tdx-x-mahafaly_reg/61-1PE.usfm

\id 1PE
\ide UTF-8
\h 1 Petera
\toc1 1 Petera
\toc2 1 Petera 
\toc3 1pe
\mt 1 Petera 
\c 1
\cl Toko 1
\p
\v 1 Petera, apositoly Jesosy Kirisity, hoahy reo ana ampielea, reo ze voafily, magnera Ponto, Galatia, Kapadokia, Asia, naho Bitynia.
\v 2 Zay le arake ty haina'Agnahare Rae aloha, voatoka ty Fagnahy ho fagnenkea vaho ho fagniligna ty lio Jesosy Kirisity. Ho aminareo anie ty hasoava, naho hitombo anie ty fiadagnanareo.
\p
\v 3 Ho tahie anie Zagnahare vaho Rae Jesosy Kirisity Tompontika. Tamity fandeferane, ro nagnomezane antika hateraha vaovao hoahy ty fatokisa ty lova. Ze lova zay le tamity alala ty fitsangana Jesosy tamity mate.
\v 4 Zay lo hoahy ty lova ze tsy ho mate, tsy ho simba, naho tsy ho rava. Zay le voatoka ho anareo agne andagnitse.
\v 5 Nareo le arova ty heren'Agnahare amity alala ty finoa, hoahy ty famonjea ze le fa vogno ho atalily amity andro farane.
\v 6 Vatane falefale miomba zay nareo, ndra le paienareo aza ty hahatiaro malahelo amity ndaty maro sambe hafa henanezao.
\v 7 Zay le hoahy ty fagnamarea ty finoanareo, te lafovily kea naho ty volamena ze simba, ndra le nanoe tamity afo aza. Miseho zay mba ho hita ty voka ty finoanareo amity fiantsa, hasy, naho haja amity hisehoa Jesosy Kirisity.
\v 8 Tsy nahita Aze nareo, nefa tea Aze. Tsy mahita aze nareo henanezao, kanefa mino Aze naho vatane fale amity hafalea tsy hay rehafe, mahafale.
\v 9 Raesnareo henanezao ty voka ty finoanareo, le ty famonjea ty fagnahinareo.
\p
\v 10 Reo mpamisavisa le nikaroke vaho nagnotane soa ty miomba ze famonjea zay, ty miomba ty hasoava ze ho anareo.
\v 11 Iereo le nipay ty hahay ty miomba ty hoe ia vaho mbia ty Fagnahy Kirisity ao amiereo ro nirehake tamiereo. Zay le niseho hoe ty nirehafene amiereo aloha miomba reo fijalea Kirisity vaho ty hasy magnarake zay.
\v 12 Natalily tamiereo zay mba tsy hanompo ty vatane iereo, fa nareo, laha fa nirehake reo zaka ze voatalily taminreo henanezao iereo tamity alala reo ze nitalily ty zaka soa taminreo tamity alala ty Fagnahy Masy nalefa bakagne andagnitse te tea reo anjele ho hay.
\p
\v 13 Laha zao vognono ty sainareo. Mionognam-bata. Mametraha fatokia amity hasoava ze ho ente aminareo eo amity hisehoa Jesosy Kirisity.
\v 14 Amity maha anake mpagnenke, ko mpampifagnorike ty vatanareo amireo fagniria ze norihenareo tamity mboe tsy nahay nareo.
\v 15 Fa manahake ty raike ze nikaike anareo ty hoe masy, nareo, avao kea, ao ho masy amity entam-batanareo iaby.
\v 16 Fa voasoratre ty hoe: “Ao ho masy, satria masy Raho.”
\p
\v 17 Ka laha mikaike ty raike ze mitsara tsy misy fagnefera arake ty asa ty ndaty kirai-kiraike iaby ty hoe: “Rae” nareo, le handany ty andronareo amity fanoroa fagnaja.
\v 18 Hainareo fa tsy bakamity volafoty ndra volamena mete rava ro nagnavota anareo tamity entam-bata gege ty nianaranareo tamireo razanareo.
\v 19 Fa kea, navota tamity lio lavovily kirisity nareo, te heo ty anak'agnondry tsy misy havoa ndra tsiny.
\v 20 Voafily taloha ty nanangana zao iaby zao Kirisity, fa henanezao le tamireo andro farane ro nagnambara Aze tamireo.
