xsr-x-shyarpa_reg/61-1PE.usfm

\id 1PE
\ide UTF-8
\h पत्रुसकि टिवा थाल्मा
\toc1 पत्रुसकि टिवा थाल्मा
\toc2 पत्रुसकि टिवा थाल्मा
\toc3 1pe
\mt पत्रुसकि टिवा थाल्मा
\c 1
\cl लिउ १
\p
\v 1 येशु ख्रिष्ट ति प्रेरित पत्रुस नेमा पोन्टस गलातिया कापाडोकिया एसिया ताङ बिथिनिया खाङ देनि थोर्नि देतुप तिबाला ।
\v 2 येशु ख्रिष्ट कादेन्बा ला वातुप ताङ तिकि ठाक नेमा टालुप थुला चेङि नेमा दाबुला ख्यिरे काटिन ताङ ङ्यिङसाङ साङिङ डोबित ।
\p
\v 3 कन्ज्यक ताङ अरे कन्ज्यक येशु ख्रिष्ट ति सँवा डोसित । कन्ज्यक येशु ख्रिष्टकि स्येप तिबाला सेन्बु लाङुप तगे बोमु ङ्यिङज्ये नेमा ओरुङला साबा मिप्पि बिदुप वाइ । दिजो बेला ओरुङ बोमु मोबा क्यानि देनि वाइ ।
\v 4 तेमे ओरुङ तानि नाम्लाङ मिसिन्बु, मेलेबा मोडोबु ताङ मिसिन्बु ओङ ओरुङला वाइ । दि ओरु ख्यिरे लागिला देवाचेनला क्ष्याङनि वाइ ।
\v 5 खेर सिना तिङला ओङुप थार्वा कन्ज्यककि द्येवाचेनला ख्यिरे मोबा कि लागिला ज्याकु वाइ ।
\v 6 तिजो बेला ख्यिराङला नाबा नाबा दुक्पा किगोबु हिन्सिराङ ख्यिराङ गा किउ ।
\v 7 दि दुक्पा नेमा ख्यिरे मोबा ओथुङ थेङ्म्यु । दि मोबा मेला तोर्नि डप सरे सिनासाङ बोमु वाइ । येशु ख्रिष्ट अरे चाला ओङसिन ख्यिरे मोबा थेनि दि गा किउ ।
\v 8 खिरेकि खोला थोङु मेत हिन्सिराङ खिरेकि ङ्यिङज्ये किउ । खिरेकि तारोङ थोङुप मेत हिन्सिराङ खो ला मोबा किउ । तेमे फिला देन मुथुपु तामकि खाटिक ङ्यिङज्ये नेमा खिराङ गा किउ ।
\v 9 दिजो बेला ख्यिराङ दाक्पि लागिला ख्यिरे मोबा क्याबु ल्यामु ताम थेडिन किउ । खिरेकि दाक्पि थुला फिला देदिन किउ ।
\p
\v 10 लुङ्तोम्बा तिबिकि खिरे लागिला ओङुप काटिन लागिला दि राङ थार्वाकि ल्यामु क्यानि छालु जाइ ।
\v 11 तिबिकि चुक क्यानि थार्वा ओङिन कि सिनि छाल्सुङ । तिबि नाङला अतुप ख्रिष्ट थुकि तेमे तिबिकि ख्रिष्टकि किरुप दुक्पा तेमे खो ला ल्यामु डप यक् ताङ ति वतु कोला ङे क्ष्या तेदुप वाइ ।
\v 12 लुङतेम्बा तिबिकि क्ष्यादेदुप ताम तिबा तिबि लागिला । मिन हिन्सिराङ खिरे लागिला हिन्। तेमे तिजो बेला राङ लेन ल्यामु ति द्येवाचेन तेमा कन्ज्यककि ताङुप चेङि थु कि ङार नेमा लेन ल्यामु लापुप तिबिकि खिराङला लापु हिन् । द्येवाचेनकि थु तिबिकि साङ दि ल्हाप आला सेम किउ ।
\p
