See in Reader
150 lines
16 KiB
Plaintext
150 lines
16 KiB
Plaintext
\id 1JN
|
|
\ide UTF-8
|
|
\h 1 Jaona
|
|
\toc1 1 Jaona
|
|
\toc2 1 Jaona
|
|
\toc3 1jn
|
|
\mt 1 Jaona
|
|
\c 1
|
|
\cl Toko 1
|
|
\p
|
|
\v 1 Ze hatramy ty fanomboha- zao fa janjinay, ze fa fa hisanay tamy ty reo masonay, ze fa nivambanay, vaho ze fa nitsapana ty tagnanay zay le mikasikety Tsara ty fiaigna.
|
|
\v 2 Manahake zay avao kea, ty fiaigna le nampahafantare, vaho fa hisanay zay, le mitsanga vavolombelo amy zay zahay. Zahay le magnambara aminareo ty fiaigna zisikam-parane, ze tao amy ty Rae, vaho ze fa nampahafantare anay.
|
|
\v 3 Ze hisanay naho janjinay le antalilinay aminareo avao kea, soa hagnanareo fifakazahoa aminay avao kea. Ty fifiankazahoa misy eo aminay le amy ty Rae naho amy ty Anane, Jesosy Kristy.
|
|
\v 4 Manahake zay avao kea, manoratse reo raraha reo ho anareo zahay soa ho tanterake ty fifaleantika.
|
|
\f + \ft Fagnamariha: Reo dikan-tene taloha ilane le mivake manahake zao: “Vaho manoratse reo raraha reo zahay soa ho tanterake ty fifaleanareo.” \f*
|
|
\p
|
|
\v 5 Zao ro hafatse ze fa janjinay bak'amine le ambaranay aminareo: Andragnahare le fahazava, vaho ao Amine le tsy misy ike zao.
|
|
\v 6 Laha mitalily tika te mana fifandraisa Amine vaho mandehja ao ampo ty ike, le mavande tika vaho tsy manao ty to.
|
|
\v 7 Feie laha mandeha ao amy ty fahazava tika manahake Aze ao amy ty fahazava, le mana fifinkazahoa Aze ao amy tyy fahazava, le mana fifandraisa amy ty kiraikiraike iavy tika, vaho ty lio ndre Jesosy Anane ro magnadio antika amy ty hakeo iaby.
|
|
\v 8 Laha mitalily tika te tsy manan-kakeo, le mamitake ty vatantika tika, vaho ty fahamarigna le tsy ao amintika.
|
|
\v 9 Fewie laha magnina reo hakeontika tika, Reke le matoke naho to amy ty famelana reo hakeontika vaho magnalio antika amy ty tsy fahamarigna iaby.
|
|
\v 10 Laha mitalily tika te tsy mboe nanao rate, le manao Aze ho mpavande, vaho tsy ao amintika ty tsarane.
|
|
\c 2
|
|
\cl Toko 2
|
|
\p
|
|
\v 1 Anake, manoratse reto raraha reto raho soa tsy hanaovanareo rate. Feie laha misy manao rate, le mana mpisolo vava tika miarake amy ty Rae, Jesosy Kristy, iaze to.
|
|
\v 2 Reke ro fagnavota ahy reo hakeontika, vaho tsy ty antika avao, te ty ahy zao tontolo zao iaby avao kea.
|
|
\p
|
|
\v 3 Amy zay ro ahafantrantika te mahay Aze tika: Laha miambe reo liline tika.
|
|
\v 4 Iaze mitsara tihoe: “Mahay ahy ty Andragnahare raho", te tsy miambe reo liline, le mpavande vaho ty to le tsy ao amine.
|
|
\v 5 Te na ia na ia mitao ty tsarane, to vantagne, le ao amy zay ndaty zay ro nagnatanteraha ty fitiava ty Andragnahare. Amy zay ro ahizantika te ao amine tika.
|
|
\v 6 Iaze raeke ze mitsara te mitoetse ao amy ty Andragnahare le tokone andeha avao kea reke manahake ty nandeha ndre Jesosy Kristy.
