xsr-x-shyarpa_reg/67-REV.usfm

\id REV
\ide UTF-8
\h यूहन्नाकि थोङ्गुप् क्षार्वा
\toc1 यूहन्नाकि थोङ्गुप् क्षार्वा
\toc2 यूहन्नाकि थोङ्गुप् क्षार्वा
\toc3 rev
\mt यूहन्नाकि थोङ्गुप् क्षार्वा
\c 1
\cl लिउ १
\p
\v 1 कन्ज्यक् कि ता टिबु हुङ्ङिन हतुप् ताम याक् तिबि कला छ्या तेदुप् येशु ख्रिष्ट कि कला हिन्। खोकि दि यक् तिबा दाक्पि देवाचेन्कि थु तिबाला ताङ्निते खोकि दाक्पि यक्पु यूहन्नाला छ्या तेदुप् हिन्।
\v 2 कन्ज्यक्कि सुङ् कि कला, दाक्पि थोङ्ङुप् तेरिक् ताम् ताङ् येशू ख्रिष्ट कि कला थोङ्ङुप् ताम् तिबा यूहन्ना कि साबु हये।
\v 3 लुङ्देन्बा कि दि चिक् कोतुप् तिबा, तेमे छार्बु क्यानिते ह्रकुप् तिबा ताङ् कोनिते ताम् ङेनिते साबु दगेराङ् किरुप तिबाला थुनिच्या, चिला सिसिन् तुज्येति चालाराङ् हये।
\p
\v 4 युहन्ना नेसुर एसियाला हतुप् छ्यो छक् दिन्चक् लाःतङ्लाराङ् हतुप, हदासाङ् हतुप, तेमे याङ्लोङ् हुङ्ङुप् नेबा कार्टिन ताङ् ल्होदिमु, तेमे खोकि ग्याल्ठी ला हतुप् मेरा दिन् थू
\v 5 तेमे येशू ख्रिष्ट नेसुर रेत्पा कि दिमु हये, सिवा खाला ग्यालुप् तिबि नाङ् नेसुत तङ्ङिति तमे जाम्बुलिङ्ला हतुप् ग्याल्बु तिवि तिङ् ग्याल्बु; खो ओरुङ्ला ङिङ्जे किरुप् ति तिकि ओरुङ्ला खरे ठाक् थनि ङिरे दिक्पा नेसुर ओरुङ्ला टाल्सुङ्।
\v 6 खो कि ओरुङ्ला सिनिते ग्याकाप् च्यिक् जोबु हये, तेमे खोकि पापा कन्ज्यक् ला सुनिते, खोला नाम्लाङ् स्वा ताङ् ङार होसुत्। आमेन्।
\p
\v 7 ल्होला खो मुक्पि नाङ्नेसुर हुङिन हये। मिक् हतुप् तिबा तेरिक्कि खोला थोङ्सुङ्। तेमे सुरुप् तिबि साङ् थोङ्सुङ्। तेमे खोकि किसाला जाम्बुलिङ् ला हतुप् तेरिक् दिङ्ङाल् कत। दिदक् राङ् हुङ्सित्, आमेन्।
\v 8 तेरिक् सिना थेन्बुला हतुप् कन्ज्यक् कि, “अल्फा ताङ् ओमेगा, थाल्ला ताङ् तिङ्ङि ति ङाराङ् हिन्।“ तेर्सिला थेन्बुला हातुप् कन्ज्यक् कि सिउ।
\p
\v 9 ङा खिरे उज्यु यूहन्ना ति रिवा माक्याबा येशूला नक, खिराङ् तानिराङ् कन्ज्यक् कि सुङ् ताङ् येशू कि कला खाङ् थोङ् ति सिरुप्ला पत्मोस सुरुप गाङ्ला नक।
\v 10 चावा कि ङिमाला ङा थू ला नक्। ङे तिङ्ला छार्बु क्यानिते तुरनि कि होरु कोतिन्।
\v 11 “तिकि ङाला सासुङ्, ‘ख्यरेकि खाङ् थोङ्सुङ् तिला थेप् च्यिक्ला टि सा तेमे छ्योछोक् दिन एफिसस्, स्मुर्ना, पर्गामम्, थिआटीरा, सार्डिस्, फिलाडेल्फिया तेमे लाउडिकिया ला तोङ्ङा ।“
\v 12 दि सि होरु हिन्बे सिनिते ग्युर्निते ल्हासुन् सेर्कि दासा चिन्यक साम्दान् थोङ्सुङ्।
\v 13 सामदान् कि पार्ला माज्या रिङ्वि तिङ्बासाक् ख्योलुप् किनिते छेकला सेर्कि कारा च्यिबु मि पुज्युङ् दगेराङ् मेरा च्यिक् नक्।
\v 14 खोकि गो ताङ् र्हा ति पाल ताङ् ख्हा दगेराङ् कार्मु तेमे मिक्ति मे म्याप्राङ् दगेराङ् नक्।
\v 15 खोकि काङ्बा तिबा मेप्राङ्माला लुकुप् सेर्मु दगेराङ तेमे होरु ति ज्युङ् गेर्पु कि होरु दगेराङ् नक्।
\v 16 खो कि लाक्पा याबाला कार्जेन् दिन्चक् नक्, तेमे खोकि खे नाङ्नेसुर् ङिकार छ्यला नेन्बु हतुप् तरवाल थेनिते नक्। खोकि च्याङ्ङा ङिमि टाक् दगेराङ् बार्निते नक्।
\v 17 ङेकि खोला थोङ्सिमा स्याप्छालुप् मि दगेराङ् गाल्निते खोकि तिङ्बाला जिबिन्। खोकि लाक्पा याबा ति ङे खाला ज्याङ्निते सासुङ्, “जिवा माकि”। तङ् ताङ् तिङ् ति ङाराङ् हिन्।
\v 18 ङा सेन्बुराङ् हये। ङा सित्पा हिन्, ल्होसा, ङा सिसिराङ् नाम्लाङ् मिसिबु क्यानिते सेन्बु लानि हये, तेमे सिवा ताङ् जाम्बुलिङ् कि लिमि ति ङा तानि हये।
\v 19 तिकि किसाला, तेमे हादा खाङ् हये तेमे खाङ् हुङ्ङिन् हये, खाङ् थोङ्सुङ् ति, टिसा।
\v 20 ङे लाक्पा याबाला छ्यला ख्यरेकि थोङ्गुप् कार्जेन् दिन ताङ् साम्दान् दिन्गि सिरुप् छालुप् ति कार्जेन् दिन ति छ्यो छक् दिन् कि थू तिबा तेमे दिन्चक् साम्दान् ति दिन्चक् जोम्खाङ् हिन्।
\c 2
\cl लिउ २
\p
\v 1 एफिससकि क्षोछोक्कि थुला दुक् दिनि टिः ‘राङ्गी लाक्पा याबाला कार्मा दिन् तिबा लाङ्गुप् ताङ् सेर्कि कोपि ज्यक्सा दक्पु दिन् कि पार्ला युकुप् तिकि सुङ् तिबा दिबा राङ् हिन् ।
\v 2 ख्यरे क्याबु लाका, गुताङ् ताङ् जेताङ् ङाला क्षा वे । ख्यरेकि मि दुक्टे तिबाला जे मुथुपु । राङ्गी राङ्ला राङ् लोमातिबा हिन् सिनि सिरुप् तिबाला ख्योरेकि ल्हनि वे । हिन्सिनाङ् तिबा ति मिन् तेमे ख्यरेकि तिबा जिनक्पा हिन् सिनि क्षा ङेनि वे ।
\v 3 ङाला क्षा वे, ख्योरुङ्ला गुताङ् ताङ् जेताङ् वे, तेमे ङे मिङ्ला ख्यरेकि आला दुक्पा खुर्नि वे, हिन्सिनाङ् ङेर् माक्षे ।
\v 4 हिन्सिनाङ् ख्यरे कला ङाला हुतुङ्गी ताम् क्षा वे ख्यरेकी राङ्गी थाल्माकी ङिङ्ज्ये ति ताङ् ज्याङ्नि वे ।
\v 5 तिकि क्यिसाला, ख्योरुङ् खेन्सुर ना गालुप् हिन् ति नासाम् ताङ्नी सेम् ग्युर । ङा ख्यरे चाला गित तेमे ख्यरेकि सेम् माग्युर्बा साक् ङा ख्यरे कोपि ज्यक्सा तिला तिकि दासा नेसुर दँ तेर्क्यित ।
\v 6 हिन्सिनाङ् ख्यरे मिजिला दि वे । निकोलाइटसतबिकिकि क्याबु लाकातिबाला ख्यरेकि सेम्ला मोडो क्यानी वे, तिला ति ङेसाङ् सेम्ला मोडो क्यानी वे ।
\v 7 क्षोछोग् तिबाला कन्ज्यक्की थुकि खाङ् सिबे, सिति नाम्ज्यक् नक् तिकि ङ्येन्स्यी । सिकि ग्याल्ग्यीबे तिला ङा मिजि तेरुप् दोङ्बु नेसुर साप् का तेर्क्यीत, ति ति कन्ज्यक्की देवाच्येन् युल हिन् ।
\p
\v 8 स्मुर्नाकि क्षोछोग्की थुला दुक् सिनि टिः ‘खो ती थाल्मा ताङ् तिङ्मा हिन्, तेमे खोति स्यिनि लोङ् सेन्बु लानी वे ।
\v 9 ङाला ख्यरे दुक्पा ताङ् पेराङ्बु हतुप् कला क्षा वे, हिन्सिनाङ् ख्योरुङ् दि क्षुक्पु वे । तेमे ख्योरुङ्ला मोतुप् तिबा, तिबिकि खप् राङ्ला यहुदि हिन् सिनि सिसिनाङ् तिबा शेतानकि जोम्खाङ् हिन् ।
\v 10 ख्यरेकि खुरुप् छालुप् दिक्पी कला ज्यिबा माक्यी । ल्होसा शैतानकि ख्यिरे पार्ला लालाला खक्पा ल्हाप्ला चोन्खाङ्ला उपु छाल्नी वे तेमे ख्यरेकि ङिमा च्यु साक् दुक्पा खुर गोक्यित । ख्योरुङ् दि मोबा राँबु क्यानी देता तेमे ङा ख्योरुङ्ला मिजिकि उश्या तेर्क्यीत ।
\v 11 क्षोछोग् तिबाला कन्ज्यक्की थुकि खाङ् सिबे, सिति नाम्ज्यक् नक् तिकि ङ्येन्स्यी । ग्यालुप् तिबाला श्वा ङिबाकि खाङ् साङ् ना तोङ् मुथुप्त ।‘
\p
\v 12 पर्गामम् कि क्षोछोग्कि थुला दि टिः’दि सुङ् ति सुर ङिला नेन्बु हतुप् राल्टि हतुप् तिकि ति हिन् ।
\v 13 ङाला क्षा वे ख्योरुङ् देतुप् दासाला शैतानकी ग्याल्ठिक् वे । हिन्सिनाङ् ख्यरेकि ङे मिङ् दि राँबु क्यानि जिम् ज्याङ्नी वे । तेमे शैतान् देसा दासाला सेतुप् ङाला मोबा राँबु हतुप् पाङ्बु एन्टिपासकि ङोला साङ् ख्यरेकि ङाला हतुप् मोबाला मिन् सि माक्या ।
\v 14 हिन्सिनाङ् ख्यरे कला ङा तानी ताम् तिबा वेः खिरे पार्ला लालाकि इस्राएलकि पुज्युङ् पुम् तिबिकि कुला ज्यिन्बा ताङ्गुप् सामातिबा सास्यित् तेमे स्याम्डेन् क्यिस्यित् सिनि नार्तु ग्यकुप् दो ति पुज्युङ् पुम् तिबि दङ्ला क्युर ज्यितुप् आङाला लोपु बालामकी येन्देन्ला राँबु क्यानि जिम्नी वे ।
\v 15 तुक् राङ् क्यानि, खिरे पार्ला लाला निकोलाइटसकि येन्देनतिबा राँबु क्यानि जिम्नि ज्यकुप् तिबा साङ् वे ।
\v 16 तुक् क्यानि, सेम् ग्युर! तुक् क्यासिन् ङा ख्यरे चाला ङामु राङ् गित तेमे ख्यरे खाला लानि ङे खे नाङ्गी राल्टि थनि माक् थाप्क्यित ।
\v 17 क्षोछोग् तिबाला कन्ज्यक्की थुकि खाङ् सिबे, सिति नाम्ज्यक् नक् तिकि ङ्येन्स्यी । सिकि ग्याल्ग्यिबे तिला ङा बाँ ज्याङ् जतुप् मन्न तेर्क्यित तेमे मिङ् साँबा टिबु दो ज्यिक् ङा तिला तेर्क्यित, ति ति मिङ् ङेतुप् ति सिनाङ् ज्येन सिसाङ् मेस्येत ।‘ 
\p
\v 18 थिआटिराकि क्षोछोग्कि थुला दुक् सिनि टिः ‘दि सुङ्तिबा कन्ज्यक्कि पुज्युङ्कि ति हिन्, खोकि मिक् तिबा मे मेबुर दगे ताङ् काङ्बा तिबा मेथाब् नाङ्ला ठा क्षाली थोङ्गुप् सा दगे वे ।
\v 19 ख्यरे ङिङ्ज्ये, मोबा, र क्यिरुप्, गुताङ्, जेताङ् ताङ् ख्यरे क्याबु लाकातिबा ङाला क्षा वे । ख्यरे तान्दा क्याबु लाका ति तङ्ला क्याबु लाका सिनाङ् माङ् को क्षेतुप् वे ।
\v 20 हिन्सिनाङ् ङातानि ख्यरे कला दि ताम् वेः ख्यरेकि राङ्गी राङ्ला राङ् लुङ्देन् लापु मि हिन् सिनि सिरुप् आम्पुम् इजेबेलला ख्यरेकि जेनी वे । तिकि येन्देननेसुर ङे लाका क्यिरुपतिबाला दिक्पा क्यिरुप् ताङ् कुला पुलुप् साच्येतिबा सा ज्यिक्यित ।
\v 21 ङेकि तिला सेम् ग्युर् सिनि तुज्ये बिन्सिनाङ् तिकि क्याबु दिक्पा नेसुर सेम् ग्युरुप सेम् माक्या ।
\v 22 ल्होसा! ङा ख्योरुङ्ला नेर्पुकि दासाला क्युर्नि तोङ्गीत तेमे ति तानि श्याम्डेन् क्यिरुप् तिबाला तिकि क्याबु लाकाला नासाम ताङ्नी सेम् माग्युर्बा साक् दुक्पा गेर्पुला खेल ज्यिक्यित ।
\v 23 ङा तिकि पुज्युङ्पुम् तिबाला रिँबाथनी सेक्यित, तेमे नासाम ताङ सेम् तिबा छोलुप् ति ङाराङ् हिन् सिनि क्षोछोग्कि स्येक्यित । ङा तेरिग्ला तिबि लाकाकि क्षाक्तक तेर्क्यीत ।
\v 24 हिन्सिनाङ् खिराङ्ला ङा सित, थिआटिराला लुबु दि येन्देन् मेङ्येन्दुप् ताङ् शैतानकि कला ल्येमु क्यानि क्षा मेतुप् खिराङ् तेरिग्ला ज्येन् खाङ् साङ् खुर्बु मेगेल्द ।
\v 25 चुक् क्याप् तुज्येला साङ् ङा माहबा साक् ख्यरेकि दिला राँबु क्यानि जिम्नि ज्यक् ।
\v 26 सिकि ग्याल्ग्यिबे तेमे तिङ्मि तुज्ये साक् ङेकि क्याबु लाका क्यिबे तिला ङा मिरिग् तिरिकि खाला ओङ्ज्येन् तेर्क्यित ।
\v 27 जामा जप् मिकि थाला थनि जोबु जामातिबाला तिकि टुम्नि छ्याक्पा बाङि जोबु दगे तिकि च्याकी लाकाम् थनि तिबि खाला ओङ्ज्येन् क्यित ।
\v 28 ङेकि ङे पापानेसुर ङेतुप् दगे खोला ङा टोप्कि कार्मा तेर्क्यित ।
\v 29 कन्ज्यक्कि थुकि खाङ् सि बे, सिकि ति नाम्ज्यक् नक्पे तिकि ङ्येन्स्यीता
\c 3
\cl लिउ ३
\p
\v 1 सार्डसकि क्षोछोककि थु तिवाला दि लेन टिः डुमादिन कार्मा ताङ कन्ज्यककि डुमा दिन थुतिवा जिबु थुतिवा दिराङ हिन । खिरेकि क्याबु यक तिवा ङाला क्षा वे । ख्योङ सेन्बा वसिनाङ ख्योङ स्येप वे ।
\v 2 लानि च्या्ङ्से कि तेमे श्येप छालु थु तिवाला क्योङ्बु जो, दि स्येप छालु वे, चिला सिसिन ङेकि कन्ज्यककि मिङाला तेरिक लाका तिवा ख्योलु माङे ।
\v 3 तिकि किसाला, चिन ताम तिवा ङेनि कोसुङ, ति नासाम तोङ । ति ताम ङेन । हुतुङ ख्योङ ङ्यालसिन चिन तुज्येला ङा गिउइ, चिन तुज्येला ङा डिउइ सिनि खिरेकि हाक मोकोउइ ।
