xsr-x-shyarpa_reg/47-1co.usfm

\id 1CO
\ide UTF-8
\h कोरिन्थितिबाला पावलकि टिबु स्युकु
\toc1 कोरिन्थितिबाला पावलकि टिबु स्युकु
\toc2 कोरिन्थितिबाला पावलकि टिबु स्युकु
\toc3 1co
\mt कोरिन्थितिबाला पावलकि टिबु स्युकु
\c 1
\cl लिउ 1
\p
\v 1 कन्ज्यक्कि सेम्ने ज्युँ ख्रिष्ट येशुकि लोमा जप्ला काताङ्गुप् पावल ताङ् ङिरे नुप् सोस्थेनेसनेसुर,
\v 2 कोरिन्थीला हतुप् कन्ज्यक्कि क्षोछोग् ला ख्रिष्ट येसु नेसुर चेङि गालुप् तिबाला । ङिराङ् दासा तेरिग्ला कन्ज्यक ख्रिष्ट कि मिन्ला मोपोर किउ ति टिवा ताङ् ङिराङ् तेरिग्कि कन्ज्यक वे ।
\p
\v 3 अरे पापा कन्ज्यक ताङ् चावा येशु ख्रिष्ट नेसुर काटिन् ताङ् लोदिमु हुङ्सित् ।
\p
\v 4 ख्रिष्ट येशुकि खिराङ्ला विन्दुप् कन्ज्यक्कि मलाम खिरे कला साङ् कन्ज्यक्ला थुच्ये बुल्ग्यु ।
\v 5 च्यिला सिसिन् चुक् क्यानिसाङ् तेरिग् ताम् ताङ् येन्देन् ला खिराङ् खरे क्षुक्पु जोनि वे ।
\v 6 च्यिला सिसिन् ख्रिष्ट कि कला पाङ्बु ति हुतुङ् हिन् सिनि खिरे पार्ला थोङ्नि वे ।
\v 7 तेमे खिराङ् अरे चावा येशु ख्रिष्ट हङ्गुप्ला गुनि देतुप् ठला खिराङ्ला कोन्ज्यकि विन्दुप् ङेत्पा तिबा ङ्युङ् माटास्यित् ।
\v 8 खिराङ् चावा येसु ख्रिष्टकि ङिमाला ङेबा मेतुप् हुङ् थुप्स्यित् सिनि खोकि खिराङ्ला तिङ्गि ङिमा साक् राँबु जोनि ज्यकित।
\v 9 कन्ज्यक् ति मोबा क्यि दिमु वे, खोको येशु ख्रिष्ट कि डिक्जोमला काताङ् गुप हिन् ।
\p
\v 10 ता नुक तिबा अरे चावा येशु ख्रिष्टकि मिन्ला गङ्बा स्यिउ, खिराङ् सेम् च्यिग क्यानि देता, तेमे खिरे पार्ला खाँदा मेङ्स्यित् ।
\v 11 च्यिले सिसिन् खिरे पार्ला पोङ्जा पोङ्जा च्युङ्गुप् सेम् नक् सिनि ङला क्लोएकि मितिवि ङला लेन ताङ्नोक ।
\v 12 कि अपोलमकि लाला कि ङा केफासकि हिनसिनाङ ङा ख्रिष्ट कि हिन सिनोक् ।
\v 13 खाङ् ख्रिष्ट बो ग्यापुप् वे र? खाङ् पावल खिरे कला ग्याङ्स्यिङ्ला कालुप् हिन् र? खाङ् खिरेकि पावलकि मिन्ला क्षि बप्तिस्मा लाबु हिन् र?
\v 14 ङा कन्ज्यक्ला थुच्ये वुल्ग्यु ङे खिराङ्ला क्रिस्पास ताङ् गायसला सिनाङ् ज्येन् सुला साङ् बप्तिस्मा विन्दुप मेत् ।
\v 15 ङे मिन्ला बप्तिस्मा लाबिन् सिनि खिराङ् सिसाङ् सि मुथुपु ।
\v 16 ङे स्तिफनसकि मिछाङ्ला साङ् बप्तिष्मा विन् वे । तिसिना ल्हाक्पा सुलासाङ् बप्तिस्मा बिन्दुप् ति ङाला क्षा मेत ।
\v 17 च्यिले सिसिन् बप्तिस्मा तेरुप्ला मिदा लेन् स्येतुप्ला येशुकि ङाला ताङ्गुप् हिन् । ख्रिष्टकि ग्याङ्स्यिङ् ति ङार् मेतुप् मुच्युङ्स्यित् सिनि खोकि ङाला मिकि रिक्पि सुङ् तिबा थनि लेन् स्येतुपला माताङ् ।
\p
\v 18 च्यिले सिसिन् ग्याङ्स्यिङ्कि लेन् स्यिइँ हतुप्तिबाला कुर्क्यक्कि क्यिताङ् हिन्सिनाङ् कन्ज्यक्कि ह्रकिन हतुप् मि तिबाला ङार् हिन्।
\v 19 च्यिले सिसिन् “ङा रिक्पा आला हतुप् तिवि दिक्पा ना तोङ्गु । च्याङ्बु क्यिरुप् तिबि नासाम् तिबा लाका मेतेरुप जेत ।" सिनि टिनि वे ।
\p
\v 20 रिक्पा हतुप् मि केनि वे? खामु केनि वे? दि लुङ्बिकि कला ताम क्यिरुप् मि सु वे? काङ् कन्ज्यक्कि दि लुङवाला होदुप येन्देनला कुर्क्यक्कि रिक्पा दके माजो र?
\v 21 लुङ्वा तेरिग्कि रिक्पि कन्ज्यक्ला ङो मास्ये । तिवि रिक्पाला साङ् खोला ङो मास्येबा क्यानि मोबा किरुप तिवाला मिजे तेरुपला कन्ज्यकला ल्येमु छोर्सुङ् ।
\v 22 यहुदितिबा ता छोल्ग्यु तेमे ग्रिकतिवा रिक्पा छोल्गियु
\v 23 तेमे ङिराङदि ग्याङ्स्यिङ्ला स्येप् येशु ख्रिष्टला कला स्येकित । ति ति यहुदितिबा ला नार्तु ग्याकुप दो ताङ् ग्रिकतिबाला कुर्क्यक्कि ताम् दके हिन्।
\v 24 तेमे यहुदि ताङ् ग्रिक ङिकारला कन्ज्यक्कि का ताङ्नि वे, तिबि पार्ला ङिरेकि ख्रिष्ट्ला कन्ज्यक्कि ङार ताङ् रिक्पा दके क्यानि स्येक्यु।
\v 25 च्यिले सिसिन् कन्ज्यक्कि आम्बाराङ्स्यिङ दि मितिवि रिक्पा सिनाङ क्षे वे तेमे कोन्ज्यककि ङार ङ्युङ्मु ति मितिवि ङार सिनाङ क्षे गि त।
\p
\v 26 नुक तिवला काताङ्ङु थिया खिराङ चिनोक वइत ति नासाम आला ति गिज्या माङबु मेदुप नोक।
\v 27 तेमे रिक्पा माङरुक होदुप तिवला ङोदा ल्यङगुप कोन्ज्यकि लुङवा कि ङयकपा तिवला छोने कयासुङ र आमा र ङसेन तिबला ङोदा लोङगुपला लुङबिकि निर्वल नामला छाने क्यासुङ ।
\v 28 कोन्ज्यककि लुङबि निच दाङ तुच्छ फेन मोथबुप तिवला छानेक्यासुङ दिनोक साक यल्सुङ दि ताम्गेन ति कमिदुव सिरुला।
\v 29 तेमे चिनोक पालाङ ताङ कोन्ज्यक कि दोङला हाम्वा मिकिसिदु ।
\v 30 कोन्ज्यक रङ ख्रिष्ट येशुला खिरे मिजि कि स्रोत हिन्नक ख्रिष्ट रङ वरे रिक्पा, च्यङङे दाङ ओङ् डिकिदो ।
\v 31 ओदुक क्यानि टिबुप् ओइन हाल्यव किरुप तिवला चावा राङ हाल्यब किसि द ।
\c 2
\cl लिउ २
\p
\v 1 नुक तिव ङा ख्यिरे ते हुङसिङ गर्पु ताम दङ नासाम ला कोन्ज्यककि किताङ सेतिन मालेप ।
\v 2 चिला सिसिङ खिराङ दाङ मुला होसिन् येशु ख्रिष्ट दाङ् खोला ज्ञाङसिङ ला गेलुप् कोला ङेनवा काङ मेसेवु नो क्यानि ङेकि निसय क्यबुप चियो ।
\v 3 ङा खिरे त्यहा दुक्पाला अला जिव दाङ रुङने सरि हवभिन ।
\v 4 ङे ठव दाङ टोङ्गु साचै सेम डोपे दोर्ग्यो होइन ।
\v 5 तेमे लाहा चेङे कि सेमगि ङार कि छ्यारसि ला होदुप ज्यै ।
\p
\v 6 तेमे खामु गलुप तिवि पर्ला ङितङ रिक्पि कोला खास्या किउ हिनसिनाङ दि वेलाकि रिक्पि कोला मिन्दि ठिम दाङ रिक्पा तेरिक नासाल डिउ ।
\v 7 तेमे ओरुङ कोन्ज्यकि रिक्पा दाङ वापुप खतिकि टदण्टाङ किउ ।
\v 8 तुजे रिङाबु ठिम कार तिवि ति ताम नि हाक माको विर्थ कि ति ताम हक कोदुप हिन्सिङ मोपर कि कन्ज्यकला मेगेलुप यियो
\v 9 हिनसिनाङ टिबुप होइ मिगिकि माथोङगुप ताङ नाम ज्यक कि हाक आकोवुप मिकि सेमला आनेबुप दि लाप्से तिब कोन्ज्यकि खोलार ङिज्या किरुप लिवला टेगे क्यावुप हिन्नोक ।
\p
\v 10 कोन्ज्यककि वरुङला थुजङमु नेसुर नि सापुप् होइन ।
\v 11 चिला सिसिन्न थु जङ्बु नेसुर सेमगि दिङने जु ति तामव लपसे निव छोलगुई मि तिवि सेमला नोवुप् ति कोन्ज्यककि मिन्सि सिकि छाङेकिर ओदुक क्यानि कोन्ज्यककि थु व सेम ति कन्ज्यककि मिन्सिङ सिसङ हाक मोकुउइ ।
\v 12 तेमे ओरे ग्यालुङकि थुङतुप मैरा कोन्ज्यककि ओरुङला विदुप थु व थु जङमु नेसुर छया गिउ सिनि वरुङला विन्सुङ ।
\v 13 दि ताम दिवा वरे फार छुर किउ ति ताम मितिवि रिक्पा नेसुर लेवुप मिन तेमे थु जग्मु कि लावुप ताम ति खाक्चे दाङ अर्थ साथ खेले किउ ।
\v 14 चिनोक मिति सेम ल्यमु मिदुक निकि कोन्ज्यक नेसुर वभुप ताम हिन थाक्चे मिकिउ चिला सिसिङ ति तामगेन तिला काला गिउ काक मोकाउ।
\v 15 सेम ल्यामु होदुप मिकि ताम कि जाच तेरिक कि जाच किउ क्षेमे खो दि चिनोक मिसाङ जाचे मिकिउ।
\v 16 चिला सिसिङ सिकि कोन्ज्यककि सेमदि जाचे किउ तेमे सिकि खोला लेपक्यु र तेमे ओरुङ क्यानि हे ख्रिष्टकि सेम होइ ।
\c 3
\cl लिउ ३
\p
\v 1 नुक नुम तिवा खिराङ दाङ क्यानि तामगेन किसिङ लोवेन तिव दाङ क्यानि ताम्गेन ङेकि किमाथप् तेमे ज्ञालुङवि मि ख्रिष्ट ला होमा थुङगुप आङा दोगे ङा तामगेन क्याविन ।
\v 2 ङेकि खिराङला होमा दोगे च्याक च्याक सामा विदिन खोक्पु सामा नेर माथुप् चिला सिसिङ खिराङ तिकि लागि टेगे मिदुप नोकक र तारुङ सङ म्येङ ।
\v 3 खिराङ तारुङ सङ ज्ञालङवि मि दोगे रङ नोक चिला सिसिङ खिर्य पर्ला ठादोक ताङ कल्या थोङ सुङ
\v 4 चिला सिसिङ दोक्पु चिगि ङा पावलकि हिन ज्यर्मा दिकि ङा आपोलोस ति हि सिङ क्यासिन खिराङ ज्ञालुङवि मि दोग्या माचुङ र?
