ziw_reg/42-MRK.usfm

\id MRK
\ide UTF-8
\h Mako
\toc1 Mako
\toc2 Mako
\toc3 mrk
\mt Mako
\c 1
\cl Sula 1
\p
\v 1 Ino ni nkongelo ya mbuli yedi ya Yesu Kulisito mwana ywa Chohile.
\v 2 Saviya idolonywe ni muoni Isaya, kaula namsigila, msigilwa ywangu kulongozi kwako yumwenga akunga aimalanywe sila yangu.
\q
\v 3 Izwi dya mntu akwila kwe mbingu ichintizeni isila ya Zumbe zinyoloseni sila zakwe.
\p
\v 4 Yohana nakeza na kubatiza kwenyika na kulonga mbuli za ubatizo wa kweila kwa kulenguswa masa.
\v 5 Isi yose ya Yudeye na wantu wose wa Yelusalemu nawaita kwakwe, nandile wakabatizwa naye mo mto Yolodani, wakeila masa yawo.
\v 6 Yohana nendile kavika suche za mazoya ya maguniya na misipi wa mkota mwe chigudi chakwe, nendile akadya sije na uchi wa kwenyika.
\v 7 Nakalonga mbuli zedi na kugamba, eyaho yumwenga akwiza badala yangu mwenye udahi ulozize kujinka miye na sina udahi hata wa kufunama hasi na kufungula sigi ye vilatu vyakwe.
\v 8 Miye nasiwabatiza kwa mazi mna yeye nawabatize nyuwe kwa Muye Ukukile.
\p
\v 9 Nailaila mwwa mazuwa ayo kugamba, Yesu nakeza kulawa Nazaleti ya Galilaya naho nakabatiza ni Yohana mwe dikolongo dya mto Yolidani.
\v 10 Chipindi Yesu eze enuke kulawa kwa mazi nakawona mbingu zipangana mwazi na muye akasela hasi mmlanga mwakwe saviya kasuwa manga.
\v 11 Naho izwi dilaila kwembingu dikagamba, weye ni Mwanangu hungisa naho huwagilwa naye.
\v 12 Akaheza nkanana imwenga Muye kamkinkisa kwita kwe nyika.
\v 13 Nendile kwenyika mazuwa mlongo na mine akajezwa ni mwavu, nakatenda hamwenga na wanyama wa kumbago na wandima wa Chohile wamsankanila.
\p
\v 14 Halluse bada ya Yohana kugwilwa Yesu nakeza Galilaya akalonga mbuli ya Chohile.
\v 15 Akalonga chipindi chichinta na Useuta wa Chohile wihaguhi kweileni na kuizumila mbuli yedi ya Chohile.
\p
\v 16 Naho nawakajinka mnkand mwe bahali ya Galilaya, ivyo amuona Simoni na Anduleya mlukolo wakwe Simoni wakadula lavu mwe bahali kwaviya nendile ni walowa.
\v 17 Yesu niyo awagambila, soni mnitongele naniwatende walowa wantu.
\v 18 Nho nkanana imwenga niyo waleka nyavu niyo wamtongela.
\v 19 Ivyo, Yesu eze ajende uhale chidogo kamuona Yakobo mwana ywa Zebedayo na Yohana mlukolo ywakwe nawendile mwe mtumbwi wakadamanya nyavu.
\v 20 Nawo nakawetanga nawo wamwasa tati yawo Zebedayo mndani mo mtumbwi wazumizi aguligwe, niyo wamtimila.
\p
\v 21 Naho weze wabule Kapeleneumu zwa dya kuhumulaYesu niyo engila mwe nyumba ye divikilo na kuwahinya.
\v 22 Wadyehelwa hinyo dyakwe, kwaviya nendile akawahinya saviya mntu ambaye ana udahi na siyo saviya wadolonyi.
\v 23 Mazuwa ayo, ayo nendile kuna mntu mwenyumba ye divikilo dyelo endile na muye mchafu, niyo atowa ulwasu.
\v 24 Akagamba china chibwani cha kutenda na weye Yesu wa Nazaleti? Kwiza kuchikoma? Na kumanya wi yuhi. Weye wi Mkuka ichedu ywa Chohile.
\p
\v 25 Yesu nakamkwahilampeop na kugamba, nyamala naho ufose mndani mwakwe!
\v 26 Naho muye mchafu niyo wamgwisa hasi niyo wafosa kwakwe kuno akaila kwa izwi dya kulanga.
\p
\v 27 Naho wantu wose nawehelwa ivyo, niyo wauzana chila yumwenga ino nimbwani? Hinyo hya dyenye udahi? Hata dyawalonga mapepo machafu nyo yazumila.
\v 28 Ne habali kumlanga yeye mwe zuwa dimwenga niyo zajendeleza chila hantu mndani mo mkowa owse wa Galilaya.
\p
\v 29 Na zuwa dimwenga bada ya kufosa kweise kwe nyumba ye divikilo, wengila mwe nyumba ya Simoni na Anduleya wakatenda na Yakobo na Yohana.
\v 30 Halue nine mkwewe Simoni nendile kagona ni mnyonje wa homa, na zuwa dimwenga wamgambila Yesu mbulin zakwe.
\v 31 Ivyo niyo eza niyo amtoza kwa mkono na kumwinula kulanga homa niyo yahalawa kwakwe, niyo akonga kuwambiza.
\p
\v 32 Chisingi ivyo zuwa dizamile nawamletela kwawe wose wendile ni wanyonje hegu wamemigwe ni mpepo.
\v 33 Mzi wose uchintana hamwenga, mo lwivi.
\v 34 Kawa honya walozize wendile wanyonje na manyonje yesimane na kulavya mpepo kulonga kwaviya nawamanya.
\p
\v 35 Nakenuka chilochilo chipindi hakunati kucha, nakahalawa na kwita hantu he falaga na kulombeza uko.
\v 36 Simoni na wose nendile naye nawamzungula.
\v 37 Nawampata na kumgambila chila yumwenga akuzungula.
\p
\v 38 Nakawagambila chiteni hantu hatuhu kuse mwe mizi ikuchizunguluka chani nidahe kuilonga mbuli yedi uko nako.
\v 39 Nakaita kujinkiila Galilaya yose akalonga mbuli yedi mwe izinyumba za mavikilo yawo nakukwahila mpepo.
\p
\v 40 Mta matana yumwenga nakeza kwakwe nendile wakamgamba nakafika madi na kumgamba uneva waunga wadaha kunitenda nitende wedi.
\p
\v 41 Akasukumwa ni mbaziYesu nakanyolosa umkono wakwe na kmdonta akamgamba, naunga utende wedi.
\v 42 Mala imwenga matana yo yamfosa naho katendwa kutenda mjima.
\v 43 Yesu niyo amfundisa na kumgamba aite nkanana imwenga du,
\v 44 Nakamgambila usinyise unasekulonga mbuli kwa yoyose mna hita welagise kwa mlavyantambiko na ulavye lavyo kwachausa cho ukuka ambawo Musa nakausigila saviya ukuzi kwawo.
\v 45 Mna nakaita na kukonga kuwagambila chila yumwenga na kulonga mbuli kujendeleza hata Yesu hadahile naho kwingila mo mzi kwa kulekeilwa, ivyo nakekala hantu wantu naweza kwakwe kulawa chila hantu.
\c 2
\cl Sula 2
\p
\v 1 Eze auye Kapelanaumu bada ya mazuwa majeche niyo yevika kugamba nendile we kukaya.
\v 2 Wantu walozize vidala nendile wadugana hadya naho hahatendile na nafasi naho, hata idya ya hadya ho luvi yesu nakalonga uosi wakwe.
\v 3 Akaheza bazi ya wantu naweza kwakwe wamletela mtu nendile kaholomala, wantu wane nendile wamweleka.
\v 4 Chipindi wadunduga kumseleza kwaviya bunga dya wantu niyo wausa paa kulanga kwa hantu hadya nendile weli, niyo watenda waheza kubusa langa, niyo waseleza ulusazi ambawo umntu nendile aholomale nakatenda kagona.
\v 5 Eze awone utondowazi wawe, Yesu niyo amgambila mntu aholomale, mwanangu wavu wako ulekelwa.
\p
\v 6 Mna bazi ya wadolonyi wadya nendile wekala hadya wakeuza mwe myuye yawe.
\v 7 Adaha zee mntu yuno kulonga vino? Abela ni yani akudaha kulekeila masa mafani Chohile yeye ichedu.
\p
\v 8 Chimpupa Yesu niyo kamaya mo muye wakwe icho nendile wakafanyanya wamwenga wawe, wenye, niyo awagamba, kwambwani mwafanyanya vino mwe imyuye yenyu?
\v 9 Ni dihi dihuhile kwenyu kulonga kwa mntu aholomale masa yako yalekeilwa hegu kulonga chimala, guha ulusazi lwako na ujende.
\v 10 Mna chani wapate kumanya yakutendeka Mwana ywa mntu ana udahi wa kulekeila masa mwe isi, niyo awagamba yudya aholomale.
\v 11 Nakumgamba weye inuka, guha mcheka wako wite kukaya kwako.
\p
\v 12 Niyo achimala nkana imwenga aguha umcheka wakwe, niyo kaita kuse kwenyumba kulongozi kweinyumba ya chila mntu, ivyo wantu wose niyo wehelwa nakumwinka Chohile ntunyo, nakulonga hata hachiwahiye kusinya mbuli age zino.
\p
\v 13 Nakaita naho hankanda hediziwa ne dibunga dyose dya wantu wezile kwakwe na kuwahinya.
\v 14 Niyo nendile akajinka niyo kamuwona Lawi mwana ywa Alifayao kekala mwenye hantu hekuchisanya maliho na kumgamba nitongela nakachimala na kumbasa.
\p
\v 15 Naho chipindi Yesu nendile akapata cha kudya, mwe inyumba ya Lawi, wakukuchisanya maliho walozize na wantu wenye masa nendile wakadya na Yesu na wanampina wakwe kwaviya nawatenda waloza nawo wamtongela.
\v 16 Chipindi wadolonyi ambawo nendile ni ni Mfalisayo weze waone kugamba Yesu nendile akadya na wantu wenye masa na wakuchisanya maliho niyo awagambila wanampina wakwe kwambwani wadya na wakuchisanya maliho na wantu wata masa?
\p
\v 17 Chipindi Yesu eze eve ivyo, awagamba wantu wekale wanene mwe mili hawakunga mganga mna wantu wanyonje awodu nawo wakunga, sizile kuwetanga wamtu wata kuwagila mna wantu wata masa.
\p
\v 18 Wanmpina wa Yohana na Mafalisayo nendile wakafunga, na bazi ya wantu naweza kwakwe na kumgambila kwambwani wanampina wa Yohana na Mafalisayo wafunga, mna wanampina wako hawakufunga?
\p
\v 19 Yesu niyo awagamba togolani nezile kwe inyinka wadaha kufunga chipindi zumbe we inyika bado akatenda hamwenga nawo? Kwaivyo vyose Zumbe we inyika akatenda hanti eyuko hamwenga na wowo hawakudaha kufunga.
\v 20 Mna mazuwa naye ze chipindi Zumbe we nyinka umo akauswa kawe, na mwa mazuwa ayo nawo nawafunge.
\p
\v 21 Hakuna mntu akusuma chipande chihya cha suche mwe vazi kulu kulu vituhu naho chilaka chabanduka kulawa mwe iyo ihya, kubanduka kulawa mwe kulukulu naho hahatende hatatuka vihiye.
\v 22 Hahana mntu akujela divai hya mwe chikombe sicho chedi bila ivyo yatula ivymbo naho vyose vidi idivai na ivyo navyage badala yakwe, ika divai pya mwe chikombe chihya.
\p
\v 23 Mwe zuwa dya kuhumula Yesu nakajinka mwe bazi ya nkonde, na wanampina wakwe niyo wakonga kuguha bazi ya masuke ya ngano.
\v 24 Nho Mafalisayo niyo wamgamba, kaula kwambwani wadamanya chintu ambacho ni chinyume cha sigilizi mwe zuwa dya kuhumula?
\p
\v 25 Niyo awagambila hamkusoma chiya adamanya Daudi, chipindi ekale mwe kunga na sala yeye hamwenga na wantu nendile ehamwenga naye?
\v 26 Saivyo ajendile mwe inyumba ya ya Chohile chipindi Abiasali atendile mlavyantambiko mkulu niyo kadya mgate wikigwe kulongozi ambawo nawikala chinyume cha sigilizi kwa mntu yoyose kudya lamda walavyantambiko naho nakawenka bazi ya wadya wendile naye?
\v 27 Yesu niyo alonga zuwa dya kuhumula niyo itendeka kwachausa cha Mwana mntu sivyo Mwana mntu kwa chausa cha zuwa dya kuhumula.
\v 28 Ivyo Mwana ywa mntu ni Zumbe hate kwe zuwa dya kuhumula.
\c 3
\cl Sula 3
\p
\v 1 Naho niyo engila nyumba ya ntambi mudya namo namna mntu mnta mkono uholomale.
\v 2 Wantu wesimile nawambasa kwa hajihi, waone hegu namhonye zuwa dya kuhumula chani kugamba wamwigale kwechitala.
\v 3 Yesu amgamba mntu mta mkono uholomale inuka uchimale mgati mwe dibunga dya wantu wano.
\v 4 Niyo awagamba wantu, vino ni vitana kudamanya mbuli yedi mwe zuwa dya kuhumula hegu kudamanya heyekuwagila kumbwila ujima hegu kuukoma? Mna niyo wanyamala.
\v 5 Niyo wamsinya kwa maya, niyo anyanyahala kwa udala we muye yawe, niyo amgamba yudya mntu nyolosa umkono wako niyo anyolosa Yesu naye niyo amhonya umkono wakwe.
