xsj_reg/48-2CO.usfm

\id 2CO
\ide UTF-8
\h 2Abhakoritho
\toc1 2Abhakorintho
\toc2 2Abhakorintho
\toc3 2co
\mt 2Abhakorintho
\c 1
\cl Esura 1
\p
\v 1 Paulo, entumwa ya Kristo Yesu aha bhizima bya mungu, na Timotheo mwene waitu ahakelezia ya Mungu, elili Korintho, aha waumini bhona abhali omukoa gwona gwa akaya.
\v 2 Emigisa ebehe owanyu na nemirembe kuluga owa Mungu tata waitu na mkama Yesu Kristo.
\p
\v 3 Naho asimwe Mungu natata owo mukama Yesu Kristu. We nini ni tata we emigisa na Mungu wa kugumisa bhona.
\v 4 Mungu atagumisa itwe ahabhusasi bwaitu byona ahalwokubha tusobhole kubhagumisa bhaliiya abhali ahabhusasi. Ntubhagumisa abhandi ahabhugumililwa bwa Mungu obwiyakolesize kutugumisa itwe.
\v 5 Aha kubha nka ahabhusasi bwa Yesu Kristu kwongezeka aha nsonga yaitu naho kandi kugumiswa kwaitu nikwongezeka kulabhila Kristu.
\v 6 Naho katulayagalazwa aha nsonga yo kugumisizwa kwanyu na nokulokolwa kwanyu. Na kutulabha nitugumiswa na ahansonga ye obhugumilila bwanyu. Kugumiswa kwanyu ni kukola emilimo ahimlikukwasangana aha bhusasi na ahabhughumililwa nkaitwe hitusasibhwa.
\v 7 Na nobhumanzi bwaitu ahalimwe kwikilizwa ntumanya okwimlikukwasangana obhusasi nikwo mlikukwasangana kugumiswa.
\p
\v 8 aha kubha titulikwenda mubhe abhafwela, bhene waitu kwigana ne naku ezitubhaile twine okwo Asia. Tukabhonelwa mno kukila bhitukusobhola kuheka, titulibha na mategeza go kwikala.
\v 9 Naho, tukabha twine ekihaso cho lufu ahalitwe aho ekabha no kukola itwe tutakubha na amategeza aga litwe bhonini ebadala yaho tuteho amatageza aha liMungu, ahimbula abhafwile.
\v 10 akatulokola itwe kuluga “Omunfakale” na tulokola kandi tutileho ubhumanzi bwaitu ahaliwenini olwokubha natulokola kandi.
\v 11 Alakola otyo nkokwimlikukola imwe kutukwasa aha kusabha kwanyu. Naho bhaingi bhalasima ahabwaitu na nobhwenzibwa bhwe emigisa eyitwa hebhile itwe kuhingulila aha kusabhilwa kwa bhaingi.
\p
\v 12 Ntwisimila eli kulebha ebhitekelezo byaitu ahakubha nahakwetuma kuzima na obhuzima bwa Mungu olwokubha tukagenda itwe bhonini omunsi. Tukozile oti naimwe, to obhufula bhwe ensi yona ahakubha emigisa ya Mungu.
\v 13 Tutalikuhandika chonachona chimutalasobhole kukisoma au kukimanya. Nyine obhumanzi.
\v 14 Olwokubha haliho olubhazu mwatusobhikilwe. nyine obhumanzi olwokubha Mukama Yesu tulabha ensonga yanyu ahakiburi chanyu, nkonkwi mlibha owaitu.
\p
\v 15 Aha nsonga nkabha nyine obhumanzi ahadyeli nkabha ninyenda kwiza owanyu obwa mbele olwokubha musobhole kwa kila efaida yo kubhungi lwa kabhili.
\v 16 Nkabha ni nyenda kubhabhungila aha kanya ningenda Makesdonia. Kandi nkenda kubhabhungila kandi aha kanya kindagaluka kuruga Makedonia, Naho Imwe Kuntuma inye akanya Ningenda Uyahudi.
\v 17 Hinkabha nitekeleza oti, osi, nkabha nitikatika? isi nimpanga ebhintu kwingana no obhwingano bhwa awantu, Ahakubha ngambe “Nikwo nikwo" na “mahi mahi" aha kanya kamwe?
\v 18 Ahansonga Mungu no Mwesigwa, Titulikugamba byona “Nikwo” na “Mahi.”
\v 19 Aha kubha Omwana wa Mungu, Yesu Kristo niwe Silvano, Timotheo na Inye tukamutangaza Omulimwe Omwanyu, “tiyakubha nikwo na “Mahi.” Ahakubha wenini akanya kona ni “Nikwo”
\v 20 Olwokubha endagano zona za Mungu “ni kwo" aha li wenini. ahakwesiga wenini ntugamba “Amina” aha kwesingiza kwa Mungu.
\v 21 No nobhu Mungu aine obhumanyiso Bwaitwe hamwe naitwe aha li Kristu, na akatutuma itwe.
\v 22 Akataho emihuri aha litwe na akatuha omwonyo aha miganya zaitu nke kilatuzamini echalatuha aha mwanya gulaizaho.
\p
\v 23 Ahansonga, ninsabha Mungu kwinzuliliza inye olwokubha eyakozire ntaiza Korintho nokubha ntabhalemelea imwe.
\v 24 Eyi tensonga nintuhasa kumanyisa kwikiliza kwanyu kwikulikubha. Ahansonga yaho ntukola hamwe naimwe ahakubha ye byela byanyunka himulikulimelela ahabwikilizo bwanyu.
\c 2
\cl Esura 2
\p
\v 1 Mbwenu nkaramura kubhaha orubhazu lwange inye aho tinakwizireowanyu kandi ahahari yo bhusarizi.
\v 2 Mbwenu kindabha nabhakorire imwe ubhusasi nohi yakusemerize inye noriya oyasasizwe nainye?
\v 3 Nkahandika kubha ebhina kozire ahamwanya gwindiza owanyu mbase kusaswa na bharinya abhakumbaire bhankozike ninurirwa. Nyine ubhumanzi kurugira omrimwe kandi kunulindwa kwange no kusemererwa kwimuri imwe mwena.
\v 4 Mbwenu nkabhahandikira kuruga umubhusasi bhuhango kandi entimba yo mganya arwensonga ya marira maingi tindezire kubharetereza imwe obhusasi. Mbwenu aho nkabha nyenzire mumanye Ombwenzi bhwange aharimwe.
\p
\v 5 kaharabha ariho wenawena ayaretereza omubhusasi tuyaretereza aharinye aha kipimo che hari ya hansi kandi otaitireho umubhusaiza bhingi kandi aharimwe mwena.
\v 6 Ekihaso eki ahari bhaingi nikimuhika.
