tyv_reg/43-LUK.usfm

\id LUK
\ide UTF-8
\h Луканын бижээни Буянныг Медээзи
\toc1 Луканын бижээни Буянныг Медээзи
\toc2 ЛУКА
\toc3 luk
\mt1 Луканын бижээни Буянныг Медээзи
\rem ЛУКА
\c 1
\cl 1 эге
\p
\v 1 Бистиң аравыска болган болуушкуннар дугайында, көрген кижилер тоожуп эгелээн боорга,
\v 2 эң-не эгезинден ооң херечилери болгаш, Буянныг Медээни суртаалчылары биске чугаалап берип турган боорга.
\v 3 мен база бодангаш, шуптузун эң-не эгезинден эгелеп хынамчалыг өөренип көргеш, бо бүгүнү чурум аайы-биле сеңээ бижиир бодадым, онза хүндүлүг Феофил,
\v 4 сээң хүлээп алган өөредииңниң ү ндезини ылап шын быжыг туруштун билип алзын дээш бижидим.
\p
\v 5 Иудеяның баштыңы Ирод хаанның үезинде, Авияның аймаандан Захария дээр бараалгакчы чурттап чораан. Оон кадайы Аароннуң төрел бөлүүнден уктуг. Ону Елисавета дээр.
\v 6 Олар ийилээн Бурганның мурнунга актыг болгаш, бүгү-ле Бурганның хоойлу-дүрүмнерин хажытпайн сагып чорааннар.
\v 7 Олар ажы-тол чок, чүге дээрге Елисавета божувас база олар ийилээн назыны дөгүй берген улус чорааннар.
\p
\v 8 Бир-ле катап, Захария бодунуң ээлчээнде Бурганга бараалгаар үези келирге,
\v 9 аңаа Бурганның өргээзинге чаагай чыттыг үнүштерни кыпсыыр элчег бараалгакчыларның чаңчылын езугаар ону кыпсып үлүг аңаа таваржыырга.
\v 10 Дыка хой санныг чон, чаагай чыттыг үнүштерни кыпсып турда, өргээниң даштынга мөргүп турганнар.
\v 11 Хенертен, чаагай чыттыг өргүл кыпсыр черниң оң талазынга Бурганның төлээзи көстүп келген.
\v 12 Бурганның төлээзин Захария көрүп кааш, девидеп, корга берген.
\v 13 Бурганның төлээзи аңаа: «Захария, кортпа, чүге дээрге сээн мөргүлүңнү дыңнап каан-дыр: сээң кадайың Елисавета сеңээ оол уруг божуп бээр, сен ону Иоанн деп адап алыр сен.
\v 14 Ол сеңээ өөрүшку-хоглээшкини эккер. База дыка хой улус оон торуттунгени дээш оорүүр,
\v 15 чүге дээрге ол Дээргиниң мурнунга алдарлыг болур. Ол арага болгаш күштүг эзиртир суксун ишпес, төрүттүнер бетинде-ле Ыдыктыг Сүлде-биле долдуртунуп,
\v 16 Израильдиң хөй оолдарын Дээрги Бурганынче ээлдирер.
\v 17 Илияның сүлдези болгаш күжү-биле Дээргиниң мурнунга чоруур, адаларның чүректерин ажы-толдеринче болгаш, дыңнангыр эвес овур-хевирлиг чөптүг шынчыларның овур-хевирин ээлдирер дээш, Дээргиге чонну белеткээр.
\p
\v 18 Захария Бурганның төлээзинге харыылаан: «Мен ону шак-ла ындыг болур деп канчап билип алыр мен? Мен кырган-дыр мен, мээң кадайым база улуг назылай берди».
\p
\v 19 Бурганның төлээзи аңаа: «Бурганның мурнундан келген Гавриил-дир мен, сээң-биле чугаалажып, база сеңээ өөрүнчүг медээни чугаалаары-биле мени чоруткан.
\v 20 Бо бүгү бүде бээрге чедир чүнү-даа чугаалап шыдавас сен, мээн сөстерим чогуур уезинде бүде бээринге бүзүревээниң дээш, ам ыытавас сен».
\p
\v 21 Ол үеде чон Захарияны манап турган, болгаш олар ооң өргеге кур болу бергенин кайгаанар.
\v 22 Ол өргээден үнүп келгеш, олар-биле чугаалажып шыдаваан, оон олар өргээге ол Бургандан ажыдыышкын алган деп билгеннер. Захария олар-биле имнежип, үн чок арткан.
\p
\v 23 Бодунуң бараан болур ээлчээ төне бээрге, ол аалынче чанып келген.
\p
\v 24 Оон соонда ооң кадайы Елисавета иштели бергеш, ону беш ай дургузунда чажырып келген:
\v 25 «Бо үеде меңээ Дээрги мындыг чүүлдү кылып менче кичээнгейин салды, чон аразынга менден баък атты адырар дээш, кылды» -дээн.
\p
\v 26 Алдыгы айында Бурган бодунун төлээзи Гавриилди галилеяның Назарет аттыг хоорайынче,
\v 27 аныяк кысче Давид хаанның салгалы болур Иосиф дээр аттыг кижи-биле дүгдешкен турган Мария же чоруткан.
\v 28 Бурганның төлээзи аңаа чедип келгеш чугаалаан: «Өөруп-хөгле, Бурганның авыралын алган кыс! Дээрги сээң-биле!».
\v 29 Ол ону көрүп кааш, кайгай берген, ол мени чүү деп мендилеп турар чоор деп, боданган.
\v 30 Оон Бурганнын толээзи аңаа: «Мария, кортпа, чүге дээрге сен Бурганның авыралын алган-дыр сен.
\v 31 Сен иштели бергеш, Оол божуп алгаш, Аңаа Иисус деп атты бээр сен.
\v 32 Ол Өндүр улуг болур болгаш, Дээди өрүкүнүн Оглу-деп адаттырар. Дээрги-Бурган Аңаа Ооң Ада-Өгбези болур Давидтин дүжүлгезин хүлээдир-дир.
\v 33 Иаковтуң салгалын мөнгези-биле хааннаар Ооң Чагыргазы төнчү чок болур».
\p
\v 34 Мария Бурганның төлээзинден: «Ол канчап ындыг болурул, мен ашакка барбаанымда?».
\v 35 Бурганның төлээзи аңаа: «Ыдыктыг Сүлде сенче бадып кээр, Дээди өрүкүнүн күжү сени бүргей аптар, ынчангаш, сенден төрүттүнер тол Ыдыктыг Бурганнын Оглу деп адаттырар.
\v 36 Сээң төрелиң болур Елисаветаны, ону улус төл чок деп адап турган, ол база оолдуг болуп, кыраан назынында иштелгеш алды ай четкен.
\v 37 Чүге дээрге Бурганның сөс бүрүзү боттаныр болгай».
\p
\v 38 Ынчан Мария чугаалаан: «Мен Дээргиниң чалчазы мен, Сээң сөзүң-биле меңээ болгай аан». Бурганның төлээзи оон чорупкан.
\p
\v 39 Ол-ла хүннерниң бирээзинде Мария тургаш, даглыг черже, иудей хоорайже далажып чорупкан.
\v 40 Захарияның бажыңынче кирип келгеш, Елисаветаны мендилээн.
\v 41 Кажан Елисавета Марияның амыр-мендизин дыңнап каарга, ооң иштинде чаш төл шимчей берген. Елисавета Ыдыктыг Сүлде-биле долтуртуна бергеш,
\v 42 ыыткыр алгыра каапкан: «Херээженнерниң аразында алгадып-йорээдир сен, сээң иштинде Чаш төл алгадып- йөрээдир-дир!»
\v 43 Меңээ ол чүү дээш болганы ол? мээң Дээргимниң авазы меңээ келгени ол?
\v 44 Чүге дээрге сээң амыр-мендиңни дыңнап каарымга, мээң иштимде чаш төл өөрээнинден шимчей берди.
\v 45 Дээргиниң чугаалаан чуулунге бүзүрээн херээжен, аас-кежиктиг», чуге дээрге аңаа Дээргиниң чугаалааны будер.
\p
\v 46 Мария аңаа: «Мээң сагыш-сеткилим Дээргини алдаржыдып тур,
\q
\v 47 мээң сүлдем Бурганым, Камгалакчым дээш өөрүп тур,
\q
\v 48 чүге дээрге Ол бодунуң чалчазының томаараарынче кичээнгейни салды. Чүге дизе бо үеден эгелеп шупту салгалдар мени алгап- йорээтирген- деп адаарлар,
\q
\v 49 чүге дээрге Күчүлүг меңээ өндүр чүүлдү кылды, Ооң ады Ыдыктыг.
\q
\v 50 Оон коргарларга, Ооң энерели салгалдан салгалче.
\q
\v 51 Ол Бодунуң күчүзүн көргүскен, улуургактарны тарадыр сывырыпкан
\q
\v 52 ол чагырга ээлээннерни дүжүлгезинден октааш, дора көрдүргеннерни өрү көдүрген,
\q
\v 53 түренгилерге харам чок белектерни берген, байыыргактарны куруг чорудупкан.
\q
\v 54 Дээрги Израильди чалчазын-израиль чонну, сактып келгеш кээргээн,
\v 55 ооң мурнунда бисти ада-огбелеривис база Авраам болгаш ооң салгакчыларынга
\p
\v 56 Мария ооң биле үш ай тургаш ээп чанып келген.
\p
\v 57 Елисаветаның божуур үези чедип келирге, ол оол божуп алган.
\v 58 Ооң кожалары болгаш төрелдери, ооң дугайында дыңнааш, Дээрги олче Бодунуң күчүлүг энерели-биле көргени дээш ол-биле өөрүп турганнар.
\v 59 Сески хүнде төлдү кыртыжап имнээри-биле чедип келгеннер, ону Захария деп ооң адазының ады-биле адап алыр деп турганнар.
\v 60 Ынчаарга ооң авазы: «Чок, ону Иоанн дээр» - дээн.
\v 61 Олар аңаа: «Сээң торелдериң аразында ындыг аттыг кым-даа чок» - дээнер.
\v 62 Оон ачазындан имнеп, ону кым деп адап алыксап турарын айтырганнар.
\v 63 Ол аңаа самбыражыгашты эккээрин негээн болгаш аңаа: «Оон ады Иоанн»- деп бижээн. Шупту улус кайгай берген.
\v 64 Ол ол дораан чугааланы берген болгаш, Бурганны йөрээп эгелээн.
\v 65 Оларны дээскиндир чурттап чорааннар корга берген. Иудейлер ол бүгүнүң дугайында ол бүгү даглыг черге чугаалап турганнар.
\v 66 Ол бүгүнү дыннаан улус иштинде: «Ол төл кым болур ирги?» - деп сайгарып боданып турганнар.
\v 67 Оон адазы Захария Ыдыктыг Сүлде-биле долдуртуна бергеш, өттүр медеглеп чугаалаан:
\q
\v 68 «Израильдң Дээргизи алгап-йорээшкинниг, Ол Бодунуң чонунга дузалап чедип келгеш, аңаа хосталганы хайырлаан,
\q
\v 69 Бодунуң ыдыктыг медээчилерин дамчыштыр үе-дүпте-ле аазап кааны дег
\q
\v 70 Бодунуң чалчазы Давидтиң салгалындан камгалаар күжүн Ол биске берди.
\q
\v 71 Бистин дайзыннарывыстан бисти камгалаар, болгаш бисти көөр хоңнү чоктарның холундан камгалаар.
\q
\v 72 бистиң адаларывыска энерелин көргузуп база ыдыктыг чагыын сактып келир,
\q
\v 73 Ол бистиң адавыс Авраамга азаан аазаашкынын биске бээр деп Ол аазаан.
\q
\v 74 Бисти боттарывыстың дайзыннарывыстан хостааш,
\q
\v 75 ооң мурнунга арыг арын-нүүрлүг база шынчы бооп аңаа коргуш чогу-биле бараан боор бис.
\p
\v 76 А сен чаш-төл, Дээди Өөрүкүнүң Медээчизи деп адаттырар сен, чуге дээрге Ооң оруун белектеп бээр дээш, Дээрги Чаякчының мурнунга чоруур дыр сен.
\q
\v 77 Ооң чонунга, камгалал оларның бачыттың өршээрин таварыштыр келирин билиндирер дыр сен.
\q
\v 78 Бистиң Бурганнывыстың өндур улуг кээргели-биле Ол биске өрүкүден дан-хаяазы дег,
\q
\v 79 думбей караңгыда база олумнуг хөлегезинде чурттап турарларга чырыкты эккээр дээш, база бистиң буттарывысты тайбынның оруунче угландырар дээш келген.
\p
\v 80 Чаш төл улгадып өзүп, сүлдези быжыгып, бодунуң Израильге кээринге чедир ээн-кургаг черлерге чурттап чораан.
\rem Лука
\c 2
\cl 2 эге
\p
\v 1 Ол хүннерде кесарь Август бүгү черге чизе кылыр чарлыкты үндүрген.
\v 2 Ол Квиринийниң Сирияны удуртуп турган үезинде бирги кылдынган чизези турган.
\v 3 Кижи бүрүзү чизеледир дээш бодунуң хоорайынче чорупкан.
\v 4 Галилеяның Назарет хоорайындан Иосиф база Иудеяже, Давидтин Вифлеем деп аттыг хоорайынче чорупкан, чүге дээрге ол Давидтиң уксаазындан турган, чизеге
\v 5 ооң-биле дүгдешкен иштиг Мария база чораан.
\v 6 Олар аңаа турда, оон божуур үези чедип келген.
\v 7 Ол бодунуң бир дугаар Оглун божааш, ону чөргектээш мал чемгерер шагжага салып каан, чүге дээрге аалчылар бажыңынга оларга чыдар чер тывылбаан.
\p
\v 8 Ол черге, шөлге хой кадарчылары дүне кады боттарының коданын кадарып чорааннар.
\v 9 Оларга Дээрниң төлээзи көстүп келген. Дээргиниң алдары оларны чырыдыптарга, олар аажок корга бергеннер.
\v 10 Бурганның төлээзи оларга: «Кортпаңар! Мен силерге өөрүнчүг медээни, бүгү кижилерге болур улуг өөрүшкүнү эккелдим,
\v 11 чүге дээрге бо хүн Давидтиң хоорайынга силерге Камгалакчы – Дээрги Христос төрүттүнген-дир.
\v 12 Силерге им демдек бо-дур: силер Чаш төлдү чөргекке шарааш, мал чемгерер шагжада чыдарын тып алыр силер».
\p
\v 13 Хенертен Бурганның төлээзи-биле дээрлерниң хөй санныг шерии Бурганны алдаржыдып:
\q1
\v 14 «Дээрде Бурганга алдар, черде тайбын, кижилерже эки (добрые намерения)?
\p
\v 15 Кажан Бурганның төлээлери олардан дээрже чоруй баарга, хой кадарчылары бот боттарынга: «Вифлеемже баргаш, ында чүү болганын көрээлиңерем, Дээрги биске чүнүң дугайында дамчытканын» - дээннер.
\v 16 Олар далаштыг чорааш, мария, Иосифтиң база Төлдү, мал чемгерер шагжадан тып алганнар.
\v 17 Оларны көрүп кааш, оларга Төлдүн дугайында чүнү чугаалаанын чугаалап бергеннер.
\v 18 Ону дыңнаан кижилер, кадарчыларның чүнү чугаалаанын кайгап турганнар.
\v 19 А Мария бо бүгү сөстерни бодунуң чүрээнге сактып шыгжап аап турган.
\v 20 Сес хүн эрткенинде, Төлдү кыртыжаар үе чедип келирге, ону Иисус деп, Ооң боттанырының бетинде-ле Аңаа Бурганның төлээзиниң адаан ады-биле адап каан.
\p
\v 21 Моисейниң хоойлузу езугаар арыгланыышкын хүннери төне бээрге, Ону Иерусалимге эккелген, Дээргиниң баарынга, (көргүзер дээш).
\v 23 Дээргиниң хоойлузунда бижээни езугаар, бир дугаар төрүтүнген эр хиндиктиг төлдү Дээргиге бараалгадыр ужурлуг,
\v 24 Дээргиниң хоойлузунда бижээни езугаар олар ийи көге-буга азы ийи көгээзинни өргүүр ужурлуг турганнар.
\p
\v 25 Ынчан Иерусалимге Симеон деп аттыг кижи чурттап чораан чүве-дир. Ол чөптүг-шынныг, база Израильге оожургалды манап турган, болгаш, Ыдыктыг Сүлде ында турган.
\v 26 Анаа Ыдыктыг Сүлде баш буруңгаар ол, Дээрги Христосту көрбээн шаанда өлбес-деп чугаалаан турган чүве-дир.
\v 27 Симеон Ыдыктыг Сүлдеге башкарткаш, Бурганның өргээзинге чедип келген. Кажан чаш Ииисусту ада-иези, хоойлу-биле тургузуп кааны Аңаа хамаарыштыр езулалды эртирери-биле эккээрге,
\v 28 ол Ону холунга тудуп алгаш, Бурганны алгап-йөрээш, мынча дээн:» Чагырыкчывыс! Сен ам бодуңнуң сөзүң-биле тайбың салып тур сен,
\q1
\v 30-34 чүге дээрге мээң карактарым бүгү чоннарга белеткеп каан Сээң камгалалыңны көрдүм. Ол болза өске чоннар улузунга күзел-сорууң ажыдар чырык-тыр база Сээң израиль чонуннуң ат-алдары-дыр». * Иосиф база Иисустуң авазы Ооң дугайында чугаалаан чүүлдү кайгап турганнар. * Симеон оларны алгап-йөрээгеш, Иисустуң авазы Марияга: «Ол Израильда хөй кижилерниң ужарның болгаш катап тургустунарының чылдагааны болур,
\v 35 а сээң сеткилиңни хылыш өттүр кадаар, болгаш хөй кижилерниң чүректериниң бодалдары ажытынып келир».
\p
\v 36 Аңаа ол ышкаш өттүр медеглээр Асирниң аймаандан үнген Фануилдиң уруу аажок кырый берген Анна база турган. Ол бодунуң ашаа-биле арыг-аныяндан чеди чыл чуртаан.
\v 37 сезен дөрт харлыг дулгуяк, өргээ чанындан ыраавас, Бурганга шээрленип, дүн-хүн дивейн мөргүп чораан.
\v 38 Ол ол-ла үеде, чоокшулап келгеш, Дээргини алдаржыдып, Иерусалимге хосталганы манап турган улуска Ооң дугайында чугаалап турган.
\p
\v 39 Дээрнин хоойлузу езугаар бүгү чүүлдү кылгаш, олар Галилеяже боттарының хоорайы Назаретче ээп келгеннер.
\v 40 Чаш төл өзүп-мандып, эът-хан кирип, угаан-сарыыл четчип орган, а Бурганның ээ көрүүшкүнү Ооң Бодунда бар болган.
\p
\v 41 Иисустуң ада-иези чылдың-на Пасха байырлалында Иерусалимче чоруур турган.
\v 42 Ол он ийи харлап турда, олар чаңчыкканы-биле Иерусалимге байырлалга база чедип келгеннер.
\v 43 Байырлалдар хүннери төне бээрге, олар ээп чанып кел чорааннар, Оол Иисус Иерусалимге артып калган, а ада-иези ону эскербээннер,
\v 44 чүге дээрге, Ол өскелер-биле чоруп орар деп бодааннар. Бир хүн орукка чорааш, олар Ону төрелдери болгаш таныыры улустуң аразындан дилеп эгелээннер
\v 45 Иисусту тыппайн, Ону дилээри-биле Иерусалимче ээп келгеннер.
\v 46 үш хонганда Ону өргээден тып алганнар. Иисус башкыларның аразында оларны дыңнап, база олардан айтырып турган.
\v 47 Шупту Ооң харыыларын дыңнап турганнар Ооң мерген угааныын, харыыларын кайгап турганнар.
\v 48 Иисусту көрүп кааш, кайгап, Ооң авазы Аңаа: «Төлүм! Бисти чүге ынчалдыр аажыладың? Сээн ачаң биле мен Сени аажок муңгарап дилеп турдувус» - дээн.
\v 49 Ол оларга: «Мени чүге дилеп турдуңар? Кайы, билбезиңер ол-бе, Мен Мээң Адамга хамааржыр чүүлге турарым?»
\v 50 Ынчалза-даа оларга чугаалаан Ооң сөзүн билбээннер.
\v 51 Ол олар-биле чорупкан. Назаретке чедип келгеш, оларга дыңнангыр турган. Ооң авазы ол шупту сөстерни бодунуң чүрээнге шыгжап чораан.
\p
\v 52 Иисус улгадып, мерген угаанныг болуп, кижилер болгаш Бурганның ынакшылы-биле
\c 3
\cl 3кү эгези.
\p
\v 1 Император Тиверийниң башкарылгазының он бешки чылында, Понтий Пилат Иудеяга чагырыкчылап турган, Ирод Галиллея кезекке, а ооң дунмазы Филипп-Итуреега база Трахонитски девискээриниң кезээнге, Лисаний-Авилинея кезээнге чагырыкчылап турганнар,
\v 2 а Анна база Каиафа-Бурганның дээди бараалакчылары турда, ынчан ээн-кургаг ховуга Бурганның сөзү Захарийниң оглу Иоаннда турган.
\v 3 Ол бүгү черге Иорданны дургаар, бачыттары дээш оршээл алыры-биле сугга суктурарың суртаалдап, ооредип чораан.
\v 4 Медээчи Исаияның номунда бижээни дег, ында чугаалааны: "Ээн-кургаг ховуда кыйгырган кижинниң үнү: "Дээргиге оруктан белеткеңер, Ооң оруктарын дорт бериңер.
\q1
\v 5 Кандыг-даа үт долдуна берзин, кандыг-даа даг база тей чавызай берзин, ыргактары дортталзын база дашталчак оруктар дескилежи берзин.
\q1
\v 6 База шупту дириг чуве Бурганның камгалалын коруп каар".
\p
\v 7 Иоанн аңаа сугга суктуртуп алыр дээш келген чонга чугаалаан: "Чылан сыскындылары! Кел чыдар килеңден чайлай бээр бис деп кым силерге сагындырды? Бурганче ээлгениңер херек кырында уре-түңнелин коргузуңер база боттарыңарга: "Бистин адавыс Авраам"деп, чугааларын семевеңер. Силерге чугаалап тур мен, Бурган бо даштардан-даа Авраамга ажы-толдү тургузуп шыдаар.
\v 9 Бо ыяштар дөзүнүң чанында балды шагда чыдыр: эки чемиш бербес ыяшты одура шапкаш, отка өртедиптер."
\p
\v 10 Чон Иоанндан айтырган:"Бис чүнү кылыр бис?
\p
\v 11 "Ол оларга харыылаан:"Кым ийи хептигил, хеви чок кижиге берипсин база кымда чем барыл, ынчаар кылзын".
\p
\v 12 Үндүрүг хавырыкчылары база сугга суктуруп алыр дээш келгеннер. Олар аңаа чугаалааннар:"Башкы! Чүнү кылыр бис?"
\p
\v 13 Ол оларга харыылаан: "Силерге кайы хире херегил, оон ковейни негевеңер".
\p
\v 14 Оон дайынчылар база айтырганнар: "А бис чуну кылыр бис? "Ол оларга харыылаан: "Кымны-даа хомудатпаңар, нүгүлдевеңер база боттарыңарның шалыңыңар шаа-биле чурттаңар".
\v 15 Чон Христосту манап чораанындан Иоанның дугайында бодаан: "Христос ол эвес бе?"
\v 16 Иоанн шуптузунга харыылаан: "Мен силерни сугже суп тур мен, ынчалза-даа менден күчү-күштүг Кижи кел чоруур, Ооң мен идииниң шидиишкинин чежеринге төлеп чок мен. Ол силерни Ыдыктыг Сулдеге болгаш отка суггар.
\v 17 Ооң хүрээ Ооң холунда, база Ол бодунуң гумнозун арыглаар база тараазын Бодунуң аңмаарынга чыып алыр, а терезинни өшпес от-биле өртедиптер".
\p
\v 18 Иоанн база хөй өске чүүлдерни, Өөрунчуг Медээ-биле шынзыдып тургаш чонга чугаалаан.
\v 19 Акызының кадайы Иродиада база бугу багай чүнү Ирод кылганыл, ол дээш Иоаннга сойгалаткан Ирод чагырыкчы,
\v 20 ол бүгүге немей, Иоанны кара-бажыңнап каан.
\v 21 Кажан шупту чон сугга суктуруп турда, Иисус база ынчаар сугга суктуртуп алган. Ол мөргүп турда, дээр ажытына берген,
\v 22 Аңаа Ыдыктыг Сулде, көге-буга хевирлиг бадып келген, база дээрден үн үнген: "Сен Мээң ынак Оглум Сен, Сенде Мээң чымчак кузелим бар!"
\v 23 Кажан Ол Бодунуң бараан болуушкунун эгелей бергенде, Иисус үжен харлыг турган. Канчаар бодаанары дег, Ол, Иосифтиң, Илияның, Матфаттың, Левийниң, Мелхиянын, Ианнаянын,
\v 24 Иосифтин,
\v 25 Маттафиниң, Амостуң, Науманың, Еслиманың, Наггеяның,
\v 26 Маафаның, Маттафиниң, Семенның, Иосифтиң, Иуданың,
\v 27 Иоаннанның, Рисаның, Зоровавелдиң, Салафиилдиң, Нириниң,
\v 28 Мелхияның, Аддияның, Косамның, Елмодамнын, Ирнин,
\v 29 Иосинин, Елиезернин, Ироимнин, Матфаттын, Левийнин,
\v 30 Симеоннуң, Иуданың, Иосифтиң, Иоананның, Елиакимниң,
\v 31 Мелеаның, Маинананың, Маттафиның, Нафанның, Давидтиң,
\v 32 Иессейниң, Овидтиң, Воозтуң, Салмоннуң, Наассоннуң,
\v 33 Аминадаваның, Арамның, Есроманың, Фарестиң, Иуданың,
\v 34 Иаковтуң, Исаактың, Авраамның, Фарраның, Нахорнуң,
\v 35 Серухтуң, Рагавтын, Фалектиң, Еверниң, Салнын,
\v 36 Каинанның, Арфаксадтың, Симниң, Нойнуң, Ламехтиң,
\v 37 Мафусалдың, Енохтуң, Иаредтиң, Малелеилдиң, Каинананың,
\v 38 Еностуң, Сифтиң, Адамның, Бурганның.
