See in Reader
199 lines
50 KiB
Plaintext
199 lines
50 KiB
Plaintext
\id GAL
|
||
\ide UTF-8
|
||
\h गलातीतिबाला पावलकि टिबा
|
||
\toc1 गलातीतिबाला पावलकि टिबा
|
||
\toc2 गलातीतिबाला पावलकि टिबा
|
||
\toc3 gal
|
||
\mt गलातीतिबाला पावलकि टिबा
|
||
\c 1
|
||
\cl लिउ १
|
||
\p
|
||
\v 1 ङा पावल् चिक् लोमा हिन् । ङा चिन्दिङ् मि नेसुर् लोमा च्युङु मिन्, येशु ख्रिष्टला सेन्बु लोङु पापा कन्ज्यक् नेसुर् च्युङु हिन्।
|
||
\v 2 ङा तानि वतुप् तेरिक् नुक् तिवा तानि ङा दि टिवा गलातियाकि तेरिक् जोम्खाङ्तिवाला टिगिन् वे।
|
||
\v 3 चावा कन्ज्यक अरे पापा ताङ् येशु ख्रिष्टनेसुर् खिराङ्ला थार्वा ताङ् सेम् किर्मु च्युङ्सित्,
|
||
\v 4 सिकि अरे कन्ज्यक् ताङ् पापिकि सेम् नेसुर् तान्दाकि मेलेवा जाम्बुलिङ् नेसुर् ङेराङ्ला सेङे ज्वप् सिनि दाक्पुलाराङ् च्याक् बिन्सुङ्।
|
||
\v 5 खोलाराङ् नाम्लाङ् सँवा च्युङ्सित्।
|
||
\p
|
||
\v 6 खिराङ् दिजो टिबु राङ्सा लेन् क्ष्यला ग्युरुप् थोङ्सिन् ङा याम्छेन् लानि वे। चावा कि कार्टिन् नेसुर् खिराङ्ला का तोङ्गुप् तिवानेसुर् खिराङ् थारे गालुप् थोङ्नि ङाला याम्छेन् लानि वे ।
|
||
\v 7 ज्येन् चिन्दिङ् लेन् मेत्, लाला दिनक् मि तिवा वे तिकि खिराङ्ला दुक्पाला ग्याकुप् ताङ् ख्रिष्ट येशुकि लेन् ल्यामुला मेलेवा ज्वप् नावा किउइ ।
|
||
\v 8 ङेरेकि खिरे पार्ला चिन् लेन् ल्यामु छ्या तेदिन्, ति सिना ज्येन् चिन्दिङ् लेन् ला हुतुङ् ओरुङ् ताङ् देवाचेन् नेसुर् लेबु देवाचेन् कि थुकि राङ् ति लेन् श्येसिनाङ् ति माता सुक्सित्।
|
||
\v 9 ङेरेकि ताङ्ला राङ् सिक्याबु वे ङा लोङ्या सिउइ, “खिरेकि सेम्ला लामु लेन् सिना ज्येन् ज्येन् सिकि खिरे पार्ला राङ्सा लेन् श्येसुङ् सिक्यासिन्, तिला मता सुक्सित् ।"
|
||
\v 10 काङ् ङेकि तान्दा मि तिवा ताङ् कन्ज्यककि दाल्जा छोलिन् वे? काङ् ङेकि मि तिवाला गा लोङु छालिन् वे? हुतुङ् हारुङ् ङेकि मि तिवाला गालोङु छोलिन् वसिन्, ङा ख्रिष्टकि यक्पु मिन् ।
|
||
\p
|
||
\v 11 नुक् तिवा, खिरेकि दि ताम् श्येसित् सिनि ङा नावा किउइ, ङे सिक्याबु लेन् ल्यामु मि तिवा नेसुर् ङेतुप् मिन्,
|
||
\v 12 ङेकि दि चिन्दिङ् मि नेसुर् ङेतुप् मिन्, ङाला दि लाबुङ् मिन्। तिसिना, ङाला दि येशु ख्रिष्टकि टाक् नेसुर् बिन्दुप् हिन्।
|
||
\p
|
||
\v 13 ङा यहुदि वसिन् ङे तङि मिजि कला खिरेकि कोतुप् वे, च्युक् क्यानि ङेकि कन्ज्यकि जोम्खाङ्ला ङ्याप्च्ये क्यानि आला दुक्पा बिनि तिला सिन्दा किरुप् लाका क्याबिन्।
|
||
\v 14 ङा यहुदि दिक्पा मेतुप्ला ङे दाकपि मि तिविकि छ्याज्यिक् लाका किरुप् आला मि तिवा सिना गमाला वतुप् हिन्। ङे पागावा तिवि तुछ्येन् ला ङा आला गा लाबु हिन्।
|
||
\v 15 ङे मामि खक्पा नेसुर् राङ् ङाला दाम्बुप् सिनि कन्ज्यक्ला गा लाबु हिन्।
|
||
\v 16 ङेकि यहुदि मिन्दुप् तिविकि पार्ला खोला छ्या तेन्सित् सिनि खोकि पुज्युङ्ला ङेनाङ्ला छ्या देन्तुप् सिनि खोकि कार्टिन् नेसुर् खोकि ङाला काताङ्सुङ्।
|
||
\v 17 ङा सिना तङ्ला, ङा अरबनेवा गालिन् तितिङ्ला दमस्कसला ग्युरिन् ।
|
||
\v 18 तेमे लो सुम् तिङ्ला ङा केफासला ठेतुप् ङा यरुसलेनम गाल्नि ति तानि ङिमा च्याङा साक् देतिन्
|
||
\v 19 हिन्सिनाङ् चावाकि नुक् याकुब् सिना ज्येन् सुलाङ् माठे।
|
||
\v 20 ल्होसा, ङेकि काङ् टिबु वे, कन्ज्यककि दङ्ला ङेकि खिराङ्ला जुनाक् जोबु मेत् ।
|
||
