See in Reader
70 lines
6.6 KiB
Plaintext
70 lines
6.6 KiB
Plaintext
\id TIT
|
|
\ide UTF-8
|
|
\h Titosy
|
|
\toc1 Titosy
|
|
\toc2 Titosy
|
|
\toc3 tit
|
|
\mt Titosy
|
|
\c 1
|
|
\cl Toko 1
|
|
\p
|
|
\v 1 Paoly, mpiasa ty Andragnahare vaho Apostoly ndre Jesosy Kristy, hagnamafe ty finoa ty ndaty voafile ty Andragnahare naho fahalala ty to ze magnarake ty toe-pagnhy arake ahy ty Andragnahare,
|
|
\v 2 amy ty fahatokisa ty fiaigna zisikam-parane, iaze tsy mavande, nanomboke fa ela.
|
|
\v 3 Tamy ty fotoa voatondro, l e nasehone ty tsarane tamy ty hafatse ze natokisane ho ampitaeko. Nataoko zay arake ty lily ty Andragnahare iaze Mpamonje antika.
|
|
\v 4 Ho ahy ndre Titosy, anake to ao amy ty finoa hiaroahantika. Fahasoava naho fiandagna bak' amy ty Andragnahare iaze Rae naho Jesosy Kristy Mpamonje antika.
|
|
\v 5 Noho zao antone zao ro nangnegako anao tagne Krreta. soa handaminanao reo raraha mboe tsy vita naho hanendre ndaty bey sake ty tanà arake ze fa nandiliako anao.
|
|
\v 6 Ty ndaty bey le tokone hanan-tsikone avao, valy ty ampela raeke, mana anake matoke tsy voanta ho magnara-po amy ty rate na mahere zaka.
|
|
\v 7 Mpaiavy ty mpiambe, amy ty maha-mpanao ty asa ty Andragnahare, ty tsy fanagnan-tsikone. Tsy tokone ho mafe rehake na mirehareha. Tsy tokone ho mora masikae, tsy mpimamo, tsy tea ale, vaho tsy ndaty tea ndrala.
|
|
\v 8 Te kea, tokone hampiantragno reke, ragnitse ze soa. Tsy maintse mahafehe tegna, to, mase, vaho mahafehe vata.
|
|
\v 9 Tokone mita mafe ty hafatse ze fa nampianare reke, soa afahane mampahere reo hafa amy ty fampianara soa vaho hagnitse reo ze manohitse aze.
|
|
\p
|
|
\v 10 Te maro ty ndaty mpilietse, losetse ze vitatapake. Tsy misy lanjane ty rehagn'iareo. Mandiso fagnantegna naho mitarike ty ndaty agne amy ty lalan-diso iareo.
|
|
\v 11 Mpaiave ty manaka aze regne. Mampianatse ty tsy tokone hampianare iareo soa ahazoa hanagna maloto vao mandrava ty longo iaby.
|
|
\v 12 Nisy raeke tamy iareo, ze lehilahy hendre iareo, mitalily tihoe: “Ty Kretana le mpavande sanandro, rate vaho biby mandoza, kamo tea hane.”
|
|
\v 13 To zay voatalily zay, noho zay anaro mafe iareo soa hatanjake amy ty finoa.
|
|
\v 14 Ko midare reo angano ty Jiosy na reo lily ty ndaty ze niala tamy ty fahamarigna.
|
|
\v 15 Ho ahy reo ze malio, le malio ty raraha iaby. Te ho ahy reo ze voaloto naho tsy mino kea, le tsy misy malio na ino na ino. Noho ty say naho ty fieretseretseretane va voaloto.
|
|
\v 16 Magnina te mahay ahy ty Andragnahare iareo feie mandà Aze amy reo asane. Mankahala naho mandika lalàgna iareo. Tsy mahavita asa soa na ino na ino.
|
|
\c 2
|
|
\cl Toko 2
|
|
\p
|
|
\v 1 Te riha kea, mitalilia ze mifagnarake amy ty fampianara to.
|
|
\v 2 Reo lehilahy fra nahazo tao le tsy maintse mahay manday vata, matotse, mahafehe-vata, matanjake amy ty finoa, amy ty fitiava, vaho amy ty fahareta.
|
|
\v 3 Manahake zay kea reo ampela fanahazo tao le tokone hampiseho hatragne ty vata iareo ho soa fitondran-tegna, te tsy mpitsiko. Tsy tokone ho andevoze ty divay bey iareo. Tokone hampianatse ze soa iareo
|
|
\v 4 Soa hampiofa reo ampela tanora ho vatane tea ty vale amy ty anane manoka.
|
|
\v 5 Tokone hampianatse aiereo hahafehe-vata, halio, hikarakara tokantragno soa, vaho hagnina ty valine iareo soa tsy ho voavasoke ty Tsara ty Andragnahare.
|
|
\v 6 Manahake zay, ampaherezo reo lehilahy mboe tanorasoa hahafehen-tegna.
|
|
\v 7 Amy ty fomba iaby le aseho ty vatanao ho modele reo asa soa; vaho lafa mampianatse riha, le manehoa fahitia naho fahamendreha.