\c 4
\cl 4кү эге.
\p
\v 1 Иисус Ыдыктыг Сулде-биле долдунган, Иордандан ээп келген, Сулде Ону ээн-кургаг ховуже апарган.
\v 2 Аңаа Ол дөрттен хонук эрликке күткүтүрүп келген база бо хүннерде чүнү-даа чивээн, а ол үениң төнчүзүнде аштай берген.
\v 3 Эрлик Аңаа чугаалаан: "Бир эвес Сен Бурганның Оглу болзуңза, бо дашка, хлеб болу бер деп чугаала"
\p
\v 4 Иисус аңаа харыызын чугаалаан: "Бижилгеде, кижи чугле хлеб-биле амыдыраар эвес, харын Бурганның сөс бүрүзү-биле".
\p
\v 5 Иисусту бедик дагже ундуре бергеш, эрлик карак-чивеш аразында бүгү черниң күрүнелерин Аңаа көргускен.
\v 6 База эрлик Аңаа чугаалаан: "Сеңээ бо бүгү хаанаашкынны база оларның алдарын чагырар эргени бээр мен, чуге дизе ону меңээ дамчыткан, ону кымга кузээр мен берип тур мен".
\v 7 Ынчангаш, бир эвес Сен меңээ сөгүрер Болзуңза, ынчан шупту Сээңии болур"
\p
\v 8 Иисус аңаа харыылап чугаалаан: "Менден ырап чор, эрлик. Бижилгеде: "Бодуңнуң Бурганыңга, Дээргиңге сөгур база чангыс Аңаа бараалга".
\p
\v 9 Ынчан эрлик, Иисусту Иерусалимге, өргээнин кырының эриинге экелгеш, Аңаа чугаалаан: "Бир эвес Сен, Бурганың Оглу болзуңза, моон куду шурай бер,
\v 10 чүге дизе, Бижилгеде: "Бодунуң төлээлеринге, Сени камгалаар кылдыр дужаал бээр,
\v 11 Сени холдары-биле көдүрүп аар, дашка буттарың-биле тептикпес Сен."
\p
\v 12 Иисус харыызынга аңаа чугаалаан: "Чугаалаанында: "Бодуң Бурганыңны, Дээргини шеневе".
\p
\v 13 Эрлик Ону күткүп дооскаш, ол кезек уеде Оон чоруй барган.
\p
\v 14 Иисус Галиллеяже Сулдениң күжүнге бургеткен чедип келген база Ооң дугайында чугаа бүгү чоок-кавыга тарай берген.
\v 15 Ол оларны синагогаларга өөредип турган база шупту Ону алдаржыдып турганнар.
\p
\v 16 Ол өскен-төрээн хоорайы Назаретке чедип келген. Амыр-дыш хүнүнде Бодунуң өөренген чаңы-биле синагогаже кирип келгеш, туруп алгаш номчуп эгелээн.
\v 17 Аңаа Исая медээчиниң номун ап бергеннер. Иисус номну ажыткаш, ында бижээн черни тып алган:
\q1
\v 18 "Дээргиниң Сулдези Менде-дир, чүге дизе Ол Мени Өөрүнчүг Медээни ядыыларга чугаалазын дээш шилип чаап каан база сагыш-сеткили хоозурааннарны экиртсин дээш, туттурганнарга хосталганы чарлаарын, согурларга каракталырын, дарлаттырганнарны хосталгаже салырын,
\q1
\v 19 Дээргиниң өршээлиниң үези келгенин өөретсин дээш Мени чоруткан."
\p
\v 20 Номну дуглааш, бараалгакчыга берипкеш, олуруп алган. Синагогага шупту Олче кезе кайгап, көрүп органнар.
\v 21 Ииус оларга чугаалап эгелээн: "Бөгүн силерниң дыңнааныңар-биле бо Бижилге боттанган-дыр".
\p
\v 22 Шупту Ооң чугаалаан буянныг сөстерин магадап, Ооң-биле чөпшээрешкеннер. Олар чугаалааннар:"Ол Иосифтин оглу эвес ийик бе?"
\p
\v 23 Иисус оларга чугаалаан: "Ынчанмайн канчаар? силер Меңээ мынча дээр силер: "Эмчи! Бодуңну Бодуң эмнеп ал. Бодуңнун төрээн черинге, бистиң дыңнаанывыс дег, Капернаумга кылганы дег, маңаа база кыл".
\v 24 База уламчылаан: "Силерге Мен шынны чугаалап тур Мен: кандыг-даа медээчини бодунуң төрээн черинге хүлээп көрбес.
\v 25 Шынны силерге чугаалап тур Мен: Илияның үелеринде Израильге хөй дулгуяк кадайлар турган, кажан дээр үш чыл база алды ай хагдына берген турда, ынчангаш бүдүн черге улуг аш-чут душкен,
\v 26 оларның чангызынче-даа Илияны чорутпаан турган, а чүгле Сидоннуң Сарептада дулгуяк кадайже чорудупкан.
\v 27 Ол ышкаш медээчи Елисейниң үелеринде Израильге кеш-аарааннар турган, сирийжи Неемандан өске олардан чангызы-даа арыгланы бербээн."
\v 28 Ону дыңнап кааш, шупту синагогага келгеш килеңней бергеннер.
\v 29 Тура халчып келгеш, Ону хоорайдан үндүре бергеш база оларның тудуп каан турганны хоорайга Ону дүжүр октаар дээш эккелгеннер,
\v 30 ынчалза-даа Иисус, оларның аразындан эрткеш, чоруй барган.
\p
\v 31 Ол Капернаумнуң Галиллея хоорайга келгеш, анаа амыр-дыш хүннеринде өөредип турган.
\v 32 Шупту Ооң өөредиин кайгап, магадап турган, чуге дизе Ооң сөзү эрге-чагыргалыг болган.
\v 33 Синагогага арыг эвес сүлделиг база четкерлиг кижи турган, ол ыыткыр үн-биле алгырган:
\v 34 "Эй, Сеңээ бистен чүү херегил, Иисус назарянин? Сен бисти узуткаар дээш келдиң! Сени билир мен, кым Сен-Бурганның Ыдыктыы".
\p
\v 35 Иисус аңаа хорааш, чугаалаан: "Ыытава база оон үне бер". Четкер, ол кижини синагога ортузунга каапкаш, аңаа кандыг-даа хора чедирбейн, оон үне берген.
\p
\v 36 Шупту коргуушкунга алзыпкан болгаш ботарынын аразынга сайгаржып: "Бо чүү чувел, кажан Ол эрге-чагырылга-биле болгаш күш-биле арыг эвес сүлделерге дужаарга, олар үнүп чоруп турар?"
\v 37 Оон дугайында чугаа бүгү чоок-кавы черлерге тарай берген.
\p
\v 38 Синагогадан үнгеш, Иисус Симоннуң бажыңынга кирип келген. Симоннуң кат-иези күштүг эът изиир, халыын аарыгдан хинчектенип чыткан. Ону ол дээш дилээннер.
\v 39 Аңаа чоошкулап келгеш, Ол халыын аарыгга хоруурга, ол ону каапкан. Ол дораан-на тургаш, оларга бараалгап эгелээн.
\p
\v 40 Хүн ажып турда шупту, аңгы-аңгы аарыглардан аарааннарлыг, оларны Иисуска эккеп турганнар. Ол кижи бүрүзүнге холун салгаш, оларны экиртип турган.
\v 41 Ол ышкаш хөй кижиден четкерлер кышкы-биле үнүп база чугаалап турганнар:"Сен Христос, Бурганның Оглу Сен". А Ол оларга, оларның Ол Христос деп билирин чугаалаарын хоруп каан.
\p
\v 42 Кажан даң адып кээрге, Иисус, бажыңдан үнгеш, ээн черже чорупкан. Чон Ону дилеп турган база, Аңаа келгеш, олардан чорувазын дээш саададып турган.
\v 43 Ынчалза-даа Иисус оларга чугаалаан: "Мен өске хоорайларга Өөрүнчүг медээни Бурганнын Чагыргазының дугайында чугаалаар ужурлуг Мен, ол дээш Мен, чоруттурган Мен".
\v 44 База Галиллеянын синагогаларынга суртаалдап турган.
\c 5
\cl 5 ЭГЕ
\p
\v 1 Бир катап Иисус Геннисарет хөлдун чанынга турда, чон Ону кызып келген, Бурганның сөзун дыңнаар дээш.
\v 2 Ол хөлдүң кыдыында ийи хемени коруп каан. Балыкчылар хемезинден дүшкеш четкилерин чуп турганнар
\v 3 Симонның хемезинге орупкаш, Иисус эриктен ырадыр эжиндире бээрин оон дилээн. Олуруп алгаш, чонну хемеден ооредип эгелээн
\v 4 Кажан өөредирин төндүрүпкеш Ол Симонга: «терен черже эжиндире бер, четкилерни балык тудары биле салыптыңар» – дээн.
\p
\v 5 Симон Аңаа харыылаан: «Башкы! Бис дүннү өттүр балыктааш чүнү даа тудуп албадывыс, ынчалза даа силерниң айтыышкынынар-биле четкелерни салыптайн
\v 6 Ону кылгаш, олар эндерик хөй балык тудуп алган оларның четкилери безин үстүп эгелээн
\v 7 Олар өске хемеде олурган эштерин дузалажыры-биле кыйгырган. Олар эжиндирип келгеш ийи хеме балык биле сугже дүжер чыгыы кылдыр долдуруп алганнар
\v 8 Ону көргеш Симон Петр Иисустуң мурнунга дискектенип ора дүшкеш чугаалаан: «Мени каапкаш барыңар, Дээргим! Чүге дээрге мен бачыттыг кижи дир мен»
\v 9 Ынча хөй балык туттунганын көргеш, аңаа турган улус коргуп сүртээннер,
\v 10 Оларнын аразынга Симоннуң эштери Заведейниң оолдары Иаков биле Иоанн база турган, ынчан Иисус Симонга чугаалаан: «Кортпа, моон соңгаар кижилер тывыкчызы болур сен».
\v 11 Олар хемезин эрикче үндүр тырткаш, шупту чувезин каапкаш, Ону эдерип чорупканнар
\p
\v 12 Кажан Иисус бир хоорайга турда, кежи аарыг кижи чедип келген. Ол Иисусту көруп кааш, Оон мурнунга черже донгая кээп душкеш, Оон дилеп чугаалаан: «Дээрги! Күзээр-ле болзуңза, мени арыглап каап шыдаар силер».
\p
\v 13 Иисус холун сунгаш, аарыг кижиге дегеш чугаалаан: «Кузеп тур мен арыгланы бер»- дээн. Ол дораан кеш аары ол кижиден чиде берген
\v 14 Иисус аңаа ол дугайында кымга даа чугаалавазын айыткан, оон чоруткаш Бурганның бараалгакчызынга, оон Моисейниң хоойлузунда айытканын езугаар, арыгланганы бергенинин херечизи кылдыр Бурганга өргүлден кыл.
\v 15 Ынчалза даа Ооң дугайында чугаалар оон-даа хөйү биле нептереп тарап турган, Ону дыңнаар дээш, база аарыгларын экиртип алыр дээш Иисусче мөөңү-биле шуужуп турганнар.
\v 16 Ынчалза-даа Иисус ээн черлерже чоруп, мөргүп ап турган.
\p
\v 17 Бир-ле катап Иисус өөредип орда Бурганның күжү көзүлдур аарыг кижилерни экитип турда, аңаа фарисейлер ном хоойлу тайылбырлакчылары Галилеяның база Иудеяның бүгү суурларындан Иерусалимден чыглып келген Иисустуң дыңнакчыларының аразынга олурганнар.
\v 18 Элээн кааш эр кижилер чартыктаан эжин дөжээ-биле катай көдүрүп эккелгеш ону Иисустуң мурнунга салып каар дээш бажыңче киирерин оралдажы бергеннер.
\v 19 Кижиниң хөйүнден эрттире бээр арга тып чадааш олар бажың кырынче үнгеш, ол кижини дөжээ биле катай Иисустуң мурнунче дүжүрүп бадырып келгеннер.
\v 20 Иисус оларның бүзүрелин көргеш, ол чартыктаан кижиге мынча дээн: «Өннүк, бачыттарың өршээттинген дир».
\p
\v 21 Аразында ном хоойлу тайбырлакчылары база фарисейлер аразында сайгарышкан ажынып: Кымыл Ол, Бурганны дорамчылап турар? Бургандан оске бачыттарны кым оршээп шыдаарыл?
\p
\v 22 Иисус оларның бодалдарын билип кааш, харыылаан: «Чүге силер чүректериңерде ынчаар сайгарып тур силер?
\v 23 Чүү беленил: «Бачыттарыңар өршээттинген дир дээри бе, азы «Туруп келгеш чорувут» дээри бе?
\v 24 Ынчаарга силер Кижи Оглу чер кырынга бачыттарны оршээр эргелиг дээрзин билип алыңар, Иисус оон чартыктаан кижиге мынча дээн: «туруп келгеш дөжээңни алгаш бажыңынче чорувут».
\v 25 Ол кижи дораан оларның мурнунга туруп келгеш, бодунуң дөжээн алгаш Бурганны алдаржытпышаан бажыңынче чорупкан
\p
\v 26 Шупту улус кайгай берип, Бурганны алдаржыдып турган Коргуушкунга алыскаш олар: «Бис бөгүн кайгамчык чүүлдерни көрдүвүс»- деп турганнар.
\p
\v 27 Оон соонда Иисус үнүп келгеш үндүрүг хавырар Левийни көрүп кааш анаа чугаалаан: «Мээн соомдан чорувут»-дээн.
\v 28 Ол туруп келгеш шупту чүвезин каапкаш Иисустуң соондан чорупкан
\p
\v 29 Оон Левий бодунуң бажыңынга Иисусту хүндүлеп улуг дой кылган. Дойга дыка хөй үндүрүг хавырыкчылары база өске даа улус чыглып кээп олар биле кады чемненгеннер
\v 30 Ном хоойлу тайбырлакчылары болгаш фарисейлер Иисустуң өөреникчилеринге хыйланып турганнар. Силер чүге үндүрүг хавырыкчылары биле болгаш бачыттыг кижилер биле кады ижип чип турарынар ол?
\p
\v 31 Ынчан Иисус оларга харыылаан: «Эмчи кадык эвес, а аарыг улуска херек болгай
\v 32 Мен актыг бачыт чок бис дээр улусту эвес, а бачыттыг улусту бачыттарын миннип Бурганче эглиринче кыйгырар дээш келген мен!»
\p
\v 33 Олар Иисустан айтырганнар: «Чүге Иоанның өөреникчилери биле фарисейлерниң өөреникчилери үргүлчү шээрленир база мөргүүрул, а Силерниң өөреникчилериңер ижип чип турарыл?»
\p
\v 34 Иисус оларга чугаалаан: «Куда доюнга күдээ оол биле кады келген оон эштери оолдарны күдээ оол олар биле кады орда шээрлениринче албадап болур бе?
\v 35 Ынчалза-даа күдээ оолду олардан чарып аппаар уе кээрге олар ынчан шээрлени бээрлер».
\p
\v 36 Иисус оларга угаадыглыг чугаа чугаалап берген. Эрги хепке кымдаа чаа хептен ора тырткан чамашкы дааравас, Чаа хеп сандан үнер, а эрги хепке чаа хептен алган чамашкы салырга таарышпайн баар.
\v 37 Кым даа чаа араганы эрги көгээржикче кутпас, чаа арага эрги көгээржикте деже тептер ынчан арага -даа төктүп каар, көгээржик дешти бээр.
\v 38 Чаа араганы чаа көгээржикче кудар, ынчан арага төгүлбес көгээржик дежилбес
\p
\v 39 Кым даа эрги арага ишкен кижи чаа арага күзевес чүге дээрге эргизи эки дир дээр.
\c 6
\cl 6 ЭГЕ
\p
\v 1 Бир катап Пасханың ийи дугаар хүнүнде амыр - дыш хүнүнде Иисус тарып каан шөлду эртип бар чыдырда Ооң өөреникчилери сыпта тараа баштарын үзе соккаш холу биле уштап чий бергеннер
\v 2 Чамдык фарисейлер оларга чугаалаан: «Амыр дүш хүнүнде кылырын ыдыктыг хоойлу хораан чүвени чүге кыла бердиңер?»
\p
\v 3 Иисус оларга харыылаан: «Боду даа кады чораан өөру даа аштай бээрге Давид хаанның чүнү кылганын номчувааныңар ол бе
\v 4 Ол Бурганның өргээзинче киргеш, чүгле Бурганның бараалгакчылары чип болур ужурлуг ыдыктаан хлебти алгаш боду чий бергенин база кады чораан өөрүүнге чирткенин билбес силер бе?
\v 5 База катап оларга чугаалаан Кижи Оглу–амыр дүш хүнүнүң Дээргизи!
\p
\v 6 Өске бир амыр дыш хүнүнде Иисус чонну өөредиири биле синагогага кирип келген Аңаа оң холу када берген кижи турган
\v 7 Ном хоойлу тайбырлакчылары болгаш фарисейлер Ону буруудадыр чылдагаан тып алыр сорулгалыг кичээнгейлиг хайгаарап, амыр дыш хүнүнде улусту экирти бербес ирги бе деп турганнар.
\v 8 Иисус оларның бодалдарын билир болгаш када берген холдуг кижиге: «Тургаш ортузунче үнүп кел».
\v 9 Оон Иисус оларга мынча дээн: «Мен силерден айтырайн: «амыр-дыш хүнүнде чүнү кылыр ужурлугул? Буянны бе азы бузутту бе? Амы тынны камгалап аар бе азы узуткаар бе? Олар ыытаваннар.
\v 10 Иисус оларнын шуптузун эргий көргеш, демги кижиге чугаалаан: «Холуң бээр сунн». Ол сунуп бээрге оң холу оскези дег кадык апарган.
\v 11 Олар хорадаанындан Иисусту канчапса экил дээрзин аразында чугаалажы бергеннер
\p
\v 12 Иисус ол хүннерде дагже мөргүүрү биле үне бергеш дүннү өттүр Бурганга мөргээн
\v 13 Кажан хүн үнүп кээрге, Ол Бодунуң өөреникчилерин кый деп алгаш оларның аразындан он ийизин шилээш элчиннер деп адап каан.
\v 14 Оларнын аттары Иисустуң Петр деп адааны Сион ооң дуңмазы Андрей, Иаков, Иоанн, Филипп, Варфоломей,
\v 15 Матфей, Фома Алфейның оглу Иаков, Зилот деп адаткан Симон
\v 16 Иаковтуң оглу Иуда болгаш сөөлунде барып саттыныкчы апарган Иуда Искариот
\p
\v 17 Олар биле кады дагдан бадып келгеш Иисус оргу шынаага доктаап туруп алган Оон хөй өөреникчилери база хөй чон бүгү Иудеядан Иерусалимден ол ышкаш далай эриинде турар Тир Сидондан
\v 18 Ону дыңнаар дээш база аарындан экириир дээш кээп турганнар, а букшураан улус база экирип турган
\v 19 Кижи бүрүзү Иисуска холу биле дээй кааптарын оралдажып чүткүп турган чүге дээрге бүгү улусту экиртиптер күш Оон үнүп турар болган
\v 20 Ол бодунуң өөреникчилерин эргий көргеш чугаалаан: «Ядыылар амыр чыргалдыг чүге дээрге Бурганның Чагыргазы силернии болур».
\v 21 Ам аштап суксааннар амыр чыргалдыг силер чүге дээрге тода бээр силер. Ам мунгарап ыглааннар амыр чыргалдыг силер чүге дээрге каттыржып хөглээр силер
\p
\v 22 Кижи Оглу дээш кижилер силерни көөр хөннү чок болуп, силерни дорамчылаар база үндүр сывыртаар, алдарыңаарны бужартадыр болза амыр чыргалдыг силер
\v 23 Ол хүн өөрүшкүден шураңар чүге дизе силерни аажок улуг шаңнал дээрде манап турар Силерни көөр хөңнү чок улустуң өгбелери Бурганның медээчилерин база шак ынчалдыр аажылап чорааннар
\p
\v 24 Байлар ат болур силер чүге дээрге силер боттарыңарның аргалалыңарны шагда-ла алган силер.
\v 25 Ам эмин эрттир тотканнар ат болур силер, чүге дээрге аштап суксай бээр силер. Ам каттыржып турарлар ат болур силер, чүге дээрге ыглап сыктап азы мунгарай бээр силер.
\v 26 Ат болур силер. Хамык улус силерниң дугайынарда экини чугаалаар болза чүге дизе оларның өгбелери меге медээчилерни база шак ынчалдыр хүлээп ап чораан.
\p
\v 27 Ынчалза-даа силерге дыңнап турар улуска чугаалап тур мен, дайзынарыңарга ынак болуңар, силерни көөр хөңнү чок улуска экини кылынар.
\v 28 Силерни каргап турарларны алгап йөрээңер база силерни дорамчылап турарлар дээш мөргүңер.
\v 29 Сээң бир чаагыңче дажыпкан кижиге өске чаагың база дөгеп бер, Сээң тонуң хунаап ап турар кижиге хөйлеңиң база уштуп бер.
\v 30 Сенден кым-даа диленип кээр болза беривит, сээң чувең алган кижиден орнун дедир негеве.
\v 31 Кандыг хамаарылгалыг боорун кузээр дир силер улуска база ындыг хамаарылгалыг болунар.
\p
\v 32 Бир эвес силерге ынак улуска ынак болзуңарза чүнүң-биле өскелерден дээредээр силер Бачыттыглар база оларга ынак улуска ынак болгай
\v 33 Бир эвес экини кылып чоруур улуска экини кылыр болзуңарза кандыг ачы хавыялыг болур силер Бачыттыглар база ынчаар кылып чоруур болгай
\v 34 Бир эвес чээлиге акша бергеш эгидип бээр боор деп идегээринерге өскелерден чүнүң биле дээредээр силер Бачыттыглар база дедир ынча хирени алыр дээш бачыттыгларга чээлиге берип турар болгай.
\v 35 Силер дайзынарыңарга ынак болунар, экини кылыңар орнун дедир эгидип алыр дивейн, чээлиге бериңер ынчан силерниң, шаңналыңар улуг болур база Дээди Өрүккү Бурганның ажы-төлу болур силер. Чүге дизе, Ол өөрүп четтирерин билбес даа улуска бузуттуг даа улуска буянныг болгай.
\v 36 Ынчан Адаңарның өршээлди дег, силер база өршээлдиг болуңар
\p
\v 37 Кымны даа шиитпеңээр, Бурган база силерни шиитпес, буруудатпаңар силерни база буруудатпас. Оршээңер, силерни өршээр.
\v 38 Бериңер, силерге база элбек бээр: тыраан эриин ажып турар хемчээл биле силерге узуп бээр. Чүге дээрге кандыг хемчээл биле хемчээп бээр дир силер, силерге база ынчалдыр хемчээп бээр.
\p
\v 39 Иисус оларга угаадыглыг чугаа чугаалаан: «Согур кижи согур кижини эдертип шыдаар бе? Олар ийилээ оңгарже кээп душпес деп бе?.
\v 40 Өөреникчи башкызындан бедивес, ынчалза даа эчизинге чедир өөренген кижи бурузу, башкызы дег апаар.
\p
\v 41 Бодуннуң караанда чудукту эскербейн, чүге эжиңниң караанда чартыны эскерип кагдың?
\v 42 Бодуңнуң карааңда чудукту эскербейн, эжинге канчап: «Эжим, сээң карааңда чартыны ап кааптайн дээр сен? Ийи арынныг сен! Баштай бодуңнуң карааңда чудукту уштуп каавыт, эжиңниң караанда чартыны канчаар уштурун коруп каар сен».
\p
\v 43 Багай чимис эккээр - эки ыяш турбас, база багай ыяш эки чимис бербес.
\v 44 Чүге дээрге кандыг - даа ыяшты ооң чимизинден билип алыр. Чүге дизе инжирни репейниктен чыгбас, база ыт - кадындан виноград чимизи чыгбазын кижилер билир.
\v 45 Эки кижи бодунуң чүрээнге шыгжап чорааны экини уштуп бээр, а багай кижи бодунуң чүрээнге чыып чорааны, багай чүүлүн уштуп бээр, чүге дээрге кижиниң чүрээн долган чүве ооң аксындан үнер.
\p
\v 46 Чүге Мени Дээрги, Дээрги деп адаар силер, а Мээң чугааланым-биле кылбайн турар силер.
\v 47 Силерге чугаалаайн, Кижи бүрүзү кымга дөмей болурун, Меңээ келгеш, Мээң сөстеримни дыңнап алгаш, чугаалаан аайым биле күүседип чоруурлар.
\v 48 Бажын тударда черни ханыладыр каскаш, таваан даш кырынга салып алган тудугжуга дөмей боор. Ынчангаш кажан үерлээн суг келгеш оон бажының хөме алза даа ону шимчедип шыдавас. Чүге дээрге бажыңын даш кырында тудуп алган кижиге домей болур.
\v 49 А өске кижи сөстү дыңнааш-даа таваан салбайн бажын туткан кижиге дөмей. Үер суу хөме алырга ооң бажыңы буступ кээп дүжер. Ол бажыңдан чүгле бузундулар артар.
\c 7
\cl 7 ЭГЕ
\p
\v 1 Кажан Иисус дыңнап турган чонга бодунуң чугаазын доозупкаш, Капернаумче чорупкан.
