tdx-x-mahafaly_reg/48-2CO.usfm

\id 2CO
\ide UTF-8
\h 2 Korintiana
\toc1 2 Korintiana
\toc2 2 Korintiana
\toc3 2co
\mt 2 Korintiana
\c 1
\cl Toko 1
\p
\v 1 Paoly, apostoly raeke ahy ndre Kristy Jesosy tamy ty tea ty Andragnahare, naho Timoty rahalahintika, ho ahy ty fiangona ty Andragnahare ze ao amy ty Korito, vaho ho ahy reo mpino iaby magnera ty faritse Akaia.
\v 2 Ho aminareo vatane ty fahasoava vaho ty fiadagna bak'amy ty Andragnahare Raentika naho Tompo Jesosy Kristy.
\p
\v 3 Ho antsay vatane ty Andragnahare naho Baba ty Tompontika Jesosy Kristy. Re ro Baba ty famindram-po iaby naho Andragnahare ty fampionogna iaby.
\v 4 Andragnahare le mampionogne antika amy ty fijaleantika iaby, le soa ahafahantika mampionogne reo ze ao ampo fahoria, Tika le mampiongne reo hafa manahake ty fampionogna ze nampiasa ty Andragnahare ampionogne antika.
\v 5 Te manahake ty hitomboa ty fijalea ndre Kristy noho ty aminay, ro hitomboa ty Fampionogna anay kea amy ty alala ndre Kristy.
\v 6 Te laha nampahoria zahay, zay le ho ahy ty fampionogna naho famonjea nareo. Vaho laha nampionogna zahay, zay le ho ahy ty fampahereza anareo. ty fampaherezanareo le mandaitse lafa manam-pahareta hizara reo fijalea ze mitovy amy ty fijaleanay kea.
\v 7 Te ty fahatokinay mikasike anareo le azo antoke, satria zahay le mahay te nareo kea le mizara reo fijalea, nareo kea le mizara fampahereza.
\p
\v 8 Te tsy teanay nareo tsy ahay, rahalahy, ty amy reo olagne nahazo anay tagne Asia. Zahaya le nivesare aby mihoatse ze tokone ho zakanay, maro loatse le tsy nagnantegna ty hiay ela sase zahay.
\v 9 Teo aminay ty fagnameloha ho mate. Te zay ro nahaavy anay tsy hametrake ty tokinay eo amy ty vatanay avao, te kea amy ty Andragnahare ze mampitsanga ty mate.
\v 10 Nagnavotse anay tamy ty loza mahafate manahake zay Reke, vaho mboe hagnavotse ndraeke. Zahay le nametrake ty tokinay tamine te mboe hagnafake anay ndraeke Reke.
\v 11 Reke le hanao zay satria nareo kea magnampe anay amy ty alala ty vavakareo. Vaho maro bak'ei ro hagnome fisaora amy ty agnaranay noho ty tombom-pahasoava nomea anay tamy ty alala reo vavake ty maro.
\p
\v 12 Zahay le mirehareha amy zao: fitsangana vavolombelo ty amy ty feo ty fieratseretanay. Te amy ty safiry malio naho fahatsoram-po ze bak'amy ty Andrgnahare ze nandesanay ty vatanay ao amy zao tontolo zao. Zahay le nahavita zay iaby zay vaho ty ankamaroa ty niarake taminareo__tsy tamy ty fahendrea zao tontolo zao, te tamy ty fahasoava ty Andragnahare.
\v 13 Zahay le tsy nanoratse raraha tsy ho voavake na ho azonareo. Raho le magnantegna te,
\v 14 satria nareo nahazo ty mikasike anay amy ty ampahane, zahay le ho anto ty reharehanareo amy ty andro ty Tompontika Jesosy, manahake anareo ho antone hireharehanay.
\p
\v 15 Satria natoke ty mikasike zay raho, le te ho agne aminareo aloha, soa hahafahanareo mahazo vokane amy ty fitsidiha roe.
\v 16 Nioma ty hitilike anareo lafa tegne amy ty lalako ho agne Makedonia raho. Vaho bak'eo le mboe nagnire hitilike anareo ndraeke raho tamy ty liako bak'agne Makedonia, vaho ty soa ty soa hagnateranareo ahike tegne amy ty lalako ho agne Jodia bak'eo.
\v 17 Lafa nieritseritse manahake zay raho, nisalasala vao raho? Nagnoma reo raraha reo arake ty nofotse vao raho, soa itsarako “Eka, eke" naho “Aha, aha" amy ty fotoa raeke avao?
\v 18 Te satria Andragnahare le matoke, tika le tsy afake ty hitsara na “Eka” na Aha.”
\v 19 Te ty Ana ndre Andragnahare, Jesosy Kristy, ze nitoria ndre Sylvanosy, Timoty vaho raho taminare, le tsy “Eka” na “Aha.” te Reke le nitsara avao tihoe: “Eka.”
\v 20 Satria ty fampagnantegna ty Andragnahare iaby le “Eka” iaby ao amine. Le amy ty alalane kea tika le hitsara tihoe “Amena” ho ahy ty asy ty Andragnahare.
\v 21 Vaho Andragnahare ze magnamafe anay aminareo ao amy ndre Kristy, vaho Reke ro nagnirake antika.
\v 22 Reke le nagnisy tombo-kase tamintika ho antoke zay mboe ho omeine antika ao afara.
\p
\v 23 Te nikaike ahy ty Andragnahare raho, hitsanga vavolombelo ho ahike ze antone tsy niaviako tao Korinto soa hamikndrako arofo aminareo.
\v 24 Zay le tsy sagnatria noho zahay miezake ty mamehy ze tokone ho finoanareo. Te kea, zahay le miara-miasa aminareo amy ty fifaleanareo, satria nareo mitsanga ao amy ty finoanareo.
\c 2
\cl Toko 2
\p
\v 1 Te nanapa-kevitse ty tsy amonje anareo ndraeke ty vatako amy ty fotoam-pangirifiria.
\v 2 Laha niterake alahelo anareo raho, ia ro afake mampifale ahike ankoatse iaze raeke ze niratsaiko avao?
\v 3 Nanoratse raho manahake ty nataoko soa tsy ho voaratra reo ze tokone nampifale ahike lafa avy tagne aminareo. Raho le mana fahatokia ty aminareo iaby te ty fifaleako le fifalea mitove amy ty anareo iaby.
\v 4 Te nanoratse ho anareo raho bak'amy ty fahoria bey, miarake amy ty fangirifiria ty fo, vaho miarake amy ty ranomaso bey. Tsy te ampalahelo anareo raho. Te kea, te hampahafantase anareo ty alaly ty fitiava ze anagnako ho anareo.
\p
\v 5 laha nisy ndaty niterake alahelo, tsy niterake zay tamiko avao reke, te amy ty tareha hafa__Tsy hagnitara loatse zay__aminareo iaby.
\v 6 Ampe ty fagnasazia natao ty maro agn'isake io ndaty io.
