See in Reader
91 lines
9.7 KiB
Plaintext
91 lines
9.7 KiB
Plaintext
\id 2PE
|
|
\ide UTF-8
|
|
\h Petera 2
|
|
\toc1 Petera 2
|
|
\toc2 Petera 2
|
|
\toc3 2pe
|
|
\mt Petera 2
|
|
\c 1
|
|
\cl Toko 1
|
|
\p
|
|
\v 1 Simona Petera, mpanompo vaho apositoly Jesosy Kirisity, hoahy reo ze nahazao ty finoa lafo-vily manahake ze niraesenay, finoa ao amity hamarean'Agnaharentika vaho Jesosy Kirisity Mpamonje.
|
|
\v 2 Hampitomboe anie ty hasoava vaho fiadagna naho ty fahaia an'Agnahare vaho Jesosy Tompontika
|
|
\p
|
|
\v 3 Reo zaka iaby mikasike ty heren'Agnahare hoahy ty fiaigna vaho teram-pagnahy le nameaantika tamity alala ty fahaia an'Agnahare, ty nikaike antika tamity alala ty hasine vaho ty hasoane arere.
|
|
\v 4 Tamity alala reo, nameane rehake fikasa soa vaho bey vatane tika, mba ho lasa mpizara amity fomban'Agnahare nareo, laha miala ty halotoa ze eto antane naho reo paian-draty.
|
|
\p
|
|
\v 5 Laha zao, manova ty soa vatane mba hagnampea hasoa amity alala ty finoanareo, naho amity alala ty hasoanao, ty fahaia.
|
|
\v 6 Amity alala ty fahaianareo, magnampea fagnonognam-po, naho amity alala ty fagnonognam-po nareo, magnampea fiareta, naho amity alala ty fiaretanareo, magnampea toeram-pagnahy.
|
|
\v 7 Amity alala ty toeram-pagnahinareo, magnampea hatea rahalahy, naho amity alala ty hatea rahalahy, magnampea hatea.
|
|
\v 8 Laha ao aminareo reo naho mitombo ao aminareo, le tsy hamoa ndra tsy hamokatre amity fahaia Jesosy Kisirity Tompontika nareo.
|
|
\v 9 Fa ndra ia ia tsy ampe reo zaka reo le tsy mahita laha tsy ze marine; goa re. Nihalignone ty fagnaliova aze tamireo hadisoane taloha.
|
|
\v 10 Laha zao, ry rahalahy, anovo iaby mba hahazoa antoke ty fikaiha vaho ty fifiliana anareo. Laha manao reo zaka reo nareo, le tsy ho voafinga.
|
|
\v 11 Amizay le malalake ho anareo ty filira ao amity fanjaka zisikagne te ahy Tompontika vaho Jesosy kirisity mpamonje.
|
|
\p
|
|
\v 12 Laha zao le vogno avao raho hampahatiaro anareo reo zaka reo, ndra le hainareo aza reo, naho ndra le mafe ao amity mare aza nareo henanezao.
|
|
\v 13 Zaho midineke fa rarene amiko ty mamoha anareo amity fampahatiarova reo zaka reo, laha mboe eto amity tragno toy raho.
|
|
\v 14 Satria haiko fa tsy ho ela le hafahako ty tra-laeko, manahake ze natoro Jesosy Kirisity Tompontika ahy.
|
|
\v 15 Naho hataoko ze farane vitako mba hahatiarovanareo zisikagne reo zaka reo laha fa lasa raho.
|
|
\p
|
|
\v 16 Fa zahay le tsy nagnorike talily soa asa ze finoro laha fa nirehake taminareo ty miomba ty here vaho ty nisehoa Jesosy Kirisity Tompontika. Fa kea, zahay le vavolombelo nahita ty haroandriane.
|
|
\v 17 Fa Re le naharae laza aman-kasy bakamin'Agnahare Rae laha fa nisy feo niavy tamine eo tamity hasy bey vatane ty hoe: “Toy ro Anako malalako, te teako vatane.”
|
|
\v 18 Naharey ze feo zay tagne andagnitse zay zahay, laha fa niarake tamine tegne ambohitse masy.
|
|
\v 19 Tika le mana ty tsara famisavisa ze le fa natao mafe ore toy. Tokone hiambe zay soa nareo. Zay le hoe ty jiro mazava ao agnate ieke mandram-pahavy ty maray vaho ty kinta ty maray miakatre ao amponareo.
|
|
\v 20 Haizo aloha zao, fa tsy misy famisavisa bakamity fagnan-karan-kevetre ty ndaty.
|
|
\v 21 Fa tsy misy famisavisa bakamity sitrampo ty ndaty. Fa kea, tinary ty Fagnahy Masy ie rey mba hirehake ze nirehafen'Agnahare.