|
|
\v 8 MItalilia hafatse Salama naho tsy misy tsikone, soa ho megnatse ze manohitse na ia na ia, satria tsy mana na ino na ino rate ho talily mikasike antika reke.
|
|
\v 9 Reo mpiasa le toko hagnina ty tmpone amy ty zaka-iaby. Hanao ze teane te tsy hifamale amine.
|
|
\v 10 Tsy tokone hangalangalatse iareo. Te kea, tokone haneho ty finoa soa iaby iareo, soa hampahamendreke ty fampianarantika mikasike ahy ty Andragnahare mpamonje antika amy ty lafine iaby.
|
|
\p
|
|
\v 11 Te fa niseho tamy ty ndaty iaby ty fahasoava ty Andragnahare.
|
|
\v 12 Mampianatse antika handà ty toetse tsy arake ahy ty Andragnahare naho ty filà zao tontolo zao zay. Mampianatse antika hiay am-pihonona, ampahamarigna, vaho arake ty lalagna ty Andragnahare amy zao andro zao zay
|
|
\v 13 eo am-pandignasantika mafe ze handrambesantika ty fagnantegna mahafinaritse, ty fisehoa ty hasy ty Andragnaharentika bey naho mpamonje Jesosy Kristy.
|
|
\v 14 Jesosy le nagnome ty vatane ho antika soa hagnavotse antika hiala amy ty tsy fagnarahan-dalàgna iaby naho hagnadiova, ho ahy ty vatane, ndaty raike manoka ze vantane mazoto hanao asa soa.
|
|
\p
|
|
\v 15 Antalilio vaho andeso ampahereza reo iaby reo. Magnomeza fagnitia amy ty fahefa iaby. Ko apoke hisy ndaty hanao tsy misy dikane anao.
|
|
\c 3
|
|
\cl Toko 3
|
|
\p
|
|
\v 1 Ampaherezo iareo hagnina reo mpanapake naho reo manam-pahefa, hagnina aiereo, ho vono amy ty soa iaby.
|
|
\v 2 Ampitiarovo iareo tsy hamasoke na ia na ia, hiala amy ty alihevitse, hamela ty hafa hagnarake ty lalane, vaho hampiseho fanetren-tegna amy ty ndaty iaby.
|
|
\p
|
|
\v 3 Te teo aloha ty vatantika le tsy nanan-tsay vaho tsy nagnina. Voatarike tamy ty lalan-diso tika vaho nandevoze ty filá naho ty fahafinareta sambehafa. Niaigne tao amy ty faharatia naho ty falogna tika. Nalay zahay vaho nifankahala tika.
|
|
\v 4 Te lafa nimboake ty hasoam-pagnahy ty Andragnahare mpamonje antika naho tys fitiavane ty ondaty,
|
|
\v 5 le tsy tamy ty asa ty fahamarigna nataontika zay, te tamy ty famindram-pone ro namonjene antika. Reke le namonje antika tamy ty alala ty fagnadiova ty fahateraham-baovao naho ty fagnavaoza tamy ty Fagnahy Masy.
|
|
\v 6 Andragnahare nandrotsake maro tamintika ty Fagnahy Mase tamy ty alala ndre Jesosy Kristy Mpamonje antika.
|
|
\v 7 Natoane zay soa, ho voamarine tamy ty fahasoava, le ho ave mpandova tika amy ty alala ty fahatokia ty fiaigna zisikam-parane.
|
|
\p
|
|
\v 8 Zay hafatse zay le maevam-pitokia. teako hitalily mikasike zay raraha zay ampahatokia nareo, soa reo ze matoke ahy ty Andragnahare le hisafire hanao reo asa soa ze fa napone teo aloha iareo. Zay raraha zay le sade soa ro mahasoa ho ahy ty ndaty iaby.
|
|
\v 9 Te ialao ty alihevitse biloka naho ty tantaram-pirazagna vaho ty fifamalea naho ty ale mikasike ty lalàgna. Reo raraha reo le zaka-foagne naho tsy mahasoa.
|
|
\v 10 Mandà ze ndaty iaby miterake fizarazara eo agnivonareo, afara ty fampitandrema indraeke na indroa,
|
|
\v 11 vaho ataovo hay te ty ndaty ohatsy zay le niala tamy ty lala to vaho manao rate na magnameloke ty vatane.
|
|
\p
|
|
\v 12 Laha nagnirake ahy Artema na Tykiko agne aminareo raho, le malake vaho mandena agne amiko agne Nikopolia, ze nanapahako hevitse andania ty asotre.
|
|
\v 13 Malake vaho alefaso Zena, iaze mpahay lalàgna, naho Apolose, soa tsy hanan-jaka-mahore iareo.
|
|
\v 14 Ty ndatintika le tsy maintse mianatse manao asa soa ze pay malake soa tsy ahaavy aiereo tsy hamokatse.
|
|
\p
|
|
\v 15 Reo iaby miarake amiko le manao veloma anareo. Manaova veloma reo ze tea antika amy ty finoa. ho aminareo iaby vantane ty fahasoava.
|