tdx-x-mahafaly_reg/46-ROM.usfm

\id ROM
\ide UTF-8
\h Romana
\toc1 Romana
\toc2 Romana
\toc3 rom
\mt Romana
\c 1
\cl Toko 1
\p
\v 1 Paoly, mpanompo Jesosy Kirisity, le voa kaike ho apositoly, naho voatoka ho mpitalily ty zaka soan'Agnahare.
\v 2 Io ty zaka soa ze lefa nampagnategnaene aloha tamity alala reo mpamisavisa tao amity Soratre Masy.
\v 3 Zay le miomba ty Anadahine, te terake bakamity foko Davida arake ty nofo.
\v 4 Tamity fitsangana tamity mate, le voatalily fa ty anake maheren'Agnahare tamity here ty Fagnahy ty hamasigna Re_le Jesosy Kirisity Tompontika.
\v 5 Tamity alalane ro nandraesantika hasoava fagnenkea ty finoa eo amity firene iaby, naho ty agnarane.
\v 6 Amireo firene reo, nareo avao kea le voa kaike ho ahy Jesosy kirisity.
\v 7 Ty taratasy toy le hoahy reo iaby ao Roma, te malalan'Agnahare, ty voa kaike ho ndaty masy. Ho aminareo anie ty hasoava, vaho fiadagna bakamin'Agnahare Raentika vaho Jesosy kirisity Tompo.
\p
\v 8 Voalohane, isaorako ty Zagnahareko amity alala Jesosy kirisity naho ty aminareo iaby, satria ty finoa nareo le fa natalily magnera zao iaby zao.
\v 9 Fa Zagnahare ro vavolombeloko, te tompoeko ao amity fagnahiko ao amity zaka soa ty Anane, fa tsy mitofa mirehake anareo Amine Raho.
\v 10 Mangatake avao Raho amity vavake ataoko te mba hahasoa ahy amity fomba iaby arake ty sitrampon'Agnahare mba hoavy aminareo.
\v 11 Fa zaho le magniry ty hahita anareo, mba hahafahako magnomea fagnomeam-pagnahy ilane ho anareo, mba hahamafe anareo.
\v 12 Zay, le magniry raho mba hifankamafeantika eto agnivontika, amity alala ty kirai-kiraike iaby, ty agnaranao vaho ty ahy.
\v 13 Henanezao tsy teako nareo tsy hahay, ry rahalahy, ty hoe mateteke raho ro mana fikasa hamonje anareo, (nefa Raho le voasaka zisikezao), mba hahazoa vokatre aminareo eo, heo ty le fa nahazoako ty sisa reo Jentilisa avao kea.
\v 14 Zaho le mpitrosa amireo Grika vaho reo vahiny, amity mare vaho gege.
\v 15 Laha zao, amiko, le vogno avao kea raho hitalily ty zaka soa ho anareo te agne Roma.
\p
\v 16 Fa zaho le tsy megnatre amity zaka soa, fa zay ro heren'Agnahare ho famonjea reo iaby ze mino, hoahy ty Jiosy aloha naho hoahy ty Grika.
\v 17 Fa amizay ro anoroa ty hamarean'Agnahare bakamity finoa ho amity finoa, arake ze voasoratre ty hoe: “Ty mare le ho velo amity finoa.”
\p
\v 18 Fa ty helon'Agnahare le natoro bakagne andagnitse mandietre ty haratiam-pagnahy vaho ty tsy hamarea ty ndaty, te manaka ty hamarea.
\p
\v 19 Zay le satria ze hay hay miomba an'Agnahare le hita iereo maso. Fa hinazan'Agnahare iereo.
\v 20 Fa reo toerane te tsy hita maso, te here tsy misy farane vaho maha-Zagnahare Aze, le hita nazava soa, nanomboke tamity famorogna zao iaby zao, tamireo zaka ze finoro. Laha zao le tsy mana fialan-tsiny iereo.
\v 21 Zay le satria, ndra le fa nahay ty miomba an'Agnahare aza iereo, le tsy nagnomea hasy amity maha Zagnahare Aze, ndra kea nisaotre Aze. Fa kea, lasa gege tao antsaine iereo, naho nihamaieke ty arofo donto iereo.
\v 22 Iereo le nirehake iereo ho mare, kanefa le niha-lasa gege.
\v 23 Ty hasin'Agnahare tsy mete lo le natakalo iereo sare ndaty mate ho lo, voro, buby manan-tomboke efatre, vaho reo zaka mikisake.
\p
\v 24 Laha zao le natolon'Agnahare ho amity paie ty arofo iereo ho amity falotoa iereo, mba ho afan-kasy eo amiereo avao ty vata iereo.
\v 25 Iereo ro nanakalo ty hamarean'Agnahare tamity vande, naho ze miantsa vaho manompo ty zaka-namboare fa tsy ty Namboatre, te antsae zisikagne. Amena.
\p
\v 26 Laha zao, natolon'Agnahare ho amity zaka-raty faly iereo, fa reo ampela iereo le nanakalo reo fifandraesa vonjagnahare tamireo ze tsy voanjagnahare.
\v 27 Hoe zay kea, reo lahilahy le namototre ty fifandraesa iereo voanjagnahare miarake amity ampela ka narehe ty paia ara-nofo hoahy ie sambe ie. Reo le lahilahy ty nanao fihetseke mahamegnatre miarake amity lahilahy naho nandrae tao amiereo ty saze ze mete amiereo naho ty haratia iereo.
\p
\v 28 Satria tsy nagnenke ty hana an'Agnahare ao amity dinene iereo, le nameane say tsy sao iereo, mba hanova reo zaka ze tsy mete.
\v 29 Iereo le feno ty tsy hamarea, haratia, hatea-lava, naho lolompo iaby. Iereo feno fialogna, vonoa, fifandiera, fitake, naho zaka raty.
\v 30 Iereo le mpifosa, mpavande, naho mpalay an'Agnahare. Iereo le maherem-bata, miavo, naho mirehareha. Iereo le mpamoro zaka-raty, naho iereo le tsy magnenke ty rae aman-drene.
\v 31 Iereo le tsy mana fahaia; iereo le tsy azo atokisa, tsy misy hatea voanjagnahare, naho tsy mandefetre.
\v 32 Hay iereo ty lilin'Agnahare, fa reo ze manao zaka hoe zay le mete amity ho mate. Fa tsy reo zaka reo avao ro ataone, fa magnenke reo hafa ze manao rey kea.
\c 2
\cl Toko 2
\p
\v 1 Laha zao le tsy mana fialan-tsiny riha, ry ndaty, riha ty mitsara, fa ze itsaranao ty hafa ro imelofanao ty rehanao. Fa riha ze mitsara le manao reo avao kea.
\v 2 Nefa haintika fa ty fitsaran'Agnahare le arake ty made laha fa mitonta amireo ze manao zaka manahake reo zay.