\v 7 Le henane zao laha tokone ho fagnasazia, nareo le tokone hamela heloke na hampionogne aze. Ataovo zay soa tsy handeteke aze amy ty alahelo be loatse.
\p
\v 8 Noho zay mankahere anareo raho soa hagnamafe ampahibe-maso ty fitiavanareo Aze.
\v 9 Zay ro antone nanoratako, amy zay soa mete hitsapako anareo vaho ahaizako na magnina amy ty zaka-iaby nareo.
\v 10 laha mamelo ndaty nareo, mamela zay ndaty zay kea raho. Ze napoko__laha napipoke ty zaka iaby raho__zay famela zay le fitiava anareo amy ty fagnatreha ndre Kristy.
\v 11 Zay le soa tsy hamitaha ty Satana anay. Satria zahay le mahay reo drafine.
\p
\v 12 Kisokatse ho ahike ty varavara tamy ty tompo lafa avy tao amy ty tanàm-bey ahy ndre Troasy nitore ty filazantsara ahy ndre Kristy tagne.
\v 13 na zay kea, tsy nana fiadagnan-tsay raho, satria tsy nahisake ty rahalahiko Titisy tagne. Arake zay, nagnenga iareo raho vaho nandeha nimpole tagne makedonia.
\v 14 Te fisoara vatane ho ahy ty Andragnahare ze ao amy ndre Kristy mitarike anay san'andro ao amy ty fandresea. Amy ty alalantika le haele na aia na aia ty hagnitse mamy ty fahalala aze.
\v 15 Te zahay le hagnitse mamy ndre Kristy ahy Andragnahare, na teo amy reo ze novonje naho teo amy reo ze ho mate.
\v 16 Ho ahy ty ndaty ze ho mate, zay le hagnitse bak'amy ty fahafatesa ho amy ty fahafatesa. Ho ahy reo ilane ze nivonjea, le hagnitse bak'amy ty fiaigna ao amy ty fiaigna. Ia ro maeva amy reo raraha reo?
\v 17 Te zahay le tsy mitove amy reo ndaty maro ze mivarotse ty tsara ty Andragnahare soa ahazoa vokane. Te kea, amy ty fahadiovam-po, ro hirehafanay amy ndre Kristy, satria naleda bak'amy ty Andragnahare zahay, tao amy ty fahisaha ty Andragnahare.
\c 3
\cl Toko 3
\p
\v 1 hanomboke hidera vata ndraeke vao zahay? Zahay le tsy mipay reo taratasy fagnamarigna aminareo na bak'aminareo, manahake ty ndaty ilane, sa tsy zay?
\v 2 Ty vatanareo ro taratasy fagnamarignanay, ze voasoratse ao am-pontika, ze hay baka vaky ty ndaty iaby.
\v 3 Nareo le maneho te taratasy fagnambara bak'amy ndre Kristy, ze nomeantika. Zay le tsy voasoratse tamy ty ranomainte te tamy ty Fagnahy iaze Andragnahare velo. Zay le tsy voasoratse teo amy ty takela-bato, te teo amy ty takelake ty arofo ty ondaty.
\p
\v 4 Vaho zay ro toke ze anagnantika eo agnatreha ty Andragnahare amy ty alala ndre Kristy.
\v 5 Tika le tsy mahavita amy ty vatantika soa handrambe na ino na ino ze bak'amintika. Te kea, ty Fahefantika le bak'amy ty Andragnahare.
\v 6 Andragnahare ro namboatse antika soa ho mpiasa ty fagneke vaovao. Zay le fagneke tsy bak'amy ty soratse te ahy ty Fagnahy. Te ty soratse mamono. vaho ty Fagnahy magnome fiae
\p
\v 7 Vaho ty asa ze niterake fahafatesa le voasoratse teo ambone ty vato - le avy tamy ty voninahitse bey le vahoagn'Israely le tsy afake nagnete ty vata ndre Mosesy. Zay le noho ty hasy ty vatane, ty asy ze nirava.
\v 8 ho asy bey manahake ty manao akore ty asa ze atao ty Fagnahy?
\v 9 Te laha nana asy ty asa ty fagnameloha, le hanahake ty manao akore ty fitomboa ty hsay ty asa ty fahamarigna!
\v 10 Satria, ze nomea asy ndraeke mandeha le tsy hanan-kase sase amy zay fomba zay, noho ty asy ze mampitombo zay.
\v 11 Te laha ze nandalo avao ro nana asy, le tsy hana asy mihoatse noho zay vao ze maharitse!
\p
\v 12 Satria mana toke manahake zay tika, le mahasake vatane.
\v 13 Tika le tsy manahake ahy ndre Mosesy, ze nanaro ty vatane tamy ty voale, tsy hahafaha ty vahoagn'Israely magnete aze mivanta amy ty fiafara ty asy ze nandalo avao.
\v 14 Te tysay iareo le fempe. Na zisike henanezao zay voale zay le mboe mijano eo amy ty famakia ty fagneke taloha. tsy misokatse zay satria ao amy ndre Kristy avao zay ro afaha.
\v 15 Feie na henane zao na ombia na ombia ro vaky ty lalà ndre Mosesy, le le manaro ty arofo iareo ty voale.
\v 16 Feie laha mitolike amy ty Tompo ty ndaty, le afaha ty voale.
\v 17 Vaho ty Tompo le Fagnahy. Ze misy ty Fagnahy ty Tompo, le misy fahafaha.
\v 18 Vaho tika iaby, tsy mifognom-boale, le mahisake ty hasy ty Tompo. Tika le fa vaovao ho ao amy ty voninahitse ho amy ty voninahitse, ze bak'amy ty Tompo, ze tsy ia te ty Tompo, ze tsy ia te ty fagnahy.
\c 4
\cl Toko 4
\p
\v 1 Noho zay, satria zahay mana zay asa fanompoa zay, vaho vao nahazo famindram-po, le kive zahay.
\v 2 Te kea, Nihalanay reo fomba mahamegnatse naho mivone. Tsy miay amy tyy fitake zahay, vaho mapiasa to ty tsara ty Andragnahare. Amy ty fanehoa ty to, zahay le mandily ty vatanay ty amy ty feo ty fieretsereta ty ndaty soa handesy eo amaso ty Andragnahare.
\v 3 Te laha voafogno ty filazantsaranay, zay le ho voafogno amy reo ze mate arere avao.
\v 4 Amy ty toe-jaka miseho amy iareo, ty andragnahare ty zao tontolo zao nahagoa reo say tsy matoky iareo. vokatse zay, tsy afake mahisake ty fahazava ty filazantsara ty asy ndre Kristy iareo, ze tarehe ty Andragnahare.
\v 5 Te zahay tsy magnambara ty vatanay te re Kristy manahake ty Tompo, vaho ty vatanay manahake ty mpiasanareo noho ty amy ndre Jesosy.