\v 2 Бир чус шериг баштаңчызының аажок унелээр чалчазы аарааш' олурунуң кырында чыткан.
\v 3 Иисустуң дугайында дыңнааш иудей баштаңчыларны ооң чалчазын экиртип бээрин дилээр кылдыр Олче чоргузупкан.
\v 4 Олар Иисуска келгеш аажок Оон дилээнер: "Бо чүс шериг баштаңчызы Сээң аңаа дузалаарыңга төлептиг"
\v 5 Чуге дээрге ол бистиң чонга ынак, база биске синагога тудуп берген.
\p
\v 6 Иисус олар-биле кады чорупкан. Кажан олар бажыңче чоокшулап олурда бир чус шериг баштаңчызы эштерин Аңаа чугалаар кылдыр чоргузупкан: "Дээрги щуудевеңер! Чуге дээрге, Сени мен силерни бажыңымче чалаарыңга толеп чок мен,
\v 7 Ынчан, мээң чалчам, Сээн сөзуң-биле экирий бээр.
\v 8 Мен бодум база эрге чагырга адаанда болгаш, бодумнуң чагыргамда шериглерлиг болгаш, бирээзинге: "Бар" - дээримге бар чыдар, оскезинге Бээр кел дээримге, чедип кээр мээң чалчамга ону кыл дээримге кылып турар.
\p
\v 9 Ону дыңнааш Иисус ону эдерген чонга кайгап чугалаан: "Израильге безин ындыг улуг бузурелдиг кижиге таварышпаан мен".
\v 10 Чоргузкан улузу бажыңга эглип чедип келгеш чалчаны экирий бергенин көруп каанар."
\p
\v 11 Ооң соонда Иисус Наин деп аттыг хоорайже чорупкан. Ооң биле оореникчилери база хөй чон чорааннар.
\v 12 Кажан олар хоорай хаалгазынга чоокшулап кээрге дулгуяк кадайның олген чаңгыс оглун ундуруп бар чыткан олар-биле хөй чон эдерип чораан.
\v 13 Дээрги ол херээжени коруп кааш кээргеп аңаа: "Ыглава" деп чугаалаан.
\v 14 Ол хааржакка чоокшулап келгеш дээпкен, Ону кодурген улус турупканнар: Аныяк оол сеңээ чугаалап тур мен, туруп кел! деп Ол чугаалаан.
\v 15 Олген оол ковайып олуруп алгаш, чугааланып эгелээрге Иисус оолду авазынга хулээдип берген.
\p
\v 16 Шуптузун коргуушкун бургээн, олар Бурганны алдаржыдып: Бурган бодуну, чонунга келген  бистиң аравыста: "Өндур улуг медээчи тывылган деп чугаалап турганнар.
\v 17 Ооң дугайында медээ бүгү Иудеяга база бүдүн девискээрге тарай берген.
\p
\v 18 Ол дугайында Иоаннга ооң өөреникчилери шуптузун чугаалап бергеннер.
\v 19 Иоанн ийи өөреникчизин кыйгыргаш Иисустан айтырары-биле чорудупкан: Чедип кээр ужурлуг ол кижи сен сен бе, азы оскезин манаар бис бе?.
\p
\v 20 Олар Иисуска чедип келгеш чугалаанар: «Иоанн Медеглекчи бисти сенден айтырары биле чоргузупту: «Чедип кээр ужурлуг ол кижи сен сен бе, азы оскезин манаар бис бе?»
\p
\v 21 Ол өйде Ол хөй кижилерни аарыглардан эмнеп, шылап могаанарга кушту, аза- букдан хостап, хөй согур кижилерни каракталдырып каан.
\v 22 Иисус оларга баргаш Иоаннга чуну көргениңээрни дыңнаныңаарны барып чугаалап бериңер: "Согурлар каракталып, аскактарның буду бастынып, экирбес кеш аарындан арыгланып, дулейлерниң кулаа дыңнай берип, олгеннер катап дирлип база ядыыларга Өөрунчүг Медээни дыңнадып турар дыр.
\v 23 Кым меңээ бузурээрил ол аас-кежиктиг»-деп харыылаан.
\p
\v 24 Кажан Иоаннын айбычылары чоруптарга, Иисус ооң дугайында чонга чугаалап эгелээн: «куруг элезиниг ховуже чуну коруп чордуңар? Хатка чайгаткан кулузуну бе?
\v 25 Чуну-ле коруп чордуңар? Чараш аянныг хептиг кижини бе? Кым каас коя хептиг, база бай шыырак чурттап турарлар хааннар ордудузунда болгай.
\v 26 Чуну-ле коруп чордуңар? Медээчини бе? Ийе. Силерге чугаалап тур мен: ол медээчиден-даа артык улуг кижи дир.
\v 27 Кымның дугайында бижээнил ол кижи ол-дыр: “Мен бодумнуң төлээмни сээң арныңдан, сээң мурнуңда орууңну белеткээр кылдыр чоргузтум”.
\p
\v 28 Силерге чугаалап тур мен, херээженерден төруттунгенерниң аразындан Иоанн ышкаш улуг медээчи турбаан, ынчалза-даа Бурганның Чагыргазында эң бичиизи безин оон улуг болур.
\p
\v 29 Шупту дыңнаан чон база үндүрүг хавырыкчылары Бурганны алдаржытканар чүге дээрге олар Иоаннга сугга суктурган турганнар.
\v 30 Фарисейлер болгаш хоойлу тайбырлакчылары Бурганың кузелин боттарыңга хүлээвейн, сугга суктурарындан ойталаанар.
\p
\v 31 Ынчан Дээрги чугалаан: "Кым-биле бо салгалдың кижилерин деңнээр мен? Кымга олар домейил?
\v 32 Олар бичии уругларга дөмей кудумчуда олуруп алган бот-боттарын кыйгыржып: "Бис силерге лимбилеп бердивис, а силер өөруп самнавадыңар. Бис силерге качыгдалдың ырын ырлап бээривиске, силер ыглашпадыңар".
\v 33 Иоанн Медээчи келгеш хлеб даа чивес, арага даа ишпес, боорга "ында бук бар дээр дир силер."
\v 34 Кижи Оглу келгеш ижип, чемнениирге: "Бо кижи хоптак, арагачы, үндүрүг хавырыкчыларның база бачыттыгларның эжи дээр силер.
\v 35 Ооң шупту ажы-толу мерген-угаан» биле шынзыттынар.
\p
\v 36 Фарисейлерниң бирээзи чемненииринче Иисусту чалаан. Ол фарисейниң бажыңга келгеш чемненип олуруп алган.
\v 37 Ол хоорайдан бачыттыг турган херээжен Иисусту фарисейниң бажыңында деп билип алгаш, мирра деп чаагай чыттыг үстүг савалыг чедип келген.
\v 38 Ооң буттарының артынга туруп алгаш ыглавышаан, ол карааның чажын төп, Ооң буттарын чажы-биле чодуп база чытап, мирра деп чаагай чыттыг үс биле чаап турган.
\v 39 Ону чалап алган фарисей ону көргеш, бодунга чугааландынган: "Ол өттүр билиир медээчи турган болза кым, азы кандыг херээжен Аңаа деп турарын - ол бачыттыг херээжен деп билип каар ийик".
\p
\v 40 Иисус аңаа чугалаан: «Симон, Мен сеңээ бир чуул чугаалайн." Ол чугаалаан:" Чугаалаңар, Башкы».
\v 41 Иисус мынча дээн: "Бир чээли бээр кижиге ийи өрээлиг кижи турган: бирээзи беш чүс акша (динарий), а оскези бежен,
\v 42 Оларның эгидип шыдавазы-биле ол ийилдирзин оршээп каан. Чугаалап корем, оларнын кайызы Аңаа дыка ынак болурул?».
\p
\v 43 Симон харыылан: "Кым хөй орелиг турганыл ол өршээлди алган деп бодаар дыр мен. Ол аңаа чугаалаан: «Сен шын туңнел үндүрдүң».
\v 44 Оон херээженче эглип келгеш Симонга чугаалаан:" Бо херээжени көруп тур сен бе? Мен сээң бажыңынга кээримге, сен Меңээ бут чуур суг бербедиң, а ол бодунуң карааның чажы-биле будумну чуп чажы-биле чодуп берди.
\v 45 Сен Мени чытап уткувадың, а ол кирип келгеш - ле Мээң будумну соксаал чокка чыттап турду.
\v 46 Сен Мээң бажымны унелиг үс биле чагбадың, а ол Мээң буттарымны чаагай чыттыг мирра деп үс-биле чаап берди.
\v 47 Сеңээ чугаалап тур мен: «Оон хөй санныг бачыттары аңаа өршээтинген, ынчангаш ооң ынакшылы күштүг, кымга эвээш оршээтинген, ооң ынакшылы кошкак».
\v 48 А аңаа: «Сээң бачыттарың өршээтинген»-деп чугаалаан.
\p
\v 49 Ооң-биле кады чемненип олурганнар: «Кымыл бо, бачыттарны безин оршээр» - деп бүдүү боданып турганнар.
\p
\v 50 Ынчан Иисус херээженге чугаалаан: «Бузурелиң, сени камгалап кагды, амыр- тайбың чорувут».
\c 8
\cl 8 ЭГЕ
\p
\v 1 Ооң соонда Иисус хоорай, суурларны эргип Бурганның Чагыргазының дугайында Өөрунчүг Медээни өөредип чугаалап турган. Ооң-биле он ийи өөреникчизи
\v 2 база чамдык херээженнер каржы буктардан болгаш аарыглардан эмнеп кааны: чеди букту ундур сывыртаткан Магдалина деп адатырган Мария,
\v 3 Иродтуң бажың эргелекчизи Хустуң кадайы Иоанна, Сузанна болгаш оон даа оскелер, олар ботарының эт-хорээнгизи-биле Аңаа баралгап турганнар.
\p
\v 4 Оске хоорайлардан Иисуска хой чон чыглып кээрге, Ол оларга угаадыглыг чугааны чугаалаан:
\v 5 Тараа чажыкчызы урезин чажып унуп келген. Кажан урезинни чажып турда, чамдыызы орук кыдыынче кээп дужерге, оларны таптай базып каапкан база дээрнин куштары чыып чипкен.
\v 6 Өскези даштыг черже кээп душкеш, үнүп ора кадып калган, чуге дээрге оларга шык чедишпээн.
\v 7 Чамдыызы чашпан аразынче кээп дужерге, чашпан өзеринге шаптыктап каан.
\v 8 Өскелери эки дужуткур хөрзуннүг черже кээп душкеш, өзүп үнгеш чус катап хой дүжүт берген». Ону чугаалап дооскаш, Ыыткыр: «Дыңнаар кулаа бар кижи дыңназын!» - деп кыйгырган.
\p
\v 9 Өөреникчилери Оон айтырган: "Бо угаадыглыг чугаа кандыг уткалыгыл?"
\v 10 Дээрниң Чагыргазының чажытарын силерге берген, а оскелерге угаадыглыг чугаалар биле чуге дизе олар көруп турза даа корбес, дыңназа-даа билбестер деп Ол чугаалаан.
\p
\v 11 Бо угаадыглыг чугааның утказы болза: үрезин дээрге - Ол Бурганның Сөзу дыр;
\v 12 орук кыдыынга душкен үрезин – дээрге, сөзту дыңнаарга-даа оон четкер келгеш оларнын чурээнден сөзту алгаш баар, чуге дизе олар бүзүревезин база камгалал албазын дээш;
\v 13 дашка дүшкен дээрге, кажан сөзту дыңнааш өөрушку-биле дыңнааш хүлээп алырлар ынчалза-даа дазыл чок болганындан кезек када бузурезе даа, куткуллгелер кээрге ойталай бээрлер;
\v 14 тенниг черге душкенери дээрге, сөзту дыңнааш даа, бо амыдыралдың кузелдеринге байлакшыл болгаш чуртталганың таалалынга алзып хая көрунгеш дужут чок болганнар.
\v 15 А эки черге душкенери дээрге, сөзту дыңнааш ону арыг – шынчы чурээнге камнап, шыгжап алгаш шыдамыы-биле элбек дүжүт эккээрлер.
\p
\v 16 Кым-даа, чырыккыны кывыскаш ону сава биле базырбас, база орун адаанче салбас, а харын чырыткыны кирген кижилерге көску кылдыр салыр.
\v 17 Чуге дээрге билдине бербес чажыт чүү даа чок, көступ келбес кандыг даа чажыт чуу даа чок, ажыттынып билдине бербес кандыг - даа будуу чуве чок".
\v 18 Ынчангаш, канчаан дыңнап турарыңаарны эскериңер, чуге дизе кымда барыл, аңаа бээр кымда чогул, ооң алыскаан чүүлүн безин алгаш баар.
\p
\v 19 Иисуска авазы болгаш дуңмалары чедип келгеш, чоннуң хойунден Аңаа чоокшулап чадап каан.
\v 20 "Сээң аваң биле дунмаларың Сени көөр дээш даштын турлар" - деп Аңаа чугааланнар.
\p
\v 21 Ол оларга мынчаан харыылаан: "Мээң авам база дуңмаларым Бурганның Сөзүн дыңнааш ону күүседип турарлар дыр".
\p
\v 22 Бир катап Иисус бодунуң өөреникчилери-биле хемеге олурупкаш оларга "хөлдуң өске талазынче кеже берелиңээр дээн". Олар чорупканнар.
\v 23 Олар эжиндирип чорда Ол удуй берген, хөлге шуурган көдурлуп, чагыглар хөме ап, олар айыылдыг байдалга таваржы бергеннер.
\p
\v 24 Чанынга чеде бергеш Ону оттургаш: "Башкы! Башкы!! Дүжүп олдувус- ле!" -дээнер. Иисус тургаш хат-биле чалгыгларны соксадыптарга, ынчан олар соксап оожургап, шыпшың апарган.
\p
\v 25 Ынчан оларга Ол силерниң бузурелиңер кай? - деп чугаалаан. Олар коргуп база кайгап бот-боттары аразында чугаалашканнар: «Бо кымыл, хатка, сугларга дужаарга Аңаа чагыртып турар?».
\p
\v 26 Олар Галилея биле дужаашкак Гадарин девискеринге эжиндирип чедип келгеннер.
\v 27 Кажан Иисус эрикке унуп келирге аңаа ол хоорайдан бир кижиге уткужа берген. Ол кижи үр уеде буктарга алыскан болгаш, хеп даа кетпейн, бажыңынга эвес, а чевеглерге чурттап турган.
\p
\v 28 Ол Иисусту көрүп кааш алгырыпкаш, ооң мурнунга кээп дужуп ыыткыр үн биле: "Сеңээ менден чүү херегил, Иисус, Дээрги Өөрукку Бурганның Оглу? Сенден дилеп тур мен: мени хилинчектевейн көр»-деп алгырган.
\v 29 Иисус арыг эвес букка ол кижиден үне бээрин дужагаан, ол бук ол кижини үр үе иштинде хилинчектеп турганындан, ол кижини камгалап алыры биле ону илчирбе биле шарып, хүлүп турганнар, ынчалза-даа ол хүлүгнү үзе - чаза тырткаш, ээн куруг ховуже букка сүрдүре бээр турган.
\p
\v 30 Иисус оон:" Адың кымыл?" деп айтырган. Ол: "дук - тумен" деп харыылаан, чуге дээрге ол кижиже дыка хой буктар кире берген турган.
\v 31 Олар Иисусдан дилээннер: оларны тамыже чоруурун дужаавас кылдыр.
\v 32 Даг кырында оъттап чораан хой-кодан хаваннарже буктар кире бээрин дилээннер. Ол оларга чөшперээн.
\v 33 Буктар ол кижиден үнгеш, хаваннарже кире бергеннер, бүгү кодан кадыр элден хөлче шурай бергеш, дүжүп олүп калган.
\p
\v 34 Ону көргеш кадарчылар халып чоруткаш хоорай болгаш суурларга ол дугайында чугаалап турганнар.
\v 35 Чон чуу болганын көөр дээш чедип келгеннер. Иисуска чокшулап келгеш, ооң будунуң адаанда олурган буктары унген кижини тып алганнар, хептиг болгаш угааны анаа аппарганын көрүп кааш элдепсинип корга бергеннер.
\v 36 А ону көрген улустар ол кижиниң буктардан канчаан эмненгенин чугаалап турганнар.
\v 37 Гадарин девискериниң бүгү чонну Иисусту олардан чоруптарын диленнер, чуге дээрге олар улуг коргуушкунга алыскан турганнар. Ол хемеге олурупкаш дедир чорупкан.
\v 38 Буктары үнген кижи Иисусдан ооң биле кады эдерип чоруурун дилээн. Ынчалза даа Иисус ону чандырыпкаш, бодуннуң бажыңынче чана бергеш, Бурган сеңээ чуну кылганын чугаала дээн.
\v 39 Ол чорупкаш бүгү хоорайга Иисус аңаа чүнү кылганын чугаалап турган.
\p
\v 40 Кажан Иисус дедир ээп кээрге, чон ону манап турган болгаш ону хулээп алган.
\v 41 Синагога даргазы Иаир деп аттыг кижи чедип келген. Иисустуң мурнунга кээп душкеш ооң бажыңынче кирерин дилээн
\v 42 чуге дизе Иаирниң он ийи харлыг чаңгыс уруу олүрүннүн кырында чыткан. Иисус кажан чоруп орда хөй чон ону бузелеп алган чорааннар.
\v 43 Ол черге он ийи чыл дургузунда ханы төктүп аараан херээжен турган. Хөй-ле эмчилерге чеже даа эмнеткен хамык акшазын, эт-севин хей черге чарып каапкан. Оон кадыы улам-на дорайтай берген. Иисустун дугайында дыңнап кааш, улус аразы-биле чүткүп эрткеш, Ооң хевинге дээй каапкан. Ол иштинде боданган, мен Ооң хевинге дээпсимзе ынчан мен эккирий бээр мен,
\v 44 ооң ханының төгүүшкүнү ол-ла дораан соксай берген, аарыынның экирий бергенин ол дораан билип каан.
\v 45 Ынчалза даа Ол Аңаа кымның дээпкенин көөр дээш долгандыр көрген. Ол уеде Иисус бодундан күш унгенин эскерип кааш, Мээң хевимге кым дегди деп айтырган.
\p
\v 46 Ынчалза-даа Иисус чугаалаан: “ Меңээ бир -ле кижи дээпти, чуге дээрге Менден күш уне бергенин билип кагдым.
\v 47 Херээжен ону билип каанын эскерип кааш, Иисустуң мурнунга коргуп чеде берген, бүгү чоннуң мурнунга кандыг чылдагаан биле аңаа деггеш, ол- ла дораан экирий бергенин чугаалаан.
\v 48 Ол аңаа чугаалаан: "Уруум сээң бүзүрелиң сени камгалады' амыр- тайбың чорувут.
\p
\v 49 Кажан ол ону чугаалап турда, синагога даргазынның бажыңындан бир кижи келгеш, мынча дээн: "Сээн урууң олуп кагды, башкыны дүвүретпе"
\p
\v 50 Иисус ону дыңнааш, ол кижиге чугаалаан: "Кортпа, чугле бүзүре, ол камгалалды алыр".
\v 51 Бажынга чедип келгеш Петр, Иоанн, Иаков база уругнуң ада-иезинден өске кымнын-даа кирерин чөпшеревээн.
\v 52 Ол уруг дээш шупту ыглажып турганнар. Ынчалза даа Иисус ыглашпаңар' ол өлбээн' аңаа удуп чыдар» - деп чугаалаан.
\v 53 Олар Ону кыжырып ол уругну өлуп каан деп билип турганнар.
\v 54 Ынчан ол шупту улусту ундурупкеш уругнуң холундан туткаш ыыткыр чугаалаан. Кызым туруп кел.
\v 55 Оон амы-тыны олче эглип келген. Ол дораан туруп кээрге, Иисус ону чемгерип каарын дужааган.
\v 56 Уругнуң ада-иези кайгап, магадап турган. Ол ол болган таварылганы кымга- даа чугаалавазын дужааган.
\c 9
\cl 9 эге
\p
\v 1 Он ийи өөреникчилерин кыйгырып алгаш, Иисус оларга четкерлерни үндүр сывыртаар, база аарыгларны эмнээр күштү болгаш эргени берген.
\v 2 Оларны Бурганның Чагыргазының дугайында өөредип, аарыг кижилерни эмнээри-биле чоруткан.
\v 3 Ол оларга: «Орукче чүнү-даа албаңар: даянгыш, сумка, хлеб, акша, солуп кедер хеп-даа», - деп чугаалаан.
\v 4 Кайы-ла бажыңче кире бээр-дир силер, аңаа артыңар, оон орууңарны уламчылаңар.
\v 5 А бир эвес, силерни хүлээвес болза, ол хоорайдан үнүп тура, идиңерниң доозунун, оларга удур херечи кылдыр кактап кааптыңар».
\v 6 Олар чорупкаш, бүгү суурларны эртип Өөрүнчүг Медээни чугаалап, аарыгларны эккиртип турганнар.
\p
\v 7 Ирод дөрткү чагырыкчы, Иисустуң бүгү-ле кылып турган чүүлдеринниң дугайында дыңнааш, дүвүреп, бир улус Иоанн өлүглерден дирлип келген,
\v 8 өскелери, Илия чедип келген, а чамдыктары бурунгу медээчилерниң бирээзи өлүглерден дирилген-дир деп улустуң чугааларын дыңнап турган.
\v 9 Ирод: «Мен Иоанның бажын кестиртип каан мен. Ооң дугайында мындыг чүүлдер дыңнап турарым бо кымыл?». Ол Ону көрүксей берген.
\p
\v 10 Элчиннер ээп келгеш, Иисуска чүнү кылганын чугаалап бергеннер. Ол оларны эдертип алгаш, чүгле чааскаан олар-биле Вифсаида хоорайның чанынга келген.
\v 11 Ынчалза-даа чон ону билип кааш, Ооң соондан чорупкан. Оларны хүлээп тура, Бурганның Чагыргазының дугайында чугаалажып, база эмнээшкин хереглээн аарыг кижилерни эмнеп турган.
\p
\v 12 Кежээ дүжүп эгелээн. Ооң чанынга он ийи өөреникчилери Аңаа: «Чонну тарадывыт, чоок суурлардан аъш-чем болгаш хонар черден тып алзыннар, чүге дээрге бис ээн-куруг черде ышкажыл бис», деп чугааланнар.
\p
\v 13 Ынчалза-даа Ол оларга: «Силер оларны чемгерип калыңар», - дээн. Олар: «Бисте беш хлеб болгаш ийи балыктан өске чүү-даа чок. Баргаш бо шупту улуска чем садар бис бе?».
\p
\v 14 А оларның саны беш муң хире кижи турган. Ынчалза-даа Ол бодунуң өөреникчилеринге: «Оларны беженнеп бөлүктей олуртуптуңар», - дээн.
\v 15 Олар шак-ла ынчалдыр шуптузун олуртуп кааннар.
\v 16 Ынчан, Иисус, беш хлебти болгаш ийи балыкты алгаш, карактарын өрү дээрже көдүргеш, алгап-йөрээгеш, чартыктай буза тырткаш, өөреникчилеринге, чонга үлеп бээри-биле берген.
\v 17 Шупту чемненгеш, тода бергеннер, артып калган кескиндилерни чыырга он ийи аргаан хааржак болган.
\p
\v 18 Бир-ле катап, кажан Ол чааскаан мөргүп турда чүгле Ооң-биле өөреникчилери турганнар, Ол олардан айтырган: «Чон Мени Кым- деп хулээп турар-дыр?»
\p
\v 19 Олар харыызынга: «Иоанн Медеглекчи, а өскелери Илия деп. А бир чамдыктары, бурунгу медеглекчилерниң бирээзи дирилген», - дир деп чугаалааннар.
\p
\v 20 Ол олардан: «А силер Мени Кым деп хүлээп тур силер?». Петр: «Бурганның Христозу», - деп харыылаан.
\p
\v 21 Ынчалза-даа Ол оларга, ол дугайында кымга-даа чугаалавас кылдыр шынгыы дужаапкаан,
\v 22 оон кижи амытан Оглу хөй хилинчек көөр, база чоннуң баштыңнары, Бурганның дээди бараалгакчылары, ном-хоойлу тайылбырлакчылары Ону тооп көрбейн, ойталааш өлүрүп каарга, Ол үш хонганда катап дирлип келир-деп чугаалаан.
\p
\v 23 А шуптузунга чугаалаан: «Кым Мээң соомдан чоруксай -дыр, бодунуң күзелдеринден ойталааш, бодунуң белдир - ыяжын чүктеп алгаш, Мээң соомдан чорупсун.
\v 24 Чүге дээрге бодунуң амы-тынын камгалап алыр дээн кижи, амы-тынын ышкынып алыр, а Мен дээш амы-тынын ышкынган кижи амы-тынын камгалап алыр.
\v 25 Бүгү делегейни холга киирип алгаш, а бодунуң амы-тынын ышкынып алыр болза азы бодунга хора чедирип алыр болза, ажыы чүл?
\v 26 Кым Мен дээш база Мээң сөзүм дээш ыядыырыл, оон кижи Оглу бодунуң алдары база Адазының алдары-биле, база ыдыктыг төлээлери-биле келгеш, ыядыыр.
\v 27 Алыс шынны силерге чугаалап тур мен: чамдык мында турар кижилерниң аразында өлүр мурнунда-ла Бурганның Чагыргазын көрүп каар улус бар».
\p
\v 28 Ол сөстерниң соонда, сес хонгаш, Петр, Иоанн, Иаковту алгаш, Ол даг кырынче мөргүлдээр дээш үне берген.
\v 29 Кажан мөргүп турда, Ооң арын - шырайы өскерлип, Ооң хеви чайынналчак ак апарган.
\v 30 Ол үеде Ооң биле ийи эр кижи чугаалажып турганнар. Ол Моисей биле Илия болган.