\v 7 Mbwenu kandi akahindicho nimwendwa mu Muganyire kandi omuyinzayinze mkoremti kandi atambhasa kuremwa kandi kusasa muno.
\p
\v 8 Mbwenu aho nibhaisuza omuganya kukomeza ombwenzi bwanyu aharikuhweza ahari we nini.
\v 9 Aharwecho embandizo nikahandika, aho kandimbase kubharengesa kumanya kumpurikiza aharibhuri kintu.
\v 10 Kandi kamuramuganyira wena wena nainye kandi nimuganyira omuntu gwo. Kirinya chinaganyire - kanda mbhanaganyira chonachona nikibha cha ganyanyirwa aharimwe mwena aha nsonga ya Kristo.
\v 11 ahakandi omukora bhibhi ataiza akatukobha kobha. Aharwokubha itwe tibhafera bhemipango ya wenini.
\p
\v 12 Orwigi rukakingurwa aharu tata kanagirekwiza aha mji gwa Troa kugamba ekigambo cha Kristo harinya.
\v 13 Kandi aho nkabha ntaine obhuzima mbwomwoyo rwokubha tindamusangireo mwenye waitu Tito harinya aho nkabhasigaho nagaruka Makedonia.
\v 14 Mbwenu asimwe Mungu orinya ari ahari Kristo emara zona na twembhembera itwe aha mbhusingi. kuhungira itwe na yanzara ubhuyaga bhuzima obwamagezi aha mbwikalo ombwo.
\v 15 Aharwokubha itwe owaMungu twine obhuyaga bhuzima ari Kristo bhona bharinya abharikukorwa nabharinya abhalimo ni bhafu.
\v 16 Abhantu abharikufa ubhuyaga kuruga aharufu na harufu aharibharinya abharikurokorwa no bhuyaga bhuzima kuruga aha bhuzima na hambhuzima nohi asanirwe ebhintu ebhi.
\v 17 Aharwokubha itwe tituri nkabharinya abhantu bhaingi abharikuguza ekigambo cha Mungu ahorwokunemeka. Akahinducho akokwemanya aha kintu chorikwenda kukora ahari Kristo, nkaho nkwiturikutumwa kuruga owa Mungu na Nomaiso ga Mungu.
\c 3
\cl Esura 3
\p
\v 1 isi Katwabanza kwesima itwe kaudi? Titulikwenda olupapulo lwo kwesengeleza owanyu anga kuluga owanyu, nkabharudi bhantu, Mbwenu ni twenda?
\v 2 nimubhonekana imwe nimwe lupapulo lwaitu olwokwesengeleza, olwa handi kilwe omumiganya yanyu, elikumanyikana no kusomwa nabhuli muntu wena wena.
\v 3 kandi ni mubhonekana imwe nolupapulo kuluga owa Kristo olwo twatwekile itwe. Tiluhandikilwe no bwino luhandikilwe no Mwoyo gwa Mungu alimuzima. Tiluhandikilwe ahaiguru yolubhaho olwamabele, lwonini luhandikilwe ahabhibhaho vye miganya ya bhantu.
\p
\v 4 Nobhu nibhwo obumanzi obwirulinabwo omuli Mungu kulabila ahali Kristo.
\v 5 Titulikwesingiza itwe nokutonga chona chona kuhiga ahalitwe, Olungi Rutazu Okwesingizia kwaitu nikuluga ahali Mungu.
\v 6 Mungu niwe yatukoziletubhe abhatumia abhemolagano enshansa. Egii nenda gano tilupapulo chonka no mwoyo. Haubha olupapulo nilwita naho omwonyo niguleta obhuzima.
\p
\v 7 Mbwenu emilimo yonfu eyabhaile ebhailizwe omubhihandiko haiguru ya mabhale ekaiza nko ebhwelanda kandi abhulubha Israel tibhalalebhi bwolibwoli ahabhusobwa Musa. Aha nokubha obwelanda bhuso bhuso bwe, obwelanda bukobabwahwelihe.
\v 8 Mbwenu omilimo gwomwoyo tiguligila obwelanda muno?
\v 9 Ahakubha obhulanzi bhukabha obwelanda nemilundi engahi obhujanjabhi bhukabha bwingi muno omubwelanda.
\v 10 Nikwo ingu kilinya echakozilwe obwelanda mbhele tikina bwehanda kandi omukitinwe eki hakubha obwelanda obhulikulasaga.
\v 11 Ahakubha nkailiza chabaile nikihingula kikoba kine obwelanda nikiiha ekisagile echabaile nikiguma kikabha obwelanda.
\p
\v 12 Hakubha nitwesiga mbwenu, twine obhumanzi muno.
\v 13 Tituli nka Musa, ayatile Obhutungi Omubhuso bwe, Ingu abhantu bha Israel Bhatalebha kwokwo ubhulekelelo bwobwelanda kibwabhaile nibhuhwelela.
\v 14 Naho amagezi gabho gakabha gakomilwe mpaka ekilo cha mbwenu chahandikilwe yo nini vichali na vikaikara ahamitwe ya abhalikwesomela endagano ya kale. Tibakagyelekana ahakubha omuli Kristo honka bhagihilemu bhatahale.
\v 15 Naho na mbwenu, Omwanya gwonagwona Musa kibhalikumsoma, echohandikilwe kikala ahaigulu ye myayo yabho.
\v 16 Naho omuntu omuntu kalikuhinoluka aha mkakama, echahandikilwe nibakihaho.
\v 17 Mbwenu omukama no mwoyo. Ahaliho obhwelanda bhwo mukama halicho obhululu.
\v 18 Itwetwena hamwe na bhaine obhuso obhutaine echahandikilwe tubhona obwelanda bwo mukama. Nituhindulwa Omdayo kubonekana kulinya nini okwo bwelanda kuluga omushahada, emwe yobwelanda kugenda ahandi, nkokweli kuluga ahamukama ogwo no mwoyo.
\c 4
\cl Esura 4
\p
\v 1 Ahalwecho, ahansonga eyo kwine okukolelwa nkakwotwikale kuzima, titwine kulekezayo.
\v 2 Ekilikuhondelaho twangile emihanda yona eyensoni neyesekile. Titulikwikala tuzinyikile kubhi. Aha kutwalayo ekigambo echamazima nitweyeleka ahakigendeleleo cha bhuli Muntu omumaiso ga Mungu.
\v 3 Chonka Einjili Yaitu kelabha eyesekile esekilwe balinya abhalafwa.
\v 4 Omukuchagula kwabho, Mungu womunsi omu abhahumise okumanya kwabho kutalikwiliza ekiligilemu, Tibhakusobhola kuleba amazima geinjili yobhutukufu bwa Kristo, alikususana na Mungu.
\v 5 Olwokubha itwe kitulikwelonga, alikulanga ni Kristo Yesu nka mukama waitu naitwe nkabha kozi bhanyu ahali Yesu Kristo.
