xsj_reg/59-HEB.usfm

\id HEB
\ide UTF-8
\h Abhaebrania
\toc1 Abhaebrania
\toc2 Abhaebrania
\toc3 heb
\mt Abhaebrania
\c 1
\cl Esura 1
\p
\v 1 Emiaka yahingwile Mungu akaganila nabha tenkuru bhaitu kuhingura ahabharangi ebhilo bhingi nomumihanda mingi.
\v 2 Chonka omubhilo ebhi ebhitulimo bya Mungu aganilile itwe kuhingura aha mwana owiyatileho kubha omuhunguzi wa bhintu byona, nokuhingura ahaliwe kandi akahanga ensi.
\v 3 Omwana wawe nolumuli lwomugisagwe ebhigirobye byenkomokaye nagendeleza ebhintu byona ahaigambo lyamanige yamala kwozwa ebhibhi akatekama ahansi aha mukono gwabhlyo ogwa ila na ila okwo ahaiguru.
\p
\v 4 Yabha muzima kusaga malaika nkokokubhona izina elyakungwile okulilili izina muno kusaga izina lyabho.
\v 5 Ahansonga nahakwa malaikohi ayabhandize kugamba, iwe olyomwana wange, mbwenu nabhasa? male kandi ndabhaise ahaliwe, nawe alabha omwana ahalinye?
\p
\v 6 Kandi obhukilo Mungu namuleta omuzalwa wembele omunsi agamba,” Abhamalaika mwema abha Mungu ni lazima bhamusabhe.
\p
\v 7 Ahali malaika agamba, Wenyini alikukola malaika bhawenyini kubha omuganya na abhakozibhe kubha endabyo zomulilo.
\p
\v 8 Chonka ahamwana nagamba ekitetebhe chawe echakale Mungu ne chaila na ila enkoni yo Bukama bwawe ne nkoni yamazima.
\q
\v 9 Wayenda amazima nokutamwa nobhutatina ahalyecho Mungu, Mungu wawe akusigile amazutage bhisemelelwa kusaga bhagenzi bhawe.”
\p
\v 10 Ahabwambele omukama akataho omusingigwe Iguru no mulimogwe mikono yawe.
\q
\v 11 Zilahwaho chonka iwe olagendelela zonazilachafuka nkeki zwalo.
\q
\v 12 Olakezingazinga nkikoti nacho kilahinduka nkekizwalo, chonka iwe niwe olinya na miaka yawe teligira obhugarukilo.
\p
\v 13 Chonka nahalimalaikohi Mungu awiyagambile obhulelo bwona bwona. Tekama omukono gwage gwa bhulyo mpaka ahindabhakola abhangi bhawe kubha ekitebhe cha maguru gawe.
\p
\v 14 Isi bhamalaika bhona temuganya yatumilwe kubhakolela no kubhalela bhalinya abhalihungura obholokole?
\c 2
\cl Esura 2
\p
\v 1 Ahalyecho mpaka tuteho echo kubhandizaho kusaga ahali bhilinya tahitwa hulile, male tutakuza tukanagwa hale nayo.
\v 2 Ahakubha obhulangi obwa gambilwe na malaika ni kwonini, kandi bhuli kibhi no kwetonga nokwakila ebhihasotu.
\v 3 Nitugila tyuta okutabhuka kitulabha tutetegelize obhulokoke obhu obhukulu? obhulokoke obwo olwambele bhukalangwa nabho abhabhuhulile.
\v 4 Mungu nawe akatweko mentekeleza ahabhilengeso, abhitakabhonwa na nebhikolwa bhikulu bhingi bhingine mpelwa ezo mwoyo mutakatifu ziyagabhile okwingana nombwenzi bwa wenini.
\p
\v 5 Mungu talatileho ensi elikwiza, eitulifumola obhulangi bwayonini, ahansi ya malaika.
\v 6 Naho, omuntu nyananka ayelebhile ahantu nyananka ahakugamba, “omuntu noha mpaka abhase kwizuka, anga omwana wo muntu mpaka amulele?
\q
\v 7 Omukozile omuntu kubha muke kukila malaika; omuzwekile etaji edyobwelandane kitinwa. \f + \ft (kwatage ebhigambo ebhi “male omulile olugulu yomulimo ogwe mikono yawe ligalimo ahampapulo eza kale).\f*
\q
\v 8 Otile bhulikantu ahansi yamagulugawe “Nawe Mungu atileho bhuli ahansi yomuntu. Talalekile ekintu chona akakanya titulikubhona achali bhuli kantu kudya ahansi ya wenini.
\v 9 Nanotwo, nitubhona olinya ayabhaile akozilwe omukanya, ahansi kukila malaika Yesu, ogwo, ahantabhuko yo obhusasi bwe nokufwa kwe azwekilwe etaji elyo bwelandane kitinwa. Ano mbwenu eneemaya Mungu, Yesu alolize olufu ahantabhuko ya bhuli bhantu.
\p
\v 10 Ekabhalikwo kubha Mungu ahantabhuko bhuli kintu kiliho ahaliwenini nokulabhila ahali wenini, akabhanayetaga kubhaleta abhana bhaingi omubwelanola. Kandi male akabha naetaga kumtendeka omukulu omubhulokole bwabho kubha bhugumile kulabhila ahabhusasibwe.
\v 11 Aha lwokubha bhona bhabhili alikusolola nabhalinya abhalikusololwa, bhona abhali kuluga omuntabhuko emwe, Mungu ahantabhuko egi ogwo alikusosolola ahali Mungu talikubhona ensoni kubheta abhanyaruganda.
\v 12 Nagamba, “Nindilanga izina lwawe ahabhanyaluganda bhange, ninyiza kuzina ekikwasile iwe kuluga omunda ya bhalihamwe.”
\p
\v 13 Kandi nagamba, “Ndaikiliza ahalin wenini “male kandi, lebha ahandiho nanabhana abho Mungu abhiyampaile.”
\p
\v 14 Ahalyecho olwokubha abhana bha Mungu bhona nibhakwasanya omubhili nobwamba kandi Yesu nabhakwasa ebhintu ebyo nini, ahamale aha kulabhila olufu abhone kumwolovya olinya aine obhutegeki olugulu yo lufu, nawe nomubhisa.
\v 15 Egi ekabha elyotyo ili abhaihe omukifungo bhalinya bhona abhalikulabhila aha bhutini bwolufu bhakaikala emikalile yabho yona omubhutumwa.
\v 16 Nikwo, tiwe malaika alikubha kwasa, entabuko yaho nabhakwasa abholuzalo lwa Abrahamu.
\v 17 Ahalyecho ekabha elilwamani weni i abhe nka abhanyarugandabhe omihanda zona male abhase kubha omutwazi mukulu aine obhuganyizi nanobwesige ahabhintu bya Mungu male kandi abhe nobhusobhola kutanga obhuganyizi ahabhibhi bya bhantu.
\v 18 Aha nyabhuko eyo Yesu wenini akasasibwa kulengeswa, aine obhusobhola obwokubha kwasa abho abhalikulkengeswa.
\c 3
\cl Esura 3
\p
\v 1 Ahalyecho, bhene bhaitu abhakota bhizima, abhali kwetwa omwuguru, mumutekeleze Yesu, entumwa na kuhani mukulu wo kwkiliza kwaitu.
\v 2 Akabha aliomwesigwa ahali Mungu ayamuchaguile kandi nka Musa kwakabhali omwesige aharwensonga yenzu eyaMungu.
\v 3 Yesu abhazilwe kubha nokwikiliza kusaga kwa kabhali nayo Musa ahalwokubha olinya alikwombeka enzu nabhalwakwikiliza kusaga enzu yonyini.
\v 4 Aharwokubha enzu yonayona neyombekwa na no muntu orinya, echonka orinya alikwombeka bhuri kintu ni Mungu.