\p
\v 5 आपोल्लोस सुहिन, पावल काङ हिन? कोन्ज्ककि तेरिकला विदुप ओङज्यन दाङ यन्ध्यान तिराङ हिन,
\v 6 ङेकि चुविन आपोल्लोसकि छु । लुक्सुङ तेमे कन्ज्यककि राङ छार चिदुप हिन् ।
\v 7 ओदुक क्यानि जुपुप् ताङ लुकुप् ङिकार खाङ खिनसिनाङ कोन्ज्यककि राङ रिक्पा विन्सुङ ।
\v 8 जुदुप ताङ छु लुकुप् च्यक डक राङ हिन ग्यरिककि दाक्पि जांगर दाङ लाका ला थोपुप् ला ङिकिदो ।
\v 9 चिला सिसिङ ओरुङ तेरिक कोन्ज्यककि क्षेटु हिन खिराङ कोन्ज्यककि पेप ताङ सिङसा हिन व खाङवा हिन ।
\p
\v 10 ङाला विदुप कोन्ज्यककि रिक्पा दिमु खाङवा जोप कार्मि दोगे ङेकि जग कोनि ज्याकिन ज्यर्मायिकि खाला दो तेङनि ताला जोसुङ ति खाला जोइ डोसिङ चुक क्यानि जेउ तिल नासाम तोङ ।
\v 11 चिला सिसिङ ति जाक ति येशु ख्रिष्ट राङ हिन्नोक ति मिन्सिङ चावा जग मि सिसङ ज्याक मुथुपुप् ।
\v 12 ओदुक क्यानि मितिवि दि जकला सेर ङुल दाङ गोङ माङवु सोरुप च्यालाक ताङ सिङडाक चा दाङ तिव दाङ क्यानि खाङ्वा जो नक क्यासिङ ।
\v 13 मि तेरिककि लाका ग्यार्कि दो चिला सिसिङ ठिम किरुप निमाला ति तेरिक ठाछेलि थोङिदो ति मे नेसुर सिकि चिनोक लाका क्यावुप नोक ति तेरिक मे थोनि जाँचेकि दो ।
\v 14 होतुङ ति मितिवि ति खाङ्वि जाग्गि खाला क्याखुप लाका जले माक्यावि लुसुङ क्यासिङ तिला ईनाम ङेकिदो।
\v 15 तेमे मि ला लाकि क्यावुप लाका तिव जेले क्यानि नासा गाल्सुङ क्यासिङ तिकि राङ खुन खुर्गो किदो तेमे खोराङ ते मे नेसुर खोरुप दोगे थर्किदो ।
\p
\v 16 काङ खिराङला छा मेतर खिराङ ति कोन्ज्यककि लाहाङ हिन तेमे कोन्ज्यककि सेम च्योङगु खिरे क्षेमगि दिङला स्वसा देकिउ?
\v 17 लाला मि कि ति कोन्ज्यककि लाहङाङ तिब नाताङासुङ ति लाहङाङ ति खिराङ राङ हिन ।
\p
\v 18 सिकिसङ दाक्पुला ङडेन मातेर र खरिङ तिव सिकिङ दि तुजे ला ङारङ खामु हिन् ।
\v 19 नोसुङ क्यासिङ तिमि काक्पु हिन् ति रिक्पा ति ङडेन तिराङ हिन टिवुप होइत
\v 20 खोकि रिक्पा तोङगुप मिला ति काक्पु जेउ यङलोङ रिक्पा ल्मे तिवि नासाम तिब तोजोराङ हिन सिनि कोन्ज्यककि सुङ्गिउ ।
\p
\v 21 ओदुक क्यानि सिसाङ मितिवि खाला ङोसु दाङ वार मिकिसिद ।
\v 22 चिला सिसिङ हिदुप नाव तरिक खिरेतिराङ हिन हिदुङ पावककि अपोल्लोकि केपास अर्थत जम्बुलिङ, मिजे व सेप द नासाम व जिक्ला साङ तेरिक खिरे तिराङ हिन।
\v 23 र खिराङ ख्रिष्ट कि हिन ख्रिष्ट ति कन्ज्यककि दि हिन ।
\c 4
\cl लिउ ४
\p
\v 1 ओदुक क्यानि मितिवि ओरुङ तिवाला ख्रिष्टकि लोवेन दाङ कोन्ज्यककि खाकछेन्बु लेन कि बन्डारे सिउ ति सिनाङ दि खक्चे नोक कि बन्डारे ।
\v 2 तिव मोला ति रमबु हुङगोक्युइ तेमे खिराङ नेसुर अर्थत मितिवि नेसुर ठिम मिकिउ।
\v 3 तेमे ङे लागि दिनोक ताम ति दिक्प ना किउ ङा राङकक साङ ठिम मिकिउ ।
\v 4 ङे खाला सेदाङ किरुप होन मेते ङला छया मेत, तेमे तिकि ङला हिन नोव किते मिकिते ङाला व ङे ठिम किरुपति किन्ज्यक राङ हिन् ।
\v 5 ओदुक क्यानि तोके क्यवुप तुजे सिनाङ गोमाला ति ठिम माकिसा चावा फेपुल्ला याम चिक गुनि देन खोकि नाक्तिङिला हिन्नि देतुप तिवला ठा घ्या लिला खुङगिउ तेमे मितिवि सेम दाङ तेन्दाक ताङ मि तेरिककि दा दाक्पि हालेव किन्ज्यकक नेसुर राङ थोक्यु ।
\p
\v 6 उजु, नुक तिव ङा दाक्पु दाङ आपोलोसकि उदाय्प मि दि नि टिरेफि मि जिला ल्यामु चुङसिद सिनि टिवुप हिन । तेमे ङिरे नेसुर थु चेङे नेसुर ओरे मिजिला खिरङ तिव ङिसि ताङनि लोपा तेमे खिराङ दोक्पु चिक नेसुर येम्बा दाङ मुला खोडोक माकिसा यम्वा सिराङ ।
\v 7 खिराङ काङ नाम ला कुदुक वइन खिराङ दाङ मु मुला खाङ ओइन खाङ ति खिरेकि ङेतप मिरा ति थोपु ति खिरे मोलाम थोपुप मिन र तो थोपुपति कोन्ज्यककि लुङ मिनेर कोन्ज्यककि लुङ थोन्निसाङ थोपु मिन नो क्यार्ना खाडो किउ?
\p
\v 8 खिरे मोलाम ङेनुप होइन खिराङ छुक्पु गेलुप होइन ङिरङ मेसिराङ खिराङ ज्ञल्वु गलु होइ साचै ज्ञाल्खाङ ज्यालसिङ हुङुन थियो ङिराङ साङ खिरे मुलारङ ज्ञाल्खाङ ज्याल्गुई जुलुस कि तिङला होतुप मिर्नु दान्द ङेनुप तिब दोगेय ओङला कोन्ज्यककि फैदारि ला टेगे ङला लार्ङे नोक ।
\v 9 चिला सिसिङ ग्याथाम्जे कोन्ज्यककि मोक्कपार तिब दाङ थाक्जे ।
\v 10 ओरुङ ख्रिष्टकि लागि ङोक्लपा दोग होउन हिनसिनाङ खिराङ तिव ख्रिष्टकि लागि हुतुराङ टिक्पा माङवु होदुप सालि ङिराङति ङारमेतुप् ओइन ।
\v 11 दिजे वेला सक ङिराङ लोरे दाङ छुमोदुप दोग्या दाङ माज्या मेदुप पेटुङवा सिरि होदुप दोग्य दाङ सिङसा खामा न खङवा मेदुप ।
\v 12 दाक्पि लागि साङ लाका क्यानि दाकपु अपमानिता बिसिद दाक्पु मोलाम तेर्किउ दुक्पा तेसिन सहेकिउ ।
\v 13 ओरुङला दुक्पा तेसिङ ङिज्या दाङ मुला जवाफ तेक्युउन दिजो वेलासाक ओरुङ ज्ञाथङवुला फोत दाङ छाचोक गल ।
\p
\v 14 खिराङला ङोछा लोगुप ताप्कि दि ङे टिवुप् मिन हिनसिनाङ ङे आङ तिवला दोके अर्ति तेरुप ला हिन चिला सिसिङ ख्रिष्टला माङवु गोङवा सिउ ।
\v 15 हिनसिनाङ खिरेकि आला पापा हेनमेद चिला सिसिङ लेन लेमु सेतुपला ख्रिष्ट येशुमा ङा खिरे पापा चोर गाल ।
\v 16 ओदुक क्यानि खिरान ङे लोबेन दोग्या क्यानि लोप सिनि ङा ठाकुर सिनि सिउ ।
\v 17 ओदुक क्यानि खिरेङला तिमिथि ला तोगिन ओइन ति ङे सेम्ला गलप पुजुङ दाङ ङाला लोदिमु सन्ता हिन ङे कि तेरिक छोकाङला लोप दोग्या ख्रिष्टला ङे मिज्या चिनोक नोक तिनोक राङ तिकि खिरेला सम्झे किउ ।
\p
\v 18 ङा खिराङ दाङ मुला म्यगुप नो क्यानि काजो मि दुक्ठा गालुप ओइन तेमे कोन्ज्यककि समला होसिन ।
\v 19 ङा खिरे त्या टिवु खा गित तिन दुक्टा मि तिवि कोला मिदि मिवि आगा राग्ङसेन ति कनसुर गित्य नो क्यानि पत्ता लागो किउ ।
\v 20 चिला सिसिङ कन्ज्यककि सुङ दाङ ग्यल्काङदि लाप्सेला मिदि ताम साक्ति ला गिउ ।
\v 21 खिराङ काङ सेम किउ लाकुम खुर्नि या सेम जोलामुजोर्नि ङिज्या क्यानि ।
\c 5
\cl लिउ ५
\p
\v 1 खिरे पर्ला स्यमडेन किरुप तिव नोक सिनि ङेकि थोसुङ दिनोक स्याम्डेन ति याम्बा मि तिबि साङ मिकिउ । खिरे पर्ला दोक्पु चिगि रनि पापाकि पेर्मि ला ज्यङनोक लो।
\v 2 खिराङ ति हाम्वा किउ लो खिराङ ति पाप ताङ दुङल कि मो गोउ र दोनोक लाका किरुप तिवाला खिरे पर्नेसुर तेनि तोङ ।
\v 3 ङे ओङवु ने मारपोल सिनाङ ङे सेम दि खिराङ दाङ मुलाटङ होदुप चोराङ क्यानि दिनोक् लाका किरुप तिवि ठिम ङे क्यानि होई ।
\v 4 तेमे खिराङ ङिरे चावा येशुकि मिनला जोम ग्यु ङा साङ सेम्ला खिराङ दाङ मुला जोम ग्यु तेमे ओरे चावा येशु कि शक्ति गिउल ।
\v 5 तिमिला ङे कि लाक्ला चक विन तेमे तिकि दिक्पा नेसुर तानि कन्ज्यककि तिवाला तिकि स्यमति सेनवु राङ लुसिदा ।
\p
\v 6 खिरे ठादोक लेमु मिन काङ फाप टिक्पे जिकि तेरिक डिकाला फाप जेउ सिनि खिराङला ग्या मेद र साम्बा डिक जोपला ङिङवा फाप देन गोक्यु ।
\v 7 चिला सिसिङ खिराङति हुतुराङ फाप दोगे राङ हिन दाक्पा निस्तार खु ख्रिष्टकि का चेतुप राङ हिन् ओदुक क्यानि ओरुङ ङिङवा फापकि अर्थत लाका दुक्दा फाप कि मिन ।
\v 8 तेमे किदाङ ल्यमुदाङ खकचे लापसे दाङ ल्यामु खिवाङ दाङ मुला चाड माने कि ।
\p
\v 9 ङे कि टिवुप लेन ला खिराङला स्यम्देन सिनि नो मिकिउ सिनि ङे टिवुप ओइन ।
\v 10 तिकि केला दि स्यामडेन किरुप लोप व कुर्मेन दाङ कु तिवला मोपर किरुप तिब दाङ वुला मायुग व ध्वा मिकि सिक्याबुप मिन मिन्सिन खिराङ दि लुङबा नेसुर थेन्गोक्यु तेमे तिब दाङ मुला दाल्जा माकिउ सिउ ।
\v 11 चिला सिसिङ कोन्ज्यककि हिन् सिर्नि सिसा तेमेसु स्यानडेन, कुर्मेन, लोकि कुतिवला, येदेन बुलुप दाङ थुनि ज्याम तिब दाङ गुला दाल्जा मकिसा अर्थत सामा साङ मासा ।
\v 12 चिला सिसिङ फिकि मि थोक्ला ठिम किरुपति ङाला गुबु म्याद । तेमे खिरे ला खाङ ला होदुप तिवि ठिम मिकिउ र?