\v 21 Amity alalane ro hinoanareo an'Agnahare, ze nananga aze tamity mate vaho tamireo nameane hasy mba ho ao amin'Agnahare ty finoa vaho fatokianareo.
\p
\v 22 Nagnalio ty fagnahinareo tamity fagnenkea ty hamarea nareo. Zay le hoahy ty hatea ara-pirahalahia malio; laha zao mifankateava mafe amity arofo.
\f + \ft Fagnamare: Reo dikan-drehake ilane le mivaky ty hoe: “Nagnalio ty fagnahinareo tamity fagnenkea ty hamarea tamity alala ty Fagnahy nareo" \f*
\v 23 Naterake ndraike nareo, tsy bakamity voa mete mate, fa bakamity voa tsy mete mate, amity alala ty tsaran'Agnahare velo vaho mitoetre
\v 24 Fa “ty nofo iaby le hoe ty akata, naho ty hasine iaby le hoe ty folera ty akata. Maike ty akata, naho malazo ty folera,
\q
\v 25 fa ty tsara Tompo le mitoboke zisikagne.” Zay ty vaovao mahafale te natalily taminareo.
\c 2
\cl Toko 2
\p
\v 1 Laha zao ario ty raty iaby, ty hadisoam-pagnategna iaby, ty fihatsaram-belatsihy, ty fagniria, naho ty honohono iaby.
\v 2 Manahake ty kolo vaho terake, magniry ronono ara-pagnahy malio, mba hahafahanareo mitombo ao amity famonjea amity alala zay,
\v 3 laha nahatsapa nareo fa soa fagnahy ty Tompo.
\p
\v 4 Mamonje aze ty vato velo ze naria ty ndaty, fa voafilin'Agnahare ho manan-danja Amine.
\v 5 Nareo avao kea le manahake reo vato velo te voaore ho tragno ara-pagnahy, mba ho mpisoro masy ty manolotre ty soro ara-pagnahy enken'Agnahare amity alala Jesosy Kirisity.
\v 6 Ty Soratre Masy le ahitaha zao: “Ingo, Raho mitoboke amity Ziona vato fehezoro, voafily vaho manan-danja. Iaby ze mino aze le tsy ho megnatre.”
\p
\v 7 Ty hasy naho zay le ho anao ze mino. Kanefa,” ty vato narianareo mpagnoren-tragno, zay le lasa loha ty fehezoro"-
\p
\v 8 naho, vato manafintohy vaho vatolampy mahatonta. Tafintohy iereo, tsy nagnenke ty tsara, ze voatoka hoahy iereo avao kea.
\p
\v 9 Fa riha le ndaty voafily, mpisoro ty mpanjaka, firene masy, ndaty hoahy ty fanagnan'Agnahare, mba ho afake hitalily ty hasoa reo asa ty raike ze nikaike anao bakao amity ieke hombaeo amity hazavane mahitake riha.
\v 10 Taloha riha tsy ndaty, kanefa henanezao riha le ndaty n'Agnahare. Tsy nandrae fandefera riha, fa henanezao riha nandrae fandefera.
\p
\v 11 Ry malala, mikaike anareo hoe ty vahiny vaho mpirererere raho mba hifaly ty paie ty nofo, te mahavy aly mandietre ty fagnahinareo.
\v 12 Tokone mana entam-bata soa nareo eo amireo Jentilisa, mba ho, laha mirehake miomba anareo ho nanao zaka raty iereo, le tokone hahita reo asa soananao vaho handaza an'Agnahare amity andro ze hahaviane.
\p
\v 13 Enkeno ty fahefa ty ndaty iaby naho ty amity Tompo. Enkeno hoe ty ambone vatane ty mpanjaka,
\v 14 vaho reo governora avao kea, te nalefa mba hagnasazy reo mpanao raty vaho handaza reo ze manao ty soa.
\v 15 Fa zay ro sitrampon'Agnahare, amity fanoa ty soa anareo le mampitsy ty rehake tsy mahay fomba ty ndaty gege.
\v 16 Manahake ty maha-ndaty hafa, ko ampiase ho hoe ty fanakofa halemea ty fahafahanao, fa ao ho hoe ty mpanompon'Agnahare.
