156 lines
25 KiB
Plaintext
156 lines
25 KiB
Plaintext
\id JAS
|
||
\ide UTF-8
|
||
\h Иаковтун чагаазы
|
||
\toc1 Иаковтун чагаазы
|
||
\toc2 Иаковтун чагаазы
|
||
\toc3 jas
|
||
\mt1 Иаковтун чагаазы
|
||
\c 1
|
||
\cl 1 Бирги эге
|
||
\p
|
||
\v 1 Иаков - Бурганның база Дээрги Ииисус Христостуң чалчазы, өске чоннар аразында чурттап чоруур он ийи аймаанга. Өөруңер!
|
||
\p
|
||
\v 2 Мээн акыларым, янзы бүрү шенелделерге таваржы берзиңерзе, ону улуг өөрүшкү-биле хүлээп алыңар,
|
||
\v 3 Силерниң бүзүрелиңер шенелдези шыдамыкай чорукка эккээр деп билир силер.
|
||
\v 4 Силер бичии-даа четпес туда чок, долу бышкан апаар кылдыр, шыдамыкай чорууңар өзер ужурлуг.
|
||
\p
|
||
\v 5 Кым бир кижиде мерген угаан четпейин турар болза, ол кижи Бургандан дилезин, Ол кижи бурузунге чемелевейн, элбээ-биле бээр.
|
||
\v 6 Чигзинген кижи, хатка өөру көдурткеш октадып турар далай чалгыынга дөмей болур, ынчангаш чигзиниг чок бүзүрели-биле дилензин.
|
||
\v 7 Ындыг кижи Бургандан кандыг бир чуве алыр мен деп бодавазын.
|
||
\v 8 Чигзинип чоруур кижи, бодунуң амыдыралының оруктарынга турум эвес.
|
||
\p
|
||
\v 9 Бурганга бүзүрээн ядыы кижи өру көдурткен дээш чоргаарланзын,
|
||
\v 10 А бай кижи куду бастырар, чуге дизе хову чечээ ышкаш чиде бээр.
|
||
\v 11 Изиг хүн үнүп келгеш, оът сигенни кургадыптар, ооң чечектери дужуп каар, ооң даштыкы чаражы чиде бээр. Шак-ла ынчалдыр бай кижи база бодунуң оруктарынга оңуп каар.
|
||
\p
|
||
\v 12 Аас-кежиктиг кижи дээрге шенелделерге быжыг туруштуг, чуге дизе ол шенелде соонда Дээргиниң ынак ажы-толунге аазааны чуртталганың шанналын алыр.
|
||
\p
|
||
\v 13 Кажан шенелделер келирге: «Бурган мени шенеп турар» деп чугаалаваңар, чуге дизе Бурган каржы чорукту Бодунче чоокшулатпас, Боду база кымны-даа шеневес.
|
||
\v 14 Ынчалза-даа кижи бүрүзү бодунуң күзел соруунга башкартып алгаш шенелдеге таваржып чоруур.
|
||
\v 15 Тыптып келген күзел, бачытты боттандырар, а кылган бачыт өлумге чедирер.
|
||
\p
|
||
\v 16 Мээн ынак ха- дунмам боттарыңарны мегелевеңер.
|
||
\v 17 Эки белек бүрүзү болгаш делгереңгей чаялга Дээрден чырыткыларның Адазындан келир, чүге дизе Ол өскерлиш чок болгаш өскерлиишкинниң хөлегези безин чок.
|
||
\v 18 Оон чаялгазының баштайгы чимизи болзун дээш, Ол күзээш, алыс шынның созу-биле бисти боттандырган
|
||
\p
|
||
\v 19 Мээн ынак ха –дунмам, сактып алыңар, кижи бүрүзү килеңнээринче болгаш дүрген чугааланырынче далашпайын, дыңнаарынга белен болуңар.
|
||
\v 20 Чуге дизе кылыктанган кижи Бурганың шынын кууседип шыдавас.
