ziw_reg/41-MAT.usfm

\id MAT
\ide UTF-8
\h Matayo
\toc1 Matayo
\toc2 Matayo
\toc3 mat
\mt Matayo
\c 1
\cl Sula 1
\p
\v 1 Chitabu cha lukolo ywa Yesu Kulisito mwana ywa Daudi mwana ywa Bulahimu.
\v 2 Bulahimu nandile tate ywa Isaka na Isaka tate ywa Yakobo na Yakobo tate ywa Yuda na mlukolo ywekwe.
\v 3 Yuda nandile tate ywa Pelesi na Sela kwa Tamali Pelesi tate ywa Hezeloni na Hezeloni tate ywa Lamu.
\v 4 Lamu nandile tatae ywa Aminadabu tate ywa Nashoni na Nashoni tate ywa Salimoni.
\v 5 Salimoni nandile tate ywa Bowazi kwa Lahabu Bowazi tate ywa Obede kwa Lutu na Obedi tate ywa Yese.
\v 6 Yese nendile tate ywa seuta Daudi Daudi nendile tate ywa Selemani kwa mkaza Uliya.
\v 7 Selemani nednile tate ywa Lebohoamu, Lebohoamu nandile tate ywa Abiya, Abiya tate ywa Asa.
\v 8 Asa nandile tate ywa Yehoshafati, Yehoshafati tate ywa Yohamu na Yohamu tete ywa Uzia.
\v 9 Uziya nendile tete ywa Yosamu, Yosamu nendile tate ywa Ahazi, Ahazi nendile tate ywa Hezekiya.
\v 10 Hezekiya nendile tate ywa Manase, Manase nendile tete ywa Amoni Amoni nendile tete ywa Yosiya.
\v 11 Yosiya nendile tate ywa Yekoniya na wakuluze mwaviya wakaguhigwa kwita Babeli.
\p
\v 12 Naho bada ya kuguhigwa kwita Babeli Yokaniya nendile tate ywa Shetieli, Shetieli nendile tete ywa Zalubabeli.
\v 13 Zelubabeli nendile tate ywa Abiyudi, Abiyudi nendile tate ywa Eliyakimu, Eliyakimu nendile tate ywa Azoli.
\v 14 Azoli nendile tate ywa Zadoki, Zadoki nendile tate ywa Akimu, na Akimu tate ywa Eliudi.
\v 15 Eliudi nendile tate ywa Eliyeza, Elieza tate ywa Matani, Matani tate ywa Yakobo.
\v 16 Yakobo nendile tate ywa Yusufu, mgosiwe Maliyamu, uyo kwa yeye Yesu nakelekwa akwitangwa Kulisito.
\p
\v 17 Vyeleko vyose kulawa Bulahimu kubula Daudi kubula kuguhigwa kwita Babeli vyeleko mlongo na mine na kulawa kuguhigwa kwita Babeli kubula Kuilisito vyeleko mlongo na mine.
\p
\v 18 Kwelekwa kwa Yesu Kulisito kwendile kwa namna ino nine Maliyamu nakaguhigwa ni Yusufu, mna kabula hawenati kubwilana niyo awonekana ananda kwa udahi wa Muye Ukukile.
\v 19 Mgosiwe Yusufu nandile mntu mwenye uwagilwa haungile kumjela soni mwa wantu. Nakaunga kuleka uchumba wakwe na yeye kwa chinyele.
\v 20 Umo nednile akafanyanya imbuli ino mndima ywa kwembingu ywa Zumbe nakamlaila mwe sozi akamgamba Yusufu mwana ywa Daudi usekogoha kumguha Maliyamu saviya mkaziwo, kwaviya inda ananyo ni kwa udahi wa Muye Ukukile.
\v 21 Nefungule mwana ywa chilume naho naumwitange zina dyakwe Yesu kwaviya nawakombole wantu wakwe na masa yawo.
\v 22 Yose yano yalaila kwa kuchintiza chiya chilongigwe ni Zumbe kwa sila ya waoni, agamba,
\v 23 “Kaula chigoli naguhe nda na kweleka mwana ywa chilume na wamwitange zina dyakwe Imanueli mana yakwe, “Chohile hamwenga na suwe.”
\v 24 Yusufu kasetuka kulawa mwe zintongo na kudamanya saviya mndima ywa kwembingu ywa Zumbe ivyo amgambile niyo amguha saviya mkaziwe.
\v 25 Hata ivyo, hagonile naye kubula aho efungule mwana ywa chilume niyo amwitanga zina dyakwe Yesu.
\c 2
\cl Sula 2
\p
\v 1 Bada ya Ywsu kwelekwa mwe Betelehebu ya Uyahudi mwe zuwa dya seuta Helode wantu wasomile kulawa mashaliki ya hale nawabula Yelusalemu wakagamba
\v 2 Ekuhi ambaye elekwe seuta ywa Wayahudi? Chiiona ntondo yakwe mashaliki na suwe chiza kumvikila.
\p
\v 3 Chipindi seuta Helode eze eve ayo niyo engila chinyulu naho Yelusalemu yose hamwenga naye.
\v 4 Helode niyo awetanga wakulu wa walavyantambiko wose na wadolonyi wa wantu niyo auza Kulisito na elekwe kuhi?”
\v 5 Niyo wamgambila mwa Beselehemu ya Wayahudi kwaviya ino niyo idolonywe ni muwoni.
\v 6 “Weye Betelehemu mwe isi ya Yuda siyo mdodo mgati mwe vilongozi wa Yuda kwaviya kulawa mwako neze chilongozi akunga kuwadima wantu wangu Izulaeli.”
\p
\v 7 Ivyo Helode kawetanga wantu wamanyi kwa chinyele na kuwauza ni chipindi chani icho nendile iwonekana.
\v 8 Nakawasigila Betelehemu inyo wagamba “Hitani kwa wedi mkamlonde mwana elekwe. Aho namumuone niletelani sigilizi chani kugamba miye nami nidahe kwiza na kumvikila.”
\p
\v 9 Bda ya kumwetegeleza seuta niyo wajendeleza ne intambo yawo nho ntondo idya nendile waiwona mashaliki naiwalongoila kubula aho ichimale mlanga mwe hantu mwana elekwe aho endile.
\v 10 Viya weze waiwone ntondo niyo welelwa kwa kwelelwa kukulu kujinka.
\v 11 Wengila mnyumba na kuwona umwana elekwe na Maliyamu mami yakwe wamfikila madi na kumvikila. Wafungula imifuko yawo na kumlaviza majeleko ya zahabu uvumba na manemane.
\v 12 Chohile nakawafunda mwe sozi wasekuya kwa Helode ivyo wahalawa kuya mwe isi yawo kwa sila ntuhu.
\p
\v 13 Bada ya kuhalawa mndima ywa kwembingu ywa Zumbe kamlaila Yusufu mwe sozi na kumgamba inuka umguhe umwana na mami yakwe naho mnyilikile Misili. Mwikle uko kubula aho naniwagambile kwaviya Helode amlonda umwana chani amkome.
\v 14 Ichilo icho Yusufu niyo enuka na kumguha umwana na mami yakwe na kunyilikila Misili.
\v 15 Nakekala uko kubula aho abanike Helode. Ino naichintiza chiya Zumbe endile alongile kujinkila waoni kulawa Misili simwitanga mwanangu
\v 16 Niyo Helode eze abunkule kugamba kadantwa ni wantu wasomi nakehiwa vidala kasigila kukomwa kwa wana wose wa chigosi awo wendile Beselehemu na wose mwe hantu nawendile na mihilimo midi na wehasi hakwe kuligana na viya endile kaheza kuchintiza kabisa kulawa kwa wadya wantu wasomile.
\v 17 Naho ichintizwe idya imbuli ilongigwe kwa mlomo wa muoni Yelemiya.
\q
\v 18 Izwi divika Lma ndilo na malombolezo makulu Laheli akawaililla wanawe, naho kalemela kuhembelezwa kwaviya hawahali naho.
\p
\v 19 Helode eze abanike kaula ndima wa kwembingu ywa Zumbe b nakamlaila Yusufu mwe sozi uko Misili na kugamba,
\v 20 Inuka umguhe umwana na mami yakwe mwite mwe isi ya Izulaeli kwaviya nendile akamlonda ujima wo mwana kabanika.
\v 21 Yusufu niyo achimala niyo amguha umwana hamwenga na mami yakwe niyo weza mwe isi ya Izulaeli
\p
\v 22 Mna eze eve kugamba Alikelayo nendile akalongoza Yuda hantu ha tati yakwe Helode nakogoha kwita uko. Bada ya Chohile kumfunda mwe sozi niyo ahalawa kwita mkowa wa Galilaya.
\v 23 Nakaita kwikala mwe mzi ukwitangwa Nazaleti dino nadichinta chiya nendile chiheza kulongwa kwa sila ya waoni kugamba netengwe Mnazaleti.
\c 3
\cl Sula 3
\p
\v 1 Mwa zuwa dya Yohana mtakubatiza nakeza akalonga mbuli zedi mwe nyika akalonga.
\v 2 Kweileni kwaviya useuta wa kwembingu wihaguhi.”
\v 3 Kwaviya yuno nuyo alongigwe na muwoni Isaya kulonga “Izwi dya mntu akwitangwa kulawa kwenyika ikeni vyedi sila ya Zumbe yanyoloseni majinkilo yenyu.”’
\p
\v 4 Haluse Yohana nakavala mazoya ya ngamiya na msipi wa mkota mwechigudi chakwe, nkande yakwe nayendile ni sije na uchi wa mbago.
\v 5 Niyo Yelusalemu Yuda yose na ntendele zose zizunguluke mto Yolodani niyo waita kwakwe.
\v 6 Nawendile wakawambula kubatizwa naye mwo mto Yolodani kuno wakeila masa yawo.
\p
\v 7 Mna eze awone walozize wa Mafalisayo na Masadukayo wakeza kwakwe kuwambula na kuwabatiza niyo awagambila, Nyuwe lweleko lwa nyoka yeye usungu ni yani awafundile kuzenega izinkuto zikwiza?
\v 8 Elekani matunda ya kunga kweila.
\v 9 Naho msekufanyanya na kulosana mgati mwenyu chani naye Bulahimu enga tate ywetu kwaivyo nawagambilani Chohile adaha kumwinuila Bulahimu wana naho kulawa mwa mayuwe yano.
\v 10 Hoya imalanywa kale mwa maizi yo mti. Kwaivyo chila mti haukweleka matunda yedi wakantwa na kudulwa mo moto.
\p
\v 11 Nawabatizani kwa mazi kwachausa cha kweila mna akwiza badala yangu ni mkulu kujinka miye naho miye sikudaha hata kwinula vilatu vyakwe, uyo nawabatize kwa Muye Ukukile na kwa moto.
\v 12 Naho hetelo dyakwe di mo mkono wakwe kuhagila kabisa hantu hakwe na kuvika hamwenga ingano yakwe mwe digulu mna namyoke mbumba kwa moto ambawo haukudahika kukomwa.
\p
\v 13 Niyo Yesu eza kulawa Galilaya kubula mto Yolodani kubatizwa ni Yohana.
\v 14 Mna Yohana nakaunga kumchinda akagamba, miye naunga kubatizwa ni weye, weye weza kwangu?
\v 15 Yesu kamhitula amgamba Zumila itende vino haluse kwaviya nivyo ikuchunga kuichintiza uwagilwa wose niyo Yohana amzumila.
\p
\v 16 Bada yakutenda kabatizwa niyo Yesu afosa mwa mazi naho kaula niyo mbingu zagubuka kwakwe, na kauwona muyw wa Chohile ukasela kwa chilagiso cha kasuwamanga na kwikala mlanga mwakwe.
\v 17 Kaula izwi nadilawa kwembingu dikagamba Yuno nuyo mwanangu humunga nuyo huwagilwa naye.
\c 4
\cl Sula 4
\p
\v 1 Niyo Yesu alongozwa ni Muye kubula kwa dijangwa chani ajezwe ni mwavu.
\v 2 Aho afungile mazuwa milongo mine msi na chilo niyo apata sala.
\v 3 Mwavu niyo eza amgamba, hegu weye wi mwana Chohile yagambe amayuwe yano yatende mgate.
\v 4 Mna Yesu amhitula amgamba idolonywa kugamba mntu hatende mjima kwa mgate uwodu, mna kwa chila ulosi ukunga ulawe mo mlomo wa Chohile.
\v 5 Akaheza mwavu niyo amwigala mwe ikaya ikukile niyo amwinka kulanga vidala mwe dizengo dye idivikilo.
\v 6 Niyo agamba hegu weye wi mwana ywa Chohile kwedule hasi kwaviya idolonywa kugamba nawgambe wandima wakwembingu weze wakudake naho nawekwinule mwe imikono yawo chani usekukowadika ichiga chako mwe yuwe.
\v 7 Yesu agamba naho idolonywa usekumjeza Zumbe Chohile wako.
\p
\v 8 Akaheza niyo amguha amwigala hantu halanga kwentambilanga niyo amlagisa useuta wose weisi na ukulu wakwe wose.
\v 9 Niyo agamba nahwinke vintu vyose uneva unanifikila madi na kunivikila.
\v 10 Akaheza Yesu amgamba, hita zako uhalawe hano mwavu mwa viya idolonywe yaungigwa kumvikila Chohile naho umsankanile yeye ichedu.
\v 11 Niyo umwavu ahalawa, niyo akaula, wandima wa kwembingu weza kumsankanila.
\p
\v 12 Ivyo Yesu eze eve Yohana kagwilwa niyo ahalawa aita Galilaya.
\v 13 Kahalawa Nazaleti kakwikala Kapenumu imnkanda mwe bahali ya Galilaya mwe mihaka ya Zabuloni na Nafutali.
\v 14 Ino ilaila chani kuchintiza chiya chilongigwe ni muoni Isaya.
\q
\v 15 Mwe kaya ya Zabuloni na kaya ya Nafutali kwita kwe bahali mnkanda mwa Yolodani Galilaya nawa si ntuhu!
\q
\v 16 Wantu wekale mwe chiza waona ulangazi mkulu na wadya nendile nawekekala mwa wabanike mlanga mwawo ulangazi nauwamulike.
\p
\v 17 Kukongela ichipindi icho, Yesu niyo akonga kulonga kweileni kwaviya useuta wa ko ulanga ubula.
\p
\v 18 Aho nendile akajenda mnkanda mwe ibahali ya Galilaya niyo awona walukolo waidi Simoni na aketangwa Petulo, na Anduleya mlukolo ywakwe wakatega nyavu mwe bahali kwaviya nandile walowa samaki.
\v 19 Yesu niyo awagamba Soni mnetegeleze naniwatende wakulowa wantu.
\v 20 Aho waleka izinyavu zawo wamtongela.
\p
\v 21 Naho Yesu chipindi akajendeleza kulawa aho, niyo awona walukolo waidi watuhu Yakobo mwana ywa Zebedayo na Yohana kakiye, nandile wa mwe dihondo hamwenga na Zebedayo tati yawo wakasuma nyavu zawo niyo awetanga.
\v 22 Niyo waleka mala iyo, idihondo na tati yawo nawo wamtongela.
\p
\v 23 Yesu nakaita hajihi na Galilaya yose, akahinya mwe izinyumbz za mavikilo akalonga mbuli yedi ya useuta, akahonya chila unyonje mwa wantu.
\v 24 Zimbuli zakwe zizagala mwe isi yose ya Siliya wantu niyo wawaleta kwakwe wadya wose nandile wakalumwa wakatenda na manyonje yesimile na kusulumila hata wata majini wata vifafa na waholomale, Yesu kawahonya.
\v 25 Fyo kulu dya wantu kulawa Galilaya Dekapoli na Yelusalemu na Uyahudi na kulawa ntendele ntuhu yo mto Yolodani.
\c 5
\cl Sula 5
\p
\v 1 Yesu eze awone idibunga niyo ahalawa aita ko lugulu eze ekale hasi wanampina wakwe niyo wambasa.
\v 2 Niyo agubula umlomo wakwe akonga kuwahinya agamba,
\q
\v 3 Nawajimbikwe wachiwa wa chimuye kwaviya useuta wa kwembingu ni wawo.
\q
\v 4 Nawajimbikwe wata mbzai kwaviya nawahembelezwe.
\q
\v 5 Wajimbikwe wahoile kwaviya nawalisi isi.
\q
\v 6 Wajimbikwe wata nchilu ya uwagila kwaviya naweguswe.
\q
\v 7 Wajimbikwe wedi kwaviya awo nawapate wedi.
\q
\v 8 Wajimbikwe wata myuye yedi ilenguke kwaviya nawamuwone Chohile.
\q
\v 9 Wajimbikwe wevanyi kwaviya awo nawetangwe wana wa Chohile.
\q
\v 10 Wajimbikwe wadya wakusulumizwa kwachausa cha uwagila kwaviya useuta wa Chohile ni wawo.
\q
\v 11 Mjimbikwe nyuwe wantu nawawhulute na kuwasulumiza hegu kulong mbuli zilozize zihiye kuhusu nyuwe za lulimi kwachausa changu.
\v 12 Mwelelwe na kubweda kwaviya ntunyo yenyu ni nkulu kulanga ko ulanga kwaviya vino nivyo wantu wawasulumize waoni na weyaho kabla ya nyuwe.
\p
\v 13 Nyuwe ni muyu we isi mna hegu munyu waza umwilw wakwe naitende zeze kudamanyika munyu vituhu naho? Hata kujeza haikudahika kutenda ntana naho, kwachintu chituhu chochose naho imna wadula kuse na kujantwa ni viga ya wantu.
\v 14 Nyuwe ni ulangazi we isi mzi uzengigwe mlanga mo lugulu haukufisika.
\v 15 Naho wantu hawawashize taa niyo waika hasi mwe ntangulu mna waika mwe chiya cha kwikiya taa nayo yawamulika wose we mwe nyumba.
\v 16 Leka ulangazi wenyu ulangaze mwa wantu kwaviya kugamba wawone izimbuli mkudamanya zedi wamtunye tatyenyu ekulanga.
\p
\v 17 Msekufanyanya siza kubalanga lagizo hegu waoni sizile kubalanga mna kutongeleza.
\v 18 Chindedi nawagambila kugamba, kubula ulanga ne isi zijinke hahana chintu chikunga chuswe mwe dilagizo kubula chila chintu chikunga chitende chichinta.
\v 19 Ivyo yoyose akuvuna ntintiso dimwenga na dimgati mwe izo nakuwahinya watuhu kudamanya ivyo netangwe mdodo mo useuta wo ulanga, mna yoyose akuzitoza na kuzihinisha netangwe mkulu mo useuta wa mo ulanga.
\v 20 Kwaviya nawagambila kuwagila kwenyu hakunajinkile kuwagila kwa wadolonyi na Mafalisayo kwa vyovyose hamwingile mo useuta wa mo ulanga.
\p
\v 21 Mwiva kugamba nailongwa kale kugamba usekukoma naho yoyose akukoma amwehatali ya kukantilwa.
\v 22 Mna miye nawagambilani yoyose akumwihiwa mlukolo ywakwe natende emwehatali ya kukantilwa naho yoyose akumgamba mlukolo ywakwe kugamba weye ni mntu hukuwagila natende emwehatali ye chitala na yoyose akugamba weye wi mhezi natende emwehatali ya moto wa bome hedine uhelo.
\v 23 Ivyo uneva walavya jeleko dyako mwe inchanja yo kulaviza ntambiko, mna wakumbuka kugamba mlukolo anambuli yoyose ikumhusu.
\v 24 Dyase idijeleko dyako mwe nchanja ye divikilo akaheza toza isila yako ukevane nkongo na mlukolo, akaheza wize ulavye idijeleko dyako
\v 25 Ivana na uyo akukulaha ukatenda hamwenga naye mwe isila mkaita kwe ichitala vituhu vyakwe akukulaha adaha kukwasa mwe imikomo yo mkanta, mkanta akwasa mwe imikono ya mnkondo nawe naudulwe kwe dijeleza.
\v 26 Chindedi nawgambila haulekelwe kubula kuliha maliho ya kukumeleza ya matunda ukudaiwa.
\p
\v 27 Mwiva kugamba igambigwa usekugonya.
\v 28 Mna nawagambilani yoyose akumsinya mvyele niyo ammeila mate kamgonya kale uyo mo muye wakwe.
\v 29 Uneva ziso dyako dya kulume, dyakutenda ukowadike din'ole udidule hale na weye, kwaviya ni aheli chitago chimwenga mo umwili wako chibanike kuliko umwili wako wose udulwe mwe dibome hedine uhelo dyo umoto.
\v 30 Naho hegu mkono wako wa kulume kwakuhosa kwekobadika kante akajika uudule hale na weye. Kwaviya ni aheli chitago chimwenga cho mwili wako chibanike kukaleka mwili wako wose kudula mwe bome hedine uhelo.
\p
\v 31 Ilongwa naho yoyose akumwasa mkaziwe amwinke mawandiko ya kumwasa.
\v 32 Mna mie nawagambilani yoyose akumwasa mkaziwe mna siyo kwachausa cha chilanga amtenda kutenda mchilanga na yoyose akunga amsole badala ya kwinkigwa italaka adamanya ugonyi.
\p
\v 33 Naho namwiva ilongwa mwa wadya wa kale msekwelisa vya lulimi mna mwigale ukwelisa kwenyu kwa Zumbe.
\v 34 Mna nawagambilani msekwelisa hata hadodo hegu ko ulanga kwaviya naho ho wikalo wa Chohile.
\p
\v 35 Hegu kwe isi kwaviya ni hantu hkwikiya chiti chakwe cha kujatila nyayo zakwe hegu kwa Yelusalemu kwaviya ni mzi wa seuta mkulu.
\p
\v 36 Naho usekwelisa ko mtwi wako, kwaviya hakukudaha kutenda luvili lwako lumwenga kutenda lung'ala hegu ni lutitu.
