See in Reader
550 lines
139 KiB
Plaintext
550 lines
139 KiB
Plaintext
\id ROM
|
|
\ide UTF-8
|
|
\h रोमि को पत्रति
|
|
\toc1 रोमि को पत्रति
|
|
\toc2 रोमि को पत्रति
|
|
\toc3 rom
|
|
\mt रोमि को पत्रति
|
|
\c 1
|
|
\cl लिउ 1
|
|
\p
|
|
\v 1 प्रेरित हुनुगु ला काताङ्गु ताङ् लेन लेमु लाकाकि कला राङ्सा ज्याकुप् पावल येशु खिष्टकि दास पावल,
|
|
\v 2 खोकि दाक्पि लुङ्तेम्बा तिबि तुज्ये तङलाराङ क्षो चेङ्गि ला सिक्यसबु लेन लेमु ति तिराङ् हिङ् |
|
|
\v 3 दि जुबु नेबा थेदुप् दाउदकि गिपा कि पुज्युङ् हिङ् |
|
|
\v 4 स्येप् नेबा सेन्बु लानि खोला थु च्येङ्गि थुनेवा कन्ज्यक ङार नेबा पुज्युङ् हिङ् सिनि सिक्याबु खो अरे चोवो येशु ख्रिष्ट राङ् हिङ्|
|
|
\v 5 खोकि मिनकि लला तेरि मिरिक तिबाला मोवा खाला ङेन्दुपकि कला अरेकि खोकि नेवा काट्रिङ् ताङ प्रेरित लाका ङेतुप् हिङ् |
|
|
\v 6 दि मिरिक तिवि तेपा खिराङ् येशु ख्रिष्ट कि हिदुपला का ताङ्गुप हिङ्
|
|
\v 7 दि लेङ् रोमला वतुप तेरिकला हिङ् कन्ज्यक ङिङ्ज्ये क्याबुप् मि चेङगि तिवाला का ताङ्गुप ह्ये |अरे कन्ज्यक ताङ चोवो ख्रिष्टकि काट्रिन ताङ् शान्ति खिराङ्ला होस्यित्|
|
|
\v 8 तङ्ला ङा खिरे कला येशु ख्रिष्ट नेबा ङा कन्ज्यकला थुच्यिछे सिवि,
|
|
\v 9 च्यिलासिसिङ् ख्यिरे मोवा तेरि जम्बुलिङ्ला सिक्याबु ह्ये | च्यिलासिसिङ् ख्यिरे मिन ङेकि चो लङिन किवि सिनि कन्जयक ङे साक्षि ह्ये | खोकि पुज्युङ् लेनलेमुला ङा ङे सेम् नेसुर तितानि खोकि सेवा क्यिवि|
|
|
\v 10 कन्ज्यक सेम नेसुर ङा खिरे चाला हुङ् थुप्सित सिनि नाम्लाङ् ङा मोपार क्यु
|
|
\v 11 ङा ख्यिराङ्ला ङेतप सेम किवि खाङ्सिसिङ् ख्यिराङ्ला राबु ज सिनि ङा खिराङ्ला खाङ् थु नेबा ङेदुप् बिङ् थुस्यित|
|
|
\v 12 ख्यिराङ् च्यिगि च्यिगला मोवा नेवा दाक्पि पार्ला प्रोत्साहित हुङु आला सेम् क्यि|
|
|
\v 13 ङे कि ख्यिरे चाला हुङ्गप सेम क्याबु ताम तिवा ख्यिराङ् राङ्सा हिङ् मिसिउ, तेमे ङा तारोङ्सा केङ् ज्यागु ह्ये| ङे कि लुबुप गैरयहुदि तिबि चाला दगेराङ् क्यानि ख्यिरे पार्ला साङ् डल्बा ङेतुप सेम क्याबु हिङ्
|
|
\v 14 ङा यहुदि तिबा ताङ् बिदेशि तिबा, रिक्पा वतुप तिवा ताङ् रिक्पा मेतुप ङिकार ला छ्याबा ह्ये|
|
|
\v 15 तुक्किसाला ङे नेसुर ङा ख्यिराङ् रोमला लेनलेमु सि थुप्सित|
|
|
\v 16 ङा लेनलेमु ताङ् क्यानि ङ्छा मिक्यु च्यिलासिसिङ् ति मोवा किरुप तिवा तेर्कि कला दि कन्ज्यक काटिन कि ङार हिङ्, तङला यहुदि तिवि कला यिन तेवा ग्रिक तिवाला हिङ् |
|
|
\v 17 च्यिलासिसिन दिलाराङ् कन्ज्यकि मोवा नेबा मोवाला थार्वा क्याबु ह्ये दिनक् टिबु नक् दिक्पा मेतुप तिवा मोवा नेवा राङ थार्कि ह्ये |
|
|
\v 18 च्यिलासिसिन तेरि भक्तिहिन ताङ मितिबिकि दिक्पानेबा कन्ज्यक ङेर्मा देवा च्येन नेसुर लेपुप ह्ये तिकि भक्तिहिनता नेबा हुतुङ् तिला रोके क्यानि ह्ये|
|
|
\v 19 दि कन्ज्यक नेबा अज्ञात हतुप कि किसाला ख्यिरेकि थोगुप्ककि किसाला|च्यिलासिसिन कन्ज्यकि ख्यिराङ्ला थोङचितु ह् ये| |
|
|
\v 20 च्यिलासिसिन जाबुलिङ्कि तङ् नेसुर राङ् खोकि मोथोङ्गुप तिवा थोङ्गुप गालु हिङ्| ति जोबु थोक तिनेबा बुजे क्याबु हिङ् | दि पक्ष तिबा ताङ् खोकि नाम्साङ ताम ज्योबु मेत्|
|
|
\v 21 ति तिबिकि कन्ज्यकला ङु सेनि साङ् तिबिकि खोला कन्ज्यक रुपला सोवा माबिङ्| तेमे तिवा दाक्दाक्पि सेम्ला कक्पु ग्युर्नि तेमे तिबिकि टेङ्बामेतुप सेमति नागतिङ्गि जोसुङ्| |
|
|
\v 22 ख्यिरेकि रिक्पा वतुप दाबि क्यासुङ्, यिन्सिनाङ् तिवा कक्पुला राङ् ग्युर्सुङ्|
|
|
\v 23 तिबिकि नाम्साङ नामोतुङु कन्ज्यक मोवा ला नातोङु मि ताङ् च्याजुङ्बा, काङ्बा लाक्पा स्यि हतुप तिवाला जेसुङ्|
|
|
\v 24 तुक्सिसिला, कन्ज्यककि तिवाला मेचेङ्बा कला तेममे तिवि पर्ला राङ तिवि जुबु लेमु मेङसित सिनि तिवि सेम्ला स्याम्डेङ् किरुप ताङ् ज्याकसुङ्।
|
|
\v 25 हुतुङला कन्ज्यकला मिदुला ज्येप ताङ् नाम्साङ् सोवा बुल गोबुप ला सोवा बुलुप ताङ्नि जोबुप तिवि लाका किरुप ति ख्यिराङ् राङ् हिङ्|
|
|
\v 26 तुक्यिसाला कन्जयककि तिवाला ङछा लङ्दे अभिलासा तिबा ताङ्ताङ्सुङ् च्यिलासिसिङ् तिवि पुमा तिवि प्राकृति स्वभाव ला प्रकृति बिरुद ला अस्वभाविक लाका तानि ज्येसुङ् |
|
|
\v 27 तुक्किसाला, ख्यक्पेजा तिबि साङ् पुम्पेजा तिबि स्वभाविक लाका तिवाला ताङ्सुङ्, तेमे दाक्पु दाक्पु ताङ स्यमडेङ् कि छिक्सुङ्| ख्यक्पेजा तिवा ताङ् स्यामडेन लाका तिवा क्यासुङ् तेमे तिवि भ्रष्टता दगेराङ् दण्ड ङेतुप ख्यक्पेजा तिवा राङ हिङ्|
|
|
\v 28 तिवि सजगता ला साङ् तिविकि कन्ज्यक हतुपला सहमत माक्याबा खोकि तिबाला तिवि अनुचित ताम किरुपला भ्रष्ट सेम्लाराङ् ताङ् ताङ्सुङ्|
|
|
\v 29 तिबा अधार्मिक्ता, पे, हाम्बा, तेमे देश कि केङ्नि नक| तिबा आरिस, सेतुप, खादा, कोल ज्यितुप ताङ् सेम मेलेबा नक|
|
|
\v 30 ख्यिराङ मि ताम किरुप, निन्दा किरुप तेमे कन्ज्यकला क्युक्ट किरुप तिबा हिङ्| तिबा ज्यिबा लाङ्दे ङाराङ् हिङ् सिरुप ताङ् अहङ्कारि नक्| तिवा दुष्ट थोक तिबि अविष्कार तिबा हिङ् तेमे दाक्पि पापा मामि खाला मेङेन्बुप हिङ्|
|
|
\v 31 तिबिति सेम मेत, तिबा खाला मेङेन्दुप, ह्ये| स्वभाविक ङिङ्ज्ये मेतु, तेमे कृपारहित ह्ये|
|
|
\v 32 तुक्किरुप तिबा स्येप दगेराङ् हिङ् सिरुप ति कन्ज्यक कि ठिम ख्यिराङ्ला छ्या ह्ये| तेमे तिबा दि थोक तिक्या किरुप हिङ्,”तिवा तुक्किरुप तिवा ताङ क्यानि टोकिरुप नक्|
|
|
\c 2
|
|
\cl लिउ २
|
|
\p
|
|
\v 1 तिकि किसाला खिराङ्ला बाहाना म्यात। ए मिताबा खिराङ् सिकि ठिम तिबे ख्योरुङ् ज्यान्ला खाङ्ङि कला मेकेबा सि ख्योरुङ् दाक्पुङ् तिलाराङ् मेलेबा डिउ। चिला सिसिन क्योरुङ् ठीम किरुप् तिकि साङ् तिराङ् यक कउ।
|
|
\v 2 हिन्सिराङ् दिनाक् याक् किरुप् तिबि खाला कन्ज्याक् कि ठीम् किसिन् हुतुङ्कि ल्यामु क्यानि किउ सिनिते ओरुङ्ला छ्या हये।
|
|
\v 3 ए मि तिबा, ख्यरे साङ् कतिराङ् किउ ख्यारेकि दि ताम् तिबा किरुप्ला ठीम् किउ। खाङ् ख्योरुङ् कन्ज्यक् कि ठीम् सेरुर टो थुक्युर?
|
|
\v 4 ना ख्योरुङ् खोकि लाक्पि कि पेनिडप् क्यानि हतुप्, खोकि दुताक्ला रिबा किरुप, ताङ् खोकि गुताक्ला मेलेबा सि? खाङ् खोकि काताङ्ङु ति खिराङ्ला ग्युर्वा नेबा टिक्यु सिरुप्ति छ्या माङ्ङे?
|
|
\v 5 तेमे खिरे क्योङ्बु सेम् ताङ् ग्युर्वा किमुथूपु सेम्कि किसाला खीरेकि ङेर्मा लाबु ङिमा ताङ् कन्ज्याक्कि दिकपा म्यातुप्ला डेलुप ङिमाला सिनि दिताक् र्हुनिते ज्याकिप हये।
|
|
\p
|
|
\v 6 कन्ज्यक कि तेरिक्ला तिकि दाक्पि याक् क्याबु ल्हानिते तेर्क्युः
|
|
\v 7 नाम्लाङ् नाम्लाङ् ल्यामु यक् किदाङ् सोवा, स्यावा, ताङ् मिजि छोलुप् तिला कन्ज्यक् कि खोकि नाम्लाङ् मिसिबु मिजि तेर्क्यु।
|
|
\v 8 तेमे दाक्पुला क्याजिक् ल्यामु छोलुप्, हुतुङ्कि ताम्ला मेङेदुप् तेमे दिक्पा किरुप्ला ट्यामु किरुप् तिबि खाला दिताक् ताङ् ङ्यार्मा छेदि स्योरक्यु।
|
|
\v 9 कन्ज्यक कि मेलेबा यक् किरुप् तेरिक मि तिबाला दिक्पा खूङ्ङु, तङ्ला यहुदि तिबि खाला तेमे ग्रिक तिबि खाला।
|
|
\v 10 तेमे ल्यामु याक् किरुप् तिबाला सोवा, स्यावा, तेमे किर्मि तेर्क्यु, तङ्ला यहुदि तेमे ग्रिक तिबिला।
|
|
\v 11 चिला सिसिन् कन्ज्यक् कि सुलाङ् छ्अ मिकिउ।
|
|
\p
|
|
\v 12 चिला सिसिन् चोकि ठिम सिना उला दिक्पा क्याबु हये तिबा ठिम् सिना फिनेसुर्राङ् नाडिउ तमे ठिम् नेसुर दिक्पा किरुप् तिबा, तिबा ठिम् सेसुर्राङ् दिताक् थेप्क्यु।
|
|
\v 13 चिलासिसिन कन्ज्यक कि चाला दिक्पा हतुप तिबाति ठिम ङेदुप् तिबा मिन्, कन्ज्यक् कि ठिम्ला देतुप्तिबा हिन्।
|
|
\v 14 चिला सिसिन् यहुदि सिना ज्यान तिबा तानि ठीम म्यात्, तिबिकि दाक्पि किताङ् नेसुर राङ् ठिम् कि यक् तिबा किउ। तिबा खप्राङ् दाक्पुराङ्ज ठिम हिन।
|
|
\v 15 तिकि किसाला ठिम् ला गोबु ताम तिबा तिबि सेम्ला टिनिते हये सिरुपति छ्या ङेक्यु। तिबि रिक्पा कि साङ् तिबाला हतुप्कि ताम् सिउ तेमे तिबि दाक्पि सेम् नेसुर तिबा दाक्पिला राङ् आब्गाल् जुक्यु मिन्सिन् गुबा किउ।
|
|
\v 16 तेमे कन्ज्क् तानिसाङ् दिराङ् ताम डिगु। ति ङे लेन् ल्यामु दगे येशु ख्रिष्ठ नेसुर कन्ज्याक् कि तेरिक् मितिबिकि नाङ्ङि ताम् तिबितिङ् ठीम् क्यानि तेर्क्यु।
|
|
\p
|
|
\v 17 मानौ, ठीम ला ङेबुल् क्यानिते ख्योरुङ् दाक्पुला यहुदी सिउ, कन्ज्याकतानि देवाचन् ला छ्याजिक् गा किउ,
|
|
\v 18 खोकि लापु तिबा मेसेउ तेमे ठिम कि लापु तिबा सेनिते त्यासुर राङ्सा ङेतुप् ताम् तिबा ल्हेउ
|
|
\v 19 मानेकि, ना ख्युरुङ् मिक् मोथोङुप दिबि छ्ये हिन्, तेमे नाक्तिङ्ङि नाङ्ला हतुप् तिबिकि टाक् हिन्,
|
|
\v 20 किबाला ल्यामु जप्, पेजा तिबिति ल्होला हिन्, तेमे ख्योरुङ् तानि ताम् ताङ हिन्दिप् कि ताम् तिबा ति ठीम् ला हये।
|
|
\v 21 तेमे ख्योरुङ् ज्यान्ला लोपु तिकि, खाङ् ख्योरुङ् दाक्पुला ति मोलोपु? ख्योरुङ् कुन् माकि सिनिते लोपुतिकि, खाङ् ख्योरुङ् राङ् कुन् किउ?