\v 4 हिनसिनाङ साड्रिसला म्याज्या मेचेङि माकोन्बु खाङ मिकि मिन तिवा वे । तिवा दिमु वदुकि किसाला माज्या कार्मु कोनि ङा तानि युगिद ।
\v 5 सिकि ग्याल्ग्यु तिला माज्या कार्मु कोनग्यु, तेमे तिकि मिन मिजिकि थेप नेसुर नाम्लाङ मेसेउइ, तेमे ङा ङे पापाताङ कन्ज्यककि थुतिवि तङ्ला ख्योकि मिन देन्गिद ।
\v 6 थुकि क्षोछोक तिवाला काङ सि वे सिनि सिति नाम्ज्यक नक तिकि कोसित ।
\p
\v 7 फिलाडेल्फियाला वतुप् क्षोछोककि थुला टिः सु हुतुङ्ला चेङि वे, दि सुङ तिवा कन्ज्यककि हिन, कन्ज्यककि दाउदकि च्याताक तिवा जिम्नि वे, कन्ज्यककि बेक्यु सिकिसाङ उप मुथुउइ कन्ज्यककि उप्क्यु सिकिसाङ बे मुथुउइ । खिरेकि क्याबु तेरिक लाका तिवा ङाला छा वे ल्होसा, ख्यरे गमाला ङेकि गो पेनि ज्यागु वे हिन्सिनाङ सिकिङ चे मुथुउइ ।
\v 8 खिरेकि क्याबु तेरिक लाका तिवा ङाला छा वे ल्होसा, ख्यरे गमाला ङेकि गो पेनि ज्यागु वे हिन्सिनाङ सिकिङ चे मुथुउइ ।ख्योङ तानि चेजिक। क्याजिक ङार वे सिनि ङाला छ्या वे, हिन्सिनाङ ङे सुङकि कला ङेदु वे ङे मिनला मिन सिक्याबु मेत ।
\v 9 ल्होसा सिकि दाक्पुराङ यहुदि तिवा हिन सिनि सिक्यासिनाङ तिवा यहुदि मिन, तिवा सैतानकि जोम्खाङ तिवा हिन; तिविकि जुनाक जोइ वे। ङा तिवाला ख्यरे काङ्बि गमाला लम्नि कुङ्नि श्याबा कि जिक्यु, तेमे ङेकि ख्योङ्ला ङिङ्ज्ये क्याबु काच्ये तिविकि श्येक्यु ।
\p
\v 10 ख्यरेकि ङे सुङ गुनि काला ङेन्दुपकि किसाला जाम्लिङ्ला हुङ्गुप तेरिक खक्पा ल्हाप ताङ दुक्पा तेरुप तिविकि श्योरुप नेसुर थार जिक्यु ।
\v 11 ङा टिबुराङ हुङिन वे । ख्योङ तानि काम वे तिला काश्ये क्यानि जिम्नि ज्यगा चिला सिसिन ख्यरे उश्या सिकिसाङ खुन डो मुथुसित ।
\v 12 सिकि ग्याल्गु तिकिला ङा ङे कन्जयककि ल्हाखाङला च्यिक का जेउइ तिकिकिसाला ति त्यासुर नाम्लाङ फिला मोडोउइ । तिकि खाला ङे कन्ज्यककि ग्यसाकि मिन (यरुशलेम, साबा चिन्दि ङे कन्ज्यककि देवाचेन नेसुर मामो पाम्नि गिउइ), तेमे ङा ङे मिन साबा टि तेर्क्यु ।
\v 13 क्षोछोक तिवाला थुकि काङ सइ वे सिनि सिकि नाम्ज्यक वे तिकि कोसित ।
\p
\v 14 लाउडिकियाला वतुप क्षोछोककि थुला टिः कन्जयककि ज्वप खाला ओङ्ज्येनकि किरुप चिन्दि रेत्पा ताङ हिन‍्दुप पाङ्बु, दि सुङ तिवा आमेनकिदि हिन ।
\v 15 ङाला ख्यरे लाका तिवा छ्या वे । ख्योङ टेङिङ मेत छेदिङ मेत सिनि ङाला छ्या वे । ख्योङ टेङिङ मेतुप छेदिङ मेतुप हुङसित सिरु ति ङे नावा क्याबिन।
\v 16 ख्योङ टेङिङ, छेदिङ मेतुपकिकिसाला ङे खेनाङ्नेसुर देन्दुप छालु वे
\v 17 चिला सिसिन ख्योङ सिउइ, ङ छ्यक्पु वे, ङातानि आला गिज्या वे तिकि किसाला ङाला काङ गोबु मेत । हिन्सिनाङ ख्योङ दुक्पा, च्याम्बा किदिमु, तेङबु मिक मोतोङुताङ पेर्तुङ्बा तिलि वे सिनि ख्योङ्ला छ्या मेत ।
\v 18 ङे टो ङेनः मे तनि चेङि जोबु जोबु सेर ङातानि ङ्यो तिकि किसाला ख्योङ छ्युक्प हुङ तुसित, ख्यरे पेर्तुङ जुबु उुबुलस ठाछ्यालिला बारुप् माज्या कोन चिला सिसिन ख्यरे पेर्तुङबा जुबु मोतोङसित, मेन कु तिकिकिसाला ख्यरेकि तोङ थुसित ।
\v 19 ङेकि ङिङ्ज्ये किरुप तेरिकला ङा (तालिम) तेर्क्यु, तिवा च्युक क्यानि थारगोक्यु सिनि ङा खिराङला लोप्क्यु । तिकि किसाला, सेम ग्युरा लाक ल्यामु किसा ।
\v 20 ल्होसा गोला लानि देक्यु तेमे ख्यरे गोला पुलिन देक्यु । हुतुङराङ सिकि ङे वोरु कोनि गो पेसिन ङा तिकि खाङ्बि नाङ्ला श्युनि ति तानि सेउइ तिकि ङा तानि सेउइ ।
\v 21 सिकि ग्याल्ग्यु तिला ङे ग्यसल्ठिकला ङा तानि देतुप् ओङ तेर्क्यु; च्युक क्यानि ङेकि पापा तानि ग्याल्ठिकला देतुप वे ।
\v 22 क्षोछोकला थुकि काङ सिएइ वे सिनि सिकि नाम्ज्यक वे तिकि कोसित ।
\c 4
\cl लिउ ४
\p
\v 1 दि ताम तिवा तिङ्ला ङेकि ल्हासिन् ङेकि देवाचेन्कि गो पेतुप् थङिन्। ङेकि कोतुप् ग्यालिङकि दगे वोरुकि ङाला सिक्यासुङ्,"दे तेङ्ला श्यक्, दि तिङ् ता खाङ् हुङिन वे ति ङा ख्योरुङ्ला ति छ्या देन्ग्यु।"
\v 2 उकुर् ज्यिक्ला ङा थुलसा वतुप् हिन्, तजोला देवाचेन्ला ग्याल्ठिक् वतुप् ति ङेकि थोङिन्, तिकि खाला लालि मि देनि नक्।
\v 3 तिकि खाला देतुप् ति छ्युश्यिल ताङ् मुति मार्मु दगे थोङिनक्। ग्याल्ठिक् फार्छुर् ठाटुला जा नक्। ति जा ति मुति दगे ठाछ्यालि बारुप् दगे थोङिनक्।
\v 4 ति ग्याल्ठिककि ठाटुला राङ्सा खाल्ज्यिक् ताङ श्यि ग्याल्ठिक् नक्, तेमे मेरा खाल्ज्यिक् ताङ श्यि लाम गमा किरुप् ताङ ङुलकि श्यामुङ कोनि कार्मु माज्या कोनि देनि नक्।
\v 5 गयाल्ठिक् नेसुर् चिलाम्कि ठाछ्यालि ताङ वोरु तिवा लेसुङ, थक् नेसुर् तेरिक् सिन्सुङ्। ग्याल्ठिककि दङ्ला कोपि दिन् चेनि नक्। ति कोपि तिवा ति कन्ज्यककि थु दिन् तिवा नक्
\v 6 ग्याल्ठिककि दाङ्ला छ्युश्यिल दगे थोङ्गुप् श्यालकि ग्याम्छो नक्। ग्याल्ठिककि पार्ला ताङ ग्यालठिककि ठाटुला, दङ्ला ताङ तिङ्ला मिक् तिराङ मिक् वतुप् श्यिचक पालाङ नक्।
\v 7 तङि सेन्बु पालाङ्ति ताक् दगे नक्, ङिन्पा सेन्बु पालाङ् ति पिउ दगे नक्, सुम्पा सेन्बु पालाङ तिकि च्याङा ति मि दि दगेराङ नक् तेमे श्यिपा सेन्बु पालाङ ति फुरिन् वतुप् ठा दगे नक्।
\v 8 श्यिकार पालाङ तिविकिदि डुमा टुक् टुक् पुश्यक नक्; तेङ्ला ताङ हक्ला मिग् ताङ मिगिकि क्येङ्नि नक्। ङिप् नुप् तिविकि चेङि, चेङि, चेङि, ङार वतुप् कन्ज्यक् तङ्नेसुर वतुप् हिन, हादा साङ वे, तेमे नाम्लाङ लुक्यु" सिइ देक्यिनक्।
\p
\v 9 तजोला ति सेन्बु पालाङ तिविकि ग्याल्ठिक्ला चतुप् ग्याल्बुताङ नाम्लाङ सेन्बु लुबु कन्ज्यक्ला सँवा, ताङ्देन् ताङ थुचिछ्ये पुलसुङ,
\v 10 खालज्यिक ताङ श्यि गमा किरुप् तिवि टिमुङ चुनि ग्याल्ठिकला वतुप् ग्याल्बुकि गमाला श्याबा क्यासुङ। तिविकि नाम्लाङ् थारुप् कन्ज्यककला गङ्बा श्युसुङङ्, ग्याल्ठिककि दङ्ला दाक दाक्पि श्यामुङ ज्यगिन् सिक्यासुङ,
\v 11 “ङेरे चावा कन्ज्यक्, खो सँवा, ताङ्देन् ताङ लिङ् थुबु वे। चिला सिसिन खोकि तेरिक् जोसुङ्, खोकि नावा नै क्याला राङ ति तेरिक् च्युङु हिन।"
\c 5
\cl लिउ ५
\p
\v 1 ग्याल्ठिक ला देतुप कि लाक्पा याबा नेबा डुमा दिन ज्ये ग्याम्नि तिला उम्नि गमाला ताङ तिङला टिनि ज्याकुप ति ङे दक्पुजिक का थेपु तिबा ङे थोङसुङ् ।
\v 2 ति मुठ्ठा पेनि ल्हापताङ डोलुपला तिबाला दिमु सु ह्ये?
\v 3 देवाच्येनला हतु जम्बुलिङला हतु जम्बुलिङकि हक्ला हतु सिसाङ ति पेनि ल्हामाथुप ।
\v 4 ङे सेम नानि ङुबिन च्यिलासिसिन तिला रकुप थुपु बे थुपु सुङ माङे ।
\v 5 तेमे एल्डर तिबा नेसुर दक्पजिक कि ङाला सासुङ; “माङु” ल्हो यहुदिकि कुलकि जिक दाउदकि लुङबाला गाल्नि ह्ये ।क्याबु ह्ये । ति मुठ्ठो ताङ ति ज्ये दिन डोलुप खोकि थुप्किवि ।
\v 6 ग्याल्ठिक ताङ पालाङ जिक ताङ एल्डरतिबि पार्ला स्येप दगे क्यानि देतु दक्पुजिक थुमाला ङे थोङसुङ् खोकि ति मिक दिन ताङ आर्क्याक दिन ति ताङ जम्बुलिङला ताङ कन्ज्यककि डुमा दिन थु हिन् ।
\v 7 खोकि ग्याल्ठिक ते ग्याल्ठिकला देतु लाक्पा याबा ला चर्म मुठ्ठा ला जिम्सुङ् ।
\v 8 खोकि तिला लासिमा डुमा स्यि पालाङ् ताङ खाल्जिक ताङ स्यि एल्डरतिबा तिकि गमाला स्याबा क्यासु, । तिबा तेरि तानि सेर ताङ पो ताङ विणा नक; तिबि मोवा क्याबु तिबिकि मोपार हिन् ।
\v 9 तिबिकि साबा लुजिक लासुङ् ति मुठ्ठो ताङ ति ज्ये तिबा बेतु दिमु ह्ये । च्यिलासिसिन ख्योरुङ सेसिन ख्योरे ठाककि तेरिला मिला ताम ला मिरिक ताङ लुङ्बा ख्योरेकि कन्ज्यक सिनि ङ्युसेसुङ।
\q1
\v 10 अरे कन्ज्यक यक किरुला ख्यरेकि तिबाला (राज्य ताङ पुजारि) जोसुङ, तेमे तिबिकि जम्बुलिङला राज्या किवि ।‘’
\p
\v 11 ग्याल्ठिकला ङे ल्हाबिन सेन्बु पालाङ ताङ एल्डर कि नामु स्यामला देवाच्येनकि थुतिबि होरु कोसुङ्। तिबि संख्या च्यु ताङ तङदा आला नक् ।“
\v 12 तिबिकि क्यानि दुकसिक्या ङार ग्यिजा रिक्पा ङार दाङदेन ताङ सोवा ङेतु सिनि स्येपकि थुमा योग्य हिन् सिनि तिबि बोबु तामला सासुङ् ।
\p
\v 13 देवाच्येन, जम्बुलिङला, जम्बुजिङकि हक्ला ताङ ग्याम्छो हक्ला जोबु तेरि कि साबु ङे कोसुङ् “ति ग्याल्ठिकला देतुप ताङ लुकला सोवा पाङदेन ताङ ग्यालठिक ङार नाम्लाङ होसित ।‘’
\p
\v 14 ति पालाङ सेन्बुतिकि आमेन सासुङ् । तेमे एल्डर तिबा च्याबा सोवा क्यानि तेक्सुङ्; संस्कारणला दिनक टिबुप वे । एल्डर खाज्यिक ताङ स्यिकि दाक्पिराङ स्याबा क्यानि नाम्लाङ देतुप सोवा बुल्स्यित सिक्यासुङ् ।
\c 6
\cl लिउ ६
\p
\v 1 थुमा कि ज्ये दिन नेवा च्यिक्ला टालुप् ङे कि थोङ्सुङ्, तेमे ति उ हतुप् तिबि नाङ्नेसुर दक्पु च्यिगि ‘स्यक्’ सिनिते होरु छार्बुला ङेकि कोसुङ्।
\v 2 ङे कि ल्हाविन् त्या ता कार्मु जिक् नक्। तिकि खाला ज्येकु तिकि दा. ज्यिक् खुर्निते नक् तेमे तिकि उस्या कोनिते नक्। तेमे ग्यालुप् तिकि दगेराङ् क्यानि ते ति ग्याल्वा किरुप्ला लेसुङ्।
\v 3 तेमे थुमाकि ज्यार्मा जेः टाल्सुङ्, तेमे ज्यार्मा तिकि ‘स्याक्’ साबु ङेकि कोसुङ्।
\v 4 तेमे ज्यार्मा मे. ताङ् क्यानि हतुप् ता. थेनिते लेसुङ्। तिकि खाला ज्याकुप् तिकि जाम्बुलिङ् नेसुर दिमु खुर्निते डप्ला कुनक्। तिकि किसाला, ति मि तिबिकि दा-दाक्पु सेरि किउ। ति ता. खाला जेबु तिला तरवाल बोबु च्यिक् बिन्नक्।
\v 5 थुमा कि सुम्बा जेःतिला टोल्सुङ्, तेमे सुम्बा पाला, तिकि ‘स्यक्’ साबु ङेकि थोङ्सुङ्, तेमे ति तेःखाला ज्येबु तिकि खरे लाक्पाला स्याङ् ङि चक् जिम्नि नक्।
\v 6 ङे कि पालाङ् स्यि चक् कि पार्नेसुर् होरु दगे च्यिगि साबु कोसुङ्, “ङिमा च्यिगि ङालाक्ला किलो च्यिक् टा. तेमे ङिमा च्यिगि ङालाक्ला किलो सुम् जौ। हिन्सिराङ् नुम् ताङ् गुडुम् दिङ्बुला ति नाऽ मातोङा”।
\v 7 थुमा कि सिवा जेला टोल्सिमा, पालाङ् सिबा तिकि ‘स्यक्’ साबु ङेकि कोसुङ्।
\v 8 तेमे ङे दि ता. सेर्बुला थोङ्सुङ्। ति तेः खाला ज्येकुप् तिकि मिन् ति सिवा नक्। तेमे जाम्बुलिङ् कि तिला तिङ् ङ्याकि नक्। तेमे तिबाला जाम्बुलिङ्ला हतुप् बो स्यिला बो च्यिक् ति तरवाल थनिते सेतुप्, अनिकाल् ताङ् नेर्पि खाला, तेमे जाम्बुलिङ् कि रिदाक् तिबाला सेतुप् दाक्पु बिन्सुङ्।
\p
\v 9 थुमा कि ङाबा जेला टाल्सिमा, तेमे ल्हामुहक्ला कन्ज्यक् कि सुङ् ताङ् तिकि कला सेतुप् मि तिवाला ङे कि थोङ्सुङ्।
\v 10 तिबा होरु छार्बु तेनिते च्यार ग्याप्सुङ्, तेरिक्कि ग्याल्बु, चेङ्ङे ताङ् हुतुङ् कि, ख्योरुङ् नाम्साक् ङिरे टागि किन्बा मालाङ् तेमे जाम्बुलिङ्ला सेन्बु हतुप् तिबाला टिम् मेतेर?
