xsr-x-shyarpa_reg/59-HEB.usfm

\id HEB
\ide UTF-8
\h हिब्रु
\toc1 हिब्रु
\toc2 हिब्रु
\toc3 heb
\mt हिब्रु
\c 1
\cl लिउ १
\p
\v 1 गेर सिना थाल्याला कन्ज्यक मि पार्ला लुङ् तेम्बा लापु मि तिबा तानि ताम क्या सुङ्।
\v 2 तेमे दि तुज्येला दि कन्ज्यक खरेकि पुज्युङ् नेसुर ताम किउ च्यिलासिसिन गेरिक कि ओङ्ज्येङ् बिदु ह्ये।
\v 3 ति राङ् कन्ज्यककि सोवा दाङ सिरु छालु ताम हिङ्। खरेकि ङार कि सुङ् नेसुर गेरिक जिम ज्यागु ह्ये। खरेकि तेपा सुद्धै क्यासिमा तेमे ग्याल खाप्ला गाल्नि देतु ह्ये।
\p
\v 4 खो थुकि मि तिबा सिने साङ बोबु गाल्नि ह्ये च्यिलासिसिन ति मि ङेदु ह्ये तेमे तिबि कि बिन्दु मिन सिना साङ् ल्येमु ह्ये।
\v 5 काङ थु मि तिबाला नाम लाङ् दुक साबु कोतु ह्ये। हारिङ ङा ख्योरे पापा हिङ् ख्योरुङ् ङे पुज्युङ् गालु ह्ये।
\p
\v 6 लोङ्राङ् कन्ज्यककि सिउ गेरिक सिना तङ्ला जाबुलिङ्ला खबु थु मि तिबिकि ङे सवा बुल्गोक्यु।
\p
\v 7 थु मितिबाला कन्ज्यक कि दुक सासुङ् खरेकि मे नाङ् नेसुर थेनि थु मितिबा थु जोसुङ्।
\p
\v 8 तेमे पुजुङ् तिला दुक सिनोक अरे कन्ज्यक ख्यरे कि बिन्दु कि दुक्पा ति राङ् तिङि कि ङिमा हिङ्।
\q
\v 9 ख्यरे कि दिक्पा हलुप तिला ङिङ्ज्ये किउ तेमे दिक्पा मेतु तिला खकचा किउ। तिकि किसाला ख्यरेकि ङिङ्ज्ये कन्ज्यककि ख्योरुङ्ला ओङ बिनि दाल्जा जोबु ह्ये।
\p
\v 10 तेमे चावा कन्ज्यक ख्यरेकि राङ गेरिक देवाच्येङ् दाङ् जाबुलिङ् जोबु हिङ्।
\q
\v 11 तिबा गेरिक नासा डिउ हिङ्सिनाङ् ख्यरे लाका ति गेरिक लुक्यु।
\q
\v 12 तिबा गेरिक कोन्दु माज्या दगेराङ् च्याम्ग्यु। ख्यरे कि तिबाला माज्या दगेराङ् पाटे कि तेमे माज्या दगेराङ् परिवर्तन डिउ। हिङ्सिनाङ् ख्यिरे मलाम तिबा नाम लाङ् मिस्यु।
\p
\v 13 तेमे चिन् थुला कन्ज्यककि दुक साबु ह्ये ङेकि येङ्बा लाक्पि खाला देत् नाम सागला ङा ख्यरे डेला ख्यरेकि ख्यरे काङ्बि हक्ला तिछे साक् मोजोइ।
\p
\v 14 काङ् गेरिक थु मि तिबा थार्वा ङेतु मिकि दाल्जा ताङु थु तिबा
\c 2
\cl लिउ २
\p
\v 1 तिकि किसाला अरे कि काङ् कोसुङ् तिला राङ् देगोक्यु तिला गेरिक सिना आला रिक्पा तोङ् गोक्यु फारछुर किरु मेङ्गु ।
\v 2 काङ् सिसिन थु मि तिबि क्याबु ताम ङेङ् सिङ् तेमे गेरिक गेरिक का ङेन्दु तिबा गेरिक कि क्षेत्पा ङेक्यु सिनि सासुङ्।
\v 3 ङिरेकि दिजो बोबु थार्वा तिला अरेकि माङेङ् सिनि तेमे ओरुङ् चुक क्यानि थार् थुक्यु तेमे दि थार्वा दि गेरिक सिना तङ्ला चावा नेसुर गोसाना क्याबु ह्ये।
\v 4 तिराङ् तुज्ये नेसुर कन्ज्यककि पात्ते मालाङ्गु लाका ङार्मा लाका तेमे दाक्पि सेम क्याबु कि मि तिबाला थु चेङ्गि ङथेत्पा तिबा बिन्सुङ्।
\p
\v 5 अरे कि ताम किइ हतु जाम्बुलिङ्ला कन्ज्यककि तेमे देवाच्येङ्ला थु तिबि ओङ्ज्येला ज्यागु मेत्।
\v 6 तिकि साटो ला लालि कि दुक् साबु ह्ये मि खाङ् हिङ् तिकि साङ् मिकि पुज्युङ् खाङ हिङ् तिला येङ्बा मेतेरु।
\q
\v 7 ख्यरेकि मि तिबाला देवा च्येङ्कि थु सिना च्येङ्गि मिला टिक्पे जोबु ह्ये ख्यरेकि तिला ताङ्देङ सवा उस्या कोनि बिदु ह्ये काङ् ङिङ्बा क्यिताङ् लाक्पा गालु ह्ये। ख्यरेकि तिला ख्यरे लाक्पि लाका तिबि खाला क्यागु ह्ये।
\q
\v 8 ख्यरेकि काङ् गेरिक ताम कन्ज्यककि ओङ्ज्येन ला ज्यागु ह्ये, च्यिलासिसिन कन्ज्यककि गेरिक ताम मिकि ओङ्ला ज्याङ्नि बिन्सुङ्। कन्ज्यककि गेरिक ला मिकि ओङ्ज्येन सिना फिला ज्याक्सुङ् तेमे हारिङ् लासिन चिन दिङ् मिकि ओङ्ला हतु दगे मोथोङु
\v 9 ख्यरेकि थिर्मे तुज्येला सिनि देवाच्येन थुसिना च्येजिक जोबु अरेकि थोङ्गुप् मेत । ख्यो येसु हिन । चिला सिसिन ख्योकि दुक्पाताङ श्येपकि किसाला येशु ख्रिष्टला सोवा ताङ सपवाकि उस्या कोन्ग्यु ।
\p
\v 10 आला पुज्युङ तिवा सोवाला खुङसिन ख्योकि दुक्पा नेसुर तिविकि थार्वाला क्योलुप् सिनि ख्यो चिक उगुवा च्युङु हिन ।
\v 11 चिला सिसिन च्याक तेरुप् ताङ च्याक बुन्दुप् तिवा ङिकार दासा चिक नेसुर राङ गिउइ । तिकि किसाला ख्यो तिवाला नुक सिनि कातोङुला ङछा मिकिउइ
\v 12 ख्यो सिउइ, “ङा ख्यिकि मिन ङे उज्यु नुक तिवाला श्येक्युः ङ जोम्बुप् मि तिविकि पार्नेसुर ख्योकि लु लाङ्गुइ ।
\p
\v 13 लोङ्या ङा ख्योङ्ला रेत्पा किउइ । लोङ्या दे ङाताङ ङे पुज्यङ पुमतिवा तिला कन्ज्यककि ङाला बिन्दुप् वे ।
\p
\v 14 तकि किसाला, तङ्लाराङ कन्ज्यककि पुज्युङ पुम तिवा श्याताङ ठागि कि बोचिक वतुपकि किसाला येसुसाङ तिराङ काच्येतिवा तिवा तानि गोसुङ । तिकि किसाला, येसुकि शेत्पा ज्येनि शेत्पाकि ङार वतुपला मिन्सिन शैतानला ना ताङ्सुङ ।
\v 15 सेत्पाकि जिवा नेसुर ताङ नाम्लाङ शैतानकि यक्पु च्युङ्नि थार्वु तिवाला पिताङ तेरुप सिनि ख्योकि दुक क्यासुङ ।
\v 16 चिला सिसिन हुतुङला सिसिन ख्योकि देवाच्येनकि थुतिवाला यातेर मिकिउइ तिसिना ख्योकि यातेर किरुप् ति अब्राहामकि गिपा हिन ।
\v 17 तिकि किसाला ख्योकि नुक तिवा दगेराङ च्युङु ख्योला गोबु नक । तिकि किसाला, ख्यो कन्ज्यककि ताम तिवाला च्याम्बा ताङ मोवा दिमु च्युङ्नि कन्ज्यककि बोबु क्षोने च्युङ्सुङ । तिकि किसाला, ख्योकि तेरिक नितिविकि दिक्पा ताङतङ खुङथुक्यु ।
\v 18 चिला लसिसिन येसु दाक्पिकिराङ दुक्पा खुर्सुङ, खक्पा ल्हापला श्योर्सुङ; ख्योकि खक्पा ल्हापला श्योरु तिवा दाल्जा कि थुक्यु ।
\c 3
\cl लिउ ३
\p
\v 1 तिकि किसाला, चेङ्ङे नुक् तिबा, खिराङ् देवाचेन्कि काताङ्बाला डाडा जबप्ला काताङ्ङु अरे छ्योने गेर्पु, प्रेरित ताङ् येशू ख्रिष्ट ला नासाम् तोङ्।
\v 2 सि कि खोला जोसुङ्, खो कन्ज्यक् कि कला मोवा कि दिमुनक्। तुक्राङ् क्यानि मोसाङ् कन्ज्यक् कि खाङ्बाका मोवा कि. दिमु नक्।
\v 3 कन्ज्यक् कि मोशाला सिना आला गेर्पु मोवा बिन्नक्। चिला सिसिन्, खाङ् बा ति सिना खाङ्बा जप् ति छ्ये हिन्।
\v 4 खाङ्बा तिबा तेरिक् सिकि हिन्सिराङ् जोबु गिउ। हिन्सिराङ् तिला गोबु तेरिक् सामा तिबा ति जन्ज्क् कि जोबु हिन्।
