tdx-x-mahafaly_reg/67-REV.usfm

\id REV
\ide UTF-8
\h Apokalypsy
\toc1 Apokalypsy
\toc2 Apokalypsy
\toc3 rev
\mt Apokalypsy
\c 1
\cl Toko 1
\p
\v 1 Toy ty fagnambara ahy ndre Jesosy Kristy ze namey ty Andragnahare aze hampiseho ahy reo mpiasane ty raraha tsy maintse hiseho. Nampahafantarine zay tamy ty alala ty fandefane ty anjeline ho ahy ndre Jaona mpiasane.
\v 2 Jaona le nagnamarina ty mikasike ty tsara ty Andragnahare naho reo fitsangana vavolombelo mikasike ahy ndre Jesosy Kristy, naho reo raraha iaby hisane.
\v 3 Vototse reke ze mamake amy ty feo mafe, vaho ze mijanje ty tsara zay fitokia zay, naho ze miambe ze voasoratse zay, naho ze miambe ze voasoratse ao amine, soa fa marine ty fotoa.
\p
\v 4 Jaona nandeha agne amy reo fiangona fito tagne Asia: Ho aminareo vatagne ty fahasoava naho ty fiadagna bak'amy iaze henane zao, naho taloha, vaho ho ave naho bak'amy reo fagnahe fito ze eo agnatreha ty seza fiankinane,
\v 5 vaho bak'amy ndre Jesosy Kristy, ze vavolombelo to, taolagnolo amy ty mate, vaho bey ty mpanjaka ty tane. Ho ahy iaze tea antika naho nagnafake antika tamy reo hakeontika tamy ty lione__
\v 6 Reke nanao antika ho fanjaka, mpisoro ho ahy ty Andragnaharine naho Raene__ ho Aze vatagne ty hasy naho fahefa zisikam-parane agne. Amena.
\p
\v 7 Ingo, bak'amy ty hiboke Reke; vaho ty maso iaby hahisake Aze, na le reo nitomboke Aze kea. Ty firenena iaby ambone ty tane hitomagne Aze. Eka, Amena.
\v 8 “Raho ro Alfa naho Omega,” Nanao tihoe ty Tompo Andragnahare, “iaze henane zao, naho taloha, vaho ho ave, le iaze tsy misy mahasolo.” 
\f + \ft Fagnamariha: “Raho ro Alfa naho Omega, ty fanomboha naho fitamperane,” nanao tihoe ty Tompo Andragnahare. \f*
\p
\v 9 Raho, Jaona__ rahalahinareo naho iaze raeke ze nizara taminareo tao agnate fijalea naho fanjaka vaho ty fahareta ao amy ndre Jesosy Kristy__le tao amy ty nosy atao tihoe Patmo noho ty tsara ty Andragnahareo naho fitsangana vavolombelo ty mikasike ahy ndre Jesosy.
\v 10 Raho le nitarihy ty Fagnahy tamy ty andro ty Tompo. Nahajanje feo mafe manahake ty trompetra teo ambohoko raho.
\v 11 Nanao tihoe zay: “Sorato ao amy ty boke ze hisanao, kea alefaso agne amy reo fiangona fito__ho ahy ty Efesosy, Smyrna, Pergamosy, Tyatira, Sardisy, Filadelfia, vaho Laodikia.”
\v 12 Nivamba ty magnodide raho nipay tihoe feon'ia zay nitsara tamiko zay, vaho laha nitolike raho le nahisake fasian-jiro volamena fito.
\v 13 Vaho teo ampagnivoa ty fagnisian-jiro nisy raeke manahake ty Ana ty ndaty, nisike akanjo lava ave agne amy ty tombone, vaho setira volamena magnodide ty aragnane.
\v 14 Ty lohane naho volone le fote manahake ty volo ty aondre__ fote manahake ty zavo, vaho masone manahake ty lelan'afo.
\v 15 Ty tombone mamiratse manahake ty saba, manahake ty saba voalio teo amy ty laforo, vaho ty feone manahake ty feo ty rano bey mandeha.
\v 16 Vaho nana vasia fito tegna an-tagnane ankavana Reke, vaho meso roe lela maragnitse niboake bak'eo amy ty vavane. Ty tarehine le nazava manahake ty masoandro lafa milelalela.
\v 17 Lafa nahisake Aze raho, le nilavo teo amy ty tombone manahake ty ndaty mate. Nanendre ahike tamy ty tagnane ankavana Reke le nanao tihoe: “Ko matahotse. Raho ro voalohane naho farane,
\v 18 vaho iaze raeke ze velo. Fa mate raho, te ingo, velo zisikam-parane! Vaho Raho mana ty le kile ty fahafatesa naho ty Fiaignan-tsy hisake.
\v 19 Noho zay sorato ze hisanao, ze henanezao, naho zer hiseho aofara zao.
\v 20 Manahake ty zaka-mivone maikasike reo vasia fito ze hisanao tsara an-tagnan-kavanako, naho reo fasian-jiro volamena fito: “Ty vasia fito le reo anjele ty fiangona fito, vaho ty fasian-jiro fito le reo fiangona fito.”
\c 2
\cl Toko 2
\p
\v 1 Sorato ho ahy ty anjele ty fiangona ao efesosy tihoe: “Reto ty tsara bak'amy iaze raeke mitajake reo vasia fito amy ty tagnan-kavanane vaho mandeha eo amy reo fasian-jiro volamena fito,
\v 2 “Haintso ze fa vitanao naho ty asa mafenao vaho ty fiaretanao maharitse. Hainao te tsy afake handefitse amy ty ndaty rate riha. Haintso te nitsapanao reo ze mitalily aiereo ho apostoly feie tsy ie, vaho hisanao iareo te sandoke.
\v 3 Haintso te amna fahareta riha, vaho nijale mafe noho ty amy ty agnarako, vaho tsy nilavo lefo riha.
\v 4 Feie manohitse anao raho satria namela ty fitiavanao voalohane riha.
\v 5 Tiarovo noho zay ty toera ze nahalavo anao. Mibebaha vaho manaova reo raraha ze nataonao voalohane. Te laha tsy mifona riha, le ho ave agne aminao raho vaho hangalake reo fagnisin-jironao amy ty fitoerane.
\v 6 Feie zao ro ataonao: “Hejinao ty zaka-vita ty Nikolaita, ze hejiko avao kea.
\v 7 Lonike ze manan-tsofe hijanje ze talily ty Fagnahy ho ahy reo fiangona. Ho ahy iaze raeke ze maharese le homeiko alala hihina ty bak'amy ty hetae ty fiaigna, ze ao amy ty paradisa ty Andragnahare.”'”
\p
\v 8 Sorato ho ahy ty anjele ty fiangona agne Smyrna tihoe: “Reto ty tsara iaze raeke ze voalohane vaho farane, iaze raeke ze mate feie velo ndraeke:
\v 9 “Haintso reo fahorianao naho fijaleanao, feie manan-kanagna riha. Haintso ty firehafa rate ho ahy reo ze mirehake ty vatane te Jiosy, feie tsy reke. Synagoga ndre Satana iareo.
\v 10 Ko matahotse ty amy ze fa hiaretanao. Ingo! Ty devole le hanorake ty ilane aminareo agne amy ty tragnomaike soa ho tsapa nareo, vaho hijale agne ty folo anro nareo. Matokia mandra-pahafate, le homeiko anareo ty sambaka ty voninahitse ty fiaigna.
\v 11 Ze manan-tsofe lonike reke hijanje ze talily ty Fagnahy ho ahy reo fiangona. Iaze raeke ze maharese le tsy ho simba ty fahafatesa faharoe.”'”
\p
\v 12 Sorato ho ahy ty anjele ty fiangona agne Pergamosy tihoe: “Reto ty tsara iaze raeka ze mana meso roe lela:
\v 13 “Haintso ze itobohanao, le ao amy ty hitoera ty seza fanatapaha ndre Satana. Vaho henane zao mitajaha mafe ty tahinako riha. Haintso te ty nandà ty finoanao ty amiko riha, na tamy reo andro ndre Antipasy vavolombelo kea, ze natoke Ahike, ze nivonoa te aminareo, tao amy ty fitoboha ndre Satana
\v 14 Te manan-tsara kele aminao Raho: “Misy ilane aminare mita mafe ty fampianara ty Balama, ze nampianatse ahy ndre Balaka hametrake fanafintohigna eo agnoloa ty anagn'Israely, soa hihinana iareo mahatanjake natao soro ho ahy ty sampe vaho fijangajanga.
\v 15 Manahake zay avao, misy ilane aminareo ze mita mafe ty fampianara reo Nikolaita.
\v 16 Mifona, noho zay! Te laha tsy zay, le ho ave malake agne amianreo Raho, vaho hianle amy iareo raho miarake amy ty meso ty fitavako.
\v 17 Lonike ze manan-tsofy hijanjigna ze talily ty Fagnahy ho ahy reo fiangona. Ho ahy reo ze maharesy, homeiko ty ilane amy reo mana mivone, vaho homeiko vato fote miarake amjy ty agnaram-baovao voasoratse eo amy ty vato, agnara ze tsy hay ty ndaty ankoatse ze mandrambe aze avao.”'”
\p
\v 18 Sorato ho ahy ty anjele ty fiangona ao Tyatira tihoe: Reto ty tsara ty Ana ty Andragnahare, ze mana fanjotse manahake ty lelan'afo vaho tomboke manahake ty saba mamiratse:
\v 19 “Haintso ze vitanao: Ty fitiavanao naho ty finoanao naho ty fanompoanao vaho ty faharetanao. Haintso te ze vitanao farane le maro noho ze vitanao voalohane.
\v 20 Feie zao ro hanoherako anao: Leferinao iaze ampela Zezebela, ze mikaike ty vatane ho mpitoke ampela. Amy ty alala ty fampianarane le mamitake reo mpiasako reke soa hijangajanga naho hihina mahatajake atao soro ho ahy ty sampe.
\v 21 Nagnome fotoa soa hifonane Raho, feie tsy mete hibebake ty amy ty fijangajangane reke.
\v 22 Ingo! Hataoko marare eo ampandrea reke, vaho reo ze mijangajanga miarake amine le hampahoriko mafe, laha tsy mifona amy ty asa rate iaze ampela iareo.
\v 23 Ho vonoiko ho amte reo anane, vaho reo fiangoba iaby le hahay te Raho iaze amhisake ty fieretsereta naho fihetsem-po. Homeiko arake ty asanareo kiraikiraike iaby nareo.
\v 24 Te ty amianreo ze sisa ao Tyatira, ze iaby ty mita zao fampianara zao, naho tsy mahay ze antsoy ty ilane tihoe sain-dalike ndre Satana__ zao ro ataliliko aminareo tihoe: “Tsy vesariko entsa hafa nareo.”
\v 25 Na zay kea, tsy maintse mitajake mafe ty finoanareo nareo mandra-piaviko.
\v 26 Iaze raeke ze maharese naho ze manao ze fa vitako hatramy ty farane, le homeiko aze ty fahefa amy ty firenena iaby.
\v 27 'Hanapake eo amy iareo miarake amy ty fitogno vy reke, manahake ty fanorotoroa velegne tane ro hagnapoteha aiereo.'
\v 28 manahake ty nandrambesako bak'amy ty Raeko, ro hagnomezako aze vasia maraindray avao kea.
\v 29 Lonike iaze raeke ze m, anan-tsofe hijanaje ze talily ty Fagnahy ho ahy reo fiangona.”'”
\c 3
\cl Toko 3
\p
\v 1 Sorate ho ahy ty anjele ty fiangona agne Sardisy tihoe: Zao ro tsara iaze mità reo Fagnahy foto ty Andragnahare naho reo vasia fito. “Haintso ze nataoano. Malaza ho velo riha, feie riha mate.
\v 2 Mifohaza vaho hatanjaho ze tavela, te fa ho mate, satria tsy hisako iaby reo asanao eo amy fanjo ty Andragnahareko.
\v 3 Tiarovo, noho zay, ze nirambesinareo naho janjinareo. Inao zay, vaho mifona. Te laha tsy mifoha nareo, le ho ave manahake ty mpangalatse Raho, vaho tsy ho hainareo ty lera hiaviako aminareo.
