xsr-x-shyarpa_reg/48-2co.usfm

\id 2CO
\ide UTF-8
\h कोरिन्थीतिबाला पावल कि टिवा ङिबा
\toc1 कोरिन्थीतिबाला पावल कि टिवा ङिबा
\toc2 कोरिन्थीतिबाला पावल कि टिवा ङिबा
\toc3 2co
\mt कोरिन्थीतिबाला पावल कि टिवा ङिबा
\c 1
\cl लिउ १
\p
\v 1 पावल, कन्ज्यककि सेम्ला गालुप् दगेराङ् ख्रिष्ट येसुकि लामा, तेमे अरे तिमोथि नुगि तेवा, कोरिन्थिला वतुप् कन्ज्यककि जोम्खाङ् तेमे अखैया प्रान्ला वतुप् तेरिक चेङि मि तिवालाः
\v 2 अरे पापा कन्ज्यक तेमे चावा येसु ख्रिष्ट तेवा कार्टिन् तेमे लो दिमु खिराङ्ला हुङ्सित्।
\p
\v 3 अरे चावा येसु ख्रिष्टकि पापा कन्ज्युक यार् देक्सित्, खो ङीङ्ज्येकि पापा तेमे तेरिक् सेम श्वप् कि कन्ज्यक हिन्।
\v 4 कन्ज्यककि अरे तेरिक् दुक्पाला ओरुङ्ला सेम सेउइ। तुक किसा ओरुङ्साङ् दुक्पाला वतुप् तिवाला सेम सो थुप्क्युउइ। कन्ज्यककि ओरुङ्ला बिन्दुप्कि सेम् श्वप् नेसुर् राङ् ओरुङ् ज्यान्ला।
\v 5 चुक क्यानि ओरुङ्ला ख्रिष्टकि दुक्पा आला वे, तुक्राङ् क्यानि ख्रिष्ट तेवा अरेकि सेम् स्वप बाङि गिउइ।
\v 6 हिन्सोनाङ दिनक् अरे दुक्पा खुरिन् सिसिजन् दि खिरेकि शेम् श्वप तेमे थारुप्ला हिन्। दिजो अरेकि सेम श्वप् ङेसुङ् क्यासिन् दि खिरेकि सेम् श्वप्ला हिन्। खिराङ् ङेरे दुक्पाला ल्यामु क्यिनि गुनि छ्याजिक् हुङ्सिन् दि सेम श्वप किदाङ् खिराङ् कि थुप्क्युउइ।
\v 7 खिराङ्ला ङेरे रेवा लेम्ग्याराङ् वे, चिला सिसिन् खिराङ् दुक्पाला छ्याजिक् हुङ्सिन् सेम श्वप्ला गिउइ सिनि ङेराङ्ला छ्या वे।
\p
\v 8 नुकि टेङ् वे, ङेरेकि एसियाला खुरुप् दुक्पा तिवा खिरेकि छ्या मेङेसित् सिरुप् ङेराङ् सेम मिकिउइ। ङेरेकि हाम कि मुथुबु क्यानि ङेराङ् ह्रेनि नक्, दिनक् दुक्पा हिन् ङेरेकि थार्क्यु सुरुप् नासाम राङ् माताङु हिन्।
\v 9 हुतुङ् राङ् सिसिन्, ङेरे खाला श्येप् पार्च्ये हबु दगेराङ् नक्, हिन्सिनाङ ति ङेरेकि राङि खाला राङ् रेवा क्याबु मिन्, हिन्सिनाङ् श्येप् तिवाला मिजि तेरुप् कन्ज्यक खाला रेवा किथुप्सित् सिनि गाल्नि नक्।
\v 10 खोकि ङेराङ्ला दिनक् जिवा लाङ्गुप् दासा नेवा थार्चिसुङ् तेमे लोङ्या खोकि ङेराङ्ला थार्जिक्यु। खोकि ङेराङ्ला लोङ्या डेल्ग्यु सिरुप् ङेरेकि खोला रेवा ज्याङ्नि वे।
\v 11 खोकि दुक किउइ, ति तुज्येला खिरेकि साङ् ङेराङ्ला राङि मोपार् नेवा किटो किउइ, तेना ति आलाकि मोपार् तेवा ङेराङ्ला बिन्दुप् कार्टिन् ङिङ्ज्येला आलाकि ङेरे तेवा थुचिछे तेर्क्यु।
\p
\v 12 ङेरेकि रिक्पा कि थोङ्गुप् ला ङेराङ् गा किउइ ङेराङ् दि लुङ्ला देसिन्-तेमे हुतुङ् क्यानि खिराङ्तानि ङेरे किदाङ् नेवा-कन्ज्यक नेसुर् हुङ्गुप् चेङि तेमे टेङ्बुला क्यानि वे दि लुङ्बाकि रिक्पा दगेराङ् मिन् हिन्सिनाङ् कन्ज्यककि कार्टिन् नेसुर् हिन्।
\v 13 ङेराङ खिरेकि ह्रकुप् तेमे हाक माकोबु क्यानि काङ साङ मिटिगुउइ। ङा रेवा किउइ, खिरेकि लेमा क्यानि हाक् कोक्यु।
\v 14 चुक् क्यानि तान्दा खिरेकि ङेराङ्ला चेज्यिक् हिन्सिनाङ् हाक् कोसुङ्-ङेरे चावा यसु ख्रिष्टकि ङेन् छेमु ङेराङ् खिराङ्ला गा किउइ, तुक्राङ् खिराङ् ङेराङ्ला गा किउइ।
\p
\v 15 दि ताम्ङेन्ला ङा तेन् तेन् वतुप् तिकि किसा, खिरेकि खेप् ङि ठेतुप्कि लेमु लाका च्युङ्सित् सिनि ङा खिरे चाला तङ्ला राङ् हुङु छालु हिन्।
\v 16 माकेडोनिया डोसिन् खिरे ते हनि ठेतुप् ङेकि सेम क्याबु हिन्। माके डोनिया गाल सिन्सिमा ङा लोङ् खिराङ्ला ठेतुप् सेम् क्याबु हिन् तेमे खिरेकि ङाला यहुदियाकि लाम्ला ताङ्गुप् ति ङेकि सेम् क्याबु हिन्।
\v 17 ङेकि दुक् क्यानि सेम किसिन् काङ् ङेकि छेरे क्यानि वे? काङ् ङेकि मि किदाङ् ने लाका कितुप् सेम तिवा खेप्तङ्मा “हिन्" तेमे “मिन्" सिइ वे?
\v 18 कन्ज्यक मोवा किथुबु राङ वे, तुक किसा ओरुङ् छ्याज्यिक् “हिन" तेमे “मिन्" मिसिउइ।
\v 19 चिला सिसिन् कन्ज्यककि पुज्युङ् येसु ख्रिष्ट सुला सिलास, तोमोथि तेमे ङेरे खिरे पार्ला ताम्ङेन् सिक्याबु हिन्, खोति “हिन्" तेमे “मिन्" मेत्। हिन्सिनाङ् खोला नाम्लाङ् “हिन्" गिउइ।
\v 20 चिला सिसिन् कजन्ज्यककि तेरिक ना तिवा खोला “हिन्" राङ् गिउइ। तुक किसा खोकि तेवाराङ् ङेरेकि कन्ज्यककि सँवा देकुप्ला “दिनक् राङ् हुङ्सित्" (आमेन) सिक्यानि वे।
\v 21 ता ति कन्ज्यक सिकि ङेराङ्ला खिराङ्ताङ् ख्रिष्टला राम्बु जो गोक्यु, खोकि खिराङ्ला ओङ् श्युसुङ्।
\v 22 खोककि ङिङ्ज्ये ङेराङ्ला ग्याप्सुङ् तेमे ङेराङ्ला तिङ्ला तेरु ताम्ङेन्कि ता तिङ्ला खरे तिराङ् हिन् सिनि दाक्पि सेम्ला थु चेङि बिन्सुङ्।
\p
\v 23 ङेकि कन्ज्यक्ला श्येतुप्ला का ताङिन्। तुक किसा खिराङ्ला ह्रकुप्ला ङा कोरिन्थिला मालेप्।
\v 24 खिरेकि मोवा चिनक् हुङ् गोक्यु सिनि ङेरेकि राङि दाक्पुला टिनि हुङु माछाल, हिन्सिनाङ् ङेराङ् खिरेकि गा ला खिराङ् तानि लाका किउइ, चिला सिसिन् खिराङ् राङि मोवाला राम्बु वे।
\c 2
\cl लिउ २
\p
\v 1 खिराङ् दुक्पाला मोख्योल्सित् सिनि ङा लोङ्राङ् खिरे ते मेङ्गुप् सेम् क्याबिन्।
\v 2 दिजो ङेकि खिराङ्ला सेम् ना चिसुङ् क्यासिन् ङेकि सुला सेम ना चिदिन् सिराङ् ज्येन्गि ङाला गा लोङ् थुप्क्यु?