\v 11 तेमे तिबा तेरिक्ला माज्या कार्मु बिन्सुङ्, तेमे तिबा तानि यक् किरुप् याक्पु तिबा ताङ् तिमि उज्यु नुक् तिबा ताङ् इजि नुम् तिबाला तिबा दगेराङ सेनिते छेवुक्यानि ते तिबाला गुसुङ्।
\p
\v 12 थुमा कि टुक्पा जेःला टोलसिमा, ते साइ बोबु ज्यिक् गालुप् ङेकि थोङ्सुङ्। ङि मा ति ल्हेकि माज्या दगेराङ् नाक्पु तेमे उल्का ति ठाक् दगेराङ् मार्मु गालुप् ङेकि थोङ्सुङ्।
\v 13 अन्जिरकि दिङ्बुला लुङ् छ्यार्बाकि युनिते माछोबु डाल्बा तिबा लुबु दगेराङ् देःवाचेन् ला हतुप् कार्जेन् तिबा जाम्बुलिङ् ला लुम्सुङ्।
\v 14 क थेप् दगेराङ् क्यानिते नाम् दि टिल्निते लेसुङ्, ति दि च्युनि हतुप् नक्। तेरिक रि ताङ् गाङ् तिबा दासानेर टाल्निते गाल्सुङ्।
\v 15 तेमे जाम्बुलिङ् ला हतुप् ज्याल्बु तिबा ताङ् म्याता म्याङ्गुप् मि तिबा, मि याम्जुङ् तिबा, छ्युक्पु तिबा, ङार हतुप्, तेमे यक्पु ताङ् पिताङ्बा तेरिक् मि तिबा गाङ् ताङ् रि तिबि पार्ला तेमे फुक्पि नाङ्ला हिप्सुङ्।
\v 16 तिबिकि गाङ् तिबा ताङ् दो बोबु तिबाला सासुङ्, “ङिरे खाला लुम्! ग्यालबि ठिला ग्यालुप् नेसुर ताङ् थुमा कि ङ्यार्मा नेसुर ङिराङ्ला बानि ज्याक्।
\v 17 तिबि ङ्यार्मा छार्बु किरुप् कि ङिमा लेम्नि सुन् तेमे त्या सु छ्यार्थुकि?
\c 7
\cl लिउ ७
\p
\v 1 तितिङला जाम्लिङकि शुर शिगारला मिरा श्‍यि देवाचेनकि थुतिवा लानि वतुप ङेकि थोङसुङ तिविकि जाम्लिङलि वतुप शुर श्यिगारकि लुङ तिवाला जिम्नि नक । तिकि किसाला जाम्लिङलिकि ग्यम्छेनकि चिन्दिङ दोङबु तिविकि दामक मुयुक्सित ।
\v 2 सेन्बा कन्ज्यककि ज्ये खुर्नि राङसा देवाचेनकि थु श्यार नेसुर हुङिन वतुप ङेकि थोङिन, तिकिदि जाम्लिङ ताङ ग्याम्छो तिवाला (हानि) किरु (अनुमति) ङेदु मेरा श्यि देवाच्येनकि थु तिवाला बोबु वोरुकि कारे किइदङ दुक सिक्यासुङ,
\v 3 अरे कन्ज्यककि यक्पु तिविकि टालाला ङेरेकि (मोहोर) माग्यागु साक जाम्लिङ, ग्यम्छोताङ दोङबुतिवाला मेलेववा माकि ।
\v 4 ङेकि ज्ये ग्यापुप बुङचिकताङ खालङिताङ श्यि तङडाचिक कोसुङ, तिवादि तेरिक इस्त्राएलि गिपा नेसुर ज्ये ग्यापु नक ।
\v 5 यहुदाकि गिपा नेसुर च्युपङि तङडाला, गादकि गिपा नेसुर च्युपङि तङ्डाला ज्ये ग्यापु वे ।
\v 6 आसेरकि गिपानेसुर च्युपङि तङ्डाला, नाप्तालिकि गिपानेसुर च्युपङि तङ्डाताङ मनश्शेकि गिपा नेसुर च्युपङि ज्ये ग्यापु वे ।
\v 7 शिमियोनकि गिपा नरसुर च्युपङि तङडाला, लेबिकि गिपा नेसुर च्युप्ङि तङडाला, इस्साखारकि गिपा नेसुर च्युपङि तङ्डाला,
\v 8 जबुलुनकि गिपा नेसुर च्यपङि तङडाला, योसेफकि गिपा नेसुर च्युपङि तङडाला ताङ वेन्यामिनकि गिपा नेसुर च्युपङि तङडाला ज्ये ग्यापु नक ।
\p
\v 9 दि काच्ये तिविकि तिङ्ला ङे ल्हाविन, तेरिक मिरिक, गिपा, मितिवा ताङ तामतिवाकला सिकिसाङ ङो नुथुबु चिक बोबु माज्या कार्मु कोनि दाकदाक्पि लाक्पाला खजुरकि यसलाम खुर्नि ग्याल्ठिककि कुगि गमाला लान वदु नक ।
\v 10 तेमे तिविकि छार्बु वोरुला कातोङिन वतुप नक, “थार्वा ग्याल्ठिकला वतुप अरे कन्ज्यकताङ लुक सु हिन ।"
\v 11 तेमे तेरिक देवाच्येनकि पालाङ श्यि, एल्डर तिविकि नाङ्श्याङताङ ग्यल्ठिकि नाङश्याङला लानि तिवा दाक्पुराङ श्युक ङ्याल्नि ग्याल्ठिकि गमाला दाक्पि च्याङ कुक्सुङ । तिविकि दुकि सिइदाङ कन्ज्यककि सोवा क्यासुङ ।
\v 12 “आमेन । ओरे कन्ज्यकला सवाँ, रिक्पा, थुच्यिछ्ये, ङार नाम्लाङ वसित, आमेन ।"
\p
\v 13 तितिङ्ला एल्डरतिविकि नाङला मिचिगि ङाला टिसुङ, “दि माज्या कार्मु कोदु तिवा सु हिन, तिवा केन्सुर लेबु हिन?”
\v 14 तेमे ङेकि ख्योला सिक्याबिन, “लासो, ख्योरुङराङ वे,” ख्योकि ङाला सिक्यासुङ दिवाराङ हिन बोबु दुक्पा बेसुर लेबु तिवा । तिविकि दाक्पि माज्यातिवा लुगिकि ठाकला टुनि कार्नु जोबु वे ।
\v 15 दिकि किसाला, तिवा कन्ज्यककि ग्याल्ठिककि गमाला वे, तेमे ख्योकि ल्हाकाङला तिविकि ङोननुप ख्योकि सोवा किउइ । ग्यल्ठिकला ग्याल्बु किरुपकि खिरे खाला दाक्पि कोनज्येन कोनग्युइ ।
\v 16 तिवाला लोङङ्या ल्हब मालाङुइ, तिवाला लोङङ्या कबा मालाङुइ। ङिमिकि टो तिविकि खाला मेङेउइ, तिवाला चिन्दिङ टोकि मिछिगुइ ।
\v 17 चिला सिसिन ग्याल्ठिककि पार्ला वतुप लुक तिविकि (गोठालो) हुङुइ, तेमे ख्योकि तिवाला सेन्बा क्ष्यकि (नुहान) क्षला दाडिउइ, कन्ज्यककि तिविकि मिग नेसुर तेरिक मिकच्युर पुनि तेर्क्यु ।
\c 8
\cl लिउ ८
\p
\v 1 तेमे थुमाकि दिन्ला मोहोर पेसुङ, देवाच्येनला धण्टा फेचो च्यिक नाक तुङि गाल्सुङ।
\v 2 ति तिङला ङे कन्ज्यक गमाला लानि देतु मेरा दिन देवाच्येनकि थुला थोङिन डुमा दिन तुरहि विन्सुङ ।
\v 3 राङसा देवाच्येनकि थु लेसुङ तेमे सेरकि पोको खनि बेदि चाला लासुङ ।
\v 4 ग्याल्ठिकि गमाला तेरि मोवाकि मोपारे तानि देतुला सिनि देवाच्येनकि थु ला आला पो बिन्सुङ ।
\v 5 मोबा तिकि मोपारे तानि पोकि तुताक देवाच्येनकि थुकि लाक्पा नेबा कन्ज्यककि गमाला ख्योल्सुङ ।
\p
\v 6 तेमे डुमा दिन तुरहि हतुप देवाच्येनकि थुतिबा ति फब्ला तयार क्यासुङ ।
\v 7 दङि देवाच्येनकि थुकि दाक्पि तुरहि फुसुङ तेमे सेर ताङ ठाक ह्रेबुप मे लेसुङ । तिला जम्बुलिंङला क्युर्सुङ । तिकि जम्बुलिङला बो सुमकि बो च्यिक उप्सुङ, बो सुमकि बो च्यिक दोङबु तिबाला उप्सुङ, तेम तेरि ङोर्मु सोला साङ उप्सुङ काङ ङिङ्मा संस्करणला तिला ताङु ह्ये ।तिकि बो सुमकि बो च्यिक छिगु ह्ये ।
\v 8 राङसा देवाच्येनकि ब थु दाक्पि तुरहि फुसुङ, तेमे मेकि छिगिन किरु दक्पुजिक बोबु ला दगेराङ काङ ग्याम्छोँकला क्युर्सुङ ।ग्याम्छोकि बो च्यिक ठाक ग्याल्सुङ ।
\v 9 ति तिङला ग्याम्छोला हतु पालाङ्ग तिबा बो च्यिक स्यिसुङ् तेमे ठुर्ग्यपु ति बो च्यिक ना ग्याल्सुङ ।
\v 10 सुम्बा देवाच्येनकि थुकि दाक्पि तुरहि फुसुङ् तेमे नामनेबा बारिन अतु दगे दक्पुजिक कार्मा बोबुजिक नदितिबा बो च्यिक छ्यि पुङला लुम्सुङ् ।
\v 11 ति कार्माकि मिनति “एरेलु” हिन । बो च्यिक छ्यु खाक्ति गाल्सुङ् ।छ्यु नेबा तेरि मि स्यिसुङ ।
\v 12 स्यिचक देवाच्येनकि थुकि दाक्पि तुरहि फुसुङ् बो ङिमा ताङ कार्मा, तेमे बो च्यिकला प्रहार क्यासुङ् ।बो च्यिक नाक्तिङ्गिला परिणत गाल्सुङ्, बो च्यिक ङिमा ताङ बोच्यिक नुपला ठादिङ्गि मागाल ।
\p
\v 13 नाम्गि पार्ला फिरिन कुरु गरुड बोबु तामला दुक सिइ किरु कोसुङ् तेमे ङे ल्हाबिन लुबु सुम देवाच्येन थुकि फ छालु तुरहिकि आवाजकिसाला जम्बुलिङला देतु मितिबाला धिक्कार, धिक्कार, धिक्कार ।‘’
\c 9
\cl लिउ ९
\p
\v 1 ति तिङ्ला ङापा देवाच्येनकि थुकि दाक्पि ग्यालिङ फुसुङ। तेमे ङेकि देवाचेन नेसुर् जाम्बुलिङ्ला कार्मा चिक् ल्हुबिन् वतुप् थोङ्सुङ। ति कार्माला ङ्याल्वाकि दिमि बिन्सुङ।
\v 2 तिकि ङ्याल्वा पेसुङ, तेमे ति ङ्याल्वा नेसुर् नाक्पु तुताक् दगे क्याला डोइ वतुप् नक्। तिकि ङिमा ताङ लुङ्बाला नाक्तिङि जोसुङ।
\v 3 तुताक् नेसुर् जजाम्बुलिङ्ला पेच्यक्पा तिवा थेनि लेसुङ्। तेमे जाम्बुलिङ्ला बिच्छि तिविकि दगे ङार तिवाला बिन्सुङ्।
\v 4 जाम्बुलिङ्ला वतुप् सो मिन्सिन् चिन्दिङ् ङोर्मु दोङ्बु तिवा ना मातोङा सिनि तिवाला सिक्यासुङ्। हिन्सिनाङ् तिविकि टालाला कन्ज्यककि ज्ये मेतुप् तिवाला क्याजिक् नातोङा सिनि सिक्यासुङ।
\v 5 तिवाला ला ङा क्याज्यिक् दुक्पा बिन्, हिन्सिना, ति मि तिवाला मासेसा सिनि का बिन्सुङ्। तेमे तिवि दुक्पा ति बिच्छि च्यिगि मि चिक्ला फेतुप् दगेराङ गिउइ।
\v 6 ति ङिमा तिवाला मि तिविकि श्येप् छोलग्यु, हिन्सिनाङ तिला मेङेउइ। तिविकि श्येप् सिनि आला नावा क्यासिनाङ श्यिवा ति तिवि चाने थारे छ्यङुउइ।
\v 7 पेच्यक्पा तिवा माक्ला ड्वप् सिनि टेगे जोबु ता तिवा दगे थोङिनक्। तिविकि गोला ङुलकि दगे श्यामुङ् ताङ तिविकि च्याङा ति मि च्याङा दगे तोङिनक् ।
\v 8 तिविकि रा पुम पेजि रा दगे, तिविकि सा तिवा ताक् कि सा दगे नक् ।
\v 9 तिविकि छेकक क्योरुप् ति, च्या छेकक क्योरुप् दगे तेमे तिवि पुश्यककि वोरु ति माक्ला छ्यङ्गुप् आला ता तिवा दगे ताङ ताखुर्ने दगे नक्।
\v 10 तिविकि ङामा ताङ तुक् ति बिच्छिकि दगेराङ् नक्, तिविकि ङामाला ला ङा साक् मिला नातोङ्थुबु ङार् नक्।
\v 11 तिङ्मु ङ्याल्वाकि थु ति तिविकि ग्याल्बु दगेराङ् नक्। हिब्रु ताम्ला तिकि मिन् ति एबाड्डोन नक तेमे ग्रिक मिनला ति तिकि मिन ति अपोल्लियोन नक्।
\p
\v 12 तङि काबु तुज्ये ति सिन्सुङ। ल्होसा, दितिङ्ला हरुङ् ङिचक् काबु तुज्ये हुङुगोबु नक्।
\p
\v 13 टुक्पा देवाचेन्कि थुकि दाक्पि ग्यालिङ फुसुङ। ङेकि कन्ज्यककि दङ्ला वतुप् सेरकि क्योस्याम कि आर्क्यक तिवा नेसुर् वोरु चिक् हुङिन् वतुप् कोसुङ ।
\v 14 ग्यालिङ खुरुप् तिकि दाक्पि टुक्पा देवाचेनकि थुला वोरुकि सिक्यासुङ, “गेर्पु ज्युङ युफ्रेटिसला टानि ज्याकुप् मेरा श्यि देवाचेनकि थु तिवाला ताङबिन्।"
\v 15 मि मिरिक् तिवि बो च्यिक् सुम्बाला सेतुप् सिनि ति तुज्ये, ति ङिमाला, ति लाला, ति लोला सिनि टेगे जोबु मेरा श्यि देवाचेनकि थु तिवाला ताङ् बिन्सुङ।
\v 16 ते खाला ज्येकुप् तिवा (करोड) खाल्ज्यिक नक्। ङेकि तिवि (सङ्ख्या) कोदिन्।