\v 6 Te Andragnahare le iaze raeke ze nitsara tihoe: “ty fahazava hamiratse tao agn'arofonay, soa hagnome ty fahazava ty fahalala ty asy ty Andragnahare eo amy ty fagnatreha ndre Jesosy Kristy.
\p
\v 7 Te zahay mana zay hanagna ze ao ampo tavoange tanemanga, soa hazava te ty here bey mihoatse lavitse le ahy ty Andragnahare te tsy anay.
\v 8 Ampijale amy ty fomba iaby zahay, te tsy rese. Vere hevitse zahay te tsy feno hakivia.
\v 9 Anjehy zahay te ty negna. Vonoa zahay te tsy rava.
\v 10 Manday eo amy ty vatanay ty fahafatesa ndre Jesosy avao zahay, amy zay ty fiaigna ndre Jesosy avao kea le hiboake eo amy ty vatagnay
\v 11 Zahay ze velo le manday avao ao amy ty vatagnay ty fahafatesa ndre Jesosy, amy ze fiaigna ndre Jesosy le hiboake eo amy ty vatanay ondaty.
\v 12 Noho zay ty fahafatesa le miasa ao amintika, te ty fiaigna miasa ao aminareo.
\p
\v 13 Te zahay mana fagnahy ty finoa mitove arake ze voasoratse tihoe:
\v 14 “natoke raho, vaho le nitsara avao kea zahay. Hainay te iaze raeke ze nananga ty Tompo Jesosy le hananga antika avao kea miarake amy ndre Jesosy. Hainay te handay anay miarake aminareo ao amy ty fiatrehane Reke.
\v 15 Ty zaka- iaby le ho anareo soa, arake ty fahasoava voaparitake tamy ty ndaty maro, ro hitomboa ty fagnomezam-pisaora ao amy ty asy ty Andragnahare.
\p
\v 16 Noho zay le tsy ho kivy zahay. Na maleme ambalike kea zahay, le havaoze san'andro san'andro ty ao amponay.
\v 17 Te amy zao andro mandalo zao, ty fahoria maiva le magnoma anay ho amy ty lanja ty asy maharitse zisikam-parane ze mihoatse ty fandanja iaby.
\v 18 Te tika tsy magnete raraha ze hisake, te reo raraha tsy hisake. Reo raraha ze mete hitantika le tsy maharitse, te ro raraha ze tsy hisake le maharitse zisikam-parane.
\c 5
\cl Toko 5
\p
\v 1 Haintika te laha rava ty fitoboha eto an-tane ze itobohantika, le mana tragno bak'amy ty Andragnahare tika. Zay le tragno tsy natao ty tagna ty ondaty, Te tragno zisikam-parane, agne an-dagnitse.
\v 2 Te eto amy toy tragno-lay toy tika ro misento, magniry mafe ty hisike ty fitobohantika agne an-dagnitse. Magnire mafe zay tika satria amy ty fanaovantika
\v 3 zay le tsy hohisake tsy misike tika.
\p
\v 4 Te laha mboe eto amy ty tragno-lay toy vatane tika, le mifoay, mavesats'enta. Tsy te hialo tika. Te kea, te hisike tika, soa ho atele ty fiaigna ze mete mate.
\v 5 Iaze Raeke ze nagnomagna antika ho amy zay raraha zay loatse le Andragnahare, ze nagnome antika ty Fagnahy ho fagnamabara ze ho ave.
\p
\v 6 Noho zay le matoke hatragne. Tongava say te lafa ao an-tragno amy ty vata tika, le lavitse ty Tompo.
\v 7 Te mandeha amy ty finoa tika, te tsy amy ty fahisaha.
\v 8 Noho zay le managna fahatokia tika. Aleontika lavitse ty vata te ao an-tragno miarake amy ty Tompo.
\v 9 Le ataontika tanjo zay, na agne an-tragno tika na lavitse zay, soa hahafinaritse Aze.
\v 10 Te tika iaby le tsy maintse hiboake eo aloha ty seza fitsarà ndre Kristy, soa mete ahazoa ty kiraikiraike ze mifagnarake amy reo zaka vita tao amy ty vata, na ho amy ty soa na ho amy ty rate.
\p
\v 11 Noho zay, ty fahaiza ty tahotse ty Tompo, ro handreseantika lahatse ty ndaty. ty maha tika antika le hisa ty Andragnahare mavaza. Antegnaiko te mazava amy ty feo ty fieretseretanareo avao kea zay.
\v 12 Tsy miezake ty handrese lahatse anareo ndraeke zahay soa hagnate anay manahake ty mahite arofo. Te kea, magnome antone ho anreo hirehareha noho ty aminay zahay, soa hagnanareo valin-tene ho anhy reo ze mirehareha ty amy ty tarehe ivelane te tsy ty amy ze ao agn'arofo.
\v 13 Te laha vere say zahay, le ho ahy ty Andragnahare zay; vaho laha avy say soa zahay, le ho anareo zay.
\v 14 te ty fitiava ndre Kristy ro manere anay satria azonay antoke ty tihoe: nisy ndaty raeke mate ho ahy ty iaby, vaho noho zay le mate ty iaby.
\v 15 Mate Reke ho ahy ty iaby, soa tsy ho velo ho ahy ty vata iareo sase reo ze velo te ho Aze ze mate vaho natsanga noho ty fitiava aiereo.
\p
\v 16 Noho zay antone zay, manomboke zao le tsy mitsara na ia na ia arake ty fomba ty ondaty tika, na le fa nagnete ahy ndre Kristy manahake zay kea tika taloha. Te henanezao tika le tsy mitsara na ia na ia manahake zay sase.
\v 17 Noho zay, laha misy ndaty ao amy ndre Kristy, le ndaty vaovao reke. Fa lasa reo raraha taloha, Indreo, te evy vaovao iareo.
\v 18 Reo raraha iaby reo le bak'amy ty Andragnahare. Nampilongoane tamy ty Vatane tamy ty alala ndre Kristy tika, vaho nameine antika ty asa fanompoa ty fampilongoa.
\v 19 Ty tihoe, ao may ndre Kristy Andragnahare ro mampilongo zao tontolo zao amy ty Vatane, tsy magnisake ty fahadisoa iareo amy iareo. Nankine taminay ty hafatse ty fampilongoa.
\v 20 Kea voatendre ho mpisolo-tegna ndre Kristy zahay, manahake ty tihoe amy ty alalagnay ro hanaova ty Andragnahare ty fikaihane. mangatake anareo zahay, noho re Kristy: “Milongoa amy ty Andragnahare!”
\v 21 Nataone lasa soro ho ahy ty hakeontika Kristy. Reke iaze Raeke ze tsy nanao rate zao. Nataone zay soa ho avy fahamarigna ty Andragnahare ao amine tika.
\c 6
\cl Toko 6
\p
\v 1 Miara-miasa amine, zahay avao kea le mampirisike anareo tsy handray ty fahasoava ty Andragnahare fahatane.