\v 6 Mafalisayo niyo wafosa kweise niyo wakutenda njama hamwenga na mahelode kumlanga yeye chani wamkome.
\p
\v 7 Niyo Yesu hamwenga na wanampina wakwe niyo waita kwe ibahali naho umati ulozize niyo wambasa ukalawa Galilaya na Uyahudi,
\v 8 nakulawa Yelusalemu na kulawa Idumaya na kulongozi kwa Yolodani na mozi wa Tilo na Sidoni umati mkulu eze wive chila chintu atendile niyo weza kwakwe.
\v 9 Niyo awagamba wanampina wakwe waike vyedi ngalawa ndodo kwachausa chakwe, cha umati chani kugamba wanase kumvigaviga.
\v 10 Kwaviya nakahonya walozize, chani chila mntu mta masulumizo nendile akabesa ambwile amdonte.
\v 11 Hohose mpeho chafu wakamuwona, wagwa hasi kulongozi kwakwe na kuguta, wagamba weye wi Mawna ywa Chohile.
\v 12 Niyo azikwahila zisekutenda amanyike.
\p
\v 13 Niyo aita kulanga ko lugulu, niyo etangwa awo ungile niyo waita kwakwe.
\v 14 Niyo asagula mlongo na waidi awo etenge wasigilwa, chani kugamba watende hamwenga na yeye naho adehe kuwasigila kulonga mbuli yedi.
\v 15 Nakutenda na udahi wa kulavya mpepo.
\v 16 Niyo asagula mlongo na waidi, Simoni akwitagwa Petulo,
\v 17 Yakobo mwana ywa Zebedayo, na Yohana mwelekwa ywa Yakobo, enkigwe zina dya Bonagesi, awo ni wana wa mvumilo,
\v 18 Anduleya, Filipo, Batolomayo, matayo, Tomaso, Yakobo, mwana ywa Alifayo, Tadayo, Simoni mkakanayo,
\v 19 na Yuda Isikaliyote, uyo amhituke,
\p
\v 20 Niyo aita kukaya na umati wa wantu niyo weza hamwenga na yeye hata wasekudaha kudya mgate.
\v 21 Walukolo wakwe wweze weve ivyo, niyo waita wakumgwila kwaviya wagamba kapilika mnulu.
\p
\v 22 Wadolonyi eze weve kulawa Yelusalemu niyo wagamba kavalukwa ni Belizebuli, na kwamkulu ywa mpepo.
\p
\v 23 Yesu niyo awetenga kwakwe niyo alonga nawo kwa miliganyo.
\v 24 Hegu Useuta ukapangana wenye, Useuta uwo haukuchimala.
\v 25 Hegu nyumba yepanga yenye, nyumba iyo haikudaha kuchimala.
\v 26 Hegu mwavu akenula chinyume chakwe mwenye na kupangana, hakudaha kuchimala, naho natende kabula uhelo wakwe.
\v 27 Mna hakuna hata yumwenga akudaha kwingila mndani mwe nyumba ya mntu mta udahi niyo abawa vintu vyakwe bila kumtaliza mta udahi nkongo nivyo naole vimnyumba.
\v 28 Chindedi nawagambilani masa yoyose ya wana wa mntu, nayalekeilwe hamwenga na vihiye ivyo wakulonga.
\v 29 Mna yoyose akunga amlonge vihiye Muye Akukile halekeilwe ng'o, mna ana masa ya kale na kale.
\p
\v 30 Yesu kalonga ivyo kwaviya wagamba nandile ana muye mchafu.
\p
\v 31 Niyo mami yakwe na walukolo wakwe niyo weza wachimala kuse, niyo wayuma mntu akamwitange.
\v 32 Naho bunga dya wantu nadikala hamwenga na yeye niyo wamgambila, mami yako na walukolo wako weheise naho wakulonda weye.
\p
\v 33 Awahitula ni yuhi mnala na walukolo wangu.
\v 34 Awasinya wadya wekalanye wamzunguluke niyo agamba, kaula wano nawo wamnala na walukolo wangu.
\v 35 Yoyose akusankana na ivyo akunga Chohile, mntu uyo ni mlukolo ywangu na lumbu na mnala ywangu.
\c 4
\cl Sula 4
\p
\v 1 Naho nakakonga kuhinya mnkanda mnkanda we bahali, naho bunga kulu achintanye wakamzunguluka niyo engila mndani mwe ngalaw, na kwikala, bunga dyose nendile mnkanda mwe bahali molukwambiza.
\v 2 Niyo awahinya mbuli zilozize kwamiliganyo na kugamba mwawo mwe mahinyo yakwe.
\v 3 Tegelezani mhandi nakaita kuhanda.
\v 4 Umo akahanda izimbeyu izimwenga zigwela mwe isila na wadege wweza na kuzidya.
\v 5 Izimbeyu izintuhu nazigwela mwe luwe, ambaho hahana ulongo ulozise niyo zanyala, kwaviya nendile hezimwe ulongo ukuwagila.
\v 6 Mna zuwa dize dilawe niyo zanyuluka, kwaviya nandile hazina maizi niyo zanyala.
\v 7 Mbeyu izintuhu nazigwela mgati gati mwe miwa, miwa nendile ikazifinta niyo hazeleke tunda dyodyose.
\v 8 Izimbeyu izintuhu nazigwela mwe ulongo mtana, nakwelaka matunda umo zikakula na kujenyela, izintuhu nazeleka nkanana milongo mitatu vitendese, izintuhu mlongo mtandatu naizintuhu magana.
\v 9 Niyo agamba yoyose mwenye magutwi ya kwiva neve.
\p
\v 10 Yesu eze atende echedu, wadya wendile wehaguhi naye na wadya mlongo na waidi nawamuza mwe miliganyo.
\v 11 Niyo agamba mwawo, mwenyu mwinkigwa kubunkula mbuli zifisigwe zo Useuta wa Chohile, mna kwa wekuse chila chintu ni miliganyo.
\q
\v 12 Chani wakasinya nivyo husinya, mna hawakuwona naho mwe ivyo weze weve nivyo weva, mna hawakumanya, hegu wamanyize nawamhitukila Chohile hegu hawalekeile masa.
\p
\v 13 Niyo alonga mwawo vino hamkumanya mliganyo uno? Namdahe zeze kumanya miliganyo mituhu?
\v 14 Mhandi nakahand ulosi.
\v 15 Awatuhu ni wadya wagwele mnkanda mwe isila, hantu ulosi uhandigwe, naho weze weve, aho mwavu niyo eza auguha ulosi ambawo uhandwa mndani mwawo.
\v 16 Na watuhu ni wadya wahandigwe mlanga mwe yluwe, ambawo weze weve ulosi aho wauhokela mwa kwelelwa.
\v 17 Naho hawana maizi yoyose mndani mwawo, mna wajijimiza mwe chipindi chiguhi, akajika nkunto na masulumizo vikeza mwe viya mwe ulosi aho wakobadika,
\v 18 Na awatuhu ni wadya wahandigwe mwe miwa wawiva ulosi.
\v 19 Mna nkondo ye isi udanti wa ugoli na tama za mbuli ntuhu ziwengila na kufinta ulosi niyo yashindwa kweleka matunda.
\v 20 Akajika kuna wadya wahandigwe mwe ulongo mtana, weva ulosi na kuuhokela na kweleka matunda, watuhu nkanana milongo mitatu na watuhu nkanana milongo mtandatu na wamwenga nkanana gana.
\p
\v 21 Yesu niyo awagambila vino, mwaletaga tata mndani mwe nyumba na kwika hasi mwe ntangulu hegu naho hasi ho lusazi? Waileta mndani na kuika mlanga mwe chiya.
\v 22 Kwaviya hana chochose chefisize kugamba hachimanyike, naho hamna chikufiswa ambacho hachigubulwe hang'aile.
\v 23 Akawenka wenye magutwi ya kutegeleza na ategeleze.
\p
\v 24 Niyo awagamba ikalani na kusinyisa mwe chiya mkuchiva chihimo mkuhimila nicho namhimilwe naho naijenyezwe kwenyu.
\v 25 Kwaviya yeye ananacho hahokele vijenyele na yudya henenecho kulawa kwakwe naviguhigwe na viya ananavyo.
\p
\v 26 Niyo agamba Useuta wa Chohile uliganizwa na mntuahandile mbeyu mwe ulongo.
\v 27 Eze agone nechilo na kwinuka mtondo na mbeyu zikatunga na kukula mna hamanyize ivyo vilaile.
\v 28 Isi yalavya mbeyu yenye nkongo mani akajika haluwa akajika mbeyu zitogile.
\v 29 Ne ichipindi mbeyu ikatenda iva aho hwigala nyengo kwaviya ulozo ubula.
\p
\v 30 Niyo agamba chiuliganye Useuta wa Chohile na chintu chani hegu naho chijeseze mliganyo wani ukulongele?
\v 31 Ni saviya mbeyu ya haladali ambayo eze ihandwe ni ndodod vidala kujinka mbeyu zoase mwe isi.
\v 32 Mnalo umo ikahandwa yatenda nkulu vitendese yatenda ziti kulu kujinka yose mwe busitani, naho yatenda na matambi makulu hata wadege wo ulanga wadaha kuzenga masasa yawo mwe mpeho yakwe.
\p
\v 33 Mwe miliganyo ilozize nakahinya na kulonga ulosi wawo, mwe viya wadahile kubunkula.
\v 34 Naho halongile nawo hajeile miliganyo mna ichipindi eze atende echedu mwenye niyo awagambila chila chintu wanampina wakwe.
\p
\v 35 Mwe dizuwa idyo chipindi che chisingi chiae chibule niyo alonga mwawo chiteni ntendele ya kaidi.
\v 36 Ivyo niyo waleka bunga, wamguha Yesu, ichipindi na emndani mwe ngalawa, ngalawa ntuhu nendile hamwenga naye.
\v 37 Niyo ng'ung'unto nkali mawimbi ya mazi nendile yakengila mndani mwe ngalawa ne ingalawa nendile yajika kumemema.
\v 38 Mna Yesu mwenye nednile mweShetri kagona ntogo, niyo wamwinula, wakagamba, mhinyi vino hukuona suwe chafa?
\p
\v 39 Niyo enuka niyo aikwahila inkung'unto niyo aigamba, ibahali tondowalani dwi, inkung'unto yaleka, nendile kuna utondowazi mkulu.
\v 40 Niyo awagamba kwambwani mwogoha? Vino mchehamnati kuzumila?
\p
\v 41 Niyo wamemwa ni woga mkulu mndani mwawo na kulosana wenye kwa wenye, yuno niyani naho, ni mbwani hata kung'unto ne ibahali vyamwiva?
\c 5
\cl Sula 5
\p
\v 1 Nadaha kubula ntendele tuhu ye bahali, mwe isi ya Wagelesi.
\v 2 Aho chipindi Yesu nendile akafosa kuse kwe ngalawa, mntu yumwenga wenye muye wihiye nakeza kwakwe kulawa kwe zimbila.
\v 3 Mntu yuno nakekala mwe zimbila, hahana adahile kumchinda vitendese, hana hata minyolo.
\v 4 Nendile katalizwa nkana zilizize na mpungu na minyololo, mna kaidumula iminyolo ne zipingu zakwe nazivunwa, hahana hata yumwenga atendile na nguvu ya kumdaha.
\v 5 Chilo na msi akatenda kwe zimbila na mwe magulu, nakaila na kwesenga yeye mwenye mwe mayuwe yasongoke.
\v 6 Eze amuwone Yesu kwa hale, niyo amgulukila kwakwe niyo amfikila madi kulongozi kwakwe.
\v 7 Nakaila mwe izwi kulu, wonga hutendele mbwani? Nakulombeza Mwana Chohile ekulanga vidala? Nakulombeza mwana Chohile mwenye usekunisulumiza.
\v 8 Kwaviya nendile kamgambila mfose mntu yuno weye muye wihiye.
\p
\v 9 Naye nakamuza, zina dyako ni yani? Naye niyo ahitula, zina dyangu ni Legioni kwaviya chiloza.
\v 10 Nakamhembeleza naho na naho asekuwegala kuse ko mkowa.
\v 11 Haluse fyo kulu dya nguluwe nendile dikaliswa mlanga mwe lugulu.
\v 12 Nawo wamunga wakagamba, chisigile mwe zinguluwe chingile mndani mwawo.
\v 13 Ivyo niyo azumila muye mchafu niyo wamfosa na kwingila mndani mwe zinguluwe niyo zagulukila hasi mwe kagulu kuby=ula mwe bahali, naho haguhi he nguluwe milongo magana maidi zididimila mwe bahali.
\p
\v 14 Niyo wadya nendile wkalisa izinguluwe nawaguluka na klavya ulosi wa viya vilaile mo mzi na mwe isi nivyo wantu walozize nawafosa kwita kuona icho chilaile.
\v 15 Nivyo weza kwa Yesu naho nawamuona mntu nendile ana fyo dya myuye ihiye nendile ana fyo, kekala hasi kavikwa naho akatenda mwe fanyanyi zakwe, zichintile niyo nawo wogoha.
\v 16 Wadya nendile waona chiya chilaile mwe mntu nendile mta muye wihiye awagambila viya vilaile mwakwe, naho ikulanga nguluwe.
\v 17 Niyo wakonga kumhembeleza mo mkowa wawo.
\p
\v 18 Naho eze atende akengila mndani mwe ingalawa mntu nendile kalalukwa na muye nakamhembeleza kugamba aite hamwenga naye.
\p
\v 19 Mna hakumzumila, mna kamgambila, hita kukaya kwako na mwa wantu wako naho uwagambile akudamanyize Zumbe na wedi akwinkile.
