xsr-x-shyarpa_reg/53-1TH.usfm

\id 1TH
\ide UTF-8
\h थेसलोनिकि तिबाला पावलकि टिबु टिवा थाल्मा
\toc1 थेसलोनिकि तिबाला पावलकि टिबु टिवा थाल्मा
\toc2 थेसलोनिकि तिबाला पावलकि टिबु टिवा थाल्मा
\toc3 1th
\mt थेसलोनिकि तिबाला पावलकि टिबु टिवा थाल्मा
\c 1
\cl लिउ १
\p
\v 1 पावल सिलास ताङ तिमोथि नेसुर थेस्लोनिकि तिविकि च्युखाङला कन्ज्यक ताङ चावा येसुकि काटिन ताङ लोदिमु ।
\p
\v 2 खिराङ तेरिकिकि ओरुङ तानि
\v 3 ओरुङ तेरिककि नाम्लाङ कन्ज्यकला थुचिछे तेर्गोक्यु तेमे अरे मोवा तेरिकल्ला नासाम तङुइ । ओरुङ नाम्लाङ अरे कन्ज्यक्ला ओरे चावा येसुला वतुप तिवा मोवाकि यक डिक्च्ये ताङ लाका ताङ हुतुङकि सेम कि ।
\v 4 कन्ज्यककि ङोङ्ज्ये क्याबु नक तिवा खिराङ्ला खिराङ्ला काताङ्गुप् नक ङाला च्या चे ।
\v 5 खाङसिसिन अरे लेन ल्यामु खिरे चाला सुङ क्या मिन, ङारकि चेङि थुला तेरिक लोपु हिन । खिराङ्ला सिनि ङेराङ चिनक मितिवा हिन सिनि खिराङ्ला छ्या वे ।
\v 6 खिराङ्ला अरे चावाकि छ्यादेन्दुप दगे किरुब तिवा गाल्सुङ चुकक्यानि खिरेकि दुक्पाला सुङ ङेसुङ तेमे गालाबुताङ चेङि थु ल्हासुङ ।
\v 7 तुक क्यनिराङ खिराङ तेरिक माकेडोनिया ताङ अखैयाला मोवा किरुप् तिवा तेरिक कि कुङ्ला ल्हादिमु गाल्सुङ् ।
\v 8 खिराङ नेसुर कन्ज्यककि सुङ माकेडोनिया ताङ अखैयाला खुन्गालुप् मिन । हिन्सिनाङ खिरे मोवा केन्वाङ फेलु वे । तिकि किसाला ओरुङ्ला काङ सिगोबु मेत् ।
\v 9 अरे ठक्ला तिवा दाक्पिराङ सिउइ ना तिविकि ओरुङला चिनक क्यानि नासाम तागुप वे, च्युक क्यानि खिरेकि दोला साङ देपुप् ज्याङ्नि ल्यामु कन्ज्यककि लाक किरुप सोसुङ ।
\v 10 तेमे तिकि पेजा नाम्लाङ उगुप् ल्हाहि वे तिला श्याप नेसुर सेन्बु लाङ्सुङ । ति हिन येसु तिकि ओरुङ्ला हुङु जिवा नेसुर थार्वा तेर्क्यु ।
\c 2
\cl लिउ २
\p
\v 1 नुक तिवा खिराङ दाक्पुला क्ष्या वे खिराङ्ला ङिरे उङदाङ यक मेदुमिन,
\v 2 ङिरेकि तङ्ला राङ दुक्पा खुरुप काचे खिराङ्ला क्षया वे ङछा मेदुप किताङ क्यासुङ ङिराङ खादाप बोबि पार्ला खिराङ तानि कन्ज्यक कि लेन ल्यामु सिरुप्ला चावा कन्ज्यक ला ङार्मा गाल्सुङ ।
\v 3 खाङ सिसिन ओरे गङ्बा मिदुप ताम नेसुर मिन ना मेचेङा जुनाक ज्वप् नेसुर लेपुप् हिन ।
\v 4 तेमे चुक क्यनि कन्ज्यककि ओरुङ्ला लेन ल्यामु बिन्दुप् मि दगे ला सेम्ला लानि बिन्दुप वे, तुक क्यानि राङ ओरुङ मिला मन, तजोला अरे सेम्गि खक्पा ल्हाप कन्ज्यकला गालोङु सिनि ताम किउइ ।