\v 17 दुक क्यानि ङेकि छ्यार्पाला ता तिवा ताङ ते खाला ज्येकुप् तिवाला थोङिन्। तिविकि छेकक् क्योरुप् ति मे दगे मार्मु, थुक्पु ङोर्मु ताङ मुसि दगे सेर्बु नक। ता तिवि गो ति ताग् कि गो दगे नक्, तेमे तिविकि खे नाङ्नेसुर् मे, तुताक् ताङ मुसि थेन्गिनक्।
\v 18 तिविकि खे नाङ्नेसुर् थेन्दुप् मे, तुताक ताङ मुसिकि दि काबु तुज्ये तिवा नेसुर् मितिविकि बो चिक्-सुम्बाला सेसुङ्
\v 19 चिला सिसिन ता तिविकि ङार खाताङ ङामाला नक्, चिला सिसिन् तिविकि ङामा रुलकि दगे नक्; तिविकि गोकि ग्याम्नि मि तिवाला मा तेन्नक।
\v 20 दि काबु तुज्ये नेसुर् मासेबु ज्येन मि मिरिक् तिविकि तिविकि दाक्पि क्याबु लाका तिविकि सेम ग्युर्वा माक्या। तिविकि सेर् ङुल, सा, दो ताङ श्यिङतिवा तेमे थोङ्गुप्, कोतुप्, ताङ युग् मुथुबु सामा तिविकि कु तिवाताङ ह्रेन्डि तिवाला सँवा बुलुप् माताङ्
\v 21 तिविकि मि सेतुप् लाका क्याबु, छुछ्युल् किरुप्, श्याम्डेन लाका किरुप् ताङ् कुन् किरुप् लाका तिवा नेसुर् सेम ग्युर्वा क्यासङ्।
\c 10
\cl लिउ १०
\p
\v 1 तिकि तिङला ङे कि देवाचेन नेसुर ज्यर्मा ङारहवतुव देवाचेनकि थु हुगिन हवतुव थोङसुङ। तिला मुक्पाकि उपनि नोक् तेमे तिकि गोला जा फोक्नक् । तिकि ङोदुङ ङिमा ढगेराङ तेमे तिवि काङवा तिकि काङवा मे का उगेराङ नेक्।
\v 2 तिकि लाक्पाला टिक्पे पेतुप कवकि थेप नेक। तेमे तिकि दाक्पि थावा काङवा ग्याम्छोला तेमे यन्वा काङवा जवुलिङला ज्याङनक ।
\v 3 तिङला ताक दगेराङ एरुप बवुप क्यासुङ। ति होर क्यासिमा ङिमा दिन एर्पसुङ दाक्पि होर तेन्सुङ तेमे ति दिन् एर्फु ति होर तेन्सुङ,
\v 4 तिजेवेला ङो टिगु छालिन। तेमे ङो दोवचेन नेसुर दुक सावु होर कोसुङ, ति दिन एर्बु तिबि साबु ताम छामेतुप दासाला ज्यक। दिला मातिसा ।
\v 5 तेमे ङा देवाचेन नेवा दाक्पि यावा लाक्पा तेङनि जाम्छु ताङ जबुलिङला लानि हवतुव देवचेनकि थु थोङसुङ।
\v 6 तिकिसाला नामलाङ सेन्बुवतुव, खोकि देवाचेनला हवातुप तिरिक जवुलिङला हावतुव तेरिक जान्छुला हवतुप तेरिकला जव तिकि मिनला नाकेल्निके देवचेनकि थू किसासुङ “ता त्य कोले मोडोउ”
\v 7 तेमे ति छे दिन्वा देवचेनकि थुकि दाक्पि तुरहि झुङ चावुला ति ङिमा खोकि यक्पु लुङतेम्बा तिवाला सिक्यावु दगेराङ ति छामेतु ताम कन्ज्यककि सिदा किऊ।
\p
\v 8 तेमे देवचेन नेसुर ङो कोतुप होर यङलोङ ङा सासुङ, ग्यक, ग्याछु ताङ श्यासिला लानि वतुप देवाचेनकि थुकि लाक्याला वतुप माटाबु चर्मपमुठा लाङ।
\v 9 तजोला ङा देवच्यनकि युकि चाला गल्नि ति टिक्पे चर्मप मुठ्ठो लाङिन तजोला तिकि ङाला सिक्यासुङ “चर्मपत्को मुठ्ठो लानि श्व । दिकि ख्यरे शुपला श्वाक्ति जेउई हिनसिनाई ख्यरे खाला दि राङदगेराङ ङार्मु गिउई।"
\v 10 ङे कि देवाच्येनकि थुकि लाक्पा नेसुर ति टिक्पे चर्मपत कि मुठ्ठो लानि तिला सोविन । ङे खाला ति राङ दगेराङ ङर्मु च्यङसुङ, तजोला ङेकि दिला सानि सिन्सिमा ङे सुप खाक्ति च्युङसुङ।
\v 11 तेमे ङाला सुङ मिकि सिक्यासुङ, आला मितिवा, मिरिगतिवा, तामतिवा, ग्याल्बुतिबिकि काला ख्यरेकि लोङङया लुङदेन लाप्क्यु।
\c 11
\cl लिउ ११
\p
\v 1 ङाला नापुप् ताखुर चिक विन्सुङ। ल्हानि कन्ज्यककि लाखाङ ताङ शोबा देक्सा हसा सेकि त्यङ सोवाँ देप्कि विनिति नाप कि सानि ङाला सासुङ ।
\v 2 तेमे लाखाङ फिला ति नापुप माकिसा, चिला सिसिन तिवा ति यहुदि सिना राङसाला बिधु वे । तिविकि लाहा खाला ङि दा ङिसक् जा भुला तेन्गिऊ ।
\v 3 ङे ङि पाङवुला १२६० ङिमाला ले माज्या कोन्नि लुङदेन पाप वोङज्येन तेर्क्यु ।
\v 4 दि पाङबु ङि जैतुनकि थुङबुति ताङ ङि हिव हिन् । ति जबुलिङला कन्ज्क गोमाला लाङनोक्।
\v 5 सिवि साङ तिवा ना तोङछाल सिन् तिवि खानेसुर थेदुप मेकि तिवि ङाला नातो ङिऊ । सिसङ तिवाला ना तोगुप् सेम किसम तिवा थुक क्यनिराङ सेकिऊ।
\v 6 दि पाङबुतिवा तानि लुङदेन क्याक तुज्ये किरुप बेला नाप्ला उपुप वोङ । दि पाङबु तिकि छु देन्थुप् वोङ खोकि लुङदेन किरुप तुज्य ङेलोक । छुतिवा ढाक्क जोबु तेमे खोरङला सेल लुवा तुज्यउला जवुलिङला नाव नाव दुक्पा ग्यपु ङार तिवाता नोक्।
\v 7 तेमे तिबिकि पाङबु सिदाकिऊ, तोलोला ङे लावा नेसुर हुगुव पालङ तिकि खाला माक्मि किऊ । तिकि तिवाला सेकिऊ।
\v 8 तिवि सेम जुवुतिवा गोर्पु गोसाकि फिला लाम्ला ङिल्नि गिऊ (तिवाला जुध्यउदेन् सदोम ताङ ताङ मिऋ सिऊ। क्यउगुप नोक।
\v 9 चिलासिसिन् ङिमा सुङताङ फेस्या सक् तेरिक लुङवा, मिरिक, ताम ताङ मितिवि श्यव जुवा ल्योऊ । तिविकि तिवाला तुर्सला मिक्तुङ घापु मेतेरुप।
\v 10 जाबुलिला सेपुप तिवाकि तिवा श्याव खाला, गा गा टोटो कित् । तिविक चिगिचिक्ला ङेम्बा तेर्क्यु चिला सिसिन ति ङि लुङदेन लापुप्तिवि जावुलिङला देतुप तेवा ला दुक्पा विन्नक् ।
\v 11 तेमे ङिमा सुम ताङ फेस्या तिङला कन्ज्यक नेसुर ल्येपुप ऊ, तिवि नाङला स्युगु तेमे तिवा दाक्पि काङवाला लाङु। तिवा भोङु मि तिबा झिपाकि व्यङु ।
\v 12 तेजोवेला तिवा देवचेन नेसुर गेर्पु होर चिक् “दे क्याला स्यक" सिरु तिवि कोसुङ। तेमे तिवि ङा तिवि ल्हाई होसित तिवा मुक्पि खाला देवचेन साक् डिऊई ।
\v 13 तिजो वेलाङ त्या वोबु सइ डिऊ गोसाकि चुवा तेरिक नासिऊ। ति सइला तोङडा दिन मितिवा श्य तेमे माश्यवा मितिवि देवचेनकि कन्ज्कला सोवा देपकिउ।
\p
\v 14 ङिवा दुक्पा सिनिकाल ल्होसा सुम्बा कावु टिवुराङ हुङिन् वे।
\p
\v 15 तिजोवेला दिन्वा देवाचेनकि थुकि दाक्पि तुरहि फुसुङ, तेमे देवाचेनला वोवु होर्ला दुङ सासुङ, “जावुलिङकि ग्याल्खप वरे चावा ताङ खोकि खिष्टकि ग्याल्खप गलुप वे खोकि नामलाङ ग्यउल्खप किऊ।
\v 16 तिकि तिङला खाल्जिकताङ सि छ्योकि लावेन ग्यालठिककि गमला दाक् दाक्पि देताङ कन्ज्यककि छारुपला खैतोङमा देनि च्याङा वानि देनि नेक तिविकि कन्ज्यकला सोवा क्यसुङ।
\v 17 तिविकि सासुङ ङारछेथेवातुप चावा कन्ज्यकला ङिरा थुचे वुल्गिऊ, सु ह्वई सु नोक् चिला सिसिन ख्यरेकि गेर्पु ङार खुरुप वे तेमे ग्यालख्य किरु स्युव वेा
\v 18 जबुलिङकि युल तिवा ला ङोर्सा लावु नेक, तेमे खोकि ङेर्मा तेपुप वे। श्यावतिकि ठिम किरु तुज्ये अवु वे। ख्योरे यक्पु लुङदेन लापुप छ्यो सेवुप् मि तिवा मोवा हतुव तिवा हिन् । तिवा ख्यारे मिनला जिवा किऊ, खाङलाङ मेथेन्दुप ताङ ङार गेर्पु ह्तुप ङिकार्ला छाक्तक तेरु तुज्ये वावु वे।
\p
\v 19 तोजोला देवाचेन कन्ज्यककि लाखाङ पेसुङ तेमे ल्हाखाङ नाङला नाकि गान थोङसुङ त्य ठाछ्यलिकि टाकतिवा, होरतिव थोक तोर ताराङ बोबु सहि गाल्नेक, तेमे वोन्वोवु सेरि ज्याप नेक्
\c 12
\cl लिउ  १२
\p
\v 1 देवाचेनला वोवु ता च्यिक थोङ्सुङ, ङिमा कोनि, कार्माला दाक्पि काङ्बि हक्ला लेबु पुम्पेजाचिकि च्युप्ङि कार्मा वतुप् उस्या कोदु नक ।
\v 2 ति जुबु च्येदि वतुपकि किसाला सुकक्यानि कारे किइ वतुप नक ।
\v 3 ति तिङ्ला देवाच्येनला राङसा ता थोङ्सुङ, ल्होसा! त्ये डुमा दिन मार्मु बोबु गो ताङ डुमा च्यु आर्क्यक ताङ तिकि गोला डुमा दिन उस्या मार्मु कोन्दुप् च्यिक बोबु पलाङ नक ।
\v 4 तिकि ङामिकि देवा च्यनला वतुप कामा च्यिक कार्जेनला रुनि तिवाला जाम्लिङला क्युर्सुङ । आङ केवादाङ साब सोनि ति जिवा लाङ्दे अजिङ्गर ति पुम्पेजि गमाला लानि देसुङ ।
\v 5 तिकि च्यिक आङा केसुङ, तिकिदि च्या ग्युक्पा थनि तेरिक मिरिग् तिवि खाला ओङ्ज्येन किउइ । तिकि आङाला ठनि कन्ज्यककि ग्याल्ठिक नेवा खुन गालसुङ ।
\v 6 च्युपङिताङ खालसुम ङिमासाक ति पुमपेजाला ल्हाप् सिनि कन्ज्यककि तङ्लाराङ जोबु खाङ मेदुप् दासाला ति पुम पेजा टोनि गाल्सुङ ।
\p
\v 7 दजोला देवाच्यनला माक्मि च्युङ्सुङ । मिखाएल ताङ तिकि थुतिविकि ति पालाङ खाला माक्मि क्यासुङ, तेमे अजिङगर ताङ तिकि थु तिविकि माक्नि क्यासुङ ।
\v 8 हिन्सिनासङ ग्यालुप सिनि तिअजिङगर तानि आला ङार मिदुक। तिकि किसाला देवाच्येन्ला तिदाङ तिकि थुतिवाला सिनि चिन्दिङ दासा मिदुक ।
\v 9 जाम्लिङकि तेरिकला जुनाक ज्वप् ति अजिङगर सिरु शैतानला तिकि थुतिवा तानिराङ जाम्लिङला क्युर्सुङ ।
\v 10 दजोला ङेकि वोरु बोबु च्यिक कोदिन, “ता थार्वा, ङार, अरे कन्ज्यककि ग्याल्खसप ख्रिष्टकि ओङज्येन लेबु वे । कन्ज्यककि दिन्ला अरे नुकतिवाला ङेबा जुबु तिवाला क्युरु वे ।
\q1
\v 11 तिकि तिवाला लुगिकि ठागताङ सुङकि पाङ्बुनेसुर ग्याल्सुङ, चिला सिसिन तिविकि श्याप ङिमासागाङ दाक्पि जुबुला ङोङ्ज्ये माक्या ।
\q1
\v 12 तिकि किसाला देवाच्यनताङ जाम्लिङलादेतुप खिराङ तेरिक गा किसा । हिन्सिनाङ जाम्लिङताङ गेम्छोला मामो गालु वे। दाक्पुतानि च्येजिक क्याजिक तुज्ये वे सिनि तिला छ्या वतुप कि किसाला तिकि नाङ्ला जिवा लाङ्दे ङेर्माकि केङु वे ।
\p
\v 13 दाक्पु जाम्बुलिङला क्युरु वे सिनि रुल गेर्पुकि क्ष्या ङेसिमा तिकि आङा क्येप पुम्पेजाला दुक्पा बिन्सुङ ।
\v 14 ति पुम पेजाला च्यिक तुज्येताङ फेचो तुज्येसाक ल्हाप् सिनि कन्ज्यककि जोबु दासाला फुर्नि डप् सिनि पुमपेजाला डुक्ककि डुमा ङि बोबु पुश्यक बिन्सुङ ।
\v 15 ति पुमपेजाला ज्यानि डोसित सोनि ति रुलकि दाक्पि खेनङ्नेसुर क्ष्यि ज्युङ दगेराङ क्ष्यु तेन्सुङ ।
\v 16 हिन्सिनाङ जाम्बुलिङकि पुम पेजाला दाल्जा क्यासुङ । रुलकि दाक्पि खे नाङ्नेसुर तेन्दुप् क्ष्यु जाम्लिङकि खा पेनि मिता ग्याप्सुङ।
