugano kwa ivyo wakungwa kulombeza ulo na ulo naho wasekufa chevu.
\v 2 Niyo awagamba na kuna mlamuzi mwe mzi umwenga uyo nehekumogoha Chohile naho na hekuwatunya wantu.
\v 3 Nakuna mvyele abanikilwe ni mkaziwe mo mzi uwo yuo niyo ambasa nkanana zilozize amgamba nambiza ninkwe kuwagila kujinka akuhigana na miye.
\p
\v 4 Kwa mazuwa yalozize nahekunga kunambiza mna niyo dyachinta zuwa agamba, mo muye wakwe hoho miye simogohe simogohe Chohile na kumtunya mntu.
\v 5 Mna kwaviya yuno afilwe ni mgosiwe ajela chivuwanya nanimwambize kuguha uwagila wakwe awase kwa meso keza kwa kinizila ulo naulo.
\v 6 Niyo Zumbe agamba, kwetegeleze ivyo ulongile uyo mnamuzi mbunyanyi?
\v 7 Hegu Chohile naye hachigale kuwagila kwa wasagulwa wakwe wadya wakumwila msi na chilo? Hegu uyo hatende b mjijimizi kwawo?
\v 8 Nawagamba kugamba, nenkize kuwagila kwa wowo chinguvunguvu mna umo Mwana ywa mntu umo akeza henabwile utondowazi mwe isi?
\p
\v 9 Niyo awagambila mligano uno kwa wantu wasiku wawo nawekesinya wowo wenye kugamba, wowo wagilwa na kuwabela wantu watuhu.
\v 10 Wantu waidi nawakwela kwita kwe divikilo kumlombeza Chohile, yumwenga Mfalisayo na umtuhu mchisanya kodi.
\v 11 Falisayo niyo achimala kulombeza mbuli zino kulanga kwakwe mwenyeChohile nakutunya kwaviya miye sikale enga wantu watuhu wadya wakumolanya wantu hewena chindedi wachilanga hegu yuno akutoza ikodi.
\v 12 Nafunga nkana mbili kwa mauwa mfungate nalavya zaka kwa chila chintu akuninka Chohile.
\p
\v 13 Mna yudya mguha kodi niyo achimala hale hadahile hata kwinula meso yakwe kwembingu na kwetowa mwe chifua chakwe akagmba, Chohile nonela mbazi miye umasa.
\v 14 Nawagambilani mtu yuno kauya kukaya akatenda kawazizwa kuwagila kujinkila yudya umtuhu kwaviya chila mntu akweseleza nenulwe.
\p
\v 15 Wantu wamletela wana wawo wateke chani adahe kuwadonta mna wanampina wakwe weze waone ayo wawalemeza.
\v 16 Mna Yesu niyo awetanga kwakwe akagamba, walekeni wana wadodo weze kwangu naho msekuwalemeza kwaviya Useuta wa Chohile na wantu sa awo.
\v 17 Hokelani nawagambila mntu yoyose hanauhokele Useuta wa Chohile saviya mwana chindedi hauwingile.
\p
\v 18 Chilongozi yumwenga niyo amuza akagamba, mhinyi ywedi nidamanye dihi chani nikawikale ujima wa ulo naulo?
\p
\v 19 Yesu amgamba, kwambwani wanitanga ywedi? Hahali mntu atendile ywedi mna Chohile ichedu.
\p
\v 20 Kuzumanya izisigilizi usekutenda na chilanga, usekubawa, usekulonga lulimi mtunye iso na nyokwe.
\p
\v 21 Yudya chilongozi niyo agamba, mbuli zino zose sizitoza na umo nandile ni mbwanga.
\p
\v 22 Yesu eze ayeve ayo niyo amgamba, kuwesa mbuli imwenga wongigwa utage vyose unanavyo uwapangile wachiwa nivyo notende na chakwika kwembingu akajika so unitongele.
\v 23 Mna wenye ugoli eze eve ayo, kengila chinyulu chitendese kwaviya na ni mwenye ugoli utendese.
\v 24 Ukajika Yesu niyo amuwona ivyo engile chihovu chitendese amgamba, ni vihi navitendeke vidala kwa wenye ugoli Kwingila mo Useuta wa Chohile.
\v 25 Mna ni vihufu vitendese kwa ngamiya kujinka mwe langa dya sindano. Kuliko mgoli kwingila mwe Useuta wa Chohile.
\p
\v 26 Wdya wevile ayo wagamba, ni yuhi hegu nadahe kwambulwa?
\p
\v 27 Yesu niyo ahitula mbuli hezikudahika kwa wantu kwa Chohile zadahika.
\p
\v 28 Petulo niyo amgamba, heye suwe chileka chila chintu niyo chakutongela weye.
\p
\v 29 Niyo Yesu awagamba, mkubali nawagambilani kugamba, hahali mntu alekile nyumba hegu mvyele hegu mlukolo hegu wadya wamweleke hegu wanawe kwachausa cha Useuta wa Chohile,
\v 30 uyo hahokele viya vitendese mwe isi ino naho mwe isi ikwiza, ujima wa kale na kale.
\p
\v 31 Na umo awaduganye wadya mlongo na waidi niyo awagamba, sinyani chakwela kwita Yelusalemu na mbuli zose zidolonywe ni waoni zikulanga Mwanya ywa mnyu zachintizwa.
\v 32 Kwaviya najelwe mwe mikono ya wamtu hewemmanyize na kudamanyizwa utilizi navihiye na kutwelwa mate.
\v 33 Naumo eze atoigwe viboko nawamkome zuwa dya katatu nauyuke.
\v 34 Hawakombaganye izimbuli zino na ulosi uno navitendwa vifiswa mwawo, hawazikombaganye izimbuli zilongigwe.
\p
\v 35 Vize vitende Yesu akonga kubula Yeliko mntu yumwenga hekuwona nendile kahumula hankanda he sila, akalombeza ambizwe.
\v 36 Eze eve bunga dya wantu dikujinka niyo auza nichihi chilaile.
\p
\v 37 Wamgamba, kugamba, Yesu wa Nazaleti ajinka.
\p
\v 38 Niyo yudya hekuwona niyo aila kwa kuguta akagamba, Yesu Mwana ywa Daudi uninke wedi.
\v 39 Wadya wendile nawakajenda niyo wamkwahila yudya hekuwona, wamgamba, anyamale mna uyo niyo angeza kwila na kuguta Mwana ywa Daudi uninke wedi.
\p
\v 40 Yesu niyo achimala akaunga mntu yudya egalwe kwakwe niyo yudya hekuwona eze amsogeile Yesu amuza,
\v 41 wonga hudamanyize mbwani? Agamba Zumbe nonga niwone.
\p
\v 42 Yesu amgamba, uhokele kuwona utondowazi wako ukuhonya.
\v 43 Aho niyo ahokela kusinya niyo amtongela Yesu na kumtogola Chohile weze wadiwone dino wantu wose niyo wamtongela Chohile.
