See in Reader
150 lines
35 KiB
Plaintext
150 lines
35 KiB
Plaintext
\id PHP
|
|
\ide UTF-8
|
|
\h फिलिप्पीतिबाला पावलकि टिबा
|
|
\toc1 फिलिप्पीतिबाला पावलकि टिबा
|
|
\toc2 फिलिप्पीतिबाला पावलकि टिबा
|
|
\toc3 php
|
|
\mt फिलिप्पीतिबाला पावलकि टिबा
|
|
\c 1
|
|
\cl लिउ १
|
|
\p
|
|
\v 1 ख्रिष्ट येशु कि यक्पु तिवाला पावल ताङ तिमोथि नेसुर फिलिप्पि ला ख्रिष्ट येशुला हतुप विशप तिबाताङ डिकन तिवा तेरिला चेङग्मितिबाला |
|
|
\v 2 चावा कन्ज्यकला अरे पापा ताङ चावा येशु ख्रिष्ट नेसुर ख्रिष्ट ला काटिन ताङ लोदिमु |
|
|
\v 3 च्यो बेकि तुजेला खिराङला नासाम तोङसित ङा ङे चावा कन्ज्यकला थुच्यिछे तेर्किवि |
|
|
\v 4 ख्र्यिराङ तेरिला ङे तेरि मोपार ला नाम्लाङ ङा सेम किरमुला मोपार क्यिउ |
|
|
\v 5 तङि ङिमा नेसुर अरिङ साक लेनलेमुला ख्यिरे जोबुप ला ङा थुच्यिछे तेर्क्यि |
|
|
\v 6 ङा दि ताम्ला जिबु अइ, खाङ खिराङला दि यकलेमु ला देनुपतिला येशु ख्यिरेकि ङिमा साक दिला तेरि किरुप नाम्लाङ तेर्किवि |
|
|
\v 7 खिराङ तेरिला कि दिनक नासाम तोङुप ङेलागि लेमु अइ खाङ सिसिन खिराङ तेरिला ङे सेम्ला ज्याकुप वे | ङा उम्नि हतुप ताङ लेनलेमुकि डिकुप ताङ हुतुङ जिबु ङिकारला ख्यिराङ तेरि काटिनला दाल्जा क्याबुप अइ |
|
|
\v 8 च्यिलासिसिन ख्रिष्ट येशुकि च्याम्बाकि तिङमुला ङा ख्यिरे कला चो कम्बा किउ सिरुप ताम्ला चावा कन्ज्यक ङे पाङबु अइ |
|
|
\v 9 तेमे ङेकि दिनक सिदाङ मोपार किअइ, खाङ च्यु ताङ तेरि नासामला ख्यिरे च्याम्बा उदेक-उदेक बाङ्गि डोइ डोसित |
|
|
\v 10 तेमे चेङ्गि उदेक लेमु नक तिनक ताम तिबा ख्यिरेकि ङार क्यानि देम्थुप तेमे दुक्यानि ख्यिराङ ख्रिष्ट कि ङिमाला खालाङेदुप ताङ ङेबा मेतुप देक्यु |
|
|
\v 11 कन्ज्यक सोवां ताङ सोवां बुलुपला येशु ख्रिष्ट नेबा हुङ्गुप दिक्पा ङेतुप डाल्बिकि ख्यराङ क्येङिन्दाङ ग्युक |
|
|
\v 12 नुक तिबा ता ख्यिराङला दि छ्यङेसित सिरुप ति ङा सेमतोङगु खाङ ङेखाला लेपुप दि तेरि ताम तिबा हुतुङ लेनलेमु ला उदेक गमाला यक क्याबुप अइ |
|
|
\v 13 तिकिकिसाला ग्याङखाङ कि तेरिला जिबा मेतुप ताङ जेन लाक्पा तेरिकि ङा ख्रिष्टकि कला उम्नि च्याताक तिबा थनि ताबु छ्याङेतुप अइ |
