zga-x-mahanji_reg/42-MRK.usfm

\id MRK
\ide UTF-8
\h Malekha
\toc1 Malekha
\toc2 Malekha
\toc3 mrk
\mt Malekha

\c 1
\cl Malekha 1
\p
\v 1 Uvwu vwu vutengulilo wa limenyu lya Yiisu Kriste, Nswambe va Nguluve.
\v 2 Ndavwuwa lesimbiwe nu nyamalago Yesaya, "Lole nihonsuha unsuhiwa vangu mumbolongolo hulyove, unyahutesania enjela yakho.
\v 3 Elimenyu lya munu uveikhwelanga ndodasi, "Mmalesyage injela ya Ntwa; mgolosyage injela incha mwene."

\v 4 O Yohani ainchile, alekuncha ndodasi nu hulumbilila ulyancho ulwa khupela khu lusyekhelo lwa mbivi.
\v 5 Ekhelunga khoni ekhya Yudea na avanu voni ava mu Yerusalemu valutile khumwene. Valekhyonchiwa nnmwene ndugaasi ulwa Yordani, valechupela imbivi incga vene.
\v 6 O Yohani afwalaga umwenda gwa lwage lwa ngamia nu ombote gwa ngwembe mukhivina lchya mwene, alinchaga imanji nu wukhi vwa mwinyasi.

\v 7 Alumbilile nu khuta, "Pwale yomo uveikhwincha munsana nndyone unyamakha agalutelile khulyone, one saniwesya ukhugundame nu ukhuhudula indegekhe incha vilatu ifya mwene.
\v 8 One navoochiche na amagasi, leno umwene ikhovonchaga umwe nu umepo umbalache."

\v 9 Yakhomile amanchova agoo ukhuta Yiisu ainchile ukhukhuma Nazareti eya Galileya, pwu aonchiwe nu Yohani mundugasi ulwa Yolodani.
\v 10 Imisekhe Yiisu wikhwinamkha ukhukhuma mu ndugasi, akhavona khukhyanya khule mwanchi nu umepo ikhwikha pakhyanya pamwene ndekhengundya.
\v 11 Elimenyu lekhakhuma khukyanya, "Uve ole Nswambago vegane. Nekhuganile uvwe."

\v 12 Usekhe gugwa umepo akhamwomelencha ukhuluta khulodasi.
\v 13 Avile khuludasi amanchuva arobaini, alekhugeliwa nu Ntavangwa u setano. Ale pupaninie ni ifikanu ifya mwinyasi, pwu avasukhiwa valekhuntangela.

\v 14 Pwu vwu ibatiwe Yohani, u Yiisu akhincha khu Galileya alekhulumbilela alimenyu lya Nguluve,
\v 15 Alekhuta, "Unsekhe gusilile, uludeva lwa Nguluve lukhegelile. Pelega nu khwidika elimenyu."

\v 16 Vwuilotanincha ndukhanji mwanyanja eya Galileya, akhambona u Simoni nu olokhololwe u Ndeleya vilakhela inyafu incha vene mu nyanja ulwa khuva vavombaga embombo eya khulova.
\v 17 Yiisu akhavavola ukhuta, "Mwinchage, mung'ongage, nikhovavekha ukhuva valovi va vanu."
\v 18 Unsekhe gugwa vakhanchilekha inyafu valekhunkonga.

\v 19 U Yiisu walotile pavutali padebe, akhambona u Yakobo unswambe va Zebedayo nu Yohani alokololwe; vale mu mbwato valekhutenda inyafu.
\v 20 Na vope akhavelanga vahandekha u Dada vavene u Zebedayo mu bwato na avavombi avagongoliwa, vakhankonga.

\v 21 Vovanchifikhe hu Kaperinaumu, elinchuva lya isabato, u Yiisu akhingila mu sinagogi mukhumanyisya.
\v 22 Valeswigila lelyo alemanyisye, ulwa khuva alekhuvamanyisya ndu munu unyalulagelo sandavovwa vavimanyisya amasimbi.

\v 23 Unsekhe gugwa khwale nu munu mu sinagogi lya vene uveale ni mepo imbivi, pwu akhaywega,
\v 24 Akhata, "Tulene khehi ekhya huvomba nuve, Yiisu va Nazareti? Winchile khukhutoyancha? Nekhumanyile ule veni. Uve ulembalanche vemwene va Nguluve!"
\v 25 U Yiisu akhanchibencha imepo nu khunchova, "Nunala mukhome mgati mumwene!"
\v 26 Pwu imepo embivi yekhagwisya pasi nu ikhahuma mumwene vwu ilelo khu limenyu elya pa kyanya.

\v 27 Avanu voni valekhuswiga, pwu valekhuvonchana khela munu, "Khenu kheli ekhe? Lumanyisyo ulopya ulunyalulagilo? Ulwa khulagila imepo imbivi ukhumpwulikha!"
\v 28 Elimenyu lya mwene likhamanyekhekha ekhelunga khyoni khya Galileya.

\v 29 Unsekhe gugwa vwa khomile mu sinagogi, vakhingila mbunchenge uvwa Simioni nu Ndeleya vovale nu Yakobo nu Yohani.
\v 30 Leno ukwive va Simioni alekhogona avile ne khoma, pwu unsekhe gugwe vakhambula u Yiisu.
\v 31 Pwu akhincha, akhamwibata ekhevokho, nu khumwinula; ekhoma yekhakhega, akhatengula ukhuvatangela.

\v 32 Lyakhemikhe elijuva volesemile, vakhandetela avanu voni avale watamu, avange avale ni mepo imbivi.
\v 33 Ikhelunga khyoni wakhalundamana pwu paninie pa ndyango.
\v 34 Akhavapokha vingi avale vatamu va vitamu nu ukhuvahencha imepo ukhunchova, ulwa khuva nchamanyile.

\v 35 Akhalavela ukhusisismkha panavusiku, vwu khunchige ne khisi; akhahega akhaluta pa vwukhale akhesaya ukhwe.
\v 36 Simioni na voni avale paninie nu mwene valekhondonda.
\v 37 Vakhambona nu khumbula, "Ukhuta voni vikholonda"

\v 38 Akhavavola, "Tuvokhe pavunge, khunji mumbojenge, pwu nelumbilela nukhwa. Khyomene ninchile apa."
\v 39 Akhalota akhagendela Galileya yoni, alekhulumbelela mu masinagogi gavene nu ukhunchibencha imepo.

\v 40 Unyabuuba yumo akhincha khumwene. Alekhodova; akhafugama nu khuta, "INgave vwinogwa, umbombe neve nonu."
\v 41 Vwuikhulugiwa ne khisa, u Yiisu akhagolosya ekhevokho khya mwene akhankolela, akhata, "Ninogwa. Uvwe nonu."
\v 42 Unsekhe gugwa ubuuba vukhakhega, akhava nonu.

\v 43 Yiisu akhambolanincha ukhuta akhege unsekhe gugwa,
\v 44 Akhambula ukhuta, "Usite ukhonchova elimenyu khwu munu yeyone, pwu lotaga, ukhevonesye khuvatekhenchi, ukhakhumie enekhelo eya uvuvalanche ndavovwa alagile u Mose, yeve luvonekhelo khuvene."

\v 45 Pwu alekhuluta nu khutengula ukhupangila khela munu elimenyu lichadala khwoni pwu u Yiisu akhalemwa ukhwingila khuvulegefu mumbunchenge. Pwu akhatama aponu pavukhale avanu vakhincha khumwene ukhuhuma ukhyoni.

\c 2
\cl Malekha 2
\p
\v 1 Vwavunyile Kaperinaumu manchuva madebe, yekhapolekhekha ukhuta alembunchenge.
\v 2 Avanu vingi vavo walundamine vadegile pakha pa ndyango, pwu u Yiisu akhanchova elimenyu khuvene.

\v 3 Pwu vakhincha avanu vagegile umunu u ndema; avanu vanne vampembile.
\v 4 Vwuvalemilye ukhufikha khwa Yiisu ulwakhuva avanu vadegile, pwu vakhatoga khukhituvile vakhakhotola ekhanu upwalepo u Yiisu, vakhisya ekhyagonile undema.

\v 5 Vwu alowene ulwidikho lwa vene, u Yiisu akhambula undema, "Nswambago, usyekheliwe imbivi nchakho."
\v 6 Pwu amasimbi vavavatamile pala valekhwe voncha mu numbula, nchevene
\v 7 "Yelendakhekhi umunu ukhunchova aga? Idokhela! Veni uveisyekhela imbivi u Nguluve ve nyalusekhelo lwa mbivi?"

\v 8 Pwu u Yiisu akhalumanya mu numbula eya mwene ekhevalekhusaga. Akhavavula, "Khekhi msaga evo mu numbula nchenyo?
\v 9 Lelekhu lipepe ukhunchova khu munu u ndema, 'Imbivi nchakho nchisyekheliwe ama ukhuta 'ema ugendage wetwekhe eligonelo lwakho?'

\v 10 Pwu valumanye ukhuta Nswambe va Ntwa alenamakha akgakhusyekhela imbivi mu khilunga, akhambula undema ula,
\v 11 "Nikhukhuvola uve, ema, tola elitefu lyakho, ulutage ukhnjenge vwakho."
\v 12 Pwu akhema akhatola elitefu lya mwene, akhakhuma panji khoga vanu, pwu vwoni valekhoswiga valekhuginia u Nguluve, nu khuta "Satugelile, ukhulola imbombo ndeye."

\v 13 Akhaluta khulukhanji eya nyanja, elipuga lya vanu voni vakhincha khumwene, akhavamanyisya.
\v 14 Vwu ilotanincha akhambona u Lawi unswambe va Alfayo atamile upovi songela esongo akhambula ukhuta, "Ung'ongage." Akhema nu khunkonga.

\v 15 Usekhe u Yiisu vu ilya mbunchenge vwa Lawi, avasakha songo vingi na vanu avatula nongwa valekhulya nu Yiisu na vakhongi va mwene, ulwakhuva vale vingi vope vakhankonga.
\v 16 Avasimbi vavo vale vapitawe, vovawene ukhuta u Yiisu ilya na vatula nongwa na vasakha songo, vakhavavula avakhongi va mwene, "Khehi ilya na vasakha songo na vatula nongwa.

\v 17 U Yiisu vu apolikhe akhavavula, "Avanu avakhafu emivele gya vene savilonda uvakhovayavela; avanu vavo vatamu vovilonda uvakhovanyavela. Saninchile khukhwilaga avanu avanya lwidikho, ninchile khuvanya mbivi."

\v 18 Avakhongi va Yohani na Avapitawe. Pwu avange avanu vakhincha khumwene khukhombola, "Khekhi avakhongi va Yohani na Avapitawe hufunga, na avakhongi vakho hawafungi?
\v 19 U Yiisu akhavavula, "Avelangiwe ukhutoliwa udala wiwesya ukhufunga, imisekhe unya khutola udala vuvalenjela, unyaweghi vovalenjela savakhefunge."

\v 20 Amanchuva khikhwincha untola udala vuahenchi we khuvene, pwu mumanchuva ago pwu fifungaga.
\v 21 Asikhuli umunu uveikhona ekhe tambala khya mwenda umpya mumwenda unkholo, apo umwenda ugwa pwu gwitatukha tena, ekhepya khikhega mu mwenda unkolo, pwu yapiva pavakhe uluvuvu.

\v 22 Asikholi umunu uveivekha uvugimbe uvwunonu mu khidenge khyakhatale, uvugimbe yavukhufibanchula ifidenge, uvugimbe ne ifidenge fyoni pwu fiyaga. Uvungimbe uvwunonu vekha mu khidenge ekhepya."

\v 23 Pa linchova lya sabato u Yiisu alotaninche khufyolo, na avakhongi va mwene vakhatengula ukhipa ulubelege lwa ngano.
\v 24 Pwu avapitawe vakhambulo, "Lola khekhi vivomba ekhenu khekhyo ululagelo lubela ukhuvomba elinchuva lya sabato?"

\v 25 Akhavavola ukhuta, "Samwembile ekya avombile u Daudi ulwa ale ne njala umwene navanu vavo vale paninie nave?
\v 26 Umwa alotile mu mbunjenge vwa Nguluve Abiathari upwu ale ntekhenchi mbakha, akhalya ukate uguve khwe khuvolongolo - gugwa ululagilo lwa benchiche umunu yeyoni ukhulya - gwale wagwa na vatekhenchi - akhavapa voni vavo vale paninie numwene?"

\v 27 U Yiisu akhanchovaukuhuta, "E Sabato yavombiwe khutwevanu, sio avanu khu Sabato.
\v 28 Pwu, u Nswambe na Adamu ve Ntwa, khu Sabato."

\c 3
\cl Malekha 3
\p
\v 1 Vwu ingile mu sinagogi muvile nu munu unyakhevokho khelema.
\v 2 Pwu avange avanu vavovalekhonkongelela pa wipi ukhulola inave yikhopokha elinchuva lya Sabato pwu vang'ege.

\v 3 u Yiisu akhambula unyakhevokho khelema, "Ema paagatinagati pa lulundamano ulu."
\v 4 Pwu akhavavola avanu, "Lunonu ukhuvomba elinonu palinchuva lya Sabato ama ukhovomba gago sagalweli; ukhupokhe uvwumi, ama ukhubunda?" Avene vakhanchiga mie.

\v 5 Hulyoyo akhavavola, avile nulususuvalo ulwakhuva vavile ni numbula ng'afu, pwu akhambula umunu ola, "Golosya ekhevokho khyaho."
\v 6 Akhakhegolosya pwu u Yiisu akhampokha ekhevokho khyamwene. Avapitavwe vakhakhuma khunji vakhasongane na vatwa valonde anjela eya khubuda.