|
|
\v 22 ख्योरुङ् स्याम्दडेन् माकि सिनिते लोपु तिकि, खाङ् ख्योरुङ् राङ स्याम्डेन् किउ? ख्योरुङ् कु तिबाला मार्च्याक् किरुप तिकि, खाङ् ख्योरुङ् राङ् ल्हा खाङ् तिबा ज्योम्ग्यु?
|
|
\v 23 ख्योरुङ् कन्ज्यक् कि ठीम् ला देवाचेन्ला गा किरुप् तिकि, खाङ् ख्यरेकि ठीम् ला मादेबा कन्ज्याकि मार्च्याक् किउ?
|
|
\v 24 चिला सिसिन टोबु हये, “खिरेकि किसा कन्ज्याक् कि मिन् याहूदी तिबि पार्ला डेन् माक्याबु हये।
|
|
\p
|
|
\v 25 तोजो खिराङ् ठीम् ला देदुप् हिनसिन् हुतुङ्राङ् खतना कि खीराङ्ला ल्यामु जेउ, तेमे खिराङ् ठिम् ला मेदेपु तिबा हिन्सिन्, खीरे खताना क्याबुना माक्याबु चिक्पाराङ् डउ।
|
|
\v 26 तेमे खताना माक्याबु मि कि ठिम् ला साबु दगे क्यासिन्, खाङ् तिकि खतना माक्याबुति क्याबु दगेराङ् डिग र?
|
|
\v 27 ति खताना माक्याबु तिकि ठीम् ला याक् किसिन् खाङ् तिकि खयोरुङ् ला दोश मुकुउ र? खीराङ् तानि टिबु छ्यो ताङ् खतना हतुप हिन्सिराङ् खिराङ् ठीम् ला मेदेबुकि किसाला दिक् साबु हिन।
|
|
\v 28 चिला सिसिन् फिनेसर कयाजिक् याहुदी थोङ्ङुप् तो यहुदी मिन्, ना फिकि जुबु ला क्याजिक् क्याबु खतना तिङ् खताना क्याबु मिन।
|
|
\v 29 तेमे दि नाङ्नेसुर राङ् खताना क्याबुतिराङ् याहुदी हिन् तेमे हिगिला मिदाला थूचेङ्ङे नेसुर सेम्गि खतना ति राङ् खतना हिन्। दिक् मि तिबि मोवा मितिबा नेसुर् मिन, कन्ज्याक् नेसुर गिउ।
|
|
\c 3
|
|
\cl लिउ 3
|
|
\p
|
|
\v 1 तिनाक् हिन्सुन यहुदी तिबाला खाङ् ल्यामु हये? तेमे खतना कि ति खाङ् फाइदा हये?
|
|
\v 2 दि हरतरहकि बोबु हये। तेर्सिना तङ्लाया कन्ज्यक् कि मोवा यहुदी तिबाला बिदुप् नक्।
|
|
\v 3 चिलासिसिन यहुदी तिबा रेत्पा कि थूपुप् मेसिनाङ् खाङ् किरुजा? खाङ् तिबि कि रेत्मा माक्यासिन् कन्ज्याक् कि रेत्पाला मिन् सिरुप् जो थूक्यु र?
|
|
\v 4 दिन् नाम्लाङ् मङ्सित्। दिकि दासा, मितिबा तेरिक् जुनक्पा गाल्सिराङ् कन्ज्क् नाम्लाङ् हतुपकि ताम्ला थेप्सित्। दिनक् टिबु हये, “ख्योरुङ्ला दक्पि सुङ् तिबाला दिक्पा मेतुप् थोङ्सित्, तेमे ठिम् किरुप् कि ङिमाला हुङ्ङु तुजेला ख्यरेकि ग्यालुप् हसित्।“
|
|
\p
|
|
\v 5 हिन्सिराङ् ङिरे दिक्पाकि किसाला कन्ज्याक् ला दिक्पा म्यात्पा थोङ्सिराङ् खाङ् दि कि थूकिरा? कन्ज्यक् कि खोकि ङेर्मा छ्यादेदुप् कि तुजेला खो दिक्पा मेतुप् म्याङ्ङु, ना खाङ् दिक्पा हतुप् गिउ र? ङा मि कि सिरुप् दगे क्यानिते ताम् कि हये।
|
|
\v 6 नाम्लाङ् दिनक् म्याङ्सिन, चिला सिसिन् दिनक् गाल्सिया कन्ज्यक् कि च्युक् क्यानिते जाम्बुलिङ् ला ठिम् कि ते?
|
|
\v 7 तेमे ङे मेलेबा ताम् नेसुर कन्ज्याक् कि हुतुङ् कि ताम् थनि खोला सिनिते बाङ्ङि मोवा बिन्सिन् ङाला हरोङ् चिला दिक्पा हतुप् कि तिबाला दगे ठिम् कि?
|
|
\v 8 चिला मिसि, ङिराङ्ला च्युक्यानिते मेलेबा आब्गाल कुकि, तेमे लाला तिबिकि छ्या देन्ग्यु, ना ङिराङ् सिउ, “मेलेबा याक् कि, तेमे ल्यामु हुङ्सित्” खिराङ्ला बिदुप् ठिम् उचित हये।
|
|
\p
|
|
\v 9 तुक् हिन्सिन् खाङ्? खाङ् अरेकि ओरुङ्ला राङ् ल्यामु कि हये ते? तिनक् म्याङ्सित्! चिला सिसिन यहुदी ताङ् ग्रिक तिबा तेरिक् दिक्पा कि हक्ला हये सिनिते अरेकि साबु हये।
|
|
\v 10 दिनक् टिबु हये, “दिक्पा म्यातुप सुङ् म्यात्, दक्पु च्यिक् याङ् म्यात।
|
|
\v 11 हाक् कोतुप् तिबा सुङ् म्यात्। कन्ज्यक् ला चोलुप् ति सुङ् म्यात्।
|
|
\p
|
|
\v 12 तिबा तेरिक् टोनिते गालुप् हये। तिबा तेरिक् छ्याजिक् कोमेछेबु गालुप् हये। ल्यामु किरुप् तिबा दक्पिच्यिक् म्यात् हतुङ् म्यात।
|
|
\q
|
|
\v 13 तिबि मितातिबा खापेनिते हतुप् तुर्सा हिन्। तिबि च्यालाक् कि जुनक् किउ। तिबि च्युप्तक् तिबाला रुल् कि तुक् हये।
|
|
\q
|
|
\v 14 तिमि खा तिबा मता ताङ् खाक्तिङ्बा कि क्याङ्ङुप् हये।
|
|
\q
|
|
\v 15 तिबि काङ्बा तिबा टाक् स्याल् जितुप्ला खामु हये।
|
|
\q
|
|
\v 16 ना तोङ्ङु ताङ् दुक्पाकिरुप् तिबि लाम् खाङ् हये।
|
|
\q
|
|
\v 17 दि मितिबिकि किर्मु कि लाम् तिबा ङो सेबुराङ् म्यात।
|
|
\q
|
|
\v 18 तिबि मिक्मा कन्ज्याक् कि जिबा म्यात्।
|
|
\p
|
|
\v 19 ता ओरुङ् सेक्यु, ठीम् कि खाङ् सिबे ति ठिम् ला देतुप् तिबाला राङ् सिनिते सिउ। दि तेरिक् खा तिबा उम्निते ज्यक्सित् सिनिते हिन्, चिला सिसिन् जाम्बुलिङ् कि तेरिक्कि कन्ज्यक् ला छिक् लक्थूसित् सिनिते।
|
|
\v 20 खो कि मिक्ला ठिम् कि याक् नेसुर मि तिबा चिनतिङ् दिक्पा म्यातुप् मेतुप् कि किसाला दिनक् गालुप् हिन्। चिला सिसिन् ठीम् नेसुराङ् दिक्पा कि रिक्पा गिउ।
|
|
\p
|
|
\v 21 तेमे ता फेन्नेसुर ठिम मेताराङ् कन्ज्यक् कि दिक्पा थोङ्ङु। दिला ठीम् ताङ् लुङ्देन्बा तिबिकि छ्यातेदुप् हये,
|
|
\v 22 तेमे दि रेत्पा किरुप् तेरिक् ला सिनिते येशु ख्रिष्टला मोपार् नेसुर हुङ्ङुप् कन्ज्यक्कि दिक्पा म्याता हिन्। चिला सिसिन त्या सुलाङ् मेपेउ।
|
|
\v 23 चिला सिसिन तेरिक्कि दिक्पा क्याबु हये तेमे कन्ज्याक् कि सोवा साक् ख्योल् माथुप्।
|
|
\v 24 ख्रिष्ट तानि हतुप् डोल्ज्याङ् कि किसाला तिबा खाङ् माच्याल्बा दिक्पा म्यातुप् च्युङ्ङु।
|
|
\v 25 चिला सिसिन कन्ज्याक् कि येशुकि ठाक्ला रेत्पा क्यानिते सेम् ग्युर्वा किथूपु ला सिनिते खोला बिन्सुङ्। खोकि गुताङ्ला तङ्ला क्याबु दिक्पा तिबा ला ताङ्निते खोकि ख्रिष्ट्ला दाक्पि ठिम् कि प्रमाण सिनिते ओरुङ्ला बिनसुङ् बिन्सुङ्।
|
|
\v 26 हादा ति दिबा तेरिक् खोकि दिक्पा म्यात् सिनिते छ्यादेदुप्ला च्युङ्ङु हिन। खाकि दाक्पुलाराङ् ठिम् किरुप् सिनिते ङोसेबा किसित् तेमे खोकि येशू ला रेत्पा क्यासिमा सुलाङ् दिक्पा म्यात्पा जेउ सिनिते छ्या देदुप्ला दिनक् गाल्सुङ्।
|
|
\p
|
|
\v 27 ङाराङ् हिन् सिनिते खेनि सिरुजा? दिलानि थेदु (हटाको) हये। खाङ्ङि कला? याक् तिबि कला? मिन्, रेत्पा क्याबुकि काला हिन।
|
|
\v 28 तेमे ओरुङ् निचोडला गिउ, मि सुसाङ् ठिम् कि याक् माक्याबाराङ् रेत्पा क्याबु जिक्लाराङ् दिक्पा म्यातपा च्युङ्ङु।
|
|
\v 29 ना कन्ज्याक् ति यहुदितिबिति क्याजिक् कन्याक् हिन्ते? खाङ् खो ति यहुदि सिना ज्यान मितिबिति कन्ज्याक् मिन्ते? हिन्, खो यहुदि तिबा सिना ज्यान् तिबोतिङ् कन्ज्यक् हिन्।
|
|
\v 30 हुतुङ्राङ् कन्ज्यक् दक्पु च्यिक् क्याजिक् हिन्सिन् खोकि खतना क्याबु तिबाला रेत्पा नेसुर् दिक्पा मेतप् जेउ, तेमे खतना म्याक्याबु तिबालाङ् रेत्पा नेसिर्राङ् दिक्पा मेतुप् जेउ।
|
|
\v 31 तेमे खाङ् अरेकि रेत्पा थनिते ठिम् ला रद्द किउ ते? नाम्लाङ् दिनक् मुच्युङ्सित्! तिसिना ङिराङ् ठिम्ला नाम्लाङ् कि लागि सेन्बु ज्यकु।
|
|
\c 4
|
|
\cl लिउ 4
|
|
\p
|
|
\v 1 ता अरुङ खाङ् सिरुप ज्या? अरे पापा ऊब्राहाम जुबु दगेराङ क्यानि खाङ् ङेसुङ्?
