\id TIT
\ide UTF-8
\h तीतस
\toc1 तीतस
\toc2 तीतस
\toc3 tit
\mt तीतस
\c 1
\cl अध्याय १
\p
\v 1 कन्ज्यककि यग्पु चावा येसुकि प्रेरित् पावल कन्ज्यक नेसुर दाम्बुप् मि तिविकि मोवा ताङ हुतुङ हिन्दुप्कि येन्देनला थाका ज्वप् सिनि चिनक मोवा थनि डिग्मु किउइ,
\v 2 नाम्लाङ मिसिन्बु हुतुङ्कि मिजिला, जुनाक मोजोबु कन्ज्यककि तेरिक सिना तङि लोग्मुकि तुज्ये सिना तङ्लाराङ ना क्याल्सुङ।
\v 3 हिन्दुप् तुज्येला, अरे थार्वा तेरुप् कन्ज्यककि का दगे क्यानि ङाला लेन लेमु श्येतुप् सिनि बिन्तुप् लेन नेसुर खोकि दाक्पि सुङ लेमु क्यानि क्ष्या तेन्सुङ।
\v 4 ओरुङ तेरिककि मोवाला हुतुङ्कि पुज्युङ तितसला पापा कन्ज्यकताङ अरे थार्वा तेरुप् चावा येसु नेसुर कार्टिन, च्याम्पा ताङ सेम येङि।
\v 5 हारुङाङ् माच्युङु लाका तिवा ख्यरेकि ल्यामु जो सिनि ङेकि ख्योरुङ्ला का बिन्दुइ् दगरेाङ क्यानि तेरक ग्यासाला गमा लाम किरुप् तिवाला कातोङ सिनि ङेकि ख्योङ्ला क्रेटला ताङ् ज्यागु हिन।
\v 6 क्यान मेतुप् गमाकि लाम् क्ष्या देन्तुप्, पेर्मि चिगि ख्या, दुग्टे ताङ मेलेवा लाका किरुप् नेसुर् थसरे देनि मोवा किदिमु पुज्युङ पुम तिवा हुङ्गोक्यु।
\v 7 कन्ज्यककि खाङ्बि नाङि ठिम्ला दिग्पा मेतुप् च्युङुला क्यान मेतुप्, दाक्पि सेम्ला ज्यगु, ङेर्मा मिकिवु, छ्याङ आराक् मुथुङु, थामु माग्यागुताङ हाम्बा मिकिबु हुङ गोक्ग्यु।
\v 8 हिन्सिनाङ तिदि डेन्बु सिनि गङ्बा श्यप्, काङ ल्यामु वे तिकि दाल्जा, तेरक तानि डिगु, दिक्पा मेतुप्, मोवा कितुप् ताङ सेम ल्यामु हुङ् गोग्यु।
\v 9 ति रि थुबु सुङ्नाङ्ला कास्से क्यानि श्युग् गोक्यु, चिला सिसिन तिकि चिन सुङ ति लेमु हिन ति सुङ तिवा ल्यामु क्यानि सिथुसित्, खाला हुङ्गुप् तिवाला ल्यामु क्यानि सिथुसित्।
\p
\v 10 चिला सिसिन ति ग्याक्ला दिक्याबु खाला ङेन्दुप् मि तिवा नक, तिवा तेरिक (खतना) क्याबु मि तिवा नक। तिविकि सुङ तिवा काङ लाका कि मिदुक्। तिविकि मि तिवाला जुनाक जोनि मेलेवा लाकाला टिक्यु।
\v 11 तिवाला क्योर् गोक्यु। तिविकि ङछा लाङ्दे लोपु मेङु ताम तिवा लाप्पिन्दाङ मि खाङ्बा ना ताङ तेर्क्यु।
\v 12 तिवि नाङि येन्देन् वतुप् मि कि सिक्याबु वे, “क्रेटकि मि श्यरारा जुनाक ज्वप् तिवा, मेलेवा जिवालाङ्दे पालाङ ताङ छेरे ख्वक्पा वतुप् तिवा हिन्।"
\v 13 दि सिटिङ ति हुतुङ वे, तिवाला क्योङ्बु क्यानि थाका जो, चिला सिसिन तिवाति मोवाला ल्यामु क्यानि डो थुसित्।
\v 14 यहुदि तिविकि हुतुङकि सुङ ताङ पे नेसुर् ग्युर्नि गालुप् मि तिविकि का तिवाला तुज्ये माक्युरा।