\v 3 Fa dineho zao, ry ndaty, riha ty mitsara reo ze manao zaka manahake reo le manao hoe rey kea aza riha. Hilay ty fitsaran'Agnahare vao riha?
\v 4 Sa maivagnenao ty harea ty hasoam-pagnahine, ty fandeferane, naho ty faharetane? Tsy hainao vao fa ty hasoam-pahine le natao hitarike anao amity fibebaha?
\v 5 Fa zay le ho amity habey ty hamafe vaho tsy fibebaha ty arofonareo ro amorianareo heloke hoahy ty vatanareo amity andro ty heloke, zay le, ty andro ty fanoroa ty fitsara maren'Agnahare.
\p
\v 6 Hamale ty ndaty iaby amity fatra mitovy amireo nataone Re:
\v 7 hagnomea arake ty fahareta, ty asa soa mipay laza, hasy, ty tsy fifateza, havelo zisikagne Re.
\v 8 Fa hoahy reo ze mipay hoahy ty vatane, ze tsy magnenke ty mare fa magnenke ty tsy hamarea, le ho avy ty heloke vaho ty falakia.
\v 9 Zagnahare le handay fijalea vaho fahantra amity fagnahy ty ndaty iaby ze nanao raty, amity Jiosy aloha, naho amity Grika avao kea.
\v 10 Fa ansta, laza, naho fiadagna ro hoavy amiereo ze manao ty soa, amity Jiosy aloha, naho amity Grika avao kea.
\v 11 Fa tsy misy vande miarake amin'Agnahare.
\p
\v 12 Fa iaby ze nanonta tsy nana ty lily lo ho robake tsy mana lily avao kea, naho iaby ze nanonta niarake tamity fagnaja ty lily le ho tsarae arake ty lily.
\v 13 Fa tsy reo mpaharey ty lily ro mare eo agnoloan'Agnahare, fa reo ze manao ty liline ro nihamaregne.
\v 14 Fa reo Jentilisa, ze tsy mana ty lily, laha fa manao ty zaka miomba ty lily arake ty voanjagnahare, le iereo ro lily hoahy ty vatane, ndra le tsy mana ty lily aza iereo.
\v 15 Amizay ro nanoroa iereo fa ty asa angatahe ty lily le voasoratre ao agnarofo iereo. Ty dine iereo avao kea le vavolombelo hoahy iereo, naho ty say iereo avao le ndra magnameloke ndra miaro iereo amity vata iereo
\v 16 naho kea amin'Agnahare. Zay le hiseho amity andro ze hitsaran'Agnahare reo tsiambaratelo ty ndaty iaby, arake ty zaka-soako, amity alala Jesosy Kirisity.
\p
\v 17 Fa laha ohatre ka Jiosy ro hikaihanao ty vatanao naho mianky amity lily vaho mirehareha ao amin'Agnahare,
\v 18 naho mahay ty sitrampone vaho mamantatre ze zaka soa vatane satria nampianare tamity lily riha;
\v 19 naho laha ohatre ke rese lahatre riha fa ty vatanao le mpitarike ty goa, hazava hoahy reo ze ao amity ieke,
\v 20 mpagnity ty gege, mampianatre ty kolo, naho anagnanao ao amity lily ty toera ty fahaia vaho ty mare, le akore zay ro hatao zay amity fomba hivelognanao ty fiaignako?
\v 21 Naho riha ze mampianatre reo ilane, tsy mampianatre ty vatanao vao riha? Riha ty mitory mandietre ty halatre, mangalatre vao riha?
\v 22 Riha ty mirehake fa tsy tokone hitsangatsanga, mitsangatsanga vao riha? Riha ze malay ty sampe, manimba ty tempoly vao riha?
\v 23 Riha ze fale mirehareha ao amity lily, magnafa-baraka an'Agnahare vao riha amio fandikanao ty lily io?
\v 24 Fa" ty agnaran'Agnahare le fa afa-baraka teo amireo Jentilisa naho nareo avao,” arake ze le fa voasoratre.
\p
\v 25 Fa mahazo tombone amity savatre vatane nareo laha ohatre ka magnenke ty lily, fa laha mandika ty lily nareo, le lasa tsy voa-savatre aza nareo.
\v 26 Arake zay, laha ndaty tsy voa-savatre ro miambe ze paie ty lily, tsy hatao ho agnate ty voa-savatre vao re ndra le tsy voa-savatre aza?
\v 27 Naho tsy ho bey ty raike ze tsy misavatre ara-boanjagnahare vao nareo laha ohatre ka miambe ty lily voasoratre vaho ty savatre nareo, nefa mboe mandika ty lily!
\v 28 Fa re le tsy Jiosy amity toerane ambalike; ndra amity savatre ze miseho amity toerane ambaly ty nofo avao.
\v 29 Fa re le Jiosy ty agnatene ao, naho ty savatre te ahy ty arofo, ao amity Fagnahy, fa tsy ao amity soratre. Ty fiantsa ty ndaty manahake zay le tsy bakamity ndaty fa bakamin'Agnahare.
\c 3
\cl Toko 3
\p
\v 1 Ka ino are zane ty tombon-tsoa anagna ty Jiosy? Naho ino ro tombon-tsoa ty savatre?
\v 2 Soa zay amity foma iaby. Voalohane vatane, reo Jiosy le nagnaky ty talily bakamin'Agnahare.
\v 3 Fa akore laha tsy nanam-pinoa reo Jiosy ilane? Ty tsy finoa iereo vao ro hahavy ty fatokian'Agnahare tsy ho lefe?
\v 4 Tsy hiny vatane anie zay. Fa kea, engao ho hita fa mare Zagnahare, ndra le mpavande aza ty ndaty kirai-kiraike. Arake ty voasoratre hoe: “Haseho amity rehanareo fa ndaty nareo, naho hatoro laha fa avy amity fitsara nareo.”
\p
\v 5 Fa laha ohatre ty tsy hamareantika ro manoro ty hamarean'Agnahare, ino ro azontika hambara? Afake mirehake vao tika fa tsy mare Zagnahare amity fagnakarane ty helone amintika, sa tsy zay? (Mampiasa laha-drehake ty ndaty raho.)
\v 6 Tsy hisy vatane anie zay! Satria amity fomba akore naho ro hitsaran'Agnahare zao iaby zao?
\v 7 Fa laha ohatre ty hamarean'Agnahare ka magnomea fiantsa maro hoaze amity alala ty vandeko, le akore naho raho ro mboe tsarae ho mpanota?
\v 8 Fa akore ro tsy mirehake, arake ty talily diso te rehafe fa rehafentika, naho kea arake ty hamafe ty ilane fa nirehafentika ty hoe: “Engao zahay hanao raty, mba hiavia ty soa"? Rarene ty fitsara atao amiereo.
\p
\v 9 Ka ino are? Magnomea rarene ty vatantika vao tika? Tsy zay kea. Fa tika le fa nimeloke ty Jiosy vaho ty Grika, ie iaby, ho mpanota.