\v 5 खिराङला क्ष्या वे ङिरे कि नाम मोतुप् माक्या, ना देर्पा ठक्ला जिनक राङ माजो कन्ज्यक पाङुप वे ।
\v 6 ङिरेक मितिवा नेसुर सोवा माछाल, खिराङ नेसुर तेमे तेमे ज्येन तिवा नेसुर तजोला ङिरेकि चावा कि प्रेरित तिवा दगे ला उदेक किर्मुतिवा हिन सिथुप्सुङ ।
\v 7 दिकि छापुला ङिराङ खिरे चाला दाक्पि पेजा तिवा सेम श्वप मामा दगे बोल्मु च्युङसुङ ।
\v 8 तुक क्यानि खिराङ्ला ङिरे च्याम्बा तिङ्मु च्युङु वे, ङिराङ खिराङ ताङ चावा कन्ज्यककि लेन ल्यामु कोतुप् क्याजिक मिन तेमे अरे मिजि कोतुप् ति गा वतुप हिन, खाङ सिसिन खिरेकि ङिरे ठक्ला उदेक ङिङ्ज्येबु गालुप् वे ।
\v 9 खाङ सिसिन नुक तिवा ङिरे यकताङ दुक्पा खिराङ ला सेम्ला ङिरेकि खिराङ् ला चावा कन्ज्यककि लेन ल्यामु श्येतिन ओरुङ खिराङ सितिङ् खुर्बु मोडो सिनि ङिरेकि नुप ङिन यक क्याबिन ।
\v 10 ङिरेकि खिराङ मोवा किरुप तिवाला ताङ चेङि, दिक्पा मेतुप् ताङ किताङ क्यासुङ सिरुप् ताम्गि पाङ्बु खिराङ बे तेमे चावा कन्ज्यक गाङ वे,
\v 11 खिराङ्ला क्ष्या वे पापा दक्पुजिकि दाक्पि पुज्युङ पुम्ला क्याबु दगे ।
\v 12 ङिरेकि खीराङ् तेरिगला गागठा ताङ सेम्सो बिदिन, तेमे दाक्पि ग्याल्खाप ताङ मोवा ला कातोङ्गुप् चावा कन्ज्यक कि सेबु खामु गाल्नि युसिनि गाङ्बा किउइ ।
\p
\v 13 दिकि ठक्ला ओरुङ चावा कन्ज्यकला नाम्लाङ थुचिछे तेर्क्यु नाम खिरेकि ङिराङ नेसुर चावा कन्ज्यक सुङ ङेन्सुङ, तिला खिरेकि मि ताम ला मि हिन्सिनाङ चावा कन्ज्यककि सुङ दगेला लासुङ ।
\v 14 नुक तिवा, खिराङ चावा येसुला यहुदिया ला हतुप् चाावा कन्ज्यककि क्ष्योछोग कि लामु सेतुप् गालुप वे खाङ सिसिन तिवाला यहुदि नेसुर दुक्पा ङेतुप दगे खिराङ्लाङ खिरे मितिवाराङ दुक्पा बिन्सुङ ।
\v 15 दि यहुदि तिविराङ चावा येसु ताङ लुङ्देन लापुप मितिवा तेमे ओरुङ्ला श्यारकि कन्ज्यकलाङ गामोलोङु, तेमे तेरिक मिति क्ष्यला डा ज्यगु ।
\v 16 तिवा नाम्लाङ तिवि दिक्पा नेसुर केङुप्ला ओरुङ्ला यहुदि मिन्दुप तिवा थार्वा मेङेसित् सिनि ताम कि मिजिउइ । तिवि खाला ङेर्मा लेपुप वे ।
\p
\v 17 नुक तिवा ओरुङ थिङमे सेम ला मिन, क्षारुपला टालुप वे, तेमे ङिरेकि खिराङ ठेतुपला शक्षोक्षो उदेक नावा क्याबिन,
\v 18 खाङ सिसिन ङिराङ् खिरे चाला हुङुप् सेम किउइ, ङा पावल नाम्लाङ ख्यरे चाला हुङुप छाल्सिनाङ शैतान कि ङिरे लाम क्योर्सुङ ।
\v 19 अरे चावा येसु हुङ्दाङ कि तुज्येला खोकि चाला अरे रेवा ताङ सेम किर्मु ताङ तेमे सोवा कि उश्या खिराङ् राङ मिन्ना?
