See in Reader
164 lines
15 KiB
Plaintext
164 lines
15 KiB
Plaintext
\id 1TI
|
|
\ide UTF-8
|
|
\h 1 Timoty
|
|
\toc1 1 Timoty
|
|
\toc2 1 Timoty
|
|
\toc3 1ti
|
|
\mt 1 Timoty
|
|
\c 1
|
|
\cl Toko 1
|
|
\p
|
|
\v 1 Paoly, apositoly Kirisity Jesosy arake ty lilin'Agnahare mpamonje antika vaho Kirisity Jesosy tokintika,
|
|
\v 2 hoahy Timoty, anadahy mare ao amity finoa: Hasoava, fandefera, naho fiadagna bakaminagnahare Rae vaho Kirisity Jesosy Tompontika.
|
|
\p
|
|
\v 3 Arake ty nangataheko mafe hataonao laha fa niala tao Makedona raho, mitoboha ao Efesosy mba hahafahanao mibaiko reo ndaty ilane tsy hampianatre foto-pianara hafa
|
|
\v 4 tsy tokone hiambe reo tantara vaho tetiara tsy misy fiafarane iereo. Reo le niterake alihevetre fa tsy magnampe ty asan'Afgnahare, zay amity alala ty finoa.
|
|
\v 5 Naho ty tanjo ty lili folo le hatea bakamity arofo malio, bakamity feo ty fandineha soa, naho bakamity finoa tsy mihatsaravelatsihy.
|
|
\v 6 Ty ndaty ilane le tsy nahatratre ty dinene naho niala tamireo zaka reo hoagne amity laha-drehake gegegege.
|
|
\v 7 Iereo le te ho mpampiana-dily, kanefa iereo tsy mahazo ze rehafene vaho zizo iereo.
|
|
\p
|
|
\v 8 Fa tika le mahay fa ty lily le soa laha misy raike mampiasa aze amity ara-dily.
|
|
\v 9 Tika le mahay zay, fa ty lily le tsy natao hoahy ty ndaty mare, fa hoahy ty mpandika lily vaho ndaty mpanvande, hoahy reo raty fagnahy vaho mpanota, naho hoahy reo zagnaharen-diso vaho tsy masy. Zay le natao hoahy reo ze mamono ty raene vaho ty renene, hoahy reo mpamono ndaty,
|
|
\v 10 hoahy reo raty etam-bata ara-nofo, hoahy reo sodomita, hoahy reo mpan-drava ndaty mba ho andevoze, hoahy reo mpavande, hoahy reo vavolombelo diso, naho ndra ino ino hafa mandietre ty fagnanara matoky.
|
|
\v 11 O fagnanara ao le mifagnarake amity zaka soa ty hasin'Agnahare voatahy ze nankine tamiko.
|
|
\p
|
|
\v 12 Isaorako Kirisity Jesosy Tompontika. Nagnamafe ahy Re, fa nataone matoky raho, naho nanendre ahy ho amity fanompoa Re.
|
|
\v 13 Raho le mpireha-draty, mpaneseke, naho lahilahy marehareha. Kanefa nahazo fandefera raho tamity tsy fahaia ro nanovako zay naho ty tsy finoa.
|
|
\v 14 Fa ty hasoava Tompontika ro nanaro tamity finoa vaho hatea te ao amy Kirisity Jesosy.
|
|
\p
|
|
\v 15 Ze talily zao le azo antoke vaho soa ty fagnenkea iaby, fa Kirisity Jesosy le niavy teto antane hamonje reo mpanota. Zaho ro raty vatane tamireo.
|
|
\v 16 Fa laha ze antone zao ro nandefera tamiko, mba amity alalako, ty bey vatane Kirisity Jesosy le mete hanoro ty fahareta iaby. Nanao zay Re ho ohatre hoahy reo ze magniry hatoky Aze hoahy ty havelo zisikefarane.