\v 5 छ्याजिक्ला, मोशा कन्ज्याक् कि तेरिक् खाङ्बा तिबाला रेत्पा कि दिमु यक्पु दगे तिङ्ङि ङिमाला ल्हापु हपुप ताम् दगे नक्।
\v 6 हिन्सिराङ् कन्ज्यक् कि खाङ्बि याक् ल्हासुङ्। अरेकि तेरिक् रेत्पा तानि खोला जिम्सिन्, ओरुङ् गा दिङ् कि सि थुक्यु, ओरुङ् खोकि खाङ्बिति हिन्।
\p
\v 7 तिकि किसाला, थु चेङ्ङे कि साबु दगेराङ्, “हारिङ् ख्यरेकि, खोकि होरु कोसुन,
\v 8 खाङ् मेतुप् दासाला खक्पा ल्हाप तुजेला तिकि खाला लाबु दगे खिरे सेम खिरे सेम् मेतुप मि दगे सेम् ग्योङ्बु माजो।
\v 9 लो खाल्ङि साक् ङे क्याबु याक तिबिकि थोङ्सुङ् हिन्सिराङ् ख्यरे पुर्खा पागाबा तिबिकि ङे खाला लानि खक्पा ल्हासुङ्।
\p
\v 10 तिकि किसाला ङाला ति गिपा तानि दुक्पा लासुङ्। ङे कि साबिन्, ‘खिराङ् नाम्लाङ् दाक्पि सेम् तानि टो निते गालुप् हये। तेमे तिबाला ङे लाम् राङ् छ्या मेत्।‘
\p
\v 11 ङेर्मि तु ला ङेकि ना. क्यालिन्; खिराङ् नाम्साङ् ङे रेत्पाला स्युकु मेङेउ।“
\p
\v 12 नुक् तिबा च्याङ्बु क्यानि देत्। तेमे खिरे नाङ्ला सुङ् खनाक्पा ताङ् मोवा मेतुप् मुच्युङ्सित्, ति सेम् तिकि थर्वा कन्ज्यक् नेसुर टाल्निते थारे दानि मोडोसुत्।
\v 13 ति सिना, नाम्साक्, ‘हारिङ् ङिमा’ सुरु ताम् हये, ङिमि टाङ् च्यिगि ज्यार्माला सेम्सो कि। तिकि किसाला, खिराङ्, जुनक क्यानि दिक्पा खूर्नि सेम् सेम् राबु मोजोसित्।
\v 14 अरेकि थालमा नेसुरराङ् खो तानिते ज्याकुप अरे मोवाला रेत्पा क्यानि राबु क्यानिते ओरुङ् ज्याक्सुन्, ख्रिष्ट तानि ओरुङ्ला डाडा हये।
\v 15 तिकि कला, “हारिङ् खिरेकि खोकि होरु कोसिन् थामु क्याबु दगेराङ् क्यानि खिरे सेम् क्योङ्बु माजो।
\p
\v 16 ति सु हिन कन्ज्यक कि होरु कोनिते खोला खा क्यासुङ्? खाङ् तिबा तेरिक् मोशाकि मिस्र लुङ्बा नेसुर तेनि खबु तिबा मिन्?
\v 17 ति तानि खो ल्हो खाल्जिक् साक् ङेर्मा क्याबु मिन्? खाङ्ति दिक्पा किरुप् तिबा तानि ति तानि स्याब् रो तिबा खाङ् मेतुप् दासाल थोर्रु मिन्?
\v 18 तिबा खोकि ङा साप् ङिमाला स्युक् मुथुबु सिनिते सु तानि खोकि का क्यालु हिन्, खाङ् तिबा खोकि का ङेदुप् तिबा मिन्?
\v 19 रेवातुकि कि माथुबुकि किसालाराङ् तिबा खोकि रेवाला स्युक् माथूबु ङिरेकि थोङिनक्।
\c 4
\cl लिउ ४
\p
\v 1 ओरुङ आला च्याङसे क्या देता ओरुङ आला सुङ कन्ज्यककि ङा सप छे ना होसिङ ङाङ ङा सप मेबा ग्येगुप मोडोसित ।
\v 2 च्यिलासिसिन तिबाला दगेराङ ङिराङला साङ लेन लेमु साबु हिन । कोतु छिक क्यि सुङलाङ खेप्साङ मागाल ति लेन कोतु तिबा मोबा माक्याबु राङ सहभागि गाल्नि खिराङला खेप्साङ मागाल ।
\v 3 च्यिलासिसिन ङिराङ तिला मोबा क्याबु हिन ति ङा सप ङिमाला ङिराङ क्युंगु, दुक्यानि तिकि सासुङ, ‘’ङेकि ङाला ङ्येर्मा लाबुला ना सोबिन् तिबा नाम्लाङ ङे ङा सप ङिमा मुस्युगु । तिकि सिक्यासुङ जम्बुलिङलाकि सुरुला राङ तिकि जोताङकि लाका खोला गालु नक ।
\v 4 च्यिलासिसिन ङिमा दिन ला तिकि काङ साबु हये ।‘’ कन्ज्यककि ङिमा दिनला दाक्पि तेरि लाका सिन्नि ङा सोसुङ ।‘’
\p
\v 5 लोङ तिकि सासुङ, किराङ नाम्लाङ ङे ङा सप छे नाम्लाङ मुस्युगु ।
\p
\v 6 तिकि ङा सप छे तरुङ साङ स्युगु तुजेराङ ह्ये; तेमे आला एस्राएलि तिबिकि लेनलेमु कोसुङ तेमे तिबिकि का माङेन्बु किसाला दि ङा सप छ्ये सुङ मास्यु ।
\v 7 ‘’आरिङ सानि कन्ज्यककि लोङ दक्पुजिक निश्चित ङिमा जोनि ह्ये । आला दिनला ति दाउद तानि ताम क्यासुङ, ति तङनेसुर राङ जोबु नक, ‘’हारिङ किराङ तानि तिकि होरला किसिन, खिरे सेम क्योङबु माजो ।‘’
\p
\v 8 च्यिलासिसिन यहोशुकि तिबाला ङा सप ङिमाला बिनु हिनसिन् कन्ज्यककि राङसा ङीमाला बातेर मिक्यु ।
\v 9 कन्ज्यकक मितिबि चाला ङासप ङिमा हुङु ति तरुङ बाकि राङ ह्ये ।
\v 10 च्यिलासिसिन कन्ज्यककि ङा सपला स्युगु, ति दाक्पुराङ दाक्पि लाका नेबा ङा सोक्यु ।
\p
\v 11 तुकराङ क्यानि ङिराङ ति ङा सपला स्युगु छोल, तेमे सुङ ति का मिक्यिबु नाङला मोख्योल्सित तेसुर तिबा स्युसुङ ।
\v 12 च्यिलासिसिन कन्ज्यककि सुङ सेन्बु ताङ लाका किरु तेमे छ्या ङि हतु तरवार सिना क्ष्येतुप ह्ये तिकि थु ऊ ताङ काङला राङसा ज्यगु तेमे ति सेमगि नासाम ल्याहा थुप्कित ।
\v 13 तङि काङ ताम कन्ज्यककि मिकला नेबा यिबु मेत । तेमे येशु गमाला तेरि ताम तिबा सेङि ह्ये तिला ओरुकि लेखा तेर्ग्योक्यु ।
\p
\v 14 ङिराङ तानि ग्येर्पु क्षोने ह्ये ति दे; वाच्येन नेबा गालु हिन । ति कन्ज्यककि पुज्युङ येशा हिन । ङिरे दाक्पि मास्येबु तिबा ओरुङला सेमसो तेरु मुतुपु दक्पुजिक क्षोने ग्येर्पु मेत । तिकि सट्टाला ङिराङ तानि दक्पिजिक ह्ये ।
\v 15 ति ओरुङ दगे राङ खक्पा ल्हापला गाल्नि गालुसुङ, लोङराङ येशु दिक्पा मेतुप् ह्ये ।
\v 16 तेमे ओरुङ कन्ज्यककि काटिनकि ग्याल्ठिकला सेम दरो क्यानि ग्युक, तेमे मेतु तुजेला ओरुङ आटिन ङ्ये थक्यु
\c 5
\cl लिउ ५
\p
\v 1 च्यिलासिसिन तेरि क्षोङ ग्येर्पु तिबि पार्ने क्याला राङ लेमु हिन । कन्ज्यककि थोकतिबि लोला लाका किरु मितिबिकि छापुला तिला ज्यितु हिन ।
\v 2 तेसुर तिकि दिक्पा किसाला ज्येङबा ताङ ङेयत्पा ङिर मेतुप तानि खा ज्यापु क्यानि लाका क्यि ।
\v 3 तिकि किसाला तेसुर तिकि मिकि दिकि नेसुर ज्येङबा दगे तुक्राङ क्यानि तिला दाक्पि दिक्पा कि लोला ज्येङबा दिक्पा नेसुर तिला साङ दिक्पा दाक्पि किसाला ज्येङ बा तेरु क्याबु नक ।
\v 4 सुङ मिकि दाक्पि दाक्पराङ दाङदेन दगेरङ कन्ज्यककि तिलाङ काताङु ह्ये ।
\v 5 तुक्राङ क्यानि चावाला क्षोङे ग्येर्पु जोबु किसाला न त तिकि दाक्पुला राङ तेगु हिन । बरु ति तानि ताम किरुकि सासुङ, ‘’ख्यो ङे पुज्युङ; अआङ ङआ क्ञओ पापा गालु हिन ।‘’
\p
\v 6 राङसा दासाला साङ तिकि साबु ह्ये। ख्योरुङ नाम्लाङकि मल्किसेदेककि दर्जा दगेराङ ग्येर्पु हिन ।
\p
\v 7 येशु जुबुला हुङ्गु तुजेला तिला स्येपनेबा ह्रकुब कन्ज्यक तानि येशु कि बोबु होर्ला दुङाल ताङ मिक्चयुर तानि मोवा तेमे निवेदन क्यासुङ । येशुकि दाङदेन किसाला तिकि गोसुङ ।