|
|
\v 14 चावाला हुतुङ बाङि नुपतिबा ङे च्याताक कि किसाला ज्यिबा माक्याबा चावा कन्ज्यककि सुङ ताम किरुप नावा किरुपला तारुङ बाङ्गि गालाबु अइ |
|
|
\v 15 ला-ला ला-ला तिबि या खनाक ताङ जेनतिबिकि (सदभाब) कि साङ ख्रिष्ट कि लेन क्याबुप अइ |
|
|
\v 16 च्याम्बाला ख्रिष्ट कि लेन लेमुकि जिबा मेताट ला ङाला देज्याकुप अइ सिरुप ताम स्येक्यि |
|
|
\v 17 तेमे ज्येनतिबिकि चावाला लेन ताङ राङ्गितिकि माल्हाब मिडिकुप मेता तेन्दक क्यिवि ङा च्याताकताङ हतुप बेला ङे (स्थिति) जोन ल्हाक्पा काबु जब नासाम तोङगिनक |
|
|
\v 18 दुक्हिनसिन खाङ र? चाहे जिनकला हिनसिन हुतुङ ला ङिकारनेसुर? ख्रिष्ट कि लेन दि मितिबिकि कोकिवि तेमे ङा दिलाराङ गालाङु इन; ङा दिलाराङ गालाङु |
|
|
\v 19 च्यिलासिसिन ङाला छ्यावे, ख्यिरे सवा देपुप येशु ख्रिष्ट कि थुकि र किसाला दि ङाला टाल्नि खुङगप ताम हुतुङ गिवि ।
|
|
\v 20 ङे आला गुबुप ताङ रेवा नेसुर ङा ङछाला मोस्योर्सित; इन्सिनाङ तेरि (साहस) ताङ नाम्लाङ तगे ताङ तिजो वेल साङ ङे मिजिनेसुर मिन्सिनाङ स्यामडेन नेसुर ख्रिष्ट ङे जुबु नेसेर देकित ।
|
|
\p
|
|
\v 21 च्यिलासिसिन ङा थारुप ख्रिष्ट हिन, तेमे स्येपति (लाभ) हिन ।
|
|
\v 22 तेमे जुबुला थारुपला ङे दुक्पानेसुर गिपा ग्यिउ सिनि चेन्दि तामाला देपुप सिरुप ताम ङाला छ्यामेत ।
|
|
\v 23 ङाया खाङ किरुप किरुप स्योरु वे । ङा स्यिनि गाल्नि ख्रिष्ट ताङ डप सेम किवि, तिति तारुङ ताम लेमु हिन
|
|
\v 24 यिन्सिनाङ ख्यिरे कला ङा जुबुला देतुप ति उद३क मेताटमेगुप वे ।
|
|
\v 25 ति तामला ङा तिबु गालुप किसाला ङे सेकिवि, खाङ ङा सेन।बु देकिवि इन । मोवाला लेमु किरुप ताङ सेमयेङिला ङा ख्यिराङ तेरिताङ नाम्साङ देकिवि ।
|
|
\v 26 ङा ख्यिरे किसाला चाला लोङ्राङ जोम्सिन ङे कला ख्यिराङला येशु ख्रिष्टला गाकिरुप बाङ्गि ङेकिवि ।
|
|
\p
|
|
\v 27 ख्रिष्टकि लेनलेमुला शेबुखामु डपला नाबानेसुर सिक्या दाक्पि मिजि क्योङ । ङा ख्यिराङला डेतुप हुगुप यिन्सिनाङ ङा मोजोम्सित, दि क्यि, तेमे ख्यिराङ दक्पुजि थुला (द्रुढ) गाल्नि लाङुप गालुप वे । सिरुप ति ख्यिरे कला ङेकि कोतुप ङेसित ।लेनलेमिकि मोवाला ख्यिराङ डिङनि दक्पुजि थुलाराङ उदेक दुक्पाकि डप ङेसित सिरुप ङे सेम वे ।