|
|
\v 2 ते उब्राहाम लाका नेवा दिक्पा मेतुप ग्युरुप यिन्सिन तिकि ङाराङ हिङ् सिरु नक्, तेमे कन्ज्यक दङ्ला या मिङ् |
|
|
\v 3 च्यिलासिसिङ् क्षोखाङ् कि सिवि खाङ्? “अब्राहामकि कन्ज्यकला मोवा क्या, तेमे दि तिकि थक्ला दिक्पा मेतुप ङोसुङ्|”
|
|
\v 4 ता सि लाका किहे, तिकि ज्यालाकि काटिन कि कला मोङोइ, तेमे ङे गोवुप तामला ङोक्यु|
|
|
\v 5 तेमे तिकि कला सि लाका मिकिवे तेमे तिकि दासाला दिक्पा किरुप तिवाला दिक्पा मेतपला मोवस किवि, तिकि मोवाला दिक्पा मेतुप् ङोक्यु|
|
|
\v 6 दाऊदकि लाका माक्याबा राङ् कन्ज्यककि दिक्पा मेतुप ला ङोबुप मिला मलाम घोषण किवि|
|
|
\v 7 तिकि सिक्या, “ति धन्य हिङ् तेमे सि दिक्पा तिबा ऊबु ह्ये|”
|
|
\v 8 ति मि धन्य हिङ्, तिकि कला कन्ज्यककि दिक्पाकि लेखा मज्यगु|”
|
|
\v 9 ता ति मलाम खाङ् च्येताङ् वतुप तिवि क्या हिङ्ना ति च्येताङ् मेतुप तिवि साङ् हिङ्? च्यिलासिसिङ् अरेकि सिवि, अब्राहमकि थक्ला मोवा दिक्पा मेतुप कि कला ला ङोसुङ्|”
|
|
\v 10 तुक हिङ्सिन दि च्युक क।यानि ङोसुङ्? अब्राहम च्येताङला वसिन ना च्येताङ्ला मेतुप? दि च्येताङला वतुप हिङ्|
|
|
\v 11 अब्राहमकि च्येताङ् ता ङेसुङ्| ति मोवाकि दिक्पा मेतुप ज्ये हिङ्| ति खो च्येताङला मेतु तुजे ला राङ ङेतुप हिङ्|ति तिकि परिणाम ति तिविकि च्येताङ्ला हसिनाङ् ति मोवा किरुप तेरिक कि पापा हिङ्|दि सिक्याबु ति दि हिङ्, कि ति दिक्पा मेतुप तिवि थक्ला दिक्पा मेतुप ङोसुङ्|
|
|
\v 12 दि सिक्याबुप ति दिराङ् हिङ् अब्राहम च्येताङ् नेवा लेपुप तिवि कला क्याबु मिन, तेमे अरे पापा अब्राहम कि कदम तिङ्यकुप साङ् पापा ग्युर्सुङ् |तेमे तिवा च्येताङ्ला मेतुप तुजे ला राङ् तिताङ्। क्यानि मोवा हदु नक।
|
|
\p
|
|
\v 13 च्यिलासिसिन अब्राहम ता तिवि पेजा तिवाला विन्दुप का तिवा, तिवा जाम्बुलिङ्कि ऊतरधिकार हिदुप प्रतिज्ञा कि ठिम नेवा विन्दुप मिन्|बरु ति मोवाकि दिक्पा मेतुप नेबा हिङ्|
|
|
\v 14 च्यिलासिसिङ् दि ति ठिम तिवि हिङ् सिसिन् मोवा क्याबु मि काङ् मेतुप जोसुङ् तेमे का तिला नाताङ्सुङ्|
|
|
\v 15 च्यिलासिसिङ् ठिमकि ङेर्मा खुङ्गु, तेमे ते खाला मेङेन्तुप मेत् |
|
|
\v 16 दुक्किसाला दिद मोवा नेवा गिवि तेमे दि काटिन नेवा वुङ्सित परिणाम स्वरुप प्रतिज्ञा तेरि पेजातिवि थक्ला निश्चित ह्ये | तेमे दि पेजातिवि कि ठिम सेदुप तिवाला क्या मिन तेमे ति अब्राहम मोवा नेबा लेपुप तिवालाङ समेटे क्याबु ह्ये| च्यिलासिसिङ् ति अरुङ तेरिकि पापा हिन|
|
|
\v 17 च्येन्दक टिबुप ह्ये,”ङा ख्योरुङ्ला बागि मिरिक तिवि पापा जोबुप हिन|”अब्राहम दाक्पि भरोसा क्याबु कन्ज्यककि ऊपस्थिति ला नोक, तिकि स्येप तिवाला मिजि तेर्किवि तेमे अस्तित्वला मेतुप थोक तिवाला अस्थित्वला खुङ् थुक्यु |
|
|
\v 18 अब्राहम दि तेरि फिकि बाबजुदला साङ कन्ज्यकला भरोसा क्यासुङ् | तुक्किसाला खो बाङ्गि पेजा तिवि पापा ग्युर्सुङ्|
|
|
\v 19 खो मोवाला ङार मेतुप| यिन्सिनाङ् अब्राहम पेजा मुथुपुप नक| च्यिलासिसिङ् अब्राहम एक सय बर्ष कि नक|सारा साङ् पेजा क्ये मुथुपुप् नक् |
|
|
\v 20 कन्ज्यक का किकिसाला अब्राहम मोवाला ङार मेतुप दगे मागाल।तेमे मोवाला बलियो गाल्नि अब्राहम कि कन्ज्यकला सोवा बुल।
|
|
\v 21 चोवोकि खाङ् सिक्याबुप ह्ये खोकि तेरि ककि थुक्यिह्ये।सिनि अब्राहमला मोवा नक्।
|
|
\v 22 तुक्किसाला तिकि थक्ला दिक्पा मेतुप् ङोसुङ्।
|
|
\p
|
|
\v 23 ता ति खोकि भलाइकि कला ङोबुप मिन।
|
|
\v 24 दि तेरिक कला साङ् सिक्याबुप हिङ्, सिनि कला दि ङोबुप हिङ्, तेरिकि दाक्पि येशु चावाला स्येप नेवा सेन्बु जोसुङ् तिवा मोवा क्यि ह्ये|
|
|
\v 25 दि तिराङ हिङ् अरे दिक्पाकि तक्ला बिन्दुप हिङ्। तेमे अरुङ् तेरिला मिजि तेरुपला हिङ्।
|
|
\c 5
|
|
\cl लिउ 5
|
|
\p
|
|
\v 1 ओरुङ् रेत्पा क्यासिमा दिक्पा मेतुप् हुङ्ङुप् कि किसाला अरे चावा येशू ख्रिष्ट नेसुर ओरुङ् कन्ज्यक् तानि किर्मुला हये।
|
|
\v 2 अरेकि खोला रेत्पा क्यापुकि किसाला दि ङिङ्जे अरेकि ङेतुप् हये। ङिराङ् कन्ज्यक् कि साला तेरुप् ताम् ताङ् तेमे ओरुङ् कन्ज्यक् कि मोवाला ङिराङ् छ्यारुप ङेक्यु सिनिते गा गाठा किउ।
|
|
\v 3 ति क्याजिक् मिन् ङिराङ् अरे दुक्पालाङ् गा किउ। ङिराङ्ला छ्या हये दुक्पिकि जेथूपु जेउ।
|
|
\v 4 जेताकिथुपा तिकि दिग्ज्यिक्यु तेमे डिक्सिमा साला कि ङिमाला रेत्पा खूङ्ङु।
|
|
\v 5 दि रेत्पाकि दुक्पा कि मिजिउ, चिला सिसिन् ओरुङ्का बिदुप् थू चेङ्ङे नेसुर कन्ज्यक् कि ङिङ्जे अरे सेम्ला पुबु हये।
|
|
\p
|
|
\v 6 चिला सिसिन् ङिराङ् आमोछ्योबु हतुप् तुजेलाराङ् ख्रिष्ट दिक्पा हतुप् तिबाला सिनिते सि गोबु तुजेलाराङ् स्यिसुङ्।
|
|
\v 7 दिक्पा मेतुप् मिला सिनिते दिक्पिकि लाला सिउ। आथाबा मि ल्यामु चिगि कला लाला क्याजिक् स्याप्ला सेम् किरुप् नक्।
|
|
\v 8 तेमे कन्ज्यक्कि ओरुङ्ला सिनिते खोकि दाक्पि ङिङ्जे छ्यादेन्ग्यु, चिला सिसिन् ओरुङ् दिक्पाला हतुप् तुजेलाराङ् ख्रिष्ट ओरुङ्ला सिनिते सिसुङ्।
|
|
\v 9 हादा ओरुङ् खोकि ठाक् कि किसाला हारोङ् आला दिक्पा म्यात्पा गालुप् हये, तेमे ओरुङ् खोकि ङ्यार्मा लाङ् मोस्योरु। मोस्योरु।
|
|
\v 10 अरे पार्ला डे हतुप् तुजेला राङ् ओरुङ् तेरिक्ला कन्ज्यक् कि पुज्युङ् नेसुर छ्याजिक् डिक् चिसुङ्; डिक्सिला खोकि मिजि नेसुर ओरुङ् ला हारोङ् आला थार्वा बिन्सुङ्।
|
|
\v 11 दिजो ज्यिक् क्याजिक् मिन्, ओरुङ् ङिरे चावा येशु ख्रिष्ट नेसुर कन्ज्यक् खाला गा किउ, त्यासुर ङीरेकि दि डिक्सा ङेतुप् हये।
|
|
\p
|
|
\v 12 तिकि किसाला, मि च्यिक् नेसुर जाम्बुलिङ्ला दिक्पा लेप्सुङ्, तेमे तुक्राङ् क्यानि दिक्पा नेसुर सिवा हसुङ्। तेमे सुवा तेरिक् मि साक् ख्योलसुङ् चिला सिसिन मि तिबा तेरिक्कि दिक्पा क्यासुङ्।
|
|
\v 13 चिला सिसिन ठीम मेतुप् कि तुजेलाङ् जाम्बुलिङ् ला दिक्पा हतु नक्, हिन्सिराङ् ठीम् मेसिमा दिक्पि कला लेखा मेत्।
|
|
\v 14 तेमे आदम नेसुर मोशा साक् तेमे आदम कि दगे ताम् मेङेदुप् कि दिक्पा मिकिरुप् तिबि खालाङ् सिवा कि ग्याबु क्यासुङ् हुङ् गोबुतिङ् तिकि ङोदोङ् राङ् हिदुप् नक्।
|
|
\v 15 हिन्सिराङ् दि ति तोजोराङ ङेतपा दिक्पा दगे मिन्। मि च्यिगि दिक्पाकि किसाला आला सिसुङ्, कन्ज्याक् कि ङिङ्जे कि हारोङ् आला क्यासुङ् तमे मि दक्पु च्यिक् मिन्सिन् येशू ख्रिष्ट कि ङिङ्जे कि किसाला हुङ्ङुप् मालाम् आला मितिबाला बाङ्ङि च्युङ्सित्।
|
|
\v 16 चिला सिसिन ङेत्पाति दक्पु चिगि दिक्पा क्याबु दगे मिन्। छ्या चिक्ला दक्पु च्यिगि दिक्पा क्याबु कि किसाला दन्ड कि ठिम् लेसुङ्। ज्यार्ला छ्यला, तिजोराङ् ङेत्पा आला दिक्पा किरुप् तिबालाङ् दिक्पा म्यात्पा जब्कि ठिम् लेसुङ्।
|
|
\v 17 दक्पु च्यिगि दिक्पा क्याबुकि किसाला सिवाकि ग्याल्बु क्यासुङ्, ङिङ्जे, ताङ् दिक्पा म्यात्पा कि मलाम् बाङ्ङि ङेता किरुप् तिकि दक्पु च्यिक् येशू ख्रिष्ट कि मिजि नेसुर हारोङ् आला ग्याल्बु किउ।
|
|
\p
|
|
\v 18 दिक्क्यानि मि च्यगि दिक्पा नेसुर मि तिबा तेरिक् दुताक् ला स्योर्सुङ् तेमे मि च्यिगि यक् ल्यामु या दिक्पा मेतुप् कि याक् क्याबि कि किसाला मि खाला दिक्पा टाल्निते गालसुङ्।
|
|
\v 19 मि च्यिगि मेलेबा दिक्पा मेतुप् यक् क्याबुकि किसाला मि आला ला दिक्पा मेतुप् जोसुङ्, तुक्राङ् क्यानि ते मि च्यिगिकि ताम् ङ्यादुप् किसाला मि आला ला दिक्पा हतुप् जेउ।
|
|
\v 20 तेमे खनाक् छार्सित सिनिते ठीम् लेसुङ्। तेमे खेनि दिक्पा आला गाल्सुङ् त्या ङिङ्जे तिङ् आला गाल्सुङ्।
|
|
\v 21 दिक्पाकि च्युक्क्यानिते सिवा नेसुर ग्याल्बु क्यासुङ्, तुक्राङ् क्यानिते काटिन्कि अरे चावा येशू ख्रिष्ट नेसुर नाम्लाङ् मिसिबु मिजिकि कला दिक्पा म्याता क्यानिते ग्याल्बु किसित।
|
|
\c 6
|
|
\cl लिउ 6
|
|
\p
|
|
\v 1 ता अरुङ खाङ सिरुप जा? काटिन बाङ्गि बुङ्सित सिनि दिक्पा कि देतुप?
|
|
\v 2 तिदनक ति नाम्साङ मोडोसित, अरुङ् तेरि दिक्पाला स्येप ह्ये, ता तिला च्युक क्यानि थारुपजा?
|
|
\v 3 येषु ख्रिष्ट ला चोकि बप्तिष्मा बिन्दुप ह्ये तिबा तेरिला खो स्येप नेबा साङ बप्तष्मा बिन्दुप ह्ये सिरुप ति काङ् ख्योरुङ्ला छ्या मेत्ना?
|
|
\v 4 अरुङ बप्तिष्मा नेबा खोताङ् क्यानि राङ सिनि उपु ह्ये |तेमे येशु ख्रिष्ट पापि सोवा नेबा स्येप तिबि तेबा सेन्बु जोबुप् ह्ये|, तुक्किसाला अरुङ् तेरि मिजिकि नबिनताला युक् तुप्सित|
|
|
\v 5 च्यिलासिसिङ् अरुङ् खो सेवला दक्पुजिग गालु हिन्सिन, ता अरुङ् खो सेन्बबु लाबुप्ला साङ दक्पुजिग राङ् हिङ्|
|
|
\v 6 अरुङ्ला छ्या ह्ये कि अरे तङ्गि मनुष्यत तिबा खोताङ् क्यानि ग्याङ्सिङला कालुप ह्ये| दिक्पाकि जुबुला नातोङ् थुप्सित, तेमे दिक्पाकि यक्पु कि मोगो सित|
|
|
\v 7 च्येन्दि स्येप ह्ये तिला दिक्पा मेतुप घोषित क्यु|
|
|
\v 8 ता अरुङ् ख्रिष्ट ताङ् क्यानि स्येप हिन्सिन् अरेकि मोवा कि खो तानि राङ् थर्किह्ये|
|
|
\v 9 अरु, ला छ्या ह्ये, कि ख्रिष्ट स्येप नेबा सेन्बु लाबुप हिङ् तेमे ता खो स्येप हिङ्| तेमे खोला स्येप तिकि राज्य मिकि ह्ये|
|
|
\v 10 खो दिक्पा कि थक्ला स्यिसुङ्, खो खोकि अरुङ् तेरिकि कला ख्येप्तङबा स्यिसुङ्| तेमे ति मिजि खो थार् क्यु, ति कन्ज्यककि थक्ला थार्क्यु|
|
|
\v 11 तुक्किसाला खिराङ् दिक्पा कि थक्ला स्येप तेमे ख्रिष्ट येशुला कन्ज्यकला सेन्बु नासाम तोङगो किह्ये|
|
|
\v 12 तुक्किसाला ख्यिरेकि ति स्येप जुबुला दिक्पा कि माचिसा|
|
|
\v 13 तेमे खिरेकि तिकि अभिलासाल माङेङ्| दाक्पि जुबुकि अङ्ग तिवाला अधार्मिकता कि थक्ला यक कि माकि |तेमे दाक्पुला कन्ज्यककि थक्ला हादा थारु हतुप्ला ति स्येपला बिङ्|तेमे दाक्पि जुबुकि साधन तिना कन्ज्यकला ति तुजेला राङ् लाका किरुपला बिन्|
|
|
\v 14 दिक्पाला दाक्पि खाला राज्य कि माच्यि| च्यिलासिसिङ् ख्यिराङ् ठिमला मेत्|तेमे काटिनला ह्ये|
|
|
\v 15 तुक हिन्सिङ् खाङ अरुन ठिमला मेत् तेमे काटिनला ह्ये सिनि दिक्पा किरुप्? नाम्सान तिन्दक मुर्ग्युसित् |
|
|
\v 16 खाङ् ख्योरुङ्ला छ्या मेत्, दाक्पुला राङ् यक्पि थक्ला बिन्दुप ति, तिला ख्यिराङ् खाला ङेन्गो किह्ये, तुक्यिसिन ख्यिराङ् खाला ङेन्गोकिह्ये? दि हुतुङ् हिङ् कि ख्यिराङ्ला स्येपला क्येलुप दिक्पा कि यक्पु हिङ् ना धार्मिक्ताला क्येलुप खाला ङेन्दुप कि यक किरुप तिबा हिङ्|
|
|
\v 17 कन्ज्यकला थुच्यिछे, च्यिलासिसिङ् ख्यिराङ् दिक्पाकि यक्पु हिङ्| तेमे ख्यिराङ्ला बिन्दुप दिकि चाराग नेबा राङ् दाक्पि सेम्ला खाला ङेन्सुङ।
|
|
\v 18 ख्यराङ्ला दिक्पा नेबा थार च्यितुप ह्ये तेमे ख्यिराङ्ला धार्मिक्ताकि यक किरुप मि जोबुप् ह्ये|
|
|
\v 19 ङा क्यिरे जुबु आमोछ्योबुप् दगे क्यानि ताम किरुप मि दगेराङ् हिङ्| च्यिलासिसिङ् ख्यिरे जुबुकि अङ्गतिबा मेच्येङ्बा ताङ् टेङ्बा तिबि यक किरुपला बिन्सुङ् तुक क्यानि ता मेच्येङ्बा तिबि थक्ला ख्यिरेकि दाक्पि जुबु तिबा धार्मिक्ताकि यक किरुपला बिङ्|
|
|
\v 20 च्यिलासिसिङ् ख्यिराङ् दिक्पाकि यक्पु हिदुप् तुजेला ख्यिराङ् धार्मिक्ताला ताङ् ताङ्गुप् हिङ्| ति तुजेला ख्यिराङ् दिजो तुजे ला ङछा कि गोबुप् थोक तिबि डाल्बा तिबा च्येनक् हिङ्?