\v 20 हुतुङ्ला खिराङ राङ ङिरे सोवा ताङ सेम किर्मु हिन ।
\c 3
\cl लिउ ३
\p
\v 1 ङेरेकि ज्येन आला माथेक्सिमा एथेन्सला चिकराङ देदु ल्यामु लासुङ ।
\v 2 खिरेकि मोवाला रंबु जोसिन खिराङ्ला सेम सेम्सो तेरु सिनि ङेरेकि ङेरे नुक तिमोथिला ताङिन चिला सिसिन तिमोथि दि मि हिन ।
\v 3 दि दुक्पा नेसुर सुङ फारछुर मिकिसित सिनि ओरुङ्ला का ताङु हिन ।
\v 4 हुतुङराङ् ङेरेकि तङ्लाराङ खिरे पार्ला ङेराङ दुक्पिकि चाला वे सिनि सिक्याबु हिन, खिराङ्ला छ्याराङ वे हादा दि दुक्पा लेसुङ् ।
\v 5 दिकि किसाला थेक्राङ मुथुबु मोवाला श्येबु दाङ खिराङ्ला खक्पा ल्हानि ङेरे (मेहेनेत) तिजराङ डिदे सिनि ङेरेकि तिमोथिला तिङु हिन ।
\p
\v 6 तजोला तिमोथि खिराङ् नेसुर मोवा दाङ् च्याम्बाकि लेन खुन लेसुङ् खिराङ तानि ङेरे ल्यामु नासाम तिवा वे । च्युक क्यानि ङेरेकि खिराङ्ला ठेदु नावा किउइ ।
\v 7 दिकि किसाला, नुक तिवा, ङेरे तेरिक सेम च्येदिताङ् दुक्पा ला खिरेकि मोवा नेसुर ङेराङ्ला सेम स्वप ङेदु वे ।
\v 8 हुतुङराङ खिराङ चावाला खिला देसिन, ता ओरुङ् हुतुङ शेन्बा वे ।
\v 9 खिरेकि किसाला ङेराङला वदु सेम येङिला कन्ज्यककि गमाला ङेराङ च्युक क्यानि कन्ज्यक्ला थुच्ये बुलुपजा?
\v 10 खिरे च्याङा ल्हादाङ खिरेकि मोवाला चिनक काच्ये दि चेजिक वे, ति तेर थुश्यित सिनि नुप ङिन ङेराङ कास्ये क्यानि संवा देक्यु ।
\p
\v 11 ओरे कन्ज्यक, येसुकि खिरे चाला हुङु गो पेनि तेर्सित ।
\v 12 चावाकि तेरिक मि तिविकि पार्ला च्याम्बाला आला च्युङ्नि फेलिन डोसित च्युक क्यानि ङेराङ खिरे क्ष्यला किउइ ।
\v 13 ओरे चावा येसु कन्ज्यककि चेङि मितिवा तानि हुङसिन ओरे पापिकि चाला खिराङ्ला चेङिला खादा मिन्दुप जो ।
\c 4
\cl लिउ ४
\p
\v 1 तिङ्ला नुक तिवा, चावा येसुला ङेराङ खिराङ्ला सेम्सोदाङ येन्देन तेर्क्यु च्युक क्यानि मिजि क्योङ गोबु हिन, च्युक क्यानि चावा कन्ज्यकला गालोङगोक्यु सिनि किरेकि ङेराङ् नेसुर श्येसुङ, ति श्येबु सिना आला क्याबु मेत् ।
\v 2 चिला सिसिन, ङेरेकि चावा येसु नेसुर खिराङला बिन्दुप टो तिवा खिराङ्ला छ्या वे ।
\p
\v 3 दि कन्ज्यककि नावा हिन, खिराङ् दाक्पुला चेङि जो, लाका मेदुप नावा नेसुर थारे देत ।
\v 4 च्युक क्यानि ताङ्देन क्यानि दाक्पि पेर्मि तिवाला लिङगोक्यु सिनि तेरिककि श्येसा ।