\v 2 Te nitsara reke tihoe: “Tamy ty fotoa mete le nijane anareo Raho, vaho tamy ty andro ty famonjea le nagnampe anareo Raho. Heteo, henanezao ro andro ty famonjea.
\p
\v 3 Tsy mametrake vato filavoa eo agnoloan'ia na ia zahay, te zahay tsy magniry ty haharate laza ty asa fanompoanay.
\v 4 Te kea, zahay le magnaporofo ty vatanay amy ty asanay iaby, te mpiasa ty Andragnahare zahaya. Zahay ro mpiasane amy ty fiareta bey, fahoria, fahaterea, fahasarota,
\v 5 reo fofoke, fagnagadra, filiera, amy ty asa mafe, amy reo halike tsy torimaso, amy ty hakere,
\v 6 amy ty fahadiova, fahalala, fahareta, fahatsoram-po, amy ty Fagnahy Masy, amy ty vatane fitiava.
\v 7 Zahay ro mpiasane ao amy ty tsara ty fahamarigna, ao amy ty here ty Andragnahare. Zahay le mana ty fiarova ty fahamarigna ho ahy ty tagna havana naho ty havia.
\v 8 Zahay le miasa amy ty hasy naho amy ty hasalara, amy ty fagnaratia naho ty fiantsa. Zahay le voampanga ho mpamitake feie zahay le to.
\v 9 Zahay le miasa manahake regne tsy misy mahay regny feie zahay le mboe fanta-daza. Miasa manahake ty ho mate zahay manahake ty saze noho ty asanay feie tsy manahake ty voaheloke ho mate.
\v 10 Zahay le miasa manahake ty malahelo, feie le mifale lalandava. Zahay le miasa manahake ty mijale, feie le mampanam-panagna ndaty maro zahay. Miasa manahake ty tsay mana na ino na ino zahay feie manahake ty mana ty raraha iaby.
\p
\v 11 Zahay le nitsara ty to iaby taminareo, Korintiana, vaho ty aforonay le mivoha midagnadagna.
\v 12 Ty arofonareo le tsy nifehezinay, te nareo ro namehe reo fihetseha ty arofonareo manoka.
\v 13 Vaho ho valine ara-drarine-mirehake aminareo manahake ty amy ajaja raho voao hidagnadagna ty arofonare.
\p
\v 14 Ko mifamatotse amy reo tsy mpino. Te ino ro iraisa ty fahamarigna naho ty fandikan-dalàgna? Te ino ro iaraha ty mzava amy ty maike?
\v 15 Ino ro mete ho fifagnaraha eo amy ndre Kristy naho Beliala? Na ino ro tokone anjara anagna ty mpino raeke naho amy ty tsy mpino raeke?
\v 16 Vaho ino ro fifagnaraha misy eo amy ty tempoly ty Andragnahare naho ty sampe? Te tika le tempoly ty Andragnahare velo, arake ty fanitalily ty Andragnahare tihoe: “hitoetse eo amy iareo Raho vaho handeha ao amy iareo. Raho le ho Andragnahare iareo vaho Iareo le ho ndatiko.”
\p
\v 17 Noho zay, “Miboaha iala eo amy iareo, vaho mitokagna,” nanao tihoe ty Tompo. “Ko mikasike zaka maloto, vaho Raho handrambe anareo.
\v 18 Raho le ho Rae ho anareo, vaho nareo ho zanadahiko naho anak'ampelako", hoy ty Tompo tsy misy faharoe.
\c 7
\cl Toko 7
\p
\v 1 Reo teako, nanomboke ty nanaggnantika reo tsara fikasa le lonike tika hadio ty vatantika amy ty zaka iaby ze mahaavy fahalotoa eo amy ty vata naho fagnahintika. mLonike tika hipay ty fahamasigna amy ty fatahora ahy ty Andragnahare.
\p
\v 2 Rambeso zahay! Tetsy nanao rate tamy ia na ia. Tsy nandratse na nagnararaotse na ia na ia zahay.
\v 3 Tsy hagnameloke anareo ro hirehafako zao. Te fa nitaliliko te ato agn'arofonay nareo, te miara-mate vaho miarake-velo tika.
\v 4 Managna fahatokjia bey nareo raho, vaho mirehareha noho ty aminareo. Feno fampionogna raho. Mitobatobake ty hafaleako na eo kea ty fampihalea iaby.
\p
\v 5 Lafa avy tagne Makedonia zahay, tsy hanam-pitofa ty vatagnay. Noho zay, mijale tamy ty fomba iaby zahay noho ty fifandira tagne ivelanew, naho ty tahotse tao ampo.
\v 6 Te andragnahare, ze mpampahere ty keve, nampahere anay tamy ty fiavia ndre Titosy.
\v 7 Tsy tamy ty alala ty fiaviane avao ro hampahera ty Andragnahare antika. Te tamy ty fampahereza ze nirambese ndre titosy bak'aminareo. Mitsara antika reke ty amy ty habey ty fitiavanareo, ty alahelonareo, vaho ty fiarovanareo ahike lalike. Le hifale zisikam-parane raho.
\p
\v 8 Na le nampalahelo anareo kea ty taratasiko, le tsy nampanegne ahike zay. Te nanegne tamy zay raho lafa nahisake te nampalahelo anareo ty taratasiko. Te nalahelo agnate ty fotoa fohike nareo.
\v 9 Henanezao le fale raho, tsy tihoe satria mijale nareo, te satria ty alahelonareo ro nandesa anareo ho amy ty fibebaha. Nareo le niaigne ty fahoria ao amy ty Andragnahare, kea tsy nisy vere ty nijaleanareo ho anay.
\v 10 Ty fahoria ao amy ty Andragnahare le manday amy ty fibebaha ty hahaavy ty famonjea tsy misy fanegnena. Na zay kea, ty alahelo zao tontolo zao, le manday fahafatesa.
\v 11 Heteo ty vokatsy ty habey ty fikirizanareo tamy ty fahoria ao amy ty Andragnahare. Bey vatagne ty habey ty fikiriza tao aminareo soa hagnaporofoa te tsy manan-tsine nareo. Bey vatagne ty habey ty sikianareo, ty tahotsareo, ty alahelonareo, ty zoto ty arofonareo, vaho ty fagnirianareo ahisake ty fahamarigna ze tokone atao! Amy ty zaka iaby le nagnaporofo tamy ty vatanareo nareo soa tsy ho meloke amy zay raraha zay.
\v 12 Na nanoratse taminareo kea Raho, Iraho le tsy nanoratse ho ahy reo mpanao rate na ho ahy ty raeke ze miharitse ty rate. Nanoratse raho soa tokone hampahafantara ty fahazotoanareo teo aminay eo agnatreha ty Andragnahare.
\v 13 tamy ty alala zay ro nampahereza anay. Mihoatse noho ty fampahereza ze fa anagnanay, nihoatse loatse ty fifaleane noho ty fifalea ndre Titosy, satria ty fagnahine le velombelo noho ty aminareo iaby.