|
|
\v 21 च्यिलासिसिङ् तिकि परिणाम स्येप हिङ्|
|
|
\v 22 तेमे ता ख्यिराङ्ला दिक्पा नेबा ताङ् ताङ्गुप ह्ये, तेमे कन्ज्यक यक किरुप मिजोगुप ह्ये, ते ख्यराङ् दाङ्क्यानि शुद्दिकरण कि डाल्बा ह्ये|
|
|
\v 23 च्यिलासिसिङ् दिक्पा ङाला ति स्येप हिङ्| तेमे कन्ज्यककि तिजोराङ बिन्दुप ङेत्पा ति अरे चावा येशु ख्रिष्टला नाम्साङ् मिस्यिबु मिजि रिङ्बु ह्ये|
|
|
\c 7
|
|
\cl लिउ 7
|
|
\p
|
|
\v 1 नुप हो खोरुङ्ला छ्या ह्ये (च्यिलासिसिङ् ङा ठिम छ्या हतुप् तिबा ताङ क्यानि ताम किह्ये| ते ठिमकि मि सेन्बु हतुप साक क्या ज्यगु?
|
|
\v 2 च्यिलासिसिन ज्येन्दि क्याबु पुमा दाक्पि खोरुङ् हतुप साकला ति ठिम नाङ्ला गिह्ये, तेमे तिकि खोरुङ् सिनक क्यासिन ति ज्येन्दि ठिम नेबा फिला गिउ|
|
|
\v 3 तुक्किसाला ति दाक्पि खोरुङ् सेन्बु हतुप साक्ला ति ज्येन ख्यक्पेजा ताङ् देसिङ् तिकि स्यामडेन क्याबु हिङ् |तेमे तिकि खोरुङ् स्यिनक क्यासिङ् ति ठिम नेबा पाङ्ला डिउ|तेमे तेमे ज्येन ख्यक्पेजा ताङ् देसिनाङ् ति स्यामडेन क्याबु हिङ् |
|
|
\v 4 तुक्किसाला, ङे नुप, खोराङ्ला तिबा ख्रिष्ट जुबु नेबा टिमकि थक्ला स्येप हिङ्|अरेकि कन्ज्यक थक्ला डाल्बा गोर्थुप्सित सिनि खिराङ्ला आला स्येप तिबि तेबा सेन्बु जोबुप तिबा ताङ् क्यानि दक्पु जिगराङ् हिङ् |
|
|
\v 5 च्यिलासिसिङ् अरुङ् जुबुला हतुप हिङ्। टिम नेसुर स्येपला डाल्बा गोरुपला अरे जुबु तिबा सक्रिया नक्।
|
|
\v 6 तेमे ता अरुङ् टिम नेबा स्वतन्त्र गालुप हिङ्| अरुङ्ला च्येन्दग तामकि टाह्ये, तिकि थक्ला अरुङ्ला स्येप हिङ्| अरेकि तङ्गि बिदानला मिङ्, थुच्येङ्गि साबा नेबा यक कि थुप्सित सिनि हिङ्|
|
|
\v 7 तुक हिन्सिन ता अरुङ् खाङ सिरुपजा? ठिम तिराङ् दिक्पा हिन्ना? तिन्दग नाम्साङ् मेङ्सित| ठिम मेतुप यिन्सिन ङेकि नाम्साङ् दिक्पा छ्या मेङेबु हिङ्| च्यिलासिसिङ् ठिमकि ङाला “लोभ माक्यि”सिमाक्याबुप यिङ्सिन ङेकि नाम्साङ् लोभ खाङ् यिङ्सिन छ्या मेङेबुप हिङ्|
|
|
\v 8 तेमे दि दिक्पाकि ति काति नेबा मैका ङेनि, तेमे तेरि अभिलासा खसुङ्| तेमे च्यिलासिसिङ् ठिम मेसिङ् दिक्पा स्येप दगेराङ् हिङ्|
|
|
\v 9 तुजे ज्यिक्ला ङा ठिम मेताराङ् सेन्बु हतुप हिङ्। तेमे का लेप्सिमा दिक्पाकि लोङ् मिजि ङेसुङ् तेमे ङा स्येप हिङ्|
|
|
\v 10 मिजि खुङ्गुप का ति ङे थक्ला स्येपला ग्युर्सुङ्|
|
|
\v 11 च्यिलासिसिङ् दि दिक्पा का कि मैका उप्सुङ् तेमे ङाला छल क्या| ठिम नेबा ङाला स्येसुङ्|
|
|
\v 12 तुक्किसाला ठिम चेङ्गि ह्ये तेमे का क्षोकि नासाम हतुप ताङ् च्येङ्गि तेमे लेमु ह्ये|
|
|
\v 13 तुक्किसाला का लेमु नक ति ङे थक्ला स्येप हिङ् सिरुप ति छ्या ङेसुङ्| तिन्दक कि नाम्साङ् मेङसित| तेमे दिक्पाला दिक्पाराङ् छ्या ङेथुप्सित तिला खाङ् लेमु नक ति नेबा स्येप हिङ्| का नेबा दिन्दक ग्युर्सुङ् कि दिक्पा अत्यधिक पापमय यिङ्सित|
|
|
\v 14 अरुङ्ला छ्या ह्ये कि ठिम ति सेम हिङ् तेमे ङा जुबु हिङ्| ङाला दिक्पा कि यक किरुपला चसुङ्|
|
|
\v 15 च्यिलासिसिङ् ङा खाङ् किहुइ, ति ङेकि हाक मोकोइ | च्यिलासिसिङ् ङा किरुप छ्योल्गिहि ति ङेकि मिकिहुइ तेमे ङेकि खाङ्ला ङा तिराङ् क्यु|
|
|
\v 16 तेमे ङा खाङ चाहे मिकिvहि ङेकि तिराङ् क्यु, सिसिन ङा ठिम लेमु हिनसिनि ङा ठिम ताङ् क्यानि सहमत क्यु|
|
|
\v 17 तेमे दि किरुप ति ङा मिङ्, ति ङाताङ हतुप दिक्पा हिङ्|
|
|
\v 18 च्यिलासिसिन ङाला छ्या ह्ये कि, जुबुला खाङ लेमु मेत्| च्यिलासिसिन ङाला लेमु किरुप सेम ह्ये | यिन्सिनाङ् ङे दि मिक्यु|
|
|
\v 19 च्यिलासिसिन ङे नासाम ताङ्गुप लेमु यक ङेकि मिक्ययु, तेमे ङा ताम मेलेबा ताम मिक्यु, तेमे ङा तिराङ क्यु|
|
|
\v 20 ता ङेकि खाङ मिक्यु तिराङ् क्यु, ति डोइ किरु ति ङा मिङ्, तेमे ङे नाङ्ला देदु ति दिक्पा हिङ् |
|
|
\v 21 तेमे ङेकि नाङ्ला लेमु किरु ति ङेक्यु, तेमे ङाताङ डे हतुप ति ङेकि हुतुङराङ् छ्या ङेक्यु|
|
|
\v 22 च्यिलासिvसिन ङे नाङ्ला (मनुष्यत) कन्ज्यक ठिमला सेम येङि क्यु|
|
|
\v 23 तेमे ङेकि दाक्पि अङ्ग तिबाला राङ्सा सिद्दान्त थोङु।दिकि ङे सम्गि साम्बा सिद्दान्त ताङ् क्यानि लड्छ | ङे अङग तिबाला हतुप सिद्दान्त नेबा दिकि दिक्पाकि कैदि जेउ|
|
|
\v 24 ङा दुक्पा ङेतुप मि हिङ्| ङा दि स्येप जुबु नेबा सि थार जिक्यु?
|
|
\v 25 तेमे चावा येशु ख्रिष्ट नेबा कन्ज्यकला थुच्यिछे | तुक्किसाला ङा दाक्पि राङ ङे सेमगि राङ कन्ज्यककि ठिमला यक क्यु| यिन्सिनाङ् जुबुकि दिक्पाकि यक क्यु|
|
|
\c 8
|
|
\cl लिउ 8
|
|
\p
|
|
\v 1 ता ख्रिष्ट येशु ला हतु तिबाला काङ छ्येर्पाकि का मेत |
|
|
\v 2 च्यिलासिसिन ख्रिष्ट मिजि कि थुकि ङाला दुक्पा ताङ स्येपकि लामला स्वतन्त्र जोबु हिन् |
|
|
\v 3 ति ताम किरु ठिम असमर्थ नक ।
|
|
\v 4 ति कन्ज्यककि क्यासुङ, च्यिसिसिन ति जुबु तानि ङार मेतुप नक । दाक्पि पुज्युङ ला दिक्पाकि |
|
|
\v 5 जुबु दिक्पाकि लोला बलिदान किरु ताङ हिन । येशु दिक्पाला जुबु ला छ्येर्पा बिन्सुङ । ङिरे खाला ठिमकि मापदन्ड ख्योल्सित सिनि तिनक क्याबु हिन्, तेमे ङिराङ जुबुला मिन् ।थु दगेराङ युकथुप्सित जुबुला युकुति जुबु ताम्ला आला सेम कि ति थुला युकुतिथुकि ताम्ला राङ सेम क्यि
|
|
\v 6 जुबु सेम्ला ज्यकुपति स्येप हिन्, तेमे थुकि सेम्ला ज्यकुति मिजि ताङ ङार हिन ।
|
|
\v 7 जुबुकि सेम्ला ज्यकुति कन्ज्यक चाला हिन्। च्यिलासिसिन ति कन्ज्यककि ठिमला मेत् । ति ना दे थुप्कि ।
|
|
\v 8 ति जुबुला ह्ये तिकि कन्ज्यकला खुसि ज्यक मुथुपिवि ।
|
|
\v 9 ख्यिराङ ति जुबुला मेत् तेमे थुला ह्ये ति हुतुङराङ हिनसिन् कन्ज्यककि थु खिरे नाङला देक्यु । तेमे सुङ तानि ख्रिष्टकि थु मेसिन, ति येशुकि मिन् ।
|
|
\v 10 तेमे खिरे नाङला ख्रिष्ट हसिन दिक्पा कि लोला जुबु क्येप हिन्, तेमे दिक्पा मेतुप थु सेन्बुराङ ज्यक ।
|
|
\v 11 येशुला सेप नेबा थार च्यितुकि थु खिरे नाङला देक्यि, तिकि येशुला स्येप नेबा सेन्बु जोसुङ । येशु थुकि साला खिरे मरनसिल मिजि थार्किवि ।
|
|
\p
|
|
\v 12 नुकतिबा ङिराङला छ्याबा ह्ये, तेमे जुबु दगेराङ युकुला जुबु कि छ्याबा मेत ।
|
|
\v 13 ख्यिराङ जुबु दगेराङ युक्सिन ख्येराङ स्येप छालुप हिन्, ख्यिरेकि थुला जुबुकि लाका तिबा सेसिन ख्यिराङ थार्किवि ।
|
|
\p
|
|
\v 14 तिबा कन्ज्यककि थुतानि युकु तिबा राङ कन्ज्यककि पुज्युङ पुम हिन् ।
|
|
\v 15 च्यिलासिसिन ख्यिरेकि ज्यिबि दासत्व कि थु ङेतु मेत । बरु तिकि धर्म पुज्युङ ङेतु वे तिला “अथवा पापा!” सानि सिवि |
|
|
\v 16 ङिराङ कन्ज्यककि पुज्युङ हिन् सिनि चेङि थुकि अरे थुला गवाहि थर्किवि ।
|
|
\v 17 ङिराङ पेजातिबा हिन सिनि ङिरे उत्तराधिकारि ताङ हिन् कन्ज्यककि उत्तराधिकारि हिन । हुतुङराङ येशू तानि राङ दुक्पा खुर्सिन ङिराङनि येशु तानि राङ महिमित हाङु।
|
|
\p
|
|
\v 18 दि तुजेकि दुक्पा तिबा छ्या देन्दुप सोवा ताङ् किरुप योग्यकि मेत सिरुप ति ङा सिउ|
|
|
\v 19 च्यिलासिसिन सिष्टि उत्कट आशा कन्ज्यक पुज्युङ्कि प्रकटिकरण ला गुनि ह्ये|
|
|
\v 20 च्यिलासिसिन कुङ् कोमेक्षेबा ओङ्ला सुम्पे क्याबुप ह्ये। तिकि दाक्पि सेमकि हिङ्, तेमे तिलला हसला जबुप तिकि सेमनेबा हिङ्| दि द्रिढ निश्यता हिङ्|
|
|
\v 21 कि कुङ् दाक्पुला नातोङ् ओङ्ला ताङ्ताङ्गुप हिङ्, तेमे दिला कन्ज्यक पेजा तिबि सोवाकि स्वतन्त्रताला खुङ्ग्यु|
|
|
\v 22 ओरुङ्ला छ्या ह्ये, तेरि कुङ् तारोङ् साङ् ठाउजिक्राङ् क्रन्दन प्रसव वेदनाला ह्ये|
|
|
\v 23 दिक्या हिङ्, थुच्येङ्गि तङ्गि डाल्बा हिन्दुप किसाला दाक्पि पुज्युङ्कि ग्रहणकि गुनि हतुप किसाला अरे जुबु उदारकि प्रतिक्षाला अरे साक्पि नाङ्ला राङ् सेम्गि ताम ला ह्ये|
|
|
\v 24 च्यिलासिसिन ओरुङ्ला दि रेवा नेबाराङ् थारचितु ह्ये | तेमे खाङ् गि सिनि ओरुङ् मोवा दि तारोङ् माथोङ्बा ह्ये| च्यिलासिसिन तङ्लाके थोङ्गुप तामला द्रिढताला सि गुकि र?