\v 5 चावा कन्ज्यकला ङोमेसेबु ज्येन मिरिगतिविकि दगे यग्ला श्युनि मिन ।
\v 6 दि काच्येला सिकिसाङ मिला दिक्पा मिकिसित दाक्पि नुक्ला मेलेवा मिकिसित चला सिसिन दि तेरिककि छापुला चावाकि लिङुइ च्युक क्यानि ङेरेकि खिराङ्ला तङ्लाराङ जिवा कुदु वे ।
\v 7 चिला सिसिन कन्ज्यककि ओरुङ्ला मेचेङिला काताङु मिन, दजोला चेङिला का ताङु हिन ।
\v 8 तिक किसाला, सिकि दि मिन सिउइ तिकि मि तिवाला मिन, कन्ज्यकला मिन सिउइ, सिकि खिराङ्ला दाक्पि थुचेङि तेर्क्यु ।
\p
\v 9 नुक तिविकि च्याम्बाकि कला खिरेकि खाङ टिक मोगोउइ । मिराचिगि राङ्साला च्याम्बा किरु कला खिराङ्ला कन्ज्यक नेसुर लाबु वे ।
\v 10 हुतुङला खिराङ माकेडोनिया ला वतुप तेरिक नुक तिवाला क्याबु दगे ङेराङ खिराङ्ला का किउइ नुक तिवा हारुङ् आला कि ।
\v 11 ङेरेकि खिराङ्ला का क्याबु दगे सेम्सोला देत्, दाक्पि लाकाला सेम ग्याकुताङ दाक्पि लाक्पिकि लाका किरु का तेर्क्यु ।
\v 12 दुक कि मोवा सिना फिला वतुप तिवा सिना ल्यामु क्यानि मिजि क्योङ थुवा, चिला सिसिन खिराङला चिन्दिङ काच्ये मेत्पा मेङ्सित् ।
\p
\v 13 नुक तिवा दि ङ्यालुप् तिविकि कला खाराक्पा देत् सिनि ङेराङ सेम मिकिउइ चिला सिसिन रेवा मेदुप मितिविकि दगेराङ खीरेकि सुर्ता कि मोगोसित ।
\v 14 येसु श्यिनि, सेन्बु लासुङ सिनि ओरुङ मोवा किसिन कन्ज्यककि साङ सु सु कन्ज्यक्ला ङ्यालु वे तिवाला लोङ्या सेन्बा जेउइ ।
\v 15 कन्ज्यककि सुङ नेसुर ङेराङ खिराङला दुक सिउइ ओरुङ सु शेन्बा वे कन्ज्यक हुङु उङ्दाङला थार्क्यु, ओरेकि चिन्दिङ तुज्येला शिनि गालुप् तिवाला ग्याल मुथुइ ।
\v 16 चावा दाक्पुराङ वोवो सोवा, थुचे वोरु, (तुरहिक) कि वोरु तानि हुतुङ तेमे चावाला श्येप तिवा तङ्ला लाङुइ ।
\v 17 तजोला ओरुङ सु थार्नि वे तङ्ला खुन गालु तिवा तानि छ्याजिक मुक्पाला ठिक्युइ तेमे ओरुङ नाम्लाङ कन्ज्यक तानिराङ हुङुइ ।
\v 18 तिकि किसाला सुङकि मिराचिगि राङ्साला सेम्सो बिन ।
\c 5
\cl लिउ ५
\p
\v 1 नुक तिवा खिराङ्ला तुज्ये ताङ (रितु) कि काच्ये टिगराङ गोबु मेत् ।
\v 2 खाङ सिनिसिन खिरेकि राङ तेरिक श्येबु ना चावाकि हुङ्दाङ नेबि उगुब् कुज्येन दगेराङ हिन ।
\v 3 खिरेकि लोदिमु ताङ ज्यिवा मेत सिइ किरुप् बेला जुबु वतुप सिइदाङ खिरेखाला च्युक क्यानि तोङ्थुक्यु ।
\v 4 हिन्सिनाङ नुक तिवा कुन्ज्येन दगे हुङ्गुप्ला खिराङ नाक तिगिला मेत् ।