\c 19
\cl Sula 19
\p
\v 1 Yesu niyo engila na kujinka mgatigati mwa Yeliko.
\v 2 Aho hendile na mntu yumwenga akwitangwa Zakayo, ambaye nendile mkulu ywa watoza maliho naho mntu mgoli.
\v 3 Nendile akajeza kumuona Yesu ni mntu ywa namnani mna hadahile kwaviya nakuna bunga dya wantu kwaviya nendile ni mjihi ywa chimo.
\v 4 Ivyo niyo kalongo mbiyo, kulongozi kwa wantu akakwele kulanga ko mkuyu chani adahe kumuona, kwaviya Yesu nakasogela kujinkila isila iyo.
\v 5 Chipindi Yesu eze abule ahantu hadya, niyo asinya kulanga akamgamba, Zakayo, sela upesi kwaviya dyelo vyaungwa nisinde mwe nyumba yako.
\v 6 Niyo atenda halaka kusela na kumhokela kwa kwelala.
\v 7 Wantu wose weze waone ayo, wakafuzuma wakalonga kwita kumtalamkila mntu mwenye masa
\p
\v 8 Zakayo niyo achimala akamgambila, Zumbe, kaula Zumbe, nusu yo ugoli wangu nawenka wachiwa na naho hegu simhoka mntu yoyose chintu nanimvuzize nkanana nne.
\p
\v 9 Yesu awagambila, dyeloukuka ubula mwe nyumba ino, kwaviya yeye naye ni mwana ywa Bulahimu.
\v 10 Kwaviya mwana ywa mntu keza kulonda na kwambula wantu wagile.
\p
\v 11 Weze weve ayo niyo wajendeleza kulonga na kulavya mligano kwaviya nendile wehajihi na Yelusalemu, naho wowo nawakamanya kugamba, kutenda Useuta wa Chohile nendile wi hajihi kuwoneka nkanana imwenga.
\v 12 Ivyo, akawagambila, mkulu yumwenga kaita si ya hale chani akahokele useuta na akaheza auye.
\v 13 Niyo awetanga wandima wakwe mlongo, nakawenka mafungu mlongo, akawagambila, damanyani biashala kubula aho naniuye.
\p
\v 14 Mna wanasi wakwe niyo wamwihiwa naivyo watuma wajumbe waite kumbas na kumlonga, hachikunga mntu yuno achilongoze.
\v 15 Itenda niyo auya kukaya bada ya kutendwa mseuta akawalonga wadya awandima nendile wasizwe hela wetangwe kwakwe apate kumanya vyongezeka mbwani wapatile mo kudamanya ibiashala.
\p
\v 16 Wankongo keza akalonga, Zumbe, fungu dyako didamanya mafungu mlongo kuzidi.
\p
\v 17 Uyo mkulu amgamba, ni vyedi mndima ywedi kwaviya nendile wi mchindedi mbuli ndodo nautende na ulongozi kulanga kwe mizi mlongo.
\p
\v 18 Wakaidi keza amgamba, Zumbe, fungu dyako didamanya mafungu mashano.
\p
\v 19 Uyo mkulu amgamba, guha ulongozi kulanga kwe mizi mishano.
\p
\v 20 Na mtuhu keza amgamba, Zumbe, ino ihano ihela yako ambayo nasiifisa vitana mwe chitambala.
\v 21 Kwaviya nasogoha kwaviya weye ni mntu unampula, wausa chiya hwikiye na kuvuna huchihandile.
\p
\v 22 Uyo mkulu amgamba, kwa milosi yako mwenye, nanikantile weye mndima mchafu na kumanya kugamba, miye ni mntu mta mpula naguha chiya sikiye na kuvuna ambacho sichihandile.
\v 23 Ivyo mbona hwikiye ihela yangu mwe benki chani hauya niguhe hamwenga ne chongezekelo?
\v 24 Mkulu niyo awagambila wantu nandile wachimala aho, mhokekeni idyo idifungu na kumwinka yudya umwenye mafungu mlongo.
\p
\v 25 Niyo amgamba, Zumbe, uyo anamafungu mlongo.
\p
\v 26 Nawagambilani chila mntu ambaye ananacho, nenkwe kujinka, mna ambaye hana hata chiya ananacho nachiguhigwe.
\v 27 Mna wano wankondo wangu ambawo hawakunga nitende Seuta ywawe, waleteni hano na kuwakoma kulongozi kwangu.
\p
\v 28 Bada ya kulonga ayo, niyo ajendeleza akakwela kwita Yelusalemu.
\v 29 Ikatenda aho waisogeile Besafage na Besaniya, hajihi no lugulu ywa mizeituni niyo awatuma wanampina wakwe waidi.
\v 30 Akalonga hitani mwe vijij vya hajihi, mkengila, nambwile mwana ywa punda hakweligwe bado mfunguleni mumlete kwangu.
\v 31 Uneva mntu akawauza mbona mwamfungula, gambani Zumbe amunga.
\v 32 Wadya awandima niyo waita, kumuwona mwana ywa punda saviya Yesu ivyo nendile awagambile.
\p
\v 33 Aho nendile wakamfungula, mwana ywa punda, wadya wakumdima awagambila, kwambwani mwamfungula mwana punda uyo?
\p
\v 34 Wagamba, Zumbe amunga.
\v 35 Ivyo, niyo wamwigaila Yesu niyo watandika izisuche zawo kulanga kwa mwana punda na kumkweza Yesu kulanga kwakwe.
\v 36 Niyo umo akaita wantu wasambaza izisuche zawo mwe sila.
\p
\v 37 Niyo umo akasela ko lugulu lwa mizaituni, bunga dyose dya wanampina wakonga kwelelwa na kumtogola Chohile, kwa izwi kulu, kwe izimbuli nkulu izo wawone.
\v 38 Wakagamba, nuyo mjimbikwa Mseuta akwiza, kwazina dya Zumbe utondowazi kwembingu na ntunyo kulanga.
\p
\v 39 Wamwenga wa Mafalisayo mo mdugano niyo wamgambila, mhinyi wanyamaze wanampina wako.
\p
\v 40 Yesu ahitula, akagamba, nawagambilani hegu wano wakanyamala mayuwe nayakweze izwi.
\p
\v 41 Yesu eze ausogeile umzi niyo awilila,
\v 42 Akagamba, hegu wamanyize hata wehiye mwe dizuwa dino mbuli ambazo zaleta utondowazi mna haluse yafiswa mwa meso yako.
\v 43 Kwaviya zuwa dyeza ambadyo wankondo wako nawezenge mzi hajihi na weye na kukuzunguluka na kukugandamiza kulawa chila ntendele.
\v 44 Nawakugwise hasi weye na wanako, hawakulekeile yuwe dimwenga kulanga kwe tuhu kwaviya hubunkule.
\p
\v 45 Yesu niyo engila mwe divikilo, kulu akakonga kuwabalaza wadya nendile wakataga.