\v 13 फिकि मि तिवि ठिम ति कोन्ज्यककि किराङ किउ । खिरे पार्नेसुर ति नोक मिला तेनि तोङ ।
\c 6
\cl लिउ ६
\p
\v 1 खिराङ तिबि पार्ल दिक्पु चिकि उजु दाङ नुकगि पार्ला थामु ग्यपुप् होसिङ डिकुपला सन्ता जग कि जाला मिन्दि यव नि जाला गेप ति तिला फेन ओइ र?
\v 2 सन्ता तिवि जम्बुलिङ कि ठिम किउ र?
\v 3 काङ खिराङला छया मेदर? ङि राङ लाहा मागमि कि ठिम किउ तिनोक हिन् सिन् दि मिल्योला हयवुप तामगेन दि ग्यर्पु हिन र?
\v 4 ओ तिनोक थाम तिव खिरे पार्ल हेसिन दिनोक क्या थामु तिब चिला दिनोक मि पर्ला खुन्डिउ तिमि ला क्षोछोग् कि काङखक्च मोनोइ, खिराङला ङोछा लोङग्यु ङा दि लापने सिउ।
\v 5 दाक्पि उजु नुक तिवि थामु दापि पार्ल र टिगुप ति दाक्पि पर्ला टिक्पा होदुप मि मेद र?
\v 6 तेमे उजु दाङ नुगि पर्ला डिकुदला अदालतला डिउ तिङ सन्त तिवि पर्ला ।
\p
\v 7 खिराङ तिवि पर्ला थामु ग्यकुपति खिराङ फामवुप् हिन् खिराङ चिला कुने मोफोगिक ।
\v 8 तेमे चिला दाक्पु ठागेर्यनि राङ मेदेउ हिसिङ खिराङ अन्याय किउ र ठाक्छो तिदिङ दाक्पि निक तिवला र ।
\p
\v 9 खिराङ दिक्पा किरुप मिक्षिव कोन्ज्यककि क्षल्खाला देतुप मेक्षेउ ।
\v 10 चिला सिसिङ खिरेकि स्यमडेन किरुप जुनाक किरुप, कुर्मेन किरुप तिव स्यमडेन हिसिनाङ खिराङ ति येशु ख्रिष्टकि लेन दाङ का तिवला नोब क्याबुप् सलिल ताम्जि ङेनि जिम्वा ताबुप् मि तिब हिन् ।
\v 11 ओरुङ कन्ज्यकने तिबा लोभि तिबा निन्दा किरुप तिबा कन्ज्यककि मिन यिडाई ओरुङ टुबु चेङयि गाल गिउ । कन्ज्यक येशु ख्रिष्टकि मिनला कन्ज्यक क्ष्योदयोक तोङि दिक्पा डिउ ।
\p
\v 12 दि तेरिक ठिम सालि हिन हिसिनाङ तेरिक ख्याप् साङ ति मेदो ।
\v 13 खिरे जुवु स्यम् डेन किरुप् लार्मिन जुबु समि ला दाङ सामा जुवि ला मिन् ।
\v 14 हिसिनाङ तेरिक कन्ज्योक रिनि तेर्क्यु सिनि काङ खिराङला छा मेदर काङ खिरे लाक्पा काङवा दाङ तेरिक अङवु ति येशु ख्रिष्टकि हिन सिनि खिराङला छ्यामेद र?
\p
\v 15 तेमे तिला स्यमडेन किरुपला खाक्छे क्यु? ओतिनोक म्याङसिद ।
\v 16 काङ स्यमडेन किरुप मिदाङ क्यानि चिसिन तिदाङ क्यानि चिक राङ हिन ।
\v 17 ओदुक क्यानि कोन्ज्यक दाङ मुला होदुप मितिव अन्त्यला कोन्ज्यक मुला र लुकिदो ।
\p
\v 18 स्यमडेन किरुपति दिक्पा ति लाम तोङा हिन् । दिक्पा नेसुर थारुपला ओरे किताङ तेरिक वदल्ले कि गोक्यु स्यमडेन दाक्पि कोन्ज्यक दोङला दिक्पा हिन सिनि खिराङला क्यामेद र?
\v 19 काङ खिरे ओङबु ति कोन्ज्यककि ठिकाङ हिन। तेमे ति ठिफाङ ला कोन्ज्यककि थु चेङटे।
\v 20 चिला सिसिङ खिराङ ति गोङ छेतुम हिन ओदुक क्यानि खिरे कोन्ज्कला सव पुला ।
\c 7
\cl लिउ ७
\p
\v 1 ता ख्यिरे टिवु ताम्ङेय सिरुप सिसिन् ख्यक पेजिकि पुमपेजाला मारेकुप राङ ल्यामु हिन् ।
\v 2 काङ सिसिङ आला आला खक्पा ह्दा यकि किसाला गेरिक मिति पेर्मि हसित तेमे पुमा तिविदि ख्यो हसित ।
\v 3 ख्यवाकि पेर्मिला खरे ओङ् तेर्स्यि
\v 4 तेमे दाक्पि ओङ तेर्सित तुकराङ क्यानि पेर्मि साङ ।
\v 5 छाजिक डिङनि काङ थुजेकि लाका सिने राङ मातेन चिला सिसिङ खिराङ स्वा ताम्दे गोक्यु ।
\p
\v 6 तेमे खिराङ लोङराङ तुच्यिक हुङ गोक्यु तिकि किसाला खिरे दाक्पुला फिला ज्यक माथुबु कि किसाला डे कि ख्यिराङला खक्पा ल्हा मुथुपसित सिनि ।
\v 7 ङा खिराङला दि ताम का ला यिन् काङ सिसिङ गेरिक ङा दगे राङ गालु ङा सेम क्यु । च्यिगि च्यिक च्यिगि चिक ङेत्पा ङे टुबु होइ ।
\p
\v 8 तेमे जेन्दिक माक्याबु ताङ युसिम तिवाला ङा सिउ कि तिवा ङा दगेराङ जेन्दिक माक्यावा देसिन तिवाला ल्यामु ग्यु ।
\v 9 तेमे तिविकि दाक्पु ला ओङला ज्यक मुथुसिन तिवि कि जेन्दिक किसित । तिवाला स्याम्देन छिङनि देतु सिने साङ जेन्दिक किरु ल्यामु हिन् । ता जेन्दिक क्याबु तिवाला दि का तेर्क्यु ।
\p
\v 10 तेमे तिला टे तिवाला दाक्पि ख्य तानि टाल्नि देसिन तिकि जेन्दिक माक्यावा देसित मिनसिन ति डिगगो क्यु ।
\v 11 तेमे ख्यो साङ दाक्पि पेर्मि ता साङ किरु मेग्यु ।
\p
\v 12 ला ता लुवु तिवाला ङा सिउ ङे कि मिन चावा येशु किराङ सिउ
\v 13 दिजो जिगि नाङला लालिद तेपा माक्यावु पेर्मि वई तेमे ति तिराङ वसिन तिकि ति तानि माटाल्सिन ।
\v 14 चिला सिसिङ तेपा मेदु कि ख्य कि सिला तेपा क्यावु दि चेङि छया देन्ग्यु मिन्सिन । ख्यिरे कि पेजा पुमा तिवा चेङि मेदु डिउ हिन सिराङ हुथुङ तिवा ति चेङि वई ।
\p
\v 15 हिनसिराङ तोजो तेपा मेदु कि मिजि दाल्जा टाल्सिन तिला डोसित । दिनक पतु ठला नुक नुम तिवाला का ला माटागु । कन्ज्यककि ओरुङला लोदिमुला देतुप काताङ ज्याक ।
\v 16 पुमा तिवा खिराङला काङ छ्या ईदे ख्यिरे कि दाक्पि ख्यला थार्जि थुकि दे?