\v 5 खाङसिसिन खिराङ तेरिक ठ्याछ्यालिकि सेम्सो तिवा हिन । ओरुङ नुप्कि गिपा तिवा मिन ।
\v 6 तिकि किसाला ओरुङ ज्येन मितिवादगे माङ्याला तेमे लानि देकि, तिवा दगे तेमे गेर्पु देक्यु ।
\v 7 खाङ सिनि सिसिन ङालु तिवा नुप्लाराङ ङ्याल्ग्यु थुनि जितुप तिवा नुप्लाराङ जिउइ ।
\v 8 हिन्सिनाङ ओरुङ गिपा तिवा हिन् । तिकि किसाला गेर्पु हिन तेमे मोवाकि छाति-पाता तिवा कोन तेमे तङि उश्या तिवा कोन ।
\p
\v 9 खाङ सिनि सिसिन कन्ज्यक कि ओरुङ्ला जिबि ल्हा मिन ओरे चावा येसु नेसुर ल्यामु डोसित् सिनि दामु हिन ।
\v 10 कन्ज्यक ओरुङ्ला सिन श्येप हिन तेमे ओरुङ नेबिसाङ जिबा मेता देगोक्यु तेमे ङ्यि लक्सिमा साङ कन्ज्यक तानि थार्क्यु ।
\v 11 तुक क्यानिराङ खिरेकि ताङ्ला क्याबु दगेराङ क्यानि दक्पुचिकराङ क्यानि सेम्सो ल्यामु कि ।
\p
\v 12 नुक तुवा खिरेकि ङारला किरु तिवि खाला खिरेकि ङार तेरुप्ला चावाकि खिराङ्ला थाका तेङ्ला वतुप सेम दिमु हुङुला का तोङ गोक्यु ।
\v 13 ङेरेकि खिरे यगि कि किसाला थेन्बु ताम्देन कि नासाम लाङुङ । खिराङ तेरिक लोदिमुला देत् ।
\p
\v 14 नुक तिवा खिराङला मितिवा तानि डिकुप् ज्यिवा कुतुप् मेलेवाला ल्यामु जब ङार मेतुप् तिवाला हिन सिनि सिरुप् तेरिग तानि मुथुबु सेम तेर्क्यु ।
\v 15 ल्होसा मेलेवा नक सिनि मेलेवा माकि तेमे नाम्लाङ मिरा चिकराङ क्यानि तेरिक्ला ल्यामु किसा ।
\p
\v 16 नाम्लाङ ल्यामु किसा ।
\v 17 ङा मोसोवा सोवा तोप् ।
\v 18 तेरिक ताम्ला थुचिछे बुला चिला सिसिन खिराङ चावा येसु नेसुर कन्ज्यककि नावा हिन ।
\p
\v 19 थु चेङिला मासे ।
\v 20 लुङ्देन लापुप तिवाला ङेप्च्ये माकि ।
\v 21 तेरिक ताम्ला खक्पा ल्हो काङ ल्यामु वे ल्यामु नुक तिला क्ष्यो तिराङ कि ।
\v 22 तेरिक मेलेवा यक तिवा तोङ ।
\p
\v 23 लोदिमु कन्ज्यक कि दाक्पिराङ खिराङ्ला ल्यामु क्यानि चेङि जोसित् तेमे खिरे तेरिक थु उ ताङ उङम्बुला ओरे चावा येसु कि हुङ्ताङ्ला दिक्पा मेदा देसित् ।
\v 24 खिराङ्ला कातोगु ति किताङ ल्यामु वतुप वे ख्योकि राङ ठिम किउइ ।
\p
\v 25 नुक तिवा ङाला मोपर किसा ।
\v 26 नुक तिवा ङेराङ्ला चेङि ङि्ज्येकि गासो किसा ।
\v 27 ङा चावा नेसुरर खिराङ्ला गोङ्बा किउइ तेमे दि लेन नुक तिवा तेरिककि रानि ल्हासित ।
\v 28 ओरे चावा येसुकि काटिन खिराङ् तानि वसित् ।