|
|
\p
|
|
\v 7 Malala, tsy manoratse lily vaovao ho anreo raho, te lily taolo ze fa nanagnanareo hatramy ty fanomboha. Ty lily taolo le tsara ze janjinareo.
|
|
\v 8 Te manoratse lile vaovao ho anareo raho, ze to ao amy ndre Kristy naho ao aminareo, satria ty ike le mandalo, te ty fahazava to le famamiratse.
|
|
\v 9 Iaze raeke ze mitsara te ao amy ty mazava reke vaho malay ty rahalahine le ao ampo ike hatramy zao.
|
|
\v 10 Iaze raeke ze mitea ty rahalahine le mitoetse ao amy ty mazava vaho tsy hisy fotoa handavo aze.
|
|
\v 11 Te iaze raeke ze malay ty rahalahine ao amy ty ike le mandeha ao amy ty ike; reke le tsy mahay ze andenane, satria ty ike le fa nahagoa ty fanjone.
|
|
\p
|
|
\v 12 Manoratse ho anareo raho, anake teako, satria reo fahotanareo le voavela noho ty tahinane.
|
|
\v 13 Manoratse ho anareo raho, rae, satria hainareo raho, mpamarake, satria niresenareo iaze rate. Fa nanoratse ho anareo raho, ajaja malinike, satria nareo le mahay ty Rae.
|
|
\v 14 Fa nanoratse ho anareo raho, rae satria haianreo iaze bak'amy ty fanomboha. Fa nanoratse ho anareo raho, mpamarake, satria mafe nareo, vaho ty tsara ty Andragnahare le mitoetse ao aminareo, vaho nareo le nandrese iaze rate.
|
|
\p
|
|
\v 15 Ko mitea na ahy zao tontolo zao na reo raraha eo amine. Laha misy mitea ahy zao tontolo zao, le tsy ao amine ty fitiava ty Rae.
|
|
\v 16 Te ty raraha iaby ze ao amy zao tontolo zao-le tsy fila ty nofotse, ty fila ty maso, vaho ty fieboebo ty fiaigna ze tsy bak'amy ty Rae te bak'amy zao tontolo zao.
|
|
\v 17 Zao tontolo zao naho ty fagniriane le mandalo. Te na ia na ia manao ty tea ty Andragnahare le hitoetse zisikam-parane.
|
|
\p
|
|
\v 18 Ty ajaja, toy ty ro lera farane. Manahake ty fa janjinareo te ho avy ty antiKristy, henanezao maro reo antiKristy ze fa avy. Amy zay ro ahizantika te toy ro lera farane.
|
|
\v 19 Niala tamintika iareo, feie tsy bak'amintika. Te laha tamintika iareo, feie tsy bak'amintika. Te lafa niala iareo, le nampiseho te tsy tamintika.
|
|
\v 20 Te mana fagnosora bak'amy iaze Raeke Mase nareo, vaho hainareo iaby ty to.
|
|
\f + \ft Fagnamariha: misy dikan-tene hafa ilane vaovao ze mivake tihoe: “mana ty fahalala iaby nareo.” Ty dikanteny ilane taloha le mivake tihoe: “vaho hainareo ty raraha iaby.” \f*
|
|
\v 21 Tsy nanoratse ho anareo raho satria nareo le tsy mahay ty to, te satria hainareo zay vaho tsy misy vande bak'amy ty to.
|
|
\v 22 Ia ro mpavande te tsy iaze raeke ze mandà te re Jesosy ro Kristy? Ze ndaty zay le iaze antiKristy, lafa mandà ty Rae naho Anake reke.
|
|
\v 23 Tsy misy ndaty ze mandà ty Anake le hana ty Rae. Na ia na ia magnina ty Anake avao kea le mana ty Rae.
|
|
\v 24 Te ho anareo, lonike ze janjinareo hatramy ty fiandoha hitoertse ao aminareo. Laha zer janjinareo hatramy ty fiandoha ro mitoetse ao aminareo, le hitoetse ao amy ty Anake naho ao amy ty Rae avao kea nareo.