\v 3 ङेकि काङ् टि, ति तुक किसा टि ङा खिरे ते हुङ्सिन् चिनक् मि तिवा नेसुर् ङेकि गा ङे गोबु हिन्, तिवि तेवा ङा सेम् ना मिकिसित्। ङे गा खिराङ् तेरिककि गा तेवा गिउइ सिनि सिरुप् ताम्ला ङेति खिराङ् तेरिककि खाला रेवा वे।
\v 4 चिला सिसिन् ङे दुक्पा बाङि, सेम्गि दुङाल तेमे लेम्ग्येराङ् मिक्च्युर ताङ् खिराङ्ला थोङ्सुङ्। ङा खिराङ्ला दुक्पा तेरुप् सेम मेत्, हिन्सिनाङ् खिराङ् तानि वतुप् ङेकि चो बाङि ङिङ्ज्येकि खिरेकि छ्या ङेसित् सिरुप् ङा सेम किउइ।
\p
\v 5 तोजो लालिकि दुक्पा बिनि वसिन्, तिकि ङाला क्याजिक मिन्, हिन्सिनाङ् च्येजिक् ङेर्मा मक्याबा सिरु हिन्सिन्-खिराङ् तेरिक्ला सेम् ना चिनि वे।
\v 6 ति मिला मि बाङि कि सेम् चिक्राङ् क्यानि बिन्दुप् पार्चे ल्हागुप् वे।
\v 7 तुक किसा ता पार्चे सिनाङ् तिला तोङ्बा तेमे सेम सो, मिन्सिन् क्यासिन् लेम्ग्याराङ् दुङाल क्यानि रेवा मिकिउइ।
\p
\v 8 ति छ्यकि खिरेकि ङिङ्ज्ये तारुङ् बाङि जो सिनि ङा खिराङ्ला गङ्बा श्युइ।
\v 9 खिराङ् चुकै नक् हाक कोबु सेम वे तेमे खिराङ् तरिक ताम्ङेन्ला खाला डेन्दुप् नक्ना मिदुक् सिनि हाक् को थुप्सित् सिनि ङेकि खिराङ्ला टिबिन्।
\v 10 दिजो खिरेकि लालिला तोङ्बा बिन्सुङ् क्यासिन्, ङा साङ् ति मिला तोङ्बा तेरु हिन् दिजो ङेकि लालिला चेजिक् तोङ्बा बिनि वसिन्, दि ख्रिष्ट कि दाङ्ला खिरेकि हिन्।
\v 11 तुक किसा डेकि ओरुङ्ला जुनाक् जो मुथुउइ, चिला सिसिन् ओरुङ्ला तिकि कितुप् छालुप् लाका तिवा छ्या मेतुप् मिन्।
\p
\v 12 ति तुज्येला ङा ख्रिष्टकि लेन ल्यामु श्येतुप्ला त्रोआस ग्यासाला लेबिन्, ति ग्याक्ला ङाला चावा गो पेनि ज्याङ्नि नक्।
\v 13 हिन्सिनाङ् ङाला सेम्ला सेम दिमु माच्युङ्म, चिला सिसिन् ङेकि नुक तितसला ति ग्याक्ला माठे तुक किसा तिवाला पिताङ्नि ङा माकेडोनिया ग्युरिन्।
\v 14 हिन्सिनाङ् कन्ज्यकला थुचे हुङ्सित्, सिकि ओरुङ्ला ख्रिष्टला नाम्लाङ् ग्यालुप्ला टिनि डिउइ, तेमे अरे तेवा खोकि केन्बासाङ् रिक्पाकि टेमा श्यिम्बु थोर्क्यु।
\v 15 चिला सिसिन् थार्वा ङेतुप् तिकि तेमे सिन्दिन् वतुप् तिवि पार्ला ओरुङ् कन्ज्यकला ख्रिष्टकि टेमा श्यिम्बु हिन्।
\v 16 सिन्दिन् वतुप् मि तिवाला दि श्येप् साककि टेमा श्यिम्बु हिन्। तेमे थारुप् तिवाला दि मिजि नेति मिजिसाक् तिराङ् टेमा श्यिम्बु हिन्। दि ताम्ङेन तिवाला सु आछ्यब् वे?
\v 17 ओरुङ् ख्ये ङेतुप्ला कन्ज्यककि सुङ् छोङ् कितुप् मि बाङि दगे मिन्। तिकि दासा, ङेराङ् कन्ज्यक तेवा ताङ्गुप् मिला ग्युर्नि चेङि सेम्गि कन्ज्युककि दङ्ला ख्रिष्टला ताम किउइ।
\c 3
\cl लिउ ३
\p
\v 1 काङ ङेराङ् राङिराङ् राङ्ला यार देकुप् छाल्नि वे? लालि मितािवा दगेराङ् ङेराङ्ला साङ् खिरे चाला ताङ् खिरे तेवा च्यु चेगोपु वे ते?
\v 2 खिराङ् राङ् ङेरे सेम्ला टिबु सु हिन्, चुकै तिला तेरिक मिकि ह्रनि तेमे श्येबु वे।
\v 3 खिराङ् ङेरे तेवा क्यालुप् ख्रिष्टकि सु हिन् सिरुप् खिरेकि राङ् छ्या देन्ग्यु दि नाक्चि मिन्, हिन्सिनाङ् सेन्बु कन्ज्यककि थु तेवा टिबु हिन्ः दि दो कि रला टिबु मिन्, हिन्सिनाङ् मि तिवा सेम्ला टिनि नक्।
\p
\v 4 दि ख्रिष्ट येसु तेवा कन्ज्यकला वतुप् अरे ङाडेन् हिन्।
\v 5 चुकै साङ् ताम ङेरेतेवा हुङिन् किउइ सिनि दिराङ् हिन् सिरुप् तामला ङेराङ् राङ् राङ् तुक सिरुप् दासामेत् हिन्सिनाङ ङेरे ति दासा कन्ज्यक तेवा वबु हिन्।
\v 6 कन्ज्यककि ङेराङ्ला ना साम्बा कि लाका कितुप् आछ्यप् जोनि वे। दि ना हेङ्गि तावा मिन्। हिन्सिनाङ् कन्ज्यककि थु तेवा हिन्ः चिला सिसिन यिगिकि सेक्यु, हिन्सिनाङ् थुकि मिजि तेर्क्यु।
\p
\v 7 ता ति दे खाला टिबु यिगि तिवि श्येप् खुङु ठिम दिनक् सँवा दिक दिमुदाला लेसुङ् ति सँवा देक दिमुकि किसा ठाछ्यालि वतुप् मोशाकि च्याङा इस्त्राएलि तिवि थाका ल्हामुथुप्। दिनक् गाल्सिनाङ्, ति सँवा देकुप् तोरिन् डोइ नक्।
\v 8 थुचेङिकि लाका याङ् चुक क्यानि लेम्ग्येराङ् सँवा देग दिमु मेङ्ज्यु?
\v 9 दिजो क्यान फकुप् लाका दिजोकि सँवा देक् दिमु नक् सिसिन् दिक्पा मेतुप् ज्वप् लाका या ति सिनाङ बाङि सँवा दिक् दिमु गिउइ!
\v 10 चिला सिसिन् हुतुङ्राङ् ति तुक्ष्येन् चिक्ला सँवा देक् दिमु जोबु नक्, तान्दा तिला ग्यालुप् सँवा देक् दिमु तिकि किसा ताङ् ति सँवा देक दिमु मालु।
\v 11 दिजो तोर्नि ड्वप्कि ताम्ङेन् सँवा देक् दिमु ताङ् वनक् सिसिन् नाम्लाङ् देतुप् ताम्ङेन्ति सँवा देक दिमु चुक क्यानि बाङि तेर्सिनाङ् लेमु मेङ्!
\p
\v 12 ङेराङ् ताङ दिनक् रेवा वतुप तिकि किसा ङेराङ् तेन्तेन गेर्पु वतुप् वे।
\v 13 कोले क्यानि तोरिन् गालु सँवा देक दिमु कि तिङिकि ठाछ्यालि इस्त्राएलि तिवि थाका श्योरिन् मोतोङ्सित् सिनि राङि च्याङाला यालुक् कोन्दुप् मोशा दगेराङ् ओरुङ् मेत्।
\v 14 हिन्सिनाङ् तिविकि सेम क्योङ्बु गाल्नक्। ना ङिङ्बा ह्रक्जि हारिङ्कि ङिन साक् साङ् ति यालुक् देनि गिउइ; ति माथेन् वे, चिला सिसिन् ख्रिष्टला क्याजिक ति थेन्ग्युउइ।
\v 15 हिन्सिनाङ् हारिङ् ति तुज्येला मोशाकि ठिम ह्रकुउइ, तिवि सेम्ला यालुक् लकुउइ।
\v 16 हिन्सिनाङ् ति तुज्येला लालि मि चावा तेवा ग्युर्क्युउइ, तेमे ति यालुक् थेन्ग्युउइ।
\v 17 चावा थु हिन्, केनि ग्याक्ला चावाकि थु गि, ति ग्याक्ला पिताङ्नि गिउइ।
\v 18 ता ङेराङ् तेरिक यालुक् थेन्दुप्कि च्याङिकि चावा सँवा देक्दिमुला ल्हेउइ। उरुङ् सँवा देक्दिमु नेवा ज्येर्मा सँवा देक्दिमुला जेकिन् खोक‍ि दगेराङ् ग्युरिन्दाङ् डिउइ। दि चावा तेवा गिउइ ति दि थु हिन्।
\c 4
\cl लिउ ४
\p
\v 1 तिकिकिसाला, ङेराङ् तानि दि यक्पु लाका वतुप् ताङ् ङेरेकि दि च्याम्बा ङेतुप् किसाला ङेराङ् सेम्ला दुक्पा मिकिउइ।
\v 2 तिसिना, ङेरेकि मोथोङ्गुप् ताङ् ङ्वच्छा लाङ्वे ताम् तिवा ताङ्गुप् वै। ङेराङ् कुवा वगे मिजि मोक्योङुउइ, ङेराङ् कन्ज्यककि सुङ्ला मेलेवा क्यनि माल्हाउइ। हिन्दुप् ताम छ्या देदिन् कन्ज्यककि मिङाला तेरिककि येन्देन् छ्यला ङेराङ् दाक्पुलाराङ् गमा किउइ।
\v 3 हुतुङ् ङेरे लेनल्यामु श्यामुङ्कि उपु वसिन्, ति ना डोइ वतुप् तिवाला क्याज्यिक् उपु वै।