\v 4 Te misy agnara ty ndaty kelekele agne Sardisy ze tsy nandoto ty akanjo iareo. Handeha hiarake amiko iareo, miakanjo fote, satria maeva.
\v 5 Iaze raeke maharese le ho ampisikine fote, vaho tsy hamafa ty agnarane ao amy ty Boky ty Fiaigna zao Raho, vaho hitalily ty tahinane eo agnatreha ty Babako, naho eo agnatreha reo anjeline.
\v 6 Lonike ze manan-tsofe hijanje ze talily ty Fagnahy amy reo fiangona.”'”
\p
\v 7 “Sorato ho ahy ty anjele ty fiangoba agne Filadelfia tihoe: 'Zao rop tsara iuaze raeke ze mase naho to_ reke ro mitajake ty la kile ndre Davida, re ro mamoha vaho tsy misy na ia na ia magnile, re romagnile vaho tsy misy na ia na ia afake mamoha.
\v 8 “haintso ze vitanareo. Ingo, nametrahako varavara mivoha eo agnoloanareo ze tsy afake hiziliha na ia na ia. Haintso te mana here kele nareo, le nagnina ty tsarako vaho tsy nanà ty tahinako.
\v 9 Ingo! Reo ze ahy ty synagoga ty Satana, reo ze mitalily te Jiosy iareo feie tsy ie zao; te mavande kea iareo. Hataoko ave le hiankohoke eo an-tombokao iareo, vaho ho aze iareo soa hahizako te nitea anao Raho.
\p
\v 10 Satria fa nitao ty liliko tamy ty fahareta nareo, le hiarao anareo amy ty andro fitsapa ze fa ho ave amy zao tontolo iaby zao avao kea Raho, soa hitsapa reo ze miay eo ambone ty tane.
\v 11 Ho ave tsy ho ela Raho. Tano mafe ze mafe ze hanagnanao soa tsy hisy hangalake ty sabaka ty voninahitsao.
\v 12 Ataoko boto eo amy ty tempoly ty Andragnahareko ze mandrese, vaho tsy hiala eo zao reke. Ho soratako eo amine ty agnara ty Andragnahareko iaze tahina ty Andragnahareko (iaze Jerosalema vaovao, ze mizotso bak'agne an-dagnitse bak'amy ty Andragnahare), naho ty tahinako vaovao
\v 13 Lonike ze manan-tsofy hijanje ze talily ty Fagnahy amy reo fiangona.”'”
\p
\v 14 “Sorate ho ahy ty anjele ty fiangona agne Laodikia tihoe: “Zao ro tsara ty Amena, iaze vavolombelo matoke naho to, iaze mpanapake ty zaka voare ty Andragnahare.
\v 15 “Haintso ze nataoanareo, vaho tsy manitsy na mafana nareo. Magnisy Raho soa ho manitse na mafa nareo!
\v 16 Noho zay, satria nareo matemate_ naho tsy mafana ro tsy manitse_le fa haloa ty tahinako nareo.
\v 17 Te nanao tihoe: 'Manan-kanagna raho, nana fitaova maro, le tsy mila na ino na ino.' Feie tsy haianareo te nareo ro tena mijale, mampalahelo, mijale, goa vaho mitanjake.
\v 18 janjigno ty torohevitsiko: Mivilia volamena voalio tamy ty afo amiko soa ho ave mpanan-kanagna nareo, vaho akanjo fote mamaratse soa ho afake mampisike ty vatanareo nareo le tsy hampiseho ty hegnatse ty fimegnaranareo, vaho hagnosotse ty masonareo soa hahisahanareo.
\v 19 Ampiofaniko ty kiraikiraike iavy ze teako, vaho hampianariko aze reo ty fomba tokone hiaigna iareo. Noho zay, mazotoa vaho mifona.
\v 20 Ingo, mitsangana eto amy ty varavara Raho vaho mamaipaike. Laha misy mahajanje ty feoko le mamoha ty varavara, le ho ave ao an-tragnone Raho le hitava miarake amine, vaho reke miarake amiko.
\v 21 Iaze raeke ze mandre, hagnome aze ty zo hitobohane miarake amiko eo amy ty seza fanapahako manahake ty nahajanjignako kea le nitobohako niarake tamy ty Raeko teo amy ty sefanapahane.
\v 22 Lonike ze manan-tsofe hijanje ze talily ty Fagnahy amy reo fiangona.”'”
\c 4
\cl Toko 4
\p
\v 1 Tafara zay raraha zay le nagnete raho, vaho nahisake varavara raeke nisokatse tegne amy ty lagnitse. Ty feo voalohane ze henoko le nirehake tamiko manahake ty trompetra, nanao tihoe: “Miakara etoy, vaho hasehoko anaoze tsy maintse hiseho ao afara reo raraha reo.”
\v 2 Nisy fotoa raho voatarike ty Fagnahy, vaho nahisake te nisy seza fanapaha nitoboha tegne amy ty lagnitse, nisy ndaty nitoboke teo ambone zay.
\v 3 Iaze raeke ze nitoboke teo ambonine le manahake ty jaspa naho karneola. Nisy avana nagnodidy ty seza fanapaha. Iaze avana le manahake ty emeraoda.
\v 4 Nisy seza fanapaha efats'ambe roapolo nagnodide iaze seza fanapaha, vaho ndaty bey efats'ambe roapolo ro nitoboke teo ambone reo seza fanapaha, niakanjo fote, niarake tamy ty sabaka ty voninahitse volamena tegne amy ty ambone iareo.
\v 5 bak'amy iaze seza fanapaha ro nisy tsela-pahazava, hotroke, vaho hotro-kora. Nisy jiro fito nirehitse teo agnoloa seza fanapaha jiro ze fagnahy fito ty Andragnahare.
\v 6 Teo aloha ty seza fanapaha le nisy ranomse fitaratse, manahake ty kristale. reo zaka-manam-piay efatse le teo ampagnivoa ty seza fanapaha naho nagnodide zay, feno maso, teo agnoloane naho tao an-dabosine.
\v 7 Iaze zaka-mana-piay voalohane le manahake ty liona, iaze zaka-mana-piay faharoe manahake ty anake ty aombe, iaze zaka-mana-piay fahatelo le manahake ndaty, vaho iaze zaka-mana-piay fahaefatse manahake ty voro-mahere mitily.
\v 8 reo zaka-mana-piay efatse le sambe mana elatse ene iaby, feno maso ty ambone naho ty ambane. Andro naho ty halike iareo le tsy mijano mirehake tihoe: “Mase, mase, mase iaze Tompo Andragnahare tsy misy Mahasolo ze nisy, na nisy, naho misy, vaho mboe ho ave.”
\p
\v 9 Na ombia na ombia reo zaka-mana-piay le hagnome hasy, laza, vaho fisaoraahy iaze raeke ze mitoboke eo amy ty seza fanapaha, iaze raeke ze velo zisikam-parane agna,
\v 10 reo ndaty bey efatse'ambe roapolo le nampihohoke ty vata iareo eo agnoloa iaze raeke ze mitoboke eo amy ty seza fanapaha. Miankohoke eo amy iaze raeke ze velo zisikam-parane agne iareo, vaho nanorake ty sambake ty voninahitse iareo teo agnoloa ty seza fanapaha, mitsara tihoe:
\q1
\v 11 “Maeva riha, Tompona naho Andragnaharenay, handrambe ty hasy naho ty laza vaho ty here. Te riha ro namoro ty raraha iaby, vaho tamy ty alala ty sitra ty arofonao, le nisy iareo vaho nihare.”
\c 5
\cl Toko 5
\p
\v 1 vaho nahisake ty tagnan-kavana iaze raeke ze nitoboke teo amy ty seza fanapaha raho, horon-taratsy voasoratse eo agnoloa naho ao afara. Vaho nifehezy tamy ty tombo-kase fito zay.
\v 2 Nahisake anjele mahere nagnambara tamy ty feo mafe raho, nitsara tihoe: “Ia ro maeva ty hanokatse ty horon-taratase vaho hamoha ty tombo-kase zay?”
\v 3 tsy misy ndaty bak'an-dagnitse na eto an-tane na ambane ty tane le afake hanokatse ty horon-taratase na hamake zay.
\v 4 Nitomagne mafe raho- satria tsy nisy ndaty hisake maeva ty hanokatse ty horon-taratse na hamake zay.
\v 5 Feie raeke tamy reo ndaty bey nitalily tamiko tihoe: Ko mitomagne. Ingo! Iaze lio ty foko ndre Joda, iaze solofo ndre Davida, le nandrese. Afake ty hanokatse ty horogna-taratase naho reo tombo-kase fito reke.
\v 6 Nahisake Ana ty aoandre mitsanga eo agnelagnela ty seza fanapaha naho reo zaka-mana-piay efatse vaho eo agnivo reo ndaty bey raho. Manahake tihoe ndaty nivonoa reke. Nana tsifa fito naho maso fito reke; iareo ro fagnahy fito ty Andragnahare nalefa nagnera ty tane.
\v 7 Nandeha reke vaho nangalake iaze horognan-taratase tegne amy ty tagnan-kavana niaze raeke ze nitoboke teo amy ty seza fanapaha.
\v 8 Lafa nirambesy iaze Anak'aondre iaze horognan-taratase, reo zaka-mana-piay efatse naho reo ndaty bey efats'ambe roapolo le nampiankohoke ty vata iareo teo agnoloane. Sambe nana lokanga naho finga volamena feno emboke magnitse iaby ty kiraikiraeke tamy iareo, ze vavake reo mpino.
\v 9 Niantsa antsa vaoavao iareo: “Maeva ty handrambe ahy iaze horon-taratase riha vaho hanokatse ty tombo-kase zay. Te riha le nivonoa vaho tamy ty lionao ro nivilia ahy reo ndaty ty Andragnahare bak'amy ty foko, firehake, ndaty, vaho firenena iaby.
\q1
\v 10 Nataonao fanjaka naho mpisoro iare soa hanompo ahy ty Andragnahare, vaho hanjaka eto an-tane.”
\p
\v 11 Bak'eo raho le nahisake naho nmadre feo ty anjele maro nagnodide ty seza fanapaha naho reo zaka-mana-piay vaho reo ndaty bey. Ty fiharoa ty iareo le agn'aline agn'aline.
\v 12 NItsara tamy ty feo mafe iareo tihoe: “Maeva vatae iaze Anak'aondre ze nivonoa soa handrambe fahefa, hanagna, fahendrea, here, laza, asy, vaho antsa.”
\p
\v 13 Nahajanje reo raraha vitatapake iaby ze tagne an-dagnitse naho teto an-tane vaho agne an-dranomasy raho- ty raraha iaby tao ampo reo-nitsara tihoe: “HO ahy iaze raeke ze mitoboke eo amy ty seza fanapaha naho ho ahy iaze Anak'aondre, ty antsa, laza, ty asy, vaho ty fahefa handile, zisikam-parane agne.”
\p
\v 14 Reo zaka-mana-piay efatse, nirehake tihoe: “Amena!” Vaho reo ndaty bey niankohoke naho nivavake. 
\f + \ft Fagnamariha: Ty ilane aminareo dikan-tene taloha le mivake tihoe: “Reo ndaty bey roa ambe efapolo le niankohoke naho nanompo ahy iaze raeke ze velo zisikam-parane agne.” \f*
\c 6
\cl Toko 6
\p
\v 1 Lafa nanokatse ty raeke tamy reo tombo-kase fito ty Anak'aondre le nagnete raho, vaho nahajanje ty raeke tamy reo zaka-mana-piay efatse tamy ty feoa manahake hotroke raho nitsara tihoe: “Avia!
\v 2 Nagnete raho vaho nisy soavale fote teo. ty mpijo zay le nitajake kiditse, vaho nomea sambakam-bonihatse reke. Niboake manahake ty mpandrese reke soa handrese.
\v 3 Lafa nanokatse ty tombo-kase faharoe ty Anak'aondre. le nahajanje ty zaka-mana-piay faharoe raho nitsara tihoe: “Avia!”
\v 4 Le nisy soavale hafa niboake- mkirehitse mena. Ty mpijo zay ro nomea alala hangalake ty fiadagna amy ty tane, soa hifamono ty ndatine. Io mpinjo io le nomea meso bey.