\v 21 तितिङ्ला ङा सिरिया ताङ् किलिकिया नेवा गालिन्।
|
||
\v 22 ख्रिष्टला वतुप् यहुदियाकि जोम्खाङ् तिवाला ङा तारुङ्साक् ङो श्येबु मेत्।
|
||
\v 23 तिविकि कोतुप् नक्, “तङ्ला ओरुङ्ला दुक्पा तेरुप् मिकि तङ्ला ना ताङ्गुप् मोवातिला, तान्दा तिराङ् मोवा श्येतिन् वे ।
|
||
\v 24 ङेकि किसाला तिविकि कन्ज्यककि सवाँ देपिन् नक।
|
||
\c 2
|
||
\cl लिउ २
|
||
\p
|
||
\v 1 तेमे लो च्युप् श्यि तिङ्ला ङाा बार्नाबास तानि लोङ्या यरुशलेम् गालिन्। ङेकि तितुसलाङ् छ्याज्यिक् टिनि गालिन्।
|
||
\v 2 कन्ज्यककि ङा डो गोक्यु सिनि ङाला छ्यार्पा बिन्दुप् कि किसाला ङा ते गालिन् । ङेकि यहुदि मिन्दुप् तिवि दङ्ला सिक्याबु लेन् लेमु तिविकि दङ्ला ज्यागिन् । ङा तिजराङ् छ्यबु मेत्, छ्यङ्गुप् सिनि टेगे जोबिु कि किसाला ङेकि दि क्याबिन्।
|
||
\v 3 ङा तानि वतुप् तितुस ति चिक् ग्रिक् हिन्, तिलाङ् च्येत्पा कि माचि।
|
||
\v 4 ख्रिष्ट येशुला ओरुङ्तानि सेङे वतुप्ला यिम्नि ल्हाप् सिनि यिम्नि लेबु जुनाक्पा उज्यु नुक् तिविकि किसाला दि ताम्ङ्ये लाङु हिन् । तिविकि ओरुङ्ला ठिमकि यक्पु ज्वप् छाल्सुङ् ।
|
||
\v 5 खिराङ्ला सिनि लेन् ल्यामिकि हुतुङ् मुग्युरुप् च्युङ्सित् सिनि ङेराङ् तिवि ङेराङ् तिवि ताम्ला घण्टा जिगाङ् कुङ् माक्या।
|
||
\v 6 मेदा मेङ्गुप् थोङ्गुप् तिवि ङाला काङ् किटो माक्या। तिवा मेसिनाङ् ङाला काङ् मेङुउइ । मि तिवि ङो श्येवु तिवाला कन्ज्यककि मालाङुउइ।
|
||
\v 7 ति सिना, तिविकि दि थोङ्सुङ्, च्येत्पा माच्युङु तिवाला लेन् ल्यामु श्येतुप् सिनि ङाला लाका बिन्दुप् हिन्। चुक् क्यानि पत्रुसकि च्येत्पा च्युङु तिवि पार्ला लेन् ल्यामु बश्ये गोबु नक्, ति दिङ् दिनक्राङ् गिउइ।
|
||
\v 8 चिला सिसिन् च्येत्पा च्युङु तिवाला श्येतुप्ला सिनि पत्रुसला लाका क्याबु कन्ज्यककिराङ् यहुदि मिन्दुप् तिवि पार्ला लेन् श्येतुप्ला ङे नाङ्ला लाका क्यासुङ्।
|
||
\v 9 जोम्खाङ् ज्वप् तिवा सिनि ङो श्येबु याकुब, केफास ताङ् युहन्नाकि ङाला बिन्दुप् काट्रिन्ला हाक् कोदिन्, तिविकि बारनाबास ताङ् ङाला जोम्नि कन्ज्यकलला सवाँ देकुप् ओङ् का बिन्सुङ् । ङेराङ् यहुदि मिन्दुप् तिवि पार्ला ताङ् च्येत्पा च्युङु तिवि पार्ला डो० थुप्सित् सिनि तिविकि दिनक् क्यासुङ्।
|
||
\v 10 ङेरेकि टेङ्बु तिवि नासाम् क्याबु दिङ् तिविकि सेम्बा किरुप् नक् । ङाङ् ति ताम् किरुप् सेम्बा वतुप् हिन्।
|
||
\p
|
||
\v 11 पत्रुस एन्टिओखियाला लेप्सिमा ङेकि तिला चालाराङ् देनि तिकि खाला बातेर् क्याबिन् चिला सिसिन् ति मेलेवा नक्।
|
||
\v 12 याकुब् नेसुर् लाला मि तिवा हुङ्गुप् सिना तङ्लाराङ् पत्रुस यहुदि मिन्दुप् तिवा तानि देनि साइ वतुप् नक्। तजोला ति मि तिवा लेसुङ्, तिकि ति ताङ्नि यहुदि मिन्दुप् तिवा नेसुर् थारे गाल्सुङ्। ति दि च्येत्पा किराङ् गोबु मि तिवा तानि जिवा क्यासुङ्।
|
||
\v 13 ज्येन् यहुदितिविकिङ् पत्रुसकि दि खनाक्पा लाकाला दाल्जा क्यासुङ्। तिकि किसाला बारनाबास तिङ् तिविकि मेलेवा लाकाकि किसाला मेलेवा गाल।
|
||
\v 14 ङेकि तिविकि लेन् ल्यामि हुतुङ् दि तिङ् माङ्याबु थोङ्सुङ्, ङेकि तिवा तेरिककि दङ्ला पत्रुसला सिक्याबिन्, “ख्योङ् यहुदि च्युङ्निसाङ् यहुदि दगे किचिम् हुङ्गोबुला यहुदि मिन्दुप् किचिम्ला थार्नि वे सिसिन्, ख्यरेकि च्युक् क्यानि यहुदि मिन्दुप् तिवालाला यहुदितिवा दगे क्यानि मिजि क्योङ् सिनि चुक् क्यानि सि थुप्कि?”