\v 31 Олар алдарга бүргеткен келгеш, Ооң Иерусалимге барып өлүрүнүң дугайында чугаалап турганнар.
\v 32 Петр биле кады чорааннар, уйгугага алзыпкан, ынчалза-даа оттуп келгеш, Ооң алдарын база Ооң-биле турган ийи эр кижилерни көрүп каан.
\v 33 Кажан олар Оон ыраап эгелээрге, Петр Иисуска чугаалаан: «Башкы! Биске маңаа эки-дир. Үш чадырдан: бирээзин Сеңээ, бирээзин Моисейге, база бирээзин Илияга кылып берээли», - дээн. Ол чүнү чугаалап турарын билбейн турган.
\v 34 Кажан ол ону чугаалап турда булут көступ келгеш оларны хөлегези-биле шыва апкан. Булутка бургеткеш корга бергеннер.
\p
\v 35 Булуттан үн дыңналгаш: «Бо Мээң ханы ынак Оглум-дур, Ону дыңнаңар», - дээн.
\v 36 Кажан Ол үн дыңналы бээрге, Иисус чааскаан арткан. Өөреникчилери ол хүннерде көрген чүүлүнүң дугайында кымга-даа ыыттавааннар.
\p
\v 37 Эртенинде, олар дагдан дүжүп кел чорда, Ону аажок хөй чон уткуп алган.
\v 38 Ол уеде хөй чон аразындан эр кижи: «Башкы! өршээп көрем, мээң оглумну көрүп көрем, ол мээң чаңгыс оглум-дыр, - деп алгырган.
\v 39 Бук ону аайынга киирип алырга, ол хенертен алгырып, тырта бээрге, ооң аксындан көвүк төктүп эгелээр. Оглумну хинчектээш арай боорда оожургаар.
\v 40 Мен Сээң өөреникчилериңден ону үндүр ойладыптарын дилээримге, олар шыдаваадылар», - дээн.
\p
\v 41 Иисус аңаа харыылаан: «О, бо салгалдың бүзүрел чок, будалган салгалы! Мен чежеге дээр силер-биле ам-даа туруп, силерни шыдажыр мен? Оглуңну бээр эккел».
\v 42 Ол кел чыдырда, бук ону сириледип хинчектеп эгелээрге, ынчан Иисус букту үндүр ойладыпкаш, оолду экирткеш, ачазынга хуледип берген.
\v 43 Шупту улус Бурганның өндүр-бедиин магадап турда. Иисустуң кылып турар чүүлдерин кайгап турда, Ол бодунуң өөреникчилеринге:
\v 44 «Бо сөстерни кичээнгейлиг дыңнанар: Кижи Оглун кижилер холунче тудуп бериптер-дир».
\v 45 Ынчалза-даа олар ол сөстерни билбээннер. Ол сөстер олардан чажыт боорга, ынчангаш сөстүң утказын билбейн барганнар. А Оон ол сөс дугайында айтырарындан кортканнар.
\p
\v 46 Бир катап оларның аразынга маргыш үнген: оларның аразындан кым эң-не улуг болурул?
\v 47 Иисус, оларның чүректеринде чүнү сайгарып турарын көргеш, бичии уругну алгаш, Бодунуң мурнунга тургузуп алгаш,
\v 48 оларга чугаалаан: «Мээң адым дээш бо бичии төлдү хүлээп алыр кижи, Мени хүлээп турары ол болур, а Мени хүлээп турар кижи, Мени Чоргускан Адамны хүлээп турар. Ынчангаш силерниң эң-не бичииңер, эң-не улуг болур», - дээн.
\p
\v 49 Ону чугаалап турда Иоанн: «Башкы! Бистер Сээң адың-биле буктарны үндүр ойладып турар кижи көргеш, ону хоруп кагдывыс, чүге дээрге ол бис-биле чорбайн турар болгай», -дээн.
\p
\v 50 Иисус аңаа: «Ону хоруваңар, чүге дээрге силерге удур эвес кижи, силерниң-биле чаңгыс дээш», - чугаалаан.
\p
\v 51 Иисустуң бо делегейден чоруур ужурлуг хүннери чоокшулап келирге, Ол Иерусалимче барыксай берген,
\v 52 болгаш медээчилерни Бодунуң мурнундан чорудупкан. Олар самарийжилерниң суурунга баргаш шупту чүүлдү Аңаа белеткээри биле чорупканнар.
\v 53 Ынчалза-даа аңаа Ону хүлээвээңер, чүге дээрге Ону Иерусалимче бар чыдар кижиге дөмей болган.
\v 54 Оон өөреникчилери Иаков биле Иоанн Ону көргеш: «Дээрги! Күзээр болзуңза, бис Илияның кылганы дег, дээрлерден от келгеш оларны өртендир хуйуктаптар кылдыр чугаалаалы бе?», - дээннер.
\v 55 Ынчалза-даа Ол, оларже көрнүп келгеш, соксадып:
\v 56 «Кижи Оглу кижилерниң сагыш-сеткилин узуткаар дээш эвес, а камгалаар дээш келген», - дээн. Оон олар оске суурже чорупканнар.
\p
\v 57 Бир катап, олар орукка чорда, бир кижи Аңаа: «Дээрги! Мен Сээң сооңдан, кайнаар-даа баар болзуңза, сээң соондан чоруур мен», - дээн.
\p
\v 58 Иисус аңаа: «Дилгилер үңгүрлерлиг, дээрниң куштары уяларлыг, а Кижи Оглунуң баш салыптар чери безин чок», - дээн.
\v 59 А оскезинге: «Мээң соомдан чоруп олур», - дээн. Ол: «Дээрги! Баштай баргаш ачамны ажаап каарын чөпшээреп көр», - дээн.
\p
\v 60 Ынчалза-даа Иисус аңаа: «Өлүглер боттарының өлүглерин ажаазын, а сен баргаш, Бурганның Чагыргазының дугайында чугаала», - дээн.
\p
\v 61 База бирээзи: «Мен Сээң сооңдан чоруур мен, Дээрги! Ынчалза-даа баштай бодумнуң өг-бүлем-биле байырлажып алырын чөпшээреп көр», дээн.
\p
\v 62 Ынчалза-даа Иисус аңаа: «Андазын сывын тудуп алгаш, хая көрнүп турар кижи, Бурганның Чагыргазынга идегел чок болур», деп аңаа чугаалаан.
\c 10
\cl 10 эге.
\p
\v 1 Ооң соонда Дээрги өске база чеден өөреникчилерни шилип алгаш Бодунуң мурнунга ийилеп хоорай болгаш чер бүрүзүнче, Бодунуң барыксаан черлеринче чорудупкан.
\v 2 Иисус оларга чугаалаан: «Дүжүт хөй, а ажылчыннар эвээш, ынчангаш дүжүттүң Дээргизинден дилеңер, бодунуң ажылдакчыларын Бодунуң дүжүдүнче чортур кылдыр.
\v 3 Барыңар! Мен силерни, бөрүлер аразынче хураганарны дег чорудуп тур мен.
\v 4 Хап-сава, барба, идик-даа албаңар, база кымны-даа орук ара мендилевеңер.
\v 5 Кирген не бажыңыңарга, баштай-ла: «Бо бажыңга тайбың», - деп чугаалаңар.
\v 6 Бир эвес ында тайбыңның оглу бар болза, силерниң тайбыңыңар ооң-биле артып каар, а бир эвес чок болза, силерже эглип келир.
\v 7 Ол бажыңга артып калгаш, оларда чүү бар дыр, шайлап чемнениңер, чүге дээрге ажылчын кижи шаңналга төлептиг. Бир бажыңдан өске бажыңче барбаңар.
\v 8 Бир эвес бир хоорайже чедип келириңерге силерни хүлээп алыр болза, силерге чүнү салып бээр-дир, ону чиңер,
\v 9 ында бар аарыг улусту эмнеп, оларга чугаалаңар: «Бурганның Чагыргазы силерже чоокшулап келген-дир».
\v 10 Бир эвес кандыг-бир хоорайга чедип келириңерге силерни хүлээвес болза, даштыгаар үне бергеш, чугаалаңар:
\v 11 «Силерниң хоорайыңарга идиивиске чыпшынган довуракты безин силерже кактап тур бис. Ынчалза-даа, Бурганның Чагыргазы силерже чоокшулап келген деп домей-ле билип алыңар».
\v 12 Чугаалап тур Мен, ол хүн Содомга, хоорайга бодаарга чиик болур.
\p
\v 13 Хоразин, ат болур сен! Вифсаида, ат болур сен! Чүге дээрге бир эвес Тир-биле Сидонга, силерге дег болган кайгамчык чүүлдер болган болза, олар шагда-ла качыгдалдың хевин кеткеш, хүл-биле баштарын бызап, хай-бачыдын минниирлер ийик.
\v 14 Ынчангаш Тир-биле Сидонга силерге көөрде шииткел чиик болур ийик.
\v 15 Сен база, Капернаум, дээрге чедир өрү көрдүнген сен, тамыже киир октаттырар сен.
\p
\v 16 Силерни дыңнап турары Мени дыңнап турар, а Менден ойталап турар кижи, Мени чоруткан Адамдан ойталап турары ол.
\p
\v 17 Чеден өөреникчилери өөрушкулуг ээп келгеш: «Дээрги, буктар безин биске Сээң адыңдан дужаарвыска чагыртып турду», - деп чугаалап турганнар.
\v 18 Ол оларга: « Мен чаңнык дег дээрден аңдарлып баткан эликти көрдүм– дээн.
\v 19 Бо, Мен силерге чыланнарны, скорпионнарны болгаш бүгү дайзынның күжүнче халдаар эргени берип-тур мен, силерге чүү-даа хора чедирип шыдавас.
\v 20 Ынчалза-даа буктарның силерге чагыртып турары дээш эвес, а силерниң аттарыңар дээрлерде бижитингенинге өөрүңер».
\p
\v 21 Ол үеде Ыдыктыг Сүлдеге Иисус бүргедипкеш, өөрүп мынча дээн: «Сени, Бурган-Адам, дээр-биле черниң Дээргизин, Сен ону мерген угаанныглардан болгаш угаан-сарыылдыглардан чажыргаш, чаш төлдерге ажыдып бергениң дээш сени алдаржыдып тур мен». Ийе, Адам! Сээң буянныг күзел-сорууң ындыг болган!
\v 22 Иисус өөреникчилеринге: «Бүгү чүүлдү Адам Меңээ хүлээдип берген. Оглу Кым дээрзин Адазындан өске кым-даа билбес. База Адазы Кым дээрзин Оглундан база Оглунуң ону айтып бээрин кузээн өске улузундан өске кым-даа билбес».
\p
\v 23 Оон, ангы өөреникчилеринге чугаалаан: «Силерниң көрүп турар чүүлүңерни корүп турарлар амыр-чыргалдыг!
\v 24 Силерге чугаалап тур Мен, хөй медээчилер болгаш хааннар силерниң көрүп турар чүүлүңерни көрүксээш, көрбээннер, силерниң дыңнап турар чүүлүңерни дыңнаксааш, дыңнавааннар», - деп чугаалаан.
\p
\v 25 Бир-ле катап бир ном-хоойлу тайылбырлакчызы, Иисусту шенээр сагыштыг: «Башкы! Мен кезээ мөңге амыдыралды салгап алыр дээр болзумза чүнү кылыйн?», - деп айтырган.
\p
\v 26 Иисус оон айтырган: «Хоойлуда чүнү бижээнил? Канчаар номчуур- дур сен?
\p
\v 27 Ол харыылаан: «Дээрги Бурганыңга бүгү чүрээң-биле, бүгү сагыш-сеткилиң-биле, бүгү-ле күжүң-биле болгаш бүгү угаан-медерелиң-биле ынак бол, база чаныңда кижиңге бодуң бодуңга-дег ынак бол».
\p
\v 28 Иисус аңаа: «Сен шын харыыладың. Ынчалдыр кылып чоруур болзуңза, кезээ мөңгеде амыдыралдыг артар сен», - дээн.
\p
\v 29 Ынчалза-даа ол бодуң боду агартынар бодап, Иисустан айтырган: «А мээң чоок кижим кымыл?»
\p
\v 30 Аңаа харыылап Иисус чугаалаан: «Бир-ле кижи Иерусалимден Иерихон бар чыткаш, дээрбечилерге таваржы бээрге, олар ону эттеп-эттеп, хевин булаап алгаш, чүгле тынныг артыргаш чоруй барганнар-дыр.
\v 31 Ол үеде бир Бурганның бараалгакчызы ол оруктап чоруп оргаш, ону көрүп кааш, чанындан оюп эрте берген-дир.
\v 32 Левит база ол черлеп эртип бар чорааш, коргеш, чанындын оюп эрте берген.
\v 33 Бир-ле самарий кижи оон эртип бар чорааш, ону көрүп кааш, кээргей берген.
\v 34 Чоокшулап келгеш ооң балыгларын эм үс-болгаш арага-биле чуггаш, шарып берген. Оон ол кижини бодунуң элчигенинге олуртуп алгаш, аалчылар бажыңынга эккеп ону ажаап турган.
\v 35 А дараазында хүнде, чоруур мурнунда, ийи моңгүн чоосту аалчылар бажыңының ээзинеге бергеш, аңаа чугаалан: «Бо кижини ажаап корем, а бир эвес ону ажаагаш, хой акша чарыптар болзуңза, мен дедир кел чорааш сеңээ толеп бээр мен», - дээн.
\v 36 Чүү деп бодап тур сен, бо үш кижилерниң аразындан, ол дээрбечилерге үптетирген кижиге кайызы чоок болган-дыр?
\p
\v 37 Ол Аңаа харыылаан: «Ону кээргеп көрген кижи». Ынчан Иисус аңаа: «Баргаш, сен база ынчаар кыл», - дээн.
\p
\v 38 Оруун уламчылавышаан Иисус бир-ле суурга чедип келген. Аңаа Ону бодунуң бажыңынче Марфа аттыг херээжен хүлээп алган.
\v 39 Ол Мария - деп аттыг дуңмалыг чораан. Ол Иисустуң будунуң чанынга олуруп алгаш Ооң чугаалаан сөзүн дыңнап олурган.
\v 40 А Марфа хөй аъш-чем кылып, хөлзеп, Ооң чанынга келгеш: « Дээрги! Мээң дуңмам менче шупту ажылды чууй капкаш олурары, Силерге сагыш чованчыг эвес-тир бе? Аңаа чугаалаңарам, меңээ дузалаар кылдыр», - дээн.
\p
\v 41 Иисус аңаа харыылаан: «Марфа! Марфа! Сен хөй чүүл дээш хөлзеп, дүвүреп турар-дыр сен.
\v 42 А херектиг чүве чүгле чангыс. Мария эки үүлени шын шилип алган-дыр, ону оон ам былаап алыры болдунмас- дээн.
\c 11
\cl 11 эгези.
\p
\v 1 Бир катап, кажан Иисус бир черге мөргүп доозупканда, Ооң бир өөреникчилериниң бирээзи Аңаа чугаалаан: "Дээрги! Иоанн бодунуң өөреникчилерин канчаар өөреткенил, бисти база мөргүп өөредип көр."
\p
\v 2 Ол оларга чугаалаан: "Кажан мөргүп тура, чугаалаңар: "Бистиң дээрде Адавыс! Сээң адың ыдыктыг болзун. Сээң Чагыргаң чедип келзин! Сээң күзел-сорууң черге база дээрге болзун.
\v 3 Амыдыраар хлеб-тараавысты хүн бүрү биске хайырла!
\v 4 Бистиң бачыттарывысты өршээ, чүге дээрге бис база биске өрелигни өршээр-дир бис! База бисти күткүлгеже чорутпа, харын каржыдан хоста!"
\p
\v 5 База оларга чугаалаан: "Чижээ, силерниң кайы-бирээңерниң өңнүү турган дижик, дүн ортузунда ол аңаа келгеш: "Өңнүк! Меңээ 3 хлебтен чээлиге берем, чорук кылып чораан өңнүүм, меңээ кире дүштү, мээң ону чемгериптер хлевим чогулу".
\p
\v 7 А оозу бажың иштинден харыылар: "Мени дүвүретпейн көр, эжиктер дуглатынган база ажы-толүм-биле удуп чыдыр мен. Сеңээ хлеб бээр дээш, туруп кээп шыдавас мен".
\v 8 Силерге чугаалап тур мен, бир эвес ооң-биле найыралы дээш, ооң кызып турары-биле, туруп кээп, чежени дилээрил, аңаа бээр.
\v 9 База Мен силерге чугаалайн: айтырыңар, база силерге бээр, дилеңер база тып алыр силер, соктаңар, база силерге ажыдып бээр.
\v 10 Чүге дизе кандыг-даа айтырган кижи алыр, база дилээн кижи тып алыр, база соктаан кижиге ажыдып бээр.
\v 11 Силерниң араңардан, адалардан, кажан оглу силерден хлеб дилээрге, аңаа даш бээрил? Азы, кажан балык дилээрге, аңаа балык орнунга чылан бээрил?
\v 12 Азы, бир эвес дагаа чуургазы айтырарга, аңаа скорпион бээрил?
\v 13 Ынчангаш, бир эвес силер каржы-даа болзуңарза, экини ажы-төлүңерге берип билир болзуңарза, харын Дээрде Адаңар, Оон диленген кижиге Ыдыктыг Сүлдени бээр".
\p
\v 14 Бир катап Ол четкерни үнү-чоктан үндүр ойладыпкан. Кажан четкер үне бергенде, үнү-чок чок чугаалап эгелээн, база чон аажок магадап кайгаан.
\v 15 Ынчалза-даа оларның чамдыызы: "Ол четкерлерни, четкерлерниң хааны, Веельзевулдуң күжү-биле үндүр сывыртап турар-дыр" деп чугаалааннар.
\v 16 А оскелери, шеневишаан, Оон дээрден кайгамчыктыг демдектер көргүзерин негээннер.
\p
\v 17 Ынчалза-даа Ол, оларның бодалдарын билир болгаш, оларга чугаалаан: "Бот-боттарындан аңгыланган, кандыг-даа күрүне хоозурап-буурап дүжер. База аңгыланып-кырышкан өг-бүле эп-найыралын чидирип, буурап каар.
\v 18 Бир эвес четкер боду-бодундан аңгыланы бээр болза, ооң хаанаашкыны канчап быжыг турар деп? А силер, Мени, четкерлерни Веельзевулдуң күжү-биле үндүр сывырып турар деп чугаалаар-дыр силер.
\v 19 Бир эвес Мен, четкерлерни Веельзевуннуң күжү-биле үндүр сывырып турар болзумза, силерниң оолдарыңар оларны кымның күжү-биле үндүр сывыртап турарыл? Ынчангаш олар силерге шииткекчилер боор.
\v 20 Бир эвес Мен Бурганның күжү-биле четкерлерни үндүр сывыртап турар болзумза, ынчан шынап Бурганның Чагыргазы силерге чоошкулап келгени ол.
\p
\v 21 Мөге-шыырак кижи чеспегленгеш бодунуң бажыңын камгалаар болза, ооң эт-хөреңгизи бүдүн-бүрү артар.
\v 22 Кажан олче, оон артык күштүг кижи халдап келгеш, база тиилеп кааш, ынчан ооң ынанып орган шупту чеспээн, ооң үптеп алган байлаан үлеп бериптер.
\v 23 Кым Мээң-биле эвезил, ол Меңээ удур. База кым Мээң-биле чыгбазыл, ол тотчеглээр.
\p
\v 24 Арыг эвес сүлде кижиден үне бергеш, амыр-дыш дилеп, суг чок черге тояап-тояап, дилээн чүвезин тыпайн база чугаалаар: "Үнүп чорупканым, бодумнуң бажыңымче чоруптайн".
\v 25 Чедип келгеш, ону ширбип, арыглап каанын эскерер.
\v 26 Ынчан чорупкаш, бодундан-даа каржы өске чеди четкерлерни ап алгаш, кирип келгеш, аңаа чурттай бээрлер, - ол кижиге сөөлүнде мурнунда турганындан-даа дора апаар".
\p
\v 27 Кажан Ол ону чугаалап турда, бир херээжен Олче мооң чон аразындан ыыткыр үн-биле алгырган: "Сени божааш, Сени эмзирип өстүрген ава, амыр-чыргалдыг-дыр!"
\v 28 А Ол чугаалаан: "Бурганның Сөзүн дыңнааш, сагып чоруур кижи амыр-чыргалдыг".
\p
\v 29 Кажан долгандыр дыка хөй чон чыглып келгенде, Ол чугаалап эгелээн: "Бо салгал каржы-дыр, олар бадыткал демдек дилээр-дир, ынчалза-даа оларга Иона медээчиниң бергени бадыткал демдээнден өске демдек турбас.
\v 30 Ниневия чурттугларга Иона боду бадыткал демдээ апарганы дег, бо салгалдың улузунга Кижи Оглу база ындыг болур.
\v 31 Мурнуу чүктүң кадынны Шииткел хүнүнде бо салгалдың улузу-биле кады турупкаш, оларны буруудады бээр, чүге дээрге ол кадын Соломон хаанның мерген угаанныг өөредиин дыңнаар дээш, черниң өске кыдыындан кээп чораан-дыр. А мында Соломондан-даа артык улуг Кижи бар-дыр.
\p
\v 33 Кым-даа, чырыткыны кывыскаш, чажыт черже салбас азы сава-биле дуй базырбас, харын кирген улус корзүн дээш колдуга салыр.
\v 34 Карак ол мага-боттуң чырыткызы. Бир эвес сээң карактарың арыг боор болза, ынчан база сээң шупту мага-бодуң чырык боор, а бир эвес олар каржы боор болза, ынчан шупту мага-бот караңгы боор.
\v 35 Ынчангаш, көр: бодуңда бар чырык, караңгы эвес-тыр бе?
\v 36 Бүгү мага-бодуңну чырык долган база ында чаңгыс-даа караңгы чок болза, чырыткының сени херелдендир чырытканы дег, ынчан бүгү бодуң херелдендир чырый бээр."
\p
\v 37 Кажан Иисус ону чугаалаарга, бир фарисей Ону бодунуң бажыңынче дүштеки чем чиири-биле чалаан. Ол чедип келгеш, делгеп-салган аъш-чемниң мурнунга, олуруп алган.
\v 38 Фарисей Ооң, чемненир бертинде холун чуп албаанын көрүп кааш, кайгай берген.
\v 39 Ынчалза-даа Дээрги Аңаа чугаалаан: "Силер фарисейлер, ам аяк-тавааңарның ишти-даштын аштап-чуп даа турзуңарза, иштиңерде харам база каржы- аажы-чаң биле эриин ажыр долдунган-дыр силер.
\v 40 Угаан - сарыыл чоктар! Даштын чаяаган Бурган, иштин база чаяаган боор эвес бе?.
\v 41 Аяк-саваңарда бар чүвени ядыыларга үлеп бериптиңер, ынчан бүгү бодуңар арыгланы бээр силер.
\p
\v 42 Фарисейлер, ат болур силер, чүге дээрге мята, рута болгаш өске-даа үнүштериңер дүжүдүнүң он хуузун, Бурганга берип-даа турзуңарза, чоптүг чорукту болгаш Бурганның ынакшылын тооп көрбес-тир силер: ону кылып тура, өскезин база кагбас ужурлуг силер.
\v 43 Фарисейлер, ат болур силер, чүге дээрге синагогаларга хүндүткелдиг олутка олурарынга болгаш улус чыылган черге силерни мендилеп, хүндүледиринге ынак-тыр силер.
\v 44 Ат болур силер, чүге дээрге демдектеп кагбаан чевеглерге дөмей-дир силер, улус оларны билбейн, таптай базып турар".
\p
\v 45 Иисус ынча дээрге, хоойлу-дурум тайбырлакчыларының бирээзи Аңаа чугаалаан: "Башкы! Ону чугаалааш, Сен бисти база куду күруп тур сен".
\p
\v 46 Ынчалза-даа Ол чугаалаан: "Ном-хоойлу тайбырлакчылары, силер база ат болур силер, чүге дээрге кижилерге угдунмас аар чъүкту чүктедип кааш, оларга дузалаары-биле чаңгыс салааңар безин шимчетпес-тир силер.
\v 47 Ат болур силер, чүге дээрге силерниң ада-огбелериңерниң өлүрүп кааны, Бурганның медээчилериниң чевеглеринге тураскаалдар тургузуп турар-дыр силер:
\v 48 силер ооң-биле ада-өгбеңерниң үүлгеткен херектеринге чөпшээрежип херечилээниңер ол-дур, чуге дээрге олар медээчилерни өлүрүп каан, а силер медээчилерниң чевеглеринге тураскаал тургузуп турар-дыр силер.
\v 49 Ынчангаш Бурганның мерген-угааны чугаалаан: "Оларже медээчилерни болгаш элчиннерни чорудуп берейн, база оларның бирээзин өлүрүп каар, а өскелерин истеп-сүре бээрлер".
\v 50 Бо салгалдың улузундан бүгү медээчилерниң делегейни чаяаганындан бээр төгүлген ханы дээш,
\v 51 Авельдиң өлүмүнден эгелээш, өргүл салыр бедигээш-биле Бурганның өргээзиниң аразынга өлүткен Захарияның өлүмүнге чедир кеземче онааштырар. Ийе! Силерге чугаалап тур Мен, бо салгал кеземчени алыр.
\v 52 Хоойлу-дурум тайбырлакчылары, ат-болур силер, чүге дээрге силер билигже дүлгүүрнү алган-дыр силер: боттарыңар-даа билиг чедип албаан, оскелерге-даа ону чедип алырынга шаптыктаан-дыр силер".
\p
\v 53 Кажан Иисус оон үнүп кээрге, ном-хоойлу тайбырлакчылары болгаш фарисейлер Олче аажок ажынып-хорадап, халдап, хөй айтырыгларга Ооң харыы бээрин негеп эгелээннер,
\v 54 Аңаа удур кандыг-бир чылдагаан дилеп, Ооң аскындан үнген сөстер дозуп шаг болганнар.