\v 5 Nimpakikisha Musa nabha omukora bhizima aha mukozi ahanzu yonayona eya Mungu, alabha owakwikiliza kuruga ahabhintu ebhirigambwa akanya kaliza.
\v 6 Chonka Kristo omwana aha kwimelela ahanzu ya Mungu itwe nenzuye kuturakwata bwangu aharwokubha ninyehamini nokwesiga.
\p
\v 7 Ahalyecho ninkomuganya muzima alikugamba, mbwenu korahulila kugambakwe,
\v 8 Otagukora omuganya gwawe kubha ogugumile nka bhaiziraeri nkikwo bhakozire ahakuripiza, omukanya kokurengeswa omubhita.
\v 9 Aka kakabhakari akanya akakabha kari aka tata bhaitu bhantenge aha kundengesa, na nanakanya ke miaka makumiana, nkakarebhya kukora kwange.
\p
\v 10 Ahalwecho tindasemelizwe nokuzarwa okwo. Nkagamba, nibhabhura aha aha miganya yabho. bhuliu kanya na tibharikumanya omuhanda gwange.
\p
\v 11 Ninkaharinya kinarahire ahakutamisibwa kwange tibharitahamu kunurindwa kwange.”
\p
\v 12 Mbhe abhokuhurila bhenewaitu aharwecho hataiza hakabhaho omuganya bhi ogutarigwo kuhamini ahalyomwe waho, omuganya ogurigenda hare na Mungu aine obhu zima.
\v 13 Aho kandi magabhirane bhuli kiro na bhuli omwe na mutahiwe, ahalwecho kila krlikubha mbwenu kwefuza ahalwecho omwe wabho atakorwa kubha omuntu atarikukambirwa ahakukokobwa na nebhibhi.
\v 14 Ahalwecho twabha abhakwateni ahari Kristo kelabha twakakwatana na nokulebha kwaitu aha mani kuruga ahari wenini kuruga aha mbandizo na hanyuma.
\v 15 Aharwecho yeki yabhaire yokugabwa, mbwenu kimurahurira kugamba kwe mutakola emiganya yanyu eyokulemera, nkabhaiziraeli kwibhakozire ubhukati bwokuhasi.”
\p
\v 16 Nibhahi abho abhamuhulile Mungu na nokwanga? bhakabha bhatali bharinya bhona ahokandi Musa akabha abhebhembile kuruga Misri?
\v 17 Nibhahi abho kandi Mungu akabhatanisibwa aha miaka makumiana? Tihamwe na bharinya abhakozire ebhibhi, aho kandi emibhili yabho eyafire olyamire omubhuga.
\v 18 Nibhahi abho Mungu abhiyararile Mungu kubha tibharintaha aha raha ya wenini kabhari bhabhatari bhalinya abhokumuhulila wenini?
\v 19 Nitulebha kandi tibhalakozile kutahamu aharaha ya wenini ahalwecho yobhuta hulila.
\c 4
\cl Esura 4
\p
\v 1 Olwokubha nitwendelwa okwetegeleza olwokubha ahalimwe atabhaho nomwe alibhonekana kukilwa kugobhela aho kugobhezwa ahakutaha ahaihumulilo lya Mungu.
\v 2 Aho kubha tubhaile empola nzima ahakuhumula kwa Mungu elyagambilwe awaitu nkabhaisilaeli bhibhakabha bhaina byo, chonka olwokubha empola ezo tizilabhasaidie bhalinya abhahusikile ahakutelanisa ahakwesiga kwecho.
\v 3 Ahalitwe abhamazile kwikiliza itwe nibho ahagati yaitu tulitaha alihalinya omwihumulo, nkokwelikugamba, “nkwokwinalahile ahakiniga change, tibhalitaha aha bhuhumulo bwange”
\v 4 Olwokubha yagambila olubhazu fulani ensonga yebhilo musanzu, Mungu akahumula ekilo chamusanzu ahalibyona bhiyakozile”
\p
\v 5 Kandi yagambile,” Tibhalitaha omubhuhumulo bwange”
\p
\v 6 Ahansonga eyo, kuluga aihumulo lya Mungu echali nehakiba ahansonga yabhandi bhabho kutahamu, nokuluga abhaisraeli bhaingi abhakabha bhahulile empola nzima ahabhuhumulobwe tibhalatahilemu ahansonga yobhutaikesha.
\v 7 Mungu akataho kandi ekilo fulani, ekilikwetwa “Mbwenu.” Wenyini akongeza ekiloechi hiyafmoile kuhingula Daudi, olinya ayagambile ahamwanya mulaingwa ahansonga yebyagambilwe ahambele, “mbwenu nkokwimwakuhuli ilakalye mutako emyoyo yanyu ahakubha egumile.”
\p
\v 8 Kandi ahakubha nka Yoshua akabhabhonela abhuhumulo, Mungu tiyakugambile ahaiguru yekilo ekindi,
\v 9 Olwokubha achaliho esabato yokuhumuha eyabhikilwe ahansonga yabhantu bha Mungu.
\v 10 Wenyini alikutahamu omubhuhumulo bwa Mungu wenyini ogwo ahumwile kulugilila omubhilagilo bye, ahali Mungu bhiyakozile ahansongaye.
\p
\v 11 Ahalyecho tubhe nomwekango ahakutaha ahalilinya ihumulo, ahakubha atalibhaho alibhaagwile ahansonga yokuhasi bwibhakozile.
\v 12 Ahakubha igambo lya Mungu eli line obhuzima naline amani nokukala kukila olupanga lwona lwona olwine obwogi habhili. Nokwocha ahakugobhela kugabhanisa obhuntu nomwoyo, nengingo omubhongo, nelyokusobola kumanya kwetekeleza omumwoyo gwekihikache.
\v 13 Taliho echahangilwe cheselekile aha bhuso bwa MUngu ansonga yaho, kila kintu nikigenda namazima agamaiso gomwe ahalilazima twihemu olubhalo.
\p
\v 14 Ahanyuma hakabha haliho omulebhelezi mukuru ayatahile omwiguru, Yesu omwana wa Mungu, ahakwikiliza tukwatilile obwesige bwaitu.
\v 15 Ahakubha titwine omulebhelezi mukuru ataine kusobhola kutekeleza ahansonga yobhudaifu byaitu. Chonka wenini aha mihanda zona akabha nalengeswa nkaitwe, ahalyogwo wenini ataine ebhiibhi.
\v 16 Twize ahakwemisiliza ahakitebhe chobhuzima nomugisa, ahakubha twakile erehema nokubhona omugisa gwokutukwasa ahakanya kokwetaga.
\c 5
\cl Esura 5
\p
\v 1 Olwokubha kila mutwazi mukulu, ayasoloilwe kuruga omukanya kabhantu, asoloilwe kwemelela ahakanya kabho ensonga ebhintu ebhikwelekelana na Mungu, ensonga asobhole kwihamu hamwe entaso nesadaka aha nsonga ye bhibhi.
\v 2 Nasobhola kwekolesa ahakwekesha nabhafela nabhahakani, olwokubha wenini kandi azungukilwe nobhulegevu.
\v 3 Aha nsonga yeli. aine obhusobhola bhokutanga esadaka aha nsonga yebhibhi bya wenini nkikwo akola aha bhibhi bya bhantu.
\v 4 Na tihaliho omuntu otwala eheshima egi aha nsonga ya wenini, chonka ahansonga ya wenini chonka ahansonga ya wenini, nilazima ayetwe Mungu, nkikwo akabhali haruni.
\v 5 Hata Kristo taklayehaile ishima wenini aha kwegiza wenini nomutwazi mukuru olwokubha, Mungu akagamba owawenini, “Iwe olyo mwana wange, lelo nabhatata wawe.”
\p
\v 6 Nikwo agamba aha mwanya ogunsi" iwe nomutwazi wa ila ensonga yomwelekelo gwa Melkizedeki.”