|
||
\v 15 ओरुङ् सु केबि केनै यहुदि तिवा हिन्, “यहुदि मिन्दुप् तिवा दिक्पा वतुप् तिवा मिन्,"
|
||
\v 16 ठिम् नेसुर् सुङ्दिक्पा मेतुप् च्युङ् मुथुउइ सिरुप् ताम् ङेराङ्ला छ्या वे। तिकि छ्यला, तिवा येशु ख्रिष्टला मोवा नेसुर् दिक्पा मेतुप् च्युङ् थुप्सित् ठिम्कि लाका तिवा नेसुर् मिन्। चिलस सिसिन् ठिम् दगे लाका तिवा नेसुर् सुङ् दिक्पा मेतुप् च्युङ् मुथुउइ।
|
||
\v 17 हुतुङ् ओरुङ् ख्रिष्टला कन्ज्यक नेसुर् दिक्पा मेतुप् छोल्ग्यु सिसिन्, अरेकि दाक्पुला दिक्पा वतुप् ङेक्युउइ । काङ् तुक् हिन्सिन् ख्रिष्ट दिक्पाकि यक्पु च्युङ्सुङ् ते? तिनक् मिन्।
|
||
\p
|
||
\v 18 ठिम् ला छेवा कि गोक्यु सिरुप् ताम्ला ङेकि ङे मोवाला लोङ् ङ्या थाका जोबिन्, ति मोवा ङेकि नाताङ्नि सिन्दुप् हिन्। ङा दाक्पुला राङ् ठिम् ना तोङ्गुप् मि जेउइ।
|
||
\v 19 ठिम् नेसुर् ठिम्ला सिनि ङा श्यिदिन्, चिला सिसिन् कन्ज्यकला सिनि थार् थुप्सित् ।
|
||
\v 20 ङा ख्रिष्ट तानि रङ् ग्याङ्सिङ्ला कालु वे । ता तिङ्ला थारुप् ति ङा मिन्, ख्रिष्ट ङा तानि थार्क्यु। ता चिन् मिजि ङा जुबुला थार्क्यु, ङा कन्ज्यककि पुज्युङ्कि मोवाला थार्क्यु, सिकि ङाला ङिङ्ज्ये क्यासुङ्, दाक्पुलाराङ् ङाला सिनि बिन्सुङ्।
|
||
\v 21 ङा कन्ज्यककि काट्रिन्ला मिन् मिसिउइ, चिला सिसिन् हुतुङ् ठिम् नेसुर् दिक्पा मेतुप् हुङ्गुप् हिन्सिन्, ख्रिष्ट तिजराङ् श्यिसुङ्।
|
||
\c 3
|
||
\cl लिउ ३
|
||
\p
|
||
\v 1 कुर्क्यक् गलातितिवा! सि दुक्टे मिक् तिवि खिराङ्ला लाका ना ताङ्सुङ्? काङ् खिरे मिगि दङ्ला येशु ख्रिष्ट ग्याङ्श्यिङ्ला कालुप् ताम् छ्या तेन्दुप् मिन्?
|
||
\v 2 ङा खिराङ् नेसुर् दि ताम क्याजिक् छ्या ङेतुप् सेम्बा किउइ । काङ् खिरेकि थुचेङिला ठिम् दगेकि लाका तिवा क्यानि ङेतुप् हिन्ना खिरेकि कोतुप् ताम्ला मोवा क्यानि ङेतुप् हिन्?
|
||
\v 3 काङ् खिराङ् दिजो आला कुवा च्युङ्गुप् वे? काङ् ता जुवुला सिन्दुप् सिनि खिरेकि थुला किरुप् ज्युबु हिन्?
|
||
\v 4 हुतुङ् ति हुतुङ् सेम् किर्मु वतुप् हन्सिन् खिरेकि तिजराङ् दिजो आला ताम् तिवा छ्या ङेतुप् ना?
|
||
\v 5 तिनक् हिन्सिन्, सिकि खिराङ्ला थुचेङि तेर्क्यु, खिरे पार्ला ङा छ्येकि लाका नेवा यग् किउइ, काङ् खोकि दि ठिम् दगेकि लाका तिवि किसाला क्याबु हिन्ना मोवा क्याबु कोतुप् कि किसाला?