|
|
\v 28 ख्यिरे डातिबि क्याबु चेनक तामनेसुर राङ जिवा माकि । दि तिबाला तिबिकि नाडप तेमे ख्यिराङला ख्यिरेकि थार्वाकि दि चावा कन्ज्यकनेसेर राङ लेपुप हिन ।
|
|
\v 29 खाङसिसिन ख्रिष्टकि दि खिराङला बिन्दुप अइ, दि खिरेकि खोला मोवा किरुपला क्यानि मिन् तेमे खोकि दुक्पा खुर गोकिवि ।
|
|
\v 30 तङला ङे क्याबुप दुक्पाङ खिरेकि थोङसुङ, तारुङसाङ ङेकि दुक्पा किहतुप ताम खिरेकि कोतुप अइ । ता खीराङसाङ ति दुक्पि नाङंला वे ।
|
|
\c 2
|
|
\cl लिउ २
|
|
\p
|
|
\v 1 दिजो ख्रिष्टला चेजिक् गा वे, खोकि ङिङ्ज्येकि च्येजिक् सेम सोनि वसिन्, थुचेङिला च्येजिक् छकुप्, च्येजिक् ङिङ्ज्ये तेमे सेम सो वसिन्,
|
|
\v 2 खराङ् सेम चिक्राङ् च्युङ्नि, चिक्राङ् ङिङ्ज्येकि किदाङ् क्यानि, थुला चिक्ला च्युङ्नि सेम चिक्राङ् क्यानि ङे गा ला तेरिककि।
|
|
\v 3 राङ्ला क्याजिक् नासाम ताङ्नि काङ्ज्यिगाङ् माकि, हिन्सिनाङ् सेम् ज्यापु क्यानि राङ्ला सिनाङ् ज्येन्ला छ्ये कि।
|
|
\v 4 राङ्ला गोबु जा तिवाला क्याजिक् नासाम मातोङ् हिन्सिनाङ् ज्येन तिवाला गोवु जा तिवालाङ् नासाम तोङ्।
|
|
\p
|
|
\v 5 खिरे सेम्बा ख्रष्ट येसुकि सेम् दगे हुङ्सित्,
|
|
\v 6 खो कन्ज्यक दगेरराङ् नक् हिन्सिनाङ् कन्ज्यक ताङ्कि राङि तिजो तिजो राङ् खोकि जिम्नि ज्यकुप् च्यालाक दगेरङ् सेम माक्या।
|
|
\q
|
|
\v 7 तुक किसा खोकि राङ्ला राङ् तोङ्बा जोसुङ्। खोकि यक्पिकि छ्यालुक क्यासुङ् तेमे मिला ग्युर्नि केसुङ्।
|
|
\q
|
|
\v 8 मिकि छ्यालुक्ला देनि खोकि राङ्ला सेम ज्यापु जोसुङ्, तेमे श्याप मिन्सिन् क्यासिन् ग्याङ्श्यिङ् श्याप् साक् राङ् खाला ङेन्सुङ्।
|
|
\q1
|
|
\v 9 तुक किसा कन्ज्यककि खोला लेम्ग्ये राङ् खोला नाम्ला तेक्सुङ् तेमे खोला तेरिक् मि सिना छ्ये बिन्सुङ्।
|
|
\q
|
|
\v 10 तुक किसा देवाचेन्ला, जाम्बुलिङ् खाला तेमे जाम्बुलिङ् कि हक्ला वतुप् तेरिककि येसुकि मिन्ला टिमुङ् जु गोक्यु।
|
|
\q
|
|
\v 11 तेमे पापा कन्ज्यककि सँवा कितुप्ला तेरिक खोकि येसु ख्रिष्ट राङ् चावा हिन् सिनि ङेन् गोक्यु।
|
|
\p
|
|