|
|
\v 25 Zay ro fampagnantegna nomeine antika: le ty fiaigna zisikam-parane.
|
|
\p
|
|
\v 26 Fa nanoratse zay raraha zay ho anareo raho mikasike reo ze handay anareo amy ty lalan-diso.
|
|
\v 27 Te ho anareo, iaze hino ze nirambesinareo bak'amine le hitoetse ao aminareo, vaho nareo le tsy mipay ndaty mampianatse anareo. Te manahake zay nampianare ty fagnoso anareo ty raraha iaby le to vaho tsy vande, vaho manahake ze fa nampianare zay nareo, le mitoetse ao Amine.
|
|
\p
|
|
\v 28 Henane zao, anake teako, mitoboha ao amine, soa lafa miboake Reke, le hana fahasakia tika vaho tsy megnatse eo agnatrehane amy ty fiavine.
|
|
\v 29 Laha hainareo te reke ro to, hainareo te ze iaby manao ty mete le terake tamine.
|
|
\c 3
|
|
\cl Toko 3
|
|
\p
|
|
\v 1 Ingo manahake ty ino ty fitiava nome ty Rae antika, soa hikaiha antika tihoe ana ty Andragnahare, vaho zay tika. Noho zay antone zay, zao tontolo zao le tsy mahay antika, satria tsy mahay aze zay.
|
|
\f + \ft Fagnamariha: Ty dikan-tene taloha le tsy magnise tihoe: “vaho zay tika.” \f*
|
|
\v 2 Ry malala, ana ty Andragnahare tika henanezao, vaho zay le mboe tsy nambara tihoe hanahake ty ino tika. Tika le mahay te lafa mimboake re Kristy, le hanahake Aze tika, satria hahisake Aze manahake Aze tika.
|
|
\v 3 Ty iaby ze mana zay fahatokia mikasike ty ho ave mifotse amine zay le magnadio ty vatane soa halio manahake Aze.
|
|
\v 4 Ze iaby manao rate le manao ze tsy ara-dalàgna; te ty hakeo le tsy ara-dalàgna.
|
|
\v 5 Nareo le mahay te re Kristy le natalily soa hangalake rei hakeo, vaho ao amine le tsy misy hhakeo.
|
|
\v 6 Tsy misy ndaty ze mitoese ao amine le mboe hanao rate avao. Tsy misy ndaty mboe manao rate nahisake aze na nahay aze.
|
|
\v 7 Anake teako, ko apoke hisy ndaty hamitake anareo. Iaze raeke ze manao ty fahamarigna le to. Iaze raeke ze manao ty fahamarigna le to, manahake ty mahato ahy ndre Kristy.
|
|
\v 8 Iaze raeke ze manao rate le bak'amy ty devole, te ty devole le nanao rate avao am-piandoha. Noho zay antone zay ty Ana ty Andragnahare le niboake, soa ahazahoane mamotike reo asa ty devole.
|
|
\v 9 Na ia na ia naterake ty Andragnahare le tsy hanohy ty haratia satria ty voa bak'amy ty Andragnahare le mitoetse amy zay ro hampisehoa reo ana ty Andragnahare.
|
|
\v 10 Ao amy zay ro hampisehoa reo ana ty Andragnahare naho reo ana ty devole. Na ia na ia tsy manao ty to le tsy bak'amy ty Andragnahare; na ty raeke ze tsy tea ty rahalahine avao kea.
|
|
\p
|
|
\v 11 Te zay ro hafatse ze fa renareo hatrgne am-piandoha: te tika le tokone mifankatea,
|
|
\v 12 te tsy manahake ahy ndre Kaina, ze bak'amy iaze rate naho namone ty rahalahine. Te nanao akore reke ro namono aze? Satria reo asane le rate, vaho ty ahy ty rahalahine le to.
|
|
\v 13 Ko vere, rahalahiko, laha malay anareo ty tane.
|
|
\v 14 Haintika te fa niala tamy ty fahafatesa mandeha agne amy ty fiaigna tika, satria tea ahy reo rahalahy tika. ze tsy tea le mitoetse agne amy ty fahafatesa.
