See in Reader
145 lines
13 KiB
Plaintext
145 lines
13 KiB
Plaintext
\id COL
|
|
\ide UTF-8
|
|
\h Kolosiana
|
|
\toc1 Kolosiana
|
|
\toc2 Kolosiana
|
|
\toc3 col
|
|
\mt Kolosiana
|
|
\c 1
|
|
\cl Toko 1
|
|
\p
|
|
\v 1 Paoly, apositoly Jesosy Kirisity amity alala ty sitrampon'Agnahare, naho i Timoty rahalahintika,
|
|
\v 2 hoahy reo mpino vaho reo rahalahy matoky ao amiy Kirisity te agne Kolosia. Ho aminareo anie ty hasoava, vaho ty fiadagna bakamin'Agnahare Raentika.
|
|
\f + \ft Fagnamarea ambane ty peje: misy dikan-drehake ilane magnampe ty hoe: “naho ty Tompo Jesosy Kirisity.” \f*
|
|
\p
|
|
\v 3 Magnomea fisaora an'Agnahare tika, ty rae ty Tompontika Jesosy kirisity, naho mivavake zisikagne ho anareo zahay.
|
|
\v 4 Te fa reinay ty finoanareo i Kirisity Jesosy naho ty hatea ze anagnanareo hoahy iaby ze voatoka ho an'Agnahare.
|
|
\v 5 Mana ze hatea zay nareo naho ty fagnentagna azo antoke natoka ho anareo agne andagnitse. Reinareo ty miomba fanantena azo antoke eo taloha ty tsara amity hamarea, ty zaka-soa,
|
|
\v 6 ze avy aminareo. Ty zaka soa toy le manday vokatre naho mitombo era zao iaby zao. Zay le fa nanao zay taminao avao ka nanomboke tamity andro nahareizanao aze naho nianaranao ty miomba ty hasoavan'Agnahare ao amity mare.
|
|
\v 7 Toy ty zaka soa ze arake ty nianaranareo tamity Epafra, ty mpiara-manompo malalantika, ty manompo matoky Kirisity amity agnarantika.
|
|
\f + \ft Fagnamarea ambane ty peje: misy dikan-drehake ilane mivaky ty hoe: “Amity agnaranareo" \f*
|
|
\v 8 Nampahaie Epafra anay ty hateanareo ty Fagnahy.
|
|
\p
|
|
\v 9 Naho io hatea ao, zisikamity andro nahareizanay zay le tsy nitofa nivavake ho anareo zahay. Nangatake zahay mba ho feno fahaia ty sitrampone amity hamarea iaby vaho fahaia ara-pagnahy nareo.
|
|
\v 10 Nivavake zahay mba handenanareo ampahamarea ao amity Tompo amireo fomba tean'Agnahare. Nivavake zahay mba hamokatre amity asa soa iaby nareo naho mba hitombo fahaia an'Agnahare.
|
|
\v 11 Mivavake zahay mba hahazo here amity fahaia iaby nareo arake ty here ty hasy amity fiareta vaho ty fahareta.
|
|
\v 12 Mivavake zahay mba hagnomea fisaora ty Raentika ankafalea nareo, ze nampana anareo anjara amity lova reo mpino amity hazava
|
|
\f + \ft Fagnamarea ambane peje: misy dikan-drehake ilane mivaky ty hoe: “ze nampana antika anjara.” \f*
|
|
\p
|
|
\v 13 Namonje anika tamity fanampahane ty ieke vaho namindra antika hoagne amity fanjaka ty Anadahine malalane Re.
|
|
\v 14 Ao amity Anadahine ro anagnantika ty fagnavota, ty famotora reo hadisoa.
|
|
\f + \ft Fagnamare ambane ty peje: misy dikan-drehake ilane mivaky ty hoe: “Ao amity Anane ro anagnantika fagnavota amity alala ty lione, le ty famotora reo hadisoa.” \f*
|
|
\v 15 Ty anadahy le toera ty Zagnahare tsy hita maso. Re ty terake voalohane tamity famorogna.