\v 4 तिविकि कला सिरुप् हिन् सिसिन्, दि लुङ्बाकि ल्हेकि तिविकि मोवा मेतुप् सेम् तिवा मोथोङ्बु जोबु वै। तिकि किसाला तिविकि सँवाकि लेन ल्यामु थोङ् मुथुउइ, ति दि कन्ज्यककि च्ये वै।
\v 5 चिला सिसिन् ङेराङ् दाक्पुला राङ् मिन्, ति ख्रिष्टला सिनि खिरे लाका ल्येमुला सिनि वतुप् ख्रिष्ट येशुला हिन् सिनि सिउइ तिदि चावा वै ।
\v 6 चिला सिसिन् कन्ज्यककि सिक्यासुङ्, “नाक् तिङि नेसुर् टाक् थेन्ग्यु ।" येशु ख्रिष्टकि गमाला कन्ज्यककि सँवाकि येन्देन् कि टाक् तेरुप् खो अरे सेम्ला बारु वै।
\p
\v 7 दि हुतुङ्राङ् गेर्पु ङार ति ङेराङ् तानि मिन्, कन्ज्यक तानि वै सिरुप् छ्या ङेतुप् सिनि दि डु थालि ङ्येक्यक्ला वै।
\v 8 ङेरेकि तेरिक् क्ष्य नेसुर् दुक्पा ङेतुप् वै, हिन्सिनाङ् सेम् दुक्पा क्याबु मेत् ।
\v 9 ङेराङ्ला दुक्पा बिन्दुप् वै, हिन्सिनाङ् ताङ्गुप् मेत्। ङेराङ्ला दुबु वै, हिन्सिनाङ्, हिन्सिनाङ् सिन्दा क्याबु मेत्।
\v 10 येशुकि मिजि ङेरे जुबुला थोङ्सित् सिनि ङेराङ् ङेरे जुबुला नाम्लाङ् येशुकि श्येप्ला खुर्नि युगु।
\v 11 ङेरे मि जुबुला येशुकि मिजि थोङ्सित् सिनि सेन्बा वतुप् मि तिवा येशुला सिनि नाम्लाङ तेरिन् वै।
\v 12 दिकि किसला, ङेराङ्ला श्येप् कि लाका किउइ, हिन्सिनाङ् मिजिकि खिराङ्ला।
\p
\v 13 “ङेकि मोवा क्याबिन्, दिकि किसाला ङेकि ताम क्याबिन्।" सिनि टिबु दगेराङ् ङेराङ् तानि तिनक्राङ् थु वै ।
\v 14 ङेराङ्ला छ्या वै, सिकि चावा येशुला श्येप् नेसुर् सेन्बा लाङ्सुङ् खोकि ङेराङ्लाङ् तुक् राङ् क्यानि येशु तानि सेन्बु लोङु। ङेराङ्ला छ्या वै, खोकि ङेराङ्ला खिराङ् तानि राङ् खोकि दङ्ला दागिउइ।
\v 15 तेरिक् ताम खिराङ्ला सिनि हिन्, चुक् क्यानि आला मि तिवाला कार्टिन् फेलुप् वै, तुक् क्यानि राङ् कन्ज्यककि सँवा ला सिनि थुचिछ्ये बुलुप् लाका तिङ् ल्हाक्पा च्युङ्सित्।
\p
\v 16 दिकि किसाला ङेराङ् सेम्ला दुक्पा मिकिउइ। ङेराङ् फिकि छ्याला नागाल्सिनाङ्, नाङि छ्यला ङेराङ् ङिमिटाङ् साम्बा च्युङिन् वै।
\v 17 चिला सिसिन दि उकुर्जिक् क्याजिक् हिन्, येङ्गि दुक्पाकि ओरुङ्ला तेरिक् तापुला (माथ) किरुप् (वजन) नेसुर् नाम्लाङ् मिसिन्बु सँवाला टेगे जोइ वै ।
\v 18 चिला सिसिन् ङेरेकि थोङ्गुप् ताम्ला मिन्, मोथोङ्बु ताम् तिवाला गुनि वै। थोङ्गुप् ताम् तिवा उकुर्जिक् क्याजिक् हिन् तेमे मोथोङ्बु ताम् तिवा नाम्लाङ् लुनि देक्यु।
\c 5
\cl लिउ ५
\p
\v 1 ङेराङ् श्येक्यु, ङेरेकि श्यासा देतुप् दि जुबुकि उङ्बु सिनि गाल्सिनाङ् खिराङ् तनि कन्ज्यककि बिन्दुप् खाङ्बा वे; दि मिकि लाक्पि जोबु खाङ्बा मिन। हिन्सिनाङ देवा चेन्ला नाम्लाङ् मिसिन्बु खाङ्बा हिन्।
\v 2 चिला सिसिन् ङेरे देवाचेनकि माज्या कोन्दुप् रेवाला ङेराङ् दि तुज्येला दुक्पा खुर्क्यु,
\v 3 चिला सिसिन् दिला कोन्सिमा ङेराङ् पेर्तुङ्बा गिउइ।
\p
\v 4 चिला सिसिन् ति तुज्येसाक्ला ङेराङ् दि ताम्बुला वे, खुर्बि कि क्यानि ङेराङ् दुक्पा किउइ- ङेराङ् माज्या मेतुप् दगेराङ् हुङ्गुप् छालु मिन्, हिन्सिनाङ् काङ सिनि ड्वप् वे, ति मिजिला छ्या हुङ्सित् सिनि ङेराङ् तारुङ् बाङि माज्या कोन्दुप् सेम् वे।
\v 5 ङेराङ्ला दिला कितुप् ज्वप् कन्ज्यकराङ् हिन्, सिकि तिङ्ला हुङ्गुप् ताम हतुप् राङ् कितुप्ला तिङ्ला ङेतिराङ् हुङ्सित् सिनि थुचेङि ङेराङ्ला बिनि वे।
\p
\v 6 तुक किसा नाम्लाङ् मोवा कि। दि श्येवाकि ति तुज्ये साक् ङेराङ् ङेरे उङ्बि खाङ्बाला देक्यु, ङेराङ् चावा तेवा थारे देक्यु।
\v 7 चिला सिसिन् ङेराङ् मोवाा तेवा डिउइ, थोङ्गुप् ताम्ङेनकि किदाङ् नेवा मिन्।
\v 8 तुक किसा ङेराङ् मोवा किइ वे, ङेराङ् ति सिना उङ्बि तेवा थारे देनि चावा तानि छ्याज्यिक् देतुप् सेम किउइ।
\v 9 तुक किसा उङ्बिकि खाङ्बा ताङ् तेवा कयानि थारे केनि देसिनाङ् ङेरे सेम् खोला दिबु ज्वप् हिन्।
\v 10 चिला सिसिन् ङेराङ तेरिक ख्रिष्टकि ठिम कितुप् दङ्ला यार लानि दे गोक्यु, चिला सिसिन् तेरिककि जुबुला हजि क्याबु ल्यामु ताङ् मेलेवा लाका क्याबु ति।
\p
\v 11 तुक किसा, चावाकि जिवा श्येनि राङ् ङेराङ् मि तिवाला हाक् कोबु जेउइ। ङेराङ् सु हुन् सिरुप् ताम्ङेन् कन्ज्यकला छ्या वे, तेमे ङा रेवा किउइ खिरेकि रिक्पाला साङ् दि ताम तेरिक् छ्या वे।
\v 12 ङेराङ् लोङ्राङ् खिरेकि गमाला राङि राङ् राङ्ला नाम्ला मातेक्, हिन्सिनाङ् ङेराङ्खिराङ्ला खिरे खाला गा कितुप् ज्वे दाङ्, चिला सिसिन् सेम्गि ति सिनाङ् फिकि छ्यालुक्ला ल्हानि ताम् कितुप् तिवाला खिरेकि ताम् ग्युर्नि लाप् थुप्सित्।
\v 13 चिला सिसिन् दिजो ङेरे रिक्पा देसाला मेसुङ् क्यासिन् ति कन्ज्यकला हिन। हिन्सिनाङ् दिजो ङेरे रिक्पा लेमु वसिन् ति खिराङ्ला हिन्।
\v 14 चिला सिसिन् ख्रिष्टकि ङिङ्ज्येकि ङेराङ्ला किराङ् गोक्यु, चिला सिसिन् ङेराङ्ला दि लेमु क्यानि छ्या वे तेरिक्ला सिनि श्येप् चिगि किसा तेरिक श्येप् हिन्।
\v 15 ख्रिष्ट ओरुङ् तेरिककिक दासाला श्यिसुङ्, ता ति मिजि क्योङु तिवा राङ्ला सिनि मिजि मोक्योङ्सित्, हिन्सिनाङ् तिवा खोला सिनि मिजि क्योङ्सित्, सु ति तिवि दासा सिनि श्यिसुङ तेमे लोङ्राङ् सेन्बु लाङ्सुङ्।
\p
\v 16 तुक्राङ् किसा, ङेरेकि सालासाङ् मिकि ल्हालुकि मालहावा वे। तुज्ये चिक जिक् ङेरेकि ख्रिष्टला मिकि ल्हालु ने ल्हाबु हिन्, ता ति तुक किसा नाम्लाङ् तुक मिकिवु हिन्।
\v 17 तुक किसा, लालि ति ख्रिष्टला वसिन् क्यासिन् ति साम्बा जोबु हिन्। ताम यिङ्बा तिवा तोर्नि गाल्। ल्हो, ति साम्बा गाल्नि वे।
\v 18 दि तेरिक् ताम्ङेन् कन्ज्यक तेवा च्युङु हिन्। खोकि ङेराङ्ला ख्रिष्ट तेवा खोतानिराङ् छ्याज्यिक् जोसुङ् तेमे ङेराङ्ला छ्याज्यिककि लाका बिन्सुङ्,
\v 19 मिन्सिन् क्यासिन् दिक्पा कि टिबु मालानि कन्ज्यककि ख्रिष्टला जाम्बुलिङ्ला राङ् दाङ् छ्याज्यिक् ज्यकुप् ला टिनि हुङिन् नक्, तेमे छ्याज्यिक् ज्यकुप् लेन ल्यामि लाका ङेराङ्ला बनि ज्याकुप् वे।
\v 20 तुक् किसा ङेराङ् ख्रिष्टकि ग्याल्खाप् कि तु हिन्, तेमे कन्ज्यककि ङेरे तेवा सिइ वे। ख्रिष्ट कि तेवा ङेराङ् खिराङ्ला सिउइः कन्ज्यक तानि डिकुप्ला श्यक्"
\v 21 ङेराङ्ला कन्ज्यककि ख्रिष्ट-सिकि नाम्लाङ् दिक्पा माक्या-खोला दिक्पा जिन्बा जोसुङ्, सिला सिसिन् खोला ङेराङ् कन्ज्यककि दिक्पा मेतुप् हुङ् थुप्सित्।