\p
\v 17 चावा कि कुनि ताङु दाङ कन्ज्यककि ताङ गेरिककि दाक्पि मिजि थार्सित गेरिक क्षोछोग कि किसाला तिकि ला ङे ठिम दिराङ हिन् ।
\v 18 काङ का ताङ सिने तङला च्यातुप्प गालुप्जाइ । तिकि दाक्पु ला च्यतुप मागालु दगे छ्या मेदेन्न सिन्। तेपा क्यिरुप कि ला का तोङ सिन् ख्यिराङ सुङ च्येतुप वई । तिकि कि च्येतुप मिसि सिन् ।
\v 19 ना च्येतुप काङ यिन ना च्येताङ मा क्याबु काङ तेरसिन छ्ये ताम कन्ज्यक कि का ङयान्दुपराङ हिन् ।
\v 20 कन्ज्यककि का तोङसिन गेरिक वतुप ठाजला देसित ।
\v 21 काङ कन्ज्यककि का तोङसिन ख्यिराङ टिवा थक्पु हदु जाई दिकि ला ख्योरुङ नासाम मातोङ । तेमे खिराङ ओङज्येन किथुसिन तिकि खेम्साङ ति ला ।
\v 22 चिला सिसि योक्पु कि वइ बेला चावा कि ला ला का ताङु हिसिन ति चावा कि किसाला हिन् । युकक क्यानिराङ ला ला का तिङसि किसाला हसिन ति येशुकि यक्पु हिन ।
\v 23 खिराङ डेवा च्याल्लि ङ्योबु जाइ ख्यिराङला तिकि किसाला मि तिवि यक्पु मिक्यु ।
\v 24 नुक तिवा ङिराङला तेपा क्यिरु कातोङ बेला ङिराङ काङ किसाला वादुप जाइ तिराङ वातुप दासाला देकि ।
\p
\v 25 ता नाम्लाङ जेन्दिक माक्यावु तिवाला ङा ता काङ ताङ का मेत । तेमे हिन सिनाङ चावा कि च्याम्बा सेम्गि विदुप मि दगे ङा ङे टो तेर्क्यु ।
\v 26 तिकि किसाला दुङिन क्यिरु काबु तिकि किसाला गेरिक मितिबा क्येनि वइ तिराङ वतुप दासाला देसिन ल्यामु गिउ ।
\v 27 काङ ख्योरुङ पुमा पेजा तानि जेन्दिक कि उपु टावु वाइ? ति तानि ओङज्येन क्यिरुप माछो ला । काङ ख्यरे जेन्दिक माक्याबा वाई ते? पेर्मि माछोल ।
\v 28 हिनसिनाङ ख्यरे कि जेन्दिक क्यासि दिक्पा मिकिउ । गेरिक चेङि पुमा तिवि कि जेन्दिक किरुप हिनसिन तिवि कि दिक्पा मिक्यु । हिनसिनाङ गेरिक जेन्दिक क्यासिमा आला आला दुक्पा खुर्गोक्यु हिनसिनाङ ङा ख्यिराङला नेसुर थार्जिक्यु ।
\p
\v 29 हिनसिनाङ ङा सिउ कि नुक तिवा तुजे थिङमे वाई । ता जेन पेर्मि वातु तिवा दगे क्यानि देत ।
\v 30 ङुइ किरुप तिवा माङवु दगे क्यानि देत । गा कि हतु तिवा गा मालाबु दगे क्यानि देत काङ सामा ङ्याई क्यिरुप तिवा काङ मेतु दगे क्यानि देत ।
\v 31 तेमे जम्बुलिङ तानि किताङ कि किरुप तिवा दि ता गेरिक मेदु दगेराङ किताङ क्यिसित । चिला सिसिङ दि जम्बुलिङ कि गेरेक बु दाङ पालाङ दिवा सिदिन क्यु ।
\p
\v 32 खिराङ तिवि रिवा मेतु दुङ ग्योब्यु सिरुप ङा सेम किउ । जेन्दिक मा क्याबु कि यक पेजि कि चुक क्यानि कन्ज्यकला गा लोङ गोकि टिनि तिकि सेम्ला सेम्दुक किउ ।
\v 33 हिनसिनाङ जेन्दिक क्याबु कि ख्याक पेजि किन दाक्पि पेर्मि ला चुक क्यानि गा लोङु सिनि नासाम तोरु । तिबा सेम ङि कि डिउ । जेन्दिक माक्याबु कि पुमा तिवि दाक्पु चुक क्यानि चेङि दे थुकि सिनि चावा ला नासाम तोङू ।
\v 34 हिनसिनाङ जेन्दि क्याबु कि पुमा तिबि दाक्पि ख्य ला चुक क्यानि गा लोङ सिनि सेम्सो किउ ।
\v 35 ङा खिरे लाका हुङसित सिनि हिन खिराङला गेकु सिनि मिन ।काङ ल्यामु हिन तिराङ ङा सिउ चिला सिसिङ खिराङ गेरिक गेकुव मेदा चिकराङ सग्गि गाल्नि देत सिनि ।
\p
\v 36 लालिकि सम किउ दाक्पि लाङु चेङि पुमा दिकिति यक ल्यामु मेत सिनि सम्सा किउ । तिकि जेन्दिक किरुप लो दि गाल्नि सिद हसिन तिकि सम्स नेसुर तिला गांबु जेन्दिक किसित ।
\v 37 हिनसिनाङ लोङराङ तिकि सेम्ला हुतुङ वाइ ति लालि माक्याबा मेङु तिकि सेम्ला हुतुङ वाइ । ति लालि माक्याबा मेङु सिरु मि मेसिन दाङ दाक्पि सेम्ला दाक्पुला ज्यक तुसिन तिकि दाक्पि लाङु कि पुमा ला चेङि रा ज्याक सेम क्यासिन तिकि ल्यामु राङ किउ ।
\v 38 तिकि किसाला सिकि चेङि पुमा तानि जेन्दिक किबे तिकि ल्यामु राङ किउ । तेमे जेन्दिक मिकिबु सेम किबे तिकि साङ ति सिना ल्यामु राङ किउ ।
\p
\v 39 पुमा पेजा दि तिकि ख्य थार थार साक के क्य उपु गिउ । तिकि ख्यिसिमा ति उप मेङु ।
\v 40 हिनसिनाङ ति तुकराङ क्यानि देदु सेम क्यासिन आला आला ल्यामु हिन ।
\c 8
\cl लिउ ८
\p
\v 1 कुतिबाला बलि बिदुप सापसाचे सापमेगु सिरुप ज्ञान ओरुङ खेरला क्ष्यागिउ । क्ष्या ओतु मिकि ज्ञान वाइ सिनि बोपु क्यासिन ति घमण्ड क्या हिन् । ज्ञानकि ओरुङला हाम्बा होतुप जेउ हिन्सिनाङ् ङिङ्ज्येकि ओरुङला ल्यामु जेउ ।
\v 2 सि ङे स्येच्यु सिरु मि ओसिन चो सेगुबु इन तिबा ति तिकि खाङ मेस्येउ ।
\v 3 हिन्सिनाङ् कन्ज्यकला ङिङ्जे किरु मि ला कन्ज्यककि पेसुङ् क्याबु गिउ ।
\p
\v 4 हिन्सिनाङ् ओरुङ्ला कुला विदुप साचे बारेला क्ष्या वाइ कि दि जम्बुलिङला ओतुप कु तिवाला बिदुप साचे खाङ मिन दि जम्बुलिङला कुँ सिनाङ जने कन्ज्यक तिवाङ् वाइ ।
\v 5 नाम्ला ताङ साला नपनाबा मिनकि ल्हा तिबा वाई ।
\v 6 हिन्सिनाङ ओरे ला कन्ज्यक क्ष्योछ्योक दक्पुजिकराङ् वाई । ओरुङ कन्ज्यक क्ष्योछ्योक ला थारुजाइ तेमे दक्पुजिराङ कन्ज्यक येशु ख्रिष्ट तिकि खेर ताम लेसुङ तिकि ओरुङ थारुजाई ।
\p
\v 7 हिन्सिनाङ दि ताम खेरला क्ष्यामेगु तिकि किसाला कुला विदुप स्याचे ति ओथुङराङ बिदुप हिन । सिरुप सेम्ला वाङनि सेउ । तेमे तिबि टेराबा मेतुकि किसाला मेचेङ डिउ ।
\v 8 कुला बिदुप साप सम्चे सोसिन ओरुङ कन्ज्यक क्ष्योछ्योक नेमा सेमला मेडोषुप् डिउ । दि सोसिमा ल्यामु डप खाङ मिन् ।
\v 9 तेमे मासोसिन मेलेबा डप खाङ मिन तिकि किसाला होसियार ओङगोच्यु छाक्पि खाङ किरुप सेमकि मि मेलेबा मोडोसिन । अरे साचे साप मेगु ।
\v 10 ला ला मि ल्हाकाङ नाङला चेक सेबु मि देनि साचे तिबा साइ किरु थोङसिन कुला बिदुप साचे साई विसिन चेक दिमाग मेतुप मिकि ते गाल्नि मासाउ र?
\v 11 तेमे क्ष्यरे गल्ति कि किसाला नुक तिकि टेन्बा मेतुला मेलेबा ताम गिउ ।
\v 12 तिकि किसाला नुक तिकि ला सेप येशु ख्रिष्ट अर्थ मेगु । क्ष्योरे किसाला नुक ति स्यिसिन क्ष्योरुङला क्ष्येर्पा फुक ।
\v 13 तिकि किसाला क्ष्योरे किसाला नुक ति सिसिन क्ष्योरे स्या साप तोङगोच्यु । खाङसिनि सिसिन क्ष्योरे नुक सेप तिकिसा ति क्ष्योरुङ मिन्सिन । क्ष्योरे किसाला क्ष्योरे नुक मिस्यिसित ।
\c 9
\cl लिउ ९
\p
\v 1 खाङ ङा ला खाङक किरुप सेम लाङीबे ति ङाला किरु मेयेउ र? खाङ ङा प्रेरित मिन? खाङ ङे लाक्पा सिप ओतुनि कन्ज्यक ति मिन?
\v 2 ङा जेनगि लगिला लोमा मिन्सिनाङ क्षिरे ला याङ ङा लोमा राङ हिन । क्षिराङ राङ ङे लोमा पाङसो हिन् ।
\p
\v 3 ङाला होक्पा ल्हाप किरुप तिबा तिवाला ङे ताम दिराङक हिन् ।
\v 4 खाङ हिराङला साप थुङुप मेयेउ?
\v 5 खाङ हिराङला जेम्गि लोमा, कन्ज्यक तिबि नुक तिबि तोगेराङ ।
\v 6 ताङ केफास तिबि तगेराङ राङि सेमगि विदुप मोरुङ् टिनि युकु मेयेउ ताङ बारनाबास ताङ ङे क्या यक किगोच्यु ।
\v 7 सि दाक्पि यक्पुतिबि लागिला खाङि डेबाङ् मालाबा खा क्यु? सि गुडुमसिङ ज्याम्नि तिकि डालाबा मासा? सिकि क्ष्युङमा सोनि अमा मासा?
\p
\v 8 खाङ दि ङे ङेकि मि मिरिककि लागिला क्याबु जाइ? खाङ दिङ ठिमनाङला मोस्योरु र?
\v 9 मोशा ठिम नाङला दि राङ तिनि मेत? दाइ डिसिन लाङला खाप्चेल मोकोन । खाङ कन्ज्यक क्ष्योछयोककि लाङतिबि ला क्याजिक जोबु जाइ?
\v 10 खाङ खोकि ओरुङ मि लागिला दि ताम माक्याबा वाइ र?
\v 11 दि अरे लागिला जोबु जाइ खाङसिनि सिसिङ सिङ रेवा क्यानि क्या लाङ मोच्यु तेमे दि रुकुप सेम दि राङ सिङला यक किउ ।
\v 12 खिराङ नेमा जेनगि दि किरुप ङ्येतुप सेम किसिन खाङ तिवाला ति ङे हिन सिरुप सेम मेत? हिन्सिनाङ् ओरेकि दि किरुप ङेतुप यक किरुप ङेगोच्यु सिनि सेम माक्या । हिन्सिनाङ ख्रिष्टकि लेन ल्यामु ला मेलेब मोडो सिनि अरेकि खेर सहे क्यानि ।
\v 13 खाङ कुदिबाला अरेकि र किरुप क्यानि कुदिबा नेमा राङ सापसाचे ङ्येकु सिरुपज क्ष्यिराङला क्ष्या मेत? खाङ वुल्वा बुलुप मि कि बुल्बा ङेच्यु सिरुप 
\v 14 क्ष्यिराङला ङिजे मेत तुक्याराङ राङ लेन ल्यामु चेलु मिकि ल्यामलाराङ थार्सित सिरुप ताम कन्ज्ककि लाप्सुङ् ।
\p
\v 15 हिन्सिनाङ ङे तिकि लागिला ङे तिराङ हिन सिक्या । तेमे ङे ला ल्येमु किसित सिनिसाङ मिटिकु दि ताम ल्यामु लोक सिनि गा लाङुला मिकि मेलेबा सिसिन ङा स्येप ङा टेगे वाइ ।
\v 16 दोजो दि ङे ल्यामु लेन च्याल्सिन दिला ङा राङ क्ष्ये हिन सिरुप खाङ लाम मेत । खाङसिनि सिसिन दि यक ङेकि किराङगोक्यु । ङे ति लेन ल्यामु माच्याल्सिन ङाला ल्यामु मेगु ।
\v 17 खाङसिनिसि सिन दि यक ल्यामु क्यासिन ङाला ल्यामु सिउ । ङे कि दि यक माक्यासिन दिकि यक आरोङसाक ङा ना राङ वाइ ।
\v 18 तुक हिन्सिनाङ ङे ल्यामु यकति खाङ हिन? दिराङ हिनकि ङे दि लेन ल्यामु ति खाङक्याला च्योल्थुप्सिन तेमे दुकराङ क्यानि ल्यामु लेन मे चाला याङलोङ मथक्सित ।
\p
\v 19 चिलेसिन्सि ङाला खाङ किरु ङेसिराङ जेनगि ज्याल्सित सिनि ङा खाराक्पा देतिन ।
\v 20 यहुदि तिबाला ज्यालु सिनि ङा ओतुप मि तिबाला ज्यालु मि ठिम नाङला ओतुप मि तिबाला ज्यालु लागिला ङाङ ठिम नाङला मागल्सिनाङ तिबा तगेराङ र्ज्युनि देतिन ।
\v 21 ङा कन्ज्यक ठिम फिला मेसिराङ नाङला ओतुप तिबाला ज्यालजितिपला ङेकि ठिम नाङला मेतुप तगे क्याबिन ।
\v 22 खाङ कि मुथुपु तिबि ज्याल्सिन सिनि ङाङ् खाङ किमुथु तगे क्याबिन। ति खेर यक क्यानि ङे जेनला ग्यालचि तिन ।
\v 23 लेन ल्यामु कि लागिला ङा दि यक खेर किउ खाङसिनि सिसिन दि लेन ल्यामुकि ङाला मलाम नाङला र्स्योजि सित ।
\p
\v 24 छ्योङुप तिवा खेर छ्योङुया छ्योङ तेमे क्ष्याक्तक ति दक्पुज्यिकला क्या ङेक्यु । ति ङेनुकि लागिला छ्योङगोच्यु ।
\v 25 खेर चिमि चेप तिनिकि ति दुलुप थुला ल्यामु जेउ ।
\v 26 तिबि कि नाडप सिनि मोछ्योङु तिकि जुबुला ल्यामुला जुक खाङसिनि सिसिन ङा दिला यक्पु जेउ
\v 27 तेमे जेन्ला लेन ल्यामु ज्यालुला ङा मेलेबा मोडोसित ।
\c 10
\cl लिउ १०
\p
\v 1 उजु नुक तिब खिरे दि ताम ति सेगोक्यु ङा सिउ । दि ओरे हाब तोङबा तिब मुक्पि होक्ला दाङ छि नाङला क्यानि गाल ।
\v 2 तेरिककि मुक्पा दाङ छु नेसुर बप्तिष्मा ङे नोक ।
\v 3 तेरिक कि चिकाराङ अत्यिकि साया हाङ छु तिव थु ।
\v 4 आत्यिक दो ला ज्यक्सुङ दि दो येशु ख्रिष्टराङ हिन् ।
\v 5 हिन्सिनाङ तिबा दाङ मुला कोन्ज्यक लोदिमु मेनि तिनि रि तिब फार छुर दासा थेरि ला छरे क्यानि ।
\p
\v 6 ओदुक क्यानि दाक्पु तिबि साङ तिबि क्याबुप दिग्या लाका दुक्टा कि सेम माकि सिनि दि लाका लादिमु हुङसिद ।
\v 7 तिब दोग्य खिराङ तिवि कुदिब ला पुजे किरुप दोग्ये माकि दिनोक टिवुप् ओइन ।
\v 8 मितिव साप ताङ थुगुपा ला देसुग्ङ तिवि क्यावुपा दोग्य ओरे साङ स्यामडेन लाका मेल्याक्पा लाका माकि दिनोक लाका क्यानि निमा चिक ला तोङडा खाल्जिक ताङ सुम सिसुङ ।
\v 9 ओरे कि ख्रिष्टला खोक्पा लाप लाका फिरु म्यगुप् चिला सिसिन तिवि कि क्यासुङ तेमे तिवा रुला कि फेनि नासा गाल ।
\v 10 तिवि मुतम क्यापुप् दोग्य ओरुङ दि मुतम मिकिउ । तेमे दाक्पु नासा ला मोडो होइ।
\p
\v 11 दि ओरे ला ल्हादिम कि ला दाङ दाक्पि येदेन कि ला दिराङ हिन् । तेमे मितिवि खाला तुज्येकि तिङला गिउ ।
\v 12 ओदुक क्यानि ङा खामु होइन तेरिक सेक्यु सिनि सिक्यासिन । च्याङसे कि चिला सिसिङ तिवा मि डिल्सिद ।
\v 13 मितिजवाला स्यारुप दुक्पा खिराला ङेतुप मेदो तेमे कन्ज्यक लोदिमु होदुप सलि मिला खेलुप पर्ज्या सिनाङ । लाक्पा ख्यालु मिजिउ नेसुर स्योरुप लहाम साङ वोइन ।
\p
\v 14 तेमे ङे दाल्जा तिवा कु तिवा दाङ क्यानि राङसा राङ देता ।
\v 15 ङा खामु हिन् सिनि खिरे मुला मासेद तेमे मि पर्ला सेनुप् ताम दाङ सेतु हिन् ङे सिक्यापुप ताम ला खिरे साङ सेतुप सित ।
\v 16 ओरे थुच्येछे बुलुप मलाम कि कोला ख्रिष्टकि ठाक कि दासाला ज्योब्मु ति मिनरा?