\v 37 Mna ulosi wenyu utende niivyo, bule kwaviya yakujinka ayo yalawa kwayudya umwavu.
\p
\v 38 Mwiva ilongwa kugamba ziso kwa ziso naho zino kwa zino.
\v 39 Mna miye nawagambila msekuhigana na mwavu mna mntu akukuhuta mwe ifunda ya kulume mhitwile ituhu nayao.
\v 40 Naho yoyose akubesa kwita na weye kwe chitala niyo akuhoka inkazu yako, mwasize ni dikoti nadyo.
\v 41 Naho yoyose akukukinkisa kwita naye maili imwenga hita naye maili mbili.
\v 42 Chila akukulombeza mwinke naho usekumkwepa yoyose akunga akukope.
\p
\v 43 Mwiva ilongwa umunge ehaguhi hako naho umwihiwe mnkondo ywako.
\v 44 Mna nawagambila waungeni wankondo wenyu, walombezezeni wakuwajela maya,
\v 45 chani mtende wana wa tati yenyu ekulanga kwaviya nawalangaziza wehiye na wedi naho awaletela fula wavu na wedi.
\v 46 Uneva mwaunga wakuwaungani nyuwe, mwapata ntunyo yani? Kwani wakutoza maliho hawakutenda ivyo?
\v 47 Naho mkawalamsa walukolo wenyu awodu mwapata mbwani kujinkila watuhu? Hegu we izisi hawakutenda ivyo ivyo?
\v 48 Ivyo mwaungwa kutenda watogile, saviya Tati yenyu wa kwembingu ivyo atogile.
\c 6
\cl Sula 6
\p
\v 1 Usinyise kutenda mbuli za kuwagila kulongozi kwa wantu chani kwelagisa, ukaleka ivyo haupate ntunyo kulawa kwa tate e kulanga.
\v 2 Ivyo ukalavya usekugoneka na kwetunya mwenye saviya wasongaganyi ivyo wakudamanya mwa mavikilo yawo na umo mkwikala chani kugamba wantu wawatongole chindedi nawagambila wahokela kale ntunyo yawo.
\v 3 Mna weye ukalavya mkono wako wa kumoso usekumanya chikudamanywa ni mkono wa kulume.
\v 4 Chani kugamba jeleko dyako dilavigwe chinyele naho tati yako akuwona ichinyele na akwinke intunyo yako.
\p
\v 5 Naho akulombeza usekumtenda saviya msongaganyi, kwaviya waunga kuchimala na kulombeza mwa mavikilo na mwe izikona za mwe ikaya chani kugamba wantu wawasinye, chindedi nawagambila wapata kale intunyo yawo.
\v 6 Mna weye ukalombeza ingila kwe chumba vugala ulwivi na ulombeze kwa iso wa mwe chinyele naho iso akuwona mwe chinyele naakwinke intunyo yako.
\v 7 Naho viya ukalombeza usekuwiya uwiya izimbuli hezine mana saviya wantu we isi ivyo wakudamanya, kwaviya wasongaganyi kugamba nawevigwe kwakulonga milosi ilozize.
\v 8 Ivyo usekutenda saviya wowo kwaviya iso kamanya ivyo ukuknga kabla hunati kumlombeza.
\v 9 Ivyo basi lombezani vino, tati yetu wa koulanga ditunwe idizina dyako.
\q2
\v 10 Useuta wako wize ivyo ukunga vitendeke hano he isi enga uko ko ulanga.
\q2
\v 11 Uchinke dyelo umgate wetu wa chila zuwa.
\q2
\v 12 Chilekeile amasa yetu saviya suwe chikuwalekeila amsa wachibalange.
\q2
\v 13 Naho usekuchijela mwe majezo mna uchambule mwa yudya umwavu.
\p
\v 14 Uneva nauwalekeile wantu masa yawo iso ekulanga naye nawalekeile.
\v 15 Mna uneva hamkuwalekeila amasa yawo hata tati yanyu hawalekeileni amasa yenyu.
\p
\v 16 Vikujinka vyose Vikajinka vyose ukatenda kufunga usekusinyala izisula saviya wasongaganyi ivyo wakudamanya, kwaiya wasinyala izisula chani wantu wawamanye wafunga chindedi nawagambilani wapata kale ntunyo yawo.
\v 17 Mna weye ukafunga kwekulugute mavuta umtwi wako na uhake uso wako.
\v 18 Ivyo haikulagisa mwa wantu kugamba wafunga mnadu naitende kwa tati yako wmechinyele na tati yako akuwona ichinyele na akwinke naho akutunye.
\p
\v 19 Usekweikiyampamba yako we mwenye hano he isi ikubanika sondo na nkanga vyabalanga nho wabavi wavuna na kubawa.
\v 20 Badala yakwe kweikiyeni mpamba yenyu ko ulanga uko sondo hegu nkanga havikudaha kubalanga naho wabavi hawakudaha kuvuna hegu kubawa.
\v 21 Kwaviya mpamba yako hadya ili naho no umuye wako naho wili nawo.
\p
\v 22 Ziso ni ta yo mwili ivyo uneva ziso dyako ni jima mwili wose naumemezwe ulangazi.
\v 23 Mna uneva ziso dyako ni bovu mwili wako nautende na chiza ndundundu kwaivyo uneva ukulangaza kwako ni chiza chindedi ni chiza chikulu chiasi chani?
\p
\v 24 Hakuna hata yumwenga akudaha kusankanila mazumbe waidi kwaviya namwihiwe uyumwenga niyo amunga umtuhu hegu siyo ivyo nelavye ko yumwenga niyo ambela umtuhu hamkudaha kusankanila Chohile na ugoli.
\p
\v 25 Ivyo nakugambila usekutenda na woga kuhusu ujima kugamba nanidyeni hegu naunyweni hegu kuhusu mwili wako nauvaleni ujima haukuzidi nkande na mwili haukuzidi suche?
\v 26 Kaula madege ya ko ulanga hayakuhanda naho hayakyvuna naho hayakukusanya na kwika kwe digulu mna tati yenyu ekulanga ayegusa ayo, hegu nyuwe hamwiwedi kujinka wadege?
\v 27 Naho ni yuhi mgati mwenyu kwa kusankana adaha kweongeza dhilaa imwenga mo ujima wo kwikala kwakwe?
\p
\v 28 Kwambwani mwatenda waoga kuhusu suche? Fanyanyani kuhusu maluwa ya kwe zinkonde ivyo yakukula hayakudamanya ndima naho hayakudaha kwevala.
\v 29 Bado nawagambilani hata Sulemani mo ukuka wakwe wose havikigwe saviya idimwenga dyawo.
\v 30 Uneva Chohile ayavala mani mwe izinkonde nayo yekala zuwa dimwenga luvi yadulwa mo umoto vino ni kwa chiasi chani na awavike nyuwe mna utondowazi mdodo?
\v 31 Ivyo msekutenda na woga mkagamba vino nachidyeni hegu nachinyweni hegu nachivale suche zani?
\v 32 Kwaviya wantu we isi wazungula mbuli zino tatienyu wa ko ulanga kamanya kugamba mwaunga ayo.
\v 33 Mna nkongo zungulani uzumbe wakwe, na kuwagila kwakwe naho yano yose namwinkeni.
\v 34 Ivyo usekogoha kwachausa cha luvi kwaviya luvi nayesankanile yenye, chila zuwa dyatosha kutenda na mbuli zakwe yenye.
\c 7
\cl Sula 7
\p
\v 1 Usekukanta nawe unase kukantilwa.
\v 2 Ikanto idya ukukanta nawe naukantilwe na kwa chihimo ukuhimila weye nawe nicho nauhimilwe.
\v 3 Naho kwabwani wasinya kabasi ke mwe diziso dya mlukolo ywako, mna hukusinya kabasi ke mwe diziso dyako?
\v 4 Wadaha zeze kulonga kwa mlukolo ywako, goja husize kabasi mwe idiziso dyako? Mna unambasi mndani mwe diziso dyako?
\v 5 Weye wimsongaganyi nkongo nalavya akabasi ke mwe diziso dyangu, naho ukunga udahe kuwona vyedi na kuona vyedi na kulavya akabasi ke mndani mwe diziso dya mlukolo ywako.
\p
\v 6 Msekwinka makuli vikukile, naho msekuzivuziza nguluwe vintu vya yombe kulu kulongozi kwawo. Unangalie nawavibalange na kuvijata kwa viga, naho nawakuhitukile weye na kukusawanisa ntili ntili.
\p
\v 7 Lombeza, nawe nawinkwe. Zungula weye nawe naupate. Toa hodi weye nawe nauvuguilwe.
\v 8 Kwayoyose akulombeza ahokela, naho yoyose akuzungula apata. Naho kwa mntu akutowa hodi naavuguilwe.
\p
\v 9 Hegu kuna mntu mgati mwenyu ambaye uneva mwanawe amlombeza besu dya mgate namwinke yuwe?
\v 10 Hegu uneva amlomneza samaki yeye naye namwinke nyoka?
\v 11 Ivyo uneva nyuwe wabanasi mmanya kuwenka wana wenyu majeleko yedi hegu ni chiasi chani chikuzidi Tate ekulanga nawenke vintu vyedi wadya wakulombeza yeye?
\p
\v 12 Kwe chausa icho ukonga utendelwe chintu chochose ni wantu watuhu weye nawe naikukinkise kutenda ivyo kwa wowo kwaviya idyo nillagizo dya waoni.
\p
\v 13 Ingilani kwakujinkila nchili finyu. Kwaviya nchili mpana na isila mpana ikulongoza ko ubanasi naho kuna wantu walozize wakwingila isila iyo.
\v 14 Ncili ni finyu, nchili finyu na sila shishili ikulongoza mo ujima mna ni wajeche wakudaha kuiona.
\p
\v 15 Kwenegeni na waoni wa udanti, wakwiza wavala mikota wa magoto, mna chindedi ni makuli ya kumbago.
\v 16 Namuwamanye mwe zimbuli zawo, hegu wantu wadaha kuvuna matunda mwe miwa, hegu tini mwe mbeyu ya mbaluti?
\v 17 Ivyo chila mti wedi weleka matunda yedi, mna mti wihiye weleka matunda yehiye.
\v 18 Mti wedi haukudaha kweleka matunda yehiye, mti wihiye nawo haukudaha kweleka matunda yedi.
\v 19 Chila mti hawikeleka matunda yedi aukantwe niyo wadulwa mo umoto.
\v 20 Ivyo basi nauwamanye kwa matunda yawo.
\p
\v 21 Siyo chila mntu akugamba Zumbe, Zumbe, nengile mo uzumbe wa ko ulanga mna ni yudya ichedu akutenda viya akunga Tate wa ko ulanga.
\v 22 Wantu walozize nawanigambe zuwa idyoZumbe Zumbe, hachilavize uwoni kwa zina dyako, hachilavize majini kwa zina dya naho kwe dizina dyako chidamanya ntendwa zilozize nkulu?
\v 23 Nivyo naniwagambile pwilili, siwabunkuleni nyuwe! Halaweni hangu, nyuwe mkudamanya wavu!
\p
\v 24 Ivyo chila yumwenga akwiva yano hulonga na kuzumila nafanane na mntu mta umanyi azengile nyumba yakwe mlanga mo luwe.
\v 25 Fula niyo yanya, mabwandasi niyo yamela luzimu niyo yeza niyo yatowa mwe nyumba iyo, mna haigwele hasi, kwaviya nendile izengwa mlanga mwe luwe.
\v 26 Mna chila mntu akwiva ulosi wangu naho asekuzumila, naliganywe na mntu mhezi azengile nyumba yakwe mlanga mo msanga.
\v 27 Mfula niyo yeza matiniti niyo yamela, niyo luzimu weza na kuitowa inyumba iyo, niyo yagwa na kubanikisa.
\p
\v 28 Niyo yabula chipindi icho, Yesu akomeleza kulonga izimbuli izo, fyo niyo dyehelwa na mahinyo yakwe.
\v 29 Kwaviya nakahinya saviya mntu mta udahi siyo saviya wadolonyi wawo.
\c 8
\cl Sula 8
\p
\v 1 Chipindi Yesu eze asele kulawa ko lugulu bunga kulu nadimtongela.
\v 2 Kaula mntu mta matana keza niyo amfikila madi kulongozi kwakwe, agamba Zumbe uneva kwemalanya kale wadaha kutenda nilenguke.
\p
\v 3 Yesu niyo anyolosa umkono wakwe amdonta, amgamba naunga ulenguke, aho aho niyo alenguka amatana yakwe.
\v 4 Yesu amgamba usekulonga na mntu yoyose toza isila yako kwelagise mwenye mwa mlavyantambiko naho ulavye jeleko idyo alangise Musa. Kwachausa cha ukuzi wawo.
\p
\v 5 Umo Yesu eze abule Kapenaumu mkulu ywa wankondo niyo ambasa amuza,
\v 6 agamba, Zumbe mndima wangu, kagona kukaya kaholomala naho alumiswa.
\p
\v 7 Yesu amgamba nanize nimhonye.
\p
\v 8 Mkulu ywa wankondo agamba, Zumbe miye sikuwagila hata wize wingile mndani mwe nyumba yangu longa ulosi du mndima ywangu ahone.
\v 9 Kwaviya miye nami ni mntu mta udahi naho ni wankondo we hasi hangu. Ninalonga kwa yuno, hita naho aita, naho kwa mtuhu soo naye eza, naho kwa mndima ywangu Damanya vino naye adamanya ivyo”
\p
\v 10 Chipindi Yesu eze eve ivyo niyo ehelwa, awagamba wadya nandile wakamtongela Chindedi nawagambila sinati kuwona mntu mta utondowazi enga yuno mwe Izulaeli.
\v 11 Nawagambilani walozize naweze kulawa mashaliki na magalibi nawekale mwe imeza hamwenga na Ibulahimu, Isaka na Yakobo mo useuta wa ko ulanga.
\v 12 Mna wana wa useuta hawadulwe mwe chiza cha kuse, uko kuna kuguta na kusaga meno.
\v 13 Yesu amgamba mkulu hita enga ivyo uzumile navitende ivyo kwako. Mndima naye niyo ahonywa mwe ichipindi icho.
\p
\v 14 Chipindi Yesu eze abule kwe inyumba ya Petulo niyo amuwona mkwewe Petulo kagona ana homa.
\v 15 Yesu niyo amdonta umkono wakwe hooma yakwe niyo yamleka niyo enuka niyo akonga kuwasankanila.
\p
\v 16 Eze ibule chisingi wantu niyo wamletela Yesu walozize wata majini niyo awabalaza amajini wadya nawakalumwa wahona.
\v 17 Kwaviya yachinta yadya yalongagwa ni Isaya muoni yeye mwenye nakaguha manyonje yetu kenula mapungufu yetu.
\p
\v 18 Akaheza Yesu eze awone bunga dimzumbuluka, niyo alagisa kwita ntendele ntuhu mwe bahali ya Galilaya.
\v 19 Niyo mdolonyi eza kwakwe amgamba mhinyi nahutongele kokose na wite.
\p
\v 20 Yesu amgamba mauzi ya malundu madege ya ko ulanga yana msasa, mna mwana ywa Adamu hana hakugoneza umtwi wakwe.”
\p
\v 21 Mwana mpina mtuhu amgamba, “Zumbe ndakunileka hamhambe tate.”
\p
\v 22 Mna Yesu amgamba nitongela waleke wabanike wahambe wabanike wawo.”
\p
\v 23 Yesu eze engile mwe ingalawa, wanampina wakwe niyo wamtongela ko mtumbwi.
\v 24 Kaula niyo kwenuka mawimbi makulu mlanga mwe bahali mtumbwi niyo wagubikwa ni mawimbi, mna Yesu nendile kagona.
\v 25 Wanampina niyo weza kwakwe wamwinula wamgamba Zumbe chambule suwe, chonga chibanike!”
\p
\v 26 Yesu awagamba, “kwambwani mogoha nyuwe utondowazi wenyu ni mdodo”? Niyo enuka niyo aikwahila impeho naho ibahali niyo yatongomala.
\p
\v 27 Wagosi niyo wehelwa wagamba yuno mntu e zeze kugamba hata nkung'unto na bahali vya mwiva yeye?”
\p
\v 28 Chipindi Yesu ezile ntendele intuhu ye isi ya Wagadala, wagosi waidiwata mpepo wadugana naye. Nandile wakalawa kwe zimbila nandile wakaleta vulugu vidala chiasi kugamba hakuna mtafi akudaha kugwila isila iyo.
\v 29 Kaula, niyo waguta wagamba, “china chibwani cha kudamanya kwako, mwana ywa Chohile? Kwiza hano kuchisulumiza kabula ya chipindi chetu kubula?”
\v 30 Haluse fyo kulu dya nguluwe nadikadimwa, nandile siyo hale sana na aho wendile.
\p
\v 31 Mpepo zajendeleza kufuzuma kwa Yesu zagamba, “Uneva nauchigambe chifose, chigale mwe idifyo dye izingulewe”
\p
\v 32 Yesu awagamba, “Hitani!” mpepo niyo zafosa niyo zaita zengila mwe zinguluwe. Naho wawona fyo dyose niyo dyafosa kulawa ko lugulu dyaseleza kwe ibahali dyose niyo dyafa mwa amazi.
\v 33 Wagosi nendile wakadima izinguluwe niyo wasumka eze waite kukaya niyo walonga mbuli zose, hasa chilaile kwa wadya wagosi nawana amajini.
\v 34 Kaula kaya yose niyo yafosa yeza kudugana na Yesu. Eze wamuwone wamgamba ahalawe mwe isi yawo.
\c 9
\cl Sula 9
\p
\v 1 Yesu niyo engila mwe boti ajinka kubula mo mzi uwo nakekala.
\v 2 Niyo wamletela mntu aholomale kagonezwa mwe godolo eze awone uzumizi wawo, Yesu amgamba yudya aholomale, “Mwanangu utende na chinyemi, masa yako yalekelwa”
\p
\v 3 Kaula wahinyi awamwenga lagizo walonga wenye kwa mwenye, “Yuno mntu asimanga”
\v 4 Yesu niyo amanya izifanyanyi zawo niyo agamba, kwambwani mwafanyanyanwavu mwe myuye yenyu?
\v 5 Chihufu ni chihi ni kugamba, ‘Masa yako yalekeilwa’ hegu ‘kugamba chimala ujende’?
\v 6 Mna mmanye kugamba mwana ywa mntu anaudahi wa kweila masa, alonga ayo kwa yudya aholomale, chimala guha idigodolo dyako wite kukaya kwako.
\v 7 Naho uyo mntu niyo achimala ahalawa aita kwe kaya yakwe.
\v 8 Bunga dya wantu dize diwone ayo, niyo wehelwa niyo wamtongela Chohile uyo awenkile udahi uwo awo awantu.
\p
\v 9 Yesu naye nandile akajinka kulawa aho, niyo aona mntu etangwe zina dyakwe Matayo naye nakekala hantu ha kutoza maliho, Naye amgamba nitongela miye, niyo achimala amtongela.
\v 10 Yesu naye eze ekale chani adye nkande kunyumba niyo weza watoza maliho walozize na wabanasi, niyo wadyanya hamwenga na Yesu na wanampina wakwe.
\p
\v 11 Naho Mafalisayo weze waone wawagamba wanampina wakwe kwambwani mhinyi wenyu adya nkande hamwenga na watoza maliho na wabanasi?
\p
\v 12 Yesu eze eve ayo naye agamba, wantu wajimbale hawkutasa mlaguzi.
\v 13 Vyaungwa mwite mkahinye imanan yakwe, Naunga wedi na siyo malavyo kwaviya nasiza siyo kwa wawagile, mna kwa wenye masa.
\p
\v 14 Naho wanampina wa Yohana niyo weza kwakwe wakagamba, kwambwani suwe na Mafalisayo chafunga mna wanampina wako hawakufunga?
\p
\v 15 Yesu awagamba vino, wakusindikiza nyinka wadaha kutenda na mbazi chipindi wana naye umwali? Mna mazuwa yeza aho umwali akeza kuhalawa naho nawafunile.
\p
\v 16 Haukna mntu akudaha kwika chilaka cha suche hya mwe suche ya kale, chilaka nachitatulwe kulawa mwe isuche isakale naho naijendeleze kutatuka
\v 17 Hakuna wantu wakwika mpombe hya mwe chombo cha mpombe ya chikale uneva wantenda nkanda naitatuke mpombe naimlawe inkanda naibanike. Chinyume chakwe yaikwa mpombe hya mwe nkanda haya naho vyose navitende vijima.
\p
\v 18 Chipindi Yesu akawagambila ayo, kaula mkulu ywa kaya niyo wza amfikila madi kulongozi kwakwe, naye amgamba, chigoli changu chibanika ivino haluse, so wike umkono wako mlanga mwakwe naye auyuke niyo achimala naho.
\v 19 Niyo Yesu achimala niyo amtongela na wanampina wakwe nawo.
\v 20 Kaula mvyele yumwenga nandile akalawa sakame kwa chipindi cha mihilimo mlongo umwenga na midi niyo eza hajihi na Yesu, niyo abenta mnkanda mwe isuche yakwe.
\p
\v 21 Kwaviya nakagamba uneva ninabenta isuche yakwe miye nami nanihone.
\p
\v 22 Yesu niyo ahituka amsinya amgamba mndele keinke muye uzumizi wako ukutenda uhone. Ichipindi icho mvyele niyo ahona.
\p
\v 23 Yesu eze abule kwa mkulu we kaya, niyo awawona wakutowa gunda wantu walozize waguta.
\v 24 Nae awagamba halaweni hano kwaviya chigoli habanike mna kagona mna wowo niyo wamseka na kumbela.
\v 25 Wadya wantu weze walavye kuse niyo engila kwe chumba niyo amtoza mkono yudya chigoli niyo enuka.
