33 lines
4.9 KiB
Plaintext
33 lines
4.9 KiB
Plaintext
\id PHM
|
||
\ide UTF-8
|
||
\h Филимонга чагаа
|
||
\toc1 Филимонга чагаа
|
||
\toc2 Филимонга чагаа
|
||
\toc3 phm
|
||
\mt1 Филимонга чагаа
|
||
|
||
\c 1
|
||
\p
|
||
\v 1-2 Бистиң кады ажылдап чоруурувус эргим дуңмам Филимон, сеңээ болгаш кыс дуңмавыс Апфияга, Архипке база бажыңыңда чыглып турар Бурганга бүзүрээннерге Иисус Христос дээш хоругдаттырган Павел — мен Тимофей дуңмам-биле байыр чедирдивис.
|
||
\v 3 Бурган Адавыс болгаш Дээргивис Иисус Христостуң ачы-буяны, амыр- тайбыңы силерниң-биле кады болзун!
|
||
\v 4 Мөргүлдеримге, кажан сени сактып келгеш, бодумнуң Бурганымга үргүлчү-ле өөрүп четтирер-дир мен.
|
||
\v 5 Дээргивис Иисус Христоска бүзүрелиңни болгаш Бурганның ыдыктыг улузунга ынакшылыңны дамчыыр чугаадан дыңнадым.
|
||
\v 6 Сээң бистиң-биле үлежип турар бүзүрелиң Иисус Христостуң ачы-буянын эки билип алырынга дузалаар болзун дээш мөргүп тур мен.
|
||
\v 7 Сээң ынакшылың мени дыка-ла өөртүп, часкарып тур. Чүге дээрге сээң ачыңда хөй улустуң чүректери оожургаан-дыр, дуңмам.
|
||
\v 8-9 Ынчангаш менде Христостуң ады-биле сени канчаар шын кылырыңны дужаап каар эргем бар-даа болза, Павел элчин — мен Иисус Христоска бүзүрелим дээш шииттирген-даа болзумза, сеңээ ынакшылым-биле
|
||
\v 10 Хоругдалга турумда оглум апарган Онисим дугайында сенден дилээйн:
|
||
\v 11 Ол кажан-бир шагда сеңээ херээ чок чораан, амгы үеде сеңээ-даа, меңээ- даа херектиг апарган. Ону сенче чоруттум.
|
||
\v 12 Сен ону мээң чүрээм ышкаш кылдыр хүлээп ал.
|
||
\v 13 Хоругдалга Өөрүнчүг Медээни суртаалдаарынга сээң орнуңга меңээ дузалажыр кылдыр бодумга артырып алыксадым.
|
||
\v 14 Ынчалза-даа сээң ачы-дузаң албадал-биле эвес, а эки-тура-биле кылып турарың илерээр кылдыр сээң чөпшээрелиң чокка чүнү-даа кылырын күзеведим.
|
||
\v 15 Ынчангаш сээң ону кезээ мөңгеде хүлээп алырың дээш, кезек үеде сенден ырай берген чадавас.
|
||
\v 16 Ол амгы үеде кул ышкаш эвес, кулдан бедик, ылаңгыя меңээ, сеңээ база Бурганның кижизи, эргим ха-дуңмавыс дег-дир.
|
||
\v 17 Бир эвес сен мени өңнүүм деп санаар болзуңза, ону база мени ышкаш хүлээп алыр сен.
|
||
\v 18 А бир эвес ол сени хомудадыпкан ийикпе азы өрелиг болза, ону мээңии кылдыр санап аар сен.
|
||
\v 19 "Төлээр мен" деп Павел — мен бодум холум-биле бижидим. Сен меңээ өрелиг сен деп чугаалавайн тур мен.
|
||
\v 20 Ынчангаш Дээргиниң мурнунга меңээ дузаң көргүзем, дуңмам. Дээргиниң мурнунга мээң чүрээмни оожуктурам.
|
||
\v 21 Сени билир мен, мээң дилээнимден безин хөйнү кылып шыдаар сен. Сээң дыңнангырыңга идегээш бижидим.
|
||
\v 22 Оон ыңай меңээ кире бээр черден белетке. Чүге дээрге силерниң дилег мөргүлүңер-биле мени силерже чорудар деп идегеп тур мен.
|
||
\v 23-24 Кады ажылдап турарым Марк, Аристарх, Димас, Лука база мээң-биле кады Иисус Христос дээш хоругдаттырган Епафрас сеңээ байыр чедирдилер.
|
||
\v 25 Дээргивис Иисус Христостуң ачы-буяны силерниң сүлдеңер-биле кады болзун. Ындыг-ла болзунам. Очулганы Римма Ондар редакторлаан. тел. 89833652883
|