\v 12 तुक किसा, ङेकि ङिङ्ज्ये हुङु तिवाला च्युक क्यानि खिरेकि नाम्लाङ का ङेनि वे, ता ति ङा वसिन् क्याजिक् मिन् हिन्सिनाङ् मिजिसाङ् लेम्ग्याराङ् जिवा तेमे रुकिन्दाङ् राङि थार्वा कि लाका तेरिकि।
|
|
\v 13 चिला सिसिन् कन्ज्यककि गा लोङ्गुप्ला खिराङ् ङिकार्ला सेम कितुप् तेमे लाका कि जितुप्ला खिरेकि लाका कितुप् खोराङ् हिन्।
|
|
\p
|
|
\v 14 मुताम् माक्याबा तेमे ख्योताङ् ङा माक्याबा तेरिक् लाका तिवा कि,
|
|
\v 15 चिला सिसिन् खिराङ् चुकैसाङ् लाका मेलेवा माक्याबा कन्ज्यककि काङ्लाङ् आप्टि माफगु तेमे सिक्याबु खाला ङेन्दुप् पुज्युङ् गाल्निु मेलेवा ताङ् थोर्थोतुप् गिपा तिवि पार्ला दि लुङ्बाला ठ्याछ्यालि राक्याराङ् ठाछ्यालि गाल्नि देत्।
|
|
\v 16 मिचिकि सुङ्ला राम्बु क्यानि जिम्नि देत्, चिला सिसिन् ङा तुक्राङ् माछ्य तेमे ङेकि तुक्राङ् दुक्पा माक्या सिनि ख्रिष्टकि मिन्ला ङा गा कि थुप्सित्।
|
|
\p
|
|
\v 17 खिरेकि मोवा तेमे लाका ति चावाला पुलुप् जिन्बा दगेराङ् हिन्। ति जिन्बाताङ् ङेकि राङि ठाककि जिन्बा पुल्गोसिनाङ् ङा गा किउइ, तेमे ङा खिराङ् तेरिक् तानि गा किउइ।
|
|
\v 18 दुक्राङ् क्यानि, खिराङ्साङ् गा किगोक्यु तेमे ङा तानि राङ् सेम् किर्मु कि गोक्यु।
|
|
\p
|
|
\v 19 तिमोति ला खिरे ते टिबुराङ् तोङ्गुप् ला ङेकि चावा येसुला रेवा ज्याकु हिन्, चिला सिसिन् तिकि त्यावा खिरेकि काला थोङ्नि ङा आलाराङ् गा कि थुप्सित्।
|
|
\v 20 ति दगेराङ् खिराङ्ला सेम्नेराङ् टेङ्बु क्यानि ल्हाप् ङा तानि ज्येन् सुङ् मेत्।
|
|
\v 21 चिला सिसिन् तिवा तेरिककि येसु ख्रिष्टकि ताम सिनाङ् राङि सेम्ला ड्वप् ताम क्याजिक् कितुप् छोल्गिनक्।
|
|
\v 22 हिन्सिनाङ् खिराङ्ला तिमोथि ति चो आछेउइ छ्याराङ् वे, चिला सिसिन् चुक् क्यानि आङिकि राङि पापि लाका कि, तुक्राङ् क्यानि लेन् ल्यामुला ङातानि लाका क्यानि वे।
|
|
\v 23 तुक किसा ङाला काङ् गि सिनि छ्या ङेदु तुच्यिक् चो टिबु आछ्येउइ ङा तिमोथिला खिरे ते तोङ्गुप् रेवा किउइ।
|
|
\v 24 हिन्सिनाङ् ङा दाक्पुराङ् खिरेकि पार्ला टिबु राङ् गिउइ सिरुप् ताम चावाला लेमु क्यानि छ्या वे।
|
|
\p
|
|