|
|
\v 16 Fa tamity alalane ro naharea ty zaka iaby, reo ze agne andagnitse vaho reo ze etoy ambone ty tane, reo zaka hita maso vaho reo tsy hita. Ndra reo sezan-droandria, ndra reo fandilia, ndra reo fitondram-panjaka, ndra reo manam-pahefa, reo zaka iaby le niharea tamity alalane vaho hoaze.
|
|
\v 17 Re ro aloha ty zaka iaby, naho ao amine ro hahareta ty zaka iaby.
|
|
\v 18 Re ro loha ty vata, vaho ty fiangona. Re ro loha vaho terake voalohane bakeo agnivo reo mate, ka re ro nana toera voalohane teo agnivo reo zaka iaby.
|
|
\v 19 Satria tean'Agnahare ty tokone ty hivelogna ty hasoane iaby ao amine,
|
|
\v 20 naho mba hampilongo amity alala ty Anake lahy amity zaka iaby amire ty vatane. Zagnahare le nilongo tamity alala ty lio ty hetae fijalea. Zagnahare ro nampilongo ty zaka iaby tamity vatane, ndra ty zaka iaby eto ambone ty tane ndra reo zaka iaby agne andagnitse.
|
|
\p
|
|
\v 21 Tamity andro raike, nareo avao kea, le vahiny tamin'Agnahare naho fahavalone tao antsaine vaho tamireo asa raty.
|
|
\v 22 Fa henanezao re ro nampilongo anareo tamity vatane iaby tamity alala ty fate. Nataone zay mba hanova anareo ho masy, tsy hagnam-pondro eo agnoloane, naho nagnafa baraka aze naho ty fagnaratia,
|
|
\v 23 laha nanohy amity finoa nareo, miore vaho mafe ore, le ko mihatake amity fagnategna matoky ty zaka soa ze reinareo. Toy ro zaka soa ambane ty lagnitse. Toy ro zaka soa ty, nahavy ahy, Paoly, ho mpanompo.
|
|
\p
|
|
\v 24 Henanezao raho le fale amity fijaleako ho anareo, naho zaho le nameno ty nofoko ze tsy ampe amireo fijalea Kirisity naho ty vatane, le ty fiangona.
|
|
\v 25 Naho ty fiangona ro nahampanompo ahy, arake ty asa bakamin'Agnahare ze nameane ho anareo, mba hahalefe ty safan'Agnahare.
|
|
\v 26 Io ro mare vaho hoahy reo foko. Fa henanezao le fa niseho zay tamireo ze mino aze.
|
|
\v 27 Tamiereo ro nitean'Agnahare nampahaie reo harea ty hasy ty hamarea mihaja toy teo agnivo ty Jentilisa. Zay le Kirisity ro aminao ao, ty toky ty hasy hoavy.
|
|
\v 28 Le re ty nitalilianay. Nagnanatre ty nday iaby zahay, naho nampianatre ty nadty iaby tamity famarea iaby, mba hanolorantika ty ndaty iaby feno ao amy Kirisity.
|
|
\v 29 Laha zao le miasa mafe raho vaho miezake arake ty ozane.
|
|
\c 2
|
|
\cl Toko 2
|
|
\p
|
|
\v 1 Fa teako ho hainareo ty habey ty tolo nataoko ho anareo, hoahy reo agne Laodikia, vaho hoahy reo maro mboe tsy nahita ty vatako tamity nofo.
|
|
\v 2 Miasa raho mba hagnamafe ty arofo iereo amity fampiharoa iereo miarake ao amity hatea vaho ty harea iaby amity fahaia azo antoke, ho amity hafalea ty hamarea mihajan'Agnahare, zane hoe, Kirisity.
|
|
\v 3 Amine ao ty harea ty hamarea vaho ze fahaia iaby ro mihaja.
|
|
\v 4 Mirehake zay raho mba tsy hisy hitarike anareo amity laha-drehake mandrese lahatre.
|
|
\v 5 Ndra le tsy miarake aminareo ao amity nofo aza raho, le miarake aminareo ao amity fagnahy. Fale raho mahita ty filaminareo soa vaho ty hamafe ty finoanareo Kirisity.