\v 26 Mbuli zino niyo zazagala mo mzi mjima
\p
\v 27 Naho Yesu nandile akajinka kulawa hadya wagosi waidi matuntu niyo wamtongela. Wajenda wakagamba, chalombeza uchifile mbazi mwana ywa Daudi.
\v 28 Chipindi Yesu eze abule kwe nyumba ya matuntu niyo wabula, Yesu awagamba, Mwazumila kugamba nadaha kutenda ayo? Wamgamba heye Zumbe.
\p
\v 29 Niyo yesu adonta ameso yawo agamba navitendeke ivyo kwenyu saivyo uzumizi wenyu wili.
\v 30 Meso yawo niyo yagubuka niyo Yesu awahikiliza awagamba, msinyiseni mntu yoyose asekumanya imbuli ino.
\v 31 Mna wano awntu waidi niyo whalawa wakabwelekeza izimbuli izo mo mzi wose.
\p
\v 32 Naho wadya awagosi waidi chipindi wakaita zawo, mntu yumwenga bubu emukwe ni majini niyo aletwa kwa Yesu.
\v 33 Amajini eze yamlawe yudya mntu bubu niyo akonga kulonga bunga niyo dyehewa niyo wakonga kugamba Ino hainati ilaile mwe Izulaeli.
\p
\v 34 Mna Mafalisayo nandile wakagamba kwa mkulu wa majini abalaza majini.
\p
\v 35 Yesu niyo aita mwe mizi na mwe vijiji naye niyo ajendeleza kuhinya mwe izinyumba zo kuvikla akalonga mbuli yedi ya useuta, na kuhonya manyonje ya chila aina na maine ya aina zose.
\v 36 Eze awone bunga niyo adifila mbazi kwaviya wasulumila niyo wakata tama nawekale saviya ngoto hezina mdimi.
\v 37 Naye niyo awagamba wanampina wakwe ulozo uloza mna wadamanya ndima ni wajeche.
\v 38 Ivyo basi, hampu lombezaniZumbe ywa ulozo chani kugamba asigile wandima mo ulozo wakwe.
\c 10
\cl Sula 10
\p
\v 1 Yesu kawetanga wanampina wakwe mlongo na waidi hamwenga nakuwenka udahi mwe mpepo wehiye, kuzikwahila, kuwagulusa na kuhonya aina zose za viluma na aina zose za manyonje.
\v 2 Mazina ya wasigilwa mlongo na waidi, ni yano, dya nkongo Simoni uyo naketangwa Petulo, Aduleya mkuluwe Yakobo, mwana ywa Zebedayo, na Yohana mkuluwe.
\v 3 Filipo na Batilimayo, Tomaso na Matayo mguha maliho, Yakobo mwana Alifayo, na Tadeo.
\v 4 Simoni mkananayo, na Yuda Isikaliyote ambaye kamhituka.
\p
\v 5 Wano milongo na waidi Yesu niyo awatuma niyo awagambila kugamba, msekwitw hwntu hadya wakwikala walungwana, naho msekwingila mwe mizi ya Wasamaliya.
\v 6 Badala yakwe mwite kwa ngoto zagile mwe nyumba ya Izulaeli.
\v 7 Naho mkaita longani kugamba, Useuta wa kulanga usogela.
\v 8 Honyani wanyonje inuleni wabanike, kukizani wata matana, balazeni mpepo mhkela bule, lavyani bule.
\v 9 Msekuguha zahabu, alimasi hegu shaba mwe zipochi zenyu.
\v 10 Msekuguha mfuko mwe ntambo yenyu, hegu suche za akiba, vilatu hegu nkome kwaviya mdamanya ndima awagile nkande yakwe.
\v 11 Mzi wowose hegu kaya, mkunga mwingile, londani uyo akuwagila mwikale aho kubula mkaunga mhalawe.
\v 12 Mkengila mwe nyumba lamsani,
\v 13 uneva inyumba iwagila wedi wenyu, isigale aho mna hegu inyumba haikuwagila wedi wenyu, ihalawe hamwenga na nyuwe.
\v 14 Na kwa wadya hawewahokele nyuwe, na kudamanya mbuli zenyu chipindi mkahalawa mwe nyumba hegu mzi uwo, hangusani idivumbi ze izilwayo zenyu ahantu aho.
\v 15 Chindedi nawagambilani navitende vya kuchinta kujinka imizi ya Sodoma na Gomola zuwa dyo kukantilwa kjinka umzi uwo.
\p
\v 16 Kaulani nawatuma enga ngoto mgati mwe makuli ambayo kwaiyo tendani wamanyi enga nyoka na wahoile enga kaswa manga.
\v 17 Mkaulise, wantu nawawegalekwe vitala nawawatoeni kwezinyumbz za ntambiko.
\v 18 Naho namletwe kulongozi kwa wakulu na walongozi, kwachausa cha miye, hegu uchindedi kwawo na kwawalungwana.
\v 19 Chipindi wakawalahani, msekutenda na nkama jisi yani hegu ni chihi cha kutamwila, kwaviya chintu cha kulonga namwinkigwe kwa chipindi icho.
\v 20 Kwaviya siyo nyuwe mkunga mlongwe, mna Muye wa Tati yenyu naulonge mndani mwenyu.
\v 21 Mlukolo namwinukile mlukolo wakwe kumkoma na ise kwa mwanawe, wana nawenuke kuhigana na waweleke na kuwahosa file.
\v 22 Nyuwe namwihiwe ni chila mntu kwachausa cha zina dyangu mna yoyose akunga ajijimize kubula udumo, mntu uyo nambulwe.
\v 23 Chipindi wakawasulumizani mo mzi mna gulukilani mzi ukutongela, kwachipindi nawagambileni hamtende mwita ko mizi yose ya Izulaeli kabula ya Mwana ywa Adamu henati kuya.
\p
\v 24 Mwanampina siyo mkulu kujinka mhinyi wakwe hegu msentwa mwa Zumbe ywakwe.
\v 25 Ichinta kwa wanmpina kugamba, atende saviya mhinyi wakwe, na mndima saviya Zumbe wa nuymba ya Belizebuli ni kwaciasi chani wawahuluta we nyumba yakwe.
\p
\v 26 Ivyo msekuwogoha wowo, kwaviya hakuna mbuli ambayo haigubulwe na hakuna dyefisize ambadyo hadimanyikane.
\v 27 Chiya huwagambilani, mwe chiza chilongeni kung'aile na chiya mkwiva kwa ulaini mwawagutila wenyu chilongeni mkatenda mwi mnyumba.
\v 28 Msekuwogoha wadya ambawo wakoma umwili, mna hawakudaha kukoma umuye, yudya ambaye adaha kubalanga mwili na muye na kwebome hedina uhelo.
\v 29 Togola wasiku waidi hawakutagwa kwa senti ndodo? Hata ivyo hakuna akudaha kugwa hasi bila tati yenyu kumanya.
\v 30 Mna hata idadi ye izifili zenyu ziwazwa.
\v 31 Msekutenda na nkama kwaviya mna somani kujinka kuliko kasuku walozize.
\v 32 Ivyo basi chila yumwenga akunga amzumile kulongozi kwa wantu, nami naho nanimzumile kulongozi kwa tati yangu ekulanga kwembingu.
\v 33 Uyo akunga anilemele kulongozi kwa wantu miye naho nanimlemele kulongozi kwa Tati ywangu ekulanga kwembingu.
\p
\v 34 Msekufanyanya kugamba, siza kuleta wedi mwe isi, sizile kuleta wedi mna lubamba.
\v 35 Kwaviya nasiza kumwinka mntu atowane na tati yakwe, nawajendelese na mami yakwe mkwe wakwe.
\v 36 Wankondo wa wantu nawatende wadya wa mwe nyumba yakwe.
\v 37 Yudya akumunga ise hegu nine kujinka miye uyo hakuniwagila, na yudya akumunga mbwanga hegu mndele kujinka miye uyo hakuniwagila.
\v 38 Yudya ambaye henule umsalaba wakwe na kunitongela miye hakuniwagila.
\v 39 Yudya akulonda wikazi nawaze mna yudya akunga awaze wikazi kwachausa changu miye naupate.
\p
\v 40 Yudya akunga awahokeleni, anihokela miye, na yudya akunga anihokele miye amhokela yudya amtumile miye.
\v 41 Na yudya akunga amhokele muoni kwaviya ni muoni naahokele sawabu ya muoni na yeye akunga amhokele hena lema, kwaviya ni mntu hena lema na ahokele sawabu kwa uyo hena lame.
\v 42 Na yoyose akunga amwinke yumwenga mwa wadodo wano, hata chikombe cha mazi kunywa yempeho kwaviya yeye ni wanampina, chindedi anawagambila yudya hakudaha kuswesa kwa sila yoyose sawabu yakwe.
\c 11
\cl Sula 11
\p
\v 1 Niyo bada ya Yesu kubind kuwagambila wanapina wakwe mlongo na waidi kahalawa hadya kwita kuwahinya na kulonga mwe mizi yawo.
\p
\v 2 Naho Yohana akatende emwedigeleza eze eve akatenda kulanga izintendwa za Kulisito katuma sigilizi kujinkila kwa wanapina wakwe,
\v 3 niyo wamuza weye ni yudya akwiza hegu kuna mtuhu chaungigwa chimgoje?
\p
\v 4 Yesu kawalandula ukolonga kwawo hitani kamgambile Yohana yadya mkuyawona na ydya mkwiva.
\v 5 Wantu hewekuwona waona waholomale wajenda watamatana wasuntwa wantu hewekwiva weva, naho wantu wabanike wauyuswa kupata ujima naho na wantu wakunga wagambila mbuli yedi.
\v 6 Naho ajimbikwe yudya hekuwona nkama mwangu.
\p
\v 7 Chipindi wantu wano weze wahalawe Yesu kakonga kulonga na bunga kumlanga Yohana, Ni mbwani mwita kuwona kwe dijangwa tete dikusingiswa ni mpeho?
\v 8 Mna bwani na mwita mwakuwona mntu avikile suche ntana? Chindedi wadya wakuvika suche ntana wekala mwe nyumba za Maseuta.
\v 9 Mna namwita mwakuwona bwani? Muoni? Ivyo nawagambila, kujinka muoni.
\v 10 Yano nayo adolonyezwe kaula namsigila mndima ywangu kulobgozi ko uso wako uyo namalanye sila yako kuolongozi kwako.
\p
\v 11 Miye nawagambila chindedi mgati mwa welekwe ni wavyele hakuna nandile mkulu kujinka Yohana mwambula mna nandile mdodo mo ukulu wo kulanga ni mkulu kujika uyo.
\v 12 Kungongela amazuwa ya Yohana mwambizi kubula haluse ukulu wa kulanga una nguvu na wantu wenye nguvu wauguha kwa nguvu.
\v 13 Kwaviya waoni na lagizo, nandile wana uwoni kubula kwa Yohana.
\v 14 Hegu mwemalanya kale kuzumila yano Eliya yudya akwiza.
\v 15 Mwenye magutwi ya kwiva na eve.
\p
\v 16 Nichiliganye na mbwani cheleko chino? Ni mligano wa wana wakuseziga hantu ha gwilo, waakwikala na kwitangana,
\v 17 nakugamba, Nachiwatoila zomali mna hamvinile, chilomboleza naho hamwilile.
\v 18 Kwa viya Yohana nakeza ukaleka kudya mgate hegu kunywa mpombe, niyo awagamba ana majini.
\v 19 Mwna ywa Adamu nakeza kudya na kunywa naho niyo wagamba Kaulani ni mntu mta kudya na kunywa, mbuya ywa watoza maliho na wata masa mna umanyi wawoneka kwa ntendwa zakwe.
\p
\v 20 Yesu kakonga kuikwahila imizi ambamo umo izintendwa zakwe za maula zidamanyika, kwaviya nahewenati kweila.
\v 21 Nauluwone Kolazini, nauluwone Besaida! Hegu ntendwa nkulu zadamanyike Tilo na Sidoni yadya yadamanyike hano nawendile weila kale kwa kuvala majuniya nakwekuluguta maivu.
\v 22 Mna navitende ujijimizi kwa Tilo na Sidoni zuwa dyo kukantilwa kujinka kwako.
\v 23 Weyw Kepanaumu wamanya kugamba nawinulwe kubula ko ulanga? Bule nauselezwe kubula hasi kwe bome hedine uhelo. Saviya kwa Sodoma hegu kudamanyike ntendwa nkulu, saviya yadamanyike kwako, nawiyaho kubula dyelo.
\v 24 Ivyo nagamba kwako kugamba naitende lahisi kwa si ya Sodoma kuchimala zauwa dya kukantilwa kuleka weye.
\p
\v 25 Mwe ichipindi icho Yesu nakalonga Nakutogola weye Tate, Zumbe ywa ko ulanga na we isi kwaviya nakuwafisa mbuli zino wata umanyi na fanyanyi, naho kuyagubula kwa hewena umanyi saviya wana wadodo.
\v 26 Tate kwa viya nasikwelela mwa meso yako.
\p
\v 27 Yano yose yaikigwa kwangu kulawa kwa Tate hakuna amanyize ukaleka tate naho hahana ammanyize Tate ukaleka mwana na yoyose ambaye mwana ana nkwina kugubuila.
\v 28 Soni mwangu nyuwe wose mkusumbuka na kuzamilwa nia mizigo izamile miy nami nani wahemeze.
\v 29 Kwejeleni nila yangu naho mhine kulaila kwangu, kwa viya miye ni mnyanyahala naho ahoile na muye naho nampate kuhema kwe muye yenyu.
\v 30 Kwaviya kunga kangu ni kwedi naho mzigo wagu uhuha.
\c 12
\cl Sula 12
\p
\v 1 Chipindi icho Yesu kaita siku ya sabato kujinkila mwezinkonde wanampinawakwe nandile wanasala niyo wakonga kuvuna masuke na kuyadya.
\v 2 Mna mafalisayo weze waone ayo wamgamba Yesu kaula wanampina wako wabalanga lagizo wadamanya siku hayeluhusiwe siku ya sabato.
\p
\v 3 Mna Yesu niyo awagamba hamnati kusoma Daudi ayo atendile chipindi nendile anasala hamwenga na wantu nandile ananao?
\v 4 Kama ivyo engile mndani mwedivikilo dya chohile niyo adya imikate ya usinyizo ambayo nandile siyo vyedi kwakwe kuidya nandile ananayo mna ni halali kwa walavya ntambiko.
\v 5 Bado hamsomile mwe lagiso kugamba mwe siku ya sabato walavya ntambiko mndani mwe idivikilo waibalanga sabato mna hawana hatiya.
\v 6 Mna nagamba kwenyu vino yudya mkulu kuliko vikilo ehano.
\v 7 Hegu mwamanyize dino dya maisha mbwani naunga wedi na sio zahabu nandile hamuwahukumu hawena hatiya.
\v 8 Kwaviya mwana wa adamu nuyo zumbe wa sabato.
\p
\v 9 Niyo Yesu ahalawa hadya kaita mwe nyumba ndodo ya vikilo dyawo.
\v 10 Kaula nandile kuna mntu aholomale umkono mafalisayo wamuza Yesu wagamba je? Ni vyedi kuhonya siku ya sabato? Ili wadahe kumshitaki kwa kutenda vihiye.
\p
\v 11 Yesu awagamba ni yani mgati mwenu ambaye uneva ana goto dimwenga na yuno goto kagwela mndani mwe bome siku ya sabato hamtoze na kumlavya kwa nguvu mndani mwedibome?
\v 12 Je? Ni kihi chenye samani zaidi kwani si zaidi ya goto kwani ni halali kutenda yedi siku ya sabato.
\v 13 Niyo Yesu amgamba yudya mntu chulusa umkono wako niyo auchulus wapata ujima enga udya umtuhu.
\v 14 Mna mafalisayo niyo wafosa kuse wapanga jinsi ya kumnyinginya waita kuse kupanga kihitu chakwe nandile wakalonda jinsi ya kumkoma.
\p
\v 15 Yesu eze awagunduwe idyo niyo ahalawa aho wantu wengi wamtongela na kuwahonya wose.
\v 16 Niyo awaagiza wanase kumtenda amanyike kwa watuhu.
\v 17 Kugamba kitimiye ikindedi nandile chilogwa ni muoni isaya akagamba.
\q
\v 18 Kaula mndima wangu nimsagule mmbuya wangu mna yuno luhenyo wangu lupendezwa nanike muye wangu mwakwe naho na alonge nkanto ya mataifa.
\q
\v 19 Hahangaike naho kulume kwangu kwa nguvu na mwayeyose kwiva sauti yakwe mwamatalamkilo.
\q
\v 20 Havune tete dikunulwe hakome utambi wowose ukulawa mosi mpaka aho akunga alete ukantilwa ikadaha.
\q
\v 21 Na walungwana nawatende na ushujaa mwe dizina dyakwe.
\p
\v 22 Mntu yumwenga hekuona naho analufumbila kimumu kalonga na kusinya.
\v 23 Maduganno wose niyo wanyanyahala naho wagamba vyadahika mntu yuno kwamba ni mwana wa Daudi?
\p
\v 24 Mna Yesu chipindi mafalisayo eze wevye mpituko ino wagamba yuno mntu hakulavya majini kwa nguvu zakwe mwenye isipokuwa kwa belizebuli mkulu wa mapepo.
\p
\v 25 Mna Yesu kamanya izifanyanyi zao naho awagamba kila ukulu wepangila wenye wabanika naho kila mzi au nyumba ikwepanga yenye haikuchimala.
\v 26 Uneva shetani na muse shetani egoma mwenye mo luhenyo wakwe mwenye.
\v 27 Ni kwanamnani ukulu wakwe na uchimale? Naho hegu nalavya mpepo kwa nguvu za belizebuli watongela wenyu wawalavya kwa sila yani? Kwa ajili ya dino nawatende walamuzi wenyu.
\v 28 Naho hegu mpepo kwa nguvu za muye wa chohile basi ukulu wa chohile wizakwenyu.
\p
\v 29 Vino mntu adaha zeze kwingila mndani mwe nyumba mwenye nyumba niyo abawa bila kumtaliza mwenye nguvu kwanza? Nivyo abawe mali yakwe kulawa mndani mwe nyumba.
\p
\v 30 Yoyose hena hamwenga na miye ekinyume changu naye hekukusanya hamwenga na miye uyo ni mtawanyi.
\p
\v 31 Kwaivyo nagamba kwenyu chila wihi ufyosi wantu nawalekeilwe mna ufyosi wa muye ukukile hawalekeilwe.
\v 32 Yoyose akulonga chinyume na mwana ywa Adamu uyo halekeilwe mna yoyose akulonga chinyume na Muye Ukukile uyo halekeilwe, mwe isi ino naho udya ukwiza.
\p
\v 33 Utende mti utendile mtana na tunda dyakwe hegu ubalangwe mti wa tunda dyakwe kwaviya mti umanyika kwa tunda dyakwe.
\v 34 Nyuwe welekwa wa nyoka nyuwe ni wahi mwadaha kulonga mbuli ntana? Kwaviya mwe milomo mwalawa mwe akiba ya eyumo mwe myuye.
\v 35 Mntu ywedi mwe akiba yedi ya mo muye wakwe mwalawa yedi na mntu ehiye mwe akiba ya muye wakwe alavya chiya chihiye.
\v 36 Nawagambilani vino mwe dizuwa dya kukantilwa wantu nawalavye uwazwa wa chila ulosi hewina mana walongile.
\v 37 Kwaviya kwa ulosi wako nauwazizwe uwagila, ulosi siyo mtana ulongile naukantilwe.
\p
\v 38 Mna wantu wadolonyi na Mafalisayo wamhitula Yesu wamgamba mhinyi nachikaunga kuona chilagiso kulawa kwako.
\p
\v 39 Mna Yesu kawalandula na kugamba cheleko chihiye cha ubanasi chalonda chilagiso mna hakuna chilagiso chikungwa chilavigwe kwenyu ukaleka kutenda chiya chilagiso cha Yona muoni.
\v 40 Saviya muoni Yona nandile mndani mwe samaki mkulu kwa mazuwa matatu msi na chilo ivyo nivyo mwana ywa Adamu akunga mndani mwe muye we isi kwa mazuwa matatu msi na chilo.
\v 41 Wantu wa Ninawi wachimala kulongozi ko kukantilwa hamwenga na welekwa wa wantu wano nawakantilwe kwaviya nawaleka kwa ulosi wa Yona naho kaula mntu yumwenga b kuliko Yona ehano.
\v 42 Malikiya wa kusini nenuke mwe ukantilwa hamwenga na wantu wo welekwa uno kuchikantila keza kulawa uhelo we isi kwiza kwiva hekima ya Sulemani naho kaula mntu yumwenga mkulu kuliko Sulemani ehano.
\p
\v 43 Mna mpeho nchafu akamlawa mntu ajinkila hantu hahena mazi alonda kuhumula mna hakuhaona.
\v 44 Nivyo agamba nauya kwe nyumba yangu nilaile, akauya abwila i yumba ihagilwa naho yajika.
\v 45 Nivyo aita kuwaguha watuhu myuye mfungate wehiye vitendese kujinka yeye weza kwikala wose hadya ne ihali yakwe ya uhelo yatenda iha kujinka ye nkongo, ivyo nivyo vikunga vitende mo lwelekwa luno lwihiye.
\p
\v 46 Chipindi Yesu nandile akalonga bunga kaula mami yakwe na walukolo wakwe wachimala kuse walonda kusimwila naye
\v 47 Mntu yumwenga amgambila kaula nyokwe na walukolo wako wachimala kuse walonda kusimwila na weye.
\p
\v 48 Mna Yesu alandula kumgamba yudya amgambile mami yangu ni yuhi na walukolo wangu ni wakina yuhi.
\v 49 Mna niyo achulusa umkono wakwe kwa wanampina wakwe na kugamba, kaula wano ni mami zangu na walukolo wangu.