\c 6
\cl लिउ ६
\p
\v 1 तुक् किसा, कन्ज्कतानि लाका किगो तिकि किसा ङेराङ् खिराङ्ला सिउ, चिला सिसिन् खोकि कार्टिन्ला तुक्राङ् मालाङ्।
\v 2 खो दुक् क्यानि सिनक्, “ङेकि ङेन्दुप् डिकुप् तुज्येला ख्योरुङ्ला ल्हाइ, तेमे थार्वा तेरु ङिन्ला ङेकि किटो क्याबिन्। “ल्होसा, ङेन्दुप् डिकुप् तुज्येला तान्दा हिन्, थार्वाकि ङिन् तान्दा हिन्।
\p
\v 3 ङेराङ् सिकिसाङ् गमाला तार्तुक ग्यागु ताम मिकिउइ, चिला सिसिन् ङेराङ् ङेरे लाकाला चिन्दिङ् क्यान् फकुप् सेम मेत्।
\v 4 तुक् सिराङ्, ङेराङ् राङ्ला राङ् कन्ज्यककि लाका किरुप् तिवा हिन् सिनि ङेरे लाका तेवा छ्या देन्ग्यु। ङेराङ् गुनि देतुप्ला, दुक्पाला, तुज्ये कापु,
\v 5 फेटक साजि, चोन्खाङ्ला उम्नि ज्यक्सिन्, मि हाराङ् हुरुङ् नाङ्ला, लेम्गयेराङ् दुक्पा किसिन्, ङि मालगु नुप्ला, ल्हतुङ्बाला
\v 6 चेङिला, रिक्पाला, गोबुला, ङिङ्ज्येला, गुबुला, ङिङ्ज्येला, थुचेङिला, टेङ्बु ङिङ्ज्येला खोकि लाका कितुप् तिवा हिन्।
\v 7 ङेराङ् टेङ्बु ताम्ला तेमे कन्ज्यककि राम्बुला लाका कितुप् तिवा हिन्। ङेराङ् ताङ् ङेरे यावा तेमे येन्वाला रिक्पा मेतुप् कि लाक्च्ये वे।
\v 8 ङेराङ् यार तेकुप् ताङ् मातेगुप्, मार्च्येक् तेमे यार देकुप्ला लाका किउइ। ङेराङ्ला छेर्सिक्पा नक् सिनि ङेराङ्ला आतु कुकिनक्, तुक किसा ङेराङ् टेङ्बु वे।
\v 9 ङेराङ् ङो माश्येसिनाङ् ङेराङ् ङो श्येनि वे। ङेराङ् श्येप् छालुप् दगेराङ् वे तेमे ल्होसा, ङेराङ् तारुङ् सेन्बुराङ् वे । ङेराङ्ला पार्च्ये ङेनि, हिन्सिनाङ् माश्यिबा वे।
\v 10 ङेराङ् दुङ्लला फेल्सिनाङ् हिन्सिनाङ् नाम्लाङ् गा किइ वे। ङेराङ् पेरेङ्बु वे, हिन्सिनाङ् मेरा आलाला छ्युक्पु जेउइ। ङेराङ् काङ्ज्यिगाङ् मेतुप् दगेराङ् वे, हिन्सिनाङ् तेरिक् जा ङेनि वे।
\p
\v 11 कोरिन्थि टेङ् तिवा, ङेरेकि खिराङ्ला तेरिक् ताम् टेङ्बु तिवा सिक्यानि वे तेमे ङेरे सेम खिराङ्ला पेनि वे।
\v 12 खिरेकि सेम् ङेरे तेवा ङेरे लाक्ला मेत् हिन्सिनाङ् खिरेकि राङि सेम राङि लाक्ला राङ् ज्यङ्नि वे।
\v 13 ता दिकि दासा, ङा पेजा तिवातानि दगेराङ् ताम किउइ, खिरेकि साङ् राङि सेम्ला पेनि ज्यक्।
\p
\v 14 मोवा मिकिबु तिवा ताङ् ङ्याश्यिङ् चिक्लाराङ् मागोर्। चिला सिसिन् क्ष्योति मेलेवा ताम मिडिगुउइ। लोङ्राङ् ठाछ्यालि ति नाक् चुबिताङ् काङ् छगु?
\v 15 ख्रिष्टति कोमेछेबु ताङ् काङ् लाका? मिन्सिन् क्यासिन् मोवा कितुप् तिकि ति मोवा किबु तानि काङ् लाका?
\v 16 कन्ज्यककि ल्हाखाङ् तेमे कु तुतिवा तानि काङ् लाका? चिला सिसिन् ङेराङ् सेन्बु कन्ज्यककि ल्हाखाङ् हिन्, चुक क्यानि कन्ज्यकि सिक्यानि वे,"ङा तिविकि पार्ला श्यासा देक्यु तेमे तिविकि पार्ला ड्वप् हिन्, ङा तिविकि कन्ज्यक हुङ्गुप् हिन् तेमे तिवा ङे मि तिवा चोङ्सित्।"
\p
\v 17 तुक किसा, “तिविकि पार्ने फिला थेनि श्यक् तेमे राङ् थारे ज्यक्, चावा कि सिनक्। मेचेङि जा मारेक् तेमे ङा खिराङ्ला सेम्ला लाङुउइ।
\v 18 ङा खिरेकि पापा च्युङ्गुप् हिन्, तेमे खिराङ् ङे पुज्युङ् पुम च्युङुउइ, तेरिक् सिना राम्बु कन्ज्यक सिनक्।"
\c 7
\cl लिउ ७
\p
\v 1 ङिङ्ज्ये टेङ् वे, ङेराङ् ताङ दि ना तिवा वतुप् तिवि किसा उङ्बु तेमे थुला ओरुङ्ला मेचेङि ज्वप् ताम्ङेन् तेवा राङ्लाराङ् चेङि जो, तेमे कन्ज्यककि जिवाला चेङिला तारुङ् चेङि जोइ दाङ् ड्वप्।
\p
\v 2 ङेराङ्ला खिरेकि सेम्ला दासा जो! ङेरेकि सितिसाङ् मेलेवा लाका माक्यावा वे। ङेरेकि सुलाङ् मेलेवा हुङु लाका माक्यावा वे, तुक किसा राङ्ला क्याजिक् लेमु हुङु लाका साङ् क्याबु मेत्।
\v 3 ङेकि खिराङ्ला क्यान् कुतुप्ला दि सिक्याबु मिन्, चिला सिसिन् ङेकि तङ्ला राङ् सिक्यानि वे खिराङ् ङेरे सेम्ला वे, छ्याज्यिक् श्येप् तेमे छ्याज्यिक् थारुप्ला।
\v 4 खिराङ्ला ङे रेवा गेर्पु वे तेमे ङा खिरे नाङ्ला गा किउ। ङा सेम् श्वप् तिवि क्येङ्नि वे। ङेरे तेरिक् दाक्लाङ् ङा गाकि क्येङ्नि वे।
\p
\v 5 ङेराङ् माकेडोनिया हुङ्सिन् ङेरे उङ्बिकि ङा श्वप् माङे। तुक किसाराङ्, फिकि दुक्पा तिवा तेमे नाङि ज्यिबि तेवा ङेराङ् केन्सुर् हिन्सिनाङ् दुक्पा ङेनि नक्।
\v 6 हिन्सिनाङ् सेम श्यिनि वतुप् तिवाला सेम् श्वप् कन्ज्यककि तितस ववु तिकि ङेराङ्ला सेम सोसुङ्।
\v 7 ति हबु तिकि क्याज्यिक् ङेराङ्ला कन्ज्यककि सेम् सोबु मिन्, हिन्सिनाङ् तितसकि खिरे तेवा ङेतुप् तिसाङ् हिन्। तिकि ङा तामनि वतुप् खिरेकि बाङि ङिङ्ज्ये तिङ् खिरेकि सेम्ला क्याबु तेमे ङाला खिरेकि आला क्याबु जिवा साङ् सिक्याबिन्; तुक किसा ङा लोङ्राङ् ङा आला गा क्याबिन्।
\p
\v 8 ङे लेनकि खिराङ्ला दुक्पा बिनि वसिनाङ् ङा दिला सेम्ला मिकिउइ; तेमे लोङ्राङ् ङे लेनकि खिराङ्ला सेम्ना कि चितुप् ङेकि थोङ्सिन् ङाला सेम्ना क्याजिक् हिन्सिनाङ् उुकुजिकि तुज्येला क्याजिक् सेम्ला क्याबिन्।
\v 9 खिराङ् सेम्ना क्याबु तिकि किसा मिन्, हिन्सिनाङ् खिरेकि दुक्पा कि खिराङ्ला सेम् ग्युरुप् साक् टिनि गालुप् तिकि किसा ता ङा गा वे। खिरेकि कन्ज्यककि सेम दुङ्कि नासाम ताङ्नि वे, तेमे दुक क्यानि ङेरे किसा खिरेकि चिनक् गाङ् दुक्पा खुर् मागो।
\v 10 चिला सिसिन् कन्ज्यककि दुङाल् कि सेम् ग्युर्क्यु सिकि थार्वाला टिनि डिउइ, तेमे तिला, सेम ग्युर् मोगोउइ, हिन्सिनाङ् दुङालकि श्येप् खुन गिउइ।
\v 11 ल्होसा, दि कन्ज्यककि दुङाल कि खिराङ्ला चो आला नासाम खनि वे राङ्ला क्यान माफगु ज्वप् खिरे नाङ्ला चिनक् गा वे; खिरे नाङ्ला चिनक् ङेर्मा, चिनक् जिवा, चिनक् कम्बा, चिनक् ङार तेमे चिनक् ठिम वतुप् ल्हाप् चिनक् सेम्बा! दि तेरिक ताम्ला खिरेकि दि तामला राङ्ला राङ् क्यान माफगु छ्या देन्दुप् वे।
\v 12 ङेकि खिराङ्ला टिसिराङ् ति मेलेवा किरुप् ताङ् मेलेवा खुरुप्ला ङेकि माटि। ङेराङ्ला वतुप् खिरेकि ताङ्गुप् नासाम् लेमु कन्ज्यककि दाङ्ला छ्या ङेसित् सिनि ङेकि टिबिन्।
\v 13 दि किसा ङेराङ् गा किउइ। ङेरे सेम् सोबु ताङ् ङेराङ् तितसकि गाला गा क्याबिन्, चिला सिसिन् खिरे तेवा तिकि सेम्ला सेम् दिङ्मु च्युङु वे।