\p
\v 7 Obhukilo bwa kanya ka kale aha mubhili, akasabha nokusabhilwa, akasabha Mungu aha malila, ali wenini asobhola kumurokola kuruga omu rufu aha nsonga yokwekesha kwa wenini owa Mungu, akatendekwa.
\v 8 Olwokubha akabha no mwana, akeyegesa obhunyenyekevu aha bintu ebyamutesize.
\v 9 Akainganisa aha muhanda ogu akakoleka aha likila muntu amwikilize aha nsonga yobhulokozi bwa ila.
\v 10 Aha kutengwa na Mungu kubha omutwazi mukuru aha nsonga ye zamu za Melkizedeki.
\p
\v 11 Twine bhingi byokugamba kuhusu Yesu. chonka bhigoile kubhagambila olwokubha imwe mulya bhanafu bhokuhulila.
\v 12 Olwokubha ahakanya aka mukendelwa mubhe abhalimu bho muntu wokubhegesa emyegeso eyambele eye kanuni ezia igambo lya Mungu nimwendelwa amate na wala ti byokulya bhigumile.
\v 13 Olwokubha wenawena anywa amate gonka tagila bhumanyi ahakuhulila ebyamazima olwokubha aliomwana.
\v 14 Aha lubhazu olundi, ebyokulya bhigumile ne bya abhantu bhakulu, abho kubha ensonga yokumanyila kwabho aha kukilanisa ehaki nobhubhi bhegesizwe kumanya elizima nelibhi.
\c 6
\cl Esura 6
\p
\v 1 Halwecho katulaleka echitwegile obhwambele ebhili ahakigambo cha Kristo, Nitwendebwakwepata kuza omukukomelatukakuta kandi embandizo yokwechuza kuruga omumilimo ezitalikwicha na nobhesingi ahali Mungu.
\v 2 Wale ambandizo zemwegeso yobhubhatizo, nokubhatelaho emikono okuhimbulwa kwabhafu nanobhulamuzi bwa ila na ila.
\v 3 Kandi nitwiza kukola tuli okwo Mungu alalekula.
\v 4 Lwokubha tibhalikusobholwa ahalibhalinya abhabhoine omwanga obhwambele abhalolize ekigambo chomwiguru, nokukolwa kukwatana nanomwoyo mutakatifu.
\v 5 Nabhalolize obhuzima byekigambo chaMungu nanahamani gebhilo bhilaiza.
\v 6 Male bhakachwa bhangwa telikusobhoka kubhasubya kandi habyechuzo. Ahonolwensonga bhamusurubhisaha omwana wa Mungu obya kabhili ahamiganya yabho, nibhamukola kubha echombo chokuzunwa ahalikuhweza.
\v 7 Halwokubha itaka elyakile enzura elikugwabhuli kanya ahaiguru yalyo, male likaleta olumelo luzima hali bhaiya abhakozile emilimo omwitaka, bhakila ebhizima kuruga owa Mungu.
\v 8 Chonka kabhilabha bhizala amahwa nanemwata taine kandi obhuzima elyomubhili byokutamwa. Enzindo yaho nokwochwa.
\p
\v 9 Halwokubha nitugamba tuti, bhanywani bhindikwenda nitusobhola kuhebhwa wbhintu bhizima ebhikwasileho itwe nanebhintu ebhikwasile obhulokole.
\v 10 Lwokubha Mungu talikubhulwa ebhizima mpaka eyebye emilimo yanyu nanobhenzi bhumwelekile halwensonga yizina lwawenini, ahalweki mukabhakolela abhesigi nanaho muchali kubhakolela.
\v 11 Kangi tulibhazima muno kubha bhuli lyomwe waitu asobhole kubhonesa okwepata kulinya nini mpaka ahazindo yobhumanyikani byobyekazi.
\v 12 Tulikwenda mubhe abhanafu, chonka mubhe abhahondezi bhabhalinya abhategekile okugambilwa halwensonga yobyesige nanokwekaza.
\p
\v 13 Halwokubha Mungu kiyamuhaile Abrahamu okugambilwa akaahila ahamugamyagwe halwokubha tiyakulahile haundi wenawena alimukuru kusaga wenini.
\v 14 Akagamba, “Ahamazima ninkuha omugisa kandi nikwongelkeza oluzalo lwawe kand.”
\v 15 Hamuhanda ogu Abrahamu akakila kilinya echiyagambilwe ahiyalindile nanokwekaza.
\v 16 Halwecho abhanadamu bhalahila halyoliya alimukulu kusaga bhonini nahali bhonini olulekela kwokusangangana kwona nekilahilo hakubhumanyisa.
\v 17 Akanya Mungu kiyalamuile kweleka halikubhona munoabhebhigemulo byokugambilwa okwenda kwa wenini kuzima okutalikuhinduka, akalimanya ahakilahilo.
\v 18 Akakola atwo ahabhintu bhibhili ebhitalikusobhola kuhindukila, ahalyebyo Mungu taine kugamba ebhisubha, itwe abhailukile hokubhikwa tubhone kuhebwa omwoyo kukwatilila ahamani okwesiga okutilwe embele yaitu.
\v 19 Twine obhumanzi obhu nkechemelezo kigumile nechokwesiga omwoyo gwaitu, obhumanzi obhulikutaha hamwanya gwomunda enyuma yepazia.
\v 20 Yesu akataha hamwanya guliya habyebhembezi bwaitu, kiyamazile kukoleka omulebhi mukulu mpaka ila na ila halumalilizo lwemitengengo ya Melkizedeki.
\c 7
\cl Esura 7
\p
\v 1 Ekabha elyeti Melkizedeki, omutwazi, wa Salemu, Omulebhelezi wa Mungu alya haiguru, ayatelaine na Abrahamu nagaluka kuruga kubhaita abhatwazi nokumusabhila.
\v 2 Abrahamu akamuha emwe ya ikumi eya bhulikintu echakabha aine akachesubyaho izina lye,” Melkizedeki" ensonga yaho “Omutwaziwe ahanki ahakandi “omutwazi wa Salemu “ayabhaile ali omutwazi we mirembe”
\v 3 Taine tata, na taine maha, taine bhazaile taine embandizo lye kilo anga obhuleke lelo bya maisha gawenini. Ahabhundi bwaho nasigara kubha omulebhelezi ila na ila, nkaha mwana wa Mungu.
\p
\v 4 Mbwenu otekeleze ahalyogu Muntu kwa kabhalimukuru. Omuzaile Abrahamu akamuha omwe yaikumi yebhintu bhizima abhayatwaile omubhita.
\v 5 Ahakubha olugamba lwabhalawi abhayakile eofisi zekilebhelezi bhakabha bhaine ekilagilo kuruga aha kilagilo okusokoza emweya ikumi kuruga ahabhantu, ahalwokubha, kuruga ahabhaizila eli bhatahibhabho, hamwe nokubhana bhonini, naho oruganda kuruga ahali Abrahamu.
\v 6 Chonka melkizedeki, ayabhaikle ataine luganda kuruga ahabhalawi, akakila emwe ya ikumi kuruga ahali Ibrahimu, naakamusabhila wenini ayabhaile aine kilagano.
\v 7 Aho telikwangizwa ahalwokubha omuntu muto nahebwa omugisa nano omukuru.
\v 8 Aha kigambo eki omuntu ayakila omwe yaikumi alafa ekilo kimwe, chonka ahakigambo ekindi omwe ayayakile emwe ahali ikumi owa Abrahamu ekagambwa nka alitula.
\v 9 Aha lwensonga yokuhoya Lawi ayayakile emwe ahali ikumi, Naho akaliha emwe ahadi ikumi ahali Abrahamu.
\v 10 Aho lwokubha, Lawi akabha alyabhinhunu bya ise wawenini Abrahamu obhukilo Melkizedeki ahiyatelaine na Abrahamu.