\v 13 तिकि किसाला यक् किरुपला सेम्ला टेगे जो । तेमे दाक्पि नासामला दाक्पु राङ ग्युर । येशु ख्रिष्ट खिरे मोबा ज्याक ।
\v 14 कोदन्बाला देतुप पुज्युङ पुम ओतुप तोङला छ्या मायेबा क्याबु यक् खिरेकि ति याबु मेलेबा यकला सेम मातोङा ।
\v 15 हिन्सिराङ खिराङला कातोङु तगे चेङि वाइ ।
\v 16 खिराङ ङाङ दाक्दाक्पि मिजिकि लाकाला चेङि देन । खाङसिनि सिसिन दिनोक टिनि वाइ । खिराङ चेङि देत, खाङसिनि सिसिन ङाङ चेङि वाइ ।
\p
\v 17 खेरि मिला तिकि यक् ला मेलेबा सिमाक्याबा ठिम किरुपला खिरे ‘पापा’ सिसिन फिला डोसिन दाक्पि युक्सिन तिजो बेला ज्यिबा तानि देत ।
\v 18 खिराङला क्ष्या वाइ कि खिरेकि खिरे पापा- पाबोमु तिबि किई लेपुप तिजोराङकि ताम नेमा तोर्नि डप सरे ङुल कि डेबा च्याल्नि टालुप ङेतुप मिन ।
\v 19 हिन्सिराङ दिक्पा मेतुप ताङ मेतुप लुक, मिन्सिन ख्रिष्टकि कुन्बु ठाक गि डेबा च्याल्नि खिराङला थिला ज्याकुप वाई ।
\v 20 येशुला जम्बुलिङला का देपुप सिना गमालोक कन्ज्यककि दाम्बु हिन । हिन्सिराङ दि बेला येशुकी अरे लागिला थोङु वाइ ।
\v 21 खिराङ कन्ज्यक नेमा राङ मोबा कि वाइ । ति ला कन्ज्यककि स्येप नेमा सेन्बु लाङनि ल्यामु क्यासुङ तेमे खिरे मोबा ताङ रेवा कन्ज्यकला वासित ।
\p
\v 22 ओथुङ सिक्याबु ङयेदुप नेमा सेम जाङमु क्यानि दाक्पि उजु नुक ख्यिङजे ला खीरेकि दाक्पि ङोसि चेङि जोसुङ । तिकि किसाला दाक्पि सेम नेमा दाक्दाक्पु ला गा लानि ङ्यिङज्ये कि ।
\v 23 कन्ज्यककि सेन्बु ताङ नाम्लाङ लुबु सुङ नेमा, तोर्नि डप नेमा मिन हिन्सिराङ तोर्नि डप नेम खिराङ साबा क्यानि केबु वाइ ।
\v 24 खाङसिनि सिसिन तेर मि सो तगेराङ हिन तेमे तिला ल्यामु क्यासिमा मेदोक स्यार्कु । तेमे सो याल्नि माल्सिमा मेदोक ङाङ साला लुहुम्ग्यु ।
\q
\v 25 हिन्सिराङ कन्ज्यक सुङ नाम्लाङ लुक्यु । लेन ल्यामु नेमा स्येतुप ल्यामु लेन दि खिराङला दि राङ हिन् ।
\c 2
\cl लिउ २
\p
\v 1 तेमे खिराङ तिब लाका मेलेब दाङ स्याडेन दाङ खनाक मासिसा ।
\v 2 मलाकि आङा दोग्य ओरुङ मोबा किसा ।
\v 3 च्यिलासिसिन कोन्ज्यक ल्यामु वाइच सिनि खिराङ ला ग्या वाइन ।
\p
\v 4 खो दाङ क्यानि स्योग् च्यिलासिसिन तिला मितेरिक्कि क्यर्नि ज्यक्कुव सेन्बु दो हिन् । दि दोति कोरुबु वाइ । रोजे क्याबुप दो खाक्चे हिन् ।