\v 14 laha ohatse le nirehareha tamine ty mikasike anareo raho, le tsy soa afa-baraka raho. Mifanohitse amy zay, reo raraha reo iaby ze nitsarainay taminareo le to iaby, ty fereharehanay mikasike anareo tamy ndre Titosy le voaporofo te to.
\v 15 Ty fitiavane anareo le bey loatse, manahake ty nahatiarovane ty fankatoavanareo iaby, Heheike ty fandrambesanareo aze tamy ty tahotse naho hovitse.
\v 16 Fale raho satria mana fahatokia tanterake taminareo.
\c 8
\cl Toko 8
\p
\v 1 Tenay ho hay, rahalahy, ty mikasike ty fahasoava ty Andragnahare ze nome tao amy reo fiangona ndre Makedonia.
\v 2 Agnate ty fitsapa bey amy ty fahoria, ty hamaroa ty hafaleane naho ty fara-finjalea iareo le niterake hanagnam-bey ty falalan-tagna.
\v 3 Satria mitsanga vavolombelo raho te nanao bey arake ze vitane iareo, vaho mihoatse ahy ze vitane kea. Vaho tamy ty tea iareo manoka
\v 4 naho niarake tamy ty fisolohoa mafe ro nangataha iareo taminay ty fahafaha soa hanagna najara amy to asa fanompoa eo amy reo mpino toy.
\v 5 Tsy niboake arake ze nilignasanay zay. Te kea, nagnomey ty vatane mialoha tamy ty Andragnahare iareo. Vaho nanolo-tegna ho anay iarei tamy ty tea ty Andragnahare.
\v 6 Le nampiriske ahy ndre Titose zahay, ze fa nanomboke ahy zay asa zay, soa hagnantanterake ty fahasoava eo aminareo.
\v 7 Te nareo kea le manan-kanagna amy ty raraha iaby, amy ty finoa, amy ty tsara, amy ty falala, amy ty fahazotoa iaby, vaho amy ty fitiavanareo anay. Kea ataovo azo antoke soa hanan-kanagna amy zay asa fahasoava nareo. 
\f + \ft TY ULB naho ty UDB, miarake amy reo dikan-tene maro hafa, le mivake manahake zao: “Ao amy ty fitiavanao anay.” Ty dikan-tene hafa le mivake manahake zao: “vaho ao amy ty fitiavanay anareo" \f*
\p
\v 8 tsy mitsara zay manahake ty lily raho. te kea, mirehake zay raho amy ty fitsapa ty fahamarigna ty fitiavanareo amy ty fampitaha zay amy ty zoto arofo ty ndaty hafa.
\v 9 Satria hainareoty fahasoava ty Tompontika Jesosy Kristy. Le nanan-kanagna kea reke, le lasa mijale noho nareo, kea amy ty alala ty fijalea ro mete ahazoanareo hanagna.
\v 10 Amy zay rehake zay le hagnome toro-hevitse anareo raho ze hagnampe anareo. Herentao lasa zay, le tsy nanomboke nanao raraha avao nareo te nigniry ty manao zay.
\v 11 Henane zao vitao zay, manahake ty nisia ty zotom-po naho fagniria hanao zay, le lonike hamita zay kea nareo, arake ze azonareo hatao.
\v 12 Satria laha magniry mafe ty hanao zay asa zay nareo, le raraha soa naho azo eke zay. Tsy maintse mifototes amy ze hanagna ty ndaty raeke zay, te tsy ze tsy anagnane.
\v 13 Te zay asa zay le tsy soa hanamaiva ty hafa vaho hagnavesatse anareo. Te kea, tokone hisy ty rarine.
\v 14 Ty hanagnanareo amy zao fotoa zao le hagnome ze mpaiavy iareo. Le zay kea le soa hagnomeza ty hanagna iareo ze mpaiavenareo. Vaho soa agnomeza iareo ty rarine
\v 15 Arake ze fa voasoratse tihoe: “iaze raeke ze nana maro le tsy nana ambine, vaho iaze raeke ze nana ty kele le tsy nana ty tsy ampe.
\p
\v 16 Te ahy ty Andragnahare ty fisaora, ze nametrake ty tao agn'arofo ndre Titosy ty fahamatora ze anagnako aminarep.
\v 17 Te reke tsy nagnina avao ty kaikintika, te vatane matotse ty amy zay avao kea. Namonje anao tamy ty teane manoka rek.
\v 18 Nalefanay reke niarake tamy iaze rahalahy ze nantsay teo agnivo ty fiangona iaby noho ty asane ze mitore ty filazantsara.
\v 19 Tsy zay avao te reke avao kea le nitendre reo fiangona soa handeha hiarake aminay handay zao asa ty fahalalan-tagna zao. Zay le ho ahy ty hasy reke Tompo vaho ho ahy ty fagnirianay hagnampe.
\p
\v 20 Mitao zahay ty amy ty mete hisia ty ndaty mitaray mikaisikanay mahakasike ahy io asa fahalala-tagna ze hataonay io.
\v 21 Le mila mitao zahay soa hanao ty maeva, te tsy eo agnatreha ty Tompo arere avao, te ao aloha ty ndaty kea.
\v 22 Mandefa rahalahy raeke hafa avao kea zahay miarake amy iareo. Matetike zahay ro nitsapa aqze, vaho nahisake aze mafana arofo tamy ty asa maro. Mazoto loatse reke henane zao noho iaze fahatokia bey ze anagnane aminareo. ha ty amy ndre Titosy, re ro ragniko naho mpiara-miasa amiko ho anareo.
\v 23 Laha ty amy ty rahalahinay, le nalefa reo fiangona iareo.
\v 24 Kea amboaho amy ty fiangona ty anto ty fireharehanay mikasike anareo.
\c 9
\cl Toko 9
\p
\v 1 Mikasike ty asa fanompoa ho ahy ty mpino, Tsy vatane mpaiviko ty manoratse ho anareo.
\v 2 Haintso ty mikasike ty fagniriako, ze ereharehako amy ty ndaty ndre Makedonia. Nitaliliko aiereo te Akaia le fa vonogne nanomboke tamy ty tao lasa. Ty zotom-ponareo ro nanosike ty ankamaroa iareo hiasa.
\v 3 Vaho nirahiko ty rahalahy soa tsy zaka-foa ty fireharehantika mikisake anareo, vaho soa ho miamby nareo, arake ty fanitaliliko nareo.
\v 4 laha tsy ay, laha misy makedoniana maro miarake amiko vaho mahisake anareo mboe tsy vonogne, le ho megnatse tika-tsy mitalily na ino na ino mikasike anareo raho-noho ty fahatokia anareo.
\v 5 Le mieritseritse raho te mpaiave ty mamporisike reo rahalahy handegan agne aminao vaho hanao fifagnaraha mialoha ty amy ty fagnomeza fanampagnantenainao. Zay le ahafaha miboake manahake ty fitahia, te tsy manahake ty raraha tsy azo eke.