\v 5 Lafa nanokatse ty tombo-kase fahatelo ty Anak'aondre, le nahajanje ty zaka-mana-piay fahatelo raho nitsara tihoe: “Avia!” Nahisake soavale mainte raho, vaho ty mpijo zay le nitajake tavoange tegne an-tagnane.
\v 6 Nahajanje manahake ty feo tamy ty zaka-mana-piay efatse raho nitsara tihoe: “Ty vare era ty fatram-bare ho ahy ty denaria raeke, vaho ty hordea in-telo ty fatram-bare ho ahy ty denaria raeke. Te ko manimba ty menake naho ty divay.”
\v 7 Lafa nanokatse ty tombo-kase fahaefatse ty Anak'aondre, le nahajanje ty feo ty zaka-mana-piay fahaefatse raho nirehake tihoe: “Avia!
\v 8 Le nahisake soavale hasatse raho. Ty mpijo zay le niakaine tihoe fahafatesa, vaho reo Valavato le nagnarake aze. Nomea fahefa amy ty ampaha-efatse ty tane iareo, soa hamono amy ty meso, hakere, naho arete, vaho amy reo bibily ty tane.
\p
\v 9 Lafa nanokatse ty tombo-kase fahadime ty Anak'aondre, le nisako tao ambane alitara reo fagnahy reo ze nivonoa noho ty tsara ty Andragnahare naho ty fijoroa vavolombelo ze nitàna iareo.
\v 10 Nikoike tamy ty feo mafe iareo tihoe: “Zisikim-bia, Mpanapake ambone ty iaby, mase naho to, ro hitsaranao reo ze miay eto an-tane, naho hamaleanao fate ty lionay?
\v 11 Le nomea akanjolava ty kiraikiraeke bak'amy iareo, vaho nirehafe iareo te tokone handigne kelekele, vaho nirehafe iareo te tokone hiandre kelekele mandra-pahazoa ty isake feno reo mpiara-manompo iareo naho reo rahalahe naho rahavavy iareo ze tokone hovonoa iareo, manahake ty namonoa aiereo.
\p
\v 12 Lafa nanokatse ty tombo-kase fahaene ty Anak'aondre, le nagnete raho vaho nisy horohoron-tane bey. Lasa mainte manahake ty lamba fisaogna ty masoandro, vaho ty vola gorobey le lasa manahake ty lio.
\v 13 Reo vasia tegne amy ty lagnitse le nilavo tetoy an-tane, manahake ty aviave magnitsa ty voane manta lafa hetsefe ty tioke mahere.
\v 14 Ty lagnitse le nanjavop manahake ty horon-taratarsy ze naorokoro. Ty vohitse naho nose iaby le nafaha teo amy ty toerane.
\v 15 Bak'eo mpanjaka ty tane naho ty ndaty manan-danja, naho reo Jenerale, ty mpanan-kanagna, ty mahere, vaho ty hafa iaby, andevo naho afake, niafe tao ampo reo lava-bato naho tamy reo vatolampe ty vohitse.
\v 16 Nitsara tamy reo vohitse naho tamy reo lamelame iareo tihoe: “Milavao aminay! Afeno amy ty sandre iaze raeke ze mitoboke eo amy ty seza fanapaha naho amy ty siake ty Anak'andre zahay.
\v 17 Te Ave ty andro bey ty helogn'iareo. Ia ro hahavita hiharitse?”
\c 7
\cl Toko 7
\p
\v 1 Tafara zay le nahisake anjele efatse nitsanga teo amy ty zoro tane efatse raho, nanohitse mafe ty tioke efatse ty tane, soa tsy hisy tioke hitioke amy ty tane, amy ty ranomase, na hifanohitse amy ty hetae iaby.
\v 2 Nahisake anjele hafa raho niakatse bak'agne antignana, ze nana ty tombo-kase ty Andragnahare velo. Nikoike tamy ty feo mafe tamy reo anjele efatse ze nahazo alala hanimba ty tane naho ty ranomsy reke tihoe:
\v 3 “Ko simba ty tane naho ty ranomasy, na reo hetae mandra-pagnisiantika ty tombo-kase eo amy ty handre reo mpiasa ty Andragnahare.”
\v 4 Nahajanje ty isaky reo ze voatombo-kase raho: 144,000, ro voatombo-kase bak'amy ty foko ty ndaty israely iaby:
\v 5 Roa arivo naho ray ale ro voatombo-kase bak'amy ty foko ndre Joda, roa arivo naho ray ale bak'amy ty foko ndre Robena, roa arivo naho ray ale bak'amy ty foko ndre Gada,
\v 6 roa arivo naho ray ale bak'amy ty foko ndre Asera, roa arivo naho ray ale bak'amy ty foko ndre Naftaly, roa arivo naho ray ale bak'amy ty foko ndre Manase.
\v 7 roa arivo naho ray ale bak'amy ty foko ndre Simeona, roa arivo naho ray ale bak'amy ty foko ndre Levy, roa arivo naho ray ale bak'amy ty foko ndre Isakara,
\v 8 roa arivo naho ray ale bak'amy ty foko ndre Zebolona, roa arivo naho ray ale bak'amy ty foko ndre Josefa, vaho roa arivo bak'amy ty foko ndre Josefa, vaho roa arivo naho ray ale bak'amy ty foko ndre Benjamina ro voatombo-kase.
\p
\v 9 Tafara reo raraha reo le nagnete raho, vaho ty nisy ndaty maro bey ze tsy vatse isafe--- bak'amy ty firenena, foko, ndaty, vaho firehake iaby---- nitsanga teo agnoloa ty Anak'aondre. Nanao akanjo lava fote naho mitanjake sampan-drofia tegne amy ty tagna iareo,
\v 10 vaho nikaike mafe tamy ty feo mahere iareo nanao tihoe: “Ty famonjea le ahy ty Andragnaharentika ze mitoboke eo ambone ty seza fanapaha, naho ahy ty Anak'aondre!”
\v 11 Ty anjele iaby nitsanga magnodide ty seza fanapaha naho magnodide reo ndaty bey naho ty seza zaka-manam-piay efatse, vaho iareo le nampiankohoke ty vata iareo teo agnoloa ty seza fanapanaha. Nivavaka tamy ty Andragnahare iareo
\v 12 nanao tihoe: “Amena! Dera, voninahitse, fahendrea, fisaora, fahef, vaho ty here ho ahy ty Andrgnaharentika zisikam-parane doria! Amena!”
\p
\v 13 Bak'eo ty raeke tamy reo ndaty bey nagnontane ahike tihoe: “Iareo, misike akanjolava fote, vaho bak'aia iareo?”
\v 14 Nanao tihoe raho tamine: “Tompoko, Riha mahay,” vaho nanao tihoe reke tamiko: “Reo ro hiboake bak'amy ty Fahoria Bey. Nisasa iareo ty akanjolane vaho nifotia tamy ty lio ty Anak'aondre.
\v 15 Noho zay antone zay, le eo agnoloa ty seza fanapaha ty Andragnahare iareo, naho mivavake amine andro amy ty halike ao amy ty tempole. Ty raeke ze nitoboha teoa amy ty seza fanapaha le hamelatse ty laine amy iareo.
\v 16 Tsy ho kere sase iareo, na harandrano ndraeke. Tsy hamofoke aze ty masoandro, na ty hafana magnoro.
\v 17 Te ty Anak'aondre eo ampagnivoa ty seza fanapaha ro ho mpiandre aiereo naho hitarike lala aiereo agne amy ty vavarano ty rano velo, vaho hofafa ty Andragnahare ty ranomaso iaby amy ty maso iareo.”
\c 8
\cl Toko 8
\p
\v 1 Lafa nivaha iaze Anak'aondre ty tombo-kase fahafito, le nisy fitsigna tagne an-dagnitse teo amy ty antsasake lera teo.
\v 2 Ave eo le hisake reo anjele fito ze nitsanga teo agnoloa ty Andragnahare, vaho nomeine trompetra fito iareo.
\v 3 Nisy anjele hafa avy, nitajake finga volamena fagnoroa liten-ketae magnitse, nitsanga teo ambone ty alitara. Liten-ketae magnitse maro ro nomea aze soa hagnomezane zay miarak'amy ty vavake ty mpino iaby eo ambone ty alitara volamena fagnoroa liten-ketae magnityse eo agnoloa ty sezam-boninahitse.
\v 4 Ty setro iaze liten-ketae magnitse, miarak'amy ty vaveky reo mpino, le nniakatse teo agnolo ty Andragnahare bak'amy ty tagna ty anjele.
\v 5 Nangalake iaze finga fagnoroa liten-ketae magn itse iaze anjele vaho nameno zay tamy ty afo bak'eo amy ty alitara. Bak'eo natorane tamy ty tane zay, vaho nisy hotro-baratsy, hotroke, helatse, vaho horohoron-tane.
\p
\v 6 Reo anjele fito ze nana reo trompetra fito le nioma hitioke zay.
\v 7 Nitioke ty trompetrane iaze anjele voalohane, vaho nisy havandra naho afo miharo lio. Natorake tatoy an-tane zay soa ho may ty ampahatelo zay, may ty ampahatelo ty hetae, vaho may iaby reo akata-maintso.
\f + \ft Fagnamariha: Ty ilane amy reo dikan-tene taloha le manangalake ty tihoe: “soa ho may ty ampahatelo zay.” \f*
\v 8 Nitioke ty trompetrane iaze anjele faharoe, vaho nisy raraha manahake ty vohitse befoloay nirehitse ty afo natorake tagne an-dranomasy. Lasa lio ty ampahatelo ty ranomsy,
\v 9 maty ty ampahatelo ty zaka-manam-piay tao an-dranomasy, vaho rava ty ampahatelo reo sambo.
\v 10 Nitioke ty trometrane iaze anjele fahatelo, vaho nisy vasia befoloay bak'agne an-dagnitse, mirehitse manahake ty jiro, tamy ty ampahatelo reo sihanake naho vavarano.
\v 11 Zaka-mafaitse ro agnara iaze vasia. Lasa nafaitse ty ampahatelo iaze raho, vaho ndaty maro ro mate tamy iaze rano ze lasa nafaitse.
\v 12 Nitioke ty trompetrane iaze anjele faha-efatse, vaho niova ty ampahatelo ty masondro, mahanake ty ampahatelo ty vola naho ty ampahatelo ty vasia. Noho zay le lasa mainte ty ampahatelo reo; tsy nisy hazava ty ampahatelo ty andro naho ty ampahatelo ty halike.
\p
\v 13 Nagnete raho, vaho nahajanje voro-mahare ze nitily tegne ampagnivoa ty lagnitse, nikaike tamy ty feoa afe tihoe: '"Loza, loza, loza, ho ahy reo ze mitoboke egne amy ty tane, noho ty feo ty trompetra sisa ze fa ho tiofy reo anjele telo.”
\c 9
\cl Toko 9
\p
\v 1 Nampagneno ty trompetra ty anjele fahadime. Nahisake vasia bak'agne an-dagnitse raho ze nilavo tegne amy ty tane. Iaze vasia ro nomea ty lakile iaze lavake tsy hisake ty farane.
\v 2 Nisokafane iaze lavake tsy hisake ty farane, vaho niakatse ty setroke niboake tao amy ty lavake manahake ty setroke bak'amy ty laforo bey. Nivalike maloke ty masoandro naho ty tioke noho ty setroke niboake tao an-davake.
\v 3 Bak'amy ty setroke ro niavia reo valala teto ambone ty tane, vaho nomey here manahake ty ahy ty maingoke teto ambone ty tane iareo.
\v 4 Nitsaray iareo tsy hanimba ty akata teto ambone ty tane na reo zaka-mitiry maitso na hetae, te reo ndaty ze tsy mana tombo-kase ty Andragnahare eo amy ty handry iareo avao.
\v 5 Tsy nahazo alala ty hamono reo ndaty reo iareo, te hampijale aiereo agnate ty dime vola avao. Ty fanaintaigne iareo le hanahake ty tsindro ty maingoke lafa mamofoke ndaty.