|
|
\v 25 तेमे तारोङ् साक माथोङ्गुप तामला मोवा क्यु सिसिन, ओरुङ् सिकि थक्ला गुकि क्यु|
|
|
\v 26 तुक्किसाला, तुच्येङ्गि साङ् दाक्पु आमोछ्योबु तुजेला सहायत क्यु| च्यिलासिसिन च्युक क्यानि मोपार कि गोक्यु सिनि ओरुङ्ला छ्या मेत, तेमे थुच्येङ्गि कि व्यक्त किमुथुपुप क्यानि सेम्गि नाङ्ला अरे थक्ला पाराला क्यु|
|
|
\v 27 सिकि सेमगि छोल्गु तिकि थुच्येङ्गि नासामला छ्या ङेक्यु, च्यिलासिसिन खोकि कन्ज्यक सेम दगेराङ् क्यानि मोवा क्याबु तिबि तेवा गोङ्बा सिउ|
|
|
\v 28 ओरुङ्ला छ्या ह्ये, कि कन्ज्यकला ङिङ्ज्ये किरुप तिबा ताङ् खोकि उदेश्य दगे क्यानि काताङ्गुप तिवाला खोकि तेरि ताङ् क्यानि दासा जिक्लाराङ् भलाइकि थक्ला यक क्यु| दे तङ्गि संस्करणला दिन्दक ह्ये तेरिकि तुच्यिकराङ् भलाइकि थक्ला यक क्यु|
|
|
\v 29 च्यिलासिसिन खोला तङ्लाराङ् छ्या हतुप हिङ्, नुप बाङ्गि तिबि तेबा मिछ्ये हिङ् सिनि खोकि तिबाला दाक्पि पुज्युङ् दगेराङ् क्यानि तङ्ताराङ् नियुक्ति क्यासुङ्|
|
|
\v 30 तिला खोकि तङ्लाराङ् नियुक्ति क्यासुङ्, तिला काताङ्सुङ्, सुला खोकि काताङ्सुङ्, तिबा दिक्पा नेबा थार्वा बिन्सुङ्| सुला खोकि दिक्पा नेबा थार्बा बिन्सुङ्, तिला महिमित जोजुङ्|
|
|
\v 31 तुक हिन्सिन दि ताम कि कला, खाङ्सिरुपजा? ते कन्ज्यक राङ् अरे थाकाला हसिङ्, अरे बिरुदला सु ह्ये?
|
|
\v 32 तिकि दाक्पि पुज्युङ्ला माज्याक तेमे ओरुङ्ला तेरिक तेबा खोला बिन्सुङ्, च्युक क्यानि खोकि ओरुङ्ला खोताङ् राङ् तेरि थोक तिजोराङ् मेतेरु?
|
|
\v 33 कन्ज्यककि दाक्पु तिबाला सि दोष ग्यागि?
|
|
\v 34 दिक्पा नेबा थार्वा तेरुप ति सु हिङ्? अरे थक्ला स्येप तिबा येशु ख्रिष्ट राङ् हिङ् ति सिना माङ् तिबा खो सेन्बु गाल्नि लाबुप ति हिङ्| खोकि आदर कि दासाला देनि कन्ज्यक ताङ् साशन कि नक, तेमे अरे थक्ला मध्यस्थता किरुप ति खोराङ् हिङ्|
|
|
\v 35 ओरुङ्ला ख्रिष्ट ङिङ्ज्ये नेबा सि थार् ज्यु? सङ्कष्ट कि ना दुक्पाकि ना सतावटकि ना ल्हबिकि ना नम्नताकि, ना तरवारकि?
|
|
\v 36 दिन्दक टि ह्ये,”ख्यरे लाभ कि थक्ला खिराङ्ला ङिनखाङ सेक्यु| सेतुप लुक दगेराङ् क्यसुङ् ङिराङ्ला |”
|
|
\v 37 दि तेरि तामला ओरुङला ङिङ्ज्ये किरुप तिकि तेबा बिजेता तिबा सिना माङ् ह्ये|
|
|
\v 38 च्यिलासिसिन ङा बिस्वस्त ह्ये, ना स्येपकि, ना मिजिकि, ना देवच्येनकि थुति ह्ये, ना शासक तिबि, ना वर्तमान ताम तिबि, नास ताङ्ताङ्गुप ताम तिबि,
|
|
\v 39 ना उचाइकि, ना गहिराइकि, ना कुङ् क्याबुप थोक तिबि, अरे चावा येशु ख्रिष्ट ला हतुप कन्ज्यक ङिङ्ज्ये नेबा ओरुङ्ला थारे ज्यक थुक्यु|
|
|
\c 9
|
|
\cl लिउ 9
|
|
\p
|
|
\v 1 ङा हुतुङराङ् सिहिउ येशु ख्रिष्टला ङा जुनोक मोजोइ, तेमे बिबेककि थुच्येङ्गिला ङाताङ् क्यानि साक्षि तेर्क्यु,
|
|
\v 2 कि ङे थक्ला ङे सेम्ला उदेक दुक्पा ह्ये नाम्साङ् मिसिन्दुप दुक्पा ह्ये|
|
|
\v 3 ङा से क्यु, ङे नुप तिबा अर्थात जुबु दगे दाक्पि मिरिक तिबि खातिर ङा दाक्पुला मता हिङ्सित, तेमे ख्रिष्ट नेबा थारे ज्यक्सित|
|
|
\v 4 तिबा इस्राएलि तिबा हिङ्| धर्म कि पुज्युङ् हिन्दुप अधिकार, सोवा करार तिबा, ठिमकि ङेत्पा कन्ज्यककि सोवा ताङ् प्रतिज्ञा तिबा तिबिराङ् हिङ्,
|
|
\v 5 ख्रिष्ट जुबु दगेराङ् खोराङ् तेरिकि कन्ज्यक हिङ्| नामसाङ् खोला सोवा बुल| आमेन|
|
|
\v 6 तेमे दि कन्ज्यक प्रतिज्ञा तिबा चुके क्याबु दगे हिङ्, च्यिलासिसिन इस्राएल तेरि हुतुङ् ति इस्राएल मिङ्|
|
|
\v 7 न अब्राहमकि पेजा तिबा तिकि पेजा राङ् हिङ्| “तेमे इसहाक तेवा राङ् तेरि पेजा तिबा हिङ्|”
|
|
\v 8 तेमे उग्ङबु नेबा क्येबुप पेजातिबा कन्ज्यक पेजा मिङ्, ते प्रतिज्ञा पेजा तिबा राङ् पेजा तिबा ङेत्|
|
|
\v 9 च्यिलासिसिन प्रतिज्ञा सुङ् तिबा दिराङ् हिङ्| “ङा दि तुजेला ग्यु, तेमे साराला पुज्युङ् जिक तेर्क्यु|
|
|
\v 10 दिक्पा मिङ्, तेमे रिबेका दक्पुजिक अरे पापा इसाक तेबा जुबु च्येन्दि गाल्सिमा
|
|
\v 11 च्यिलासिसिन पेजा तिबा तारोङ् माके न14क् तेमे तिबिकि लेमु ताङ् मेलेबा खाङ् माक्या नक्| ति कन्ज्यक उदेश्य कर्मकि किसाला मिङ् | तेमे का तोङ्गुप तिबि किसाला चुनाउ दगेराङ् ठहरे किसित सिनि तिला सिक्यासुङ् “गेर्पु कि कान्छा यक क्यु|”
|
|
\v 12 च्येङ्दक टि ह्ये,”ङे कि याकुबला ङिङ्ज्ये क्याबिन, तेमे एसाबला मार्च्याक क्याबिङ्|”############## ############################
|
|
\v 14 तुक हिङ्ससिङ् अरुङ् खाङ् सिरुप जा? कन्ज्यक ताङ क्षोखाङ् ह्ये? नाम्साङ् तिन्दक मोडोसित|
|
|
\v 15 च्यिलासिसिङ् खोकि मोशाला सिन्क,” सुला ङा दया क्यु, तिलाराङ् ङा दया क्यु, तेमे सुला करुणा छ्या दन्गि, तिला ङा करुणा क्यु,
|
|
\v 16 तुक्किसाला दि सेम किरुप तिबि किसाला हिङ्, न त क्षङ्गुप तिबि किसाला, तेमे दया छ्या देन्तुप कन्ज्यक कि किसाला हिङ् |
|
|
\v 17 च्यिलासिसिन दिक्पि क्षोला फारोला सिनक, दिकि किसाला राङ् ङेकि ख्योरुङ्ला खडा क्याबुप हिङ्, तेमे ख्योरुङ्ला ङे ङार छ्या देन्थुप्सित, तेमे तेरि जम्बुलिङ् ला ङे हिङ् सिनि घोषणा क्यिसित्|”
|
|
\v 18 तुक्किसाला कन्ज्यककि सुला सेम क्यु तिला राङ् दया क्यु तेमे सुला सेम क्यु तिला कठोर जेउ|
|
|
\v 19 ता ख्यिरेकि ङाला सिउ, “खोकि च्यिला तारोङ् गाल्ति ङेङ्गि?
|
|
\v 20 तिकि फल्दोङ्बा कमि कन्ज्यक बिरुद्दला ताम किरुप ति ख्यो सुहिङ्? खाङ् आकार बिन्दुप तिबिकि आकार तुरप तिला दुक सि? “ख्योरेकि च्यिला ङाला दिन्दक जोबु हिङ्?”
|
|
\v 21 खाङ् कुमाले ताङ् क्यानि थालि गार्तक नेबा बिषेस प्रयोग कि कला थकुप सा तेमे नाम्साङ् थकुप सा जप् अधिकार मेतना?
|
|
\v 22 कन्ज्यककि खोकि ङेर्मा छ्या देन्दुप ताङ् ना तोङ्गुपला जोबुप ङेक्यक तिबा धैर्य तानि सेम गुनि देतुप सेम क्याबुप खाङ् हिङ्?
|
|
\v 23 तुक्हिङ्सिन खोकि तङनेबा राङ् सोवाकि थक्ला जोनि ज्यागुप दयाकि सातिवाला खोकि सोवा छ्या देन्दुपला तयार क्याबुप हिङ्सिन खाङ्?
|
|
\v 24 ते खोकि दि अरे थक्ला अर्थात यहुदि तिबि तेबा क्या मिङ्, तेम गैरयहुदि तिबि तेबा कातोङ्गुपला ति क्याबुप हिङ्सिन खाङ्?
|
|
\v 25 च्युक क्यानि खोकि होशे क्षो कि सिउ “सु ङे मितिबि मिन्बे तिबाला ङे मि हिङ्सिनि सिउ, तेमे प्रिय मिन् तिला प्रिय सिउ|
|
|
\v 26 तेमे दिन्दक गिउ कि, ते तिबाला सिक्या, “ख्यिराङ् ङे हिङ्, ते कन्ज्क पुज्युङ् तिबा हिङ्|”
|
|
\v 27 यसैया इस्राएलला कला सिनक, “ते इस्राएलला पेजा तिब ज्यिङ्गि दोक् रुक्पा दगेराङ् नक सिसिन थारुप तिबा क्या हिङ्|
|
|
\v 28 च्यिलासिसिन चावाकि दाक्पि सुङ् जम्बुलिङ्ला टिबुराङ् तेरि क्यु,
|
|
\v 29 तेमे यषैयाकि तङ्लाराङ् सिक्या,”ते मामि चावाकि अरे थक्ला पेजा तिबा माज्याकुप हिङ् सिसिन, अरुङ् सदोम ताङ् गमोर दगे हिङ्|”
|
|
\v 30 तुक हिङ्सिन, अरुङ खाङ् सिरुजा? गैरयहुदि तिबि धार्मिक्ता नेबा ऊङ्गुप धार्मिकता ङेसुङ्।
|
|
\v 31 तेमे इस्राएलि तिबा ठिमकि धार्मिक्ता ला ति ङ्या, तिबा ते माख्योल।
|
|
\v 32 च्यि माङे? च्यिलासिसिन तिबिकि मोवा नेबा माछाल, ते कर्म नेबा छाल्सुङ्। तिबा नार्तु फगुप दोला नार्तु फक्सुङ्,
|
|
\v 33 च्येन्दक टि ह्ये,”ल्यासो ङे कि सियोनला नार्तु फगुप् दो ताङ् चोर तेरुप चट्टान ज्यगिङ् क्यु।सिकि तिला मोवा क्यु ति लज्जित मोडोइ।
|
|
\c 10
|
|
\cl लिउ 10
|
|
\p
|
|
\v 1 नुक तिवा, ङे सेम्गि नावा ताङ कन्ज्यककला ङे गङ्बा तिवाला सिनि तिविकि थार्वाला हिन ।
|
|
\v 2 चिला सिसिन ङा तिवि खाला किदुक् तेर्क्यु, तिवा तानि कन्ज्यककि ङार वसिनाङ येन्देन दगे मेत्।
|
|
\v 3 चोला सिसिन तिविकि क्ज्यककि दिक्पा मेतुप् मिन सिनि मेश्येउइ, तिविकि दाक्पिराङ क्ष्योने ज्वप् छोल्ग्यु। तिवा कन्ज्यककि दिक्पा मेतुप् क्ष्यला माग्युर।
|
|
\v 4 मोवा किरुप् तेरिक् ताङ दिक्पा मेतुप् ठिम सिन्दा किरुप् ति चावा येसु राङ हिन्।
|
|
\p
|
|
\v 5 चिला सिसिन मोसाकि ठिम नेसुर् दाक्पि दिक्पा मेतुप् कला टिगुउइ, “ठिमकि दिक्पा मेतुप् ला युकुप् मि, दि दिक्पा मेतुप् नै थार्क्यु।"
|
|
\v 6 मोवा नेसुर हुङु दिक्पा मेतुप् कि दुक सिहउइ, “दाक्पि सेम्बाला दुक सि, देवाच्येनला सु जेगुउइ?”
|
|
\v 7 दुक मासि,'ङ्याल्वालासाक सु पाप्कि?'
|
|
\v 8 हिन्सिनाङ दिकि काङ सिउइ?” सुङ खिरे चाला नामुलाराङ वे, खिरेकि खाताङ सेम्लाराङ वे।
|
|
\v 9 हुतुङ ख्यरे खे कि येसुला चावा सिनि सेम्ला लानि कन्ज्यककि खोला श्येप् नेसुर् थार्सुङ् सिनि ख्यरेकि ख्यारे सेम्ला मोवा किसिन ख्योरुङ्ला थार्वा तेर्क्यु
|
|
\v 10 चिला सिसिन दिक्पा मेतुप्ला सिनि मिकि दाक्पि सेम्गि मोवा किउइ तिकि थार्वाला सिनि दाक्पि खेकि सेम्ला लिङ्गुइ ।
|
|
\v 11 चिला सिसिन क्ष्योने कि सिउइ, “सिकि ख्योला मोवा किउइ मोवा किउइ, ति ङछाला मोश्योरुउइ।"
|
|
\v 12 चिला सिसिन यहुदि ताङ ग्रिक तिविकि पार्ला काङ टालुप् मेत् । चिला सिसिन खोराङ चावा ति तरिक् कि चावा हिन तिकि किसाला खोला मोवा कितुप् तेरिक्ला सिनि आला च्युङुइ।
|
|
\v 13 चिला सिसिन चावाकि मिन सिरुप् तरिक्ला थार्वा तेर्क्यु।
|
|
\p
|
|
\v 14 तिनक हिन्सिन, सि खाला तिविकि मोवा क्याबु मेत् खोला चुक् क्यानि पुल्ग्युउइ? सिकि कला तिविकि कोतुप् मेत् खोकि खाला चुक क्यानि मोवा किरुप्? लेन ल्यामु श्येतुप् तिवा मेता तिविकि च्युक क्यानि कोक्यु?
