See in Reader
199 lines
19 KiB
Plaintext
199 lines
19 KiB
Plaintext
\id GAL
|
|
\ide UTF-8
|
|
\h Galatiana
|
|
\toc1 Galatiana
|
|
\toc2 Galatiana
|
|
\toc3 gal
|
|
\mt Galatiana
|
|
\c 1
|
|
\cl Toko 1
|
|
\p
|
|
\v 1 Paoly, apositoly_tsy apositoly bakamity ndaty ndra tamity alala ty ndaty, fa bakamy jesosy Kirisity vaho ty Zagnahare Rae, te nananga Aze tamity mate_
|
|
\v 2 naho reo rahalahy iaby miarake amiko, hoahy reo fiangona Galatiana:
|
|
\v 3 Hasoava ho aminareo naho fiadagna bakamin'Agnahare Raentika vaho Jesosy Kirisity Tompo,
|
|
\v 4 te nanolotre ty vatane hoahy ty hadisonatika mba hagnafahane antika amizao andro ty haratia zao, arake ty sitrampon'Agnahare vaho Raentika,
|
|
\v 5 ho Aze anie ty hasy zisikagne doria. Amena.
|
|
\p
|
|
\v 6 Gaga raho ty hoe niala malaky tamity nikaike anareo tamity hasoava Kirisity nareo. Gaga raho fa mitolike ho amity zaka soa hafa nareo.
|
|
\v 7 Tsy midika kea zay fa misy zaka soa hafa, fa misy ndaty maro ze manday koronta ho anareo naho te hagnova ty zaka soa Kirisity.
|
|
\v 8 Fa ndra zahay ndra anjele bakagne andagnitse aza ro hitalily zaka soa hafa aminareo naho ze nitalilianay taminareo, le ao re ho voa ozo.
|
|
\v 9 Arake ze nirehafenay taloha, le henanezao raho magnambara ndraike ty hoe: “Laha misy ndaty magnambara aminareo zaka soa hafa naho ze niraesenareo, le ao re ho voaozo.”
|
|
\v 10 Feie vao raho henanezao mipay ty fagnenkea ty ndaty sa Zagnahare? Feie vao raho mipay ze hampifale ty ndaty? Laha mboe manohy miezake ty hampifale ndaty raho, le tsy mpanompo Kirisity.
|
|
\p
|
|
\v 11 Fa teako ho hainareo, ry rahalahiko, fa ty zaka soa ze nambarako le tsy talilisoagn'ondaty.
|
|
\v 12 Tsy nandrae nandrae zay tamity ndaty raho, ndra nampianareo ahy zay. Fa kea, zay le fagnambara Kirisity Jesosy tamiko.
|
|
\p
|
|
\v 13 Fa nareo naharey ty amity haveloko talohatamity fomba fivavaha Jiosy, vaho ty fomba nanesehako ty fiangonan'Agnahare mihoatre ty tokone ho ie naho ty fiezahako handrava zay.
|
|
\v 14 Nandeha tamity fivavaha ty Jiosy raho nihoatre ty maro tamireo nitovy tao tamiko, bakamireo firene raike tamiko. Hoe zay ty fomba nitanako mafe reo fomban-drazako.
|
|
\v 15 Kanefa Zagnahare, ty nanoka ahy zisikagne an-tron-dreneko, naho nikaike ahy tamity alala ty hasoane,
|
|
\v 16 laha fa fale ty hanoro ty Anadahine tamiko, mba hahafahako magnambara Aze agne amity Jentilisa, le tsy nangalake say amity nofo vaho lio amizay raho.
|
|
\v 17 Tsy niakatre tagne Jerosalema hoagne amireo le fa lasa Apositoly talohako raho. Fa kea, nadeha tagne Arabia naho bakeo nihere tagne Damaskosy raho.
|
|
\v 18 Naho telo tao tafara le niakatre tagne Jerosalema mba hifankahay tamy Kefasy raho naho nijano niarake tamine zisike ty dime ambifolo andro.
|
|
\v 19 Fa tsy nisy hitako reo Apositoly hafa Jakoba, ty rahalahy Tompo.