\v 6 Olwo kubha Mungu niwe aghambile “Omumwilima halahweza" Okuhweza kulahika Omu- myoyo yaitu hahweze obhuntu bwa Mungu ahakubhaho kwa Yesu Kristo.
\p
\v 7 Chonka tubhikile bhingi omubhyombo bhitaka hamanyikane amani maingi muno gali ahali Mungu tigo Mwaitu.
\v 8 Nitufywa kubhi aha bhulikantu chonka taliho ekilikutuhika anga kutwema kubhi nitulebha aharukekangu chonka titulikulekezayo.
\v 9 Nitwena kubhi chonka tibhalikutwita.
\v 10 Ebilo byona emibhili yaitu nesutula Olufu mwa Yesu kibhonakane obhulola bwawenini bhubhonekane omumibhili yaitu.
\v 11 Itwe abhalebha ebhilo byona tuliahakufa ahansonga ya Yesu male obhulolobwe bhubhonekane omumibhili ya bhantu.
\v 12 Ahansonga egi, Olufu nikukola emilimo omulikwe nobhuzima nibhukole emilimo omumiganya yanyu.
\p
\v 13 Chonka Twine emiganya eyonini yobwemezi nanecho ekihandikilwe. Nkaikilize ntyo nasuba nagamba.” itwe nitweikiliza tutyo nokugamba.
\v 14 Nitumanya tuti eyahimbwile Omukama Yesu alatuhimbula hamwe na wenini. Nitmanya alatuleta hamwe naimwe ahakubhaho kwawenini.
\v 15 Bulikintu kiliahansonga yanyu olwokubha eneema negendelela kuhika omubhantu baingi nokusima kugendelele kukanya aha bhutufu bwa Mungu.
\p
\v 16 Titwine kuhebhula nobhutulabha nitulebekana kubhi, chonka aha myoyo yaitu nebha mishasha ekilo aha kindi.
\v 17 Omumwanya ogu mugufu, amasasi agha agali kwanguha nigatuteka ahabhutalihwo bulemile obhulikukila byona.
\v 18 Olwokubha titulikulebha ensonga ebhintu nibhilebhekana. chonka ahabhintu ebhitalikulebhekana. Ebhintu ebhitwakusobhola kubhilabha nebyo mwanya muke gwonka, chonka ebhintu ebhitakulebhakana nebyobuzima obhutalihwaho.
\c 5
\cl Esura 5
\p
\v 1 Nitumanya kubha obwikora bwe ensi omwo nibhagasisa nitutura enzu kuruga owa Mungu. Ne enzu etayombekile ne mikono ya bhantu, chonka nenzu yaila omwiguru.
\v 2 Olwokubha enzu egi nitulwara yaitu omwiguru.
\v 3 Nitwefuza ahansonga kuzwla titukubhonekana kubha tuli busa.
\p
\v 4 Aha mazima tuliomunda Yesu eg, tudwala katulemerwe. Tutukwenda kuzurwa, Kandi aho nitwenda kuzwekwa ensonga echo ekifire kisobholwe kumilwa nobhuzima.
\v 5 Ogwo atwesile aha kuntu eki ni Mungu, atuhaile itwe omwoyonke eahadi yecho ekikwiza.
\p
\v 6 Aha lyecho omusaiza owe manzi ebhilo bhona. mubhe maiso obhukila tulyo omuka omubhili, Tuli hale no omukama.
\v 7 Obhutuli kugenda aha mategeza tikwo aha kulebha, kwa hio twine obhumanzi.
\v 8 Hakili tubhe hale kuruha ahamibhili no muka hamwe no mukama.
\v 9 Aha nitugikora kubha na ni lengo lyaitu, kubha tulilyo omka au hale, tumusemeze wenini.
\v 10 Olwokubha twena tubhonekane embeleye kitebhe che kihaso cha kristo, ensonga bhulyomwe kwakira kilinya echigenduka aha bhintu ebhikolekile aha mubhili kilibha aha bhuzima anga abhabhili.
\p
\v 11 Aha lyecho kumanya ekitinwa chomukama, Nitubhanuriza abhantu. Nkikwo tuliho, nebhoneka bhusa na Mungu. Ninyesiga okubha nemanyikano okwesiga kwanyu.
\v 12 Titukubhalengesa aha bhukobhi imwe kutulebha itwe nka bhamazima male aho, niyubha imwe ensonga yokwesingiza ahasonga yaitu, ensonga mubha subhize amazima aha bhalikwesingiza kulebha chonka tikilinya ekilyo omunda omumwoyo.
\v 13 Olwokubha tugurukilwe na magezi, na hansonga ya katonda kitulabha tulya ahamagezi gaitu agarige, na hansonga yaitu.
\v 14-15 Olwokubha obhenzi bya kristo, nibhatula nisa ensonga twine amazima nelyo olwokubha omuntu omwe, yaani bhalinya abhalikutura bhature aha nsonga yabho bhonini, kabhalamula, Lazima bhatule ahansonga yawenini ayafire nokuhibhulwa. Kristo akafa ahansonga yaitu alwokubha abhalikutula ahalwabho bhonini. Akaizucho kaho akabha nayenda ikikwo akabha nayenda wenini akabhafela nokuhimbuka.
\p
\v 16 Ahansonga egi, kubhandiza mbebu nokugrndelera kumuha ekihaso omuntu kwinga nolwingano lwa abhantu, obhu zima tukarebha kristo aha nsonga egi. Mbenu tukalebha kristo ahansonga egi. Mbenu tutukumuha ekihaso omuntu wenawena aha nsonga egi kandi.
\v 17 Aha lwecho ontu wenawena alyomunda yaKristo, wenini nekihangwa kishasha Ebhintu bya kale bhahingwile Lebha bhyabha bhishasha.
\v 18 Ebhintu byo bhuruga owa Mungu AKatunywanisa itwe wenini kuhingura Krisro male atuhaire okukwasana no kunywana.
\v 19 Otwo nokugamba, aha ali Kiristo, Mungu nanywanisa ensi wenini. Tiho kubwa amakosa gabho omulibhonini. Nabhikaza owanyu empola yo kunywana.
\v 20 Aha nitutozwa nka abhatwazi bha Kristo, okagira Mungu akabha nailila embele kuhingura owaitu. Nibhagambila imwe ahansonga ya kristo mnyawanise owa Mungu, Akakola kubha esadaka aha nsonga ye bhibhi byaitu wenini niwe atakora bhibhi
\v 21 Akakolra ebhi ensonga tukole obhukweli bya Mungu aha liwenini.
\c 6
\cl Esura  6
\p
\v 1 Ahalwecho, kukola emilimo hamwe, nitubha tagiliza imwe, matakwakila emigisa ya Mungu hataliho echabhonekana.