\v 15 चेङि वतुप् तिवाला थाम्जये तिवा चेङिराङ हुङुइ, मेचेङि ताङ मोवा मिकिबु तिवालाति चिन्दिङ चेङि मेङुउइ। तजोला तिवाला ति सेम् ताङ येन्देन् तिङ मेचेङि चुङु वे।
\v 16 तिविकि कन्ज्यकला ङोश्येबु वे सिउइ हिन्सिनाङ तिविकि लाका कि ख्योला सेम मालाङु लाका किउइ। तिवा छ्य किरुप् दगे ताङ सिक्याबु मेङेन्बु गिउइ तिकि किसाला चिन्दिङ लाका किरुप्ला लाका कि थुवु मोथोबुउइ।
\c 2
\cl अध्याय २
\p
\v 1 ख्यरेकि हुतुङ् डिकुप् लाकि ताम क्याजिक् किसा।
\v 2 गावा मितिवा ज्यापु, थेन्बि दासा, हाक् कोथुबु, मोवाला, ङिङ्ज्ये ताङ गुवाला हुतुङ हुङ गोक्यु।
\v 3 मि गामा तिवा मेलेवा ताम लापुप् मि मिन्, नाम्लाङ दाक्पुला क्ष्येन्दक दगेराङ जो गोक्यु। तिविकि नाम्लाङ छ्याङ आराक् थुङु मेङुउइ।
\v 4 नाज्युङ्मा पुमा तिवाला तिविकि सेम्ला डाडा नासाम् ज्वप्ला, तिविकि दाक्पि ख्यतिवा ताङ पेजा तिवाला ङिङ्ज्ये किरुप्ला सेम् स्वप् तेरुप्, हाक् कोतुबु हुङ्गुप्,
\v 5 चेङि, खाङ्बि लाका ल्यामु क्यानि किरुप्, ख्य तिविकि का ङेन्तुप्ताङ तिविकि काङ ल्यामु वे ति लोप् गोक्यु, चिला सिसिन कन्ज्यककि सुङला मेलेवा मिसिसत्।
\v 6 तुक् राङ् क्यानि ज्येदा मि तिवालाङ हाक् कोथुबु च्युङा सिनि सिसा ।
\v 7 तेरिक्ला दाक्पुलाराङ ल्यामु लाका किरुप् मि हिन सिनि क्ष्या तेन्, ख्यरेकि लोप्सिन चेङिला, थेन्बि ठि, ख्योङ्ला मेलेवा सि मुथुपुप्न सुङ्कि ताम तिवा क्ष्या तेन ।
\v 8 लोङ्या रिग् राङ मोगोबु छिक् तिवा ताम कि, तिकि ख्यरे खाला किरुप् छाल्सिन, अरे कला सिरुप् चिन्दिङ मेलेवा ताम माच्युङ्बा तिलाराङ ङछा लाङ्सित्।
\v 9 यक्पु तिविकि तिवि ज्यिन्दाक् तिवि तेरिक् कि का ङेन्सित्। तिविकि तिवाला गा लोङ्गोक्यु, तिवि खाला खालेन मिकिसित्,
\v 10 काङ कुन् मिकिसित्, हिन्सिनाङ तिविकि ल्यामु मोवा तिवा छ्या देन्सित्, तिविकि अरे थार्वा तेरुप् कज्यककि अरे येन्देन ला च्युक् क्यानि हिन्सिनाङ ल्यामु जो ।
\p
\v 11 ल्होसा, अरेकि गाकिइ रेवा किइ वतुप् थार्वा तेरुप् कन्ज्यक चावा येसु कि सोवा छ्यरुप् ताम्ला अरेकि गुसिन, तेरिककि चाला थार्वा खुङ्थुपु कन्ज्यककि कार्तिन छ्यारुप् वे,
\v 12 ओरुङ्ला दिक्पा ताङ जाम्बुलिङ्कि नावा तिवाला मिलिङु ताङ दि लोग्युला हाग् कोदु,
\v 13 दिक्पा मेतुप् ताङ् कन्ज्यककि सेम्गि मिजि क्योङु लापु वे ।
\v 14 येसुकि ङेराङ्ला दिक्पा नेसुर् सेङे ज्वप्, तेमे दाक्पुला चिन लेमु वे ति किरुप् नावा वतुप् गोङकि मि तिवा, चेङि ज्वप् सिनि दाक्पुलाराङ ओरुङ्ला सिनि च्याक् बिन्सुङ।