\v 46 Akawagambila, idolonywa kugamba, inyumba yangu naitende ni nyumba ya kuvikila mna nyuwe mwaitenda pango dya wapolaganyi.
\p
\v 47 Kwaviya Yesu nendile akawahinya, chila zuwa mwe divikilo kulu, walavyantambiko wakulu na wahinyi wa lagizo na vilongozi wa wantu nawakaunga kumkoma.
\v 48 Mna hawadahile kupata sila ya kudamanya ivyo, kwaviya wantu wose nendile wakamwetegeleza kwa magutwi.
\c 20
\cl Sula 20
\p
\v 1 Nendile zuwa dimwenga niyo Yesu nendile kekala, akawahinya wantu mwe divikilo na kulonga mbuli yedi, walavyantambiko wakulu na wahinyi wa lagizo wamwitila hamwenga na wadalhala.
\v 2 Niy walonga wakamgambila chigambile ni kwa udahi wani wadamanya mbuli zino? Hegu ni yuhi uyo ambaye akwinka udahi uno?
\p
\v 3 Naye awahitula awagamba, nami naho naniwauze swali, niwagambileni.
\v 4 Uwambulwa wa Yohana Togola ulawa kwembingu hegu kwa wantu?
\p
\v 5 Mna walosana wenye kwa wenye, chilonge ulawa kwe mbingu nachuze bule, mbona hamkumzumila?
\p
\v 6 Naho chinalonga na ulawa kwa mwana mntu, wantu wose hano nawachitowe mayuwe, mana wose nawamzumila kugamba Yohana nendile ni muoni
\v 7 Ivyo wamhitula kugamba hachimanyize uko ulaile.
\p
\v 8 Yesu kawagambila, hata miye sikuwagambila nyuwe ni kwa udahi wani nadamanya mbuli zino.
\p
\v 9 Niyo awagambila wantu mligano uno, mntu yumwenga nakahanda nkonde ya mizabibu niyo aikodisha kwa walimi wa mizabibu, niyo kaita si ntuhu kwa chipindi chitali.
\v 10 Kwa chipindi chipangigwe, nakamtuma mndima kwa walimi we mizabibu niyo wamtowa na kumtendela vihiye, na kumvuza mikono haina chintu.
\v 11 Akaheza niyo amtuma naho mndima mtuhu naye niwo wamtowa na kumtendela vihiye na kumvuza mikono heine chintu.
\v 12 Niyo atuma naho wantu watatu nawo niyo wawajeluhi na kuwadula kuse.
\v 13 Ivyo Zumbe we inkonde akalonga, nidamanye mbwani? Nanimtume mwanangu hungisa mafani nawamtunye.
\p
\v 14 Mna awalimi we mizabibu weze wamuone, walosana wenye kwa wenye wakalonga, yuno nuyo umlisi, chimkome chani ulisi wakwe utende wetu.
\v 15 Niyo wamlavya kuse kwe nkonde ye mizabibu na kumkoma, Togola Zumbe ywe inkonde nawadamanye mbwani?
\v 16 Neze kuwabalanga awalimi we mizabibu na awenke inkonde iyo watuhu nawo weze weve ayo, wakalonga Chohile kalemela
\p
\v 17 Mna Yesu akawasinya, akalonga, Togola andiko dino dina mana yani? Yuwe wadilemele wazesi ditenda yuwe dya mwentuzi?
\p
\v 18 Chila mntu agwele kulanga kwe diyuwe dino, nakantike ntilintili, mna yudya ambaye nadimgwele nahondwe.
\p
\v 19 Ivyo wadolonyi na wakulu wa walavyantambiko nawalonda sila ya kumgwila chipindi icho, icho, wamanya kugamba nuyo nendile kalonga mligano uwo kujinka wowo, mna niyo kawogoha wantu.
\v 20 Niyo wamsinya vitendese, niyo wasigila wapelembo, wakudaha kutenda ni wantu wa kuwagila, chani wapate kumjela makosa ko ulosi wakwe chani kumwigala kwa vilongozi na wata udahi.
\v 21 Niyo wamuza, wakalonga, mhinyi chimanya kugamba, walonga na kuhinya mbuli za chindedi nasi nachihinizwe ni mntu yoyose, mna weye wahinya ichindedi kuhusu isila ya Chohile.
\v 22 Togola ni chindedi kwetu kuliha kodi kwa Kaisali hegu siyo?
\p
\v 23 Mna Yesu niyo kabunkula imitego yawe niyo awagamba,
\v 24 Nilagisani idinali, isula ne ichapa ni yayuhi iyuko kulanga kwakwe? Niyo walonga ni ya Kaisali.
\p
\v 25 Naye awagambila, bule mwinkeni Kaisali yekale yakwe Kaisali na Chohile yekale yakwe Chohile.
\v 26 Wadolonyi na wakulu wa walavyantambiko hawatendile na udahi wa kuliganya chiya alongile kulongozi kwa wantu, niyo wehelwa amahitulo yawe na hawalongile chochose.
\p
\v 27 Wasiku wa Msadukayo, wamwitila, wadya ambawo walonga kugamba, hakuna uyuso.
\v 28 Wamuza wakalonga, Mhinyi Musa nakachidolonyeza hegu mntu akafilwa ni mlukolo, weye mvyeleuyo hana mwana bule yamunga kumguha mvyele ywa mlukolo ywakwe, na kweleka naye kwachausa cha mkuluwe.
\v 29 Nendile kuna walukolo mfungate ya nkongo nakasola, kabanika bila kwasa mwana,
\v 30 na wakaidi naye,
\v 31 na wakatatu niyo amguha ivyo, ivyo ywa mfungate hamwasize mwana naye kabanika.
\v 32 Mbeleni yudya mvyele naye kabanika.
\v 33 Mo uyuso natende mvyele ywa yuhi? Kwaviya wose mfungate nendile wamsola.
\p
\v 34 Yesu awagambila, wana we isi ino wasola na kusolwa.
\v 35 Mna wadya wakungwa kuhokela uyuso wa wabanike na kwingila ujima wa kale na kale hawakusola hehu kusolwa.
\v 36 Naho hamkudaha kubanika vituhu kwaviya watenda kuligana na wandima nani wana wa Chohile, wana wa uyuso.
\v 37 Mna ivyo wabanike nawauyuswa hata Musa nakalagisa hantu mwe mbuli za kasaka hadya kamwitangeZumbe, saviya Chohile ywa Ibulahimu na Chohile ywa Isaka, na Chohile ywa Yakobo.
\v 38 Haluse yeye syuo wa Chohile ywa wabanike, mna ya wekale meso, kwaviya wose wekala kwakwe.
\p
\v 39 Wasiku wa wahinyi wakulu wakamhituka, mhinyi kuhitula vyedi.
\v 40 Hawajezize kumuza maswali matuhu kujinka.
\p
\v 41 Yesu awagambila chizeze wantu walonga kugamba Kulisito ni mwana ywa Daudi?