|
|
\v 20 Naho ao amize sorateko ho anareo, le magnomea toky anareo raho eo agnoloan'Agnahare, fa tsy mavande raho.
|
|
\v 21 Bakeo raho le nadeha tagne amity faritre Syria vaho Kilikia.
|
|
\v 22 Tsy mboe hay teo amireo fiangona Jodia te ao amy Kirisity raho.
|
|
\v 23 Rey iereo avao ze voatalily ty hoe: “Ty lahilahy ze nagnenjeke antika taloha henanezao le magnambara ty finoa ze niezahane pinoteke taloha.”
|
|
\v 24 Laha zao iereo le niantsa an'Agnahare naho ty amiko.
|
|
\c 2
|
|
\cl Toko 2
|
|
\p
|
|
\v 1 Efatre ambifolo tao tafara atoy le niakatre tagne Jerosalema ndraike raho niarake tamy Barnabasy, le nanday Titosy niarake tamiko.
|
|
\v 2 Niakatre tagne naho ty fagnambara raike raho naho nametrake teo amiereo ty zaka-soa ze talilieko amireo Jentilisa. Nirehake mitoka tamireo ze nidinehe ho manan-danja raho, mba hahazoa antoke fa tsy nilailay_ndra le fa nilailay_vere maike raho.
|
|
\v 3 Fa ndra Titosy aza, ze niarake tamiko ro vaho Grika, le sinere ho voasatre.
|
|
\v 4 Nilitre mangike reo rahalahy sandoke mba hijilo ty fahafaha hanagnanay ao amy Kirisity Jesosy. Nagniry ty hagnandevo anay iereo,
|
|
\v 5 fa tsy nimete ty hagnenke iereo ndra le andro kele aza zahay, mba hitoboha ty hamarea ty zaka soa aminareo.
|
|
\v 6 Fa reo ze nidinehe ho manan-danja (ndra ino ino iereo le tsy mampagnino ahy, Zagnahare le tsy mavande) _rehafeko, reo, ze dinehe ho manan-danha le tsy nagnampe ndra ino ino tamiko.
|
|
\v 7 Mifandietre amizay, hita iereo fa nagnankina ty zaka soa hoahy reo ze tsy voafora raho, manahake ty nagnakina Petera ty zaka soa hoahy reo ze voasavatre.
|
|
\v 8 Fa Zagnahare, te niasa tao amy Petera ho amity maha-apositoly hoahy reo ze voasavatre, le niasa tamiko ato avao kea hoahy reo Jentilisa.
|
|
\v 9 I Jakoba, Kefasy, naho Jaona, te hay fa agnate reo nagnore ty fiangona, laha fa nahay ty hasoava ze namea ahy, le nagnomea ty tagna ankavana ty fiombogna hoahy vaho Barabasy iereo. Natao iereo zay mba hahafahanay mbaeo amity Jentilisa, naho mba hahafaha iereo mbaeo amireo ze voasavatre.
|
|
\v 10 Nangatake avao iereo mba hahatiaro ty mahantra zahay, te zaka vatane teako hatao kea.
|
|
\p
|
|
\v 11 Fa laha fa niavy tagne Antioka Kefasy, le nandietre aze teo amity vatane raho satria voatalily fa diso re.
|
|
\v 12 Taloha ty nahavia reo lahilahy ilane bakagne amy Jakoba, le teo am-pihinana niarake tamireo Jentilisa ty Kefasy. Te laha fa niavy reo lahilahy reo, le nijano re naho niala lavitre reo Jentilisa. Natahotre reo ze nitake fanavara re.
|
|
\v 13 Ty sisa tamireo Jiosy kea le niarake tamizay fihatsaram-belatsihy zay. Ndra Barnabasy aze le voaotake lala niarake tamiereo tamity fihatsaram-belatsihy iereo.
|
|
\v 14 Fa laha fa hitako fa tsy magnorike ty hamarea ty zaka-soa ty etam-bata iereo, le nirehake tamy Kefasy raho teo agnoloa ie iaby raho ty hoe: “Laha Jiosy riha kanefa mivelo manahake ty Jentilisa fa tsy manahake ty Jiosy, akore ro hahafahanao manere reo Jentilisa hivelo manahake ty Jiosy?”