\v 50 Kwaviya yoyose akudamanya umbuya na tate ywangu ekudya kulanga mntu uyo nuyo mlukoloywangu lumbu dyangu naho mami yangu.
\c 13
\cl Sula 13
\p
\v 1 Mwezua idyo Yesu kamlawa mwenyumba kakwikala mnkanda mwe bahali.
\v 2 Isi inkulu ukusanyana na kumzunguluka kengila mndan mwe hondo niyo ekala mndan mwakwe isi yose yachimala mnkanda mwe bahali.
\v 3 Niyo Yesu alonga mbuli zilozize kwa mligano agamba kaula mhandi kaita kwekuhanda.
\v 4 Chipindi akahanda baazi ya mbeyu zigwela mnkanda mwesila niyo wadege weza kuzidondola.
\v 5 Izimbeyu izintuhu zigwela mlanga mweluwe izo hazipatile ulongo mwinji mna niyo zahota mna kwaviya ulongo hauna utali.
\v 6 Mna zuwa ezedyake niyo zahya kwaviya hazina maizi niyo zanyala.
\v 7 Mbeyu izintuhu zigwela mgati mwemiwa. Miti yemiwa niyo yatenda mitali niyo ifinyika.
\v 8 Izimbeyu izimwenga zigwela mweulongo mtana na kweleka mbeyu ntuhu mala mia imwenga zaidi zimwenga milongo sita na izimwenga milongo mitatu.
\v 9 Mwenye magutwi na eve.
\p
\v 10 Wanampina naweze kumgambila Yesu kwamba na walonga na maduganyo kwa mfano?
\p
\v 11 Yesu awajibu awagamba mwinkigwa upendeleo wakumanya fiso za ukulu wa kulanga mna wowo hawanati kwinkwa.
\v 12 Mna yoyose ananacho kwakwe yeye na aongezwe zaidi naho napate faida nkulu mna henanacho hata kiya ananacho na hokwe.
\v 13 Ivyo nalonga nao kwa mifano kwasababu ingawa wasinya wasekusinya ikindedi. Naho ingawa weva wasekwiva wala kumanya
\v 14 Uoni wa Isaya uchinta kwao udya ukugamba mkeva msekwiva mna kwa namna yoyose hamuelewi wakati mkasinya mna kwa namna yoyose idya msekumanya.
\p
\v 15 Na imihenyo ya wantu wano itenda chiza ni midala kwiva naho wagubika ameso yao ili wasekudaha kusinya kwa meso yawo au kwiva kwamagutwi yawo au kumanya kwa mihenyo yawo ivyo wanihitukile naho na siwahonya
\p
\v 16 Mna ameso yangu yajimbikwa kwaviya yawona na magutwi yenyu kwaviya yeva
\v 17 Kindedi nawagambila waoni wengi na wantu wenye chindedi nandile nawanankwina ya kuyawona mabuli yadya mkuyaona mna hawadahile kuyawona watamani kwiva mabuli yadya mkuyeva hawayevile.
\p
\v 18 Haluse tegelezani mfano wa mhandi
\v 19 Mna yoyose akwiva mbuli ya ukulu nahakumanya nivyo ehiye kwiza nakupakula chihezize kuhandwa mndani moluhenyo lwakwe ino ni mbeyu idya mnkanda mwe sila
\v 20 Yudyaahandigwe moluwe ni yudya akwiva mbuli na kuhokela halaka kwa kwelewa.
\v 21 Mna hana maizi mndani mwakwe mna avumiliya kwa chipindi chijihi mna nkunto na masulumizo yakalaila kwa sababu ya mbuli akobadika gafula.
\v 22 Ahandigwe hagati hemiti ye miwa yuno ni yudya akwiva mbuli na mna masumbuko ya ulimwingu na udantilizi wa chipato yafinyika idye imbuli inase kweleka matunda.
\v 23 Ahandigwe mwe ulongo mtana yuno ni yudya akwiva imbuli na kumanya yuno ni yudya akweleka matunda na kwendelea kweleka dimwenga zaidi mala milongo kumi zintuhu milongo sita zintuhu milongo mitatu.
\p
\v 24 Yesu kawenka mfano mtuhu agamba ukulu wa kulanga ufananishwa na mntu ahandile mbeyu zedi mwenkonde yakwe.
\v 25 Wakati wantu wakasinka mwihi wakwe keza kuhanda magugu mdya mwe ngano yakwe niyo ahalawa.
\v 26 Baadaye ingano ihota na kukonga kweleka niyo magugu yalaila ivyo.
\v 27 Awandima wa mwenye nkonde weza kumgambila Zumbe huhandile mbeyu ntana mwenkonde yako? Vitenda vihi mna magugu?
\p
\v 28 Awagamba mwihi mwihi kadamanya dino wandima wamgamba kwa iyo waunga chite chikayang'ole?
\p
\v 29 Mwente nkonde awagamba bule wakati wo kuvuna haunati mnang'ola amagugu namng'ole hamwenga ne ngano.
\v 30 Yalekeni yakule hamwenga mpaka umuda wo kuvuna nanilonge na wavuni kwanza ng'olani amagugu naho yatalizeni mabundu mabundu niyo mwayoka mna kusanyani izingano mwe digulu dyangu.
\p
\v 31 Niyo Yesu awalaviza mfano mtuhu agamba ukulu wa kulanga uligana na mbeyu haladali kwaiyo mntu kaiguha kakwihanda mwe nkonde yakwe.
\v 32 Imbeyu ino kwa chindedi ni ndodo kuliko mbeyu ntuhu zose mna ikasitawi yatenda nkulu kuliko miti yose imwe busitani yatenda mti ukajika naho wadege wa kulanga weza kuzenga masasa mwa matambi yakwe.
\p
\v 33 Niyo awagambila mfano mtuhu naho ukulu wa kulanga ni kama hamila idya iguhigwe ni mvyele na kuihanganya mwe vipimo vitatu vya unga mpaka vyumuke.
\p
\v 34 Yano yose Yesu kayalonga mwe idibunga kwa mifano na hahena mifano halongile dyodyose kwawo.
\v 35 Ino itenda kugamba chiya chihezize kulongwa kujingkila kwa muoni kidahe kuchinta hadya alongile nanigubule mnomo wangu kwa mfano nanilonge mbuli ziya zandile zifishwa tangu msingi wo ulimwingu.
\p
\v 36 Niyo Yesu awasa idibunga niyo aita kunyumba wanampina wakwe wambasa niyo wagamba kitafasiliye umfano wa amagugu ya kwenkonde.
\p
\v 37 Yesu awajibu awagamba akuhanda mbeyu zedi ni mwana wa adamu.
\v 38 Nkonde ni ulimwingu na mbeyu ntana wano ni wadya wana wa ukulu magugu ni wana wa yudya umwihi na umwihi azihandile ni shetani.
\v 39 Na akuvuna ni mwisho wo ulimwigu na wakunga wavune ni wandima.
\v 40 Saviya magugu ya kukusanywa na kokwa moto ivyo nivyo vikunga vitende mwisho wo ulimwingu.
\v 41 Mwana wa Adamu na qatume wandima wakwe na kukusanya kulawa mwokulu wakwe mbuli zose zisababishe uhovyo na wana wakudamanya ubanasi.
\v 42 Nawadulwe wose mwe tanuli dya moto umo namtende na ndilo na kugegeda meno.
\v 43 Nivyo wantu wenye ukindedi nawang'ale enga zuwa mwo ukulu wa tati yao yudya mwenye magutwi naeve.
\p
\v 44 Ukulu wa kulanga enga hazina ifisigwe kwenkonde mntu niyo aiona na kuifisa kwa kwelelwa kwake kaita kukataga vyose nendile navyo niyo agula nkonde.
\p
\v 45 Naho ukulu wa kulanga enga mntu akudamanya biashala akulonda lulu yenye samani.
\v 46 Mna eze aione idya yenya samani kaita kakutaga chila chintu nandile ananacho niyo aigula.
\p
\v 47 Ukulu wa kulanga enga lwavu lwimndani mwe bahali naho lwakusanya viyumbe vya kila aina.
\v 48 Eze umeme wadya walowa wakuvuta kuse niyo wekala hasi wakusanya vintu vyedi mndani mwe vyombommna hevina samaki wavidula hale.
\v 49 Navitende namna ino mwisho weduniya wandima na weze kuwasenta wantu wabanasi kulawa mwa wenye kindedi.
\v 50 Nakuwadula mndani mwe ditanuli dya umoto uko na kutenda kuna kulalama na kugegeda meno.
\p
\v 51 Mmanya izimbuli zose zino wanampina wamjibu heiye.
\p
\v 52 Nivyo Yesu awagamba kila mdolonyi ambaye katenda mwanampina wa ukulu kafanana na mwenye nyumba akulavya mwe hazina yakwe vintu vihya na vya kale.
\p
\v 53 Niyo Yesu eze abindilizwe imifano yose iyo kahalawa mwer sehemu iyo.
\v 54 Niyo yesu kabula mwe mzi wakwe na akawahinya wantu mwe vikilo ulailo wakwe wehelwa na kugamba nikuhi mntu tuno kapata hekima ino na miujiza ino.
\v 55 Mntu yuno siyo mwana wa selemala?  Maliyamu siyo mami yakwe? Na walukolo wakwe siyo yakobo yusufu simoni na yuda?
\v 56 Nawambuze chinanawo ahano hetu? Basi mntu yuno kayapata kuhi yano yose?
\p
\v 57 Kawehiza mna Yesu awagamba muoni hakuswesa kutenda na heshima isipokuwa kwawo na mwesi yawo.
\v 58 Hadahile kudamanya mpituko nyingi kwa kwa viya hawatendile na imani naye.
\c 14
\cl Sula 14
\p
\v 1 Mwechipindi icho Helode nakeva mbuli kumlanga Yesu.
\v 2 Awagambila wandima wakwe yuno ni Yohana mwambula kenuka kulawa kwa wabanike ivyo udahi uno wimwakwe.
\p
\v 3 Kwaviya Helode nakamgwila Yohana kamtaliza nakumdula mwedigeleza kwachausa cha Helodiya mkaza filipo mkuluwe
\v 4 Kwa viya Yohana kamgamba siyo vyedi kumguha yudya kutenda mkaziwo.
\v 5 Helode nakaunga amkome mna kawogoha wantu kwaviya wamuona Yohana ni muoni.
\p
\v 6 Mna chipindi che dizuwa dyo kwelekwa Helode eze ibule mndele ywa Helodiya kavina mgati mwa wantu na kumbwedeza Helode.
\v 7 Mo kulandula dino kelisa kwa chiwapo kugamba namwinke chochose akunga alombeze.
\v 8 Bada ya kulongwa ni nine kugamba ninka miye hano mwenkombe umtwi wa Yohana mwambula.
\v 9 Umkulu nandile ana masikitiko kwe dilaho dyo mndele wakwe mna kwa chausa che kiwapo chakwe kwaviya wose wendile hankanda hamwenga kalagisa kugamba yongigwa idamanyike
\v 10 Niyo atuma Yohana aletwe kulawa mwedigeleza.
\v 11 Chani akantwe umtwi wakwe niyo waletwa mwe siniya niyo enkigwa yudya mndele niyo akigala kwa mami yakwe.
\v 12 Niyo wanampina weza kuuguha udya umwili na kuuzika baada ya dino waita wakumgambila yesu
\v 13 Niyo Yesu eze eve yano niyo etenga kulawa ahantu hadya kakwela mndani mwe dihondo kaita hantu inkigwe chipindi isi iyaho wezewamanye ukonendile wamtongela kwa viga kulawa komzi.
\v 14 Niyo Yesu eza kulongozi kwowo kaona isi nkulu kawaonela mbazi niyo awahonya manyonje yawo.
\p
\v 15 Jioni eze ibule wanampina weza kwakwe niyo wamgamba hano ni hantu ha jangwa na zuwa tayali dijinka na wa utawanyishe umdugano chani wite mwe kaya wakagule nkande kwa ajili yawo.
\p
\v 16 Mna Yesu awagamba hawana haja ya kwita kwawo wenkeni nyuwe nkande.
\p
\v 17 Wamgamba hano china nayo migate mishano na samaki waidi du.
\p
\v 18 Yesu awagamba ileteni kwangu.
\v 19 Niyo adigambila idibunga dikale hasi ha mani kaiguha imikate imishano na wasamaki awaidi niyo asinya kulanga avijimbika na kuubesula umkate awenka wanampina wakwe wanampina wawenka idibunga.
\v 20 Wadya wose niyo weguta niyo wadondola vipande vyose vye nkande na kumemeza ntangulu mlongo na midi.
\v 21 Wadya wakadiliwa wana chilume elufu shano ukaleka kuhesabu wavyele na wana.
\p
\v 22 Niyo awagamba wanampina wengile mwe dihondo chipindi icho akawalaga idibunga waite kwawo.
\v 23 Bada ya kuwalaga idibunga kwita kwawo kakwela kulaga ko lugulu kulombeza yemwenye ichedu dize dihunge neyuko ichedu.
\v 24 Mnalo chipindi idihondo dimgati mwe bahali ikayubwaniswa na mawimbi kwa viya nkung'unto naitendesa.
\v 25 Chilo cha nkanana ya kane Yesu kawasogeila akajenda mlanga mwa mazi.
\v 26 Mna wanampina wakwe weze wamwone akajenda mlanga mwe bahali waona woga ni wagamba ni shetani waguta mwe bahali kwa woga.
\v 27 Yesu kawagambila lumwenga du kwengeni moyo ni miye msekogoha.
\p
\v 28 Petulo amhitula na kugamba Zumbe ni hegu ni weye nigamba nize kwako mlanga mwa mazi.
\p
\v 29 Yesu amgamba soo niyo Petulo afosa mdani mwe dihondo niyo ajenda mlinga mwa mazi kwita kwa Yesu.
\v 30 Mna petulo eze asinye amawimbikogoha niyo akonga kudidimila hasi ketanga kwa sauti na kugamba zumbe nihonya
\p
\v 31 Upesi yesu achulusa mkono wakwe kamwinula petulo na kumgamba weye mwenye una utondowazi mjeche kwambwani na unankama?
\v 32 Niyo Yesu na petulo wengila mdya mwe dihondo idya inkung'unto niyo yaleka.
\p
\v 33 Wanampina mwe dihondo wamtunya Yesu na kugamba kindedi weye ni mwana wa chohile
\p
\v 34 Naho weze wabinde kudeluka niyo wabula isi ya genezereti.
\v 35 Na wantu wa hantu hadya weze wammanye Yesu niyo wasigila ulosi kila hantu hankanda na kuleta chila mnyonje.
\p
\v 36 Wamunga wadahe kudokola idipindo dye nguwo yakwe na wengi wadokole wahonywa.
\c 15
\cl Sula 15
\p
\v 1 Niyo Mafalisayo wadolonyi weza kwa Yesu kulawa na kugamba,
\v 2 Kwabwani wanampina wako wayabalanga mahokelo ya wadalahala kwaviya hawakuhaka mazi chipindi cho kudya nkande
\p
\v 3 Yesu awalandula awagamba nyuwe kwambwani mwabalanga lagizo dya Zumbe kwachausa cha mahokelo yenyu?
\v 4 Kwaviya Chohile kagamba ktunye tatiyako na mami yako na kulonga akulonga vihiye kwa tati yako na mami yako chindedi nafe.
\p
\v 5 Mna nyuwe mwagamba chila akuwagambila ambaye akupata kulawa kwa miye haluse ni ntunyo kulawa kwa Chohile.
\v 6 Mntu uyo hana haja ya kumtunya tate yakwe kwenamna ino mwipagula mbuli ya Chohile kwachausa cha mahokelo yenyu.
\v 7 Nyuwe wafitini ni vyedi saviya Isaya ivyo aone mwe ivyo alongile.
\v 8 Wantu wano wamtunya miye kwa milomo yawo mna imyuye yewo ihale na miye.
\v 9 Mwanivikila bule kwaviya nawahinya mahinyo yana malagizo ya wantu.
\p
\v 10 Niyo wawetanga madugano na kuwagamba tegelezani naho mmanye.
\v 11 Hamna chintu chikugwila mo mlomo wa wantu kumtenda najisi bali chiya chikumlawa mo mlomo chino nicho chikumtenda mntu kutenda najisi
\p
\v 12 Niyo wanampina wamwitila na kulonga na Yesu Togola wamanya Mafalisayo eze weve diya ulongile wakwazika.
\v 13 Yesu awalandula kuwagamba chila mti ambawo tate wangu wa kulanga hauhandile na ung'olwe.
\v 14 Walekeni ichedu awo ni vilongozi wa wawekuona saviya mntu hekuwaona b na mlongoze hewekuona mnyawe wose waidi na wagwele mwe bome.
\p
\v 15 Petulo alandula na kumgamba Yesu chigambile umligano uno kwetu.
\p
\v 16 Yesu niyo alandula nyuwe naho bado hamkubunkula.
\v 17 Nyuwe hamkuwona kugamba chila chikwingila mo mlomo chajinkila kundani na na kwita kwe choo?
\v 18 Mna vintu vyose vikulawa mo mlomo vyalawa mo muye nivyo vikumjela mntu unajisi.
\v 19 Kwaviya mo muye mwalawa fanyanyi ya yehiye ukomi uchilanga, uchafu, ubavi, chindedi cha lulimi na mahuluto.
\v 20 Yano nayo ambayo yamjela mntu unajisi mna kudya bila kuhaka mwe mikono hakukutenda atende najisi.
\p
\v 21 Niyo Yesu ahalawa ahantu hadya na kwenega ajendeleza ntendela za mizi ya Tilo na Sidoni.
\v 22 Kaula keza mvyele Mkanani kulawa ntendele izo kaguta lukunga agamba, niolela mbazi Zumbe mwana ywa Daudi mndele ywangu asulumizwa mno ni mpepo.
\p
\v 23 Mna Yesu halongile mbuli wanampina wakwe weza wamunga wamgamba muse aite zakwe kwaviya achitula ulwasu.
\p
\v 24 Yesu awalandula kuwagamba situmigwe kwe mntu yoyose ukaleka kwe ngoto zagile mwe nyumba ya Izulaeli.
\p
\v 25 Niyo afunama kulongozi kwakwe agamba, Zumbe nambiza.
\p
\v 26 Amlandula kugamba, siyo vyedi kuguha nkande ya wana niyo waduila makuli.
\p
\v 27 Amgamba Zumbe hata ivyo wakulima wadodo wadya nkande ikugwa mwe meza ya zumbe ywawo.
\p
\v 28 Nivyo Yesu amlandula na kugamba we mvyele utondowazi wako ni mkulu navitendeke ivyo ukunga naho mndele ywake niyo ahonywa mwe ichipindi icho.
\p
\v 29 Yesu niyo ahalawa ahantu hadya niyo aita hajihi ne bahali ya Galilaya niyo aita kulanga ko lugulu na kwikala uko.
\v 30 Bunga kulu diza kwakwe na kumletela waholomale, matuntu, hewekulonga vimumu wakufena na watuhu walozize nendile wanyonje wawaika mwe viga vya Yesu na kuwahonya.
\v 31 Niyo isi yehelwa ize iwone hewekulonga wakasimwila na hewekujenda waholomale, watendwa wajima hewekujenda watalamka hewekuona wasinya Wamtongela Chohile ywa Izulaeli.
\p
\v 32 Yesu kawetanga wanampina wakwe na kugamba, siionela mbazi isi kwaviya watenda na miye kwa mazuwa matatu bila kudya chintu chochose, saniwalage waite kwawo bila kudya wanase kuzimiya mwe sila.
\p
\v 33 Wanampina wakwe wamgamba, ni kuhi chikudaha kuapata nkande ikuchinta hano he inyika kwigusa isi nkulu vino?
\v 34 Yesu awagamba mna migate mingahi? Mfungate na samaki wadodo wajeche.
\p
\v 35 Yesu niyo alonga ne dibunga dikale hasi.
\v 36 Aiguha idya imigate mfungate na wadya samaki bada ya kutunya kamega na kuwenka wanampina wakwe wawenka idibunga.
\v 37 Wantu wose wadya na kuchinta niyo wakusanya viya visigale vihande vya nkade visigale ni vihande vimema ntangulu mfungate.
\v 38 Wose wendile ni wagosi elufu nne ukaleka wavyele na wana.
\p
\v 39 Niyo Yesu adilaga idibunga waita kwawo niyo engila mndani mwe dihondo na kwita hantu ha mangalibi.
\c 16
\cl Sula 16
\p
\v 1 Mafalisayo na Masadukayo wamwizila na kujeza Yesu awalagisa lagiso dikulawa ko ulanga.
\p
\v 2 Mna Yesu awahitula na kuwagambila kugamba, uneva ni chisingi mwalonga kugamba hali ya hewa ni ntana kwaviya ulanga wi nkundu.
\v 3 Nomtondo mwalonga hali ya mpeho dyelo siyo yedi kwaviya ulanga winkundu na mawingu yagubika ulanga wose. Mmanya kutamba kuwona ko ulanga mna hamkudha kutamba lagiso dya chipindi.
\v 4 Cheleko cha wavu na cha kugonya chatimila mpituko mna hakuna lagiso dyodyose nachinkigwe ukaleka idya ya Yona. Ukajinka Yesu niyo awasa na kwita zakwe.
\p
\v 5 Wanampina weza ntendele ya kaidi mna nendile wajala kuguha migate.
\v 6 Yesu mo kuwagambila mwikale mkasinya mtende na magutwi na ugwadu wa Mafalisayo na Masadukayo.
\p
\v 7 Wanampina wamuza awamwenga wawo na kulonga ni kwachausa chani hachiguhile migate.
\p
\v 8 Yesu niyo abunkula idyo na wakalonga nyuwe wenye utondowazi mdodo kwambwani mfanyanya kulosana nyuwe kwa nuwe na kugamba kwachausa chani hamguhile imigate?