\v 2 Ahalwokubha naagamba, Omwanya gwikilizwe inketegeleza aha kwanyu, nakilo chobhu lokozi inkabha saidia, Olebhe, Mbenu no mwanya gwi kilizwe olebhe, mbhenu nekilo cho kulokoka.
\p
\v 3 Titukutaho ibhale lyekutanga ahamuntu wenawena, aha lwokubha titulikujendela ehuduma yaitu eize ahailaga libhi.
\v 4 Bhambhu kandi nitwehamini itwe ahabhikolwa bhyaitu bhyona, yaani tulyabhakozi bha Mungu. Tulyalyabhskozi bhe ahabhwingi bhwo kwiokiliza amasasi, eshida, okuguma kwa maisha.
\v 5 Kutelwa, kufungwa, efujo, omukukola emilimo ahakwetuma, ahakubhulwa itilo omukilo, ahangara.
\v 6 Ahabhusafi, ahamagezi, okuvumilia, Wenini roho matakatifu, omubhuwenzi bwonini bhwonini.
\v 7 Tulyabhatumwa bhe ahakigambo cha mazima, omumani ga Mungu. Twine ekikwato che haki aha lwensonga ye mkono bhulyo no gwa bhumoso.
\v 8 Nitukola emilimo aha kitinwa na ahakuganywa, ahamasimango na nokusimwa. Nitubhihililwa ingu tulya tulyabha abhakobhi kobhi, okwo tulyomu omumanzima. Nitukola emilimo okkagila titukumanyika okwo nitumanyikana kuzima.
\v 9 Nitukola emilimo inkabhalikukufa, chonka lebha nitutwikala. Nitukola emiliomo inka bhaine ebhihaso ahalwensongaye ebhikolwa bhyaitu chonka tinka abhalamwile mpaka kufa. Nitukola emilimo inkaabhaine entimba, chonka ebhilo bhona twine ebhisemelelwa.
\v 10 Nitukola emilomoinka abhanaku chonka nitugisa bhaingi. Notukola emilimo akagila oti titukubhona akantu chonka twine bhuli kintu.
\p
\v 11 Twafomola amazima gona ahakwanyu abha korintho, nanemiganya yaitu yakomoloka ahabhugazi.
\v 12 Emyoyo yanyu itwe titulikugitanga, chonka netangwana nebhitekelezo bhanyu imwe nini.
\v 13 Imbhwenu ahakuhinga omumazima ahansonga haki - nimfumola inkomubhana - Mukono mkomolole emyoyo yanyu ahabhaghazi.
\p
\v 14 Mtakwatanisa hamwe na abhatali kwesiga, ahalwokubha haine obhu dugu nyabhaki omuhaki na noombhimbhi? Nahaliho obhumwe nyabhaki ahamwanga na nomwilima?
\v 15 Nookwikirizangana kuhikristo nasobhola kubha nakwo na shetani? Angu olinya alikwesiga aine omuwanyaki hamwe na atalikwesiga
\v 16 Nahaliho okwiolinganaki okuliho omukelezia ya Mungu nane bhisusani? ahalwokubha itwe tliekelezia ya Mungu alikulebha, inko ku Mungu yagambile, Ninyikala nabho, na kugenda genda na bhonini abhantu bhange.
\p
\v 17 Aha lwecho, Mulugemu omugatiyabho na musololwe nabho, Mungu yagamba'Mtakwata ekitu ekizizunzile, ndabhanyegeza imwe.
\v 18 Nibha tata ahalimwe naimwe ni mubha abhana bhange -abhe kikazi, na abhekisaiza, Yaghambha omukama Mungu.
\c 7
\cl Esura 7
\p
\v 1 Bhanywani bhange, orwokubha twine ebhilangilo ebhi tweyoze itwenini ahakibhiuli kantu kalabha nitukola tubhe no obhuchafu emibhili yaitu na noo mumiganya. Natubhulonde ubhutakatifu ahakumtina Mungu.
\p
\v 2 Mulonde omwanya ahalwensonga yaitu, Titukwatanisize omuntu wenawena. Titukahutaize omuntu wenawena. Titukeyenzile ahakusaguza ahalwensonga yomuntu wenawena.
\v 3 Ningamba ityo tinkubhalalisa. Ahalwokubha naghambile mulimo omumipyo yaitu, itweni tufa hamwe na nokutulya hamwe.
\v 4 Inyine obhumanzi bhwingi O munela yanyu na nimwesingiza aha lwensonga yanyu nyizwile abhisemelelwa. Ninyizhulwa ebhisemelelwa nobhundikubha ndyo omusasi ghaitu ghona.
\p
\v 5 Tukaiza Makendania, emibhiyaitu tela humwile. Akahinduka kaho tukateseka ahamasasigona, ahakutelwa ebhita embhazu zona eza-helu, na ahabhutini omumbha zu zo Munda.
\v 6 Chonka Mungu alikughumisiliza abhalikufa Omoyo, akatugumisiliza hiyaziile Tito.
\v 7 Telebhaile hiyaiziile kwonka, Mungu hiyatumyagumisize. Akatugumisa ahangumiso Tito eziyaihile Owanyu. Wenini akatugambila ubhenzi bhuhango obhumwine, Entimbhazanyu na kumwine ebhitekelezo ahalwensonga yange. Ahalwendo nagendelela kubhana nebhisemelewa muno.
\p
\v 8 Kandi na nebharuha yange ekabhakola mubhe nenthiimba iinye tibhukunsansa. Chonka ninsasibhwa akanya nindebha ebharuha eyo ekabhakola imwe mubhe na nentimbha. Chonka, Mkabha na nentimbha ahamwanya Mgufu.
\v 9 Mbwenu, Inyine ebhisemelelwa, tilwensonga mubhaile mwine entambhala, chonka ahalwensonga ye ntimba zanyu ekabhaleta ahakwechuza mlikagwa ahantimbha zeki- Mungu ahalweecho mukasaswa timwalabhulize ahalensonga yaitu.
\v 10 Ahalwokubha entimbha eyekimungu eleta okwechuza okugobheseleza obhulokozi obhutakugira kusasibhwa. Entimha ze Enzi kandi ezo zileta Olufu.
\v 11 Mulalebha entimbha zekimungu ekaleteleza ekitekelzo nyabhaki kihango omunda yanyu. Ekitekelezo echo omunda yanyu chemileho kita chekubheleka kimutaitine kihaso. Nobhusasi nyabhaki bhwanyu obhwabevile buhango, obhutini bhwanyu, okwegomba gomba kwanyu, okwituma kwanyu, okwenda kwanyu, ahakulebha ehaki neyendebhwa kukoleka! Bhuli kantu kona kona Imwenini mwelebhile ahakutegila ekihaso.
\v 12 Norunabhahandikiile imwe, tindahandikle ahalwensonga yomusisi, nangu omuntu asasizwe na nebhibhi. Nahandika kulebha amazima ge- Mioyo yanyu ahalwensonga yaitu ekolwe kumanyikana owanyu omumaiso ga Mungu.