\c 12
\cl 12ги эгези.
\p
\v 1 Ол аразында хөй муң чон чыглып келген болгаш, кижилер бот-боттарын иткилежип турган, Иисус бир дугаарында Бодунуң өөреникчилеринге чугаалаан: "Ийи арынныг, фарисейлерниң ажыткызындан кичээниңер.
\v 2 Көстү бербес хире чажыт чүү-даа чок база билдине бербес хире бүдүү чүү-даа чок.
\v 3 Ындыг болганда, силерниң караңгыда чугаалаан чүвеңер хүн чырыынга дыңналы бээр, а бажың иштинге кулакка сымыранганыңар, бажың кырындан шупту улуска чарлатына бээр.
\p
\v 4 Мээң өңнүктерим, силерге чугаалап тур Мен: кижилерден кортпаңар, олар чүгле мага-ботту өлүрүп каар, оон ыңай чүү-даа кылып шыдавас.
\v 5 Ынчалза-даа силерге, Кымдан коргар ужурлууңарны чугаалаайн: өлгениңер соонда тамыже киир октап болур, эрге-чагыргалыг Бургандан коргуп чоруңар. Ийе, силерге чугаалап тур Мен! Оон коргуп чоруңар.
\v 6 Беш бора-хөкпешти ийи акша-биле садып албас ийик бе? База оларның чаңгызын-даа Бурган утпаан.
\v 7 А силерниң бажыңарда шупту дүгүңерни безин санап каан. Кортпаңар: силер эңдерик хөй бора-хөкпештерден-даа үнелиг силер.
\p
\v 8 Силерге чугаалап тур Мен: Мени улус мурнунга ажыы-биле хүлээп көөр кижини, Кижи Оглу база Бурганның төлээлериниң мурнунга ажыы-биле хүлээп көөр,
\v 9 а кым Менден улус мурнунга ойталаарыл, Мен база Бурганның төлээлериниң мурнунга оон ойталаар мен.
\v 10 Кижи Оглунга удур сөс сөглээн кижи бүрүзү, өршээл алыр, а Ыдыктыг Сүлдени баък сөглээр кижиге, өршээл турбас.
\v 11 Кажан силерни синагогаларже, чагырыкчылар болгаш эрге-чагырга ээлээн кижилерже эккелзе, чүнү канчаар харыылаарыл база чүнү чугаалаарыл деп сагыш-човаваңар,
\v 12 чүге дээрге Ыдыктыг Сүлде ол уеде чүнү чугаалаарын силерге өөредип каар".
\p
\v 13 Чон аразындан бир кижи Аңаа чугаалаан: "Башкы, мээң акымга салгал дамчаан өнчүвүстү мээң-биле үлежиир кылдыр чугаалап корем.
\p
\v 14 А Ол, ол кижиге харыылаан: "Кым Мени силерниң араңарда шиидип база үлээр эргени бергенил?"
\v 15 Ооң соонда шуптузунга чугаалаан: "Көрүңер, харам болбаңар, чүге дээрге кижиниң чуртталгазы ооң эртине-байлааның элбенден хамаарышпас."
\p
\v 16 База оларга угаадыглыг чугаа чугаалап берген:"Бир бай кижиге чер эки дүжүт берген.
\v 17 Ол боданып эгелээн:"Чүнү канчаайн? Дүжүдүмнү кайнаар чыып алыр мен?"
\v 18 База шиитпирлеп алган:"Мынчаар кылыптайн адырам: бодумнуң аңмаарларымны бускаш оон улуг аңмаардан тудуп алыйн. Ынаар бодумнуң бүгү тараамны база бүгү мээң ончу- хореңгимни чыып алыйн
\v 19 база бодумга мынча дээйн: "Сагыш-сеткилим! Сенде хөй чылда үстүп-тонмес эңдерик эртине-байлак шыгжаттынган-дыр: дыштанып, ижип-чип, өөрүп хөгле."
\p
\v 20 Ынчалза-даа Бурган аңаа чугаалаан:"Сээдеңмей! Бо дүне сээң амы-тыныңны алгаш баар, чыып-шыгжап, кылып алган чүвең кымга артып каарыл?
\p
\v 21 Бурганга дээш эвес, а боду байып алыр деп чораан кижи-биле, чүү болу бээр-дир".
\p
\v 22 База Бодунуң өөреникчилеринге чугаалаан: "Ынчангаш, силерге чугаалап тур Мен: бодуңарның амы-тыныңар дээш, чүнү чиирил, мага-бодуңарга чүнү кедерил деп сагыш-човаваңар,
\v 23 чүге дээрге амы-тын аъш-чемден база мага-бот идик-хептен үнелиг болгай.
\v 24 Каарганнарже көрүп көрүңер даан: олар тараа-даа тарывас, дүжүт-даа ажаавас-тыр, оларда аңмаарлар-даа, тараа урар черлер-даа чок-тур, база Бурган оларны ашкарып-чемгерип турар-дыр. Ынчалза-даа силер куштардан оранчок үнелиг болгай силер!
\v 25 Силерниң араңардан кым ол бүгү дээш сагыш-човааш, өзүмүн оода чаңгыс билек дуртту немеп шыдааныл?
\v 26 Ынчангаш, бир эвес эң бичиизин безин шыдавас болзуңарза, арткан хамык чүве дугайында сагыш-човаан херээңер чүл?
\v 27 Лилия чечектерниң өзүп турарын көрүңер даан. Олар ажылдавас, аргыттынмас, ынчалза-даа силерге чугаалап тур Мен, Соломон бодунуң бүгү алдар-ады-биле ол чечектерниң оода кайы-бирээзи дег кеттинип корбээн.
\v 28 Бир эвес шөлде, бөгүн бар, а даарта суугуже киир октатына бээр оът-сигенни, Бурган ынчаар хепкерип турар болганда, а силерни харын кайы хире хепкерер деп бодаар силер, биче бүзерелдиглер!
\v 29 Ынчангаш, чүнү чиир база чүнү ижер деп сагыш-човап, дүвүревеңер,
\v 30 чүге дээрге ол бүгү дээш бо делегейниң чонну хөлзеп чоруур. Силерниң Адаңар, ол бүгү силерге херек дээрзин билир.
\v 31 Бурганның Чагыргазын дилеңер - бо бүгүну силерге бээр.
\p
\v 32 Көртпайн көр, бичежек кодан-суурум! Чүге дээрге силерниң Адаңар Чагырганы силерге бээрин күзеп турар.
\v 33 Эт-хөреңгиңер садыпкаш база ядыыларга үлеп бериңер, боттарыңарга эргижиреп-элевес барба-савалардан кылып алыңар, эвээжеп-төнмес эртине-байлакты дээрлерге чыып алыңар, аңаа олче оор-даа чоокшулавас база үзүт-ховаган-даа ону үгдерлеп чивес.
\v 34 Чүге дээрге силерниң эртине-байлааңар кайда болдур, силерниң чүректериңер база ында болур.
\p
\v 35 Кеткен хевиңер куржанып алгаш оруңар база чырыткыңар хып турар болзун.
\v 36 Кажан бодунуң дээргизиниң куда-дойдан чедип келгеш эжиин соктай бээрин база дораан эжиин ажыдып бээр дээш манап орар кижилер дег болуңар.
\v 37 Дээргизи чедип кээрге, одуг-сергек манап турар чалчалар амыр-чыргалдыг. Алыс-шынны силерге чугаалап тур Мен: "Ол куржангаш, оларны олурткаш, кижи бүрүзүнге бараан болур.
\v 38 Бир эвес дун ортузунда азы оон даа орай чедип келгеш, оларның одуг-сергек олурарын көрүп каар чалчалар амыр-чыргалдыг.
\v 39 Силер билдиңер бе, бажыңның ээзи кайы үеде оорнуң кээрин билир турган болза, удувайн бажыңын оорлатпас турган ийик.
\v 40 Силер база белен болуңар, чүге дээрге Кижи Оглунуң кааш шакта чедип кээрин билбес силер".
\p
\v 41 Ынчан Петр Оон айтырган:"Дээрги! Бо угаадыг чугааны биске чугаалап тур силер бе азы шупту улуска бе?
\p
\v 42 Дээрги харыылаан:"Оларга аъш-чемни чогуур уезинде үлээр кылдыр, бажың ээзиниң томуйлааны, өскелериниң бажынга ону салган, шынчы болгаш сарыылдыг ажыл-херек эргелекчизи кымыл ол?
\v 43 Ээзи чедип келгеш, ооң ынчалдыр кылып турарын көрүп каар болза, ол эргелекчи амыр-чыргалдыг.
\v 44 Алыс-шынны силерге чугаалап тур Мен, ооң бүгү ээлээн чүвезиниң бажынга олуртуп каар.
\v 45 А ол эргелекчи чалча бодунга боду: "Мээң дээргим, ам дораан келбес-ле болгай"-дээш, эр-херээжен чалчаларын эттеп-соп, ижип-чип, эзиртир арагалап эгелээн дижик,
\v 46 ынчан ол чалчаның ээзи ооң манавааны хүнде база бодавааны шакта чедип келгеш, ону чула кезеткеш, бүзүрел чок өске улус-биле дөмей аажылаар.
\v 47 Дээргизиниң күзел-соруун билир хирезинде-ле, белен эвес болган азы дээргизиниң аңаа чугаалап каанын ёзугаар кылбайн барган чалча сылба шаптырар.
\v 48 А ээзиниң күзел-соруун билбейн, кеземчеге чүүлдежир уулгедиг кылган чалча эвээш кеземче алыр. Кижи бүрүзүнден, кымга хойнү бергенил, оон база хойнү негээр. Кымга хойнү бүзүреп дааскан, оон база хойнү негээр.
\p
\v 49 Мен черге от эккээр дээш чедип келдим база ынчан ол оттуң өөскүй бээрин күзедим.
\v 50 Сугга суктурган кижи дег, хилинчээмге суктурар ужурлуг мен. Ооң боттаныырын манааш, Мээң халагзырап турарымны кандыг дээр!
\v 51 Силер Мени черге амыр-тайбың эккээр дээш келген деп бодадыңар бе? Чок, силерге чугаалап тур Мен, харын аңгылажыышкын эккэр дээш келдим.
\v 52 Моон соңгаар беш кижилиг ог-бүле аңгылажы бээр: үжү ийизинден, ийизи үжүнден.
\v 53 Ачазы оглунга база оглу ачазынга удур болур. Авазы уруунга база уруу авазынга удурланыыр. Кунчуу бодунуң кернинге база керни бодунуң кунчуунга удурланыр".
\p
\v 54 База чыылганнарга чугаалаан: "Кажан силер барыын чүктен көдүрлүп орар булут көргеш: "Чаъс чаар-дыр" деп, чугаалаар силер, шак-ла ынчаар боор.
\v 55 Кажан мурнуу чүктен хадый бээрге: "Изиир-дир" деп, чугаалаар силер, база ындыг болур.
\v 56 Ийи арынныглар! Чер биле дээрже көргеш, агаарның им-демдээн кандыызын билип каар хиреңерде, а бо үениң им-демдээнин кандыызын канчап билип шыдавас силер?
\p
\v 57 Чүү болур бээр ужурлуун, боттарыңарны боттарыңар чүге шиитпес силер?
\v 58 Кажан сен бодуңнуң удурланыкчың-биле даргаңче бар чыткаш, ол сени шииткекчиге эккелбезин дээш, а шииткекчи сени таңныылга бербезин дээш, а таңныыл сени кара-бажыңче киир октавазын дээш, орук ара оон хосталып алырын бода.
\v 59 Сеңээ чугаалап тур Мен: база соолгү үүрмек акшанны бербээн шааңда, оон үнмес сен.
\c 13
\cl 13 эге
\p
\v 1 Ол ойде чамдык улус Иисуска чедип келгеш Галилея чурттуглар дугайында кымның ханын Пилат өргүлге холуп турганын чугаалааннар.
\v 2 Ол оларга ол дугайын чугаалаан: «Силер чүү деп бодап тур силер ол Галилея чурттуглар арткан бүгү Галилейжилерден бачыттыг база ынчаар когараан ол бе?
\v 3 Чок, силерге чугаалап тур мен! Ынчалза-даа, бир эвес силер бачыдыңар билинмес болзуңарза шуптуңар база өлүр силер.
\v 4 Азы силер он сес кижи Силоамның суургазы (башня) кырынче кээп ужарга өлүр бастырып каарга Иерусалимниң арткан бүгү чурттакчыларындан улуг буруулуг болган деп бодадыңар бе?
\v 5 Силерге чугаалап тур мен, чок! Ынчалза даа бачыдыңар миннинмес болзунарза шуптуңар база ынчалдыр олүр силер».
\p
\v 6 База угаадыглыг чугаа чугаалаан: «Бир кижиниң виноград шөлунге инжир ыяжын олурткан турган. Ол ыяжының чимизин чыып алыр дээш чеде бээрге чүү даа үнмээн болган».
\v 7 Ол виноград аажакчызынга чугаалаан: «Бо мен инжирнин чемижин чыып аары биле үш дугаар чыл кээп тур мен, куруг боор дур ам ону кезип каавыт. Оон чер ээлээн херээ чүү боор?».
\p
\v 8 Ол Аңаа харыылаан: «Дээрги! Бо чылын ону арттырып каап көрүңерем, а Мен ооң черин каскаш чымчактааш чемишчидер мен,
\v 9 ол келир чылын чемижин бээр чадавас. А бербес болза ону келир чылын кезип кааптар сен”.
\p
\v 10 Иисус амыр дыш хүнүнде синагогаларның бирээзинге өөреткен.
\v 11 Аңаа ооргазы кушбугур болганындан дорталып шыдавас он сес чыл ишти аараан херээжен турган.
\v 12 Иисус ону коруп кааш кыйгыргаш аңаа чугаалаан: «Хережээн Сен ол аарыңдан хосталы бердин».
\v 13 Аңаа холун салган. Ол дораан дорталы бергеш Бурганны алдаржыдып эгелээн.
\p
\v 14 Ол үеде синагога даргазы Иисус амыр дыш хүнүнде эмнеди дээш хорадап чонга чугаалаан: “ Ажылдаар алды хүн бар дыр. Ол хүннерде кээп эмнедиңер, а амыр дыш хүнүнде эвес”.
\p
\v 15 Иисус аңаа мынча деп харыылаан: «Ийи арынныглар! Силерниң кайыңар-даа бодунуң шарызын азы элчигенин амыр дыш хүнүнде кажаада турар черинден чежип алгаш суггарар дээш аппарбас силер бе?
\v 16 А бо Авраамның уруун эрликтиң он сес чыл дургузунда хүлүп келгенин амыр дыш хүнүнде ол хүлүгден хоставас турган бе?».
\v 17 Кажан Ол ону чугаалаан соонда Аңаа удурланып турган улус шуптузу ыяадып-човай берген. А бүгү чон Иисустуң кылып турганы кайгамчыктыг ажыл херээ дээш өөрүп турганнар.
\p
\v 18 Ол чугаалаан Бурганның Чагыргазы чүге дөмейил база Ону чүнүң биле дөмейлеп болурул.
\v 19 Хензиг горчица үрезининге дөмей дир кижи ону алгаш бодунуң сесерлиинге тарып каан. Ол үрезин өзүп келгеш улуг ыяш апарган дээрниң куштары ооң будуктарынын адаанга чаштынып турганнар”.
\p
\v 20 Улаштыр чугаалаан: «Бурганның Чагыргазын чүнүң биле дөмейлеп болурул?
\v 21 Ону херээженнин алгаш көдүрүлзүн дээш далганче салыпкан ажыткызынга дөмейлеп болур.
\p
\v 22 Иерусалимче чоруп ора хоорай суурлар таварты эртип чоруй өөредип чораан.
\v 23 Бир кижи Оон айтырган: «Дээрги! Таанда чүгле хөй эвес кижи камгалал алыр бе? Ол аңаа харыылаан:
\v 24 «Тар эжикче кирерин кызыдыңар чуге дээрге хөй кижи ынаар кирерин күзээрлер, ынчалза даа шыдавастар.
\v 25 Кажан бажың ээзи туруп келгеш эжиин хааптарга ынчан силер даштыгаа туруп алгаш эжик соктап чугаалаар силер: «Дээрги! Дээрги! Ажыдып көрүңерем»- деп. Ынчан Ол силерге харыылаар: «Силерни даа кайыын келгениңерни даа билбес мен дээр».
\p
\v 26 Ынчан чугаалап эгелээр силер: «Бис сээң-биле кады ижип чип турдувус, Сен бистиң кудумчуларывыска өөредип турдуң».
\p
\v 27 Ынчалза-даа Ол чугаалаар: «Силерге чугаалап тур Мен силерни билбес Мен кайыын келгениңерни даа билбес мен. Менден ырап чоруңар шупту шын эвес алдынып турарлар”.
\v 28 Кажан силер Авраам, Исаак, Иаковтуң база бүгү медээчилерниң Бурганның Чагыргазында турарын көрүп каар силер. А боттарыңар ында ыы-сыы диш кыжыраңы дыңналыыр черже үндүр ойладырар силер.
\v 29 Чоон болгаш барыын чүктен соңгу болгаш мурнуу чүктен чедип келгеш Бурганның Чагыргазынга олуттарын ээлерлер.
\v 30 Ынчан сөөлгүлери баштайгылары апаар, а баштайгылары сөөлгүлери апаар
\p
\v 31 Ол хүн элээн каш фарисейлер чедип келгеш Иисуска: «Моон оске черже чорувут, чүге дээрге Ирод Сени өлүрер деп тур -дээннер».
\p
\v 32 Ол оларга: “Баргаш ол дилгиге чугаалаңар: «Мен бөгүн, эртен буктарны үндүр сывырар база улусту экиртир Мен, а үшкү хүнде төндүрер мен» -деп Иисус харыылаан.
\v 33 Ындыг-даа болза Мен бөгун, эртен база соңгузу хүн, оруум уламчылаар ужурлуг мен чүге дээрге Бурганның медээчизи Иерусалимниң даштынга өлүр деп чүве турбас.
\p
\v 34 Иерусалим! Иерусалим! Бурганның медээчилерин өлүрүп турар сенче чорутканнарны даш биле соккулап каар хоорай! Мен чеже катап сээң ажы-төлүңнү күштүң чаш төлдерин чалгынының адаанга чыып аары дег кузедим, ынчалза даа силер ону күзеведиңер!
\v 35 Ол дээш силерниң бажыңыңар ээн кагтырар: «Силерге чугаалап тур Мен, Дээргинниң ады биле келгеннер алгап йөрээдирер! деп чугаалаваан шааңарда Мени көрбес силер.
\c 14
\cl 14 ЭГЕ
\p
\v 1 Бир катап амыр дыш хүнүнде Иисус бир дарга фарисейниң бажыңынга чемненир дээш чедип келген. Шупту Иисустуң чүнү кылырын кичээнгейлиг көрүп турганнар.
\v 2 Ооң мурнунга бажында ыжыктыг, аараан кижи олурган.
\v 3 Иисус фарисейлер болгаш ном - хоойлу тайбырлакчыларындан айтырган: «Амыр дыш хүнүнде улус экиртирин ыдыктыг хоойлу чөпшээрээр бе?».
\v 4 Олар ыыташпааннар. Иисус демги кижиге холун дээскеш, экиртип кааш, бажыңынче чорудупкан.
\v 5 Оон оларга мынча дээн: «Бир эвес силерниң кайы-бирээңерниң элчигени азы шарызы амыр-дыш хүнүнде кудукче кире берген болза, ол-ла дораан баргаш ушта тыртып албас силер бе?».
\v 6 Олар Аңаа харыылап шыдавааннар.
\p
\v 7 Чалаткан аалчылары эң хүндүлүг олуттарны шилип ап турарын эскерип кааш Иисус оларга угаадыглыг чугаа чугаалаан:
\v 8 «Кажан сени кым бир кижи кудаже, чалаарга хүндүлүг олут ээлеве, ындыг чуул болбазы биле, сенден даа алдар хүндүлүг кижи чалаткан туруп болур,
\v 9 сени чалаан кижи сеңээ чедип келгеш: «Бо кижиге олудуң чайлап бер» -дээр. Ынчан сен кочу шоотка кирип эң сөөлгу олут ээлээр апаар сен.
\v 10 Ынчалза-даа, кажан чалатыргаш келгеш сөөлгу олутту ээлеп ал, ынчан сени чалаан кижи келгеш: «Өңнүк мурнукку олутче олуруп ал» дээрге. Бүгү чалаткан аалчылар мурнунга алдар хүндүлүг апаар сен.
\v 11 Чүге дээрге бодун боду өрү көрдүнер кижи дора көрдүрер, бодун дора көрген кижи өрү көдүртүүр».
\p
\v 12 Ону чалаан кижиге чугаалаан: «Дүштеки азы кежээки чем кылып тура эштериңни, акыларыңны, төрелдериңни, бай-кожаларыңны, чалава олар сеңээ харыы чалаашкын кылбас кылдыр, база ындыг харыы манава.
\v 13 Ынчалза-даа, кажан чем кылып тура ядыыларны, бертиктерни, аскактарны, согурларны чалап кыйгыр.
\v 14 Ынчан амыр чыргалдыг болур сен оларның сеңээ харыы тудуп өөрүп четтиргенин илередир харыызы чок чөптүг шынныг кижилерниң катап дирлир уезинде шаңналды алыр сен.
\p
\v 15 Ону дыңнааш Ооң биле кады чемненип олурганарның бирээзи Аңаа: «Бурганның Чагыргазынга хлебти чиир кижи амыр чыргалдыг-дыр» - дээн.
\p
\v 16 Ол аңаа харыылаан: «Бир кижи кежээки чемни элбээ-биле кылгаш дыка хөй кижилерни чалаан».
\v 17 Кажан чемненир үе кээрге ол чалатканнарже: «Чедип келиңер шуптузу шагда-ла белен» - деп чугаалары биле чалчазын чорудупкан.
\p
\v 18 База шупту чангыс кижи дег буруузун миннип эгелээннер: «Биргизи мен чер садып алдым, ону барып көөрүүм. Дилеп тур мен, мени бурудатпайн көр» - дээн.
\p
\v 19 Оскези: «Мен беш эжеш шары садып алдым, оларны шенеп көөрүм. Бурудатпайн көрем» - дээн.
\p
\v 20 Үшкүзү: «Мен чаа өгленип алдым ынчангаш барып шыдавас тыр мен»- дээн.
\p
\v 21 Ынчан бажыңнын ээзи хорадап, бодунуң чалчазынга чугаалаан: «Хорайның улуг- биче кудумчуларын дүрген кезээш ядыыларны, бертиктерни, согурларны, аскактарны» бээр эккел.
\p
\v 22 Чалчазы чугаалаан: «Дээрги! Силерниң дужаалыңар аайы-биле күсеттинген ам даа олуттар артып калды».
\p
\v 23 Дээрги чалчазынга чугаалаан: «Оруктарны эргий кезээш мээң бажыңымны аалчылар дола бээр кылдыр таварышкан улусту кыйгырып чала”.
\v 24 Силерге чугаалап тур мен баштай чалааным улустуң кайызы даа мээң кежээки чемим чивес.
\p
\v 25 Иисус биле кады хөй чон чоруп олурган. Ол чонче эглип келгеш оларга чугаалаан:
\v 26 «Кым Меңии кээрил ынчалза-даа ада-иезинге, кадайынга, ажы-толүнге, акыларыңга, угбаларынга, болгаш бодунуң амы тынынга артык Менден ынак болза ол Мээң өөреникчим болуп шыдавас».
\v 27 Кым Мээң биле чоруурул бодунуң белдир ыяжын чүктевес болза ол кижи Мээң өөреникчим болуп шыдавас.
\v 28 Силерниң араңарда бир кижи суурга тудуп алыксай бергеш, баштай олуруп алгаш: тудугну төндүреринге акшаны четчирин билип алыр дээш, чарыгдалдарын санавас чүве бе?
\v 29 Ооң таваан салып алгаш төндүр тудуп шыдавайн барза ону көрген улус кыжырар,
\v 30 чугаалажып: «Бо кижи тудуп эгелээш, доозуп шыдаваан» - дыр деп ону кочулаарлар.
\p
\v 31 Азы бир хаан кажан оске хаанга удур дайынче чоруурда, ол дугайында баштай сумележип албас бе, ооң он муң шерии биле олче чээрби муң шеригге удурланыптар күжү бар бе?
\v 32 Бир эвес ооң чаалажыр харыы чок болза, удурланыкчызы ырактан чоруп орда-ла тайбың керээзинниң негелделерин билип алыр дээш элчинерин олче чорудар болгай.
\v 33 Шак ынчаар силернин араңардан, бодунда бар бүгү чүүлден ойталавас кижи бар болза, Мээң өөреникчим болуп шыдавас.
\p
\v 34 Дус эки бүдүмел, ынчалза-даа ол бодунуң күжүн чидириптер болза, чүнүң-биле солурул?
\v 35 Ону чүгле үндүр октаары артар, ол ышкаш черге-даа чемишчидилге - даа аажыы чок. Дыңнаар кулаа бар кижи дыңназын!
\c 15
\cl 15 ЭГЕ
\p
\v 1 Шупту үндүрүг хавырыкчылары болгаш бачыттыг кижилер Иисуска ону дыңнаар дээш кээп турганнар.
\v 2 А фарисейлер болгаш ном - хоойлу тайбырлыкчылары аразында таарзынмайн. Ол бачыттыгларны хүлээп кады чемненип турар дыр дижип турганнар.
\p
\v 3 Ынчалза-даа Ол оларга угаадыглыг чугааны чугаалаан:
\v 4 «Кым силерниң араңардан чүс хойнуң бирээзин чидирипкеш ховуга тозан тозун каапкаш, читкен хойун тып алырга чедир дилевес деп', бе?