|
||
\p
|
||
\v 21 Ынчангаш кандыг-даа арыг эвес чуул база артыкшылдыг каржы чүүлду кыдыынче чайладыпкаш, Бурганнын чүректериңерде тарып турар сөзүн, силерни камгалап шыдаар, күчүлүг сөстү чөпшүл хүлээп алыңар.
|
||
\v 22 Боттарын мегелеп турар чүгле дыңнакчылар эвес, а күүседикчилер болуңар.
|
||
\v 23 Чүге дизе сөстү дыңнааш, ону күүсетпейн турар кижи көрунчукке арнын көрген кижиге дөмей.
|
||
\v 24 Ол бодун көрүп алгаш, хая көрнүп келгеш, кандыг турганын уттуп алыр.
|
||
\v 25 Кым дээди хоойлуну болгаш хосталганың хоойлузун шингээдип алгаш сагып чурттап турарыл - ол уттуучал дыңнакчы эвес, а ажыл –херек-биле күүседип турар аас-кежиктиг кижи-дир.
|
||
\p
|
||
\v 26 Бир эвес силерниң араңардан бир кижи бодун ачы-буян кылып чоруур мен деп бодааш бодунуң дылын башкарып шыдавас болза, ол бодун мегелеп чоруур, оон ачы-буяны ажык чок, хоозун болур.
|
||
\v 27 Бурган Аданын мурнунга шынчы, арыг, бачыт чок амыдыраары дээрге: өскүстер дээш сагыш човаары, дулгуяк кижиниң айыыл -халавынга дузалажып турар, база бо делегейниң хир - чамынга алыспайн чоруур кижи ол-дур.
|
||
\c 2
|
||
\cl 2 эге
|
||
\p
|
||
\v 1 Мээң ха-дунмам, бистиң алдарлыг Дээргивис Иисус Христоска бүзүреңер, база улусту ылгай көрбеңер.
|
||
\v 2 Силерниң чыыжыңарже каас – коя хептиг, алдын билзектиг кижи, ооң соондан элбер-самдар хептиг ядыы кижи келген дижик:
|
||
\v 3 Силер каас-чараш хептиг кижиге көрнуп аңаа: «Бээр эртип дөрже олуруңар» дээш, а ядыы кижини: «Маңаа тур, азы Мээң будум баарынга олур»дээр болзуңарза.
|
||
\v 4 ынчан бот-боттарыңар аразынга аңгылажыышкын тургузуп, багай бодалдыг шииткекчилер апарган эвес силер бе?
|
||
\v 5 Эргим ынак ха-дунма, дыңнап көрунер! Бурган бо делегейде бүзүрел-биле бай болзуннар дээш ядыыларны шилээн эвес ийик бе? Аңаа ынак улузунга бээр болуп аазааны Дээрнин чагыргазын олар салгап алыр эвес ийик бе?
|
||
\v 6 А силер ядыы кижини куду көрдуңер. Силерни кызагдап турар улус байлар эвес ийик бе? Олар харын силерни шиидери-биле шүүткелче соортуп турар эвес бе?
|
||
\v 7 Силерниң эдилеп чорууруңар хүндүлүг атты олар нүгүлдеп, хомудады бээр эвес ийик бе?
|
||
\v 8 Бижилгеде: «Чанында кижиге бодунга дег ынак бол» - деп айыткан Бурганның хоойлузун херек кырынга сагып чоруур болзуңарза, шын кылып турар – дыр силер.
|
||
\v 9 Бир эвес улусту ылгай көөр болзуңарза, бачыт үүгеткениңер база хоойлуну хажыткан дээш буруудааныңар ол-дур.
|
||
\p
|
||
\v 10 Кым ыдыктыг хоойлуну бүрүнү-биле сагып турар, ынчалза-даа ооң кайы бирээзинге бачыт кылыпса, ынчан шуптузунга буруулуг болур.