\v 14 चिले सिसिन् तितानि खिराङ्ला गा क्याबु तिकि ङाला ङछ्छा ला दे मोगोउइ। दिकि फिलक्पा, च्युक् क्यानि खिराङ्ला ङेरेकि सिक्याबु तेरिक् ताम् ङेन् टेङ्बु हिन्, तुक राङ् क्यानि खिराङ्ला ङेरेकि तितस तानि क्याबि गा साङ् टेङ्बु च्युङ्सुङ्।
\v 15 खिराङ् तेरिककि खाला ङेन्दुप् तिला तेमे खिरेकि तिला जिवा तेमे रुकिन्दाङ् क्याबु गासो श्युबु ति नासाम ताङ्नि खिराङ्ला तिकि ङिङ्ज्ये तारुङ् बाङि गाल्नि वे।
\v 16 ङा गा किउइ, चिले सिसिन् खिरे खाला ङेति लेमु क्यानि रेवा वे।
\c 8
\cl लिउ ८
\p
\v 1 नुगि टेङ् वे, माकेडोनियाकि चोन्खाङ् तिवाला कन्ज्यककि बिन्दुप् कार्टिन्ला खिरेकि छ्या ङेतुप् ङेराङ् सेम किउइ।
\v 2 दुक्पा कि जिवाकि ख्वपा ल्हापकि तुज्येला साङ् तिविकि बाङिकि गा तेमे लेम्ग्येराङ् परेङ्बुकि तिवि नाङ्ला बाङि थार्बवा कि दाला तेरुप् सेम् लेसुङ्।
\v 3 चिला सिसिन् ङेकि थोङ्गुप् ति सिरुप् हिन्, खिरेकि आछ्योछ्यो बिन्सुङ् तेमे तेर्थुपु तिवा सिनाङ आला तेमे राङि सेम्गि बिन्सुङ्।
\v 4 तिविकि चेङि मि तिविकि पार्कि लाकाला छ्याज्यिक् देतुप् सिनि ङेराङ् तानि लेम्ग्येराङ् श्युवा क्यासुङ्।
\v 5 दि ङेरेकि रेवा ज्याकुप् दगेराङ् मिदुक् हिन्सिनाङ् तिविकि तङ्ला राङ्ला राङ् चावाला बिन्सुङ्, तेमे तेवा ति कन्ज्यककि सेम्नेसुर् राङ्ला राङ् ङेरे ते बिन्सुङ्।
\v 6 तुक किसा तितसकि दि लाका तङ्नेसराङ कितुप् ज्युबु कि किसा थार्वा कि दि लाका खिरे पार्ला साङ् तेरिक् किसित् सिनि ङेरेकि तिला श्युवा श्यबिन्।
\v 7 हिन्सिनाङ् खिराङ् तेरिक् ताम्ला-मोवाला, ताम कितुप्ला, रिक्पाला, तेरिक् लाका ल्यमु क्यानि किरुप्ला तेमे ङेरे तेविकि ङिङ्ज्येला- आला हुङिन् दाङ् थार्वा कि दि लाका साङ् आला हुङ्गुप् ताम्ला नासाम तोङ्।
\p
\v 8 ङा दिला का दगेराङ् सिनि मिन्, हिन्सिनाङ् ज्यान मि तिवि तेन्तेन ताङ् ताम्नि खिरेकि ङिङ्ज्येकि टेङ्बु चो नक् ल्हालुप् हिन्।
\v 9 चिला सिसिन् ङेरे चावा येसु ख्रिष्टकि कार्टिन् खिराङ्ला छ्या वे खो छ्युक्पु वसिनाङ खिराङ्ला सिनि पेरेङ्बु च्युङ्सुङ्, चिला सिसिन् खोकि पेरेङ्बु नेसु्र खिराङ् छ्युक्पु हुङ् थुप्सित्।
\v 10 दि ताम्ला खिराङ्ला काङ् ल्यामु वे, ङे टो दिराङ् हिन्! लो चिक् तङ्ला खिरेकि दि तेरुप् लाका कितुप् माज्यु, हिन्सिनाङ् ति कितुप् सेम्बा क्याबु हिन्।
\v 11 दिला तेरिककि; च्युक् क्यानि तिजोकि तुज्येला खिराङ्ला दि लाका कितुप् गा तेमे सेम्बा नक्, तुकराङ् क्यानि खिरेकि तिला तेरिक कितुप् आछ्यो छ्यो कि।
\v 12 चिला सिसिन् दिजहो दि लाका कितुप् गा वसिन् तेमे, दि लेमु तेमे सेम्ला लाङ्गुप् ताम्ङेन हिन्। दि तुक्राङ् तेरुप् लाका मिताङ् क्यानि वतुप् ताम्ङेनला दगेराङ् वसित्, खोताङ मेतुप् ताम्ला मिन्।
\v 13 चिला सिसिन् दि लाका ज्येन तिवाला हेङि जोनि खिराङ्ला राङ् चेङि हुङ्सित् सिनि ङेकि दि सिक्याबु मिन् हिन्सिनाङ् तिला ख्ये बेतुप् मिन्।
\v 14 खिरे नाङ्ला तान्दा वतुप् बाङिकि तिविकि गोवा च्युङुइ। दि तुक किसा साङ् हिन् तिविकि बाङि नेवा साङ् खिरेकि गोबु जा तिवा तेरिक् च्युङ्सित्, तेमे दि तिनक् ने ङ्याम्चिक् हुङ्सित्।
\v 15 दुक क्यानि टिनि वे, “बाङि रुकुप् ताङ् काङ् ज्यिगाङ् मालु, तेमे च्याजिक् रुकुप् ताङ् चुकै साङ् गोवा माच्युङ्।"
\p
\v 16 हिन्सिनाङ् कन्ज्यकला तुचिछे हुङ्सित्, सिकि तितसकि सेम्ला सदाङ् ङेकि खिराङ्ला क्याबु दगेराङ् टेङ्बु जिवा लुङ्नि बिन्सुङ्।
\v 17 चिला सिसिन् ङेरे तिवि गङ्बाला सेम्ला क्याजिक् माला हिन्सिनाङ् ति दिला लेम्ग्याराङ् गा साङ् क्यासुङ। ति राङि सेम्गिराङ् खिरे चाला लेसुङ्।
\v 18 लेन् ल्यामु लापु तेरिक लाकाला क्ष्यिछोककि पार्ला ङो श्येबु च्युङु नक् चिक्ला ङेरेकि तिकि दाला तङ्नि वे।
\v 19 तिजो क्याजिक् मिन्, ति ङिरे दि थार्वा कि लाका ला ङेराङ् तानि ड्वप् ला क्ष्योछोक् तिवि तेवा पेतुप् हिन्। दि कन्ज्यककि सँवा देकुप्ला तेमे ङेरे ल्हालु चिक्ला राङ हिन् सिइ छ्या देन्तुप् ला हिन्।
\p
\v 20 दि थार्वा कि बिन्दुप् थतोङ्गुप् ताम्ला सिकि साङ् ङेराङ्ला क्यान तेर्मुथुप्सित् सिनि ङेराङ् दुकि किउइ।
\v 21 ङेराङ् चावा कि दङ्ला क्याजिक मिन्, हिन्सिनाङ् मि तिवि दङ्ला साङ् काङ। ताङ्देनकि दिमु वे, ति कितुप् ताम्ङेन्ला नासाम् तोङ।
\v 22 ङेराङ् राङ्सा नुप्लाङ तिवा तानि तोङिन् वे। ङेरेकि तिकिदि लेम्ग्येराङ् चो श्येकिबे ल्हाइ तेमे तिला लाकाल लेम्ग्येराङ् ङार्मा च्युङ्गुप् ङेसुङ्, तेमे तान्दा खिराङ् तानि वतुप् तिकि रेवाकि किसा लोङ्राङ् बाङि ङार्मा गाल्नि वे।
\v 23 तितसकि ताम कितुप् हिन्सिन्, खिराङ्ला ति ङे छ्याजिक् लाका कितुप् तेमे लाका किटो कितुप् दाल्जा हिन्। ङेरे दि नुक तिवा जोम्खाङ् नेवा ताङ्गुप् हिन् तेमे दिवा ख्रिष्टकि सँवा हिन्
\v 24 तुक किसा, जोम्खाङ् तिवि पार्ला खिरेकि ङिङ्ज्ये छ्या तेन, तेमे ङेरेकि खाला चिले गा क्याबु नक् सितुप् ताम ति दिवाला छ्या तेन्।
\c 9
\cl लिउ ९
\p
\v 1 चेङि मि तिवाला लाका क्यानि तेरुप् ताम्ङेन्ला टिनि देतुप् ङाला गोवा वते दगे लाङिनक्।
\v 2 खिराङ्ला किटो कितुप् ताम ङाला छ्या वे;। दि ताम्ला माकिडोनियाला वतुप् मि तिवाला ङेकि गा किइदाङ् सिक्याबिन् गालुप् लो नेसुर् ति तेरुप् लाकाला अखैया सेम किइ वानि वे।
\v 3 खिराङ्ला ङेरेकि क्याबु गा तुक्राङ मोडोसित्, तेमे खिराङ्साङ् ङेकि सिक्याबु दगेराङ् क्यानि टेगे कि सिनि ङेकि नुक तिवाला खिरे तेवा ताङ्नि वे।
\v 4 मिन्सिन् क्यासिन् दिजो माकेडोनियाकि लालि ति ङा तानि राङ् हुङ्सिन् खिराङ् टेगे माच्युङु ङेसिन् क्यासिन् ङेराङ्ला ङछाला ख्योल्ग्यु- ङा खिराङ् ङछाला ख्योलु लाका मिकउइ-चिला सिसिन् ङेरेकि खिरे खाला रेवा बाङि क्यानि वे।
\v 5 तुक किसा नुक तिवाला ङा हुङ्सिनाङ् तङ्ला राङ् खिरे ते ताङ्नि खिरेकि ना क्यालुप् तुक्राङ् बिन्दुप् तिवा छ्याजिक् सिनि ङेकि गङ्बा कितुप् गोबु दगे लासुङ्। दुक क्यानि दि खिरेकि मिकि सिनि मिन् राङि सेम्गिराङ् किसित् हिन्सिनाङ् सेम्ला गा क्यानि बिन्दुप् तुक राङ् बिन्दुप् ति हुङ्सित्।
\p
\v 6 ताम दिराङ् हिन्ः च्येजिक थोरुप् तिकि च्येजिक् राङ् ङाकुउइ तेमे बाङि थोरुप् तिकि बाङि राङ् ङाकुउइ।