\v 5 तेमे खिरेतिङ येशु ख्रिष्ट साङ रोजे क्याबु, थु च्यगे नेसुर छोने कितङ थु ग्यन्बु कि खाङवा जोप् सेन्बु दो सिनोक राङ हिन् ।
\v 6 क्ष्योने कि सिउ, लोसा ङ सियोनला कानकि दो च्यिक जोगिन ति दि रोजे क्याबुप गोङ छेन्बु गिदो, तेमे तिकि खाला मोब किरु ति सुसाङ ङोछाला मेलेल्दो ।
\p
\v 7 ओदुक क्यानि खिराङ सिकि हिन नो किनोक तिकि कोला ति दो ति खाङला जोप मितिवि क्युरुप दो ति सुर कि खार्क्य दो गाल्सुङ । तेमे थाप्ताङ सप छोलुप दो दाङ डिलुप छोल जितुब दो दोग्य मितिव तिला ।
\p
\v 8 तेमे खिराङ दि छाने क्याबु रुचेन दाङ क्ष्यल्खाङ कि स्येग चेङे होदुप जाति कोन्ज्यक कि पुजारि पुजा हिन् ।
\p
\v 9 तेमे खिराङ्ला नाक्तिङि दासा नेसुर थोनि खोकि हुतुङ ठाछ्योलि होदुप दासाला कातोङगुप कि ङार क्ष्यामु लाका गोसर्प किथु पसिद ।
\v 10 खिराङ दुजे च्यिकला मिन्जा तेमे दासाग कान्ज्यककि पेजा गालुब हयइत । तेमे तासाम खिराङ ति काटिन माङेदुप हिन् ।
\p
\v 11 तेमे तासाम ति कोन्ज्यक काटिन ङेदु वइन, ङ्यिङ्ज्ये दाङ थु कि कोला माग थान्नि दिक्प दाङ हाम्वा माकिसा ।
\v 12 मि यम्वि लहतोङ ला खिरे लाका तिव ल्यामु थोङ सिद् । तेमे तिविकि खिराङला मेलेबु लाका किरुप सिक्यासिनाङ खिरे लाका ल्यामु चोङनि ओङजेन तिविकि कोन्ज्यला क्षेपा वुल्सिद ।
\p
\v 13 कोन्ज्यक कि ला तेरिक मि तिवि पार्ला तेरिकि ठिमकि ला देता ति थेल्बु ज्ञल्बु हिन ।
\v 14 छेम्बु तिवा दुक्टा लाका किरुप मि तिवाला छेत्पा तेदुप ताङ ल्यामु लाका किरुप तिवाला सोवा वुलुप ति ज्ञल्वु नेसुर नाङ्गुप गिउ ।
\v 15 च्यिलासिसिङ कोन्ज्यककि सेम ला तिनोक राङ हिन् कि खिरे लेमु लाका क्यानि मेलेक्पा लाका किरुप तिवि खाति खराक्पा ज्यकगोक्यु ।
\v 16 ओङजेन माक्यावुप मि दोग्य मिज्ये तोङ खिरे ओङजेन दुक्टा लाका किरुप मि तिवाला उपुप ला थोपुप दोग्य माकिसा ।
\v 17 तेमे कोन्ज्यककि योक्पु दोग्य राङ क्यानि युसा मि तेरिकला ताम्देन कि पिज्गि ङिजे किसा कोन्ज्यकला जिवा किसा ।
\p
\v 18 यक्पुतिव तेरिक ताङदेन दाक्पि जिन्दाकि थोङजेन ला देता ल्यामु किरुप जिन्दाक ओङजेन ला तिराङ मिन । तेमे थाप्ताङ छेम्बुकि ओङ जेन ला देता ।
\v 19 कोन्ज्यक मुला च्यङसे क्यानि लाला मितिप गुवु दुक्पा तिवा सहे किउ । तेमे ति दि कन्ज्यक ला हलेव गित्यव तेमे खिरे दिक्पा क्यानि गुवु तिवि लितुप साङ रहे क्यनि देसि ति खाङ गेर्पु हिन र?