\v 7 Pwu u Yiisu, na vakongi va mwene, vakhaluta khu nyanja, ululundamano lwa vanu avakhomile khu Galileya avange khu va Yuta.
\v 8 Avange ukhukhuma khu Yerusalemu khu Idumaya khovolongolo eya Yolodani khuwipi ne Tiro ne Sidoni, lulundamano uluvakha, vwulupulikhe imbombo inchoikhonchivomba, vakhincha khumwene.

\v 9 Pwu akhavavola avakongi va mwene ukhutesania uvwato uvwudebe ukhuta ululundamano vasite ukhuntinga.
\v 10 Ulwakhuva avapokhile vingi, khela munu uveale nu khungatanchawa ale nuvwunogwe amwabasye.

\v 11 Mwoni imepo imbivi upunchambwene, walekhugwa pasi nu khulela, valekhune hova, "Uve ule mwana va Nguluve."
\v 12 Pwu alekhuvavola vasite ukhuvomba amanyikhihe.

\v 13 Akhalota khu kyamba, akhavelanga vavo avanogilwe, vakhaluta khumwene.
\v 14 Akhavakhala kumi na vaveli (akhavatambula vasukhiwa),
\v 15 vave paninie nu mwene avasukhage khulumbelela, Vave na akga khuhencha imepo.
\v 16 Pwu akhavakhala kumi na vaveli: Simioni, uveampile elitawa lya Peteli,

\v 17 Yakobo unswambe Zebedayo, nu Yohani ulukholo va Yakobo, aveapevilwe elitawa lya Bonagesi, avo vale vana va Ngurumo,
\v 18 Nu Ndeleya, Filipo, Batholomayo, Mathayo, Tomaso, Yakobo unswambe Alfayo, Thadayo, Simioni Mkananayo,
\v 19 Nu Yuta Iskariote, yoywa alamwambuncha.

\v 20 Pwu akhaluta khukaya, nu lulundamano lwa vanu vakhincha paninie, vakhalemwa na khuhulya unkate.
\v 21 Avakhekholo kya mwene vuvapolikhe elimenyu elyo, vakhaluta khu khomwibata, vakhata, "Ikhwalukha."
\v 22 Avasimbi vavovainchile ukhuhuma khu Yerusalemu vakhata, "Alenimepo incha Beelzebuli, "Nu, "Umbakha va mepo ikhencha imepo."

\v 23 Yiisu akhavelanga khumwene nu khunchova navo khu fikhwani, "Ndakhehi u Setano ikhung'encha u Setano?
\v 24 Ingaveuvwutwa vungalekhehane uvwutwa uvwa savokheme.
\v 25 Ingave uvwunchenge vungalekhehane uvivunchenge uvwa savokheme.

\v 26 Ingave u Setano iva nekhemendu yoywa, sakheme, pwu iva afikhe khuvwusililo vwa mwene.
\v 27 Ulwakhuva asipale uvealeyomo yoywa iwesya ukhwingila mbunchenge uvwa munu unyamakha nu khuhencha ifinu fya mwene khetampinya unyamakha tasi, pwu ilandamaninga ifilimbunchenge.

\v 28 Elweli nihovavola, imbivi nchoni incha vana va vanu yanchisyeleheliwa, paninie na ukhudakhela inchovonchova,
\v 29 Yeyoni uveyakheva ikhodokha umepo umbalanche sahasyekheliwe, pwu iva ntula nongwa amanchuva goni."
\v 30 Yiisu alenchovile ele ulwakhuva valekhunchova ukhuta, "Ale ni mepo imbivi."

\v 31 Kisha mama yake na ndugu zake walikuja na kusimama nje. Wakamtuma mtu, kumwita.
\v 32 Ululundamano lalwa lwatamile pawipi nu mwene vakhambola, "Ujyuva vakho na valokhololwo vale hanji, vikhoholonda uve."

\v 33 Akhavanda akhata, "Ujyuva vango na avalokholo vango?"
\v 34 Akhavalola vava vatamile nu kunchungula akhata, "Lola, ava vuvajyuva na valokholo lwango!
\v 35 Yeyone uveivomba ulugano lwa Nguluve, u munu uywa velokholo lwango, nu ng'ancha vango, nu jyuva vango."

\c 4
\cl Malekha 4
\p
\v 1 Pwu akhatengwa ukhumanyisya mu ndakhanji mu nyanja. Ululundamano ulwalundamine lukhanjongula, akhingela mu mbwato munyanja, nu hutama. Ululundamano lyoni lwale mundokanji mu nyanja.
\v 2 Pwu akhavamanyisya imbombo nyingi khu fikhwani, akhanchova khuvene.

\v 3 Ukhuta, mupolikhenchage undemi alotile khuvyala.
\v 4 Vwu ivyala, inchinge imbeyu ncha gwile mu njela, ifidege fikhincha fikhanchilya.
\v 5 Imbeyu inchinge nchagwile mu lunalawe, bakho wlifu lyale lidebe, pwu jikhaniala, ulwakhuva elifu lyale lidebe.

\v 6 Pwu ulunchuva volwivala, nchikhaniala, ulwakhuva nchale bula milela, nchikhoma.
\v 7 Imbeyu inchinge nchagwile mmatoni. Amatoni khakola sanchikhahopo isekha nchochoni.

\v 8 Imbeyu inchinge nchagwile palifu elinonu, nchikhahopa isekhe vwu vunchikhula, inchinge nchakhopile thelathini nu khulutelela, inchinge sitini, inchinge mia."
\v 9 Pwu akhanchova, "Yeyoni unyambulukhutu incha khupulikha, apulekhage!"

\v 10 Yiisu vu alemwene, vavo vale pipi nu mwene, navala kumi na vavele vakhambuncha ukhukhongana ni vikhwani.
\v 11 Akhanchova khuvene, "Umwe mpevilwe uvayelweli uvwa ludeva lwa Nguluve. Khu vavo vale honji khela khenu khuvene fihwani,
\v 12 Pwu vovilola, lweli vilola, savikhokhe vona, vovipulekhe, vipulikha, savikhwaliwa, manya vakhavisyetukha pwu Unguluve akhale ikhovasyekhela."

\v 13 Pwu akhanchova khuvene, "Ukhuta samukhemanyile ekhekhwani ekhe? Pwu mukhweliwaga ifikhwani ifinge?
\v 14 Unyakhovyala avyalile elimenyu.
\v 15 Avange vovala avagwile munjela, bakho elimenyu lyavyaliwe. Vwu vapolikhe akhincha u Setano akhaletola elimenyu lelyo lyavyaliwe muvene.

\v 16 Avange vovala vavovavyaliwe pakhyanyu pa lunalawe, avene voviholepulekha elimenyu, nambeve vikhupelela nulokhovokho.
\v 17 Viva vovovle imilela mugati muvene pwu vikheyomelencha unsekhe unsupi vu lwikhwincha alogelo nu khugata nchiwa khu limenyu. Pwu vikhekho vencha.

\v 18 Avange vovala avanyaliwe mumatoni vikholepulikha elumenyu.
\v 19 Pwu ukhugatanchiwa ne khelunga, uvosyovi uvwa fyome, nu vonogwe uvwa mbombo inchinge nchikhovingela elimenyu lilemwa ukhuhupa isekhe.
\v 20 Pwu khuvale vavo vavyaliwe mu ndifu elinonu. Vikholepulekha elimenyu nu khuleopelela vikhopa isekha: avange thelathini, avange sitini, na avange mia moja."

\v 21 Yiisu akhavavola, "Vwa wigega ulumuli mbunchenge nukhuluvekha pasi pa khetundu, ama pasi pavogono? Pwu vukhulugega ulumuli nukhuluvekha pakhanya pa khetalati.
\v 22 Ulwa khuva khesikholi khyohyoni khekhyo khefikhime khekhyo sakhe khamanye khene, lesipali lelyo lefikhime lelyo salekhave pavuvalafu.
\v 23 Avange pwale unyambulukhutu inchipulekha, apolekhage!"

\v 24 Akhavavola muvinchage mikho na lelyo mupulekha, ulwakhuva ekhemwipimila khemulapimiliwa na yomwe nu khulutelela.
\v 25 Ulwa khuva uvealenakhyo, yikhwupela ekheluyelile, na yoywa ale vovole ukhukhuma khumwene yafitoliwa na fifyo alenafyo."

\v 26 Pwu akhata, "Uludeva lwa Nguluve lukhwanine nu munu uveavyalile embeyu mu ndifu.
\v 27 Vwa agonelile pakhelo nu khusisimukha panavusikhu, pwu embeyu nchikhamela nu khukula, ndave salomanyile umuyekhomile.
\v 28 Ekhelunga khihomya embeyu, gitala amani; vwukhwincha uvuluva, pwu, nchikhonga embeyu inchidolwikhe.
\v 29 Embeyu vuyekholile nu khuvefula pwu egega emundu, ulwa khuva misekhegha khubena."

\v 30 Pwu akhata, "Tuvukhwananinche uludeva lwa Nguluve ne khenu kheli, tuvunchanganule ne khekhwani khehi?
\v 31 Vule nde mbegu eya haladali, yeyo yavyaliwe incha khelunga.
\v 32 Na pakho yevyaliwe, yikhula nu khuva mbakha ukhulutelela embeyu nchoni, pwu yipasa isyamba imbakha, ifidege fya khukyanya finchenga uvufumba mu khenchimela."

\v 33 Khu fikhwani fingi amanyisye nu hunchova elimenyu khuvene, ndamumwa valekhumweliwa,
\v 34 Sa anchove navo bila fikhwani. Ulwa khuva vu alemwene, akhavavola khela khenu avakhongi va mwene.

\v 35 Pa linchuva elyo, imisekhe gha lyakhemikhe, akhanchova khuvene, "Tuvukhe emwambo eyenge."
\v 36 Pwu vakhalulekha ululundamano, vakhantola u Yiisu, imisekhe egyo vualemumbwato. Uwato uvunge vukhava paninie.
\v 37 Emepo enyakhuluguto, amagasi.

\v 38 U Yiisu ale pa shetri, agonelile. Vakhansisimula, vakhata, "Mmanyisi, savusaga ufye twifwa?"
\v 39 Pwu akhasisimukha, akhayebencha emepo nu khuyevola enyanja, '"Yeve mie, nu lunonchehecho." Emepo yekhelekhelwa, khuva mie.

\v 40 Pwu akhanchova khuvene, "Khehi mundwada? Mulevovole ulwidikho?"
\v 41 Vakhava nuludwado ulwakha munumbula incha vene vakhenchofanya, "Veni oyo, ulwa khuva emepo ne nyanja fikhomwedekha?".

\c 5
\cl Malekha 5
\p
\v 1 Vakhincha uluvafu ulonge ulwa nyanja, huvu Gerasi
\v 2 U Yiisu vu ikhoma mu mbwato, umunu unya mepo imbivi akhincha khumwene vuikhomela khumapumba.

\v 3 U munu tamaga khumapumba. Asikholi aveawesinche ukhunsiga. Akhongiwe mara khingi ne minyololo.
\v 4 Akhagedumula eminyololo asikholi uveale na makha agakhuntola.

\v 5 Pakhelo na pamusi vu alekhumapumba na hufyamba, alekhulela nu khwetema na mawe amakhali.
\v 6 Vwu ambwene u Yiisu khuvutali, akhanyilela khumwene nu khungundama khumwene.

\v 7 Akhovela khulimenyu elivakha, "Akhata vwinongwa ukhungakha kheli, u Yiisu, va Nswambe va Nguluve uve ale khukyanya? Nikhohodova khwa Nguluve uste, ukhungatancha."
\v 8 Ulwa khuva ambolile, "Khuma khu munu oya, ve mepo imbivi."

\v 9 Umwene akhambuncha, "Elitawa lyakho veni?" Pwu akhanda akhata, "Elitawa lyango ne Legion, ulwakhuva tule vingi."
\v 10 Akhandela ukhudova ukhuta asite ukhung'elekha khuvutali.

\v 11 Pale ni ngube nchindebelenchwa pakhyamba,
\v 12 Pwu vakhadova, ukhuta, "Utusukhe khungube; twingile huchene."
\v 13 Pwu akhavedekha; imepo imbivi nchakhahoma nu khwingela mu ngube, pwu nchikhanyilela mu nyanja, nchale ingube elfu mbili nchicho nchaingile mu nyanja.

\v 14 Na vavo vanchidemaga ingube vakhanyila khuhavavola khehyo pa khelunga. Pwu avanu vingi vakhehomya ukhuluta khwilola ekhehomile.
\v 15 Pwu vakhincha khwa Yiisu vakhambona umunu unyamepo- imbiviuveale ne jeshi -- atamile pasi, afyalile, alenulukhala lunonu pwu vakhadwada.

\v 16 Vavo valolile khekhyo khehomile khu munu uveakhale ni mwepo imbivi vakhambula ekhehomile khumwene na khu ngube.
\v 17 Vovikhondova akhege mu khelunga kya vene.

\v 18 Vwu ikhwingela mumbwato, u munu unyamepo mbivi akhadova alotage paninie nu mwene.
\v 19 Akhasita ukhumwedekha, akhata, "Lutaga khuvunchenge vwakho na khuvanu vakho, ukhavavole ungaakhovombile Utwa, nu luhungu uuakhopile."
\v 20 Pwu akhaluta nu khutengula ukhupanga imbombo imbakha nchocho u Yiisu anchivombile khumwene khu Dekapoli, khela munu akhaswiga.

\v 21 U Yiisu vualowikhe emwambo eyenge, mu mbwato, lulundamano lukhalundamano au hunchungutela, vu alepalukhanchi pa nyanja.
\v 22 Pwu undongonchi yomo va sinsgogi, atambuliwawa Yailo, akhinche, vu ambwene akhagwa mumalunde ga Yiisu.
\v 23 Akhansima akhata, "Umwana vango udebe alepakhufwa. Nikhokhodova, winche umbekhele ifivokho pamwene, apate ukhupona."
\v 24 Pwu akhaluta nave, nu lulundamano lukhankonga nu khunchungutila.