\v 6 Amy reo nadro reo le hipay fahafatesa ty ndaty, te hahisake zay. Hagniry ty ho mate mafe iareo, feie hilay aiereo ty fahafatesa.
\v 7 Manahake ty soavale nomane tamy ty ale reo valala. Tamy ty loha iareo le nisy rahaha manahake ty satro-boninahitse volamena, vaho ty vata iareo le manahake ty vata ty ondaty.
\v 8 Nana volo manahake ty volo ty ampela iareo, vaho ty nify iareo le manahake ty nify ty reo liona.
\v 9 Nana fiarovan-tratra manahake ty feo ty sarete naho soavale maro milailay ho agne amy ty ale.
\v 10 Nana rambo nisy fanomboha manahake ty maingoke iareo; ao amy ty rambo iareo ro misy ty here hanimba ty ndaty agnate ty lime vola.
\v 11 Nana mpanjaka iareo le iaze anjele iaze lavake tsy hisake ty farane, vaho ty agnarane tamy ty tsara Hebreo le Abadona, vaho ty tahinane tamy ty tsara grika le re Apolyona.
\p
\v 12 Lasa ty loza voalohane. Ingo! afara zao le mboe hisy loza roe ho ave.
\p
\v 13 Nampagneno ty trompetrane iaze anjele fahaene, vaho naheno ty feo niboake tamy ty tsifa ty alitara volamena ze fa nisy teo agnatreha ty Andragnahare raho.
\v 14 Vaho nitsara tamy iaze anjele fahaene iaze feo manao tihoe: “Avotoro reo anjele efatse ze mifehy agne amy iaze vavaranobey ty Eofrata.”
\v 15 Reo anjele efatse ze fa nomane tamy zay lera zay, zay andro zay, zay vola zay, voha zay tao zay, le navototse soa hamono ty ampahatelo ty ondaty.
\v 16 Ty isagn'ireo miaramila nijo soavalle le 200,000,000. Nahajanje reo isake reo rahi.
\v 17 Manahake zay ro fomba nahisahako reo soavale tao amy ty fahisahako naho reo ze nijo te am'iareo: Reo firavo ty aragna iareo le mirehitse mena, manga antitse vaho solifara mavo. Nitove tamy ty loha reo liona ty loha reo soavale, vaho ty niboake bak'ao am-bava iareo le afo, setroke, vaho solifara.
\v 18 Vaho ty ampahatelo reo ndaty le maty reo loza telo: ty afo, ty setroke, vaho solifara ze niboake bak'ao am-bava iareo.
\v 19 Te ty here reo soavale rambo iareo - te ty rambo iareo le manahake ty bibiliva, vaho nana loha ze afake mandrotse ndaty iareo.
\v 20 Ty ambone reo ondaty, reo ze tsy mate reo loza reo, le tsy nibebake tamy ty asa ze vita iareo, na nijano nanompo reo demone naho sampe volamena, volafote, saba, vato, vaho hetae- reo raraha ze tsy hisake maso, janje, na madeha.
\v 21 Iareo le mboe tsy nifona tamy ty asa famonoa, ty fagnosavia iareo, ty fijangajanga na reo asa fangalara iareo.
\c 10
\cl Toko 10
\p
\v 1 Bak'eo raho lenahisake anjele mahre hafa nnizotso bak'agne an-dagnitse. Tao ampo hiboke reke, vahonisy avana teo ambone ty lohane. Ty tarehhine le mitove masoandro vaho ty tombone le manahake ty fiankina afo.
\v 2 Mitajake horon-taratasy kele mivelatse amy ty tagnane reke, vaho mampitoboke ty tombone havana amy ty ranomasy naho ty tombone havia amy ty tane.
\v 3 Bak'eo reke le nikoike tamy ty feo amfe manahake ty fierotse tyy liona. Lafa nikoike reke, le nangotroke mafe tamy ty feone ty hotroke fito.
\v 4 Lafa nangotroke ty hotroke fito, le teo andalam-pagnorata raho, te nahajanje feo bak'agne an-dagnitse raho nitsara tihoe: “Tano ho tsiambaratelo ze nitalily ty hotroke fito. Ko sorata zay.”
\v 5 Bak'eo iaze anjele hisako nitsanga teo ambone ranomasy naho teo amy ty tane, nanondrotse ty tagnane havana tagne an-dagnitse.
\v 6 Reke nifanta tamy iaze raeke ze velo zisikam-parane doria, ze namoro ty lagnitse naho ze iaby ao ampo zay ty tane naho ze iaby ao ampo zay, vaho ty ranomasy naho ze iaby ao ampo zay, vaho iaze anjele nitsara tihoe: “Tsy hisy fandignasa sase.
\v 7 Te amy ty andro raeke lafa hampagneno ty trompetrane ty anjele fahafito, le ho tanterake ty mistery ty Andragnahare, manahake ty nagnambarane tamy reo mpitoke mpiasane.”
\p
\v 8 Iaze feo ze janjiko bak'agne an-dagnitse nitsara tamiko ndraeke tihoe: “Mandena, alao iaze horon-taratasy mivelatse ze agne an-tagna iaze anjele mitsanga eo ambone ranomasy naho ambone ty tane.”
\v 9 Bak'eo le lasa nandeha agne amy iaze anjele raho vaho nitsara tamine soa hagnome ahike iaze horon-taratasy kele. Nanao tihoe reke tamiko: “Rambeso ty horon-taratae vaho hano. Hampafaitse ty ao an-kibonao zay, te ao am-bavanao le ho mame manahake ty tantele zay.”
\v 10 Nalako tamy ty tagna iaze anjele iaze horon-taratase kele vaho nihaniko. Mamy manahake ty tantele tao am-bavako zay, te tafara ty nihinanako aze, le lasa nafaitse ty tao an-kiboko.
\v 11 Bak'eo nisy ndaty raeke nirehake tamiko tihoe: Tsy maintse mitoke ndraeke riha mikasike reo ndaty maro, reo firenena, reo fitene, vaho reo mpanjaka.”
\c 11
\cl Toko 11
\p
\v 1 Nomena volotara soa ampiasay manahake ty fitogno raho. Nitalily tamiko tihoe: “Mitsangana vaho metaro ty tempoly ty Andragnahare naho ty alitara, vaho reo ze mivavake ao.
\v 2 Te ko metare ty tokontane eo imbalike ty tempole, te nomena ahy reo Jentilisa zay. Hagnitsake ty tanà masy agnate ty roa amby efapolo vola iareo.
\v 3 Homeiko reo vavolombelo roe ty fahefa hitoke agnate ty 1,260, nisike lamba fisaogna.”
\v 4 Reo vavolombelo reo le hetae ty oliva roe naho ty fitobohan-jiro roe ze nitsanga teo agnatreha ty Tompi ty tane.
\v 5 Laha misy ndaty mifile handratse aiereo, le miboake afo ty vava iareo le hihina reo fahavalo iareo. na ia na ia magniry ty handratse aiereo le tsy maintse hovonoa amy zay fomba zay.
\v 6 Reo vavolombelo reo le mana fahefa hagnile ty lagnitse soa tsy hilatsaha ty ora agnate ty andro hitokia iareo. Manampahefa iareo hagnova ty raho ho lio naho hamofoke ty tane amy ty karaza loza iaby na ombia na ombia iry iareo.
\v 7 Lafa ho vita ty fijoroa iareo vavolombelo, le miakatse bak'agne ampo lavake tsy hisake ty farane iaze bibily hiale hanohitse aiereo. handrese aiereo Reke vaho hamono aiereo.
\v 8 Hiampatse egne amy ty lala ty tanàm-bey ty faty iareo (ze kinaike avao kea tihoe Sodoma naho Egypta) ze namantsiha ty Tompo iareo.
\v 9 Hivamba ty faty iareo agnate ty telo andro naho tapane ty ndaty, ty foko, firehake, vaho ty firenena iaby. Tsy ho ampo iareo apoke ao am-balavato reo.
\v 10 Reo ze miay eo ambone ty tane le hifale amy iareo vaho hankalaza. Hifandefa fagnomeza zaokea iareo naho nampijale reo ze miay ambone ty tane reo mpitoke roe reo.
\v 11 Te afake telo andro naho tapane le hizilike ao amy iareo ty fofom-piay bak'amy ty Andragnahare, vaho hitsanga amy ty tombone iareo. Hipoke amy reo ze mahisake aiereo ty tahotse bey.
\v 12 Bak'eo le haheno feo mafe bak'agne an-dagnitse iareo mirehake aiereo tihoe: “Miakara eto!” Bak'eo le hiakatse ho agne an-dagnitse aoa ampo hiboke iareo, laha mboe magnete tagne reo fahavalo iareo.
\v 13 amy zay lera zayt le hisy horohoron-tane mafe, vaho hirotsake ty ampahyafolo ty tanà. Fito arivo ty ndaty ho mate amy iaze horohorontane, vaho hatahotse reo ndaty sisa tsy mate vaho hagnome ase ahy ty Andragnahare ty lagnitse.
\p
\v 14 Lasa ty loza faharoe. Ingo! avy malake ty loza fahatelo.
\p
\v 15 Bak'eo le nampagneno ty trompetrane ty anjele fahafito, vaho nisy feo mafe nitsara tagne an-dagnitse nanao tihoe: “Ho lasa fanjaka ty Tompontika naho ty Kristy ty fanjaka zao tontolo zao. Reke ro hanjaka zisikam-parane agne.”
\v 16 Bak'eo reo ndaty bey efatse ambe roapolo ze nitoboke teo amy ty seza fanapaha iareo teo agnatreha ty Andragnahare le nampihohoke ty vata iareo. Nankalaza ahy ty Andragnahare iareo.
\v 17 Nanao tihoe iareo: “Magnome fisaora Anao zahay, Tompo Andragnahare, iaze amy henane zao naho taolo, satria nangalake ty herenai befoloay riha vaho nanomboke nanjake. 
\f + \ft Fagnamariha: Ty ilane amy reo dikan-tene taolo le mivake tihoe: Ty mpanapake ty iaby, iaze henane zao naho taolo, vaho iaze ho ave, te ty dikan-tene amy andro zao tsy manahake zay. \f*
\q1
\v 18 Nasiake mafe reo firenena, feie ave ty siakinao. Ave ty andro hitsara ty mate naho hamalianao soa reo mpitoke mpiasanao, reo ze mpino, naho reo ze natahotse ty tahinanao, na handravanao reo ze manimba y tane.”
\p
\v 19 Bak'eo le nisokatse ty tempole ty Andragnahare an-dagnitse vaho hisake ty fiara ty fagnekene ao ampo ty tempoline. nisy tsela-pahazava, hotroke, hotrokora, horohorontane, vaho havandra bey tao.
\c 12
\cl Toko 12
\p
\v 1 Famantara foloay ro hisake tagne an-dagnitse: Ampela nisike ty masoandro, vaho ty vola teo ambane ty tombone, vaho ssabaka ty vonihaitse vita amy ty vasia roa amby ty folo ro te amy ty ambonine.
\v 2 Bevoka reke, vaho nikoike mafe te fa hisamake, ao ampo ty fihetsehan-jaza.
\v 3 bak'eo nisy famantara hafa nimboake tagne an-dagnitse: Ingo! Nisy drago mena goavam-bey ze nana loha fito naho tandroke folo, vaho nisy satro-boninahitse fito teoamy reo lohane.
\v 4 Ty solone le nipaoke tyu ampahatelo ty vasia tagne a-dagnitse naho nanorake aiereo tegne amy ty tane. Iaze drango nitsanga teo agnoloa iaze ampela ze fa ho terake, le lafa terake reke, le afake hagnampake ty anane reke.
\v 5 Niterake ajajalahy reke, ze hanapake ty firenena iaby miarake amy ty fitogno vy. Ty anane le nala an-kere ho agne amy ty Andragnahare naho eo amy ty seza fanapahane,
\v 6 vaho iaze ampela le nilay nandeha agne amy ty tane tsy misy raraha, ze nisy teora fa nomane ty Andragnahare ho aze, le ho voakarakara agnate ty 1260 andro reke.
\p
\v 7 vaho nisy ale tagne an-dagnitse. Mikaela naho reo anjeline le niale tamy iaze drago; vaho iaze drago naho ty anjeline le namale ale.