\v 9 Togolani hamnati kubunkula hegu kukumbuka idya imigate mishano kwa wantu elufu shano na ntangulu nyingahi izo mchisanywe?
\v 10 Hegu migate mfungate kwa wantu ellufu nne, naho ni ntangulu nyingahi mguhile?
\v 11 Itazeze kutenda hta hambunkule ya kudamanya nandile sikulonga na nyuwe kuhusu migate? Kwedimeni na kwemalanya na ugwadu wa Mafalisayo na Masadukayo.
\v 12 Ukajika niyo wabunkula kugamba nandeile hakuwagambila mwe kwedima na migate igwaduke, mna kwedima na mahinyo ya Mafalisayo na Masadukayo.
\p
\v 13 Chipindi Yesu abwile hantu ha Kaisaliya na Filipi niyo awauza wanampina wakwe akalonga, Wantu walonga kugamba mwana ywa mntu ni yuhi?
\p
\v 14 Walonga watuhu wagamba kugamba ni Yohana mta kubatiza, watuhu Eliya naho watuhu Yelemiya hegu yumwenga ywa waoni.
\p
\v 15 Niyo awagambila nyuwe mwalonga miye ni yuhi?
\p
\v 16 Walandula, Simoni Petulo, alonga weye ni Kulisito mwana ywa Chohile akwikala.
\p
\v 17 Yesu amhitula na kumgambila kujimbikwa weye Simoni balyona kwaviya sakame na nyama havikugubwile dino mna tate ywangu ekale kwembingu.
\v 18 Namiye nami nakugambila kutenda weye ni Petulo na kulanga kwe diyumwe dino nanidizenge idivikilo dyangu. Nyivi za bome hedine uhelo hadiidahe.
\v 19 Nahwinke weye funguwo za useuta wa kwembingu. Chohose nauchivugale hano he isi nachitende chivugalwa kwembingu, naho chochose nauchifungule hano he isi nachifungulwena kwembingu.
\v 20 Akaheza Yesu niyo awagamba wanampina wakwe wasekumgambila mntu yoyose kugamba yeye nandile ni Kulisito.
\p
\v 21 Kukongela ichipindi icho Yesu nakakonga kuwagambila wanmpina wakwe vyamunga aite Yelusalemu, kusulumizwa kwa mbuli zilozize mwe mikono ya wadalahala na wakulu wa walavyantambiko na wadolonyi kukomwa na kuyuka zuwa dya katatu.
\v 22 Akaheza Petulo niyo amguha Yesu hankanda na kumkwahila kwa kugamba, mbuli ino naitende hale na weye, Zumbe dino disekulaila kwako.
\p
\v 23 Mna Yesu niyo ahituka na kumgambila PetuloUya kunyuma kwangu mwavu! Weye ni wanichinda miye kwaviya humanyize mbuli za Chohile, mna mbuli za wantu.
\p
\v 24 Akaheza Yesu awagambila wanampina wakwe hegu mntu yoyose akaunga kunitongela miye vyaungwa ekane mwenye auguhe umsalaba wakwe anitongele.
\v 25 Kwaviya akunga kukombola ujima wakwe na waze na kwa yoyose akwaza ujima wakwe kwachausa cha miye na ukombole.
\v 26 Togola ni chongezekelo chani akunga apate mntu akenkwa isi yose mna akaza ujima wakwe? Togola ni chintu chani akunga alavye mntu mwe kuhitwilana na ujima wakwe.
\v 27 Kwaviya mwana ywa mntu neze mwe ukuka wa Tati yakwe na wandima wakwe naye nawamlihe chila chintu kuligana na ntendwa zakwe.
\v 28 Chendedi nawagambilani kuna wantu wasiku mwenyu mchimale hasi ambawo hawanati kuluma kubanika kubula aho wakunga wamuwone mwana ywa mntu akeza mo uesuta wakwe.
\c 17
\cl Sula 17
\p
\v 1 Mazuwa mtandatu badae Yesu niy kawaguha hamwenga naye Petulo na Yakobo na Yohana mlukolo ywakwe na kuwaguha kubula kulanga ko lugulu mtali wowo wenye
\v 2 Kahituila kulongozi kwawo uso wakwe ung'ala saviya zuwa ne izisuche nazionwa zina ng'ala saviya mwanga.
\v 3 Sinya hadya wajinkile Musa na Eliya wakalonga naye.
\v 4 Petulo ahitula na kumgamba Yesu, Zumbe ni vyedi kwetu suwe kwikala hantu hano hegu ukaunga nanizenge hano wazumba watatu kamwenga kako na kamwenga kwachausa cha Musa na kamwenga kwachausa cha Eliya.
\p
\v 5 Cipindi akalonga nasinya ingu ding'aile diwagubika yuno ni mwanangu hungisa huwagilwa naye mwetegelezeni yeye.
\v 6 Wanampina weze weve ayo niyo wagwa chifudifudi naho wogoha vidala.
\p
\v 7 Niyo Yesu eza na kuwadakula na kulonga inukani naho msekogoha.
\v 8 Nawo wenula izinyuso zawo kulanga mna hawamuone mntu mna Yesu ichedu.
\p
\v 9 Umo wakasela koluguluYesu niyo awasigila akalonga msekulavyo imbuli yo uwoni uno mwana ywa Adamu aho akunga auyuke kulawa kwa wabanike.
\p
\v 10 Wanampina wakwe niyo wamuza wakalonga ni kwambwani wano wakuwasindika hambwe Eliya neze nkongo?
\p
\v 11 Yesu awahitula na kugamba, Eliya neze chindedi naho navuze izimbuli zose.
\v 12 Mna nawagambilani nyuwe, Eliya kaheza kwiza mna hambunkule bada yakwe kawadamanyiza mbuli wakunga wowo.
\v 13 Ivyo wanampina wabunkula kutenda aklongela mbuli za Yohana mwambula.
\p
\v 14 Weze abule mwe bunga dya wantu mntu yumwenga niyo amwitila kufika madi kulongozi kwakwe na kumgambila.
\v 15 Zumbe mfile mbazi mwanangu kwaviya katenda na chifafa kusumbuka vidala kwaviya nkanana zilozize agwa mo moto hegu mwe mazi.
\v 16 Nasimleta kwa wanampina wako mna hawakudaha kumnyonya.
\p
\v 17 Yesu awahitula agamba, Nyuwe cheleko hechikuzumila naho chibanike namwikale hamwenga na miye kubula ini? Naniwajijimize nyuwe hata ini? Mlete hano hangu.
\v 18 Yesu niyo amkwahila naho jini niyo dyamfosa yudya mbwanga niyo kahonywa kukongela isaidya.
\p
\v 19 Akaheza wanampina wamwitila Yesu kwa chinyele na kumuza kwambwani hachikudaha kubalaza?
\p
\v 20 Yesu awagambila kwaviya utondowazi wenyu ni mdodo chindedi nawagambilani hegu na mtende na utondowazi hata chidogo saviya mpuluzi ya mbeyu ya haladali namdahe chochose cha kuhigana kwenyu.
\v 21 \f + \ft Mwiva ulosi wa msitali wa 21 mna mana ino ya kaidi haikudahikana kulawa mna kwa kulombeza na kufunga hayakuwona mwe nakala zedi za chikale. \f*
\p
\v 22 Chipindi wechei Galilaya Yesu awagambila wanampina wakwe Wana ywa Adamu najelwe mwe mikono ya wantu.
\v 23 Nawakome mna zuwa dya katatu nauyuke wanampina wajela mbazi vidala.
\p
\v 24 Nawo weze wabule Kepelanaumu, watu wa kuchisanya maliho ya nusu ya shekeli wamwitila Petulo nakugamba Togola mhinyi wenyu aliha maliho ya nusu shekeli?
\v 25 Niyo agamba heye, mna Petulo eze engile mndani mwe nyumb Yesu niyo alonga na Petulo nkongo, na kugamba, Wafanyanya mbwani Simoni? Kwa wadya wakuwalongoza kulawa kwa wajeni?
\p
\v 26 Naho chipindi Petulo eze alonge kulawa kwa wajeniYesu niyo awagambila ivyo wakulongozwa wauzwa mo kuliha.
\v 27 Mna ninase kuwatenda wakutoza maliho niyo wadamanya masa, hita kwe bahali dula indowana, niyo wguha idya isamaki ya nkongo. Bada ya kukufungula umlomo wako nobwile mudya shakeli imwenga. Iguhe na uwenke wakutoza maliho kwachausa changu na weye.
\c 18
\cl Sula 18
\p
\v 1 Chipindi icho icho wanampina weza kwa Yesu na kumgambila Ni yuhi ekale mkulu mo useuta wa kwembingu?
\p
\v 2 Yesu niy amwitanga mwana mdodo amwika hagati gati hawe.
\v 3 Na kulonga, chindedi nawagambilani hegu namkeila na kutenda wana wadodo hamdahe kwingila mo useuta wa Chohile.
\v 4 Ivyo yoyose akweseleza saviya mwana mdodo mntu sa uyo ni mkulu mo useuta wa kwembingu.
\v 5 Naho yoyose akumhokela mwana mdodo kwazina dyangu anihokela miye.
\p
\v 6 Mna yoyose akuhosa uymwenga hagati hawadodo wano wakunizumila naitende ni vyedi kwa mntu uyo yuwe kulu dykusagila nadifungwe mwe singo yakwe na kujelwa hatali mwe ibahali.
\v 7 Nailuwone isi kwaviya chipindi cha kulumizwa kwaviya vyaungwa kwa chipindi icho kwiza, mna naluwone kwa mntu yudya chipindi icho nachize kwachausa chakwe!
\v 8 Hegu mkono wako hegu chiga chako chikakuhosa kwihiwa ukate hegu uudule hale na weye. Nivedi vitendese kwako weye kwingila mo ujima ukatenda huna mkono hegu chilema kukaleka kudulwa ko moto mazuwa yose ukatenda n miono yose hegu viga vyose.
\v 9 Hegu ziso dyako dikudamanyiza yehiye ding'ole na udidule hale na weye ni vitana vitendese kwako weye wingile mo ujima na ziso dimwenga kuliko kudulwa mo moto wa mazuwa yose ukatenda na meso maidi.
\p
\v 10 Kaulani kugamba mnasekmbela yumwenga ywa wadodo wano kwaviya nawagambilani kugamba kwembingu wandima wake mazuwa yose waukaula uso wa Tate wa kwe mbingu
\v 11 \f + \ft Sinyisa milosi ikuwonekana saviya ya msitali wa 11 kwaviya mwana ywa mntu nakeza kukombola chiya nendile chagile hayawoneke mwe kalatasi zedi za chikale. \f*
\v 12 Mwafanyanya mbwani? Uneva mntu ana magoto gana dimwenga na yumwenga ywawo kaga, Togola hawase tisini na chenda ko lugulu na kwita kumlonda yumwenga agile.
\v 13 Naho akaheza kumpata chindedi amwelela kujinka wadya tisini na chenda hewagile.
\v 14 Ivyo, ivyo hana mbwedo Tati yenyu ywa kwembingu kutenda yumwenga ywa wadodo wano kwaga.
\p
\v 15 Saviya mlukolo ywako akakubalanga hita ukamhaze ikasolo iyo iyaho, hagati hako na yeye akatenda echedu kwakwe, uneva anakwetegeleza nautende kuuvuza mlukolo ywako.
\v 16 Mna hegu hakukutegeleza mguhe mlukolo ywako yumwenga hegu waidi kongezekela hamwenga na weye kwaviya kwemilomo ya ukuzi wa waidi hegu watatu chila ulosi na udahe kukauliswa.
\v 17 Naho hegu akabela kuwategeleza, digambile idivikilo imbuli iyo, uneva anabele ivyo ivyo kuditegeleza idivikilo ivyo natende mntu ywa si na mtoka maliho.
\v 18 Chindedi nawaambileni chochose chiya mkunga mchivugaile mwe isi na kwembingu chivugalwa na chochose mkuvukala mwe isi na kwembingu chivugalwa.
\v 19 Naho nawagambilani kugamba hegu wantu waidi hagati hegu wakevana kulanga kwe mbuli yoyose mwe isi wakalombeza idyo tate ywangu ywa kwembingu nadidamanye.
\v 20 Kwaviya waidi hegu watatu wakadugana hamwenga kwa zina dyangu miye niyaho hagati gati hawe.
\p
\v 21 Naho Petulo keza nakumgambila Yesu, Zumbe ni nkana nyingahi mlukolo ywangu akanibalanga miye nimlekeile? Hata nkanana mfungate?
\p
\v 22 Yesu awagambila sikukugamba nkanana mfungate, mna hata milongo mfungate nkanana mfungate.
\v 23 Kwaviya useuta wa kwembingu uligana na useuta wa hantu nendile akaunga aliganye uwaza kulawa kwa watumwa wakwe.
\v 24 Eze akonge kuliganya uwazwa mtumwa yumwenga niyo kaletwa kwakwe ambaye nendile amdai talata elufu kumi.
\v 25 Kwaviya hakuna sila ya kuliha Zumbe ywakwe niyo asigila atagwe mvyele ywakwe hamwenga na wanawe na chila chintu atendile anancho na maliho yatendeke.
\v 26 Ivyo mtumwa niyo kafika madi kulongozi kwakwe akalonga zumbe utende na ujijimizi hamwenga na miye naulihe chila chintu.
\v 27 Ivyo zumbe ywa yudya mtumwa kwaviya na kasindikwa vidala ni mbazi niyo kamlekeila na kumlekeila ideni idyo.
\v 28 Mna mtumwa yudya niyo afosa na kupata yumwenga mgati ya watumwa weyewe, yudya nendile akadaiwa dinali imwenga mgati mwa watumwa weyewe, yudya nendile akamdai dinali miya, niyo amvuta niyo amjela limelo na kumgmbila niliha chiasi kukudai.
\p
\v 29 Mna yudya umtumwa mnyawe niyo kagwa na kumlombeza vidala akalonga utende na ujijmizi miye nahulihe
\v 30 Mna mtumwa yudya ywa nkongo nakalemela badala yakwe niyo aita na kumdula kwedijela kubula aho na mlihe chiya akumdai.
\v 31 Naho eze awone watumwa weyawe chiya chiwalaile niyo walumila vidala weza na kumgambila zumbe dyawo chiya chiwalaile.
\p
\v 32 Ivyo yudya zumbe ywo mtumwa yudya amwitanga na kumgambila weye mtumwa mwavu nasikulekeila weye deni dyangu dyose kwaviya nakulombeza vidala.
\v 33 Togola hamkungwa kutenda na mbazi kwa watumwa wenyu saviya miye viya hufile mbazi weye?
\v 34 Zumbe ywakwe niyo kehiwa na kumwinka kwa yudya wakusulumiza kubula aho nalihe chiyasi chose nakadaiwa.
\v 35 Ivyo nivyo Tate ywenyu ywa kwembingu ahoakunga awadamanyize saviya chila yumwenga ywenyu hamlekeile mlukolo ywakwe kulawa mwe imyuye yenyu.
\c 19
\cl Sula 19
\p
\v 1 Nailaila chipindi Yesu eze abinde ulosi uwo. Ahalawa Galilaya niyo aita mo mhaka wa Yudeya kulongozi ko mto wa Yolodani.
\v 2 Bunga kulu dyamtongela niyo awahonya uko.
\p
\v 3 Mwafalisayo wamwizila wakamjeza, wakamgamba Togola ni vitana mwe mntu kumwasa mkaziwe mwe lema dyodyose?
\p
\v 4 Yesu ahitula na kuwagamba Hamsomile kugamba uyo awaumbaga nkongo kawaumba mgosi na mvyele?
\v 5 Naho niyo agamba, kwaviya ivyo mgosi namwase tati yakwe na mami yakwe na kulungana na mkaziwe naho awaidi nawtende mwili umwenga?
\v 6 Naho siyo waidi naho mna mwili umwenga nivyo chiya alunganye Chohile mntu yoyose asekuchipagula.
\p
\v 7 Niyo awagamba haluse ni mbwani Musa kasigila kulavya mbaluwa ya talaka na kumwasa?
\p
\v 8 Niyo awagamba mo udala wenyu we luhenyo Musa nakawasigilani kuwasa wavyele wenyu. Mna mwenkongo nendile siyo ivyo.
\v 9 Nawagambilani kugamba, yoyose namwase mkaziwe hegu siyo mwe mbuli ya ugonyi naho niyo asola mntuhu agonya naho mgosi naamsole mvyele asigwe ni mgonyi
\p
\v 10 Wanampina niyo wagambala, Yesu uneva nivyo vili mwa mgosi na mkaziwe siyo vyedi kusola.
\p
\v 11 Mna Yesu niyo awagamba siyo chila mntu adha kuhokela mahinyo yano mna ni kwe wadya du wazumilwe kuhokela.
\v 12 Kwaviya weyuko wagwele kulawa mwe zinda za wamami zawo naho iviya kuna wagwele wadamanywe ni wantu, naho kuna wagwele wetenda wenye wagwe kwaviya yo useuta wo ulanga ni wantu saviya wowo. Akudaha kuhokela mahinyo yano na hokele.
\p
\v 13 Niyo alwtelwa wamwenga wa wana wadodo chani awaikiye mikono mnanga mwawo na kulombeza mna wanampina wakwe wawakwahila.
\v 14 Mna Yesu agamba walekeni wana wadodo naho msekuwalemeza kwiza kwangu kwaviya useuta wo ulanga ni wantu saviya wo.
\v 15 Niyo awaikiya mikono yakwe mlanga mwawo naho niyo ahalawa hadya.
\p
\v 16 Kula mntu yumwenga eza kwa Yesu na kugamba Mhinyi ni chintu chani chitana hungigwa nidamanye chani nipate kutenda no ujima wa kale na kale.
\p
\v 17 Yesu niyo agamba kwabwani wauza ni chintu chani chitana? Kuna yumwenga du atendile mtana mna hegu ukaunga kutenda mjima utoze sigilizi za Chohile.
\p
\v 18 Yudya mntu niyo amuza Ni sigilizi zihi? Yesu niyo agamba usekukoma, usekugonya, usekubawa, usekuukula lulimi,
\v 19 weve teti yako na mami yako, naho uwaunge wambuyazo enga viya ukweunga mwenye.
\p
\v 20 Mntu yudyaniyo agambila mbuli zose izo sizitoza havinati nitende mbwani?
\p
\v 21 Yesu niyo amgambila uneva waunga kutenda atogile hita ukatage unanavyo naho uwenke wachiwa noutende na mpamba mo ulanga akajika wize unitongele.
\v 22 Mna mbanga yudya eze eve viya Yesu amgambile, ahalawa kuno ajela mbazi kwaviya nendile ana ugoli ulozize.
\p
\v 23 Yesu niyo awagambila wanampina wakwe chindedi nawagambilani ni vidala kwemntu mta ugoli kwingila mwe useuta wa Chohile.
\v 24 Naho nawagambilani ni vihufu kwengamiya kujinka kwe tundu dya sindano ukaleka mntu mta ugoli kwingila mwe useuta wa Chohile.
\p
\v 25 Wanampina weze weve ivyo wehelwa vidala na kugamba Naiyuhi elo basi akudaha kwambulwa?
\p
\v 26 Yesu niyo awsinya niyon awagamba mwe wantu idyo hadikudahika mna kwa Chohile yose yadahika.
\p
\v 27 Niyo Petulo amhitula na kumgambila, Kaula chileke vyose na kukutongela weye ni chintu chani nachipate?
\p
\v 28 Yesu niyo awagambila chindedi uyo nanitongele miye mwe lweleko luhya umo mwana ywa Adamu aho nekale mwe ichiti cho useuta wakwe nyuwe naywi namwikale mlanga mwe viti mlongo na waidi vyo useuta vya makanto vya makabila mlongo na maidi ya Izulaeli.
\v 29 Chila yumwenga ywenyu asize inyumba mkuluwe na lumbudye tate, nine, wana, hegu nkonde mwe idizina dyangu nahokele nkanana mlongo naho nenkigwe ujima wa kale na kale.
\p
\v 30 Mna walozize watendile wa nkongo haluse nawatende wa udumo na wadya wazigile nawatende wa nkongo.
\c 20
\cl Sula 20
\p
\v 1 Kwaviya useuta wo kulanga wikala saviya nkonde. Enuke mtondo wa mavukuvuku chani kwika wandima mwenkonde yakwe ya mizabibu.
\v 2 Eze evane na wandima mazwela ya zuwa dimwenga awasigila kwita mwe nkonde yakwe ye mizabibu.
\v 3 Nakaita naho eze yezeyabule masa matatu vino niyo awona wandima watuhu wakatenda wachimala hawana ndima mwe hantu he gwilo.
\v 4 Awagamba nyuwe nanywi hitani mwe nkonde ye mizabibu naho chochose chitendile chedi naniwenke ivyo waita kudamanya ndima.
\v 5 Aita naho yezeyabule masa mtandatu niyo mwe sa chenda niyo adamanya ivyo ivyo.
\v 6 Nkanana ntuhu naho mwe sa mlongo na imwenga nakaita na kuwabwila wantu watuhu wachimala hawana ndima, niyo awagamba ni mbwani mchimala hano mmna ndima yoyose mwe dizuwa jima?
\p
\v 7 Wagamba kwaviya hachina mntu yoyose achinkile ndima, awagamba nyuwe nanywi hitani mwe nkonde ye mizabibu.
\p
\v 8 Ichipindi cha chisingi chize chibule umwenye inkonde ye mizabibu nakamgambila mchimaila wakwe, wetange wandima chani uwalihe kukongela na waudumo kubula wa nkongo.
\v 9 Weze weve wadya wenkigwe ndima saa mlongo na imwenga wowo wahokela mazwela.
\v 10 Weze weve wandima wa nkogo nawafanyanya kuhokela vitendese. Mna wahokela nawo chila yumwenga zwela imwenga chila mntu.
\v 11 Weze wahokele maliho yawo wamng'ung'zikila mwenye inkonde.
