See in Reader
45 lines
11 KiB
Plaintext
45 lines
11 KiB
Plaintext
\id JUD
|
|
\ide UTF-8
|
|
\h यहूदाकि टिबा
|
|
\toc1 यहूदाकि टिबा
|
|
\toc2 यहूदाकि टिबा
|
|
\toc3 jud
|
|
\mt यहूदाकि टिबा
|
|
\c 1
|
|
\cl लिउ १
|
|
\p
|
|
\v 1 येशू कि यक् किरुप् मि ताङ् याकुबकि नुक् नेसुर, काताङ्बा तिबा ताङ् पापा कन्ज्यकला ङिङजेबु तेमे येशूला सिनिते ज्याकुप् तिबाला।
|
|
\v 2 काटिन्, किर्मु, ताङ् ङिङ्जेति खिराङ्ला सिनि आला हुङ्सित्।
|
|
\p
|
|
\v 3 ङिङ्जेबु तिबा, ओरे थार्वा कि कला ङेकि खिराङ्ला टिकुप् छोल्सिन्, मोवा किरुप् नाम्लाङ्ला सिनिते बिदुप् मोवाला सिनिते हुतुङ्राङ् दुक्पा किरुप्ला टो तेरुला ङे कि खिराङ्ला दि टिक्गोबु गालु वे।
|
|
\v 4 चिला सिसिन् लाला मि तिबा खिरे पार्ला स्युबु हये। दिबाति कन्ज्यक् तानि जिबा मिकिबु मितिबा हिन् तिबिकि कन्ज्यक् कि काटिन् ला स्याम्डेन् नासाम् क्यानि मेलेबा जेत, तेमे अरे दक्पु ज्यिग् क्याजिक् जिदाक् ताङ् चावा येशूला इन्कार किद।
|
|
\p
|
|
\v 5 खिरेकि दिला तेरिक् स्येनि हसानाङ्, ता खिराङ्ला ङा दि नासाम् तोङ् ज्यिक्यु, कन्ज्यक्कि मिस्र लुङ्बा नेसुर मि तिबाला थार्वा क्यासुङ्, तेमे तिङ्ला मोबा मिकिबु तिबाला खोकि नाताङ्सुङ्।
|
|
\v 6 दाक्पि ओङ्गी मिङ्ला तेङ्नि माज्याकुप् तेमे देदिमु दासाला ताङ् ज्याकुप् देवाच्येन्कि थु तिबाला कन्ज्यक्कि नाम्लाङ् मेक्षेबु च्याताक्ला ति ङिन् क्षेम्बुला ठिम् क्यिरुप्ला नाक्तोमा ज्याङ्नि ।
|
|
\v 7 दि नि सदोम तेमे गमोरा ताङ् ति ठाटुकि ग्यासा तिबा दगेराङ् हिन्, तिकि दाक्पुलाराङ् स्याम्डेन्ला स्युसुङ् तेमे तिबा ताक्तु मेङ्गुप् नासाम् तोङ्गु स्युसुङ्। नाम्लाङ् मिस्यिबु मे नाङ्ला स्युकुप् तिबा दगेराङ् गाल्निते छ्यार्सुङ।
|
|
\v 8 हिन्सिराङ् दिनक् राङ् क्यानि, दि मिलाम् थोङ्ङु तिबिकि साङ् दादाक्पि जुबुला मेचेङ् जेउ। तिबिकि दाक्पि ओङ् दि सेम्ला मालाङ्द, तेमे मोवा कि खाला मारे तोङ्ङु ताम् तिबा किउ।
|
|
\p
|
|
\v 9 तेमे थु क्षेम्बु मिखाएलकि साङ् डेतानि स्या ग्याकुप् ताङ् मोसाकि जुबुकि कला ति तानि स्या ग्याकिन् हतुप् ठला तिकि खाला लानि मारे तोन्गुप् नावा माक्या । ति छापुला तिकि “कन्ज्यक्कि ख्योरुङ्ला ओरु ग्याक्स्यित्” सिनि सिक्यासुङ् ।
|
|
\v 10 तेमे दि मि तिबिकि दाक्पि मास्येबु ताम्कि खाला लाङ्ङु। रेमे दिबिकि हाक्किबु लाम् तिबाति रिक्पा मेतुप् पालाङ् तिबिसाङ् जोल्बुक्यानि हाक्कोक्यु दि ताम् तिबिराङ् दिबाला सिदा क्याबु हिन्।
|
|
\p
|
|
\v 11 तिबाला तेर्मे, चिला सिसिन् तिबा कयिन कि लाम्ला गालुप् वे, तेमे दाक्पि खेप्साङ्ला सिनिते बालाम् कि ना ताङ्ङु यक्ला दाल्जा क्याबु हिन्। तिबा कोरह कि थामुला सिदुप् हये।
|
|