\p
\v 11 Mbwenu ahakuhikililwa ekasobhokana nokuhingula aha mulebhelezi owa bhalawi, otyo nibhahingula ahali wenini abhantu nibhakila ekilagilo), Hakabha haliho kwendaki muno ahamulebhelezi owundi kwimelela ahansonga yolwingano lwa Melkizedeki, natiho kwetwa ahansonga yebhitegeko eya Haruni?
\v 12 Aha lwokubha obhulebhelezi kabhulahinduka, tihaine enia yekilagilo nayonini kubhadilika.
\v 13 Aha lwomwe ogwo ebhintu ebhi gakagabwa okubha oluganda olundi, kuruga owawenyini tihaliho oyakozile ahalutalele.
\v 14 Mbwenu nahalikuhweza olwokubha omukama waitu akaruga ahali Yuda, engambo eyo Musa eyatalagambile kuruga ahabhalebhelezi.
\v 15 Nebhi byitukugamba nebhintu ebhi kwo kelabha nomulebhelezi owundi alabhoine ahansuso ya Melkizedeki.
\v 16 Omulebhelezi ogu omushasha nko omwe ayabha omulebhelezi ahaigulu yomusingigwe kilagilo ezikwasile aha luzalo ogwo omuntu, chonka ahamusingi gwa amani ogwo obhutuzi obhutaine kusisikala.
\v 17 Ahalyecho amahandiko nigamugambilila ahali wenini iwe" omulebhelezi ila ila kibya higwile ebya Melkizedeki.”
\p
\v 18 Aha lwokubha ekilagilo echa mbele kikatebwa aharubhazu ahansonga kikabha kitaine mani na tikine bhulyo.
\v 19 Ahalyecho kilagilo tikilakozile chonachona ekisanile. Olyokubha hakabha haliho obhumanzi bhuzima ahalyebyo nitumwililila Mungu.
\p
\v 20 Nano bhumanzi obhubhuzima tibhula bhonekile hataliho kufumola ekilahilo, ahalyechi abhalebhelezi abhandi tibhalatwaile ekilahilo chonachona.
\v 21 Chonka Mungu akatwala ekilahilo omumwanya ahiyagambile ebhikwasile ahali Yesu “Omukama alahile talihindula ebhitekelezo bya wenini lwe nomulebhelezi ila na ila.”
\p
\v 22 Aha kandi Yresu yaiza kwetowa ahandagano nzima.
\p
\v 23 Aha bhuhakika, olufu nilutanga abhelebhelezi abhalikola ila na ila eyi nahalyokubha bhaliho abhalebhelezi bhaingi omwe ahawundi.
\v 24 Chonka aha lwokubha Yesu nailala ila na ila, obhulebhelezibwe tibhulikuhinduka.
\v 25 Aha kubha wenini nasobhola ahakwingana kugobha kubhalokola abhalikumwililila Mungu kuhingula owawenini, olwokubha natula lwona ahakusabha ahansonga yabho.
\p
\v 26 Ahalwokubha omulebhelezi mukuru owensonga nayendelwa owaitu. Ataine kibhi akosize ayogile ayakindikilwe kuruga ahawekibhi nayabha ahaiguru kusaga iguru.
\v 27 Wenyini akabha ataine chokwenda nkokubhona omulebhelezi mukurtu kutanga edhabihu bhuli kilo, kubhanza ahabhibhibye wenini, Ahabhundi ebhibhi byaitu. Akakola atyo limwe ahali bhona, ahiyayitangile wenini wentini.
\v 28 Aha kilagilo abhasolola abhantu abhali kwefuza kubha abhalebhelezi bhakuru chonka ekigambo chokulahila kikaiza hiyahingwileho ekigambo akamusolora omwana ayakozilwe kubha kuhikilila ila na ila.
\c 8
\cl Esura 8
\p
\v 1 Mbwenu ekitulikugamba neki twine omulangilizi mukuru atekamile ahansi omumukono gwabhulyo gwabhutwazi byomwigulu.
\v 2 Wenyini nomukozi ahantuha takatifu, enzu yamazima eyomukama eyiyabhikikile timuntu wenawena wokufwa.
\p
\v 3 Olwokubha bhulimulangilizi mukuru etebwa kutanga empelwa nanedhabihu; omulwecho kisanile kubha nekintu chokutanga.
\v 4 Mbwenu nkaKristo akabha aliahaiguru yensi, wenyini katakubhaile omulangizi kusagaho, olwokubha bhakabha bhayetugwile bhalinya abhatangile ebhipawa kwingane nekilamulo.
\v 5 Bhakakola ekintu echabhaine nenakala nanekibheho chebhintu ebyomwiguru, mbwenu nkamusa akakizwa namungu omukanya kiyalugile kwombeka enzu “Olebhe mungu akagamba ati  “Okolebhulikintu kwingana nokukili okuwanyelekilwe ahaigulu yomusozi.”
\v 6 Chonka mbwenu Kristo yayakila obhukozi bhuzima muno olwensonga wenyini kandi nomuhanuzi wendagano nzima, eyamazile kugumiswa ahandagano nzima.
\p
\v 7 Ahonyini nkendagano yambele kutakubhaile nentambala nihohakubhaile nensonga yokulonda endagano yakabhili.
\v 8 Olwokubha omwanya Mungu kayamanyile amafu ahabhantu akagamba, olebhe, ebhilobhilimonibhiza nagamba omukama, omukanya kindikola endagano eshasha hamwenanenzu yaisilaheli, nanenzu yayuda.
\q
\v 9 Tikilibha nkekilagano ekinakozile nabhaise bhabho ekilo chinabhatwaile ahamukono kubhahabhula kuluga omunsi ya Misiri. Olwokubha tibhalagendelile omukilagano change nainye tindabhetileho kandi' nagamba omukama.
\q
\v 10 Olwokubha eyiniyondagano ndagikola ahanzu yaIsilaeli kuhalabhileho ebhilo ebyo, nagamba omukama ninyizakutaho eshelia zange omubhitekelezo byabho, nandazihandika omumyoyo yabho ndabha Mungu wabho nabhobhalabha abhantu bhange.
\q
\v 11 Tibhalyegesana omuntu namutuziww nabhulyomwe nomunyabhuzalewe, kalagamba mumanye mukama, ahonyini bhona bhalamanyainye, kuruga omutokuhika ahamukuru wabho.
\q
\v 12 Aho ndayelekana obhuganyizi ahabhikolwa byabho ebhitaine amazima, natindizuka amafugabho kandi.”
\p
\v 13 Ahakugamba 'nshasha,” akakola endagano eyambele kubhanku lunkulu naneyoiyiyalanga kubha nkulukulu elihaihi kulugaho.
\c 9
\cl Esura 9
\p
\v 1 Mbwenu endagano ya mbele ekabha aine ekichweka chokusabha aho omunsi nemigendelezo yokusabha.
\v 2 Olwokubha omwihema hakabha halimo echumba kitegwilwe echumba cha helu, haketwa ahatakatifu. Aha mwanya ogwo hakabha haliho na nekinara che tala, emeza ne mikatu yo bweleko.
\v 3 Ne nyuma yepazia yakabhili hakabha halimo echumba ekindi halikwetwa ahakatakatifu bwoli.
\v 4 Hakabha halimo ekelezia ye zahabu zonka. Omunda halimo nebhakuli lye zahabu oline ensongaye enkoni ya Haruni emezile obhunyasi, nazilinya embalo zamabhale ge endagano.
\v 5 Ihaigulu yisanduka lyendagano lyamaumbo ge maserafi bwo obhutukufu bwaseka amabhabha gabho omumaiso gekitebhe chokukwataniswa, ekitukubhasa kukisobhola bwoli.
\p
\v 6 Ebintu ebhi kibyamazile kutegulilwa abhategeki ahansonga bhamanyilekutaha echumba chahelu chiihema kuzuna abhalikwiza.
\v 7 Chonka omutwazi mukuru ataha omulinya omuchumba cha kabhili wenka omurunde gumwe bhuli mwaka, atakekileho kutanga empelwa ahansonga yawenini, na ahabhibhi ebyo abhantu bhakozile bhatagendelile.