\v 42 Kwaviya Daudi mwenye elonga mwe izabuli, Zumbe niyo wamgambila, Zumbe ywngu, ikala mo mkono wa kulume.
\q
\v 43 Kubula niwaike wankondo wako hasi he viga vyako.
\p
\v 44 Daudi akwitanga Kulisito Zumbe, bule yatende zeze ni mwana ywa Daudi?
\p
\v 45 Wantu wose nendile wakamwetegeleza akawagambila wanampina wakwe.
\v 46 Kwepaguleni na wadolonyi, wakubweda kujenda wakavala suche ntali naho wabweda, kulamswa lamswa, mwedigwilo na mafumbi ya ntunyo mwa mavikilo, nahantu ha tunyo mwe ngasu.
\v 47 Wowo nawo wadya mwe nyumba za wafilwe ni wagosi na kwetenda waswali sala ntali. Wano hawahokele nkannto kulu kujinka.
\c 21
\cl Sula 21
\p
\v 1 Yesu niyon asinya niyo aona wagosi wagoili, nendile wakaika majeleko yawo mwe hazina.
\v 2 Niyo amuona mvyele yumwenga mchiwa akaika watundu wake waidi.
\v 3 Niyo alonga chindedi nawagambilani yuno mvyele mchiwa kaika zilozize kujinka watuhu wose.
\v 4 Wano wose walavya yano amajeleko, kulawa mwe vilozize wananavyo mna uyo mvyele mo umchiwa wakwe kalavya hela zose nendile ananazo kwachausa cho ujima wakwe.
\p
\v 5 Chipindi wantu wendile wakalonga, kulanga kwe divikilo mwe ivyo dihambigwe na mayuwe matana na malavyo niyo walonga,
\v 6 kwa mbuli ya mbuli, yano mkuyaona mazuwa ambayo hakuna dimwenga ambadyo nadilekwe kulanga kwe yuwe ambadyo hadibomolwe.
\p
\v 7 Niyo wamuza wakalonga mhinyi yano na yalaile ini? Naho ni mbwani naitende ndege kugamba, mbuli zino zihajihi kulaila?
\p
\v 8 Yesu ahitula mtende na kusinyisa kugamba, msekudantwa kwaviya walozize naweze kwa zina dyangu wakalonga miye ni miy, ne chipindi chikabula, msekuwatongela.
\v 9 Mkeva nkondo na ngavu ngavu msekogoha, kwaviya zino izimbuli zaungwa zilaile nkongo mna udumo haulaile hampu.
\p
\v 10 Akaheza awagambila si nainuke kutowana na si ntuhu na Useuta kulanga kwa Useuta mtuhu.
\v 11 Nakutende na mazingizo makulu, na sala na unyonje mwe ntendele tuhu nakutende na vilagiso vikutisa na maula yakutisa kulawa kwembingu.
\v 12 Mna kubula izimbuli zino zose naike imikono yakwe kulanga kwenyu na kuwatubwanisa na kuwegala, kwe mavikilo kwa majeleza, kuwegala kulongozi kwa Seuta, na wata udahi kwachausa cha zina dyangu.
\v 13 Ino naiwavuguileni luhenyo wo ukuzi wenyu.
\v 14 Ivyo beseni mwe myuye yenyu mkaleka kumalanya ugombezi wenyu kung'aile.
\v 15 Kaviya nasiwenka milosi na ntunyo ambayo waankondo wenyu wose hawadahe kuilemela hegu kuihituka.
\v 16 Mna namlemelwe naho ni welesi wenyu, walukolo wenyu, wantu wenyu, na wambuya zenyu, nawawakome bazi yenyu,
\v 17 namwihiwe na chila yumwenga kwachausa cha zina dyangu.
\v 18 Mna hakuna hata fili imwenga ye mitwi yenyu, ikunga yage.
\v 19 Mwe kujijimiza namhonye izinausi zenyu.
\p
\v 20 Aho namuwone Yelusalemu izungulukwa ni wankondo, bule maanyani kugamba, ubanasi wakwe ubula.
\v 21 Aho wadya weyuko Yudeya wagulukile kwa magulu na wadya weyuko mgati mo mzi wahalawe naho msekuwasa weyuko kwe vijiji kwingila.
\v 22 Kwaviya yano ni mazuwa ya kulihiza, chani kugamba, mbuli zose zidolonywe, zipate kuchinta.
\v 23 Hata ni kwadya wakale na usoka naho kwa wadya wakonkeza, mazuwa ayo, kwaviya nakutende na masulumizo makulu, kulanga kwe isi na maya kwa wantu wano.
\v 24 Nawagwe kwa mbulo ya sime nawaguhigwe mateka kwe zisi zose kubula chipindi cha wantu we izisi aho chikunga chichinte.
\p
\v 25 Nakutende na ndege mwe dizuwa na mo mwezi ne zintondo, na mwe zisi nakutende ne ziki ye zisi mwe kukanta tama, kulawana na mwilo mwe bahali na mayumbi.
\v 26 Nakutenda na wantu wakufa chififi mbazi kwa chihovu na mwe kugoja mbuli zikunga zilaile kulanga kwe isi, kwaviya nguvu za kwembingu nazisingisike.
\v 27 Akaheza wamuona Mwana ywa mntu akeza, mwa maingu kwa nguvu na Ukuka mkulu.
\v 28 Mna mbili zino zikonga zikonge, kulaila, chimalani inulani imitwi yenyu, kwaviya wambulwa wenyu usogela hajihi.
\p
\v 29 Yesu awagambila, kwa mligano usinyeni mtini na miti yose.
\v 30 Ikasuka, mweonela wenye na kumanya kugamba, chiyangazi chi hajihi.
\v 31 Ivyo, ivyo, mkawona mbuli zino, zalaila nyuwe bunkulani kugamba, Useuta wa Chohile usogela.
\v 32 Chipindi nawagambilani lweleko luno, halukijinka kubunkula izimbuli nzino zose zitendeke zilaila.
\v 33 Mbingu ne isi nazijinke, mna milosi yangu, haikujinka hata chidogo.
\p
\v 34 Mna kwesinyeni wenye, chani kugamba, imyuye yenyu, inase kuzamilwa ni kupolaganya, ukozi, na matumbwaziko ya ujima uno, kwaviya idizuwa nadiwezile chipumpa.
\v 35 Saviya mtego, kwaviya naitende, kulanga nkwa chila yumwenga, akwila mo uso we isi njima.
\v 36 Mna mwemalanye chipindi chose, mlombeze kugamba, namtende mtogile vya kuchinta, kuyenega yano yose, yakunga yalaile, na kuchimala kulongozi kwa Mwana ywa Adamu.
\p
\v 37 Ivyo chipindi cha no msi nendile akahinya mwe divikilo, na nechilo niyo alawa kuse, na kwita kucheleza ko lugulu, ukwitangwa wa Mizeituni.
\v 38 Wantu wose niyo wamwizila, no mtondo, kuchele, kmwetegeleza kundani kwe divikilo.