\v 8 Te tsy le natanjake iaze drago le tsy naharese. Kea tsy nisy toera ho aze naho reo anjeline sase tagne an-tagnitse.
\v 9 Iaze drago bey__ ze manera taolo kinaike tihoe devole na Satana, iaze namitake ahy zao tontolo zao__le natorake tegne ambone ty tane, vaho reo anjeline le natorake niarake tamine.
\v 10 Bak'eo nahajanje feo mafe bak'agne an-dagnitse raho: “Henane zao le avy ty famonjea, ty here, ty fanjaka ty Andragnaharentika vaho ty fafeha ndre Kristine. Te ty mpitanjake ty rahalahintika le natorake tagne ambane, iaze rake ze mitajanke aiereo andro amy ty halike eo agnatreha ty Andragnaharentika.
\q1
\v 11 Iareo le naharese aze tamy ty lio ty Anak'aondre naho tamy ty fitsangana iareo vavolombelo, te tsy nankamame ty fiaine sase iareo na ho mate kea.
\q1
\v 12 Noho zay, mifalea, nareo lagnitse, naho ze iaby mitoboke ao amine. Te mitaoa ty amy ty tane naho ty ranomasy ty amy ty tane naho ty ranomasy satria ty devole le nizotso tegne aminareo. Feno siake reke, satria haine te fotoa fohike sisa ro hanagnane.
\p
\v 13 Lafa nahay iaze drago te nalavo tamy ty tane reke, le nagnenjike iaze ampela niterake ajajalahy reke.
\v 14 Te iaze ampela le nomea elatse roa ty voromahre bey, le afake nitily nandeha agne amy iaze toera nikarakaray ho aze tagne amy ty tane tsy misy raraha. Io iaze toera hitsilova aze, agnate ty telo tao nao tapane__ soa tsy ho hisa iaze menara.
\v 15 Namoake rano manahake ty varavarano tamy ty vavane iaze menara, ze hifaoke ampela igne.
\v 16 Te ty tana nagnampe ampela igne. Nisokafa ty tane ty vavane vaho nateline ty riake ze naboaky ty vava iaze drago.
\v 17 Vaho nasiake tamy ty ampela iaze drago le niala vaho nipay ale tamy ty ambine reo taranane, ze magnina ty lily ty Andrgnahare vaho mita ty fitsangana vavolombelo mikasike ahy ndre Jesosy.
\v 18 Bak'eo nitsanga teo ambone ty fasike ty ranomasy iaze drago.
\c 13
\cl Toko 13
\p
\v 1 Vaho nahisake bibi-ly raho niakatse bak'amy ty ranomasy. Nana tsifa folo zay vaho loha fito. Teo amy ty tsifane le nisy diadema folo, vaho teo amy ty lohane le nisy agnara firehafa rate iaby.
\v 2 Iaze bibi-ly ze hisako le manahake ty leoparda. Ty tombone le manahake ty tombo bera, vaho ty vavane le manahake ty vava ty lione. Iaze drago nagnome aze ty herene, ty seza fanapahaner, vaho ty fahefane bey hanapake.
\v 3 Ty loha iaze bibi-ly raeke le manahake fa mate, feie afake iaze saike nahafate aze. Vaho vere ty tane iaby le nagnarake iaze bibi-ly.
\v 4 Vaho le nihohoke kea teo amy iaze drago iareo, satria reke ro nagnome ty fahefane ho ahy ty bibi-ly. Nihohoke teo amy iaze bibi-ly, kea, iareo, vaho nitsara tihoe: “Ia ro manahake ty bibi-ly?” vaho “Ia ro afake miale amine?”
\v 5 Nomea vava ze afake mitsara firehareaha naho rehake rate iaze bibi-ly. Nomea ala reke soa hampihatra fahefa agnete ty efats'amby efapolo vola.
\v 6 Vaho nanokatse ty vavane hirehake rate ahy ty Andragnahare iaze bibi-ly: nirehake rate ty tahinane, ty toera ze hitobohane vaho reo ze mitoboke ao an-dagnitse.
\v 7 Napoke hiale tamy reo mpino vaho handrese aze reo bibi-ly. Vaho kea, ty fahefa le nomea aze manera ty arofoko, ty ndaty, ty firehake, vaho ty firenena iaby.
\v 8 Hihohoke eo amine reo iaby ze mitoboke ambone ty tane, reo ze tsy voasoratse agnara, agnate ty fanapaha zao tontolo zao, ao amy ty Boky ty Fiaigna, ze ahy ty Anak'aondre, ze fa nivonoa.
\v 9 Laha misy manan-tsofe, lonike reke hijanje.
\v 10 Laha misy nalay ho rese, le handeha amy ty faharesea reke. Laha misy nivonoa tamy ty meso, amy ty meso ro hamonoa aze. Toy ro kaike antsi ho ahy ty fahareta vaho finoa ho ahy reo ze masy.
\p
\v 11 Vaho nahisake bibi-ly hafa raho niakatse bak'amy ty tane. Zay le nana tsifa roa manahake ty anak'aondre, vaho nirehake manahake ty drago.
\v 12 Nampiharine iaby ty fahefa iaby ahy iaze bibi-ly voalohane ei agnatrehane, vaho ty tane naho reo ze mitoboke eo amine le ataone mihohoke eo amy iaze bibi-ly voalohane__iaze raeke ze afake tamy ty fere ho nahafate aze.
\v 13 Namboatse haveregna maro befoloay reke. Nampizotso afo bak'agne an-dagnitse ho amy ty tane teo agnoloa ty ndaty.
\v 14 Tamy ty alala ty famantara le nomea alala anao zay, namitake ahy reo ze mitoboke ambone ty tane zay. Nitsara tamy iareo zay soa hagnamboatse sare ho hasy ty bibi-ly ze voaratse ty meso feie velo.
\v 15 Napo asia fiay ty sare ty bibi-ly soa ahafaha iaze sare mirehake vaho ze iaby tsy magnina mihohoke amy iaze bibi-ly le nivonoa.
\v 16 Nanere ty kiraikiraike avao kea zane, na ty kele naty bey, na ty manankanagna na ty mijale, na ty tsy andevo na ty andevi, le mandrambe ty marike eo amy ty tagna ankavana na eo amy ty andrine.
\v 17 Tsy hisy ndaty mahazo mivily na mivarotse mandra-pahazone ty marike ty bibi-ly, zay le ty isa ty fanehoa ty agnarane.
\v 18 Zay le mitake fahendrea. Laha misy ndaty manan-tsay, lonike reke hagnisake ty isa ty bibi-ly. Te zay le isa ty ndaty. Zay isa zay le 666.
\c 14
\cl Toko 14
\p
\v 1 Nagnete raho vaho nahisake ty Anak'aondre nitsanga teo amy ty vohotse Ziona. NIarake tamy reo 144.000 ze nana ty agnarane naho agnara ty Raene voasoratse eo amy ty handry iareo.
\v 2 Nahajanje feo bak'agne an-dagnitse manahake ty firohondroho ty rano maro naho hotroe mafe raho. Ty feo janjiko avao kea le manahake mpititike lokanga mititike ty lokangane.
\v 3 Niantsa antsa vaovao teo agnoloa ty seza fanapaha naho reo agnolo reo zaka-mana-piay efatse naho reo ndaty bey iareo. Tsy nisy na ia na ia afake nianatse ty hira ankoatse reo 144.000 ze niviline bak'eto an-tane avao.
\v 4 Reo le ndaty ze tsy mandoto ty vata iareo tamim-behivave, te nitajake ty vatane malio ara-nofotse iareo. Zay le ze magnarake ty Anak'aondre na aia na aia andenane. Iareo regne le nivile bak'amy ty ondaty manahake ty voaloham-bokatse ho ahy ty Andragnahare naho ho ahy ty Anak'aondre.
\v 5 Tsy nisy vande hisake teo amy ty sogn'iareo, tsy manan-tsikone iareo. 
\f + \ft Fagnamariha: Ty dikan-tene ilane magnampe tihoe: “teo agnoloa ty seza fanapaha ty Andragnahare" \f*
\p
\v 6 Nahisake anjele hafa nitile ambone raho, ze nana ty hafatse zisikam-parane ty vaovao mahafale hatalily amy reo ze miay ambone ty tane amy ty firenena, foko, firehake, vaho ty ndaty iaby.
\v 7 Nikaike tamy ty feoa mafe reke tihoe: “Matahora ahy ty Andragnahare vaho magnomeza asy Aze. Te avy ty lera ty fitsarane. Mivavaha Amine, ty raeke ze nanao ty lagnitse, ty tane, ty ranomasy, vaho ty vavarano.”
\v 8 Nisy anjele hafa- ty anjele faharoe-nagnarake nitsara tihoe: “Nilavo, nilavo ty Babylona befoloay, ze nandrese lahatse reo firenena iaby soa hino ty divay ty fitondran-tena malotone.”
\v 9 Nisy anjela hafa- anjele fahatelo- nagnarake aiereo, nitsara tamy ty feo mafe tihoe: “Laha misy mivavake amy ty bibily naho ty sarine, vaho mandrambe ty marike eo amy ty handrine na eo amy ty tagnane,
\v 10 le hino ty ilane amy ty divay ty fahasiaha ty Andragnahare avao kea reke, diava tsy niharo ze nirorse tao ampo ty kapoake ty siakine. Ty Ndaty ze mino zay le hampijale amy ty afo naho solifara eo agnoloa reo anjele masy ty Andragnahare naho eo agnoloa ty Anak'aondre.
\v 11 TY setroke bak'amy ty fijalea iareo le miakatse zisikam-parane agne, vaho tsy manam-pinjanogna andro naho hallike iareo- reo mpiasa ty bibily naho ty sarine reo, vaho ty ndaty iaby ze mandrabe ty marike ty agnarane.
\v 12 Toy le kaike ho ahy ty fahareta maharitse reo ze masy, reo ze magnina reo lily ty Andragnahare vaho matoke ahy ndre Jesosy
\v 13 Nahajanje feoa bak'agne an-dagnitse raho nitsara tihoe: “Sorato zao: Vototse ty mate ze mate ao amy ty Tompo,” nanao tihoe ty Fagnahy, “soa ahazahoa iareo mitofa amy ty asa iareo, te vita iareo le hagnarake aze reo.”
\p
\v 14 Nagnate raho, vaho nisy hiboke fote. Nitoboke teoa amy ty hiboke ty raike manahake ty anaka ndaty. Nana satro-boninahitse volamena teo amy ty agnambone naho fimbira maragnitse egne an-tagnane reke.
\v 15 Le nisy anjele hafa niboake ty tempole vaho nikaike tamy ty feo mafe ahy iaze mitoboke eo amy ty hiboke nanao tihoe: “Rambeso ty fimbiranao le manomboha mimbira. Te avy ty fotoa himbira, satria masake ty vokatse ty tane.”
\v 16 Vaho ty raike ze nitoboke teo amy ty hiboke nampandroso ty ty fimbirane teto an-tane, le nimbira ty tane.
\v 17 Nisy anjela hafa niboake bak'ao an-tempole tagne an-dagnitse; nana fimbira maragnitse avao kea reke.
\v 18 Mboe nisy anjele hafa kea niboake ty alitara fagnoroa liten-ketae magnitse, ze nana fahefa amy ty afo. Nikaike tamy ty feo mahere ahy iaze reo ze nana fimbira maragnitse reke tihoe: Rambeso ty fimbiranao mnaragnitse vaho avorio reo sampahom-boaloboke bak'amy ty voaloboke ty tane, te reo voaloboke le famasake zao.”
\v 19 Nampandroso ty fimbirane tamy ty tane iaze anjele vaho namore ty vokatse ty voaloboke ty tane. Natorane tao ampo ty fananignam-boaloboke befoloay ty siaky ty Andragnahare zay.
\v 20 Ty fananignam-boaloboke le liniane tagne ambalike ty tanà, vaho ty lio le nirarake bak'ao amy zay le avy hatregne amy ty haambo ty lamboridin-tsoavale, ze 1.600 kilometatse.