\v 8 येशु दक्पुजिक पुज्युङ गाल्नि साङ दाक्पि खूरु दुक्पा ति काकिरु लाप्सुङ ।
\v 9 ङेबा मेतु जोसिमा येशला का हुङु तेरिला येशु नाम्लाङ कि थावा गाल्साङ ।
\v 10 मल्किसेदेक दगेराङ क्षोङे ग्येर्पु हुङुला कन्ज्यककि नियुत्त क्यासुङ । ङिराङ तानि येशुकि लाला सिरु आला ताम ह्ये ।
\p
\v 11 तेमे ख्यिराङ गोदु दिक्पि गालु नक, तेमे व्याख्या किरु काबु गाल्सुङ ।
\v 12 च्यिलासिसिन दि तुजेला नि ख्यिराङ लबेन हुङगोबुति, तेमे ख्यिराङ का लोङ सिसाङ कन्ज्यककि सुङकि तेम्बा ङ्याबु लोप गोकिवि । ख्यिराङ ला साब क्योङ मिङ, हमा सेङ गोकिवि नक ।
\v 13 च्यिलासिसिन हमा क्या थुनि सुङसाङ दिक्पा मेतुपकि सुङ तानि छोर मुतु ।
\v 14 तेमे सेन क्योङबु ति खामु तिबि ति च्यिलासिसिन तिबा ति खामु बुजाकि डलामकि तिबाति डेनेबा लेमु टाल्नि ज्याक थुपु
\c 6
\cl लिउ ६
\p
\v 1 तिकि किसाला, थल्माला लापु ख्रिष्ट कि छिक् तिबाला ताङ्निते ओरुङ् खामु डप्ला याक् कि। कन्ज्यक् ला मोवा ताङ् स्याप् याक् तिबानेसुर सेम् ग्युर्वा किरुप् कि डाम्जि ग्याकुप् याक ओरुङ् याङ्लोङ् मिकि
\v 2 तेमे बप्तिस्मा कि कला यान्देन डाम्जि, लाक्पा ज्याकुप् याक्, स्याप् मि तिबाला सेन्बु लोङुप् याक्, तेमे नाम्लाङ् च्युङ्ङु क्यानिते ठिम् कि डाम्जि ग्याकि।
\v 3 कन्ज्क् कि किसा सासिन् ओरुङ् तिवा तेरिक् किउ।
\v 4 चिला सिसिन्, खेप् च्यिक् कन्ज्यक् कि टाक् ङेनिते देवाचेन् कि ङेत्पा ङेनिते ल्हाबु तुला, थु चेङ्ङे ला हतुप् तिला, तिबि काला नाम्लाङ् च्युङ् मुथुबु यक् हिन्।
\v 5 तेमे कन्ज्यक् कि सुङ् ल्यामु ताङ् हुङ्ङिन् किरुप् युक् कि ङार चाखे क्यान्। तिबि कला दि नाम्लाङ् म्याङ्ङु ताम् हिन।
\v 6 तेमे लुम्नि गालुप् तिबाला याङ्लोङ् सेम् ग्युरबाला खुङ् मुथुपु। चिला सिसिन तिबिकि दाक्पि दिक्पि कला याङ्लोङ् कन्ज्यक् कि पुज्युङ्ला ग्याङ्सिङ्ला क्योङ् ज्यिक्यु, तेमे खोला तेरिक्कि दङ्ला ङछा लाङ्दे जेउ।
\v 7 चिला सिसिन् सास्यि खाला ग्यापु छ्यार्बा दि ति सास्यि कि लाङ्ङु तेमे याक् किरुप् मि तिबाला सिनिते सास्यि खाला चाबा गोर्क्यु। ति सास्यिकि कन्जयक् नेसुर मलाम् ङेक्यु।
\v 8 तेमे तिकि खाला चाङ् तिबा क्याज्यिक् गार्सिन् ति कोमेछेउ ति माता चाला ख्योल्ग्यु, तेमे त्यासुर तिला रेनिते क्युर्क्यु।
\p
\v 9 ङिरेकि दुक्यानिते, ताम् क्यासिराङ्, खिरे क्याबु ल्यामु लाका तिबिकि किसाला सेम् ल्यामु जोनिते हये। तेमे ति ताम् थार्वा कि कला हिन।
\v 10 चिला सिसिन खिरेकि खोकि मिन् कि कला छ्यातेदुप् यक ताङ् च्याम्बाला ज्येतुप् कन्ज्क दिक्पा म्यातुप् हिन। चिला सिसिन् खिरेकि मोवा किरुप तिवाला सिनि यक् क्याबु हये तेमे हारोङ् साङ् तिबि यक् किताङ् हये।
\v 11 तेमे ङिराङ् आला सेम् किउ, खिराङ् तेरिक्कि दाक्पि मोवाकि कला तिराङ् तेरिक् रेत्पा बिन्।
\v 12 तिकि किसा, खिराङ् छ्यारा माकि, तेमे मोवा ताङ् गुतेर नेसुर ठिम कि दाक्पु किरुप तिबा दगे कि।
\p
\v 13 चिला सिसिन्, कन्ज्यक् कि अब्राहाम ला दाक्पि ना. क्योलुप् तुज्येला खो सिना छ्ये सुङ् मेता खरेराङ् ना क्याल्सुङ्।
\v 14 हुतुङ्राङ् ङा ख्योरुङ्ला मालाम् तेरक्यु, तेमे ख्योरुङ्ला आला जेउ” सासुङ्।
\v 15 तेमे तेर्क्यु साबु ताम् ङेसुङ्।
\v 16 चिला सिसिन ज्यान् मितिबिकि दाक्पु सिना छ्यानेसुर ना केल्ग्यु, तेमे ना. तिकि तिङ्ला तिबाला तिबि खादाप्ला रिकु।
\v 17 कन्ज्यक् कि दाक्पि ताम पोबु किताङ् ति सेङ्ङे क्यानिते छ्या देदुप्ला खिकि ना राङ् क्याल्सुङ्।
\v 18 तिकि किसाला, दि पोमुतुपु ताम् ङि नेसुर खोकि दुक् क्यासुङ् ति नेसुर कन्ज्यकला जुनक् किरुप मुथूपु। ओरुङ्, ज्यान्ला रेतुप्ला डप्तिबा, अरे दङ्ला ज्याङ्नि विदुप् हुतुङ् साबु द्यानि जिबुप् ला आला सम्सो थुसित्।
\v 19 ओरुङ् तानि अरे थु ल्यामु दासा ताङ् रेत्पा कि थूपु दासाला तिम्बुप् हये, तिनक् रेत्पा ति गोथाल कि नाङ्लाङ् स्युक् थुक्यु।
\v 20 मल्किसेदक कि दासा दगे खो नाम्लाङ् कि छ्योने गेर्पु हिदुप् कि किसाला अरे गमु थु हिदाला येशु ओरुङ् सिना तङ्ला ति दासाला गाल्नि देतुप् हये।
\c 7
\cl लिउ ७
\p
\v 1 दिराङ मल्किसेदेक शालेमकि ग्यल्बु, तेरिकसिना तेङगि कन्ज्यककि क्षोने नक। अब्राहाम माक्नि ग्याल्नि ग्युरिन वतुप तुज्येला मल्किसेदेककि तिला ठेनि मलाम विन्सुङ ।
\v 2 अब्राहामकि मल्किसेदेकला तेरिक काच्येकि दशांश बिन्सुङ । मल्किसेदेक मिनकि तेन्दक हिन, “दिक्पा मेदुपकि ग्याल्बु ।" तिकि राङ्सा कामा “शालेमकि ग्याल्बु हिन ।"
\v 3 ख्यो पापा मेदुप्, मामा मेदुप्, पागावा मेदुप्, मिजिकि तङताङ तिङ मेदुप् मि हिन । तिसिनि, ख्यो कन्यककि पुज्युङ दगेराङ नाम्लाङकि क्षोने हुङुइ ।
\p
\v 4 ल्होसा दि चिनक क्षेबु मि नक । अरे पागावा अब्राहामकि तिला माक्ला ग्याल्नि खबु तेरिक काच्येकि दशांस बिन्सुङ ।
\v 5 क्ष्याजिक्ला, लेबिकि पुज्युङतिवा कोङ्यार दासा ङेदु वे, तुवाला मितिवा मिन्सिन दाक्पि नुकतिवा नेसुर दशांस लाङ्गुप् का बिन्दुप् वे, हिन्सिनाङ तिवाङ अब्राहामकि गिपानेसुरराङ लेबु हिन ।
\v 6 हिन्सिनाङ राङ्सा क्ष्यला, मल्किसेदेक सिकिदि गिपा नेसुर सुङ मिदुक, सिकि अब्राहामनेसुर तेरिक दशांस ङेसुङ, तिकि सुला का क्यालुप् नक तिला मलाम बिन्सुङ ।
\v 7 मि क्ष्येकि बिन्दुप् मलामला टिक्पे मिकि मालाङगु सिनि सिरु खाङ किसाङ मेत् ।
\v 8 दि तुज्येला श्येप मिकि दशांस लाङ्गु सिसिन, राङ्सा क्ष्यला तिकि मिङाला ति शेन्बा देक्यु सिनि दिकि क्ष्य देन्ग्यु ।
\v 9 दिकि मिङाला सिसिन, अब्रहाम नेसुर दशांस ङेदुप् लेबिकिसाङ दशांस विन्सुङ ।
\v 10 चिला सिसिन माल्किसेदेककि अब्राहामला ठेसिन लेबिकि दाक्पि पागावाकि अङ्बुला नक ।
\p
\v 11 दजोला लेबिकि क्ष्योने तेरिक च्युङगुप् हिन्सिन, हारुनकि दासा दगेराङ मिदा मल्किसेदेककि दासादगेराङ राङ्सा क्षोने चिला ज्यागु गोसुङ?
