See in Reader
80 lines
7.1 KiB
Plaintext
80 lines
7.1 KiB
Plaintext
\id 2TH
|
|
\ide UTF-8
|
|
\h 2 Tesaloniana
|
|
\toc1 2 Tesaloniana
|
|
\toc2 2 Tesaloniana
|
|
\toc3 2th
|
|
\mt 2 Tesaloniana
|
|
\c 1
|
|
\cl Toko 1
|
|
\p
|
|
\v 1 Paoly, naho Silasy, vaho Timoty, ho agne amy ty fiangona reo Tesaloniana ao amy ty Andragnahare Raentika naho Jesosy Kristy Tompo.
|
|
\v 2 Ho aminareo ty fahasoava naho fiadagna bak'amy ty Andragnahare Raentika naho Jesosy Kristy Tompo.
|
|
\p
|
|
\v 3 Zahay le tokone hagnome fisaora ahy ty Andragnahare ho anareo avao, rahalahy. Te zay ro soa atao, satria vatagne mitombo mafe ty finoanare, vaho ty fitiavanareo kiraikiraike le mitombo ho ahy ty hafa.
|
|
\v 4 Noho zay le zahay vatanay le mirehake am-pirehareha mikasike anareo eo amy reo fiangona ty Andragnahare. Zahay le miresake ty mikasike ty faharetanareo vaho ty finoanareo tamy ty ze iaby fagnenjeha anareo. Mirehake mikasike reo fahoria ze niaretanareo.
|
|
\p
|
|
\v 5 Zay le famantara ty fitsara to ty Andragnahare. Ty vokane le horambese ho maeva ty fanjaka ty Andragnahare ze nijalianareo nareo.
|
|
\v 6 To amy ty Andragnahare ty hamale fahoria reoze mampahore anareo,
|
|
\v 7 vaho hagnome fitofa ho anareo ze nampahory niarake taminay. Ho ataone zay amy ty fisehoa ndre Jesosy Tompo bak'agne an-dagnitse miarake amy reo anjele ty herene.
|
|
\v 8 Ao amy ty afo milelalela ro hanaovane ty valifate amy reo ze tsy mahay ahy ty Andragnahare naho may reo ze tsy mamale ty filazantsara ndre Jesosy Tompontika.
|
|
\v 9 Iareo le hijale amy ty fadilova ty fandrva zisikam-parane lavitse ty fagnatreha ty Tompo naho ty voninahitse ty herene.
|
|
\v 10 Hanao zay reke lafa avy amy zay andro zay soa hagnomeza ty ndaty hasy aze naho hiveregna reo aiby ze natoke. Te ty fitsangananay vavolombelo aminareo le natokia.
|
|
\p
|
|
\v 11 Noho zay le mivavake sanandro ho anareo avao kea zahay. Mivavake zahay soa ho mendreke ty ho rambese ty Andragnaharentika amy ty fikaiha anareo. MIvavake zahay soa ho vitaine amy ty here ty fagnirianareo ty hasoa naho ty asa ty finoa iaby.
|
|
\v 12 Mivavake ho ahy reo raraha reo zahay soa omanareo hasy ty agnara ndre Jesosy Tompontika. Mivavake zahay soa hagnomezane hasy anareo, noho ty fahasoava ty Andragnaharentika naho Jesosy Kristy Tompo.
|
|
\c 2
|
|
\cl Toko 2
|
|
\p
|
|
\v 1 Henane zao ty mikasike ty fiavia ndre Jesosy Kristy Tompontika naho ty namoria antika iarake amine: magnontane anareo zahay, rahalahy,
|
|
\v 2 soa tsy ho mora helingelegny na hihorohoro nareo, na amy ty fagnahy, na amy ty hafatse, na amy ty taratasy ze manahake tihoe ho bak'aminay, noho ty vokatse ty fiavia zay andro ty Tompo zay.
|
|
\v 3 Ko apoke hisy ndaty hamitake anareo na amy ty fomba manao akore. Te tsy ho avy zay laha tsy afara ty fiavia ty filavoa, vaho ty lehilahy mpandika lalàgna le aseho, ty anake ty fahasimba.
|
|
\f + \ft Fahamarigna: ty dikan-tene taloha ilane le mivake tihoe: “vaho ty lehilahy mpanao rate le amboake.” \f*
|
|
\v 4 Reke iaze manohiste naho manondrotse ty vatane amy ze iaby kinaike tihoe Andragnahare na ze ivavaha. Vokatsy zay, le nitoboke tao amy ty Tempole ty Andragnahare reke vaho mampiseho ty vatane hanahake ty Andragnahare.
|
|
\v 5 tsy tiarnareo vao te nanomboke raho niarake taminareo le fa nitsara reo raraha reo?
|
|
\p
|
|
\v 6 Henane zao hainareo ino ro mitanjake aze, soa hisehoane amy ty fotoa mete arere avao.
|
|
\v 7 Te ty zaka-mmivone ty fandikan-dalàgna le fa miasa, misy ndaty raeke avai misaka aze henane zao mandra-pangaka aze teo amy ty lala.
|
|
\v 8 Bak'eo iaze vatane mpandika lalàgna le ho amboake, ze hovonoa ndre Jesosy Tompo amy ty fofompiay ty vavane. Ty Tompo le handay aze amy ty tsy misy dikane amy ty alala ty fisehoa ty fiavine.