|
||
\p
|
||
\v 6 अब्राहामकि “कन्ज्यकला मोवा क्यानि खो कन्ज्यककि मिङाला दिक्पा मेतुप् छ्युङ्सुङ्।"
|
||
\v 7 दिनक् हिन्सिन्, दुक्राङ् क्यानि दि हाक् कोसा, मोवा किरुप् तिवा राङ् अब्राहामकि गिपा हिन्।
|
||
\v 8 दिक्पा मेतुप् छ्योकि तङ्ला दि थोङ्गुप् वे, कन्ज्यककि यहुदि मिन्दुप् तिवाला मोवा नेसुर् दिक्पा मेतुप् जेउइ। अब्राहामला तङ्लाराङ् लेन् ल्यामु बिन्दुप् नक्, “ख्योङ् नेसुर् राङ् जाम्बुलिङ्ला वतुप् तेरिक् मिरिक् तिविकि मलाम् ङेक्यु।"
|
||
\v 9 तिकिकिसाल, सु तानि मोवा वे, तिवा अब्राहाम तानि मलाम च्युङुउइ, तिराङ् अब्राहाम् तानिङ् मोवा वतुप् नक्।
|
||
\v 10 ठिमकि लाका तिवाला रेतुप् तिवा मता सुगुउइ। चिला सिसिन् दुक् क्यानि टिबु वे “ठिमला टिबु तेरिक् ताम् तिवा मेङेन्बु तेरिक्ला मता सुगिद्।"
|
||
\v 11 ता दि तेरिक्ला छ्या वे, कनज्यककि सुलाङ् ठिम् नेसुर् दिक्पा मेतुप् मोजोउइ, चिला सिसिन् “दिक्पा मेतुप् मि मोवा नेसुर् राङ् थार्क्यु।"
|
||
\v 12 ठिम मोवा नेसुर् लेबु मिन्, हिन्सिनाङ् तिकि छ्याला, “सिकि ठिम्ला वतुप् ताम् तिवा किउइ तिकि ठिम् दगेराङ् मिजि क्योङुउइ।"
|
||
\p
|
||
\v 13 ङेराङ्ला सिनि ख्रिष्ट मता सुङ्नि खोकि ङेराङ्ला ठिमकि मता नेसुर् थारे ज्याक्सुङ्। चिला नसिसिन् दिनक् टिबु वे, “श्यिङ्ला गोरुप् तेरिक्ला मता सुगुउइ ।"
|
||
\v 14 दिकि किचिम् क्योलुप् ति दि राङ् नक्, अब्राहामला वतुप् मलाम् ख्रिष्ट येशुनेसुर् यहुदि मिन्दुप् तिवि पार्ला हुङ् थुप्सित्, ङेरेकि मोवा नेसुर् थु चेङिकि ना ङे थुप्सित् ।
|
||
\p
|
||
\v 15 नुक तिवा, ङा मि तिविकि छिक्ला ताम् किउइ। खेप्चिक् टेगे च्युङ्नि सिन्दुप् मिकि जोबु सेन्गि-टिवा ना सिकि ना तोङुउइ ना तिला काङ् थि मुथुउइ।
|
||
\v 16 ता दि ना तिवा अब्राहाम ताङ् तिकि गिपातिवाला बिन्दुप् नक्। दिकि मेरा आलाला ङो श्येवा किरुप् क्यानि “गिपातिवाला" सिइ, हिन्सिनाङ् दिकि छ्यला “ख्यरे गिपाला" सिनि दिकि मेरा चिक्ला क्याजिक् ङो श्येवा किउइ, तिदि ख्रिष्ट हिन्।
|
||
\v 17 ता ङा दि सिउइ । कन्ज्यककि तङ्लाराङ् ज्वप् ज्युवु नाला लो ४३० तिङ्ला लेबु ठिम कि ना मोतोङुउइ।
|
||
\v 18 चिला सिसिन् तङि ओङ्ति ठिम नेसुर् लेबु हिन् सिसिन्, दि हादा ना नेसुर् मेङु हिन्। हिन्सिनाङ् कन्ज्यककि ना नेसुर् अब्राहामला दि तिजराङ् बिन्सुङ्।
|
||
\p
|
||
\v 19 तिनक् हिन्सिन् ठिम चिला बिन्सुङ् ते? ति ना क्यालुप् ते अब्राहाम कि गिपा मेङु साक् मेलेवा लाकाकि किसाला ठिम थितुप् नक्। दि ठिम च्यिक् पार्कि दाल्जा कितुप् मि लाक्पानेसुर् देवाचेनकि थु तिवा नेसुर् किरु ज्युबु हुन्।
|
||
\v 20 तान्दा पार् कितुप् तिकि मेराचिक् सिना ल्हाक्पा मिला छ्या देन्ग्यु, हिन्सिनाङ् कन्ज्यक चिक्राङ् वे।
|
||
\p
|
||
\v 21 तिनक् हिनसिन्, काङ् ठिम कन्ज्यककि ना तिवि खाला वे ते? नाम्लाङ् मिन्! चिला सिसिन् हुतुङ् मिजि तेर्थुबु ठिम बिन्दुप् हिन्सिन्, हुतुङ्राङ् तिराङ् ठिम नेसुर् दिक्पा मेतुप् हुङ्गुप् नक्।
|
||
\v 22 तिकि छ्यला, दिक्पाकि दङ्ला वतुप् तेरिक् ताम्ला दिक्पा मेतुप् छ्योकि चोन्खाङ्ला ज्याक्सुङ्। कन्ज्यककि कि क्यासुङ् चिला सिसिन् येशु ख्रिष्टला मोवा नेसुर् ङेराङ्ला थार्वा तेरुप् खोकि नाला मोवा किरुप् तिवाला तेर्थुसप्सित् ।
|
||
\v 23 ख्रिष्टला मोवा हुङ्गुप् सिना तङ्ला मोवाकि टाक् मेङु साक् ङेराङ् ठिम नेसुर् चोन्खाङ्ला तिजोला क्याजिक् वतुप् हिन्।
|
||