\v 25 इपाफ्रोडिटसला खिरे ते ग्युर् तोङ्गुप् ङा गोवा हिन् सिउइ। ति ङे नुक् तेमे लाका किटो कितुप् तेमे दाल्जा माक् हिन्, तेमे खिरेकि लेन् क्योलुप् ताङ् ङाला गोबु दासा नेवाकि लाका कितुप् कि मि हिन्।
|
|
\v 26 ति आमोछ्योबु क्याबु ताम्ङेन खिरेकि छ्या ङेतुप् तिकि ति लेम्ग्याराङ् जिवा किनक्, तेमे खिराङ् तानि हुङ्गुप् सिनि तिकि सेम्बा किनक्।
|
|
\v 27 चिला सिसिन् ति हुतुङ्राङ् तिनक् आ मोछ्योनक्, ति श्येप्राङ् छाल्नक् हिन्सिनाङ् कन्ज्यककि तिला ङिङ्ज्ये क्यासुङ्, तेमे तिला क्याजिक् मोन् दुक्पि खाला दुक्पा मेङ्सित् सिनि ङाला साङ् ङिङ्ज्ये क्यासुङ्।
|
|
\v 28 तुक किसा तारुङ् लेम्गेराङ् गा किइदाङ् ङा तिला खिरे ते तोङिन् वे, तेमे खिरेकि तिलाङ् थोङुइ, खिराङ् सेम किर्मु किउइ तेमे ङा सेम्ना कितु तेवा थेन्ग्यु।
|
|
\v 29 तुक किसा तेरिक् सेम्ला गा कि चावाला इपाफ्रोडिटसला गासो श्यु, तेमे ति दगे मि तिवाला ताङ्देन् कि,
|
|
\v 30 चिला सिसिन् ख्रिष्टकि लाका किसिन् ति श्येप् राङ् छाल्नक्। खिरेकि ङे लाकाला कि माथुबु लाका सिन्दा कितुप्ला तिकि राङि मिजि श्येप् जिवाला क्याल्सुङ्।
|
|
\c 3
|
|
\cl लिउ ३
|
|
\p
|
|
\v 1 तिङ्माला ङे नुक तिवा, चावा कन्ज्यकला सेम् येङि किसा । खिराङ्ला ताम् चिक्राङ् नाम्लाङ् टिकुप् कि ङाला छेरे लाङ्दे हिन्। दि ताम तिविकि खिराङ्ला च्याङ्से ज्यागुउइ।
|
|
\p
|
|
\v 2 कि तेवि चने थारे देत्। मेलेवा लाका किरुप् तिवि चाने च्याङ्से देत्। जुबु दुपुप् तिवा नेसुर् थारे देत्।
|
|
\v 3 चिला सिसिन् (खतना) ओरुङ्राङ् हिन्। ङेराङ्राङ् चावा कन्ज्यककि थुने सँवा बुलग्यु। ओरुङ्राङ् येसुला (गर्व) किउइ, जुबुला चिन्दिङ् रेत्पा मिकिउइ।
|
|
\v 4 तुक किसाला, ङाङ् जुबुला रेत्पा कि थुबु मि हिन्। हुतुङ् सिकि दाक्पि जुबुला रेत्पा किरुप् सेम् किउइ सिसिन्, ति सिना ङा ल्हाक्पा कि थुप्क्यु।
|
|
\p
|
|
\v 5 ङे ङिमा ग्येकि छेमु (खतना) क्याबु हिन्, ङा इस्त्राएलकि मि तिवि नाङ्ने चिक्, बेन्यामिन गिपाला केबु, हिब्रु तिवि हिब्रु हिन्ः ठिमकि कलादि, चिक् फरिसि।
|
|
\v 6 ङेकि ङार छ्ये क्यानि जोम्खाङ्ला दुक्पा बिजन्दुप् हिन्। ठिम कि दिक्पा मेतुप् कि कला ति ङा क्यान् मेतुप् हिन्।
|
|
\p
|
|