\v 8 Mwoyo mutakatifu naikiliza kubha omuhanda gwahalinya akatakatifu bwoli tuhakafundulwa olwokubha lilinya ihema lya mbele lichaimelile.
\v 9 Eki nekimanyiso aho mwanya ogu gwa mbwenu byona nempelwa nanedhabihu ebilikutagwa omumwanya ogu tibyakusobola kumala ensonga yolinya alikuhabhudu.
\v 10 Ne byokulya nebyokunywa nibhyo bhikwatanisizwe omumugendelezo gwokusabha Mungu aha kweyoza. Byona ebhi bhikabha bhitekilweho ahansonga yo mubhili kulinda haize ekilagilo kishasha ekilitekwa aho.
\p
\v 11 Kristo akaiza alinkomutwazi mukulu ahabhintu ebhizima ebhizile, kulabhila ahabhukulu bhuhikile obwiihema likulu ebhitakozilwene mikono yebhantu abhataki abhomunsi egi eyahangilwe.
\v 12 Bhukabha bhukali bwamba bwe mbuzi ne nyana, chonka bhukabha nobwamba bwawenini olwokubha Kristo akataha ahabhatakatifu kwaga omurundi gumwe ahali bulyomwe ahakintu manyisa obhulokozi bwaitu obhutalihwaho.
\v 13 Nkaha bwamba bwe mbuzi na nenumi nokuselekwa ahaitazi lyenyana ahali halinya abhatalige abhatilwe hale na Mungu nokukola emibhili yabho ebhe mizima.
\v 14 Isi tokusaga muno obwamba bwa Kristo aha kulabhila owa mwoyo ogutalihwaho aketanga wenini atwine kabhi owa Mungu, kuloza ebhibhi byaitu olwokubha amukolele Mungu atalihwaho?
\p
\v 15 Ahansonga eyo, Kristo nomwebhembezi we endagano enshasha. Egi niyo ensonga plufu lubhalekwile lyambele kuruga omuntambala yeibhibhi byabho olwokubha bhona abhayesilqwe na Mungu bhasobhole kwakila obhuzima bhutalihwa.
\v 16 Kahalabha haliho ilagano lyokwikalaho, kilarasobhoka kilamulwe olufu lwo muntu ayakikozile.
\v 17 Olwokubha ilagano niligila amani halinya olufu kalukubhaho, olwokubha taliho ensonga ya amani kalikubha eyalikozile achaliho. Ahalwecho tililinya ilagano elyambele elyaibhaile litilweho hataliho obwamba.
\v 18 Ahalwecho tililinya ilagano elyambele elyaibhaile litilweho hataliho obhwamba.
\v 19 Omumwanya Musa ahiyabhaile bhuli kilagilo omubhantu bhona, akatwala obwamba bwente nane mbuzi, hamwe na amaizi, ekitambala iilikutukula ne hisopo, nokubhaseselela gombo lyonini na abhantu bhona.
\v 20 Yasubha yagamba, 'obhuno bhwamba bwiilagano obwo Mungu yabhaha ebhilagiro byanyu”
\v 21 Aha hali eyo, akaseselela obwamba ahaiguru yihema nebhintu byona ebyakolesizwe aha bhutwazi.
\v 22 Ahakuhondela ebhilagiro, bhuli kintu nichozwa aha bwamba obwamba bhutasesekile taliho okuganyirwa.
\p
\v 23 Ahalwecho nelagilwa ehakale zebhintu byomwigulu byozwe ahakitambo eki chebhinganwa. Kandi ebhintu byo mwigulu nikilaginwa kwozura ahakitambo ekilikusagaho.
\v 24 Isi, Kristo talatahile ahatakatifu muno ahakozilwe nemikono eye kintu kilibholi ahanyuma yebyo akataha omwigulu lyonini, ahali nambwenu omumaiso ga Mungu ahansonga yaitu.
\v 25 Talatahile okwo ahansonga yokwekola ekitambo wenini, nkokwakola omwemelezi mukuru, ataha ahatakatifu bwoli omwana ahagundi hamwe nobwamba bwowundi.
\v 26 Echo kakilabha namazima, akahasizwe kusaswa emirundi mingi, kwema okuhangwa kwensi. Chonka kikabha ahakwihaho ebhibhi ahakwekola kubha ekitabho
\v 27 Nkakobhili ahamuntu kufwa limwe nokulinda kuhamulwa,
\v 28 Nikwo na ahali Kristo akatangwa limwe kwoza ebhibhi bya bhaingi, akabhonekana na omurundi gwa kabhili, tihansonga yebhibhi, chonka ahansonga yokulokola bhalinya abhalinzile ahakwikiliza.
\c 10
\cl Esura 10
\p
\v 1 Aha kubha ekilagilo nekichuchu che bhintu bhizima bhilikwiza tibhiliya ebhili sawa. Ekilagilo kandi tikine kubhamala bhalinya abhali kimwitilila Mungu aha mihanda yedhabihu za zindi eza bhalebhelezi bhalikugendelela kuihaho omwaka aha mwaka.
\v 2 Au bhitalibyo edhabihu ezo oisi tizakusobhoile kulekela kwihwaho? ahagimbo lwo kubhazaabhalikusabha, kibhalikubha bhogizwe aha limwe, tibhakubhaile no obhumanyi bhingi bwe bhibhi.
\v 3 Bhuli aha zabihu ezo haine obhwizuchi bwebhibhi ezakolekile omwaka aha mwaka.
\v 4 Aha kubha tekusobhokana aha bwamba bwa empaya zembuzi kwihaho ebhibhi.
\p
\v 5 Omwanya Kristo naiza omunsi, akagamba timulaigombize amatoleo au ezabihu, akahindulo kaho mukandondela obhubhili ahabwange.
\q
\v 6 Timulabhaile nokwendwa aha bhigabhilo byona byokusingalichwa au edhabihu aha bwe bhibhi.
\q
\v 7 Kinamazile nagamba, “Lebha ahaninkola ebyendelwa byawe, Mungu nkokibha handikilwe ahalinye omu kitabho.”
\p
\v 8 Akagamba nkokwiyagambilwe aho olugulu, “Timulaigombile edhabibu, ebhigabilo au esadaka zokusingalichwa ahabyebhi bhibhi nolo talabwaine ebyela umundaye" edhabibu ezili kugabhilwa kwingana ne ebhilagilo.
\v 9 Kiyamazile yagamba “Lebha ndyaha kukola, ebyendelwa byawe" Alile aha lubhazu emipango ezikabha nezambele aha kusemeza eza kabhili.
\v 10 Aha mipango yakabhili twagabhanisizwe owa Mungu aha byendelwa bya wenini kuhingulila kwigabha kwo bhubhili bya Yesu Kristo limwe aha kanya kona.
\p
\v 11 Nibyo, ahabhuli mulebhelezi aimelela aha kukwasangana ekilo aha kilo, nagabha edhabihu yayindi aha libyona byona bhizima tiyakusobhoile kwiyaho ebhibhi.
\v 12 Naho hihalugileho Kristo kwihaho edhabihu limwe obwe bhibhi ila naila yona, akatekama omukono bwa bhulyo bwa Mungu.
\v 13 Alinzile hadi abhabhi bha wenini bhabhate ahansi nokukolwa ekitebhe ahabwamagulu ga wenini.
\v 14 Olwokubha aha bwe gabhilo limwe, abhainganisize ila na ila bhaliya abhakindikilwe owa Mungu.
\v 15 No mwoyo mutakatifu nagwo gwindebhile owaitu. Olwokubha echambele akagamba,
\q
\v 16 Eki nikikilizo echindakola hamwe nabho aha bhilo ebyo, yagamba omukama: Ndataho ebhilagilo byange omunda ye myoyo zabho na ndazihandika omumagezi gabho.”
\p
\v 17 Kiyamazile yagamba, tibhalizuka kandi ebhibhi ne ebhikolwa byabho bhifwile.