\p
\v 12 Wagamba wano wandima wa udumo wadamanya sa dimwenga du mo kudamanya indima mna kuwaliganyiza na suwe, suwe chinula mizigo mwe zuwa jima na kokwa na moto.
\p
\v 13 Mna mwenye inkonde awahitula na kuwagamba mwe yumwenga wawo mbuyangu sikutendele mbuli ihiye, vino hwivane na miye mwe dinali imwenga?
\v 14 Hokela chiya chili chiwagile kwako niyo wite zako, ni kwelelwa kwangu kuwenka wano wandima wenkigwe mo udumo vikuligana na weye.
\p
\v 15 Vino viha kwangu kudamanya chiya hunga mwe ugoli wangu? Hegu meso yako ni finju kwaviya miye ni ywedi?
\v 16 Ivyo wa udumo natende ywa nkongo na wankongo ywa udumo.
\p
\v 17 Yesu eze atende kakwela kwita Yelusalemu nakawaguha wanampina wakwe mlongo na waidi hankanda na mwe sila awagamba,
\v 18 Kaulani chajendeleza Yelusalemu na mwana ywa Adamu najelwe mwe mikono ya wakulu wa walavyantambiko na wakudolonya nawamkantile kubanika.
\v 19 Naho nawamlavye mwe wantu wa si chani wambele kumtoa, kumsulumiza mna mwe mazuwa matatu nauyuke,
\p
\v 20 Niyo mami yawo wana wa Zebedayo nakeza kwa Yesu na wavyele, nakafika madi kulongozi kwakwe na kumlombeza chintu kulawa kwakwe.
\v 21 Yesu niyo amgamba, wonga mbwani? Amgamba ulonge kugamba wano wanangu waidi uwaleke yumwenga mkono wako wa kulume na uyumwenga mkono wako wa kumoso mwe useuta wako.
\p
\v 22 Mna Yesu ahitula na kumgamba, humanyize chiya ukulombeza vino wadaha kunywela chikombe hukinywela? Wamgamba chadaha.
\p
\v 23 Awagamba chikombe changu chindedi namkinywele mna kwikala umkono wangu wa kulume na umkono wangu wa kumoso siyo mbuli yangu kuwenka mna ni kwe wadya ambawo wajika kusagulwa ni tate ywangu.
\p
\v 24 Wanampina watuhu mlongo weze weve ivo, wehiwa vitendese na wadya walukolo waidi.
\v 25 Mna Yesu nakewetanga yeye mwenye na kuwagamba mmanya ya kugamba waseuta we isi wawatisa na wakulu wawo wadamanya udahi mlanga mwawo.
\v 26 Mna isekutenda ivyo, kwenyu badala yakwe yoyose akunga kutenda mkulu mgati mwenyu vyonga atende mndima ywenyu.
\v 27 Na akunga kutenda ywa nkongo mgati mwenyu vyonga atende mndima ywenyu.
\v 28 Enga viya mwana ywa mntu hezile kusankanilwa, na kulavya ujima wakwe kutenda wambulwa mwa walozize.
\p
\v 29 Ichipindi wakalwawa Yeliko bunga kulu dyambasa.
\v 30 Niyo wawaona watuhu waidi wekala mnkanda mwe sila weze weve kugamba Yesu nendile akajinka waguta izwi na kugamba Zumbe mwana ywa Daudi uchifile mbazi.
\v 31 Mna bunga dyawakwahila na kuwagamba nyamalani mna ivyo wowo waguta izwi vitendese na kugamba Zumbe mwana ywa Daudi chifile mbazi.
\p
\v 32 Niyo Yesu achimala na kuwetanga na kuwauza, mwaunga niwatendele mbwani?
\v 33 Niyo wamgamba Zumbe meso yetu yagubulwe.
\v 34 Niyo Yesu atenda kengilwa ni mbazi niyo awadonta ameso yawo aho aho wahokela udahi wa kusinya niyo wamtongela.
\c 21
\cl Sula 21
\p
\v 1 Yesu na wanampina wakwe niyo wabula haguhi na yelusalemu niyo waita wabula bethfage mwe lugulu mizeituni niyo Yesu awasigila wanampina waidi.
\v 2 Akawagamba hitani mwe chijiji chikutongela nacho nambwile hadya na mwana punda hamwenga naye wafunguleni naho muwalete kwangu.
\v 3 Uneva mntu yoyose anawagambilani chochose chikunga idyo mgambe zumbe awaunga no mntu uyo aho naye awalekeila mwize hamwenga nawo.
\p
\v 4 Mbuli Ino ilaila ni idya ilongigwe kujinkila wawoni vitende yachinde akawagambila.
\v 5 Wagambileni vigoli sayuni, kaula Zumbe ywako eza kwenyu mnyanyahala kakwela mpunda na mwana mpunda mgosi mwanampunda mteke.
\p
\v 6 Niyo wanampina wahalawa nakudamanya saviya Yesu viya asigile.
\v 7 Niyo waleta mpunda, nakwika suche zawo mlanga mwawo niyo Yesu ekala hadya.
\v 8 Walozize mwe bunga watandika suche zawo mwe sila naho watuhu wavuna matambi kulawa mwe miti na kuayatandaza mwe sila.
\v 9 Bunga dyamlongoila Yesu na wadya wamtongele waguta izwi wakagamba jimbiko kwa mwana ywa Daudi naajimbikwe akwiza kwa zina dya Zumbe, jimbiko kulanga vitendese.
\p
\v 10 Yesu eze abule Yelusalemu mzi mjima wehelwa na kugamba yuno ni yani?
\p
\v 11 Bunga dyahitula Yuno ni Yesu muoni kulawa Nazaleti ya Galilaya.
\p
\v 12 Niyo Yesu engila mwe nyumba ya Chohile niyo awabalaziza kuse wose nendile wakagula na kutaga mwe inyumba naho kahitula izimeza za wakuhituliza hela ne iviti vya wakutaga wasuwamanga.
\v 13 Awagamba idolonywa nyumba yangu naitangwe nyumba ya kulombeza mna nyuwe mwaitenda yakwefisiza wabavi.
\p
\v 14 Niyo matuntu na waholomale wamwizila mwe inyumba naye niyo awahonya.
\p
\v 15 Mna mwe wakulu wa walavyantambiko na wakudolonya weze waone maula ayadamanye naho weze weve wana wakatula lwasu nyumba nkulu na kugamba jimbiko mwa wana wa Daudi watozwa ni maya.
\p
\v 16 Niyo wamgamba kwaviya chiya chikulongwa ni wano wantu? Yesu niyo awagamba heye mna hamnati kusoma kulawa mwe milomo ya wana na wana wateke wakonka mna ntogozi ichintile?
\p
\v 17 Niyo Yesu awasa na kwita kuse mo mzi mwe Besaniya na kugona uko.
\p
\v 18 Nomtondo eze auye mo mzi nendile ana sala.
\v 19 Awona mti hanka nda nkanda mwe sila niyo aubasa mna hapatile chintu mnanga mwakwe mna ni mani kusekutenda na matunda mawkwo kale na kale naho aho niyo umti udya wanyulukila.
\p
\v 20 Wanampina weze waone niyo wehelwa nakugamba itenda zeze mti kunyala aho lumwenga?
\p
\v 21 Yesu ahitula nakuwagambila chindedi nawagambilani uneva mnatenda na utondowazi naho hamna woga hamdamanye chiya chikudamanyika mwe uwo umti du mna namuugamba nauwo ulugulu uguhiwe na kudulwa mwe bahali naidamanyike.
\v 22 Chochose namlombeze mwe kulombeza kuno mkazumila namhokele.
\p
\v 23 Yesu eze abule mwe nyumba nkulu, wakulu wawalavyantambiko na wadalahala wa wantu wamwizila umo nendile akahinya na kumuza ni kwa udahi wani wadamanya mbuli zino? Niani wakwinkile udahi uno?
\p
\v 24 Yesu ahitula na kugamba nami naho naniwauzeni swali dimwenga uneva mna nigambila miye ni viya naniwagambileni ni kwa udahi wani nadamanya mbuli zino.
\v 25 Ubatizo wa Yohana naulawa kuhi mo ulanga hegu mwe wantu? Wakonga kulosana wowo wenye wakagamba chinagamba ulawa mo ulanga nachigambe nimbwani hamkuzumila?
\v 26 Mna chinagamba naulawa mwe wantu chogoha bunga kwaviya wose wamuona Yohana saviya muoni.
\v 27 Niyo wamhitula Yesu hachimanyize awagambila naho hata miye sikuwagambilani ni mwe udahi wani nadamanya vino.
\p
\v 28 Mna mwafanyanya mbwani? Mntu mta wana waidi kaita mwe nyumwe na kumgamba mwanangu hita ukadamanye ndima mwe inkonde ye mizabibu.
\p
\v 29 Dyelo umwana ahitula nakugamba sanite mna nyumani ahitula fanyanyi zakwe niyo aita.
\p
\v 30 Na mntu yudya niyo aita mwe mwana wa kaidi na kumgamba chintu ichiya ichiya mwana yuno ahitula nakugamba nanite zumbe mna haitile.
\v 31 Yuhi mwe wana waidi adamanye ungi wa tate yakwe? Wagamba mwana ywa nkongo Yesu awagamba chindedi nawagambilani wachisanya kodi na wachilanga nawengile mwe useuta wa Chohile hamnati nyuwe kwingila.
\v 32 Kwaviya Yohana nakeza kwenyu mwe isila inyoloke mna hamzumile chindedi wachisanya kodi na wavilanga wamzumila na nyuwe mwize muone idyo dikadamanyika hamdahile kwila chani chipindi mzumile.
\p
\v 33 Tegelezani mliganyo mtuhu nendile na mntu, mntu mwenye hantu hakulu ha hasi, kahanda mizabibu niyo aika mnulu niyo adamanya chintu chakufumbwila divai azenga mnala wa wadimi na kudikodisha mwe wakulela zabibu niyo aita mwe isi ntuhu.
\v 34 Chipindi cho uvuni we izizabibu chize chisogele, awasigila watuhu wa wandima mwa awalimi we mizabibu kuguha mizabibu yakwe.
\v 35 Mna awalimi we izizabibu niyo wawguha awalimi wakwe wamtowa yumwenga wamkoma mtuhu niyo wamtoa yumwenga na mayuwe.
\v 36 Vituhu naho umwenye awasigila wandima watuhu walozize vidala na wadya we nkongo mna awalimi we mizabibu wawadamanyiza iviya.
\v 37 Niyo aho Zumbe yudya amsigila kwawo mwanawe akagamba nawamtunye mwanangu.
\p
\v 38 Mna awalimi we mizabibu weze wamuone mbwanga yudya niyo wagambilana yuno ni mlisi soni n chimkome naho chiguhe ulisi.
\v 39 Ivyo niyo wamguha wamdula kuse mwe nkonde ye mizabibu na kumkoma.
\v 40 Haluse umwenye inkonde ye mizabibnu umo eze nawatende zeze walimi we mizabibu?
\p
\v 41 Wamgamba nawabalange awo wantu wavu mwe isila ya maya yatendese naho akodishe inkonde ye mizabibu mwe walimi watuhu we mizabibu, wantu ambawo nawaluhe kwaviya mizabibu umo nazive.
\p
\v 42 Yesu niyo awagamba hamsomile mwa mawandiko yuwe walemela wazesi ditenda yuwe kulu dya msingi, dino dilawa kwa Zumbe naho dyehela mwa meso yetu?
\p
\v 43 Ivyo nawagambilani useuta wa Chohile nauguhigwe kulawa kwenyu na kwinkigwa si iwagile matunda yakwe.
\v 44 Yoyose nagwe mnanga mwe diyuwe idyo navunwe vunwe, mna yoyose naagwelwe nadimtiginte.
\p
\v 45 Wakulu wawalavyantambiko na Mafalisayo weze weve miligano yakwe niyo waona kugamba awalonga wowo.
\v 46 Mna chila ywa nkongo kunyolosa mikono kulanga mwakwe nawogohe idibunga mwaviya wantu nawamsinya saviya muoni.
\c 22
\cl Sula 22
\p
\v 1 Yesu nakalonga nawo mwe mligano akagamba.
\v 2 Useuta wa mwembingu waliganizwa na seuta amalanye chinyemi cha nyinka ya mwanawe.
\v 3 Kawasigila wandima wakwe wawahokele wendil wagoneke kwiza mwe chinyemi che nyinka mna hawabwile.
\v 4 Seuta niyo awasigila naho wandima watuhu akagamba, wagambile wose wagonekwe kaulani simalanya nkande, ng'ombe na mbuzi na ndama zangu zinonile zichinjwa naho mbuli zose ziheza kale, soni mwe chinyemi che nyinka.
\v 5 Mna wantu awo hawakaule kwa chindedi ugoneke wakwe wantu wasiku wauya mwe izikaya zawo na watuhu nawauya hantu hawo ze biashala.
\v 6 Watuhu wawenukila wandima wa Seuta na kujela soni na kuwakoma.
\v 7 Mna Seuta niyo ehiwa, niyo asigila wankondo wakwe niyo wawakoma wadya wakomi kubalanga imizi yawo kwa moto.
\v 8 Niyo awagambila wandima wakwe nyinka iheza mna wagonekeni hawachintile.
\v 9 Ivyo hitani mwa mabwilano ye sila nkulu, wagonekeni wantu walozize ivyo vikudahika weze mwe chinyemi che nyinka.
\v 10 Wandima waita mwe sila nkulu na kuwahokela wantu wowose wawaonile wedi na wehiye, ivyo ulwazo we nyinka naumema wajeni.
\v 11 Mna Seuta eze engile kuwakaula wajeni niyo awona mntu yumwenga havaile suche ya njinka.
\v 12 Seuta niyo amuza mbuyangu kupata vivihi niyo wabula hano hanyumba hwine suche ya nyinka? Naho mntu uyo hahitule dyodyose.
\v 13 Niyo Seuta awagambila wandima wakwe mfungeni mntu yuno mikono ne viga naho mduleni kuse mwe chiza, uko nuko nakutende na ndilo na kusila meno.
\v 14 Kwaviya wantu walozize wetangwa mna wasentigwe ni wajeche.
\p
\v 15 Niyo Mafalisayo niyo wahalawa kulanga vy kwingila Yesu mwe izimbuli zakwe mwenye.
\v 16 Naho niyo awasigila wanampina wakwe hamwenga na Mahelodiya, naho wamgambila Yesu mhinyi chamanya kugamba weye ni mntu wa chindedi na kugamba wahinya yadya ya Chohile mwe chindedi, hukutunya maoni ya mntu mtuhu naho hukulagisa kweungila mwe wantu.
\v 17 Ivyi chigambile wafanyanya mbwani? Vino ni vyedi chisigilizi kuliha kodi kwa Kaisali hegu bule?
\p
\v 18 Yesu nakamanya uzavu wawo na kugamba kwabwani mwanijeza nyuwe wasongaganyi?
\v 19 Nilagisani ihela mkujeseza kulihila kodi nivyo wamletela idinali.
\v 20 Yesu niyo awauza, isula ne idizina dino ni dya yuhi?
\p
\v 21 Niyo wahitula, vya Kaisali, ivyo Yesu niyo awagambila, mwinkeni Kaisaali vintu viya ivyakwe na vya Chohile mwinkeni Chohile.
\v 22 Weze weve ivyo niyo wehelwa, niyo wamleka na kwita zawo.
\p
\v 23 Zuwa idyo wasiku wa Mafalisayo naweza kwa Yesu, wadya wakulonga kugamba hakuna uyuso wa wabanike, niyo wamuza.
\v 24 Wakamgambila mhinyi Musa nakalonga uneva mntu kabanika bila kweleka mwana, mlukolo wakwe naampale uyo mvyele naampatile mwana kwachausa cha mlukolo ywakwe.
\v 25 Wendaga walukolo mfungate wankongo nakasola mna niyo abanika bila kweleka mwana, niyo amwasiza mvyele mlukolo ywakwe.
\v 26 Niyo mlukolo ywakwe ywa kaidi niyo atenda ivyo, niyo yudya wa katatu itenda ivyo kubula yudya yudya ywa mfungate.
\v 27 Bada ya kutenda ivyo, wose, yudya mvyele niyo abanika.
\v 28 Haluse mo uyuso yudya mvyele natende mvyele ywa yuhi mwa walukolo awo mfungate? Kwaviya wose nawamsola.
\p
\v 29 Mna Yesu kawhitula, na kuwagambila mwabalanga kwaviya hammanyize madolonyo, hegu udahi wa Chohile.
\v 30 Kwaviya mo uyuso wantu hawakusolana hegu kusolwa, badala yakwe wantu nawatende saviya wandima wa kwembingu.
\v 31 Mna kulanga uyuso wa wabanike, hamsunguze kusoma chiya ambacho Chohile nakachilonga kwenyu akagamba,
\v 32 Miye ni Chohile ywa Bulahimu, Chohile ywa Isaka, chohile ywa Yakobo? Chohile suyo Chohile ywa wabanike mna ni Chohile ywa ujima.
\p
\v 33 Ivyo dugano dize dive dino diyehelwa na mahinyo yakwe.
\p
\v 34 Mna Mafalisayo weze weve kugamba Yesu kawatenda wanyamale, Msadukayo nawechisanya wawo wenye kwa hamwenga.
\v 35 Yumwenga ywawo akatenda mwana sigilizi kamuza maswali kwa kuljeza.
\v 36 Mhinyi ni lagizo dihi kulu kujinka zose mwe sigilizi.
\p
\v 37 Yesu niyo ahitula, vyaungwa umunge Zumbe ywako kwa moyo wako wose na muye wako wose, na kwaumanyi wako wose.
\v 38 Dino nidyo lagizo idikulu na dya nkongo
\v 39 Na dyakaidi dyaligana na idyo, vyaungwa umunge mtuhu ywako saviya ukweunga weye mwenye.
\v 40 Sigilizi zose za waoni zatozezana na sigilizi zino izimbili.
\p
\v 41 Aho Mafalisayo wachei wabwilane hamwenga na Yesu, niyo wamuza swali.
\v 42 Niyo agamba, Togolani mwafanyanya mbwani mlanga mwa Kulisito? Yeye ni mwana ywa yuhi? Nawo wamhitula ni mwana ywa Daudi.
\p
\v 43 Yesu niyo awahitula ni kwa namna yani Daudi mwa Muye amwitanga Zumbe akagamba,
\v 44 Zumbe nakamgambila Zumbe ywangu, ikala mkono wangu wa kulume, kubula aho naniwatende wankondo wako waikwe hasi he viga vyako?
\v 45 Uneva Daudi amwitanga Kulisito, Zumbe ni kwa vihi natende mwana ywakwe?
\v 46 Hahana adahile kumhitula mbuli naho hahana ajezize naho kumuza maswali yongezeke kulawa zuwa idyo na kujendeleza.
\c 23
\cl Sula 23
\p
\v 1 Nyumani nakalonga ne dibunga dya wantu na wanampina wakwe agamba,
\v 2 Wadolonya na Mafalisayo wekaila chiti cha Musa.
\v 3 Ivyo chochose wakuwagambila kudamanya, damanyani kuno mkawazuguza mna mnase kutimila ntendwa zawo kwaviya wawo walonga mbuli hewekuzidamanya.
\v 4 Ni chidedi wawo wafunga mizigo izamile ambayo ni vidala kuinula akaheza welaka wantu mwamayega yawo, mna wowo wenye hawakusogeza hata kwa kadole kuwinula.
\v 5 Ntendwa zawo zo wazitenda chani wakaule ni wantu kwaviya wowo wapanula masanduku yawo na kongeza ukulu wa misilimbi ye izisuche zawo.
\v 6 Wawo waungisa kwikala hantu ha chigoli mwe chinyemi na mwe viti vya kutunywa mndani mwe nyumba ye divikulo.
\v 7 Na kulamswa kwa kutunywa mwe digwilo na kwitangwa wahinyi wa wantu.
\v 8 Mna nyuwe hamkungwa kwitangwa wahinyi kwaviya mnanaye mhinyi yumwenga na naho nyuwe wose ni walukolo.
\v 9 Msekumwitanga mntu yoyose hano he isi kutenda tate wenyu kwaviya mnanaye tate yumwenga du naye ekwembingu.
\v 10 Aho usekwiza kwitangwa wahinyi kwaviya mnanaye mhinyi yumwenga du kugamba Kulisito.
\v 11 Mna eli mkulu mgati mwenyu natende mndima ywenyu.
\v 12 Yoyose akwinula naaselezwe na yoyose akweseleza naenulwe.
\p
\v 13 Mna nauvimanye weye wadolonya na Mafalisayo wasongaganyi mwawavugaila wantu useuta wa kwembingu naho nyuwe hamkudaha kwingila hamkuwalekeila wakwingila kutenda ivyo.
\v 14 \f + \ft Kaulisa msitali 14 haukuwoneka mwe kalatasizedi za kale bazi za kalatasi zongezeka msitali una bada la msitali 12, msitali 14 namluwone wadolonya na Mafalisayo wasongaganyi kwaviya mwawamela wabanikilwe. \f*
\p
\v 15 Namvimanye wadolonya na Mafalisayo wasongaganyi mwajinka mwe bahali n kubula kumtenda mntu yumwenga azumile yadya ukuyahinya naho akatenda saviya nyuwe mwamtenda nkana mbili mwana ywa kwedibome hedina uhelo saviya nyuwe wenye ivyo mwili.
\p
\v 16 Naho namvimanye Namluwone vilongozi hemkuwona nyuwe mkulonga yoyose akwelisa kwa nyumba nkulu ya Chohile siyo chintu mna kwelisa kwa zahabu ya nyumba nkulu ya Chohile kafungwa na cheliso chakwe.
\v 17 Nyuwe matuntu wahezi ni chihi chikulu kusinda chituhu zahabu hegu nyumba nkulu ya vikilo ivyo ikiye ukukile zahabu kwa Chohile.