|
|
\v 15 Tika le Jiosy tamity alala ty hateraha fa tsy mpanota Jentilisa;
|
|
\v 16 haintika anefa fa tsy misy ndaty hamaregne ty asa ty lily fa amity alala ty finoa Kirisity Jesosy. Tika avao kea le niavy tamity finoa Jesosy Kirisity mba ho hamaregne amity finoa Kirisity fa tsy amity asa ty lily. Fa tsy hisy nofo ho hamaregne amity asa ty lily.
|
|
\v 17 Fa laha ohatre ka, mipay ho hamaregne ao amy Kirisity tika, tika avao kea, le hita fa mpanota, feie mandrisike ty hadisoa are vao Kirisity? Aha tsy zay!
|
|
\p
|
|
\v 18 Fa laha mananga ndraike reo zaka le fa rinavako taloha raho, le magnamare ty vatako ho mpandika lily raho.
|
|
\v 19 Fa tamity lily ro nifatezako amity lily, mba ho velo ho an'Agnahare raho.
|
|
\v 20 Nivonoe niarake tamy Kirisity raho. Tsy zaho sase ro velo, fa i Kirisity ro velo agnateko ato. Ty havelo iaignako ao amity nofo henanezao le iaignako amity finoa ty Anan'Agnahare, te tea ahy ka nanolotre ty vatane hoahy.
|
|
\v 21 Tsy magnila ty hasoan'Agnahare raho, fa laha azo amity lily ty hamarea, le tsy misy dikane ty nifateza Kirisity!
|
|
\c 3
|
|
\cl Toko 3
|
|
\p
|
|
\v 1 Ry Galatiana Gege! Ia ro namosavy anareo? Teo amasonareo vatane ro nanoroa Jesosy Kirisity voavono.
|
|
\v 2 Zao avao ro zaka teako ianara aminareo: Nandrae ty Fagnahy tamity asa ty lily sa tamity finoa ze reinao nareo?
|
|
\v 3 Gege vatane vao nareo? Niatomboke tamity Fagnahy nareo, le hiafara amity nofo vao henanezao?
|
|
\v 4 Feie niaretre zaka-maro tamity tsy misy antone vao nareo_fa laha vatane zaka-foa vatane are zay?
|
|
\v 5 Feie vao re te magnomea ty Fagnahy anareo vaho manao asa mahagaga eo aminareo le manao zay amity asa ty lily, sa amity fidranjigna amity finoa?
|
|
\p
|
|
\v 6 Manahake Abrahama" ino an'Agnahare naho nidineke ho hamareane zay,"
|
|
\v 7 le hoe zay, haizo, fa reo ze amity finoa le ana i Abrahama.
|
|
\v 8 Ty soratre Masy, nahita aloha fa Zagnahare hagnamare reo Jentilisa amity finoa, le nitalily ty zaka soa taloha tamy Abrahama, nanao ty hoe: “Bakaminao ro hitahia ty firene iaby.”
|
|
\v 9 Ka, reo ze amity finoa le voatahy miarake amy Abrahama, ty ndaty ty finoa.
|
|
\v 10 Reo ze mianky amity asa ty lily le eo ambane ty ozo; fa voasoratre ty hoe: “Voaozo iaby ze tsy magneke ty zaka iaby voasoratre ao agnate ty boke ty lily, vaho mano rey.”
|
|
\v 11 Henanezao le mazava fa tsy misy ndaty ze hamaregne eo agnoloan'Agnahare amity alala ty lily, satria ty mare le ho velo amity finoa.
|
|
\v 12 Fa ty lily le tsy arake ty finoa, fa kea,” Ty ndaty ze manao ty asa ty lily le tsy mahaintsy velo amireo.”
|
|
\p
|
|
\v 13 Kirisity nagnavotre antika tamity ozo ty lily tamity nahaviane ho ozo ho antika_ fa voasoratre ty hoe: “Voaozo iaby ze mihanto amity hetae",
|
|
\v 14 mba ho lasa amity jentilisa ty fitahia Abrahama ao amy Kirisity Jesosy, mba ho amity finoa ro hahazoantika ty fampagnategna ty Fagnahy.