\v 24 तिकि किसाला, ङेराङ् मोवा नेसुर् दिक्पा मेतुप् च्युङ्गुप् सिनि ख्रिष्ट मेङु साक् ठिम अरे क्योर्वा च्युङ्सुङ् ।
|
||
\v 25 ता मोवा लेम्नि ख्योलुकि किसाला ङेराङ् चिन्दिङ् क्योर्वाकि दङ्ला मेत्।
|
||
\p
|
||
\v 26 चिला सिसिन् ख्रिष्ट येशुला मोवा नेसुर् खिराङ् तेरिक् कन्ज्यककि पुज्युङ् तिवा हिन् ।
|
||
\v 27 खिरे नाङ्ला तेरिक् मितिविकि ख्रिष्ट येशुला बप्तिस्मा च्युङ्सुङ्, खिराङ् दाक्पिराङ् ख्रिष्ला कोन्दुप् वे।
|
||
\v 28 ता ना यहुदा वे ना ग्रिक्, ना यक्पु वे ना जोल्मु क्यानि ताङ्गुप्, ना पुज्युङ् वे ना पुमा, चिला सिसिन् ख्रिष्ट येशुला खिराङ् तेरिक् चिक्राङ् हिन्।
|
||
\v 29 हुतुङ् खिराङ् ख्रिष्टकि हिन्सिन् खिराङ् अब्राहामकि गिपा तिवा हिन्, ना क्यालुप् दगे क्यानि ओङ् ङेतुप् तिवा हिन् ।
|
||
\c 4
|
||
\cl लिउ ४
|
||
\p
|
||
\v 1 ङेकि दुक् सिनि वे, ओङ् ङेतुप् मि ति पेजा हता साक् तिति तेरिग् गिज्याकि ज्यिन्दाक् यिन्सिनाङ् ति यक्पु सिनाङ् राङ्सा मेङ्गु ।
|
||
\v 2 ति छापुला, खरे पापा तिकि चिबु तुज्येला खो पापा-आमा ताङ् मि क्षेतिबि ओङ्ला दे गोक्यु ।
|
||
\v 3 तुक् क्यानि राङ् ओरुङ् साङ् तङ्ला पेजा वतुप् ठला, जाम्बुलिङ्की ठिम्ला युबु यिन् ।
|
||
\v 4 हिन्सिनाङ् तुज्ये लेप्सिमा, कन्ज्यक्की नावाला हतुप् दके पुम्पेजानेसुर केबु खोकि पुज्युङ्ला ताङ्सुङ् ।
|
||
\v 5 ओरुङ् ति राङ्गी पेजा च्युङ्गुप्ला खोकी ठिम्गि ओङ्ला हतुप् तिबाला थार्वा तेरुप्ला दुक् क्याबु यिन् ।
|
||
\v 6 खिराङ् दि पुज्युङ् तिबा यिन्दुप्कि कन्ज्यक्कि खोकी पुज्युङ्की थुला अरे सेम्ला ताङ्सुङ्, ति थुकि ‘अब्बा, पापा सिनि सिउ
|
||
\v 7 तिकि क्यिसाला, ता ख्योरुङ् यक्पु मिँदाला पुज्युङ् यिन् । ख्योरुङ् पुज्युङ् यिन्सिन्, ख्योरुङ् -कन्ज्यक्की ओन्ज्येन् वतुप् मि साङ् यिन् ।
|
||
\p
|
||
\v 8 हिन्सिनाङ् गमाला खिरेकि कन्ज्यक्ला ङो मेस्येबु ठला, खिराङ् कन्ज्यक् मिन्दुप् तिबि यक्पु नक् ।
|
||
\v 9 यिन्सिनाङ् तान्दा खिरेकि कन्ज्यक्ला ङो स्येनी वे तेमे कन्ज्यक्की साङ् खिराङ्ला ङो स्येनि वसिन्, च्यिले खीराङ् ङार मेतुप् ताङ् खाङ्ला साङ् मेफेन्दुप् क्यिताङ् तिबि क्षला ग्युरिन् क्यि? खाङ् खिराङ् लोङ् राङ् यक्पु ग्युरुप् सेम् लाङ्गीनक्?
|
||
\v 10 खिरेकि तुक्षेन्कि ङिन् तिबा, नाम्गाङ्, तुछिक् तिबा ताङ् लोतिबाला तेन्ग्यु ।
|
||
\v 11 ङा खिराङ्ला सिनि सेम्दुक् क्यित, च्यिले सिसिन् ङेकि खिरे कला तोजोराङ् लाका क्याबिन् ।
|
||
\v 12 उज्यु नुक् तिबो, ङा चुक् क्याप् वे तिन्दक् राङ् वङ्गा क्यि सिनि खिराङ्ला गङ्बा स्यित, च्यिले सिसिन् ङा खिराङ् दके राङ् च्युङ्नी वे, खिरेकि ङाला खाङ् साङ् मेलेबा माक्या।
|
||
\p
|
||
\v 13 यिन्सिनाङ् ङेकि जुबुकि नेर्पाकि क्यिसाला ङेकि खिराङ्ला तेरि सिनाङ् थाल्माला लेन् ल्येमु स्येतिन् सिरुप् ति खिराङ्ला क्षा वे ।
|
||
\v 14 ङेकि जुबुकि क्यिसा खिराङ् खक्पा ल्हाप्ला खेल्सीनाङ् खिरेकि ङाला सेम्ला मोडो माक्या । तिकि छापुला, खिरेकि ङा राङ् येशू ख्रीष्ट यिन्दुप् दके क्यानि ङाला कन्ज्यक्कि थु यिन् सिनि सेम्ला लासुङ् ।
|
||
\v 15 तिकि क्यिसाला, ता खिरे किर्मु खेन् वे? च्यिलेसिसिन् खिरे कला ङा दि पाङ्बु तेर्क्यित, क्षुङ्सीयाङ् खीरेकि ङाला राङ्गी मिक् साङ् थेन् तेर्क्यिच्यु ।
|
||
\v 16 ङेकि खिराङ्ला हिन्दुप् ताम् क्याबुकि क्यिसाला खाङ् ङा खिरे डा च्युङ्गुप् यिन्?