\v 10 Zay le arake ty voasoratre ty hoe: “Tsy misy ndaty mare, ndra le raike aza.
\v 11 Tsy misy ndra raike aza mahay. Tsy misy ndra raike aza mipay an'Agnahare.
\p
\v 12 Lasa nihatake iaby iaby. Lasa tsy misy ipaia aze ie iaby. Tsy misy mba manao ty soa, tsy misy, ndra le raike avao aza.
\q
\v 13 Ty vozo iereo le kibory mivoha. Ty lela iereo le mamitake. Ty poizy iereo le mere le ao ambane ty sogny iereo.
\q
\v 14 Ty vava iereo le feno ozo vaho lolom-po.
\q
\v 15 Ty tombo iereo le havana amity fampimpohan-dio.
\q
\v 16 Ty fanimba vaho ty fijalea le egne amity lala iereo.
\q
\v 17 Rey ndaty rey le tsy nahay ty lala ty fiadagna.
\q
\v 18 Tsy mba misy tahotre an'Agnahare eo agnoloa ty maso iereo.”
\p
\v 19 Henanezao le haintika fa ndra ino ino rehafe ty lily, le mahazo reo ze ambane lily. Zay le mba hahavy ty vava ty kirai-kiraike hitsy, naho mba hahazo valene bakamin'Agnahare zao iaby zao.
\v 20 Zay le satria tsy hisy nofo hohamaregne amity asa ty lily eo amasone. Fa amity alala ty lily ro hahavia ty fahaia ty hadisoa.
\p
\v 21 Fa henanezao le nampahaie avao kea ty hamarean'Agnahare tsy amity lily. Nihamarene ty lily vaho reo mpamisavisa,
\v 22 fa zay, ro hamarean'Agnahare amity alala ty finoa Jesosy Kirisity hoahy iaby ze mino. Satria tsy misy fifilia.
\v 23 Fa nanonta ty ndaty iaby ka tsy mana ty hasin'Agnahare,
\v 24 naho iereo le hamaregne maimaimpoa amity hasoane amity alala ty fagnavota zao ao amy Kirisity Jesosy.
\v 25 Fa Zagnahare nagnoma Kirisity Jesosy ho fagnatetre amity alala ty finoa ty lione. Natolone ho porofo ty hamareane ty kirisity, naho ty hagnenteane ty hadisoa taloha gne
\v 26 amity faharetane. Niseho iaby iaby zay ho fanehoa ty hamareane amize andro amizao zao. Zay le mba hahafahane magnamare fa mare ty vatane, naho mba hanoroa fa Re le magnamare iaby naho ty finoa i Jesosy.
\p
\v 27 Aia are zane ty rehareha? Voafafa zay. Fa ino ro antone? Amity asa vao? Aha, fa naho ty finoa.
\v 28 Manam-pakevetre zay tika fa ty ndaty raike le hamaregne arake ty finoa tsy misy reo asa ty lily.
\v 29 Sa Zagnahare ty Jisoy arere avao vao ty Zagnahare? Feie vao tsy Zagnahare reo Jentilisa kea Re? Eka, ahy ty Jentilisa kea.
\v 30 Laha, raike vatane Zagnahare, le ho hamaregnene amity finoa reo voasavatre, naho reo tsy voa-savatre kea amity alala ty finoa.
\v 31 Foagnantika amity alala ty finoa are vao zay ty lily? Tsy hisy vatane anie zay! Fa kea, magnenke ty lily tika.
\c 4
\cl Toko 4
\p
\v 1 Inona are ro ho rehafentika fa hita Abrahama, raentika taloha agne arake ty nofo?
\v 2 Fa laha nihamaregne tamity asa Abrahama, le nana antone hirehareha re, nefa tsy eo agnoloan'Agnahare.
\v 3 Fa ino ro ambara ty Soratre Masy?” Abrahama le nino an'Agnahare, naho nidineke ho hamarea zay.”
\v 4 Naho hoahy ze miasa, ty karamane le tsy isahe ho hasoava, fa ho hoe ty trosa.
\v 5 Fa hoahy ze tsy miasa kea nefa mino ty Raike ze magnamare ty mpandietre an'Agnahare, le isahe ho hamarea ty finoane.
\v 6 Davida avao kea le manogno tso-drano amity ndaty ze isahen'Agnahare ho mare nefa tsy miasa.
\q
\v 7 Hoe re ty hoe: “Sambatre reo ze voa-vototre ty helone, naho kea reo ze voatako ty hadisoane.
\v 8 Sambatre ze tsy isahe Tompo heloke.”
\p
\v 9 Amiereo voasavatre avao vao ro hanognona ze tso-drano zay, sa amireo tsy voa-savatre kea? Fa hoe tika ty hoe: “Ty finoa le nisahe Abrahama ho hamarea.”
\v 10 Ka akore are ro nagnisaha zay? Tamy Abrahama te fa voasavatre, sa tamie tsy mboe voa-savatre? Tsy tamie le fa voa-savatre fa tamie mboe tsy voa-savatre.
\v 11 Abrahama le nandrae ty famantara ty fanavara. Zay le famantara ty hamarea ty finoa ze le fa nanagnane laha mboe tsy voa-savatre re. Ty vale ze famantara zay le lasa rae ze mino iaby re, ndra le mboe tsy voa-savatre aza iereo. Midika zay fa ty hamarea le ho isahe hoahy iereo.
\v 12 Nidika koa zay fa Abrahama le lasa rae ty voa-savatre tsy hoahy reo ze voa-savatre arere avao fa hoahy reo ze magnorike ty lia ty finoa Abrahama raentika avao kea taloha ty tsy mboe naha-voasavatre aze.
\p
\v 13 Fa ty fampagnategna tamy Abrahama vaho reo fokone fa ho mpandova zao iaby zao re le tsy bakamity alala ty lily fa bakamity alala ty hamarea ty finoa.
\v 14 Fa laha reo ze mivelo amity lily ro mpandova, le ho foa ty finoa, naho tsinontsino ty fampagnategna.
\v 15 Satria ty lily le manday amity heloke, fa agne amize tsy misy lily, le tsy misy fandikan-dily.
\v 16 Laha ze antone zay le miseho amity finoa zay, mba hitoboha ty fampagnategna amity hasoava naho ho azo antoke amireo foko Abrahama iaby_tsy hoahy reo ze ambane ty lily avao, fa hoahy reo ze mizara ty finoa Abrahama avao kea. Raentika iaby re,
\v 17 arake ty voasoratre ty hoe: “Nataoko ho rae ty firene maro riha.” Teo amity fiatreha ty nitokia Abrahama, le, Zagnahare zay, te nagnomea havelo reo mate naho mikaike reo zaka tsy mboe misy mba hisy.
\v 18 Ndra le tea aza reo zaka-miseho ambalike, le natoky vatane an'Agnahare ty Abrahama amity hoavy. Ka lasa rae ty firene maro re, arake ze le fa voatalily ty hoe: Hanahake zay ty fokonao.”