|
||
\v 11 Чуге дээрге: «Кады чуртаан эжиңге өскерилбе» - деп Бурган чугаалаан. «Өлурбе» - деп база чугаалаан. Бир эвес сен кады чурттаан эжиңге өскерилбейин-даа тургаш, кижи өлурер болзуңза ыдыктыг хоойлуну хажытканың ол.
|
||
\p
|
||
\v 12 Хосталганың хоойлузун шилип база ооң-биле шииттирер улус дег ынчалдыр чугаалап, база ажыл-херээңер кылып чоруңар.
|
||
\v 13 Чуге дээрге өршээл билбес улусту Бурган база өршээл чокка шиидер. А өршээл кезедир шииткелден артык өндур!
|
||
\p
|
||
\v 14 Ха-дунмам, бүзүредим деп чугаалап турар кижи, буянныг ажыл-херек кылбас болза ынча дээн ажыы чүл, ындыг бүзүрел ону камгалаар бе?
|
||
\v 15 Бир эвес чединмес ха-дунмаңар идик-хеп, аьш-чем хереглээн дижик,
|
||
\v 16 а силернин кайы-бирээңер оларга: «Амыр-тайбың чоруптуңар, чылыдыр кеттиниңер, тоттур чемнениңер» - деп чугаалааш оларның амыдыраарынга херек чуулдерни бербес болза, ындыг чугааның ажыы чул?
|
||
\v 17 А бүзүрел база ындыг - ол чүгле боду ажыл-херектер чокта өлуг болур.
|
||
\p
|
||
\v 18 Кандыг бир кижи мынча дээр чадавас: «Менде бүзүрел бар, а сенде ажыл-херектер; Бодуңнуң бузурелиңни ажыл-херек чокта менээ көргүс, а мен сеңээ бодумнуң бүзүрелимни ажыл-херектер-биле көргүзейин».
|
||
\v 19 Бурган чангыс деп бүзүрээниң эки-дир. Буктар безин ындыг деп бүзүреп, корткаш сириңейнип турар.
|
||
\v 20 Хос баштыг сени-даа! Бүзүрел ажыл-херектер чокта өлуг дээрзин билбезиң ол бе?
|
||
\v 21 Авраам өгбевис бодунуң оглу Исаакты өргүл салыр бедигээшке салгаш, ажыл-херектери-биле агарттынган эвес ийик бе?
|
||
\v 22 Бүзүрел болгаш ажыл-херектер кады чоруур болгаш бүзүрел ажыл-херектери-биле долу күүсеттингенин көрүп тур сен
|
||
\v 23 Бижилгеде: «Авраам Бурганга бүзүрей бээрге – Бурган ону актыг деп санаан болгаш Бурганның өңнүү деп адаткан».
|
||
\v 24 Кижи чүгле бүзүрел-биле эвес, ажыл-херектер-биле агартынарын көрүп тур силер.
|
||
\v 25 Бодунга хайгыылчыларны хүлээп алгаш база оларны өске орук-биле үндүрүп каан Рааф деп аттыг сымыын херээжен ажыл херектери-биле агарттынган эвес ийик бе.
|
||
\p
|
||
\v 26 Мага боттуң сүлде чокта өлүү дег, бүзүрел база ажыл херектер чокта өлүг.
|
||
\c 3
|
||
\cl 3ку эге
|
||
\p
|
||
\v 1 Ха –дунмаларым! Шупту башкылар болбаңар, билир силер башкыларның шииткели улуг болур.
|
||
\v 2 Хөй бачытты кылып чоруур болгай бис. Аскы-биле бачыт үүлгетпес кижи бодунун мага-бодун тудуп билир болбаазырангай кижи-дир.
|
||
\v 3 Аьттар биске чагыртсыннар дээш, база оларнын мага бодун башкарар дээш, оларның аскынче чүген-суглукту суп алыр бис.