\v 20 Ivyo niyo aita na kukonga kulonga mbuli nkulu atendile Yesu kadamanya mwakwe na mwe Dekapoli na chila yumwenga nakehelwa.
\p
\v 21 Ichipindi Yesu eze adeluke kwa ntendele ntuhu mndani mwe ingalaw, bunga kulu dichintana na kumzunguluka, eze atende mnkanda mwe bahali.
\v 22 Naho yumwenga ywa vilongozi we divikilo akwitangwa Yailo nakeza, naho eze amuwone nakagwa mwe iviga vyakwe.
\v 23 Niyo mhembeleze vitendese akagamba chigoli wangu mdodo ehaguhi na kubanika, nakuhembeleza soo naho ujeleke imikono yako mlanga mwakwe chani kugamba adahe kupata ujima na kwikala.
\v 24 Ivyo nakita hamwenga naye ne idibunga kulu dimtongele nawo nawamwazaganya mwazaganya haguhi wakamzunguluka.
\p
\v 25 Nahendile na mvyele nendile akalawa sakame yakwe nendile naifosa kwa mihilimo milomgo na midi,
\v 26 Nakasulimila vitendese hsi he waganga walozize naho nakajeseza chila chintu nendile anancho, mna ivyo havimwambize chochose, mna ukaleka kuzidi kutenda na hali ihiye.
\v 27 Keva ulosi ukulanga Yesu ivyo nakeza mnyumba mwakwe chipindi nendile akajenda mndani dibunga naye niyo adota isuche yakwe.
\v 28 Kwaviya nakagamba, nina donta isuche yakwe du nanitende mjima.
\v 29 Eze adonte kulawigwa ni sakame niyo kwaleka na kuwona mo mwili wakwe kugambaa nakahonywa kulawa mwe masulumizo yakwe.
\p
\v 30 Aho Yesu niyo abunkula mndani mo mwili wakwe mwenye kugama nguvu zakwe zimlawa, niyo ahituka kuno na kuno mwe idibunga dya wantu na kuza ni yuhi anidontile isuche yangu?
\p
\v 31 Wanampina wakwe niyo wamgamba wawona bunga dino dikufintana wakakuzunguluka, nawe wagamba ni yani anidontile?
\v 32 Mna Yesu naksinya kuno na kuno kusinya uyo nendile amdontile hegu adamanye ivyo.
\p
\v 33 Mvyele nakamanya chilaile mwakwe nakogoha niyo azingiza na kugwa hasi kulongozi kwakwe na kumgambila ni chindedi chose.
\v 34 Naaaakalonga kwakwe chigoli utondowazi wako kutenda utende mjima hita kwa utondowazi na uhonywe kulawa mo unyonje wako.
\p
\v 35 Nendile akalonga watuhu wa wantu naweza kulewa mwe ulongozi wa nyumba ya vikilo, wakagamba, chigoli ywako kabanika, nimbwani wamtumbwadisa mhinyi?
\p
\v 36 Mna Yesu eze eve icho wakulonga, nakamgambila chilongozi ywa nyumba ya vikilo, usekogoha, zumila du.
\v 37 Hamlekeile yoyose kulongozana naye, mna Petulo, Yakobo na Yohana walukolo wakwe Yakobo.
\v 38 Naweza kukaya kwa chilongozi ywa nyumba ya kuvikila naye nakawona ngavungavu, kwila vidala na kung'ung'uzika.
\v 39 Eze engile mnyumba nakawagamba, ni kwambwani mkunyanyanhala noho, kwambwani mwaila? Mwana habanike mna kagona.
\v 40 Nawamseka, mna yeye nakawausa wose kuse, nakamguha tate wo mwana na nine na wadya nawehamwenga naye, naho nakengila mndani endile uydya umwana.
\v 41 Nakaguha umkono wa umwana niyo amgamba, Talisa koum, ni kugamba, chigoli, mdodo nakugamba inuka.
\v 42 Chimpupa niyo umwana niyo enuka na kujenda kwaviya nendile ana lika dya mihilimo mlongo na midi, naho chimpupa watozwa ni lwehelo mkulu.
\v 43 Kawagamba kwa nguvu kugamba hakuna yoyose akungwa kumanya kulanga dino naho kawagambila wamwinke yudya chigoli nkande.
\c 6
\cl Sula 6
\p
\v 1 Niyo ahalawa aho na kwita kwawe, na wanampina wakwe wakamtongela.
\v 2 Zuwa dya kuhumula dize dibule niyo akonga kuwahinya mwe nyumba ya vikilo, wantu walozize nawamwiva na kwehelwa wakalonga kapata kuhi mahinto yano? Ni ntunyo yani ino enkeigwe? Itenda zeze impituko ino kwa mikono yakwe.
\v 3 Togola yuno siyo yudya mtokusongola ywa Maliyamu na mlukolo ywawo wakina Yakobo, Yese, Yuda na Simoni? Togola dadize siwekala hano hamwenga na suwe? Naho hawamwelelwe Yesu.
\p
\v 4 Yesu akawagambila, waoni hamkuswesa ntunyo ikasigala mo mzi wakwe na mgati mwa walukolo na kwenyumba yakwe.
\p
\v 5 Hakudaha kutenda mpituko aho, mna niyo awekiya mikono wanyonje wajeche na kuwahonya.
\v 6 Niyo kehelwa vidala kwaviya hekumzumila kwawe, akaheza niyo avzitalamkila izikaya zi hajihi akawahinya.
\p
\v 7 Niyo awetanga wadya wanampina mlongo na waidi niyo akonga kuwasigila waididi niyo kawenka udahi kulanga kwempepo zihiye.
\v 8 Nakuwagamba wasekuguha chochose wakaita ukaleka nkome iyodu, wasekuguha mgate hegu mkoba hegu mwe chibindu,
\v 9 Mna wavike vilatu na siyo nkazu mbili.
\v 10 Nakawagambila, nyumba yoyose mkunga mwingile, ikalani aho kubula umo mkahalawa.
\v 11 Na mzi wowose heukuwahokela hegu kuwetegeleza halaweni kwawe, kung'untani malumbi ye viga vyenyu, utende ukuzi kwawe.
\v 12 Nawo niyo waita kugoneneka wantu kweila na kuleka wavu wawo.
\v 13 Niyo wawabalaza mpepo zilizize niyo wawahaka mavuta wanyonje na kuwahonya
\p
\v 14 Seuta Helode eze eve ayo, kwaviya zina dya Yesu nendile dimanyika vidala, wasiku niyo walonga Yohana mwambula kauyka, na kwachausa icho nguvu ya mpintuko yadamanya ndima mndani mwakwe.
\v 15 Kwachausa chawo walonga yuno ni Eliya, havinati watuhu niyo walonga, yuno ni muoni saviya yumwenga ywa wadya waoni wa kale.
\p
\v 16 Mna Helode eze eve yano niyo alonga Yohana nimkantile umtwi kauyuka.
\p
\v 17 Mna Helode mwenye nakasigila Yohana akantwe na kumtaliza jela kwachausa cha Helodiya mvyele wakakantwe Filipo kwachausa yeye nendile kamsola.
\v 18 Kwa mana Yohana niyo amgamba Helode, Siyo vitana kumsola mvyele ywa kakiyo.
\v 19 Mna Helodiya niyo akonga kwihiwa na nendile akaunga kumkoma mna hakudaha.
\v 20 Mna Helode nakamogoha Yohana, nakamanya kugamba ni mwenye kuwagila mntu mkuka, niyo amwasa mpeho naye eze ajendeleze kumwetegeleza niyo kengila mpeho vidala, mna niyo kelelwa mumwetegeleza.
\p
\v 21 Naho weze wabule chipindi cha kwivana ikatenda ibula zuwa dya kwelekwa Helode niyo awamalanyiza maafisa wakwe ngasu hegu wankondo na vilingozi wa Galilaya.
\v 22 Niyo chigoli wa Helodiya niyo kengila na kuvina kulongozi kwawe niyo ambwedeza Helode na wajeni wekale chipindi cha kudya cha chisingi niyo seuta amgambila, chigoli, nilombeza chochose icho ukunga miye nahwinke.
\v 23 Niyo elisa na kulonga, chochose ukunga unilombeze nakwinke, hata nusu yo useuta wangu.
\p
\v 24 Akafosa kuse akamuza mami yakwe, nilombeze mbwani? Akalonga mtwi wa Yohana mwambula.
\p
\v 25 Naho nkanana imwenga nakengila kwa seuta na kukonga kulonga, naunga unipatile mndani mwe sahani umtwi wa Yohana mbwambula.
\v 26 Seuta niyo kanung'unika vidala mna kwa cheliso chakwe na kwachausa cha wajeni hakudaha kumlemeila lombezo dyakwe.
\v 27 Niyo seuta atuma nkongo yumwenga mgati mwa wamuzi wakwe na kumsigila kwita kuleta umtwi wa Yohana, mwamizi niyo aita kumkanta umtwi akatenda kwe chifungo.
\v 28 Niyo auleta umtwi wakwe mwe sahani na kumpatila chigoli naho chigoli kamwinka mami yakwe,
\v 29 na wanampina wakwe eze weve ayo, niyo waita kuguha umwili wakwe niyo waita kuwika mwe mbila.
\p
\v 30 Na wasigilwa niyo wadugna hamwenga kulongozi kwa Yesu wakamgambila yose ayo wadamabye na ayo wayahinyize.
\v 31 Naye awagambila soni wenye hantu he talanga chiheme kwa chipindi, wantu walozize nendile wakeza na kuhalawa, kubula hawapatile nafasi ya kudya.
\v 32 Niyo wakwela mashuwa waita hantu he falaga ichedu chawo
\v 33 Mna niyo wawaona wakahalawa na walozize wawabunkula kwa hamwenga wakagulukila kwa viga kulawa imizi yose, nawo wabula kabula yawo.
\v 34 Weze wabule mpwani, niyo aona fyo kulu nakuwafila mbazi, kwaviya nendile wekala saviya magoto heyena mdimi, niyo akonga kuwahinya mbuli zilozize.
\p
\v 35 Chipindi akajendeleza vidala wanampina wambasa wakamgambila, hano ni hantu he falaga naho chipindi chajendeleza.
\v 36 Dilage idifyo dite kwe mizi ya hajihi na kwezikaya chani wakegwile chakudya.
\p
\v 37 Mna akawahitula alonga, wenkeni nyuwe cha kudya, niyo wamgamba chadaha kwita kwe kugula migate yenye samani ya dinali magana maidi na kuwenka wadye?
\p
\v 38 Akawagambila, mna migate mingahi? Hitani mkakaule weze wapate niyo wamgambila migate mishano na samaki waidi.
\v 39 Niyo awagmba wantu wekale kwa mabunga kulanga kwe mani mabisi.
\v 40 Wawagamba wekale kwa mabunga ya magana kwa molongo mishano.
\v 41 Akaheza kaguha migate mishano na samaki waidi na kusinya kulanga kwembingu niyo aijimbika akaheza awenka wanampina wakwe waike kulongozi kwe dibunga na akaheza niyo awapangila samaki waidi kwa wantu wose.
\v 42 Wadya wose kubula weguta.
\v 43 Niyo wachisanya mabendu ye migate isigale wamemeza ntangulu mlongo na mbili na mabesu ya samaki.
\v 44 Nawabula wagosi elufu shano wadile imigate.
\p
\v 45 Nkanana awagambila wakwele kwe imashulwa kuntu kutuhu kubula besesaida chipindi yeye akawalonga wadugane.
\v 46 Weze watende waheza kuhalawa, kwe maili kulombeza.
\v 47 Kwize kutende dihunga neimashuwa yawo ichipindi ikatenda mgati mwe ibahali naye umo echedu chakwe si inyaile.
\v 48 Naye niyo awaona wakahangaika kutowa makasiya kwachausa cha mpeho naikawagoma weze wasogele mtondo kawabasa, akajenda kulanga kwa mazi nakaunga kuwajinkila.
\v 49 Mna weze wamuwone akajenda kulanga kwa mazi wengila ni bumbuwazi wakatenda ni mzimu kubula watula ulasu.
\v 50 Ivyo weze wamuone wamemwa ni nkama, nkanana alonga nawo awagambila mtende na ukankalu ni miye msekutenda na nkama.
\v 51 Umo wengile kundani kwe imashuwa na mpeho ileka kuguta, nawo niyo wehelwa kabisa.
\v 52 Niyo hawatendile wakolwa mana ya idya imigate mana umanyi wawo nendile una ukozi chidogo.
\p
\v 53 Nawo weze wavike ntendele, wabula isi ya Genesaleti mashuwa ijela nanga.
\v 54 Weze wafose kuse niyo mashuwwa nkanana wabunkula chila weze weve weve eza.
\v 55 Niyo waguluka kugoneka niyo mkowa mjima na wakonga kuwegala wanyonje kwa machela chila weze weve eza.
\v 56 Hohose engile mwe kaya hegu mo mzi hegu mwe isi, niyo wawaika wanyonje hantu hegwilo, wakamlombeza awagambe wadonte idipindo dye idivazi dyakwe, naho wose wamdontile wahonywa.
\c 7
\cl Sula 7
\p
\v 1 Mafalisayo na bazi ya wadolonyi ambawo walaila Yelusalemu niyo wadugana kumzunguluka yeye.
\v 2 Nawo wawona viya bazi ya wanampina wakwe wadya migate kwa mikono mizavu ambayo haisuntigwe.
\v 3 Kwa Mafalisayo na Wayahudi wose hawakudya kubula wasunta imikono yawe vyedi, watozesa imiko ya wadalahala, chipindi.
\v 4 Mafalisayo weze wauye kulawa hantu he gwilo, hawakudya kubula wahake nkongo, naho kuna sigilizi izimwenga ambazo wazitongela vidala, ikatenda ni hamwenga na kusunta vikombe, masufuliya, viya vya shsba na hata viti vikutumika chipindi cha nknde.