|
|
\p
|
|
\v 6 Laha nandrae Kirisity Tompo nareo, le mandeha amine ao.
|
|
\v 7 Mifotora mafe amine, mioregna amine ao, mioregna amity finoa ze le fa nampianare anareo, naho mazotoa magnomea fisaora.
|
|
\p
|
|
\v 8 Miambena mba tsy hamototre ndaty hitsepake anareo amity alala ty filozofia ndra ty fitake avao arake ty fatao ty ndaty, te magnorike ty toera zao iaby zao, fa tsy arake Kirisity.
|
|
\v 9 Fa Amine ao ro mitoboke ty hasoa ty vatan'Agnahare iaby.
|
|
\v 10 Feno nareo amine ao. Re ro loha ty here vaho ty fahefa iaby.
|
|
\v 11 Tamine ao avao kea nareo ro sinavatre tamity fanavara ze tsy natao ty ndaty amity fagnafaha ty nofo amity vata, fa tamity fanavara Kirisity.
|
|
\v 12 Niara-naleve tamine tamity batisa nareo, naho tamine ao ro nanangana anareo tamity alala ty finoa maheren'Agnahare, te nananga aze tamireo ze mate.
|
|
\v 13 Tamy nareo mate tamireo hadisoa vaho ty tsy fahavita ty nofonareo fanavara, re ro namelo anareo niarake tamine vaho namototre antika tamireo hadisoantika iaby.
|
|
\f + \ft Fagnamarea: misy dikan-drehake taloha ilane mivaky ty hoe: “naho namototre ty hdisoantika iaby" \f*
|
|
\v 14 Finafane ty soratre ty trosam-pagnafaha vaho reo fotsipeke nifandietre tamintika. Nalene ze iaby zay naho pinene teo amity hetae fijalea.
|
|
\v 15 Nalaene reo here vaho reo fahefa, naho Re le nanao fanoroa amaso-amaso iereo, naharese mihoatre iereo tamity hetae fijalea.
|
|
\p
|
|
\v 16 Ka, ko enga hisy hitsara anareo ndra amity fihinana ndra amity finoma, ndra amity andro fete ndra amity vola vaovao, ndra amity andro Sabata.
|
|
\v 17 Zay ro alo reo zaka hoavy, fa ty vatane ie le kirisity.
|
|
\v 18 Ko enga hisy ndra ia ia mipay ty hamarea vaho ty fiantsa ty anjele hitsara anareo ka tsy hahazoanareo ty lokanareo. Ty ndaty hoe zay le militre amity zaka hitane naho manjare mieboebo amity say ty nofone.
|
|
\v 19 Tsy mita ty lohane re. Zay le bakamity loha ty namean'Agnahare ty vata iaby magnera reo vagnen-taolane vaho ty hetaene ze magnomea ka mita ze iaby zay miharo; zay le mitombo miarake amity fanomboa namean'Agnahare.
|
|
\p
|
|
\v 20 Laha mate niarake tamy Kirisity nareo tamireo toera zao iaby zao, nagnino are nareo ro velo hoe ty voasere amity tane:
|
|
\v 21 “Ko mihodike, ko magnandra, naho ko mikasike?
|
|
\v 22 Ze zaka iaby zay le hoahy ty fahalova, arake ty torolala vaho ty fampianara ty ndaty.
|
|
\v 23 Rey fotsipeke rey le mana hamarea ty fomba fivavaha, ty hamarea ze natao ty vatane arere naho ty fampijalea ty vata. Fa iereo le tsy manan-danja amity fandiera ty fandefera ty paie ty nofo.
|
|
\c 3
|
|
\cl Toko 3
|
|
\p
|
|
\v 1 Ka laha Zagnahare ro nananga anareo niarake tamy Kirisity, paio reo zaka agne ambone, te itoboha kirisity eo antagnan-kavanan'Agnahare.
|
|
\v 2 Dineho reo zaka agne ambone, fa tsy reo zaka antane eto.
|
|
\v 3 Te le fa mate nareo, naho ty fiaignanareo le mihaja miarake amy Kirisity ao amin'Agnahare.