\p
\v 15 दि ताम तिवा सिक्यानि सेम्सो बिनि तेरिक् का तानि ल्यामु जो । ख्योरुङ्ला सिसाङ गङ्बा मुश्युगु मिकिसित्।
\c 3
\cl अध्याय ३
\p
\v 1 ओङ्ज्येन किरुप् ताङ ओङ्ज्येन तिविकि ओङ्ला देतुप्, तिविकि का ङेन्दुप् ताङ तेरिक लेमु लाका किरुप्ला टेगे देत्,
\v 2 ज्येन मिला मोतुप्, थपुप् मि तिवा नेसुर् थारे देतुप्, ज्येन् मितिवाला तिवि दाक्पि लाम्ला युग् चितु ताङ तेरिक् मि तिवाला च्याम्बा छ्या देन्तुप्ला सेबा तोङ।
\p
\v 3 चिला सिसिन ङेराङाङ् मेलेवा लाका कितुप्, सिक्याबु नक्। ङेराङ दुक्टे ला ताङ मिजेरला थारु हिन। ङेराङ मेरा चिगि राङ्साला मार्च्याक किरु मि हिन्।
\v 4 चावा कन्ज्यक ङिरे थार्वाकि च्याम्बा ताङ मि छ्यला खोकि ङिङ्ज्ये थोङ्सुङ,
\v 5 ङेरेकि दिक्पा मेतुप्ला क्याबु लाका तिवा नेसुर् मिन, खोकि च्याम्बा दगेरा९ङ साम्बा केबि ताङ थुचेङिकि साम्बा किरुप् नेसुर् खोकि ओरुङ्ला थार्पा बिन्सुङ्।
\v 6 कन्ज्यककि ङिरे थार्वा चावा येसु नेसुर ङिरे खाला थुचेङि आला पुसुङ।
\v 7 खोकि कार्टिननेसुर दिक्पा मेतुप् च्युङ्नि ङिराङ हुतङकि मिजि ङेतुप् हिन्।
\p
\v 8 दि सुङ तिवा मोवा किदिमु वे। ख्योङ दि ताम तिवा कास्से क्यानि बारु ति ङा नावा किउइ, कन्ज्यकला रेवा ज्याकुप् तिवला खोकि तिविकि तिविकि चाला ज्याकुप् लेमु लाका नेवा तिविकि सेम् ग्योप्। दि तरिक ताम तिवा मि तिवाला गोबु ताङ ल्यामु हिन ।
\v 9 ठिमकि कुबाकि दगे मेतुप् ताम तिवा किरुप्, गिपा तिवा, थामु ताङ जिङ्बाल नेसुर थारे देतु। ति ताम तिवा ति गोङ् मेतुप् ताङ चिन्दिङ लाका मेतेरु दगे नक्।
\v 10 खेप्चिक् मिन्सिन् खेप्ङि जिवा कुदु तिङ्ला खिरे पार्ला टोलुप् तिवा तेरिक्ला मिन सिसा,
\v 11 दि श्येसा दिनक मि हुतुङ्कि लाम नेसुर् सेम नागाल्नि लाम् ताङु वे, दिक्पा किइ दाङ दाक्पुलाराङ क्यान जुउइ वे ।
\p
\v 12 तजोला ङा अर्तिमास मिन्सिन तुखिमसला ख्यरे चाला तोङु, टबु क्यानि निकोपोलिस्ला श्यक, त्येरुक्ला ङेकि गुन्ला देतु सिनि नावा क्याबु वे।
\v 13 टिवु किसा, ठिम्कि श्येबु जेनास ताङ अपोल्लोसला तिवाला गोबु तेरिक् बिन्तोङ्।
\v 14 अरे मि तिवा माच्युङा मेङुप् तिवा क्योलुप् ताङ लेमु लाका तिवाला दाक्पुराङ श्युग् गोक्यु, चिला सिसिन तिवा ति डेल्वा मोगोरुप् दोङ्बु दगे मुच्युङ्सित्।
\p
\v 15 ङा तानि वतुप् तेरिक् कि खोरुङ्ला गोङ्बा श्युवा ताङु वे । मोवाला ङेराङ्ला ङिङ्ज्ये किरुप् तिवाला गङ्बा श्यप् सिक्यानि नाङ। खिराङ तेरिक तानि कार्टिन वसित् । आमेन ।