|
||
\v 4 Корабльдер база ындыг, олар улуг болгаш күштүг хаттар аайы-биле шимчээр-даа болза, оларны улуг эвес руль-биле штурман кайнаар кузээрил ынаар углап болур.
|
||
\v 5 Дыл база ындыг. Мага-бодувустун бичии кезээ-даа болза, улуг ажыл херектери-биле мактанып болур. Бичии от хөй арга-ыяшты өртедиптерин көр даан.
|
||
\p
|
||
\v 6 Дыл дээрге от ышкажыл. Ол бистин мага-бодувуста шын эвес чоруктуң үнер дөзү. Ол бистиң мага-бодувусту бужартадып, тамының одундан өөскуп үнгеш бүгү бүдүжүвүстү өртендир чиптер.
|
||
\v 7 Бүгүле аңнарны, куштарны, соястаарларны болгаш далай амытаннарын кижи чаажыктырып шыдаар болгаш чаажыктырып алган.
|
||
\v 8 Дылды кымнар-даа чаажыктырып шыдавас. Ол дээрге чагыртынмас бачыт- дыр. Ол өлүмнүг хоран-биле долган.
|
||
\v 9 Ооң-биле Бурганны болгаш Адавысты алдаржыдып, Ооң овур-хевири-биле чаяттынган кижилерни каргап турар бис.
|
||
\v 10 Чангыс ол-ла аастан алгап-йөрээшкин-даа, каргыш-даа үнүп турар. Мээң ха-дунмам, ындыг болбас ужурлуг.
|
||
\v 11 Чангыс суг бажындан чигирсиг база ажыг суг агып болур деп бе?
|
||
\v 12 Ха-дунма, инжир ыяжы олива чимизин, виноград сывы инжир чимизин бербес болгай. Дустуг суг бажы чигирсиг сугну берип шыдавас болгай.
|
||
\p
|
||
\v 13 Силерден кым мерген-угаанныгыл база угаан-сарыылдыгыл? Ындыг кижи мерген угаанныг чөпшул амыдыралы-биле ону бадытказын.
|
||
\v 14 Бир эвес силернин чүрээңерде кара адааргал, адаанажыышкын бар болза өөру көрдүнменер база алыс шынга удур мегелевеңер.
|
||
\v 15 Ол дээрге дээрден келген мерген-угаан эвес -дир, черден бачыттыг сагыш-сеткилден, четкерден келген-дир.
|
||
\v 16 Кайда адааргал, адаанажыышкын, ында каржы херектер корум-чурум чок байдал турар.
|
||
\v 17 А дээрден кээр мерген угаан дээрге бир дугаарында, арыг-шынчы, тайбыңга ынак, биче сеткилдиг, дыңнап билир. Ол буянныг ажыл-херектери-биле долу, арын-шырай ылгап көрбес, ак-сагыштыг болур.
|
||
\v 18 Чөптуг шынныг чоруктуң дүжүдүн, амыр-тайбыңны кадагалаан улус өстүруп алыр.
|
||
\c 4
|
||
\cl 4кү эге.
|
||
\p
|
||
\v 1 Алгыш-кырыш база дайынзырак чүүлдер силерге кайыын келгени ол? Боттарыңарның ишти-хөңнүңерде дайынзырак чүүлдер силерниң бачыттыг күзээшкиннериңерден эвес бе?
|
||
\v 2 Күзеп турар силер, ынчалза-даа ону ап шыдавас силер. Бот-ботарыңар араңарда алгыжып- кыржыыр база ботарыңарга хөңнүңер чок болгаш диленмейн турар силер.
|
||
\v 3 Чүге дээрге эки чүүлдер диленмейн ботарыңар бачыттыг күзээшкиннериңер кылып турар болгаш диленгеш, харыызын ап шыдавас силер.