\p
\v 5 Mafalisayo na wadolinyi wamuza Yesu, kwambwani wanampina wako hawakwikala kuligana nae miko ya wadalahala, kwambwani wadya migate bila kusunta mikono?
\p
\v 6 Mna yeye niyo awagambila Isaya nakatabili vitana? Kulanga nyuwe wafisini niyo kadolonya wamntu wano wanitunya kwa milomo yawe mna iyuye yawe ihale na miye.
\q
\v 7 Wadamanyiza miviko heine mana na kuwahinya sigilizi za wantu watuhu saviya mahokelo yawe.
\p
\v 8 Mwileka isigili ya Chohile na kutoza kwa upesi miko ya wantu.
\v 9 Nakalonga kwawe, mwilemele isigilizi ya Chohile kwa uhufu chani kugamba mdime miko yenyu.
\v 10 Kwaviya Musa nakalonga mtunye tati yako na mami yako na yeye akulonga machafu kumlanga tati yako hegu kwa mami yako chindedi nabanike.
\v 11 Mna mwalonga hegu mntu akalonga kwa tati yakwe hegu nine wambizi wowose ambawo namhokela kulawa kwangu ni mpamba ya vikilo ivyo ni kulonga kugamba, ilavigwa kwa Chohile.
\v 12 Ivyo hamkumlekela kudamanya mbuli iyo yose kwachausa cha tate hegu mnala yakwe.
\v 13 Mwaitenda sigilizi ya Chohile kutenda ni bule kuleta miko yenyu, na mbuli zilozize saivyo mkudamanya.
\p
\v 14 Awetanga madugano naho nakuwagambila mnetegeleze miye nyuwe ntose naho mnive.
\v 15 Hakuna chochose kulawa kuse kwa wantu ambacho chadaha kumchafuwa mntu chikengila kwakwe mna ni chiya chikumfosa mntu nicho chikumchafuwa.
\v 16 Sinyisani msitale uno, hegu mntu yoyose ana magutwi ya kwiva naeve, haumuli mwe baluwa za kale.
\p
\v 17 Yesu eze awase madugano na kwingila kunyumba, wanampina wakwe wamuza kulanga umliganyo uno.
\v 18 Yesu kalonga na nyuwe hamnati kukombaganya? Hamkuwona kugamba chochose chikumwingilamntu hachikudaha kumchafuwa.
\v 19 Kwaviya hachikudaha kwita ko muye wakwe, mna chengila mwe inda yakwe naho chikaheza chajinka kwita kwa choo. Kwa ulosi uno Yesu kazitenda nkande zose kutenda zawagila.
\v 20 Niyo alonga na chiya ambacho chamfosa mntu nicho chikumchafuwa.
\v 21 Kwaviya chalawa mndani mwe mntu, kuse ko muye kwalawa fanyanyi za uzavu chilanga, ubavi, ukomi,
\v 22 Uchilanga, tama zihiye, uchafu, kusonya, wivu, kubela, wefenyi, uhezi,
\v 23 Machafu yano yose yalawa kundani, nayo ni yadya yakumchafuwa mntu.
\p
\v 24 Niyo kenuka kulawa hadya, na kuhalawa kwita mo mkowa wa Tilo na Sidoni, niyo kengila kundani naho haungile mntu yoyose amanye kutenda nendile eyeho, mna haidahike mkufisa.
\v 25 Mna kwituka mvyele ambaye mwanakwe mdodo nendile ana muye mzavu, nakeva mbuli zakwe niyo eza na kugwa mwe viga vyakwe.
\v 26 Mvyele uyo nendile ni Muynani ywa kabila dya Kifoniki, nakamunga yeye abalaze mpepo kulawa kwa mwanawe.
\v 27 Yesu niyo amgamba yudya mvyele waleke wana wankizwe nkongo kwaviya haviligane kuguha mgate wa wana na kuwaduila makuli.
\p
\v 28 Mna mvyele niyo amhitula akagamba, nivyo Zumbe hata makuli hasi he meza ywdya amabaki ye nkande ya wana.
\p
\v 29 Amgambila kwaviya kulonga vino, kulekeilwa kwita, mpepo imlawa kale mwanawo.
\v 30 Mvyele niyo auya kukaya niyo ambwila mwanakwe kagona mo lusazi na mpepo nandile kamfosa.
\p
\v 31 Yesuniyo kafosa naho kuse ko mkowa wa Tilo na kujinkila Sidoni kujendelaza bahalia ya Galilaya kubula ntendele ya Dikapolisi.
\v 32 Niyo wamletela mntu hekukwiva naho nendile hakkudaha kulonga vyedi, wamlombeza Yesu aike mikono kulanga kwakwe.
\v 33 Niyo kamlavya kuse ko mdugano kwa fiso, na kwika awadole wakwe mwa magutwi yakwe, na bada ya kutwa mate, niyo amdokola ululimi lwakwe.
\v 34 Niyo asinya kulanga kwembingu na kuhema na kumgamba Efata ivyo niyo kugamba gubuka!
\v 35 Ne ichipindi ichiya ichiya magutwi yavuguka, na chiya nednile chikachinda ululimi chibalangwa niyo adaha kulonga vyedi.
\p
\v 36 Nakuwagambila wasekumgambila mntu yoyose mna kwaviya awagambile nivyo walongile izimbuli izo kwa ulozo.
\v 37 Chindedi nawehelwa, nakulonga, kadamanya chila chintu, hata kawadamanya hewekwiva na hewekulonga walonga.
\c 8
\cl Sula  8
\p
\v 1 Umo idizuwa idyo nakutenda naho kuna fyo kulu hewena nkande Yesu niyo awetanga wanampina wakwe niyo awagamba,
\v 2 Nafila mbazi idifyo dino wajendeleza kutenda na miye kwa mazuwa matatu na hewena nkande.
\v 3 Uneva ninawalaga wauye kwezikaya zawo hewedile wadaha kufa mteho kwa sala na watuhu wawo walawa hale vidala.
\p
\v 4 Wanampina wakwe niyo wamhitula nachipate kuhi mabofulo yakudaha kwiguta wantu wano mwe ntendele ino yasigwe?
\p
\v 5 Niyo awauza mnantili nyingahi za mabofulo? Niyo wagamba mfungate.
\p
\v 6 Awagamba idifyo dikale hasi niyo aguha mabofulo mfungate niyo amjimbika Chohile na kwikanta niyo awenka wana mpina wakwe waike kulongozi kwe difyo.
\v 7 Naho nawendile na samaki wadodod wajeche eze ajimbike awagamba wanampina wakwe wapangile vino navyo.
\v 8 Nivyo wadya na kwiguta niyo wavilogota hamwenga viya visigale ntangulu nkulu mfungate.
\v 9 Wakonga wabule wantu elufu nne niyo awaleka waite.
\v 10 Aho niyo engila mwe mashuwa na wanampina wakwe nawo niyo waita ntendele za mnkanda mwe Dalimanuta.
\p
\v 11 Nivyo Mafalisayo niyo walaile kutanga na kukonga kuhigana naye wakaunga awenke mpituko zikulawa kwembingu kwa kumjeza.
\v 12 Nivyo awazagula vitendese mo muye wakwe akagamba kwa mbwani icheleko chino chalonda mpituko na wagambila nyuwe chindedi hazihali mpituko neilaile mwe cheleko chino.
\v 13 Niyo awasa niyo engila kundani kwe mashuwa naho niyo ahalawa kuhitukila chintu chituhu.
\v 14 Ichipindi icho wanampina nawajala kuguha mabofulo na hewana mabofulo kujinkila besu dimwenga dimwenga mashuwa.
\v 15 Nakawafunda kugamba mtende meso nadimwekujinkila udanti wa Mafalisayo wa Helode.
\p
\v 16 Wanampina niyo walonga wenye kwa wenye ni kwa viya hachina mabofulo?
\p
\v 17 Yesu nakadimanya dino niyo awagambila kwa bwani mwalosana vikunga hatendile na mabofulo, hamnati kumanya naho? Hamkumanya? Myuye yenyu itende hufu.
\v 18 Kwaviya ameso hamkuwona? Na magutwi hamkwiva, hamkufanyanya?
\v 19 Nize nipange amabofulo amashano kwa wantu elufu shano mguha ntangulu nyingahi zimemile mabesu ya mabofulo wamhitula mlongo na mbili.
\p
\v 20 Naumo nize nipange amabofulo mfungate kwa wantu elufu na nne mguha ntangulu nyingahi?
\v 21 Wagamba mfungate awagamba hamnati mmanye?
\p
\v 22 Niyo weza Besisaida wantu awo wamwigala kwa Yesu mntu hekuwona niyo wamlonga Yesu amdonte.
\v 23 Yesu niyo amtoza mkono yudta tuntu na kumlongoza kuse kwe chijiji eze atwe mate kulanga kwa meso yakwe na kuchulusa mikono yakwe kulawa kwakwe na kumuza wawona chochose?
\p
\v 24 Nakasinya kulanga nakugamba, nasinya wantu wakuwoneka saviya miti ikujenda.
\v 25 Niyo akunjula nahom imikono yakwe mlanga kwa meso yakwe mntu yudya kagubula meso yakwe aona naho niyo awona chila chintu chedi.
\p
\v 26 Yesu niyo amlekela aita kukaya niyo amgamba usekwingila mo mzi.
\p
\v 27 Yesu niyo ahalawa na wanmpina wakwe kwita kwe zikaya za Kaiseliya uko Filipi, weze watende mwe sila niyo awauza wanampina wakwe wantu wagamba miye ni yuhi?
\v 28 Niyo wamhitula wagamba Yohana mwambula, watuhu wagamba Eliya na watuhu yumwenga ywa waoni.
\p
\v 29 Mna nyuwe mwagamba miye ni yuhi? Petulo kamgamba weye ni Kusito.
\p
\v 30 Yesu niyo awafunda wasekumgambila mntu yoyose kumlanga yeye.
\p
\v 31 Niyo akonga kuwahinya kugamba, mwana ywa mntu vyaungwa asulumile kwa mbuli zilozize naho nalemelwe na walongozi na walavyantambiko wakulu na wadolonya na wakukile naho vikalawa aho mwe zuwa dya katatu nauyuke.
\v 32 Kayalonga yano pwilili niyo Petulo amguha hankanda niyo akonga kumkwahila.
\v 33 Mna Yesu ahitula na kuwasinya wanampina wakwe na kumkwahila Petulo na kumgamba jinka kunyuma kwangu mwavu hukusinya mbuli zaChohile ukaleka mbuli za wantu.
\p
\v 34 Niyo etanga bunga dya wanampina wakwe hamwenga na kuwagamba hegu kuna mntu onga kunitongela elemele mwenye aguhe umsalaba wakwe anitongele.
\v 35 Kwaviya yoyose akunga kuukombola ujima wakwe nawaze ujima wakwe kwachausa changu, kwachausa cha ulosi wedi aukombole.
\v 36 Ne imfahe mbwani mntu kuguha isi yose niyo naho nakubanikla mo wikazi wakwe?
\v 37 Mntu adaha kulavya mbwani kuleka wikazi wakwe?
\v 38 Yoyose akuionela soni milosi yangu mwe cheleko chino cha wachilanga we cheleko chawenye ubanasiMwana ywa Adamu namwonele soni umo akezamo Useuta wa Tati yakwe hamwenga na wandima wakwe wa kwembingu Wakukile.
\c 9
\cl Sula 9
\p
\v 1 Niyo walonga kwakwe chindedi na longo kwenyu wajeche wenyu mna wantu wachimale hano file na umo waone uzumbe wa Chohile akeza kwa nguvu.
\p
\v 2 Naumo mwe dizuwa dya mtandatu Yesu niyo awaguha Petulo na Yakobo na Yohana hamwenga na uyo ko lugulu wowo wenye niyo alonga kuhitukila kulonga kwawo.
\v 3 Sche zakwe niyo zakonga kung'alisa kijinka kung'ala kokose kwe isi.
\v 4 Niyo Eliya hamwenga na Musa walaila kulongola kwakwe niyo watenda wakalonga na Yesu.
\v 5 Petulo kamhitula akamgamba Yesu mhinyi ni vyedi suwe kutenda hano nachizenge viyulu vitatu chimwenga ni chaweye, chimwenga cha Musa na chimwenga cha Eliya.
\v 6 Kwaviya hammanyize ni chihi cha kuloha nawakogoha vidala.
\p
\v 7 Ingu dilaila na kuwagubika niyo izwi kulawa mwa maingu dyagamba, yuno ni Mwanagu hungisa mwetegelezeni uyo.
\v 8 Chimpumpa umo nawakasinya hawamuwone yoyose hamwenga na wowo eyaho Yesu uyodu.
\p
\v 9 Umo nawakaseleza kulawa ko lugulu niyo awagamba wasekumgambila mntu yoyose yadya yose wayawone na umo na Mwana ywa mntu umo nauyuswe kulawa mo kuyuka.
\v 10 Niyo wayajika ayo wowo wenye mna wayawazagula wenye kwa wenye ni mbwani ulugano luno kuyuswa kulawa mo kuyuswa.
\p
\v 11 Niyo wamuza Yesu, kwambwani wakudolonya wagamba naitende Eliya nande kwiza.
\p
\v 12 Niyo awagamba, ni chindedi Eliya neeze kwambula vintu vyose kwambwani idolonywa Mwana ywa mntu ongigwa asulumizwe kwa yatendese na wamwihiwe?
\v 13 Mna alonga na nyuwe Eliya nakeza kale naho nawamtenda ivyo wakunga saviya mawandiko yakulonga. Vikumlanga yeye.