\v 17 तितिङला ति बोबु रुल पुमपेजि क्ष्यला ङ्यार्मा लासिमा तेमे कन्ज्यककि कला ङेन्दुप ज्येन लुबुति थुतिवा तानि माक्मि किरु गालसुङ ।
\v 18 तजोला ति बोबु रुल ग्याम्छोकि नामुला पेप्स्यक खाला टाङि लासुङ ।
\c 13
\cl लिउ १३
\p
\v 1 तितिङ्ला ङेकि ग्याम्छो नेसुर् चिक पालाङ हुङिन् वतुप् थोङिन्। तिकि दि डुमा च्यु आर्क्यक ताङ डुमा दिन गो नक्। तिकि आर्क्यकतिवि खाला डुमा च्यु श्यामुङ नक्, तेरिक् गो तिवि खाला कन्ज्यकला मारे तोङु मिन तिवा नक्।
\v 2 ङेकि थोङु पालाङ ति किजिक् दगे नक्। तिकि काङ्बा तिवा तोम कि दगे नक् तिकि खा ति ताक कि दगे नक। तिला ओङ किरुप् सिनि गेर्पु रुल चिगि दाक्पि ङार, दाक्पि ग्यालठिकताङ दाक्पि गेर्पु ओङ्ज्येन् बिन्सुङ।
\v 3 ति पालाङको गोला तिङ्मु मा नक, तकिदि श्यिवाला साक क्योल् थुबु नक् हिन्सिनाङ ति मा टेक्सुङ। तेरिक जाम्बुलिङ्ला याम्छेन लासुङ तेमे तिविकि ति पालाङ्ला तिङ ङ्यासुङ।
\v 4 तिविकि ति रुल गेर्पुला सवाँ देपुप् नक्, चिला सिसिन तिकि दाक्पि ओङ्ज्येन ति पालाङ्ला बिन्दुप् नक्। “दि पालाङ दगे ज्येन सु वे?” तेमे “दिकि खाला सिकि माक् ग्याक्थुक्यु?” सिइ दाङ तिविकि ति पालाङ्ला सवाँ पुल्सुङ।
\v 5 दिकि खे नाङ्नेसुर् ङाराङ हिन् सिरुप् ताम ताङ कन्ज्यकला मोतुप् ताम तिवा बिन्सुङ। तिला ला खाल्जिक् ओङ् किरुप् सिनि का बिन्दुप् नक् ।
\v 6 तिकि किसाला, कन्ज्यककि खाला कन्ज्यकला मोतुप्, खोकि मिन, खोकि देसा दासा ताङ देवाचेन्ला देतुप् तिवि खाला मोतुप् सिनि ति पालाङकि खा पेसुङ।
\v 7 मोवा किरुप् तिवा तानि माक्मिला थाम्नि तिवाला ग्यालुप् सिनि ति पालाङ्ला का बिन्दुप् नक्। तेमे तेरिक मिरिक्, मितिवा, ताम्ङे, ताङ ग्याल्खाप् खालाङ ओङ बिन्दुप् नक्।
\v 8 जाम्बुलिङ्ला देतुप् तेरिक मि तिवि ति पालाङ्ला सवाँ देकुउइ, तिकि मिन ति जाम्बुलिङ जोबु नेसुर् राङ सेतुप् लुइ रिउकि मिजिकि थेपला टिबु मेत्।
\v 9 सिकिदि नाम्ज्यक वे तिकि ङेन्सित् ।
\v 10 सुला चोन् खाङ्ला टि ड्वप् हिन ति चोन्खाङ्ला डिउइ। हुतुङ सुला टि थनि सेतुप् हिन् तिला टि थनिराङ सेक्यु। गुताङ, जेताङ ताङ रेत्पाला सु चेङि वे तिला क्याजिक् काताङु वे।
\p
\v 11 तजोला ङेकि जाम्बुलिङनेसुर् हुङिन् वतुप् राङ्सा पालाङ्ला थोङिन्। तिकि ति लुउइ रिउकि दि दगे ङिचक आर्क्यक् नक्, तिकि गेर्पु रुलकि दगेराङ क्यानि ताम क्यासुङ।
\v 12 तिकि तङि पालाङ तिकि दाङ्ला तेरिक ङारकि लाका क्यासुङ्, तेमे जाम्बुलिङ्ला देतुप् मितिवाला ताङ तङि पालाङ तिला तिकि सवाँ बुलजिकिनक्, तिकि तिङ्मु माति टेगु नक्।
\v 13 तिकि याम्छेन लाङ्गुप ङारकि लाका छ्या तेन्सुङ। तिकि मि तिवि दङ्ला देवाचेन नेसुर् मे बेबु लाका कयासुङ।
\v 14 ङार छ्येकि ता नेसुर् दिला तुक किरुप् सिनि ओङ बिन्सुङ । ङिपा पालाङ तिकि जाम्बुलिङ्ला वतुप् मि तिवाला जुनाक जोसुङ। तिकि तङि पालाङला ताङ्देन् किरुप् सिनि तिवाला कुचिक् जोचिसुङ। ति पालाङ्ला टि कि फगु नक् हिन्सिनाङ ति सेन्बु लासुङ।
\v 15 तिला ति पालाङकि कु सेन्बु लोङ सिनि का बिन्सुङ्, ति कु तिकि ताम कि थुसित् तेमे ति कुला सवाँ मुलुबु तिवा तेरिक्ला सेतुप् सिनि।
\v 16 तेमे तिकि ङार वतुप् ताङ लाका मेतुप्, छ्युक्पु ताङ टेङ्बु, तिजराङ देतुप् तिवा ताङ यक्पु तिवा तेरिक्ला याबा लाक्पाला मिन्सिन् टालाला ता ग्योप् सिनि सिक्यासुङ।
\v 17 ति ता मेतुप् मि तिवाला ङ्यप् ताङ चोङु दुक्पा हुङुनक्। ति पालाङ्कि ता कि तिकि मिन तिवाला ङ्वप् ज्यिक् नक्।
\v 18 दिकि रिक्पाला कातोङु। सु तानि सेम्ला ल्हाप् वे, तिकि ति पालाङ्ला ङोङित् चिला सिसिन ति ङोवा ति मि मिरिक तिवाकि हिन्। दि ङोवा ६६६ हिन् ।
\c 14
\cl लिउ १४
\p
\v 1 दे सियोन पर्वतला लुक लाङि हतु थोङसुङ । ति तानि बुङ च्युब्स्यि ताङ तङदा स्यि नक ति तानि येशु मिङ ताङ पापि मिङ तिबि टालाला टिबु ।
\v 2 ङे थोङसुङ् आला छ्यि होरु बोबु गर्जनकि होरु दगे देवाच्येन नेसुर लेपु ङे कोसुङ ।
\v 3 दिक्पा मेतुप च्यिच्यक पावाल ताङ गाल्ठिककि दिङला । तिबिकि दक्पुजिक सावा लु लासुङ । जम्बुलिङनेबा लपुप १, ४४००० सिबा ज्येन सुङसाङ ति लु ल्याहाङ मस्ये ।
\v 4 तिबाति दाक्पुराङ पुमा तानि मायुनक । च्यिलासिसिन तिबा अनैतिकता नेबा दाक्पुला च्येङ्गि ज्याकु नक। ति तिबाराङ येशुकोङ्ङ डिउ तिबाङ तेराङ । तिङ्यगु । कन्ज्यक ताङ लुककि लोला तिबाला दङि डाल्बा सिनि मिरिक नेबा खोबु हिन ।
\v 5 तिबि खाला काङ मेलेबा माङे तिबाला काङ ङेबा मेत्पा नक ।
\p
\v 6 राङ्सा देवाच्येनकि थुति नाम्गि पार्ला लानि देतु ङे थोङिन । जम्बुलिङला देतुतेरि मिरिक ताम ताङ मिला लेन लेमु स्येतुप तिबातानि नाम्लाङ मिस्यिबु लेन नक । “कन्ज्यक तानि ज्यिबा कि, तेमे तिकि सोवा कि” सुरु ।
\v 7 बोबु होरु क्यानि ङे साबिन । येशुला सोवा कि, तिकि देवाच्येन, जम्बुलिङ ग्याम्छोक ताङ छ्यि मनतिबा जोसुङ ।
\v 8 राङसा मिज्यिक देवाच्येनकि थूकि तुक सिदाङ तिङ, ङ्सुङ, “पतन गालुब बेबिलोनकि पतन लागु ह्ये, तिकि अनैतिक कुवासना कि मध्य तेरि मिरिकला थुङ छ्यिसुङ ।
\v 9 राङसा सुम्गि देवाच्येनकि थुकि बोबु होरु सिदाङ तिबाला तिङ ङ्यासुङ ।
\v 10 तिकिसाङ कन्ज्यककि ङ्येर्मा काङ मध्य थुङु, ति तिविकि ङ्येर्मा ति कराला पुबु ह्ये ।
\v 11 तिबिकि थुङु तिला कन्ज्यककि चेङि थु ताङ लुक ।
\v 12 कि दिङला मे ताङ गन्धकला दुक्पा तेर्किवि ।
\v 13 “ति ति चावाला स्येप तिबा धन्यकि हिन” सिरु होरु दक्पुजिक देवाच्येन नेबालेपु ङे कोसुङ । “हिन” थूकि सिउ, “तेमे खीरेकि लाका नेबा ङा सप ङेसित, च्यिलासिसिन तिबिकि लाकाकि तिबाला तिङ ङ्यागु ।
\p
\v 14 ते दक्पुजिक कार्मु मुहुप खाला देतु दक्पुजिक मि पुज्युङ दगे ङे थोङिन् ।तिकि गोला दक्पुजिक सेरकि उस्या ताङ लाक्पाला छ्येतु सोरि नक ।
\v 15 ति तिङला राङसा देवाच्येनकि थु लाहाखाङ नेबा फिला लेसुङ, तेमे मुसुप खाला देदुला होर बोबु क्यानि काताङ सुङ, “ख्योरे सोरि लाङ तेमे ङागु स्यु । च्यिलासिसिन ङागु तुजेला लेबु हिन् च्यिलासिसिन जम्बुलिङकि डु छोनि सिन्सुङ ।
\v 16 तेमे मुसुप खाला देतुपति सोरि थ ताङसुङ् तेमे जम्बुलिङला रुसुङ्।
\v 17 देवाच्येनला हतुप ल्हाखाङ नेबा राङसा देवाच्येनकि थु फिला लेसुङ् ति तानिसाङ दक्पिजिक सोरि जिक नक ।
\v 18 लोङ राङसा देवाच्येनकि थु साङ देक्सा दासा नेसुर लेसुङ ति तानि साङ छ्येतु सोरि नक। तिला तिबा होर बोबुला काताङसुङ; दाक्पि छ्येतु सोरि थतोङ तेमे कम्बुलिङ कि अंगुर तिबाला च्यिलासिसिन तिबि अङ्गुरतिबा छ्योबु ह्ये ।
\v 19 दि देवाच्येनकि थुकि दाक्पि सोरि जम्बुलिङला थताङसुङ, तेमे जम्बुलिङका डु रुसुङ । कन्ज्यककि ङ्येर्मा बोबु ङेविला क्युर्सुङ ।
\v 20 ग्यासा फिनेबा नेसुर गुडुम चिर्सा क्येङनि तेमे थाकि लाम साक ठाक पेसुङ, च्यिलासिसिन ग्या च्युरुप किलो मिटर साक खोल नक ।
\c 15
\cl लिउ १५
\p
\v 1 तेमे ङेकि ज्यार्मा याम्छेन्कि ताङ् ङार हतुप् जे देवाचेन्ला थोङ्सुङ् मेरा दिन् देवाचेन्कि थू तिबिकि दिन्चक दिक्पा खुर्नि हतुप् नक्, ति दि तेर्सिना तुङ्ङि दुक्पा हिन्। चिला सिसिन् तिबि नाङ्ला कन्ज्याक् कि ङ्यार्मा कि क्याङ्नि ते नक्।
\p
\v 2 ङेकि मेतानिरे रेबा सिसा कि समुन्द्र दगेजिक् थोङ्सुङ्। ति ग्याम्बुकि चाला पालाङ्, तिकि कु तिवा ताङ् मिन तिबाला छ्यादेदिन्ताङ् ग्यालुप् तिबा लानिते नक्। क्न्ज्यक्कि बिदुप् विणा तिबिकि जिम्निते नक्।
\v 3 तिबिकि कन्ज्यक् कि याक्पु मोशा ताङ् थूमाकि कला लु लाङ्ङिन् नक्, “हे तेर्सुना खामु कन्ज्याक्, ख्यरे यक् तिबाला आला ङार हये। हे मिरिक् तिवि ग्याल्बु, ख्यरे लाम् तिबा दिमु ताङ् हुतुङ् कि हये।
\q1
\v 4 ख्यरे मिन्कि स्वा मुबुलुप् ति सु हच्यु र? ख्योरुङ् तानि जिबा मिकिबु ति सु हये? चिला सिसिन् ख्योरुङ् क्याजिक् चेङ्ङे हये। तेरिक् मिरिक् तिबा लेम्निते ख्यरे दङ्ला स्वा बुल्ग्यु चिला सिसिन् ख्यरे दिक्पा मेतुप् याक् तिबा थोङ्नि हये।
\p
\v 5 दि ताम् तिबि तिङ्ला ङेकि ल्हाबिन। देवाचेन् ला थोङ्ङुप् कि ताम् लपुप पामकि छ्योछक् लक्सुङ्।
\v 6 टाज्योलि हतुप् सुतिकि म्ज्या ताङ् सेर्कि कारा छेक नानुस्याम्ला कोनिते मेरा दिन देवाचरनकि थु तिबा डुमा दिन दुक्पा तिबा खुर्निते तेरिक् सिना चेङ्ङे दासा नेसुर फिला लेसुङ्।
\v 7 मिजि हतप् मेरा सु नेसुर दक्पु च्यिगि नाम्लाङ् मिसिबु कन्ज्याक् कि ङार कि क्याङ्नि हतुप् सेर्कि करा दिन्चक् ति देवाचेन्कि थु तिबाला बिन्सुङ्।
\v 8 कन्ज्यक् कि स्वा ताङ् ङार कि क्याङ्निते छ्योखाङ् तेरिक् तुताक् कि क्याङ्निते नक्। दि देवाःचेन्कि थु तिबि दुक्पा मिसिन् साक् तिकि नाङ्ला सुङ् स्युक् माथूप्।
\c 16
\cl लिउ १६
\p
\v 1 छ्यो खाङ् नेसुर लेपु हरु छार्बु ज्यिगि दुक्साबु ङे कि कोसुङ्, “ग्युक् गाल्निते कन्ज्क् कि ङेर्मिकि क्याङ्ङु दिन् चक् करा तिबा जाम्बुलिङ् खाला पुनिते तोङ्।
\v 2 तङ्ङि दे; वाचेन्कि थु गाल्निते ति दाक्पि करा जाम्बुलोङ् ला पुसुङ्। ति पालाङ् जे हतुप् ताङ् तिला स्वाबुलुप तिबाला क्युक्टो लाङ्दे ताङ् जिबा लाङ्दे आला सुक् किरुप् ताङ् मा तिबा थेन्सुङ्।