\v 7 ङाला सिनि ल्यामु गालुप् तेरिक् ताम तिवा, ख्रिष्टला सिनि ङेकि तेरिक् मेलेवा राङ् सेम् क्याबु वै।
|
|
\v 8 हुतुङ्ला ङा, ङे चावा येशु ख्रिष्टकि येन्देन्कि गेर्पुकि किसा ता ङा तेरिक् ताम् तिवाला मेलेवा राङ् नासाम् किउइ। खोला सिनि ङेकि तेरिक् ताम् तिवा ताङु वै। ङेकि चावा येशु ङे थुप्सित् सिनि ति तेरिक् ताम् तिवाला लाका मेतुप् हिन सिनि सिक्याबु वै,
|
|
\v 9 तेमे खोला थोङ् थुप्सित्। ठिम् नेसुर् ङेकि दाक्पिराङ् ङेतुप् दिक्पा मेतुप् ताम ति ङा तानि मेत्। तिसिना, ख्रिष्ट येशुला मोवा नेसुर् ङेतुप् दिक्पा मेतुप् ङा तानि वै, दि दिक्पा मेतुप् ति मोवा किदिमु कन्ज्यकने ङेकि ङेतुप् हिन्।
|
|
\v 10 दिकि किसाला, ता ङा खो ताङ् खोकि सेन्बा लाबु ङार्ला श्येवु नावा किउइ। खोकि श्येप् ङाला सिनि श्येप् कि छ्यला ग्युरुप् नावा किउइ,
|
|
\v 11 श्येप् तिवि नेसुर् लाङ्गुप् ति चिनक् गिबे सिनि हाक् को थुप्सित्।
|
|
\p
|
|
\v 12 ङेकि दि तेरिक् ताम् तिवा ङेनि सिन्दुप् वै, ङा तेरिककि केङ्नि वै सिनि सिरुप् ति हुतुङ् ताम् मिन्। तिसिना चिन् ताम्ला सिनि चावा कन्ज्यकनेसुर् दाम्बुप् हिन्, ति ङेकि जिम् थुप्सित् सिनि ङा ङार किउइ।
|
|
\v 13 नुक तिवा, ङेकि दि ताम् तिवा तेरिक् जिम्नि सिन्दुप् वै सिनि ङा सेम् क्योङ्बु मिकिउइ। हिन्सिनाङ् ताम चिक्ति ङेकि जिम् थुबु वैः ङा तिङि ताम तिवा ज्येनि गमि ताम तिवा लेम्ग्यानि लाका किउइ।
|
|
\v 14 ङा ख्रिष्ट येशुला कन्ज्यककि तेङि का ताङु क्ष्याक्तक ग्यालुप्ला गमा ड्वप्ला आला लाका किउइ।
|
|
\v 15 दिकि किसाला, ओरुङ् हुतुङ् गालुप् तिवा तेरिक् कि दुनक् नावा कि। हुतुङ् खिरेकि लाला ताम् तिवाला राङ्सा क्ष्यकि सेम् किसिन् कन्ज्यककि साङ् ति ताम् तिवालाङ् खिराङ्ला सिनि छ्या देन्ग्यु।
|
|
\v 16 तिकि किसाला अरेकि काङ् ङेतुप् वै, ङेराङ् ति ताम्ला राम्बु क्यानि ख्येनि देकि।
|
|
\p
|
|
\v 17 नुक तिवा, दि किताङ् किरुप् तिवा च्युङा । ङेराङ्ला खिरेकि ङेतुप् पे दगे युगुप् तिवाला ल्यामु क्यानि ल्हो।
|
|
\v 18 ति आला मि तिवा सिकि कला ङेकि खिराङ्ला सासाबा क्याबु हिन्, तेमे हादा ङा मिक्च्युर् तानि ङा श्येतिन् वै, तिवा ख्रिष्टकि ग्याङ्श्यिङ्कि डा तिवा दगे युगिन् वै।