|
|
\c 2
|
|
\cl Toko 2
|
|
\p
|
|
\v 1 Ty mpamisavisa sandoke le niavy teo amity ndaty, naho ty mpampianatre sandoke avao kea le hoavy eo aminareo. Handay ambalike sain-diso mamoteke iereo, naho hilietre ty Tompo ze nivily iereo. Iereo le manday hapoteha malaky amiereo.
|
|
\v 2 Maro ro hagnorike ty falemea iereo, naho amity alala rey ro hirehafan-draty ty lily ty hamarea.
|
|
\v 3 Amity fivaza ro hagnararaotane anareo miarake amity rehake mamitake. Tsy hoe lea ty fagnameloha ie rey; tsy miroro ty hapoteha ie rey.
|
|
\p
|
|
\v 4 Fa Zagnahare tsy nandefetre reo anjele ze nanota. Fa kea natolone ho amity velagne tane iereo mba ho voata amity gadra ty faieke mandram-pahavy ty fitsara.
|
|
\f + \ft Fagnanarea: Ty dikan-drehake taloha ilane le mivaky ty hoe: “Mba ho fehe ao amity lavake ty faieke mandram-pahavy ty fitsara.” \f*
|
|
\v 5 Naho kea, tsy namototre zeo iaby zao taloha Re. Fa kea, namonje Noah, ty mpitalily ty hamarea, miarake amity fito hafa, laha fa nanday ty safo-drano tamity fagnahy teto amizao iaby zao re.
|
|
\v 6 Zagnahare avao kea le nanao reo tana Sodoma vaho Gomora ho lavenoke naho nagnameloke iereo ho amity hapoteha, ho hoe ty ohatre amize hiseho amity raty fagnahy.
|
|
\v 7 Fa i Lota mare, te nampijale tamity etam-bata reo ndaty tsy ara-dily tamity halemea, le vinonjen'Agnahare.
|
|
\v 8 Fa ze lahilahy zay, te nivelo niarake tamiereo isan'andro, le mahaferegnay tamity fagnahy ty hamareane naho zay hitane vaho reine.
|
|
\v 9 Hay Tompo ty fomba hamonjea reo ndaty soa fagnahy amireo fitsapa, vaho ty fomba hitana reo ndaty tsy mare ho amity fagnaliloa amity andro ty fitsara.
|
|
\v 10 Mare vatane zay hoahy reo ze manohy amity fagnirian-draty ty nofo vaho manao tsinontsino ty fahefa. Mahasaky vaho manompo rehake mafe iereo. Iereo le tsy matahotre hirehake raty reo bey hasy.
|
|
\v 11 Reo anjele le mana here vaho fahefa bey, fa iereo le tsy manday fitsara magnaraty mandietre iereo amy Tompo.
|
|
\v 12 Fa reo biby tsy manan-tsay reo le nato ho tsepahe vaho potehe. Tsy hay iereo fandratia iereo. Ho poteke iereo.
|
|
\v 13 Handrae ty valesoa ty zaka raty nataone iereo. Midineke iereo fa ty tsy fihafea zisike ty andro le hafalea. Iereo le bey menomeno vaho tsiny. Tea iereo ty asa famitaha iereo laha fa mihina miarake aminareo.
|
|
\f + \ft Fagnamarea: “Reo dikan-drehake ilane le mivaky hoe zao: “Tea iereo ty asa iereo laha fa mihina miarake aminareo amity sakafom-pifankateava.” \f*
|
|
\v 14 Tolognen'ampela mitsangatsanga iereo; tsy afa-po amity hadisoa vatane iereo. Mitarike fagnahy tsy mete mate ho amity fanoan-draty iereo, naho mana arofo voanatre amity fagniria iereo. Ana ty ozo ie rey!
|
|
\v 15 Niala tamity lala-mahity iereo. Lasa niotake iereo, naho nagnorike ty lala Balama ana i Beora, te tea ty karama ty tsy hamarea.
|
|
\f + \ft Fagnamarea: Reo dikan-drehake ilane le mivaky ty hoe: “Balama, ana i Bosora.” \f*
|
|
\v 16 Fa nahazo rehake mafe re naho ty fandikan-diline arere. Nisy borike moa nirehake tamity feo ty ndaty nagnajano ty gaga ty mpamisavisa.
|
|
\p
|
|
\v 17 Reo ndaty reo le manahake ty loha-tao tsy misy ora. Hoe ty raho ente ty tafiotre iereo. Natoka hoahy iereo ty ieke mateve.
|
|
\v 18 Mirehake tsy ampandineha iereo. Mitao ty ndaty amity alala ty paie ty nofo iereo. Iereo le mitao ty ndaty te miezake milay reo ze velo amity hadisoa.
|
|
\v 19 Iereo le mpagnategna fahafaha hoahy iereo, kanefa re vatane naho le ndevo ty halotoa. Fa ty ndaty le ndevo iaby ze maherese aze.