|
|
\p
|
|
\v 17 Naho hoahy ty mpanjaka ty tao, tsy mete mate, tsy hita maso, ty Zagnahare arere, anie ty Laza vaho ty hasy zisikagne doria. Amena.
|
|
\v 18 Ze lily zao ro ameako anao, Timoty, anako, arake reo famisavisa natao miomba anao tagne aloha, fa riha le mete hialy ty aly soa,
|
|
\v 19 ty fitana ty finoa vaho ty fandineha soa. Tamity fandiera zay, misy ty nanao sambo vaky ty finoane.
|
|
\v 20 Manahake Hymeneo vaho Aleksandro, te nanolotre hoahy ty Satana mba hanoroa iereo tsy hireha-draty.
|
|
\c 2
|
|
\cl Toko 2
|
|
\p
|
|
\v 1 Voalohane vatane laha zao, le mandrisike raho fa reo fangataha, vavake, fifona, naho fisaora le natao hoahy ty ndaty iaby,
|
|
\v 2 hoahy reo mpanjaka vaho reo iaby eo amity fahefa, mba hahafahantika mivelo ampilamina vaho mivelo milamy amity toe-pagnahy arake an'Agnahare vaho hametea iaby.
|
|
\v 3 Zay le soa vaho azo enkene eo agnoloan'Agnahare mpamonjentika.
|
|
\v 4 Paie mba ho vonje iaby ty ndaty iaby naho hoavy amity fahaia ty mare.
|
|
\v 5 Fa raike avao ro Zagnahare, naho raike avao ro mpagnelagnela an'Agnahare vaho ty ndaty, le ty lahilahy kirisity Jesosy.
|
|
\v 6 Re nagnomea ty vatane ho vilim-pagnavota hoahy iaby, manahake ty fisehoa vavolombelo amity andro tokone ho ie.
|
|
\v 7 Fa amize dineke zay, raho, ty vatako, le natao ho mpitalily vaho ho apositoly. Mirehake ty mare raho. Tsy mavande raho. Mampianatre reoJentilisa amity finoa vaho ty hamarea raho.
|
|
\p
|
|
\v 8 Laha zao, teako ty lahilahy ndra ia ia mba hivavake vaho hagnakatagna masy tsy amin-keloke ndra amity fifandiera.
|
|
\v 9 Ka zay koa, teako ty ampela mba hiakanjo akanjo soa amity vatane, amity hamarea vaho fahafeheam-bata. Tsy tokone hanao volo mitaly, ndra volamena, ndra voahangy, ndra akanjo lafo vily.
|
|
\v 10 Teko iereo hiakanjo amize mete hoahy reo ampela ze manoro toeram-pagnahy arake an'Agnahare amity alala reo asa soa.
|
|
\v 11 Ty ampela le tokone hianatre ampilamina naho hagnenke vatane.
|
|
\v 12 Tsy engako hampianatre ty ampela ndra hampianatre fahefa amity lahilahy, fa hijano ao agnate filamina.
|
|
\v 13 Fa Adama ro finoro voalohane, bakeo Eva.
|
|
\v 14 Adama le tsy voafitake, fa ty ampela ro voafitake vatane tamity fandikan-dily.
|
|
\v 15 Ndra zay aza, ho vonje re amity alala ty fiterahan-kolo, naho mitohy amity finoa vaho hatea naho hamasigna miarake amity fagnonognambata.
|
|
\c 3
|
|
\cl Toko 3
|
|
\p
|
|
\v 1 Matokia ze tsara zao: Laha misy ndaty raike magniry ty ho mpita, le magniry asa soa re.
|
|
\v 2 Laha zao le ty mpita le tsy mahaintsy tsy manan-tsiny. Tsy mahanintsy manambaly ampela arere re. Re le tokone hahay hanao, mare, tea filamina, tea mandrae ndaty. Tsy mahaintsy mahay mpampianatre re.