\v 17 सिवाङ ति ख्रिष्टकि जुवु यिन् सिवाङ चिकराङ हिन्सिनाङ ओरुङ मि आला होसिराङ ओरुङ चिक राङ हिन तेमे ति गोनि सिउ ।
\p
\v 18 इस्राएलकि मितिवाला लोसा काङ तिवादि सवाँ देप्सा दासा ला जोम्पुप दाङ साप मितिबा मिन र?
\v 19 ओतिनोक हिन्सिनाङ ङा सिउ काङ कुला पुलुप सामा काङ हिन्?
\v 20 तिवि सामा सज्य तिवा कुदाङ रेन्डि दाङ मुला जोम सिनि ङि मिसिउ ।
\v 21 ङा खिराङला सिउ कोन्ज्यककि टेबुल दाङ रेन्डि कि टेबल चिक राङ यिन ति दासा ङिकर ला खिरे सामुथुबु
\v 22 चिला सिसिनाङ कोन्ज्यक सिनाङ ओरुङ गर्पु हिन र?
\p
\v 23 नाव तेरिक ठिम साङ ओइत हिन्सिनाङ नाव तेरिककि ख्यण्साङ ति मे हिन्सिनाङ नब तेरिककि मितिबाला र सेम्ला यार्के डो मुथुबु ।
\v 24 खिराङ सिसाङ दाक्पि खेप्साङ तिराङ माछोल हिन्सिनाङ चाकि दाल्जा तिवि खेप्साङ ति छोलसिदा ।
\v 25 खिरेकि छोङ किसा दासाला खाङ ङेकिदे ति दि खिरे ल्यामु चोगुला सोसि गिदो ।
\v 26 चिलासिसिनाङ तेरिक ज्ञ्यासा ति कोन्ज्यककि राङ हिन् ति नाङला होदुप सामा साच्ये दाङ् सामा तेरिग् कोन्ज्यककि राङ् जोबु हिन् ।
\v 27 मोबाला माकयाबु मितिवि खिराङला डेनला काताङनि सामा बिनसि माटिबा सो ।
\v 28 ङे कि खिरे गिष्ना कि ला मि तेमे मि यम्पा ला हिन ।
\v 29 चिलासिसिनाङ यम्वा गिष्माकि नेसुर ङे ठिम किरुप चिला ङा गाहदिङिला सामा खाव देक्यु ।
\v 30 तेमे ङे तिला चुचे छे पुल्नि सेउ तिला माटे तोगुप् ।
\p
\v 31 तेमे खिरे थुङ नेसुर ङेदुप ङार ति कोन्ज्यकला थुचे छे पुला ।
\v 32 खिरेकि ग्रिक व यहुदि नेसुर कोन्ज्यककि वुल्काँङला मेलेव दोप लाका माकिसा ।
\v 33 चिला सिसिनाङ ङा मि तेरिक्ला ङिग्ज्य किउ तेरिक जोवुप तेरिक च्पालकला गालोङ । चिला सिसिन ङाला लाका लेमु गोवु मिन् हिन्सिनाङ तेरिक्ला लाका लेमु नोब किउ । चिला सिसिन तेरिक्कि मिज्यो ल्मु थोप्सिदा ।
\c 11
\cl लिउ ११
\p
\v 1 ङे ल्याम स्येतु तिबा । चुक क्यानि ङे कि ख्रिष्ट ल्यामु स्येच्यि ।
\p
\v 2 क्ष्यिराङला ल्यामु सिउ खाङसिनि सिसिन क्ष्यिरकि ङाला खेर तामला नासमा तोक्यु । तेमे ङे कि लापु क्ष्यिरे क्यानि वाइ ।
\v 3 तेमे ङा खिराङ्ला दि सिउकि मि तिवि गो ति पुमि गो इन ।
\v 4 तेमे क्ष्यकपेजा तिबि दाक्पि गो ति उयान सँवा ताप्सिन तिबिकि दाक्पि गोला मारेतोगुप क्याबु जाइ ।
\v 5 तेमे पुमा तिबिकि गो माउप्पा सँवा ताप्सिन दाक्पुला मेलेबा क्याबु डिउ । चिला सिसिन तिकि मेतु राटेबु तगेराङ डिउ ।
\v 6 तिकि हार् ति टेबु तगेराङ डिउ । तेमे तिकि हार् ति मेसिन तिला ङ्छा लाङ्सिन ति गो उम्नि स्वा देप्सित ।
\v 7 क्ष्यक पेजिकि गो ति उपुमोगु खाङसिनि सिसिन क्ष्यकपेजा ति कन्ज्यक गा किरुप दासा हिन् ।
\v 8 हिन्सिनाङ पुमा ति क्ष्यकपेजा तिबि गालाङ्सा हिन् ।
\v 9 ना त क्ष्यक्पेजि लागिला पुमा जोबुजाइ ।
\v 10 दिकि किसाला थु तिबिकि पुमा तिबाला दाक्पि किरुङेतु यककि ता कि लागिला ल्हाबु गिउ ।
\p
\v 11 हिन्सिनाङ कन्ज्यकला पुमिकि क्ष्यक पेजाला तिजोराङ ताङमोतोङू क्ष्यक्पेजि साङ पुमाला तिजोराङ ताङ मोतोङु ।
\v 12 खाङसिनि सिसिन पुमा क्ष्यके नेमा म्युरुप गिउ । तेमे क्ष्यक्पेजाराङ पुम्पेजा नेमा राङ ग्यरुप जाई । हिन्सिनाङ खेर ताम कन्ज्यकक नेमा राङ गालुप् जाइ ।
\v 13 खिराङ राङ खिरे राङ पुमा तिबिकि दाक्पि गो माउपा कन्ज्कला स्वा तापुपति ल्यामु थोङु?
\v 14 लाला क्ष्यकपेमाला दाक्पि हार् सोसिन ङ्छा लाङु ताम यिन सिनि तिला फारछुर ल्हासिनाङ छ्या मेरोउ र?