|
|
\v 15 नाम्साक तिवाला मोतोङुउइ तविकि चुक् क्यानि लेन ल्यामु श्येक्यु? दिनक टिबु वे,"लेमु तम् तिवि लेन् लापुप् मि तिवि काङ्बा चो लेमु?”
|
|
\v 16 हिन्सिनाङ तिविकि तेरिग् कि लेन ल्यामु माङेन्। चिला सिसिन यसैया सिउइ, “चावा ङेरे लेन सिकि मोवा क्यबु वे?”
|
|
\v 17 तिकि किसाला मोवा ङेन्दुप् नै गिउइ, ङेन्ताङ् ति चावाकि सुङ नेसुर गिउइ।
|
|
\p
|
|
\v 18 हुतुङ ङा खिराङ्ला सिउइ “काङ तिविकि कोतुप् मेत्?” हिन, हुतुङ्राङ।" तिविकि होरु तेरिक् जाम्बुलिङ्काङ ताङ तिविकि छिक् तिवा जाम्बुलिङ्कि तिङ्साक् ख्योलुप् वे।"
|
|
\p
|
|
\v 19 दि तेरिक ङा सिउइ, “काङ इस्त्राएलकि माश्ये?” तङ्ला मोशा सिउइ,” ङा खिराङ्ला मिरिक् गाङ मेतुप मिजोम् नेसुर् मिजेर्पा जेउइ । नासाम तोङ मुथुबु मिरिक् नेसुर् खिराङ्ला ङेर्मा लाङ्गुप् जेउइ ।"
|
|
\p
|
|
\v 20 यशैया सेम क्योङ्बु क्यानि सिउइ, “सिकि ङाला माछाल तिविकि ङाला ङेसुङ। सिकि ङाला गङ्बा माश्यु, ङा तिवि चाल छ्यारिन्।"
|
|
\p
|
|
\v 21 हिन्सिनाङ इस्त्राएलला खोकि सिउइ, “ङिम् काङ खाला मेङेन्बु सेम क्योङ्बु वतुप् मिरिक् नेवा ङेकि ङे लाक्पा क्याङिन्।"
|
|
\c 11
|
|
\cl लिउ 11
|
|
\p
|
|
\v 1 तिनक हिन्सिन् ङा सिउइ, काङ कन्ज्यककि दाक्पि मितिवाला मिन सिक्यासुङ? चिला सिसिन ङाङ अब्राहामकि गिपा हिन्, बेन्यामिनकि गिपाकि चिक इस्त्राएललि हिइन् ।
|
|
\v 2 कन्ज्यककि तङनेसुरराङ ङोश्येबु दाक्पि मिरिक् तिवाला मिन मासा। एलियाकि कला क्ष्योने तिवि काङ सिउइ मिन्सिन् तिकि इस्त्राइल कि कला कन्ज्यक तानि च्युक् क्यानि गङ्बा श्युसुङ सिनि सिरुप् ताम ति काङ ख्योरुङ्ला क्ष्या मेत्?
|
|
\v 3 “चावा तिविकि खोकि लुङ्तेम्बा तिवाला सेतुप् वे, तिविकि खोकि क्ष्येश्याम तिवा ताबु वे, ङा क्याजिक् ताङु वे, तिविकि ङालाङ् सेतुप् सिनि छोलिन् वे।"
|
|
\v 4 हिन्सिनाङ कन्ज्यककि खालेन कि तिला का सिउइ?”ल्हे क्ष्येश्याम चाला दाक्पि टेमुङ माचुबु मेरा तङ्डा दिन मिला ङेकि जोम्नि ज्यागु वे।"
|
|
\v 5 तिनक हिन्सिन्, कर्टिनकि डेलुप् कि किसाला हारुङसाङ लुबु तिवा वे ।
|
|
\v 6 हुतुङ् दि कार्टिन नेसुर् हिन्सिन् दि लाका नेसुर् मिन्। मिन्सिया कार्टिन कार्टोनराङ मेङुउइ।
|
|
\p
|
|
\v 7 तिनक हिन्सिन् ति काङ? इस्त्राएल कि काङ छालु नक ति दिकि माङे, हिन्सिनाङ दाम्पुप् तिविकि ङ्येसिनाङ लुबु तिवाला ति क्योङ्बु सेम जोसुङ ।
|
|
\v 8 दिनक टिबु वे, कन्ज्यककि तिवाला क्योङ्बु थु बिन्दुप् वे, तिकि किसाला तिविकि हारिङ्कि ङिमा साक् तिविकि मिक् वसिनाङ तिविकि थोङ मुथुसित् तेमे मिक् वसिनाङ तिविकि नाम्ज्यक् वसिनाङ तिविकि को मुथजुसित् ।"
|
|
\v 9 तेमे दाउद् कि सिउइ, “तिविकि सामि च्याक्श्यि तिवाला तर्वा, थ्हा, क्योर्वा ताङ तिहिकि खाला डोसित् ।
|
|
\q
|
|
\v 10 तिविकि मिक् नाक्चुमि वसित्, चिला सिसिन तिविकि मोतोङ्सित् । तिविकि चिवा नाम्लाङ क्यक्च्ये वसित् ।"
|
|
\p
|
|
\v 11 तिनक हिन्सिन् ङा सिउइ, “काङ तिवा ना डप् सिनि थाबु हिन्?” तिनक् नाम्लाङ् मुच्युङ्सित् । तिसिना, तिविकि क्योल्मुथुबु नेसुर् तिवाला मिजेर ज्वप् सिनि यहुदि मिन्दुप् तिवि चाला थार्वा लेबु वे।
|
|
\v 12 ता हुतुङ् तिविकि क्यानि मोख्योलु लाकाकि जाम्बुलिङ्कि गिज्या हिन्सिन्, हुतुङ तिवि नाडप् ति यहुदि मिन्दुप् तिवाला ल्यामु च्युङु हिन्सिन्, तिविकि खाटिक् ति हारुङ चो गेर्पु च्युङु?
|
|
\p
|
|
\v 13 तान्दा ङा यहुदि मिन्दुप् तिवा तानि ताम किइ वे। नाम्साक ङा यहुदि मिन्दुप् तिविकि प्रेरित् हुङु, ङा ङे लाकाला सेम नेसुर सेम येङि किउइ।
|
|
\v 14 हिन्दे ङा ङे दाक्पि मि तिवालाराङ मिजेर किरु जेउइ। ङेरेकि तिवि नाङ्ला लाला ला थार्पा तेर्क्यु ।
|
|
\v 15 चिला सिसिन तिविकि मिन सिरुप् ति जाम्बुलिङ्कि जोल्मु हिन्सिन्, तिविकि लाङ्गुप् ति श्येप् तिवा नेसुर् सेन्बा ज्वप् सिना ज्येन काङ वे?
|
|
\v 16 हुतुङ तङि डेल्वा तिवा दनि ज्यगु सिसिन न्वुबु फेकि रिल्दक् ताङ तुक राङ किउइ। हुतुङ मारिला थार्नि ज्यक्सिन् याल्का तिवालाङ तुक राङ किउइ ।
|
|
\p
|
|
\v 17 हुतुङ लाला याल्खा तिवा छ्यागु वसिन् ख्योङ ङाठुङ्कि जैतुन कि याल्खा तिला तिवा तानि थिनि टाबु वसिन्, खिराङ जैतुन कि थाला ल्यामु वतुप् मारिला तिवा तानि छ्याजिक् जोम्सिन्,
|
|
\v 18 याल्खा तिवा च्युङु सिनि ङाराङ हिन् सिरुप् माकिसा। हुतुङ् ख्यरेकि (गर्ब) किसिन, मारिला रेतुप् ति ख्योङ मिन, तिसिना मारिकि ख्योरुङ्ला रेक्यु।
|
|
\v 19 तजोला ख्यरेकि सिउइ, “याल्खा तिवा छ्यागुउइ, चिला सिसिन ङे खाला राङ्सा यसल्खा जेर्नि टसग्सित्।"
|
|
\v 20 दि हुतुङ हिन् । तिवि मोवा मेतुप् कि किसाला तिवा ट्येसुङ। हुतुङ खिराङ खिरे मोवा कि टाङि वे। दाक्पुलाराङ आला थेन्बु ला माज्यक् ति सिना जिवा कि।
|
|
\v 21 चिला सिसिन कन्ज्ककि (प्राकृतिक) याल्खा तिवाला या तोङु मेङुउइ, खोकि खीराङ्लाङ मोतोङुउइ ।
|
|
\p
|
|
\v 22 कन्ज्यककि च्याम्बाकि लाका तिवा ताङ रेत्पा ला ल्होसा । छ्यचिक्ला, ना गालुप् यहुदि तिवि खाला कन्ज्यककि च्येन्दि लाक्पा श्योर्सुङ। राङ्सा छ्यला खोकि लाका ल्यामु क्यासिन खिरे खाला कन्ज्यककि मलाम् गिउइ । मिन्सिया खिराङ्लाङ् दुप्क्यिद्।
|
|
\v 23 तेमे तुक क्यानि राङ, हुतुङ खिराङ दाक्पि मोवा मेतुप्ला मेदेसिन् तिवा लोङ्या याल्खाला टागुइ।
|
|
\v 24 हुतुङ खिराङ खिरे ज्वप्ते नैराङ् ङाठुङकि दगे जैतुन् नेसुर् तुम्नि दाक्पि ज्वप्ते फिलक्पा ल्यामु जैतुन्ला याल्खा टानक् क्यासिन्, दि यहुदि तिवातिवा सु जैतुनकि याल्खा हिन्, दिवा ति दाक्पि जैतुनकि दोङ्बुला चो आला याल्खा तिवा टानि नक्।
|
|
\p
|
|
\v 25 चिला सिसिन नुक तिवा, खिराङ दि क्ष्या मेतुप् ताम तिवा नेसुर् खाराक्पा देत्, चिला सिसिन खिराङ दाक्पि सेम् नेसुर् येन्देन् वतुप् माच्युङा । दि क्ष्या मेतुप् ताम ति यहुदि मिन्दुप् तिवा हुङ्गुप् लाका माखोलुसाक इस्त्राएलला काङ्ज्यिक हिन्सिनाङ राम्बु ज्वप् लाका क्याबु वे ।
|
|
\v 26 तिकि किसाला, इस्त्राएलि तेरिक्ला थार्जिक्यु तिनक टिबु वे, “सियोन नेसुर् मिराचिक् थार्वा तेरुप् हुङुइ । खोकि याकुब नेबिकि तेरिक् दिक्पा तिचा सेनि तेर्क्यु।
|
|
\p
|
|
\v 27 तेमे खिराङ् तानि ङा दि ना ज्यगु, तजोला ङा तिविकि दिक्पा तिवा लाङ्नि खुन् डिउइ।"
|
|
\p
|
|
\v 28 छ्यचिक्ने, लेन ल्येमुकि कला खिराङनेसुर् तिवा डा हिन्। राङ्सा क्ष्यला कन्ज्यककि दाम्पुप् दगे गिपा तिवाला सिनि तिवा ङिङ्ज्येबु हिन् ।
|
|
\v 29 चिला सिसिन कन्ज्यककि ङेम्बा तिवा ताङ काताङु तिवा ति नाम्लाङ मोपोबु वे।
|
|
\v 30 चिला सिसिन खिराङ तङ्ला कन्ज्यककि क्ष्यला खाला मेङेन्बु वतुप् हिन, तजोला तिविकि खाला मेङेन्बुकि किसाला हादा खिरेकि ङिङ्ज्येबु ङेतुप् वे ।
|
|
\v 31 तुक् क्यानि हादा दि यहुदि तिवा खाला मेङेन्बु च्युङु हिन्, चिला सिसिन खिराङ्ला छ्या तेन्तुप् ङिङ्ज्येबु नेवा तिविकि साङ ङिङ्ज्येबु लिङ्थुसित् सिनि।
|
|
\v 32 चिला सिसिन कन्ज्यककि तेरिक्ला खाला मेङेन्बुला उबु वे, चिला सिसिन खोकि तेरिक्ला ङिङ्ज्येबु छ्यादेन् थुसित् ।
|
|
\p
|
|
\v 33 कन्ज्यककि येन्देन ताङ रिक्पा ङिकार चो लेमु! खोकि ठिम तिवा चो गेर्पु, खोकि लाम तिवा छोलाङ मुथुबु!
|
|
\v 34 “चिला सिसिन कन्ज्यककि सेम्ला सिकि छ्या ङेक्यु? मिन्सिन खोला टो तेरुप् सु वे?
|
|
\v 35 कन्ज्ककि लोङङ्या ग्युर्नितेर्सित् सिनि खोला सिकि काङ बिन्दुप् वे.