\v 3 ज्यार्मा ङिबा तिकि दाक्पि करा ति ग्याम्बुनाङ्ला पुसुङ्। तेमे ति सयाप् मि ठाक् दगेराङ् गाल्सुङ्, तेमे तिकि नाङ्कला हतुप् तेरिक् सेन्बु मिजि तिबा सिसुङ्।
\v 4 तेमे ज्यामा सुम्बा दे; वाचेन्कि थू तिकि दाक्पि करा ज्युङ् ताङ् छ्यु क्याप् दासा तिबि खाका पुसुङ्, तेमे ति टाक्ला ग्युर्सुङ्।
\v 5 छ्युकि देवाचेन् कि थु तिकि साबु ङेकि कोसुङ्, “ख्योरुङ् दिक्पा मेतुप् हये, हादा हतुप्, दाङ् साङ् हतुप, तेमे चेङ्ङे मि हिन्, चिला सिसिन दि तेरिक् ताम तिबाला ख्यरेकि टिम् क्याबुसुङ्।
\v 6 चिला सिसिन तिबिकि रेत्पा किरुप् ताङ् लुङ्देन्बा तिबि टाक् ज्योङ् चिसुङ्, ख्यरेकि तिबाला टाक् थुङ्चिसुङ्, तिबाला दिनक् राङ् कि गोबु नक्।“
\v 7 ल्हा तिकि ताम् लकु ङेकि कोसुङ्, “हिन्, तेरिक् सिना छ्ये कन्ज्यक्, ख्यरे ठीम् हुतुङ् कि ताङ् दिक्पा मेतुप् हये”।
\v 8 ज्यार्लमा सिबा देवाचेन्कि थु तिकि दाक्पि करा ङिमि खाला पुसुङ्, तेमे तिला ति मि तिबाला मे थनिते रेसा सिनिते कुनक्।
\v 9 तिबा आला छेदि टो कि छिक्सुङ् तेमे तिबिकि ति दिक्पि खाला ङार हतुप् कन्ज्यक्ला मोसुङ्। तिबिकि सेम् ग्युर्वा माक्या तेमे खोला मोवा माक्या।
\p
\v 10 ज्यार्मा ङाबा देवाचेन् कि थु कि दक्पि करा ति पालाङ्कि ग्याल्काप्ला पुसुङ्, तेमे तिकि ग्याल्काप् नाक्तिङ्ङि कि ग्याल्सुङ्। तिबाला आला सुक्यानिते तिबोकि दाक्पि च्यालाक् मुर्सुङ्।
\v 11 तिबिकि दाक्पुला दुक्पा गाल्सिमा देःवाचेन्कि कन्ज्क्ला मोसुङ्, तेमे तारोङ्साङ् दाक्पि क्याबु यक् तिबा नेसुर सेम् ग्युर्वा किरुप्ला तिबा माङेन्।
\v 12 ज्यार्मा टुक्पा देःवाचेन्कि थु तिकि दाक्पि करा तेरिक् सिना बोबु ज्युङ् युफ्रेटिस् ला पुसुङ्। स्यार नेसुर लेपु ग्याल्बु तिबाला सिनिते लाम जब्ला ति ज्युङ् कि छ्यु काम्सुङ्।
\v 13 ङेकि रुल् गेर्पु, पालाङ् ताङ् जुनक्पा लुङ्देन्बा तिबि खेःनाङ्नेसुर बाल्बा दगे डुमा सुम् चेङ्ङे मेतुप् थु तिबा फिला थेदुप् ङेकि थोङ्सुङ्।
\v 14 चिला सिसिन् डे तिबि थु तिबा नक् तिबिकि याम्छेन् लाङ्दे यक् तिबा छ्या देन्गिनक्। तिबा तेरिक् जाम्बुलिङ् कि ग्याल्बु चाला गाल्निते कन्ज्यक् कि ङिमा गेर्पुकि छे ल्हाप् सिनि तिबाला छ्याजिक् काताङ् नक्।
\v 15 ल्होसा ङा कुन्ज्येन् दगेराङ् क्यानिते गिउ, ङि मालक्पा देतुप् थूच्ये, पेर्तुङ्बाराङ् फिला डो मोगोसित् सिनिनिते दाक्पि माज्या तिवा टेगे जप् तिबा, तिबिकि खप्रे ङछा लाङ्दे तुज्ये थोङ्मोगोसित्।“
\v 16 तिबिकि तिबाला दासा च्यिक्लाराङ् खसुङ् तिला हिब्रु ताम्ला आर-मागेडोड् सिउ।
\p
\v 17 तेमे दिन्बा देःवाचेन् कि थू तिकि दाक्पि करा लुङ्ङि खाला पुसुङ्। त्यासुर ग्याल्बि ठि ताङ् छ्योखाङ् नेसुर दुक् सिरुप् ताम् छार्बु ज्यिक् लेसुङ्, “सुन्सुङ्”।
\v 18 त्या चिलाम् तिबा क्यासुङ्, कारि ताङ् होरु छार्बु तिबा तानिते जिबालाङ्दे सइ गाल्सुङ् तिनक् बोवु ताङ् छार्बु सप तिबा जाम्बुलिङ्ला हादा साक् गालुप् म्यात्।
\v 19 ति ग्यासा बोबु ति बो सुम्ला टाल्सुङ्, तेमे मिरिक् तिबि ग्यासा नालक् गाल्सुङ्। तेमे कन्ज्यक् कि ति तेरिक् सिना छ्ये बेबिलोन् ति सेम्ला स्यार्सुङ्, तेमे दाक्पि ङ्यार्मक कि क्याङ्बा करा ति ग्यासाला बिन्सुङ्।
\v 20 रि तोवा तेरिक् तोर्निते गाल्सुङ्।
\v 21 नाम् नेसुर बोम्बोबु सेरि तोबा मि तिबि खाला लुम्बु स्युसुङ्। सेरि कि सुक्कि किसाला तिबिकि कन्ज्यक्ला मता ताप्सुङ्, चिला सिसिन् ति आलाराङ् जिबा लाङ्दे नक्।
\c 17
\cl लिउ १७
\p
\v 1 करा डुमा दिन खुरु मिरादिन्गि नाङ्ला मिरा च्यिगि ङे चाला लेम्नि सिक्यासुङ श्यक, ङा खिराङला क्ष्यि खाला देत्युप दुक्पा ङेदुप् श्याम्डेन्माला क्ष्या देन्ग्यु ।
\v 2 ति तानि जाम्लिङकि ग्याल्बु तिविकि श्याम्डेन क्याबु वे । जाम्बुलङकि मितिवा तिकि श्याम्डेन क्ष्याङकि ज्येप वे,"।
\p
\v 3 तितिङ्ला देवाच्येकि थुकि ङाला थुला खुर्नि खाङ दुप दासाला खुन गाल्सुङ, मोतुप तेरिकि मिनतिविकि केङ्गुप पालाङ मार्मु खाला देुतुप मिच्यिक् पुमपेजाला ङेकि थोङ्सुङ । ति पालाङकि दि डुमा दिन गोताङ डुमा दिन आर्क्यक नक ।
\v 4 ति पुमपेजाति ङोर्ताङ ताङ कार्मु टाक छ्यालुप् माज्या कोदुप् सेर, कुन्बुताङ मणिताङ मोति तिवा थनि ज्येज्ये क्याबु नक । मार्च्यक लाङ्दे ताम तिवाताङ श्याम्डेनकि, केङगुप् चिक सेरकि करा तिकि लाक्पाला जिम्नि नक ।
\v 5 बाबुचिक ताम्गि तेन्दक वतुप मिन तिकि टालाला टिबु नकः “जाम्बुलिङला वतुप फाक्चा लाङ्दे ताम्तिवा ताङ श्याम्डेनकि गेर्पु मामा ।"
\v 6 ति पुम पेजाकि मोवा किरुप् तिवाताङ येशुला सनि श्येप तिविकि ठाक थुनि जिनि वतप् ङेकि थोङिन । दजोला ङेकि तिला थोङ्सिमा ङाला आला याम्छेन च्युङसुङ ।
\p
\v 7 तजोला देवाच्येनकि थुकि ङाला सिक्यासुङ, “खोङ चिला जिवा किउइ? ङ ख्योङ्ला ति पुम पेजाला खुरु डुमा दिन गोताङ आर्क्याक वतुप् पालाङकि बावु तेन्दक सिउइ ।
\v 8 ख्यरे थोङगुप ति पालाङ जुजाङ नक, हिन्सिनाङ हादा जुजाङला मेत, हिनसिनाङ ति ङ्याल्वा नेसुर थेदु छालु वे । तजोला ति सिन्दुप् क्ष्यला डिउइ । जाम्लिङ्ला थारुप् तिवा सिकि मिन जाम्लिङ जोबु नेसुर मिजिकि थेप्ला टिबु मेत तिवा ति पालाङला थोङनि जिवा किउइ, चिला सिसिन ति जुजाङला नक हादा जुजाङला मेत, हिन्सिनाङ हुङ छालु वे ।
\v 9 दिकि ह्रिक्पा वतुप् सेम्ला कातोङगुइ । डुमा दिन गोति डुमा दिन गाङ्दक तिवा हिन तिकि खाला ति देतुप् वे ।
\v 10 तिवा मेरा दिन ग्याल्बुतिवा हिन । मेरा ङा ग्याल्बु तिवाति नागाल्नि सिदुप् वे, हिन्सिनाङ मिराचिक् हादा साक लेबु मेत । तजोला ति गिउइ हिन्सिनाङ काङ तुज्ये क्याजिक ति लुक्यु ।
\v 11 ति पालाङ जुजाङला नक, हिन्सिनाङ हादा जुजाङ्ला मेत ति दाक्पुराङ दाक्पुराङ ग्या ग्याल्बु हिन, ति मिरा दिन्गि नाङ्ला मिराचिक हिन, हिन्सिनाङ ति ना डोइ वे ।
\v 12 ख्यरेकि थोङ्गुप् डुमा दिन आर्क्यकति मिरा च्यु ग्याल्बु हिन, सिकिदि हादासाक ग्याल्खाप् ङेदु मेत, ति पालाङ तानि तिविकि च्यिक क्ष्युजि ग्यल्बितिराङ ओङ ङेक्यु ।
\v 13 दिकिदि चिक्पाराङ सेम मेत, दाक्पि ङारताङ ओङ्ज्येन ति पालाङला तेर्क्यु ।
\v 14 तिविकि लुगिकि काला माक्मि किउइ । चिला सिसिन ख्य चावा तिविकि चावा ताङ ग्याल्बु तिविकि ग्याल्बु हिन्दुपकि किसाला लुगिकि तिवाला ग्याल्ग्यु । ख्यो तानि वतुप तिवाति काताङ्गुप, दाम्बुप् ताङ मोवा वतुप तिवा हिन ।
\v 15 ति देवाच्येनकि थुकि ङाला सिक्यासुङ, “छ्यि खाला देनि वतुप् ति श्याम्डेन्माला ख्यरे थोङ्गुप वे, ति क्ष्यु मितिवा, जोबु मितिवा, मिरिक ताङ ताम तिवा हिन ।"
\v 16 ख्यरेकि थोङ्गुप् ति डुमा च्यु आर्क्यक ताङ ति पालाङकि ति श्याम्डेन्नमाला (घ्रिणा) किउइ । तोविकि तिला चिकराङ ताङ पेर्तुङ्बा जोनि सिन्दा किउइ, तिला तिविकि मे थनि तेरिक रेगुइ ।
\v 17 चिला सिसिन कन्ज्यककि सुङ मोख्योल्बु साक सेवा चिकराङ च्युङनि खिरेकि दाक्पि ओङ्ज्येन ति पालाङ्ला ग्याल्वा किजितु ख्योकि तेन्दक क्येलुप सिनि कन्ज्यककि दिनक सेम लुङ् बिन्दुप् हिन ।
\v 18 खिरेकि थोङ्गुप ति पुम पेजा जाम्लिङकि ग्याल्बु तिकि खाला ओङ किरुप गेल्मु हिन ।
\c 18
\cl लिउ – १८
\p
\v 1 दि तिबि तिङ्ला ङेकि देवाच्येनकि लेन् क्येलुप् थु ज्येन्ज्यिक् देवाच्येन् नेसुर मार पापिन् हतुप् थोङ्सुङ् । तिला ङार आला नक् तेमे खोकि सवाँ नेसुर जाम्बुलिङ् ठा दिङि गाल्सुङ् ।
\v 2 खोकि ङार क्षे हतुप् ओरु छार्बुकि दुक सिनि सिक्यासुङ् “ना गाल्सुङ्, बेबिलोन ना गाल्नि वे, ति ति डे नाक्पु तिबा, थु मेचेङा ताङ् च्याज्युङ् मेचेङाकी देसा दासा च्युङ्नि वे ।
\v 3 च्यिले सिसिन् मिरिग् तेरिकि तिकि श्याम्डेन् क्यिरुप् नासाम्कि क्षाङ् थुनि वे । जाम्बुलिङ्की ग्याल्बुतिबिकि तितानी लाका मेल्येबा क्यानि वे । तिकि किर्मु छोलुप् ङारकी मिजि क्योङ्दाङ्की जाम्बुलिङ्की छोङ् क्यिरुप् मितिबा आला क्षुक्पु गाल्नी वे ।
\p
\v 4 ति तिङ्ला ङेकि देवाच्येन्नेसुर दुक् सिरुप् ओरु छार्बु ज्यिक् कोसुङ् “ङे मि तिबा, तेसुर पाङ्ला थेन् स्यक्, तुक् क्यासिन् खिरेकि दिक्पा खुर मोगोउ तेमे खिरे खाङ् साङ् छेटाङ् खुर मोगोउ ।
\v 5 तिकि दिक्पातिबा बुङि गाल्नि देवाच्येन् सिनाङ् थेन्बु गाल्नी वे, तेमे कन्ज्यक्कि तिकि लाका दुक्टे तिबा नासाम् ताङ्नि वे ।
\p
\v 6 तिकि ज्येन्ला बिन्दुप् दगे राङ् क्याने तिला लङ्नि बिन् तेमे तिकि क्याबु दगे राङ् क्यानि तिला साङ् क्यानि बिन् । तिकि करा नाङ्ला खाङ् ओल्बे तिकि दुम्बा ङि हुङ्गुप् क्यानि तिला बिन् ।
\v 7 तिकि राङ्ला राङ् यार तेकुप् ताङ् किर्मु क्यानि मिजि क्याङ्गुप् दगे क्यानि राङ् तिला छेटाङ् ताङ् दुङाल बिन् । च्यिले सिसिन् तिकि राङ्गी सेम्ला ‘ङा याङ् ग्याल्मु दगे क्यानी देनि वे, ङा ति युसिम् मिन् तेमे ङेकि नाम् साङ् दुङाल थोङ् मोगोउ’ सिनि वे ।
\v 8 तिकि क्यिसाला, तिकि गोला ङिन् ज्यिङ्मा श्यिवा, दुङाल् ताङ् ल्हरेकि छेटाङ् खेल्ग्यित । तिला मे थनि ना तोङ्गित, च्यिलेसिसिन् चावा कन्ज्यक् ङार क्षे हतुप् वे तेमे खो राङ् ति कि ठिम् क्योङ्गुप् मि हिन् ।
\p
\v 9 जाम्बुलिङ्कि ग्याल्बु तिबिकि ति तानि श्याम्डेन् क्यासुङ् तेमे तिकि लाक्नेसुर पाङ्ला गाल्नी थेन्दुप् थुताक् थोङ्नी तितानि ङप् ताङ् दुङाल क्यिरुप् डित ।