\v 25 Pale nu ndlaa uvegwakhumaga unkisa emiakha kumi na miwili. Agatanchiwe, nu khuyaveliwa na vingi akhominche khela khenu khekhyo alenakhyo.
\v 26 Saapate uvwavule, pwu akhendelela ukhuva ne khali mbivi. Akhapulikha elimenyu ly Yiisu.
\v 27 Pwu akhincha khunsana khwa Yiisu vu ingenda mu lulundamano, akhibata eligwanda lya mwene.

\v 28 Ulwa khuva anchovile, "Ingave ningabate eligwanda lya mwene, niva neponile."
\v 29 Voibite, unkisa gukhelekhe lwa ukhuhuma, pwu akhepulekha mu mbele ukhuta aponile mbugatanchiwa wa mwene.

\v 30 Pwu u Yiisu akhalumanya ukhuta amakha gapungwikhe. Akhasyetukha khunu na khunu ndulundamano lwa vanu akhavoncha, "Veni uveanyibite eligwanda lyango?"
\v 31 Avankongi va mwene vakhata, "Wilola ululundamano lukhunchungulile, nuve wita, "Veni uveakhwibite?'"
\v 32 U Yiisu akhalola khunu na khunu ukhulola yoywa amwibite.

\v 33 Undala vualumanyile ekhevombikhe khumwene, akhadwada nu khutetema. Akhincha nu khugwa pasi pamwene nu khumbula elweli yoni.
\v 34 Akhata khumwene, "Ulwidikho lwakho lakhopokhile. Lutaga nu lunonchehecho apone ekhetamu khyaho."

\v 35 Vwu inchova, avange avanu vakhincha ukhuhuma khu ndongonchi va Sinagogi, valekhuta, "Umwalevo afyile. Khehi vukhugatancha umanyisi?"

\v 36 Pwu u Yiisu vuapulikhe khekhyo khinchoviwa, akhambula undongonchi va Sinagogi, "Osite ukhudwada. Wedekhe."
\v 37 Sahamwedekha yeyoni ukhulongonchana nave, akhava nu Peteli, Yakobo nu Yohani, alokhololwe va Yakobo.
\v 38 Vakhincha mumbonchenge uvwa ndongonchi va Sinagogi, vope akhavono vilela.

\v 39 Vuingile mbunchenge, akhavavola, "Kheli msosovile, kheli mwilela? Umwana safwile agonelile."
\v 40 Vakhang'eha, umwene, akhavahomya voni khunji, akhantola udada va mwana nu vanine navavo vakhele nu mwene, akhingela umwalemo umwana.

\v 41 Akhatetola ekhevoho kya mwana akhata, "Talitha koum, "khuhuta, "Mwana ndebe, nikhohovola, sisimukha."
\v 42 Umwana akhasisismukha nu khugenda (ulwa khuva ale ne miakha kumi na mbili). Pwu vakhava vanu va khudega.
\v 43 Akhava lagela ukhuta asikholi ovinogiwa ukhulemanya elevombikhe. Akhavavola vampe umwana ekyakhulya.

\c 6
\cl Malekha 6
\p
\v 1 Pwu akhahege ukhuluta khujini gwa miave, avakhongi va mwene vakhenkonga.
\v 2 Vuyefihe e Sabato, akhatengula ukhumanyisya mu sinagogi. Avanu vingi vakhampulekhe nu khudega. Vakhata, "Akavile ndahu ulumanyisyo alo?" Luhala lukhi ulwapevilwe?" Ivomba ndekhehi aga khu monokhoga mwene?"
\v 3 Oyo si ve ola u Selemala, nswambe va Mariamu na lokhololwe lwa va Yakobo, Yose, Yuta nu Simioni? Na vakhenchavevitama pakhapa nufwe?" Yavakhovoswe nu Yiisu.

\v 4 U Yiisu akhavavola, "Unyamalagosi dwadiwa, apange mjini gwa mwene na valokhololwe ava mbunchenge vwa mwene."
\v 5 Pwu sakhavomba inchakhudeega apo, akhavavekhela ifivokho avatamu vadebe vakhepona.
\v 6 Akhaswiga ulwa khuva savalekhwedekhe. Pwu akhavigendela ifijiji fya pawipi nu khumanyisya.

\v 7 Akhavelanga avakongi kumi ne mbili akhatengula ukhuvasukha vavele vavele. Akhavapa ululagelo khu mepo imbivi,
\v 8 Nu khuvalagela wasite ukhugega ekhe nu khyokhyoni vuvilula vagegage ingoma njene. Vasite ukhugega unkate, umpakho ni ndalama mufipakho;
\v 9 Pwu vafyale ifikato, vasite ukhuva na magwanda gavele.

\v 10 Akhavavola, "Uvenjenge vwuwoni umuyakheva mukhwingela, mtamage apo mpakha vu mwikhega.
\v 11 Nu njini gyogyoni gugwa sakhuhovupilela ama nkhuvapulekhencha, mukhegege khuvene, mwekhuhune ulundukhulu lwa mmalunde genyo, kheve kheme nyekhelo khuvene."

\v 12 Na vene vakhaluta nu khulumbelela avanu ukhuuta nu ukhunchilekha imbivi incha vene.
\v 13 Vakhavaswema imepo imbivi nu khuvabakha imono avatamu vakhapona.

\v 14 Untwa u Herode vuapolikhe ago, ulwa khuva elitawa lya Yiisu levile lemanyekhikhe. Avange vakhata, "Yohani unyalyoncho anchokhile, amakhe ni fikhwani fivomba imbombo mu mwene."
\v 15 Avange vakhata, "Oyo ve Eliya, "Nu avange vakhata, "Oyo ve nyamalago, alepaninie na vanyamalago avakhetale."

\v 16 Pwu u Herode vu apulikhe aga akhata, "Yohani, yoywa nagedile untwe anchokhile."
\v 17 Ulwa khuva Herode yoywa alagile u Yohani ibatwe nu khukungwa khwa Herodia (udala va mbakhave va Filipo) ulwa khuva umene antolile ukhuva idala.

\v 18 Ulwa khuva u Yohani ambolile u Herode, "Lu vivi ukhuntola udala va mbakhavo."
\v 19 Pwu u Herode akhatengula ukhukalalela alekhulonda ukhumbuda, akhalemwa,
\v 20 U Herode alekhundwadwa u Yohani; alomanyile ukhuta va ye lweli munu mbalanche, pwu akhandekhe. Vwu ipikhompole khencha akhavanulususuvalo, akhahovoha ukhumpole hencha.

\v 21 Vwu gufikhe unsekhe vwu lekhegelile elinchuva lya khololiwa u Herode ahavandalela avakhongi va mwene, avasikhali, na valongonchi va Galileya.
\v 22 Pwu umaleve va Herodia akhingela pakhonema, akhang'ovosya u Herode na vagenji avalepakhulya lyakhemihe pwu u herodeakhambula umwaleve, "Udove kyokyoni ikhevwunongwa une yanikhuhupa."

\v 23 Akhadyega ukhuta, khyokyoni khekyo yavudova, yanikhuhupa, ndageve nusu ya indeva lwango."
\v 24 Akhahoma khunji akhavoncha khwa vanina, "Nedove ekhehi?" Akhata, "Untwe ugwa Yohani."
\v 25 Unsekhe gugwa akhingila khwa nkuludeva akhatengula ukhunchova, "Ninogwa umemu sakhani, untwe gwa Yohani."

\v 26 Unkuludeva akhasususvala, ulwakhuva aedyegile pavageni, akhalemwa nkhubelela ekheadovile.
\v 27 Pwu unkuludeva akahasuha avasikhali va mwene akhavalagela ukhuluta ukhugegela umtwe gwa Yohani. Pwu usikhali akhalota khwigeda untwe mumbokongwa.
\v 28 Akhagega untwe gwa Yohani mu sakhani akhampa umwana, umwana akhampa uvanina.
\v 29 Avakhongi va mwene vuvapulikhe ago, vakhaluta khuhogotola ufimba gwa mwene vakhaluta khusyila hulipumba.

\v 30 Avasukhiwa vakhalundamano popaninie khuvolongolo khwa Yiisu, vakhambula goni agavavombile nu khuvamanyisya.
\v 31 Pwu akhavavola, "Mwinchange pavotitu tugatalukhe padebe." Avanu vingi valekhwincha nu khuhega savakhava nu unsekhe ugwa khulavukha.
\v 32 Pwu vakhatoga mu mbwato vakhaluta pavutitu vakhava vene.

\v 33 Vakhavavona vuvikhaga, vakhavamanya pupaninie vakhanyila ulwamalonde vakhavatalela ukhunchifikha.
\v 34 Vuvafikhe khu mbwani, akhavavona ava lulundamano akhavakolela ekhesa, ulwa khuva vale ndi ng'osi imbula ndoleli. Akhatengula ukhuvamanyisya imbombo inyingi.

\v 35 Emisekhe vugelulile, avakhongi vakhakonga vakhata, "Apa pale pavutitu nu usekhe gulutile.
\v 36 Welage valute khunji ni vijiji vakhagule ekyakhulya."

\v 37 Pwu akhavanda akhata, "Muvape umwe ekyakhulya." Vakhambola, "Tuwesye ukhuluta khwigula imikate igya dinari mia mbili nu khuvapa valye?"
\v 38 Akhavavola, "Mle nemikate gelengi? Luta mukhalole." Vovapatile vakhambola, "Emikate gekhano ni somba ivele."

\v 39 Akhavalagela avanu vatame mu fipuga mu manyasi amigu.
\v 40 Vakhavatamekha mu fipuga; mu fipuga fya mamia khu hamsini.
\v 41 Pwu akhatola emikhate gekhano ni somba ivele, pwu akhalolakhukyanya akhagesaya, pwu akhavapa avakongi vavekhe mbulongolo pa lulundamano. Pwu akhagava isomba ivele khu vanu voni.

\v 42 Vakhalya voni vakhakwila.
\v 43 Vakhalundania imikate emimenyule egesigile, vikhadega ifitondu kumi na mbili, ni somba inchi menyuliwe.
\v 44 Vale avagosi elfu tano avalile emikate.

\v 45 Pwu akhavavola ukhuta vatoge mu mbwato valote khuvunge, vakhaluta khuabethsaida, vu ikhelaga nu vanya lulundamano.
\v 46 avuvakhegile, akhaluta khukyomba khudova.
\v 47 vuyevile lyakhemile, uwato vwu vulepagati mu nyanja, umwene ale mwene khumwambo.

\v 48 Akhavavova vovigatanchiwa mu mbwato ulwa khuva imepo nchilikhuvasiga, vuvulepakhwikya akhavalotela, alekhugenda nkyanya munyanja, akhonogwa ukhulutaniche.
\v 49 Pwu vuvambwene igenda nkyanya mu magasi, vakhava nuludwadwa vakhata pamo misyokha pwu vakhaywega.
\v 50 Ulwa khuva vambwene vakhava nululundamano. Pwu akhanchova akhavavola, "Muve vakhangafu! Nene! Msite ukhudwada."

\v 51 Akhingela mu mbwaro, imepo yekhelekhelwa unkhuluguto, pwu vakhadega lweli.
\v 52 Pwu vakhava saveliwe elimenyu lya mikate. Ulwa khuva inyala nchavene nchale ndebe.

\v 53 Vovalowikhe khumwambo, vakhafikha ekhelunga ekhya Genesareti pwu uwato vakhema.
\v 54 Vovakhomile khunji khuwato, pwu vakhamanya.
\v 55 Vakhanyila khulumbelela mu khelunga vakhatengula ukhuvagega avatamu mu fisanja, khela vuvapulikhe ukhuta ikhwincha.

\v 56 Popone opoaingile mu vijiji, ana mijini, amamukhelunga vakhavavekha avatamu upovigonchekhecha, vakhadova edekhe ukhwibata eligwanda lya mwene. Voni vavo vamwibite vakhapona.

\c 7
\cl Malekha 7
\p
\v 1 Avalongonchi ne avasimbi vavo vakhomile khu Yerusalemu valondamine nu khunchungutela umwene.

\v 2 Vakhavavona avakhongi va mwene vilya imikate ne fikokho khetakalava.
\v 3 (Avalongonchi na Vayahudi voni savilya vikhalava vononu; vikhwibatelela inyikho incha vagogolo.
\v 4 Avalongonchi vovayile ukhuhuma ukhuvigoncha, savilya vu savogile. Khulenindagelo inchinge inchovikhonchikonga, ukhusukha ifinywelo, isefulila, ifyombo ifya shaba niifigodo ifivitamela pakhulya.)

\v 5 Avalongonchi ne vasimbi vakhambuncha u Yiisu, "Khehi avakhongi vakho samitame ukhukongana ni nyikho incha vatanchi, ulwa khuva vilya imikate khetakalava amavokho?"

\v 6 Umwene akhavavola, "Unyamalago Yesaya anchovile vononu khulyomwe asimbile, 'Avanu ava vikhunyedehka khu milomo, inumbula incha vene chilikhutali nune.
\v 7 Vikhombombela inekhelo injalubedo vimanyisya indagelo incha vanu ndi finchago fya vane.'

\v 8 Munchilekhile indagelo incha Nguluve nu hwibatelela inyikho imepo incha vanu."
\v 9 Pwu akhanchova khuvene, "Mlubelile ululagelo ulwa Nguluve ili mlolele inyikho nchenyo!
\v 10 Ulwa khuva u Mose atile, "Umwedekhe u Dada vakho nu Jyova vakho, 'Yoywa inchova amavivi khwa Dadaye nu khwavanina lwa yelweli ifwa.'

\v 11 Ulwa khuva mwita, 'Ingave umunu inchova khwa dadaye nu vanina, "Ulutangilo lwolwoni lolwo mukhale mwikhava ukhuhuma khulyone lwiva khebana khu Hekalu,'" (elyo khuhuta atekhominche Unguluve')
\v 12 Pwu sikhondekhe ukhuvomba embombo yeyonikhwa deda ama uvanina.
\v 13 Mukholovekhe ululagelo ulwa Nguluve ukhuta sakhenu khu nyikho nchenyo. Ni mbombo inchopingi mukhonchivomba."