\v 17 Ameo hasy ty ndaty iaby. Teavo ty firahalahia. Matahora an'Agnahare. Ameo hasy ty mpanjaka.
\p
\v 18 Ry mpanompo, mimetea hagnenke ty tomponareo amity fagnaja iaby. Ko magnenke ho mpanompo ty soa vaho ho tompo soa fagnahy, fa hoahy reo raty toera avao kea.
\v 19 Satria soa-antsae zay laha misy miaretre rare laha fa mijale tsy rarene naho ty fagnantegnane an'Agnahare.
\v 20 Fa fire ty vola laha manota riha naho miaretre zisike ty fagnasaea anao iaby eo? Fa laha nanao ty soa riha naho miaretre zisike ty fagnasazea anao, le soa-antsae amin'Agnahare zay.
\v 21 Fa naho toy ro nikaiha anao, satria Kirisity avao kea le nijale ho anao. Nagnenga ohatre ho anao Re mba hagnoriha reo lalane.
\v 22 Tsy nanota Re, ndra hoe nisy fitake teo am-bavane.
\q1
\v 23 Laha fa nirehafe raty Re, le tsy mba namale raty. Laha fa nijale Re, le tsy nandraho, fa nanolotre ty vatane tamity raike ze Mpitsara ampahamarea.
\q1
\v 24 Re vatane le nanday reo hadisoantika tao amity vatane ho eo ambone hetae, mba tsy hana anjara amity hadisoa sase tika, naho mba hivelo hoahy ty hamarea. Tamity alala ty ferene ro nahafake anareo.
\v 25 Nirererere hoe ty agnondry robake nareo iaby, fa henanezao nareo nihere tamity mpiarake agnondry vaho mpiambe ty fagnahinareo.
\c 3
\cl Toko 3
\p
\v 1 Amize fomba zay, Nareo ampela le tokone hagnenke ty valinareo. Anovo zay ndra le misy lahilahy maro aza tsy magnenke ty tsara, naho mete ho azo iereo ndra tsy aza ty tsara, amity alala ty etam-bata ty valy iereo.
\v 2 Fa iereo le hahita ty entam-bata soanareo am-pagnaja.
\v 3 Ao zay ho lefe tsy miarake amireo haingone ambalike: randram-bolo, ravake volamena, ndra akanjo lamaody.
\v 4 Fa kea, ao zay ho lefe miarake amize ao agnarofo ty ndaty, vaho ty hasoa maharetre ty Fagnahy soa vaho mangike, te lafo vily eo agnoloan'Agnahare.
\v 5 Fa reo ampela masy taloha ro nandravake ty vata iereo toe zay. Nana fatokia an'Agnahare iereo naho nagnenke ty valine iaby.
\v 6 Hoe ze ty fomba zay ro nagnenkea Abrahama Saraha vaho nikaihane aze ho tompone. Nareo le anane henanezao laha manao ze soa vaho tsy matahotre ndaty nareo.
\p
\v 7 Hoe zay avao, nareo lahilahy le tokone mivelo miarake amity valinareo arake ty hazavan-tsay, hoe ty fanake maleme kea, ty ampela. Tokone ameanareo hasy iereo manahake ty mpiara-mandova ty fagnomea ty havelo. Anovo zay mba tsy ho voasaka ty vavake nareo.
\p
\v 8 Farane, nareo iaby, ao hiarake say, hiferegnay, hifankatea manahake ty mpirahalahy, haleme arofo, naho hiambane.
\v 9 Ko mamale raty naho raty ndra magnaraty ty mpagnaraty. Mafandietre amizay aza, mitahia zisikagne, fa naho zay ro nikaiha anareo, mba hahafahanareo mandova ty fitahia.
\v 10 “Ty raike ze te hotea ty fiaigna vaho te hahita andro soa le tokone hampindrano ty lelane amity raty vaho ty sognine amity firehafa fitake.
\q
\v 11 Ao re hiala amity atao ty hoe raty naho hanao ze soa. Ao re hipay fiadagna vaho hitake zay.
\q
\v 12 Ty maso ty Tompo nahita ty mare, naho ty sofine maharey reo hata iereo. Fa ty tarehe Tompo le mandietre reo ze manao raty.”
\p
\v 13 Ia ty raike hagnisy anareo laha magniry ty hanao ty soa nareo?