\v 12 चिला सिसिन जोला क्षोने जेक्युइ, तजोला ब्यबस्थाङ ज्येगोक्यु ।
\v 13 चिला सिसिन मिराचिगि कला दि काच्ये तिवा सिक्याबुवै, ख्यो राङ्साराङ गिपाकि हिन, तिनेसुर सिकिङ् नाम्लाङ सोवा देप्सा दासाला लाका क्याबु मेत ।
\v 14 तादि क्ष्या वे यहुदाकि गिपा नेसुर अरे कन्ज्यक केबु नक, हिन्सिनाङ क्षोने तिविकि खाला नाम्लाङ क्ष्या देदु मेत ।
\v 15 हुतुङराङ मल्किसेदेक दगेराङ राङसा जप्तेला क्षोने लाङु सिसिन, अरेकि खाङ किइ वे ति थोङ्गुप् क्यानि वे ।
\v 16 ख्यो अङ्बुकि पागावा तिवाकि दगेराङ क्षिने वबु मिनि, तिसिना ख्यो मिसिन्बु मिजिकि ङारला क्षोने च्युङ्सुङ ।
\v 17 चिला सिसिन ख्योकि कला दिक्पा मेदुपकि दुक क्यानि किदुक तेर्क्युः"मल्किसेदेककि दासाला दगेराङ ख्योङ नाम्लाङ सिनि क्षोने हिन "।
\p
\v 18 लाका मेतेरुप् ताङ ख्योङबु मेदुपकि किसाला तङि का ना ताङ्गुप् वे ।
\v 19 चिला सिसिन व्यवस्थाकि चिन्दिङ ताम्ला ल्यामु माजो । हिन्सिनाङ, ता हुङ्गुप् ङिमाला सिनि ङाडेन वे, ति नेसुर ति ओरुङ कन्ज्यककि चाला ख्योल थुक्यु ।
\p
\v 20 तेमे दि ना नेसुर च्युङ मिन । क्ष्यजिक्ला ति ज्येन मितिवा ना मेदाराङ क्ष्योने च्युङ्गुप् नक ।
\v 21 राङ्सा क्ष्यला सिसिन, येशु ना मेदाराङ क्षोने च्युङ्सुङ, तिकि कलाला कन्ज्यककि दुक सिउइ, “चावा कन्ज्यककि ना क्यालुप् वे, ख्योकि दाक्पि सेम मुग्युरुई, ख्योङ नाम्लाङकि क्षोने च्युङ्गुउइ ।"
\p
\v 22 ति नेसुर येसुला हुतुङकि थेन्बि ना बिन्दुप वे ।
\p
\v 23 राङसा क्ष्यला, आला क्षोने तिवा च्युङसिनाङ शेत्पाकि किसाला तिवाला क्षोनेकि लाका क्याक्याबा कि माच्यि ।
\v 24 हिन्सिनाङ राङ्सा क्यला सिसिन, येशुतानि नाम्लाङ मिसिन्बु क्षोनेकि चिक दासा वतुपकि किसाला येशु नाम्ला लुक्यु ।
\v 25 दुक क्यानि येशुनेसुर कन्ज्यककि चाला हुङ्गुप् मि तिवाला थार्वा तेरुप् सिसिन तिवाला गङ्बा श्यप सिनि नाम्लाङ सेन्बु वे ।
\p
\v 26 चिला सिसिन दुक्राङ क्यानि क्षोने गेर्पु ओरुङ्ला सिनि डिकुप् वे । ख्यो दिक्पा मेतुप् नवेः ङेवा मेतुप्, चेङि दिक्पा तिविकि ला टालुप् नाम सिना थेन्बु वे ।
\v 27 क्षोने गेर्पुकि दगे तङ्ला दाक्पि दिक्पाला सिनि, तितिङ्ला मितिविकि दिक्पाला सिनि ख्योकि ङिमिटाङ जिन्बा तेर मोगोउइ । दजोला ख्योकि दाक्पुलाराङ च्याक बिन्सुङ, तजोला ख्योकि दि खेप्तङ्मा नाम्लाङ सिनि क्यासुङ ।
\v 28 व्यवस्थाकि मितिवाला क्षोने गेर्पुला काताङुकि किसाला तिकि मुथुबु च्युङ्गुप नक । ख्यो व्यवस्था तिङला लेपुप् नाकि सुङकि काताङ्गुपकि किसाला ख्योला नाम्लाङ सिनि ङेवा मेतुप् जोबु वे ।
\c 8
\cl लिउ ८
\p
\v 1 ता ङिरेकि सिक्याबु ताम् ति दिराङ् हिन्। ङिराङतानि क्ष्योने गेर्पु च्यिक् हये खो देवाचेन् कि याबि छ्यला देक्यु।
\v 2 मि तिबिकि जोबु मिन्, कन्ज्यक् कि जोबु चिला चेङ्ङे दासाला खो याक्पु च्यिक् हिन्।
\p
\v 3 सिसिन् तेरिक् क्ष्योने गेर्पु तिबा ति बुल्वा ताङ् जिन्बा तिबा तेरुप् ला जोबु हिन्। तिकि किसाला खाङ्खङ् तिबा तेर्गोक्य।
\v 4 ख्रीष्ट जाम्बुलिङ्ला हतुप् हिन्सिन्, खो तेरिक्कि लवेन् म्येङ्ङु। चिला सिसिन् तेया टिमनेसुर बुल्वा तोङ्ङु तिबा हये।
\v 5 तिबिकि देवाचेन् कि ताम् तिबिति लामुसेतुप् ताङ् रिप्च्याङ्कि याक् क्याजिक् किउ। मोशाकि देसा दासा जप् तुज्येला कन्ज्यक् कि तिला जिबा कुसुङ्, कन्ज्यक् कि सिक्यासुङ्, ङेकि लाला छ्यातेदुप् याबु तिला ल्यानिते ख्यरेकि तेरिक् जोसा।
\v 6 हिन्सिराङ् हादा ख्रिष्ट कि क्याबु यक् ति तेरि निना ल्यामु हये। चिला सिसिन् खोकि कुङ्ला देनिते क्याबु टिम तेरि सिना ल्यामु हये, तरि सिना ल्यामु नाला टिम् क्याङ्नि हये।
\p
\v 7 चिला सिसिन् तङ्ङि ना तिला केन् मेतुप् हिन्सिन्, ज्यार्मा ना मोगोबु हिन्।
\v 8 चिला सिसिन् कन्ज्यक् कि मितिबिति केन् थेप्सिमा, तेमे खोकि सिक्यासुङ्, “लोसा, कन्ज्यक् कि सासुङ, ति ङिमा ति हुङ्ङिन् किउ, यहुदी ताङ् इझ्राएलकि खाङ्बा तानि साम्बा टिम जेउ।
\q
\v 9 दि ठिम् ङे कि खिरे पाप्गाबा तिबा तानि टाबु दगे मिन्, ङिन्चिक् ङे कि तिबाला तिबि लाक्पाला जिम्नि तिबाला मिस्र लुङ्बाला टिनिते गालिन्। चिला सिसिन् तिबिकि ङे ठिम् ला तिङ्माग्याप्, तेमे कन्ज्यक् सिउ, ङे कि तिबाला माल्हा।
\q
\v 10 कन्ज् कि सिउ, ति तिङ्ला ङा इझ्राएल कि मितिबा तानि ना केल्ग्यु। ङा ङे ठिम् तिबि सेम्ला ज्याङ्नि तेर्क्यु, तेमे ङा तिबि सेम्लाङ ति टिनिते ज्यकु। ङा तिबि कन्ज्याक् डिउ तेमे तिबा ङे मि तिबा डिउ।
\q
\v 11 तिबा तेरिक्कि दाक्पि युल्बा तिबाला मोलोपु, तेमे दाक्पि नुक् तिबाला कन्ज्यक् ला ङुसेबा कि सिनिते सिमोगोउ। चिला सिसिन् तिबि नाङनेसुर बोबु टिक्पे तेरिक्कि ङाला ङुस्येक्यु।
\q
\v 12 चिला सिसिन् तिबि क्याबु दिक्पाला ङा काटिन् किउ, तेमे तिबि क्याबु दिक्पा तिला ङा नाम्लाङ् नासाम् मोतोङ्ङु।
\p
\v 13 “साबा” सिसिन् खोकि ङिङ्बा ना तिला साबा जोसुङ्। तेमे ङिङ्बा गाल्निते कोमेछ्येबु गालुप्ति, तोर्नि डप् छालुप् हये।
\c 9
\cl लिउ ९
\p
\v 1 ता तङ्ङि ठिम् ला सवा बुल्सिन् ठिम्तिबा ताङ् जाम्बुलिङ्कि दासा तिबा नक।
\v 2 चिला सिसिन् देसा दासा जोबु नक्, तिकि तङ्ङि खाङ्मिक्ला कोपि च्येसा दासा, च्याक्चि ताङ् छ्यार्वाकि सिबाङ् नक्, तिला चेङ्ङे दासा सिनक्।
\v 3 पार्दा कि तिङ्ला ज्यारमा दासा ज्यिक् नक् तिला तेरिक् सिना चेङ्ङे दासा सिनक्।
\v 4 तिला सेर्कि पोदेक्सा दासा नक्। तिनि नाङ्ला नाकि गाम् नक्, ति दि सेर थनि तेरिक् कोर्निते नक्। दिकि नाङ्ङि छ्यला मन्न ज्याकु ङेक्यक्, मेदक् स्यारु छालुप् हारुन् कि मेदक् कि ग्युक्पा ताङ् ना कि दो तिबा।
\v 5 ना कि गाम् तिकि खाला कन्ज्यक् कि सिवाकि करुबतिबा सेम् ग्युर्बा तिकि उम्निते नक्, तिकि कला अरेकि ति कला हादा तेरिक् सि मुथुपु।
\p
\v 6 दि सामा रिबाला टेगे जोसिमा क्षोने तिबा ङिमि टाङ् देतुप् दासाकि उकि छ्यला दाक्पि यक् किरुप्ला स्युकिनक्।
\v 7 हिनसिराङ् क्षोने गेर्पु ति ल्होजिक्ला खेप्जिक् क्याजिक् ति नाङ्ला स्युकिन्। तिकि टाक् खुर्निते ताक्पि कला ताङ् मितिबिकि अजान् ला क्यापु दिक्पा तिबि कला बलि तेर्किनक्।
\v 8 तङ्ङि दासा चेङ्ङे दासाला डप् लाम् ति मापेबा साक् तेरिक् सिना चेङ्ङे दासाला डप् लाम्ति मेबेउ सिनिते थु चेङ्ङे कि छ्येङ्ङे कि छ्या तेन्सुङ्।
\v 9 हादाकि तुजेलति दि ति ता जिक् हिन्। बुल्वा क्याबु बुल्वा तिबिकि सोवा कि छ्येबा माक्या।
\v 10 ति नाबानाबा कि गागाटोटो ला चेङ्ङे जब तिबा तिबा ति साप् ताङ् थुङ्ङुप् तिबा क्याजिक् नक्। तिबातेरिक् ति जुबुला सिनिते ठिम् ति क्याजिक् नक्, तिला साम्बा क्यानिते माजोबा साक् च्यिगि तिङ्ला च्यिक् क्यानिते ज्याङ्नक्।
\p
\v 11 ख्रिष्ट हुङ्ङुप् तुजेला ल्याबु ताम् तिबि क्षिने गेर्पु दगे क्याते लेसुङ्। खो तेरि सिना थेन्बु ताङ् चेङ्ङे दासाला स्युसुङ्, ति दि मिकि लाक्तुर नेसुर जोबु मिन्, ति दि जोबु जाम्बुलिङ् कि ताम् मिन्। ख्रिष्ट
\v 12 राबु ताङ् पिउ कि ठाक् थनि मिदा खोकि दाक्पि ठाक् नेसुर तिरिक्ला सिनिते खेप्तङ्मा ति तेरिक् सिना चेङ्ङे दासाला स्युसुङ् तेमे अरे नाम्लाङ् मिसिबु मिजिला जिम्निते ज्याक्सुङ्।
\v 13 चिला सिसिन् राबु ताङ् लाङ्तिबि ठाक् ताङ् यार्मु तिबि थाल्जाम् थनि ज्याप्सिन तिबा मेचेङ्ङे डिउ, तेमे तिबि जुबुला चेङ्ङे जब् ला तिब कन्ज्यक् ला तेर्गोकिसिन्,
\v 14 तिसिना आला क्यानि अरे रिक्पाला स्याप् यक्तिबा नेसुर् चेङ्ङे जेउ तेमे सेन्बु हतुप् कन्ज्यककि यक् किरुप्ला नाम्लाङ् मिसिबु थु केन् मेता क्यानि दाक्पुला बिन्सुङ्?