\v 14 Akhakilivukhela ukhuvelanga avalulundamano nu khuvavola, "Mumolekhenche one, mwe voni, munyeliwe.
\v 15 Khesiholi kyokyoni ukhuhuma khunchi khu munu khekyo khiwesya ukhundamya amunu ekhihwingela khumwene. Khekhonguma omunu khyohikhondamya.
\v 16 (Nchingakhencha: unsitali ugu, "Ingave omunu yoywa avenchaga ale ni mbulukhutu incha khupulikha, apulekhage" Gusimoli mu kalata incha khatale).

\v 17 U Yiisu akhavalekha avalulundamano nu khwingela mu mbunchenge, avakhongi va mwene vakhambuncha ukhukongana ne khehwani khela.
\v 18 Yiisu akhata, "Na nyomwe samweliwe? Samwilola ukhuta khyokyoni ni khekyo khihomwingila omunu sakhiwesya ukhundamya,
\v 19 Ulwa khuva sakhehelote mu numbula eya mwene, khihwingela mulitumbu lya mwene pwu kheluta khu ya vele." Khu nchovele eye u Yiisu akhafivalancha ifyakhulya fyoni.

\v 20 Akhanchova, "Khehyo khihoma umunu khyohikhondamya.
\v 21 Ulwa khuva khihoma mu munu, khunchi eya numbula, khilomana na masage amavivi, uvuligu, uvulyasi, uvubudi,
\v 22 Uvumalaya, uvunogwe uvuvivi, uvuvivi, uvusyovi, ukhuligupa, ilweginio, uvokhonyofu.
\v 23 Amavivi aga goni gikho mugati, gugagyo gikhondamya omunu."

\v 24 Akhema ukhuhuma pala nu khuhega ukhuluta khu Tiro ne Sidoni. Akhingela mugati sakhanogwa omunu uveavinchaga alomanye ukhuta aleapo, yekhalemehan ukhumfikha.
\v 25 Pwu udala, unyamwana unyamepo imbivi, akhapulekha elimenyu lya mwene, akhincha, akhagwa pa malunde ga mwene.
\v 26 Udala uywa ale Myunani, uva khevumbuho kya Kifoniki. Akhansima ukhuta anchisweme imepo imbivi ukhuhuma khu mwaleve.

\v 27 Yiisu akhambula udala, "Valekhe avana valye tasi, ulwa khuva sio lunonu ukhutola unkate gwa vana nu khulakhela imbwa."
\v 28 Pwu udala akhanda ukhuta, "Lweli Ntwa, na nchimbwa pasi pa mwes yayilya amasigalelo ga khyahulya hya vana."

\v 29 Akhambola, "Ulwa khuva unchovile evwo, ulutage nuvudekhedekhe. Imepo nchindekhisye umwalevo."
\v 30 Udala akhavuya khuvunchenge uvwa mwene ambone umwaleve agonile pa khetalati, imepo nchindekhisye.

\v 31 Yiisu akhahuma khu Tiro akhagengela khu Sidoni akhaloncha khunyanja eya Galileya ulunyikha ulwa Dikapolisi.
\v 32 Pwu vakhandetela omunu uveanchivile uve ilemwa ukhonchova vononu, vakhansima u Yiisu avekhe ifivokho fya mwene pa mwene.

\v 33 Akhang'omya khunchi ya lulundamano khu lufikho, pwu akhavekhe ifikonche mu mbulukhutu nchamwene, vwu abekhile amati, akhibata ululimi lwa mwene.
\v 34 Akhalola khule yanya, akhakeha nu khumbula, "Efata, "Khuhuta "Dendukha!"
\v 35 Pwu unsekhe gugwa imbulukhutu nchikha dendukha, na khwhyo khehansigaga ululimi khehanangeha alekhunchova.

\v 36 Pwu akhavalagela vasite ukhumbula omunu uveavenchaga. Vwu ikhovalagela elyo, pwu vale khupanga imbombo incho khuvingi.
\v 37 Va yelweli vakhadega nu khuta, "Avombile khela khenu khenonu. Nu khuvavekha avanchivile ukhupulekha, na avabubu ukhunchova."

\c 8
\cl Malekha 8
\p
\v 1 Mu manchuva ago, khwale nu lulundamano uluvakha, ulwale vovole ekhyahulya.
\v 2 Yiisu akhavelanga avakhongi va mwene nu khuvavula, "Nikholokolela ekhesa ululundamano ulu, vandelile ukhuva nune amanchuva gadatu na valevovole ekhyahulya.
\v 3 Ningavavule vagodokhe mumbunchenge uvwa vene khetalya viwesya ukhunchiliha mu njela ne njala. Avange vakhomile khuvutali."
\v 4 Avakhongi va mwene vakhamwanda, "Twikhavandahu emikate egya khuvigusya avanu ava apasitakhenu?"

\v 5 Akhavavuncha, "Mle ni vimenyu vilengi ifya mikate?" Vakhata, "Saba."
\v 6 Akhalulagela ululundamano lutame pasi. Akhatola emikati saba, akhansana Unguluve, nu khugemenyula. Akhava pa avakhongi va mwene vavekhe mu mbulongolo, avene vakhagevekha mbulongolo lwa lulundamano.

\v 7 Vale ni somba indebe, vu esayile akhavalagela avakhongi va mwene vavagavele n anchope.
\v 8 Valile vakhakwilanila. Pwu vakhalundania ifimenyu ifisigile, ifitundu ifivakha saba.
\v 9 Avanu vale elfu nne. Pwu akhavalekha vavuyage.
\v 10 Pwu akhingela mu mbwato na vakhongi va mwene, pwu vakhaluta ulunyikha ulwa Dalmanuta.

\v 11 Pwu avalongonchi vakhehuma khunchi nu khutengula ukhukanikhana nu mwene. Valekhunogwa avape ifikhwani ifikhomile khukyanya, valekhugela.
\v 12 Akhenchofanja mu numbula eya mwene akhata, "Kheli ekhepapo ekhe khilonda ifikhwani? Nekhovavula uvulweli umwe, khesikhuli ekhehwani ekheyakheva khihumela khuhepapo ekhe."
\v 13 Pwu akhavalekhe, akhingela mu mbwato, akhahega ukhuluta emwambo eyenge.

\v 14 Unsekhe ugwa avakhongi va mwene vasamilwe ukhugega emikati. vale vuvule emikate, vale ne khemenyu khemu mu mbwato.
\v 15 Akhavavunga ukhuta, "Muvinchage mukho nu mwilolele nu uvuvivi uvwa valongonchi nu uvuvivi uvwa Herode.

\v 16 Avakhongi vahenchofyanja vavo, "Ulwa khuva tulevuvule emukate."
\v 17 U Yiisu akhalemanya ele, khuvavula, "Khehi mu khenchofanya ukhuta mule vuvule emikate? Bado samulomanyile? Samukhweliwa? Inumbula nchenyo nchivile nyebepe?

\v 18 Mle na mikho, samwilola? Mle ni mbulukhutu, samupolekha? Samukumbukha?
\v 19 Vonegavinie emikate gekhano khuvanu elfu ikhano, mwatolile ifitundu filengi ifidegile ifimenyu ifyamikate?" Vakhamwanda, "Kumi na fivele."

\v 20 "Ulwanagavinie emikate saba khu vanu elfu nne, mwatolile ifitundu filengi?"
\v 21 Vakhata, "Saba." Akhavavula, "Samukhweliwa?"

\v 22 Vakhincha khu Bethsaida. Avanu vavo vagegile khwa umunu uvesisola vakhansima u Yiisu amwibate.
\v 23 Yiisu akhamwibata umunu uvesilola, nu khundongolela khunchi khuhejiji. Vuabekhile amati pa mikho ga mwene nu khugolosya ifivokho fya mwene khu mwene, akhambuncha, "Vukhohevona khyohyoni?"

\v 24 Akhalola khu kyanya nu khuta, "Nikhuva vona avanu nde mibekhe egigenda."
\v 25 Pwu akhagolosya amavokho ga mwene mu mikho ga mwene, omunu ola akhafungula amikho ga mwene, akhalola akhange, akhavona khela khenu khenonu.
\v 26 Yiisu akhandekha alote khumwene nu khumbula, "Usite ukhwingela mjini."

\v 27 Yiisu akhahega navakhongi vamwene ukhuluta khu Kaisaria eya Filipi. Vuvalemunjela akhavavuncha avakhongi, "Avanu vita une nene veni?"
\v 28 Vakhamwanda vakhata, "Yohani unyalwoncho. Avange vita vee, "Eliya' avange, 'Vita ulenyamalago."

\v 29 Akhavavunda, "Umwe mwita one nene veni?" Peteli akhambula, "Uve ve Kristi."
\v 30 Yiisu akhavavunga ukhuta vasite ukhumbula omunu imbombo incha mwene.

\v 31 Pwu akhatengula ukhuvamanyisya ukhuta unswambe va Adamu yigatanchiwa khu mbombo inyingi, yibeliwa na valongonchi, na vatekhenchi avavaha, na avasimbi, na avanyalwidikho, vugasilile amanchuva gadatu alanchukha.
\v 32 Aganchovile aga mu mbuvalafu. Pwu Peteli akhantola palukhanji akhatengula ukhumbencha.

\v 33 U Yiisu akhasyetukha khuhuvalola vakhongi va mwene pwu akhambencha u Peteli akhata, "Luta khunsana Setano! Sawilola imbombo incha Nguluve, wilola imbombo incha vanu."
\v 34 Pwu akhavelanga avalulundamano na vakhongi va mwene, nu khuvalola, "Inave khule munu inogwa ukhung'onga, ebele yoywa, atole ekhendamingani kya mwene, nu khung'onga.

\v 35 Ulwa khuva yeyoni uveinogwa ukhuvupokha uvwumi uvwa nwene alavuyancha, na yeyo ni uveyakheva ikhovoyancha uvwumi uvwa mwene khwa ajili yango na khulimenyu, alavopokha.
\v 36 Yikhontanga khehi omunu, ukhukava ekhelunga kyoni, nu khukava ekhesara eya vwumi uwamwene?
\v 37 Omunu iwesye ukhuhomia khehi badala eya vwumi uvwa mwene?

\v 38 Yeyoni uveikhombonela isoni na mamenyu gangu mu khepapo ekhe ekya valigu, ne khepapo ekhya vanya mbivi, unswambe va Adamu yikhombolela isoni yakheva ikhwincha khu ludeva ulwa Dadaye nukhuvasukhiwa avavalanche.

\c 9
\cl Malekha 9
\p
\v 1 Aganchovile khuvene, "Lweli ni nchova khulyomwe, avange venyo khule vanu avemile apa savalafwa mpakha valuvone uludeva lwa Ngluve vulwikhwincha na makha."
\v 2 Vu galuti amanchuva sita, Yiisu akhavatola Peteli, Yakobo nu Yohani ukhuluta navo khukyamba, vene. Pwu akhatengula ukhuhambukha pa vene.
\v 3 Emienda gya mwene gekhatengula ukhungala, gekhava mivalafu, uvuvalafu uvulotelile mu khelunga.

\v 4 Pwu u Eliya nu Mose vakhahomela mu mbolongolo mu vene, valekhonchova nu Yiisu.
\v 5 Peteli akhanda akhambula u Yiisu, "Mmanyisi, luvile lunonu ufye ukhuva apa, pwu tunchenge ameve gadatu, lemoleve lyakho, lemo leve lya Mose nelenge leve lya Eliya."
\v 6 (Ulwa khuva sakhemanye ekyakhunchova, vakhadwada fincho.)

\v 7 Elifunde likhehumela nu khuvagubikha. Pwu elimenyu likhahuma mu mafunde likhata, "Oya ve nswambango ugane, mupulekhenchange umwene."
\v 8 Vwu vipilola, savakhambona yeyone uveale paninie navene, alepo u Yiisu mwene.

\v 9 Vuvikhwiha ukhuhuma khukyamba, akhavalagela vasite ukhumpangila omunu gago valolile, hadi unswambe va Adamu alavaicnhukha ukhuhuma khuvufwe.
\v 10 Pwu vakhanchingahencha imbombo vavo vene. Pwu vakhenchofanja ukhuta khuhuta kheli "Ukhunchula ukhuhuma khuvufwe"

\v 11 Vakhambunche u Yiisu, "Kheli avasimbi vavita ikhwincha tasi u Eliya?"
\v 12 Akhavavola, "Lweli u Eliya alincha tasi khwipokha ifinu fyoni. Kheli yesimbiwe unswambe va Adamu alagatanchiwa nu khusuliwa?
\v 13 Leno ninchova khulyomwe u Eliya ainchile, vakhambombela umuveganelile, ndu elimenyu linchova."

\v 14 Vuvavuyile khuvakhongi, vakhevona ululundamano ludegile na Masadukayo valekhukanihane navo.
\v 15 Vu vambwene, elipuga lyoni lekhadega nu khuluta khuhomponia.
\v 16 Akhavavoncha avakhongi va mwene, "Mkanekhana navo khuhekhi?"

\v 17 Yomo mu khepuga akhamwanda, "Mmanyisi, nekhagegile umwana vango khulyove; aleni mepo imbivi inchikhosiga ukhonchova,
\v 18 nchikhopelela ukhutetema nu khugwisya pasi, epofu yikhomaga mundomo nu khuyeledula amino nu khuncichima. Nekhavadova avakhongi vakho vanchikhomie imepo, vakhalemwa.
\v 19 Akhavanda, "Khepago ekhesakhihwedekha, nitamoga numwe hadi ndeli? Nitolelanila numwe hadi ndali? Mugege khulyone."