\v 19 Tsy narefo tamity finoa re. Hay Abrahama fa tsy afake ty hanagnanake re (satria le fa teo amity zato tao teo re). Niharine avao kea re fa ty troke Saraha le tsy afake ty handay trokebey sase.
\v 20 Nefa naho ty fampagnategnan'Agnahare, le tsy nisalasala tamity tsy finoa ty Abrahama. Fa kea, niha-mafe tamity finoa re naho niantsa an'Agnahare.
\v 21 Rese lahatre vatane re fa ze nampagnategnan'Agnahare, le afake ataone avao kea.
\v 22 Laha zao le nidineke hoaze ho hamarea zay.
\p
\v 23 Naho le tsy sinoratre hoahy ty tombotsoane arere avao zay, fa nisahe hoaze zay.
\v 24 Sinoratre hoantika avao kea zay, hoahy ze hagnisaha zay, tika ze mino Aze ze nananga Jesosy Tompontika tamity mate.
\v 25 Re ty raike natolotre naho reo hadisoantika naho natsanga mba hagnamare antika.
\c 5
\cl Toko 5
\p
\v 1 Satria nihamaregne tamity finoa tika, le mana fiadagna miarake amin'Agnahare amity alala ty Tompontika Jesosy kirisity.
\v 2 Amity alalane avao kea ro anagnantika lala amity finoa mbaeo amize hasoava ze itsanganantika zay. Mifalefale amity fatokisa amean'Agnahare anay amity hoavy zahy, fatokisa ze ho zaraentika ao amity hasin'Agnahare.
\v 3 Tsy amizay avao, fa tika avao kea le mifale ao amity jalentika. Haintika fa ty fijalea le mamokatre fahareta.
\v 4 Ty fahareta miterake fagnenkea, naho ty fagnenkea miterake fatokia ho amity hoavy.
\v 5 Ze toky zay le tsy mandiso fagnategna, satria ty hatean'Agnahare le fa napoke tao agnarofontika tamity alala ty Fagnahy Masy, ze namea antika.
\p
\v 6 Fa laha mboe naleme tika, le mate ara-potoa hoahy ty raty fagnahy Kirisity.
\v 7 Fa sarotre hoahy ty ndaty raike ty ho mate hoahy ty ndaty mare. Fa, asa mete misy ndaty raike mahasaky ho mate hoahy ty ndaty soa.
\v 8 Fa Zagnahare manoro ty hateane arere ho antika, satria laha mboe mpanota tika, le mate ho antika kirisity.
\v 9 Mihoatre naho zay aza, henanezao. Laha fa nihamaregne tamity lio tika, le ho voavonje zay amity helon'Agnahare.
\v 10 Fa laha, mboe fahavalo tika, le nilongo tamin'Agnahare tamity alala ty fate ty Anane, naho mihoatre naho zay, laha fa baka nampilongoe, le ho voavonje amity alala ty aine tika.
\v 11 Naho zay avao, fa tika avao kea le mifale ao amin'Agnahare amity alala Tompontika Jesosy kirisity, ty nahazoantika ze filongoa zay amizao.
\p
\v 12 Laha zao are, hoe ty nilira ty hadisoa tamity ndaty raike tamizao iaby zao, le hoe zay kea ro nilira ty fate tamity alala ty hadisoa. Naho ty fate le niele tamity ndaty iaby, satria sambe nanota iaby iaby.
\v 13 Mandram-pisia ty lily, le teto amizao iaby zao ty hadisoa, fa tsy misy fagnisahan-keloke tsy misy lily.
\v 14 Nefa ndra zay aza, ty fate le nanjaka nanomboke tamy Adama ka zisikamy Mosesy, ndra le teo amireo ze tsy nanota manahake ty tsy hatea Adama aza, ty jilove ty hoavy.
\v 15 Nefa ndra zay aza, ty fagnomea le tsy manahake ty hadisoa. Fa laha tamity alala ty hadisoa ty raike ro nahafate ty maro, le mihoatre lavitre ro natao ty hasoan'Agnahare vaho ty fagnomea bakamity hasoa ty ndaty raike, Jesosy kirisity, namea bey hoahy maro.
\v 16 Fa ty fagnomea le tsy manahake ty vokatre bakamity raike ze nanota. Fa amity lafine raike, avy ty fitsara ho fagnameloha naho ty hadisoa ty ndaty raike. Fa amity lafine raike hafa, ty fagnomea miafara amity fagnamarea le niavy tafara ty hadisoa maro.
\v 17 Fa laha, tamity alala ty hadisoa ty raike, ro hanjaka ty fate amity raike, le mihoatre lavitre naho zay ty hanjaka reo ze mandrae ty habey ty hasoava vaho ty fagnomea ty hamarea amity alala ty fifanta ty raike, le Jesosy kirisity.
\p
\v 18 Laha zao are, satria tamity alala ty hadisoa ty raike ro nahavy ty ndaty ho amity fagnameloha, le amity alala ty asa ty hamarea ty raike avao kea ro hahavia ty fagnamarea ty havelo hoahy ty ndaty iaby.
\v 19 Fa satria bakamity tsy fagnenkea ty ndaty raike ro nahavy ty maro ho mpanota, le amity alala ty fagnenkea ty raike avao kea ro hahavy ty maro ho mare.
\v 20 Fa niavy tamizay ty lily, mba ho bey ty hadisoa. Nefa laha nihabey ty hadisoa, le vaho maike nihabey ty hasoava.
\v 21 Niseho zay mba, manahake ty nanjaka ty hadisoa tamity fate, le hoe zay kea ro hanjaka ty hasoava amity alala ty hamarea ho amity havelo zisikagne amity alala Jesosy kirisity Tompontika.
\c 6
\cl Toko 6
\p
\v 1 Ino are ro ho rehafentika? Tokone hanohy amity hadisoa vao tika mba hitomboa ty hasoava?
\v 2 Tsy hisy vatane anie zay. Tika ze mate ty amity hadisoa, amity fomba akore vao ro mboe hivelomantika amizay avao?
\v 3 Tsy hainareo vao fa reo iaby natao batisa tao amy Kirisity Jesosy le natao batisa tao amity nifatezane?
\v 4 Ka, voaleve, niarake tamine tamity alala ty batisa ho amity fate tika. Niseho zay mba ho hoe ty nanangana Kirisity tamity mate tamity hasy ty Rae, ro andehanantika amity fiaignam-baovao avao kea.
\v 5 Fa laha mikamba Amine amity toera ty fatene tika, le hikamba amity fitsanganane avao kea.
\v 6 Haintika zay, fa ty vatantika taloha le pineke niarake tamine, mba hamoteha ty vata ty hadisoa. Niseho zay mba ho andevoze ty hadisoa sase tika.
\v 7 Re te mate le natalily fa mare vaho afake amity hadisoa.