\c 22
\cl Sula 22
\p
\v 1 Elo zuwa kulu dya mabofulo hayejeligwe ugwadu nendile dihaguhi idyo dikwitangwa Pasaka.
\v 2 Walavyantambiko wakulu na wakudolonya wakalosana vikudahika vya kumkoma Yesu mwaivyo wawogohe wantu.
\p
\v 3 Mwavu niyo engila mndani mwa Yuda Isikaliyote uymwenga mwe wadya wanampina mlongo na waidi.
\v 4 Yuda niyo aita kulosana na wakulu wa walavyantambiko na wakulu wa watuhu ambawo nawenkigwe Yesu mwawo.
\v 5 Nawelelwa, na kwivana kumwinka hela.
\v 6 Yeye mwenye nakazumila naho nakalonda luhenyo lwa kumwinkiza Yesu mwawo hale ne dibunga dya wantu.
\p
\v 7 Zuwa dya amabofulo hayejeligwe ugwadu niyo yabula, aho ngoto ya Pasaka vyaungwa ilavigwe.
\v 8 Yesu awasigila Petulo na Yohana na kuwagamba, hitani mkachimalanyize nkande ya Pasaka chani chize chidye.
\p
\v 9 Niyo wamuza, nikuhi wonga chikadamanye ivyo ukwika nkande?
\p
\v 10 Awahitula tegelezani, umo mnatenda mwingila mo mzi mgosi uyo ketwika biga dya mazi nambwilane nanywi mtongeleni mwe nyumba iyo nengile.
\v 11 Ivyo mgambileni Zumbe we nyumba mhinyi akugambila chikuhi ichumba cha wajen hantu ambaho nanidye Pasaka na wanampina wangu?
\v 12 Naho nawalagise chumba chi kulanga icho chiyaho chajike damanyani ukufunganya umo.
\v 13 Ivyo niyo waita niyo wabwila chila chintu saviya wagambilwe niyo wamalanya nkande ya Pasaka.
\p
\v 14 Chipindi chize chibule nakekala na wadya wasigilwa.
\v 15 Niyo awagambila siungisa vikulu vya kudya zuwa kulu dino dye Pasaka na nyuwe umosinati kusulumizwa miye.
\v 16 Ivyo nawagambilani sanidye naho kubula umo dikadamanywa mwe Useuta wa Chohile.
\v 17 Niyo Yesu aguha ichikombe naho eze aguhe atogola agamba, guhani chino na mpangane nyuwe kwa nyuwe.
\v 18 Kwaviya nawagambilani, saninywe naho amatunda yo mzabibu kubula Useuta wa Chohile umo na wize.
\v 19 Akajika niyo aguha boffulo naaho eze atogole niyo aubesula na kuwenka akagamba, uno ni mwili wangu ulavigwe kwachausa cha nyuwe, damanyani vino mwe kunikumbuka miye.
\v 20 Niyo aguha chikombe ivyo ivyo eze adye nechilo akagamba, chikombe chino ni laganohya mwe isakame yangu iyo itike kwachausa chenyu.
\v 21 Mna kaulani yudya akunga anihituke ehamwenga na miye he chihungu.
\v 22 Kwaviya mwana ywa Adamu mwa chindedi aita zakwe enga ivyo vyajike kulongwa, mna hangi mwenye mntu yudya akunga amjinkile uyo mwana ywa Adamu akunga amhituke.
\p
\v 23 Ahadya wakonga kuzana wowo wenye kwa wenye mgati mwawo uyo nadamanye imbuli iyo.
\p
\v 24 Niyo yalaila mahigano mgati mwawo kugamba, ni ani akufanyanywa kutenda mkuu kujinka wose.
\p
\v 25 Niyo awagmba, Maseuta wa wantu we izisi wana Uzumbe mlanga mwawo wetangwa watunywa wakulongoza.
\v 26 Mna haikungigwa vitendese kutenda vino mwenyu nyuwe, mna leka yudya akugamba, ni mkulu mgati mwenyu atende saviya mdodo na yudya natende aungwa vitendese natende saviya mndima.
\v 27 Kwaviya ni yuhi mkulu yudya akwikala mwe meza hegu yudya akudamanya ndima? Vino suyo yudya ekale mwe imeza? Naho miye sinati ni mgati mwenyu saviya akusankana.
\p
\v 28 Mna nyuwe ni wadya mkujendeleza kutenda na miye mwe majezo yangu.
\v 29 Nawenka nyuwe Useuta, saviya tate ivyo aninkile miye Useuta.
\v 30 Kugamba, mdahe kudya na kunywa mwe meza yangu mo Useuta wangu, naho namwikale mwe viti vye ienzi mkakantila makabila mlongo na maidi ya Izulaeli.
\p
\v 31 Simoni, Simoni, umanye kugamba mwavu kalombeza awaguhe chani awaheteni saviya ngano.
\v 32 Mna sikulomezeza kugamba utondowazi wako usekudunduga wize utende kuya naho watogeze walukolo wako.
\p
\v 33 Petulo niyo amgamba, Zumbe, niyaho najike kwita na weye mwe digeleza naho hata mwe bunga.
\p
\v 34 Yesu ahitula nakumgambila Petulo zogolo hadile dyelo hwinati kunilemela nkanana ntatu kugamba hunimanyize.
\p
\v 35 Niyo Yes awagamba, nize niwegale nyuwe hamna mfuko, ntangulu ya nkande, hata vilatu vino namhungukilwe ni chintu? Wahitula bule.
\p
\v 36 Niyo awagambila, mna haluse chila mta mfuko nauguhe hamwenga na ntangulu ya nkande, yudya hena bamba vyamunga atage nkazu yakwe agule dimwenga.
\v 37 Kwaviya nawagambila yose ayo yadolonywe mwe vikulanga miye, vyaungwa yachinte, naho nakaguhigwa saviya mntu yudya akuvuna tolati kwaviya chiya wawo niwaone mwe viya vikulanga miye chachinta.
\p
\v 38 Niyo wagamba, Zumbe kaula yano yehano mabamba maidi naho niyo awagambila vichinta.
\p
\v 39 Akajika henkande nechilo Yesu nakahalawa saviya ivyo akutenda akadamanya nkanana na nkanana akaita mo lugulu lwe mizeituni na wanampina niyo wamtongela.
\v 40 Weze wabule awagambila, Lombezani kugamba msekwingila mwe majezo.
\v 41 Niyo aita hale na wowo saviya udulo wa yuwe niyo afika madi akalombeza,
\v 42 niyo agamba, Tate uneva ukaunga nusiza ichikombe chino, mna siyo enga viya hunga miye mna ungi wako udamanyike.
\v 43 Akajika mndima kulawa mo ulanga niyo amlaila niyo amjela nguvu.
\v 44 Akatenda mwe masulumizo, akalombeza mwamalombezo makulu na chikuluke chakwe chikala enga matwentwe makulu ya sakame yakalagala hasi.