\v 20 Vakhagega umwana vamwene. Emepo imbivi vunchimbwene u Yiisu, pwu nchikhapelela ukhutetema. Undemi akhagwa pasi nu khuhumia epofu mundomo.
\v 21 Yiisu akhambuncha u Dadaye, "Avile ne khetamu ekhe ukhuhuma ndeli?" Dadaye akhata, "Ukhuhuma vu idebe.
\v 22 Pavunge alekhugwila mu mwoto apange, mu magasi, nu khugela ukhunjancha. Inave vwuwesye ukhuvomba khyokhyoni tokholele ekhesa ututange."

\v 23 Yiisu akhambula, "Ingave ule tayari? Khela khenu khiwe sekhana khu yeyoni unyalwidikho."
\v 24 Pwu u Dada va mwana akhalela akhata, "Nikhwedekha! Unange ukhusikhwigekha khwango."
\v 25 U Yiisu vuawene elipuga linyilela khuvene, akhalagela khu mepo imbivi akhata, "Uve mepo venchivanchi, nikhphogela indekhe, usite ukhwingila khumwene khange."

\v 26 Akhalela khumakha nu khugatancha umwana pwu imepo akhahuma. Umwana akhavonekha ukhuta afwile, vingi vakhata, "Afwile,"
\v 27 Pwu u Yiisu akhantola ne khevokho akhamwinula, omwana akhema.

\v 28 U Yiisu vu ingile mugati, avakhongi va mwene vakhambuncha khuvutitu, "Kheli tukhalemilwe ukhungumia?"
\v 29 Akhavavola, "Siwesya ukhuhuma ikhone nyesayo."

\v 30 Vakhahega pala nu khugendela khu Galileya. Sakhanogwa omunu yeyone alumanye upuvalepo, Ulwa khuva alekhuvamanyisya avakhongi va mwene.
\v 31 Akhavavola, "Unswambe va Adamu yikhelehwa mu mavokho ga vanu, pwu vikhombuda, vuafwile, vugalutile amanchuva gatatu alanchokha."
\v 32 Pwu savakheliwa ekhinchova, vakhadwada ukhumbuncha.

\v 33 Vuvafikhe Karperinaumu. Vu ale mumbunchenge skhavavuncha, "Mukhenchofanchaga kheli mu njela?"
\v 34 Pwu vakhanchiga miye. Ulwa khuva vale khukanikhana mu njela ukhuta veni yoywa imbakha huvoni.
\v 35 Akhatama pasi akhavelanga kumi na vavele paninie, akhanchova navo, "Ingave yeyoni ilonde ukhuva va mbulongolo, edekhe ukhuva va munsana na ntangeli va voni."

\v 36 Akhantola omwana udebe akhambekha pagati pavene. Akhampemba mumavokho, akhata,
\v 37 "Yeyoni uveikhomwopelela umwana ndoyu mu litawa lyango, iva anyupelile one, ingave omunu anyupelile one, sanyupelile one nemwene nu uveansukhile."

\v 38 Yohani akhambula, "Mmanyisi tukhambwene omunu ikhomia imepo khu litawa lyakho tukhabencha, ulwakhova sikhongana nu fwe."
\v 39 Pwu u Yiisu akhata, "Msitage ukhuvasiga, ulwa khuva asikhuli omunu uveiwesya ukhovombe imbombo imbkha khu litawa lyango, yoywa iwesya ukhunchova elimenyu elivivi khulyone.

\v 40 Yeyoni yoywa salenufwe, alepaninie nufwe.
\v 41 Yeyoni uveyakheva ikhohopa ekhekombe kya magasi aga khunywa ulwakhuva ule nu Kristi, lweli ni khovavola, salayancha ulusayo lwamwene.

\v 42 Yeyoni uveikhovapenja avadebe avikhonyedekha one, lukhale lwiva lunonu khumwene ukhukongiwa ulwala mu nsingo nu khutagwa mu nyanja.
\v 43 Ingave ekhevokho kyakho khihohopenja Geda. Lwiva lononu ukhwingela khuvwumi ne khevokho khemo, ukhwingela khuvahegi nifivokho fyoni. Khu muoto "Gogwa sagwinchima."
\v 44 (Nchingakhencha: unsitari ege, "Baho amatekhenya sagifwa nu muoto gogwa sagwinchima. "Gusimuli mu mbusimbe uvwa khatale).

\v 45 Ingave ekhelunda kyakho khehopenchinche khegede. Lwiva lunonu khulyove ukhwingila khu vwumi vu ulendema, ukhwingela khuvuhegi ni filunde fivele.
\v 46 (Nchingakhencha: unsitari ogo, "Baho amatekhenya sagifwa nu mwoto gogwa sagwinchima "gusimuli mu mbusimbe uvwa khatale).

\v 47 Ingave elikho lyakho likhohopencha lekhenche. Lwiva lunonu khulyove ukhwingila khu ludeva lwa Nguluve vule nelikho lemo, ukhuva na mikho gavele nu khutagiwa khu vwukhegi.
\v 48 Baho pale na matekhenya agasagifwa, nu mwoto gogwa sagwinchima.

\v 49 Ulwa khuva khela munu alagendela mumwoto.
\v 50 Omwinyo nnonu, ingave omwinyo gungayanche ovononu vwa gwene, pwu vukhogovombela ndeti ukhungilivula avononu vwa gwene? Muve nu mwinyo yomwe khwa yomwe, muvinchage nu lunonchehecho khwa khela munu."

\c 10
\cl Malekha 10
\p
\v 1 Yiisu akhagega apo akhaluta khu Uyahudi na khuvolongolo khu Yordani, nu lulundamano vakhankonga.
\v 2 Akhavamanyisya, ndavovwa lwale vunchovele vwa mwene ukhuvomba.
\v 3 Pwu avalongonchi vakhincha khuhongela vakhambuncha, "Lwiva lononu ugosi ukhunde ha udala va mwene?" Yiisu akhavanda, "Mose avalagile khehi?"
\v 4 Vakhata, "Mose atotawile ukhusimba ekhalata eya khulekhana nu khuswema udala."

\v 5 "Ulwa khuva inumbula nchenyo ng'afu khyomene avasimbile ululagelo ulu, "Yiisu akhavavola.
\v 6 "Ukhuhuma ukhupeliwa vwa khelunga, "Unguluve avapelile ngosi nu udala.'

\v 7 Pwu ugosi alandekhaga uddaye nu vanina nukhwelunga nu dala va mwene,
\v 8 na vavele avo viva umbele gumo; ulwa khuva saviva vavele, viva umbele gumo.
\v 9 Pwu khekyo akhelonganinche Unguluve omunu asite ukhudatalula."

\v 10 Vovale mu mbunchenge, avakhongi vakhambuncha ukhukhongana nele.
\v 11 Akhavavola, "Yeyoni uveikhondekhe udala va mwene nu khuntola udala uyonge ivombe uvuligu.
\v 12 Udala angandekhe ugosi va mwene nu khutoliwa nu gosi uyonge, iva iligupa."

\v 13 Pwu vakhagegela avana avadebe avibate, avakhongi vakhavabencha.
\v 14 Pwu u Yiisu vu alemanyile elyo, salekhang'ovosya, akhavavola, "Muvalekhe avana avadebe vinche khulyone, msitage ukhuvasiga, ulwa khuva avana ndava uludeva lwa Nguluve lwavene.

\v 15 Elweli nikhovavula, yeyoni uveisikhupelela uludeva lwa Nguluve ndu mwana ndebe, lweli salingela khuludeva lwa Nguluve.
\v 16 Pwu akhavatola avana mumavokho ga mwene akhavasaya akhavavekhela ifivokho.

\v 17 Vwu ategwile ulugendo lwa mwene omunu yomo akhanyilelela akhafugama khumwene, akhambuncha, "Mmansisi venonu, nevombe khehi nekave uvwumi uvwa sikhunchoni?"
\v 18 U Yiisu akhata, "Kheli vukhonambula ukhuta nelenonu? Asikhuli unonu, Unguluve ve nnonu mwene.
\v 19 Unchimanyile indagelo: 'Usitage, ukhubuda, ulaligupaga, usitage, ukhuvadesi, vadwadwage Dadayo nu jyuva vakho.'"

\v 20 Omunu da akhata, "Mmanyisi, aga gone ni khogakhonga ukhuhuma neledemi."
\v 21 U Yiisu akhandola nu khugana. Akhambula, "Khesigalile ekhenu khemo. Vunogivwa ukhuguncha fyoni ifyoulenafyo pwu uvape avalemilwe, pwuwiva ne khebana khukyanya. ang'ongage."
\v 22 Pwu akhapekha khu mamenyu ago; akhahega vwu ale nolusosovalo, ulwa khuv ale ne fyoma fingi.

\v 23 Yiisu akhalolesya khyoni akhavavola avakhongi va mwene, "Umo yevelile vugafu khuvanya fyoma ukhwingela mu ludeva lwa Nguluve!
\v 24 Avakhongi vakhadega khu mamenyu aga. Pwu Yiisu akhavavola akhange, "Vana, vukhafu ukhwingela khu ludeva lwa Nguluve!
\v 25 Vwu pepe khu ngamia ukhulutanincha pa khepulukha kya Sindano, kholikho khu munu untayeli ukhwingela khu ludeva lwa Nguluve."

\v 26 Vakhadega nu khwenchofanja, "Pwu veni uveyakheva ipona"
\v 27 Yiisu akhavalola akhata, "Khu vanu salekhawesekhane, ila khwa Nguluve. Ulwa khuva khwa Nguluve gone giwesekhana."
\v 28 "Peteli akhatengula ukhunchova nave, "Lola tofilekhile fyoni tokhokongile."

\v 29 Yiisu akhata, "Elweli nikhovavola umwe, asipali uveavulekhile uvunchenge, ama ulukhololwe, ama ung'anchange, ama uvanina, ama udadaye, ama avana, ama ekhelunga, nu khung'onga une, ne limenyu,
\v 30 Yoywa salakava mara mia nu khulutelaleno pa khelunga; uvunchenge, ulukholo, ung'ancha, ujyuva, avana, ne khelunga, khu vugatanchiwa, ne ekhelunga ekhihwincha nu vwumi uvwa sikhu nchoni.
\v 31 Vingi vavo valembulongolo valava va munsana, na vavo valemunsana valava mumbolongolo."

\v 32 Vovalemunjela, ukhuluta khu Yerusalemu, Yiisu alogwile mu mbolongolo khuvene. Avakhongi vakhadega, na vavo valekhuvakonga munsana vakhadwada. Pwu Yiisu akhavavekha palukhanji vala kumi na vavele nu khutengula ukhuvavola eleyakheva likhongwimila umwene:
\v 33 "Lole, tulota khu Yerusalemu, nu Nswambe va Adamu yikhelikhiwa khu vatekhenchi avavakha na vasimbi. Yavikhong'ega afwe yavikhong'omia khu vanu va khelunga.
\v 34 Yavikhonkinela, vikhobekhela amati, valantova ne mbekhe, nu khubuda. Vugalutile amanchuva gatatu alanchuha."

\v 35 Yakobo nu Yohana, avaswambe va Zebedayo, vakhincha khumwene nukhuta, "Mmanyisi, tudova atovombele kyokyoni ekhetuhohodova."
\v 36 Akhavavola, "Mwinogwa nevavombele kheli?"
\v 37 Utwedekhe tutame nuve khuvuvalanche vwakho, yomo ekhevokho ekhyahulela, nu yonge ekhevokho ekhyahege."

\v 38 Pwu Yiisu akhavanda, "Samukhemanyile khehyo mudova. Muwesye ukhunywela ekhekombe ekheninywela ama ukhedekha olwoncho oloyakheva ni khwonenchiwa?"
\v 39 Vakhambula, "Tuwesya" Yiisu akhavavola, "Ekhekombe ekheyakheva ni nywela, yamunywela. Nu ulwoncho lolwa nonchiwe, muwesya.
\v 40 Leno uveya kheva itama ekhevokho khyango ekyando ama ekyakhege, sanikhomia one, elyo lya vavo vandaliwe."

\v 41 Avakhongi avange vala kumi vuvapulikhe elyo, vakhatengula ukhuvakalalela Yakobo nu Yohani.
\v 42 Yiisu akhavelanga khumwene nukhuta, "Mulomanyile ukhuta vala uvumwita vovavakha va vanu va khelunga vikhovalongoncha na vanu avanyamakha vivonesya ama khaga vene khulyomwe."

\v 43 Pwu sayinogiwa ukhuva evo khulyomwe. Yeyoni uveinogwa ukhuva mbaha palyomwe edekhe ukhuvavombela,
\v 44 Pwu yeyoni uveinogwa ukhuva mu mbolongolo khulyomwe, edekhe ukhuva nsukhiwa va voni.
\v 45 Ulwa khuva Unswambe va Adamu sinchile khuvombeliwa, inchile khuvomba, nu khwehomya uvwumi vwa mwene ukhuva vupokhi khu vingi."

\v 46 Vakhincha khu Yeriko. Vwu ikhega khu Yeriko na vakhongi va mwene elipuga livakha, unswambe va Timayo, Batimayo, uvesilola na ntofi, atamile palokanji mu nsewe.
\v 47 Vu apolikhe ukhuta ve Yiisu Mnazareti, akhatengula ukhuywega nu khuta, "Yiisu, Nswambe va Daudi, ong'olele ekhesa!"
\v 48 Vingi vakhabencha uve abofyikhe, valekhumbula ununale. Pwu alekhulela khu limenyu lya pakyanya, "Nswambe va Daudi, ong'olele ekhesa!"

\v 49 Yiisu akhema nu khulagela elangiwe. Vakhamwelanga, valekhuta, "Ove nkhangafu! Ema! Yiisu ikhohwelqanga."
\v 50 Akhaletaga palokhanji elikoti lya mwene, akhanyila, ukhuluta khwa Yiisu.

\v 51 U Yiisu akhamwanda nu khuta, "Winogwa ne khovombele khehi?" Ogosi ola akhamwanda, "Mmanyisi, ninogwa ukhulola."
\v 52 Yiisu akhambula, "Lutaga. Ulwedekho lwakho lukhopolite." Usekhe gugwa amikho gamwene galekholola; akhankonga u Yiisu munsewe.