|
||
\v 17 तिबिकि खिराङ्ला सेम्गि दिङ्नेसुर छोल्ग्यु, यिन्सिनाङ् खाङ् साङ् ल्येमु च्युङ्स्यित सिनि मिन् । खिरेकि तिबाला दकु सिनि तिबि ङानेसुर खिराङ्ला क्येङे जप् नासाम् तोङ्गीनक् ।
|
||
\v 18 ङेकि खिरे दङ्ला तिराङ् मिदा नाम्लाङ् लाका ल्येमु क्यिरुप्ला नासाम् ताङ्गुप् ति गा यिन् ।
|
||
\v 19 ङे आङा टिक्पेतिबो, खिरे सेम्ला ख्रिष्ट माक्येबा साक् ङेकि लोङ् राङ खिराङ्ला सिनि आङा क्येताङ्की दुक्पा खुरिन् वे ।
|
||
\v 20 ङा ता खिरे चाला वुङ्गुप् नासाम् नासाम् वे, तेमे ङेकि ताम् पोतुप् नासाम् वे, च्यिले सिसिन् ङा खिरे कला खाङ् क्यिरुप् क्यिरुप् गाल्नि वे ।
|
||
\p
|
||
\v 21 खिराङ् ठिम्गि ओङ्ला देतुप् नासाम् तोङ्गु, ङाला दि स्येत्, खाङ् ठिम्गि खाङ् सि सिरुप् ति खिरेकि मोकोनक्?
|
||
\v 22 च्यिले सिसिन् दुक् सिनि टिनि वे, अब्राहमकि ति पुज्युङ् मेरा ङि नक्, मेरा च्यिग् यङ्मुनेसुर तेमे ज्येन्ज्यिग् ति राङ्ओङ् वतुप् आम्पुम् नेसुर केनक् ।
|
||
\v 23 हिन्सनाङ्, यङ्मुनेसुर केबु ति जुबु नेसुर तिराङ् केनक्, तेमे राङ्ओङ् वतुप् आम्पुम् नेसुर केबु ति ना क्यालुप् ति छेबुला केबु यिन् ।
|
||
\v 24 दि ताम् दिबा पे ज्यिक् थनी स्ये थुप्क्यु, च्यिले सिसिन् दि पुम्पेजा मेरा ङि ति ना दक्पु ङि दके यिन् । तिबि पार्ला मेरा च्यिग् सिनै लानेसुर् यिन् । तिकि दिन्दक् पुज्युङ्पुम् तिबा केसुङ्, तिबा ति यक्पुयङ्मुतिबा यिन् । ति ति हागार यिन् ।
|
||
\v 25 तान्दा हागार ति अरबकी सिनै ला यिन्। तिकि तान्दाकी यरुशलेमकी ता तेर्क्यु, च्यिले सिसिन् ति ति मरे पुज्युङ् पुम् तानि यङ्मु च्युङ्नी वे ।
|
||
\v 26 यिन्सिनाङ् यो वतुप् यरुसलेम ति राङ्ओङ् वतुप् यिन्, ति ति अरे मामा यिन् ।
|
||
\v 27 च्यिले सिसिन् दुक् सिनि टिनि वे, ‘ओए आङा के माथुपु पुम्पेजा, आङा के माथुप्सिन् किर्मु क्यि। आङा केसिन् चुक् क्याप् गि सिनि क्षा मेतुप् ति सेम्गि दिङ्नेसुर गा क्यानि ओरु तेन् । च्यिले सिसिन् ति आङा के मुथुपु तिकि ख्यवा वतुप् तिबा सिना माङ् पुज्युङ् पुम् दिबा वे ।
|
||
\p
|
||
\v 28 उज्युनुक् तिबो, ता खिराङ् साङ् इसहाक् दके ना कि पुज्युङ् पुम् दिबा यिन् ।
|
||
\v 29 ति तुज्येला जुबु नेसुर केबु तिबि थु नेसुर केबुतिबाला दुक्पा बिन्सुङ् । तान्दा साङ् तिन्दक् राङ् वे ।
|
||
\v 30 क्षोकि थेप्कि खाङ् सि? “पुम्पेजा यङ्मु ताङ् तिकि पुज्युङ्ला तेन् तोङ् । च्यिले सिसिन् पुम्पेजा यङ्मुकि पुज्युङ्की राङ्ओङ् वतुप् पुम्पेजि पुज्युङ् तानि डाँडा ओङ्ज्येन मेङ्येत ।
|
||
\v 31 तिकि क्यिसाला, उज्युनुक् तिबो, ओरुङ् पुम्पेजा यङ्मुकि पुज्युङ्पुम् तिबा मिन्, यिन्सिनाङ् राङ्ओङ् वतुप् पुम्पेजि पुज्युङ् पुम् तिबा यिन् ।
|
||
\c 5
|
||
\cl लिउ ५
|
||
\p
|
||
\v 1 राङ्ओङ्ला सिनिते ख्रिष्टकि ओरुङ्ला थेन्नु हिन्। तिकि किसाला, डेक्ला देत् तेमे याङ्लोङ् उपु कि यासिङ् हक्ला मास्योर्।
|
||
\v 2 ल्होसा! ङा पावल खिराङ्ला सिउ, खिरेति खतना क्यासिनाङ् ख्रिष्टला खिराङ्ला खाङ् ग्यामु मेत्।