\v 45 Umo eze enuke kulawa mo kulombeza kwakwe, nakeza kwa wanampina wakwe na kuwambwila wagona kwachausa che mbazi zawo,
\v 46 nakuwauza ni mbwani mgona? Inukani mlombeze kugamba msekwingila mwe majezo.
\p
\v 47 Chipindi endile henati akalonga, kaula, bunga kulu dya wantu dyalaila na Yuda yumwenga ywa wasigilwa mlongo na waidi akawalongoza niyo eza haguhi na Yesu chani ambusu.
\v 48 Mna Yesu amgambila Yuda, vino wamhituka Mwana ywa Adamu kwa kumbusu?
\p
\v 49 Ichipindi wadya wendile haguhi na Yesu weze waone ivyo yakulaila wagamba, Zumbe vino chiwatowe kwa mabamba?
\v 50 Akajika yumwenga ywawo niyo amtowa mndima ywa wmlavyantambiko mkulu niyo amsenga idigutwi dyakwe dya kulume.
\p
\v 51 Yesu niyo agamba, ino ichinta na kudonta idigutwi dyakwe niyo amhonya.
\v 52 Yesu agamba mwe mlavyantambiko mkulu ywa nyumba nkulu ya Chohile, na mwa wadalahala wezile kumgwila vino mweza enga kugamba, mweza kuhigana na mpolaganyi na malungu na mabamba?
\v 53 Ume nandile hamwenga na nyuwe mazuwa yose mwe nyumba nkulu ya kuvikila hamwikiye imikono yenyu mlanga mwangu mna ino ni sa yako na udahi wa chiza.
\p
\v 54 Niyo wamgwila wamlongoza wamleta mwa mlavyantambiko mkulu mna Petulo niyo ambasa kwa hale.
\v 55 Eze watende wajimba moto mwe udya ulwazo lwimndani naho weze wekale hasi hamwenga, Petulo niyo ekala hagati gati hao.
\v 56 Mndima yumwenga wa chiche amuona Petulo umo ekale mwe ulangazi ukulawa mo umoto, niyo amsinya amgamba, yuno mntu naye endile hamwenga naye.
\p
\v 57 Mna Petulo alemela amgamba, mvyele miye simmanyize.
\p
\v 58 Chize chijinke chipindi chidodo, mntu mtuhu amuwona amgamba, weye nawe wi yumwenga ywawo, mna Petulo ahitula mgosi miye suyo uyo.
\p
\v 59 Chize chibule chipindi cha sa dimwenga vino, mgosi mtuhu yumwenga akavilikiza amgamba, chindedi vitendese yuno mntu naye nendile hamwenga naye yeye naye ni Mgalilaya.
\p
\v 60 Mna Petulo niyo amgamba, mgosi simanyize idyo ukulonga na nkanana umo akalonga zogolo niyo dyaila.
\p
\v 61 Niyo ahituka Zumbe niyo amsinya Petulo, na Petulo abunkula ulosi wa Zumbe hadya amgambile hedinati kwila zogolo dyelo na unilemele miye nkanana ntatu.
\v 62 Niyo aita kuse, Petulo aila kwa usungu utendese.
\p
\v 63 Niyo wadya wagosi wendile wakamdima Yesu wambela na kumtowa.
\v 64 Weze wamgubike ameso wamuza wakagamba, bunkula ni yani akutoile.
\v 65 Niyo walonga mbuli zilozize zikumlanga kumhituka Yesu na kumhuluta yeye.
\p
\v 66 Ize ibule nomtondo wadalahala na wantu wachintana hamwenga, wakulu wa walavyantambiko na wakudolonya wamwigala mwe chitala.
\v 67 Wamgamba, hegu weye wi Kulisito chigambile mna yeye awagambila hegu ninawagambilani hamnizumile.
\v 68 Naho hegu ninawauzani hamnihitule.
\v 69 Mna kukongela haluse na kujendeleza Mwana ywa Adamu natende kekala mo mkono wa kulume wa nguvu wa Chohile.
\p
\v 70 Wose niyo wagamba, mweivyo wi Mwana wa Chohile? Yesu niyo awagamba, nyuwe mlonga miye nuyo.
\v 71 Niyo wagamba, kwambwani hunati chaunga naho ukuzi? Kwaviya suwe wenye chiva kulawa mo mlomo wakwe mwenye.
\c 23
\cl Sula 23
\p
\v 1 Chitala chose niyo chachimala, chamwigala Yesu kulongozi kwa Pilato.
\v 2 Wakonga kumlonga vihiye wakagamba chimbwila mntu yuno akaidanta isi yetu mwa kuwalemeza wazekulavya kodi kwa Kaisali naho akagamba yeye mwenye nuyo Kulisito, Mseuta.
\p
\v 3 Pilato niyo amuza akagamba vino weye ni Mseuta wa Wayahudi? Nho Yesu ahitula akagamba weye walonga ivyo.
\p
\v 4 Pilato niyo amgamba mlavyantambiko mkulu ne chitala Sikuwona wavu wo mntu yuno.
\p
\v 5 Mna wowo walahiliza wakagamba katenda akawasongaganya wantu akahinya mwe uyahudi wose kukongela Galilaya na haluse ehano.
\p
\v 6 Pilato eze eve vino niyo auza saviya mntu uyo ni wa Galilaya?
\v 7 Eze abunkule kugamba nendile ehasi he udahi wa Helode niyo wamwigala Yesu kwa Helode endile naye Yelusalemu mwa mazuwa ayo.
\v 8 Helode eze amuwone Yesu nakelelwa vitendese mwe viya nakaunga kumuona mwe mazuwa yalozize nakeva izimbuli zakwe na kunga kumwona imwenga ya mpituko ikadamanywa ni yeye.
\v 9 Helode kamuza Yesu mwe ulosi ulozize mna Yesu hamhitule chochose.
\v 10 Walavyantambiko wakulu hamwenga na wakudolonya nawachimala kwa mpula wakamlaha.
\v 11 Helode hamwenga na wankondo wakwe wamhuluta na kumbela na kumvala suche ntana akajika amvuza Yesu mwa Pilato.
\v 12 Helode na Pilato watenda wambuya zuwa idyo ukaleka aho nawendile wankondo.
\p
\v 13 Pilato niyo awetanga hamwenga walavyantambiko wakulu na wakulu na bunga dya wantu.
\v 14 Niyo awagambila mniletela mntu yuno saviya mntu akulongoza wantu wadamanya yehiye na kaula eza kuzwa simlaha kulongozi kwenyu sione wihi mo mntu yuno ikulanga mbuli yoyose ambayo nyuwe mwamlaha yeye.
\v 15 Bule hegu Helode kwaviya kamvuza mwetu naho kaula hahna chochose adamanye chikunga nkanto ya file.
\v 16 Mwe ivyo elo nanimkantile na kumlekeila.
\v 17 Haluse Pilato ongigwa amlekele mfungwa yumwanga wa chiyahudi mwe zuwa kulu.