\p
\v 14 Umo eze auye kwa wanampina niyo awona fyo ditendese diwazunguluka Masadukayo walahana nawo.
\v 15 Niyo aho weze wamuone fyo dyose dyehelwa na kunyulukila na kumlamsa.
\v 16 Niyo awauza wanampina wakwe mwalahana nawo vikulanga mbwani?
\p
\v 17 Yumwenga ywawo umo mwe difyo niyo ahitula, mhinyi nasimleta mwanangu kwako ana muye mchafu, uwo wamtenda asekudaha kulonga,
\v 18 nayo yamlekeza kuzingiza na kugwisa hasi na kulawa mafulo komlomo na kusaga ameno na kutoga nasiwalombeza wanmpina wako kwiilavya impepo mna hawadahile.
\p
\v 19 Niyo ahitula cheleko hachina chindedi nani kale na nyuwe kwa mazuwa mengahi? Naniguhilane na nyuwe kubula ini? Mleteni kwangu
\v 20 Niyo wamwinka mwanwe mpeho ihiye ize imsinye Yesu chimpumpa imjela mwe kuzingiza mbwanga niyo agwa hasi na kulawa fulo ko mlomo.
\v 21 Yesu niyo amuza ise katenda ne hali ino kwamazuwa mengahi? Ise niyo agamba, na umo emwana.
\v 22 Ahamwenga yamgwisa mo moto hegu mwa mazi na kujeza kumbalanga, hegu wadaha kudamanya chochose chifile mbazi uchambize.
\p
\v 23 Yesu niyo amgamba, wonga chila chintu chadahika kwa yoyose akunga, chindedi.
\p
\v 24 Chimpupa ise dyo mwana niyo aila na kugamba, nimchindedi nambiza siine chindedi kwa miye.
\p
\v 25 Umo Yesu eze adisinye dyagulukila kwawo niyo akwahila impepo idya inchafu kugamba weye muye chimumu na chiziwi nakugamba, mlawe usekwingila kwakwe naho.
\p
\v 26 Niyo aila kwa nguvu kumsumbuwa mwana ne mpepo imlawa mwana niyo atenda saviya kabanika niyo fyo dyose dyakamba kabanika,
\v 27 mna Yesu niyo amguha mo mkono na kumwinula no umwana niyo achimala.
\p
\v 28 Umo Yesu eze engile kunyumba wanampina wakwe niyo wamuza chinyele kwambwani hachidahile kumlavya?
\p
\v 29 Niyo awagamba vino, ino haikulawa na umo mkalombeza kwa Chohile.
\p
\v 30 Niyo wafosa hadya nakujinkila Galilaya haungile mntu yoyose amanye uko weli.
\v 31 Kwaviya nakawahinya wanampina wakwe niyo awagamba Mwana ywa mntu nabuzwe mwe mikono ya wantu naho nawamkome aumo anatenda kabanika dikabula zuwa dya katatu nauyuke naho.
\v 32 Mna hawamwivile ukulonga kuno naho niyo wogoha kumuza.
\p
\v 33 Niyo abula Kepelenaumu umo eze atende emndani mwe nyumba niyo awauza namkawazagula mbwani mwe sila?
\v 34 Mna wanyamala dwi, kwaviya nawakakanana mwe sila kugamba, ni yuhi mkulu vitendese.
\v 35 Nakekala hasi akawetanga, mlongo na waidi hamwenga, niyo alonga nawo, hegu kuna uyo akunga kutenda ywa nkongo uyo nazigile, naho natende mndima wa weyawe.
\v 36 Niyo aguha mwana mdodo nakumwika hagati gati hawo, niyo amguha mwe mikono yakwe akagamba,
\v 37 Uyo namhokele mwana oge yuno kwe dizina dyangu uyo anihokela miye, naho uneva mntu kamhokela kanihokela miye, du mna naho na uyo anitumile.
\p
\v 38 Yohana niyo amgamba mhinyi, nachimuona mntu alavya mpepo kwa zina dyako niyo chamlemeza kwaviya hakuchitongela.
\p
\v 39 Mna Yesu amgamba usekulemeza kwaviya hamna nadamanye ndima nkulu kwa zina dyangu naho umo alongile mbuli iyo yoyose kulanga kwangu.
\v 40 Yoyose hekusowana na suwe ni nyetu.
\v 41 Yoyose nakwinke champa cha mazi na kunywa, kwaviya una Kulisito chindedi nakugambila hawaze maliho yako.
\p
\v 42 Yoyose nawazaganye wano wadodo wachindedi wa miye, navikatenda vyedi kwakwe atalizwe yuwe dya kusagila mwe singo na kudulwa mwe bahali.
\v 43 Mna umkono wako ukakuhosa ukante, ni vyedi kwingila mo ujima hwina mkono na umo wingile mo ukantilwa ukatenda ne mikono yose mo moto haukufa.
\v 44 Kambatiza umsitali uno hantu henye mahinyo heyekubanika na moto haukufa havimuli vyongezezo vya mazuwa yajinkile.
\v 45 Uneva ichiga chako chakwaza chikante ni vitana kwa weye kwingila mo ujima wi chilema kuliko kudulwa mwe kukantilwa na viga vidi.
\v 46 Kambantiza umsitali uno hantu aho mahinyo hayakubanika na moto houkudaha kufa hamna umo mo kongezezwa vya mazuwa yajinkile.
\v 47 Hegu ziso dyako dyasinya vihiye ding'ole ni vitana kwa weye kwingila mo useuta wa Chohile una ziso dimwenga, usembese kutenda na meso maidi na kudulwa kwedisungusungu.
\v 48 Hantu hana mahinyo heyekuwagila mo umoto ukwaka ulo na ulo kwa chiya yumwenga nawashwe ni moto.
\p
\v 49 Kwaviya chila nyuwenga nakigwe ni moto.
\v 50 Munyu ni wedi mna muyu unaza ukwelo wakwe na utende zeze udahe kukwela naho? Mtende na munyu wamwenga wenyu wenye nawatende na utondowazi kwa chila yumwanga.
\c 10
\cl Sula 10
\p
\v 1 Yesu niyo ahalawa aho niyo aita ntendele za Uyahudi na ntendelee za kulongozi ko mto Yolidani mafyo wambasa naho, niyo awahinya naho saviya ivyo akudamanya.
\v 2 Mafalisayo niyo weza kumjeza wamgamba, ni vyedi kwa mgosi kulekana na mkaziwe?
\p
\v 3 Yesu awahitula, Musa kamgambilani mbwani?
\p
\v 4 Wagamba Musa kachinka luhusa kudolonya ugonde wa kwasana na kumbalaza mvyele.
\p
\v 5 Nikwachausa cha myuye yenyu itoga, nivyo vikuleka kawadolonyeza lagizo idyo, Yesu kawagambila.
\v 6 Mna kukongela nkongo wo kumba, Chohile nakawaumba mgosi na mvyele.
\v 7 Kwachausa chino mwana chilume na mwase ise na nine nalungane na mkaziwe.
\v 8 Awo waidi nawatende mwili umwenga, kwaviya siyo waidi naho mna ni mwili umwenga.
\v 9 Ivyo ikulunganywe ni Chohile, mntu asekuchisenta.
\p
\v 10 Weze watende we kunymba, wanampina wakwe wamuza naho dikulanga idi.
\v 11 Niyo awagamba, yoyose akumwasa mkaziwe niyo aguha mvyele mtuhu agonya vikumlanga yeye mwenye.
\v 12 Mvyele naye anamwasa mgosiwe niyo aguhigwa ni mgosi mtuhu agonya.
\p
\v 13 Niyo wamletela wana wawe wadodo chani awadonte, mna wanampina niyo wawakwahila.
\v 14 Mna Yesu eze amanye ivyo, helelwe kabisa awagamba, walekeni wana wadodo weze kwangu kwaviya Useuta wa kwembingu ni wawe.
\v 15 Ichindedi nawagambila yoyose hekuhokela useuta wa Chohile saviya mwana mdodo chindedi hakudaha kwingila mo Useuta wa Chohile.
\v 16 Niyo awaguha awana mwe mikono yake niyo awajimbika akaika mikono yakwe mlanga mwawo.
\p
\v 17 Eze akonge intamba yakwe mntu yumwenga niyo amgulukila niyo afika madi kulongozi kwakwe niyo amuza mhinyi ywedi nitende zeze chani nidahe kulisi ujima wa ulo naulo.
\p
\v 18 Yesu naye agamba, kwambwani wanitanga ywedi? Hakuna ywedi mafani Chohile uyodu.
\v 19 Kuimanya imiko, usekukoma, usekugonya, usekubawa, use kukwila udanti, usekudanta, watunye iso na nyokwe.
\p
\v 20 Mntu yudya amgamba, mhinyi, yano yose siyatoza kukongela ni mbwanga.
\p
\v 21 Yesu niyo amsinya niyo amunga, amgamba, kuhungukilwa ni chintu chimmwenga waungigwa ukatage vintu vyako vyose unanavyo uwenke wachiwa, nautende na mpamba ko ulanga naho wize unitongele.
\v 22 Mna niyo akanta dama mwe viya alongile kahalawa akatenda na chinyulu kwaviya nandile ni mgoli vidala.
\v 23 Yesu niyo asinya kono na kuno niyo awagambila wanampina wakwe vyenga mbani udala kwa mgoli kwingila mo useuta wa Chohile.
\v 24 Wanampina wakwe niyo wehelwa mo ulosi uwo, mna Yesu awagambila naho, vyenga mbwani udalakwingila mo useuta wa Chohile.
\v 25 Ni vihufu ngamiya kujinka mwe langa dya sindano kuliko mgoli kwingila mo useuta wa Chohile.
\p
\v 26 Wehelwa vidala niyo alonga wenye kwa wenye ivi ni yani akunga ambulwe.
\p
\v 27 Yesu niyo awasigila agamba, kwa wantu havikudahika mna siyo kwa Chohile kwaviya hevikudahika kwa wantu kwa Chohile vyadahika.
\p
\v 28 Petulo nio akonga kulonga naye kaula chileka vyose chikutongela weye.
\p
\v 29 Yesu awagambila chindedi nawagambilani nyuwe, hakuna asize nyumba yakwe hegu mkuluwe hegu lumbuye, hegu ise, hegu wana, hegu chochose kwachausa cha miye na kwachausa cha mbuli yedi.
\v 30 Ambaye hahokele nkananagana, vikujinka haluse hano he isi, nyumba mkulwe, lumbudyakwe mamiyakwe, wanawe, na vintu vituhu kwa masulumizo na ulangazi ukwiza ujima wa ulo na ulo.
\v 31 Mna walozize wankonga watende wa uhelo na wauhelo nawatende wankongo.
\p
\v 32 Umo we mwe sila kwita Yelusalemu, Yesu nakawalongowila kulongozi, wanampina wehelwa wadya nawo nawakatongela kunyuma niyo wogoha, niyo Yesu awausa awegala hankanda naho, wadya mlongo umwe na waidi niyo wakonga kuawgambila chikunga chilaile hajihi.
\v 33 Kaula! Chaita kubula Yelusalemu, naho Mwana ywa Adamu, naegalwe kwa wakulu wa walavyantambiko na wadolonyi, nawamkantile file naho nawamlavye mwe izisi.
\v 34 Nawambele na kumtwela mate nawamhute nkome niyo wamkoma mna mazuwa matatu yakutimila nauyuke.
\p
\v 35 Yakobo na Yohana wana wa Zebedayo niyo weza kwakwe wamgamba, mhinyi chakunga uchidamanyize chochose chikulombeza.
\p
\v 36 Agamba monga niwatendele mbwani?
\p
\v 37 Wamgamba chizumile chikale naweye mo ukuka wako yumwenga mkono wako wa kulume, na mtuhu mkono wako wa kumosa.
\p
\v 38 Mna yesu awahitula, awagamba, hammanyize icho mkulombeza mwadaha kuchinywela chikombe icho hunga ninywele hegu kudaha wambulwa hunga nambulwe?
\p
\v 39 Wamgamba chadaha, Yesu awagamba chikombe icho hunywela namchinywele, wambulwa uwo kwawo sambulwa namuudahe.
\v 40 Mna akunga ekale mkono wangu wa kulume hegu wa kumosao siyo miye akulavya mna ni kwa wadya wadolonyezwe.
\p
\v 41 Wadya wanampina awatuhu mlobgo eze weve ivyo, niyo wakonga kuwehiwa Yakobo na Yohana.
\v 42 Yesu niyo awetanga kwakwe, awagamba, mwamanya kugamba wadya wakufanyanywa kutenda wakulu wa wantu wa izisi wawalongoza na wantu wawo wamanyike, wawakundagiza wowo.
\v 43 Mna havikuwagila mwa nyuwe, yoyose akunga kutenda mkulu wenyu aungwa awasankanile.
\v 44 Naho yoyose akunga kutenda ywa nkongo mwa nyuwe vyaungwa atende mndima ywa wose.
\v 45 Kwaviya mwana ywa Adamu hezile kusankanilwa, mna kusankana na kulavya ujima wakwe kwa walozize.
\p
\v 46 Niyo weza Yeliko, akahalawa Yeliko na wanampina wakwe na fyo dya wantu, mwana ywa Timayo Batimayo, tuntu, mlombezi kekala hankanda he sila.
\v 47 Eze eve kugamba Yesu Mnazaleti, akonga kutula ulwasu, agamba, Yesu Mwana ywa Daudi nifila mbazi.
\v 48 Walozize niyo wamkwahila yudya tuntu wamgamba nyamala mna niyo aguta, Mwana ywa Daudi nifila mbazi.
\p
\v 49 Yesu niyo achimala agamba, etangwe, niyo amwitanga yudya tuntu wamgamba tenda mkankalu Yesu akwitanga.