|
||
\v 3 तेमे याङ्लोङ्, खतना क्याबु तेरिक् मि तिबाला ङा दि थोङ्ङुप् ताम् सिउ, ठिम् तिबा तेरिक् ङेदुप्ला ति टेगे डिउ।
|
||
\v 4 ठिम् नेसुर् दिक्पा मेतुप् जोबु हये, खिराङ् ख्रिष्ट नेसुर थारे जोबुवे। खीराङ् काटिन् नेसुर थारे गालुप् वे ।
|
||
\v 5 चिला सिसिन् थु नेसुर रेवा क्यानिते ङिरेकि क्ष्योलुकि नाम्ला गुनिते हये।
|
||
\v 6 ख्रिष्ट येशूला खतला क्याबु ताङ् माक्याबु तेरिक् को छेतुप् गिउ। ङिङ्जे नेसुर यक् किरुप् रेवा तिकिदि क्याजिक् कोक्षेतुप्।
|
||
\p
|
||
\v 7 खिराङ् ल्यामु क्यानि छङ्ङन् हये। तिला ङेदा किरुला सिकि केक्सुङ्।
|
||
\v 8 दि याक् किरुप्ला लेपु स्युपुर् ति खिराङ्ला कातोङ्ङु नेसुर मिन्।
|
||
\v 9 च्याज्यिक् फाप् कि टे फे पाक् तिला बो जिकिनक्।
|
||
\v 10 चावानेसुर ङा खृआङ्ला रेवा किउ, खिरेकि राङ्सा नासाम् मोतोङ्ङु। खिराङ्ला येजितुप् ति खाङ् हसिराङ् तिकि दाक्पि दुताक् थेप्किद।
|
||
\v 11 ङे उज्यु नुक् तिबा, ङा हारोङ्साङ् साङ् चेत्पा (खतना) कि कला लापु हिन्सिन्, ङा हारोङ्साङ् चिला दुताक्ला स्योर्कि? तिनक् हिन्सिया ग्याङ्सिङ्ला ग्येकुप् ति ना डप्जा।
|
||
\v 12 खिरे सेम् ना तोङ्ङु तोबिया खप्रे यान्लक् ति चेसिराङ् गिउ।
|
||
\p
|
||
\v 13 नुक् तिबा चिला सिसिन् कन्ज्यक्कि खिराङ्ला राङ्ङोङ् ङेतुप्ला काताङ्ङु हिन्। दाक्पि राङ् ओङ्ला जुबिलाकाला माथक्। ति सिना ङिङ्जे क्यानि च्यिगि च्यिक्ला दाल्जा कि।
|
||
\v 14 चिला सिसिन् ठिम् तिबा तेरिक् का च्यिक्ला ख्योल्ग्यु।, “खिरेकि दाक्पि युल्बाला दाक्पुला दगेराङ् ङिङ्ज्ये कि गोक्यु।”
|
||
\v 15 हिन्सिराङ् खिरेकि च्यिगि च्यिक्ला फेदु ताङ् खिमा ग्याकुप् क्यासिन्, ल्होसा, खिराङ् दाक्पुराङ् दादाक्पि नेवा ना मोडोसित्।
|
||
\p
|
||
\v 16 ङा सिउ थु नेसुर य्युसा, तेमे खिरेकि दाक्पि जुबुला सिनिते गोबुतिबा खोल्बा मिकिउ।
|
||
\v 17 चिला सिसिन् जुबुकि गोबा किरुप् ति थुकि फिलक्पा गिउ, तेमे थु कि गोबा कि जुबुकि सिना फिक्पा गिउ। चिला सिसिन् दि फिलक्पा गिउ। दि ति खिरेकिरुप् चाल्बाति मिकिबु च्युङ्ङुप् हिन्।
|
||
\v 18 तेमे थु कि खिराङ्ला गमा क्यासिन् खीराङ् ठीम् कि ओङ्ला म्येङ्ङु।
|
||
\p
|
||
\v 19 जुबुकि यक् तिबा ल्येमु क्यानि थोङ्गीत। तिबा ति – श्याम्डेन् क्यिरुप्, मेचेङा, स्याम्डेन् क्यिरुप् नासाम्
|
||
\v 20 कुला साङ् देकुप्, ङा ग्याकुप, डा ग्युरुप्, थामु ग्याकुप्, ङेर्मा, राङ्ज्येन्, टालुप्, पोङ्जा,
|
||
\v 21 मिजेर, क्षाङ् थुङ्गुप्, किर्मु ल्हाक्पा क्यिरुप्, ताङ् ज्येन् ताम् तिबा यिन् । ङेकि खिराङ्ला तङ्ला सिक्याबु दके तान्दासाङ् सित, सिकि दि ताम् दिबा क्यिबे, तिबा कन्ज्यक्कि ग्याल्खाप्ला मुस्युक्त ।
|
||
\v 22 हिन्सिनाङ् थु चेङिकि डाल्बा तिबा ति – ङिङ्ज्ये, किर्मु, लोदिमु, गुताङ्, च्याम्बा, लाका ल्येमु, मोबा,
|
||
\v 23 सेम् ज्यापु ताङ् राङ्जि हिन् । तिबि खाला खाङ् साङ् ठिम् मेत् ।
|
||
\v 24 ख्रिष्ट येशूकि यिन्दुप् तिबिकि राङ्गी जुबुला तिकि नासाम् ताङ् नासाम् मेलेबा तिबा तानि राङ् ग्याङ्स्यिङ् लला काल्नि वे ।