|
|
\p
|
|
\v 36 चिला सिसिन तेरिक सामा तिवा खोकि जोबु, खो नेसुर् राङ लेबु हिन ति तेरिक खोकि दिराङ हिन् । खोला राङ नाम्लाङ सँवा वसित् । आमेन।
|
|
\c 12
|
|
\cl लिउ 12
|
|
\p
|
|
\v 1 तुक्किसाला नुप ति, ङा कन्ज्यक कृपा नेबा ङा ख्यिराङ्ला गोङ्बा सिउ, कि दाक दाक्पि जुबुति सेन्बि जिन्बा सेमला लिङ्गु ला अर्पण कि। दिराङ् ख्यिरे उचित लाका हिङ्।
|
|
\v 2 दि जम्बुलिङ्कि ढाचा दगे माकि, तेमे दाक्पि सेम्ला साबा जोनि परिवर्तित, सिद्द सेम खाङ् हिन्सिनि छ्या ङे थुपा कि।
|
|
\p
|
|
\v 3 च्यिलासिसिन ङाला बिन्दुप काटिन नेबा ङा ति ताम सिउ, कि ख्यिराङ् तिबा तेरिकि दाक्पुला च्येन्दग ठाने किगोक्यु तिजो ज्यिक क्या ठाने किसित। तेमे, कन्ज्यककि तेरिला बिन्दुप मोवा नामोडोसित रिक्पा वतुप दगे क्यानि नामसा तोङ् गाक्यु।
|
|
\v 4 च्यिलासिसिन अरे जुबुला अङ्गतिबा बाङ्गि ह्ये, तेमे अङ्ग तिबि यक तिबा दक्पुजिगराङ् मेत्।
|
|
\v 5 तुकिसाला, अरुङ् नक्पे ख्रिष्टला जुबु च्यिकराङ् हिङ्, तेमे अरुङ् तेरि दक्पुजिक् ति च्यिगि अङ्ग तिबा हिङ्।
|
|
\v 6 अरुङ्ला बिन्दुप काटिन दगेराङ् ङेत्पा ह्ये, ते सिति लुङ्देन हिन्बे, तिकि मोवा परिणाम दगेराङ् किसित।
|
|
\v 7 तेमे सिकि ङेत्पा सेवा तिबा यिङ्बे तिकि सेवा किसित। तेमे ते सिकि लोपुप ङेत्पा यिन्बे तिकि लोप्सित।
|
|
\v 8 तेमे सिकि ङेत्पा उत्साह तेरुप यिन्बे, तिकि उत्साह तेर्सित।तेमे तिकि ङेत्पा तेरुप हिन्बे, तिकि उदारतासाथ तेर्सित। तेमे तिकि ङेत्पा अगुवाइ यिन्बे, तिकि होसियारसाथ किसित्। तेमे तिकि ङेत्पा दया किरुप यिन्बे तिकि दि प्रसन्न क्यानि किसित।
|
|
\p
|
|
\v 9 ङिङ्ज्ये निष्कपट होसित्। च्येन्दि मेलेबा नक तिबा क्युकट क्यु, च्येन्दि लेमु नक तिति कि।
|
|
\v 10 उजु नुप कि पार्कि ङिङ्ज्ये ति च्यिगि च्यिगला स्नेहि कि। आदर कि गोसाला आदर कि।
|
|
\v 11 लगनसिलता सम्बन्धला नहिच्किचऔ। थुकि सम्बन्ध उत्सुक कि। चावाकि सम्बन्धला खोकि यक कि।
|
|
\v 12 ख्यिराङ् ताङ् अतुप भविष्यप्रति कि निश्यता कि कला आनन्द कि। दिक्पा गुसा नाम्साङ मोपार किसा।
|
|
\v 13 मोवा क्याबु तिबि मेतुपला गोसा। अतिथि गासो तिबि थक्ला उपया बागि छोला।
|
|
\v 14 ख्यिराङ्ला दुक्पा तेरुप तिबा मलाम बिन्दा, मता माग्यक।
|
|
\v 15 ङिङ्साङ् किरुप तिबा ताङ् ङिङ्साङ् कि, ङप् तिबा ताङ् क्यानि ङुसा।
|
|
\v 16 च्यिगि च्यिकला सेम दक्पु जिग्राङ् कि। अभिमानि दगे क्यानि नासाम मातोङ्, तेमे न्रम तिबा स्विकार कि। रिक्पा हतुप दगे माकि दाक्पि सेम्ला।
|
|
\v 17 मेलेबि दासा मेलेबा माक्यि, तेरि मि दङ्ला लेमु कि।
|
|
\v 18 सम्भव, हसिन, ख्योरे हकला हतुप तेरि ताङ् क्यानि शान्तिला देत्।
|
|
\p
|
|
\v 19 प्रिय दाक्पि राङ् बदला मालाङ्, तेमे कन्ज्यक ङेर्माला ताङ् तोङ्। च्यिलासिसिन टिबु ह्ये, “बदला लाङ्गुप यक ङे हिङ् ङेकि बदला लागुप्” चावा कन्ज्यककि सिउ।
|
|
\v 20 तेमे ख्यरे शत्रुला ल्हबा लासिङ् तिला बिङ्। ति कबा लासिन, ति छ्या बिन्दा। च्यिलासिसिन ख्यरेकि दुक क्यासिन तिकि गोमाला मे गाल्बा ज्याकुप दगे हिङ्।
|
|
\v 21 मेलेबा नेबा पराजित कि, तेमे मेलेबा ला भलाइकि ग्याला कि।
|
|
\c 13
|
|
\cl लिउ 13
|
|
\p
|
|
\v 1 तेरि मितिबि लुङ्बाकि ओङ्ज्येन किरुप तिबि ओङ्ला देशि, च्यिलासिसिन चोवो कन्ज्यक नेसुर उङ्गुप ओङ्ज्येङ् तिबा सिना ज्येन ओङ्ज्येन मेत। च्येन्द ओङ्ज्येन नोक, तिबा चोवो कन्ज्यक नेबाराङ् नियुक्त क्याबुप हिङ्।
|
|
\v 2 तुक क्यानि ओङ्ज्येन तिबि तेन्दोक्ला, लाङ्गुप ति ति चोवो कन्ज्यक का कि बिरोध क्यु, सिकि तिकि बिरोध क्यु, तिबिकि दाक्पि खाला पच्र्या तोङ्ग्यु।
|
|
\v 3 लाका लेमु किरुप तिबि कला मिङ्, ते दक्टा किरुपतिबाला ओङ्छ्येबाकि ज्यिबा कि। खाङ् ख्योरुङ् ओङ्ज्येङ् किरुपतिबाला ज्यिबा क्यु? च्येन्दि लेमु नक् तिराङ् कि, तेमे ख्योरेकि तिबि तेसुर सावा ङेक्यु।
|
|
\v 4 च्यिलसिसिन भलाइ कि रुप कला ति ख्योरे थक्ला चोवो कन्ज्यककि लाका लेमु किरुप हिङ्। तेमे दिजो ख्योरेकि मेलेबा क्यानोक क्यासिन भयभितकि, च्यिलासिसिन तिकि तिजोराङ् तरवार मुखुरु। च्यिलासिसिन अर्थात मेलेबा किरुप तिबाला बदला लाङ्गुप मि हिङ्।
|
|
\v 5 दुक्किसाला क्रोध नेबा थारुपला क्या मिङ्, तेमे बिबेककि खातिर राङ् ख्योरेकि का ङ्येङ् गोक्यु।
|
|
\v 6 दिकि किसाला ख्यिरेकि से ज्येल्गो क्यु। ओङ्ज्येन तिबा नाम्साङ् दि ताम तिबाला राङ् लागि रहने चोवो कन्ज्यक यक किरुप तिबा हिङ्।
|
|
\v 7 ज्येल गोबुप तिबाला च्येल से च्येल गोबुप तिबाला महुसल, ज्यिवा किगोबुप तिबाला ताङ्देनकि।
|
|
\p
|
|
\v 8 च्यि च्यिगि कि च्यिकला किरुपो सिना ज्येन तामला छ्याबा मालाङ्। सि दाक्पि युल्बाला ङिङ्ज्ये क्यु। तिकि ठिम खाला ङेन्दुप गिउ।
|
|
\v 9 का तिबा,” ख्योरेकि स्यमडेन माक्यि, मि मासे, कुन माक्यि, देपा मक्यि”,” ख्योरेकि दाक्पि युल्बाला दाक्पुला दगेराङ् ङिङ्ज्ये कि।“
|
|
\v 10 ङिङ्ज्येकि दाक्पि युल्बाला मेलेबा माकि। दुक्किसाला ङिङ्ज्ये कि ठिम पुर्णता हिङ्।
|
|
\p
|
|
\v 11 दि तामकि किसाला, ख्योरेकि समय जान्दछौ कि ङिङ्ज्येतुप तुज्ये लेपुप ह्ये। च्यिलासिसिन अरेकि तङ्ला क्याबुप मोवा सिना दिजो हकिति मक्ति चासे ह्ये।
|
|
\v 12 मिङ् होसिन्दुप ह्ये, तेमे ङिमा चासे ख्योलुप ह्ये। तुक्किसाला नाकतोम्मिकि लाका तिबा तोङ्, तेमे ठादिङ्गिकि हातहतियार धारणा कि।
|
|
\v 13 ङिमि खुङ्ला दगे उचित तवरले हिडौ, उत्दण्ड, उत्सब तिबा तेमे मतवालि ला यौन तेमे इर्ष्याला माडो।
|
|
\v 14 ते चोवो येशु ख्रिष्ट दगे कि तेमे जुबुला खराब अभिलासा तिबा पुरा किरुप थाकाला माडो।
|
|
\c 14
|
|
\cl लिउ 14
|
|
\p
|
|
\v 1 बहस तिबि कला न्यान माक्याबा राङ् मोबाला आमोछ्योबुप तिबाला ग्रहण कि।
|
|
\v 2 दक्पुजिगला तेरि साब मोवा कि, ज्येन्जिक ति आमोछ्योबप् तिकि छेर् तिबा क्या सेउ।
|
|
\v 3 तेरि साबतिकि तेरि मासाबुप् तिला क्युक्ट मिकिसित। तेमे तेरि साबतिबिला मासाबुप तिकि न्यायमिकिसित। च्यिलासिसिन तिला कन्ज्यककि सेमला लाङ्गुप क्याबु ह्ये।
|
|
\v 4 ज्येन्गि यक्पि न्याय किरुप ति ख्योरुङ् सु हिङ्? दि तिकि ग्याल्बुतिकि चाला खडा किउ च्यिलासिसिन चावा तिला खडा किरुप कि थुपु ह्ये।
|
|
\p
|
|
\v 5 दक्पु जि ज्येन ङिमाला राङ्सा सिना गोङ् कि ङेङ्ग्यु। राङ्सा तिकि तेरि ङिमाला च्यिकराङ् नासाम तोङ्गु। तेरि दा-दाक्पि सेम्ला मोवा हुङ्सित्। सिकि ति ङिमा ङेङ्ग। तिकि चावा थक्ला ङेङ्ग्यु।
|
|
\v 6 तेमे सिकि सेबे तिकि चावा थक्ला सेबि, च्यिलासिसिन तिकि कन्ज्यकला थुच्यिछे तेर्क्यु।सिकि मासा, तिकि चावाकिज थक्ला दाक्पुला रोके कि।
|
|
\v 7 च्यिलासिसिन अरुङ् सुङ् दाक्पि थक्ला मिजि मोक्योङ्गि ह्ये तेमे सुङ् दाक्पि तक्ला मिसिहु।
|
|
\v 8 च्यिलासिसिन ओरुङ् थारुप हिङ्सिन चावाकि थक्ला राङ् थार्क्यु, तेमे स्येप हिङ्सिन चावाकि थक्लाराङ् सिउ, ओरुङ् चावा राङ् हिङ्।
|
|
\v 9 दिकि किसाला राङ् ख्रिष्ट स्येप हिङ् तेमे लोङ्राङ् सेन्बु लाबुप हिङ्, तेमे खो तेरि स्येप ताङ् सेन्बु तेरिकि चावा हिङ्।
|
|
\p
|
|
\v 10 ख्योरुङ् च्यिकला दाक्पि नुप न्याय कि? तेमे च्यिला दाक्पि नुपला तुच्छ सि? च्यिलासिसिन ओरुङ् तेरि कन्ज्यक न्याय आसन चाला खडा क्यु।
|
|
\v 11 च्यिलासिसिन दिन्दग टिबुप् ह्ये, चावा कन्ज्यककि सिउ, “ङा च्युक क्यानि सेन्बु ह्ये, ङे थक्ला तेरि छि तिबा जुगोक्यु तेमे तेरि च्येलाकि चावा कन्ज्यक सोवा कि गोक्यु।“
|
|
\p
|
|
\v 12 तुककिसाला ओरुङ् तेरिकि कन्ज्यककि लेखा तेर्गोक्यु।
|
|
\p
|
|
\v 13 तुकिसाला, च्यिगला न्याय माकि, तेमे दि कि अठोट कि, ओरुङ् तेरिकि दाक्पि नुपला ठेस फगुप तेमे त्रबा माज्या गु।
|
|
\v 14 ङाला दि छ्या ह्ये तेमे ङा चावा येशुला मोवा कि, च्येन्दक तिङ् दाक्पुराङ् मेलेबा मेगु। सिकि च्येन्दक थोकला मेच्येन्बा सिबे, तिकि थक्ला दि मेच्येबा गिउ।
|
|
\v 15 ति सेनकि किसाला ख्यरे नुपला चोट फकिनक् सिसिन ख्योरुङ् ङिङ्ज्येला मेत्। सि थक्ला ख्रिष्ट यिसुङ् तिला ख्योरे साब सामाकि नामोडोसित्।
|
|
\v 16 तुक्किसाला ख्योरे यक लेमु तिबिकि तिबाला मार्च्याक कि माज्यि।
|
|
\v 17 च्यिलासिसिन कन्ज्यककि ग्याल्खाप साब ताङ् थुङ्गुप मिङ्, तेमे थुच्येङ्गिला दिक्पा मेतुप ताङ् शान्ति ताङ् ङिङ्साङ् हिङ्।
|
|
\v 18 च्यिलासिसिन ख्रिष्ट यक किरुप मि कन्ज्यककि थक्ला सेम्ला ज्यगु योग्य ताङ् मि तिबि तेबा समर्थन क्याबुप हिङ्।
|
|
\p
|
|
\v 19 तुक्किसाला ल्हो दिमु ताम तिबा तेमे च्यिगि च्यिकला जब ताम तिबि तिङ्ला युसा।
|
|
\v 20 सामा साबकि किसाला कन्ज्यक यकला नामोतोङ्गा। हुतुङ्दि तेरि सुद्द गिउ, तेमे सिकि सेबे तिला ठेस फक्जिकिनक, तिकि थक्ला ति डे हिङ्।
|
|
\v 21 स्या मासा, जितु मेङ्गु, तेमे दाक्पि, नुपला मा थेन्जितुप, च्येन्दक ताम मिकिबुप् ति लेमु हिङ्।
|
|
\v 22 ख्योरुङ् ताङ क्यानि दि हुतुङ्कि मोवा तिबा ह्ये, तिबाला ख्योरुङ् ताङ् कन्ज्यक पार्ला ज्यगा। दाक्पुला मन्जुर गालुप तामला दाक्पुला दोषि मिकिबुप् मि ति धन्य हिङ्।
|
|
\v 23 सिकि शङ्का क्यानि सेबे, ति मोवा नेबा मिदुपकि किसाला दोषि ठहरे क्यु। तेमे च्यन्दि मोवा नेबा लेबुप् मिङ् ति दिक।पा हिङ्।
|
|
\c 15
|
|
\cl लिउ 15
|
|
\p
|
|