\c 15
\cl Toko 15
\p
\v 1 Bak'eo le nahisake famantara hafa tegne amy ty lagnitse raho, befoloay naho mahavere: Nisy anjele fito miarake amy ty loza fito, ze loza farane mare, te amy iareo ro hahatanterake ty siaky ty Andragnahare.
\p
\v 2 Nahisake ze niboake tamy ty ranomasy fitaratse nampiarahy tamy ty afo raho. Nitsanga teo agnila ty ranomasy reo ze nandrese ahy iaze bibily naho ty sarine, naho ty isake mampiseho ty agnarane. Iareo le nitajake harpa nomea ty Andragnahare aiereo.
\v 3 Iareo niantsa ty antsa ndre Mosesy, iaze mpiasa ty Andragnahare, ty antsa ty Anak'aondre tihoe: “Bey naho mahavere reo asanao, Tompo Andragnahare, iaze ambone loatse. To naho mahite reo lalanao, Mpanjaka reo firenena.
\q1
\v 4 Ia ro tsy hatahotse Anao, Tompo, naho hagnome asy ty tahinanao? Te Riha arere ro mase. Ty firenena iaby ho ave naho hivavake eo agnatrehanao satria reo asanao to le fa natalile.”
\p
\v 5 Tafara reo raraha reo raho le nagnete, vaho nisokatse tegne amy ty lagnitse iaze tempole ze mana lay fitsangana vavolombelo.
\v 6 Niboake bak'ao amy iaze toera mase loatse reo anjele fito mitajake reo loza fito. Iareo le miakanjo malio, lamba riongone mamiratse naho misy fehin-kibo volamena magnodide ty aragna iareo.
\v 7 Raeke tamy reo zaka-mana-piay efatse nagnome ahy reo anjele fito finga volamena feno ty siaky ty Andragnahare, iaze velo zisikam-parane agne.
\v 8 Feno setroke bak'amy ty hasy ty Andragnahare naho bak'amy ty herene ty tempole. Tsy misy na ia na ia afake mizilike ao mandra-pahatanterake ty loza fito reo anjele fito.
\c 16
\cl Toko 16
\p
\v 1 Nahajanje feo mafe nikaike bak'ao an-tempole raho vaho nitsara tamy reo anjele tihoe: “Mandena vaho ailigno amy ty tane reo feno ty siaky ty Andragnahare.”
\v 2 Lasa iaze anjele voalohane vaho nagnily ty tao am-pingane tamy ty tane; fere rate naho maharare ro avy tamy ty ndaty ze nana ty marike ty bibi-ly, reo ze nankalaza naho sarine.
\v 3 Iaze anjele faharoe nandrarake ty tao am-pingane tamy ty ranomsy. Lasa lio zay, manahake ty lio ty ndaty mate, vaho mate ty zaka-mana-piay iaby tao an-dranomasy.
\v 4 Iaze anjele fahatelo nandrarake ty tao am-pingane tamy ty sihanake naho vavarano, vaho lasa lio reo.
\v 5 Janjiko ty anjele ty rano manao tihoe: “To Riha_ iaze henane zao naho taolo, Iaze raeke Masy_ satria fa nitsara reo raraha reo Riha. (Fagnamariha: Ty horon-taratasy ilane taolo le mamake tihoe" To Riha, Tompo_ Iaze henane zao naho taolo vaho ho ave, satria fa nitsara reo raraha rei Riha.”)
\v 6 Satria ty lio reo mpino naho mpitoke ro napo iareo, le nameanao lio hinome iareo; zay ro maeva aiereo.”
\v 7 Janjiko ty alitara namale tihoe: “Eka, Tompo Andragnahare bey, reo fitsaranao le to naho mahite.”
\v 8 Iaze anjele fahaefatse nandrarake ty tao am-pingane tamy ty masoandro, vaho nahazo alala hagnoro ty ndaty amy ty afo zay.
\v 9 May iaze hafana bey iareo, vaho nitsara rate ty tahina ty Andragnahare, ze mana ty fahefa amy regne loza regne. tsy nifona iareo na nagnome hasy Aze.
\p
\v 10 Bak'eo iaze anjela fahadime nandrarake ty ta am-pingane tamy ty seza fanapaha iaze bibi-ly, vaho nandrakotse ty fanjakane ty ike. Niota ty lelane iareo noho ty fijalea.
\v 11 Nirehake rate iaze Andragnahare ty lagnitse iareo noho ty fahoria naho fere iareo, vaho mboe nandà ty hifona amy ze vita iareo avao iareo.
\v 12 Iaze anjele faha-ene nandrarake ty tao am-pingane tamy ty sihanake foloay, iaze Eofrata. Nisoritine zay soa hagnomagna ty lala ho ahy reo mpanjaka ze ho ave agne antignana.
\v 13 Nahisake fagnahy maloto telo raho ze mitove saho miboake bak'agne am-bava ty drago, bak'agne am-bava ty bibi-ly, vaho bak'amy ty vava ty mpitoke sandoke.
\v 14 Te fagnahy ty demone manao famantara mahavere iareo. Nandeha agne amy reo mpanjaka zao tontolo zao iareo soa hamore aiereo miarake ho ahy ty aly ty andro bey ty Andragnahare Abo loatse.
\v 15 ("Ingo! Ave manahake ty mpangalatse Raho! Vototse ze miambe, miaro reo fisikinane soa tsy hiboake tsy miankajo reke vaho hisa iareo ty fimegnarane.”)
\v 16 Nandese iareo niarake tagne amy ty toera ze nikaiha tihoe Hara-magedo amy ty Hebreo iareo.
\p
\v 17 Bak'eo iaze anjele fahafito nandrarake ty tao am-pingane tamy ty lio. Vaho nisy feo mafe niboake bak'ao an-tempole naho aze tamy ty seza fanapaha, manao tihoe: '"Vita zay!”
\v 18 Nisy helatse, hotroke, hotro-baratse, vaho horohorontane mafe_ horohoro-tane bey noho ze fa niseho hatramy ze nisia ty ndaty teto an-tane, le mafe zay horohoron-tanezay.
\v 19 Vake ho fizara telo iaze tanà bey, vaho rava ty tanà reo firenena. Ba'eop Andragnahare nikaike soa hahatiaro ahy ndre Babylona bey, vaho nomeine zay tanà zay ty kapoake feno divay vita bak'amy ty firehata ty siakine.
\v 20 Nanjavo ty nose iabe, vaho tsy hisake sase reo vohitse.
\v 21 Nisy havandra bey, milanja eo amy ty talenta raeke eo, nizotso bak'agne an-dagnitse ho amy ty ndaty. Namatse ahy ty Andragnahare iareo noho ty loza bak'amy ty havandra satria vatane mnafe loatse zay loza zay.
\c 17
\cl Toko 17
\p
\v 1 Raeke tamy reo anjele fito ze nitajake reo finga volamena fito namonje naho nitsara tamiko tihoe: “Avia, ho asehoko anao ty saze ty mpijangajanga bey ze mitoboke ambone rano maro.
\v 2 Niarake tamine ro nampijangajanga ahy reo mpanjaka ty tane. Ty divay ty fijangajangane ro nahamamo reo vahoake ty tane.”
\p
\v 3 Bak'eo iaze anjele nanday ahike tamy ty fagnahy tagne amy ty tane maike, vaho nahisake ampela mitoboke teo ambone bibi-ly le mana loha fito naho tsifa raho. Iaze bibi-ly le mana loha fito naho tsifa folo.
\v 4 Iaze ampela le niakanjo voloparasy naho mena vaho voaravake volamena, vato lafovily, vaho vato soa. Reke le nitajake tamy ty tagnane kapoake volamena feno reo raraha mamparihy naho rei tsy fahaliova ty fijangajangane.
\v 5 Teo amy ty handrine ro nisy agnara mana dikane mivone voasoratse tihoe: “Babylona bey, iaze rene reo mpijangajanga naho ty raraha mamparihy ty tane.”
\v 6 Nahisake raho iaze ampela le mamo ty lio reo mpino naho ty lio reo martiora ho ahy ndre Jesosy. Lafanahisake aze raho, l; e vantane vere.
\p
\v 7 Te iaze anjele nitsara tamiko tihoe: “Magnono ro vere riha? Hazavaiko anao ty dika iaze ampela naho iaze bibi-ly ze manday aze, iaze bibi-ly ze mana loha fito naho tsifa folo.
\v 8 Iaze bibi-ly ze hisanao le misy, te tsy misy henane zao, te andalam-piakara bak'agne amy ty farane ambane ty lavake tsy hisake ty farane. Bak'eo le handeha agne amy ty fahasimba zay. Reo ze miay ambone tane, reo ze tsy voasoratse ao amy ty Boky ty Fiaigna hatramy ty ty namoro ahy zao tontolo zao ty agnarane- ho vere iareo lafa hahisake te iaze bibi-ly le misy, te tsy misy sase henane zao, te andalam-pilongoa.
\v 9 Mikaike say ze manam-pahendrea zay. Reo loha fito le vohitse fito ze hitoboha iaze ampela.
\v 10 Iareo avao kea le mpanjaka fito. Mpanjaka lime ro lavo, raeke ro misy, vaho ty hafa le mboe tsy ave; lafa ave reke, le fe-potoa kele avao ro hitobohane.
\v 11 Iaze bibi-ly ze misy, te tsy misy henane zao mpanjaka fahavalo reke; feie raeke amy reo mpanjaka fito reke, vaho handeha agne amy ty fahasimba.
\v 12 Reo tsifa folo ze hisanao le mpanjaka folo ze mboe tsy nandrambe fanjaka, te hahazo fahefa manahake ty mpanjaka miarake amy iaze bibi-ly agnate ty aline raeke iareo.
\v 13 Firaisan-tsay zay, vaho iareo le hagnome dty here naho ty fahefa iareo ahy iaze bibily.
\v 14 Hampitsanga ale manohitse ty Anak'aondre iareo. Te ty Anak'aondre ro handrese aiereo satria Reke ro Tompo ty tompo, vaho Mpanjaka ty mpanjaka-vaho miarake amine reo voakaike, reo voafile, vaho reo manam-pinoa.”
\v 15 Nanao ty anjele tamiko: “Reo rano ze hisanao, teo amy iaze nitobohane iaze mpijangajanga, ro ndaty fiaroha ty ndaty, firenena, vaho firehake.
\v 16 Reo tsifa ze hisanao- iareo naho iaze bibi-ly le halay ahy iaze mpijangajanga. Ho atao iareo lane naho tsy misike reke, hanatake ty nofotsine iareo, vaho hagnoro aze tanterake amy ty afo.
\v 17 Te Andragnahare fa nametrake zay tao agn'arofo iareo soa hagnatanterake ty safirine amy ty fagneke iareo hagnome ty here iareo handay iaze bibi-ly mandra-pahatanterake ty tsara ty Andragnahare.
\v 18 Vaho ampela, iaze hisagnao ro tanà bey ze manjaka amy mpanjaka ty tane.”
\c 18
\cl Toko 18
\p
\v 1 Tafara reo raraha reo le nahisake anjele hafa ze nizotso bak'agne an-dagnitse raho. Nana fahefa bey reke, vaho namirapiratse noho ty hasine ty tane.
\v 2 Nikoike tamy ty feo mahere reke, nitsara tihoe: “Nilavo, nilavo iaze Babylona bey! Lasa ave toeram-pitoboha ty demone, fitsoloha ho ahy reo fagnahy maloto naho marikoriko iaby.
\v 3 Te firenena iaby le nino ty divay ty fitondran-tegna malotone. Reo mpanjaka ty tane le nanao fitondran-tegna maloto tamine. Reo mpivarotse ty tane le ave mpanan-kanagna tamy ty alala ty fomba fiaignane amy ty nofotse.”
\p
\v 4 Bak'eo le nahajnaje feo hafa bak'agne an-dagnitse raho mirehake tihoe: “Mialà amine, ndatiko, soa tsy hahazoanareo reo lozane.
\v 5 Fa nivore manahake ty ahabo ty lagnitse reo fahotane, vaho Andragnahare mahatiaro reo asa ratine.
\p
\v 6 mamalea aze manahake ty namalea ty hafa, vaho valeo iaby roe ze fa vitane; tao amy ty fofoke ze favitane; ta amy ty fofopke ze fa nofenoine, le feno ambo roe ho aze.