\v 15 पुमा तिबिकि ह्रा ति सोसिन ति ल्यामु हिन सिनि फारछुरकि साङ मिसिनाक ल्यामु डिउ सिरुप छ्या माङे ।
\v 16 हिन्सिनाङ ताम गि लागिला मिकि टिसिन दि क्ष्योछोप नेमा साङ खाङि रिबा ङा मेत् । ना त कन्ज्यककि क्ष्योछोप तानि राङ अइ ।
\p
\v 17 दि ताम तिबा सिइ सिइ साङ खिरेकि मायेन्सिनि सिसिन ङा खिराङला ल्यामु मिसिन । खाङसिनि सिसिन खिराङ ति ल्यामु लागिला मिन मेलेबि लागिला किरुप नोक ।
\v 18 तोकि ताम या खिरेकि क्ष्योरोप ला क्ष्यिरे सेमडिक्पुकि लागिला आङेप नो । ङे कोतुप ति ङा ङेङुग्यु तेमे खाङि हद साक ङा मोबा किउ ।
\v 19 ओथुराङ ङोबाकितुप् मितिबा ङु सेबु लागिला क्ष्यिरे चाला खाच्यिक किरु गिउ ।
\v 20 खिराङ सापला देच्यु तेम खेर ओङुसिना तोङला साचे चाहुइ डेन मिन । खेर कि राङराङि साप साचे साप स्युकु दुक क्यानि लाला मि तिबा ल्हतुङबा गिउ । तेमे लाला तिबा ति काबु गिउ ।
\v 21 तिकि किसाला लाला जितुप ताङ लाल ति दिजो बेला क्या सापकि मेलेबा मोडोइ? खिराङला दाक्पि खाङ्बा राङ मेत साचे सोनि मिला मेलेबा किरुप खाङ खिरे लागिला ल्यामु हिन् ।
\v 22 खाङ दिकि लागिला ङे ल्यामु सिगोक्यु हिन्सिनाङ ङा ल्यामु मिसिउ ।
\p
\v 23 ङाला खाङ ङेबे नि ति ङेकि खिराङ बिनि सिदिप वाइ । खाङसिनि सिसिन कन्ज्यककि सेप सिना गमि छि सिसाङ च्याङ्नि सिक्य नक । कि खिराङ्ला ङे जुबु ति दिराङ् हिन् ।
\v 24 थुच्यिछ बिदुपला सिबाङ च्याङ्नि सिक्यासुङ खिरे लागिला दि ङे जुबु हिन् । ङे नासाम कि लागिला दि ति खिराङ्ला हिन् ।
\v 25 तुक राङ क्यानि कन्ज्यककि सोनि सिनसिमा सिक्या सुङ दि करा नाङिति ङे ठाक साबा नक हिन् ।
\v 26 खिरेकि सिवाङ साटिटाङ् ताङ कर नेसुर थुङ्टिटाङ ङाला नासाम तोङ् ।
\p
\v 27 तिकि किसाला सिकि मेलेबि समेगि स्यिवाङ् सेबे ति मि कन्ज्यक् लागिला मेलेबा डिउ ।
\v 28 तिकि किसाला खेर मिकि दाक्पुला दाक्पिराङ ल्यामुकानि ल्हासित ।
\v 29 तेमेक्या ति स्यिवाङ् ताङ् करा नाङ्गि ति थुङ्सित् ।
\v 30 तिकि किसाला सिकि दाक्पि जुबु लागिला वास्ता माक्याबा खाङथेप सेबे। तिकि ति दाक्पुला राङ सफाइ बिदुप तगेराङ डिउ ।
\v 31 हिन्सिनाङ ओरेकि दाक्पुला राङ तान्नि ल्हासिन ओरुङ्ला ल्यामु डिउ ।
\v 32 हिन्सिनाङ कन्ज्यककि खक्पा ल्हासिमा ओरुङ् ठिम्ला देतुप् ताङ् क्येन् मेतुप डित ।
\p
\v 33 तिकि किसाला खिरेकि दासा जिकला देनि साइ किसिन तोङ्ला ताङ तिङ्ला मासा खाङ सिनि सिसिन लाला साइ किसिन लाला ति ल्हतुङ्व गिउ ।
\v 34 तिकि किसाला ब्हबा लाबु तिबिकि ति दाक्पि खाङ्बा नेमा राङ सोनि ओङ्सित । खाङ्सिनि सिसिन ति सोबुति खिरे ठिमला मेहेल्सिद् ।
\c 12
\cl लिउ १२
\p
\v 1 नुक तिबा थु ङेत्पा ला खिराङ्ला सिसिन् क्ष्यामेसित सिरुप ङा सेम मिकिउ ।
\v 2 खाङसिनि सिसिन खिरेकि कु तिबाला बुल्बा किउज । ति कु तिबिकि ताम सिरुप ताम मिक्यु ।
\v 3 तिकि किसाला खिरेकि दि मेस्पेसित । सिरुप सेम किउ कि, कन्ज्यक थु नेमा किरु तिकि नामलाङ मिसिउ कि, “येशु मेनेबा डोसित “मिसिउ । चेङि थु नेमा सिसाङ “येशु राङ कन्ज्यक हिन्” सिनि सि मुथुपु ।
\p
\v 4 ङेपा तिवा राङसा राङसा हिन्सिराङ थु ति दक्पुज्यिक् राङ हिन् ।
\v 5 यक तिबा हिन्सिराङ कन्ज्यक राङ् दक्पुजिक राङ हिन् ।
\v 6 यक तिबा राङ्सा राङ् हिन्सिनाङ कन्ज्यक दक्पुज्यिराङ हिन् । तिकि किसाला दाक्पुलाङ यक किरुप जोल्मु ग्यु ।
\p
\v 7 ता खेरेकि चेङि थु तिकि कला ल्यामु क्यानि लाज्प्यु ।
\v 8 तेमे ति नेमा राङ ल्यामु यक् किरु लोप्च्यु ताङ ति नेमा टाङ ल्यामु ताम ङा ङ्येक्यु ।
\v 9 जेर्माला तिकि ति चेङि थु नेमा राङ मोबा किउ । लाला कि ति नेमा राङ टेकुप् ङेत्पा ङेतु वाइ ।
\v 10 जेर्मा तिला याम्छेन लाङ्दे, जेर्मा तिला लुङ्देन कि स्येबु जेउ । जेर्मा तिला थु तिबा डेलुप, तेमे नाबानाबा ताम कि स्येबु, जेर्मा तिला जेङ्गि ताम क्याबु ति लोङ् रिङ् सिनि तेरुप डेनपा बिदुप वाइ ।
\v 11 हिन्सिराङ खेराङला तिनोक रोङ् दक्पुज्यिराङ् चेङि थुकि यक् किउ । तेमे दि खेर तिकि सेमगि तिकि खेरला ङेत्पा बिदुप् वाइ ।
\p
\v 12 चुक क्यानि जुबु दक्पु जिक्लाराङ् नाबा नाबा याङ्ल गि । तेमे ख्रिष्ट तिङ तिनोक् राङ् गिउ ।
\v 13 खाङ्सिनि सिसिन ओरुङ् खेरिकि चेङि थु नेसुर बप्तिसमा लाबु जाइ । यहुदि, ग्रिक, कमारा ताङ खाङ् किउ । ङेयतुप मि तिबिसाङ् दि चेङि थु नेमा राङ् थुबु जाइ ।
\p
\v 14 खाङसिनि सिसिन दक्पुज्यिराङ चेङि थु नेमा याङल ज्यरुप जाइ ।
\v 15 तिकि किसाला काङबिकि ‘ङा लाक्पा मिन् तिकि किसाला ङा जुबु याङल मिन्‘ सिक्याताङमा ति मिन्बु मोडोइ ।
\v 16 तेमे कन्ज्यक कि “ङा मिक मिन तिकि किसाला ङा जुबु याङल मिन्“ सिक्याताङ मा ति जुबु याङल मेतु मिन् ।
\v 17 ति कि किसाला मिक राङ् ङ्यामाक् माल्सिन खेबा ङेन्जि? तेमे खेर जुबु ति मिक राङ् डप हिन्सिन नप ति खाङ नेमा?
\v 18 हिन्सिनाङ कन्ज्यककि अरे याङल नाबा नाबा दासाला टिनि ज्याक वाइ ।
\v 19 तिकि किसाला खेर याङल ति दक्पुक्यि राङ् हिन्सिन अरे जुबु ति खेन गि?
\v 20 तिकि किसाला याङ्ल राङ् राङि दासाला वातुपकि किसाला अरे जुबु ज्युरुप वाइ।
\v 21 मिगिकि लाक्पाला ‘ङाला क्ष्योरुङ् मेसि राङ् गिउ‘ सि मुथुपु तेमे मो कि साङ ङाला काङबा मोगोइ ङाङ् सि मुथुपु ।
\v 22 हिन्सिनाङ खाङ कि मुथुपु मि तिबि ति तिङ मेता मेगु ।
\v 23 तेमे अरेकि ल्यामु क्यानि क्याबु याङ्ला ति ओरुङला मेता मेगु । तेमे जन् मोथोङ बु याङ्ल तिबा याङ् जन् आला ल्यामु क्यानि ज्ञ्यकु ।
\v 24 मोथोङबु याङ्बला दिजो ल्यामु किरु मेता मेगु यक् मिन् । हिन्सिराङ अरेकि मेसिराङ मेगु सिक्यबु तिला ल्यामु कानि ग्यकगोच्यु ।
\v 25 जुबु ला कामा कामा कि मोगोसित हिन्सिराङ खेर याङल तिबिकि दाक्दाक्पुला ङ्यिजे किसित सिनि जोनि बिदुप जाइ ।
\v 26 याङला दक्पुजिक जिकला दुक्पा ङ्येसिन खेरला सुकक्यु । दक्पु जिकला ल्यामु गालसिन खेरला ल्यामु डिउ ।
\p
\v 27 तेमे खिराङला ख्रिष्ट तिबि याङल हिन् ।
\v 28 तेमे कन्ज्यककि क्ष्योछपोपला तोङला लोमाङ तिबाला तेमे तिङ्ला लुङ्तेम्बा तिबाला तेबा लोबेन, तिकि तिङला याम्छेन लाङे किरुप तिबाला, नाबा नाबा ताम किरुप तिबि किरो किरुप तिबाला नाङ्ला लुकुप गिउ ।
\v 29 खाङ क्ष्यिराङ लोमातिबा हिन्? खाङ् तिबाति खेर लुङतेम्बा तिबा खेर यामछेन् लाङ जितु मि हिन्?
\v 30 खाङ तिबा तेरिग्ला ल्यामु जप ङेत्पा वाइ? खाङ तिबा खेर जेग्गि तामला ताम कि थ्युक्यु? खाङ तिबा खेरकि जेन्गि ताम तेदक स्येच्यु?
\v 31 ङार्मा क्यानि तारोङ बोमु ङेत्पा तिबा छोल । तेमे ङा खिराङ्ला तारोङ ल्यामु लाम छ्योदन्ग्यु ।
\c 13
\cl लिउ १३
\p
\v 1 ङेकि मिताङ् देवचेन्कि थु कि ताम क्यासिनाङ् ङा ताङ् ङ्यिजे मेसि ङा तोजो राङ् होकिरु टिलु दोग्य डित ।
\v 2 ङा सिउ ङा तानि लुङ तेम्बि ताम सेक्यु यिमनि वतुकि ताम सेक्यु रि गाङ तिबा पुलु थुक्यु दिजि कि मोबा ङा तानि वाइ ।सासिनाङ ङिङ्ज्ये मेसिन काङ मिन ङा ।
\v 3 तेमे ङा सिउ ङा ता वतु गेरिक दि मेतुला तेर्क्यु सिनि सिक्यासिनाङ ङिङज्ये मिसिन ङाला काङ खेम्साङ मेङ ।
\p
\v 4 ङिङज्ये कि नाम्लाङ गुबु गिउ । तिकि हिन मिसिउ मेतेबा यक् मिकिउ तिकि नाम्साङ ।
\v 5 तिछ्या मेदु दाबा दगे मेङु तिकि नाम्साङ काङ मोछोलु खक्चा मिकिउ मितिबाला मेलेबा लाका मोलोबु तेमे मेलेबि चि ग्याकुब मज्यु ।
\v 6 ङिङज्येकि नाम्लाङ दिक्पा मेतु मि लाका गा मिकिउ ।
\v 7 ङिङज्येकि गेरिक ताम जेक्यु ताग्ला थु तेपा किरुप खाले गिउ तेमे गेरिक ल्यामु ताम्ला देक्यु ।
\p
\v 8 ङिङज्येदि नाम्लाङ मिसिदु लुङ तेम्बा लापु तिबा सिन्ग्यु ताम तिबा मेथेदु ।
\v 9 चिला सिसिन अरे च्यिक क्याजिक सेबु वाइ । तेमे चिक चिकराङ सिउ ।
\v 10 तेरिक गिउ तेमे मासिन्दुप यक् तिबा गिउ ।
\v 11 ङा पेजा वसिन पेजि दगेराङ सेय क्याबिन तेमे पेजि राके ङ्या छालिन तेमे छारिन गालसिमा गेरिक ताङिन ।
\v 12 ऐनाला चाला थोङ तेमे तिबा ङेकिसाङ चिक चिक संक्यु ति तु जेला ङेकि गेरिक सेग्यक्यु दिजो बेला ङे च्यिक सेक्यु ।
\v 13 तेमे दि ताम सुम दि लुक्यु तेपा मिजि माक्याबा लाका हिन् ।
\c 14
\cl लिउ १४
\p
\v 1 सेम्ला गा लोङगुप लाम छोला सेम ला गिपा थोपु ला हुतुङ मोब किसा चिला सिसिन ति कुदुक मिकि मिन कोन्ज्यककि हक कोदुप लाप्से लापु हिन मितिवि हाकमाको सिराङ थु चेमु नेसुर तिकि गिप ङेदुप ताम लाबुप् हिन् ।
\v 2 तेमे ति ताम नेसुर मितिबि पार्ला छारुप ताङ गिपा ङेदुप कोला राङ लाप्क्यु ।
\v 3 खिराङ तेरिककि राङसा ताम लोप सिनि ङा सिउ ।
\v 4 तेमे तरुङ लुङदेन लापुप्ति मोथ किउ हिन्सिराङ राङ्सा ताम सिनाङ लुङदेन लापुप ति ल्यामु हिन् ।
\p
\v 5 चिला सिसिन लुङदेन लपुपकि छोकाङ ला ताम्जि गिउ ।
\p
\v 6 तेमे उजु नुक तिबा ङा खिरे दान मुला ङा राङसा तामला तामकि लेविन तेमे ठाछेलि दाङ येदेन माचुङ सिन् खाङ ख्यप्साङ चुङसुङ ।
\v 7 तेमे लुमु दाङ विणा चिनोक उ मेदुप सामा चिनोक सेलि हाक माकेसिन चिनोक च्यालक हिन सिनि सिउ?
\v 8 तेमे खिराङला ङोमेसेबु मिकि ति कि हारु तेन्दुप वेला ठाहेलि होरु मेसिन तिबि माक थपु वेला हिन सिनि चुक क्यानि हाक्कोक्यु र ।
\v 9 खिरे लागि साङ ओनिनोक राङ हिन् तेमे खिरे हाक मोकोबु ताम लाप्सुङ क्यासिङ खिरे ङेनि देक्यु ।
\v 10 ०जम्बुलिङला मि तेरिकि दादाक्पि ताम गिउ ।
\v 11 तेमे चावा लुङवाला पब ताङ क्यानि ठेतुप वेला तिकि सिक्यापुप् ताम हाक माकोसुङ त तेमे तिला काङ खेप्साङ चुगिउ र?