\v 50 Niyo adula kunkanda idikoti dyakwe niyo aguluka vikujinka kwita kwa Yesu.
\p
\v 51 Yesu ahitula agamba, waunga hutendele mbwani? Yudya mgosi tuntu ahitula mhinyi nonga kusinya.
\p
\v 52 Yesu amgamba, hita utondowazi wako ukuhonya, aho meso yake niyo yakonga kuwona niyo amtogola Yesu mwe isila.
\c 11
\cl Sula 11
\p
\v 1 Chipindi wakaita Yelusalemu wakatenda wehajihi na Besisafage na Besaniya, mo lugulu lwa mizeituni Yesu niyo awasigila waidi mwa wanmpina wakwe.
\v 2 Niyo awagamba hitani mwe ikaya ihajihi na suwe, mala mkengila mo mzi uwo, nambwile mwana mpunda henati kupandwa bado mfunguleni mniletele.
\v 3 Hegu yoyose akuwauzani akawagamba kwambwani mwatenda ivyo? Mongigwa mumgambe Zumbe amunga mna namvuze ivino haluse.
\p
\v 4 Niyo waita wambwila mwana mpunda kafungwa kuse mwe inchili mwe ikaya imwazi niyo amfungula.
\v 5 Wantu awamwenga niyo wachimala hadya wawgamba, mwatenda mbwani kufungula mwana mpunda uyo?
\v 6 Wawagambila ivyo Yesu awagambile, wantu awo niyo wawaleka waite.
\p
\v 7 Wanmpina waidi niyo wamlete mwana mpunda kwa Yesuniyo watandika suche zawo mlanga mwakwe chani Yesu adahe kukwela.
\v 8 Wantu walozize niyo watandika suche zawo mwe isila watuhu watandika matambi wayakantila mwe izinkonde.
\v 9 Wadya walongole na wadya wakutongela watula ulwasu Hosana kajimbikwa akwiza kwa zina dya Zumbe.
\v 10 Ujimbikwe auaseuta ukwiza wa teti yetu Daudi atogolwe uyo ekulanga.
\p
\v 11 Naho Yesu engila Yelusalemu, niyo aita kwe nyumbe ye divikilo niyo asinya chila chintu haluse chipindi chize chisogele niyo aita Besaniya hamwenga na wadya mlongo umwenga na waidi.
\p
\v 12 Msi utongele umo nendile akauya kulawa Besaniya nendile ana sala.
\v 13 Niyo aona mti wa mtini una mani kwa hale, niyo aita kuukaula hegu adaha kupata chochose mlanga mwakwe, chipindi akaita mwe idyo mna hapatile chochose ni mani ayodu kwaviya nendile siyo chipindi cha tini.
\v 14 Niyo augamba hakuna yoyose akunga adye tunda kulawa kwako naho, wanampina wakwe niyo weva.
\p
\v 15 Naweza Yelusalemu niyo wengila mnyumba mwe divikilo na kukonga kulavya kuse wakutaga, wakugula mndanim mwe nyumba ye divikilo kazibidula izinchnja za wakubadili matundu na mafumbi ya wadya wakutaga awasuwa manga.
\v 16 Hawamwinkile luhenyo wowose kwinula, kwinula chochose mwe inyumba ye divikilo chikudaha kutagwa.
\v 17 Niyo awahinya kugamba, kwani haidolonywe kugamba nyumba yangu naitende nyumba ya kulombezeza mwe izisi zose? Mna mwitenda lundu dya wabavi.
\v 18 Walavyantambiko wakulu na wadolonyi weva ivyo nakalonga, nawo niyo walonda sila ya kumkoma hata ivyo niyo wamogoha kwaviya fyo dyehelwa na amahinyo yakwe.
\v 19 Naho chila chipindi chisingi, wakulawa kwe ikaya.
\p
\v 20 Chipindi wakajenda no mtondo waona mti wa mtini unyala kubukla kwa maizi yakwe.
\v 21 Petulo niyo akumbuka kugamba, mhinyi kaula umti wo mtini udya uligite ufa.
\p
\v 22 Yesu amhitula mtende na utondowazi mwa Chohile.
\v 23 Chipindi namgambilan chila akugamba lugulu luno halawe ukedule mwenye mwe ibahali naho hegu hana nkama moumuye wakwe ana utondowazi kugamba icho nalonge nachilaile, ivyo, nivyo Chohile akunga atende.
\v 24 Ivyo nawagambilani chila chintu mkulombeza na kuza kwedizina dyakwe, zumilani kugamba mhokela ivyo navitende vyenyu.
\v 25 Chipindi mkachimala na kulombeza mwaungwa mlekeile chochose mnanacho mwa yoyose, chani kugamba tati yenyu ekulanga awalekeile nyuwe nanywi amasa yenyu,
\v 26 sinyisa msitali uno mna uneva hamlekeile tati yenyu naye wa ko ulanga hawalekeile amasa yenyu, havimuli mwa wandiko ya kale.
\p
\v 27 Wezaga Yelusalemu naho Yesu naye akajenda kwita mwe nyumba ye divikilo, walavyantambiko wakulu, wadolonyi na wadalahala niyo weza kwakwe.
\v 28 Niyo awagamba kwaudahi wa yuhi wadamanya mbuli zino? Naho ni kwa udahi wani watenda vino?
\p
\v 29 Yesu awagamba nanimuzeni swali dimwenga, nigambilani miye miye nami naniwagambileni kwa udahi wa yuhi natenda vino.
\v 30 Vino wambulwa wa Yohana ulawa ko ulangazi hegu ulawa mwe wantu nihitulani.
\p
\v 31 Wauzana wenye kwa wenye wakahigana wagamba uneva chinagamba, ulawa ko ulanga nagambe kwambwani elo hamkuzumila?
\v 32 Mna china gamba ulawa kwa wantu, nawawogoha wantu kwaviya wose nawang'ang'anila kugamba Yohana nandile ni muoni.
\v 33 Naho wamhitula Yesu, hachimanyize, Nho Yesu awagambila miye nami saniwagambileni ni kwa udahi wani nadamanya mbuli zino.
\c 12
\cl Sula 12
\p
\v 1 Yesu niyo akonga kuwahinya kwa miliganyo, mntu nakahanda nkonde ya mizabibu, niyo aika mnulu niyo aika bome dya kufumbuila zabibu, niyo azenga mnala niyo ahagila inkonde ye mizabibu kwa walimi we mizabibu, niyo atamba ntambo yakwe.
\v 2 Chipindi chize chibule niyo amtuma msigilwa wa walimi we mizabibu kuhokela kulawa kwawo zabibu chidogo mwe nkonde.
\v 3 Mna niyo wamgwila wamhuta niyo wambalaza bila chochose.
\v 4 Niyo atuma kwawo msigilwa mtuhu, niyo wamlumiza mo mtwi na kumtendele mbuli za soni.
\v 5 Bado niyo atuma mtuhu, yuno yumwenga niyo wamkoma, wamtenda ivyo watuhu walozize mbuli saiziya, wakawahuta wamwenga na kuwakoma.
\v 6 Nandile bado mntu yumwenga zaidi wakumtuma, mwanawe akumungisa, naye nandile nuyo wa udumo, atumigwe kwawo, agamba, nawamtunye mwangau.
\v 7 Mna wahakilwa niyo walonga wenye kwa wenye, yuno nuyo mmisili soni hebu nachimkome, uno ulisi nautende wetu.
\v 8 Niyo wamgwila wamkoma, niyo wamdula kunkanda kwe inkonde ye mizabibu.
\v 9 Ivyo natende zeze umwenye inkonde ye imizabibu? Naeze niyo awakoma awalimi we mizabibu niyo enka watuhu inkonde ye mizabibu.
\v 10 Hamsomile amawandiko yano? Yuwe wadilemele wazesi ditenda yuwe dya kwe mpembe.
\v 11 Dino nadilawa kwa Zumbe naho ni chilozo mwa meso yetu.
\p
\v 12 Nawakalonda kumgwila Yesu mna niyo wogoha bunga kulu dya wantu, kwaviya nawamanya kugamba nakalonga umliganyouwo kuwalanga wowo, niyo wamleka waita nzawo.
\p
\v 13 Akaheza niyo wawatumaMafalisayo wamwenga na Mahelodiya wakwe kumtegela kwa milosi.
\v 14 Eze wabule wamga, mba, mhinyi chimanya kugamba hukusinya mbulin za yoyose naho hukulagisa kusenta wantu, wahinya mbuli ya Chohile kwa chindedi, vino ni vyedi kuliha kodi kwa J=Kaisali hegu bule? Chadaha kuliha hegu chisekuliha.
\p
\v 15 Mna Yesu nakamanya usembeleganyi wawo, kugamba, mbona mwanijeza? Ninkani amatund niyakaule.
\v 16 Niyo waleta imwenga kwa Yesu, awagamba, isula ino na madolonyo yehano ni ya yuhi? Wagamba ni ya Kaisali.
\p
\v 17 Ywsu awagamba mwinkeni Kaisali vintu vya Kaisali na vya Chohile mwinkeni Chohile niyo wehelwa.
\p
\v 18 Akaheza Masadukayo wakugamba hakunakuyswa, wambasa wamgamba,
\v 19 mhinyi Musa kachidolonyeza kugamba, uneva mlukolo kabanika, niyo asa mvyele kunyuma kwakwe, naye hasize mwana, mntu namgue mvyele ywa mlukolo epatile mwana kwachausa cha mlukolo wakwe.
\v 20 Nakuna walukolo mfungate ywa bosi niyo amguha uvyele niyo abanika asize mwana,
\v 21 niyo akaida amguha naye niyo abanika hasize mwana, wakatatu naye ivyo.
\v 22 Ywa mfungate naye kabanika bila kwasa mwana, uhelo umvyele naye niyo abanika.
\v 23 Mo kuyuswa, wakeza kuyuswa naho, natende ni ywa yuhi? Kwaviya wadya walukolo wose mfungate nendile ni wagosi zakwe.
\p
\v 24 Yesu awagamba vino kwaviya mwazigwa, kwaviya hammanyize mawandiko hegu udahi wa Chohile.
\v 25 Chipindi cha kuyuswa kulawa kwe file hawasole hegu kwingila mwe nyinka mna nawekale saviya wandima wa kwembingu.
\v 26 Mna vikulanga wabanike hewekuyuswa, vino hamsomile vikulawa mwe chitabu cha Musa, mwe imbuli ya kasaka ivyo Chohile halongile akagamba Musa miye ni Chohile ywa Ibulahimu na Chohile ywa Isaka na Chohile ywa Yakobo.
\v 27 Yeye siyo Chohile ywa wabanike mna wemeso ni pwilili ung'azi
\p
\v 28 Yumwenga ywa wadolonyi niyo eva wakalonga, niyo aona kugamba, Yesu awahitula vyedi amuza vinp lagizo dihi ni kulu kijnka yose?
\p
\v 29 Yesu amhitula amgamba, kulu ni dino tegelaza, Izulaeli, Zu, mbe Chohile ywetu, ni Zumbe yumwenga.
\v 30 Kbula umunge Zumbe Chohile ywako kwa moyo wako wose kwa muye wako wose, kwaumanyi kwako wose na kwa udahi wako wose.
\v 31 Miko wakaidi ni uno vyaungwa umunge mlukolo ywako saviya ukweunga mwenye, hakuna mwiko mkulu kujinka ino.
\p
\v 32 Mdolonyi niyo agamba, ni vyedi mhinyi. Kulonga chindedi kugamba Chohile ni yumwenga na kugamba, hakuna mtuhu kujinka yeye.
\v 33 Kumunga yeye kwa moyo wako wose na kwa umanyi wako wose, na kwa udahi wose, na kumunga mlukolo saviya weye mwenye, ni vyedi vikujinka malavyo na ntambiko za kutokoka.
\p
\v 34 Chipndi Yesu eze awone kugamba kalvya jibu dyedi, weye hwihale na Useuta wa Chohile, kujinka ayo hakuna hata yumwenga ajezize kumuza Yesu maswali yoyose.
\p
\v 35 Niyo Yesu ahitula chipindi nendile akahinya mwe inyumba nkulu ye divikilo, agamba, vino wadolonyi walonga zeze kugamba Kulisito ni Mwana ywa Daudi?
\v 36 Daudi mwenye mo Muye Ukukile nakagamba, Zumbe, agamba, Zumbe ywangu, ikala mo mkono wangu wa kulume, kubula niwatende wankondo wako kutenda hasi mwe viga vyako.
\v 37 Daudi mwenye amwitanga Kulisito, Zumbe, vino ni Mwana ywa Daudi vivihi? Bunga dya wantu nawakamtongela kwa chinyemi.
\p
\v 38 Mwa mahinyo ya Yesu agamba, mwesimane na wadolonyi wabesa kujenda na nkazu ntali, na kulamswa mwa magwilo.
\v 39 Na kwikala mwe viti vya wakulu, mwe nyumba za vikilo na mwe zuwa kulu mwe ulosi wa wakulu.
\v 40 Naho wadya mwe nyumba za wavyele wafilwe, naho walombeza sala ntali chani wantu waone, wano wantu nawahokele nkanto nkulu.
\p
\v 41 Akaheza Yesu niyo ekala hasi hajihi ne dishanduku dya majeleko mndani mwe nyumba yo kuvikila nendile akasinya wantu nendile wakajela majeleko yawo mndani mwe shanduku, wantu walozize wagoli waika majeleko yalozize ya matundu.
\v 42 Niyo mvyele afile ni mgosiwe naye ni mchiwa, niyo eza kujela vipande vidi vya matundu.
\v 43 Niyo awetanga wanampina wakwe awagamba, chindedi nawagambila mvyele yuno abanikilwe ni mgosiwe kajela vilozize kujinka wose walavize kale mwe dishanduku dya majeleko.