\p
\v 18 Mna wose niyo watula ulwasu hamwenga wakagamba, mlavye uyo naho chifunguile Balaba.
\v 19 Balaba nendile ni mntu uyo aikigwe mwe digeleza kwaviya na ni mbanasi fulani mo mzi na kwakukoma.
\v 20 Pilato niyo agamba, naho akaunga kumlekeila Yesu.
\p
\v 21 Mna wowo watula ulwasu msulumize, msulumize.
\v 22 Niyo awauza mwe nkanana ya katatu nimbwani yuno mntu kadamanya wavu wani? Sipatile masa yakunga nkato ya file mwakwe mwe ivyo aho nanibinde kumkantila nanimlekeile.
\v 23 Mna wavilikiza kwa izwi dya kulanga wakaunga asulumizwe na maizwi yawo niyo yamhembeleza Pilato.
\v 24 Ivyo Pilato kamkantila na kuwenka ivyo wakunga.
\v 25 Niyo amlekeila yudya wamungile uyo akantilwa mwe digeleza mwe kuhosa usongaganyi ngavu ngavu na kukoma, mna niyo amlavya Yseu mwe viya wakunga wowo.
\p
\v 26 Umo wakamwigala nawambwila mntu yumwenga akwitangwa simoni Ukilene akalaila mwe isi niyo wamtwisa umsalaba chani awinule akamtongela Yesu.
\v 27 Bunga kulu dya wantu na wavyele awo nawafambazi na kulombeza mwe vikulanga weye nendile wakamtongela.
\v 28 Mna niyo awhitula Yesu niyo awgambila vigoli wa Yelusalemu msekunilila miye mna mwe ilile nyuwe na vikulanga wana wenyu.
\v 29 Kaula mazuwa yeza ayo nawalonge wajimbikwe hewekweleka na nda hezikwelekwa na matombo ayo heyekonkeza.
\v 30 Naho nawakonge kugambila lugulu chigweleni na vigulu mchigubike.
\v 31 Kwaviya saviya wakudamanya mbuli zino uneva mti mbisi naitende zeze unatenda unyala?
\p
\v 32 Wagosi watuhu wavu waidi nawegalwa hamwenga naye chani wakomwe.
\v 33 Weze wabule hantu hakwitangwa Gobela dya mtwi nivyo wamsulumiza hamwenga na wadya awavu yumwenga ntendele ya kulume no mtuhu ntendele ya kumoso.
\v 34 Yesu nakagamba tate uwalekeile kwaviya hawamanyize icho wakudamanya niyo watowa usagulo kusangilana izisuche zakwe.
\v 35 Wantu nendile wachimala wakasinya kuno vilongozi wakambela wakagamba kawambula watuhu eambule mwenye hegu yeye ni Kulisito ywa Chohile msagulwa.
\p
\v 36 Wankondo nawo nawambela wamsogeila yeye na kumwinka divai igwaduke.
\v 37 Wakagamba, Hegu weye wi Mseuta ywa Chiyahudi kweambule mwenye.
\v 38 Nendile naho na ulahi mlanga mwakwe udolonywe, YUNO NUYO MSEUTA YWA CHIYAHUDI.
\p
\v 39 Yumwenga ywa wabanasi asulumizwe nakamhozola akagamba, Weye si weye Kulisito? Kweambule mwenye na suwe.
\p
\v 40 Mna yudya umtuhu ahitula akamkwahila na kugamba vino weye hukumogola Chohile weye umwe makanto ayo ayo?
\v 41 Suwe chihano mwe kuwagila kwaviya suwe chohokela chiya chikuwagila mwe madamanyo yetu mna mntu yuno hadamanye chochose chihiye.
\v 42 Niyo ajendeleza Yesu unikumbuke umo ukengila mo Useuta wako.
\p
\v 43 Yesu amgambila Taile nakugambila dyelo dino nautende hamwenga na miye hahoile.
\p
\v 44 Aho nandile haguhi na sa mtandatu chiza nachimlanga mwe isi yose kubula sa chenda.
\v 45 Ulangazi we dizuwa na ugubika niyo idipaziya dya nyumba nkulu dya Chohile niyo dyapangana hagati gati kukongela kulanga.
\v 46 Akaila mwe izwi kulu Yesu nakalonga Tate mwe mikono yako naika umuye wangu niyo eze alonge yano abanika.
\p
\v 47 Aho akuda eze awone yadamanyike nakamtunya Chohile akagamba, chindedi yuno nendile mntu awagile.
\v 48 Ichipindi bunga dya wantu wezile hamwenga ukuukula weze waone mbuli zidamanyike nawauya kuno wakatowa ivifuwa vyawo.
\v 49 Mna wambuya zakwe, na wavyele wamtongele kulawa Galilaya nawachimala kwa hale wakasinya izo izimbuli.
\p
\v 50 Kaula na hana mntu akwitangwa Yusufu nendile ni yumwenga wa chitala mntu mtana na mwenye kuwagila.
\v 51 Nendile hawagilwe na makanto hegu madamanyo yawo kaula Alimasaya umzi wa Chiyahudi awo nendile ukagoja Useuta wa Chohile.
\v 52 Mntu yuno nakamsogila Pilato akalombeza enkigwe umwili wa Yesu.
\v 53 Nakamseleza niyo auzingiliza sanga na kumwika mwe mbila nendile isongolwe mwe yuwe ambadyo hahana awahiye kuhambwa.
\v 54 Nendile ni zuwa dya kufunganya na kuhumula dihaguhi.
\v 55 Wavyele ezile nawo kulawa Galilaya nawamtongela niyo waona na ivyo umwili wakwe ivyo ugonezwe.
\v 56 Nawauya na kukonga kufanyanya manukato na malashi akajika zuwa dya kuhumula na wahumula kwaviya vikulanga sigilizi.
\c 24
\cl Sula 24
\p
\v 1 Mvuku vuku vidala zuwa dya nkongo dya juma naweza mwe mbila nawaleta manukato ayo wendile wayafunganya.
\v 2 Niyo wabwila yuwe difingiliswa hale ne mbila.
\v 3 Niyo wengila mndani mna hawaumbwile umwili wa Zumbe Yesu.
\v 4 Nailaila kugamba ichipindi wehelwa vikulanga dino aho wantu waidi nawachimala mgati mwawo wavaile suche zing'aile.
\v 5 Wavyele wakatenda wamemwa ni woga naho wakafunama nyuso zawo hasi wawagamba wavyele ni mbwani mwamlonda emjima mgati mwa wabanike?
\v 6 Hahali hano mna kauyuka, kumbukani ivyo alongile na nyuwe umo nendile neyuko uko Galilaya.
\v 7 Kagamba kugamba Mwana ywa Adamu aungigwa alavywe mwe mikono ya wantu wenye masa, naho nasulumizwe na zuwa dya katatu nauyuke naho.