\v 12 खिरे ला साङ आदिनोक राङ हिन । खिरे थुचेगे कि तानि खिरे जोम खाङ कि ला लेमु फेलुकि ला राङ लापुप् हिन् ।
\p
\v 13 ओदिनोक क्यानि खिरे ला साङ ल्यामु दाङ ख्याप्सङ गिउ सिनि नबकिसा । तेमे कन्ज्यक दाङ मुला मोपर ताङ गोङवा सुसा ।
\v 14 चिला सिसिङ खिरे सेम यम्बा नेसुर मोपर किरुप नो क्यासिन ङे सेम्गि दिङ्ने जु कोन्ज्यक दाङ मुला मोपर ला लोङ गिउ ।
\v 15 ङे सेम्गि दिङ्ने ज्यु कोन्ज्यक दाङ मुला मोपर किउ । ङे रिक्पा नेसुर साङ कान्ज्यकला थुचेछे वुल्ग्यु नेसुर मोपर साङ माक्या थुचेछे साङ मापुल क्यासिन मि यबा दोगे राङ माचुङ र?
\v 16 नेसुर खिरे क्यावुप मोपर दाङ थुचेछे पुलुप् ला चुक क्यानि आमिन सिउ र?
\v 17 खिरेकि आला कोन्ज्यकला थुचेछे पुलुम् वइन । तेमे मि यवला सेम छर चितुप वइन।
\v 18 ङा कन्ज्यकला आला थुचेछे सितुप हिन क्यासिनाङ ङे जोम खाङला ङे ज्ञथम्वा साक ताम्गेन लापसिनाङ ङाला खाङ ख्याप्साङ मेदो, ओदुक क्यानि खिरे कि सेम ग्युर दक्पि सेमनि पेजा दोगे राङ जोनि कोन्ज्यकला मोपर क्यासिन सेमला मोलाम चोप्कि दि ।
\v 19 ठिमल टिवुप् ओइन ज्ञथम्बा लाप्से सिनाङ यवा मि ङाला ठोङो ल्यामु विन्सिन तिराङ खाक्चे हिन ।
\p
\v 20 उजु, नुक तिवा दाक्पि नावा लाति आङा दोग्या माजो तेमे मेलेक्पा ताम व लप्से लानि अङ दोग्य राङ किसा सिनि सिउ ।
\v 21 ओरे ठिम ला ठिवुप्प ओइन यमछेन लागुप ताम किरुप तिव मि तिवा दाङ राङ यव लुङवि मि तिवि आला मिदाङ् क्यानि हाक मोकोवु ताम लाप्सेन राङ ति तामति ब्यदयदुप कोन्ज्यककि सुङ् साङ ।
\p
\v 22 ओदुक क्यानि तामगेन यावा ति मोवा माक्यावुप मि तिमाला पे डिउ नेसुर मोवा क्यपुप मितिवाला ति मिन ।
\v 23 तेमे लुङदेन लापुप् ति मोवा किरुप मि तिवाला पे डिउ तेमे मोवा माक्याबु मि तिवाला मिन् । ओदुक क्यानि मोव क्यावुप दाङ माक्यापुप मि तिवि दि ङ्यन्वा ङयोन्वा गाल्नोक सिनि मिसिउ र?
\v 24 तेमे खिराङ तेरिक जोम खाङला जोम्नि लुङदेन लापु वेला ति दासाला मोवा माक्यावु व लेसुङ क्यासिन तिकि ङयन्दुप तेरिक लाप्से नेसुर तिकि सेम खक्पा ल्हेउ । तेमे तिकि दिक्पा क्याबुप नो क्यानि तिला छर्द गिउ ।
\v 25 तेमे तिकि सेप्दि गुर्नि कोन्ज्यकला छेपा वुल्गि दो नेसुर तिकि सिउ कोन्ज्यक ति ओरे पर्ला वसुङ सिउ ।
\p
\v 26 उजु नुक तिव नो किउ खिराङ दासा चिला जोम्ग्यु व छयाछ्याक ला जिबु वेला लुङदेन लाक्यु ला तिवा लागु येदेन तिव नेक्यु ।
\v 27 ति तेरिककि दिदुप ताम खोले किउ दि तेरि जोम खाङ कि ख्यपसाङ हिन् । तेमे खिराङ यम्बा तामल सिउ सिसिन मिरा ङि तिजो वेला मेरा ङिय सुमगि पर्ला हिदुप ताम खोले किगोक्यु तिङ पलो पालो क्यानि सिसा ।
\v 28 ति दासा ला हिदुप ताम तेरुप मि तिवा मेसिन ति ताम लापु पाति खप देसिद नि जोम खाङ दाङ खोरे ला तिराङ हिन् ।
\p
\v 29 मिरा ङि वा सुम लुङतेमाकि पर्ला लप्सिद तेमे मि यम्वा तिवि तिकि सिक्यावुय क्षण्से तिव खार्पा देनि खाङ हिवे तिवाला खक्पा ल्हष क्यानि देत ।
\v 30 तेमे तिजो देला ति ताम किरुप वेला कोन्ज्यककि यम्वा मिला ठादिङि छ्यतेनसुङ क्यासिन ति ताम किरुप मि ति खर्पा देसिद ।
\v 31 चिला सिसिन खिराङ रे रे क्यानि लप खेक्यु ति क्यासिन खिराङ रे रे ला खेप्साङ गिउ ।
\v 32 लुङ तेम्वा तिवि लुङदेन लापुप वेला तिवि तिवाल राङ थिला ज्यक किउ ।
\v 33 चिला सिसिन ङ्यज्यक किरुकि कोन्ज्याक तिमिन तेरिक ला ङिज्य किरुप थुचेमु कि ङार नेसुर तेरिक जोम्खाङला होदुप सलि ।
\v 34 पुमपेजा तिवा जोम्खाङला खा खार्पा दोसिक ठिमकि कोला ति छोकाङ ला पुलुप् दोग्या हुङसिद।
\v 35 तेमे तिवि काङ चिक लोवु सेम होसिङ तिकि ख्येदाङ मुला खङवाला राङ लोप्सिद।
\v 36 चिलासिसिन पुम पेजाला जोम खाङला ताम किरुप ति ङोछा हिन । काङ कोन्ज्यककि का तिव खिराङ नेसुर अवमुप हिन र? खिरे ला तिराङ लेवुप हिन र? ।
\v 37 तेमे खिरे ङा लुङतेम्वा हिन नो क्यासिन ङे खिराल ठिवुप का व यदेन तिवाला दि कोन्ज्यक नेसुर लेपुप् मिन सिउ ।
\v 38 तेमे ललिकि दि का तिवि मोवा किउ सिसिन तिला तिनोक राङ हुङ सिदा ।
\p
\v 39 उजु नुक तिवा लुङ तेम्वा लपप् ला हुतुङ सेम किसा ला ला कि राङसा ताम दाङ लुङतेम्वा लप्क्यु
\v 40 सिसिन तिकि लासिदा तेरिकला ल्यामु क्यानि किसा ।
\c 15
\cl लिउ १५
\p
\v 1 ता नुक तिबा ङा खिराङला ङे लेन ल्यामु लागिला सिउ । खिरेकि कोतुप लेन ल्यामु खिरेकि नासाम तोङ् । तेमे खीरेकि सिउ ।
\v 2 ङेकि खाङ्क्याला च्यालु लेनकि । खिराङला च्योङ्बु जेउ । दि लेन ल्यामु कि खिराङ्ला थार्जिक्यु । चिलासिसिन खिरे तेपा तिजाङकि डिउ ।
\p
\v 3 ङाला खाङ ङ्येसुङ् ति खीराङला मेता मेगु क्यानि बिदिन् । खाङसिनि सिसिन खिरे लागिला येशु क्यिसुङ् ।
\v 4 तेमे क्ष्यो तिबि कि राङ् येशुला ङीमा सुम तिङ्ला थारुप् जोसुङ् ।
\v 5 तेमे येशु केसाफ ताङ मेरेङा दाबा तिबि चाला थुङ्सुङ् ।
\v 6 तेमे तुक राङ क्यानि जेन टाबा (५००) साई ङ चाला थोङसुङ ।
\v 7 ति थोङु नाङ्ला लाला ति सेन्बु राङ वाइ सिसिन लाला ति स्येप वाइ ।
\v 8 गेर सिना तिङला ला माछेबा केबु पेजाज तगेरा क्यानि ङे चाला थोङसुङ् ।
\v 9 खाङ्सिनि सिसिन ङाङ् (प्रेरित) तिबि नाङला ङाङ् दक्पुज्यिक मेलेब हिन् । ङा प्रेरित तिवि सेम्बा डप सि मिन खाङ् सिनि सिसिन ङे कि तिबाला दुक्पा बिदुप वाइ ।
\v 10 ङा दिजो खेर खाङिकि वाइ तिदि खेर कन्ज्यककि किसाला वाइ । खाङसिनि ङे क्याबु सेम ल्यामु ओतुप ।
\v 11 तिकि किसाला ख्यरे ताङ ङे ति राङ सिउ । अरेकि सिउ कि हिरेसाङ दि ताम सेम्गि क्याबु जाइ सिनि ।
\p
\v 12 खाङ ख्रिष्टकि स्येप तिबि लागिला सेन्बु तिबिकि जोबु हिन्सिन खाङ ख्यिरेकि ति ताम तिला सेम मिक्यु ।
\v 13 हिन्सिनाङ सेन्बु तिबि स्येपला सेन्बु जो मुथुप्सिन खाङ ख्रिष्ट ङाङ् सेन्बु गालुजाइ?
\v 14 तेमे ख्रिष्टकि सेन्बु माजोबु हिन्सिन अरे सेम क्याबु ताङ खाङक्याला लेन ल्यामु च्यालु तिन तिजोराङकि डिउ ।
\v 15 तेमे ओरुङ् ङाङ् कन्ज्यक लागिला जुनोक्पा तगे डिउ चुक् क्यानि सिसिन अरेकि साङ कन्ज्यक लागिला पाङ्बु गोनि युबु जाइ । तेमे खोकि ख्रिष्ट नेमा सेन्बु जोबु जाइ । हिन्सिनाङ स्येप तिबाला सेन्बु जेउ सिरुप हिनसिन कन्ज्यक कि साङ येशुला सेन्बु माजोबु जाई ।
\v 16 खाङसिनि सिसिन कन्जज्यककि सेन्बु मालाङ्बु हिन्सिन ख्रिष्ट ङाङ् सेन्बु मेतु वाई ।
\v 17 तेमे दिनोक राङ हिन्सिन तारोङ साक् ओरुङ ङाङ् दिक्पा नाङला राङ वातुप जाइ सिरुप सेगोच्यु । तेमे ख्रीष्टला स्येप तिबाङ तिजोराङ्कि डिउ ।
\v 18 तेमे ख्रीष्टला स्येप तिबाङ तिजोराङ्कि डिउ ।
\v 19 तेमे दि मिजि अरेकि ख्रिष्ट लागिला ज्ञ्याकु हिन्सिन ओरुङ जेन मितिबा सिनासाङ ङ्यिङ्ज्ये लाङदे डिउ ।
\p
\v 20 हिन्सिनाङ ओथुङ सिगोबु हिनसिन ख्रिष्ट सेप तिबा नेमा सेन्बु गालु जाई । तेमे दुक क्यानि सेप नाङला खेर सिना गमाला कन्ज्यक तोङि हिन् ।
\v 21 खाङसिनि सिसिन सेप दक्पुज्यिक् राङ नेमा लेसुङ् ताङ सेपला लोरिङ् सेन्बु लोङुप ङाङ् मि नेम राङ लेपु ।
\v 22 चुकज क्यानि आदाम तिबा तगेराङ सेन्बु लाङि तुक राङ क्यानि ख्रिष्ट ङाङ सेन्बु लाङु ।
\v 23 तेमे खेर ताम तिकि रिबा जिकला डिउ तिकि किसाला तोङि दाल्बा ति कन्ज्यक राङ हिन् । तिकि तिङला ख्रिष्टला वातुप तिबा तिला राङ सेन्बु गिउ ।
\v 24 तिकि तिङला ओङ्ज्यान ताङ खेर । ठिम तिबाला ताङनि येशु ख्रिष्ट टिङला गिउ । तेमे तिबाला खेर नाताङनि कन्ज्यक लाक्ला तेर्क्यु ।
\v 25 खाङसिनि सिसिन तिला ओङ्ज्यानला ज्ञ्याङनि ति ओङ्ज्यान थतोङु ।
\v 26 तेमे नातोङुप तिला खेर सिना तिङला स्येप हिन् ।
\v 27 क्ष्यो तिबि सिउ कि तिबाला कन्ज्यक तिङबि हकला ज्ञ्याङनि ओङज्यान नाङला ज्ञ्यकु । हिनसिराङ कन्ज्यक ङाङ दिकि पाउ हक्ला वाइ सिरुप मिन । हिन्सिनाङ दि खेर ओङ ति ख्रिष्ट बिदुप हिन् ।
\v 28 खेर ताम कन्ज्यक ओङज्यान नाङला लेप्सिमा, दाक्पि राङ खोकि सिक्याबु ङ्येदुप दासाला क्ष्यकि कि कन्ज्यक ओङ्ज्येन नाङला ज्ञ्यकु ।दुक राङ क्यानि कन्ज्यक ओङ्ज्येन नाङला देक्यु ।
\p
\v 29 मिनसिन बप्तिसमा लाङु तिबिकि खाङ किगोग्यि खाङ दि बाप्तिषमा लाङुप तिबिकि मिला र्थामिजिबु हिन खाङ् सिनि बप्तिसमा लाङि?