\p
\v 6 Ty vatagne reke le toy: Ty raeke ze mamafe kele le hitongy ty kele avao kea, vaho ty raeke ze mamafe amy ty tanjom-pitahia le hitonge fitahia avao kea.
\v 7 Apoho ty kiraikiraike hagnome arake ze fa nirafetine tao agn'arofone. Ko apoke magnome fihakea na fanereterena reke. Te ty mpagnome am-pafalea ro tea ty Andragnahare.
\v 8 Vaho Andragnahare le afake mampitombo ty fitahia ho anao, soa, amy ty raraha iaby, le afake hahazo ze mpaiavinareo iaby sanandro nareo. Zay ro misy le soa ahazahoanareo manatombo ty asa soa nareo.
\v 9 Zay le arake ty voasoratse tihoe: “Nizarane reo hanagnane vaho nagnome aze regne ho ahy ty mijale. Maharitse zisikam-parane ty fahamarignane.”
\p
\v 10 Reke ze magnome voa ho ahy ty mpambole ze mitonge naho mofo ho ahy ty mahatanjake, le hagnomea naho hampitombo ty voanao avao kea ho amy ty famahafaza. hampitombo ty vokatse ty fahamarignanao reke.
\v 11 Hahazo hanagna amy ty fomba iaby riha soa hahaavy anao ho malala-tagna. Zay le handay fanehoam-pisoara ahy ty Andragnahare amy ty alalaney.
\p
\v 12 Ty fagnatanteraha io asa fanompoa io le tsy vita ty tihoe mahafeno ty zavatra mpaivy ty mpino avao. Mitombo avao kea zay amy ty asa fagnomezam-pisaora ahy ty Andragnahare maro.
\v 13 Te noho ty fitsapa anareo ze voaporofo amy io asa io, le hagnome asy ahy ty Andragnahare kea nareo amy ty fankatoava ty fibabohanareo amy ty filazantsara ndre Kristy. Le hagnome asy ahy ty Andragnahare kea nareo amy ty fahalalahan-tagnanareo amy ty fagnomeza ho ahy iareo naho ty ndaty iaby.
\v 14 Magniry anao iareo, vaho mivavake ho anao iareo. Manao zay iareo noho ty habey ty fahasoava ty Andragnahare ao aminao.
\v 15 Ho ahy ty Andragnahare vatagne ty saotse noho ty fagnomezane tsy hay talily!
\c 10
\cl Toko 10
\p
\v 1 Raho, Paoly, mangatake anareo ty vatako, amy ty fagnetren-tegna naho hamoram-pagnahy ndre Kristy. Maleme fagnahy raho lafa eo amy ty fagnatrehanareo, feie mahasake ty aminareo raho lafa tsy eo.
\v 2 Mangatake aminareo raho, tsy mipay mahasake amy ty fahatokian-tegna. Feie raho mieritseritse te mipay mahasake manohitse reo ze mandinike te tika miaigne arake ty nofotse.
\v 3 Te na zay kea le mandeha arake ty nofotse zahay, tsy miale arake ty nofotse.
\v 4 Te ty fialia ze ialianay le tsy arake ty nofotse. Noho zay, mana here bak'agne an-dagnitse reo soa hamoteha ty fagnahy rate. Te tsy manday na ino na ino ty hevi-pitagn'iareo.
\v 5 Ho simbantika avao kea reo raraha ambo ze mampitsanga fanohera ty fahaiza ahy Andragnahare. Te mihevitse ty hambabo ty kiraikiraike amy ty fankntoava ahy ndre Kristy tika.
\v 6 Vaho miomagna amy ty famaiza ty fihetika tsy fankatoava iaby tika vantane vao iaby fankatoavanareo.
\p
\v 7 Jereo mazava ze eo agnoloanareo. Te na ia na ia ro rese lahatse te reke ro Kristy, lonike hampahatiaro ty vatane reke te reke vantane le Kristy, le manahake zay kea tika.
\v 8 Eka te na le mirehareha kele kea raho mikasike ty fahefantika, ze nomey ty Tompo antika soa hanangana vaho tsy hanimba anareo, tsy ho megnatse raho.
\v 9 Tsy teako zay ty hampihorohoro anareo amy ty alala ty taratasiko.
\v 10 Te ty ndaty ilane nitsara tihoe: “matotse naho mahere ty taratasine, feie maleme ara-bata reke. Tsy maeva hojanjigne ty rehane.”
\v 11 Lonike ty ndaty manahake regny ahay te reo tsara ao amy ty taratasinay tamy ty fotoa tsy nahateo anay le maneho ty asa tokone ho ataonay lafa avy agne zahay.
\p
\v 12 Tsy mandeha lavitse zahay mampitove ty vatanay amy reo ze mitsiriry vata. Te laha mandrefe ty vatane amy ty ahafa iareo vaho mampitaha ty vatane amy ty hafa, le tsy ho mitao.
\v 13 Tika, na zay kea, tsy hirehareha mihoatse ty tokone ho ie. Te kea, ataonay aavao zay ze misy fetrane arake ty nanendre ty Andragnahare anay, fetra ze mikasike anareo.
\v 14 Te tsy mitao ty vatanay zahay lafa avy tegne aminareo, Zahay ro avy voalohane hatragne aminareo niarake tamyt y filzantsara ndre Kristy.
\p
\v 15 Tsy nirehareha mihoatse ty fetra tika ty mikasuke ty asa ty ilane. Feie kea, antenaignay te hitombi finoanareo amy ty asa bey miambe ty kiraikiraikew, vaho sambe amy ty fetrane iaby.
\v 16 Te zao ri antenaignay, soa ahafahanay mitory ty filazantsara na le agne amy ty toera lavitse anareo kea. Tsy hirehareha mikasike ty asa fe vita taggne amy ty faritse hafa tika.
\v 17 “Feie lonike ty raeke ze mirehareha, hirehareha ao amy ty Tompo.”
\p
\v 18 Te tsy iaze raeke ze magnoloa ty vatane ro inae. Feie kea, lonike iaze raeke ze nagnome ty Tompo.
\c 11
\cl Toko 11
\p
\v 1 Magniry raho soa ahafahanareo mmagnenga ahike hanao hadala kele ilane. Te vantane magnenga ahike nareo!
\v 2 Te mamarahy ty mikasike anareo raho. Mana ty farahy arake ahy ty Andragnahare aminareo raho, hatramy ty nagnomezako toke anareo tao amy ty fanambalia ho ahy ty vale raeke avao. Nagnome toke raho ty hagnome anareo manahake ty ampela mbo tsy mahasake lahy ho ahy ndre Kristy.
\v 3 Te matahotse raho sode, manahake ty namitaha ty menara ahy Eva tamy ty alala ty hafetsene, ty eritseritsareo le mete hiala amy ty fangomeza-tegna amy ty hity ty arofo naho malio amy ndre Kristy.