\v 7 Manahake reke nagnome hasy ty vatane naho niay tamy ty tsy fitsitsia, omeo aze ty fampijalea naho alahelo sahaza aze. Te reke nitalily tao am-pone nanao tihoe: 'Nitoboke manahake ty mpanjaka ampela raho. Tsy mate vale raho, vaho tsy hisao zisikam-parane.'
\v 8 Noho zay le ho ave amy ty andro raeke reo arete-mandravane: ty fahafatesa, ty fisaogna, vaho ty kere. Horoa ty afo reke, te ty Tompo Andragnahare le mafe, vaho reke ro mpitsara aze.
\p
\v 9 Reo mpanjaka ty tane ze nijangajanga naho nandeha tsy am-pieretsereta niarake tamine le hitomagne vaho hihohoke eo agnatrehane lafa hahisake ty setroke ty fandilovane iareo.
\v 10 Hitsanga lavitse iareo, hatohatse ty fijaleane, hitsara tihoe: “Loza loza ho ahy iaze tanà bey Babylona, iaze tanà mahere, te amy ty lera raeke le ho ave ty sazenareo.”
\v 11 Reo mpivarotse ty tane le mitomagne naho misao ho aze, satria tsy nisy ndaty niale varotse ho aze sase-
\v 12 varotse volamena, volafotse, vato lafovile, firavake, lamban-drongone vantane soa, volomparse, lande, mena, reo karaza hetae ala, ty fanake ivoara, ty fanake iaby vita bak'amy ty hetae lafo vily, samba, vy, marbra,
\v 13 kanelina, zaka-magnitse, liten-ketae, miora, hagnitse, divay, menake, koba soa lisa, vare, biby fiompe vaho aondre, soavale naho kalesy, reo andevo naho fagnahy ty ndaty.
\v 14 Ty vokatse ze teanao tamy ty herenao iaby le hiala aminao. Ty entanao lafovile naho reo namirapiratse le nanjavo, vaho tsy ho hisake sase zisikam-parane.
\v 15 Ty mpivarotse reo enta ze ave mpanankanagna noho reke le hiala amine lavitse noho ty fatahora ty fijaleane, hitomagne naho hisaogne mafe.
\v 16 Hirehake iareo tihoe: “Loza, loza ho ahy iaze tanà bey ze niakanjo tamy ty lamban-drongone vantane soa, volomparase, naho mena, vaho niravahane tamy ty volamena, firavake lafovile, vaho vatosoa!
\v 17 Agnate ty ora raeke le ho rava zay hanagna iaby zay. “Reo kapitenin-tsambo iaby, reo madeha egne ambone ty ranomase iabym tantsambo, naho ze iaby mitoboke an-dranomase le hitsanga lavitse.
\v 18 Nikoeke iareo laha vao nahisake ahy iaze setroke ty fandilovane. Nirehake iareo tihoe: “Tanà ino ro hanahake ty tanà bey?”
\v 19 Nanaroke lemboke tegne an-dohane reke, vaho nikoike mafe, nitomagne, vaho nisao, nanao tihoe: Loza, loza ho ahy iaze tanà bey ze nisy ahy reo iaby nana reo sambo an-dranomasy ro avy mpanan-kanagna bak'amy ty hanagnane. Te tao agnate lera raeke le simba zay.”
\p
\v 20 “Mifalea amine, lagnitse, nareo mpino, apostole, vaho mpaminane, te Andragnahare nanday ty fitsaranarei tamine!”
\p
\v 21 Anjele mafe raeke nangalake vato manahake ty vato bey vaho nitorake zay tagne an-dranomasy, vaho nitalily tihoe: “amy zay fomba zay, Babylona, iaze tanà bey, harava arahy herezaka, vaho tsy ho hisake sae.
\v 22 Iaze feo natao reo lokanga, mpitititke mosike, mpitioke sode, naho trompetra le tsy ho janje ao aminao sase. Reo mpanao asa-tagna isan-karazane le tsy hisake ao aminao sase. Tsy hisy feo ty vato fikosoham-bare ho reo sase eo aminao.
\v 23 Ty fahazava ty jiro, le tsy hamirapiratse ao aminao sase. reo feo ty mpampakatse naho ty ampakare le tsy ho janje ao aminao sase, te ty mpivarotsereo ro mpanjaka ty tane, vaho reo firenena le voafitake tamy ty fagnosavianareo.
\v 24 Tao amine ro nahisaha ty lio iaze mpitoke, naho reo mpino, vaho ty lio reo iaby ze voavono tetop an-tane.”
\c 19
\cl Toko 19
\p
\v 1 Tafara reo raraha reo le nahajanje zay manahake tyy feo mafe ty vahoake maro isake tagne an-dagnitse raho nanao tihoe: “Aleloia. Ty famonjea, ty hasy, vaho ty here le ahy ty Andragnaharentika.
\q1
\v 2 Reo fitsarane le to naho mahite, te nitsara ty mpivaro-tegna bey ze nanaratse ty tane tamy ty fijangajangane reke. Namale fate ty lio reo mpiasane, ze napone reke.”
\v 3 Nirehake fagnindroane iareo tihoe: “Aleloia! Ty setroke le miakatse bak'amine zisikam-parane agne.”
\q1
\v 4 Reo ndaty bey efats'ambe roapolo naho reo zaka-mana-piay efatse le nihohoke vaho nanompo ahy ty Andragnahare ze nitoboke teo amy ty seza fanapaha. Nanao tihoe iareo: “Amena. Aleloia!”
\v 5 Le nisy niboake bak'ao tamy ty seza fanapahane, nanao tihoe: “Antsao Andragnaharentika, nareo iaby mpiasane, nareo ze matahoatse Aze, na ty tsy manan-danja na ty mahere.”
\v 6 Le nahajanje zay, anahake ty feo ty ndaty maro isake, manahake ty firohondroho ty rano maro, naho mahake ty filavoa ty hotroke mafe raho, nanao tihoe: “Aleloua! Te manjaka ty Tompo, Andragnahare ze manapake amy ty iaby.
\q1
\v 7 Lonike tika hifale ho ravoravo vaho hagnome hasy Aze satria ave ty fangalam-bale ty Anak'aondre, vaho ty alane fa nioma.
\q1
\v 8 Nomea alala hiakanjo lamba rongone mamiratse naho malio reke" (te ty lamba rongone le reo asa to reo ndaty mase.)
\p
\v 9 Iaze anjale nitsara tamiko tihoe: “Sorato zao: Vototse reo ze nitalilia tamy ty fete fangalam-bale ty Anak'aondre. Nitsara tamiko kea reke tihoe: “Reo le tsara to ty Andragnahare.”
\v 10 Nihohoke teo amy ty tombone soa hanompo azae raho, te nanao tihoe reke tamiko: “Ko manao zao! Raho le le mpiara-manompo aminao nah reo rahalahinao ze mitajake ty fijoroa vavolombelo mikasike ahy ndre Jesosy. Manompoa ahy ty Andragnahare, te ty fijoroa vavombelo mikasike ahy ndre Jesosy le ty fagnahy ty fitokia.”
\p
\v 11 Le nahisake ty lagnitse nisokatse raho vaho nagnete le nisy soavale fote. Iaze mpinjo zay le kinaike tihoe mahatoke naho to. Amy ty fahamarigna ro hitsarane naho hialiane.
\v 12 Reo masone le manahake ty lelan'afo afo, vaho eo amy ty lohane m, isy satro-boninahitse mareo. mana agnara voasoratse eo amine ze tsy misy mahay ankoatse reke avao reke.
\v 13 Miakanjo akanjo lava natsoboke tao amy ty lio reke, vaho ty agnarane le kinaike tihoe ty Tsara ty Andragnahare.
\v 14 Reo tafike ty lagnitse le nagnarake aze tamy ty soavale fote. miakanjo lamba rongone, fote naho malio.
\v 15 Bak'ao amy ty vavane ro miboake ty meso maragnitse ze amy zay ro hamofohane reo firenena, vaho hanapake aiereo amy ty fitogno vy reke. Magnitsake ao amy ty fananigna ty siake ty fasiaky ty Andragnahare reke.
\v 16 Mana agnara voasoratse eo amy ty akanjo lavane eo amy ty feine reke tihoe: “Mpanjakany reo mpanjaka naho Tompony reo tompo.”
\p
\v 17 Nahisake anjela nitsanga teo amy ty masoandro raho. Nikaike tamy ty feo mafe reo voro mitily ambone iaby reke tihoe: “Avia, mivoria ho ahy ty fete bey ty ANdragnahare.
\v 18 Avia ihina ty nofotse reo mpanjaka, ty nofotse reo mpitari-tafike, nofotsy reo lehilahy mahere, ty nofotsy reo soavale naho reo mpinjo zay, vaho ty ty nofoptsy ty lihilahy iaby, ty afake naho ty anddevo, ty tsy manan-danja naho ty mahere.”
\v 19 Nahisake bibi-ly naho reo mpanjaka ty tane niarake tamy ty tafiky reo raho. Nivory iareo soa hiale amy ty raeke ze ninjo ty soavale naho amy ty tafikine.
\v 20 Voasambotse iaze babai-ly vaho niarake tamine ty mpitoke sandoke ze nanao reo famantara teo agnatrehane reo ze nandrabe ty marike ty bib-ly naho reo ze nanompo ty sarine. Iareo roe le natorake vewlo tao ampo sihinak'afo mirehitse solifara.
\v 21 Ty amby iareo le nivonoa tamy ty meso ze niboaky ty vava ty raeke ze ninjo ty soavale. Ty voro iaby nihina ty nofotse iareo.
\c 20
\cl Toko 20
\p
\v 1 Vaho nahisake anjele nizotso bak'agne an-dagnitse raho. Nana ty lakile ty lavake tsy hisake ty hiarane reke, vaho nana silisily foloay tegne an-tagnane.
\v 2 NIsambotse ahy iaze dragno reke, ty menara taolo, iaze devole, na satana, vaho nifehizine arivo tao.
\v 3 Natorane tagne amay ty lavake tsy hisake ty hiafarane reke, nafodine zay vaho nasia tombo-kase teo amine. Natao zay soa hamitane ty firenena maro sase mandra-pahatapitse ty arivo tao. Afara zay, le tsy maintse havototse fotoa kelekele reke.
\p
\v 4 Vaho nahisake seza fanapha maro raho. Nitoboke teo ambonine reo ze nomea fahefa mitsara. Nahisake ty fagnahy reo ze nitapahin-doha raho noho ty fijoroa vavolombelo mikasike ahy ndre Jesosy vaho noho ty tsara ty Andragnahare. Tsy nihohoke tamy ty bibi-ly na tamy ty sarine iareo, vaho iareo le nandà ty handrambe ty marike ty bibi-ly teo amy ty handrine na teo amy ty tagnane. Lasa velo ndraeke iareo, vaho nanjake niarake tamy ty ndre Kristy agnate ty arivo tao.
\v 5 Ty amby reo mate le tsy velo mandrapahatapitse ty arivo tao. Zayro fitsangana voalohane.
\v 6 Vototse vaho mase ze ndaty mana anjara amy ty fitsangana voalohane! Eo agnatreha zay le tsy manan-kere ty fahafatesa faharoe. Iareo le ho mpisoro ahy ty Andragnahare naho Kristy vaho hanjaka miarake Amine agnate ty arivo tao.
\p
\v 7 Lafa tapitse ty arivo tao, le hovaha ao amy ty tragnomaikine Satana.
\v 8 Hiboake reke soa hamitake ty firenena maro egne amy ty vazan-tane efatse__goga naho Magoga__soa handay aiereo miarake ho agne amy ty ale. Iareo le ho maro manahake ty fasike ty ranomasy.
\v 9 Niakatse teo ambone ty tane lemake iareo vaho nagnodide ty kianja reo mpino, iaze tanà tea. Feie nisy afo nizotso bak'agne an-dagnitse vaho nandrava aiereo.
\v 10 Ty devole, ze namitake aiereo, le natorane tao amy ty sihanake afo solifara, toera ze hanipaza ty bibi-ly naho tsy mpitoke sandoke. Vaho ho ampijalea andro amy ty halike zisikam-parane vaho zisikam-parane iareo.