|
|
\p
|
|
\v 15 Ry rahalahy, engao raho hirehake arake ty fatao ty ndaty. Ao amity fifagnaraha atao ty ndaty, tsy misy afake magnafoa ndra magnampe zay ao, laha fa tafapetrake ty lily zay.
|
|
\v 16 Naho reo fampagnategna le natalily tamy Abrahama vao tamireo fokone. Tsy mitalily zay ty hoe: “Hoahy ty foko,” manondro ndaty maro, fa kea ndaty raike avao,” hoahy ty fokonao.
|
|
\v 17 Naho zao ro teako ho rehafe: “Ty lily ze lasa telo-polo vaho efa-jato tao tafara atoy, le tsy hahafoa ty fagnenkea ze le fa natobon'Agnahare mialoha.
|
|
\v 18 Fa laha bakamity lily ty vola, le tsy bakamity fampagnategna sase zay. Fa Zagnahare nagnomea zay Abrahama tamity alala ty fampagnategna.
|
|
\p
|
|
\v 19 Ino, are, ty dine ty lily? Nasia zay naho reo fandikan-dily, mandram-pahavia ty foko Abrahama eo amize nagnanova ty fampagnategna. Ty lily le natao ty mpagnalala raike ho manan-kere tamity alala ty anjele.
|
|
\v 20 Fa ty mpagnalala le midika ndaty mihoatre ty raike, kanefa Zagnahare le raike.
|
|
\p
|
|
\v 21 Feie vao ty lily mandietre reo fampagnategnan'Agnahare? Sagnatria zay! Fa laha nisy lily nagnomea ze afake magnomea havelo, le bakamity lily vatane ty hamarea.
|
|
\v 22 Fa ty Soratre Masy nagnagadra ty zaka iaby ambane ty hadisoa. Nanao zay Zagnahare mba hagnomea hoahy reo mino ty fampagnategna ty hagnavota antika amity alala ty finoa Jesosy kirisity.
|
|
\v 23 Naho taloha ty nahavia ty finoa, tika le nitane ho azo tao ambane ty lily, ginadra mandram-pisehoa ty finoa.
|
|
\v 24 Ka bakeo ty lily le lasa mpiambe antika mandram-pahavy kirisity, mba ho voamare amity finoa tika.
|
|
\v 25 Fa zao le avy ze finoa zay, ka tsy eo ambane ty mpiambe sase tika.
|
|
\p
|
|
\v 26 Fa nareo iaby le anan'Agnahare ao amity finoa Kirisity Jesosy.
|
|
\v 27 Fa maro aminareo ze natao batisa tao amy Kirisity, ro nandrae Kirisity.
|
|
\v 28 Naho tsy misy sase ndra Jiosy ndra Grika, ndra andevo ndra ndaty hafa, ndra lahy ndra vave, fa raike avao nareo ao amy Kirisity.
|
|
\v 29 Ka laha ahy Kirisity nareo, le foko Abrahama, vaho mpandova arake ty fampagnategna nareo.
|
|
\c 4
|
|
\cl Toko 4
|
|
\p
|
|
\v 1 Mirehake raho fa ty mpandova, laha mboe kolo re, le tsy hafa amity ndevo, ndra le tompo ty zaka iaby.
|
|
\v 2 Kanefa re le eo ambane fifehea reo mpiambe vaho reo mpamory zaka-lafovily mandram-pahavy ty date ze nataon-draene.
|
|
\v 3 Ka hoe zay avao kea, tamy tika mboe kolo, le nindevoze reo lily tsipim-pianara zao iaby zao.
|
|
\v 4 Fa laha fa niavy ty hafenoa ty fotoa, le nandefa ty Anane Zagnahare, te nateran-ampela, naterake tao ambane ty lily.
|
|
\v 5 Nanao zay Re mba hagnavota reo ze ambane ty lily, mba hahafahantika mandrae ty fanangana ho anake.
|
|
\v 6 Naho satria anake nareo, le nirahen'Agnahare ho ao ampontika ty Fagnahy ty Anane, te manao ty hoe: “Baba, Rae.”