\v 4 Te eretsereto tihoe misy ndaty raeke avy hitore Jesosy hafa noho iaze raeke tafarantika. Na eretsereto tihoe mandrambe Fagnahy hafa noho ze rambesinareo nareo. Na eretsereto tihoe mandrambe filazantsara hafa noho iaze raeke ze nirambesinareo nareo. Mamela regny raraha regny soa avao nareo!
\v 5 Satria mieretseretse raho te tsy farane ambane noho reo talily tihoe apostole ambone.
\v 6 Te na le tsy nizara nandaha-tene kea raho, le nizara tamy ty fahalala. Temy ty fomba iaby naho tamy rei raraha iaby le nataonay ho hainareo zay.
\p
\v 7 Nao nanao rate vao raho tamy ty fanetren-tegnako soa hisondrotanareo? Te nitory ty filazantsara ty Andragnahare maimaimpoagne ho anreo raho.
\v 8 Nandrava reo fiangona hafa raho tamy ty alala ty fagneke fanohagna bak'amy reo soa ahazahoako manompo anareo.
\v 9 Lafa niarake taminareo raho naho nila fagnampea, le tsy nagnavesatse na ia na ia. Te reo raraha nipaiko le nome reo mpirahalahy ze avy bak'agne Makedonia. Tamy ty raraha iaby le nitao ty vatako tsy ho anta-mavesatse aminareo raho, vaho hanohy hanao zay.
\v 10 Laha tao amiko ty fahamarigna ndre Kristy, le tsy hangina ze fireharehako zay agne amy ty faritse ndre Akaia.
\v 11 Nanao akore? Satria tsy teako vao nareo? Andragnahare mahay.
\p
\v 12 Vaho ty raraha ataoko le mboe ho ataoko avao, soa mete ahazahoako mangalake ty fitaraigna noho ty fagnakiagna ahike naho ty fitaraigna noho reo ze tea iareo hirehareha__te iareo le hisake manao asa mitove amy ze ataonay.
\v 13 Te ty ndaty manahake zay le apostoly sandoke naho mpiasa mamitake. Iareo le manao sarentsare ty vatagne manahake ty apostole ndre Kristy.
\v 14 Vaho zay le tsy mahavere, te na ty satana kea mampimboake ty vatagne manahake ty anjely ty fahazava.
\v 15 Tsy mahavere sase laha manehi ty vata iareo manahake ty mpiasa ty fahamarigna reo mpiasane. Ty anjara iareo le ze maeva ty asa iareo.
\p
\v 16 Ataliliko ndraeke tihoe: “Ko apoko hisy hieretseretse tihoe adala raho. Te laha manao zay nareo, le tambeso manahake ty adala raho le soa hirehareha kele.
\v 17 Ze taliliko mikasike toy fahatokia mirehareha toy le tsy arake ty talily ty Tompo, te mirehake manahake ty biloka raho.
\v 18 Te fa maro ty ndaty ro mirehareha arake ty nofotse, le hirehareha avao kea raho.
\v 19 Nagnina am-pifalea reo adala nareo. Le tihoe hendre ty vatanareo!
\v 20 Te mandefitse amy ty ndaty nareo laha magnandevo anareo mandane anareo, magnararaotse anareo, mandrambe ty vatagne ho ambone noho nareo, na laha mamofoke tampife anareo reke.
\v 21 Ho taliliko amy ty fahafaham-barakanay te malelme loatse zahay tamy ty fanaova zay. Laha misy mirehareha__le mirehake manahake ty adala raho__Raho avao kea le hirehareha.
\v 22 Hebreo vao iareo? Raho avao kea. Israelita vao iareo? Raho avao kea. Tarana ndre Abrahama vao iareo? Raho avao kea.
\v 23 Mpiasa ndre Kristy vao iareo? (Mirehake manahake ty ndaty vere zay raho.) Mihoatse noho zay raho. Mboe niasa mafe nihoatse noho zay kea raho, tagne am-pingandra matetike, tamy ty fofoke mihoatse ty fepetra, tamy ty fiatreha loza maro mahafate.
\v 24 Bak'amy ty alala reo jiosy ro nandraisako “fofoke efapolo latsake raeke" Indime.
\v 25 Entilo raho ro nifofohy tamy ty hetae. Ndraeke raho ro nitorahe vato. Intelo raho ro vake sambo. Nandane halike raeke naho andro raeke tegna an-dranomase raho.
\v 26 Nandeha matetike raho, tamy ty loza ty sihanake, tamy ty loza reo mondrava, tammy ty loza ty ndatiko manoka, tamy ty loza reo Jentilisa, tamy ty loza tagne amy ty tanà, tamy ty loza tagne amy ty tane tsy misy raraha, tamy ty loza tagne an-dranomasy, tamy ty loza bak'amy reo rahalahy sandoke.
\v 27 Fa tamy ty asa mafe naho zaka-sarotse raho, tamy ty halike misy torimaso, tamy ty hakere naho harandrano, tamy ty fifalia hane matetike, tamy ty nitse naho tsy fisikina.
\v 28 Ankoatse ty zaka hafa, misy tindre san-andro amiko noho ty fagnahiako amy ty fiangona iaby.
\v 29 Ia ro maleme, le tsy maleme raho? Ia ro manafintohy, le tsy mirehatse raho?
\p
\v 30 Laha tsy maintse mirehareha raho, le hirehareha mikasike ze manheo reo fahalemeko.
\v 31 Iaze Andragnahare naho Rae ndre Tompo Jesosy, iaze raeke ze antsay zisikam-parane, le mahay te tsy vande raho!
\p
\v 32 Tane Damaskosy, ty governora ambane ndre Areta mpanjaka le niambe ty tanà ndre Damaskosy soa hisambotse ahike.
\v 33 Te nampizotso tamy ty haro teo amy ty varavaran-kele raeke teoa amy ty fefe vato raho, le nikay ty tagnane.
\c 12
\cl Toko 12
\p
\v 1 Raho le tsy maintse mirehareha, te tsy misy na ino na ino azo bak'amy zay. Te ino na ino azo bak'amy zay. Te raho le hanohy ty amy reo fahisaha naho reo fagnamabara bak'amy ty Tompo.
\v 2 Mahay lehilahy ao may ndre Kristy raho ze folo efats'ambe rao lasa zay__na ao amy ty vata na ambalike ty vata, raho tsy mahay, Andragnahare mahay__nala niakatse tagne amy ty lagnitse faha telo.
\v 3 Vaho haintso te io lehilahy io__na ao amy ty vata, na ambalike ty vata, raho tsy mahay, Andragnahare mahay__
\v 4 le nalay niakatse tao amy ty paradisa vaho nadre raraha ze vatagne masy loatse amy ty ndaty ty hitalily aze.
\v 5 Amy ty agnara ty ndaty manahake zay le hirehareha raho. Te amy ty agnara ty vatako le tsy hirehareha raho, ankoatse ty miaksike reo fahalemeko.