\c 11
\cl Malekha 11
\p
\v 1 Usikhei ugwa vuvinchile khu Yerusalemu, vuvafikhe khu Bethfage nakhu Bethania, khu kyamba kya Mizeituni, U Yesu akha vasuha vavili mugati muvakongi va mulene
\v 2 Akhavavula, "Akhata mulutage khu kheijiji eikhukhili kalibu nufwe. Numekhwingila umwa mukhu yevona ei punda ne nyana va punda eiligodowe yeyo saye pakheiliwe nu munu mulungule mlete khuliane.
\v 3 Mungavone umunu ikhu vavuncha ita khekhi muligaha lulo'?, Mtenchaga u Yesu atusuhile ekilivala khavilii."

\v 4 Vakhaluta nu khuvivona epunda (embunda) vekunglule khunji khundiango khuu ntava uguliei wasi, puvakha hudula.
\v 5 Na vanu avange va eimile pala vakata (va kha vavula muligaha kheikhii muvopoa ei punda eyei)?"
\v 6 Vakha vavula nduvu u Yesu avavulile na vanu vakhavalekha valutage.

\v 7 Avakongi vavile vakhagega (vakhalela) ei punda ei ligodowe khwa Yesu va khatandiikha, ei mienda gwa vene pakianya payene u Yesu akhatama pakianya.
\v 8 Avanu vingi vakhatandikha ei mienda gwa vene museule, na vange va khata ndikha amaswatu aga avagidile muvialo.
\v 9 Vala avavale khuvongolo na vala avovakongaga vakhatova ekelele vakhata, "Hosana! Mwana va Daudi Hosiana uviu sajuwe Hosiana uvii khui ncha khulituwa lya Yesu Krisri.
\v 10 Lusanyiwe uludeva ululukhui n'cha ulwa dada vito udavudi! Hosana khuula uvali khuu kianya"

\v 11 Pu u Yesu akhiungila khu Yerusalemu akhiingila mutembile akhalola khiila kheinu puu usikhei gu khava gulutile akhaluta khu Bethania, paninie na vali khei n'chigo na vavili.
\v 12 Ee sikhu eyekongile vuvivu ya ukhuhuma khu Bethania, ale na njala.

\v 13 Akha vona ubikhei ugugwale nama swatu, khuvutali akhaluta khuui lola eingave iwesya ukhupata kyukyoni vu alutile khuilola sa khapata kheinu mubikhei ugwa gale maswatu gene pa khuva sagwale isikhei gwa mibeikhii.
\v 14 Akhaguvula ubikhii asikhuli umunu uviyakheva ilya isekhe ukhuhuma khuliuve."Na vakongi va mwene va kha pulekha.

\v 15 Vakhii n'cha khu Yerusalemu, umwene akhiingila mutembile nu khutengula ukhova humya khunji avagulaji na vagunchaji mugati mutembile. Apindyiile itisi ncha vavi khwandusanwa iihela ni figoda fya vala avavagu n'chaga iti nguundya.
\v 16 Sakha luhusa vei voni ukhutola kyukyooni mtembile khii kyo kya gun'chiwe.

\v 17 Akhava manyeisya nu khun'chova, "Ye salisimbiwe ei lwakhuta, "Ei nyumba ya daada viva nyumba ya nyeisayo'? Khwanya panji vooni? lino muvikhile lipango lya valiasi."
\v 18 Avanchungaji avavaha na navavi simba vakha puleikha vuinchova, navo vakhalonda einjila ya khuumbuda. Hata ewe vadwadile pakhuva amapuga ga vanu gasuugaga na mamenyu aga amanyasaga.
\v 19 Kheila sikhei voa fikhee valikhuhega.

\v 20 Vuvigenda vukhu vakha vona ubikhe guumde nage milela gwa yane.
\v 21 U Peteli akha kumbukha nu khun'chova, "Mwalimu (Imanyisi) lola ubikhii ugukha gu katuule gwumile."

\v 22 U Yesu akhavajibu, "Akhata muve nukwieidekho mwa Nguluve.
\v 23 Eedikha nikhuvavula ukhuta mungate ei kyamba ei khiei kupukha khunyanja, 'Eingawe in'chila masiakha munumbula ukhuta eikhei anchovile, vuyilewonayu Nguluve vuivomba.

\v 24 Nikhuvavula khila khene eikhiei munchiova nukhuvan'cha mweidikhage ukhuta muuipata ni fyofiva fyeonyo.
\v 25 Vumukhueeima ne khueisaya munogile ukhusikhila khila khinu eikhimulenakyo khumunu vivoni pu udaada va khukianya eikhova syekhila umwe inogwa n'cheinyo. (
\v 26 Achiingahein'cha: mungasite ukhusyekila avanu inogwa nayo daada khu kiyanya sikhuva syeikhila inogwa ncheinyo).

\v 27 Va khiin'cha khu Yerusalemu khavidi. Nu Yesu vuigenda mutembile, avachungaji avavana, avasimbii na vagogolo vakhiin'cha khumwene.
\v 28 Khululagilo luleikhu vuvomba imbombo in'chii?" Nave ni akhupile amamulakha aga ukhuvomba eulo?"

\v 29 U Yesu akhata, "Nikhuva vun'cha eilimenyu limo. Mumbule na yune nikhuvavula khululagilo luleikhu ni vomba aga.
\v 30 Ukuoncho lwa Yohani lwa humile khukianya euo lwa humile khumunu? munjibu."(mumbule).

\v 31 Yakhavun'chana vavo va khata, "Tungate khukianya, 'Iti pukheikhii, 'samkhedikhe?'
\v 32 Tungate khuvanu, 'Pakhuva avanu,'..." Vadwadile pakhuva vaibatilile ukhuta u Yohani einyamalago.
\v 33 Pu vakhajibu u Yiisu vakhata, "Satulumanyile. Nayu Yesu akhata, "Nayune sanikhuva in'chi khuve ululagilo luleikhu.

\c 12
\cl Malekha 12
\p
\v 1 Pu u Yesu akhatengula ukhuva manyisya khufihwani. Akhata, "Umunu avyalile ugunda gwa misabibu, nu khunchungusya uluvigo, nu khuyava eilifuli lya khivekhila ei togwa (umfinyo) akhanchenga unala akhali hemin'chanche nu gunda gwa misabibu khuva limi va misabibu. Pu akhasafili eisafyali ya pauutali.
\v 2 Usikhie vugufikhe akhasuha umbombi vavalimi va misabibu ukyopila ukhuhuma khumwene isekhe n'cha gunda gwa misabibu.
\v 3 Vakhibata, vakhatola, va khambun'cha bila kheinu.

\v 4 Akhasuha umbombi uyunge vupe vakha vomba vule vule vakhabuda, vakhavavombela vingi imbombo ndin'cho vakha va buda.
\v 5 Badu akhasuha uyunge yope vakha buda vakhataga.

\v 6 Ale nu munu uyunge uvakhusuha, umwana va mwene. Ugane uyu ale va muisyo ukhusuha khuvene. Akhata, "Vinchii khuudwada umwana vango."
\v 7 Pu avapangaji vakha nchova na vavo khwa vavo, "Vakhata tumuibate. Tubude, uvuhale wiwa weito."

\v 8 Vakha muuibata, vakhabuda vakhataga khunji khukhialo kya misabibu.
\v 9 Pu apo, womba! Kheikhii unyakyalo kya misabibu? Ikhuiincha nukhuvabuda voni avalemi va misabibu nukhuvapa avange avalimi va gunda gwa misabibu.

\v 10 Samuumbile uvuvigi wa imenyu lilei? Eiluwe lilyo vabelile avanchengi livile liwe livaha lya khulukanji.
\v 11 Eeli lya humile khwa akada na lya khusuiga pamiho ga vanu."
\v 12 Valikhulonda ukhumuubata u Yesu, pa khuva valikhudwada ululundamano, lwee vanu valumanyile ukhuta anchovile ei vene. Pvakhandekha vakhanda ukhuluta.

\v 13 Puvakhavasuha vaninie avafalisayo namaherodia vategele khumamenyu.
\v 14 Vuvafikhe, vakhambula, "Imanyisi, tulumanyile ukhuta savujali eikheinu kyoni. Oasavuvonesya uvupendelelo khu vanu ila vumanyeisya einjila ya Nguluve khuvu yii luleli. Niwa yiluleli ukhuhomba eisongo khwa Kaisalia yee? Tuwesya ukhuhomba ewo ate?
\v 15 U Yesu avumanyile uvudesi wa vene, '"Nukhovavula kheikhii mukhungela? Mume ei ulutalama neilole."

\v 16 Vakhagega yimo khwa Yesu, akhavavula, "Eisula! Ei Yee yani nuvusimbe uvuwani va khata, "Fya Kesali."
\v 17 UYesu akhata, "Mumpe u Kesali ikya Kesalia na mumpe Unguluve." Vakhawiga.

\v 18 Pu amasadukayo, avavita vasikhuli uvunchukha vakha nchutila nu khumbuncha vakhata,
\v 19 "Imanyisi, u Mose atusimbile ukhuta ulukololwe va munu angave ifya ikhundekha udala kheisita vana udala uyu iwesya ukhuhalwa nuyonge nukhu ngolela avana khunjila ya lukololwe.'

\v 20 Khuuale nava lukolo saba, uvakhwanja (uvalutanchi) akhafya kha mwana.
\v 21 Nayuvavile vupe akhafywa sakhandekha umwana na yuvadatu vule vule.
\v 22 Nuva saba akhafya bila khundekha umwana. Khuvumalilo nayunchala akhafya.
\v 23 Usikhegwa vanchukha udala uyu iva vani vuvanchukhilevoni? Khuvalukolo vala saba avavale vagosinva mwene."

\v 24 U Yesu akhavavula, "Ei! ye njila ya khuvanchana pakhuva samulumanyile, eili vangeli lya Nguluve?"
\v 25 Usikhei gwa vunchkha wa wafulile, savale tola nu khuingila khavile mumbutegulane viva ndava sahwa khwa khukianya.

\v 26 Pu lino, ukhuhumana nuvunchukha, wa! Vanu avinchusiwa samuimbile mukhitabu kya Mose, ululagilo lwa khei nchakha, 'Unguluve vuanchovile une neneNguluve va Abrahamu, mu Isaka, nu Yakobo?'
\v 27 Umwene sio Nguluve vave fuile Nguluve vumi. Luleli muyagilwe."

\v 28 Yumo mugati muvandisyii akhincha mukhu pulehencha einchovele ya vene; akhavona u Yesu avajibile luleli. Akhambuncha lulagilo lulikhu ulunogiwa khulikho nchoni?"
\v 29 U Yesu akhajibu, "Akhata uye yinogwa y eiyei, "Puleheencha uve Islaeli, Unguluve vito, ali yumo.
\v 30 Pu yinogwa ukhukonga Unguluve vakho nee numbula yakho yoni namasage gakho goni, nuluhala lwakho lwoni namakha gakho goni.'
\v 31 Ululagilo ulwa khauile, 'Luuulu unganage ujirani nduvu vukhei gana uve.' Lusikhuli ululagilo ulunge uluvaha pa nchii."

\v 32 Usimbi akhata, "Lunonu mumanyisi! Unchovile luleli ukhuta Unguluve ali yumo, nu khuta asikhuli uyunge khumwene.
\v 33 Ukhugana umwene ne numbula yoni, nuluhala luunono, namakha goni, nukhugana ujirani nchuu wiganile lunonu vincho khulikho isadakha ncha khunyanya."
\v 34 Vu u Yesu ahuminche alijibu lya luhala, akhavavula, "Uve sulie khutali nuludeva lwa Nguluve." Ukhwanjila apo asipali uviambunchinche u Yesu ama swali.

\v 35 Nu Yesu avajibile, vuimani sya mutembile, akhata, "Ava! Simbi vila u Yesu mwana va Davudi?
\v 36 UDavudi yoywa khu mepo umbalanche, akhata, 'Udaada achovile khwadaada vango utame eikhivokho kyango eikyandwo, ei mpakhaneva vekhe avavini vakho pasi pamalunde gakho.'
\v 37 Udavudi yuywa ikhumwela nga Ukristi, 'Daada' Pu! Mwana va Davudi khunjila?" Yelekhu nululundamano uluvaha lukha pulehencha nuluhekhelo.

\v 38 Mulumanyisyo lwa Yesu akhata, "Muakyoli na vasimbi, avavinongwa ukhuluala emienda emitali nu khuponiwa mu sokhoni.
\v 39 Nu khutama mufigoda fya vavaha muma sinagogi mu sikukuu (muselehe) Khumamenyu ga vavaha.
\v 40 Vilya munyumba ncha va fyela nu khwieisaya intesaya inali vavavone avanu. Avanu ava vipokhela uvuhegi uvuvaha."

\v 41 Pu u Yesu akhatama pasi pipi neli sadukha lya sadakhamugati mu tembile; alikhulola avanu vuvigenda nu khulaha ihela muli sandukha lya sadakha. Vingi avanu avatajili vakhalaha ihela nchuu nyingi.
\v 42 Pu udala yumo ufwele uganchu akhincha khuilaha ifipande vivile fya sendi.

\v 43 Pu akha vilanga avakongi ya mwene nukhuvavula, "Luleli nukhuvavula, udala uyu ufwile alahile nchu nyingi khulikho voni auatalile ukhulaha mulisandukha lya hela.
\v 44 Pakhuva vingi vahuminche ukhu humana nu wingiwa vibanafya vene. Udala ufyile uyu, ukhuhuma khuganchu wa mulene ahuminche ihela nchooni inchinchi khale ncha khuntanga mbwumi wa mwene."

\c 13
\cl Malekha 13
\p
\v 1 U Yesu vulgenda mutembile, ukongi yumo akhambuncha, "Imanyisi, lola amaule aga ga khu suugesya na majengo!"
\v 2 Akhambula, wilola amajengo amavaha aga? Lisikhuli eliwe elevakhwa lisigala pakianya paliwe elenge lilyo salelogwa pasi."