\v 7 तेरिककि राङि सेम्ला सेम क्याबु दगेराङ् तेर्सित् सेम् सुक किचिनि तेमे सेम मेता-मेता सिकि साङ् मेतेर्सित् । गा दिङि तेरुप् तिला कन्ज्यककि साङ् ङिङ्ज्ये किउइ।
\v 8 कन्ज्यककि तेरिक् मालामलला खिराङ्ला बाङि जो थुप्क्युउइ, चिला सिसिन् खिराङ्ला गोबु तेरिक् ताम् खिरेकि नाम्लाङ् ङे थुप्। खिराङ् तेरिक् लेमु लाकाला बाङि डो थुप्सित्।
\v 9 दिनक् टिनि वे, “तिकि राङि गिज्या गोनि पेरेङ्बु तिवाला बिनि वे; तिकि दिक्पा मेतुप्् नाम्लाङ देक्यु।"
\p
\v 10 थोरुप् तिवाला सेन् तेमे साप्ला सामा खनि तेरुप् जुबुला खिरेकि सेन बाङि जोनि तेर्क्यु तेमे खिरेकि दिक्पा मेतुप्कि डु बाङिराङ् जेउइ।
\v 11 खिरेकि गा दिङि तेर्थुप्सित् सिनि खिराङ् चुक क्यानिसाङ छ्युक्पु जेउइ। दि गा दिङि बिन्दुप् तिकि ङेरे तेवा कन्ज्यकला वुलुवा थुचिछे तेरुप् जेउइ।
\p
\v 12 चिला सिसिन दि लाका कि लाका ने चेङि मि तिवि गोबु जा तेरुप् क्याजिक् मिन् हिन्सिनाङ् कन्ज्यकला थुचिछे तेरुप् लाका लाङ बाङि जेउइ।
\v 13 दि लाका कि लाका नेवा खिरेकि राङ्ला राङ् छ्या तेनि वे; ख्रिष्टकि लेन् ल्यामु ला सेम्ला लाङ्गुप् खिरेकि का ङेन्दुप् तेवा तेमे खिरेकि तिवाला तेमे तेरिला गा दिङि बिन्दुप। तेवा कन्ज्यकला सँवा देक् दिमु जेउइ।
\v 14 कन्ज्यककि लेम्ग्याराङ् बाङि कार्टिन् खिरे नाङ्ला वतुप् कि किसा तिविकि खिरेकि कम्बा किनक् तेमे खिराङ्ला मोपार क्यानि ते्क्युउइ।
\v 15 सि मुथुबु खोकि ङेत्पाला कन्ज्यककि तुचे वसित्।
\c 10
\cl लिउ १०
\p
\v 1 ङा पावल राङि राङ् खिराङ्ला येसु ख्रिष्टकि सेम् नेसुर् गङ्बा श्युकिद ङा खिरे दङ्ला वसिन सेमज्यापु गिउइ हिन्सिनाङ तजोला ङा थारे डिउइ ङा खिराङ् तानि ङार ला गिउइ।
\v 2 ङा खिरेकि दङ्ला हुङ्सिन् ओरुङ्ला जुबु नेसुर् थारिन् वे सिरुप् ति चाला ङाला ङाडेन् ताङ् ङार् डोगोक्यु। हिन्सिनाङ् खिराङ् ङाला तुक माकि सिनि ङा गङ्बा बुल्ग्यु। ङा पावल राङि राङ् खिराङ्ला येसु ख्रिष्टकि सेम् नेसुर् गङ्बा श्युकिद ङा खिरे दङ्ला वसिन सेमज्यापु गिउइ हिन्सिनाङ तजोला ङा थारे डिउइ ङा खिराङ् तानि ङार ला गिउइ। ङा खिरेकि दङ्ला हुङ्सिन् ओरुङ्ला जुबु नेसुर् थारिन् वे सिरुप् ति चाला ङाला ङाडेन् ताङ् ङार् डोगोक्यु। हिन्सिनाङ् खिराङ् ङाला तुक माकि सिनि ङा गङ्बा बुल्ग्यु।
\v 3 ओरुङ जुबु नेसुर् युसिनाङ् ओरुङ् जुबु नेसुर् माक् मिकिउइ।
\v 4 अरेकि माक् किरुप् कि लाक्चे तिवा जुबु तिवा मिन् ति सिना याङ् तिवि दासा तिवा रोम्बुप् कन्ज्यककि ङार तिवा वे।
\v 5 ओरुङ् कन्ज्यककि रिक्पा तिवि खाला लाङ्गुप् मेलेवा ताम तिवा श्येक्यु तेमे तेरिक् सेम तिवाला ख्रिष्टकि का ति सेम्गि नाङ्ला ज्यकु।
\v 6 खिरे का तिवा ङेन्दुप् तुचिक् का कि लाका तिवाला छ्येर्पा तेरिन् वे।
\p
\v 7 चुकै ति खिरे दाङ्ला राङ् वे तिला ल्हो सुसाङ् ङा ख्रिष्टति हिन् सिनि सिरुन ताम्ला सेम ल्यामु ज्याङ्नि ति ख्रिष्ट ति हिन्दुप् दगेराङ् ओरुङ् साङ् ख्रिष्ट तिराङ् हिन् सिरुप् सेम्ला ज्यक्।
\v 8 चिला सिसिन् अरे ओङ्ज्येनला बाङिराङ् ताम हाक मोकोबु दगेराङ क्यासिन् ङाला ङछा मालाङु चिला सिसिन् दि ओङ्ज्येन् खिराङ्ला नातोङ्गुप्ला मिन् दिदि खिराङ्ला ल्यामु ज्वप्ला चावा कि ङेराङ्ला बिन्दुप् हिन्।
\v 9 ङे टिबु लेन नेसुर् ङा खिराङ्ला जिवा मोलोङु।
\v 10 हिन्सिनाङ लालि मितिवि सिउइ तिकि टिवु लेन तिवाला बाङि ङार् वे हिन्सिनाङ ति जुबुकि दाङ्ला हुङ्सिन् ङार मेङु। तिकि ताम तिवा ङेन्दुप्ला दगे मेत्।
\v 11 तिनक् मि तिवा दि ताम नेसुर् च्याङ्बु किसित् ङेराङ् दङ्ला मेतुप्ला ङेरे टिबु लेन्ला चिनक् वे ङिराङ् त्या हुङजि अरे लाका नेसुर् तिनक् राङ् गिउइ।
\p
\v 12 राङि मोवा राङि राङ कितुप् मि तिवा तानि ङिराङ दासा चिक्लाराङ् ज्यकुप् दासा ङेराङ् मोडोउइ। हिन्सिनाङ तिविकि राङि राङ् चिकि चिक्ला ताम्नि ल्हाजि ल्येमु मेङु।
\v 13 हिन्सिनाङ् ङेराङ् राङि ओङ्ज्येन् सिना फिला गाल्नि ताम् हाक् मोकोबु मि दगे मिकिउइ। ति सिना कन्ज्यककि ओरुङ्ला सिनि जोबु ठिम नाङ्ला क्याजिक् ङा राङ् हिन् सिनि सिउइ ति ठिम नाङ्ला खिराङ् साङ हिन्।
\v 14 खिरे चाला ङेराङ् नाम्लाङ मालेबु दगे क्यानि राङि ओङ्ज्येन मालाङु वे चिला सिसिन् ख्रिष्ट कि लेन लेमु खुर्नि तेरिक सिनाङ् गमाला हुङ्गुप् ति ङेराङ्राङ् हिन्।
\p
\v 15 ङिरेकि ज्येन्गि क्याबु दुक्पाला राङि राङ् क्याबु दगे क्यानि ठिम सिना फिला गाल्नि ङाराङ् हिन् सिनि सिमाक्याबा वे। हिन्सिनाङ् ङेराङ् रेवा किउइ खिरेकि मोवा यार डोसिन् ङेरे लाका तिवा फेलिन् डिउइ।
\v 16 तेमे खिरे सिना फार्केन् नेबासाङ् लेन ल्यामु तिवा श्येतुप् ङेसित् ज्येन्गि दासाला हुङिन् किरुप् लाका ङिराङ् ङाराङ् हिन् सिनि मिसिउइ।
\v 17 हिन्सिनाङ् ङाराङ् हिन् सिसिन् चावा ला राङ् ङा राङ् हिन् सिनि सिसित्।
\p
\v 18 चिला सिसिन् राङि राङ्ला ङाराङ् हिन् सिरुप् मि तिवा यार मोडोउइ चावा कि ङाराङ् हिन् सिक्याबु मि तिवा क्याजिक् यार डिउइ।
\c 11
\cl लिउ ११
\p
\v 1 ङे चेजक् राङ्ग्येल क्याबु तिवा खिरेकि खार्पा देनि बिन्सियाङ् दगे ज्यिक ङा नासाम् तोङु हिन्सिनाङ् खिराङ् खार्पा साङ देनि वे।
\v 2 चिला सिसिन् ङा कन्ज्यककि मिजेर ने ङा मिजे गाल्नि सिन्दु वे चिला सिसिन खिराङ् चिक्राङ् ख्योरुङ् तानि जान्दि क्यानि तेरुप् ज्येन्दि माक्याबु पुम पेजा दगेराङ चावाला ड्वप् ना क्याल्नि वे।
\v 3 हिन्सिराङ् रुलकि हाब्बाला राङि मेलेवा नेसुर् जुनाक् जोबु र क्यानि राङ् चावाला वतुप् खिरेकि चेङि सँवा तिवा चेङि मोवा तिवा नेसुर् खिरे सेम तिव थारे थोरि डिते सिनि ङाला जिवा लानि वे।
\v 4 चिला सिसिन् ज्येन सुजिङ् ह्वानि ङेरे श्येतुप् येसु सिना राङ्सा येसुदि श्येसुङ् क्यासिन् खिराङ् खार्पा ङेङ्ग्यिनक्।
\v 5 चिला सिसिन् ङा नासाम तोङिन् वे कि मि छ्ये तिवि ङेप्च्ये क्याबु हिन्सिन् ङा काङ्साङ् थुपु मेत्।
\v 6 हिन्सिनाङ् ताम किरुप्ला मालाबु वसिन् ङा रिक्पा मेश्येबु मेत् । ङेरेकि ताम तेरिक् नेसुर् खिराङ्ला छ्या ङेचिनि वे।
\p
\v 7 काङ ङे खिराङ्ला तुक राङ् लेन ल्यामु श्येनि खिराङ्ला यार तेङ्नि ङा मार पाम्नि ङे दिक्पा क्यासुङ्?