\v 14 Nefa laha mijale naho ty hamarea nareo, le sambatre. Ko matahotre ze atahora iereo. Ko magnorohoro.
\v 15 Fa kea, atokano hoe ty masy ao amponareo ty Tompo Kirisity. Mivognona zisikagne hamale ty ndaty iaby ze magnotane anreo ty antone hatokianareo an'Agnahare. Anovo amity halemeam-pagnahy vaho fagnaja zay.
\v 16 Managna feo ty fandineha malio mba ty ndaty ze magnaraty ty fiaigna soanareo ao amy Kirisity le mete megnatre satria mirehake mandietre anareo iereo hoe ty hoe mpanao raty nareo.
\v 17 Soa kea, laha Zagnahare ro magniry, fa mijale nareo amity fanoa ty soa naho ty fanoa ty raty.
\v 18-19 Te fa nijale naho ty hadisoa avao kea Kirisity. Re ty mare le nijale ho antika, te tsy mare, mba handaisane antika eo amin'Agnahare. Vinono tamity nofo re, fa vinelo ty Fagnahy, le nandeha re naho nitalily hoahy reo fagnahy ze agne ampigadra henanezao.
\v 20 Tsy nagnenke iereo laha fa niambe ty fiatrehan'Agnahare tamity andro Noa, tamity andro ty fanangana sambofiara, naho Zagnahare namonje ndaty kele_fagnahy valo tamity rano.
\v 21 Zay ro famanatara ty batisa ze mamonje anareo henanezao_tsy hoe ty fagnaliova ty loto amity vata, fa hoe ty kaike ty feo ty fandineha ho amin'Agnahare_tamity alala ty fitsangana Jesosy Kirisity tamity mate.
\v 22 Kirisity le eo antagnan-kavanan'Agnahare. Niakatre agne andagnitse re. Reo anjele, reo manam-pahefa, naho ty hare le tsy mahaintsy magnenke Aze.
\c 4
\cl Toko 4
\p
\v 1 Laha zao, sagnatria nijale tamity nofo ty Kirisity, le anovo fialia ty vatanareo ze dineke zay. Fa iaby ze nijale tamity nofo le nitofa tamity hadisoa.
\v 2 Voka zay, ty ndaty hoe zay, zisike ty andro sisa hivelognane, le tsy ho velo hoahy ty fagniria ty ndaty sase, fa hoahy ty sitrampon'Agnahare.
\v 3 Fa ampe zay ty andro lasa nanaova ze tea ty jentilisa hatao -hafalea ty nofo, falemelemea, hamamoa, entam-bata mahamegnatre, fihisan-draty, naho reo asa ty fanompoan-tsampe raty.
\v 4 Dinehe iereo fa hafa-hafa satria tsy miharo amiereo ao amize fagnaranam-po bey zay nareo, laha zao le hireha-draty miomba anareo iereo.
\v 5 Hamale ty raike ze vogno hitsara ty velo vaho ty mate iereo.
\v 6 Laha ze antone zao ro nitalilia ty vaovao mahafale tamireo mate avao kea, mba, ndra le tsinara tamity nofo hoe ty ndaty aza iereo, le ho velo hoen'Agnahare ao amity fagnahy.
\v 7 Miharine ty fara ty zaka iaby. Laha zao mandineha, naho magnonognam-bata amity dinenao hoahy ty hateam-bavake.
\v 8 Ambone ty zaka iaby, managna hatea feno hoahy ty kirai-kiraike iaby, fa ty hatea manaro hadisoa maro.
\v 9 Mifampandrosoa tsy am-pitaraigna.
\v 10 Fa ty kirai-kiraike aminareo le nandrae fagnomeam-pahasoava, ampiasao fifanompoa zay. Manova zay hoe ty mpitan-draharaha ty fagnomeam-pahasoava maro maimaimpoa an'Agnahare.
\v 11 Laha misy mirehake, ao re hanao zay hoe ty raike mirehake ty rehan'Agnahare. Laha misy manompo, ao zay hoavy amity here te vatien'Agnahare. Manova reo zaka reo mba homean-kasy amity alala Jesosy Kirisity amity fomba iaby Zagnahare. Ao hoahy Jesosy Kirisity ty hasy vaho here zisikagne doria. Amena.