|
|
\v 19 तिवि मिजिला तिङ्ला थोङ्गुप् ति सिन्दुप् हिन्। चिला सिसिन् तिवि कन्ज्यक तिवि ख्वक्पा हिन्, तिवि कि ङच्छाला तिवि खनाक्पा वै। ति जाम्बुलिङ्कि ताम् तिवाला सेबा किउइ।
|
|
\v 20 ङेरे (नागरिक्ता) देवा चेन्ला वै, कन्सुर् ङेराङ् थार्वा तेरुप् चावा येशु ख्रिष्टला गुक्यु।
|
|
\v 21 खोकि ङार नेसुर् तेरिक् ताम् तिवाला चुक क्यानि खोकि गमाला खुङ् थुप्क्यु, तिनकराङ् ङेरे जुबुलाङ् खोकि सँवाकि जुबु दगराङ् च्युङुला ग्युर्नि तेर्क्यु।
|
|
\c 4
|
|
\cl लिउ ४
|
|
\p
|
|
\v 1 दिकि किसाला ङे ङिङ्जेबु उज्यु नुक् तिबा, ङा सुला सेम् किउ, ङे किर्मुताङ् उस्या, ङे ङिङ्जेबु दाल्जा तिबा, यस्तै गरि चावाला डेक्ला देत्।
|
|
\p
|
|
\v 2 ङा इयोदिया ताङ् सुन्तुखेला चावाला सेम् च्यिक् राङ् किरुला ङा गङ्बा स्यिउ।
|
|
\v 3 हुतुङ्राङ्, ङ्यासिङ् च्यिग् लाराङ् हतुप् दाल्जा किरुप् तिबा, ङा ख्योङ्ला दिङ् सिनि गङ्बा स्यिउ, दि पुमा तिला दाल्जा कि। चिला सिसिन् तिबिकि ङा क्लेमेन्ट ताङ् ङे ज्येन् लुबु दाल्जा तिबा तानि लेन् ल्येमु लापुला दिक्पा क्याबु वे, दिबि मिन् ति मिजिकि थेप् ला वे।
|
|
\p
|
|
\v 4 चावाला नाम्लाङ् किर्मु कि। ङा याङ्लोङ् सिउ, किर्मु किसा।
|
|
\v 5 खिरे जेथुपुति मि तेरिक्कि छ्याङेसित्। चावा चालाराङ् हये।
|
|
\v 6 खाङ्ङि कलाङ् सेम्ला दुक्पा माक्यि। ति सिना तेरिक् ताम्ला मोवा ताङ् जोल्मु क्यानिते गोङ्बा स्युनि, तेमे थुच्येतानि खिरे गङ्बा स्युबुति कन्ज्यक् कि सेम्ला लाङ्सित्।
|
|
\v 7 तेमे अरे तेरिक् रिक्पा सिना थेदाला हतुप् कन्ज्यक्कि किर्मुकि ख्रिष्ट येशूला खिरे सेम् ताङ् रिक्पा तिबाला ल्यामु क्यानि ज्यकिद।
|
|
\p
|
|
\v 8 उज्यु नुक् तिबा, हुतुङ्कि ताम् तिबा, खाङ् खाङ् ताङ्देन् कि दिमु नक्, खाङ् तिबा ठिम् नेसुर नक्, खाङ् तिबा ल्येमु नक्, खाङ् तिबा कि दिमु नक्, खाङ् तिबा ल्यामु मिन्कि नक्, त्ये लाला तेरिसिना ल्येमु हये तेमे मोबा किदिबु ताम् तिबा हसिन्, दि राङ् ताम् तिबि कला रेवा किसा।
|
|
\v 9 खिरेकि ङेकि तेबा स्येबु यक् तिबा तेमे ङेदा क्यासुङ् तेमे ङे नाङ्ला थोङ्ङु, ति यक् तिबा किसा। तेमे किर्मुकि कन्यक् खिराङ् खिराङ् तानि हुङ्ङु।