\v 8 Fa laha mate niarake tamy Kirisity tika, le mino fa hiara-belo Amine avao kea.
\v 9 Tika le mahay fa nitsanga tamity mate kirisity, naho tsy mate sase re. Tsy manjaka amine sase ty fate.
\v 10 Fa laha ty miomba ty fate le mate naho ty amity hadisoa Re, mate indraike avao hoahy iaby Re. Kanefa, ty fiaigna ze hiaignane le ivelognane ho an'Agnahare.
\v 11 Le hoe zay, tsy mahaintsy midineke ty vatanareo ho le fa mate amity hadisoa avao kea nareo, fa velo ho an'Agnahare ao amy Kirisity Jesosy.
\v 12 Laha zao ko enga hanjaka ao amity vatanareo mete mate ty hadisoa mba hanagnanareo ty paian-draty.
\v 13 Ko atolotre hoahy ty hadisoa ty vatanareo, ho zaka ampiasae amity tsy hamarea. Fa atoloro ho an'Agnahare ty vatanareo, hoe ty nitsanga tamity mate te velo amizao. Naho atoloro ho an'Agnahare ty vatanareo mba ho zaka ampiasae amity hamarea.
\v 14 Ko enga hanjaka aminareo ty hadisoa. Satria tsy ambane ty lily nareo, fa ambane ty hasoava.
\p
\v 15 Ka ino are? Tokone hanota vao tika satria tsy ambane ty lily, fa ambane ty hasoava? Tsy hisy vatane anie zay.
\v 16 Tsy hainareo vao fa ty raike ze anoloranareo ty vatanareo ho mpanompo le ty raike ze ho teanareo, ty iaze tsy mahaintsy ho teanareo? Mare zay ndra mpanompo ty hadisoa te mitarike agne amity fatenareo, ndra mpanompo ty fagnenkea te mitarike agne amity hamarea.
\v 17 Fa isaora Zagnahare! Satria le fa mpanompo ty hadisoa nareo, kanefa nagnenke tao amponareo ty fomba fampianara ze namea anareo.
\v 18 Nafaha tamity hadisoa nareo, naho natao mpanompo ty hamarea.
\v 19 Mirehake hoe ty ndaty raho naho ty halemea ty nofonareo. Satria vatane vaho nanolotre ty vatanareo ho ndevo ty halotoa vaho ty raty nareo, le hoe zay kea zao, atoloro ho ndevo ty hamarea ho amity hamasigna ty vatanareo.
\v 20 Fa tamy nareo nindevo ty hadisoa, le afake tamity hamarea.
\v 21 Amizao, ino are ro vokatre azonareo tamireo zaka ze mahamegnatre anareo amizao? Satria ty voka rey zaka rey le ty fate.
\v 22 Fa amizao laha fa nafaha tamity hadisoa nareo naho lasa mpanompon'Agnahare, le mahazo ty hamasigna. Ty vokatre le ty havelo zisikagne.
\v 23 Fa ty voka ty hadisoa le fate, fa ty fagnomean'Agnahare kea le ty havelo zisikagne ao amy Kirisity Jesosy Tompontika.
\c 7
\cl Toko 7
\p
\v 1 Sa tsy hainareo, ry rahalahy (Satria mirehake amity ndaty mahay ty miomba ty lily raho), fa ty lily le mibaiko ty ndaty raike laha mboe velo kea re?
\v 2 Fa ty ampela ze manambaly le voafehe ty lily amity valine laha mboe velo re, fa laha mate ty valine, le afake amity lily ty fanambalia re.
\v 3 Laha zao, laha mboe velo ty valine, laha ohatre ka miarake amity lahilahy hafa re, le hatao ty hoe mpandehandeha re. Fa laha mate ty valine, le afake amity lily re, ka tsy mpandehandeha re laha ohatre ka miarake amity lahilahy hafa.
\v 4 Laha zao, ry rahalahiko, le natao mate tamity lily avao kea nareo tamity alala ty vata Kirisity. Natao zay mba hikambana nareo amity hafa, zane hoe, amire ty natsanga tamity mate, mba hahafahantika mamokatre voane ho an'Agnahare.
\v 5 Fa tamintika tao amity nofo, reo paie ty hadisoa, te hinetse ty lily, le niasa tao amireo vatantika mba hamokatre voane ho ahy ty fate.
\v 6 Fa henanezao le nafaha tamity lily tika. Mate tamity namehe antika tika. Zay le mba hahafahantika manompo amity havaozam-pagnahy, fa tsy amity hantera ty soratre.
\p
\v 7 Ino are ro rehafentika? Ty lily vatane vao ro hadisoa? Tsy hisy vatane anie zay. Kanefa, tsy ho nahay ty hadisoa vatane raho, laha tsy tamity alala ty lily zay. Fa tsy ho nahay ty hatea raho laha tsy nirehake ty lily ty hoe: “Ko magniry.”
\v 8 Fa nangalake mafe tamity lily ty hadisoa ka nahavy ty hatea iaby amiko ato. Fa laha tsy misy ty lily, le mate ty hadisoa.
\v 9 Taloha raho le velo tsy nisy ty lily, fa laha fa niavy ty lily, le velo ndraike ty hadisoa, ka mate raho.
\v 10 Ty lily ze tokone handay havelo ro nivalike ho fate hoahy.
\v 11 Fa ty hadisoa le nangalake mafe tamity alala ty lily ka namitake ahy. Tamity alala ty lily ro namonoane ahy.
\v 12 Laha zao ty lily le miasa, naho ty lily le masy, mare, naho soa.
\p
\v 13 Ka feie vao nivalike fate hoahy ty soa? Tsy hisy vatane anie zay. Fa ty hadisoa, mba hahafahane hiseho ho hadisoa amity alala ze soa, le nanday fate tamiko. Zay le mba ho amity alala ty lily, ty hadisoa le mete ho lasa vatane hadisoa vatane.
\p
\v 14 Fa haintika fa ara-pagnahy ty lily, fa zaho bakamity nofo. Te fa navily ho ao ambane ty fagnandevoa ty hadisoa raho.
\v 15 Fa ty zaka ataoko, le tsy vatane azoko soa. Satria ze teako hatao, le tsy ataoko, naho ze hejeko, le ataoko.
\v 16 Fa laha manao ze tsy teako raho, le miara hevetre amity lily fa soa ty lily.
\v 17 Fa henanezao le tsy zaho sase ro manao zay, fa ty hadisoa zay velo agnateko ato.
\v 18 Fa haiko fa amiko ato, ze ato amity nofoko, le tsy misy zaka soa velo. Fa ty fagniria ty soa le amiko ato, feie tsy afa-ke manao zay raho.
\v 19 Fa ty soa ze teako le tsy ataoko, fa ty raty ze tsy teako, ro ataoko.
\v 20 Naho laha manao ze tsy teako raho, le tsy zaho sase ro miasa zay, fa kea ty hadisoa ze velo amiko ato.