|
|
\v 15 Ze malay ty rahalahine le mpamono ndaty. Hainareo te tsy misy mpamono ndaty mana fiaigna zisikam-parane mitoboke ao amine.
|
|
\v 16 Amy zay ro hahaizantika ty fitiava satria Kristy nagnome ty fiaine ho antika. Tika avao kea le tokone magnome ty fiaintika ho ahy reo rahalahy.
|
|
\v 17 Te na ia na ia mana ty hanagna zao tontolo zao, le mahisake ty fahasahiragna ty rahalahine, vaho magneke ty araofo ty fiferignaine aze, amy ty fomba manao akore ro itoera ty fitiava ty Andragnahare ao amine?
|
|
\v 18 Anako teako, lonike tika tsy hitea amy ty tsara na kea amy ty vava, te amy ty asa naho fahamarigna.
|
|
\p
|
|
\v 19 Bak'amy zay ro hahaizantika te bak, amy ty fahamarigna tika, vaho mampatoke ty arofontika eo agnatrehane tika.
|
|
\v 20 Te laha magnameloke antika ty arontika, Andragnahare le bey noho ty arontika, vaho mahay ty zaka iaby Reke.
|
|
\v 21 Malala, laha tsy magnameloke antika ty arofontika, le mana fahatokia amy ty amy ty Andragnahare tika.
|
|
\v 22 Na ino na ino angatahintika le ho azontika bak'amine, satria tika mitao reo liline naho manao ze teane eo agnatrehane.
|
|
\v 23 Zao ro liline: tokone matoke ty tahina ty Anane Jesosy Kristy vaho mifankatea tika, manahake ty fa nagnomezane antika zay lily zay.
|
|
\v 24 Ty raeke ze mitajake reo lily ty Andragnahare le mitoetse ao amine, vaho Andragnahare mitoboke ao amine. Amy zay ro hahafantarantika te reke le mitoboke ao amintika, amy ty fagnahy ze nomeine antika.
|
|
\c 4
|
|
\cl Toko 4
|
|
\p
|
|
\v 1 Teako, ko matoke ty fagnahy iaby. Te kea, mitsapa reo fagnahy soa hahisake te bak'amy ty Andragnahare iareo, satria mpitoke sandoke maro ro fa niala tamy zao tontolo zao.
|
|
\v 2 Amy zay ro ahizanareo ty Fagnahy ty Andragnahare-ty fagnahy iaby ze magnina te re Jesosy Kisty ze avy nofotse le bak'amy ty Amndragnahare,
|
|
\v 3 vaho ty fagnahy iaby ze tsy magnina te Jesosy le tsy bak'amy ty Andragnahare. Le zay ty fagnahy ty antiKristy, ze fa janjinareo te ho ave, vaho henane zao ler eto an-tane.
|
|
\f + \ft Fagnamariha: misy dikan-teny taloha ilane le mivaky tihoe: “Vaho ty fagnahy iaby ze tsy magnina te re Jesosy avy nofotse le tsy bak'amy ty Andragnahare. Zay le fagnahy ty antikristy, zwe fa janjinareo te ho ave, vaho antiKristy le fa eto an-tane. \f*
|
|
\p
|
|
\v 4 Nareo le bak'amy ty Andragnahare, anake tea, vaho fa nandrese aiereo, satria iaze raeke ze ao aminareo le bey mihoatse noho iaze raeke ze eto amy zao tontolo zao.
|
|
\v 5 Iareo le bak'amy zao tontolo zao; noho zay ze iaby talily iareo le bak'amy zao tontolo zao, vaho zao tontolo zao mijanje ahy iareo.
|
|
\v 6 Bak'amy ty Andragnahare tika. Ze mahay ty Tompo le mijanje antika. Reke ze tsy bak'amy ty Andragnahare le tsy mijanje antika. Amy zay ro ahizantika ty fagnahy ty fahamarigna naho ty fagnahy ty fahadisoa.