\v 13 Nolwensonga eyi nitusamelelwa. Ahanyongeza yebhisemelelwa bhyaitu itwenini, twine ebhyela kandi muno, olwensonga yebhisemelelwa bhya Tito, orwakubha Omoyogwe ghukasemelelwa naimwe mwena.
\v 14 Olwokubha kandabha nasomile owawenini kurugirila owanyu tindagizile ensoni nikwo kughamba katulabha nitulya echitwaghambile owanyu likabha lilikwo okwebhona kwaitu ahalimwe ahalitito, nebhonesa na mazima.
\v 15 Obhwenzi bhwawenini ahalwensonga yanyu ni muhango Muno, kalikwizuka olwekesha kwanyu mwena, inko kumwamnyegize we nini, ahakitinwa nanokuzugumila.
\v 16 Ninsemelelwa olwokubha intine obhumanzi obhugobhile omunda yanyu.
\c 8
\cl Esura 8
\p
\v 1 Nitumbhenda imwe mumanye omuntu na mnyanya eyaruga omuneema ya Mungu ayaruga omukerezia ya makedonia.
\v 2 Obhukati mbwirengeso lihango elyobhusasi obhwingi bhokurindwa no bhwizuzo bhobhutagira chonachona bhonini bhazara ubhutajiri bhuhango obhwizwire.
\v 3 Aharwecho nindebha kubha bhakatoa enamna kwibhabhasize na nokusaga na bharinya abhabhaire nibhabhasa.
\v 4 Nahayamoyo gwabhonini kutusabha kwona bhakatusabha aharwokubha bhabhemu ahabhantu bha Mungu.
\v 5 Eitabhaire nkaho nkwitukambha turinzire. Ahakahinducho akambere bhonini bhakeihamu aharitata. Kansi bhayetoa aharitwe bhonini ahabwenzi bwa Mungu.
\v 6 Aho tukamsabha Tito akabha yayeandaire yabhandisa omurimo ogu kandi kureta igambo lya Mungu erisombhokirwe ahaiguru yanyu.
\v 7 Mbwenu imwe mwine obwingi ahari bhuri kintu aha mwesigo gwo bhugambi kansi ahabhusobhokerwa kandi na hakwepata, Ni hamwe na bwenzi imwe muhakikishe mwabha Bahingi kandi aha kintu chokweshusha.
\p
\v 8 Ningamba echi ti akekiragiro, ekihinducho ako ningamba echi ekipimo cho bwenzi bwanyu kwiganisa na ne shauku yabhantu abhandi.
\v 9 Aharwokubha nimumanya abhuzima bwa tata waitu Yesu Kristo. Kandi nibwa akambha aritajiri, Kandi ahamuntu atainekantu kandi abhase kubha omutungi.
\v 10 Ahakigambo echi nikibhaha umwebhembelo ugurabhasaidia, Omwaka ogwahingingirwe timurabhandize kwonka kukora ekintu chonka mukegomba kubhikora.
\v 11 Kandi mubhikore nkaho kwikukabha kuri nanobhuta hamini aha kwmera kurikora, kandi mbwenu mwakabhaisize kureta ahabhizwire, aha hariyi mwakubhaisize.
\v 12 Orwokubha mwine obhutehamini obwokukora ekintu echi nekintu Kizima ikikwirizwa. Lazima kimerere ahaiguru ya kirinya choine omuntu kandi tihaiguru ya kirinya chatainacho omuntu.
\v 13 Kansi orwokubha omurimo ogu tihansonga yabhantu abhandi mbhabhase kubhora emiehere naimwe mubhase kuremererwa. akahinducho kakabha norwingano.
\v 14 Obwingi bwanyu abhobhukati obhu aharibharinya abhrikwetaga. Ahonikwo bhiri bhingi bhibhase. bhoinini bhana obhubhasa kusaidia kubhona mbwenu kuibhe norwingano.
\v 15 Eininkikwo ehandikirwe. Wenini ainebhingi akabha ataine kintu chonachona echasigaire nawenini akabha ainebhike terenzire ebhindi.
\p
\v 16 Mbhwenu asimwe Mungu ayatire omunda omoyo gwa Tito omuganya ogwonini ogwine kushugurika na nokumanya ebhyinyine aharimwe.
\v 17 Aharwokubha tiwe ayayakire kusamba kwaitu akabha aine akokukazana kuruga umukusubha kwaitu. Aharwechoo akaiza ahakwetuma wenini.
\v 18 Twamutuma hamwe nawenini asimwe omwenomwe omu makerezia aharwensonga yomrimogwe kusamba za Ekigambo.
\v 19 Tikwo nkantu aharwecho akachaguriwa na majerezia kusafiri na itwe ahansonga kuricheka ahakanya kamwe kamwe ehari yokusima. Aharwensonga yokwesingiza ahari Tata wenini ahakamu yaitu yokusaidia.
\p
\v 20 Nituepuka aharwecho kubha wenawena anungunike kurugira aharitwe kuruga umkusana okwo kwetukuheka.
\v 21 Nitutwara ubhurembherezi kukora ekiricho echensonga emumaiso ga Tata aho kandi omumaiso ga bhantu.
\v 22 Aharwecho twamutuma omuntu oundi hamwena nogu, Twamupimire emara nyingi, na nitumrebha aine ehamu, aharwensonga yemirimo mingi naha mbwenu nakora aharwensonga yo bhumanzi. Bhuhango obhwari nabwo omumiganya yaitu.
\v 23 Aha nfhumoro ya Tito wenini no mhusika mtahi wange no mkora mirimo mtahiwange naho naharimwe nkaharibhene waitu nibhatumwa na makerezia na bhensonga ahaine Kristo.
\v 24 Aharwecho mubhereke ubwenzi bhwanyu mwereka amakerezia aharwecho kwebhona aharitwe kandi ahari imwe.
\c 9
\cl Esura 9
\p
\v 1 Ahakukwatana nemilimo ahabhesigirile, nihakili ahalinye bhandikile.
\v 2 Nimanya akwegomba kwanyu, akunayesimile aha bhantu bha Makedonia. Akaya akabha yayetegwile mpaka amwaka guhingwile. Kwenda kwanyu kubhahaile omwoyo abhantu bhangi kukola.
\v 3 Mbwenu aha nabhatuma bhowaitu olwokubha okwesingiza kwaitu ahalimwe kutakubha bhusa, kandi alowkubha mwakubha mwamamzile, nkokunaga mbile nikwo mwakubhaile.
\v 4 Ahabhundi omuntu wenawena awa Makedonia kalazia hamwe nainye akasanga mtaketegwile, tukabhoine ensoni - tikukamba chona chona ahalimwe ahakubha abhamazni ahalimwe.