|
|
\p
|
|
\v 10 ङा चावा तानि आला गालानि हये चिला सिसिन् हाता तिङ्ला खिरेकि ङाला किरुप् दाक्पि च्याबुति साबा जोबु हये। हुतुङ्राङ् खिरेकि तङ्लासाङ् ङाला छ्याबु क्याबु वे, हिन्सिराङ् ति तुज्येला ङाला च्याम्बा किरुप्ला तुज्ये मेतु हिन्।
|
|
\v 11 हादा ङा काबुला हतुप् कि किसाला ङेकि दिनक् साबु मिन्। ङे कि तेरिक् तुज्येला नोछिम्बा किरुप् स्येबु वे।
|
|
\v 12 ङाल टेङ्बु ति खाङ् हिन् सिनिते छ्या हये, तेमे बाङ्ङि डप् ति खाङ् हिन् सिनिते छ्या हये। चुक् क्यानि साङ् नाम्साङ् लेमु च्युङ्गुप्ला, ल्हबाकम्बाला देतुप्ला, तेमे चुक् क्यानि ग्याक्चे ङेतुप् ताङ् गोबु ठला देतुप सिरुप् ति ङे लाम्नि वे ।
|
|
\v 13 ङाला ङार् तेरुप् ति नेसुर् ङा तेरिक् याक् कि थुक्यु।
|
|
\v 14 हिन्सिराङ्, ङे तेरिक् सिना काबु तुज्येला ङाला दाल्जा क्यानि ल्येमु क्यासुङ्।
|
|
\p
|
|
\v 15 ङिराङ् फिलिप्पि तिबिकि दि स्येक्यु, लेन् ल्येमु लापुकि दङ्ला ङा माकेडोनिया नेसुर थेदिन्, खिराङ् सिना ज्येन् चिन्दिङ् क्ष्यो छोक् कि तेरु ताङ् लाङ्ङु ला ङाला दाल्जा माक्या।
|
|
\v 16 ङा थेसोलोनिकिला हसिन् ङाला गोबु तिबा सिनि छिमाल् ज्यिग् सिना आला दाल्जा किटो क्यासुङ्।
|
|
\v 17 ङेकि केका छालु मिन्। ति सिना, खिरे नासाम्ला हतुब् दगे छारिन् डप् डाल्वा छोल्ग्यु।
|
|
\p
|
|
\v 18 ङेकि तेरिक् ताम् तिब ङेदा क्याबु हये, तेमे ङा तानि ति बाङ्ङि हये। ङा तेरिक् क्येङ्ङु हये। खिरेकि इपाफ्रोडिट तानि ताङ्ङु सामा तिबा ङेकि ङेदा क्याबिन्। तिबाति टेमा स्यिबु खाप् लाङ् दिबु बुल्वा हिन् तिकि कन्ज्यक्ला गा दिङ्ङि जेउ।
|
|
\v 19 तेमे ङे कन्ज्यक् कि ख्रिष्ट येशूकि खोकि सोवां आला नेसुर खिरे तेरिक् गोबा तिबा क्याल्नि तेर्क्यु।
|
|
\v 20 ता अरे कन्ज्यक् ला नाम्लाङ् सोवां होसित्। आमेन। आमेन।
|
|
\p
|
|
\v 21 ख्रिष्ट येशूला हतुप् मोबाकिरुप् तेरिक्ला स्याबा किसा। ङा तानि हतुप् नुक् तिबिकि खिराङ्ला स्याबा ताङ्ङु हये।
|
|
\v 22 दे हतुप् मोबा किरुप् तिबा तेरिक्, तेमे तेरिसिना कैसरकि टङ्बा तिबिकि खिराङ्ला स्याबा ताङ्ङु वे।
|
|
\p
|
|
\v 23 चावा येशूकि काटिन खिरे थु तानि देसित्। आमेन।
|