\p
\v 15 दिकि किसाला खो ना साम्बा कि कुङ्जिम् लाका किरुप् मि हिन्। दि सिवा कि किसाला पिताङ् ताङ्ङु तिबा तिबि दिक्पा नेसुर तङ्ङि नाला देक्यु कन्ज्यक् कि काताङ्ङु तिबिकि ना क्यालुप् मिसिदुप् दाक्पु ति ङेदा किसित्।
\v 16 चुका सुसुन् खेनि सेम् हये, त्या ति जब् मितिकि सिवा ला हिन्सिरुप् जोगोक्यु।
\v 17 चिला सिसिन् त्या स्यिसिमा क्याजिक् सेम् किउ, तिला जब् ति सेन्बु हसा साक् ति तिकि यक् म्येङ्ङु।
\v 18 तिकि किसाला तङ्ङि ना तिङ् ठाक् मेताराङ् जोबु नक्।
\v 19 चिला सिसिन् मोशा ठीम्ला हतुप् तेरिक् का बिन्सुङ्, खोकि पिउ ताङ् राबु कि ठाक्, छ्यु, मार्मु पाल ताङ् हिसप् कि मुठा थोर्सुङ्।
\v 20 तेमे तिकि सासुङ्, “दि ति ठिम् कि टाक् हिन् कन्ज्यक् कि खीराङ्ला सिनि का बिनुप् हिन।
\v 21 दुक्राङ् क्यानिते, तिकि दासा चेङ्ङे दासा ताङ् ह्र किरुप् तेरिक् सामा तिबाला ठाक् थोर्क्यु।
\v 22 तेमे ठिमनेसुर ठागिकि तेरिक्ला चेङ्ङे जेउ। ठाक् माज्याबा क्यानि तोङ्बा मेङेउ।
\p
\v 23 तिकि किसाला देवाचेन्ला हतुप् ताम् तिबाला लामुसेसिन् पालाङ् तिबि ठाक् थनि चेङ्ङे जोगोसिन् देवाचेन् ला हतुप् दाक्पुला तिसिला आला बुल्वा किरुप् स्योर्सुङ्।
\v 24 चिला सिसिन् ख्रिष्ट लाक्पा थनि जोबु तेरिक्सिना चेङ्ङे दासाला स्युबुमिन्, ति दि हिदुप् ताम् कि ला लामु सेतुप् हिन्। खो दाक्पुराङ् देवाचेन्ला स्युसुङ्, तेमे ओरुङ् सिनिते खो हाउ कन्ज्यक् कि दङ्ला हये।
\v 25 खो दाक्पुला सिनिते याङ्ताङ् बुल्वा किरुप्ला सिनि त्या गालुप् मिन, क्ष्योने गेर्पु तिकि ल्होटाङ् ज्यार्माकि ठाक् खुर्निते तेरिसिना चेङ्ङे दासाला स्युबु दगे।
\v 26 तिनक् हिन्सिन् जाम्बुलिङ् जोबुनेसुर खोकि छिमाल् आला राङ् दुक्पा खुर्गोक्यु। हिन्सिराङ् दि ल्होग्युकि तिङ्ला साक् छिमाल् जिक् खोकि दाक्पि ठाक् थनि दिक्पाला क्युरुला खो नाम्लाङ्ला सिनि ख्यप्तङ्मा थोङ्बा क्याबु हिन्।
\v 27 मितेरिक् ख्येप्जिक् सिराङ् गोक्यु, तेमे त्यासुर ठिम् गिउ।
\v 28 तुक्राङ् क्यि ख्रिष्ट तेरिक्कि दिक्पा खुरुप्ला ख्येप्तङ्मा नाम्लाङ्ला सिनिते सिबु हिन्। दिक्पा तानि थापुला खो याङ्लोङ् माछ्यारु, हिन्सिराङ् थार्वा ङेतुप्ला सिनिते गुताक् क्यानिते खोलासिनि देतुप्तिला
\c 10
\cl लिउ १०
\p
\v 1 चिला सिसिन ठिम ता हुङुप् यक् तिबि रिप्च्याङ् क्याजिक् हिन। ति खोरुङ्राङ् हतुप् यक् तिबाति मिन्। छ्योने तिबिकि ल्होरिटाङ् तेरुप् जिन्बा तिबिकि कन्ज्यक् कि चाला डप्ला नाम्लाङ् ख्योला माक्या।
\v 2 मिन्सिया खाङ् ‘जिन्बा तेरिक् मिकिऊ मिन् र? तिनक् च्युङ्ङु हिन्सिया, स्वाबुलुप् तिबा ख्येप्तङ्मा चेङ्ङे डिउ।
\v 3 तेमे ति जिन्बा तिबिकि ल्होरि टाङ् दिक्पा तिबाला नासम् तोङ्जिक्यु।
\v 4 चिला सिसिन् लाङ् ताङ् साबु तिबिकि टाक् थनि दिक्पा क्युरुप मुथूपु।
\p
\v 5 ख्रिष्ट जाम्बुलिङ्ला लेप्सिमा, खोकि सासुङ्, “ख्यरेकि बुल्वा ताङ् जिन्बा तिबाला माचाल्, हिन्सिनाङ् ख्यरेकि ङाला सिनि जुबु ज्यिक् टेगे जोनि बिदु वे।
\q
\v 6 “दिक्पि कला ना जिन्बा तिबा तिवा, ना वुल्वा तवा ना खाङ्बि जिन्बाराङ् ख्यरेकि लाङ्सुङ्, ना ति सामा तिबा नेसुर ख्योरुङ्ला नोछिम्सुङ्।“ तेरिक् खाङ्बि जिन्बा ना ज्यान् जिनबानेसुर ख्योरुङ् गा क्यासुङ्।"
\q
\v 7 तेमे ङेकि साबिन, तेप् तिबाला ङे कला टिबु दगेराङ् ख्यरे सेम्कि ताम क्याल्नि तेरुप्ला ङा दया हये।"
\p
\v 8 खोकि तङ्ला सासुङ्, “दिक्पि कला ना जिन्बा तिबा तिवा, ना वुल्वा तवा ना खाङ्बि जिन्बाराङ् ख्यरेकि लाङ्सुङ्, ना ति सामा तिबा नेसुर ख्योरुङ्ला नोछिम्सुङ्।“ (दिवानि टिम् नेसुर बुल्ग्यु),
\v 9 तेमे खोकि सासुङ्।“ ल्होसा, ङा खरे सेमक्याबु दगेराङ् किरुप्ला लेपिन्।“ ज्यार्मा याक् किरुप्ला खो कि तङ्ङि यक्ला सिदा किउ।
\v 10 ज्यार्मा ङिवा यक्ला देम्नेसुर नाम्लाङ्ला सिनि येशु ख्रिष्ट कि मिजि जिन्वानेसुर ओरुङ् खोकिति गालुप् हये।
\p
\v 11 ज्यार्माला, तेरि छ्योला खामु तिबा ङिमिटाङ् कन्ज्यक् कि यक किरुप्ला टेगे देक्यु। तिकि नाम्लाङ् च्यिक्पाराङ् जिन्बातिब बुल्ग्यु, तिकि किसा दिक्पा तिवा नाम्लाङ् मोडोउ।
\v 12 ज्यार्मा छ्यला ख्रिष्ट कि दिक्पि कला सिनिते जिन्वा वुल्नि खो कन्ज्यक् कि लाक्पा यावा छ्यला देनि हये।
\v 13 खो कि डा तिबाला दक्पि तिङ्बि हक्ला माजोबा साक् खो गुनिते देक्यु।
\v 14 चिला सिसिन् खोकि जिन्बा तिबा चिथक् नेसुर राङ् कन्ज्यक् दाक्पु तेरिक् विन्दुप् तिवा नाम्लाङ् ला सिनि ल्यामु (चेङ्ङे) खाङेबा म्यातुप् जोबु हये।
\v 15 तेमे थु चेङ्ङे कि ओरुङ्ला हतुप् ताम् तिबा सिउ। चिला सिसिन् खोकि तङ्ला सासुङ्,
\v 16 ”ङे कि खिराङ् तानि कितुप् ना. दिराङ हिन्, ति ङिमा तिबा तिङ्ला, कन्ज्यक् सिउ। खिरे सेम्ला ङा, ङे ठिम् तिबा ज्याङ्नि तेर्क्यु, तेमे खिरे ङिङ्लाङ् टिनिते तेर्क्यु।
\p
\v 17 ङा खिरे मेलेबा यक् तिबा सेम्ला नाम्लाङ् मज्यकु।“
\p
\v 18 ता तिबा तेरिक् ताम् तिबा पिताङ् तेर्क्यु, त्या दिक्पाला सुन जिन्वातिबा मोगोउ।
\p
\v 19 दिकि किसाला, नुक् तिबा, ओरुङ् तानि येशुकि टाक्नेसुर तेरिक् सिना चेङ्ङे दासाला स्युकिला ङार हये।
\v 20 गोयाल् ताङ् खोकि मिनि ति नेसुर खोकि ओरुङ्ला सिवा ताङ सेम्बु लाम पेनिते बिदुप हये।