|
||
\p
|
||
\v 4 Бүзүрел чок чон-дур силер! Канчап билбес силер бо делегей-биле өңнүктежир, найыралдажыр дээрге - Бурганның дайызыны, удурланыкчызы болур. Ынчангаш кым бо делегейниң өңнүү болурул - ол Бурганның дайызыны апаар.
|
||
\v 5 Азы силерниң бодалыңар-биле Бижилгениң:”Бурганның бистиң-биле кады чурттадып кааны сулдениң биске ынакшылы аажок хуннээчел”-деп турары хоозун сөстер боор бе?
|
||
\v 6 Ынчалза-даа Бурган ооң-биле чергелештир биске улам хөй авырал хайырлап турар. Ынчангаш Бижилгеде:”Бурган улуургак улуска удурланыр, а томаарааннарга авырал хайырлаар”- деп чугаалаан.
|
||
\p
|
||
\v 7 Ынчангаш Бурганга дыңнангыр болуңар, эрликке удур туржуңар, оон Ол силерден дезе бээр.
|
||
\v 8 Бурганче чоокшулаңар, ынчан Ол силерже чоокшулап кээр. Бачыттыглар холдарыңар чуп алыңар. Боттарыңар чүректериңер эдип чазап алыңар, ийи арынныглар.
|
||
\v 9 Кажыыдаңар, ыглап-сыктаңар база кудараңар. Силерниң каткыңар ыы-сыыже база өөрүшкүңер мунгаралче шилчий берзин.
|
||
\v 10 Бурган мурнунга томаарыңар, ынчан силерни өөрү көдүрүп каар.
|
||
\p
|
||
\v 11 Ха-дуңма! Бот-ботарыңар араңарда хоп-нүгүл чугаалаваңар, Кым акызынга удур база ону шиидип турар болза, ол хоойлуга удур, база хоойлуну хажыдып турары ол. Бир эвес сен хоойлуну шиидип турар болзуңза, сен хоойлу күүседикчизи эвес, а шииткекчи апаар сен.
|
||
\v 12 Чүгле чангыс хоойлу берикчизи база чангыс шииткекчи бар. Чүгле Ол камгалап база өлуруп болур, Өске кижини шиидер эргелиг сен, кым сен?
|
||
\p
|
||
\v 13 Ам бээр дыңнаңар:”Бо хүн азы даарта өске хоорайже чорупкаш аңаа бир чыл чурттааш, садыглажыышкын кылгаш ажылдап алыр бис”-деп турарлар.
|
||
\v 14 Силер эртен-даарта чүү болурун билбес силер. Силерниң чуртталгаңар чүү-дүр ол? Хоозун буска дөмей, ол бичии үе иштинде көзүлгеш чиде бээр.
|
||
\v 15 Ооң орнунга мынча дээн болзуңарза эки:”Бир эвес Бурганга тааржыр болза, дириг чорзувусса, ол бо чуулдерни кылып шыдаар бис”
|
||
\v 16 Боттарыңар улуургак сеткилиңер-биле өөрү көрдүнүп турар –дыр силер. Ындыг мактаныышкын дээрге-ле каржы баак чүүл-дүр.
|
||
\p
|
||
\v 17 Ынчангаш кым канчаар буян чедирерин билип тура кылбайн турар болза - ол бачыт кылып турары ол.
|
||
\c 5
|
||
\cl 5 ки эге
|
||
\p
|
||
\v 1 Дыңнаңар бай-шыдалдыглар! Силерге чедип келген кажыыдалдар дээш ыглап сыктаңар.
|
||
\v 2 Силерниң эртинелериңер ирий берген, база идик-хевиңерни үзүк ховаганнар чип каапкан.
|
||
\v 3 Силерниң алдын-мөңгүннериңер дадарып ирээш силерге удур херечилеп, база силерниң мага-бодуңарны от-биле дөмей оя чирти бээр. Силер ол эртинелерни сөөлгу хүнге белеткеп алган силер.