\v 30 खाङ ओरुङ चोबेलाङ मेलेबाला वाइ?
\v 31 नुक तिबा ङा ङ्यिमिताङ स्यिउ । ति ताम ख्रिष्ट येशु अरे कन्ज्यककि खिराङला ङेकि गा क्याबु सिनाङ ओथुङ हिन् ।
\v 32 एफिसिकि नाङि पालाङ तानि थाप्चितु कि मि ल्हासिन ङा ला खाङि ल्यामु गि? तेमे स्येप तिबा मालाङ सिन ओरुङ से ओरुङ राङ थुङि खाङ साला या ओरुङ हो स्यिउ खाइ ।
\v 33 खक्पा ल्हाप दासाला माडो ‘मेलेबिकि ल्यामु दाल्जाला नातोङु‘
\v 34 ल्यामु क्यानि दाक्पि नासाम तोङ दिक्पा ला मादे । खाङसिनि सिसिन खिराङ चो ला या कन्ज्यककि चेन्दिङ टेन्बा मेत । खिराङला ङछा लाङज्यितुप ला ङे दि ताम सिक्याबु जाइ ।
\p
\v 35 ला ला दिकु क्यानि सिउ “स्येप तिबाला चुक क्यानि सेन्बु लोङि? तेमे तिबा च्येन्डक् जुबु खुर्नी गि?”
\v 36 खिराङ् ति तोजो क्षा मेतुप् वे! खाङ् चुबु त माश्यिबा साक् मेकेत ।
\v 37 खिरेकि चुबु किरुप आदा साला खिरेकि तिकि जुबु मुजुइ सिन्सिनाङ तिकि सेन क्या जिक जुक्यु । खाङ चुबु सेन क्या केक्यु तिकि दासाला जेन गि सेन मेकेउ।
\v 38 हिन्सिनाङ कान्ज्यककि ओरुङला सेमगालु जुबु ति ला तेर्क्यु । तेमे खेर सेनला तिकि जुबु गिउ ।
\v 39 खेरकि जुबु मिडिकु मिति जुबु राङसा पालाङ ति राङसा तेमे च्येजुङमा तिबि ति राङसा तेमे ङ्ये ति राङसा गिउ ।
\v 40 तुक राङ क्यानि देयवाचेन कि मि जुबु ह्रेबु जुबु गिउ । हिन्सिनाङ द्येवाचेन मि जुबु गा राङसा ताङ ह्रे मि जुबु गा राङसा राङ गिउ ।
\v 41 तुक राङ क्यानि ङिमा तिकि गा किरु राङ्सा आउला राङसा तेमे ति राङसा राङ गा किरु दासा गिउ ।
\p
\v 42 स्येप मि तिबि लोरिङ जप तिङ तिराङ हिन् । ति जुब सिदुप ला चुनि मासिदुला गोर्च्यु ।
\v 43 तिला मेलेबा ला चुसिनाङ ल्यामुला गोर्च्यु तुक राङ क्यानि खाङकि मुथुपुला चुनि आदा साला राबुला गोर्च्यु ।
\v 44 तेमे तिला फिकि ङिमा क्ष्यु लुङला चुनि थु चुनि थुला र्गोजिगोच्यु । तेमे तो फिला गार्सिनाङ दाक्पि थु नाङलाङ गारुजाइ ।
\p
\v 45 तिकि किसाला दिनोक टिबु वाइ ‘तोङला मि तिवि आदम सेन्बु र वातुप ज्युसुर्सुङ । तेमे तेबा तिङला ति आदम सेन्बु तिला लु थु लुङ्नि बिन्सुङ ।
\v 46 हिनसिनाङ तोङला लेपु ति ति लुङ छ्यार्बा नेमा ज्युरुपजाइ । तेमे तिङि ति थु नेमा र्ग्युपजाई ।
\v 47 थाल्माकि मि ति थालानेसुर् जोबु हिन् । मि ङिबा ति देवाच्येन नेसुर लेपु हिन् ।
\v 48 थाला नेसुर जोबुतिबा तेरिग् थाला नेसुर जोबु मि दगेराङ् यिन् ।
\v 49 चुक् क्यानि ओरुङ् तेरिग थालानेसुर जोबु मिकि जप्तेला वे, तुक् क्यानि राङ् देवाच्येन् नेसुर हबु मिकि जप्ते साङ् खुर्नि वे ।
\p
\v 50 तिकि किसाला ङा खिराङराङला सिउकि चुक क्यानि स्या ताङ ठाक गि राङ क्यानि ओरुङ ङा गिउ ।
\v 51 तिकि लागिला ओरुङ खे डिउ । तेमे ओरुङ ङाङ राङसा ग्युच्यु ।
\v 52 ओरुङ खेप्तङमा मिगि दक्पुजिक दासाला, ग्यालिङ तानिराङ केर्नि डिउ ।
\v 53 तेमे ग्यालिङ फुसिमा स्येप तिबिकि मासिबा देतु थाका स्युक्गोच्यु ।
\v 54 दिजो बेला दि सिदुप जुबुकि मिसिन्बु थाका ताङ स्येप जुबुकि आला थुपु सेम क्यासिमा दि ताम क्ष्योल्ग्यु कि ‘स्येपला ग्यालुपु सेम क्यासिमा दि ताम क्ष्योल्ग्यु कि
\v 55 ‘स्येपला ग्याल्नि मासिबा देतुनि खेनि वाइ ए स्येप ति ख्येर खिल खेबि वाइ?’
\p
\v 56 स्येप ख्यिल दिक्पा हिन तेमे दिक्पा कि थुपु ति ठिम हिन् ।
\v 57 हिनसिनाङ अरे कन्ज्यककि येशु ख्रिष्ट नेमा ओरुङला ग्यलचिसुङ तिकि लागिला कन्ज्यकला थुच्यिछे ।
\p
\v 58 तिकि किसाला ङे नुक तिबा बोमु गाल्नि देन् । चो बेलाङ कन्ज्यक लागिला यक् कि खाङसिनि सिसिन खिराङला क्ष्या वाइ कि कन्ज्यक मेतु यक ल्यामु मेगु सिनि ।
\c 16
\cl लिउ १६
\p
\v 1 ता ङा सिउ खिराङ चावा ला तेपा किरुप तिबाला ङा सिउ कन्ज्यक ला बुल गोबु बुल्देर ति गेरिक कि ङे साबु चोजिक किसा ।
\v 2 ङिदिन् ताङ डिरुमाला खिरे कि खुङु थुपु चोकि । गेरिक दासा च्यिग् खनि ज्यका चिलासिसिन ङा ल्येमनि रुक मोगोसिता ।
\v 3 तेमे ङा ल्यम रथोल्सिमा खिरे सिक्याबु मि लाक्ला स्यु टिनि खिरे बुल्देर ति यरुसलेम ला तोङ् ङा ।
\v 4 तेमे ङाङ ड च्युङ सिन तिबा तानिराङ डिउ ।
\p
\v 5 माके जेनिया कि लामाल गाल्ननि सिसिमा ङा खिरे चाला गिउ । चिलासिसिन ङा ति लाम नेपा क्यानि डिउ ।
\v 6 माच्युङ सिन ङा खिराङ ताराङ देक्यु गेरिक गुन गुन काङ । चिलासिसिन खिरेकि ङे थारे लामला काबु लामला दाल्जा कि थुसित सिनि ।
\v 7 चिलासिसिन ता ङा तुजे थिङमे कि ला क्ये कन्ज्यक कि ओङ बिनसिन खिराङ तानि काङ तुजे देतुप सम रेवा वाइ ।
\v 8 हिन्सिनाङ पेन्तिकोसला एफिससला राङ देक्यु ।
\v 9 चिला सिसिन ङे दे दासा बोक खापेदे द हिन्सिनाङ ते आला हिन मिसिबु तिबा वाइ ।
\p
\v 10 तिमोथि ति हुङसिन जिबा मेता दे चिता खिराङ तानि चिला सिसिन तिङ ङा दगेराङ कन्ज्यककि लाका किरुप मि हिन् ।
\v 11 तिला सिसाङ मेलेबा माकिसा क्यानि तिकि लाम्ला डोटो किसा । चिलासिसिन ति जेन नुग तिबा दानि गिउ सिनि रेवा क्याबेद ।
\p
\v 12 ताङे नुग अपलोसला सिगोबु नुग तिबा तानि खिराङला ठेग्युग सिनि आला साबिन । ति खिरे चाला डप मा ङेन हिन्सिनाङ हदु तुजे ला ति गिद । ङिङ्ज्ये किरुपला गमा स्यु सा ।
\p
\v 13 खेनिसाङ देदा तेपा क्याबु मितिबि खिराङ ।
\v 14 खिरेकि काङ म्यासिनाङ ङिङ्ज्ये क्यानि किसा ।
\p
\v 15 खिराङला छ्या वहेना मेत स्तिफनास सिरुप ति खाङ्बि तिबि गेरिक सिना तङीला । तेपा क्याबु मि हिन् ।
\v 16 आखैया सिरुप कि दासाकि तिबिकि मोबा किरुप तिबि ला दाक्पु ला पुलु वाइ । ङा खिराङला सिउ ।
\v 17 तिनोक मि तिबा दाङ ओरुङ यक किटो किरु तिबि ओङज्येन ला देगोकि त । चिला सिसिन ङा दाङ खिरे थु ति आखैया हुङ स्तिफनास ताङ पोर्टुनाटस ङा ङिङ साङ जोबु वाइ ।तिकि किसाला खिरेकि तिबा मेसिनाङ गेरिक क्यानि बिन्दु वाइ ।
\v 18 चिला सिसिन तिबिकि ङे थु ताङ खिरे थु तिबाला जोबु वाइ ।
\p
\v 19 एसियाला वतु कि क्ष्योक्षोग नेसुर खिराङला सावा गासो स्युपु वाइ । अकिलास ताङ प्रिस्का तिकि ताङ खाङबा वतु गेरिक क्ष्योक्ष्योक ताङ चावा नेसुर गासो स्युपु वाइ ।
\v 20 गेरिक नुग तिबि गासो ताङ वाइ चिगि चिकला पुका क्यानि गासो स्यु ।
\p
\v 21 पावल ङे लाक्पि राङ स्यु टिगिन वाइ ।
\v 22 सिसाङ चावा ङिङज्ये मिकिबु चोजिक गेरिक नासि डोसित । ङे चावा टिबु स्यका ।
\v 23 अरे चावा येशुकि खम्साङ गेरिक तानि हसिन ।
\v 24 चावा येशुकि ओरुङ गेरिकला ङिङ्ज्ये किउ ।