\v 21 कन्ज्यक् कि खाङ्बाला ओरुङ्तानि छ्योने गेर्पु हतुप् कि किसाला
\v 22 अरे सेम्गि मेलेवा रिक्पा तिबाला (छिट्काउ) नेसुर जुबुला छ्युचेङ्ङे थनि टुनि मोवाकि तेरिक् ङाऽटेङ् क्यानि ओरुङ् चेङ्ङे ङिङ् खुर्निते चाला डि।
\v 23 अरेकि लाबु रेत्पा ति राबु क्यानिते रनिते ज्यगि, चिला सिसिन ना केलुप् कन्ज्यक् ति रेत्पा कि थुपु हये।
\v 24 अरेकि च्यिगि च्यिक्ला ङिङ्जे ताङ् यक् ल्यामु तिबिकि च्युक् क्यानिते सेम्सो किरुजा सिरु ताम् कला नासाम् तोङ्।
\v 25 ओरुङ् ओरुङ् जोबु ति मोतोङ्, ज्यातिबिकि ताङ्ङु दगे। ति दिना ङिमा चालाराङ् हबुकि किसाला च्यिग्यि च्यिक्ला थूथू साङ् आला सेम्सो कि।
\p
\v 26 दिजो हुतुङ् कि ताम् तिबा ङेनिसाङ् ओरुङ् छ्याङेनिसाङ् दिक्पा कि दे; सिन्। दिक्पा कला जिन्वा चिन्दिङ् मुलुउ।
\v 27 तिकि दासाला, टिम् कि जवालाङ्दे गुताङ् ताङ् कन्ज्क कि डा तिबाला थाल्जाम् जब ङेर्मिकि जिबालाङ्दे मे हुतङ्ङि ति क्याज्कि गिउ।
\v 28 मोशा कि ठिम् म्येङेदुप् सुसाङ् मेरो ङि ताङ् सुम् हुतुङ्कि ताम् सिरुप तज्येला ङिङ्ज्ये मेताङ् सिउ।
\v 29 कन्ज्यक्ला विदुप् तिम् कि ताक्ला ङ्यक्च्यु जब ताङ् ओङ्ज्यन् कि थूला माच्योक् किरुप् तिविकि तिसिना चोआला ङेकिताङ्।
\v 30 चिलासिसि दुक् सिरुप तिरुप तिबाला ओरुङ् ङुस्येक्यु, “ङयार्मा लकुप् यक ङे ति हिन्, ङा ङायार्वा लकुप”
\v 31 सेन्बु कन्ज्यक् कि लाक्पा स्योरुप् जिवालाङ् देताप् हिन्।
\p
\v 32 तेमे ख्यरेकि टाक ङेसिमा साङ् आला दुक्पा ङेसिमा च्युक्यानिते जेतु ति तङ्ङि ङिमातिवाला नासाम् तोङ्।
\v 33 खिराङ् तेरिक् मि तिवि दङ्ला माच्याक ताङ् छ्युम्दुर क्यानि तेन्ताङ् जाइ, तेमे तिराङ् तुज्ये तुज्ये खुरुप् तिवा खिराङ्याङ् हिन्।
\v 34 चिला सिसिन उम्निते हतुप् तिबाला खिरेकि ङिङ्ज्ये छ्यातेन्सुङ्। दाक्पि ग्यिज्या तिबा टक्किराङ् तिला जोल्मुक्यानि जेसुङ्। ति छ्याङेनि खिराङ् तानि दि सिना ल्यामु ताङ् नाम्लाङ् दाक्पि तिराङ् ग्यिज्ये हये।
\v 35 तिकि किसाला, दाक्पि दिराङ् किउ सिक्बु रेत्पाला तोर्माजि, तिकिदि बोबु रेत्पा हये,
\v 36 तिबाला गुताङ् कि गोक्यु। तिकि किसाला कज्यक् कि तिवाला खाङ् दि ना क्यालुप् हये, खोकि साबु दगे क्यासिमा ति ङेक्यु।
\v 37 ”चिला सिसिन उकुरजिक्ला हुङिन् किरुप् ति, खो च्युक्यानिसाङ् गिउ तेमे मिमु मिकिउ।
\q
\v 38 ङे दिक्पा मेतुप् तिबा रेत्पा नेसुर मिजि क्योङ्ङु, ति तिङ्ला ग्युरसिन् डा ति ता नि गा मिकिउ.”
\p
\v 39 हिन्सिना ओरुङ् ना डप् तिबा मिन्, तिबा नातोङ्प् छ्यला ग्युर्क्यु। तिसिना अरे थुला सेन्बुराङ् ज्यकुप् तिबि नाङ्ङिति दगे कि।
\c 11
\cl लिउ ११
\p
\v 1 तेमे ता मोबाति रेवा क्याबु तामतिबि लोला ग्यालु ङा डेङ हिन; हादाक सक माथोङ्गुप घटना तिनि लोला ग्यालु प्रमाण हिन ।
\v 2 च्यिलासिसिन ओरे पागाबा तिवि मोवाकिसाला राङ गालु हिन ।
\v 3 मोवा तानि ओरुङ तेरिला छ्या वे, तेरिकि लुङ्बा कन्ज्यककि काला जोबुप हिन् ।ति ओरे मिगि थोङ तेरि थोङु ताम नेबा जोबु मिन ।
\p
\v 4 मोवा किसाला राङ् हाबिलकि कयिनकि सिना लेमु जिन्बा बिन्सुङ् ।तिकि किसाला ति दिक्पा मेतुप् गालसुङ्। दुक्यानि, कन्ज्यक् तानि तिकि जिन्बा कि किसाला तिकि कन्ज्यक् गादिङ्ङि गाल्सुङ्। तिकि किसाला, हाबिल् सिसिराङ् ति हारोङ् ताम् कि किउ। ।
\p
\v 5 तिकि किसाला ति दिक्पा मेतु गाल्सुङ । तेसुर तिकि भेतिबि साला कन्ज्यक नेबा तिकि समर्थन ङेसुङ । तेसुर हाबिल शिनिसाङ ति थारु ताम कि वे ।
\v 6 मोवा किसाला राङ हारुङ साक मोथुङु तामाल चावा येशुकि लेन लेमु लेमु बिनु नक । तिकि नोवाकि क्येङु ताङदेनकि दाक्पु ज्यिक टुरगेर्पु जोसुङ ।
\p
\v 7 मोवाकि किसाला राङ् नोवाला हादासाक् नोवाकि ताम् कि कला कन्ज्यक् कि लेन् बिदुप् नक्। तिकि स्वा तेकुप् दगे ताङ्देन् क्यानि तिकि टु जोसुङ् तेमे दाक्पि खाङबा थार्च्यिसुंङ । ति क्यानि ति जम्बुलिङला दुक्क्यानि तिकि जाम्बुलिङ्ला टिप् फक्सुङ् तेमे मोवा तानि राङ ति दिक्पा मेतुप ओङङ्येङ ग्यासुङ्। ।
\p
\v 8 अब्राहामला का तोङसिनाङ मोबा तानि राङ ति का क्यासुंङ तेमे ति ओङङ्याङ कि किसाला ङेतु दासाला गाल्सुङ । दाक्पु केङि डोइ क्यि सुरु छ्या माङेसाङ ति डोइ देसुङ ।
\v 9 ति मोबा कि किसालाराङ प्रतिज्ञा क्याबु लुङबा दक्पुजिक मि लुङ्बाला गाल्नि देसुङ् ।ति पाल इसहाक ताङ याकुब तानि ति प्रतिज्ञाकि ओङङ्येन कि किसाला देसुङ ।
\v 10 च्यिलासिसिन तिकि जग तिबा हतु ग्याल्खाकला ल्यहि नक, ति ग्याल्खाक जब कन्ज्यक रांङ हिन ।
\v 11 तेरि पेजा मेगुपति अब्राहाम कि जुबु च्येदि ङार मोवाकि किसाला राङ ङेतु हुन । ति आला गाबा तुजेला तिनक गालु हिन । तिबाला प्रतिज्ञा तेरु खाला तिबा मोबाकिरु योग्या गाल्सुङ ।
\v 12 तेसुराङ स्येति तिराङ दक्पु जिक मिराङ हिन तिनेबा नाम्गि आला कार्मा ताङ ग्याम्छोकि पेग्स्याक दगेराङ पेजा तिबा क्येसुङ तिला ङो मुथुपु ।
\p
\v 13 तेरि प्रतिज्ञा ला माङेबा तेरिकि थारे नेसुर गासो क्यासुङ । जम्बुलिङला मि लुङबा ला देतु ताङ निर्वासित क्या हिन सिनि तिबा तेरि मोवालाराङ स्यिसुङ ।
\v 14 च्यिलासिसिन ति तिनक तामस्यि तिबिक्यि दक्पु जिक दाक्पि लुङबा छोलिन क्यि सिरु ताम छ्या ङेक्यु ।