|
|
\v 4 Laha fa miseho kirisity, te havelonareo, le nareo kea hiarake-hiseho amine ao amin-kasy.
|
|
\f + \ft Fagnamarea egne ambane ty peje: Reo dikan-drehake taloha ilane manao ty hoe: “Laha fa miseho kirisity, te havelonareo, le nareo avao kea le hiara-hiseho miarake amine amin-kasy. \f*
|
|
\p
|
|
\v 5 Vono, bakeo, reo mpikamba ze eto antane ty paian-draty, halotoa, fireheta ty paie, fagniria raty, naho hamahafa, te fanompoan-tsampe.
|
|
\v 6 Laha rey zaka rey ro hahavia ty helon'Agnahare amireo anake ty tsy fagnenkea.
|
|
\f + \ft Fagnamarea egne ambane peje: Ty dikan-drehake taloha ilane mivaky ty hoe: Naho rey zaka rey ro mahavy ty helon'Agnahare.” \f*
|
|
\v 7 Tamirey zaka ze nandehananareo rey taloha avao kea laha fa mboe nivelo tao amirey nareo.
|
|
\v 8 Fa henanezao nareo le tsy mahaintsy magnary rey zaka iaby rey_heloke, havignira, reo dine-draty, reo fandratia, naho tsara raty bakamity vavanareo.
|
|
\v 9 Ko mifavande, te le fa narianareo ty toera taloha miarake amireo fanoa zay,
|
|
\v 10 naho nisikinareo ty toera vao ze nihavaoze ao amity fahaia arake ty toera ze namoro zay.
|
|
\v 11 Ao amizay le tsy misy Grika vaho Jiosy, voasavatre vaho tsy voasavatre, barbariana, Skytiana, ndevo, ndaty hafa, fa Kirisity ro iaby, naho ao amy iaby.
|
|
\p
|
|
\v 12 Ka, misikina, arake ty maha-ndaty voafilin'Agnahare, masy naho malala, fandefera, hasoam-pagnahy, hamarea, falemeam-pagnahy, naho fahareta.
|
|
\v 13 Mifampindaisa soa. Mifamotora. Laha misy ndaty raike mana fitaraigna miomba ty ndaty hafa, mamotora hoe ty namotora Tompo anareo.
|
|
\v 14 Ambone rey zaka iaby rey, mana hatea, te mamehe antika amity halefea.
|
|
\p
|
|
\v 15 Ao ty fiadagna Kirisity handily ao amity arofonareo. Fa hoahy ze fiadagna zay ro nikaiha anareo ho vata raike. Naho misaora.
|
|
\v 16 Ao ty tsara kirisity hitoboke imaro aminareo ao. Amity hamarea iaby mifagnanara naho mifampianara amireo salamo vaho fihira naho antsa aram-pagnahy. Mihira amity fisaora ao agnarofonareo ho an'Agnahare.
|
|
\p
|
|
\v 17 Ndra ino ino ataonareo, ndra amity rehake ndra amity asa, anovo amity agnara Tompo Jesosy iaby. Magnomeza fisaora ho an'Agnahare ty Raike amity alalane.
|
|
\p
|
|
\v 18 Ry ampela, magnenkea ty valinareo, fa zay ro mete ao amy Tompo.
|
|
\v 19 Ry lahialhy, teavo ty valinareo, naho ko masiake amiereo.
|
|
\p
|
|
\v 20 Ry anake, magnekea ty rae aman-drenenareo amity zaka iaby, fa zay ro isaora ao amy Tompo.
|
|
\v 21 Ry rae, ko manao ze mampalahelo reo anagnareo, mba tsy ho kivy iereo.
|
|
\p
|
|
\v 22 Ry ndevo, magnenkea ty tomponareo arake ty nofo amireo zaka iaby, tsy amity asa eo amaso hoe ty ndaty mipay saotre, fa amity arofo soa. Matahora Tompo.
|
|
\v 23 Ndra ino ino ataonareo, miasa bakamity fagnahinareo hoe ty hoahy Tompo fa tsy hoahy ty ndaty.