\v 18 Naho yoyose akwelisa kwa zahabu siyo chintu mna akwelisa kwa jeleko imlanga mwakwe kefenya kwa cheliso chakwe.
\v 19 Nyuwe wantu matuntu chihi ni chikulu kusinda chituhu sadaka hegu zahabu viya vyaika kukuka jeleko dikulavigwa kwa Chohile?
\v 20 Kwaviya yeye akwelisa kwa zahabu elisa kwa ivyo na kwa vintu vyose vimlanga mwakwe.
\v 21 Nauyo akwelisa kwa nyumba nkulu, elisa kwa idyo na kwa yeye akwikala mndani mwakwe.
\v 22 Na yeye akwelisa kwembingu elisa kwa chiti cha kale cha Chohile na kwa uyo akwila mlanga mwakwe.
\p
\v 23 Namluwone nyuwe wadolonya na Mafalisayo wasongaganyi, kwaviya mwaliha mlongo kwa bizali vitago na mchicha mna mwaleka mbuli izamile ya sigilizi na wedi, mbazi, na uzumizi, mna yano mwaungwa kutenda myadamanya naho siwo kuleka amatuhu bila kuyajesa.
\v 24 Nyuwe vilongozi matuntu nyuwe ambawo mwafilihiza kadudu kadodo mna mwamela ngamiya.
\p
\v 25 Namluwone wadolonyi na Mafalisayo, wasongaganyi, kwaviya mwelengusa kuse iviya mna mndani mmema uhoki na kwevutila.
\v 26 Nyuwe Mafalisayo matuntu kwelenguseni nkongo mndani mwe viya na mndani mwe vihungu chani upande wa kuse nawo utende wedi.
\p
\v 27 Namluwone Mafalisayo na wadolonyi, wasongaganyi kwaviya mligana na mbila zihakigwe chokaa ambazo kwa kweise zawonekana ni ntana mna kwa mndani zimema mavuha ya wabanike na chila chintu chizavu.
\v 28 Seivyo nyuwe kweise mwasinyika wata wedi kulongozi kwa wantu mna mndani mmema usongsgsnyi ns mssa.
\p
\v 29 Namluwone wadolonyi na Mafalisayo, wasongaganyo kwaviya mwazenga mbila ya waoni na kuika utanda mbila ya wata wedi.
\v 30 Nyuwe mwagamba hegu chekalaga, mazuwa ya tate zetu hachendile chehanga hamwenga nawo kwitila sakame za waoni.
\v 31 Kwaviya mweukuila mwenye kugamba nyuwe ni wana wa wawo wawakomile waoni.
\v 32 Naho nyuwe makomeleza kumemeza hantu hakuwagila masa ya tati zenyu.
\v 33 Nyuwe nyoka wana wa mazoka kwa sila yani namyenege nkanto ya bome hedine uhelo?
\v 34 Kwaviya kaula nawasigila kwenyu waoni, wantu wenye ntunyo na wadolonya, wamwenga namuwakome na kuwasulumiza naho watuhu namwahute mndani mwe nyumba ye divikilo dyenyu na kuwagulusa kulawa mzi umwenga kubula mzi mtuhu.
\v 35 Malailo ni kugamba mlanga mwenyu namlaile sakame zose za wenye kuwagila zitilwe mwe isi kukongela sakame ya Habili mta kuwagila kubula sakame ya Zakaliya mwana ywa Balikiya yudya mumkomile mgati mwa hakukile ne ikilinge.
\v 36 Chindedi nawagambilani, buli zino zose nazipate cheleko chenyu.
\p
\v 37 Yelusalemi, Yelusalemi weye ukuwakoma waoni na kuwahuta mayuwe wadya wambawo watumwa kwako! Ni nkanana nyingahi sunga mwechisanye wana wako hamwenga saviya nguku ikuchisanya wanawe kwakwe hasi ha mawawa yakwe mna hauvyungile.
\v 38 Kaula nyumba yako naisigale uchiwa.
\v 39 Nami nakugambila kukongela haluse na kujendeleza hamniwone kubula aho namulonge kajimbikwa yeye akwiza kwa zina dya Zumbe.”’
\c 24
\cl Sula 24
\p
\v 1 Yesu nakafosa mwenyumba nkulu ya chohile nakwita zakwe wanampina wakwe nawambasa chani wamlagise mazengo yenyumba.
\v 2 Mna awahitule nakuwagamba vino hamkuona izimbuli zino zose? Chindedi nawagambila hahana yuwe nedisigale mlanga mwetuhu ambadyo hadikandulwe.
\p
\v 3 Naho eze ekale mwe ulugulul lwe mizeituni wanampina wakwe wambasa kwa chinyele nakugamba chigambile mbuli zino nazilaile ini? Chintu chani nachitende chilagiso choukwiza kwako no udumo we isi?
\p
\v 4 Yesu ahitula nakugamba msinyise kugamba asekwiza mntu kuwadanta.
\v 5 Kwaviya walozize naweze mwe zina dyangu wagamba miye nuyo kulisito na wawadante walozize.
\v 6 Namwive nkumbizi na mbuli ya nkumbizi mkaule mnasekutenda mkatiswa kwaviya mbuli zino lazima zilaile mna udya udumo nahaunati.
\v 7 Kwavia isi nainuke na isi ntuhu no useuta na useuta nakutende na gumbo singisiko dya hasi hantu na hantu.
\v 8 Mna izimbuli zino zose ni nkongodu wa usungu wakwefungula.
\p
\v 9 Nivyo nawawalavye vya masulumizo na kuwakoma namwihiwe ne isi yose mwe via vye idizina dyangu.
\v 10 Nivyo walozize nawakobadike nawaihiane wenye kwa wenye.
\v 11 Wawoni walozize walulimi nawalaile na kuwadanta walozize.
\v 12 Kwaviya uwavu naujenyele ungi wa walozize nauhole.
\v 13 Mna yudya naujijimize hata udumo nambulwe.
\v 14 Ino imbuli yo useuta nailongwe mwe yose enga ukuzi mwe isi zose naho udya udumo naubule.
\p
\v 15 Mweivyo mnezakuona maihizo ya ubanasi ulongigwe ni muon danieli dichimala hantu hakukile akusoma na amanye
\v 16 Nivyo weyuko yuda wagulukile kolugulu.
\v 17 Na yudya eyuko kulanga mwe msomo wa nyumba asekudaha kusela hasi kuguha chintu chochose kulawa mdani mwakwe.
\v 18 Uyo eyuko kwenkonde asekuya kuguha suche yakwe.
\v 19 Mna nkondo yao wanawana wadodo na wadya ambao wonkeza mwa mazuwa ayo.
\v 20 Lombezani kugamba kuguluka kwenyu kusekutenda ichipindi cha mpeho naho zuwa dya sabato.
\v 21 Kwaviya nakutende na nkung'unto nkulu idya heinati kulaila kukongela ukumbwa kwe isi hata haluse na naho hailaile naho
\v 22 Enga mazuwa ayo heyahungigwe nehehana endile agomboke mna mwe via wadya wasagulwe mazuwa ayo nayahunguzwe.
\p
\v 23 Naho uneva mntu yoyose anawagambila kaula kulisito ehano au naho ekudya msekuzumila ulosi uo.
\v 24 Kwaviy amakulisito ya udanti na waoni waudanti na weze na kuwaonyesha mpituko nkulu zikwehela kwaviya vyo udanti hegu navikadahika hata na wasagulwe.
\v 25 Kaulani silonga kuwagambilani heyanati kulaila.
\v 26 Kwaivyo uneva wana wagambilani kulisito ekwenyika msekwita uko kwenyika au kaulani emdani mwe nyumba msekuzumila ulosi uo.
\v 27 Enga viya mbaula ikumulika kulaila mashaliki na kung'aza mpaka mangalibi nivy navitendeke kwiza kwe mwana wa adamu.
\v 28 Hohose hana chibudu uko nuko wadege wakudugana
\p
\v 29 Mna aho hanajinka ukukunta kukulu vya mazuwa yadya zuwa nadijelwe chiza mnenge haulavye ulangazi wakwe ntondo nazilagale kulawa kulanga naho nguvu youlanga nazisingisike.
\v 30 Nivyo mpituko ya mwana ywa adamu naionekane kulanga na amakabila yose ye izisi nawaile na wamuone mwana ywa adamu akeza mwe amaingu ya kulanga mwe nguvu na ukuka mkulu.
\v 31 Na wasigile wandima wakwe kwa izwi kulu dya gunda nao nawawachisanye hamwenga wasagulwe wakwe kulawa ndendele nne zeisi kulawa udumo umwenga wo ulanga kwita mtuhu.
\p
\v 32 Mhine somo kulawa mwe mti mtini ahodu tambi dikasuka na kulavya mani mmanya kugamba chipindi cha zuwa chihaguhi.
\v 33 Ivyo naho mnezakuona mbuli zino zose mongigwa mmanye kugamba ehaguhi ne izinyivi.
\v 34 Chindedi nawagambila cheleko chino hachijinke mpaka mbuli zose zino nayatende yalaila.
\v 35 Ulanga ne isi navijinke mna ulosi wangu haujinke mazuwa yose.
\p
\v 36 Mna idizuwa idyo neisa hahana mntu amanyize na wazumbe wo ulanga hata mwana mna Tati yakwe ichedu.
\v 37 Enga viya mwa zuwa dya nuhu nivyo navitende kwaviya kwa mwana ywa adamu.
\v 38 Kwaviya mwamazuwa ayo heinati vye igalika wantu nendile wakadya na kunywa wakasola na kusolwa mpaka idizuwa diya ambadyo nuhu engilaga mwe ngalawa.
\v 39 Naho hawamanyize chintu chochose mpaka igalika izeize niyo yawaguha wose nivyo navitende kwiza kwa mwana ywa adamu.
\v 40 Nivyo wantu waidi nawatende kwenkonde hamwernga na aguhigwe yumwenga aswa kunyuma.
\v 41 Wavyele waidi nawatende wabunda hamwenga yumwenga na aguhigwe na yumwenga aswa.
\v 42 Kwaiyo tendani kwaviya hammanyize ni zuwa dihi ambadyo neze Zumbe ywenu.
\v 43 Mna mmanye kugamba uneva Zumbe umwenye inyumba amanyize ni sanyingahi ambayo mbavi neze naakacheleza naho asekulekela inyumba yakwe kubalangwa.
\v 44 Ivyo naho mongigwa mwemalanye mwajike kwaviya mwana ywa adamu neze mwe saa hemwimanyize.
\p
\v 45 Nivyo niyani atendile ywedi mndima mta fanyanyi chani Zumbe ywakwe kamwinka ulongozi mwe wadya we inyumba yakwe chani awenke nkande mwe chipindi chikufaha?
\v 46 Ajimbikwe mndima uyo ambae Zumbe wakwe na ambwile akadamanya ivyo aho akwizila.
\v 47 Chindedi nawangambila kugamba Zumbe namwinke mlanga mwe chila chintu chili chakwe.
\v 48 Mna enga mndima mwavu anagomba mo muye wakwe Zumbe wangu ak
\v 49 Naho akakonga kuwatowa wandima wakwe adya na kukolwa vikukola.
\v 50 Zumbe wakwe uyo neze mwe zuwa ambadyo hedimanyike na mwesa ambayo haimanyike.
\v 51 Zumbe wakwe na amsenge vipande vidi na kumwinka mwe hantu hamwenga haligane na wasongaganyi ambako nakutende na ndilo na kusiginta meno
\c 25
\cl Sula 25
\p
\v 1 Nivyo uesuta wo ulanga nauliganishwe vigoli mlongo waguhile izita zawo na kuhalawa kwita kumhokela mgosi msola.
\v 2 Washano mgati mwawo nendile niwahezi na washano watuhu nendile ni wabala.
\v 3 Vigoli wahezi weze waguhe izita zawo hawaguhile mavuta yoyose.
\v 4 Mna vigoli wabala waguha viya vina mavuta hamwenga nezita zawo.
\v 5 Haluse ichipindi umsola weze waone hakwiza wose watozwa nintongo niyo wagona.
\p
\v 6 Nivyo awo vigoli nawenuka wose na ukuziwasha izita zawo.
\v 7 Ivyo awo vigoli niyo wenuka wose. Ukuziwasha izita zawo.
\p
\v 8 Wadya wahezi wawagambila wadya wabala mchinke hantu ha mavuta yenyu kwaviya izita zetu zafa.
\v 9 Mna wadya wabala wahitula na kuwagambila kwaviya hayakushitoha suwe na nyuwe. Mnalo hitani mwe wakutaga mwegwile chiasi ya nyuwe wenye.
\v 10 Ichipindi waita ko kugula msola abula, na wose wendile wafunganya nawaita naye mwe ngasu ye nyinka no lwivi niyo lwavugalwa.
\p
\v 11 Mwe ivyo wadya vigoli watuhu nawo weze wabule na kugamba, Zumbe, Zumbe chivugwile.
\v 12 Mna ahitula na kuwagamba chindedi miye siwamanyize.
\p
\v 13 Mwe ivyo kaulani kwaviya hammanyize zuwa hegu diswa
\p
\v 14 Kwaviya ni saviya mntu ongile kutamba kwita si ntuhu, awetanga wandima wakwe na kuwenka ugoli wakwe.
\v 15 Yumwenga ywawo nakamwinka hela shano, mtuhu nakamwinka mbili, na yudya umtuhu amwinka hela imwenga chila yumwenga nakahokela chiasi vikuligana no udahi wakwe na yudya mtuhu nakatamba kwita zakwe.
\v 16 Aho yudya ahokela hela shano nakaita kuzidamanyiza mayombe, zajenyela hela ntuhu shano.
\v 17 Iviya yudya ahokele hela mbili azidamanyiza ndima niyo apata ntuhu mbili.
\v 18 Mna umndima ahokele hela imwenga nakaita zakwe aisimbila bome mo msanga, niyo aifisa hela ya Zumbe ywakwe.
\p
\v 19 Niyo yeze yabule mazuwa yalozizeZumbe ywa wandima awo auya na kudamanya kuwaza nawo.
\v 20 Yudya mndima ahokele hela shano nakeza nyo aleta hela ntuhu shano, niyo amgamba, Zumbe, nakunika hela shano kaula sipata zongezekele ntuhu shano.
\p
\v 21 Zumbe ywakwe niyo amgamba, ni vyedi mndima mtana na ywedi mwe vintu vijeche, mahwinke msingi mlanga mwe vintu vilozize ingila mwe kwelelwa mwa Zumbe ywako.
\p
\v 22 Mndima ahokele hela mbili nakeza na kugamba, zumbe nakuninka hela mbili kaula sipata zijenyela hela ntuhu mbili.
\p
\v 23 Zumbe ywakwe nakamgamba ni vyedi mndima mtana na ywedi kutenda ywedi mwe vintu vijeche, nahwinke msingi mlanga mwe vintu vijenyele ingila mwe kwelelwa mwa zumbe ywako.
\p
\v 24 Niyo eza mndima ahokele hela imwenga nakeza na kugamba zumbe simanya kugamba wenye wi mntu mta mpula walozola hantu hwihandile na kuchisanya hantu hwidamanye.
\v 25 Miye nasogoha niyo naita zangu niyo naifisa ihela yako mo msanga kaula unanayo hano idya iyako.
\p
\v 26 Mna zumbe ywakwe ahitula na kugamba, weye mndima wihiye naho wi mbwa nakumanya kugamba nalozola hantu sihandile nakusanya hantu ambaho simwaganide mbeyu.
\v 27 Ivyo navyungwa kuwenka hela yangu wantu wakuliha liba ne ichipindi cho ukuya kwa miye hegu nihokele idya iyangu hamwenga na vijenyele.
\v 28 Ivyo mhokeni iyo ihela naho mwinkeni yudya mndima mta izihela mlongo.
\v 29 Chila mntu ananacho najenyelezwe vitendese naho mwe kujenyeleswa vidala mna mwe yoyose hena chintu hata ananacho nahokwe.
\v 30 Mduleni kuse kwechiza uyo mndima hekuwagila aho uko na ndilo na kusigita meno.
\p
\v 31 Ichipindi mwana ywa Adamu umo neze mwe ukuka wakwe na wandima wose hamwenga naye, naho nekale mlanga mwe ichiti chakwe cho ukuka.
\v 32 Izisi zose nazidugane ho uso wakwe naye nawapange wantu saviya mdimi akupagula ngoto na mbuzi.
\v 33 Naike ngoto umkona wakwe wa kulume mna mbuzi naazike umkon wa kumoso.
\p
\v 34 Akajika mseuta awagambe wadya we umkon wakwe wa kulume soni mjimbikwe ni tate ywangu mguhe useuta udamanywe mo uukumbwa kwe isi.
\v 35 Kwaviya nendile nina sala namninka nkande nednile ni mjeni mnihokela.
\v 36 Nani mwazi, mnivika suche, nendile ni mnyonje na wiza kunilela nani mwe dijeleza namwiza kunikaula.
\p
\v 37 Naho waonekane wedi nawamhitule na kugamba Zumbe ini chikuona ukatenda na sala niyo chakwinka nkande? Hegu naho unanchilu na kukukwinka mazi?
\v 38 Naho nini chikuwona ukatenda mjeni nyio chakuhokela? Hegu naho ukatenda wimwazi niyo chakuvika suche?
\v 39 Naho nini chikuwona ukatenda mnyonje hegu mwe chifungo niyo chakwizila?
\p
\v 40 Naho mseuta nawahitule na kuwagambila, chindedi nawagambila icho mdamanye hano kwa yumwanga ywa mlukolo ywangu mdodo, mnidamanyiza miye.
\p
\v 41 Naho nawagambe awo wo mkono wakwe wa kumoso halaweni hangu, mligitwe, hitani ko umoto wa kale na kale wigigwe kwa mwavu na wandima wakwe.
\v 42 Kwaviya nendile nina sala mna hamninkile nkande nendile nina cnchilu mna hamninkile mazi.
\v 43 Nendile ni mjeni mna hamnihokele hatenda mwazi mna hamninkile suche, umo nani mnyonje na mwe chifungo mna hamnileile.
\p
\v 44 Ivyo wowo nawamhitule na kugamba Zumbe nini chikuwona ukatenda na sala hegu naho unanchilu hegu naho wimjeni hegu naho wimwazi hegu naho wimnyonje hegu naho mwechifungo niyo hachikusankanile?
\p
\v 45 Akajika nawahitule nakugamba, chindedi chiya hemdamanye mwe yumwe mwa wano wadodo hamnidamanyize miye.
\p
\v 46 Wano nawaite mwe masulumizo ya mazuwa yose mna awedi mwe ujima wa mazuwa yose.
\c 26
\cl Sula 26
\p
\v 1 Chipindi Yesu ezeabinde kulonga ulosi uwo awagambila wanampina wakwe.
\v 2 Mmanya kugamba bada ya mazua maidi nakutende na sikunkulu ya pasaka, mwana ywa mntu na alavigwe chani asulumizwe.
\p
\v 3 Badaye wakulu wawalavya ntambiko na wadalahala wantu nawadugana hamwenga mwewikazi ya mlavya ntambiko mkulu nendile aketangwa kayafa.
\v 4 Kwahamwenga awo waganga njama ya kumgwila Yesu kwa fiso nakumkoma
\v 5 Kwaviya nawalonga isekutendeka chipindi cha sikunkulu ili isekulaila vulugu mwawamwenga awantu.
\p
\v 6 Chipindi Yesu nendile eyuko besaniya mwe nyumba ya simoni mkoma
\v 7 Eze elavize hemeza mvele yumwenga na keza kwakwe akatenda keleka kijaluba.
\v 8 Mna mwanampina ywakwe ezeaone imbuli ino niyo wehiwa nakulonga, kwa chausa chani hasala ino
\v 9 Nivyedi nayadaha kutagwa kwa chiasi chikulu nakwinka wachiwa.
\p
\v 10 Mna Yesu akatenda kamanya dino nakawagambila, kwambwanib mwamshumbuwa mvyele yuno? Kwaviya wadamanya chintu chedi kwangu
\v 11 wachiwa mnanawo siku zose mna hamtende hamwenga na miye wikazi.
\v 12 Kwaviya ezeajoloze amavuta yano kulalanga kwo mwili wangu nakudamanya ivyo kwaviya ya mazisi yangu.
\v 13 Chindedi nawagambila hohose ulosi wedi uno ikunga ilongwe mwe isi yose, chitendo adamanye yuno mvyele naho nakitende chikalonga kwaviya kumkumbuka.
\p
\v 14 Nivyo yumwenga ywa wadya mlongo na waidi akwitangwa Yuda isikali yose niyo kaita kwa wakulu wa walavya ntambiko.
\v 15 Nakulonga namnipatile mbwani ninamhituka wamhimila Yuda vihande milongo mitatu vya hela.
\v 16 Kukongela mhilimo uwo alonda nafasi ya kumhitukila.
\p
\v 17 Hata zuwa dya nkongo dya migate haijeligwe ugwadu wanampina wakwe wambasa Yesu nakulonga kuhi waunga chikakumalanyize udye nkande ya pasaka?
\p
\v 18 Niwo awagambila hitani ko mzi kwa mntu msiku na mgambileni mhinyi alonga chipindi changu chibula nanichintize pasaka hamwenga na wanampina wangu mwe nyumba yako.
\v 19 Wanampina wadamanya ege Yesu ivyo awasigile na waika nkande ya pasaka.
\p
\v 20 Ize ibule jioni niyo kekala akadya nkande hamwenga na wadya wanampina mlongo na waidi.
\v 21 Umo wakadya inkande niyo kalonga, chindedi nawagambila kugamba yumwenga ywenyu nanihituke
\p
\v 22 Wengila npeho vidaha, na chila yumwenga kukonga kumuza togola chindedi suyo miye, zumbe?