\v 8 ङे खिरे लाका किरुप्ला सिनि ज्येन क्ष्योछोक् नेसुर् लाङ्नि तिवि ठनि सोबु दगे छोर्सुङ्?
\v 9 ङा खिराङ् तानि वतुप्ला ङा तानि काङ्ज्यिगाङ् मेत् हिन्सिनाङ् ङा सि खुर्बु साङ् मागालु वे चिला सिसिन् ङा तानि काङ् ज्यिगाङ् मेतुप्ला माकेडोनिया नेसुर् ङाला बिन्सुङ् । तेरिक ताम नेसुर् खिरे खुर्बु ड्वप् नेसुर् थारे राङ् देतिन् ङा तिङ्ला साङ् खिरे खुर्बु मोडोद।
\v 10 ख्रिष्कि टेङ्बुकि ङे सिम्गि नाङ् वतुप्कि किसा अखैयाकि लुङ्बाला गा किरुप् ताम किरुप् ताम नेसुर् ख्ये मेदेउइ।
\v 11 चिला सिसिन् ङा खिराङ्ला ङिङ्ज्ये मिकिउइ? कन्ज्यकला छ्या वे ङा खिराङ्ला ङिङ्ज्ये किउइ सिनि।
\p
\v 12 हिन्सिनाङ् ङा काङ किइ वे तिङ्ला साक् तिराङ् किउइ। दुक किजि तिविकि लाका ताङ् अरे लाका चिक्राङ् हिन् सिरुप् तिवाला मार बेपक्यु।
\v 13 चिला सिसिन् दिनक मितावा जुनक ज्वप। लोमा तिवा मेलेवा लाका किुप् तिवा ख्रिष्टकि माज्या कोनि युकुप् तिवा हिन्।
\v 14 ताङ् दि तेरिक् याम्छेनकि ताम मिन् चिला सिसिन् शैतानकिसाङ् देवाचेनकि थु तिवि माज्या कोन्ग्यु।
\v 15 शैतानकि लाका किरुप् तिविकि दिक्पा मिकिबु तिवि माज्या कोन्सुङ् क्यासिन् दि याम्छेन लाङ्गुप् ताम राङ् मिन्। तिवि तिङ्मा ति तिवि लाका दगेराङ् गिउइ।
\p
\v 16 ङा लोङ्राङ् सिउइ ङाला सिकि साङ् ताम हाक मोकोबु मिसिसित् हिन्सिनाङ् खिरेकि ङाला तुक सिसिन् ङाला ताम हाक् मोकोबुराङ् सि तेमे ङा च्याज्यिक् हिन्सिनाङ् ङाराङ् हिन् सिथुप्सित्।
\v 17 ङेकि ङाराङ् हिन् सिक्याबु ताम् चावा दङ्ला ल्यामु मिन् हिन्सिनाङ ङाराङ् हिन् सिनि ताम किइ किउइ।
\v 18 बाङि मितिवा राङि जुबु सिनि ङाराङ् सिउइ तुक किसा ङासाङ् ङाराङ् हिन् सिउइ।
\v 19 चिला सिसिन् खिराङ् गा क्यानि ङा राङ् हिन् सितुप् तिवा तानि डिगु। तुक क्यानि खिरे राङि तिराङ् रिक्पा ल्यामु वे ।
\v 20 चिला सिसिन् लालि मि तिवा खिराङ्ला याक्पो जोसिन् खिराङ्ला ठोसित् खिराङ्ला सिना राङ्ला ल्यामु सिसिन् खिरे च्याङ्ला डाम्ज्याक ग्याप्सिन् खिराङ् खाराक्पा देकिनक् ।
\v 21 ङा ङछा क्यानि सिउइकि ङेराङ् ति तिसाङ् कि मुथुबु क्यानि ङार मेतुप् हिन्। हिन्सिनाङ सिसाङ् राङि ताम्ला ङार किसित् ङासाङ् ताम हाक मोकोबु दगे ताम किउइ ङाङ् ति ताम्ला ङार किउइ।
\v 22 काङ तिवा ति हिब्रु तिवा हिन्? ङासाङ हिन् काङ तिवाति इज्राएलि हिन्? ङासाङ हिन् काङ तिवा गिपा हिन्? ङासाङ् हिन्।
\v 23 काङ तिवा ख्रिष्टकि लाका किरुप् तिवा हिन्? ङा रिक्पा मेतुप् मि दगेराङ् ताम किउइ ङा तारुङ् ताम किउइ ङेकि तेरुङ् बाङि दुक्पा क्यानि वे तारुङ् बाङि चोन्खाङ्ला देनि वे ङो मुथुबु क्यानि तल्ग्याक सोनि वे श्येप् छालुप् नेसुर् ङा छ्यिमाल आला थार्नि वे।
\v 24 यहुदि नेसुर् ङेकि ताल्ज्येक् खाल्ज्यिक् ताङ् च्युरुक सोनि वे
\v 25 ङाला खेप्ससुम् लाकाम थनि दुसुङ्। ख्येप्चिक् ङाला दो थनि ग्याप्सुङ् तेमे खेप्सुम् ङा जेबु टु ति थारा थुरा जोसुङ् ङेकि नुप् चिक्ताङ् ङिमा चिक् ग्याम्छोला देनि वे।
\v 26 ङा बाङिराङ् डोइ किसिन् ग्याम्छोकि कुर्मेन् तिवि ङे राङि मि तिवि ज्यार्मा मिरिक तिवि ज्यिबि नाङ्ला देनि वे।
\v 27 लाका आला किरुप् ताङ् क्याबुला ङिमालगु नुप् तिवाला ल्हाबा ताङ् कम्बि नाङ्ला बाङि ङ्युङ्नेला ख्याबा ताङ् पेर्तुङ्बाला देनि वे।
\v 28 ति ताम ति सिनाङ् क्ष्योछोककि जिबि खुर्बु दि ङे खाला राङ् वे।
\v 29 सुतानि ङार मेत् सु तानि ङार वे? सु दिक्पाला लुङ्नि वे ङे सेम्गि नाङ्ला मे बार्नि वे।
\p
\v 30 ङे ङार् देक्राङ् गोक्यु ङे सेम्ला मोडोबु ताम तिवा सिरुप्ला ङार किउइ।
\v 31 चावा येसुकि कन्ज्यक ताङ् पापा सिति नाम्साङ् सँवा हुङ्सित् खोला छ्या वे ङेकि जुनाक् माजोवा वे।
\p
\v 32 दमस्कसकि ग्याल्बु अरितसकि छ्यला वतुप् छ्येन्दक तिकि ङाला जिम्बुप्ला दमसकसकि ग्यासाला तिवाला ज्याङ्नक्।
\v 33 हिन्सिनाङ् ङाला साम्कि कारुङ् नेसुर् फाजि नाङ्ला लुङ्नि ङाला मालिम्ला क्युर्सुङ् तेमे ङा तिवि लाक्ने श्योर्सुङ्।
\c 12
\cl लिउ १२
\p
\v 1 ङा गा क्यि राङ् गोक्यु, हिन्सिनाङ् दि नेसुर खाङ् साङ् खेप्साङ् मेत् । हिन्सिनाङ् चावाकि क्षार्स्यिला ङा नाम्साङ् ङ्येन्ग्यित ।
\v 2 ङेकि ख्रिष्टला तिङ्यकुप् मि ज्यिक्ला ङो स्येक्यु, खो ति लो च्युप्स्यि तङ्ला देवाच्येन् सुम्बा साक् तेङ्नी खुन् गाल्नी वे, जुबुला ताङ् जुबु मेता क्यानी राङ् ङाला क्षा मेत्, हिन्सिनाङ् कन्ज्यक्ला क्षा वे ।
\v 3 तेमे ङाला क्षा वे, ति मि ति जुबुला ताङ् जुबु मेता क्यानी हिन्, ङाला क्षा मेत्, हिन्सिनाङ् कन्ज्यक्ला क्षा वे ।
\v 4 खो ति देवाच्येन्ला तेङ्नी खुर्नि गाल्नि वे, तेमे खोकि सिसाङ् लाप् मुथुपुप् आला चेङि ताम् तिबा कोसुङ् ।
\v 5 ति मिकि थाका नेसुर ङा गा क्यिउ । हिन्सिनाङ् ङा राङ्गी ङार मेतुप् सिनाङ् राङ्सा ताम्ला गा मिक्यिउ ।
\v 6 ङेकि गा राङ् क्यिरुप् नासाम् क्यासिनाङ् ङा राङ्ग्याल् मिक्यित । च्यिले सिसिन् ङेकि हिन्दुप् ताम् क्यि वे । हिन्सिनाङ् सि साङ् ङा नेसुर थोङ्गुप् ताङ् कोतुप् ताम् दिबा सिनाङ् माङा ङाला नासाम् मोतोङ्स्यित् सिनि ङा गा क्यिरुप् नेसुर गेँ देक्यु ।
\v 7 याम्छेन् लाङ्दे क्षार्स्यि तबिकि क्यिसा ङा गा क्यिरुप् नेसुर खेँ देक्यु । तिकि क्यिसाला ङा ङाराङ् हिन् सिनि गा मिक्यि सिनि चाङ् ज्यिक् ङे जुबुला बिन्नी वे । ङा आला ङा राङ् हिन् सिरुप् मोडोस्यित् सिनि शैतान थाकाकि थु ङाला दुक्पा तेरुप्ला बिन्नि वे ।
\v 8 ङानेसुर दि चाङ् थेन् तेर्स्यित् सिनि ङेकि चावाला क्षिमाल सुम् गङ्बा स्युबिन् ।