\v 21 Naho, zaho le nahita, ty lily amiko ato fa te hanao ze soa raho, feie ty raty ro amiko ato zao.
\v 22 Fa mifale ao amity lilin'Agnahare raho amity fagnahy maha ndaty.
\v 23 Kanefa mahita lily raike hafa ao amity miomba ty vatako raho. Zay le mialy amize lily vaovao ao antsaiko zay. Mitana ahy ho azo ty lily ty hadisoa te ao amity miomba ty vatako zay.
\v 24 Ndaty mahantra raho! Ia ro hagnafake ahy amity vata ty fate toy?
\v 25 Fa isaora Zagnahare amity alala Jesosy kirisity Tompontika! Laha zao, zaho vatako le manompo ty lilin'Agnahare amity saiko. Ndra le zay aza, le manompo ty lily ty hadisoa amity nofo raho.
\c 8
\cl Toko 8
\p
\v 1 Laha zao le tsy misy fimelofa sase amizao hoahy reo ze ao amy Kirisity Jesosy.
\v 2 Fa ty lily ty Fagnahy havelo ao amy Jesosy Kirisity ro nagnafake ahy tamity lily ty hadisoa vaho ty fate.
\v 3 Fa ze tsy afake natao ty lily naho ty halemea zay tamity nofo, le nataon'Agnahare. Nandefa ty anadahine Re tamity toera ty nofo feno hadisoa mba ho fagnatetre hoahy ty hadisoa, naho nimeloke ty hadisoa tao amity nofo re.
\v 4 Nataone zay mba ho lefe ao amintika ty zaka paie ty lily, tika ze mandeha tsy arake ty nofo, fa arake ty Fagnahy.
\v 5 Reo ze mivelo arake ty nofo le mifagnenke amireo zaka ty nofo, fa reo ze velo arake ty Fagnahy le miarake amireo zaka ty Fagnahy.
\v 6 Satria ty fisaigna miore amity nofo le fate, fa ty fisaigna miore amity Fagnahy kea le fiaigna vaho fiadagna.
\v 7 Ty fisaigna miore amity nofo le fandrafea eo agnoloan'Agnahare, fa tsy mifagnarake amity lilin'Agnahare zay, ro vaho tsy haine kea ty manao zay.
\v 8 Reo ze ao amity nofo le tsy afake ty ho tean'Agnahare.
\v 9 Kanefa, nareo le tsy ao amity nofo fa ao amity Fagnahy, laha mare fa mivelo ao amireo ty Fagnahin'Agnahare. Fa laha misy ndaty tsy mana ty Fagnahy Kirisity, le tsy Aze re.
\v 10 Laha aminareo ao Kirisity, le mate naho ty hadisoa ty vata, fa ty fagnahy le velo naho ty hamarea.
\v 11 Laha ty Fagnahy ty nananga Jesosy tamity mate ro velo ao aminareo, le Re ty nananga Kirisity tamity mate ro hagnomea havelo avao kea hoahy ty vatanareo ze mete mate amity alala ty Fagnahine, te velo aminareo ao.
\p
\v 12 Laha zao, ry rahalahy, le mpitrosa tika, fa tsy ao amity nofo mba ho velo arake ty nofo.
\v 13 Fa laha velo arake ty nofo nareo, le ho mate, fa laha amity fagnahy ze amonoanareo ty asa ty vata, le velo nareo.
\p
\v 14 Fa manahake reo iaby voatary ty Fagnahin'Agnahare, iereo ro anan'Agnahare.
\v 15 Fa tsy nandrae ty fagnahy ty fagnandevoa ndraike nareo ka hatahotre. Fa kea, nandrae ty Fagnahy ty fananganagnanake nareo, te hikaike-kaike antika ty hoe: “Baba, Rae!”
\v 16 Ty Fagnahy vatane ro vavolombelo amity fagnahintika fa anan'Agnahare tika.
\v 17 Laha anake tika, le mpandova avao kea, mpandova an'Agnahare. Naho mpiara-lova ao amy Kirisity tika, laha vatane mijale miarake Amine vatane tika le amean-kasy miarake Amine kea.
\p
\v 18 Fa ataoko fa reo fijalea amizao andro zao le tsy soa ampitovie amity hasy ze hatoro antika.
\v 19 Fa ty zaka iaby ze magnategna mafe le mandrae ty fanoroa reo anan'Agnahare.
\v 20 Fa ty zaka le natao ho zaka-foa tsy naho ty sitrampone arere, fa naho ty nanao zay. Zay le ao amity fatokia namea
\v 21 fa reo hare vatane ro ho afahe amity fagnadevoa ty halavoa, naho handay agne amity fahafaha ty amity hasy ty anan'Agnahare zay.
\v 22 Fa haintika fa ty hare iaby le miara-miay vaho miara-miasa ao agnate ty tebetebe ndra amizao aza.
\v 23 Tsy zay avao, fa ndra ty vatantika aza, ze mana ty loham-bokatre ty Fagnahy_ndra ty vatantika aza le miay ao agnatentika, miambe ty fanangana antika ho anake, le ty fagnavota ty vatantika.
\v 24 Fa tamize toky zay ro namonjea antika. Fa ze atokisantika fa hiseho le mboe tsy hita, fa ia ro miambe ampatokia te le fa hitane?
\v 25 Fa laha matoky amize mboe tsy hitantika tika, le miambe zay ampahareta.
\p
\v 26 Hoe zay kea, ty Fagnahy le magnampe ao amity halemeantika. Fa tika tsy mahay ze vavake tokone hataontika, fa ty Fagnahy vatane ro mifona ho antika amity fitempoa tsy hay rehafe.
\v 27 Re teie mandineke ty arofo ro mahay ty dine ty Fagnahy, satria Re ro mifona hoahy ty mpino arake ty sitrampon'Agnahare.
\p
\v 28 Haintika fa hoahy reo ze tea an'Agnahare, le miarake ampiasaene ho amity soa iaby ty zaka iaby,
\f + \ft Fagnamarea: Laha tokone ty hoe" Miarake ampiasaene ho amity soa iaby ty zaka iaby,” le ty dikan-drehake ilane taloha manao ty hoe: “Ty zaka iaby le miarake miasa ho amity soa.” \f* hoahy reo ze voakaike arake ty fandaharene.
\v 29 Satria reo ze haine aloha, le tinendrene aloha avao kea mba hitovy toera amity Anane, mba ho lahy voalohane eo agnivo reo rahalahy maro re.
\v 30 Reo ze tinendre aloha, le kinaike avao kea. Reo ze kinaike, le nihamaregne avao kea. Reo ze nihamaregne, le namea hasy avao kea.
\p
\v 31 Ino are ro tokone ho rehafentika miomba reo zaka reo? Laha miomba antika Zagnahare, ie ro matahotre antika?