\p
\v 18 Mbwenu ahantu ahaine obhuganyilwa, ahalyabha tihaine kandi edhabihu yona yona aha bhibhi.
\p
\v 19 Aha lyebyo bhene waitu twine obhumanzi byo kutuha ahantu hebhizima muno ahabwamba bwa Yesu.
\v 20 Ogwo nomuhanda ogwa kingwile ahalitwe aha kuhingula obhubhili bwa wenini, bhushasha nobhuzima obhulikuhingulila aha pazia.
\v 21 No bwe nsonga timwine omulebhelezi omukulu olugulu yenzu ya Mungu.
\v 22 Na tumwilile haihi nanomwoyo gwobhuzima aha bhwingano bwe obhumanyizi bwekwikiliza emiganya eseselilwe kuzima kuluga ebhibhi ebye singilwe nokubha nemibhili yaitu eyogizwe aha maizi agasemile.
\v 23 Bhilyebyo tukwatilile aha kusabha obhumanzi obwitegezo lyaitu, obhutali kuhinduka ahakubha Mungu ayalagaine nomwesigwa.
\v 24 Na tugendelele kutekeleza okwitulimuha omwoyo ahabhulyomwe kwenda ne ebhikolwa bhizima.
\v 25 Tukakuleka kwisokoza hamwe, nkokwibhali kukola abhandi, akahindulo kaho kwiha emyoyo ahabhulyomwe muno na muno nko kwimulikulebha ekilo chaililila.
\p
\v 26 Nkokwitwakukola obwempaka kugendelela kukola ebhibhi akahinduko haho twakile ekisomo cho bhuzima, edhabihu eyindi ye bhibhi tekwendelwa kandi.
\v 27 Akahindulo kaho haine itegezwa laya bhwonka lyekihaso cho kutinisa, noobhutagato bwo mulilo obhuli bhasingalicha abhabhi bha Mungu.
\v 28 Wena wena alabha ayangile ekilagilo cha Musa nafwa ataine emigisa omumaiso go kulebha abhalebhile bhabhili aua bhasatu.
\v 29 Isi ekibhaloki echa muno chekihaso notekeleza kimusanile obhulyomwe amugayile omwana wa Mungu, wenawena akolile obwamba bwe kikilizo nkekintu ekitali ekitakatifu, obwamba, ahalwecho ekatwa wakifu ahalin Mungu wenawena alabha azumile omwoyo gwe neema?
\v 30 Olwokubha ntumanya omwe ayagambile “ekisasi nechange ndalebha" na kandi omukama alabhahasa abhantubhe.
\v 31 Ni gambo lyokutinwa omuntu kugwela omumikono ya Mungu aine obhuzima.
\p
\v 32 Naho izuka ebhilo bhikachaho, ahiyabhatileho owanyu omwanga, na ahabhulyota mukasobhola kugumilila obhusasi obhulikukala.
\v 33 Mukabha mtilwe ahalikubhonekana aha kuganywa kwo bhutelanilo bwo bhusasi, na mukabha mulyabhakwasangani hamwe na bhalinya abhahingulile obhusasi nkobhu.
\v 34 Olwokubha mukabha mwine emiganya zobhuganyizi aha lyabho abhakabha bhalya abhakomilwe, na mukakila aha byela ekihaso cho kuhinguala kwanyu, mukamanya kubha imwe nini mukabha mwine obhuhunguzi bhuzima no bwo kwikala ila na ila.
\v 35 Ahonu, mutakunaga obhumanzi bwanyu, obwine empelwa nkulu.
\v 36 Olwokubha nimwendelwa obhugumililwa, aha kubha mubhone kwakila echi Mungu yalagaine shimwamazile kukola ebhisimwa bye.
\v 37 Olwokubha aha kanya kake, omwe alikwiza alaiza mazima na talichelewa
\q
\v 38 Owe haki wange alatula aha kutegeza. Kalisubha enyuma, tindisemelelwa nawe. Naho, itwe ninka bhaliya abhalikusubha enyuma ahakusingalika.
\p
\v 39 Akahindulo kaho, itwe nibhabhandi bhalinya abhaine itegeza lyo kuzilinda emwoyo zaitu.
\c 11
\cl Esura 11
\p
\v 1 Mbwenu kwikiliza ahakwesiga nomuntu kwabha nakwo omwanya habha aine amategeza ahakintu chona chona ahabhumanzi na ahakintu chona chona echataka bwoine.
\v 2 Ahansonga eyo bhatenkuru bhakaikiliza ahakwesiga kwabho.
\v 3 Ahakwikiliza kwaitu nitumannya ensi ekahangwa ahakiragilo cha Mungu, ahakubha kilinya ekikurebhekana ticharakozilwe kuruga omubhintu bhibyabhaire nibhonekana.
\p
\v 4 Ekabha eliahansonga, yokwikiliza kubha Habili akamuhera Mungu esadaka elikwikilizibwa kusaga kuyakozile Kaini ekabha ahansonga eyo nihokubha akasimwa nokubha owamazima. Mungu akamusima ahansonga ye mpelwa eziyaresire ahansonga eyo Habiri achafomora noruyafwile.
\p
\v 5 Ekabha eliahakwikiliza, kubha Enoko akatwalwa ahaiguru na tarabwaine orufu. “Tarabhonekaine ahansonga Mungu akamutwara kwakubha akagamba ahariwenini kubha akamusemeleza Mungu alakatwailwe ahaiguru.
\v 6 Ahansonga okwiliza tibyakusobhoka kumsemeleza Mungu ahakubha alikuza owaMungu, abhe naikiliza kubha Mungu aliho nanokubha nabhaha emperwa bharinya abhalikumukuratila.
\p
\v 7 Ekabha eliahakwikiliza kubha omwanga gukabha gwahanirwe na Mungu. Kwingana na ebhintu ebyabhaire byabhonekaine ahaheshima ya ki Mungu akakola safina ahansonga yokukora efamilia yawenini ahakula etyo akahukumu ensi akabha omunsika, wa bhwoli elikwiza kulabha ahakwikiliza.
\p
\v 8 Ekabha eli ahakwikiliza kubha Ibrahimu ahiyayesilwe akekesha nanokugemda ahantu ahiya yenzilwe kwakira obhusika akaragaho atalikumanya nahantuki hakabhonekana.
\v 9 Ekabha nokwikiliza kubha akatura ahansi ye kilagano nko mugenyi okwatura omwihema hamwe na Isaka na Yakobo na abhasika bhatahi bhabho abhekiragano kilinya nyini.
\v 10 Eyi nahansonga akategeza kupata omuji ogu yamanyire kubha owokukora na omwombeki wagwo akabhaile Mungu.
\v 11 Ekabha na ahakwikiliza kubha Ibrahimu na Sara ayabhaire wokwakila amani nokutwara enda nolwokubha akabha nomuzehe muno kwakubha akamubhona Mungu kubh owokwesiga ayabhaire abharagire omwana wo bwozo.
\v 12 Ahalyecho kuruga ahalyogo muntu omwe, ayabhaire yaililile kufa bhakazarwa abhana abhatarikubhalika bhakabhabhali bhaingi nke nyenyezi zo mwiguru na bhaingi nke mbhibho zo muchanga za aha nzindo ye nyanza.
\p
\v 13 Abha bhona bhakafa ahakwikiliza bhatakakile ekiragano, chonka bhakazibhona na nokuzinyegeza hale hale, nibhaikiliza kubha bhakabha bharya abhagenyi bhabhahinguzi ahaiguru ye nsi.
\v 14 Ahalibharinya abhalikugamba ebhintu nkebhi bhabhatura ahakubha nibhalonda ensi yabho bhonyini.
\v 15 Ahamazima kabhakubhaile nibhatekeleza enzi yabho bhonyini ahibharugire bhakabhaire nomwanya gwokugarukayo.