\v 10 तिबिकि तिकि छेटाङ्कि ज्यिबाला थोङ्नी फो थारेला राङ् लानि दुक् सित “ति ग्यासा गेर्पु ति, ङार क्षे हतुप् बेबिलोन् ग्यासा! उकुर्ज्यिक्ला राङ् ख्यरे ठिम् गि ङिमा ति लेम्नि वे ।
\v 11 जाम्बुलिङ्की छोङ् क्यिरुप् मि तिबिकि तिकि कला ङित तेमे दुङाल् क्यित, च्यिले सिसिन् ति तुज्ये नेसुर सि साङ् तिकि सामा तिबा मोङ्योत ।
\v 12 सेर, ङुल, यु, मुतिक्, सोरा, टेमा स्यिम्बु खाप् स्यीङ्, लाक्पा थनि जोबु रुबाक्की सातिबा, स्यिङ् कुन्बु थनि जोबु सा, श्येल्, च्या, दोकामारु,
\v 13 सिङ्काउलि, मसला, साङ्, मुर्र, गुन्डुम् क्षाङ्, नुम्, फे स्यिपु, टा, क्षुङ्मा, लुक्, ता ताङ् ताखुर् तिबा, यक्पु ताङ् मिकि लातिबा ।
\v 14 ख्यरे ङार तेरिकि ख्यरे सेम्ला गालुप् डाल्बा ख्यरे तेसुर गाल्नि सिन्वे । ख्यरे किर्मु ताङ् गिज्यातिबा तेरिग् याल्नि वे तिबा ति याङ् लोङ् नाम् साङ् मेङ्येत ।
\v 15 सि सामातिबि छोङ् क्यिरुप् तिबिकि गिज्या जोनक्, तिबिकि तिला खेलुप् छेटाङ्की ज्यिबिकि फो थारे राङ् लानि देनि ङित तेमे ओरु छार्बु तेन्नि दुङाल् क्यित ।
\v 16 तिबिकि “तेर्मे ग्यासा गेर्पु, तिकि सोरा, रा मुक्पु ताङ् माज्या कोन्नि सेर, मुतिक् ताङ् गेन्ज्या कुन्बु तिबा तानि पामु जोसुङ् ।
\v 17 उकुर्ज्यिक्ला राङ् ख्यरे गिज्या तिबा ना गाल्नि वे“ सिनि सिक्यासुङ् । टु गेर्पु तेर्कि क्षेम्बु तिबा, टि नाङ्ला जेकुप् तिबा, टुला लाका क्यिरुप् तिबा ताङ् ग्याम्छोला लाका क्यिरुप् तिबा थारेला राङ् लानि देसुङ् ।
\v 18 ति छिकुप् थुताक् थोङ्नी तिबा ओरु तेन्सुङ् । तिबिकि “दि दगे ग्यासा गेर्पु च्येन्दि वे” सिनि सिक्यासुङ्।
\v 19 तिबिकि राङ्गी गोकि थाल्दुक् क्युर्नी ङुई दाङ् ओरु तेन्नी दुङाल् क्यानि सिक्यासुङ् “ग्यसा गेर्पु ति तेर्मे, ग्याम्छोला तिबि टु हतुप् तिबा तिकि गिज्या थनि क्षुक्पु गालुप् हिन् । च्यिले सिसिन् तिबा तेरिग् उकुर ज्यिक्ला राङ् ना ताङ्नी वे ।“
\p
\v 20 देवाच्येन्, तिकि खाला किर्मु क्यि, मोबा क्यिरुप् तिबा, लोमातिबा ताङ् लुङ्तेम्बा तिबा, खिरे कला कन्ज्यक्कि ठिम् दि तिकि खाला खनि वे ।“
\p
\v 21 ङार् क्षे हतुप् देवाच्येन्कि थु ज्यिकि लाकुर दगे दो ज्यिक् तेक्सुङ् तेमे दुक् सिनि ग्याम्छो नाङ्ला क्युर्सुङ् “दुक् क्यानि बेबिलोन्, ग्यासा गेर्पु ति ज्यिबा लाङ्दे क्यानि मार् क्युर्क्यित तेमे तिला नाम् साङ् मोथोङ्द ।
\v 22 बिणाकि ओरु, रल्माबा, लुमु फप् तिबा ताङ् ग्यालिङ् फप् तिबि दा ख्यरेकि नाम् साङ् मोकोत । लाक्श्येबा तिबा ख्यरे मेठेत । लाकुरकि ओरु ख्यरेकि नाम् साङ् मोकोत ।
\v 23 कोपिको ठा दिङि ख्यरेकि मोथोङ्द । नामा ताङ् माक्पिकि ओरु ख्यरेकि मोकोत, च्यिले सिसिन् ख्यरे छोङ्बेन् तिबा जाम्बुलिङ्की ग्याल्से तिबा हिन तेमे मिरिक् तिबा ख्यरे ङा ताङ् जुटुलथनि दाम्बुप् हिन् ।
\v 24 तिलाराङ् लुङ्तेम्बा तिबा ताङ् मोबा क्यिरुप् तिबिकि ठाक् ताङ् जाम्बुलिङ्ला सेतुप् तेरिग्कि ठाक् ङेतुप् हिन् ।“
\c 19
\cl लिउ १९
\p
\v 1 दि तेरिक् यक् तिबि तिङ्ला मि आला मि तिबा ताङ्, होरु छार्बुला दिक् साबु ङेकि कोसुङ्, “हाल्लेलुया, थार्वा, स्वा, ताङ् ङारा अरे कन्ज्यक् कि हिन्।
\q1
\v 2 खोकि ठीम् किताङ् ति हुतुङ् ताङ् ठिमला ख्योलुप् हये। चिला सिसिन् खोकि स्याम्डेन्मा साङ् ठिम् क्याबु हये, तिकि जाम्बुलिङ्ला खरे मेलेबा स्याम्डेन् कि नाताङ्ङु हये। खोकि दाक्पि यक्पु तिबि टा. गि कला ङ्यार्मा ग्युरुप हये, ति दि खोकि राङ् ज्याकुप् हये।
\v 3 तिबिकि याङ्लोङ्साङ्, “हल्लेलुया! त्यासुर् राङ् नाम्लाङ् तुताङ् थेन्ग्यु।“
\q1
\v 4 एल्डर खाल्जिक् ताङ् सि ताङ् सिच्चक् उ हतुप् मिजि तिबिकि खप्रेराङ् साला दोबु स्वा ताम्निते खाउ ग्याम्निते ग्याल्ठिला हतुप् कन्ज्यक्ला स्वा क्यानि स्वा पुल्सुङ्। तिबिकि “आमेन। हाल्लेलुया” सिताङ् नक्।
\v 5 तेमे ग्याल्ठि नेसुर दुक् सिरुप् होरु जिक् लेसुङ्, “खिराङ् तेरोक् खोकि यक्पु तिबा हिन् ति खो तानि जिबा किउ, अरे कन्ज्यक् ला स्वापुल।“
\v 6 तेमे मि आला कि होरु दगे क्यानिते, आला छ्यार्बा ताङ् नाम् कि होरु तिबिकि “हाल्लेलुया” साबु ङेकि कोसुङ् चिला सिसिन् अरे कन्ज्यक् तेरिक् सिना ङार हतुप् कि ग्याल्बु किउ।
\q1
\v 7 ओरुङ् किर्मु क्यानिते गा कितुप्, तेमे खोला स्वा वुल्गि चिला सिसिन् थुमा ककि जेन्दिला छ्याम्डेन् किरुप ङिमा लेपु हये, खोकि नामा तिबिकि दाक्पिला रिनिते टेगे क्याबु हये।“
\q1
\v 8 तिबाला माज्या ज्यापु तिबा कोदुला बिन्सुङ्, चिलासिसिन् ज्यापु माज्या ति खोकि चेङ्ङे मि तिबिकि दिक्पा हतुप् यक् तिबा हिन्।
\p
\v 9 देवाचेन् कि थु तिकि ङाला सासुङ्, “दि टिसा, थुमाकि जेन्दिकि डेन्ला का ताङ्ङु तिबा थुच्ये हतुप् हिन्” तिकि ङाला दिङ् सासुङ् ‘दि कन्ज्यक् कि हुतुङ्कि सुङ् हिन।‘
\v 10 खोला स्वा किरुप्ला ङा खोकि काङ्बि दङ्ला खाउ ग्यापिन्।, तेमे तिकि ङाला “दुक् माकि सिनिते सासुङ्, चिला सिसिन् ङा येशुकि कला हतुप् ताम् तिबा लापु ख्यरे नुक् ताङ् दाल्जा क्याजिक् हिन्। कन्ज्यक्ला स्वा बुल, चिला सिसिन् येशूकि कला च्युङ्ङुप् ताम् तिबा लुङ्तेम्बा कि थु हिन्।
\p
\v 11 तेमे ङेकि देवाचिन् पेदुब् थोङ्सुङ् तेमे ल्हासिन् ता कार्मु जिक् नक्। ति खाला जेकु तिला हुतुङ्कि ताङ् रेत्पा हतुप् सिनक्। खो कि ठीम् किदिमु लाङ् ठिम्ला देनिते माक् किउ।
\v 12 खोकि मिक् ति मे हुरुप् दगे ताङ् ताङ् खो कि गोला उस्या तिबा आला नक्।
\v 13 खोकि खाला टितिबु मिन् खोला सिना ज्यान् सुलाङ् छ्या मिदुक्। खो कि ठाक् कि टि बु माज्या कोनिते नक्, तेमे खोला कन्ज्यक् कि सुङ् सिनिते कातोङ्ङिनक्।
\v 14 माज्या ज्यापु तिबा कोनिते देवाचेन्कि माग्मा तिबा कार्मु ते खाला जेनिते खोला तिङ् ङ्यासुङ्।
\v 15 तेरिक् मिरिक् तिबाला ग्याकुला खरे खा नेसुर तरवाल नेन्बु जिक् थेन्सुङ्, तेमे खोकि ति बि खाला च्या ग्युक्पा थनि ग्याल्बु किउ। कन्ज्यक् कि गुडुम् चिर्सा तिला नेन्सुङ्।
\v 16 खोकि माज्या ताङ् दिपाला “ग्याल्बु तिबि ग्यालबु ताङ् चावा तिबि चावा” सिनि मिन् जिक् टिबु हये।
\p
\v 17 ङे कि देवाचेन् कि थू च्यिक् ङिमि खाला टाङ्ङि लानि हतुप् थोङ्सुङ्। तिकि नाम्ला फुरुन् हतुप् तेरिक् च्याजुङ्मा तिबाला काताङ्सुङ्, स्यक् तेरिक् कन्ज्यक् कि डेन्ला जोम्बा कि।
\v 18 तिबिकि ग्याल्बु तिवा, माग्मि छ्या तिबा, ङार हतुप। मि तिवा, ता तिबा, तेमे तिकि खाला ज्येबु तेमे तेरिक् मितिबा, यक्पु ताङ् जिदाक् ङिक्कार, को मेछेबु ताङ् ङार हतुप् तेरिक्कि दङ्ला सेउ।
\v 19 ङेकि पालाङ् ताङ् जाम्बुलिङ् कि ग्याल्बु तिबिला तिबि माग्मा लाति थोङ्सुङ्। तिवा ते खाला जेवु ताङ् खोकि माग्मा तिबा तानि माकुप्ला जोम्सुङ्।
\v 20 खोकि दङ्ला याम्चेन् कि याक् तिबा छ्यादेदुप् जुनक्पा लुङ्देन्बा तिबा तानिते तिला जिम्सुङ्। दि जे तिबा थनिते ति लुङ्देन्बा जुनक्पा ति कि ति पालाङ् कि जे ग्यापुप् ताङ् ति कि कुला स्वाबुलुप् तिवाला जुनक जोसुङ्। तिबिनाङ्ला मेरा ङिला ति बार्नि हतुप् मे छार्बु नाङ्ला क्युर्सुङ्।
\v 21 ति बि नाङ्नेसुर लुबु तिबाला ते खाला हतुप् तिकि खे नाङ्नेसुर थेदुब् तरवाल थनि सेसुङ्। ति स्याप् रो तिबाला तेरिक् च्याज्युङ्मा तिबिकि सोसुङ्।
\c 20
\cl लिउ २०
\p
\v 1 तजोला ङेकि देवाचेन नेसुर मालिम्ला पापिन, वतुप् थुला थोङिन्। ति तानि तिङ्मा ङ्याल्वाकि दिमो ताङ गेर्पु च्याताक् चिक् तिकि लाक्पाला नक्।
\v 2 तिकि डुग् छ्येचिक् जिम्सुङ्, तिदि दुक्टे ह्रेन्डि हिन्। तिकि तिला लो तङ्डाचिक् सिनि टासुङ्।
\v 3 तिकि तिला ङ्याल्वाला क्युर्नि उप्सिमा तिकि खाला ता ग्याप्सुङ। लो तङ्डाचिक् माख्योलु साक तिकि मु तुविकि मिरिक् तिवाला जुनाक ज्वप् मेङेसित् सिनि दुक क्याबु नक्। ति तिङ्ला तिला काङ तुज्येला सिनि ताङ तेर्क्यु।
\p
\v 4 तेमे ङेकि ग्याल्ठिक तिवा थोङिन्। तिकि खाला देतुप् तिला ठिम किरुप् ओङ बिन्दुप् नक्। ङेकि कन्ज्यककि सुङ ताङ येसुकि किदुक्ला सिनि गो तुबु थु तिवाला थोङिन् । तिविकि पपालाङ् ताङ कु तिवाला सँवा मातेक्, तिविकि दाक्पि टालाला मिन्सिन् लाक्पाला ज्ये ग्यागु माङेन्। तिवा सेन्बा लानि येसु तानि लो तङ्डा चिक् साक फङ्ज्येन क्यासुङ्
\v 5 ज्येन् लुबु श्येप् तिवा लो तङ्डा चिक् मासिन्बु साक् सेन्बु माला। दि तङि ग्युर्नि सेन्बु लाङ्गुप् हिन् ।
\v 6 तङि सेन्बु ग्युरुपला श्योरु तिवा सु हिन्सिनाङ चेङि ताङ तुज्यिकिहिन्। दिवि खाला ङिपा श्येप् कि चिन्दिङ ङार मेङुउइ। तिविकि कन्ज्यक ताङ चावाकि कोङ्यार तिवा च्युङ्नि खो तानि राङ ओङ्ज्येन् क्यासुङ।
\p
\v 7 तजोला लो तङ्डाचिक् सिन्ग्यु, तजोला डेला तिकि चोन्खाङ चेसुर् तोङु।
\v 8 जाम्बु लिङ्ला वतुप् तेरिक् मिरिक् तिवाला जुनाक् ज्वप् सिनि ति डे ति फिला डिउइ, गोग ताङ मागोगकि तिवाला माक् थापुप्ला तुच्यिक् खुङुउइ। तिवाति ग्याम्छोकि ङो मुथुबु पेप्श्यक दगे नक्।
\v 9 तिवा जाम्बुलिङ्कि नामु श्यिगार्ला गाल्नि मोवा कितुप् तिविकि खाङ्बि ठाटुला ताङ ङिङ्ज्येबु ग्यासा ला क्योर्सुङ। हिन्सिनाङ देवाचेन नेसुर मालिम्ला मे पाम्नि तिवा सिन्दाक्यासुङ।