\v 20 तेमे खिराङ कि दक्पा क्यानि साङ सहे क्यानि देतुप तिवि कोन्ज्यकला तेपा क्यावुप हिन ।
\v 21 ओदुक क्यानि तिकि ला खिराङ कोन्ज्यककि के ताङगुप हिन् । च्यिला सिसिन खिरेकि तिकि कत्बाला तिम्यवुप हिन । सिनि येशु ख्रिष्ट कि साङ दुनाक स्व दुक्पा खुर खिरे कोला लादिमु ताङनि गाल ।
\v 22 तिकि खाङ दिक्पा माक्या न तिकि खाला मेलेव ताम राङ थेन्सुङ ।
\q1
\v 23 तिकि ताङ देन कि सिन, तिकि बदला माला सुङ तिला दुक्पा खोर्सिन जिना माकु, तेमे खोरुङ लाराङ हुतुङ ठिम किरुप लाराङ च्यक पुल्सुङ ।
\q1
\v 24 ओरुङ दिक्पि ला सिउ । धर्मिकताकि ला ङोसु तोङ सिनि तिकि ओरे तेरिक छिक्पा तिव ज्ञङसिङला दाक्पि ओङबु ला काल्सुङ, तिकि तिवि ओरुङ टेकुप वइत ।
\v 25 खिराङ तिव तेरिकक तोरुप लुक दगे फारछुर देक्यु । तेमे खिराङ थु कि चावा मि दाङ टिन्दुप ला गुर्नि हदपुप मि हिन ।
\c 3
\cl लिउ  ३
\p
\v 1 तिकि किसाला पेर्मि तिबा खिराङ खिरेकि ख्यकि ओङज्येन ला देदा च्यिला सिसिन खिरेकि ख्य तिबा कादेनला मेसिनाङ खिरेकि लाका थोङनि तिबाला खाङ ताम मासुङ सिनाङ ग्युर्क्यिद ।
\v 2 च्यिलासिसिन खिरेकि क्यिदाङ ला थोङ्नि ति ति खिरेकि ताङदेन क्याबु दगेराङ थोङिद ।
\v 3 तिकि किसाला ह्रा दाङ फिला थोङुकि सेरङुल ग्याज्या तिबा कोनि मिद।
\v 4 हिन्सिनाङ खिरे कि नाङ्ला सेम नेसुर नाम साङ देदु ल्यामु ङिङ्साङ क्यानि कन्ज्यक थ कि लाकि तिखाल लाका किसा ।
\v 5 च्यिलासिसिन ताङ कि चेङि पुमा तिबा दुक क्यानिराङ ज्ये तेमे तिबिकि दाक्पि ख्य ओङज्येनला देनि ।
\v 6 तुक राङ क्यानि तिबिकि आब्राहाम कि कादेन्बा ङ्येन्सुङ तेमे तिला दाल्जा सिनि काताङसुङ । ता तेमे खिरेकि काङ ल्यामु नक तिराङ क्यानि देसिन खिराङ गेरिक तिकि पुज्युङ पुम तिबा डिउ ।
\p
\v 7 तुकराङ क्यानि ख्यतिबिसाङ दाक्पि पेर्मिला किमुथुप साम्जे क्यानि तिबा तानि मिजिकि ङ्येत्तपा ङेतु कि पिमा हिन्सिनि देता च्यिलासिसिन खिरेकि सवा देपुला ।
\p
\v 8 तेमे ता खिराङ गेरिक सेम च्यिउ गिराङ गाल्नि दाक्पि उजु नुग दगेराङ ङिङ्ज्ये किरु लाका किसा ।
\v 9 लाका मेलेबा किरुला मेलेबा दाङ ग्यासो मुसु बु तिबाला मुसुपु लाका माकिसा । तिसिनाङ नाम लाङ मलाम बिदा च्यिला सिसिन मलाम ला जोम्बा सिनि खिराङ ला काताङु जाइ।