|
|
\p
|
|
\v 7 Teako, lonike tika hifankatea, te ty fitiava bak'amy ty Andragnahare, vaho ze iaby mitea le naterak'Andragnahare naho mahay ahy ty Andragnahare.
|
|
\v 8 Ty ndaty ze tsy mitea le tsy mahay ahy ty Andragnahare, satria Andragnahare le fitiava.
|
|
\v 9 Noho zay ty fitiava ty Andragnahare le natalily tamintika, te Andragnahare le nandefa ty Anane lahitoka ho ahy zao tontolo zao soa ho velo noho Reke tika.
|
|
\v 10 Ao amy zay fitiava zay. tsy nitiavintika ahy ty Andragnahare, te ty nitiavine antika, vaho ty nandefasane ty Anandahine ho fagnavota reo fahotantika.
|
|
\v 11 Teako, laha tea loatse antika Andragnahare, le tokone hifankatea avao kea tika.
|
|
\p
|
|
\v 12 Tsy mboe nisy nahhisake ahy ty Andragnahare. Te laha mifankatea tika, le mitoboke ao amintika Andragnahare vaho ty fitiavane le tanterake ao amintika.
|
|
\v 13 Amym zay ro ahizantika te mitoetse ao amine tika vaho reke ao amintika, satria reke le nagnome antika ty ilane amy ty fagnahine.
|
|
\v 14 Vaho avao kea, fe nahisake tika naho fa mitsanga vavolombelo te ty Rae le nandefa ty Anandahine ho Mpamonje ahy zao tontolo zao.
|
|
\v 15 Na ia na ia magnina te Jesosy le Anandahy ty Andragnahare, le mitoboke ao amine Andragnahare vaho reke ao amy ty Andragnahare.
|
|
\v 16 Tika avao kea le nahay vaho natoke ty fitiava ze fa nanagna ty Andragnahare ho antika. Andragnahare le fitiava, vaho iaze raeke ze mitoboke amy zay fitiava zay le mitoboke ao amy ty Andragnahare vaho Andragnahare le mitoboke ao amine.
|
|
\v 17 Noho zay, zay fitiava zay le nitanterahe tamintika, soa hanagnantika fahatokia amy ty andro ty fitsara, satria manahake Aze, le manahake zay avao kea tika eto amy toy tane toy.
|
|
\v 18 Tsy misy tahotse ao amy ty fitiava. Te kea, ty fitiava tanterake le mangalake ty tahotse, satria ty tahotse le tsy maintse miarake amy saze. Te iaze raeke ze matahotse le natao ho tanterake ao amy ty fitiava.
|
|
\v 19 Mitea tika satria Andragnahare nitea antika voalohane.
|
|
\v 20 Laha misy ndaty mirehake tihoe: “Teako Andragnahare" feie malay ty rahalahine, le mavande reke. Te iaze raeke ze tsy mitea ty rahalahine, ze hisane, le tsy afake ty hitea ahy ty Andragnahare, ze tsy hisane.
|
|
\v 21 Vaho, zay avaop kea ro lily ze anagnantika bak'amine: Na ia na ia mitea ahy ty Andragnahare le tsy maintse mitea ty rahalahine avao kea.
|
|
\c 5
|
|
\cl Toko 5
|
|
\p
|
|
\v 1 Na ia na ia matoke te re Jesosy ro Kristy le naterak'Andragnahare, vaho na ia na ia tea ty Rae avao kea le tea ty anake naterane.
|
|
\v 2 Noho zay rp ahizantika te teantika reo ana ty Andragnahare: lafa tea ahy ty Andragnahare naho magnatanterake reo liline tika.
|
|
\v 3 Satria zay ro fitiava ho ahy ty Andragnahare: le ty hagnatanterahantika reo liline, vaho reo liline le tsy mavesatse.
|
|
\v 4 Te ty ndaty iaby ze naterak'Andragnahare le mandrese ahy zao tontolo zao. Vaho zay le fandresea ze fa nandrese ahy zao tontolo zao: ty finoantika.
|
|
\v 5 Ia iaze raeke ze mandrese ahy zao tontolo zao? Iaze ze mino te re Jesosy le Anak'Andragnahare.