\v 12 Ry malala, ko raese ho fahafaha ty fitsapa amity arofo ze niseho taminareo, hoe ty hoe nisy zaka hafahafa niseho taminareo.
\v 13 Fa kea, ndra le maro aze ty hivelomanareo reo jale Kirisity, mifalea, mba ho afake hifale avao kea nareo naho ho falefale amity fagnambara ty hasine.
\v 14 Laha niharatie naho ty agnara Kirisity nareo, le voatahy, satria ty Fagnahy ty hasy vaho ty Fagnahin'Agnahare le mitoboke aminareo ao.
\v 15 Fa ao tsy hisy ndra ia ia aminareo hijale hoe ty mpamono ndaty, mpangalatre, mpanao raty, ndra mpiraharaha ty ahy ty hafa.
\v 16 Fa laha misy mijale fa Kirisitiana, ao re tsy ho megnatre; fa kea, ao hagnomea hasy an'Agnahare amize agnara zay re.
\v 17 Fa andro zao hanomboha ty fitsara miarake amity fokon'Agnahare. Laha manomboke antika zay. ino ro ho vokatre hoahy reo ze tsy magnenke ty zaka soan'Agnahare?
\v 18 Naho laha" ty ndaty mare aza paie tsy ho voavonje, amity fomba akore ro hisehoa ty ndaty tsy an'Agnahare vaho ty mpanota?”
\p
\v 19 Laha zao ao reo ze mijale naho ty sitrampon'Agnahare hagnanky ty fagnahy iereo amity Mpamoro matoky amity fanoan-tsoa.
\c 5
\cl Toko 5
\p
\v 1 Magnanatre reo olobey aminareo raho, zaho, ty olobey nama. Zaho avao kea le vavolombelo reo fijalea Kirisity, naho kea mpikamba ao amity hasy te le fa hatoro.
\v 2 Laha zao, magnanatre anareo raho, ry olobey, lignaso ty agnondrin'Agnahare te aminareo eo. Araho maso ierey, tsy amity haterea, fa amity sitramponareo, arake ty sitrampon'Agnahare. Araho maso ierey, tsy amity vola maloto, fa antsitrampo.
\v 3 Ko manjaka amity ndaty ze iambenanareo. Fa kea, ao ho fitaratre hoahy ty agnondry.
\v 4 Naho laha fa miseho ty Loha ty mpiarake agnondry, le hahazo satron-kasy tsy mete simba nareo.
\p
\v 5 Manahake zay kea, nareo tanora fagnahy, magnenkea ty ndaty bey. Nareo iaby, sikino fahamarea ty vatanareo naho mifanompoa. Fa Zagnahare mandietre ty mpirehareha, fa magnomea hasoava ty mare.
\p
\v 6 Laha zao mimarea eo ambane ty tagna-maheren'Agnahare mba hagnakarane anareo amize andro zay.
\v 7 Engao eo amine ty fagnahinareo iaby, satria Re ro mitahy anareo.
\p
\v 8 Magnonognam-bata, miambena. Ty fahavalonareo, le ty devoly, mihodigna hoe ty liona mikenro, mipay ty ndaty ho hanene.
\v 9 Mandiera aze. Mioregna amity finoanareo. Hainareo fa ze fijalea zay le manjo ty fiharoa reo mpino magnera zao iaby zao avao kea.
\v 10 Laha fa baka nijale zisike ty andro kele nareo, ty Zagnahare ty hasoava iaby, ty nikaike anareo ho amity hasine zisikagneao amy kirisity, le hahalefe anareo, hananga anareo, naho hagnamafe anareo.
\v 11 Ho Aze anie ty fanjaka zisikagne zisikagne. Amena
\p
\v 12 Raeseko heo ty rahalahy matoky ty Silasy, naho nanoratre rehake kele hoanareo tamity alalane raho. Magnanatre anareo naho magnambara anareo fa ze sinorako le hasoava maren'Agnahare. Mitsangana amizay.
\p
\v 13 Ty ampela te agne Babylona, ty voafily niarake taminareo, manao veloma anareo. Naho kea Marka, anadahiko, manao veloma anareo.
\v 14 Mifanova veloma amity fagnorohan-katea. Ho aminareo iaby anie ty fiadagna ze ao amy Kirisity.