\v 44 Kwaviya wose walavya kuligana na ulozize we zihela zawo, mna mvyele yuno hene mgosi kalawa mo uchiwa wakwe, kajela matundu yose nandile akaunga atumiye mo ujima wakwe.
\c 13
\cl Sula 13
\p
\v 1 Yesu nednile akajenda kulawa mwe divikilo, yumwenga ywa wanampina wakwe nakamuza mhinyi kaula amayuwe yano yakwehela na mazengo.
\v 2 Agamba wayawona amazengo yano makulu, hamna hata yuwe dimwenga dikunga dino nadisigale mlanga mwe tuhu ambadyo hadigwiswe hasi.
\p
\v 3 Naye nednile kekala mlange mwe lugulu lwa mizeituni mnyuma mwe divikilo, Petulo, Yakobo, Yohana na Anduleya wamuza kwa chinyele,
\v 4 chigambile izimbuli zino nazitende ini ni mbwani ichilagiso chakwe izimbuli zino kulaila.
\p
\v 5 Yesu kakonga kuwagambilani ikalani vyedi kugamba mntu yoyose asekufanyanya.
\v 6 Walozize naweze kwa zina dyetu wakalonga miye nuyo nawo naweze walozize.
\v 7 Mkeva nkondo na kupelemba kwa nkondo, msekogoha izimbuli izo vyaungwa zilaile mna uleho haunati.
\v 8 Si nainuke chinyume na si ntuhu, na Useuta chinyume na Useuta, nahatende na masingisiko ntendele zesimile, na sala, ino ni nkongelo yo usungu.
\p
\v 9 Tendani meso nawawegale mwe vitala naho namtoigwe mwa mavikilo namchimaliswe kulongozi kwa Mazumbe na Maumbe kwachausa cha miye saviya uchindedi kwawo.
\v 10 Mna ulosi waungwa nkongo ulongwe kwe izisi zose.
\v 11 Wakaunga wawagwile na kuwenka, msekogoha kwachiya mkungwa mlongwe chipindi kwa chipindi uwo na mwinkwe ni mbwani cha kulonga hamtende ni nyuwe mkunga mlonge mna ni Muye Ukukile.
\v 12 Mlukolo namlahe mlukolo kumkoma, tate na mwanawe, wana nawahigane na tati zawo na kuwahosa kubanika.
\v 13 Namwihiweni chila mntu kwachausa cha zina dyangu, mna akunga ajijimize kubula udumo mntun uyo nambulwe.
\p
\v 14 Mna wona wihi wa ubanasi uchimala hadya hehekungigwa kuchimala, akusoma na manye, naho weyuko mndani mwa Yuda wagulukile ko lugulu,
\v 15 naye ekulanga mwe nyumba asekusela hasi henyumba hegu kuguha chochose kweise.
\v 16 Naye eyuko kwenkonde asekuya kuguha nguwo yakwe.
\v 17 Mna nawaluwone wavyele wenye nda na wakonkeza mwe mazuwa ayo,
\v 18 walombeze kugamba ise kulaila chipindi cha mpeho.
\v 19 Kaviya nakutende kuna masulumizo makulu ambayo hayawahile kulaila kukongela Chohile kumba isi kubula haluse hakuna naho havilaile naho.
\v 20 Kubula Zumbe nahituze zuwa hakuna mwili ukunga wambulwe mna kwachausa cha wasigilwa akunga awasagule napunguze namba za zuwa.
\v 21 Mwa uwo uneva kuna mntu yoyose nawagambile kaula Kulisito ehano hegu kaula ehadya msekuzumila.
\v 22 Mna Wakulisito wa lulimi na waoni wa lulimi nawalaile nawalavye maula na mpintuko chani kugamba wawadante mwa hata wasigilwa.
\v 23 Mtende meso siheza kuwagambila yano yose kabula ye chipindi.
\p
\v 24 Mna bada ya masulumizo ye dizuwa idyo, zuwa nadijelwa chiza mwezi haulavye lumuli lwakwe.
\q1
\v 25 Ntondo nazigwe kulawa kulanga nezi kwembingu naisingisike.
\v 26 Nivyo nawamuwone Mwana ywa Adamu akeza mwa maingu kwanguvu nkulu na Ukuka.
\v 27 Nivyo natume wandima wa kwembingu wakwe na kuwachisnya hamwenga wasagulwa wakwe kulawa ntendele nkulu ze isi kulawa ko udumo we isi kubula udumo we zimbingu.
\p
\v 28 Kwa mtini kwehinyeni saviya tawi dikudaha kulavya na kwika upesi mani yakwe nivyo nammanye kugamba eyuko hajihi mo lwivi.
\v 29 Nivyo vili mkawona mbuli zino zikalaila mmanye kugamba ni hajihi na ho lwivi.
\v 30 Chindedi nawagambila chino icheleko hachijinke hale kubula imbuli ino hainati kulaila.
\v 31 Izimbingu ne isi nazijinke mna imbuli ya miye haijinke hata.
\v 32 Mna kulanga idizuwa idyo, hegu isa iyo hakuna amanyize hata wandima wekulanga hegu wana mna Zumbe.
\v 33 Mtende meso kaulani naho lombezani kwaviya hammanyize ni chipindi chani nayalaile.
\v 34 Ni saviya mntu akwita ntambo ayasa inyumba yakwe na kumwinka mtalizwa ywakwe atende Zumbe ywe nyumba chila yumwenga na ndima yakwe na kumwika mwamizi ekale meso.
\v 35 Ivyo ikalani meso kwaviya hammanyize Zumbe we nyumba nauye mwe nyumba vyadahika ni chisingi nechilo chikulu umo zogolo dikaila hegu nomtondo.
\v 36 Uneva keza ntuntila asekubwila kugona.
\v 37 Chiya huchilonga kwako nachilonga kwa chila mntu chelezani
\c 14
\cl Sula 14
\p
\v 1 Nandile zuwa dya kaidi du bada ya siku nkulu ya Pasaka na ya migate heigwaduke, walavyantambiko wakulu awadolonyi nendile wakalonda ubala wa kumgwila Yesu kwa maya chani wamkome.
\v 2 Kwaviya wagamba siyo chipindi chino cha zikunkulu wantu wanase wakadamanya nkumbizi.
\p
\v 3 Mna Yesu nendile Ebesaniya mwe nyumba ya Simoni Mkoma nendile akasogela mwe meza mvyele yumwenga keza kwakwe ana supa ya mavuta yedi matana yenye yombe kulu mno, kaitila supa na kwitila mlanga mo mtwi wakwe.
\v 4 Mna nakuna bazi yawo wehiwe wagamba, wenye kwa wenye, wagamba, ni kwambwani ubanasi uno?
\v 5 Mavuta yano yadaha kutagwa kujinka milongo mitatu na kuwenka wachiwa niyo wamkwahila.
\p
\v 6 Mna Yesu agamba mlekeni mwenye ichedu, kwambwani mwamtumbwadisa kadamanya mbuli ntana kwa miye.
\v 7 Zuwa dyose wachiwa namnanawo na chipindi chose aho mkunga mwadaha kudamanya matana kwa miye, mna hamtende na miye chipindi chose.
\v 8 Kadamanya chiya akudaha, kavika umwili wakwe mavuta kwa chausa cha kuhamba.
\v 9 Chindedi nawagambilani chila hantu ulosi ukulongwa mo ulangazi wose chiya adamanye umvyele yuno nachilongwe kwa ukumbuso wakwe.
\p
\v 10 Niyo yudya Isikaliyote uyumwenga ywa wadya mlongo umwenga na waidi kaita kwa wakulu wa walavyantambiko chani kugamba apate kumwinkiza kwawo.
\v 11 Mna wakulu wa ntambiko weze weve ivyo welelwa niyo walagana kumwinka hela kakonga kulonda luhenyo wa kumwinkiza kwawo.
\p
\v 12 Mna mwe dizuwa dya nkongo dya migate heigwaduke chipindi walavize Mwana ngoto wa Pasaka wanampina wakwe wamgamba waunga chite kuhi chikadye chani apate kudya mdyo wa Pasaka.
\p
\v 13 Kawtuma wanampina wakwe waidi iyo awagamba, hitani ko mzi namdugane na mgosi enule biga, nawaoneni nyuwe, mtimileni.
\v 14 Nyumba akunga engile, mtimileni naho mumgambile mwenye inyumba iyo mhinyi agamba, chikuhi ichumba cha wajeni ahantu hunga nidye Ipasaka na wanampina wangu?
\v 15 Nawalagise chumba cha kulanga chikulu chenye samani ambayo chimalanywa, damanyeni vyedi kwachausa che hadya.
\v 16 Wanampina wahalawa waita ko mzi wambwila chila chintu anga ivyo awagambile niyo wamalanya mdyo wa Psaka.
\v 17 Mna eze ibule chisingi kwza na mlongo umwenga na waidi.
\p
\v 18 Mna wakatenda wehajihi ne imeza yo kudila, Yesu niyo agamba, chindedi nawagambila yumwenga mgati mwenyu akudya hamwenga na miye nanihituke.
\p
\v 19 Wose wasikitika na yumwenga badala ya mntuhu wa gamba mna siyo miye?
\p
\v 20 Yesu niyo ahitula na kuwagamba, ni yumwenga wa mlongo umwenga na waidi mgati mwenyu yumwenga ambaye haluse atweza tonge mwe bakuli hamwenga na miye.
\v 21 Kwaviya Mwana ywa Adamu aita saviya vidolonywe yakugamba mlanga mwakwe, mna naluwone mntu yudya ambaye kujinkila miye Mwana ywa Adamu nahitukwe ni vitana mno kwakwe ko mntu yudya helekagwa.
\p
\v 22 Naho chipindi wakadya Yesu kaguha mgate, niyo aujimbika niyo aumega awenka awagamba, guhani uno nuwo umwili wa miye.
\v 23 Aguha chikombe niyo atogola niyo awenka niyo wose wachinywela.
\v 24 Awagamba ino ni sakame yangu ya lagano, sakame ikwitika kwachausa cha walozize.
\v 25 Chindedi nawagambila, saninywe naho mo uweleko uno wa mzabibu kubula idizuwa diya hungwa ninywe mpya mo Useuta wa Chohile
\v 26 Eze waheze kuchema uwila wita kuse ko lugulu lwe mizeituni.
\p
\v 27 Yesu awagamba nyuwe nyose namwesente kwachausa cha miye kwaviya vidolonywe nanimtowe mdimi ne zingoto nazimwaguke.
\v 28 Mna baada ya kinulwa kwa miye nanilongole kulongozi kwenyu Galilaya.
\p
\v 29 Petulo amgamba, bule hegu wose nawakwase mna miye sahwase.
\p
\v 30 Yesu amgamba chindedi nakugambila ichilo ichino kabula zongolo hadinati kwila nkanana mbili nautende kunilemela nkanana ntatu,
\p
\v 31 mna Petulo agamba bule vyanunga nibanike hamwenga na weye sawase wose walavya idiya idiya.
\p
\v 32 Weza mwe hantu hetangwe Gesemane niyo Yesu awagamba wanampina wakwe ikalani hano chipindi halombeza.
\v 33 Kawaguha Petulo, Yakobo na Yohana hamwenga nayeye niyo akonga chihovu na kuhangaika vidala.
\v 34 Awagamba umuye wangu una chihovu mno wenga kubanika, mtende ahano naho mcheleze.
\v 35 Yesu kaita halokongozi hadodo niyo agwa hasi alombeza hegu vikadahika kugamba, isa ino yahalaile.
\v 36 Kagamba Aba Tate mbuli zose kwako zadahikana nusiza ichikombe chino mna siyo mo kunga kwangu miye mna ukunga kwako.
\v 37 Auya na kuwabwila wagona amgamba Petulo, Simoni Togolani mgona hamdahile hata kucheleza hata saa dimwenga?
\v 38 Chelezani naho mlombeze kugamba msekwingila mwe majezo, chindedi muye wajika mna umwili usokela.
\v 39 Kaita naho kulombeza kajeseza imilosi idya idya.
\v 40 Keza naho kawambwila wagona kwa viya ameso yawo nendile yazama naho hawamanyize ni chihi chakumgambila.
\v 41 Keza nkanana ya katatu niyo awagmba bado mgona na kuhema vyajika saa ibula kaula Mwana ywa Adamu na asulumizwe mwe mikono ya wata masa.
\v 42 Inukani chiteni kaula yudya akunga anihituke ehajihi.
\p
\v 43 Chipindi umo nendile bado akalonga Yuda yuwenga wa wadya mlongo umwenga na waidi kabula, na mbunga kulu kulawa kwa wakulu wawalavyantambiko na wadolonyi na wadalahala wenye mabamba na malungu.
\v 44 Chipindi umo akumhituka ywakwe nendile kawenka nkonyezo agamba yudya hunga ni mbusu nuyo mgwileni naho mwigale hasi mwe udimi.
\v 45 Mna Yuda eze abule, kanyoloka kwa Yesu niyo amgamba mhinyi niyo ambusu.
\v 46 Niyo wamwika hasi ho udimi na kumgwila.
\v 47 Mna yumwenga mgati mwawo kachimala hajihi naye, kasomola lubamba lwakwe kamtowa mndima ywa mlavyantambiko mkulu na kumsenga idigutwi.
\p
\v 48 Yesu awagamba mwiza kunigwila kwa mabamba na malungu saviya mnyang'anyi.
\v 49 Chipindi chila zuwa nendile na nyuwe hawahinya mwedivikilo hamnigwilile mna dino didamanyika chani madolonyi yachinte.
\p
\v 50 Naho wadya wose wandile na Yesu wamwasa na kuguluka.