\v 9 तेमे ङाला खोकि सिक्यासुङ् “ङेकि काट्रिन् ख्योरुङ्ला ग्याक्चे वे, च्यिले सिसिन् ङार् मेसाला राङ् ङार् थोङ्गीत ।“ तिकि क्यिसाला ख्रिष्टकि ङार ङे नाङ्ला देस्यित् सिनि ङा ङेकि ङार मेसाला राङ् गा क्यित ।
\v 10 तिकि क्यिसाला, ङा ख्रिष्टला सिनि ङार मेसाला, मिकि मोसाला, दुक्पा तिबाला, छेटाङ् हतुप् ठला ङा गा क्यिउ ।
\p
\v 11 ङा राङ्ग्याल क्यिरुप् च्युङ्नी वे, खिरेकि ङाला दुक् क्यि गोबु जोनि वे, च्यिले सिसिन् ख्यिराङ् नेसुर याङ् यार देक् गोबु जा । च्यिलेसिसिन् ङा खाङ् साङ मेतुप् हसिनाङ् ति तेरिग् सिनाङ् क्षे लोमा तिबा सिनाङ् ठा राङ् मेत् ।
\v 12 तेरिग् गुताङ्, ता तिबा ताङ् ङार् क्षे हतुप् लाका तिबानेसुर हुतुङ्की लोमा तिबिकि क्यिताङ् तिबा खिरे पार्ला क्षा तेन्नि वे ।
\v 13 ङा खिरे खुर्बु मेतुप् ताम् सिनाङ् राङ्सा चुक् क्यानि खिराङ् ज्येन् क्षोछोग् तिबा सिनाङ् ङ्युङ् को क्षेतुप् च्युङ् वेङ?” दि लाका ना ताङ्गुप् तिला तोङ्वा नाङ् ।
\p
\v 14 ल्होसा! ङा खिरे चाला क्षिमाल् सुम् हुङ्गुप् नासाम् ताङ्नी वे । खिराङ्ला सिनि ङा खुर्बु मुच्युङ्गु च्यिले सिसिन् ङाला खिराङ् तानि हतुप् तिबा ताम् तिबा मोगोउ । ङाला खिराङ् गोक्यु । च्यिला सिसिन् पुज्युङ्पुम् तिबिकि पापामामाला सिनि साँ मज्यकु । ति छापुला, पापा मामिकि पुज्युङ् पुम्ला सिनि सक् गोक्यु ।
\v 15 ङा खिरेकि उज्यकुप्ला सिनि आला गा क्यानि ज्येल्ज्यु । खाङ् ङेकि खिराङ्ला ङिङ्ज्ये क्यासिन् ङाला साङ् ङ्युङ् ङिङ्ज्ये ङेतुप्जा?
\p
\v 16 दिन्दक् हिन्सिनाङ् ङा खिरे खाला खुर्बु माच्युङ् । तेमे ङा च्याङ्से हतुप्कि क्यिसाला ङेकि राङ् जिनक जोनि खिराङ्ला दुक्पाला खेल्च्यिनि वे ।
\v 17 खाङ् ङे ताङ्गुप् मि लाला नेसुर् ङेकि खेप्साङ् थेन्नी वे?
\v 18 ङेकि गङ्बा स्युनि तितस तानि नुक् लालाला खिरे चाला ताङ्नी वे । खाङ् तितसकि खिराङ् नेसुर खेप्साङ् लासुङ्? खाङ् ङिराङ् साङ् दुक् क्यानि राङ् मायु? खाङ् ङिरे साङ् दुक् क्यानि राङ् गमाला मागाल्?
\p
\v 19 खाङ् दोजो साक् ङिराङ् खिरे चाला राङ्गि कला ल्येमु क्यानि स्येतुप्ला वे सिनि खिराङ् नासाम् तोङ्गु? कन्ज्यक्कि थोङ्दाङ्ला ङिराङ् खिराङ्ला राँबु जप्ला ताम् तेरिग् ख्रिष्टकि मिङ्ला लापिन् वे ।
\v 20 च्यिले सिसिन् ङा खिरे चाला हुङ्सीन् खिराङ्ला ङेकि नासाम्ला हतुप् दगे मेङ्येते सिनि ङा ज्यिबा क्यिउ । ङाला खिरेकि नासाम् ताङ्गुप् दगे मेङ्येते सिनि ङा ज्यिबा क्यित । त्ये स्या ग्याकुप्, मिजेर, ङेर्मा पुङ्गुप् लाका, राङ्ला तिराङ् खेप्साङ् हुङ्गुप् लाका, मिला मोतुप्, राङ्ग्याल्, ताङ् यारमार् क्यिते सिनि ङा ज्यिबा क्यित ।
\v 21 ङा खिरे चाला याङ् लोङ् ग्युर्नि हुङ्सीन् ङे कन्ज्यक्की ङाला खिरे चाला सेम् ज्यापु जेते सिनि ङाला ज्यिबा लासुङ् । तिन्दक् मि आला मेचेङा ताङ् श्याम्डेन् क्यिरुप्तिबा तेमे श्याम्डेन् क्यिरुप् नासाम् नेसुर सेम् माग्युर, तिबिकि क्यिसाला ङेकि दुङाल क्यि गोक्यिते सिनि ङाला ज्यिबा लाँगिनक् ।
\c 13
\cl लिउ १३
\p
\v 1 ङा खिरे चाला क्षिमाल सुम् हुङ्गिन् वे । “चुबु आत्तु तिरिग् थोङ्गुप् मि मेरा ङि, सुम्कि पार्ला चि गोक्यु ।“
\v 2 ङा क्षिमाल् ङि त्ये हतुप् ठला राङ् दिक्पा क्यिरुप् तिबा ताङ् ज्येन् तेरिग्ला सिन्वे, ङा याङ् लोङ् सितः ङा याङ् लोङ् हुङ्सीन् तिबाला मोतोङ्द ।
\v 3 खिराङ्ला ङा दि सित, च्यिले सिसिन् खिराङ् ङानेसुर ख्रिष्ट ताम् क्याबुकि ता छोल्ग्यु । खो ति खिराङ्ला ङार मेतुप् मेता ङार् क्षे हतुप् वे ।
\v 4 च्यिले सिसिन् खो ङार मेता च्युङ्नि राङ् ग्याङ्स्यिङ् लला काल्सीनाङ् कन्ज्यक्कि ङार नेसुर सेन्बु लासुङ् । च्यिलेसिसिन् ओरुङ् साङ् खोकि दङ्ला ङार् मेतुप् वे, हिन्सिनाङ् खिरे पार्ला ङिराङ् कन्ज्यक्की ङार नेसुर खोतानि मिजि क्योङ्गु ।
\p
\v 5 खिराङ् मोबाला वे ना मेत् सिनि राङ्गि राङ् ल्हो । येशु ख्रिष्ट खिरे मिजिला वे सिरुप् ति खिरेकि क्षा ङेनि मेत्? खो ति वे ति मिन्सियाङ् खिराङ्ला सेम्ला मालाङ्द ।
\v 6 तेमे ङाला क्षा वे, खिरेकि ङिराङ्ला सेम्ला मालाबु मेङ्येत ।
\v 7 खिरेकि खाङ् साङ् मेल्येबा मिक्यिउ सिनि ङिराङ् कन्ज्यक्ला मोबा क्यित । ङिराङ् खक्पा ल्हाप् नेसुर थार्नि वे सिनि क्षा सेन्दुप्ला ङा सवाँ मेदेप्त । तिकि छापुला ङिराङ् खक्पा ल्हाप् नेसुर माथारुप् दगे थोङ्सीनाङ् खिरेकि खाङ् ल्येमु नक्पे ति क्यि थुप्स्यित् सिनि ङिराङ् सवाँ देप्क्यु ।
\v 8 च्यिले सिसिन् ङिराङ् हिन्दुप् ताम्कि खाला लानि खाङ् साङ् क्यि मुथुप्त, तेमे हिन्दुप् ताम्गि कला तिराङ् क्यि थुप्क्यु ।
\v 9 च्यिले सिसिन् ङिराङ् ङार मेतुप् ताङ् खिराङ् ङार हतुप् हसिन् ङिराङ् गा क्यित । खिराङ् खाङ् क्येन् मेतुप् च्युङ्स्यित् सिनि ङिराङ् सँ देप्क्यु ।
\v 10 ङा थारे हतुप् ठला दि ताम् तिबा खिराङ्ला टिकिन् वे, च्यिले सिसिन् ङा खिरे चाला हसिन् ङिङ्ज्ये मेतुप् दगे क्यि मोगोस्यित् । ङेकि चावा नेसुर ङेतुप् ओङ्ज्येन् खिराङ्ला लेमु जप्ला थक् थुप्स्यित्, ह्रोँबुला मिन् ।
\p
\v 11 तेरि सिनाङ् तिङ्ला, नुक् तिबो गा क्यि! याङ् लोङ् ल्येमु जप्ला लाका क्यि, तेन्तेन् क्यि, तेरिग् डिङ्नि लोदिमु क्यानि देत् । तेमे च्याँबा ताङ् लोदिमुकि कन्ज्यक् खिराङ् तानि हुङ्गीत ।
\v 12 च्यिगि च्यिक्ला पुका चेङिकि गासो स्यु!
\v 13 मोबा क्यिरुप् मि तेरिग्की खिराङ्ला गासो स्युनि वे सिनि ताङ् वे ।
\v 14 चावा येशु ख्रिष्टकि काट्रिन्, कन्ज्यक्की ङिङ्ज्ये ताङ् थु चेङिकि डिक्जोम् खिरे पार्ला हुङ्स्यीता ।