\v 8 Wadya wavyele niyo wakumbuka ulosi wakwe,
\v 9 niyo wauya kulawa mwe mbila na kuwagambila mbuli izo zose wadya mlongo na yumwenga na watuhu wose.
\v 10 Niyo Maliamu Magidalena, Joana, Maliya nine dya Yakobo na wavyele watuhu hamwenga nawo walavya imbuli ino mwa wasigilwa.
\v 11 Mna ulosi uno uwonekana saviya utani du mwa wasigilwa naho hawawazumile wadya wavyele.
\v 12 Mna Petulo niyo enuka niyo aguluka kubula kwembila niyo asungila na kusinya mndani awona sanda ichedu, Petulo akajika ahalawa kwita kukaya kwakwe, akehelwa ni chintu chani chilaile.
\p
\v 13 Naho kaula waidi mgati mwawo nendile wakaita zuwa idyo idyo mwe chijiji chimwenga chikwitangwa Emau, icho nendile maili milongo mtandatu kulawa Yelusalemu.
\v 14 Niyo walafya wowow kwa wowo vikulanga mbuli zose zilaile.
\v 15 Niyo yalaila kugamba, ichipindi nendile wakalafya na kuzana Yesu niyo asogela haguhi alongozana nawo.
\v 16 Mna meso yawo naya chindwa mwe kumbunkula yeye.
\v 17 Yesu niyo awagambila, ni mbwani yuwe waidi mwachisimwila kuno mwajenda? Niyo wachimala ahdya wakawonekana wajela mbazi.
\p
\v 18 Yumwenga ywawo zina dyakwe Cleopa niyo ahitula vino weye wi mntu ichedu hano Yelusalemu uyo hamanyize mbuli zilaile uko mazuwa yano?
\p
\v 19 Yesu niy awagambila mbuli zani? Wamhitula mbuli zikulanga Yesu Mnazaleti yuo nendile muoni mdahi mwe ntendwa, na ulosi kulongozi kwa Chohile na wantu wose.
\v 20 Naho mwe ivyo wakulu wa walavyantambiko na vilongozi wetu ivyo wamlavize kukantilwa file na kusulumizwa.
\v 21 Mna nachina msuhi kugamba, yeye nuyo nawaike hempeho Izulaeli naho hale na yano yose, haluse ni zuwa dya katatu umo mbuli zino zilaile.
\v 22 Mna naho watuhu wa wavyele kulawa mwe bunga dyetu nawachehela eze waite uko kwembila chilo chilo na mavukuvuku.
\v 23 Weze wauwese umwili wakwe niyo weza wakagamba kugamba nawaona naho mpituko ya mndima ywa kwembingu walongile kugamba ni mjima.
\v 24 Awatuhu wa wagosi awo nendile hamwenga na suwe na waita kwembila na kubwila ni saviya wavyele walongile mna hawamuone yeye.
\p
\v 25 Yesu niyo awagamba, nyuwe wantu wahezi naho wenye myuye izamile ya kuzumila yose endile waoni walonga.
\v 26 Vino hayungigwe Yesu kusulumizwa mwe mbuli zino na kwingila mo Ukuka wakwe?
\v 27 Akajika kuongela mwa Musa na waoni wose Yesu kuwagambila mbuli zikumlanga yeye mwa amadolonyo yose.
\p
\v 28 Weze watende haguhi ne chiya ichijiji uko nendile wakaita Yesu niyo adamanya saviya kugamba, ajendeleza kulongozi.
\v 29 Mna wamkinkisa wakagamba, Ikala hamwenga na suwe kwaviya yajendeleza nechisingi na zuwa diswa ivyo Yesu niyo engila kwwitwkwikala nawo.
\v 30 Nailaila kugamba, ichipindi kekela nawo na kudya nakaguha bofulo ajimbika na kubesula niyo awenka.
\v 31 Niyo ameso yawo yagubulwa wammanya niyo ahalawa aho mwa meso yawo.
\v 32 Niyo walosana wowo kwa wowo vino ni myuye yetu hsisangale mndani mwetu ichipindi eze alonge naswi mweisila ichipindi achigubwile mawandiko?
\v 33 Niyo wenuka isa iyoyiyo nakuya Yelusalemu niyo wawabwila wadya mlongo na umwe wachintana hamwenga na wadya wendile hawenanawo.
\p
\v 34 Niyo wagamba, Zumbe kauyuka chindedi chindedi na kamlaila Simoni.
\v 35 Ivyo niyo wawgambila, mbuli zilaile mwe sila na ivyo Yesu awabunkuile wawo mwe kuubesula idibofulo.
\p
\v 36 Ichipindi wakalonga izimbuli izoYesu mwenya kachimala mgati mwawo na kuwagambila utondowazi utende mwenyu.
\v 37 Mna nawogoh na kumemwa ni woga, nawakafanyanya kugamba, nawaona muye.
\v 38 Yesu niyo awagambila ni mbwani mnankama? Nimbwani monga muze yakwinukila mwe myuye yenyu?
\v 39 Kaulani imikono yangu ne iviga vyangu kugamba ni miye mwenye nidontani na muone mwe viya muye hauna nyama na vuha enga ivyo mkuniona miye, kutenda navyo.
\v 40 Eze alonge vino niyo awalagisa imikono yakwe ne viga vyakwe.
\v 41 Weze watende wachei kwelelwa, kuhanganyike na kutokuzumila na kwelelwa, Yesu niyo awagamba vino mna chintu chochose cha kudya?
\v 42 Niyo wamwinka chihande cha samaki yokigwe.
\v 43 Yesu niyo achiguha na kuchidya kulongozi kwawo.
\p
\v 44 Niyo awagamba umo nendile nanywi nasiwagambila kugamba yose yadolonywe mwe sigilizi ya Musa na waoni na zabuli vyaungwa yachinte.
\v 45 Niyo agubula umanyi wawo kugamba wadahe kumanya amadolonyo.
\v 46 Niyo awagambila kugam, ba, idolonywa Kulisito Yaungwa asulumizwe, na kuuyuka naho kulawa kwa wabanike zuwa dya katatu.
\v 47 Naho weile na kulekeilwa wavu yaungwa ilongwe mwe zina dyakwe mwe izisi zose kukongela kulaila Yelusalemu.
\v 48 Nyuwe wi waukuzi mwe mbuli zino.
\v 49 Kaula nawegaila sigilizi ya Tate ywangu, ekulanga kwenyu mna gojani hano he chijiji kubula namvikwe nguvu kulawa kulanga.
\p
\v 50 Niyo nYesu awalongoza kuse, kubula weze watende haguhi Besaniya niyo enula imikono kulanga niyo awajimbika.
\v 51 Niyo yalaila kugamba, ichipindi akatenda awajimbika nakawasa niyo enulwa kulanga kujendeleza ko ulanga.
\v 52 Elo wamvikila na kuya Yelusalemu na kwelelwa kukulu.
\v 53 Wajendeleza kwikala mwe nyumba nkulu ya kuvikila wakamjimbika Chohile.