|
|
\v 7 Laha zao tsy ndevo sase riha, fa anake, naho laha anake, le mpandova amity alalan'Agnahare avao kea riha.
|
|
\p
|
|
\v 8 Fa tamize andro zay, tamy nareo tsy nahay an'Agnahare le natao ho ndevo reo ze, amity here voanjagnahare, le tsy zagnahare kea.
|
|
\v 9 Fa henanezao nareo le lasa mahay an'Agnahare, ndra kea ty hoe hain'Agnahare nareo, ka akore ro hiheregnanareo amity abodiam-pianara maleme ro vaho tsy misy antone? Te ho andevoze ndraike vao nareo?
|
|
\v 10 Mandineke reo andro vaho reo volagne raho naho reo andro vaho reo tao nareo!
|
|
\v 11 Matahotre ty aminareo raho fa tsy ne ho zaka-foa ty asako taminareo.
|
|
\v 12 Mangatake anareo raho, ry rahalahy, manova hoeko, satria raho avao kea le fa lasa hoenareo. Tsy nanao raty tamiko nareo.
|
|
\p
|
|
\v 13 Kanefa hainareo fa naho ty aretem-batako ro nagnambarako anareo ty zaka soa tamity voalohane.
|
|
\v 14 Ndra le nanday anareo tamity fangalam-pagnahy aza ty vatako, le tsy nanao tsinontsino ndra nagnifike ahy nareo. Fa niraesenareo hoe ty hoe anjelen'Agnahare kea raho, hoe ty hoe zaho kea ro kirisity Jesosy.
|
|
\v 15 Aia, naho zao, ty hasoavanareo henanezao? Fa mpitsanga vavolombelo aminareo raho, fa laha azonareo atao, le nafahanareo ty masonareo naho nameanareo ahy zay.
|
|
\v 16 Ka laha zao, te fa lasa fahavalonareo vao raho satria mitalily aminareo ty mare?
|
|
\v 17 Iereo le mazoto ty hitao anareo, fa tsy amity soa. Te hagnily anareo agne ambalike iereo, mba hanagnanareo zotom-po hoahy iereo.
|
|
\v 18 Soa avao ty mana zotom-po amity vetrevetre soa, naho tsy laha fa miarake aminareo avao raho.
|
|
\v 19 Ry anako, mboe mijale amity fangirifiry ty haterake ho anareo ndraike raho mandram-piforo Kirisity ao aminareo.
|
|
\v 20 Magniry aminareo henanezao naho hagnova ty feoko, satria sahiran-tsay naho ty aminareo raho.
|
|
\p
|
|
\v 21 Rehafo amiko, nareo ze magniry ty ho eo ambane ty lily, feie tsy midranjy ty lily vao nareo?
|
|
\v 22 Satria voasoratre fa i Abrahama le nanagnanake roe lahy, ty raike bakamity ndevo vave naho ty raike bakamity ampela afake.
|
|
\v 23 Fa ty raike le natera ty ndevo vave arake ty nofo, fa ty raike hafa le natera ty ampela tamity tsara fampagnategna.
|
|
\v 24 Reo zaka reo le azo raese ho hoe ty fagnohara, satria reo ampela reo le magnambara fagnenkea roe. Ty raike amiereo le bakamity vohitse Sinay naho niterake kolo ndevo re. Ire le i Hagara.
|
|
\v 25 Naho Hagara le manoro ty vohitse Sinay agne Arabia; naho manoro Jerosalema amize andro zao, satria nindevoze niarake tamireo anane re.
|
|
\v 26 Fa Jerosalema te agne ambone le afake, naho re ro renentika.
|
|
\v 27 Satria voasoratre ty hoe: “Mifalea, riha ry tsy miterake. Mikaiha mafe naho manoa korake hafalea, riha ze tsy mijale amity fangirifiry ty haterake. Satria reo ana ty ampela ze nafoe le maro naho ty ahy reo ampela manambaly.”
|
|
\p
|
|
\v 28 Fa nareo, ry rahalahy, manahake Isaka, le ana ty fampagnategna.