\v 10 तेमे सिकि दाक्पि मिजि दि ङिङ्ज्ये किबे तेमे तिकि ल्यामु ङिमा थोङु सेम किबे तिकि मेलेबा सिरुप ताङ दाक्पु ला मेलेबा सिरुपक नेपा रोके किसित ।
\q
\v 11 तिकि मेलेबा लाका नेसुर ग्युर्नि तिकि कि काङ ल्यामु हिन ति लाका लाराङ देसित तिकि लोदिमु लाका छोल्सित तेमे लोदिमु क्यानि देसित ।
\q
\v 12 कन्ज्यककि दिक्पा मेतु मिला थोङु तेमे तिकि सवा दि ख्यरे नाम ज्याक कि कोक्यु । लोङराङ कन्ज्यक मेलेबा लाका किरु तिबि खाला गिउ ।
\p
\v 13 खिरेकि ल्यामु लोदुमु काला क्यासिन ।
\v 14 खिराङला सिकि मेलेबा सि तेमे खिराङ दिक्पा वतुकि लाका ला तुल्सिन खिराङ गेरिक कि मलाम ङ्येकित । तिबा जिबा किरु लाका तिबाला खिराङ जिबा माकि सम्बले मादे ता ।
\v 15 तिसिनाङ साङ चावा येशुला चेङि हिन्सिनि खिरे सेम ला ज्यका खिराङ च्यिलासिसिन कन्ज्यक ला रेवा किउ सिनि टिसिन सिरुप ला नामलाङ टेगे देता दि लाका दि ल्यामु दाङ ताङदे वतु किसा ।
\v 16 ल्यामु सेम दिला ज्यका च्यिलासिसिन ख्रिष्ट ला खिरेकि ल्यामु मिजि खक्पा लाप तिवा ङ छा लाङसिता च्यिलासिसिन तिबिकि डे नाक्पु हिन सिनि सिउ ताम किउ ।
\v 17 कन्ज्यककि सेम क्यासिन खिरेकि मेलेबा लाका क्यानि दुक्पा खुरु सिने ल्यामु लाका क्यानि दुक्पा खुरु ल्यामु हिन् ।
\v 18 ख्रिष्ट किसाङ ख्येप्जिक दुक्पा खुरुसुङ ओरुङला कन्ज्यक चाला टिबु ला दिक्पा वतु तिबि दुक्पा खुरुसुङ खरेकि ओङबु ला राङ सेबा खुरसुङ । तेमे लोङराङ थुला सेन्बु लाङसुङ ।
\v 19 खोरुङ थुला गाल्सुङ तेमे उपुकि थु तिबाला ल्यामु ताम सिक्यासुङ ।
\v 20 नोहा कि तुजेला टु जब बेला कन्ज्यककि गुनि वतु बेला तिबा आज्ञाकि का देम्बा ङेरादु मागाल । तेमे तिकि किसाला तिबा मेरा ग्ये जिकला थार्वा विन्सुङ छयु नेसुर ।
\v 21 दि खिराङ राङ थार्वा तेरुकि बप्तिष्मा कि ताम हिन् । दिकि ओङबि कि टेमा सेल किरु दगे मिन्दा येशु ख्रिष्ट कि लोङराङ सेन्बु लाबु नेमा बिन्दु कि ल्यामु रेवा दगेराङ हिन् ।
\v 22 ख्योरुङ कन्ज्यककि दाईने लाक्पि नाङला वाइ । ख्यो देवाचेन ला गालु वाइ । देवा च्येनकि थु तिबा काडेन्बा किरु तिबा ङार्मा तिबा गेरिक ख्योरे चाला हुङ ग्योक्यु ।
\c 4
\cl लिउ ४
\p
\v 1 तिकि किसाला खिराङ गेरिक कि चावा येशु कि च्युक क्यानि दुक्पा खुरसुङ खिरे कि साङ तिराङ सेम लाङगुप सेम किसा । तेमे सिकि ओङबु ला दुक्प खुरु वाइ । तिकि दिक्पा किरु ताङु गिउ ।