\p
\v 23 Akahituka, yudya akutweza mkono wakwe hamwenga na miye mwebakuli nuyo akunga anihituke.
\v 24 Mwana ywa mntu atendelwe vyedi kwa mntu uyo hegu helekwe.
\v 25 Yuda yudya amhituke nakalonga togola ni miye labi? Yesu amgambila, kulonga mbuli ino weye mwenye.
\p
\v 26 Umo wakadya nkande Yesu kaguha mgate niyo aujimbika nakuubendula niyo awenka wanampina wakwe akalonga, guhani mdye uno numwili wangu
\v 27 Niyo aguha chikombe na kuchijimbika niyo awenka na kugamba nywani wose mwechino.
\v 28 Kwaviya ino ni sakame ya lagano dyangu ikwitika kwa chausa cha walozize kwa kulekelwa masa.
\v 29 Mna nawagambilani saninywe naho matunda ya mizabibu uno mpaka zuwa diya na mnywe kwa uhya hamwenga na nanyue mwo seuta wa tate ywangu.
\p
\v 30 Weze watende wabinda kuchema wila wafosa kwita kwa kagulu ka mizaituni
\p
\v 31 Akaheza Yesu niyo awagambila ichilo chino nyuwe nyose namwetowe kwachausa changu kwaviya idolonywa nanimtowe mdimi na magoto yedibunga nayapangane.
\v 32 Mna bada ya kuyuka kwangu naniwalongoile kwita Galilaya.
\p
\v 33 Mna Petulo awagambila hata hegu wose nawakulemele kwachausa cha mbuli zikunga zikupate miye sahulemele.
\p
\v 34 Yesu ahitula chindedi nakugambila ichilo chino nakubula zogolo hadinati kwila naunilemele nkanana ntantu.
\p
\v 35 Petulo amgamba hata hegu yanunga kubanika na weye sahulemele na wanampina watuhu wose wakalonga ivyo ivyo.
\p
\v 36 Bada ya Yesu aita nawo hantu hakwitangwa Gesemane awagambila wanampina wakwe ikalani hano umo haita uko kulombeza.
\v 37 Niyo amguha Petulo na wana waidi wa Zebedayo na kukonga chihovu na kusononeka.
\v 38 Akaheza awagambila Muye wangu unachihovu chiyasi cha kubanika sigaleni hano naho mcheleze hamwenga na miye.
\v 39 Niyo aita kulongozi chodogo niyo kagwa chifudi fudi na kulombeza akalonga tete ywangu hegu vyadahika chikombe chino chinusike isekutenda saviya navyunga miye vitende ivyo ukunga weye.
\v 40 Niyo awabasa wanampina wakwe kawabwila wagona ntongo na niyo amgamba Petulo kwambwani hamkudaha kucheleza na miye kwa sa dimwenga.
\v 41 Chelezani na kulombeza mnase kwingila mwe majezo Muye uheza mna umwili uholomala.
\p
\v 42 Niyo aita zakwe nkanana ya kaidi na kulombeza akalonga tate ywangu hegu imbuli ino haikudaha kwenegeka naho yanunga ninywele chikombe chino ungi wako uchinte.
\p
\v 43 Niyo kauya naho nakuwabwila wagona ntongo kwaviya meso yawe nayatenda yazama.
\v 44 Akaheza niyo awasa naho kaita zakwe, akalombeza nkanana yakatatu akalonga milosi idya idya.
\v 45 Badaye Yesu niyo awabasa wanampina wakwe na kuwagambila bado mgona na kwehemela? Kaulani sa ibula na mwana ywa mntu akuhitukwa mwe mikono ya wata wavu.
\v 46 Inukani chiteni kaulani yudya akunga anihituke kabula
\p
\v 47 Chipindi nendile achei kulonga Yuda yumwenga ywa wadya mlongo na waidi niyo kabula Bunga kulu dize dibule hamwenga naye ilaila kwa wakulu wa walavyantambiko na wadalahala watatu niyo weza na mabamba na malungu.
\v 48 Naho mntu akunga amhitukeYesu nendile kawenka ndege akalonga yudya hunga hambusu nuyo uyo mgwileni.
\v 49 Chipindi icho niyo eza kwa Yesu nakulonga salamu mhinyi niyo ambusu.
\p
\v 50 Yesu awagambila mbuyangu damanya diya amabdyo dikuleta nivyo eza na kumdoseza mikono Yesu na kumgwila.
\v 51 Kaula mntu yumwenga nendile hamwenga na Yesu niyo kachumiza mkono wakwe niyo aguha isime yakwe na kumkanta mndima ywa walavyantambiko mkulu idigutwi dyakwe.
\v 52 Niyo Yesu amgamba vuza isime yako hadya uilavize kwaviya wose wakujeseza sime nabalangwe kwa sime.
\v 53 Mwafanyanya viya sikudaha kumwitanga tate ywangu naye niyo anitumila wankondo kujinka milongo na mbili ya wandima.
\v 54 Mna bule jinsi yani mawandiko yongezwa kuchintizwa vino nivyo ikunga kulaila?
\p
\v 55 Chipindi icho Yesu adigambila idibunga Togola mwiza na mabamba na malungu kunigwila saviya mpolaganyi chila zuwa sikala mwe divikilo kulu hawahinya hamnitozize.
\v 56 Mna yose yano yadamanyika chani mawandiko ya waoni yachinte niyo wanampina wakwe wamwasa na kuguluka.
\p
\v 57 Wadya wamgwilile Yesu wamwigala kwa Kayafa mlavyantambiko mkulu hantu ambaho wadolonyi na wadalahala nendile wadugana hamwenga.
\v 58 Mna Petulo niyo amtongela kunyuma kwahale kubula mwe ukumbi wa mlavyantambiko mkulu niyo kengila mndani na kwikala hamwenga na wamizi aone chikunga chilaile.
\p
\v 59 Ivyo wakulu wa walavyantambiko na balaza dyose nendile wakalonda ukuzi wa lulimi kujinka Yesu kwaviya wapate kum koma.
\v 60 Hata hegu nawelaviza ukuzi ulozize mna hawapatile chausa chochose mna badaye waukuzi waidi welaviza kulongozi.
\v 61 Nakalonga mntu yuno nakalonga nadaha kudivuna vikilo dya Chohile na kudizenga kwa mazuwa matatu.
\p
\v 62 Mlavyantambiko mkulu niyo kachimala na kumuza hikudaha kuhitula? Wano wakuukuila mbwani weye?
\v 63 Mna Yesu nakanyamla, mlavyantambiko mkulu amgambila heguChohile ivyo akwikala na kulonga uchigambile hegu weye ni Kulisito mwana ywa Chohile.
\p
\v 64 Yesu niyo ahitula weye mwenye walonga imbuli ino mna nakugambila kulawa haluse na kujendeleza na umuone mwana ywa mntu kekala mkonowa kulume uta nguvu naho akeza mwa maingu ya kwembingu.
\p
\v 65 Nivyo mlavyantambiko nakayavula amavazi yakwe na kulonga kakufulu Togolani mwaunga naho ukuzi wambwani? Kaula mwiva kale akakufulu.
\v 66 Togolani mwafanyanya mbwani? Niyo wahitula na kulonga uyo vyaungwa abanike.
\v 67 Akaheza niyo amtwela mate mouso na kumtowa ngumi na kumfyeka vibao kwa mikono yakwe.
\v 68 Na kulonga chitabiliye weye wi Kulisito ni yuhi akutoile?
\p
\v 69 Chipindi icho Petulo nendile kekala kuse mwe ukumbi na mndima ywa chiche niyo amwitila na kulonga weye nawe nendile hamwenga na Yesu wa Galilaya.
\p
\v 70 Mna niyo kakana kulongozi kwa wose akalonga simanyize ichintu mkulonga.
\p
\v 71 Niyo eze aite kuse ko mlango mndima yumwenga ywa chiche nakamwona na kumgambila nendile weyaho hano, mntu yuno nendile ehamwenga na Yesu wa Nazaleti.
\p
\v 72 Niyo akana naho kwa kwelisa miye simmanyize umntu yuno.
\p
\v 73 Chipindi chijihi badaye wadya nendile wachimala hajihi wamwitila na kulonga na Petulo kwachindedi weye nawe ni yumwenga wawe kwaviya hata idolonywa dyako dyalagisa.
\p
\v 74 Nivyo akonga kuligita na kwelisa miye simanyize umntu yuno na nkanana iyo ni ya kaidi zogolo niyo dyaila.
\p
\v 75 Petulo niyo
\c 27
\cl Sula 27
\p
\v 1 Chipindi cha nomtondo chize chibule wakulu wose wawalavyantambiko na wadalahala watatu wadya njama kumlanga Yesu wapate kumkoma.
\v 2 Wamtaliza wamlongoza na kumbuza kwa liwali Pilato.
\p
\v 3 Akaheza chipindi yudya nendile kamhituka nakaona kugamba Yesu kasila kusulumizwa niyo eila na kuvuza vipate milongo mitatu vya hela kwa mkulu ywa walavyantambiko na wadalahala.
\p
\v 4 Nakulonga sidamanya wavu kwa kuhituka isakame heina lema mna niyo wahitula yachunga mbwani suwe? Yasinyeni ayo nyuwe wenye.
\v 5 Akaheza niyo wavidula hasi mwe vikilo na kuhalawa zakwe na kwenyulika yeye mwenye.
\p
\v 6 Mkulu ywa walavyantambiko niyo aviguha viya ivipande vye ihela na kulonga sina halali ya kuika ihela ino mwe kijaluba kwaviya ni galama ya sakame.
\v 7 Nawakalosana kwa hamwenga ihela itumike kugwila nkonde ya chilongo kuhambila wajeni.
\v 8 Kwachausa chino inkonde iyo yetangwa nkonde ya sakame hata dyelo vino.
\p
\v 9 Akaheza udya ulosi nandile bulongwa ni muoni Yelemiya chani uchinte kulonga nawaguha vipande milongo mitatu vya hela galama ipangwe ni wantu wa Izulaeli kwachausa chakwe.
\v 10 Na watumiya kwa nkonde ya chilongo saviya Zumbe anigambile.
\p
\v 11 Haluse Yesu kachimala kulongozi kwa liwali na liwali amuza Togola weye ni seuta wa Wayahudi? Yesu amhitula weye walonga ivyo.
\p
\v 12 Mna chipindi walongelezwe ni walavyantambiko na wadalahala hawahitule chochose.
\p
\v 13 Akaheza Pilato awagambila hwivile ukulongelezwa kokose kukulanga weye.
\v 14 Mna hamhitule hata ulosi umwenga ivyo liwali niyo kamemwa ni kwehela.
\p
\v 15 Haluse mwe sikunkulu nendile kuna mazwela ya liwali kumfungwila mtalizwa yumwenga akusagulwa ni bunga.
\v 16 Chipindi icho nakuna mtalizwa sugu zina dyakwe Balaba.
\p
\v 17 Ivyo ichipindi nandile wadugana hamwenga Pilato niyo awauza ni yuhi mkunga chimfugwile kwachausa chenyu? Balaba hegu Yesu akwitangwa Kulisito?
\v 18 Kwaviya nakawamanya kugamba waheza kumgwila kwachausa cha maya.
\p
\v 19 Chipindi nendile wekala mwe chiti chakwe che nkanto, mvyele ywakwe nakamtumila ulosi na kulonga, Usekutenda mbuli yoyose kwa mntu yuo hena lema kwaviya sisumbuliwa vidala hata dyelo mwe sozi kwachausa chakwe.
\p
\v 20 Niyo wakulu wawalavyantambiko na wadalahala watigizwa mo mdugano wamlombeza Balaba na Yesu akomwe.
\v 21 Liwali awauza ni yuhi hagati ha waidi mkunga miye nimlekele kwenyu? Niyo walonga Balaba.
\p
\v 22 Pilato niyo awagambila ni mtende mbwani Yesu akwitangwa Kulisito? Wose wakahitula msulumize.
\v 23 Naye niyo alonga kwani ni ubanasi wani atendile? Mna iyo wajendeleza kuguta kwa izwi kubula kulanga vitendese msulumize.
\p
\v 24 Ivyo chipindi Pilato eze awone hakudaha kudamanya dyodyose mna badala yakwe vulugu nendile zikonga niyo aguha mazi niyo ahaka imikono yakwe kulongozi kwe dibunga na kulonga, miye sina lema kulawa kwe sakame ya mntu yuno hena lema yasinyeni ayo nyuwe wenye.
\p
\v 25 Wantu wose niyo walonga sakame yakwe naitende kulanga kwetu na wana wetu.
\v 26 Akaheza niyo amfunguila Balaba kwawe mna niyo amtowa mijeledi Yesu na kumwinkiza kwawe kwita kumsulumiza.
\p
\v 27 Akaheza wankondo wa liwali niyo wamguha Yesu kubula kwa Pilato na bunga kulu dya wankondo wose naho waduganyike.
\v 28 Niyo wamvula izisuche zakwe na kumvala nkazu ya langi inkundu.
\v 29 Akaheza wadamanya taji dya miwa na kumvika kulanga ko mtwi wakwe, nawamwikiya mti mo mkono wakwe wa kulume niyo wafika madi kulongozi kwakwe na kumbela wakalonga ndamsa seuta ywa Wayahudi?
\v 30 Naho wamtwela mate niyo waguha mti na kumtowa mo mtwi.
\v 31 Chipindi nandile wakambela nawamvula idya inkazu na kumvala izisuche zakwe na kumlongoza kwita kumsulumiza.
\p
\v 32 Weze wafose kuse niyo wamuwona mntu kulawa Kilene zina dyakwe Simoni ambaye wamkunkusa kwita nawo chani apate kuwinula umsalaba wakwe.
\v 33 Weze wabule hantu hakwitangwa Goligota mana yakwe gobela dya mtwi.
\v 34 Wamwinka siki ihanganywe na nyongo anywe mna eze ailume kadunduga kuinywa.
\v 35 Chipindi weze watende wamsulumiza niyo wapangana izisuche zakwe kwa kutoa kula.
\v 36 Nawekala na kumsinya.
\v 37 Kulanga ko mtwi wakwe niyo waika malaho kumlanga yeye yakasomeka Yuno ni Yesu seuta ywa Wayahudi.
\v 38 Wakupolaganya waidi wasulumizwa hamwenga naye yumwenga ntendele ya kulume mntuhu ntendele ya kumoso.
\v 39 Wadya nendile wakajinka nawabela wakasingisa singisa imitwi yawo.
\v 40 Na kulonga weye nandile ukaunga kubalanga vikilo kulu na kudizenga kwa mazuwa matatu kwekombole weye wenye hegu wi mwana ywa Chphile sela hasi ufose mo msalaba.
\p
\v 41 Mwe hali idya idya wakulu wawalavyantambiko nendile wakamsimanga hamwenga na na watakudolonya na wadalahala na kulonga,
\v 42 Nkakombola watuhu mna hakudaha kwekombola mwenye, yeye ni seuta ywa Wayahudi nasele hasi kulawa mo msalaba nivyo nachimzumile.
\v 43 Nakamwegamila Chohile leka Chohile amkombole haluse hegu aunga kwaviya nakalonga miye ni mwana ywa Chobile.
\v 44 Nawadya watakupolanya nendile wasulumizwa hamwenga naye akaheza walonga milosi ya kubela.
\p
\v 45 Haluse kulawa saa mtandatu nendile kuna chiza mwe isi yose kubula saa chwnda.
\v 46 Ize ibule sasa chenda Yesu kaila kwa izwi kulu, eloi, eloi, lama sabakisani? Mana yakwe Chohile ywangu, Chohile ywangu kwambwani kunasa?
\v 47 Chipindi ichi wasiku wakwe nendile wachimala ahadya wetegeleza walonga amwitanga Eliya.
\v 48 Nkana imwenga yumwanga ywawe niyo aguluka akuguha sifongo na kuimemeza chakunywa chisungu kaika kulanga ko mti kubula apate kunywa.
\p
\v 49 Niyo wadya wasigale niyo walonga, mwaseni ichedu, chikaule hegu Eliya naeze kumkombola.
\v 50 Akaheza Yesu aila naho kwa izwi kulu nakulavya umuye wakwe.
\v 51 Kaula paziya dye ivikilo ditatuka hantu haidi kulawa kulanga kubula hasi na hasi hazingiza luwe utulika vihande.
\v 52 Mbila zigubuka na mili ya wakukile ilozize nendile igona ntogo niyo wauyuswa.
\v 53 Nakulawa kwe zimbila bada ya uyuso wakwe, niyo wengila mo mzi ung'azigwe na kuwonekana waloza.
\p
\v 54 Bule yuda akida na wadya ambawo nendile wakamsinya Yesu niyo waona zingizo dya mbuli za kale zikulaila nawamemwa ni woga vidala na kulonga chindedi yuno nendile ni mwana ywa Chohile.
\p
\v 55 Wavyele walozize nendile wamtongela Yesu kulawa Galilaya chani kumsankanila nendile wehadya wakamsinya kulawa kwa hale.
\v 56 Mgati mwawo nendile Maliyamu Magidalena, Maliyamu nine dya Yakobo na Yusufu na nine dya wana wa Zebedayo.
\p
\v 57 Ize ibule diswele nakeza mntu mgoli kulawa Alimsaya akwitangwa Yusufu ambaye yuno nendile ni mwana mpina ywa Yesu.
\v 58 Niyo kamwitila Pilato na kumlombeza umwili wa Yesu, akaheza Pilato niyo asigila apate kwinkwa.
\v 59 Yusufu niyo auguha umwili nakuuvunga suche ing'aile yedi.
\v 60 Niyo augoneza mwe mbila pya yakwe nendile isongolwa mwe luwe, akaheza niyo afingilisa yuwe kulu niyo dyagubika mo mlango we mbila na kwita zakwe.
\v 61 Maliyamu Magidalena na Maliyamu mtuhu nendile wehadya wekala wakasinya kwe mbila.
\p
\v 62 Zuwa ditongele ambadyo nendile ni zuwa dya mawandaliyo wakulu wa walavyantambiko na Mafalisayo wadugana hamwenga kwa Pilato.
\v 63 Wamgambila zumbe chabunkula kugamba chipindi yudya umdanti endaga mjima nakalonga badala ya mazuwa matatu nauyuke naho.
\v 64 Ivyo sigila kugamba mbila yamilwe vyedi kubula zuwa dya katatu. Vituhu wanampina wakwe wadaha kwiza kuubawa na kulonga kwa wantu kauyuka kulawa kwa wabanike na udanti wa udumo nautende wihisa kujinka udya wa nkongo.
\p
\v 65 Pilato amagambila mlavyantambiko mwamizi hitani mkadamanye hali ya wedi ivyo mkudaha.
\v 66 Ivyo niyo waita na kudamanya mbila kutenda vyedi yuwe digongigwe mhuli na kwika wamizi.
\c 28
\cl Sula 28
\p
\v 1 Umo ne chisingi zuwa dya sabato, zuwa dize ditende dyaswa kutongela zuwa dya nkongo dya juma, Maliyamu magidalena na yudya Maliyamu umtuhu naweza kuiona imbila.
\v 2 Kaula nandile kuna chisingisa chikulu kwaviya mndima ya Zumbe nakasela na kufingilisa diya idiyuwe niyo adikaila.
\v 3 Uao wakwe wikala saviya umeme neizisuche zakwe nandile zing'ala chwee.
\v 4 Wadya wadimi wengilwa ni woga na kutenda saviya wabanka.
\p
\v 5 Yudya mndima awagambila wadya wavyele akagamba, Msekogoha kwaviya simanya kugamba mwamlonda Yesu asulumizwe.
\v 6 Hahali hano, mna kauyuka saviya viya awagambileni soni muone hantu nandile Zumbe nakagona.
\p
\v 7 Hitani chinguvunguvu, mkawagambile wanampina wakwe kauyuka kualawa kwe wabanike kaula kawalongoila Galilaya uko nuko na mumone.
\p
\v 8 Kaula wavyele wahalawa hadya he mbila chinguvu nguvu wakatenda welelwa vidala, niyo waguluka kuwagambila wanampina wakwe.
\v 9 Kaula Yesu niyo adugana nawo nakuwgamba ahoni wadya wavyele naweza na kutoza iviga vyakwe, naho akajika wamvikila.
\v 10 Niyo Yesu awagambila msekogoha hitani mkawagambile walukolo wangu walongole Galilaya uko nawanione.
\p
\v 11 Ichipindi icho wadya awavyele nendile wakaita kaula watuhu wa wamizi waita mo mzi na kuwagambila wakulu wa walavyantambiko mbuli zose endile yalaila.
\v 12 Niyo walavyantambiko weze wambwilane na wadalahale na kulafya mbuli iyo hamwenga nawo, nawalavya chima chikulu cha hela kwe wadya wamizi.
\v 13 N kuwagamba wagambileni watuhu kugamba wanampina wa Yesu naweza nechilo waubawa umwili wa Yesu umo suwe chitendile chigona.
\v 14 Enga mbuli ino inabwila liwali suwe nahilosana na kuwausizani nyuwe nkama yose.
\v 15 Ivyo wankondo waziguha ziya izihela na kudamanya saviya awagambile nakuelekezwa, mbuli ino ijendeleza vidala mwe Wayahudi na itenda viyo kubula dyelo.
\p
\v 16 Mna wadya wasigilwa mlongo na imwenga nawaita Galilaya mwe udya umlima nendile kawagambila.
\v 17 Naho weze wamuwone wamvikla mna watuhu wawo waona nkama.
\v 18 Yesu eza kwawo niyo awagambila akagamba sinkigwa udahi wose mwe isi na ulanga.
\v 19 Ivyo hitani mkawatende isi zose kutenda wana mpina muwabatize mwe zina dya tate na mwana na Muye Ukukile.
\v 20 Muwahinye kutoza mbuli zose niwalagizeni naho kaula miye ni yuko hamwenga na nyuwe mazuwa yose hata mo udumo we izisi.