\v 16 Chonka nkokubhili bhakayenzile ensi nzima eli ya Mungu alyecho Mungu tarikubhana ensoni kwetwa Mungu wabho ahakubha abhakolile omuji ahansonga yabho.
\p
\v 17 Ekabha eli ahakwikiliza kubha Ibrahimu ahiyamazire kulengeswa akamuhongera Isaka niwe wenini uyabhaire ayakire ahabhisemelelwa ekiragano akamuhongela omwanawe niwe wena.
\v 18 Kubha ahaliwenini ekagamba kuruga ahali Isaka oruzaro lwawe rurayetwa.
\v 19 Ibrahimu akamanya kubha Mungu akabha aine obhusobhora bwokumuhimbura Isaka kuruga omubhafuire ahakugamba eluga ya amaumbo akamwakila.
\p
\v 20 Ekabha eli ahakwikiliza kubha Isaka akamuha omugisa Yakobo na Esau aha bhintu ebhilikwiza.
\p
\v 21 Ekabha eli kwikiliza Yakobo ahakabha alihaihi kufa, akamuha omugisa bhuri mwana omwe owabhana bha Yusufu, Yakobo akasabha ahakwegamila ahaiguru ye nkoni ye.
\v 22 Ekabha na ahakwikiliza kubha Yusufu obhukilo bwawenyini obhwenzindo ahibhailile akagamba aharyokuruga ahabhana bha Israel, Misiri na akabharagila jhamwe nawe amagufa gawenini.
\p
\v 23 Ekabha eli ahakwikiliza kubha Musa ahiyazalwa akaserekwa aha myezi esatu na abhazailebhe ahansonga bhakamulebha no mwana olukeka ayabhaire alimuzima na taratinisibwe norwinganorwe Omukama.
\v 24 Ekabha eli ahakwikiliza kubha Musa kiyabhaire omuntu mukuru akanga kwetwa omwana wa muhara Farao.
\v 25 Ahabhundi bweyo akachagura kukwasana amasasi hamwe na abhantu bhaMungu kutari kusemelelwa, kwokoza ebhibhi ahamwanya.
\v 26 Akatekeleza ensoni zo mukumukuratila Kristo kubho no bhutajiri bhuhango kusaga emali za Misri kwakubha akarebha ahamaisoge ahamperwa yo mwanyagwe oguraiza.
\v 27 Ekabhaeli ahakwikiliza kubha Musa akaruga Misri taratinile ekiniga cho Mukama aha kubha akegumisiliza nokurebha na atarikubhonekana.
\v 28 Ekabha eli ahakwikiliza kubha aketa omuli pasaka ahakuseserera obhwamba ahansonga, alikusisa abhana abhazarwa abhambele atasobhora kubha kwataho abhazalwa abhambele bhobwozo abha Israel.
\p
\v 29 Ekabha eli ahakwikiliza kubha bhakahingura omunyanza ya Shamu nkaahansi eyomile omwanya gwa abhaMisri bharengesize bhakamilwa.
\p
\v 30 Ekabha eli ahakwikiliza orukuta lya Yeriko lukagwa ahansi ahilwazungukilwe ahabhilo musanzu.
\p
\v 31 Ekabha eli ahakwikiliza kubha Rahabu olinya kahabha tasingalichwe na bhalinya abhabhaile bhataine makune ahansonga akabha abhalaire abhapelelezi nokubhanyegeza hazima.
\p
\v 32 Na ngambeki zaidi ahansonga omwanya tigulikutosha kufomola ebya Gideoni, Barak, Samsoni, Yeftha, Daudi, Samwel na nezabharangi,
\v 33 Abho kuhingra ahakwikiliz bhakasinga obhukama bhakakola amazima ana nbhakakila ekilagano hakatanga eminwe ye nganza.
\v 34 Bharaza amani go murilo bhakakwepa obhwogi bhworupanga bhakakizwa kuruga omurwaile, bhakasinga ebhita na bhakakora abhanajeshi bhibhabhaile nibhalwana nabho kwiruka.
\v 35 Abhakazi bhakakila abhafu bhabho kuhingura ahakuhimbulwa abhandi bhakateswa na tibharaikilize kulekurwa huru ahakubha bhasobhore kubhona kuhimburwa okulikuzima zaidi.
\v 36 Abhandi bhakateswa ahakubhakinika na ahakuterwa na ahabhundi kufungwa nanokutebwa magereza.
\v 37 Bhakahondwo amabhare bhakaguturwa emikono ebhipande ahamisumeno, bhaitwa aharupanga bhakagenda aha ndozi ze ntama nanembhuzi bhakabha nibhenda kuzunwa hibhakabhanibhagendelela nobhusasi nokukolelwa kubhi.
\v 38 (Nkokubha ensi ekabha etalikusobhoka kukara nabha) nibhatangatanga omurweya omumabhanga omunyenga na nomubhina byitaka.
\p
\v 39 Nahakubha abhantu abha bhona bhakaikilizwa na Mungu. Ahansonga yokwikiliza kwabho tibhayakile ekiragano chawenini.
\v 40 Mungu akabhanza kutaho ekintu ekili kizima ahakubha tutalitwe tibhakusobhoire kubha kuzima.
\c 12
\cl Esura 12
\p
\v 1 Aho lyecho, olwokubha twazigoilwe ne kiho kihango echabhajulizi, male tunage bhuli kintu ekili kutulemelela hamwe ne kibhi ekitweko mileho bhutali bwamani. Tuteho olwiluko aha Sapuli omutangulanwa okotitilwe embele yaitu.
\v 2 Tuyelekeze amaiso gaitu ahali Yesu, ayabhandize kandi owokuhikiliza obwemezibwaitu, ahaliwenini ahabwokusemelelwa okwatilweho embele ya wenini akemela omusabha, ahakugaya ensonize male akaikala ahamikono gwo bhulyo gwe kitebhe chomu kama Mungu.
\p
\v 3 Male mumutekuze ogwo wenini asanile ebhigambo ebyo mizinya kuruga abhantu abhaine ebhibhi, ahalyogwo wenini male mutakwiza mukalemwa kuhumbhaza emiganya yanyu.
\v 4 Timkefulize anga kusasa ahakutangulanwa nanekibhi kuhika aha kuhwelwa obwamba.
\v 5 Kandi mwa yebwa okwo kugumiswa omuganya okwabhaile nikubhelekeza nkabhana bhabhasaiza, “Mwana wange otakubhitwala ha kuvyangusha ebhighalukilo evyo mukama kandi muta kufwa omuganya kolokubha noyelekezwa nawe.”
\q
\v 6 Aha lwokubha omukama namugalukila wenawena walikubha nayenda, nokumuha bhuli mwana atali kumwakila.
\p
\v 7 Oyemele ebhilengeso nkokugalukilwa. Mungu na kolanaimwe nkokwo alikukola nabhana aho omwana noha ogwo ise wawenini taine kumuhama?
\v 8 Naho kihalabha hataliho kugalukamo aho naitwe twena nitubha tulimo, aho imwe timusaine male tindya abhanabhe.
\v 9 Kukila ebyo byona tukabha twine bhatata bhaitu abhengisi abhokutuhana male tukabha nitubhaha ekitinwa, Mbwenu titulikwendelwa kumuha ekitinwa muno tata wahamuganya no kwikala?
\v 10 Nikwo bhatata bhaitu bhakatuhana ahamyaka mike nkokwo yabhaile bhonekana ahali bhonini, naho Mungu natuhana ahafaida yaitu naitwe tubhemu omubwelenda bwe.
\v 11 Tihaliho ekihaso echebyela akokanya nokubha nobhusasi. Naho aho ahamwanya guli kwiza nihazalwa elunda dye milembe yobwelanda ahali bhalinya abha yegezizwe nayo.
\p
\v 12 Mgolole emikono yangu elikwolobhelela nokukola ebhizwi vyanyu ebhitagumile okubhua evyamani kandi.