|
|
\v 29 Tamize andro zay ty ndaty ze terake arake ty nofo le nagnenjeke ze terake arake ty Fagnahy. Hoe zay avao henanezao.
|
|
\v 30 Kanefa ino ro rehafe ty soratre masy? “Alefaso agne ty ndevo vave vaho ty anadahine. Fa ty anadahy ty ndevo vave le tsy hizara lova miarake amity anadahy ty ampela afake.”
|
|
\v 31 Laha zao, ry rahalahy, tsy ana ty ndevo vave tika, fa ana ty ampela afake.
|
|
\c 5
|
|
\cl Toko 5
|
|
\p
|
|
\v 1 Ho amity fahafaha ro nagnafaha Kirisity antika. Mioregna soa, laha zao, ko mete ho ao ambane ty zoga ty fagnandevoza ndraike.
|
|
\v 2 Ingo, zaho, Paoly, mirehake aminareo fa laha mamototre ty vatanareo ho savare nareo, le tsy hahasoa anareo amity fomba iaby Kirisity.
|
|
\v 3 Mitsangana vavolombelo amity ndaty kirai-kiraike ze mamototre ty vatane ho voasavatre ndraike raho fa voatere hagnorike ty lily iaby re.
|
|
\v 4 Tafasarake ty lily Kirisity nareo, teie te ho hamaregne amity lily; naho tsy mivelo hasoava sase nareo.
|
|
\v 5 Fa amity alala ty Fagnahy, amity finoa, ro handignasantika mafe ty fagnategna ty hamarea.
|
|
\v 6 Ao amy Kirisity Jesosy le tsy midika ndra ino ino ndra voasavatre ndra tsy voasavatre, fa ty finoa miasa amity hatea avao.
|
|
\p
|
|
\v 7 Fa nilay soa nareo. Ia ro nanaka anareo amity hatea ty mare?
|
|
\v 8 Zay fandresean-dahatre zay le tsy bakamine te nikaike anareo.
|
|
\v 9 Lalivay kele ro nanombo ty koba iaby.
|
|
\v 10 Fa matoky ty Tompo raho fa tsy handrae fomba fagnente hafa nareo. Fa ty raike magnoronta anareo ro handoa ty saze, ndra ia re ndra ia.
|
|
\v 11 Ry rahalahy, laha mboe mitalily ty amity fanavara raho, nagnino raho ro mboe enjehe? Amizay le afake vatane ty hatafintohy ty hetae fijalea.
|
|
\v 12 Fa hoahy reo ze magnoronta anareo, enga anie ka handily ty vatane iereo!
|
|
\p
|
|
\v 13 Fa kinaike ho amity fahafaha nareo, ry rahalahy. Nefa ko ampiasae ho irake amity paie ty nofo ty fahafahanareo; fa kea, amity alala ty hatea le mifanompoa.
|
|
\v 14 Fa ty lily iaby le lefe ao amity lily raike; ao amity hoe: “Tsy mahaintsy mitea ty namanao manahake ty vatanao riha.”
|
|
\v 15 Fa laha mifanifatre vaho mifampihina nareo, le miambena tsy ne hifamoteke.
|
|
\p
|
|
\v 16 Fa hoe raho, mandehana arake ty Fagnahy le tsy hahalefe ze paie ty nofo nareo.
|
|
\v 17 Fa mandietre ty Fagnahy ty paie ty nofo, naho mandietre ty paie ty nofo ty fagniria ty Fagnahy. Fa mifandietre reo, mba tsy hahafahanareo manao ze zaka teanareo.
|
|
\v 18 Fa laha tahiry ty Fagnahy nareo le tsy ho ambane ty lily.
|
|
\p
|
|
\v 19 Henanezao le miharehare ty asa ty paie ty nofo: fitsangatsangana, halotoa, falemelemea,
|
|
\v 20 fanompoan-tsampy, famosavia, fankalaigna, fifandiera, hasarotampiaro, fiakara ty heloke, fandrafea, fisaraham-bey, fizarazara,
|
|
\v 21 fialogna, hamamoa, fagnorontagna, naho ty zaka mitovy amizay. Mampiambe anareo raho, manahake ty le fa nampiambenako anareo taloha, fa tsy handova ty fanjakan'Agnahare reo ze manao reo raraha reo.