\v 3 Umwene vu atamile pa khiamba kya miseituni khu sana khu tembile, u Peteli, u Yakobo, u Yohani nu Ndeleya vakhapuncha khuvutitu,
\v 4 "Imbombo, inchii nchiwa va ndeli? Hange kheilekhu eikhe hwani kya yene?"

\v 5 U Yesu akhatengula ukhuvavula, "Muve mcho umunu vevoni asite ukhuva siova.
\v 6 Vingi vikhuincha khulitawa lyango vitinchaga, 'Une nene luleli,' na vikhivayancha vingi.

\v 7 Vumupulekha embancha nenchovele ncha mbancha musite ukhudwada pakhuva imbombo ncha lasima ukhuhumila pakhuva umwisyo badu.
\v 8 Pakhuva ikhilunga khiihe galekhuta khuilwa nekhilunga ekhenge. Pivane khesenyenge isehemu nyingi, ne njala. Ugu gumwanjo gwa luvavo.

\v 9 Muve miho. Vuvikhuva helakha mu balasa, nukhu vatova muma Sinagogi. Gavene vikhu vimikha khuvulungolo khuva vaha na khuva kuludeva khunjila yango, nduvu suhuda khuvene.
\v 10 Welemenyu linogiwa lilumbileliwe khuvanya panji voni.

\v 11 Vuvikhuvibata nukhuva kabisi, msite ukhudwada eikhei yakhei va muunchova. Mugati musikhe ugwa, vikhuvapa kheikhi eikya khunchova; samuuva mulemule umuli yakhiva umepo umbalanche.
\v 12 Ulukolo ikhusitakha ulukololule ukhufya, ubaba nu mwana va mulene. Ava navikhweima vunge navo dada yavo nukhuva vikha vabudiwe.
\v 13 (Mtachukiwa na kila mtu kwa sababu ya jina langu. Lakini atakayevumilia mpaka mwisho, mtu huyo ataokoka.

\v 14 Vumlolile uluvipolwa vuvivi lweimile pala apasapi nogiwa ukhumwema(uvikhweimba na alumanye), pu avavali nugati mwa Yuda vanyilelanga khufiamba,
\v 15 Nu vialei khukianya khu nyumba, ikhage pasi pa nyumba, ewo khutola kyukyoni ei khele khunji,
\v 16 Nu vialei khukhialo asite ukhuvaya khulola eimlenda gwa mwene.

\v 17 Lwa vene avadala avanya vinchitu navi khwosya isikhu incho!
\v 18 Mudovage ukhuta yeisite ukhuhumila usikhe gwa mepu.
\v 19 Pakhuwa khuiva nei sida eimbaha eiyesayegele yeihumile, ukhuhuma Unguluve vuivumba eikheilunga, mpakha lino, sayegelile ukhuhumila na sayi ulesya ukhumila.
\v 20 Impakha udaada vuapuungwisye isikhu, gusikhuli mbilei ufu vakhova gumii pona, pakhuva khunjila ya vagolofu, avayakhiva ikhuva hala, ipungusya inamba ocha sikhu.

\v 21 Usikheli ugwa unga umunu ukhuvavula, ukhuta, u Yesu Kristi alei khunu! Awo alei apa!' msite ukhwudikha.
\v 22 Pakhuva ava Kristi avavudesi navanyamalago avavudesi vihumila na vihumiaga ifihwani, ni fisaugo puvavasiove hate avagalola.
\v 23 Muve miho! Nei vavalile aga goni vu badu akhasikhe.

\v 24 Ulwakhuva vayihumila eitasu va sikhu icho, eilinchuva liva hisi, umulenchi saguu humwa ulumuli lwa lwene,
\v 25 Inondwe nchiigwa ukhuhuma khuuki anya namakha agali khukianya gisiekhanikha.
\v 26 Puvikhombona umwana va Adamu vuikhuincha, mumavingo khuu makha mingi nuvu dwadwa.
\v 27 Pu isuha avasuhwa va mwene ukhuvalunga manwa pu paninei avagolofu va mwene uvupande vune wa khilunga, ukhuhuma khumwi syo wa gwa khulunga mpakha umwisyo gwa khukianya.

\v 28 Khubikheli mumanyilage ubukha vusaguwesya ukhu vikha amaswalinkhei mbeivi pu mukhulumanya ukhuta eikhei nchuva kheifikhe.
\v 29 vuyueiwo, vumivona imbombo inchii nchihumila mulumanye ukhuta alipipi nuundiango.

\v 30 Luleli, nikhuvavula, ukhuta eikheivumbukho akhei sakhuluta khutali vu imbombo nchii sanchii humile.
\v 31 Khukianya na pasi filuta, lakhini amamenyu gango safiluta lusikhu.
\v 32 Pakhuva eisikhu nelinchova na khasikhei asipali uviakhamanyile navavasuhwa vakhukianya nayu mwana, ila udaada.

\v 33 Mave miho, lola, samulumanyile isikhei mukhii gi humile. (Zingatia: Mstari huu, "Muwe waangalifu, Tazameni na ombeni kwa sababu..." haumo kwenye nakala za kale).
\v 34 Muve miho lolaga nu khudova pakhuva: yilii ndumunu uvei isafili ikhuyilekha enyamba ya mwene nukhumbikho umbombi va mwene ukhuva undoleli va nyumba, khula munu ne mbombo ya mwene. Nukhumbula undindilenchi ukhutama miho.

\v 35 Muve miho! Pakhuva samlumanyile ndeli umbaha vanyumba ivuya muvomba, yiwesekhana lyakheimihe, pakilo pagati usikhei elikongove vulivikha eulo vukilo.
\v 36 Eingave ikhwincha khunjila ya khukenyemula, asite ukhukhuvona ugonelile.
\v 37 Kheila eikhei ninchova khuliuve ninchova khwu khila munu: muve miho"!

\c 14
\cl Malekha 14
\p
\v 1 Chiikhale isikhu ivili vubadu uluhekholo lwa pasakha va visyesye ifisafi lahiwe eikhei luve. Avanchungaji avavaha na vasimbi valikhulonda einjilaya khumwibata u Yesu nukhumbuda.
\v 2 Pakhuva vanchovile ukhuta yei site ukhuva usikhe gwa luhekhelo avanu vasiya ukhuvomba amatata (iluyo)."

\v 3 Vuu u Yesu alikhu Bethania munyumba ya Simoni ukoma, vu chuta pa mesa, udala yumo akheincha khumuene akhava nei chupa ya mono inonu incha galama eimbaha, akhafungula eichupa nu khududilila inonu pantuwe gwa mwene. Pu
\v 4 vale na vanu avavavipile (avakolile) vakhavulana vavo khu vavo kheikhi uvuvivi nduvu?
\v 5 Imono nchikhale nchigunchiwa ihela cnhuu nyingi tu khuva pa avaganchu.

\v 6 Pu u Yesu akhata, "Mundekhe mwene. Msite ukhugatancha avombile inonu khuli une.
\v 7 Isikhu nchooni mulinavo, avaganchu pakhuva une samwiva nune eimisikhe guioni.
\v 8 Avombile khila eikhyu lulesa: apakhile umbiligwango imono khuujili ya khusila.
\v 9 Luleli ni khuvavula, khila ponu upulilumbileluwa elimenyu, mukhilunga kyoni khila eikhiei avombile umama uyu khiikumbukhiwagwa.

\v 10 Pu u Yuda sikalioti, vumo mugati mu vakongi khei nchigo na vavile akhaluta khuvachungaji avavaha alikhunogwa ambikhe mavokho ga vene.
\v 11 Vu avava va vachungaji vapulikhe nchii vaho, wikhe nukhwahidi ukhumpa ihela. Pu alikhulonda enjila ya khukabusi khu vene.

\v 12 Isikhu ya lutanchi ya fisyesye ifisafi, vikhiwe eikhei luve usikhe uguvahuminche ing'osi ya pasakha (luhekhelo) avakongi va mwene vakhambula, "Winogwa ndakhu tukhandale ulya eipasakha paninie nufye?"
\v 13 Akhasuha avakongi vavile nukhuvavula, "Mulutage khujini, mukhumbona ugosi agegile eikhi vya ikhwagana numwe. Mukongage.
\v 14 Munyumba eyakhuva ikhwingila, mukongage na mumbule unyanyumba ukhula umanyisi atile, "Khei lindakhu eikhei yumba kya vageni alile eipasakha na vakongi va mwene?"

\v 15 IKhuvavonesya ikhiyumba khukianya ikhiei vaha kheikyo kheilei tayali. Pu muvombe amandalasi khujili yuito pala"
\v 16 Avakongi vakhahega ukhuta khuujini; vakhavona kheila khanu nduvaa nchovile navakhandala eikyakyuya kya pasakha.

\v 17 Vuyifikhe lilya kheimihe akhiincha navala kheinchigona vavili.
\v 18 Vuvale pipi nei mesa nu khulya, u Yesu akhata, "Lakhanchova, yumo mugati ndiomwe uvei ilya paninie nune ikhumbuda.
\v 19 "Voni vakhasikhi tekha yumo yumo vakhambula luleli syoo nene?"

\v 20 U Yesu akhanchova akhavavula, "Yumo mugati mu kheinchigo na vavilii yumo, uviuyu ilaha ikhei vokho mubakhuli paninie nune.
\v 21 Pakhuva umwana va Adamu iluta induvu eilemenyu leinchovile pakianya pamwene. Pu lwa mwene umunu ula ukhugendela khu mwene umwana va Adamu ibudiwa yekhele huba umunu uywa asite ukhuhouwa."

\v 22 Vuvalei pakhuli, u Yesu akhalola ukata leikhasyesye, akhasaya nukhumenyula akha vapa akhata lakhanchova. Mtole ugu gumbili gwago."
\v 23 Akhalola eikheilovo, akheisaya akhavapa voni vakhanywa.
\v 24 Akhavavula akhata, "Ugu guukisa gwago gwa luleidehano, ukisa ugugududeikha khuujili ya vongi.
\v 25 Luleli nukhuvavula, saniinywa khavile eikheinyalelo kya nsabibu impakha neilavaninywa upya nchu cheva lwa Nguluve."

\v 26 Voueimbile ulwembo, vakhahuma panji pa khiamba kya miseituni.
\v 27 U Yesu akhavavula akhata, "Umwee mulee voni mukhei kwega khutali nune pakhuva levegilwe (lesimbiule) Nikhuntova unchungaji va ngosi na ngosi nchinyila.'

\v 28 Pavu nchukha khwango nikhu valongola ukhuluta khuu Galilaya."
\v 29 Ndingave voni vikhukhulekha une sani khukhulekha."

\v 30 U Yesu akhata, "Luleli nukhukhuvula, eikhilo eiye, vusale vikhile eiakongove mala khavili, uve vukhumbela mara khadatu."
\v 31 Pu u Peteli akhanchova, "Puulino vinogiwa ukhufya paninie nuve sanikhukhulekha." Voni vakhahumya enjovele yilayila.

\v 32 Vakhiincha khuli eneo eleli khuieilangilwa Gethsemene, nu Yesu akhavavula, "Avahongi va mulene tama apavunikhei saya."
\v 33 UYesu akhatu pavutali padebe akhagwa pasi akhadova yengive yenogile akhasikha akha khandekhe.
\v 34 Ee numbula, "Yango yelinulususuvalo nukhufya sigala apa muve miho.

\v 35 Akhanchova akhata ee daada imbombo nchoni khuliuve nchii wesekhana uhenche eikheitova eikhei syoondu vuninogwa une ila ulunogwe wakho.
\v 36 Akhakilivukha akhavona vagonelile. Akhambula u Peteli Simoni yee ugonelile savoulesya ukhukina nune ningave eisaa yimo."

\v 37 Akhakilivukha akhavona vagonelile, akhammbula u Peteli, "Simoni, ye ugonelile? Savoulesya ukhukina nune ndingave eisaa yimo?
\v 38 Muvemiho mudovage musite ukhuuingila mungelo. Lweli enumbula yeletayari, umbilii gubela." (intamu)
\v 39 Akhaluta kha vilii khudova akhanchova amamenyu gala gala.

\v 40 Akhincha khavili akhavona vagonelile amiho gavene gale machitu savakhalumanya kheikhii ekyakhumbula.
\v 41 Akhiin'cha ulwadatu nukhuvavula, "Badu mugonile nunkhugalalukha? Yekhwelile! Usikhe gufikhe. Lola! Umwana va Adamu vikhumbikha mumavokho gavatula nongwa.
\v 42 Sisimukha, tuvukhe. Lola, ula uviinogwa ukhumbuda aleipipi."

\v 43 Vu badu ipin'chova uYuda, vumo vavala khenchingo na vavili, akhafikha nelipuga elivaha ukhuhuma khuvavaha va vachungaji avasimbi navagogalo nimundu ni mbunda.
\v 44 Usikhe ughwa umbivi va mwena akhava avapile eikhimanjilo ukhuta uviyakheiva nukhumwanga vi uyu. Mumwubatage nukhumbeikha pasi pavuloleli."
\v 45 Usiekhei uYuda vuafikhee moja khwa moja akhaluta khwa Yesu nukhunchova, "Imanyisye!" Nu khumwanga.
\v 46 Pu vakhambeekha pasi pa vuloleli nukhumubata.

\v 47 Yumo aemile pagati pavene akhahoma ne mundu ya mwene akhatova umbombi va vatekhenchi nukhugeda eembulukhutu.
\v 48 U Yesu akhavavula akhata, "Mwin'chile khukhunyibata ni mundu ni mbunda nduu ndiasi?
\v 49 Useikhee gwooni nekhale numwe pelikhumanyeisya mutembile samulikhunyibata eele levombikhe eelimenyu letimile.
\v 50 Vla voni avavale nu Yesu vakhanyila vakhandekha.