|
|
\v 3 Tsy tokone zaka-raty amity divay re, tsy mpimpay aly, fa kea, maleme fagnahy, lako fandefera. Re le tsy tokone ho tea vola.
|
|
\v 4 Tokone hita soa ty tokatragnone re, naho reo anane le tokone hagnenke aze ampagnaja vatane.
|
|
\v 5 Fa laha tsy mahay mita ty tokatragnone re, akore ro hikarakarane ty fiangonan'Agnahare?
|
|
\v 6 Tsy tokone ho ndaty vaho niova arofo re, mab tsy hieboeboane ka ho lavo amity fagnameloha manahake ty devoly.
|
|
\v 7 Re avao kea le tsy mahaintsy soa laza amireo ndaty egne ambalike, mba tsy ho lavo agnate fiafaham-baraka vaho ty fandry ty devoly.
|
|
\p
|
|
\v 8 Reo Diakona, hoe zay avao kea, le tokone ho soa. Iereo le tsy tokone hino divay bey loatre ndra mahy ono ara-tsakafo.
|
|
\v 9 Tokone hita ty hamarea ty finoa nambara miarake amity feo ty fandineha malio.
|
|
\v 10 Iereo avao kea le tokone ho hampanoe aloha, bakeo le tokone hanompo satria tsy manan-tsiny iereo.
|
|
\v 11 Reo ampela avao kea le tokone ho soa hoe zay. Tsy tokone ho mapgnendre iereo. Tokone hahay hadanja naho matoky amity zaka iaby.
|
|
\v 12 Reo Diakona le tokone hanambaly ampela raike. Tsy mahaintsy mita soa reo anane vaho ty tokatragnone iereo.
|
|
\v 13 Fa reo ze nanompo soa le hahazo ty laza soa vaho fatokiam-bey amity finoa hoahy ty vata iereo ze ao amy Jesosy Kirisity.
|
|
\p
|
|
\v 14 Manoratre reo zaka reo aminao raho, naho manantena ty hoavy tsy ho ela agne aminao raho.
|
|
\v 15 Fa laha tara raho, le manoratre mba hahaianareo ty entam-bata ao amity tokatragnon'Agnahare, ty fiangonan'Agnahare velo, ty vato fehezoro vaho fitoera ty hamarea.
|
|
\v 16 Tsy azo liere fa ty hamarea nambara ze arake an'Agnahare le bey: “Re le niseho tamity nofo, nihamaregne ty Fagnahy, hita ty anjele, nambara teo agnivo reo firene, ninoa zao iaby zao, naho nakare tamin-kasy.”
|
|
\c 4
|
|
\cl Toko 4
|
|
\p
|
|
\v 1 Henanezao nirehake mazava soa ty Fagnahy fa amity andro agne afara agne hiala amity finoa ty ndaty ilane naho miambena soa ty amireo fagnahy mpamitake vaho reo fampianara reo devoly
|
|
\v 2 amity fihatsarambelatsihy ty mpanvande. Fa voamarike amity vy may ty feo ty fieretrereta iereo.
|
|
\v 3 Ho rara iereo ty manambaly vaho ty mandrae reo sakafo ze finoron'Agnahare ho zarae miarake amity fisaora eo amireo ze mino vaho ze mahay ty mare.
|
|
\v 4 Fa ty zaka iaby ze finoron'Agnahare le soa. Tsisy ho liere ty zaka nireasentika tamim-pisaora.
|
|
\v 5 Fa nihamasigne tamity tsaran'Agnahare vaho ty vavake zay.
|
|
\v 6 Laha atobonareo eo agnoloa reo rahalahy reo zaka reo, le ho mpanompo soa Jesosy Kirisity nareo. Fa tineza tamireo tsara ty finoa vaho tamity fampianara soa ze norihenareo nareo.
|
|
\v 7 Fa lavo ty talily tantarae ty vave antetre. Fa kea, tariho hagnomea hasy an'Agnahare ty vatanareo.