|
|
\p
|
|
\v 6 Zay le iaze Raeke ze avy atamy ty rano naho lio: Jesosy Kristy. Reke le avy tsy tamy ty rano avao, te tamy ty rano naho lio.
|
|
\v 7 Te misy telo ze mitsanga vavolombelo:
|
|
\v 8 ty fagnahy, ty rano, vaho ty lio. Reo telo reo le mifagnarake.
|
|
\f + \ft fagnamariha: Ty dikan-tene taloha ilane le mivake manahake zao: “Te misy telo ze mitsanga vavolombelo agne an-dagnitse: ty Rae, naho ty Tsara, vaho ty Fagnahy mase; vaho reo telo reo le raeke. Vaho misy telo ze mitsanga vavolombelo eto ambone ty tane: Ty Fagnahy, ty rano, vaho ty lio; vaho reo telo reo le manahake ty raeke.” Na zay kea, reo dikan-tene soa loatse le tsy mivake manahake zay. \f*
|
|
\v 9 Laha mandrambe ty fitsanga vavolombelo ty nadaty tika, le ho bey loantse ty fitsangana vavolombelo ty Andragnahare. Te ty fitsangana vavolombelo mikasike ty Ananne.
|
|
\v 10 Na ia na ia matoke ty Anak'Andragnahare le amana fitsangana vavolombelo ao amy vatane reke. ze tsy mino ahy ty Andragnahare le manao Aze ho mpvande, satria reke le tsy natoke ty fitsangana vavolombelo ze fa nomey ty Andragnahare mikasike ty Anane.
|
|
\v 11 Vaho ty fitsangana vavombelo le zao: Andragnahare le nagnome antika fiaigna zisikam-parane, vaho zay fiaigna zay le ao amy ty Anane.
|
|
\v 12 Iaze raeke ze mana ty Anake le mana ty fiaigna. Ty ndaty ze tsy mana ty Anak'Andragnahare le tsy manana fiaiagna.
|
|
\p
|
|
\v 13 Fa nanoratse reto raraha reto ho anareo raho soa haizanareo te mana ty fiaiagna zisikam-parane nareo- ho anareo ze matoke ty tahina ty Ana ty Andragnahare.
|
|
\v 14 Manahake zay avao kea, zao ro fifagneke ze anagnantika eo agnatrehane, te na ino ino angatahintika arake ty teane le maneho antika Reke.
|
|
\v 15 Manahake zay avao kea, laha haintika te mandre antika reke- na ino na ino angatahintika Amine- le haintika te azontika ze iaby nangatahintika tamine.
|
|
\p
|
|
\v 16 Laha misy ndaty raeke mahisake ty rahalahine manao haratia ze tsy miterake fahafatesa, tsy maintse mivavake reke, vaho Andragnahare le hagnome fiaigna ho aze. Raho le mampitove reo ze mana hakeo tsy miterake fahafatesa. Misy hakoe ze miterake fahafatesa; tsy mirehake raho tihoe tokone hivavake amy zay reke.
|
|
\v 17 Ty tsy fahamarigna iaby le fahota, feie misy hakeo tsy miterake fahafatesa.
|
|
\v 18 Haintika te na ia na ia natera ty Andragnahare le tsy manao rate. Feie iaze raike ze naterake ty Andragnahare le miaro ty vatane, vaho ty rate le tsy afake ty ahakasike aze.
|
|
\v 19 Haintika te bak'amy tyu Andragnahare tika, vaho zao tontolo zao le mitoboke ao amy ty rate.
|
|
\v 20 Feie haintika te ty Ana ty Andragnahare le fa ave vaho fa nagnome antika fahazavan-tsay soa ahizantika iaze raeke ze vatane to. Manahake zay avao kea, tika le ao amy iaze raeke ze to, ao amy ndre Jesosy Kristy Anane. Reke ro Andragnahare to vaho fiaigna zisikam-parane.
|
|
\p
|
|
\v 21 Anake, Arovo amy reo sampe ty vatanareo.
|