\v 51 Ukheejana yumo alikhukonga uveafualile umwenda ee fekhile ukhunchungula; vakha mwibata pakhuva
\v 52 akhatolokha akhatilekha emasindikha ya mwene akhanyila vufula.

\v 53 Vakhandongon'cha uYesu khutekhen'chi umbaha pala upuva eevanganinche paninie nave, avatekhen'chi avavaha voni navagogolo, na vasimbi.
\v 54 U Peteli vope alikhukonga uYesu khuvutali ukhuluta khuluvanja lwa ntekhenchi umbaha. Akhatama paninie navalolenchi, avavali pipi nu mwoto valie khuota vakhave amafukhe.

\v 55 Usikhe ugwa avatekhen'chi avavaha voni nili Balasa lyooni valikhulonda uvusaidi vakhave apa khumbudila savakhave.
\v 56 Pakhuva avanu vingi vagegile uvusuhuda wa vudesi khuu mulene vakhanchova vakhata.

\v 57 Pakhuva avanu vingi vagegile khuu mwene; vakhan'chova vakhata,
\v 58 'Tukhapulikhe ita ninanganwa etembile eieyein'chengiwe na mavokho, mugati musikhu idatu nin'chenga eeyenge iyesayinhengiwa na mavokho."
\v 59 Pakhuva uvusaidi wa vene savuhuanine.

\v 60 Untekhen'chi umbaha akhima pagati pavene akhambun'cha uYesu, "Ye, ulien'chila kyakhunchova avavisudila kheekhii khuliuve?"
\v 61 Akhan'chiga myee sakhanchova kheinu. Puuntekhenchii tembaha akhambuncha khavili, "Uve veve Kelisiti, Usayiwa?"
\v 62 U Yesu akhan'chova akhata, "Une nene. Mukhombona Umwana va Adamu atamile eikhieivokho kyandwo eikyamakha ikhwin'cha na mavingo ga khukianya."

\v 63 Utekhen'chii umbaha akhalalavula emienda gwaa mwene nukhuta, "Badu vapi nogwa avasaidi?
\v 64 Mupulikhe ulubado lwa mwene umwe mwita kheekhii?" Voni vakhang'eega ukhuva vakhubudiwa.
\v 65 Avange vakhatengula ukhubehela amati nukhugombekhiila khumiho nukhuntova nukhumbula, "Temage!" Avavaha vakhantola nukhuntova.

\v 66 U Peteli vubadu alieipasi ung'ein'cha yumo umbombi va va tekhen'chii avavaha akhiin'cha khumwene.
\v 67 Vuambwene uPeteli amile ikyota umwoto akhandola pavupipi akhata nayuve uukhale nu Yesu vakhu Nazaleti, Yesu".
\v 68 Pu akhalola akhata, "Saneimanyile umunu uywa!" Akhahega akhaluta khunji. (Zingatia; Mstari huu, "Na jogoo akawika" haumo kwenye nakala za kale).

\v 69 Pu umbombi udala pala vuambweneakhatengula ukhuvavula vala avava eimula pala, "Umunu uyu viininile!"
\v 70 Pu akhabuda khavili pu vala vuakinile vadebe vakhata Peteli, "Lweli uve ulei ninwe va uyu pakhuva nayuve ulei Galilaya."

\v 71 Pu akhatengula ukhweivikha yuywa mulukoto nukweiei lapa(jiega), "Sanimanyile umunu uyu uvimwin'chova."
\v 72 Eelikongove leikha vikha ulwa vile. Pu uPeteli akhakumbukha amamenyu aga ambulile uYesu vusayivekhile ehukhu vukhumbela mala khadatu." Akhagwa pasi akhatengula ukhulila.

\c 15
\cl Malekha 15
\p
\v 1 Vakhalava vukilo avavahava vate khenchii vakhaganila pu paninie na vagogolo na vasimbi neli balasa lionieya vagogolo vakhang'udula u Yesu vakha ng'ulikha khwa Pilati. UPilati akhambuncha uve veve khuludeva (Ntwa) vava Yahudi?"
\v 2 "Akhata akhanchova, "Uveveve unchovile lulo."
\v 3 Avavaha va vate khenchii vakhanchova inongwa nchuu nyingi khwa Yesu.

\v 4 Upilati akhambuncha kha, "Vilii savunchova? khenu sawilona vuvikhukhu sitaka ni nongwa nchuunyingi?
\v 5 UYesu sakhanchova pu uPilati akhanswiga.

\v 6 Ee khawaida pa luhekhelo vavikhudeinchulila ukugwa yumo, ukugwa uviadovile.
\v 7 Pu valipo avavivi mulumandena vabudi avavale mugati mukhutumikhela inongwa ncha vene. Pu alipo umunu yumo viibaraba badala ya mwene.
\v 8 Uvumati wa vanu vukheinchakhwa Pilati, nukhudova avombe nduvu avombile khusana.

\v 9 UPilati akhajibu khavile, "Nukhuta mwinogwe neidindulile neifumgulile Untwa vava Yahudi?"
\v 10 Pakhuva alumanyile ukhuta lioyo lya vatekhenchii avavaha vakha mwibata u Yesu nukhugega khuumwene.
\v 11 Pu avava vavatekhenchelii vakhanchoochela khuvanu ukhu yuleega khuu savuti eimbaha adinduliwe u Baraba umwene asigale.

\v 12 U Pilati akhajibu khavili akhata, "Neivombe kheikhii khu Ntwa vavayahudi?
\v 13 Vakha yuleege, "Asulusiwe!"

\v 14 U Pilati akhata, "Avombile mbombo nyikhei imbivii?" Pu vakhendelela ukhu yulega sana "Asulusiwe (abuduwe)."
\v 15 U Pilati vuunogwa ukhuvali sesya uvumati, wa vanu akha olindulela u Baraba. Akhantova u Yesu nei michapi akhangu mya abuchiwe (Asuhubule).

\v 16 Usikhali akhandongoncha mugati mulivuva (lila lila eilya mukambi) vaei vunganinche pu paninie ava sikhali.
\v 17 Vakha fyalincha u Yesu eimienda gwa sambalawe, va khahona eikheili kya vuntwa vakha fyalincha.
\v 18 Vakhatengula ukhubedamwa nukhuta, "Ugonile vintwa vava yahudi!"

\v 19 Vakhantova khuntwe nelilanji nukhubehela amati. Vakhafungama khuvulongolo ukhudwada.
\v 20 Vuvamalile ukhubedanwa vakhafula ei kanjo ya mwene, ei ya sambalawe nukhufyalincha emienda gwaa mwene, yakhang'uumya khunji nukhuluta khukhubuda.
\v 21 Vakhandasimisya ugenda njila ukhuntanga uvialutaga khuujini ahumile khukhialo uvialilangiwaga Simoni Mkirene (Ubabaye usikanda rufo); vakhandasimisya ukhugega eikhi damilihani kya Yesu.

\v 22 Avasikhali vakha gega u Yesu aponu apapi khuei langiwa Goligota (eimana ya yene eikhee nchege kya ntwe).
\v 23 Vakhampa eimunu eimikali eigee vahanjinuee ne manemane, akha bela ukhunywa.
\v 24 Vakhantovelela vakhagavana emienda gwa mwene, vakhatova nee kula veni usikhali umbaha akhave.

\v 25 Yale ndei sau idatu vukhilo upuvatovelelaga.
\v 26 Vikha vikha khuntule eikhei bavo eikhe vasimbile inongwa umbaha (untwa vava yahudi)."
\v 27 Vanto velile paninie navaliasi vavile, uyunge eikhivokho kyandwo uyunge eikhei vokho kya hegei.
\v 28 Pu elimenyu likhatimila ulyu lyanchovile.

\v 29 Vala avava gendaga vakhadukha nukhuta, ehee uvivudenya eetembile nukhunchenga isikhu idatu,
\v 30 Eepokheyuve wikhee pasi uhege pa kheedanilihani!"

\v 31 Vivule vule na vavaha va vatekhenche va khabedanwa paninie navasimbi nukhuta, "Akhapokhile avange eilemwa ukhwei pokha yoywa.
\v 32 UKristi untwa vavaislaeli, eekha pasi lino uhega pa khida milihanwe navala avava oveleliwe paninie vope vakha bedanwa.

\v 33 Vuyefikhe esaa fifa eihisi yei khincha pakianya pakhilunga kyoni mpakha pa saa tisa.
\v 34 Usikhe gwa saa tisa, u Yesu akhaywega eisavuti eemba, "Eli, Eli, lama saba katani?" Nguluve vango, Nguluve vango, kheekhii undekhile?"
\v 35 Pu vala avava emile vuvapulikhe vakhata, "Lola, ikhimuilanga u Eliya."

\v 36 Umunu yumo akhanyila, akhadincha eisikhii musiponji akhavekha mulilanji akhampa anyule. Umunu yumo akhata indekhetulole ndii khuuincha u Eliya khukhuu mwisya pasi."
\v 37 Pu u Yesu akhalila khu savuti embaha akhafya.
\v 38 Pu eelipasia lya tembile leikha banchukha ifipande fivili ukhuhuma khukianya mpakha pasi.

\v 39 Umwembi yumo uviaemile alikhuluta khwa Yesu, vu alole vuifyandalula akhata luleli umunu uyu akhale mwana va Nguluve."
\v 40 Valipo avadala avavalolaga khuvutali pagati pavene alipo Umaliamu (umama va Yakobo ununave va Yose), nu Salome.
\v 41 Ukhii uguvale khu Galilaya vakongile nukhu mbombela navadala avange vingi vakongine nave ukhu fikhakhu Yerusalemu.

\v 42 Vuyefikhe lyakheimihe ulwakhuva yale sikhu ya khuu yandala ukhugalalukha,
\v 43 UYosefu vakhu Almathaya akhincha pala ale mbombi valibalasa uveidwadewa umunu uviugulela uludeva lwa Nguluve. Namakha akhalula khwa Pilati, khudova umbili gwa Yesu.
\v 44 UPilati akhaswiga ukhuta u Yesu afyuile; akhamwe langa u ofisa akhambuncha ingave Yesu afyile.

\v 45 Vu apatile eihabari ukhuta u Yesu afyile, akhanchuhusu u Yusufu ukhutola umbile gwa Yesu.
\v 46 UYosefu agulile umweenda akhamwisya ukhuhuma pa kheidamilihani akhabina mumwenda nukhumbeikha mulipumba.
\v 47 Umaliamu Magdalene nu Maliamu umamaye Yose vakhalola upuvasielile u Yesu.

\c 16
\cl Malekha 16
\p
\v 1 Vugusilele usikhe gwa khu gatalukha, Maliamu Magdalene nu Maliamu umamaye u Yakobo, nu Salome, vagulile imono inonu, valute vakhabakhe umbili gwa Yesu khujili ya khusiala.
\v 2 Vukilo ee sikhu ya lutanchi ya juma, vakhaluta khuli pumba vu eilinchuva lihuma.

\v 3 Vakhanchovana vavo khu vavo, "Veni unchii mulipumba?"
\v 4 Vuvilola, vakha vona umunu akihwusye eelue eeliliale livaha fincho.

\v 5 Vakhiingila mulipumba vakhambona ukheijana afualile eimienda eimivalafu alamile eikhei vakho kyandwuo, vakhasuniiga.
\v 6 Akhata msite, "Ukhuduada. Mukhundonda u Yesu, vakhu Nazaleti, uviakhabudiwe. Anchukhite! Asipali apa. Lola upu vakhagoninc'he.
\v 7 Lutaga mukha vavule avakongi vamwene nu Peteli ukhuta avalonguule ukhuluka khuu Galilaya. Ukhu munchi khumbona, nduvuakhavavulile."

\v 8 Vakhahega nu khunyila ukhuhuma mulipumba; vakhatetema nukhuswiiga savakhanchova kheinu khumunu vevoni pakhuva vadwadile sana.

\v 9 \f + \ft Zingatia: Nakala za kale hazina Marko 16: 9-20 \f* Vukilo eisikhu ya lutanchii mujuma, vuanchukhile akhang'umila Umaliamu Magdalene, uviuyu ukhuhuma khumwene ang'uuminche imipepo saba.
\v 10 Abhahega nukhuvavuli avanine avavale paninie nave vuisikhitikha nu khulila.
\v 11 Vakhapulikha ukhuta muumi avonikhe lakhuini savakhanumi.

\v 12 \f + \ft Zingatia: Nakala za kale hazina Marko 16: 9-20 \f* Vuugahumile ago, akhavone kha hange khuvanu vavili, vuigenda mukhei lung.
\v 13 Vakhaluta khukho vavula avakongi avange vavo vakhasigile, pope savakhakela.

\v 14 U Yesu pongela akhahumila khuvala kheinchigo na yumo vuvalagine pa tisi akhava dukha pa khu sila ukhueidekha khwa vene, nuvukhe fuewa numbula ncha vene pakhuva savalei khuueidekha vuvikhuvavula vala avalole vu anchukhile ukhuhuma khuu vufye.
\v 15 Akhata, "Mulutage mukhilunga kyooni nu khulumbilila eilimenyu lya Nguluve khukhila munu.
\v 16 Vevoni uvi uvikhuueidikha nu khuuonciwa ipona nula uvei sikhuleidekha alaheigiwa.

\v 17 Ifihwani ifi figendaga paninie na voni avikhuleedekha eilitawa lango. Vihenchoga eimipepo. Vinchovaga einchovele eimya.
\v 18 Vikhuuibataga injokha namavokho gaveni ndavanyule ifinu fyoni ifya khubuda safigaha kheinu. savifya vive khaga amavokho khuvatanu viponaga."

\v 19 Vu anchovile navo akhatoliwa khukianya atamile eikhivokho kyandwo eikya Nguluve.
\v 20 Avakongi vakhahenga nukhulumbilila khila ponu usikhii ugwa u Yesu alekhuvomba eimbombo novo nukhu vonesya elimenyu nukhuponwa nifihwani fikhalongonchana navo.