\v 13 Mgole obhuhingulo bhigele byanyu male wenawena aine obhulema talikwe kwelekezwa okuhabha aho abhasekukizwa.
\v 14 Mulonde emilembe na bhantu bhona nakandi obhuzima hibhutalyobyo tihaliho alibhona omukama.
\v 15 Mubhe abhoikwekonya kandi hatalibhamo alitaniswamu hale nomugisa gwa Mungu, kandi kitakwiza ekisibho chobhusasi ekilizakumela kandi nokuleteleza enaku nokukobha bhaingi.
\v 16 Mutalebha ahokubha obhusihani anga omuntu atalimela nkananka Esau, ogwo ahansonga yo kulya limwe akaguza ehakiye yokuzalwa.
\v 17 Aha lwokubha nimumanya kubha akanya akalaiza, hiyayegombile kusika omugisa, akangilwa ahansonga talabhoine akanya akobhuganyolwa hamwe naise wawenini noloyabhaile nalonda munoahamalila.
\p
\v 18 Aha lwokubha timulaizile omwibhanga elya kubhasa kukwatwaho. Ibhanga ekilikwaka omulilo, kwita omuganya nakasolola.
\v 19 Timukizile namalaka ge milele, anga ahabhiga bho ebhili kulugilila omwilaka elilikuleteleza bhuli alalihulila atakusabha ekigamubho chona chona kugamba kwabho.
\v 20 Aha lokubha timulasobhoile nimulamulilwa owelabha nenyamaiswa elikukwata ahaibhanga mpaka etelwe na mabhale.
\v 21 Ebyo kutinisa muno ebyoyabhione Musa akagamba, “Natina muno kugobha aha kuzuguma.”
\v 22 Amahelukage, mwaiza omwibhanga Sayuni nomuchalo cha Mungu achalebha, Yerusalemu eyomwigulu hamwe wabhamalaika elufu ikumi abhadya ahabhugenyi.
\v 23 Mwaiza omubhumwe obwa abhazalwa abhambele bhona abhahandikisizwe omwigulu na Mungu omulamuzi wa bhona nemyoyo eyabhatatifu abhabhaile bhagumisizwe.
\v 24 Mwaiza ahali Yesu alikutelanisa andagano enshasha, nanobwamba obhuseselwa abhalikugamba ebhizima bhingikusaga obwamba bwa Habili.
\p
\v 25 Olalebha male olalizaokanwanga omwe ogwo alikugamba ahakubha kalabha atalabheihileho hibhamwanga omwe ayabhaile nabhahana omulyeginsi nikwotitwine kutabhuka kitulahinduka, hale kuruga aha alikutulebha kuluga omwigulu.
\v 26 Aha lyakokanya ilakalye likagihulugutanisa ensi. Mbwenu alagiile nokugamba ati,” Hachaliyo akandi akanya tindi hulugutanisa ensi yonka mpaka nanigulu nalyo”
\v 27 Ebhigambo ebhi, “Omulundi gumwe kandi, nebhonekana telikwelekwa ahabhintu ebhili kuzugumiswa bhikale.
\v 28 Ahabwecho twakile obhukama obhutali kuzugumiswa, tusemelelwa ahakwetongeza ahali Mungu ahakwikiliza hamwe nokwekesha ahalyecho.
\v 29 Aha lwokubha Mungu waitu nomulilo ogulikulya.
\c 13
\cl Esura 13
\p
\v 1 Mbwenu obwenzi bya bhene byange bhugendelele.
\v 2 Mutaliyebya kubhakaribhisha abhagenyi, ensonga yokukola ebhi, abhandi bhanyegeize abhamalaika bhatamanyile.
\v 3 Oizuke bhona abhali gerezani, okagila mukabha mulinabho okwo hamwe nabho na kelabha emibhili yanyu ekakolelwa nka abho.
\p
\v 4 Aya endoa eheshimiwe na abhantu bhona male ekitanda che ndoa kikolwe kubha kizima, ensonga Mungu alabhahukumu abhasherati na bhasihani.
\v 5 Mbwenu emihanda zanyu eza obhutulo zibhe nobhuhuru aha bwenzi bya amahera. Mubhe abhaikwiliza na bhantu bhimwine, isi Mungui wenini akagamba, “Tindibhaleka imwe nakamwe male nokubhatekeza imwe.”
\p
\v 6 Mbwenu twikilize male tugambe aha kuguma, “Omukama nomukwasi wange; Tinditina omuntu asobhole kunkolaki?”
\p
\v 7 Mubhatekeleza bhalinya abhabhaongelize, bhalinya bhagambile igambo lya Mungu owanyu, na mwizuke gamagendelelo gabho, mwege okwikiliza kwabho.
\v 8 Yesu Kristo ni wenini nyenkilo, na mbwenu na ila na ila.
\v 9 Otaiza okelekezwa emyegeso eyahale hale eyekishasha olyokubha nibhizima aha muganya gwombekwe aha migisa, natihakilagilo kuruga aha byokulya ebyo bhilabhazuna bhalinya abhalikwikala aha lyebyo.
\p
\v 10 Twine olutale ahalibhalinya abhalikukoleswa omunzu omukelezia tibhalikwendelwa kulya.
\v 11 Aha lyokubha obwamba obwa abhabyama obwatangilwe aha lutale nke sadaka aha nsonga yebhibhi bhukaletwa nomulebhelezi mukuru omwanya mutakatifu chonka emibhili yabho ekochwa aheru yenkambi.
\v 12 Ahalyecho Yesu nawenyini akasaswa ahelu yomuji, ahansonga yokubhakola abhasololwa abhantu ahali Mungu kulabha aha bwambabwe.
\p
\v 13 Ahalyecho tugende owawenyini ahelu ye nkambi twekolile ensoni za wenini.
\v 14 Olwokubha titwine obhutulo byamilele aha eka egi ensonga yaho tulonde eyoizamu.
\p
\v 15 Kuhingula owa Yesu nimwendelwa bhuli kanya kwetowa esadaka yokusima Mungu, kumusima aha kubha itunda lye minwa yaitu likilize izina lya wenini.
\p
\v 16 Na otakwebya kukola amazima nokukwasana imwe aha limwe olwokubha nesadaka kubha nikwo Mungu asemelelwa munonga.
\p
\v 17 Mugile ishima nokwekesha aha bhatwazi bhanyu, plwokubha nibhagendelela kubhalinda, aha nsonga yo bhuntu byanyu nkabhalinya abhalitanga olubhalo muheshimu aha nsonga abhatwazi bhamasemelelwa.
\p
\v 18 Tusabhe, okubha twine obhuhakika okubha twine edamira nzima nitwegomba kutula amaisha go kwekesha aha bhintu byona.
\v 19 Na mwena nimbetelamu omwoyo guhango mukole ebhi, ensonga nsobhole kusubha owanyu aha mwanya gulaizaho.
\p
\v 20 Mbwenu Mungu wobhusobhola akabhaleta kandi kuruga abhafu muchungaji mukuru owe ntama, omukama waitu Yesu, aha bwamba bye kilagilo cha ila.
\v 21 Alabhaha obhusobhola bya kila kintu kizima kukola obwenzi byawenini, akabha nakola emilimo omunzu ya wenini, elinzima oyokusemela omumaisoge, kuhingula owa Yesu Kristo, owawenini bhubhe obhutukufu ila na ila. Amina.
\p
\v 22 Mbwenu ninkutamy omwoyo, bhenewaitu kutwalilana nekigambo chokutamu omwoyo ogwo aha bhugufu nkalihandika owanyu.
\p
\v 23 Omanye kubha bhenewaitu Timotheo yalekwilwe huru, ogwo hamwe nawe ndabhabhona kalaiza omubhilo bya haihi.
\p
\v 24 Sula abhatwazi bhawe bhona na abhakwikiliza bhona.
\p
\v 25 Na bhalinya abhakuluga Italia nibhakusula. Nobwesige bhubhe naimwe mwena.