\v 15 हुतुङ राङ तिवि क्यि दाक्पु तेनि गालु लुङबाला नासाम तोङिन किसिन तिवा ग्युर्नि ड ङेतुथे ।
\v 16 तो लोङ लेमु लुङबा ताङ दे वाच्येनकि लुङबा ङेतु सेम क्यि । तिकि किसाला कन्ज्यक खीरे कन्ज्यक डला ङछा मिक्यु, च्यिलासिसिन येशु कि तिबाला सिनि दक्पुजिक ग्याल्खा जोबु ह्ये ।
\p
\v 17 दाक्पि खक्पा ल्हाप तुजेला साङ मोवा तानि राङ अब्राहामकि दाक्पि इसाहाकला ज्यिन्बा तेक्सुङ, ति दक्पुजिक क्या पुज्युङ हिन तिला ज्यिन्बा तेक्सुङ । तिकि राङ ना तिबा ङेसिमा ङेतु हिन । ति तिराङ अब्राहाम हिन तिला ।
\v 18 तुक साबु ह्ये, “इसाहाक नेबाराङ ख्यरे पुज्युङ पुमिकि मिङ देक्यु ।‘’
\v 19 कन्ज्यककि इसाहाकला स्येप नेबा सेन्बु ज्यक सिरु ताम अब्राहामला छ्या नक, हुतुङ सिसिन तिक्यि दाक्पि पुज्युङ लोङ ङेसुङ ।
\p
\v 20 हुगु छ्यालु तुजेला इसाहाक कि मोवा तानि राङ एसाप ताङ याकुब ला मलाम बिन्सुङ ।
\p
\v 21 याकुब छ्ये छालु तुजेला योसेफ कि पेजा तेरिला मलाम बिन्सुङ, ग्युक्पि कोला देनि याकुब क्यि सोवा बिन्सुङ । योसेफ कि तिङमा हुङगुप ताङ ।
\v 22 मोवा तानि राङ तिकि मिस्रनेबा इस्राएलि तिबा स्युगु तामला ताम क्याबु नक तिकि अस्थि तिबाला का बिन्सुङ ।
\p
\v 23 मोशा केसिन तिला ल्याहा सुम तिला बानि ज्याक्सुङ च्यिलासिसिन ति लेमु नक ति ग्याल्बुकि काला ज्यिबा माक्या मोशा छार्सिमा ।
\v 24 मोवा तानि राङ फारोकि पुमकि पुज्युङ कहलाइनला माङेन ।
\v 25 ति किरु सिना तिकि दिक्पा क्यानि इकुर्ज्यिक गा किरु सिना कन्ज्यककि मितिबा तानि दुक्पा खुरु तामला दाम्सुङ ।
\v 26 मिस्रकि गिजा सिना चावा येशुला ति ङगु तुजेला खुर गोबु मेलेबा राङ तिक्यि लेमु ल्हासुङ । च्यिलासिसिन तिकि दाक्पि मिक छ्याङगप खाला सेम क्यासुङ ।
\v 27 मोवा किसाला राङ मोशाको मिस्र लुङबा ताङसुङ । ति ग्याल्बुकि ङेर्मा ला ज्यिबा माक्या च्यिलासिसिन दक् जिक मिगि मोथोङगुप दगेराङ क्यानि सेमला ज्याक्सुङ । तेसुर ना तोङगु इस्राएलि तिबि कि दङला केबबु पुज्युङ ला रेक माच्यि सिनि ।
\v 28 मोवा तानि मिकि निस्तार चाड ताङ ठागि थिबा कि का ङ्येसुङ ।
\p
\v 29 मोवाकि किसाला ति काबु स्यिङला युबु दगेराङ लाला ग्याम्छोक स्यानि गाल्सुङ तेमे मिस्रिकि तिबि साङ तुख्राङ क्यासुङ, तेमे तिबा नुप्सुङ ।
\p
\v 30 तिबा तेरिकि ङिमा दिन साक यरिहोकि चिक्पाकि फारछुर कोर्सुङ, तेमे ति मोवा कि क्यिसाला राङ ति डिल्सुङ ।
\p
\v 31 राहाब स्याम्डेनकि साङ मोवाकि किसाला राङ जासुस तिबाला गा क्यानिराङ गास्यो क्याबु किसाला ति का मिकिरु तिबा तानि राङ ना ग्याल्साङ ।
\p
\v 32 ङा ति सिना आला काङ सिरुजा? ङेकि गिदोन, बाराक, सिमियोन, यिप्ता, दाउद, शामुएल, ताङ लुङतेम्बाकि लोला सिरु ङा तानि तुजे मेत ।
\v 33 मोवा तानि राङ तिबिकि तिबाला ग्यल्सुङ । ठिमकि लाका क्यासुङ ना तिबा ङेसुङ तिबि कि तोम कि खा उप्सुङ ।
\v 34 तिबिकि मेकि हुरुपति सेसुङ; तरवार कि नेन्बु नेबा टोल्सुङ; नेर्पा नेबा टेक्सुङ माक्मिला ङार हतु ग्याल्सुङ । तेमे राङ सा लुङबि माक्मि तिबाला टो ताङसुङ।
\v 35 पुमितिबिकि दाक्पि स्येपतिबाला लोङ सेन्बु लाङु ङेसुङ । ज्येन्गि लोङ लेमु लाङ्गुला तिबिकि थार्वा सेम्ला माज्याक तेसुर, तिबिकि ङेबा खुर्सुङ ।
\v 36 ज्येन्गि ति मथुपु खाल्ज्याक च्याताक ताङ कैद तगे तगे ताम तिबा खूर्सुङ ।
\v 37 तिबाला देकि ग्याप्सुङ । तिबाला तरवारकि सेसुङ । तिबाति लुक ताङ रेकि का कोङि युग गिसुङ तेमे राङ राङ दुक्पा ताङ मेलेबा तामतिबा खूर्गोसुङ ।
\v 38 ति जम्बुलिङ ति तिबाला योग्या मेत । तिबा काङ मेतु दासा, काङ ताङ स्यि फूक्पा नेबा थारथोर गाल्सुङ ।
\p
\v 39 देसाक तेरि मितिबा तिबि कि मोवाकि किसाला कन्ज्यक नेबा गाल्सुङ तिबिकि ना क्याबु ताम तिबा ङे माथु ।
\v 40 ङिराङ मेता तिबा लेमु मेस्यित सिनि कन्ज्यककि ङिरे लला लोङ लेमु ताम तङनेबा राङ जोनि बिनु नक
\c 12
\cl लिउ १२
\p
\v 1 तिकिकिसाला, वोरुङ दिजो आला नाक्योलयप खाला मुक्पि नाङला तेरि खोले (खुर्बु तिवा) वोरुङला तेझोराङ ये ज्यितुप् दिक्पा दनि तोङ। ओरे गोमाला होतुव मिजिकि छ्यङदि गुनि सिउाकि गोकिऊ।
\v 2 मोवा तेर्को ताङ ओरुङला चेङि जोव येशुला ओरे मिक थनि ल्हा गोकिऊ। खोकि दाक्पि गोमाला ज्यकुब गकि खाला मारेलोङगप् ङोसुङ तेमे कुसकि दुक्पा खुर्सुङ। तेमे खो कन्ज्यकि याबाला देनि वे ।
\p
\v 3 तिकि किसाला ददिक्पा ह्वतुव ति बि नेसुर खो खाला खाँदा ङेनुव सेम कि। तिकिकिसाला खिराङ दाक्पि सेमला ङार मेतुप दको माकि सेमटिक्पे माकि।
\v 4 खिरेकि दिक्पि थाला हारिङ सक् ठलक देतुव ग्यङला घोबा वे।
\v 5 खिराङला पुज्यङ देगेराङ टेव तेरुप तिवा खिरेकि ज्यातु वे। ङे पुज्युङ कन्ज्यककि डलामला ङयङि मासिस्।
\q
\v 6 चिला सिसिन् कन्ज्यककि मुला च्याम्वाकि तेरिकला डलाम किऊ। खोकि लाङु तेरिक पुज्युङ तिवाला दुक्पा तेर्क्यु।
\p
\v 7 दुक्पाला दलाम क्यानि ज्यथुप कि कन्ज्यककि खिरटाङला पुज्युङ दगेराङ किताङ किऊ। चिला सिसिन पापि डलाम माक्यावु चिक पुन्युङ गिउ?
\v 8 तेमे खिराङ डलाम मेता वोसिन खिराङ ठिम्ला मेतुप गान, खोकि पुज्यङतिवा माङे। स
\v 9 दिसिना आला आेरुङ॥आ ढ॥आं किरुप ओरे जावुलिङकि पापा तिवा डलाम तेर्क्य हिन् । तिवाला ओरे डलाम क्ञावु हिन् दिकि किसाला खाङ थुकिपा पाल दिसिना आला मेन्गो कि?