\v 51 Mbwanga yumwenga kamtongela nandile kavala shuka du, nendile kegubika kumzunguluka wamgwilamna,
\v 52 niyo wamsumka kayasa ishuka ahadya kaguluka lusi.
\p
\v 53 Wamlongoza Yesu kwa mlavyantambiko mkulu hadya wadugana hamwenga naye walavyantambiko wakulu wose wadalahale na wadolinyi.
\v 54 Petulo naye kamtongela Yesu kwa hale akajendeleza kwe uwa wa mlavyantambiko mkulu kekala hamwenga na wadimi wehajihi na moto wotela chani kupata moto.
\v 55 Chipindi awo walavyantambiko wakulu wose ne ichitala chose nandile wakalonda ukuzi mwa Yesu chani wadahe kumkoma mna hawapatile.
\v 56 Ivyo wantu walozize waleta ukuzi wa lulimi mwakwe, mna hata ukuzi wawo haufanane.
\v 57 Awamenga wachimala na kuleta ukuzi wa lulimi mwakwe wagamba,
\v 58 chimwiva akagamba, nanidibalange idikilo dino naho nanididamanye kwa mkono naho mndani mwe mazuwa matatu nadizenge tuhu hedikudamanywa kwa mikono.
\v 59 Mna hata ukuzi wawo haufanane.
\p
\v 60 Mlavyantambiko mkulu kachimala mgati mwawo niyo amuza Yesu, togola hukulandula? Wantu wano waukula mbwani mwa weye.
\v 61 Mna kekala kanyamala halandule, chochose niyo mlavyantambiko mkulu amuza naho togola weye ni Kulisito Mwana ywa mjimbikwa.
\p
\v 62 Yesu amgamba miye nuyo, naho namuone Mwana ywa Adamu kekala umkono wa kulume wenye izinguvu akeza na maingu ya kwembingu.
\p
\v 63 Mlavyantambiko mkulu nakavula izisuche zakwe na kumgamba togola? Bado chaunga ukuzi.
\v 64 Mwiva ukubelwa, mwaunga mbwani? Naho wose niyo wamkantila saviya yumwenga akuwagila file.
\p
\v 65 Awamwenga wakonga kumtwela mate na kumgubika ameso na kumhuluta na kugamba longa maofisa wamguha na kumtowa.
\p
\v 66 Mna Petulo nendile eyuko hasi ko uwa, mndima yumwenga ywa chindele wa mlavyantambiko mkulu keza kwakwe.
\v 67 Eze amuone Petulo nandile kachimala otela moto niyo amsinya kwa kumng'oila meso mna niyo agamba, weye nawe nandile una Mnazaleti Yesu.
\p
\v 68 Mna kalemela agamba, simanyize naho sikubunkula kuhusu chiya ukulonga niyo afosa aita kuse ko uwa. Sinyisa msitali uno, naho zogolo nio dyaila haumuli mwe izibaluwa za kale.
\p
\v 69 Mna mndima ywa chivyele ahadya kamuwona niyo akonga kuwagambila wadya ambawo nandile wachimala hadya mntu yuno ni yumwenga ywawo.
\p
\v 70 Mna kakana naho kwa kweliso badaye chidogo wadya nandile wachimale hadya nandile wamgamba Petulo chindedi weye wiyumwenga yawo kwa viya naho wi Mgalilaya.
\p
\v 71 Mna kakonga kweika mwenye hasi he ligito na kwelisa kwa cheliso simmanyize mntu yuno mkulonga.
\p
\v 72 Niyo zogolo dyaila nkanana ya kaidi nivyo Petulo akumbuka mbuli idya Yesu amgambile, kabula zogolo hadinati kwila nkanana ya kaidi nonilemele nkanana ntatu niyo agwa hasi na kwila.
\c 15
\cl Sula 15
\p
\v 1 Mtondo wedi wakulu wa ntambiko wadugana hamwenga na wadolonyi ne dibalaza jima dya wadalahala niyo wamtaliza Yesu amwigala kwa Pilato, Pilato niyo awauza wi Zumbe dya Wayahudi?
\v 2 Kamhitula, weye walonga ivyo.
\v 3 Wakulu wa ntambiko wamgambila malaho yalozize mwa Yesu.
\v 4 Pilato amuza naho, hukuhitula chochose hukuwona ivyo wakukulaha kwa mbuli zilozize.
\v 5 Mna Yesu hamhitule Pilato imwe hela.
\p
\v 6 Mwe mazwela chipindi cha siku nkulu afungwilwa mtalizwa yumwenga, mtalizwa wamungile.
\v 7 Nandile kuna wabanasi mwe dijeleza wakomile, mgati mwa waasiye wakutmikya ubansi wawo, na eyumo mntu yumwenga akwitangwa Balaba.
\v 8 Bunga diza kwa Pilato kumunga adamanye enga ivyo atendile uko kunyuma.
\v 9 Pilato awahitula na kuwagamba, mwaunga niwafunguileni Zumbe wa Wayahudi?
\v 10 Kwaviya kamanya ni kwachausa cha chinyulu cha wakulu wantambiko wamgwila Yesu niyo wamleta kwakwe.
\v 11 Mna wakulu wantambiko wachongeza idibunga kutula ulwasu kwa kuguta kugamba, afungulwe Balaba badala yakwe.
\v 12 Pilato ahitula naho nakuwagamba, nimtende mbwani naho Zumbe dya Wayahudi?
\p
\v 13 Watula ulwasu naho msulumize.
\p
\v 14 Pilato awagamba kadamanya mbuli yani ihiye mna wahikiliza kutowa ulwasu mno na mno msulumize.
\v 15 Pilato aunga alizishe idibunga kamfugwila Balaba, kamtowa Yesu nkome niyo amlavya chani asulumize.
\p
\v 16 Wankondo niyo wamlongoza kubula mo uwa udya wi mndani mwe nkambi naho wachisanyane hamwenga chikosi cha wankondo.
\v 17 Wamvika Yesu nkazu ya langi ya zambalau niyo waluka chilemba cha miwa niyo wamvika.
\v 18 Wakonga kumbela na kumgamba ndamsa Zumbe ywa Wayahudi.
\v 19 Wamtowa mo mtwi kwa wazi na kumtwela mate wamfikila madi kulondozi kwekwe kwa kumtunya.
\v 20 Niyo wakaheza kumbela wa vula idya inkazu ye langi ya zambalau na kumvika izisuche zakwe niyo wamlavya kuse kwita kumsulumiza.
\p
\v 21 Wamchichisa mjinka sila amwambize nendile akwingila mo mzi kulawa kwe nkonde akwitangwa Simoni Mkilene tati yakwe dya Isikanda na Lufo wamchichisa kwinula umsalaba wa Yesu.
\v 22 Wankondo wamwigala Yesu hantu hakwitangwa Goligota, imana yakwe hantu he gobela dya mtwi.
\v 23 Wamwinka mpombe ihanganywe hamwenga na mane mane mna hainywele.
\v 24 Wamsulumiza na kusangilana izisuche zakwe wazitoila kula kunga chipande akunga apate chila mnkondo.
\p
\v 25 Yapata saa ntatu mtondo aho wamsulumize.
\v 26 Waika mlanga mwakwe lubawo ludolonywe laho, Zumbe ywa Wayahudi.
\v 27 Wamsulumiza hamwenga na wankondo waidi uyu mwenga tendele yake ya kulume na umtuhu ntendele yakwe ya kumoso.
\v 28 Na madolonyo yachinta yalongigwe.
\v 29 Wadya nandile wakajinka wamhuluta wasingisa imitwi yawo, wakagamba, ni weye ukunga uvune idivikilo na kudizenga kwa mazuwa matatu.
\v 30 Kwe ambule weye mwenye naho usele hasi kulawa mo msalaba.
\p
\v 31 Kwa iviya, iviya wakulu wa ntambiko wambela wakalosana hamwenga na wadolonyi na kugamba, kambula watuhu mna hakudaha kwe ambula mwenye.
\v 32 Kulisito Zumbe ywa Izulaeli sela hasi haluse kulawa mo msalaba chani chidahe kukuwona chikuzumile na wadya wasulumizwe hamwenga naye nawo wambela.
\p
\v 33 Eze ibule saa chenda chiza niyo cheza mlanga mwe isi yose kubula saa chenda.
\v 34 Mwe zhipindi cha saa chenda Yesu katula ulwasu kwa nguto nklulu Eloi, Eloi lamasabakasani ikatenda vino Chohile wamiye Chohile ywa miye kwambwani kunasa?
\p
\v 35 Mna mwa awo wendile wachimale eze weve wagamba, kaula, amwitanga Eliya.
\p
\v 36 Mntu yumwenga kaguluka kamemeza siki mwe siponji na kuika mlanga mwe mti, na mwazi niyo amwinka chani anywe mntu yumwenga agamba, goja chiwone hegu Eliya eza kumseleza hasi.
\v 37 Niyo Yesu aila kwa ngunto nkulu niyo abanika.
\v 38 Paziya dye ndivikilo niyo dyapangana vihande vidi kulawa kulanga kubula hasi.
\p
\v 39 Mkulu yumwenga nednile kachimala kumsinya Yesu eze awone kabanika kwe inamna idya agamba chindedi yuno mntu nendile ni Wana ywa Chohile.
\v 40 Nahana wavyele nandile wakasinyiza kwa hale umo mwawo na eyeho Maliyamu magidalena, Maliyamu nine dya Yakobo mvunawe dya Yose na Salome.
\v 41 Mwe chipindi wandile Galilaya wamtongela na kumsankanila na wavyele watuhu walozize nawo watongelana naye kubula Yelusalemu.
\p
\v 42 Eze chibule chisingi kwaviya ni mawandaliyo ya zuwa kubula zuwa, dya kuhmula.
\v 43 Yusufu wa Alimasaya keza ahadya nandile ni Zumbe wa balaza akutunywa mntu akusinyisa uzumbe wa Chohile kwa ukankalu kaita kwa Pilato na kumlombeza umwili wa Yesu.
\v 44 Pilato niyo kehelwa kugamba, Yesu kabanika kale amwitanga yudya mlulu amuza hegu Yesu kabanika.
\v 45 Eze awone ni chindedi kwa mkulu kugamba, kabanika, kamlekeila Yusufu kuguha umwili.
\v 46 Yusufy nendile kagula sanda, kamseleza kulawa mo msalaba, kamtaliza kwa sanda niyo niyo amwika mndani mwe mbila isimbigwe mwe luwe, niyo atongolosa yuwe mo mlango we mbila.
\v 47 Maliyamu Madidalena na Maliyamu nine dya yose waona ahantu azikigwe Yesu.
\c 16
\cl Sula 16
\p
\v 1 Mna chipindi cha zuwa dya kuhumula dize disile Mliyamu Magidalena na nine dya Yakobo na Salome waguha mavuta matana chani wadahe kwiza kuhaka mavuta umwili wa Yesu kwachausa cha mazishi.
\v 2 Mtondo wedi suwadya nkongo dya juma waita kwembila mwe dizuwa ditontomoke.
\v 3 Wadolonya wenye kwa wenye n yani nachitongele zeze idiyuwe kwachausa suwe chani chingile mwe mbila?
\v 4 Mna eze wasinye wamuwona mntu kaheza kuditongolosa idiyuwe ambadyo nandile ni kulu mno.
\p
\v 5 Wengile mwe mbila wamuwona mbwanga kavala guwo zing'aile kekala ntendele ya kulume niyo wehewa.
\v 6 Awagamba msekogoha mwamlonda Yesu wa Nazaleti asulumizwe kauyuka hahali hano kayla ahantu hadya nandile wamwikiye.
\v 7 Hitani mkawagambile wanampina wakwe na Petulo kugamba, alongola kwita Galilaya uko namumwone saviya awagambile.
\v 8 Wahalawa na kuguluka kulawa he mbila wasela naho wehelwa hawalongile dyodyose kwa mntu yoyose kwaviya wogoha vidala.
\p
\v 9 Mwe dizuwa dya nkongo dya juma eze auyuke kamlaila nkongo Maliyamu Magidalena ambaye kulawa kwakwe kamlavya majini mfungate.
\v 10 Kahalawa na kuwagamba wadya ambawo nendile wehamwenga naye chipindi nandile wanachihovu na kulawa mesozi.
\v 11 Weva kugamba ni mjima naho kawonekana naye mna hawamzumile.
\v 12 Bada ya ivyo kelaviza kwa namna ntuhu kwa wantu watuhu waidi umom nandile wakatalamka kulawa mwe isi.
\v 13 Waita wakuwagambila wanampina watuhu wasigale mna hawamzumile.
\v 14 Yesu badaye niyo elavyanya kwadya mlongo umwenga na yumwenga nandile wegamila mwe meza awakwahila kwa kutokuzumila kwakwo na udala we myuye yawo.
\p
\v 15 Awagamba hitani mo ulangazi wose naho mlonge ulosi kwe vumbe vyose.
\v 16 Yoyose akunga wazumile na kuwambula na ambulwe na yudya hekunga kuwazumila nakantilwe.
\v 17 Sinyiisa baluwa za kale hazina Marko 16; 9 - 20 mpintuko zino nazitimilane na wose wakuzumila, kwazina dyangu nawalavye majini nawalonge kwa luga mpya.
\v 18 Nawatoze nyoka kwa mikono yawo hata wanabywa chintu chochose chihiye hachiwalumize nawaike mikono kwa wanyonje nawo nawapate ujima.
\p
\v 19 Niyo Zumbe Yesu eze alonge nawo niyo enulwa kulanga kwembingu niyo ekala mkono wa kulume wa Chohile.
\v 20 Wanampina wahalawa na kulonga chila hantu umo Zumbe akadamanya ndima nawo na kulavyanya msuhi kwa mpintuko na chilagiso chikutimilana nawo.