|
|
\v 22 Fa ty voka Ty Fagnahy le fitea, hafalea, fiadagna, fahareta, hasoam-pagnahy, fanoan-tsoa, finoa,
|
|
\v 23 halemeam-pagnahy, naho fahafehem-bata; tsy misy lily mandietre zaka hoe zay.
|
|
\v 24 Reo ze ahy Kirisity Jesosy le fa nanombo ty toera lako hadisoane niarake tamity zaka-teane vaho ty paiene.
|
|
\p
|
|
\v 25 Laha mivelo amity Fagnahy tika, ao handeha amity Fagnahy avao kea.
|
|
\v 26 Ao tika tsy ho lasa mpieboebo, mifanokitse, naho mifampialo.
|
|
\c 6
|
|
\cl Toko 6
|
|
\p
|
|
\v 1 Ry rahalahy, laha misy ndaty azo ty hadisoa, nareo ze ara-pagnahy ro tokone hampimpoly aze ndraike amity hamoram-pagnahy. Midineha ty vatanao, mba tsy halaem-pagnahy kea riha.
|
|
\v 2 Mifampindaisa ty mavesatre, naho amizay le anovo ty lily kirisity.
|
|
\v 3 Fa laha misy ndaty midineke ty vatane ho raraha kanefa tsinontsino, le mamitake ty vatane re.
|
|
\v 4 Tokone handineke ty asane iaby ty kirai-kiraike, mba ho amity vatane avao ty antone hireharehane fa tsy amity ndaty hafa.
|
|
\v 5 Fa sambe handay ty entane iaby ty ndaty kirai-kiraike.
|
|
\p
|
|
\v 6 Ty ndaty ze nanare ty tsara le tsy mahaintsy mizara ty zaka soa iaby amize mampianatre.
|
|
\v 7 Ko mete ho fitahe. Tsy hay somongae ty Zagnahare, fa iaby ze ambole ty ndaty, ro ho hazaene kea. Hoahy ze mambole voane amity toerane feno hadisoa, le bakamizay ro hihaza hasimba.
|
|
\v 8 Ze mambole voane amity Fagnahy, amity Fagnahy ro hahazo ty havelo zisikagne.
|
|
\v 9 Ao tika mba tsy ho rerake amity fanoan-tsoa, fa hihaza ty vokatre tika amity andro mete, laha tsy milavo lefo tika.
|
|
\v 10 ka laha zao, satria mana fahafaha tika, le ao hanao ty soa amity ndaty iaby, vatane fa amity longo ty finoa.
|
|
\p
|
|
\v 11 Henteo ty habey ty soratre ze sinora ty tagnako ho anareo.
|
|
\v 12 Reo ze tehiseho ho soa ao amity nofo ro miezake manere anareo mba hosavare. Manao zay re mba hiala amity fagnenjeha naho ty amity hetae fijalea Kirisity.
|
|
\v 13 Ndra reo ze tsy voasavatre aza le tsy miambe ty lily, nefa tea iereo ho savare nareo mba hirehareha iereo amity nofonareo.
|
|
\v 14 Nefa tsy hirehareha ndra mbia mbia laha tsy ty amity hetae fijale Jesosy kirisity Tompontika anie raho, te namonoa zao iaby zao tamiko eo, naho zaho kea teo amizao iaby zao.
|
|
\v 15 Fa ty fanavara ndra ty tsy fanavara le sambe tsy misy dikane, fa ty fiaignam-baovao ro misy dikane.
|
|
\v 16 Hoahy reo iaby ze velo arake ze fomba zay, le ho amiereo anie ty fiadagna vaho ty fandefera, ndra amy Israelin'Agnahare aza.
|
|
\p
|
|
\v 17 Manomboke zao le ao tsy hisy hagnoronta ahy, fa manday ty famantara Jesosy amity vatako eo raho.
|
|
\p
|
|
\v 18 Ho amity fagnahinareo anie ty hasoava Jesosy kirisity Tompontika, ry rahalahy. Amena.
|