|
|
\p
|
|
\v 9 TY fiavia iaze vatane mpandika lalàgna le noho ty asa ty Satana miarake amy ty here iaby, reo famantara, vaho reo haveregna tsy to,
|
|
\v 10 vaho miarake amy ty fitake iaby ty amy ty tsy fahamarigna. Reo raraha reo le ho ahy reo ze vere, satria iareo le tsy nandrambe ty fitiava ty fahamarigna soa ahavoavonje aiereo.
|
|
\v 11 Noho zay antone zay le mandefa asa ty fahadisoa Andragnahare soa hinoa iareo vande.
|
|
\v 12 Vokatse zay le hitsara iaby iareo, reo ze tsy matoke ty fahamarigna te kea mangalake fahafinareta amy ty tsy fahamarigna.
|
|
\p
|
|
\v 13 Te zahay le tokone magnome fisaora ahy ty Andragnahare avao ho anareo, rahalahy nitiave ty Tompo. Te Andragnahare ro nifily anareo manahake reo voaloham-boktse ho ahy ty famonjea amy ty fagnamasigna ty Fagnahy naho fino ty fahamarigna.
|
|
\f + \ft Fagnamariha: ty dikan-tene hafa le mivake manahake zao: “Te Andragnahare le nifily anareo hataramy ty voalohane ho ahy ty famonjea. \f*
|
|
\v 14 Zay ro niantsoane anareo tamy ty alala ty filazantsaranay soa ahazoanareo ty hasy ndre Jesosy Kristy Tompontika.
|
|
\p
|
|
\v 15 Le nho zay, rahalahy, mitsangana mafe. Tano reo fahamarigna ze nampianare anareo. Na tamy ty soa na tamy ty taratasinay.
|
|
\p
|
|
\v 16 Henane zao lonike re Jesosy Kristy Tompontika vatane, vaho Andragnahare Raentika ze teantika naho nagnome antika fankahereza zisikam-parane naho ty fahatokia soa ho ahy ty ho ave amy ty alala ty fahasoava,
|
|
\v 17 hankahere vaho hametrake ty arofonareo amy ty asa iaby naho ty tsara.
|
|
\c 3
|
|
\cl Toko 3
|
|
\p
|
|
\v 1 Henanezao, rahalahy, mivavake ho anay, soa ho antsa naho homem-boninahitse ty tsara ty Tompo, le manahake zay avao kea ty aminareo.
|
|
\v 2 Mivavaha soa hjo afake amy reo rate fagnahy naho ndate rate zahay, te tsy ty iaby ro manam-pinoa.
|
|
\p
|
|
\v 3 Te ty Tompo le matoke, ze magnamafe ore naho miambe anareo amy iaze rate.
|
|
\v 4 Mana fahatokia amy ty Tompo mikasike anareo zahay, soa sade hanaovanre ro hanohizanareo reo raraha ze nandilia anay nareo.
|
|
\v 5 Ty Tompo vatane hitarike ty afonareo ho amy ty fitiava ty Andragnahare naho ty fiareta ndre Kristy.
|
|
\p
|
|
\v 6 Henane zao mandile anareo zahay, rahalahy, amy ty agnara ndre Jesosy Kristy Tompontika, soa hiala amy reo rahalahy iaby ze miay ao ampo ty hakamoa naho tsy arake reo fomban-draza ze nirambesianareo taminay.
|
|
\v 7 Te nanreo vatanareo le mahay te mete aminareo ty mangalake manahake anay. Tsy niay teo agnivonareo manahake reo ze niaigne teo agnivonareo manahake reo ze tsy nana fifameheza zahay.
|
|
\v 8 Tsy nihina mahatajake ty ndaty tsy naloa ndrala zahay. Te kea, niasa andro amy ty halike tamy ty asa sarotse naho ty zaka-sarotse zahay, soa tsy ho enta-mavesate ho ahy ty kiraikiraike aminareo.
|
|
\v 9 Tsy tihoe noho ty tsy fanagna fahefa ro nanaovanay zay. Te kea, nanao zay zahay soa fitaratse ho anareo, le soa hanahake anay nareo.
|
|
\v 10 Lafa niarake taminareo zahay, le nandile anareo tihoe: “laha misy raeke tsy te hiasa, le tsy tokone hihina reke.”
|
|
\v 11 Te maheno zahay te miraverave tagna ty ilane aminareo. Tsy miasa iareo te mpilitse.
|
|
\p
|
|
\v 12 Henane zao reo ndaty manahake zay le lilinay naho hanarinay amy ndre Jesosy Kristy Tompo, soa hiasa am-patsigna naho hihina ty mahatajake iareo manoka.
|
|
\p
|
|
\v 13 Te nareo, rahalahy, ko mamoe arofo amy ty fanaova ze to.
|
|
\p
|
|
\v 14 Laha misy tsy magnina ty tsarantika amy toy taratasy toy, mariho eo amy fanjo ty ndaty reke vaho ko mana fifandraisa amine, le mete ho megnatse reke.
|
|
\v 15 Ko rambesy ho fahavalo reke, te hanaro hanahake ty rahalahy.
|
|
\p
|
|
\v 16 Te iaze Tompo ty fiadagna vatagne hagnome fiadagna anareo amy reo fotoa naho reo fomba iaby. Ho aminareo iaby vatagne ty Tompo.
|
|
\v 17 Toy ro fanaova veloma, raho Paoly, tamy ty tagnako, ze famantara amy ty taratasy iaby. Zao ro soratse.
|
|
\v 18 Ty hasoava ndre Jesosy Kristy Tompontika vatagne ho aminareo iaby.
|