\id PHM
\ide UTF-8
\h फिलेमोन
\toc1 फिलेमोन
\toc2 फिलेमोन
\toc3 phm
\mt फिलेमोन
\c 1
\cl लिउ १
\p
\v 1 चोन्खाङ्ला वतुप् येसुकि पावल ताङ् ङेरे नुक् तिमोथि नेसुर् ङेरे छ्याजिम लाका किरुप् ङिङ्ज्येबु दाल्जाला,
\v 2 तेमे अरे नुम् अफ्फिया ताङ अरे छ्याजिक लाका किरुप् दाल्जा अर्खिप्पस् तेमे ख्यरे खाङ्बाला वतुप् जोम्खाङ,
\v 3 कन्ज्यक पापि नेसुर् ताङ अरे चावा येसु नेसुर् कार्टिन ताङ लो दिम्ज्ये!
\p
\v 4 ख्योला मोपार्ला नासाम् तोङ्सिन् ङा नाम्लाङ् कन्ज्यकला थुचिच्ये बुल्ग्युई।
\v 5 चावा येसुला वतुप् खयरे मोवा, च्याम्बा ताङ ख्यारेकि ज्येन मोवा किरुप् मि तिवाला ख्यरेकि क्याबु च्याम्बाकि कला ङेकि कोतुप् वे ।
\v 6 चावा ताङ् ओरुङ् तानि वतुप् तेरिक ल्यामु ताम तिवा ताङ रिक्पानेसुर् ख्यरेकि चावाकि लाका कि थुसित् सिनि ङा मोपार किउइ।
\v 7 चिला सिसिन ख्यारे च्याम्बा कि ङाला आला सेम येङि ताङ सेम च्याङ्से बिन्दुप् वे । चिला सिसिन नुक, ख्यरेकि मोवा किरुप् मि तिविकि सेम सेन्बु जोबु वे।
\p
\v 8 दिकिसाला, ख्यरेकि काङ कि गोबु हिन, ति ताम ख्योङ्ला का तेरुप् सिनि चावा ने ङाला ङार ङेसुङ।
\v 9 च्याम्बाकि किसा ङा पगावा पावल, येसुकि ङा मिराचिक् चोनखाङ्कि मि, ङा खिराङ्ला गङ्बा श्युउइ,
\v 10 ङा ङे पुज्युङ ओनेसिमसला मोपार किइ वे, चोन्खाङ्ला वसिन ङा तिकि पापा हिन्।
\v 11 चिला सिसिन ख्येप्चिक् ति मि लाका मेतेरु मि वतुप् हिन्, हिन्सिनाङ हादा ति मि ख्योरुङ ताङ ङाला ङिकारला लाका तेरुप् मि च्युङु वे ।
\p
\v 12 ङा तिला, चिन्दि ङे सेम हिन ति दि ख्यरे चाला तोङिन वे।
\v 13 ङेकि चोन्खाङ्ला लेन् ल्यामु श्येतुप् लाका किटो किरुप्ला सिनि ताला ङा तानि राङ् ज्यगु छालिन।
\v 14 ख्यारेकि कि सिमाक्याबा ङा चिन्दिङ लाका मिकिउइ, चिला सिसिन् ख्यरेकि ङाला सिनि चिन्दिङ लाका किदाङ कि सिनि मिसिउइ ति सिना ख्यरेकि राङ सेमनेसुर् क्याबु लाका ति ङा नावा किउइ।
\v 15 ता तिकि नाम्लाङ्ला सिनि तिकि ङेसित् सिनि राङ तिला उकुर्जिक् ख्यरे चाने थारे गालुप् नक्।
\v 16 ता मिराचिक यग्पु मिन, यग्पुसिना साङ चेक क्ष्येबु नुक सिनि लसा । ङा तिला ङिङ्ज्ये किउङ ख्यरेकिङ तिला ङिङ्ज्ये किसा । ख्यरेकि तिला जुबुला ताङ चावाला वतुप् दगे क्यानि ङिङ्ज्ये किसा।
\p
\v 17 तिकि किसाला, हुतुङ ङाला लाका किरुप् दाल्जा सिनि लाङ्सिन तिलाङ ङाला दगेराङ क्यानि लसा।
\v 18 हुतुङ तिकि मेलेवा लाका क्याबु वसिन् ङाला क्यान चु तेमे काङ ज्येल गोबु वसिन ङे ज्येलगोबुला ज्याङ नाङ्।
\v 19 ङा पावल, दाक्पि लाक्पिकिराङ दि टिगिन् वे, ति छ्यावा ति ङा च्याल तेर्क्यु । ख्यरेकि दाक्पि मिजिला चो छ्यावा ज्येल गोबु वे सिनि ङा मिसिउइ ।
\p
\v 20 नुक्, ङे सेम येङिला सिनि चावाकि लाका क्या नाङ; चावाला ङे सेम् साम्बा जोनाङ ।
\p
\v 21 ख्यरेकि ङे बिन्दुप् का हुतुङ्राङ ङेन्ग्युसिनि ख्योरुङ्ला ङा दि टिश्यु टिगिन् वे । ङाला मोवा वे, ख।यरेकि ङेकि सिक्याबु ताम सिना साङ आला लाका ककिउइ सिनि ।
\p
\v 22 ङाला सिनि खाङमिग् चिक् टेगे जोसा, चिला सिसिन ङाला रेवा वे, ख्यरे मोपारकि किसाला टिबु राङ ङ ख्यारे चाला हुङ तुक्यु।
\p
\v 23 चावा सिनि ङा तानि चोन्खाङ्ला देतुप् इपाफ्रासकि साङ ख्योङ्ला गङ्बा श्युवा ताङु वे।
\v 24 ङा तानि छ्याज्यिक् लाका किरुप् दाल्जा तिवा मर्कुस, अरिस्तार्खस, डेमान ताङ लुका किसाङ गङ्बा श्युवा ताङु वे ।
\v 25 अरे चावा येशुकि कार्टिन ति ख्यरे ला तानि देसि। आमेन।