\v 32 Re te tsy niaro ty Anadahine arere fa nanolotre Aze hoantika iaby, akore ro tsy hagnomeane antika maimaimpoa miarake Amine ty zaka iaby avao kea?
\v 33 Ia ro handay fitana handietrereo ndaty voafilin'Agnahare? Zagnahare ro raike ze magnamare zay.
\v 34 Ia ty raike ho meloke? Kirisity ro raike mate ho antika, naho mihoatre zay, natsanga avao kea Re. Mpandily miarake amin'Agnahare eo amity toeran-kasy Re, naho Re ro mifona ho antika.
\v 35 Ia ro hanarake antika amity hatea Kirisity? Fahorea, sa Fijalea, sa faneseha, sa hakere, sa tsifisikina, sa loza, sa meso?
\v 36 Arake ty voasoratre ty hoe: “Naho riha le voavono andro lava zahay. Niraese hoe ty agnondry ho vonoe zahay.”
\v 37 Ao agnate ze zaka iaby zay le mihoatre naho ty mpandrese zahay amity alala ty raike tea anay.
\v 38 Fa rese lahatre raho fa mdra ty fate, ndra ty havelo, ndra reo anjele, ndra reo fanjaka, ndra reo raraha amizao, ndra reo zaka hoavy, ndra reo here,
\v 39 ndra ty ambone, ndra ty laleke, ndra zaka-namboare hafa, le tsy hahasarake antika amity hatean'Agnahare, ze ao amy Kirisity Jesosy Tompontika.
\c 9
\cl Toko 9
\p
\v 1 Mitalily ty mare ao amy Kirisity raho. Tsy mavande raho, naho ty eretrereko ro vavolombelo miarake amiko ao amity Fagnahy Masy,
\v 2 fa ahy le misy alahelo bey naho fijalea tsy mitofa ampoko ato.
\v 3 Fa afake nagniry raho fa zaho vatako le ho voa ozo ka hihatake amy Kirisity naho ty amireo rahalahiko, reo ze raike raza amiko arake ty nofo.
\v 4 Iereo le Israelita. Iereo le mana fanangana, ty hasy, reo fagnenkea, ty fagnomeane ty lily, ty fiantsa an'Agnahare, naho reo fampagnategna.
\v 5 Ty ahy iereo le reo raza ze nahavy Kirisity ho lasa nofo, Re ty Zagnahare ambone iaby iaby. Ho antsae zisikagne anie Re. Amena.
\p
\v 6 Fa tsy foa reo ze nampagnategnan'Agnahare. Fa tsy iaby ze bakagne Israely ro vatane ahy Israely.
\v 7 Ndra reo foko Abrahama iaby ro vatane anane. Fa: “Amity alala Isaka ro hikaiha reo fokonao.”
\v 8 Zane hoe, reo ana ty nofo le tsy anan'Agnahare ro raese ho foko.
\v 9 Fa hoe zao ro rehake ty fampagnategna: “Amize andro zay le hoavy Raho, naho hagnomea ajalahy Saraha.”
\v 10 Tsy zay avao, fa bakeo kea Rebeka hanagnanake amity lahilahy raike, Isaka raentika_
\v 11 fa mboe tsy terake kea reo kolo naho mboe tsy nanao zaka soa ndra raty, mba ho hoe ty dinen'Agnahare arake ty fifilia, tsy naho reo asa, fa naho Re te mikaike_
\v 12 natalily tamin-drampela ty hoe: “Ty raokene le hanompo ty zaine.”
\v 13 Zay le manahake ze voasoratre ty hoe: “Jakoba teako, fa Esao hejeko.”
\p
\v 14 Ino are ro ho rehafeko? Misy tsy hamareane vao miarake amin'Agnahare?
\v 15 Tsy hisy vatane anie zay. Fa hoe Re tamy Mosesy ty hoe: “Handefetre amize teako handefera raho, naho hiferegnay reo ze teako hiferenaigna Raho.”
\v 16 Laha zao are, le tsy naho re mikasa zay, ndra naho re milailay, fa naho Zagnahare, te nanoro ty fandefera.
\v 17 Fa ty Soratre Masy nagnambara tamy Farao ty hoe: “Fa naho ze antone zay ro nagnakarako anao, mba hanoroako aminao ty hereko, naho mba hagnambara ty agnarako eran-tane.”
\v 18 Laha zao, Zagnahare le mandefetre amize teane, naho ze teane, ro ho hamafese ty arofo.
\p
\v 19 Bakeo hitalily amiko nareo ty hoe: “Nagnino ro mboe mahita tsiny avao Re?” Fa ia ro mahalietre ty sitrampone?”
\v 20 Mifanohetre amizay, ralahilahy, ia vao riha ro mamale mandietre an'Agnahare? Feie ze le fa nidinehe hitalily amity mpandineke zay ty hoe: “Nagnino ro nataonao hoe izao raho?”
\v 21 Feie ty mpanefe valagne tsy mana zo amity tanemnaga ka ty vongane raike avao ro hagnamboara fitoera amity andro voatoka, naho fitoera raike hafa amity andavan'andro?
\v 22 Akore laha Zagnahare, te tehanoro ty helone vaho hampahay ty fahefane, ro niaretre tamim-pahareta reo fitoera ty heloke vinogno ho amity fahasimba?
\v 23 Akore laha nataone zay mba hampahaiane ty harea ty hasine eo amireo fitoera ty fandefera, te le fa vinogno aloha ho amity hasy?
\v 24 Akore laha nataone ho antika kea zay, te kinaine avao kea, tsy ho eo amity sambe Jiosy avao, fa ho eo amity Jentilisa avao kea?
\v 25 Arake ze nirehafene tao amy Hosea avao kea ty hoe: “Hataoko ty hoe ndatiko ze tsy ndatiko, naho ty hoe malala ty tsy malala.
\p
\v 26 Bakeo le agne amize nirehake tamiereo ty hoe:' Tsy ndatiko nareo,' agne ro hikaiha iereo ty hoe:' anan'Agnahare velo.”'
\p
\v 27 Isaia nikaike mafe ty amy Israely ty hoe: “Laha manahake ty faseke egne amity riake ty isa ty ana Israely, le ho voa vonje ze sisa tavela,
\v 28 fa ty handay ty safane eto antane, feno naho tsy ho ela.”
\p
\v 29 Arake ty nirehafe Isaia aloha ty hoe: “Laha ty Tompo tompo ty maro ro tsy nagnenga foko hoantika, le hanahake Sodoma tika, naho ho hanahake i Gomora.”
\p
\v 30 Ino are ro horehafentika? Fa reo Jentilisa, ze tsy nipay ty hamarea, ro nahazo ty hamarea, te hamarea bakamity finoa.
\v 31 Fa Israely, te nipay ty lily ty hamarea, le tsy niavy tamizay.