\v 5 Тып алгаш өөрүшкү биле ону эктиниң кырынга салып алыр
\v 6 Бажыңга чедип келгеш эш-өөрун' кожаларын кыйгырып алгаш оларга чугаалаар:" Мээн өөрүшкүмнү үлежип көрүңер, мен читкен хойум тып алдым."
\v 7 Силерге чугаалап тур мен, тозан тос «бачыт чок мен» дээр кижилерге бодаарга. дээрлерге база шак- ла ындыг чаңгыс бачыдын миннинген кижи дээш, оон -даа улуг өөрүшкү боор.
\p
\v 8 Азы кандыг бир херээжен он акшазынның бирээзин чидирип алгаш, чырыткыны кывыскаш, ону тып алгыже шаланы ширбип аажок дилевес бе?
\v 9 А тып алгаш эштери биле кожаларын кыйгыргаш чидирип алган акшамны тып алдым, мээн биле өөруп амыраңар» - дээр.
\v 10 Силерге чугаалап тур мен: «Бурганның төлээлери база чаңгыс бачыдын миннип турар кижи»-дээш шак-ла ынчаар өөрүүр.
\p
\v 11 Улаштыр мону чугаалаан: Бир кижи ийи оолдуг турган.
\v 12 Бичиизи ачазынга: «Ачай! мээң үлүүмнүң чартыын берем» Ачазы оларнын аразынга өнчүзүн үлештирип берген.
\v 13 Ынчан кааш хонук эрткенде, бичии оглу шупту өнчузун чыып алгаш, ырак чуртче чорупкаш, аңаа уен-даян чурттап, бүгү өнчүзүн төтгчеглеп каапкан.
\v 14 Кажан ол шупту акшазын чарып каапканда, ол чуртка улуг аш-чут эгелээрге  ол бергедежи берген.
\v 15 Ол чурттуң бир кижизинге хөлезиленип ажылдап чеде бээрге, ол ону бодунуң шөлдеринче хаваннар кадартып чорудупкан.
\v 16 Ол хаван чемин чииринге безин белен турган, ынчалза даа ол чемни кым даа аңаа бербес болган.
\v 17 Кажан ол угаан кире бергеш, ол мынча дээн: «Мээң ачамның чалчаларының чеми кайы хире элбекшилдиг ийик' ам мен мында аштап өлдүм-не”.
\v 18 Тургаш, адамга барып чугаалайн: "Ачай дээрге болгаш сеңээ удур бачыты кылдым,
\v 19 ынчангаш сээң оглуң деп адаттырарынга төлеп чок мен. Мени кандыг бир чалчаң кылдыр хүлээп ап көрем".
\v 20 Тургаш ачазынче чорупкан. Ачазы ону ырактан көруп кааш кергей берген. Уткуй халааш ол оглунуң мойнундан куспактааш чыттап турган.
\v 21 Ынчан оглу ачазынга чугаалаан: "Ачай дээрге болгаш сеңээ удур бачытты кылдым ынчангаш сээң оглуң деп адаттырарынга төлеп чок мен".
\p
\v 22 Адазы чалчаларынга чугаалаан: "Бо дораан эң эки хептен будунга идиктен холунга билзектен кедириңер.
\v 23 Эң шыырак молдургадан эккелгеш согуңар. Байырлап өөрүүр бис!.
\v 24 Чүге дээрге мээң бо оглум өлуг тургаш дирилген, чидип чорааш тыптып келген". Ынчангаш өөрүп байырлааңар.
\p
\v 25 Оон улуг оглу ховуга чораан. Кажан ол бажыңче чоокшулап кел чорааш ыры- шоор, хөглээшкинни дыңнапкаан.
\v 26 Чалчаларының бирээзин кыйгыргаш ол айтырган: "Чүү болуп турар чүвел?"
\v 27 Чалчазы аңаа харыылаан: "Сээн дуңмаң чанып кээрге, ынчангаш ачаң семиртир азыраан молдурганы соп берди, чуге дээрге ооң оглу кан-кадык база дириг-менди ээп келген дир".
\p
\v 28 Улуг акызы хорадааш, кирер хөңну чок болган. Ачазы унуп келгеш ону кый дээн.
\v 29 Ынчалза даа ол оол ачазынга мынча деп харыылаан: "Мен сеңээ ургулчу-ле кааш чылдар иштинде сээң айтыышкынарың хажытпайн, бараан бооп келдим, а сен меңээ эштерим биле хөглээр кылдыр чангыс анай даа бербедиң.
\v 30 А кажан сээң бо оглун шупту өнчузун самыраан херээженер-биле төтчеглеп каапкаш чедип келирге, сен аңаа семис молдурганы соп бердиң».
\p
\v 31 Ачазы анаа харыылаан: «Оглум! сен кезээде мээн-биле сен, менде бар шупту - сеңии.
\v 32 Сээң дуңмаң өлгеш дирлип келген, читкеш тыптып келгени»-дээш амырап хөглээр ужурлуг бис.
\c 16
\cl 16 эге
\p
\v 1 Иисус бодунуң өөреникчилеринге чугаалаан: "Бир бай кижиниң удуртукчу кижизи турган ол кижи ооң өнчу хөренгизин төтчеглеп турар деп дамчыткан.
\v 2 Удуртукчузун кыйгыргаш ол аңаа чугаалаан: "Сээң дугайында чүнү дыңнадым? Кылган ажылыңның түңнелин бер, чүге дээрге сен моон соңгаар удуртукчу болуп шыдавас сен".
\p
\v 3 Ынчан удуртукчу боданып эгелээн: "Чүнү канчаайн? Бажың ээзи мени бажың удуртуурундан үндүрүптү. Чер казып шыдавас мен, а кижилерден дилениринден ыядыр мен.
\v 4 Бо бажыңның удуртулгазындан мени хостаптарга, мени өске бажыңнар хулээп алыр кылдыр, чүнү канчаптарын ам-на билдим".
\v 5 Ол дээргизиниң өрелиглерин кыйгырып алгаш, кижи бүрүзүн ангы база бир дугаар кижиден айтырган:" Мээң дээргимге сээң өрең кажыл?".
\p
\v 6 "Ол чүс доскаар үс деп харыылаан". Ынчан ол аңаа чугаалаан: "Хол үжү салган саазынның алгаш, олургаш бежен деп дүрген бижи".
\p
\v 7 Ооң соонда өскезинден айтырган "А сээң өрең чежел?". Ол чүс шоодай кызыл-тас" - деп харыылаан. Ынчан ол аңаа чугаалаан:" Хол үжүү салган саазынын алгаш' олургаш сезен»-деп дүрген бижи».
\v 8 Бажың ээзи шынчы эвес удуртукчуну тывынгыр чоруу дээш мактаан. Ийе, бо делегейниң улузу ажыл харыылзаа тударда чырыктың төлдеринден тывынгыр апаар.
\v 9 Силерге чугаалап тур мен: "Бо үениң эртине байлаан ажыглап, эш-өөрден тып алыңар, ынчан бо делегейниң бүгү чүвези төне бээрге, силерни мөнге өргээже хулээп алыр.
\v 10 Бичии чүүлге шынчы кижи улуунга база шынчы болур, а бичии чүүлге шынчы эвес кижи, улуунга база шынчы эвес болур.
\v 11 Ынчангаш, силер бо черниң байлаанга шынчы эвес турган болзуңарза, канчап силерге алыс шынны бүзүрээрил?.
\v 12 База бир эвес силер өскелерге шынчы эвес турган болзунарза, силерге канчап бүзүреп бээрил?.
\v 13 Кандыг даа чалча ийи дээргиге хары угда бараалгап шыдавас, чүге дээрге бирээзин коор хөңну чок, а өскезинге ынак боор, азы бирээзинге бердинген, а өскезин херекке албас. Бурганга база акша мөнгүнге хары угда бараан болуп шыдавас силер".
\p
\v 14 Ол бүгүнү акша мөңгүнге ынак фарисейлер дыңнааш Иисусту кыжырып каттыржып турганнар.
\v 15 Ол оларга чугаалаан: "Силер боттарыңарны улус мурнунга шынчы кылдыр көргүзеринерге-даа, ынчалза-даа Бурган силерниң чурээңерни билир. Кижилерниң үнелиг деп санаар чүвези Бурганның мурнунга бужар чүүл болур.
\p
\v 16 Ыдыктыг Хоойлу болгаш Медээчилер Иоанның мурнунда - ла турган. Ам Бурганның Чаргыгазының дугайында Өөрүнчүг медээ чарлаттынып турар' база олче чуткээн кижи бурузу кирер.
\v 17 Ындыг даа болза Ыдыктыг Хоойлунуң оода чаңгыс шыйыы чидериниң орнунга чер биле дээр чиде бээр.
\p
\v 18 Кым бир кижи, бодунуң кадайындан чарылгаш, өске кижини кадайланып алза, ол өг-булениң шынчы чоруун үрээн болур. Кым ашаандан чарылган херээженни кадайланып алза, ол өг-булениң шынчы чоруун үрээн болур.
\p
\v 19 Бир бай кижи чурттап чораан. Ол хаан ышкаш каас база чуга лендан хептер кедип, хүннүң-не кайгамчыктыг байырлал дойлар эрттирип турган.
\v 20 Ооң хаалгазынның чанынга Лазарь деп аттыг, бүгү боду оюлганнап кодурлаан ыядыы кижи чыдар турган.
\v 21 Ол байнын столундан кээп дүшкен аьш - чем артынчызы биле хырнын тоттурар дээш манап чыдар турган. Ыттар келгеш ооң оюлганнарын чылгап турганнар.
\v 22 Кажан ядыы кижи өлуп каарга дээрниң төлээлери дээрде Авраамның чанынче чедирип кааннар. Бай кижи өлуп каарга ону орнукшудуп кааннар.
\v 23 Тамыга баргаш ол хинчектенип караан өрү көргеш, ыракта Авраамны ооң чанында Лазарьны көруп каан.
\v 24 Ол кыйгырган: "Авраам Адам! меңээ энерелдиг бооп Лазарьны, ол салаазынның бажын өттүргеш мээң дылымны шыгыдар кылдыр менче чорудуп көр' чүге дээрге мен бо чалбыыш отта хилинчектенип ат болдум".
\p
\v 25 Ынчан Авраам чугаалаан: "Оглум! сактып кел, сен чуртталгаңда экини алган сен, а - Лазарь шупту бергелерни эрткен. Ам ол дыштанган, а сен хилинчектенип турар сен.
\v 26 Ооң аңгыда, сээң биле бистиң аравыста улуг тамы тургустунган, ынчангаш кым силерже эртер дээрил эртип шыдавас. База оон бисче эрттинмес.
\p
\v 27 Ынчан бай кижи чугаалаан: "Адам, Лазарьны мээң ачамның бажыңынче чорударын, сенден дилеп тур мен,
\v 28 чүге дизе беш дуңмаларлыг мен. Оларның кайызы даа маңаа кээп мен ышкаш хилинчектенмезин дээш Лазарь оларны баш бурунгаар сагындырып кагзын".
\p
\v 29 Авраам аңаа харыылаан:" Оларда Моисей база медээчилер бар болгай' оларны дыңнап чорзуннар".
\p
\v 30 Ол чугаалаан: "Чок, Авраам адам, чүгле өлүглерден бир кижи оларга чугаалаар болза, ынчан олар бачыдын минниирлер.
\p
\v 31 Ынчан Авраам аңаа харыылаан: "Кажан Моисей биле медээчилерни дыңнаваан улус, олуглерден дирлип даа кээр болза олар бүзүревес".
\c 17
\cl 17 эге
\p
\v 1 Ол ышкаш Иисус өөреникчилеринге база чугаалаан: «Күткүлгелер келбес арга чок, ынчалза-даа кымны таварыштыр олар келирил, ол кижи ат болур!
\v 2 Бир эвес чаа бүзүрээнерниң бирээзин бачытче чыгаарының орнунга, ооң мойнунга дээрбе баглаш, ону далайже киир октапканы, дээре турган ийик.
\v 3 Кичээнгейлиг болуңар! Бир эвес сээң акың сеңээ удур бачыт кылыпса, ону чемелеп чугаала. Бир эвес бачыдын миннир болза, ону өршээ.
\v 4 Бир эвес бир хүнде сеңээ удур чеди-даа каттап бачыт үүлгеткеш, чеди катап буруузун миннип: «Мени өршээп көрем», - дээр болза, ону өршээ.
\p
\v 5 Элчиннер Дээргиге: «Биске улуг бүзүрелди берем», - дээннер.
\p
\v 6 Дээрги оларга: «Бир эвес силерниң бүзүрелиңер горчица үрезини хире бичи-даа турган болза, силер бо смоква ыяжынга: «Дазылыңдан турулгаш, далайга солуй олурувут», - дээр болзуңарза, ол силерни дыңнаар ийик.
\p
\v 7 Силерниң кайынар, чер аңдарып турар, азы мал кадарып чоруур кулдуг тургаш, ол шөлден чедип келирге, аңаа: «Дүрген кээп стол артынга олур» дээрил?
\v 8 «Меңээ чемден белетке. Хевиң солуп алгаш, меңээ аштанып-чемненип турумда бараан бол. А ооң соонда бодуң аштанып-чемненип болур сен»-деп чугаалавас ийик силер бе?
\v 9 Ол чалчаңарны силерниң айтыышкыныңарны күүсеткени дээш өөрүп четтирер эвес силер? Ындыг боор деп бодавайын тур мен.
\v 10 База силер ол ышкаш, силерге айыткан бүгү чүүлдү кылгаш: «Бис өртек-үне чок чалчалар-дыр бис, чүге дээрге кылыр ужурлуг чүүлүвүстү кылдывыс».
\p
\v 11 Иисус Иерусалимже бар чорааш, Самария биле Галилея аразындан эртип бар чораан.
\v 12 Бир суурже Ол кирип бар чорда Аңаа он кеш аарыг кижилер таварышкан, олар ыракка туруп алгаш:
\v 13 «Иисус, Дээрги! Бисти кээргеп көр», - деп алгыржып турганнар.
\p
\v 14 Оларны Ол көрүпкааш: «Баргаш, Бурганның бараалгакчыларынга көстүп калыңар», - дээн. Бар чорда олар аарыындан арыгланы бергеннер.
\v 15 Кеш аарыгларның бирээзи кежиниң арыгланы бергенин көрүп кааш, ээп келгеш, Бурганны ыыткыр алдаржыдып турган.
\v 16 Оон Иисустуң будунуң чанынга олура дүжүп, Аңаа өөрүп-четтиргенин илередип турган. Ол болза самарийжи кижи турган.
\v 17 Ынчан Иисус чугаалаан: «Он кижи арыгланы берген эвес ийик бе? Тозу кайыл?
\v 18 Чүге бо өске чурт кижизинден өскелери ээп кээп Бурганны алдаржытпаадылар?».
\v 19 Оон аңаа: «Сээң бүзүрелиң сени экиртип кагды, тургаш чорувут, - дээн.
\p
\v 20 Фарисейлер Иисусдан: «Бурганның Чагыргазы кажан келирил?», - деп айтырганнар. Ол оларга харыылаан: «Бурганның Чагыргазы билдиртпейн чедип келир.
\v 21 «Ол мында» азы: «ол ында», - дивес. Чүге дээрге Бурганның Чагыргазы силерниң иштиңерде болгай».
\p
\v 22 Өөреникчилеринге база чугаалаан: «Ындыг үе келир, кажан кижи Оглунуң оода чаңгыс хүнүн көрүксей бээр силер, ынчалза-даа көрбес силер».
\v 23 Силерге: «Ол бо мында» азы: «Дүгде», - дээр, ону дилевеңер, ону сүрбеңер,
\v 24 чүге дээрге, кызаңнаашкын кызаш дээш, черни бир ужундан оске ужунга чедир чырыдыптары ышкаш, Кижи Оглу биле Бодунуң хүнүнде база ындыг болур.
\v 25 Ынчалза-даа Ол баштай аажок хөй хилинчекди көөр, база бо салгалдың улузу Оон ойталаар.
\v 26 Бо бүгү Нойнуң үезинде кандыг болганыл, Кижи Оглунуң үезинде база ындыг болур:
\v 27 Ной бажың-хемезинче кире бээр хүнүнге чедир олар аштанып, чемненип, ашакка барып, кадайланып турда үер келгеш оларны шуптузун узуткаар.
\v 28 Лоттуң чурттап чораан үезинде база-ла ындыг турган: аштанып-чемненип, бараанны садып ап, үндүр садып, үнүштерни олуртуп, тудуг кылып турганнар.
\v 29 Ынчалза-даа Лоттуң Содомдан үнүп чоруй барган хүнүнде, дээрлерден оттуг чаъс оларны шуптузун хуйукталдырган.
\v 30 Кижи Оглу чедип келир хүнде база шак-ла ындыг болур.
\v 31 Ол хүн крыша кырынга турган кижи, а ооң эт-севи бажың иштинге турар болза, оларны алыр дээш, дүшпе, база ол үеде шөлге турган кижи дедир чанма.
\v 32 Лоттуң кадайының дугайында сактып чоруңар.
\v 33 Бир эвес кандыг бир кижи бодунуң сагыш-сеткилин камгалап алыксаар болза, ол ону чидирип алыр, а кым ону чидирип алыр-дыр, ол ону диргизип алыр.
\v 34 Чугаалап тур мен: ол дуне ийи кижи орунга чыдар болза: бирээзин алгаш баар; а оскезин кааптар;
\v 35 ийи херээжен кады тараа дээрбелеп турар болза: бирээзин алгаш баар, а оскезин кааптар; ийи кижи шөлге турар болза: бирээзин алгаш баар, а өскезин кааптар».
\p
\v 37 Ынча дээрге Оон айтырган: «Каяа, Дээрги?» Ол оларга: «Кайда сек бар дыр, аңаа сек чиир куштар чыглып кээр», -деп харыылаан.
\c 18
\cl 18 эге
\p
\v 1 Өөреникчилеринге үргүлчү мөөргүүр, болгаш идегелин чидирбезин дээш угаадыглыг чугаа чугаалап берген:
\v 2 «Бир хоорайга Бургандан кортпас, улустан ыятпас шииткекчи чораан.
\v 3 Ол-ла хоорайга бир дулгуяк кадай аңаа келген санында: «Мени хомудадып турар кижимден камгалап корем», -дээр турган.
\p
\v 4 Ынчалза-даа ол үр үе дургузунда күзевейн турган, а оон боду бодунга чугаалаан: «Мен Бургандан-даа кортпас, улустан-даа ыятпас бодум,
\v 5 ынчалза-даа бо дулгуяк херээжен меңээ амыр-дыш бербес боорга, ону камгалаайын, ол моон сонгаар мээңе келбезин база хөңнүмге дегбес кылдыр».
\v 6 Дээрги чугаалаан: «Дыңнап тур силер бе арын-нүүр чок шииткекчи чүү деп турарын?
\v 7 Бурган бодунуң шилип алган, дүне, хүндүс дивес Олче кыйгы салып турарларны камгалавас - деп бе, оларны камгалаарын далашпайн турар-даа болза?
\v 8 Силерге чугаалап тур мен, оларны удатпаанда камгалаар. Ынчалза-даа Кижи Оглу бүзүрелди черже ээп келгеш тып аап шыдаар бе?».
\p
\v 9 База боттарын олар актыг шынныг, бүзүрелдиг дээш өскелерни дора көрүп турганнарга дараазында угаадыглыг чугааны чугаалап берген:
\v 10 «Ийи кижи Бурганның өргээзинче мөргүүр дээш кирип келгеннер: бирээзи фарисей, а өскези үндүрүг хавырыкчызы.
\v 11 Фарисей туруп алгаш бодунуң иштинде: «Бурганым! Сеңээ өске улустар, дээрбечилер, арын-нүүр чоктар, самыырааннар, азы бо үндүрүг хавырыкчызы ышкаш болбааным дээш өөрүп- четтирдим,
\v 12 неделяда ийи катап шээрленир-дир мен, кирген өнчүмнүң он хуузун бээр -дир мен», - деп мөргүп турган.
\p
\v 13 А үндүрүг хавырыкчызы ыракта туруп алган, дээрлерже арнын безин көдүрүп чадап, бодунуң хөрээнче соп: « Бурганым! Хай-бачыттыг мени кээргеп көр!», - деп турган.
\v 14 Силерге чугаалап тур мен, ол бодунуң бажыңынче чоруурда Бурганның мурнунга, өскезинге көөрде, агартына берген: чүге дээрге: кандыг-даа бодун боду өрү көрдүнер кижи, дора көрдүрер, а кым боду бодун куду көөрүл - өрү көдүртүр».
\p
\v 15 Иисуска чаш төлдерни база, Ооң оларга дээри-биле эккеп турган. өөреникчилери ону көрүп кааш, оларга хоруп турган.
\v 16 Ынчалза-даа Иисус оларны кый-деп алгаш, чугаалаан: «Бичи уругларга Менче келирин хоруваңар, чүге дээрге Дээрниң Чагыргазы олар ышкаш улустуу болур», -дээн.
\v 17 Алыс шынны силерге чугаалап тур мен: кым бо чаш төл дег Бурганның Чагыргазын хүлээп албазыл, ол ынаар кирбес».
\p
\v 18 Бир дарга кижи Иисустан айтырган: «Буянныг Башкы! Мөңге амыдыралды салгап алыр дээш, чүнү кылзымза экил?»
\p
\v 19 Иисус аңаа: «Мени чүге буянныг деп тур сен? Бургандан өске кым-даа буянныг эвес.
\p
\v 20 Он айтыышкынны билир-ле болгай сен: «Кады чурттаан эжиңге өскерилбе», «өлүрбе», «оорлава», «Мегелеп херечилеве», «Ада-иеңни хүндүлеп чор», - деп харыылаан.
\p
\v 21 Ол Аңаа: «Бо бүгүдени мен чалыы үемден-не сагып чордум», - дээн.
\p
\v 22 Ону дыңнааш Иисус аңаа чугаалаан: «Сеңээ чангыс-ла чүүл четпес-тир: бүгү-ле бар чүвеңни садыпкаш, ядыыларга үлеп бергеш, дээрлерге эртине-байлактыг болур сен. Ынчан чедип келгеш, Мени эдерип чорувут».
\v 23 Ону дыңнааш, ол аажок муңгараан, чүге дээрге ол аажок бай чораан.
\v 24 Иисус ооң муңгарай бергенин көргеш, чугаалаан: «Бай кижиниң Бурганның Чагыргазынче кирериниң бергезин!
\v 25 Тевениң ине үдүнче кире бээри белен-дир, бай кижиниң Бурганның Чагыргазынче кирерин көөрде», - дээн.
\p
\v 26 Ону дыңнаанар айтырган: «Ынчаарга кым камгалалды алырыл?»
\p
\v 27 Ол харыылаан: «Кижилерге кылдынмас чүүлдү Бурган кылып шыдаар».
\p
\v 28 Петр чугаалаан: «Бис шупту чүвевисти каапкаш, Сени эдерип чоруптувус».
\p
\v 29 Иисус оларга чугаалаан: «Алыс шынны силерге чугаалап тур мен: кым-даа бодунуң бажыңын, ада-иезин, акы-дуңмаларын, кадайын азы ажы-толүн Бурганның Чагыргазы дээш каггаш,
\v 30 бо үеде оон хөйнү, а келир чүс чылда кезээ-мөңгеде амыдыралды албаан кижи чок».
\p
\v 31 Оон чүгле өөреникчилерин аңгы кый-деп алгаш, оларга: «Бо бис Иерусалимче көдүрлүп бар чор бис, медээчилер таварыштыр Кижи Оглунуң дугайында бижиттинген бүгү чүүл боттаны бээр-дир.
\v 32 Чүге дээрге Ону өске чоннар улузунга бериптерге, Ону куду көрүп, сөглеп, дүкпүрүп, каккырар-дыр,
\v 33 эттеп-соккаш, өлүрүп каар, ынчалза-даа Ол үш хонганда дирлип келир-дир».
\v 34 Ынчалза-даа олар чүнү-даа билбээннер. Ол сөстерниң утказы олардан чажыртынган турган болгаш, олар ооң утказын билбээннер.
\p
\v 35 Кажан Ол Иерихонга чоокшулап келирге, орук кыдыынга согур кижи диленип олурган.
\v 36 Ооң чанындан чон эртип бар чоруурун ол дыңнааш, айтырган: «Чүү бооп тур?»
\p
\v 37 Аңаа Назарет чурттуг Иисус кел чор дээн.
\p
\v 38 Ынчаарга ол алгыра берген: «Иисус, Давидтиң Оглу! Мени кээргеп көр!»
\v 39 Мурнунда бар чорааннар ону соксадып турганнар, ынчалза-даа ол оон-даа артык ыыткыр алгыра берген: «Давидтиң Оглу! Мени кээргеп көр!»
\p
\v 40 Иисус тура дүшкеш, ону Аңаа эккэрин дужааган. Согур кижи Аңаа чоокшулап кээрге, оон айтырган:
\v 41 «Менден чүнү күзеп тур сен?» Ол харыылаан: «Дээрги! Карактарым көре берген болза».
\p
\v 42 Иисус аңаа чугаалаан: «Карактарын көре берзин! Сээң бүзүрелиң сени экиртти».
\v 43 Ол ол дораан көре бергеш, Бурганны алдаржыдып Ону эдерип чорупкан. Ол бүгүнү көрген чон Бурганны алдаржыдып турган.
\c 19
\cl 19 эгези.
\p
\v 1 Ынчан Иисус, Иерихонче кирбишаан, олап эртип бар чораан.
\v 2 Анаа бир бай болгаш үндүрүг хавырыкчыларының даргазы болур, Закхей деп аттыг кижи.
\v 3 Иисусту, кандыг кижил Ол деп, көрүксей берген, ынчалза-даа ол хөй чон аразындан көрүп чадап каан, чүге дээрге ол бичии дурт-сынныг кижи турган.
\v 4 Ону көөр дээш, мурнунче эрте халааш, смоква ыяжынче үне берген, чүге дээрге Ол ооң чаны-биле эртер ужурлуг турган.