|
|
\v 20 Ndra ia ia afake amireo halotoa zao iaby zao amity alala ty Tompo vaho Jesosy Mpamonje, naho bakeo mihere amireo halotoa ndraike, le hanjare raty naho ty toeran-jaka voalohane ty toeran-jaka farane.
|
|
\v 21 Soa kea hoahy reo ty tsy mahay ty lala ty hamarea naho ty mahay zay le hivalike amity lily masy natolotre iereo.
|
|
\v 22 Mare hoahy iereo ty ohabola ty hoe: “Ty amboa ro mihere amity loane. Ty koso le fa nisasa mihere mihosem-potake.
|
|
\c 3
|
|
\cl Toko 3
|
|
\p
|
|
\v 1 Henanezao, ry malala, manoratre ho anareo ty taratasy faharoe toy raho ho fampahatiarova ente handrisiha ty sainareo malio,
|
|
\v 2 mba hahatiarovanareo teo tsara nirehafe ty mpamisavisa masy tagne taloha vaho ty lily Tompo vaho Mpamonje antika ze nomea reo apostolinareo.
|
|
\p
|
|
\v 3 Haizo aloha, fa ty mpagnaraty le ho avy amity andro farane. Iereo le hagnafake naho handeha arake ty paie iereo arere.
|
|
\v 4 Iereo le hanao ty hoe: “Aia ty fampagnategna ty amity fiheregnane? Fa zisikezay nolia ty razambey mandre, le tsy niova ty zaka iaby, eka fa zisikamity nanomboha zao iaby zao aza.”
|
|
\v 5 Iereo le milietre magnaligno fa ty lagnitse vaho ty tane le nisy bakamity rano naho tamity alala ty rano, andro ela,
|
|
\v 6 naho ty lilin'Agnahare, naho tamity alala reo zaka reo, ro nandrava ty tontolo tamize andro zay, tamity rano-bey.
|
|
\v 7 Fa henanezao ty lagnitse vaho ty tane le natoka hoahy ty afo amity alala io lily io avao. Iereo le voatoka ho amity andro ty fitsara vaho ty famoteha ty ndaty raty fagnahy.
|
|
\v 8 Ao tsy ho halignonareo, ry malala, fa ty indraike andro amy Tompo le hoe ty arivo tao, naho ty arivo tao hoe ty indraike andro.
|
|
\v 9 Ty Tompo le tsy ela tamity fanoa reo fampagnategnane, arake ze rehafe ty ilane ho haelane. Fa kea, Re le maharetre aminareo. Tsy teane hisy ho robake nareo, fa mba ho lasa amity fibebaha iaby.
|
|
\v 10 Ndra zay aza, hoahy hoe ty mpangalatre ty andro Tompo: Ty lagnitse le hanjavo miarake amity feo mafe. Ty zaka iaby le ho may ty afo, naho ty tane vaho reo asa ao amine le hambara.
|
|
\f + \ft Fagnamarea: Reo dikan-drehake ilane le mivaky ty hoe: “Ty zaka iaby le ho may ty afo, naho ty tane vaho reo asa ao amine le ho oroa iaby.” \f*
|
|
\p
|
|
\v 11 Ka laha ho rava hoe zay zaka iaby zao, le tokone ho ndaty manao akorenareo? Tokone hivelo amity hamasigna vaho ty havelo arakean'Agnahare nareo.
|
|
\v 12 Tokone hagnategna naho hampalaky ty fahavia ty andron'Agnahare nareo. Amize andro zay, ty lagnitse le ho rava ty afo, naho ty zaka iaby le feno amity hafanam-bey.
|
|
\v 13 Fa arake ty fampagnategna, le miambe ty lagnitse vaovao vaho tane vaovao tika, te hitoboha ty hamarea.
|
|
\p
|
|
\v 14 Laha zao, ry malala, satria magnategna ze zaka zay nareo, manova ty soa vatane bakagne aminareo mba tsy hisy raty vaho tsy hanan-tsiny eo agnoloane, ampiadagna.
|
|
\v 15 Naho kea, dineho ty fahareta Tompontika amity famonjea, manahakety sinora Paoly rahalahy malalantika taminareo, arake ty hamarea ze namea aze.
|
|
\v 16 Paoly le mirehake ze zaka zay ao amity taratasine iaby, ze misy zaka sarotre takare. Ndaty tsy misy fahaia naho tsy miore ro magnova rey zaka rey, manahake ty hanovane reo soratre masy hafa avao kea, ka mahavy harobaha hoahy ty vatane.
|
|
\v 17 Laha zao, ry malala, satria hainareo ze zaka zay, le ambeno ty vatanareo mba tsy ho voafandrike ty fitake ty ndaty raty fagnahy ka ho robake ty hamareanareo.
|
|
\v 18 Fa mitomboa amity hasoava vaho ty fahaia ty Tompontika vaho Jesosy Kirisity Mpamonje antika. Ho aze anie ty hasy henanezao naho zisikagne. Amena!
|