\v 1 ता दाक्पि तेम्बा राम्बु, वोतुप तिवि तेपा रम्बु मेतुप तिवि (सहनुपर्छ),
|
|
\v 2 ओरुङ तेरिकि दाक्पि युल्बातिवि (भलाइ) कि तिकि थक्ला थु ल्हाक्पा ज्वपला तिला गा क्या ज्यक ।
|
|
\v 3 चिला सिसिन खिरेकि दाक्पुला गा क्या माज्याक, तेमे टिबुप दगेराङ् ख्योरुङ्ला मार्च्याक किरुप तिबि मार्च्याक ङे खाला लुम्सुङ्।“
|
|
\v 4 च्यिलासिसिन तङ्ला खाङ् तिबुप ह्ये, ति ताम तिबा अरे लोपेङ्कि कला टिबुप हिङ्, तेमे क्षो नेबा हुङ्गुप धर्यौ ताङ् उत्साह नेबा ओरुङ्ला आसा थोप्सि।
|
|
\p
|
|
\v 5 ता धर्यौ ताङ् उत्साह कि चोवो कन्ज्यककि ख्रिष्ट येशु अनुरुप ख्यिराङ्ला दक्पुजिक च्गिगकि सेम च्यिकराङ् उङ्गुप डोसित।
|
|
\v 6 तुक हिङ्सिन ख्यिरे सेम च्यिकराङ् ग्युर्नि खाच्यिगिराङ् चोवो कन्ज्क ताङ् दाक्पि येशु ख्रिष्ट पापि सोवा बुल थुप्सित।
|
|
\p
|
|
\v 7 तुक हिङ्सिन ख्यिरे सेम च्यिगराङ् ग्युर्नि खाच्यिगिराङ् चोवो कन्ज्यक सोवाकि थक्ला ख्रिष्टकि ख्यिराङ्ला सेमला लागुप दगेराङ् ख्यिरेकि साङ् च्यिगकि च्यिगला सेमला लोङ्।
|
|
\v 8 ङा सिउ कि पुर्खा तिबाला बिन्दुप का तिबा पक्का किरुपला, चोवो कन्ज्ककि सत्यता तेबा ख्रिष्ट खतना क्याबुप यहुदि तिबि यक्पु ग्युर्सुङ्,
|
|
\v 9 तेमे दुक्क्यानि ज्येन मिरिक तिबि खोकि काटिन कला चोवो कन्ज्यकला सोवा बुल थुक्यु। दिन्दग टिबुप ह्ये,”दुक्किसाला ङा ज्येनमिरिक तिबि दङ्ला ख्योरे सोवा क्यु, तेमे ख्योरे सावा
|
|
\v 10 दिकि लोङ्” ए ज्येनमिरिग तिबा हो, खोकि मितिबा ताङ् ङिङ्साङ् कि।“
|
|
\v 11 तेमे लोङ्राङ् “ए ज्येनमिरिक तिबा हो, कन्ज्यकला सोवा बुल, तेरि मिरिक तिबि खोला सोवा बुल।“
|
|
\v 12 लोङ्राङ् यशौया कि सिउ, “यिशैकि मारा गिउ, ज्येनमिरिक तिबिकि खोला आशा ज्यगु।“
|
|
\p
|
|
\v 13 ता आसाकि चोवो कन्ज्यकला मोवा कितुपकि कला ख्यिराङ्ला पुर्ण किर्मु ताङ् ङिङ्साङ् कि भरिदिउन, ता थुच्येङ्गिकि थु कि ङार नेबा ख्यिराङ्ला प्रशस्त आसा होसित। ख्यिराङ्ला प्रशस्त आसा होसित।
|
|
\p
|
|
\v 14 ङे नुपतिबा हो, ङा दाक्पुराङ् ख्यिरे कला बिश्वस्त ह्ये, ना ख्यिराङ् दाक्पु तिबा भलाइ च्यिगिकि च्यिगला अर्ति तेरुप सक्षम ह्ये।
|
|
\v 15 तेमे ङाला चोवो कन्ज्यक नेबा बिन्दुप काटिनकि किसाला, ङा ख्यिराङ्ला लोङराङ् नासाम तोङ्गुला थक्ला लाला तामतिबि कला तारोङ् साहसतानि टिकिन्क्यु।
|
|
\v 16 ना चोवो कन्ज्यककि ङेत्पाति पुजारितिबि तक्ला ङा ख्रिष्ट येशु थु नेबा चोङ्गि जोबुप सेम्ला लाङ्गु भेटि दगेराङ् हुङ्गोक्यु।
|
|
\p
|
|
\v 17 तुक्किसाला ख्रिष्ट येशु चोवो कन्ज्यककि थक्ला क्याबुप ङे थक्ला ङाला गर्व किरुप कारण ह्ये।
|
|
\v 18 च्यिलासिसिन ज्येन मिरिक तिबाला खाला ङेन्दप खुङ्गुप छिक् ताङ् यगिकि ख्रिष्टकि ङे तेबा पुरा क्याबुप ताम सिनाङ् ज्येन तामला साङ् ङा साहस मिक्यु।
|
|
\v 19 दि तामतिबा ताङ् तामतिबि ङारतेबा ताङ् थुच्येङ्गि थुकि ङे नेबा क्याबुप हिङ्, तेमे ङेकि यरुशलेम नेसुर लानि इल्लुरिकन साक फारसुरकि तेरि दासाला ख्रिष्ट लेन लेमु पुर्ण रुपला लेङ् केल थुप्सित।
|
|
\v 20 दुक्किसाला लेनलेमु गोषणा कुरुप ति ङे उत्कट सेम ह्ये, तेमे ख्रिष्ट हिङ् ङुस्येबुप तिबि दासाला हिङ्, तेमे दुक् क्यानि ज्येन मितिबिकि बसालेको जक खाला ङेकि निर्माण माकि।
|
|
\v 21 च्येन्दक टिबुप ह्ये, तिकि चाला खोकि लेनलेमु माख्योल, तिबिकि खोला चोङ्गित, तेमे सिकि लेन लेमु माकोबुप ह्ये, तिबिकि खाक्को क्यु।
|
|
\p
|
|
\v 22 तुक्किसाला ख्यिरेचाला ङा उङ्गप ति ख्येप आला रोके क्याबुप ह्ये।
|
|
\v 23 तेमे ता दि दासातिबाला ङे थक्ला ख्येङ्साङ् दासा मेत, तेमे लो बाकि नेसुर के ङा ख्यिरे चाला उङ्गुप सेम क्याबुप् हिङ्।
|
|
\v 24 तुक्किसाला ङा ता सोनला डिउ ते डोयिङ् किसिन ङा ख्यिराङ्ला ठेक्यु, तेमे ति तुज्येला ति कला ख्यिरे संगति कि ङिङ्साङ् क्यासिमा ख्यिरेकि ङे यात्राला युक्ट क्यु सिरुपति आसा ह्ये।
|
|
\v 25 ते ता ङा चेङ्गि तिबि सेवा किरुपला यरुशलेम तेबा डोइ क्यु।
|
|
\v 26 च्यिलासिसिन यरुशलेम कि चेङ्गि तिबि चाला पेरेङ्गु तिबाला मासेडोनिया ताङ् अखैयाकि जोम्खाङ् तिबिकि काङ् अनुदान बिनु ह्ये।
|
|
\v 27 हिङ् दुक् किरुप ति ख्यिरे सुभेच्छा ह्ये। तेमे उतुङ्राङ् ति ख्यिराङ् यहुदि तिबि छ्याक्पा हिङ्। च्यिलासिसिन ते ज्येन मिरिक तिबा यहुदि तिबि थुकि मलाम तिबाला जोम्बुप ह्ये सिसिन यहुदि मोवा किरुप तिबाला भौतिक मलाम नेबा सेबा किरुपताङ् दि मिरिक तिबा छ्याक्पा हिङ्।
|
|
\v 28 दुक्किसाला ङा ता दि यक तेरि क्यानि तिबाला दिक अनुदान अधिकारिक रुपला तेर्क्यु, ङा ख्यिरे लाम नेबा राङ् स्पेनला डिउ।
|
|
\v 29 ङाला छ्या ह्ये कि ङा ख्यिरे चाला उङ्सिन ख्रिष्ट कि मलाम पुर्णता गिउ।
|
|
\p
|
|
\v 30 नुप तिबा हो, ता ङा ख्यिराङ्ला अरे चोवो ख्रिष्ट नेसुर तेमे थुच्येङ्गि ङिङ्ज्ये नेसुर गोङ्बा सिउ कि ङे थक्ला चोवो कन्ज्यक ताङ् ख्यिरे मिपारला ख्यिरेकि ङाताङ् दुक्पा किउ।
|
|
\v 31 दि मोपार कि ङा यहुदियाला अतुप खाला मेङ्येङ्बुप मिरिक तिबि तेबा जोगिन साकुङ् तेमे यरुशलेमकि थक्ला ङे सेवा चेङ्गि मितिबाला सेम्ला लाङ्दे हुङ्सित्।
|
|
\v 32 तेमे ङा चोवो कन्ज्यक सेम नेबा ख्यिरे चाला ङिङ्साङ् क्यानि उङ्थुप्सित् तेमे ख्यिराङ् ताङ् सङगति नेबा ङा तेरिक ङेक्यु।
|
|
\v 33 शान्तिकि चोवो कन्ज्यक ख्यिराङ् तेरि ताङ् लुसित्।
|
|
\c 16
|
|
\cl लिउ 16
|
|
\p
|
|
\v 1 किक्रियाला हतुप जोम्खाङ्कि सेविकि अरे नुम फिबि प्रशंसा ङा क्यु।
|
|
\v 2 ख्यिरेकि तिला चोवोला ग्रहण कि। दि मि च्येङ्गि तिबाला सए किरुपला किसा, तेमे तिला च्येनदक ताम्ला ख्यिरे खाचो गिउ तिला सहयोग किसा। च्यिलासिसिन यि दाक्पुराङ् तेरिकि तेमे ङे दाक्पि तिराङ् सहयोगि गालुप हिङ्।
|
|
\p
|
|
\v 3 ख्रिष्ट येशु ङे सहयोगि प्रिस्का ताङ् अकिलासला अबिबादन किसा।
|
|
\v 4 सिकि ङे मिजिकि कला तिबि मिजि जोखिम ला जोबुपप ह्ये। ङा तिबाला थच्छिछे सिउ, ङे क्या हिङ्, तेमे ज्येन मिरिक तिबि तेरि मण्डलि कि साङ् थुच्छिछे तेर्क्यु।
|
|
\v 5 तिबि खाङ्बाला हतुप जोम्खाङ् ला अबिबादन बिङ्, ङे ङिङ्ज्ये क्याबुप् इपेनितसला अबिबादन बिङ्, ति ख्रिष्टला एसियाकि तङ्गि डाल्बा हिङ्।
|
|
\v 6 मरियमला अबिबादन बिङ्, तिकि ख्यिरे थक्ला उदेक दुक्पा क्याबुप ह्ये।
|
|
\v 7 ङे मितिबाला तेमे ङे सङ्गि चोङ्खाङ्ला हतुप एन्डोनिकस ताङ् युनिस्ला टासिदेले सिनि नाङ् तिबा प्रेरित तिबा सिनाङ् बिशिष्ट ह्ये, ति ङा सिनाङ् तङ्ला कि ख्रिष्टला हतुप हिङ्।
|
|
\v 8 चोवोला ङे ङिङ्ज्ये क्याबुप् एम्प्लिआसला ङे टासिदेले
|
|
\v 9 ख्रिष्टला अरे सहकर्मि उबार्नस ताङ ङे ङिङ्ज्ये क्याबुप स्ताखुसला टासिदेले बिङ्।
|
|
\v 10 ख्रिष्टला समर्थन क्याबुप अपल्लेसला टासिदेले केतो सिनि सिसा।
|
|
\v 11 तेमे ङे छेङ्बा हेरोदियाला साङ टासिदेले सिनि सिसा।
|
|
\v 12 चोवोकि थक्ला छासे टेङ्बु किरुप त्रोफोसाला साङ टासिदेले सिनि सिसा। ङिङ्ज्ये क्याबुप् परसिसला साङ टासिदेले सिसा, तिकि चोवो यक बाङ्गि क्याबुप ह्ये।
|
|
\v 13 चोवोला चुनिएको रुफस ताङ् तिकि मामा ति ङेसाङ् मामा हिङ्, तिबाला टासिदेले सिनि सिसा।
|
|
\v 14 असिक्रितस, फलोगन, हर्मेस, पत्रोबास, हर्मास ताङ् तिबाताङ् हतुप तेरि नुपतिबाला टासिदेले सिनि सिसा।
|
|
\v 15 फिलोलोगस ताङ युलिया, नेरियस, ताङ तिकि नुम ताङ ओलिम्पास ताङ तिबाताङ हतुप चेङ्गि तिबा तेरिला टासुदेले सिनि सिसा।
|
|
\v 16 च्यिगि च्यिगला चेङ्गि ङिङ्ज्ये कि टासिदेले सिसा। ख्रिष्टकि तेरि जोम्खाङ कि ख्यिराङ्ला टासिदेले सिसा।
|
|
\p
|
|
\v 17 ता नुप तिबा, ङा ख्यिराङ्ला सिउकि ख्यिरेकि ल्हाबुप लेङ् सिनाङ् फिला गाल्नि भिबाजन ताङ् बाधा तेरुप तिबाताङ् क्यानि होसियार देता।
|
|
\v 18 च्यिलासिसिन दिंदक मितिबिकि अरे चोवो ख्रिष्ट सेवा मिकित, तेमे तिबि दाक्पि सुबकि सेवा कितो तिबि चिप्ला ताम ताङ् चापलुसिकि निर्दोसकि सेमला जुनक् क्यु।
|
|
\v 19 तिबि खाला ङेन्मुकि उदारण तेरि दासाला ख्योलुप ह्ये। तुक्किसाला ङा ख्यिराङ् ताङ् क्यानि सेम हेङ्गि क्यु, तेमे च्येन्दि ताम लेमु नोक तिला च्याङ्बु बुङ् गोक्यु, तेमे ताम च्येन्दि मेलेबा नोक तिला निर्दोस दे गोक्यु।
|
|
\v 20 तेमे लोदिमु नङ्गुप कन्ज्यककि ङमुराङ् डेला रिन्रे काङ्बि पोक्ला लेप जिक्यु दाक्पि चोवो येशु ख्रिष्ट काटिन ति ख्यिराङ् ताङ् लुसित।
|
|
\p
|
|
\v 21 ङे सहकर्मि तिमोथिकि ताङ् लुकियस यासोन ताङ् सोसिपात्रोकि साङ् ख्यिराङ्ला टासिदेले सिनि ताङ्गु ह्ये।
|
|
\v 22 दि पत्र टिगुप ति ङा तर्तियासकि चोबोला ख्यिराङ्ला अभिबादन क्यु।
|
|
\v 23 ङाला ताङ् तेरि जोम्खाङ्ला दाक्पि खाङबाला गासो किरुप गायासकि ख्यिराङ्ला टासिदेले सिक्याबुप ह्ये।
|
|
\v 24 अरे चोवो येशु ख्रिष्टकि काटिन ख्यिराङ् तेरिगला लुसित। आमेन।
|
|
\p
|
|
\v 25 ता चोवो कन्जयकला सोवा बुल। येशु ख्रिष्ट कला ङे सिक्याबुप लेनकि ठादिङ्गि दगेराङ् ख्यिराङ्ला सुदुढ किरुपला कन्ज्यक सक्षम ह्ये।
|
|
\v 26 तेमे ता दि रहस्य प्रकट क्याबुप ह्ये तेमे नाम्साङ् कन्ज्यककि का दगेराङ् लुङ्देनकि क्षोखाङ् नेबा सिक्याबुप ह्ये तेमे तेरि मिरिक तिबा मोवा खोकि खाला ङ्येन्सित।
|
|
\v 27 दक्पुच्यिकराङ् सर्बक्षानि चोवो कन्ज्यकला ख्रिष्ट नेसुर नाम्साङ् सोवा बुलसित। आमेन।
|