|
|
\v 8 Fa ty vata hofagne le kele avao ro azo ampiasa aze, nefa fampiasa amity zaka iaby ty toera arake an'Agnahare. Mitana ty fampagnategna amity fiaigna henanezao toy vaho ty fiaignan-koavy.
|
|
\v 9 Ty talily toy le soam-pahatokisa vaho mete ty hafenoa ty fagnenkea.
|
|
\v 10 Fa laha zao le hitolo vaho hiasa mafe tika. Fa matoky ao amin'Agnahare velo tika, te mpamonje ty ndaty iaby, lako reo ze mino.
|
|
\v 11 Ambarao vaho ampianaro reo zaka reo.
|
|
\p
|
|
\v 12 Ao tsy hisy ndaty hanao tsinontsino ty hatanoranareo. Fa kea, ao ho ohatre hoahy reo ze mino, amity rehake, entam-bata, hatea, finoa, naho fahaliova.
|
|
\v 13 Mandram-pahaviko, tohizo ty famakia, ty fagnanara, vaho ty fampianara.
|
|
\v 14 Ko atao tsinontsino ty fagnomeam-pahasoava ze aminao ao, ty namea anao tamity alala ty famisavisa, niarake tamity fametrahan-tagna reo olobey.
|
|
\v 15 Ambeno rey zaka rey. Metea ho ao amiereo, mba hiharehare amity ndaty iaby ty fandrosoa.
|
|
\p
|
|
\v 16 Ambeno soa ty vatanao vaho ty fampianara. Tohizo rey zaka rey. Fa laha manao hoe zay, le ho vonjenao ty vatanao vaho reo midranjy anao.
|
|
\c 5
|
|
\cl Toko 5
|
|
\p
|
|
\v 1 Ko masiake ty lahy antetre. Fa kea, anaro hoe ty rae re. Anaro hoe ty rahalahy reo lahilahy kele.
|
|
\v 2 Anaro manahake ty rene reo vave antetre, naho reo ampela kele hoe ty anabave ao amity haliova iaby.
|
|
\p
|
|
\v 3 Magnaja reo mpivem-bata, reo vatene mpivem-bata.
|
|
\v 4 Fa laha managnanake ndra zafekele ty mpivem-bata raike, le engao iereo aloha hianatre haneho fagnaja ao amity tokantragnone. Ao iereo hamale babea reo rae aman-drenene, satria tean'Agnahare zay.
|
|
\v 5 Fa ty vatane mpivem-bata le nenga ho arere. Manao ty fitokiane amin'Agnahare re. Mitoboha zisikagne amireo fangataha vaho vavake andro aman'ale.
|
|
\v 6 Ndra zay aza, ty ampela ze velo hoahy amity zaka-teane le mate, ndra le mboe velo aza re.
|
|
\v 7 Talilio ze zaka zay mba tsy hanagna iereo tsiny.
|
|
\v 8 Fa laha misy ndaty tsy magnomea hoahy reo longone marine, fa lako hoahy reo ao amity fokone, le nilietre ty finoa re naho raty lavitre naho ty tsy mpino.
|
|
\p
|
|
\v 9 Ao hosorate ho mpivembata ty ampela ze tsy latsake ty enem-polo tao, ampela raike te valy ty lahilahy raike.
|
|
\v 10 Tokone ho hay naho reo asa soa re, ndra nikarakara reo kolo, ndra avao kea nampandroso reo mpivahiny, ndra nanasa ty tombo reo mpino, ndra nagnamaiva ty ore, ndra naolo-bata tamity asa soa iaby.
|
|
\v 11 Fa hoahy reo mpivem-bata mboe kele kea, le ko magnenke ty hanoratre iereo ao agnate lisita. Fa laha fa milavo-lefo amity paie ty nofo handietre Kirisity iereo, le te-hanambaly.
|
|
\v 12 Amizay iereo le hahazo fagnameloha satria nivalike ty fanolora-batane voalohane.