\v 5 Кажан Иисус ол черге чедип келгеш, ону көрүп кааш, чугаалаан: "Закхей! Дүрген дүжүп кел, чүге дээрге Мен бөгүн сээң бажыңыңга баар ужурлуг Мен".
\v 6 Ол дыка дүрген дүжүп келгеш, Ону өөрүшкүлүү-биле уткуп-хүндүлээн.
\v 7 База шупту, ону көрген улус, ол бачыттыг кижиниң бажыңынга киргени дээш, таарзынмаанын чугаалап эгелээннер.
\p
\v 8 Закхей туруп келгеш, Дээргиге чугаалаан: "Дээрги! Эт-хөреңгимниң чартыын мен ядыыларга үлеп бериптейн база бир эвес кымны, чүнүң-биле хомудадыпкан болзумза, дөрт катап хөйнү дедир эгидип берейн".
\p
\v 9 Иисус ооң дугайында чугаалаан: "Ам камгалал бо бажыңда келген-дир, чүге дээрге ол база Авраамның оглу болгай.
\v 10 Кижи Оглу өлүп читкеннерни тып база камгалаар дээш келген болгай".
\p
\v 11 Кажан олар ону дыңнап турда, оларга база бир угаадыглыг чугаа чугаалап берген, чүге дээрге Ол Иерусалимге чоошкулап келген боорга, олар Бурганның Чагыргазы ам удавас келир деп манап турган чүве-дир.
\v 12 Ол чугаалаан: "Бир бай салгалдын кижизи, хаан дүжүлгени хүлээп алгаш база дедир чанып кээр сорулга-биле, ырак чуртче чоруп турган.
\v 13 Бодунуң он чалчаларнын кый деп алгаш, оларга ол он мөнгүн чоос үлеп бергеш, чугаалаан:"Оларны мен келгижемге чедир саарылгаже киирип, ажыглаңар".
\p
\v 14 Ынчалза-даа албаты чон ону коор хөңнү чок турган болгаш ооң соондан:"Ооң бисти баштаарын күзевейн тур бис"- деп, чугаалазын дээш элчиннер чорудупканнар.
\v 15 А кажан хаан дүжүлгезин хүлээп алган чедип келгеш, монгүн чоостар берип каан чалчаларын, кым кандыг орулга ажылдап алганын, билип алыр дээш ынчангы чалчаларны аңаа экээрин ол дужааган.
\p
\v 16 Биргизи келгеш, чугаалаан:" Дээрги! Сээң мөнгүн чоозуң он мөнгүн чоос эккелди."
\p
\v 17 Ол аңаа харыылаан: Эки-дир, буянныг чалча! Бичии чүвеге шынчы болганың дээш, он хоорайны башкарар кылдыр ап ал."
\p
\v 18 Ийигизи келгеш, база чугаалаан: "Дээрги! Сээң мөнгүн чоозуң 5 мөнгун чоос эккелди."
\p
\v 19 Аңаа база харыылаан:"Сен база беш хоорайның бажынга бол".
\p
\v 20 Үшкүзү база келгеш, чугаалаан: "Дээрги! Сенден коргар болгаш, пөске ораагаш шыгжап кааным мөнгүн чоозуң бо,
\v 21 чүге дээрге сен каржы кижи сен: салбаан чүвеңни алгаш баар, база тарываан чүвеңден ажаап аар сен".
\p
\v 22 Ээзи аңаа харыылаан: "Бодуңнуң-на сөстериң-биле сени шиидер мен, баък чалча! Сен мени каржы, бербээн чүвемни безин алгаш баар, тарываан чүвемден безин ажаап алырымны билир тургаш,
\v 23 чүге мээң мөнгүн чоозумну, чанып келгеш орулгазы-биле алыр кылдыр саарылгаже киирбээниң ол?
\v 24 А ооң чанынга турганнарга чугаалаан: "Ооң мөнгүн чоозун алгаш, он чоостуг кижиге бериптиңер. Аңаа харыылааннар: "Дээрги! Ында он мөнгүн чоос бар болгай".
\p
\v 26 "Силерге чугаалап тур мен, чүвези бар кижи бүрүзүнге немей бээр, а чүвези чок кижиден бичии бар чүвезин безин былаай бээр.
\v 27 А ол, мээң оларга хаан болурумну күзевейн турган дайызынарымны бээр эккелгеш, көрүп турумда узуткап калыңар".
\p
\v 28 Ону чугаалааш, Ол Иерусалимче үнмүшаан, улаштыр чорупкан.
\v 29 Кажан Елеон дээр дагга база Виффагия биле Виффанияга чоошкулап келгеш, Бодунуң ийи өөреникчилеринге:
\v 30 "Мурнуңарда чыдар суурже барыңар. Ынаар кире бергеш, кымның-даа мынчага дээр мунуп көрбээни аныяк элчигенни баглап каан турарын көрүп каар силер"-деп, чугаалааш, чорудупкан.
\v 31 А бир эвес кым-бир кижи силерден: "Элчигенни чүге чеже бердиңер" деп, айтырза, аңаа мынча деп чугаалаңар:"Ол Дээргиге херек апарды".
\v 32 Айбылаттырганнар чорупкаш, Ооң оларга чугаалааны дег, ынчаар тып алганнар.
\p
\v 33 Кажан олар аныяк элчигенни чежип турда, ээлери олардан айтырганнар:"Элчигенни чүге чеже бердиңер?"
\p
\v 34 Олар харыылааннар: "Ол Дээргиге херек".
\v 35 База ону Иисуска эккелгеннер. Элчигенин кырынга боттарының хевин чаткаш, Иисусту аңаа олуртупканнар.
\v 36 Кажан Ол чоруп орда, боттарының хептерин орукка чадып чорааннар.
\p
\v 37 А, кажан Ол Елеондан бадар кудургайга чоошкулап келгенде, бүгү хөй өөреникчилери өөрүшкүлүү-биле оларның көрген шупту кайгамчык чүүлдери дээш, Бурганны алдаржыдып ыыткыр алгырбышаан:
\v 38 "Дээрги-Чаяакчының ады-биле кел чоруур Хаан амыр-чыргалдыг! Дээрлерге амыр- тайбың база өрү дээрде Бурганга алдар!".
\p
\v 39 Чон аразынга чораан чамдык фарисейлер, Аңаа чугаалааннар: "Башкы! өөреникчилериң соскадып көрем".
\p
\v 40 Ынчалза-даа Ол оларга харыылаан: "Силерге чугаалап тур Мен, олар ыытавайн баар болза, даштар безин алгыржып эгелээр".
\p
\v 41 Хоорайга чоошкулап келгеш, ынаар көрүп тура, ооң ажыын ажып ыглап,
\v 42 чугаалаан:"О, оода-ла богүн сен, чүү чүве сени бо делегейже эккээрин билген болзуңза! Ынчалза-даа ам ону сээң карактарыңга ажытпаан-дыр.
\v 43 Дайызыннарыңның сени долгандыр оңгуланып-быжыглангаш, сени бүзээлеп база сенче бүгү чүктерден халдаар хүннер чедип кээр.
\v 44 Чаңгыс-даа туружуңдан шимчевээн даш чок кылдыр, сени, үреп-бускаш, сээң ажы-төлүңнү чок кылып каар, чүге дээрге Бурганның сеңээ камгалал саналдап келген үезин билбейн эттирипкен-дир сен".
\p
\v 45 Оон, өргээге кирип келгеш, ында садыг-саарылга кылган улусту үндүр сывыртап эгелээш, оларга
\v 46 чугаалаап турган: "Бижилгеде: "Мээң өргээм-мөргүл өргээли болзун"-деп бижээн, а силер ону дээрбечилер уязы кылып алган-дыр силер".
\p
\v 47 Иисус өргээге хүнүң-не өөредип турган. Бурганның дээди бараалгакчылары, ном-хоойлу тайбырлакчылары база чоннуң баштыңнары Ону өлүрүп каар дээш эптиг үе манап турганнар,
\v 48 ынчалза-даа ону канчаар кылырын билбейн турганнар, чүге дээрге бүгү чон. Оон сөзун дыңнап, Оон ыравайн турган.
\c 20
\p
\v 1 Иисус чонну өргээге өөредип база Өөрүнчүг медээни чугаалап турган ол хүннерниң бирээзинде, Бурганның дээди бараалгакчылары болгаш ном-хоойлу тайбырлакчылары чоннуң баштыңнары-биле кады чедип келгеш база
\v 2 Оон айтырганнар: "Биске чугаалап берем, кандыг эрге-чагырга-биле Сен ону кылып тур Сен? Бо эрге-чагырганы Сеңээ кым берди? "Ол оларга харыылаан: "Мен база силерде чаңгыс чүве дугайында айтырайн,
\p
\v 3 Меңээ харыылап бериңер:
\v 4 Иоанның сугже суп турганы, Бургандан болган бе азы кижилерден бе?"
\p
\v 5 Олар боттарының аразында сүмележип турганнар: "Бир эвес "Дээрлерден" дээр болзувусса, ынчан: "Чүге аңаа бүзүревээн силер?" деп, айтырар.
\p
\v 6 А бир эвес: "Кижилерден" дээр болзувусса, медээчи деп-Иоаннга бүзүрээр болгаш, шупту чон бисти даш-биле соп кааптарлар" деп чугаалашканнар.
\v 7 Олар харыылааннар: "Кайыын келгенин билбес бис"
\p
\v 8 Иисус оларга чугаалаан: "Мен база силерге, кандыг эрге-дужаал-биле кылып турарымны чугаалавас Мен".
\p
\v 9 База Ол чонга угаадыглыг чугаа чугаалап эгелээн: "Бир кижи виноград тарып кааш, ону виноград ажаакчыларынга ачыладып кааш, үр үе дургузунда чорупкан".
\v 10 Кажан үези кээрге, виноград ажаакчыларынче, олар аңаа виноград чимизиниң дүжүдүн берзин дээш чалчазын чорудупкан. Ынчалза-даа виноград ажаакчылары ону эттээш, чүү-даа чокка чорудупкан.
\v 11 Ынчан оске чалчазын чорудупкан. Ынчалза-даа олар ону база эттээш, куду көрүп, дорамчылааш, чүнү-даа чокка чорудупкан.
\v 12 Ынчан үшкүзүн чорудупкан. Ынчалза-даа олар ону база кемдеткеш, сывыртапканнар.
\v 13 Ынчан виноградтың ээзи: "Чүнү канчаайн? Ынак оглумну чорудуптайн. Ону көргеш, оларга ыянчыг апаар чадавас"
\p
\v 14 Ынчалза-даа ону көрүп кааш, виноград ажаакчылары боттарының аразында сүмелешкеннер: "Бо салгакчызы-дыр. Бараалыңар, ону өлүрүп каалыңар, ооң өнчүзү бистиң боор".
\v 15 Ону виноград шөлүнден үндүре бергеш, өлүрүп кааннар. Виноград ээзи оларны канчап кааптарыл?
\v 16 Келгеш, ол виноград ажаакчыларын өлүргеш, өске виноград ажаакчыларынга бериптер". Ону дыңнап турганнар чугаалаан: "Ындыг чүве болбазын!"
\p
\v 17 Ынчалза-даа Иисус, оларже көргеш чугаалаан: "Бижилгеде: "Тудугжуларның херек чок дээш октапкан дажы эң чугула даш апарган" дээни чүнү көргүскенил?
\p
\v 18 Кым-даа болза, ол дашче кээп дүжер болза чуурулдур ужуп алыр, а кымче ол даш кээп дүжерил, ону чылча базып каар".
\p
\v 19 Бурганның дээди бараалгакчылары болгаш ном-хоойлу тайбырлакчылары ол угаадыглыг чугааны, Ол оларның дугайында чугаалаан деп билгеш, Ону ол-ла дораан тудуп хоругдаар арга дилей бергеннер, ынчалза-даа чондан кортканнар.
\v 20 Иисусту хайгааравышаан, Ооң бир-ле сөзүнге сылдаглап тудуп алгаш, чагырыкчының эргезинге хүлээдип бээр сорулга-биле ак сеткилдиг улус бооп мегеленген каржы кижилерни Олче ыдып турганнар.
\v 21 Олар Оон айтырганнар: "Башкы! Сээң ылап-шынны чугаалап база өөредип турарыңны билир бис. Кижилерни ылгай көрбейн, Бурганның алыс-шын оруунга өөредиир-дир Сен.
\v 22 Биске императорга үндүрүг төлээрин чөпшээрээн бе, азы чок бе?"
\p
\v 23 Ол оларның кажарлап турарын билгеш, оларга чугаалаан:
\v 24 ”Меңээ мөнгүн чоостан көргүзүңер: ында кымның чурук-дүрзүзү база кымның ады бар-дыр? "Олар: "Императорнуң"-деп, харыылааннар.
\p
\v 25 Иисус оларга чугаалаан: "Ынчаарга императорга императорнуун, Бурганга— Бурганнын бериңер".
\v 26 Чон мурнунга Ооң чугаалаан сөстеринге сылдаглап, тудуп алыр дээш чадап кааннар. Ооң харыызын кайгааш, олар ыыташпайн барганнар.
\p
\v 27 Ынчан өлген улустуң катап дирлииринге бүзүревес болгаш ону хүлээп көрбес, кезек саддукейлер чедип келгеш, база Оон айтырганнар: "Башкы! Моисей биске мынча деп бижээн болгай: "Бир эвес кадайлыг кижи ажы-тол чок тургаш, өлү бээр болза, ооң дуңмазы дулгуяк чаавазы-биле өгленип алыр болгаш база бодунуң өлген акызының үре-салгалын үспес ужурлуг".
\v 29 Ынчаарга чеди алышкы турган. Бир дугаары, кадайланып алгаш, ажы-төл чок өлүп калган.
\v 30 Ийи дугаары, ол кадайны алгаш, база ажы-тол чок олүп калган.
\v 31 Үшкүзү база ону кадайланып алган. База шупту чеделээ, ажы-төл, салгал чок өлүп кааннар.
\v 32 Оон соонда херээжен база өлүп каан.
\v 33 Ынчаарга кажан олар дирлип кээрге, ол оларның кайызының кадайы боорул, ол чеделдриизиниң кадайы чораан болгай?"
\p
\v 34 Иисус харыызынга оларга чугаалаан: "Бо үениң улузу кадай ап, ашакка барып турар,
\v 35 а келир үеде өлүглерден катап дирлииринге база чаа амыдыралдыг болурунга төлептиг улус кадай-даа албас база ашакк-даа барбас.
\v 36 База өлүр тын чок апаарлар, чүге дээрге олар дээрниң төлээлеринге дөмей-дир. Олар-Бурганның болгаш дириглерниң оолдары.
\v 37 А Моисей хып турган тенниг-хараган чанынга Дээрги-Чаяакчыны Авраамның, Исаактың база Иаковтуң Бурганы деп адааш, өлүглерниң катап дирлип кээри ылаптыг деп көргүскен болгай.
\v 38 Бурган-өлүглерниң эвес, а дириглерниң Бурганны-дыр. Ооң шупту улузу дириг болгай".
\p
\v 39 Ооң ол сөзүнге чамдык ном-хоойлу тайбырлакчылар: "Башкы! Сен шын-на чугааладың!"
\v 40 База ооң соонда Оон чүнүң-даа дугайында айтырарын дидинмээннер. А Ол олардан айтырган:
\p
\v 41 "Чүге Христосту-Давидтиң Оглу дээрил,
\v 42 Давид ыдыктыг ырылар номунда боду чугаалаан болгай: "Дээрги-Чаяакчы мээң Дээргимге мынча дээн:
\q
\v 43 "Амдыызында Сээң дайызыннарыңны Сээң буттарың адаанче октаваан шаамда, Мээң оң таламга олур?"
\p
\v 44 Ычан, Давид Ону Дээргим деп адаан. Канчап Ол ооң Оглу болурул?"
\p
\v 45 Шупту чон дыңнап турда, Иисус Бодунуң оореникчилеринге чугаалаан:
\v 46 "Узун хеп кедип алгаш кыштаарынга база улус чыылган черге хүндүледииринге ынак, ном-хоойлу тайбырлакчыларындан кичээнип чоруңар, синагогаларга бир дугаар олуттарга орар база найыр-дойларга бир дугаар черге орарлар,
\v 47 дулгуяк херээженнерниң бажыңнарын сывырыпкаш, мегелеп үр мөргүүрлер. Олар эң шыңгыы кеземчени алырлар.
\c 21
\p
\v 1 Иисус ынай бээр көрунгеш, байларны коруп каан, Олар Бурганнын өргээзиниң акша чыыр аптаразынче өргулдерни салып турганнар.
\v 2 Ийи чоос салып турган ядыы дулгуяк кадайны база көрген,
\v 3 Иисус чугаалаан: «Алыс шынны чугаалап тур мен, бо ядыы дулгугяк херээжен шупту улустан хойну салды,
\v 4 чуге дээрге шупту боттарынын артыкшылдыг байындан Бурганга өргул салып турдулар, а ол, ядыы хирезинде, бодунун амыдыраарынга бугу акшазын салып кагды».
\p
\v 5 Кажан чамдыктары Бурганның өргээзиниң дугайында, оон кайы хире чараш даштар болгаш Бурганга өргүп салган белектер-биле каастатынганын дугайында чугаалажы бергеннер. Иисус чугаалаан:
\v 6 «Силернин көруп турарыңар бугу чувени шуптузун урегдеп-бузуп кааптар. Туружундан шимчевээн даш безин артпас. Шупту буступ каар».
\p
\v 7 Оон айтырганнар: «Башкы! Ол кажан болур ужурлугул кандыг бадыткал демектери турарыл?».
\p
\v 8 Ол харыылаан: «Кичээниңер, силерни мегелеп кааптар, чуге дизе Мээң адым тудуп: «Христос – мен-дир мен деп база «ол уе» келген-дир» - дижип, хой кижи чедип кээр! Оларны эдере бербенер.
\v 9 Кажан дайын, уймээн – хөлзээзинер дугайында дыңнааш, кортпаңар, ол баштай бугу болур ужурлуг, ынчалза-даа бугу чувениң төнчузу дораан келбес».
\p
\v 10 Оон ол улаштыр чугаалаан: «Бир чонче оске чон база курунеже куруне халдай бээр.
\v 11 Куштуг чер шимчээшкиннери, чер болганга аш-чут, аарыглар, коргунчуг болуушкуннар болгаш дээрден ондур улуг, кайгамчык демдектер болгулаар.
\v 12 ынчалза-даа ол бугу болур бертинде, силерже холдарын көдуруп, истеп-суруп, тудуп хоругдап, силерни хаанарга, чагырыкчыларның холунга тудуп берип, синагогаларга шиидип, кара бажыңнарже киир октаар, Мээн адым дээш».
\v 13 Ынчан силер Мээн дугайымда херечилер апаар силер.
\v 14 Чурээңерге чуну чугаалаарыл деп баш бурунгаар боданмаңар,
\v 15 чуге дээрге Мен силерге сөсту болгаш угааны бээр мен удурланыкчыларның кайызы-даа удур туржуп база чарылдажып шыдавас кылдыр.
\v 16 Ынчан силернин ада-иеңер-даа, акы-дуңманар-даа, дөргул-төрелиңер-даа, эш-өөруңер-даа силерге өскерли бээр. Силернин чамдыыңарны өлуруп каар.
\v 17 Мээн адым дээш бугу улус силерни көөр хөнну чок апаар.
\v 18 Ынчалза – даа бажыңардан чангыс дүк безин кээп дүжүп читпес.
\v 19 Ол бугуну шыдажып эрткеш, амы-тыныңарны камгалап алыңар,
\p
\v 20 Кажан Иерусалимни аг-шериг бузээлеп алганын көрзунерзе, билип алынар ол буурап дужери удавас дээрзин.
\v 21 Ынчан Иудеяда чуртаан улус дагларже дезипсин, а хоорайнын бодунда турар улус оон үнүп чорупсун, а чоок-кавы суурларга турган улус хоорайже дедир барбазын.
\v 22 Чуге дээрге Бижилгеде бижжитинген бүгү чувениң боттаныр ужурлуу кеземче уезинин келгени ол-дур.
\v 23 Ол уеде иштиг-саатыг, эммер чаш ажы-төлдуг улус ат болур: Бүгү чуртту улуг айыыл-халап хөме алыр, Бурганның килеңи таварыыр:
\v 24 чамдык кижилер чидиг хылыштан өлур, чамдыызын өске чоннарже тудуп алгаш баар, а өске чоннар улузуннуң тергидээр уези төнгужеге чедир, олар Иерусалимни таптай базып кээр.
\p
\v 25 хүнге, айга, сылдыстарга кайгамчыктыг демдектер костур, а далайнын шимээргеп, хөлзээринден аймаараан чоннар чер кырынга сүрээдеп, корга бээрлер.
\v 26 Черже кел чыдар айыыл халапты манааш, кортканындан улус угаан медерелин чидирип турган, чуге дээрге дээрнин күчү-күжү сириңейни бээр.
\v 27 Ынчан күчү-күжү биле база өндур чырыы-биле булут кырлап кел чыдар кижи Оглун көруп каарлар.
\v 28 Кажан ол бүгү боттанып эгелээрге, сан дорт туруп алгаш, баштарыңар өрү көдурер силер, чуге дээрге хосталгаңар чоошкулап келген дир.
\p
\v 29 Иисус угаадыглыг чугаа чугаалаан: «Коруңер инжирлиг ыяшче база шупту өске ыяштарже топтап көруңер.
\v 30 кажан көөрүңерге, оларның бүрүлери частып эгелээрге, чай удавас дээрзин эндевес болгай силер.
\v 31 Шак ынчалдыр, ол бүгүнүң боттанып эгелээнин көрүп кагзыңарза, Бурганның чагыргазы чоокшулап келгенин билип алыр силер.
\v 32 Алыс шынны силерге чугаалап тур мен: ол бүгү чуве ботанмаан шаанда, бо салгалдың улузу өлүп читпес
\v 33 Дээр-биле чер эстип чиде бээр, а Мээң сөстерим эстип читпес!
\p
\v 34 Боттарыңарже көрнуңер, силерниң чуректериңер уен-даян хөглээшкинге, араглаашкынга база амыдыралдың сагыш салдарынга алзып дашталбазын база ол хүн хенертен келбезин,
\v 35 чуге дээрге, ол дузак дег чер кырын ээлеп чуртаан бүгү улусту шыва аптар.
\v 36 Ынчангаш, хун бүрүде сергек болуңар база мөргүңер, бо бүгү кел чыдар айыыл-халаптардан чайлай бээр харыктыг болур дээш база Кижи Оглунуң мурнунга бараалгаар дээш, үргүлчү серемчилелдиг болуңар».
\p
\v 37 Иисус хүннүң-не чонну Бурганның өргээзинге өөредип турган, а кежээ дужерге Елеон даанче чоруткаш аңаа хонуп аар турган.
\v 38 Бугу чон ону дыңнаары-биле эртениң-не Бурганның өргээзинге чыглып кээр турганнар.
\c 22
\cl 22 эге
\p
\v 1 Хаарган далганнар, байырлалы база Хосталыышкын байырлалы чоокшулап турган.
\v 2 Бурганның дээди бараалгакчылары болгаш ном-хоойлу тайылбырлакчылары Иисусту өлүрер дээш, эптиг арга дилей бергеннер, ынчалза-даа чондан коргуп турганнар.
\p
\v 3 Эрлик ынчан он ийи элчинниң бирээзи болур Искариот деп адаткан Иудаже кире берген.
\v 4 Иуда Иисусту оларга канчаар садыптарын дугуржуп алыр дээш, Бурганның дээди бараалгакчыларынга база баштанчыларынга чеде берген.
\v 5 Олар амырай берип, Иудага акша толээрин аазааннар.
\v 6 Иуда аксы-созун бергеш, садыптар эптиг арга дилеп, чон чокта ону садар деп бодап алган.
\p
\v 7 Хаарган далганнар байырлалының хүнү келген, хосталыышкын байырлалынга чиир хураганны дөгерер хүн турган.
\v 8 Иисус Петр биле Иоанны айбылап чоруткаш «Баргаш, хосталыышкын байырлалынга чемден белеткеп калыңар» - дээн.
\p
\v 9 Олар Иисусдан: «Силер ону бисти каяа белеткеп кагзын деп кузеп тур силер?» - деп айтырганнар
\p
\v 10 Ол харыылаан: «Хоорайже кире бээриңерге, суглуг доңга туткан кижи уткужуп кээр. Ол кижиниң кире бээри бажыңче ону эдерип чеде бергеш,
\v 11 бажын ээзинге мынча дээр силер: «Өөреникчилерим-биле кады хосталыышкын байырлалының кежээки чемин чиир өрээл кайда? – деп, Башкы сенден айтырып тур.
\v 12 Оон ол силерге аайлап-белеткеп каан үстүкү делгем өрээлди айтып бээр. Шупту чүвени аңаа белеткээр силер».
\v 13 Олар чоруткаш, бүгү чүвени Иисустуң чугаалаан аайы-биле тып алгаш, хосталыышкының чемин белеткеп кааннар.
\p
\v 14 Үе-шак кээрге, Иисус он ийи элчиннери-биле кады чемненири-биле олурупканнар.
\v 15 Ол чугаалаан: «Хостаалыышкын байырлалының бо чемин хилинчээмниң мурнунда силер-биле кады четтигерин дыка-ла кузээн мен».
\v 16 Силерге чугаалап тур мен: «Байырлал дою Бурганның чагыргазынга болбаанда, Мен оон ынай ону чивес мен».
\v 17 Оон Иисус дашканы тудуп алгаш Бурганга өөрүп четтиргеш, чугаалаан: «Мону хүлээп алгаш, араңарга улежип алыңар».
\v 18 Силерге чугаалап тур мен: «Бурганның чагыргазы келбээн шаанда, виноград чимизиниң арагазын Мен ишпес мен».