\v 5 Male aho ndebhile nechensonga kubhatagiriza bhowaitu kwiza owanyu kukola emitegengo kale ahalwensonga ye chakilo chiimwabagambile. Eyi netwo olwokubha zibhe emigiso, kitakubha nkekitu ekilamwilwe.
\p
\v 6 Ebhitekelezo nebhi, Omuntu alikubhhyala ebhitasimale nasomola ebhitariho, na wena wena alikubhyala ahansonga yomgisa, nasoloma omugisa.
\v 7 Ahalwecho bhulimtu atange nkokwapangire ahamwegwa wenini. Ahalwecho mtatanga ahantimba nangu ahakupatikwa. Lwyokubha Mungu amwenda aliya alikutanga ahabhyera.
\v 8 Kandi Mungu nasobhola kusanguza bhulimigisa ahalimwe, halwokuwa, bhuli kanya ahabhintu byona msobhole kubhona bhyona bhimulikwenda. Ebhi bhyona nolwensonga musobhole kusaguza bhuli kikolwa kizima.
\v 9 Ninkokubhihandikile: “yasambaza obhutungi bhwawenini nokubhutanga omuboro. Ehaki ya wenini neikala ilaneila.”
\p
\v 10 Nawe alikutanga embibho aha mubhyazu nomkate ahansonga yokula, aho natanga kandi nasaguza embibho yanyu ahalwensonga yokubhyala wenini nayongeza ebhihuluilwe aha haki ya wenini.
\v 11 Nimtungiswa habhulinsonga musobhole kuwa abhakarim Eyi neiza kuleta ensimo ahali Mungu kuhingura ahalitwe.
\p
\v 12 Ahakukola emilimo eyo tikugamba nimkwata ebhilikwendebhwa ahabhesigilizi. Knadi bhasaguza ahamilimo mingi yensimo ahali Mungu.
\v 13 Ahalwensonga yokulengeswa kwanyu kwikilizwa kwemilimoo eyi, male nimumusingiza Mungu ahakwekesha hakwikiriza kwanyu ekigambo cha Kristo, Male nimusingiza Mungu ahabhukarimu bye karama yanyu ahali bhonini nehalimwe.
\v 14 Nimbhengomba, Knadi nimbhasabha ahansonga yanyu, Nibhakola bhati ahalwensonga ye migizo mingi ya Mungu elyahaiguru yanyu.
\v 15 Ensiimo ziwe ahali Mungu ahakarama ya wenini etalikugambika.
\c 10
\cl Esura 10
\p
\v 1 Inye Paulo, bwange nimbalamiliza ahakwetonda nokwekesha ahali Kristo. Inye ntekaime omukanya akindi omumaiso ganyu, Chonka nyine obhumanzi ahalimwe omukanya nohundikubha ndihale naimwe.
\v 2 Nimbhasabha imwe inti, omukanya kindohonaimwe tindyenda kubhaomumanzi nokwesigilila inyeknakinye chonka nitelekeza ninyiza kwetaga kubha nobhumanzi omukanya kindabha nimbheteleza ingu nitutula ingu ahakwesiga omubhili.
\v 3 Nolu hakubha nitutabhuka ahamubhili, titukulwa na ebhita bhityo ahansonga yomubhili.
\v 4 Ahalwokubha ekikwato kitukukolesa kulwanatiza mubhili. Omumwanya ogwo zine Amani gamungu gwokusisa Olugo. nzizihaho nyini ebhizugu elikuhabya.
\v 5 Kandi nitusisa bhuli ekina obhutwazi ekilayeyinamula ahabhumanyi bha Mungu nitulikubha bhulikitekelezo ahakwekesha owa Kristo.
\v 6 Nanitubhona kwetugula kuha ekihaso bhulikikolwa bhulikilwa ekitaine. Ishima, Omukanya Ishima Lyangu kubulagobha.
\p
\v 7 Olebhe ekili ahalikuhweza omumaiso ganyu. Wena wena nahanula ati Inye nowa Kristo, na ayeyizuche wenyini nyini ati nkokutuli abha Kristo, nikwo naitwe nikwo nikwo tuli.
\v 8 Olwokubha nolunakwebhona kakekusagaho ebhikwasile ahabhutwazi bhaitu obhoMukama obhuyatangile ahansonga yaitu kubhombeka imwekake kusagaho kugamba ubhutwazi bhaitu obhumukama obhuyatangile ahalitwe kubhombeka imwe natikubhasisa tinddibhonansoni.
\v 9 Tinkwenda ekinkibhone inti nibhatinisa imwe ahamfumolo zange.
\v 10 Olwokubha abhandi bhantu nibhagamba; enfumolo zenibhoya nazine amani, chonka ahamubhili ogwo nomunafu. ebhigambo byetibhasanile kuhukilizwa.
\v 11 Linda abhantu nkabho bhamanye kilinya ekutuhi kugamba ahakwizucha omukanya tuli hale nikwo nikwo nabhilinya okutulikola omukanya kitulibhatuhalinya.
\p
\v 12 Kugenda hale nkokwesokeza itwenyini angakweyingnmisa itwe nabhalinya abhalikwesima bhonyini. Chonka abhalikwepima bhonyini na bhulimuntu, tibhainemagezi.
\v 13 Itwe, nanaho, titulyebhona kuhingula ebhibhi. Ekilikulatilaho tulakolatutyo omunda yembibhi eyi Mungu yatwatile itwe ebhibhi elikuhika hale nkezowanyu kuzili.
\v 14 Olwokubha titusagwize itwe ahatwagobha naimwe. Tukabha tuli abhambele kuhika hale nkaimwe ahansonga yokuhangilila Kristo.
\p
\v 15 titulyebhona kuhingula embhibhi ahalwemilimo za bhandi, ekilikulatilaho nitwesiga okwesiga kwanyu kukula a hantu haitu he milimo hahasanulwa muno. nahachali omunda yembhibhi ezamazima.
\v 16 Nitwesiga eki nyini tuti tusobhole kulangilila einjili omumikoa kusagulialana. Titulyebhona abhikwasilile ahamilimo elikukolwa ahantu haingi.
\v 17 “Chonka wena wena alikwebhona ayebhone ahamukama.”
\p
\v 18 Olwokubha titweolinya alikweyikiliza wenyini naIkilizwa chonKa, nolinya alikwikilizwa Nomukama
\c 11
\cl Esura 11
\p
\v 1 Nyine chebhuzonti kamwakweyomeleza, nainye ahalibhike obhufwera. Chonka Omumazima, Nimweyomeleza ahalinye.
\v 2 Ahakubha Nowitima ahalimwe. Nyinetima atalya Mungu, ahansonga yanyu kwema ahinabhaile andagano imwe Eyo kukaitwa no Musaiza omwe. Nkaragana okubhaleta imwe ahali Kristo Nkomwisiki alikwera.