\v 10 चिला सिसिन ओरे पापा तिबा ओरुङला ङिमा चिजिक डलामला ज्याक्सुङ ति किरुपला तिवाला ल्योमु लाङसुङ । ज्यार्मा नेसुर ओरेकि खोकि चेङि हातुप गोतुव थुसित सानि कन्ज्यककि ल्यामु सिरुपला ति क्यासुङ्
\v 11 दिजो डज्यला चिनकसाङ ग्लाम ल्यमु मेगुप तेमे ढुक्पा राङ गिउ। खाङहिन् सिराङ तिङला दि तुलुप नेसुर गालुप तिवाला तिङला दिकि रिक्पाकि ल्होदिमु हवतुप डाल्वा गोर्किउ।
\p
\v 12 तिकि किसाला ठिलुप्कि लाकपातिवा ताङ ङार मेतुव् टिनुङ तिवा राँवु जो।
\v 13 दाक्पि काङवाला लाम् थाका जो तुक्याराङ सु थोङवा वे ति मिकिसित, ति टेक्सित्।
\v 14 तेरिक तानि लोदिमु क्यानि देन्, सेम् चेङगि मेसिन चावाला थोङमुऊ।
\v 15 च्याङसेदेत, कन्ज्यककि काटिन नेसुर सुङ थारेमुलु सित् तेमे खाँदाकि मारि केनि सुलासाङ दुक्पा मेतासित तेमे दिकि आलाला ङेबु मोजोसित् ।
\v 16 च्याङसे देत् सुसाङ एसाव दगे छक जिक साँमि खाला दाक्पि केदाङ ङेतु वङज्येन् चवु दगे दिक्पि केकाङ ङेतु वङज्यन् चवु दगे दिक्छ्यान् मेसित् स्यायडेन लाका किरु मेसित्।
\v 17 चिलासिसिन खिराङला छावे तिकि तिङला गाल्नि ति मलामकि बोङजेन गेर्पु ङेतुप सेम क्यारुला मिन सासुङ, तिकि दुङाल क्यानि साङ माङे।
\p
\v 18 चिला सिसिन् खिराङ छिसिन् ओतुप् ला नक्चुमि ताङ रेक्मुथुपु लाला हवु वे।
\v 19 खिराङ तुरहि फु वु हुरु छार्तु ला हवु वेमेत मिन्सिनाङ हुरु ङोन्दप दासाला लेपुप वे तिला कोसिमा ज्यार्मा छिक् ङेन्न मेा किऊ सानि गोङवा ख्ञआशूङ।
\v 20 चिला सिसिन् तिलाला रेक्सिन् तिवाला दोथानि ग्यापइ गोकिउ।सिरुप का तिविकि ङेत्माथु।
\v 21 मोशाकि सासुङ, ति थोङगुव ति आला जिवालाङदे नक् “ङा जिबा क्याबिन तेमे ङा जिवा कि रुकिन वे।"
\v 22 तिकि ढसाला, खिराङ सियोन लाला ताङ सेनबु कन्ज्यककि ग्यासा देवाचेन थुकि गागा टोटोला हवु वे।
\v 23 खिराङ देवचान मिटिवु तिकि नाङला तोङला केबुय तिवा डिक्ज्ये तेमे तेरिकला टिम तेरुप कन्ज्यक ताङ चेङि जोबु दिक्पा मेतुव दासाला धुतिबिकि लोपुप् वे।
\v 24 तेमे साना नाकि कुङजुङ येशु चाला ताङ हाविलकि ठाक सिन होरुङ आला वल्बुा ठाकि थोरुपला ह्वबेवु वे ।
\p
\v 25 ल्होसा, खिराङ ता ताम कि ह्वो तुप मिला मिन मासिसा। चिलासिसिन जवुलिङला तिवाला जिवाकुतुप तिवाला मिन सिरुप मासेरसिन् देवावन नेसुर जिबा लगुप तिवाला चुक क्यानि थेन थुकिऊ?
\v 26 चिक तुन्याला खोकि होरकि जाबुलिङला रुसुङ। तेमे हाढा खोकि ना क्यासुङ। “हरुङ ङा खेपजिक जवुलिङ तिराङ मिन् तेमे देवाचेनलाङ युगु।
\v 27 ताहरुङ खोपचिक, सेरुप छिक्कि तेन्दक् दि जिऊ युगु थोतुप सामा तिवा तिवा ति जोताङ क्याबु वे तेरिक थेन्घिउ तेमे युग्मुथुपु तिवा तेराङ तगे देक्यु।
\v 28 तिकि किसाला युग मुथुवप गेल्खाङ ङे तुबला ओरुङकि सेमला गाकि ।
\v 29 चिला सिसिन् ओरे कन्ज्यक राप्छे किरुप मे
\c 13
\cl लिउ १३
\p
\v 1 पिनकि पार्ला हुतुगुप् च्यालम्बा नाम्लाङ च्युङ्सित ।
\v 2 ङो मेसेबुतिवाल डेन किरु मज्ये । चिला सिसिन छ्या माङेबाराङ मिरा चोकि देवा च्येनकि थुतिवाला डेन क्याबु नक ।
\v 3 ख्योङाङ दाक्पुला चोनखाङला तिवातानि टानि वतुप् दगे नासाम तोङ । सिकि तिवाला मेलेवा लाका क्याबु वे ख्योङाङ तिविकि ओङ्बुला वतुप् दगेराङ तिविकि नासाम तोङ ।
\p
\v 4 तेरिककि ज्येन्दिला तेन्दक किसित् । ज्येन्दिकि दासा मुरुक्सित चिला सिसिन श्याम्डेन श्यप् तिवाला क्न्ज्यककि ठिम किउइ ।
\v 5 तिविकि किच्यो तिवाला डेवि च्याम्वा नेसुर थारे ज्यक । खिराङतानि वतुप् तामतिवाला दाक्पि सेम सो । चिला सिसिन कन्ज्यक दाक्पिराङ दुक सिक्याबु वे, “ङा खिराङ्ला नाम्लाङ मोतोङ्गुइ, खिराङ्ला मोतोङ्गुइ ।"
\p
\v 6 ओरुङ लोदिमु च्युङि। तिकि किसाला जिवा माक्यावा ओरुङ छ्याजिक सि थुकि “चावा कन्ज्यक अरे किटोकिरुप् वे ङा जिवा मिकिउइ । मिकि ङाला काङ कि थुक्यु?”
\p
\v 7 खिराङ्ला कन्ज्यककि सुङ श्येतुप् ख्यरे अगुवा तिवाला नासाम तोङ, तिविकि किटो तिवाला सेवा कि तिविकि मोवाकि क्षा देन्तुप् कि ।
\v 8 येसु ख्रिष्ट दाङ, दाङ हारिङ ताङ नाम्लाङ चोक्पाराङ हुङ्गुइ ।
\v 9 चिन्दिङ खाले मेलेवा येन्देन तिविकि खिराङ्ला थारे खुन नोडोसित । श्यप्च्यकि ठिम नेसुर थारुप् तिवाला दिकि काङ किटो मिकिउइ, चिला सिसिन अनुग्रह नेसुर जोबु सेम ल्यामु गिउइन।
\p
\v 10 ओरुङ तानि सोवा देपुप् दासाचिक वे, ति नेसुर चिङि दासाला लाका किरुप् तिवाला साब् का नेत् ।
\v 11 चिला सिसिन दिक्पा ताङतोङ्गुप् सिनि गेर्पु नेसुर पालाङ तिविकि ठाक चेङि दासाला खसुङ हिन्सिनाङ तिवि उ्ङ्बु तिवाला सिसिन देतुप् गठे पाङ्ला रेगु नक
\v 12 तिकि किसाला, येशुकिसाङ दाक्पि ठाक नेसुर मितिवाला दाक्पुला च्याक तेरुप् सिनि ग्यासाकि फिला दुक्पा खुर्सुङ ।
\p
\v 13 तुकराङ क्यनि ख्योतानि राङ खाङ्बि फिला गाल्नि ख्योकि मोवाला ओला ।
\v 14 चिला सिसिन ङेराङ तानि नाम्लाङ लुबु ग्यासा मेदुपकि किसाला ओरुङ ता हुङ्गुप् ग्यासाला गुनि वे ।
\p
\v 15 तिकि किसाला, ख्यो नेसुर कन्ज्यकला सोवा तेरुप् सिनि ओरुङ नाम्लाङ जिन्बा तेर्कि, ख्योकि मिन्ला क्ष्या ङेइताङ शोवा तरुपति अरे च्युप्तककि डेलु हिन ।
\p
\v 16 तेमे अरेकि यिगि चिग्ला ल्यामु ताङ किटो किरुपला मेजे । चिला सिसिन दिनक राङ जिन्बा नेसुर कन्ज्यक आला गा किउइ ।
\p
\v 17 खिरे अगुवा तिविकि ओङ दित् का ङेन, चिला सिसिन सिकि चि तेरगबु उगेराङ तिविकि खिरे थुला ल्हेउइ । खिरे उगुवा तिविकि सेम येङि क्यानि खिराङ्ला ल्हासित्, दुक्पा तानि मिन, चिन्दि खिराङला सिनि थकगोबु मेत ।
\p
\v 18 ङेराङ्ला सवाँ कि, चिला सिसिन ओरुङ चेङि ह्रिक्पा वे सिनि तरिक काच्येला ल्यामु क्यानि थार थुसित् सिनि ।
\v 19 हारुङ आला लाका कि सिनि ङा खिराङ्ला सेम्सो तेर्क्यु । तिकि किसाला, ङा खिरे चाला टिबुराङ ग्युर्नि गिउइ ।
\p
\v 20 ता लुगिकि बोबु लुग्जि अरे चावा येशुकि नाम्लाङ मिसिन्बु ना नेसुर शित्पा नेसुर मिजिला खुङ्गुप् शेम येङिकि कन्ज्यककि
\v 21 ख्योकि नावा क्योलुप् सिनि तेरिक्ला छ्या चिसित । कन्ज्यककि मिङाला चिन ताम लिङ्गुप् दानु वे ख्रिष्ट येशुनेसुर तिराङ किसा । ख्योलाराङ नाम्लाङ मोवा वसित । आमेन ।
\p
\v 22 ता नुक तिवा, दि देम्सोकि सुङ तिवाला ङेदा सिनि ङा खिराङला सेम्सो तेर्क्यु, चिन्दि ङेकि खिराङ्ला थाक ङिमुला टिबु वे ।
\p
\v 23 अरे नुक तिमोथिला सेङे जोबु वे सिनि खिराङ्ला क्षा वोसित । हुतुङराङ ति टिबुराङ लेप्सिन ङा खिराङ्ला ति तानि थोङुइ ।
\p
\v 24 ख्यरे तेरिक् मोवा किरुप् ताङ् लाम् गमा किरुप् तिवाला श्युताङ् श्युसा । इटालियाकि तिवि खीराङ्ला श्युताङ् ताङ्गुप् वे।
\p
\v 25 खिराङ् तेरिक् तानि कार्टिन् देसित्।