\v 6 Laha te hirehareha raho, le tsy ho adala raho, te hitalily ty to. Te hifehe vata amy ty firehareha raho, soa tsy hisy na ia na ia hihevitse ahike ho ambone noho ze hisake amiko na heno bak'amiko.
\v 7 Hifehe vata amy ty firehareha avao kea raho noho reo karaza fagnambara miavake reo. Noho zay, soa tsy ho feno firehareha raho, le nasia fatike ty nofotsiko, ty mpinday hafatse ndre Satane hagnakoronta ahike, soa tsy hirehareha loatse raho.
\v 8 Intelo raho no nisoloho tamy ty Tompo ty mikasike zay, soa hagnafahane zay amiko.
\v 9 Te nanao tihoe reke Tamiko: “Ampe ho anao ty fahasoavako, te ty here le natao ho lafatse ao amy ty fahalemea.” Aleoko mirehareha bey loatse ty amy ty fahalemeko, soa hitoboaha ty here ndre Kristy ato amiko.
\v 10 Noho zay finaritse noho re Kristy ao amy ty fahalemea, amy ty fagnenjeha vaho ao amy ty fotoan-tsarotse raho. Te na ombia na ombia maleme raho, le matanjake.
\p
\v 11 Raho le lasa adala! Nareo ro nanere ahike amy zay, te raho le tokone noderainareo. Te raho le tsy ambane noho reo ze kaihe tihoe apostole ambone reo zao, na le tsy misy dikane kea raho.
\v 12 Reo famantara to ty maha Apostole le nitanterahy teo aminareo tamy ty fahareta iaby, famantara naho haveregna vaho asa mahavere.
\v 13 Te hanao akore nareo ro tsy manan-danja noho reo fiangona sasane, ankoatse ty tsy maha vesatse ahike ho anareo? mamelà ahike noho zay fahadisoa zay!
\p
\v 14 Ingo! Vono ho avy fagnintelone agne aminareo raho. Tsy ho vesatse ho anareo raho, te raho le tsy mipay ze anareo. Nareo ro mpaiko. Te tsy ty anake ro tokone hihare ho ahy reo rae aman-drene. Te kea, reo rae aman-drene ro tokone hihare ho ahy reo anake.
\v 15 Raho le ho fale tanterake handane naho ho lanie ho ahy ty fagnahinare. Laha mitea bey anareo raho, le hotiave kele vao raho.
\p
\v 16 Te na manahake zay kea tsy nagnavesatse anareo raho. Te, satria raho fetsifetse bey, le rahi iaze raeke ze nahazo anareo tamy ty fitake.
\v 17 Nao nagnararaotse anareo tamy ty alala ty ndaty ze nalefako taminareo vao raho?
\v 18 Nagnirake malake ahy ndre Titosy ho agne aminareo raho, vaho nalefako niarake taimne reo rahalahy ilane. Nao nagnararaotse anareo vao re Titosy? Nao tsy miray lala vao tika? Nao tsy lia raeke vao tika?
\p
\v 19 Nao mieritseritse nareo te agnate zay fotoa iaby zay le niaroty vatagnay taminareo zahay? eo agnatreha ty Andragnahare, ro irehafanay teo amy ndre Kristy ty raraha iaby soa ho fampahereza anareo.
\v 20 Te matahotse raho soa lafa avy raho le mete tsy hahisake anareo arake ty fagnantegnako. Matahotse raho soa tsy ho hisanareo araek ty fagnantegnanareo. Matahotse raho te sao le mete hisy siake, fagniria amy ty fitiavan-tegna, tsiko, firehareha, vaho fikorontagna.
\v 21 matahotse raho soa lafa mimpole, le hanetre ahike eo agnatrehanareo ty Andragnahareko. Matahotse raho sao mete halahelo ty amy reo maro ze nanao rate teo aloha, le mbe tsy nibebake tamy ty fahalotoa naho fijangajanga vaho ty fipozipozia feno fagniriandrate ze natao iareo.
\c 13
\cl Toko 13
\p
\v 1 Fagnintelone zao ro nandalovako atoy aminareo. “Ty fitana iaby le tsy maitse mitsanga amy ty porofo amy ty vavolombelo roa na telo.”
\v 2 Fa nitsara tamy reo ze nanao rate ao taloha naho tamy reo ambane iaby lafa teo fagnindroane, vaho ataliliko ndraeke zay: “Lafa avy ndraeke raho, le tsy hahaferegnay aiereo raho.”
\v 3 Mirehake anareo zay raho satria nareo le mipay porofo te re Kristy le mitsara amy ty alalako. Tsy maleme aminareo Reke. Te kea, mahere ao aminareo Reke.
\v 4 Te Reke nifantsihe amy ty fahaleme, feie velo tamy ty here ty Andragnahare. Te tika kea le maleme ao amine, feie tika le miara-miay amy ty here ty Andragnahare eo agnivonareo.
\p
\v 5 Dineho ty vatanareo laha teanareo ho hisake te ao amy ty finoa nareo. Tsapao ty vatagnareo. Tsy mboe azonareo an-tsay vao zay mikasike ty amy ty vatagnareo te re Jesosy Kristy le ao aminareo? -Laha ohtse nareo le tsy nahombe tamy ty fitsaoa.
\v 6 Vaho raho matoke te nareo le hagneke te tika le nahombe amy zay fitsapa zay.
\v 7 Henane zao tika le mivavake amy ty Andragnahare te tsy afake ty anao raraha rate nareo. Raho le tsy mivavake ty afake ahisaha te tika le nahombe amy ty fitsapa. Te kea, raho le nivavake ty soa ahafahareo manao ze mete feie tika le mete ho hisake hanahake ty tsy nahombe tamy ty fitsapa.
\v 8 Te tika le tsy afake ty hanao raraha manohitse amy ty fahamarigna te ho agne ty fahamarigna arere avao.
\v 9 Te tika le mifale lafa maleme vaho mafe nareo. Te tika avao kea le mivavake soa ho ataontika feno nareo.
\v 10 Manoratse reto iaby reto raho laha magnalavtse anareo raho, lafa miarake aminareo raho tsy voatere manday anareo amy ty siake amy ty fampiasa ty fahefako- ze nomey ty Tompo ahike, soa ampitsanganako anareo, vaho tsy hanimba anareo.
\p
\v 11 Farane, rahalahy, mifalea! miasà ho amy ty famregna amy ty toerane, mahereza, mifagneke ty kiraikiraeke, miaignà am-piadagna le hiarake aminareo.
\v 12 Mifanalamà nareo amy ty fagnoroha Masy.
\v 13 Reo mpino iaby le nanao veloma anareo.
\f + \ft Fagnamariha: Reo dikan-tene sasane le sambe magnambatse ty andinine faha 13 amy ty andinine faha 12 vaho manoa ty andinine faha 14 ho andinine faha 13. \f*
\v 14 Lonike ty fahasoava ty Tompo Jesosy Kristy, ty fitiava ty Andragnahare, naho ty fiaraha amy ty Fagnahy Masy ho ao aminareo iaby.