|
||
\p
|
||
\v 25 ओरुङ् थु नेसुर् मिजि क्योङ्सीन् याङ्, ओरुङ् थुकि नाङ्लाराङ् युकुप् न ।
|
||
\v 26 ओरुङ् ठादक् मिक्यि, च्यिगि च्यिक्ला ङेर्मा मोलोङ् तेमे मिजेर मिक्यि ।
|
||
\c 6
|
||
\cl लिउ ६
|
||
\p
|
||
\v 1 उज्युनुक् तिबो, मि लालाकि दिक्पा क्याबु क्षा ङेसिन्, खिरे पार्कि कन्ज्यक्ला मोबा राम्बु हतुप् तिबिकि ति मिला लोङ् राङ् कन्ज्यक्ला मोबा राम्बु हतुप् मि जोट क्यि गोक्यित । खिराङ् दाक्पु राङ् खक्पा लाप्ला मेखेल्स्यित् सिनि च्याङ्से देत् ।
|
||
\v 2 च्यिगि च्यिक्ला र क्यिट क्यि, तेमे दुक् क्यानि खिरेकि ख्रिष्टकि ठिम्ला छे ज्यिक्यित ।
|
||
\v 3 च्यिलेसिसिन् सिसाङ् दाक्पु खाङ्ला साङ् को मेक्षेबु हसिनाङ् ङा मेता क्यानि मेगु सिसिन्, तिकि दाक्पुला राङ् जिनक् जेत ।
|
||
\v 4 तेर्कि राङ्गी लाका च्येन्डक् नक् सिनि ल्हा गोक्यु । तेमे तिराङ् सु तानिसाङ् रिनि माल्हाबा क्यानि साङ् खोलाराङ् ठादक् क्यिरुप् तेन्दक् गिउ ।
|
||
\v 5 च्यिले सिसिन् तेरिग्कि राङ्गी खुर्बु खुर्क्यित ।
|
||
\p
|
||
\v 6
|
||
\v 7 माकोला । कन्ज्यक्कि ङेजाक् मिक्यित । मिकि खाङ् जुक्यिबे तिराङ् रुकित ।
|
||
\v 8 च्यिलेसिसिन्, सिकि राङ्गी दिक्पी क्यिताङ् नेसुर सेन् देप्क्यीबे, तिकि ना डोताङ् रुकित, हिन्सिनाङ् थु नाङ् नेसुर सेन् देपुप् तिबिकि नाम्लाङ् मिस्यिबु मिजि रुकित ।
|
||
\v 9 ओरुङ् लाका ल्येमु क्यिरुप्ला ङेर् क्षेता मिक्यि, च्यिले सिसिन् अरेकि ङेर क्षेता माक्यासिन् तुज्ये वइँ राङ् अरेकि चाँबा रुकित ।
|
||
\v 10 तिकि क्यिसाला, अरेकि क्यिरुप् ङेसिमा तेर्ला ल्येमु क्यिरुप्न। तेर् सिनाङ् माङ् मोबाकि मिछाङ्ला ल्येमु क्यि ।
|
||
\p
|
||
\v 11 ल्होसा ङेकि राङ्गी लाक्पा थनि यिकि गेर्पु गेर्पुला खिराङ्ला टिकिन् वे ।
|
||
\v 12 जुबुला लेमु क्यिरुप् छोलुप् तिबिकि खिराङ्ला च्येत्पा क्यि गोबु जेत। ख्रिष्टकि ग्याङ्स्यिङ्ला सिनि दुक्पा खोर मोगोस्यित् सिनि तिराङ् तिबिकि दुक् क्यित ।
|
||
\v 13 च्यिले सिसिन् च्येत्पा क्याबु तिबिकि राङ् ठिम्ला माङ्येन्बा गित । ति छापुला, खिरे जुबुकि कला ठादक् क्यि थुप्स्यित् सिनि खिरेकि च्येत्पा क्यिस्यित् सिरुप् ति तिबि नासाम् वे ।
|
||
\v 14 अरे चावा येशू ख्रिष्टकि ग्याङ्स्यिङ् सिनाङ् राङ्सा ज्येन् ताम् खाङ्ला साङ् ठादक् क्यि मोगोस्यित् । खोनेसुर राङ् ङा ज्यिक्तेन्ला सिनि ताङ् ज्यिक्तेन् ङाला सिनि ग्याङ्स्यिङ् लला काल्नि वे ।
|
||
\v 15 च्यिले सिसिन् च्येत्पा क्याबु ताङ् माक्याबु ति खाङ्लासाङ् मेफेन्दु । ति छापुला जोताङ् राङ् फेन् थुपु वे ।
|
||
\v 16 ति ठिम्ला मिजि क्योङ्गुप् तेरिग्ला तेमे इस्राएलला लोदिमु ताङ् मलाम् च्युङ्स्यित् ।
|
||
\p
|
||
\v 17 तानेसुर ङाला सिसाङ् दुक्पा मेतेर्स्यित्, च्यिले सिसिन् ङा राङ्गि जुबुला येशूकि ता तिबा खुर्क्यु ।
|
||
\p
|
||
\v 18 उज्यु नुक् तिबो, खिरे सेम्ला अरे चावा येशुकि काटिन् उङ्स्यित् । आमेन्!
|