\v 10 तिवाला जुनाक् ज्वप् ति दुक्टेला बारिन वतुप् मुसिकि ङ्याल्वाला क्युर्सुङ, त्ये रुक्ला पालाङ ताङ जुनाक ज्वप् लुङ्तेम्बा तिवा क्युरु नक्। तिविकि ङिन् नुप् नाम्लाङ् दुक्पा खुर्क्यु।
\p
\v 11 ति तिङ्ला ङेकि छ्ये गेर्पु कार्मु ग्याल्ठिकताङ तिकि खाला ग्याल्बु किरुप् ला थोङिन्। खो लेप्सिमा देवाचेन ताङ जाम्बुलिङ टोनि थारे गाल्सुङ्, हिन्सिनाङ नतिवाला त्ये ड्वप् चिन्दिङ दासा मिदुक्।
\v 12 ङेकि ङार वतुप् ताङ ङार मेतुप् श्येप् मि तिवा ग्याल्ठिक कि दङ्ला लानि वतुप् थोङिन् तेमे थेप तिवा पेतुप् नक्। ति थेप् तिवाला टिबु लाका दगे तिवि राङ श्येप् तिविकि ठिम् च्युङ्सुङ।
\v 13 ग्याम्छोला वतुप् श्येप् तिवाला तिकि ग्युर्नि बिन्सुङ। श्येप ताङ ङ्यालवाकि तिवा तानि वतुप् श्येप् तिवाला बिन्सुर, तिविकि क्याबु लाका दगेराङ श्येप् तिविकि ठिम च्युङङ्सुङ।
\v 14 श्यिवा ताङ ङ्याल्व तिला मे ङ्याल्वाला क्युर्सुङ। दि मे ङ्याल्वा ति ङिम्पा श्यिवा हिन्।
\v 15 मिजिकि थेप्ला सिदिङ मिन् टिबु माङेसिन् तिला मे ङ्याल्वाला क्युर्सुङ्।
\c 21
\cl लिउ २१
\p
\v 1 तेमे ङेकि साम्बा देवाचेन्ताङ साम्बा जाम्बुलिङ थोङिन्, चिलि सिसिन् तङि देवा चेन ताङ तङि जाम्बुलिङ सिनिङ गाल्सुङ, ग्याम्छोया वतुङ मिदुक्।
\v 2 तजोला कन्ज्यक नेसुर माक्पाला सिनि छ्याबु नामा जोराङ छ्यानि टेगे जोबु चेङि ग्यासा, साम्बा यरुसलेम देवाचेन नेसुर मालिम्ला पापिन् वतुप् ङेकि थोङिन्।
\v 3 ङेकि देवाचेन नेसुर् वोरु गेर्पुकि दुक सिक्याबु कोसुङ, “ल्होसा, कन्ज्यककि देतुप् दासा ति मि मिरिक तिवा तानि वे, तेमे खो तिवा तानि श्यासा देक्यु । तिवा खोकि मि तिवा चयुङुउइ, तेमे कन्ज्यक दाक्पुराङ् तिवा तानि हुङुउइ तेमे खो खिरे कन्ज्यक हुङुउइ ।
\v 4 खोकि तिवि मिगिकि मिक्च्युर तिवा पितेर्क्यु, त्ये चिन्दिङ श्यिवा मेङुउइ, सेम् दुक्पा, ङ्वप्, दुक्पा काङ मेङुउइ। तङि तिवा तेरिक सिनि गालु वे।
\p
\v 5 ग्याल्ठिक्ला ग्याल्बु किरुप् तिकि सिक्यासुङ, “ल्होसा, ङा तेरिक ताम तिवा साम्बा जेउइ।" खोकि सिक्यासुङ, “दि टिसा चिला सिसिन दि सुङ तिवा रेत्पा किरुप् ताङ हुतुङकि वे।"
\v 6 खोकि ङाला सिक्यासुङ, “दि ताम तिवा सिन्सुङ। ङाराङ तङ ताङ तिङ हिन्। सुला कम्बा लाङु ङा तिला तिजराङ मिजिकि छ्यी पुङ् नेसुर छ्यु थुङ जिक्यु।
\v 7 सिकि ग्याल्ग्यु, तिकि दि ताम तिवि खाला ओङ्ज्येन किउइ, तेमे ङा तिकि कन्ज्यक च्युङुउइ, तेमे ङा तिकि पुज्युङ च्युङुउइ।
\v 8 हिन्सिनाङ जिवा कितुप् तिवा, मोवा मेतुप् तिवा, कुला सँवा देकुप् तिवा ताङ जुनाक ज्वप् तिवाकि बो ति जिन्बाकि मेताङ मुसिकि ङ्याल्वाला हुङुउइ। तिदि ङिम्पा श्यिवा हिन्।"
\p
\v 9 तिङ्माकि दिन काबु तुज्येकि कराकि क्येङु देवाचेनकि थु तिवि नाङ्ने मिराचिक् थु ङे चाला लेम्नि सिक्यासुङ, “दे श्यक्। ङा ख्योङ्ला लुगि रिउकि नामा छ्या देन्ग्यु।"
\p
\v 10 तेमे तिकि ङाला थु नेसुर् खुर्नि गेर्पु गाङ चिक्ला खुर्नि कन्ज्यक नेसुर् माकिमला पापिन वतुप् चेङि ग्यासा यरुसलेम ङाला छ्या तेन्सुङ।
\v 11 यरुशलेमला कन्ज्यककि सँवा वतुप् नक्, तिकि टाक ति मुतिक् स्फटिक देकि दगे नक्।
\v 12 तिकि च्युप्ङि गो तानि गेर्पुचिक् क्योरुप् साम नक्, गोला मेरा च्युप्ङि देवाचेनकि थु तिवा नक्।
\v 13 श्यार्ला गो सुम्चक, च्याङ्ला गो सुम्चक, ल्होला गो सुम्चक ताङ नुप्ला गो सुम्चक नक।
\v 14 ग्यासाकि गारकि दि च्युप्ङि डाम्जि नक्, तिकि खाला लुइ रिउकि च्युप्ङि लोमा तिवि मिन नक्।
\p
\v 15 ङा तानि ताम किरुप् ति तानि ग्यासा ताङ तिकि गार तापु सिनि चिक सेरकि ग्युक्पा नक्।
\v 16 ति ग्यासा सुर श्यि नक्; तिकि रिङ्दुङ ताङ थिङ्दुङ च्यिक्पा नक्। ति सेर ग्युक्पा थनि ति ग्यासा ताप्सिन तिकि रिङ्दुङ् ति तङ्डा च्युप्ङि नक्।
\v 17 तिकि ति गारतिङ ताप्सुङ, मितिविकि ताप्सिन ति मिटर खाल्सुम ताङ ङा नक्।
\p
\v 18 गार ति कुन्बु दो ताङ ग्यासा ति चेङि सेरकि श्येल दगे जोबु नक्।
\v 19 गारकि तेरिक् डाम्जि तिवा दो तिवा थनि जोबु नक्। थाल्माकि दि दो कुन्बु, ङिपा ति मुतिक् ङोर्मु, सुम्पा ति (हरित) नक, श्यिपा ति (पन्ना) नक,
\v 20 ङापा (अनिक्) नक्, टुक्पा ति (लालमणि) नक्, दिन्पा ति (पितमणि) नक्, ग्येपा ति (बेरुजु) नक्, गुपा ति (पुष्पराज) नक्, च्युपा ति (लसुने रत्म) नक्। च्युताङ थाल्मा ति मुतिक ङोर्मु नक्, च्यु ताङ ङिपा ति (कटेला) नक्
\v 21 च्युप्ङि गो ति च्युप् ङि मुतिक् कि नक्। तेरिक गो मुतिक् नेसुर् जोबु नक्। ग्यासाकि लाम गेर्पु तिवा चेङि सेरकि नक्, श्येल् दगे सेङे थोङिनक्।
\p
\v 22 ङेकि ग्यासाला चिन्दिङ ल्हाखाङ माथोङ, चिला सिसिन तेरिक सिना गेर्पु कन्ज्यकताङ लुइ रिउ तिराङ दिकि ल्हाखाङ हिन्।
\v 23 ग्यासाला ठाछ्यालि ज्वप्ला चिन्दिङ ङिमा ताङ औला मोगोउइ। चिला सिसिन कन्ज्यककि सँवा तिराङ तिकि खाला टाक नक्, तिकि कोपि ति लुइ रिउ नक्।
\v 24 ति ग्यासाला आला मिरिक तिवा ठाछ्यालि नेसुर युगु।
\v 25 तिकि गो तिवा दुक्पाकि ङिमाला मेचेउइ, ते नाम मोरोउइ।
\v 26 आला मिरिक् तिविकि दाक्पि सेम्ला गा च्युङ्गुप् ताङ ताङ्देन् ति तिवि नाङ्ला खुन्गिउइ।
\v 27 चिन्दिङ मेचेङि ताम तिकि नाङ्ला नाम्लाङ श्युगु मेङेउइ, ना ङछा लाङ्दे ताङ जुनाक् नज्वप् लाका किरुप् तिवा त्ये ड्वप् ङेक्यु, लुइ रिउकि मिजिकि थेप्ला मिन् टिवु तिवा क्याजिक् त्ये श्युगु ङेक्यु।
\c 22
\cl लिउ २२
\p
\v 1 तितिङ्ला देवाचेनकि थुकि ङाला स्फटिक्स दगे थोङ्गुप् चेङि मिजिकि छ्यि ज्युङ छ्या तेन्सुङ। दि कन्ज्यक ताङ लुइ रिउ कि ग्याल्ठिक् नेसुर् ज्याङिन् नक्।
\v 2 दि ग्यासाकि पार्कि लामनेसुर् च्युङ्नि ज्यानि नक्। तेरिक ज्युङि चाला मिजिकि दोङ्बु नक्, ला च्युप्ङि राङ डेल्वा गारुप् ताङ दिकि राङसा राङसा लाला ला दाक्पि डेल्वा गोर्क्यु। दोङ्बि दामाक तिवा मिरिक तिवाला नेर्पा नेसुर टेगुप्ला सिनि हिन्।
\v 3 त्ये चिन्दिङ मता मेङु। कन्ज्यक ताङ लुइ रिउकि ग्याल्ठिक् ग्यासाला गिउइ, खोकि लाका किरुप् मि तिविकि खोकि लाका किउइ।
\v 4 तिविकि खोकि ङो थोङुउइ, खोकि मिन तिविकि टालाला गिउइ।
\v 5 त्ये नाम्लाङ नुप मेङुउइ, तिवाला ठाछ्यालिला सिनि नाम्लाङ कोपि मोगोउइ, ङिमि टग् गाङ मोगोउइ चिला सिसिन चावा कन्ज्यकराङ तिविकि टाक हिन। तिविकि नाम्ला ग्याल्बु किउइ।
\p
\v 6 देवाचेनकि थुकि ङाला सिक्यासुङ, “दि सुङ तिवा मोवा कितुप् ताङ हुतङ हिन्दुप् वे। लुङ्तेम्बा तिविकि थुकि चावा कन्ज्यक श्यारि काङ च्युङु हिन सिनि खोकि लाका किरुप् तिवाला छ्या देन्तुप् सिनि खोकि दाक्पि थु तिवाला ताङ्सुङ ।"
\v 7 “ल्होसा, ङा टिबुराङ हुङिन वे । दि थेपकि लुङ्देनकि सुङ सिकि ङेन्ग्यु, ति थुज्येकि हिन्।"
\p
\v 8 दि ताम तिवा कोतुप् ताङ थोङु ङा युहन्ना हिन्। तजोला ङेकि कोतिन् तेमे थोङिन्, तेमे देवाचेनकि थुकि ङाला दि ताम तिवा छ्या तेन्सुङ, ङा तिकि गमाला श्यावा किरुप सिनि थुकि काङ्बाला टिमुङ चुनि खौतङ्मा देतिन्।
\v 9 तिकि ङाला सिक्यासुङ, “तुक माकि। ख्यरे उज्यु नुक् लुङ्तेम्बा तिवा ताङ दि थेपकि सुङ ङेन्दुप् तिवि ङा छ्याजिक् लाका किरुप् दाल्जा क्याजिक् हिन्। कन्ज्यकला सँवा पुल।"
\v 10 तिकि ङाला सिक्यासुङ,” दि थेपकि लुङदेनकि सुङ तिवाला ता माग्याक्, चिला सिसिन तुज्ये चालाराङ वे ।
\v 11 सु दिक्पा वे तिकि नाम्लाङ दिक्पा किइ देसित् । सु लाका मेतुप् वे, तिकि लाका मेतुप् ताङ मार्च्याक किरुप लाका तिवा क्याजिक किसित् । सु दिक्पा मेतुप् वे तिकि दिक्पा मेतुप् लाका क्याजिक किसित् । सु चेङि वे, ति नाम्लाङ चेङिराङ हुङ्सित्।"
\p
\v 12 “ल्होसा, ङा टिबु राङ हुङिन् वे तेरिककि क्याबु लाकाकि छ्याक्तक ङा तानि वे ।
\v 13 अल्फा ताङ ओमेगा, तङ्ला ताङ तिङ्ला, थाल्मा ताङ तिङ्माला ङाराङ हिन्।
\v 14 दाक्पि माज्या टुतुप् तिवा तुज्येकि हिन् चिला सिसिन तिविकि मिजिकि दोङ्बु नेसुर् साप् ताङ गो तिवा नेसुर् ग्यासाला श्युगुप् ओङ ङे थुसित्।
\v 15 कितिवा, ङा ग्याकुप् तिवा, श्याम्डेनकि लाका किरुप तिवा, मि सेतुप् तिवा, कुला सँवा देकुप् तिवा, जुनाक ज्वप् तिवा ताङ ङिङ्ज्ये किरुप् सेम किरुप् तिवा तेरिक फिला हुङु।
\p
\v 16 ङा येसुकि ङे देवाचेनकि थु तिवाला जोमखाङतिविकि दि ताम तिवाला किदुगकि सिनि ताङु वे। ङा दाउदकि गिपा ताङ पुङ, टोप्कि टाक तेरुप् गार्ज्येन हिन।"
\p
\v 17 थुचेङि ताङ नामिकि सिउइ, “श्यक्" सिकि कोक्यु तिकि दुक सिसित्, श्यक्।" सुला कम्बा लाबु वे, तिला हुङ्चित्, सिकि दिकि नावा किउइ तिकि तिजराङ मिजिकि छ्यु थुङ्सित्।
\p
\v 18 दि थेपकि लुङ्देनकि सुङ ङेन्दुप् तिवा तेरिक्ला ङा जिवा कुज्यिक्यु। हुतुङ ज्येन्गि दिला चेक्सिन्, दि थेपला टिबु काबु तुज्ये तिवा कन्ज्यककि तिकि खाला चेनि तेर्क्यु।
\v 19 हुतुङ सिकि दि लुङ्देनकि सुङकि थेप नेसुर् काङ थेनक क्यासिन्, कन्ज्यककि दि थेपला टिबु मिजिकि दोङ्बु ताङ चेङि ग्यासा नेसुर् तिला फिला देन्ग्यु।
\p
\v 20 दि ताम्गि किदुक् तेरुप् सिकि सिउइ, “हिन, ङा टिबु राङ हुङिन् वे।" आमेन! श्यक, चावा येसु।
\p
\v 21 चावा येसुकि कार्टिन तेरिक तानि वसित् आमेन।