|
|
\v 13 Ka le lasa zaka malay kea iereo. Mandehandeha mitete tragno. Tsy hoe lasa malay avao avao iereo, fa lasa mpifosa vaho mpimpay aly avao kea. Mirehake zaka ze tsy tokone ho rehafe iereo.
|
|
\v 14 Laha zao le teako hanambaly reo ampela mboe kele, hiterake, hikarakara tokatragno, mba tsy hahafahane magnomea lala ty fahavalo hita anay ho nanao raty.
|
|
\v 15 Fa ty ilane le fa niotake kea hagnorike Satana.
|
|
\p
|
|
\v 16 Laha misy ampela mino mana mpivem-bata, ao re hagnampe iereo, mba tsy hagnavesatre ty fiangona, mba hahafahane magnampe reo vatane mpivem-bata mare.
|
|
\p
|
|
\v 17 Ao reo olobey ze mandily soa mba ho raese ho soan-kasy roe ambone, lako fa reo ze miasa miarake amity rehake vaho amity fampianara.
|
|
\v 18 Fa hoe ty Soratre Masy hoe: “Tsy tokone hagnisy fehene ty vava ty agnombe riha laha mba misy voa re.” naho kea: “Ty mpiasa le soa amity karamane.”
|
|
\p
|
|
\v 19 Ko mandrae fitana mandietre ty olobey raike laha tsy misy vavolombelo roe ndra telo.
|
|
\v 20 Ahitio eo agnoloa iaby reo mpanota mba hatahotre ty ambine hafa.
|
|
\p
|
|
\v 21 Mandily anao mafe raho eo agnoloan'Agnahare vaho eo agnoloa Kirisity Jesosy naho reo anjele voafily, mba hitananao reo lily reo tsy misy fitsaratsara naho mba tsy hanovanao ndra ino ino amity fanoa.
|
|
\p
|
|
\v 22 Ko meke mametra-tagna aminia ndra aminia. Ko miarake ao amity hadisoa ty ndaty hafa. Tokone hita ty vatanao halio riha.
|
|
\v 23 Tokone tsy hinon-drano sase riha. Fa kea, tokone handrae divay kele riha hoahy ty vavony vaho reo aretenao matete-mpiseho.
|
|
\v 24 Ty hadisoa reo ndaty ilane le hay miharehare, naho iereo le mandeha aloha reo ao amity fitsara. Fa ty hadisoa ilane magnorike bakafara atoy.
|
|
\v 25 Hoe zay avao kea, misy asa soa hay miharehare, feie reo ilane aza le tsy azo ahaja.
|
|
\c 6
|
|
\cl Toko 6
|
|
\p
|
|
\v 1 Ao reo iaby ze ao ambane ty zoga hoe reo ndevo mba hanao ty tompone ho soa ty haja iaby. Iereo le tokone hanao zay mba tsy hirehafa raty ty agnaran'Agnahare vaho ty fampianara.
|
|
\p
|
|
\v 2 Reo ndevo ze mana tompo mino le tsy tokone hanao tsinontsino iereo satria mpirahalahy amine. Fa kea, kea iereo tokone hanompo reo zisikagne agne. Fa reo tompo ze nampea tamity asa iereo le mpino vaho teave. Ampianaro naho ambarao reo zaka reo.
|
|
\p
|
|
\v 3 Dineho fa ty ndaty le mampianatre amity fomba hafa naho tsy magnenke ty fagnoroantika ara-pinoa, te, tsara Jesosy Kirisity Tompontika. Dineho fa iereo le tsy magnenke ty fampianara ze manday agne amity toera arake an'Agnahare.
|
|
\v 4 Ze ndaty zay le mirehareha naho tsy mahay ndra ino ino. Fa kea, re le gege reo ale hevetre vaho reo fandresean-dahatre miomba reo tsara. Rey tsara rey le miterake fialogna, fametaveta, dineke raty,
|
|
\v 5 naho ty fifandofora eo amireo ndaty maloto say. Miala amity mare iereo. Midineke re fa ty toera arake an'Agnahare ro fomba ahavia ho mpanan-karea.