\v 2 ति मि कि ता तिङला मि कि हाबा ला मि वतु कि मिजि कन्ज्यक कि सेमला मोबा क्यानि देक्यु ।
\v 3 च्यिलसिसिन ज्येन मिन क्याबु सेम दगे स्यामडेन किरुप टेमा मिसिबा जिनि युकु जोल्मु लादिमु मेदु लाका किरु फाक्चा लाङदे लाका ला तुजे सिदु वाइ ।
\v 4 खिराङ तिबा दि तामला हिन् । मासाबु कि कि साला तिबा ति येम्छेन किउ ।
\v 5 तिबि कि स्येबा दाङ सेन्बु ला ठिम किरुप ति लाराङ थु तेरु थुपुकि कन्ज्यक लाराङ थु तेरु ग्योक्यु ।
\v 6 तिकि किसाला स्याब तिबाला दि सुङ सिक्याबु जाइ ओङबुला मि ठिम क्याबु हिन् । हिन्सिनाङ खिराङ ला थुला खिराङ ला कन्ज्यक कि सिक्याबु रके देसित ।
\v 7 गेरिक ताम सिदिन वाइ तिकि किसाला खीरे सेम ल्यामु दासाला लागाओ खिरे कि सवा कि ला दाग्पि सेम थिला ज्यका ।
\v 8 गेरिक सिनाङ आला ज्येनला ङिज्ये किसा च्यिलासिसिन ङिज्ये कि ज्येनग्यि मेलेबा लाका दि मोछोलु ।
\v 9 होरु बोबु मानेग्यबा ज्येनगि ग्यासो सुसा ।
\v 10 तुकराङ क्यानि खिराङ गेरिक कि ङ्येत्पा ङयेतु वाइ । कन्ज्यककि तिजोराङ बिन्दुप कि ङ्येत्व कि ल्यामु रुक्चे दगेराङ क्यानि ज्यगा।
\v 11 तिकि ताम किसिन कन्ज्यक कि ताम क्याबु दगेराङ क्यिसित । तेमे खिरे कि कन्ज्यककि लाका क्यिसिन तिकि कन्ज्यककि तेरु ङार नेसुर किसित च्यिलासिसिन गेरिक लाका ला ख्रिष्ट नेमा कन्ज्यक सावा तामु हसित । सवा दाङ मोबा नाम लाङ कन्ज्यक तिराङ हसित । आमेन ।
\v 12 ङिङ ज्येबु तिबा खिराङ खक्पा लाप ला काङ मेनाङ दगेराङ काबु लाका क्यि गोसिनाङ खिरेकि दि लाका हिन मासिसा।
\v 13 तेमे खिराङ च्योजिगि ख्रिष्ट कि दुक्पा खुर्कि तिजोराङ गा क्यिसा च्यिलासिसिन ख्रिष्ट कि सवा ला ङिङ साङ क्यानि दे थुसित ।
\v 14 खिरेकि ख्रिष्टकि ला खाक्याज्यितु गाल्सिनाङ खिराङ थुछिछे हिन्द च्यिलासिसिन सवा कि थु दाङ कन्ज्यक कि थु दि खिराङ तानि गिउ ।
\v 15 तेमे खिराङ मि सेतु । तेमे कुन किरु मेलेबा लाका किरु लाकाला दुक्पा खुरु मोगोसित ।
\v 16 हिन्सिनाङ ख्रिष्टियन गालुकि कला दुक्पा खुर्सिन तिकि ङछा मिकिसित ।तेमे तिराङ मिन नेसुर कन्ज्यककि सवा किसित ।
\v 17 च्यिलासिसिन दि कन्ज्यक कि पुजुङ दाङ पुम तिबा नेसुर राङ ठिम किरुकि तुजे हिन् । तेमे ठिम दि ओरुङ नेसुर राङ डोसिन । तेमे जन कन्ज्यककि सुङ मेङेदु तिबा ला च्यक कि दाङ ।