\p
\v 11 Vaho nahisake seza fanapaha fote bey raho naho iaze nitoboke teo ambonine. Ty tane naho ty lagnitse le nilay ty fagnatrehane, feie tsy nnisy toera andehana iareo.
\v 12 Nahisake ty mate raho__ty bey vaho ty kele__nitsanga teo agnolo ty seza fanapaha, vaho nivelare reo boke. Vaho nisy boke raeke nivelare__Ty Boky ty Fiaina. Ty mate le nitsara arake ze voasoratse tao amy reo boke, arake reo asane.
\v 13 Ty ranomasy namoake ty mate ze tao agnatine. Ty fahafatesa naho rei fiaignan-tsy hisake le nammoake ty mate ze tao amy iareo, vaho ty mate le nitsara arake ty raraha nanoene.
\v 14 Ty fahatesa naho ty fiaignan-tsy hisake le natorane tao amy ty sihanake afao.
\v 15 Laha nisy agnara tsy hisake voasoratse ao amy ty Boky ty Fiaigna, le natorake tao amy ty sihanake afo.
\c 21
\cl Toko 21
\p
\v 1 Bak'eo raho nahisake lagnitse vaovao naho tane vaovao, te rava tsy lagnitse voalohane naho ty tane voalohane, vaho tsy nisy sase ty ranomasy.
\v 2 Hisako iaze tanà mase, Jerosalema vaovao, ze nizotso bak'agne an-dagnitse bak'amy ty Andragnahare, voaoma manahake ty ampakare ampihamine ho ahy ty valine.
\v 3 Nahajanje feo mahere bak'agne amy ty seza fanapaha raho manao tihoe: “Ingo! Eo amy ty ndaty toera ty tabernakele ty Andragnahare, vaho hiay miarake amy iareo reke. Ho ndatine iareo, vaho Andragnahare vatane hiarake amy iareo vaho Reke ho Andragnahare iareo.
\v 4 Hamafa ty ranomaso iaby amy ty maso iareo Reke, vaho tsy hisy fahattesa sase, na lahelo. na tomagne, na fanaintaigna. Fa lasa reo raraha teo aloha.
\p
\v 5 Iaze raeke ze nitoboke teo amym ty seza fanapaha nitsara tihoe: “Ingo! Nataoko vaovao ty raraha iaby.” Nanao tihoe Reke: “Sorato zao satria reto tsara reto le azo antoko naho to.”
\v 6 Nanao tihoe Reke tamiko: “Fa vita reo raraha reo! Raho ro Alfa naho Omega, iaze fiandoha naho fiafara. Ze maran-drano le homeiko ho inome maimaim-poa bak'amy ty loharano ty fiaigna.
\v 7 Ze mandrese le handova reo raraha reo, vaho Raho ro ho Andragnahare, vaho reke ho anako.
\v 8 Te reo maleme, tsy manam-pinoa, mamparihy, mpamono ndaty, mpijangajanga, mpanao aole, mpanompo sampe, naho mpavande, le agne amy ty sihanake mirehits'afo solifara ro toera iareo. Zay ro fahafatesa faharoe.”
\p
\v 9 Namonje ahike ty raeke tamy reo anjele fito, iaze raeke ze nana reo lovia fito feno reo loza fito farane, vaho nanaho tihoe reke: “Bak'etoy. Ho amboako anao iaze ampakare, iaze vale ty Anak'aondre.”
\p
\v 10 Bak'eo le nandesine tamy ty Fagnahy tagne amy ty vohitse ambo raho vaho nasehone ahike iaze Jerosalame tanà masy milike bak'agne an-dagnitse bak'amy ty Andragnahare.
\v 11 Nana ty hasy ty Andragnahare re Jerosalema, vaho ty famirapiratane le manahake ty vato soa lafovile, manahake ty vato kristalina jaspy malio.
\v 12 Nana rindry ambone bey niarake tamy ty vavahade folo roa ambe teo amy ty vavahade. Teo amy reo vavahade ro voasoratse ty agnara reo foko folo roa ambe Anagn'Israely.
\v 13 Nisy vavahade telo reo antignana, vavahade telo teo avaratse, vavahade telo teo atimo, vaho vavahade telo teo andrefa.
\v 14 Nana vototse folo roa mabe ty rindre iaze tanà, vaho teo amy reo ro nisy reo agnara folo roa ambe ty apostoly ty Anak'aondre.
\p
\v 15 Iaze raeke ze nirehake tamiko le nana fandrefesa volotara vita tamy ty volamena soa handrefesa ty tanà, reo vavahadine, vaho ty rindrine.
\v 16 Mitove efa-joro iaze tanà; mitove ty lavane naho ty trone. Nadrefe ty tanà tamy iaze fandrefesa volotara reke, roa arivo satadio ty halavane (mitove ty lavane, vaho hahabone).
\v 17 Nandrefe ty rindry zay kea reke, 114 kilometatse laha refy ty ndaty (ze refe ty anjele avao kea).
\p
\v 18 Vita tamy ty jaspy iaze rindre vaho tamy ty volamena tsy misy fangarone, manahake ty fitaratse malio.
\v 19 Ty fotots'iaze rindry le voaravake tamy reo karaza vato lafovile iaby. Ty voalohane le jaspy, ty faharoa safira, ty fahatelo kalkedona, ty fahefatse emeralda,
\v 20 ty fahadimy sardoniksa, ty fahaene karneola, ty fahafito krystolita, ty fahavalo beryla, ty fahasivy topaza, ty fahaflo krysopraso, ty faha flo raek'ambe ty folo jacinta, faha roa amby ty folo ametysta.
\v 21 Ty vavade folo roa ambe ty folo le vato soa folo roa ambe; ty kiraikiraike amy reo vavahade le vita tamy ty vato soa rake. Reo lalam-bey teo an-tanà le volamena tsy misy fangarone, manahake ty fitaratse mangarahara.
\p
\v 22 Tsy hahisake tempole tao ammy ty tanà raho, satria Tompo Andragnahare naho ty Anak'aondre ro tempole.
\v 23 Ty tanà le tsy nipay masoandro na vola soa hamirapiratse amy zay satria ty hasy ty Andragnahare le namirapiratse tamy zay, vaho ty Anak'aondre ro jiro zay.
\v 24 Handeha amy ty fahazava zay tanà zay reo firenena. Reo mpanjaka ty tane le handay ty hasoa iareo ho ao amy zay.
\f + \ft Fagnamariha: Ty horon-taratasy taloha ilane le mivake tihoe: “Reo firenena ze voavonje le handeha amy ty fahazava zay tanà zay.” \f*
\v 25 Tsy hily reo vavahade zay agnate ty andro, vaho tsy hisy halike agne.
\v 26 Handay ty fahatsara naho ty haja reo firenena ao amy zay iareo,
\v 27 vaho tsy hisy maloto hizilike ao amy zay zao. Tsy misy na ia na ia hanao raraha mahamegnatse na mamitake hizilike ao, te reo ze voasoratse agnara ao amay ty Boky ty Anak'aondre ty Fiaigna avao.
\c 22
\cl Toko 22
\p
\v 1 Vaho naseho iaze anjele ahike iaze sihanake ty rano ty fiaigna, malio manahake ty kristale. Zay le mandeha bak; agne amy ty seza fanapaha ty Andragnahare naho ty Anak'aondre
\v 2 mamakivake eo ampagnivoa ty lala ty tanà. Vaho ty ilane roe amy ty sihanake sambe misy iaze hetae ty fiagna, mamoa ty voane isam-bola. Ty ravy zay hetae zay le natao hagnafake ty firenena iaby.
\v 3 Le tsy hisy saser ty voahozo. Ty seza fanapaha ty Andragnahare naho ty Anak'aondre le ho ao amy ty tanà, vaho reo mpiasane le hanompo Aze.
\v 4 Hahisake ty Tarihine iareo, vaho ty Agnarane le ho eo amy ty handre iareo.
\v 5 Le tsy hisy halike sase; iareo le le tsy mipay fahazava ty jiro na ty masoandro sase satria ty Tompo Andragnahare ro hazava eo amy iareo. Vaho hanjaka zisikam-parane agne iareo.
\p
\v 6 Nanao tihoe iaze anjele tamiko: “Reo tsara reo le azo atokisa naho to. Ty tompo, iaze Andragnahare reo fagnahy reo mpitoke, le nandefa ty anjeline soa hampiseho ze raraha tsy maintse hiseho tsy ho ela amy reo mpiasane.”
\v 7 Ingo! Fa marine ty fiaviako! Vototse ze magnina reo tsara ty fitokie amy toy boke toy.”
\p
\v 8 Raho, Jaona, iaze raeke ze nahajanje naho nahisake reo raraha reo. Lafa nahajanje naho nahisake zay raho, le nihohoke teo amy ty tombo iaze anjele ty vatako soa hiantsa aze, iaze anjele ze nampiseho ahike reo raraha reo.
\v 9 Nanao tihoe reke tamiko: “Ko manao zay! Te mpiasa namanao miarake aminao raho, miarake amy reo mpitoke rahalahinao, vaho miarake amy reo ze mankàto reo tsara toy boke toy. Miantsà ahy ty Andragnahare!”
\v 10 Nanao tihoe reke tamiko: “Ko asia tombo-kase reo tsara ty fitokia amy toy boke toy, te antomotra ty fotoa.
\v 11 Ze manao ty tsy to, apoho reke hanohy ty tsy fahamarigna. Ze maloto fiaigna, apoho reke hanohy ty fiaignane maloto. Zay to, apoho reke hanohy ty fanaova ty to. Ze mase, apoho reke hanohy ty fahamasigna.”
\p
\v 12 “Ingo! Fa marinike ty fiaviako. Ty valesoako le miarake amiko, soa hamaleako ty kiraikiraike artake ty zaka-vitane.
\v 13 Raho ro Alfa naho Omega, ty voalohane naho ty farane, ty fiandohane naho fiafara.
\v 14 Vototse reo ze manasa ty akanjo iareo soa hahazo alala mihina bak'amy ty hazo tyy fiaigna naho hiditra ao amy ty tanà bak'eo amy vavade. 
\f + \ft Fagnamariha: Laha tokone: “Vototse reo ze manasa ty akanjo iuareo.” REo horon-taratay hafa taloha le mivake tihoe: “Vototse reo ze manao ty liline.” \f*
\v 15 Te agne ambalike reo alika, reo mpanao aole, reo mpijangajanga, reo mpiasa ndaty, reo mpiasa sampe, vaho ze iaby tea mavande naho reo mpavande.
\p
\v 16 Raho, Jesosy, le nadefa ty anjeliko soa hagnambara aminareo reo raraha ho ahy reo hitalily aminareo reo raraha ho ahy reo fiangona. Raho ro vahane naho tarana ndre aDavida, iaze vasia mamirapiratse maraindray.”
\p
\v 17 Ty fagnahy naho ty Ampakare manao tihoe: “Avia!” Lonike ze mahajanje hitsara tihoe: “Avia!” Na ia na ia marandrano, lonike reke hamonje, vaho na ia na ia magnire zay, lonike reke hahazo maimaim-poa ty rano ty fiaigna.
\p
\v 18 Raho le mitalily amy zay iaby mandre ty tsara ty fitokia amy toy boke toy: “Laha misy magnampe reo, Andragnahare hagnampe loza ho aze ze voasoratse ao amy toy boke toy.
\v 19 Laha misy magnafake ty tsara fitokia amy toy boky toy, Andragnahare le hagnafake ty anjarane amy ty hetae ty fiaigna naho ty tanà mase ze voasoratse ao ampo toy boke toy.” 
\f + \ft Fagnamariha: Ty horon-tarattase taloha le mivake tihoe: “Andragnahare hagnafake ty anjarane ao amy ty Boky ty Fiaigna vaho ao amy ty tanà mase ze voasoratse ao amy toy boky toy.” \f*
\p
\v 20 Nanao tihoe iaze raeke mitalily reo raraha reo: “Eka! Fa marine ty fiaviako.” Amena! Avy, Tompo Jesosy!
\p
\v 21 Ho amy ty ndaty iaby ty fahasoava ty Tompo jesosy. Amena.