\v 3 Chonka nkatina omubhantu bwobhunauka Nke nzoka nkoko yakohakobhule Eva ahakwandakwa ahabyelekezo byanyu bhisobhora kuhabhiswa hale kueruga Omusisale zonyini male nzima za Kristo.
\v 4 Nkahakulenga omuntu nanka akaiza nalanga Yesu Oundi atalyolina outwatangile, Anga nkokulenganti mkatila omuganya ogundi atalyolinya omweyakile; Anga ukokulenga Mkakila Einjili eindi Etalyelinya eyimwayakile, nkeyomeleza ebhigambo ebhi Kuzima byahika.
\v 5 Ahakubha ninyetekateka kubha inyetindiyo omulyabho omubhataine chonachona abhalikwetwa entumwa nzima.
\v 6 Chonka ahalyecho inye tingesizwa ekilangilo tindintyo omumagezi. Omubhukantu ebhigambo byoko tubhikozile kumanyika kwanyu.
\p
\v 7 Isi nkakora ekibhi ahakwekesha nyenka imwe musobhora kwimucha ahakubha nkalanga ahakweyagomira einjiri ya Mungu ahalimwe.
\v 8 Nkaka amakelezi agandi ahakwekila engabhilano kuruga owabho olwokubha nkasobhoile kubhakolela imwe.
\v 9 Obhukiro bhunabhohaile ndinaimwe male ukabha ndyahakwefomba, Tindalemelile wena wena ahakubha ebhinayo yegombile bikahika na abhanyaruganda abhaizire kuruga Mekedonia omubhulikantu nyetangire utabha omutwano ahalimwe male ningendelela kukorantyo.
\v 10 Nka mazima Kristo okwali omunda yange okukwesiga kwange tikulicheleza omumwanya gawa Akaya.
\v 11 Ahabwaki ntinkubyenda? Mungu namanya nimbhenda.
\p
\v 12 Chonka kilinya chinduikukora ndakikora kandi, ndakikora ahakusobhora kutanga omwanya gwabhalinya abhalikare gomba akanyakokubha nkokutuli ahalikilinya chonyini chonyini ekibhali kwesiga.
\v 13 Ahakubha abhantu bhalinya nentumwa zebhusubhana abhakazi abhabhili bhabhesubha. Nibehindagura bhonyini nke ntumwa za Kristo.
\v 14 Ekitikine obhusabhelwa bhuhango ukabhakozile kandi kwehindagura. Hakubha ne shetani ayehindagura wayika nka Malaika wa kulweza.
\v 15 Ekitina abhusobhelwa bhuhongo ukabhakozibha kandi. okwahindagurwa bhonyini ukabhakozi bhamazima. Amaheruka gabho bhalabho ebhigiro byabho ikokusamile.
\p
\v 16 Ningamba kandi atabhaho omuntu wonawona alikutekelza inye ndyo mufewera. Chonka kamulakora nyakile inye uko mufwera usobhole kwesima kake.
\v 17 Echindikugamba ekikwotaine kuku nokwesigilila okwebhona, tikulamulwa no mukama, chonka ninganira nkomufwera.
\v 18 Ahakubha abhantu bhaingi bhabho ahansonga yomubhili ndayebhona kandi.
\v 19 Ahakubha mkatwalilangana ahabhisemelelwa no alohifwela imwenyini mwine amagezi?
\v 20 Ahakubha ni mtwalilangana no Muntu kalikuta omubhuhalila ahakuteleteleza okwegabhonya omulimwa, ahakubhakolesa imwe ahabwongelwa bwe kalayeta ahaiguru omkilele anga kayakubhatera omumasoni.
\v 21 Ningamba ahansoni zaitu ahakubha itwe tworobhiile mwokukora evyo. male yuchali ahalimuntu wenawena kalye bhona - Ningamba uko mufwera- Nainye ndayebhona.
\v 22 Isi bhonyini abhayahudi? nainye notyo, Isi bhonyini na Bhaisraeli? Nainye notyo. isye Bhonyini ni bhazala Ibrahimu? Nainye notyo.
\v 23 Isi bhonyini nabhokozi bwa Kristo? (Nagamba ukagurukitwe Amagazi gange?) Inye ndimmo ninyikara omumilimo egumile mno. Hale nokwikala mno mabhusi, ahakutelwa kusaga endengo ahakwelamilile ntambara zo kufwa?
\v 24 Okuruga ahabhayahudi nayakila emara itano ebhitero Nakumnyana kwihaho Kimye.
\v 25 Emara isatu nkaletwa ahankoni, Emara imwe nkatelwa amabhale. Emara ya kasatu nkakilakiza omumali. nkakohesa ikiloni Hangwa omu nyanza ahali kubhona.
\v 26 Ninyikala omurugendo labhurikilo omuntambara za vyambu, Entambara za abhaharamia, Omuntambara yokuruga abhantu bha mahanga, entambara ye miji, entambara elikuruga ahalikumara emiti no bunyasi, entambara elikuruga omumanyanza makuru, entambara yokuruga ahabhabhili bhabhisubha.
\v 27 Nyikaile omilimo egumile omubwikalo bhugumile, omkilo kitarikucha obhuhadyama, omunzara niliho, mwona mwingi ekisibho, omubhariri no bhuzwala bhusa.
\v 28 Hale nivyo halicho Ekilikusindika bulikilo haiguru yange tinyine omteleho ahansonga ya amakelezia.
\v 29 Nohi alikwegaya Inyetindindegie? Nohi ayaleteleza mtahiwe kugwa omukibhi, nainye tindikusisira omunda?
\p
\v 30 Kakalabha kalyakapatiko nyezule, nyezula ahalikihinya ekilikubhonekana okubhulwa amani kwange.
\v 31 Mungu na Tata wa Yesu wenyini alikusingizibwa ebhilo vyona na manya inye timbiha.
\p
\v 32 Kulinya Damesk, Mkulu wo Mkoa ahansi yo mkama areta akabha nagulinda ogwo mji gwa Dameski ahansonga yo kunkwata.
\v 33 Chonka banta omukikapu kuhinguza omwidirisha aharukuta male na kilakiza kuruga omkono wanyini.
\c 12
\cl Esura 12
\p
\v 1 Ninyesingiza, olwokubha tihaine ekilayongezwa necho. Ninyiza kugendelela kwa kiila ebhigambo byensonga kuluga owaMungu.
\v 2 Nimanya omuntu omwe omuli -Kristo omumyaka Ikumi na inna eyahwoile eyabhaile ahamubhili anga ahelu yo - mubhili inye tindi kumanya, Mungu niwe alikumanya, akasutulwa yatwalwa omwiguru lya kasatu.
\v 3 Kandi nimanya kubha ogu bubhe ahabhuli, anga ahelu yobhuli inye tindikumanya, nibhimanywa Mungu.