\v 19 Оон Иисус хлебти алгаш, Бурганга өөруп четтиргеш, ону үзе тырткаш, оларже сунмушаан, мынча дээн: «Бо дээрге силер дээш берип турарым Мээң мага-бодум-дур. Ону Меңээ тураскаал кылдыр ынчаар кылып чоруңар».
\v 20 Оон соонда Иисус дашканы алгаш мынча дээн: «Бо дашка дээрге силер дээш төгерим Мээң ханым-биле чардынар чаа-чагыг керээ-дир.
\v 21 Мени садыптар кижиниң холу Мээң холум-биле кады столда салдынган-дыр.
\v 22 Ынчалза-даа Кижи Оглу Бодунуң салымынга уткуштур айытканын езугаар чоруп орар, а ону садыптар кижи ат болур».
\p
\v 23 Өөреникчилери бот-боттарындан «Кым ындыг чуве кылыптарыл?» - деп айтыржып эгелээннер.
\p
\v 24 Оон өөреникчилериниң аразынга оларнын кайызы эң чугула боорул деп маргыжып эгелээннер.
\p
\v 25 Ынчан Иисус оларга чугаалаан: «Өске чоннар улузун хааннары чагырар, а чагырыкчылар боттарын «ачы-буянныглар» бис-деп адаттынарлар.
\v 26 Силер оларга дөмей болбаңар. Харын-даа силернин араңарда эң улууңар эң бичииңер дег болзун, а башкарып турарыңар – бараан болган чалчаңар дег болзун.
\v 27 Кым чугулал? Стол артындан чемненип олурар кижи бе азы бараан болуп турар кижи бе? Чемненип олурар кижи-деп бодадыңар бе? А мен силерниң араңарда бараан болган чалчаңар дег-дир мен.
\p
\v 28 Силер Мээң-биле бүгү шенелделеримни кады ажып эрткен болгай силер,
\v 29 Ынчангаш, Мен база чагырганы, Адамның Меңээ бергени дег, силерге берип тур мен,
\v 30 чуге дээрге силер чиир база ижер силер мээң столум артынга мээң чагыргам кээрге, дүжүлгелерге саадапкаш, Израильдин он ийи, аймаан шиидер силер.
\p
\v 31 Симон, Симон: Эрлик кызыл-тасты богундан арыглаары дег, силерни шишкиир эргени дилеп тур,
\v 32 ынчалза-даа мен сен дээш, бүзүрелиң читпезин дээш мөргүп турдум, эглип келгеш, дунмаларың быжыктырып көр.
\p
\v 33 Петр Анаа харыылаан: «Дээргим! Мен Силер биле кады кара-бажынче-даа, өлумче-даа баарынга белен мен» - дээн
\p
\v 34 Иисус чугаалаан: «Сеңээ чугаалап тур Мен, Мени билбес болуп, сен Менден үш катап ойталаар-дыр сен».
\p
\v 35 Оларга база чугаалаан: «Кажан силерни акша шоодай, хеп, идик чокка чорудуп турумда, кандыг-бир чүүлге чединмес турдуңар бе?» Олар: «чединмес чүвевис чок турган»-деп харыылааннар.
\p
\v 36 Оон Ол оларга чугаалаан: «Ам кымда барба, акша бар-дыр, оозун ап алзын, хавыңарны база ап чорунар. А кымда хылыш чогул, хевин садыпкаш, хылыштан садып алзын».
\v 37 Бижилгеде Мээн дугайымда «Ону кем-херек үүлгедикчизи кылдыр санаан»- деп бижээн чүве боттаныр ужурлуун силерге чугаалап тур мен. Мээң дугайымда бижиттинген бүгү чүве удавас чогуп будер ужурлуг».
\p
\v 38 Олар мынча дээннер: «Дээрги, көрүңерем бисте ийи хылыш бар-дыр». Иисус оларга: «ол четчир» - деп каан.
\p
\v 39 Оон чоруткаш, чаңчыккан аайы-биле Елеон даанче чорупкан. Өөреникчилери база Ону эдерип чорупканнар.
\v 40 Чедер черинге келгеш, Иисус оларга: «Күткүлгеге алыспазы-биле мөргүңер дээн».
\v 41 А Боду олардан даш окташ хире черже ырай берге, дискектенип олурупкаш, мынчаар мөргүй берген:
\v 42 «Адам, Сээн күзел-сорууң ындыг болза хилинчектиң бо дашказын менден чайлады берем. Ындаг-даа болза, бүгү чуве Меңии эвес, а Сээң күзел-сорууң езугаар болзун».
\v 43 Ынчан дээрнин төлээзи чедип келгеш, Ону быжыктыра берген.
\v 44 Хилинчектени бергеш, Иисус улам күштүг мөргуй берген, Ооң дери, ханның дамдылары дег, черже төктуп бадып турган.
\v 45 Мөргээш тургаш, Ол өөреникчилерниге чедип кээрге, олар улуг уйгуга алзып удуп калган болганнар.
\v 46 Оларга чугаалаан: «Чүге удуп чыдыр силер? күткүлгеге алыспас дээш, тургаш мөргүңер!»
\p
\v 47 Иисус ону чугаалап турда, хөй чон бо келген, он ийи элчиниң бирээзи болур Иуда оларны баштап чораан. Оон ол Иисусту ошкап каар дээш, Аңаа чоошкулап келген.
\v 48 Иисус анаа: «Иуда, кижи Оглун таанда-ла ошкаашкын-биле садарың ол бе?» - дээн.
\p
\v 49 Иисустун чанынга турган өөреникчилери, херек берге апарганын көргеш: «Дээрги, хылыштарывыс сегирип алыылы бе?» - деп айтырганнар.
\v 50 оларнын бирээзи Бурганнын дээди бараалгакчызының чалчазының оң талакы кулаан хылыш-биле одура шаапкан.
\p
\v 51 Иисус ынчан: «Соксаңар, ам болзун!» - дээн. Оон чалчаның кулаанга холу-биле деггеш, эккиртип каан.
\v 52 Бурганның дээди бараалгакчыларынга база баштыңнарга, Ону тудуп хоругдаары-биле келген улуска Иисус чугаалаан: «Силер чүге мени тудуп алыр дээш, хылыштарлыг, мооң ыяштарлыг келгениңер ол? Кай, Мен дээрбечи-дир мен бе?
\v 53 Мен хүннүң-не силер-биле кады Бурганның өргээзинге турдум, ынчан силер Менээ хол дегбээн силер, ынчалза-даа ам думбейге чагырткан, силерниң үеңер келген-дир».
\p
\v 54 Иисусту тудуп аппаргаш, Бурганнын дээди бараалгакчызының бажыңынга эккелгеннер. Петр ырактан эдерип чоруп орган.
\v 55 Чыылган улус херим иштинге от салгаш, дөгере чыннып олуруп алырга, Петр база оларның аразынга олуруп алган.
\v 56 Бир чалча херээжен от чырыынга Петрну көрүп кааш, олче топтап кайгааш: «Бо кижи база Ооң-биле кады чораан кижи» - дээн.
\p
\v 57 Петр аңаа: «Дуңмам, мен Ону танывас мен» - деп чугаалааш, Иисустан ойталапкан.
\p
\v 58 Элээн болганда, өске бир кижи ону көруп кааш: «Сен база оларнын бирээзи – дир сен» - дээн.
\p
\v 59 Бир шак хире үе эрткенде, база бир кижи бүзүрелдиг чугаалаан: «Бо кижи ылап-ла Ооң-биле кады чораан-дыр, чүге дээрге Галилея чурттуг кижи ышкажыл».
\p
\v 60 Петр аңаа: «Чуу деп турарыңны билбейн-дыр мен» - дээн. Петр чугаазын төндүрүптерге-ле, аскыр-дагаа алыгыра берген.
\p
\v 61 Ол өйде Дээрги Иисус эглип келгеш, Петрже чиге көрүпкен. Петр ынчан Иисустуң: «Бөгүн аскыр-дагаа алгырар бетинде, сен Менден үш катап ойталаар-дыр сен» - дээнин сактып келген.
\v 62 Ол ооң соонда үнгеш, мөөредир ыглай берген.
\p
\v 63 Иисусту кадарган таңныылдар Ону бак соглеп, эттеп эгелээннер.
\v 64 Олар Ооң карактарын дуй шарааш: «Сени кым шанчыпты? Өттур билип медегле!» - деп айтырып турганнар.
\v 65 Олар оон-даа өске хөй дорамчылап Ону сөглеп турганнар.
\p
\v 66 Хүн үнүп кээрге, чоннуң баштыңнары, Бурганның дээди бараалгакчылары болгаш ном-хоойлу тайбырлакчылары чыглып келгеш, Иисусту дээди Иудей Чөвүлелинче киире бергеш:
\v 67 «Сен-Христос сен бе? Биске чугаала!» - дээнер. Иисус мынча деп харыылаан: «Мен силерге чугаалаарымга – даа бузурээр эвес силер,
\v 68 силерден айтырыг салзымза, Меңээ харыылаар эвес силер.
\v 69 Ынчалза-даа амдыгааштан эгелээш, «Кижи Оглу күчү күштүг Бурганның оң талазынга олуруп алыр-дыр».
\p
\v 70 Олар дөгере: «Ынчаарга Сен – Бурганның Оглу сен бе?» - деп айтырганнар. Ол харыылаан «Силер чугаалап тур силер».
\v 71 Олар ынчан: «Биске ам кандыг херечилел херегил? Боттарывыс бүгү чүүлдү Ооң аксындан дыңнадывыс ышкажыл!» - дээннер.
\c 23
\cl 23 эге
\p
\v 1 Оон хуралга турган шупту улус Иисусту Пилатче алгаш чорупкаш,
\v 2 Ону буруудадып эгелээнер:" Бистер Оон чонну оскээр будап турарын көруп кагдывыс, кесарьга үндүрүг төлээрин хоруп турган' бодун Христос Хаан деп адатынып турган".
\p
\v 3 Пилат Оон айтырган: "Сен Иудей Хаан сен бе? Ол анаа Сен чугааладың - деп харыылаан".
\p
\v 4 Пилат баштаңчыларга база чонга: "Мен Ол кижиде кандыг-даа буруу тыппадым".
\p
\v 5 Ынчалза даа олар негевишаан чугааланнар, Ол чонну хөлзедип, бүдүн Иудеяга Галилеядан эгелээш бо черге чедир өөредип турган.
\p
\v 6 Пилат Галилея дугайында дыңнааш айтырган: "Ындыг болза Ол галилеядан бе?".
\v 7 Кажан ол Иродтун девискээринден деп билип кааш, Ону Иродче чорудупкан, ол хүннерде ол Иерусалимге турган.
\v 8 Ирод Иисусту көрүп кааш аажок өөрээн чуге дээрге Ону шагда-ла көрүксеп турган болгаш, Оон дугайында хөйну дыңнаан болгаш кандыг бир кайгамчык чүүлду көрүксеп турган.
\v 9 Ол аңаа дыка хой айтырыглар салган, ынчалза - даа Иисус чүнү-даа харыылаваан.
\v 10 Баштыңчылар база ном - хоойлу тайбырлакчылары Ону дыка буруудадып турганнар.
\v 11 Ирод бодунуң шерии-биле Ону куду көрүп база кыжырып каттыржып, каас-коя хепти кедиргеш дедир Пилатче чорудупкан.
\v 12 Ол хуннерден эгелээш Пилат биле Ирод өңнуктер апарганнар, олар оон мурнунда аразында дайзынар бооп көрүшпес турганнар.
\p
\v 13 Пилат баштыңчыларны, удуртукчуларны болгаш чонну,
\v 14 кыйгырып алгаш, оларга чугаалаан: "Силер меңээ бо кижини, чонну өскээр будап турар дээш эккелген силер. Силерниң мурнуңарга мен бо херекти истеп көргеш, бо кижиден кандыг даа буруу чок-деп көрдүм.
\v 15 Ирод база буруудадыр чүү даа тыппаан чүге дээрге, мен Ону олче чорудуптарымга өлуруп шиидер хире буруу чок болган.
\v 16 Ынчангаш мен Ону кезеткеш салыптар мен".
\v 17 Байырлал хүнү таваржып келирге Пилат бир хоругдаттырган кижини албан хостап салыр ужурлуг турган.
\p
\v 18 Шупту алгыржып эгелээн: "Аңаа өлүм! Варавваны биске хостаңар."
\v 19 Варавваны хоорайга тура халыышкын болгаш өлүрүүшкүн кылганы дээш хоругдап каан турган.
\v 20 Пилат Иисусту хостаар күзели-биле база катап чугаалаан.
\p
\v 21 Ынчалза-даа олар: «Ону хере шавар, хере шавар!» -деп алгыржып турганнар.
\v 22 Ол оларга үш дугаар: «Ол кандыг дерзии чуве кылганыл? Ону өлүрер хире чуу-даа тыпадым. Ынчангаш Ону кезеткеш салыптар мен".
\v 23 Ынчалза-даа олар алгырышпышаан, Ону хере шаварын улам негеп. Оларның алгызы оон-даа күштелип турган.
\v 24 Ынчан Пилат оларның негелдезин күүседип
\v 25 тура халыышкын болгаш өлүрүүшкүн дээш кара-бажыңнаткан кижини салыпкаш, а Иисусту оларның кузелин езугаар шажылаар кылдыр чөшперээн.
\p
\v 26 Кажан Ону аппар чорда, шөлден кел чыткан Киринеядан Симону туткаш белдир крести аңаа чүктеткеш Иисустуң соондан чоруур кылдыр дужааган.
\v 27 Ооң соондан хамык чон болгаш херээженнер Ону дээш ыглажып бар чорааннар.
\v 28 Иисус оларже көрнүп келгеш чугаалаан: "Иерусалимнин уруглары! Мен дээш ыглашпанар, боттарыңар база ажы - төлүңер дээш ыглажыңар'
\v 29 чуге дизе божуп төрүвээн, уруг-даа эмзирбээннер аас-кежиктиг дээр хүннер кел чыдар-дыр!".
\v 30 Ынчан олар дагларга: «Бистерже кээп дүжүңер! база тейлерге: «Бисти чажырып алыңар!"–деп чугаалап эгелерлер.
\v 31 Бир эвес ногаарарган ыяшты безин ынчаар аажылаар болза, а кургаг ыяш-биле чүү боорул?".
\p
\v 32 Ооң-биле кады шаажылары-биле ийи дерзии херектээннерни аппар чыткан.
\v 33 Баш-сөөгу дээр черге келгеш Ооң-биле кады ол ийи херектээннерни бирээзин оң талазынга, бирээзин солагай талазынга хере шаапкаан.
\v 34 Иисус: "Адам!' оларны өршээп көр чүнү кылып турарын билбестер-дир" - деп чугаалаан. Олар Ооң хевин улежири-биле улуг дажын октажып турганнар.
\v 35 Чон көрүп турган. Баштыңчылар Иисусту кыжырып: "Өскелерни камгалап турган. Бир эвес Ол Бурганның шилип алганы' Христос болза Бодун Боду камгалазын!
\p
\v 36 Шериглер база Иисусту дорамчылап: уксус тудуп алгаш: Аңаа кээп
\v 37 "Бир эвес сен Иудеянын Хааны болзуңза' Бодунну Бодуң камгала" - деп турганнар.
\v 38 Оон кырында: "Бо - Иудеяның Хааны-дыр деп бижип каан турган".
\p
\v 39 Хере шаптырганнарның бирээзи Ону куду көрүп: "Бир эвес Сен Христос болзуңза Бодуңну база бисти камгалап көр".
\p
\v 40 Өскези ону чемелеп: "Канчап Бургандан кортпас сен, кажан бодуң база ынчаар шииттирген хиреңде?
\v 41 Бистиң үүлгеткен херээвис дээш шиттиргенивис шын, а Ол багай чүнү даа кылбаан дыр".
\v 42 Оон Иисуска: "Дээрги, Бодуннуң Чагыргаңга баргаш мени утпайн көрем!" - дээн.
\p
\v 43 Иисус анаа: "Сенээ алыс-шынны чугаалап тур мен: Бо хүн-не Мээң-биле кады дыважаан оранынга боор сен".
\p
\v 44 Хүндүскүнүң алды шакта бүгү чер кыры дүмбей караңгы дүжүп тос шакка чедир уламчылаан,
\v 45 хүн караа көзулбестей берген. Өргээде көжеге ортузундан ийи чара орлу берген.
\v 46 Иисус ыыткыр үн биле: "Адам! Сээң холуңче Бодумнуң амы-тыным бердим". Ону чугаалааш амы-тыныдан чарлы берген.
\p
\v 47 Ону көрүп турган чус шериг баштаңчызы, Бурганы алдаржыдып чугаалаан:" Бо кижи ылап-ла чөптуг-шынныг кижи-дир".
\v 48 Аңаа чыглып келген бүгү улус, болган чүүлдү көргеш, чөгээнчивисти деп хөрээн шанчып тарап чоруп турганнар.
\v 49 Шупту Ону билир турган улус база Галилеядан эдерген херээженнер ырактан көрүп турганнар.
\p
\v 50 Ол черге Иосиф-деп аттыг дээди Иудея чөвүлелиниң кежигүнү, буянныг болгаш шынчы кижи
\v 51 Иудеянын Аримафея хоорайындан, Бурганның Чагыргазын манап турган болгаш оларның ажыл-херээнге база чыышка киришпейн турган,
\v 52 ол Пилатка келгеш Иисустуң мөчүзүн дилээн.
\v 53 Ооң мөчүзүн дүжүргеш, пөс-биле ораагаш, мынчага дээр кымны даа орнукшутпаан хаяада оя каккан чевег-куйга орнукшудуп каан.
\v 54 Ол белеткел хүнү болган. Амыр-дыш хүнү кел чыткан.
\v 55 Галилеядан Иисус-биле кады келген херээженнер ынаар чорупкааннар. Олар ол чевег-куйга Иисустуң мага-бодун орнукшудуп каанын база көргеннер.
\v 56 Дедир чедип келгеш, чаагай-чыттыг холумактарны база мирраны белектеп алганнар. Амыр- дыш хүнүнде ыдыктыг хоойлуну сагып дыштанганнар.
\c 24
\cl 24 эге
\p
\v 1 Неделяның бирги хүнүнде белеткеп алганы чаагай-чыттыг үстерин ап алгаш чевег-куйга эртен эрте чедип келгеш,
\v 2 чевег-куйну дуглаан дашты чайладыр идип каанын көруп кааннар.
\v 3 Иштинче кире бергеш Дээрги Иисустуң мага-бодун тыппаннар.
\v 4 Олар ол дээш аайын тыппайн турда, хенертен оларның мурнунга чайыналып турар хептиг ийи эр кижи көступ келген.
\v 5 Кажан олар кортканындан черже куду коруп алгаш турда, олар оларга: "Силер чүге дириг кижини өлүглер аразындан дилеп тур силер?
\v 6 Ол мында чок: Ол дирилген. Сактып келиңер кажан Иисус Галлилеяга тургаш-ла,
\v 7 Кижи Оглун бачыттыг улус холунга хүлээдип бээр, база хере шаап каар-деп чугаалаан" болгаш үш дугаар хонуунда дирлип кээр.
\v 8 Олар Оон сөстерин сактып келген.
\v 9 Чевег-куйдан чедип келгеш, ону он бир өөреникчилеринге база өске улуска дыңнатканнар.
\v 10 Олар Мария Магдалина, Иоанна, Иаковтуң авазы Мария база өскелер элчиннерге ол дугайында чугаалааннар.
\v 11 Оларның сөстери бүзүренчиг эвес болган, ынчангаш олар аңаа бүзүревээннер.
\v 12 Ынчалза-даа Петр тура халааш чевег-куйже халып чорупкаш, донгайып киргеш чугле пөс чыдарын көрүп кааш, бодунуң иштинде элдепсинип ээп келген.
\p
\v 13 Ол-ла хүн оларның ийизи Иерусалимден он ийи километр хире черде Эммаус-деп суурже бар чорааш,
\v 14 ол бүгү болган болушкуннар дугайында аразында чугаалажып чораннар.
\v 15 Кажан олар чугаалажып чорда оларга Иисус Боду чоокшулап келгеш, оларның-биле кады чорупкан.
\v 16 Ынчалза-даа оларның карактары дуглалыг ышкаш болганындан олар Ону танываан.
\v 17 Ол олардан:"Орук дургаар араңарда чүнү сайгаржып чор силер?"- деп айтырган. Олар муңгаргай тура дүшкеннер.
\p
\v 18 Оларның бирээзи Клеопа аңаа харыылаан: "Бо хонуктарда Иерусалимде чүү болганын чангыс сен билбес хире Сен".
\p
\v 19 Ол олардан: "Чогум чүү дугайында? -деп айтырган. Олар аңаа "Назарет чурттуг Иисус-биле болган бүгү чүүл дугайында. Ол бүгү чоннуң болгаш Бурганның мурнунга ажыл-херээ биле болгаш сөзу биле күштүг медээчи чораан»- деп харыылаанар.
\v 20 Бистиң дээди бараалгакчыларывыс база баштаңчыларывыс Ону белдир ыяшка хере шаап олүрүп шииткен.
\v 21 А бистер Израильди хостаар кижи ол-деп идегеп турган бис. Ам бо хүн оон бээр уш хонук эрти.
\v 22 Аравыста турар херээженнер бисти кайгаткан: олар чевег-куйга баргаш Ооң мага- бодун тыпааннар. Ынчалза - даа дээрнин төлээлери Ол дириг-деп оларга чугааларга олар ээп келгеш ону дамчытканнар.
\v 24 Бистин чамдыывыс ол чевег-куйга баарга оларның чугаалап турганы дег болган. Ынчалза-даа Ону көрбээннер".
\p
\v 25 Ол ынчан оларга чугаалаан: "Медээчилерниң чугаазынга бузуревес. О, бодал чок база кошкак чүректерлиг улус боор силер!".
\v 26 Христос шак ынчаар хинчектенгеш Бодунуң алдарынче кирер ужурлуг эвеспе?».
\v 27 Ынчангаш Моисейден эгелээш бүгү бижилгеде Ооң дугайында шупту медээчилерниң чугаалап турганын, тайбырлап берген.
\p
\v 28 Олар баар ужурлуг суурунга чоокшулап келгенде, Ол оруун уламчылаарын көргускен.
\v 29 Олар Ону артып каарын ээрежип: «Бистиң-биле артып кал чүге дизе орайтап кежээлеп тур". Ол киргеш оларның-биле артып калган.
\v 30 Ынчан Иисус оларның-биле чемненип ора, хлебти алгаш алгап - йөрээгеш оларга улештир сунуп берген.
\v 31 Ынчан оларның карактары ажыттынып, Ону танып кааннар. Оон Ол оларга көзулбейн барган, бот-боттарынга мынча деп турганнар:
\v 32 Кажан Ол орукка бистерге Бижилгени тайылбырлап чугаалап чорда, чуректеривис кыптыгып турбаан ийик бе?"
\v 33 Ол - ла дораан чорупкаш Иерусалимче ээп келгеш, он бир элчиннерни база оларның-биле турган улусту тып алганнар.
\p
\v 34 Олар оларга, Дээрги шынап-ла дирилген, база Симонга көзулген-дир-деп чугаалааннар.
\v 35 А олар орукка болган чүүлду чугаалап база Ол хлебти буза дырткаш улеп турда Ону танып каанын чугаалааннар.
\p
\v 36 Кажан олар ону чугаалажып турда-ла Иисус Боду оларның аразынга чедип келгеш: Силерге тайбын доктаазын"-дээн.
\v 37 Олар сүнезин көрүп каан бис-деп бодааш дүвүреп корга бергеннер.
\v 38 Ынчалза-даа ол оларга чугаалаан: "Чуге коргуп тур силер? Чуге ындыг бодалдарны чурээңерже киирип турар силер?".
\v 39 Мээң холдарымче база буттарымче көрүңер даан - бо Мен-дир Мен. Мени дээп, тудуп база коруңер даан. Сүнезинде Менде ышкаш мага-бот болгаш сөөктер чок болгай."
\v 40 Ону чугаалааш оларга холдарын, буттарын көргускен.
\v 41 Кажан олар өөренинден кайгап ам-даа бүзүревейн турда Иисус олардан: "Силерде кандыг бир чиир чем бар бе?"  -деп айтырган.
\v 42 Олар Анаа быжырган балык-биле ары-чигирин бергеннер.
\v 43 Ол Ону ап алгаш оларның мурнунга чип турган.
\p
\v 44 Оон Иисус оларга мынча дээн: "Моисейниң хоойлузунда, медээчилерниң номнарында база ыдыктыг ырларында Мээң дугайымда бижээн бүгү чуве боттаныр ужурлуун силерге чугааланым, ол чүүл бо ышкажыл".
\v 45 Ынчан Ол оларга бижилгени билиир кылдыр ажыдып берген.
\v 46 Бижип кааны дег Христос ынчаар хинчектенир ужурлуг, оон үш дугаар хонуунда өлүглерден дирлип кээр,
\v 47 Ооң ады-биле шупту чоннар бачыттарын миннип өршээлди алыры-биле, база Иерусалимден эгелээш суурталдап өөредип эгелээр,
\v 48 а силер Ооң херечилери силер.
\v 49 Мен силерге Адамның аазаан чүүлүн чорудуп бээр мен. А силер дээрден күштү алгыжеге чедир Иерусалим хоорайга арттып калыңар".
\p
\v 50 Оларны хоорайдан Виффанияже чедир ундуре бергеш холдарын өрү көдүргеш алгап йорээп каан.
\v 51 Кажан оларны алгап-йорээп тургаш-ла Ол олардан ырап дээрже көдүрлүп үнүп эгелээн.
\v 52 Олар Аңаа мөгейгеш аажок өөрүшкүлүг Иерусалимче ээп келгеннер.
\v 53 Олар Бурганы алгап-йөрээп, алдаржыдып Бурганың өргээзинге үргүлчү турганнар. Аминь.