|
||
\v 4 Силерниң шөлдериңерниң дүжүдүн ажаап берген ажылчыннарның ашказы чедир толеттинмээн. Оларның халактаан ыы-сыызын дыңнаңар. Оларнын халак-хилээ ам аг-шериглиг Дээрги Чаяакчының кулаанга чеде берген.
|
||
\v 5 Бо черге чурттап тургаш, силер тодуг-догаа, тамчыктыг дыштанып турар силер. Чурээңер дөгерери-биле семирти азыраан хойлар чурээ дег апарды.
|
||
\v 6 Силер шынчы кижини шииткеш, өлуруп каан силер, ол силерге бичии-даа удурланмаан.
|
||
\p
|
||
\v 7 Ынчангаш ха-дунма! Дээрги Бурган келирин шыдамык манаңар. Көрүңер даан - дужут ажаакчызы үнелиг дүжүттү алыр дээш эрте азы орай чаар чаъсты шыдамык манап турар.
|
||
\v 8 Силер база шыдамык манаңар. Чуректериңер быжыглаңар, чуге дээрге Дээрги Бурганның келир үези чоокшулаан.
|
||
\v 9 Ха-дуңма! Шииткелге онаашпас дээш, бот-ботарыңар араңарда хомудашпаңар. Шииткекчи эжик аскында чедип келген тур.
|
||
\v 10 Ха-дуңма! Дээрги Чаякчының өмүнээзинден чугаалап турган медээчилерни хилинчек көөрүнүң болгаш шыдамык чоруктуң үлегери кылдыр ап көрүңер.
|
||
\v 11 Шыдамык туруштугларны бистер аас-кежиктиг деп санап чоруур бис. Иовтуң туруштуунуң дугайында дыңнааш, туңнелинде ооң Дээрги Бургандан чуну алганын билир силер. Чуге дээрге Дээрги Бурган аажок өршээлдиг болгаш кээргээчел болгай.
|
||
\p
|
||
\v 12 Ха-дуңма! Хамыктың мурнунда дээр база чер дээш, база кандыг-даа даңгырак бербеңер. Ооң орнунга”ийе” азы”чок” деп чугаалап чоруңар. Чуге дизе келир үеде шииткелге онаашпас дээш.
|
||
\p
|
||
\v 13 Силерниң араңарда кым бир кижи аарып аржый берзе чугле тейлезин. Кым бир кижи өөрүп турар болза ыдыктыг ырыларны ырлап чорзун.
|
||
\v 14 Бир эвес силерниң араңардан бир кижи аарый берзе христиан ниитилел удуртукчузун чалап алзын. Ол Дээрги Бурганның адындан олива үзү-биле чаап, ооң кадыкшылы дээш тейлезин.
|
||
\v 15 Бүзүрел сиңген тейлээшкин аараан кижини экиртип каар, база Дээрги Бурган катап тургузар. Бир эвес ол бачыт кылып каан болза, ону өршээп каар.
|
||
\v 16 Бот-боттарыңар араңарда кылган чүүлдериңер минниңер, бот -боттарыңар эттинер дээш тейлеңер, чүге дээрге Бурганга шынчы кижиниң тейлээшкини хөйнү чедип шыдаар.
|
||
\v 17 Илия пророк бистер ышкаш кижи турган. Ол чаъс чагбазын дээш тейлээрге черге үш чыл алды ай иштинде чаъс чагбаан.
|
||
\v 18 Оон катап тейлептерге чаъс чаап келген, ол чер дүжүдүн берген.
|
||
\p
|
||
\v 19 Ха-дунма, силерниң араңардан бир кижи шынның оруундан соора баарга, ону өске кижи Бурганче ээлдирипкен болза
|
||
\v 20 билип алзын, бачыттыг кижини шын эвес оруктан ээлдирген кижи, ону өлумден камгалаар, база оон-даа хөй бачыттардан өршээлин чедип алыр.
|