\v 4 Akatwalwe ahaiguru bhamuhicha Paradiso yahulila ebhigambo bhitakatifu muno aha muntu wena wena kubhigamba.
\v 5 Aha Muntu nkogwo ahatuli ninyesima. Chonka ahabhuli bwange inye kindi kwesima. Hamwe ahamani gange make.
\v 6 Kinakwenda kwebhona, Tinakubhaile omufwela, olwokubha nkabhaile ningamba amazima. Chonka kandeke kwebhona, hatakubhaho owokuntekeleza ahakusaga ebyo ebhilikulebhekana ahalinye anga kuhulilikana kuluga owange.
\v 7 Tindyebhona ahansonga yago amafunuo agokusobheza. Ahalwecho tindigila elyetwala, ihwa bhalitile omumubhili gwange, entumwa ya sitani kunwanisa ntahinsuka kubha owokwebhona.
\v 8 Emilundi esatu nimugambila omukama aha lyeki abhinyiheho.
\v 9 Nawe akanghambila, Eneema yange nemala byona ahaliwe, olwokubha amani gakologe ahamanimake. nkayenzile Muno kwebhona ahamani gange make male obhusobhola bwa Kristo bwikale ahalinye.
\v 10 Ahalwecho ninyikiliza Kristo, Omumani mare omubhizumi, nomunaku, nobhusasi, ahanibhaile ntaine amani nasubha nagila amani.
\p
\v 11 Inye mbaile omufwela! imwe mkandyomelana ahalyechi, olwokubhwa mwaknsigize imwe. Olwokubha nkabha ntalimuke omulyabho abhaliketwa entumwa nkulu nobwitulabha tulibhusa.
\v 12 Obwelekano bwa mazima bwentumwa bukakolwa ahagati ahabhikulu kwemela, okwelekana, nebhikolwa byokusobheza.
\v 13 Ahangeliki mukabha mulyabhensonga kunaga amakelezia agasigaile, chonka tindabhaile Omuzigo ahalimwe? Munganyile ahalyechi kibhi kinakozile.
\p
\v 14 Lebha! Inye nayemile kwiza owanyu omulundi gwa kasatu. Tindibhalemela olwokubha tindikwenda ekintu chonachona kuluga omulimwe. Ninyenda imwe Olwokubha abhana tibhalikwetagwa kubhikwa ensonga yabhazaile bhabho. Ekilikwenda nabhazaile kubhabhi kila abhana bhabho.
\v 15 Ninsemelelwa muno kugila nokugililwa ensonga ye myoyo yanyu. Okwi ndikubhenda muno, Ninyetogwa kwendwa kake?
\p
\v 16 Nkokubhili, tindabhegekile omuzigo imwe chonka olwokubha inye nkelukile muno, Ninye nabhakwasile nkabhakatwa ahakubhakobha.
\v 17 Isi nkatwala ahansonga yokwenda kutungila ahalimwe bhinatumile?
\v 18 Nkamusabha Tito kwiza owanyu nowundi mulumuna bhaize hamwe. Isi Tito haine echiyabhakolile echansonga omulimwe? Isi titwalagenzile omuhansa ogwo nini? Isi titwalagenzile nitulabha omwibhabhaile nibhalibhata omubhilenge byabho?
\p
\v 19 Nimutekeleza omumwanya ogu gwona tubhaile nitwebhola ahalimwe? Omumaiso gha Mungu no Yesu Kristo, Tubhaile nitughamba bhuli kantu ensonga yokubhagumisa imwe.
\v 20 Olwokubha ningila kinakwiza tinakubhabhona nkakwondikwenda. Nintina hakabha halicho emfwomolo Itima ekiniga, okweyendeza, olusatu okwebhona nobhulwani.
\v 21 Ninye obhutini ndagaruka kandi, Nkandi Mungu akankesha Omumaiso ganye ninye obhutini nkasasibwa na bhaingi abhafwakile amafu, na nobhusihani nebhindi byokweyendeleza ebhibhalikukola.
\c 13
\cl Esura 13
\p
\v 1 Eyi ne mara ya kasatu kubha nintiza owanyu “kila kintu nelazima lyombhekwe ahakwemerelwa na abhazulizi bhabhili anga bhasatu”
\v 2 Namazile kugamba abho abhakozile ekibhimbele abhandi bhona obhukiro nchali okwo emara ya kabhili, ningamba kandi kindiza kandi Tindibhemera.
\v 3 Nimbhagambira okubha imwe ahansonga nimurondwa ahabhuzulizi ahali Kristo nabhariki kuhingura owanyu wenini ti mremezi owanyu, Chonka wenini no wa Amani omunda yanyu. Olwokubha akanyanyaswa aha bhulemwa, lakini akahimbhuka ahamani ga Mungu.
\v 4 olwokubha itwe twenka tubhuzilwe amani omunda ya wenini. Chonka nitutura nawe aha amani ga Mungu omumwanya gwanyu.
\p
\v 5 Mwechunguze imwe nini mulebhe kamwine okwiliza. mwepime imwenini timlikumanya ahakubha Yesu Kristo alyomunda yanyu? wenini alimo ahabhundi timukamanyikane.
\v 6 Inyine obyesige kubha imwe nimumanya kubha itwe titwangiliwe.
\v 7 Mbwenu nitusabha owa Munghu mtasobhola kukora chona chona ekibhi. Tinkusabha ahansonga itwe tusobhore kubhonekana twahingura ahabhirengeso, male aho nisabha kubha musobhore kukora ekilige, olyokubha nitusobhora kubhonekana twasinga ekirengeso.
\v 8 Olwokubha itwe titwikusobhora kukora chonachona ekitaikugendana na mazima, Chonka nahansonga ye Einjili ya Mazima gwonka.
\v 9 Olwokubha nitwesima obhukilo hitukubha tutaine amani, naimwe kimubha mwine amani nitusabha male msobhole kukora abhaingane.
\v 10 Nihandika ebhintu ebhi obhukiro ndihale naimwe, ahansonga kindikubhandi naimwe. Tinkwenda kutwara amadaraka omukama agiyamuhaile mbhombheke tiho kubhasisa ahansi.
\p
\v 11 Aho, bhenewaitu bhe kisaiza na bhebhakazi msemerelwe, mkole emilimo ahansonga yokuhoicha bhabhahe omwoyo, mwikilizane imwe ahalimwe. mtule ahamirembe Ahansonga Mungu wo byenzi ne mirembe nabha hamwe naimwe.
\v 12 Mlolosane kila muntu ahakunywegerana abhataine ebhibhi.
\v 13 Abhaikiliza bhona nibhasura.
\v 14 Emigisa yo mukama Yesu Kristo obhenzi bya Mungu nobhukwatani byo mwoyo gulikwera gubhe hamwe naimwe mwena.