\v 12 खिरेकि ङिङ्ज्येकि डेन् तिबाला माथोङ्गुप् खादा तिबा दिबाराङ् हिन्। तिबाति दाक्पिला क्याज्यिक् सिनि ङछा माक्यबा क्यानि डेन् सेउ। तिबा छ्यु मेतुप् मुक्पा तिबा दगेराङ् हिन्, तिला लुङ्कि फुर्निते खुन्नि डिउ। तिबा गुन् थेदुप् सिना गमि डाल्बा मोगोरुप् दोङ्बु तिबा हिन्, तिबा खेप् ङि स्यिनि सिन्सुङ्, तेमे मारि तिबा तानिराङ् तालुप् हये।
|
|
\v 13 तिबा ग्याम्छो कि छ्यि बालाप् गेर्पु तिबा हिन्। तिकि दाक्पि ङछा मेदुप् कि बसक् देन्ग्यु। तिबा ति ल्हुम्बु कार्मा तिबा हिन्, तिबाला सिनितेन् नाम्लाङ् नाक्तिङ्ङि सानितेन् ज्याकुप् हये।
|
|
\p
|
|
\v 14 आदम नेसुर गिबा दिन् कि हनोक् कि तिबिकला दुक् सिक्बु वे “कन्ज्यक् खोकि तोङ्डा सिना आला चेङ्ङे मि तिबा तानि हुङ्ङिन् वे।
|
|
\v 15 खो तेरिक्ला ठिम् थोङ्ङुप्ला हुङ्ङिन् हये। कन्ज्यक् तानि जिबा मिकिबु तिबिकि कन्ज्क् मेता क्यानि क्याबु तेरिक् याक्, तेमे कन्ज्यक् तानि जिबा मिकिबु दुक्पा किरुप् मि तिबिकि खोकि खाला ताम् क्याबु छार्बु ताम् आतु जुबुला खो हुङ्ङिन् किउ।
|
|
\v 16 दिबा नो मिछिम्बु तिबा, मुताम् किरुप् तिबा हिन् दिबिकि दाक्पि नासाम् मेलेबाला तिङ् ङ्याकुप् तिबा हिन्। दिबा आला टादक् किरुप् तिबा हिन् तिकि दाक्पि ल्यामुला सिनिते ज्येन्गि नाम्ज्यक् फिउ।
|
|
\p
|
|
\v 17 हिन्सिराङ्, ङिङ्जेबु तिबा, खिरेकि अरे चावा येशू ख्रिष्टकि प्रेरित तिबिकि तङ्ला लापुप् सुङ् तिबाला नासाम् तोङ्।
|
|
\v 18 तिबिकि दिबाला दुक् सिक्यासुङ्, “तिङ्ङि ङिमाला मार्च्याक् किरुप् तिबा गित तिबिकि दाक्पि कन्ज्यक् कि नासाम् सिना राङ्सा नासाम् दा तिङ् ङ्याकुप्।”
|
|
\v 19 दिबा थामु लोङ्ङु तिबा हिन्। दिबाति जाम्बुलिङ् कि दि हिन् तेमे तिबा तानि थु चेङ्ङे मेत्।
|
|
\p
|
|
\v 20 हिन्सिराङ् ङे सेम्ला लागुप् तिबा, खिरेकि दाक्पुला तेरिसिना चेङ्ङे रेवाला जोसा, तेमे थु चेङ्ङे नेसुर मोवा कि।
|
|
\v 21 खिरेकि दाक्पुल कन्ज्यक् कि ङिङ्जेला ज्याक्, अरे चावा येशू ख्रिष्टकि काटिन्ला गुसा खोकि खिरे ते नाम्लाङ् मिस्यिबु मिजि खुङ्ङु।
|
|
\p
|
|
\v 22 हिदे मिदे सिनिते नासाम् किरुप् तिबाला ङिङ्जे कि।
|
|
\v 23 ज्येन् तिबाला मे नाङ्नेसुर थेनिते थार्वा किसा। जेन् तिबा तानि च्याङ्बु क्यानि ङिङ्जे कि। जुबु थनि मेचेङ्ङे गालुप् माज्यालाङ् क्युक्तो किसा।
|
|
\p
|
|
\v 24 ता खिराङ्ला ख्योर्मिजिबु ति ताङ् खोकि सवाकि तुज्येकि दङ्ला खाङ् टिप् माफकु आला गा किताङ् खिराङ्ला लाङ्थूपु जप् ति,
|
|
\v 25 अरुङ्ला थार्बा तेरुप् कन्ज्यक दक्पुज्यिग् कन्ज्यक्ला तेरिक् तुज्येसिना तङ्नेसुर, ताने ज्युनि तिङ्मा साक् अरे चावा येशूकि ख्रिट नेसुर मोवा, मिङ्, ओङ्जेन् ताङ् ङार च्युङ्नि तेसित्। आमेन।
|