\v 18 तेमे दिक्पा वतु तिबि थार्पा ति दुक क्यानि डोसित तेमे दिक्प मेतु तिबि ति जन च्युक क्यानि डिताङ ।
\p
\v 19 तिकि किसाला कन्ज्यककि कादेन नेपा लाका कि दाङ दाक्पि थु ज तिबा ला तेर्सित ।
\c 5
\cl लिउ ५
\p
\v 1 दाल्जा ताङ एल्दार ताङ ख्रिष्टकि दुक्पि थोङुप मि तेमे चाला ओङुप ल्यामुला ओङुप मि तिवि हिदुप किसिसला ङा खिरे चाला ओतुप एल्डर तिबाला सिउ ।
\v 2 खिरे चाला वातुप कन्ज्यकला मि तिबाला ल्हो । मि सानि क्या मिन हिन्सिनाङ कन्ज्यककि सेम कन्ज्यककि सेम क्याबु सेमकि, डेबा ङयेतुप सेमकि मिन हिन्सिराङ मोला यक् कितो किरु सेमकि किसित ।
\v 3 खिरे काला वातुप मि तिबाला खाङ किरुप सेम लाङिबे ति किरुप मिन । हिनसिराङ बगालकि ला ल्हादिमु वासित ।
\v 4 ओथुङ चप मि ओङसिन खिराङला नाम्लाङ मिसिन्बु बाक्पा ङ्येक्यु ।
\p
\v 5 तुक राङ क्यानि ज्येदा तिबा गाबा गामि सिक्याबु ङ्येनि दोसित् । खिराङ खेरकि बोल्मु माज्या कोन तेमे दाक्पु ताङ जेन्ला यक् तिबा कितोकि, खाङसिनि सिसिन कन्ज्यककि मेलेबा किरुप तिबाला तेन तोगु हिन्सिराङ बोल्मु ताम किरु तिबाला काटिन किउ ।
\p
\v 6 तिकि किसाला दाक्पि ला कन्ज्यककि क्ष्ये लाक्पि हक्ला बोल्मु जोनि ज्यक, तेमे खो कि ल्यामु तुजेला खिराङला थेन्बुला जेउ ।
\v 7 खिरे खेर सेम दुक ताङ मेलेबा तिबा खेर कन्ज्यकला बिन् खाङसिनि सिसिन खो कि खिराङला नाम्नाङ सेमला ज्यकु ।
\p
\v 8 च्याङबु ताङ ङ्यि मालकपा देन । खिराङला डे कि जेनला ठेनि खिमु तोङुपकि लागिला ङेर्मा लाबुल जिक तगे क्यानि देनि गिउ ।
\v 9 तिकि लागिला ङ्न्यि मालक्पा सवा देपिन्दाङ देत । ख्योरुङ जेनि मोबाला च्योङ्बु गाल्नि देत ।दि लोप कि जम्बुलिङला वातुप खिरे इजि नुक तिबि कि साङ दिनोक राङ दुक्पा खुर्नि वाइ ।
\v 10 खिरेकि ओकुर्जिक दुक्पा ङ्येसिमा खिराङला ख्रिष्टकि दाक्पि नाम्लाङ् सोवाला कातोङु खेर काटिन कन्ज्यककि खिराङला ल्यामु जेउ । तेमे ङार्मा जेउ ।
\v 11 खो ला राङ ङार नाम्लाङ ओङसित । आमेन ।
\p
\v 12 ङा सिलासलाई मोबा किरुप नुक कि तगेरा लिङु । तेमेतिकि रँ ला ङेकी खिराङला गा ताङ थोङुप मि जोइदाङ खाङ ताम थिर्मे जोनि तिकिन किउ । कन्ज्यककि ओथुङ काटिन ति दि राङ हिन् । दिला लानि देत् ।
\p
\v 13 खिराङ तानि राङ लाबु बेबिलोनला वातुप मि तिकि खिराङ ला गासो स्युबु वाइ ।
\v 14 खिराङ ख्रिष्टला वातुप खेरला लोदिमु ओङसित ।