|
|
\v 24 Hainareo fa nareo le handrae ty valesoa ty lova bakamy Tompo. Re ro Tompo Kirisity ty tompoenareo.
|
|
\v 25 Fa ze manao ty hamarea le handrae ty saze hoahy ty tsy hamarea ze nataone, naho tsy misy fagnentea-tarehe.
|
|
\c 4
|
|
\cl Toko 4
|
|
\p
|
|
\v 1 Ry Tompo, ameo reo ndevo te mare vaho rarene. Hainareo fa nareo avao kea mana tompo raike andagnitse.
|
|
\p
|
|
\v 2 Mahareta zisikagne amity fivavaha. Miambena amizay amity fagnomea fisaora.
|
|
\v 3 Miaraha miavake ho anay avao kea, mba hanokafan'Agnahare varavara hoahy ty tsara, mba hirehafa ty hamarea mihaja Kirisity. Naho ty amizay, le voafehe raho.
|
|
\v 4 Mivavaha mba hahafahako magnazava zay, laha tokone hirehake raho.
|
|
\p
|
|
\v 5 Mandehana amity hamarea agne amireo ze agne amabalike, naho hararaoto ty andro. Ao ty rehanareo hiarake amity hasoava zisikagne.
|
|
\v 6 Ao reo ho vonton-tsira, mba hahafahanareo mahay ty fomba tokone hamaleanareo ty ndaty kirai-kiraike.
|
|
\p
|
|
\v 7 Laha reo zaka miomba ahy, le Tykyko ro hampahay rey aminareo. Re le rahalahy malala, mpanompo matoky, naho mpiara-manompo ao amy Tompo.
|
|
\v 8 Nalefako agne aminareo re naho zao, mba hahafahanareo mahay ty zaka miomba anay, naho mba hahafahane magnamafe ty arofonareo.
|
|
\f + \ft Fagnamarea egne ambane ty peje: reo dikan-drehake ilane taloha mivaky ty hoe: “nalefako agne aminareo re naho zao, mba hahafahane mahay reo zaka miomba anareo, naho mba hahafahane magnamafe ty arofonareo.” \f*
|
|
\v 9 Nalefako re niarake tamy Onesimosy, ty rahalahy matoky vaho malala, te raike aminareo. Iereo ro nitalily aminareo ty zaka iaby ze fa niseho tatoy.
|
|
\p
|
|
\v 10 Aristarko, ty miara-migadra amiko, le miarahaba anareo, manahake zay kea ty Marka, longo Bernabasy (zay nahazoanareo baiko; laha mbaeo aminareo re, le raeso),
|
|
\v 11 naho Jesosy avao kea te ataon ty Josto. Reo bakamity voasavatre reo avao ro mpiara-miasa amiko hoahy ty fanjakan'Agnhare. Fampionogna hoahy iereo.
|
|
\v 12 Epafra le miarahaba anareo. Raike aminareo re naho mpanompo Kirisity Jesosy. Mitolo ambavake ho anareo avao re, mba hahalefe anareo naho hahazo antoke vatane ao amity sitrampon'Agnahare iaby.
|
|
\v 13 Fa mitsanga vavolombelo hoaze raho, fa miasa mafe ho anareo re, vaho hoahy reo agne Laodika, naho hoahy reo ze agne Hierapolia.
|
|
\v 14 Lioka ty mpitsabo malala vaho Demasy le miarahaba anareo.
|
|
\p
|
|
\v 15 Salamao reo rahalahy agne Laodika, vaho Nymfa, naho ty fiangona ze ao antragnone.
|
|
\v 16 Laha fa voavaky eo agnivonareo ty taratasy toy, le anovo vakie ao amity fiangona Laodikiana avao kea, naho anovo voavakinareo avao kea ty taratasy bakagne Laodika.
|
|
\v 17 Rehafo Arikipo ty hoe: “Ambeno ty asa fanompoa ze niraesenao tao amity Tompo, fa tokone hataonareo zay.”
|
|
\p
|
|
\v 18 Ty fanovam-beloma toy le atao ty tagnako arere_Paoly. Tiarovo ty fifeheako. Ho aminareo anie ty hasoava.
|