|
|
\f + \ft Fagnamarea: Ty fandika taloha ilane le magnampe ty hoe: “Miala amity zaka hoe zay.” Fa ty fandika taloha soa vatane le tsy magnampe zay. \f*
|
|
\p
|
|
\v 6 Naho ty toera arake an'Agnahare miarake amity fahafaham-po le tombone bey.
|
|
\v 7 Satria tika le tsy nanday ndra ino ino amizao iaby zao. Tsy hahavita handay ndra ino ino tika.
|
|
\v 8 Fa kea, ao tika ho afa-po amity hane vaho ty siky.
|
|
\v 9 Naho reo ze te ho lasa mpanan-karea le poke ao agnate ty fankam-pagnahy, ao agnate ty fandrike. Poke tao agnate ty hagegea vaho reo paia mampidi-doza maro iereo, naho kea reo hafa soa reo ndaty ao amity harava vaho ty famoteha.
|
|
\v 10 Satria foto reo karazan-draty iaby ty hateam-bola. Ty ndaty ilane ze magniry zay le fa voavily niala tamity finoa naho nitomboke ty vata iereo tamity fijaleam-bey.
|
|
\p
|
|
\v 11 Fa riha, ry lahilahin'Agnahare, milaisa reo zaka reo. Miezaha mipay ty hamarea, ty toera arake an'Agnahare, ty fatokisa, ty hatea, ty fahareta naho ty hasoam-pagnahy.
|
|
\v 12 Mialia ty aly soa ty finoa. Tano ty fiaigna zisikagne fa ho amizay ro nikaiha anao. Zay le miomba ty nitsangananao vavolombelo ty amize inoenao teo agnoloa reo vavolombelo maro tamize soa.
|
|
\p
|
|
\v 13 Zaho le magnomea anao ze lily zay eto agnoloan'Agnahare, ty nahavy ty zaka iaby ho velo, naho eo agnoloa Kirisity Jesosy, ty nitalily ty mare teo agnoloa Pontio Pilato:
|
|
\v 14 Tano soa ty lily, tsy manan-tsiny, mandram-pisehoa ty Tompontika Jesosy Kirisity.
|
|
\v 15 Zagnahare le manoro ty fisehoane amity andro tokone ho ie_Zagnahare, ty raike ze nitahie, ty here arere, ty Mpanjaka te manjaka, naho Ty Tompo ty mandily.
|
|
\v 16 Re arere avao ro mana ty tsy fifateza naho mitoboke eo amity hazava tsy azo hatogne. Tsy misy ndaty mahita aze ndra afake magnente Aze. Ho Aze anie ty hasy vaho ty here zisikagne. Amena.
|
|
\p
|
|
\v 17 Rehafo ty mpanam-bola amizao iaby zao mba tsy hirehareha, vaho magnategna ty harea, te tsy azo antoke. Fa kea, tokone hagnategna an'Agnahare iereo. Magnomea antika ty harea mare iaby Re mba hifaleantika.
|
|
\v 18 Rehafo iereo mba hanao ty soa, mba hanan-karea amity asa soa, mba hatarike, naho vogno hitalily.
|
|
\v 19 Amize fomba zay, le hahaja iereo ty fotora soa hoahy ty vatane amize hoavy, ka hitanane ty vatane havelo.
|
|
\p
|
|
\v 20 Ry Timoty, arovo ze natolotre anao. Ialao ty rehake gege vaho ty zaka mifandietre miomba ty fikaiha diso ty amize atao ty hoe fahaia.
|
|
\v 21 Ty ndaty ilane le magnambara ze zaka zay ke le tsy nahatiaro ty finoane iereo. Ho aminareo anie ty hasoava.
|