\v 32 Nagnino vao? Satria iereo tsy nipay zay tamity finoa, fa tamity asa. Tafintohy ty vato ty fagnafintohina iereo,
\v 33 arake ze le fa voasoratre ty hoe: “Henteo, ao Ziona ro ametrahako ty vato ty fagnafintohina vaho vato ty fandikan-dily. Ze mino zay le tsy ho megnatre.”
\c 10
\cl Toko 10
\p
\v 1 Ry rahalahy, ty paie ty arofoko vaho ty angataheko amin'Agnahare hoahy iereo, le ty famonjea iereo.
\v 2 Fa mitsanga vaolombelo miomba iereo raho fa mafana-arofo ho an'Agnahare iereo, nefa tsy arake ty fahaia.
\v 3 Fa tsy mahay ty hamarean'Agnahare rey, naho mipay hametrake ty hamarea iereo arere. Tsy magnenke ty hamarean'Agnahare rey.
\v 4 Fa Kirisity ro fanoa ty lily ho hamarea ho iaby ze mino.
\p
\v 5 Fa Mosesy manoratre miomba ty hamarea te bakamity lily ty hoe: “Ty ndaty ze manao ty hamarea ty lily le ho velo amize hamarea zay.”
\v 6 Fa ty hamarea ze bakamity finoa le manao ty hoe: “Ko manao hoe zao ampo ty hoe: 'Ia ro hiakatre agne andagnitse?') zay le, mandrotso Kirisity);
\v 7 naho ko manao ty hoe:' Ia ro hizotro agne amity laleke?”' (zay le, mampiakatre Kirisity amity mate).
\v 8 Fa ino ro ambara zay? “Eo agnilanao ty rehake, ao ambavanao naho ao amponao.” Zay ro tsara ty finoa, zay ambaranay.
\v 9 Fa laha amity vavanao ro agnenkeanao Jesosy ho Tompo, naho mino amity arofonao fa natsangan'Agnahare tamity mate Re, le ho vonje riha.
\v 10 Fa amity arofo ro inoa ty ndaty ty hamarea, naho amity vava ro agnenkeane ty famonjea.
\v 11 Fa hoe ty Soratre Masy ty hoe: “Tsy ho megnatre iaby ze mino Aze.”
\v 12 Fa tsy misy maha-hafa eo amity Jiosy vaho Grika. Fa Tompo raike avao ro Tompo ty iaby, naho haream-pahasoava ho ahy iaby ze mikaike Aze Re.
\v 13 Fa iaby ze mikaike ty agnara Tompo ro ho vonje.
\p
\v 14 Akore are ro hahafaha iereo mikaike Aze ze tsy ninoane? Akore ro hahafaha iereo mino Aze ze tsy rey iereo? Akore ro hahafaha iereo maharey laha tsy misy mpitalily?
\v 15 Naho akore ro hahafaha iereo mitalily, laha tsy nisy nagnirake? _Arake ty voasoratre ty hoe: “Hehe ty hasoa ty tombo reo magnambara reo zaka-soa ty talily-soa!”
\v 16 Kanefa tsy ie iaby ro nidranjy ty zaka-soa. Fa hoe Isaia ty hoe: “Tompo, ia ro nino ty talilinay?”
\v 17 Laha zao ty finoa le bakamity fidranjigna, naho ty fidranjigna bakamity tsara Kirisity.
\p
\v 18 Fa hoe raho ty hoe: “Feie vao tsy nisy naharey iereo?” Eka, vatane mare.” Ty feo iereo le fa niakatre magneran-tane, naho ty reha iereo zisikagne amity fara zao iaby zao.”
\p
\v 19 Hafa zay, hoe raho ty hoe: “Feie vao tsy nahay ty Israely?” Tamity voalohane Mosesy nanao ty hoe: “Hataoko sarotene amize tsy firene kea nareo. Amity firene ze tsy misy fahaia, hataoko avy amity heloke nareo.”
\p
\v 20 Naho eo vatane nahasaky kea Isaia laha fa nirehake re ty hoe: “Hita reo ze tsy nipay ahy raho. Niseho tamireo ze tsy nagnotane ahy raho.”
\p
\v 21 Fa hoe Re tamy Israely ty hoe: “Ire ro nahatiarovako ty tagnako tamity ndaty tsy magnenke vaho marehareha.”
\c 11
\cl Toko 11
\p
\v 1 Naho nirehake raho, narian'Agnahare vao ty ndatine? Sagnatria anie zay. Fa zaho avao kea le Israelita, foko Abrahama, bakamity foko Benjamina.
\v 2 Zagnahare le tsy nagnary ty ndatine, te le fa haine taloha. Tsy hainareo vao ty voatalily ty Soratre Masy miomba Elia, le ty fitaraignane tamin'Agnahare namofoke Israely? ty hoe:
\v 3 Tompo, iereo le namono reo mpamisavisanao, namoteke ty alitaranao. Zaho arere sisa tavela, naho mipay ty fiaiko iereo.”
\v 4 Fa ino ro valen-drehake nambaran'Agnahare aze?” Nanoka fito arivo lahy hoahy ty vatako Raho te tsy nandohalehako teo amy Bala.”
\v 5 Le hoe zay, amizao henanezao avao kea le misy sisa avao naho ty fifilia amity hasoava.
\v 6 Fa laha bakamity hasoava zay, le tsy bakamity asa sase. Fa laha zay le tsy hasoava sase ty hasoava.
\f + \ft Fagnamare: Ty tara-tasy ilane taloha le mamaky ty hoe: “Kanefa laha bakamireo asa zay, le tsy hasoava sase; fa laha zay le tsy asa sase ty asa.” \f*
\p
\v 7 Ino re? Ty zaka ze pinay Israely, le tsy azona, fa ty voafily ro nahazo zay, naho nihamasigne reo sisane.
\v 8 Zay le arake ty le fa voasoratre ty hoe: “Zagnahare le nagnomea iereo ty fagnahy ty koronta, maso mba tsy hahita iereo, naho sofy mba tsy hahareiza iereo, zisike androany.”
\v 9 Naho hoe Davida ty hoe: “Ao ty latabane ho harato vaho fandrike, ho vato maminga vaho valefate hoa iereo.
\q
\v 10 Ao ty maso iereo haieke mba tsy hahita, naho ao hiondreke zisikagne ty lambosy iereo.”
\p
\v 11 Le hoe raho ty hoe: “Feie vao tafintohy reo mba ho lavo?” Sagnatria anie zay. Fa kea, bakamity fahavalo iereo, ro nahavia ty famonjea teo amireo Jentilisa, mba hampialo iereo.
\v 12 Naho laha ty fahavalo iereo ro harea zao iaby zao, naho laha ty harobaha iereo ro harea reo jentilisa, le manao akore ty habey ty halefea iereo?
\p
\v 13 Fa henanezao le mirehake aminareo Jentilisa raho, naho laha mboe apositoly reo jentilisa raho, le tea ty fanompoako.
\v 14 Asa hampialo reo ze bakamity nofoko arere raho. Asa hamonje ty ilane amiereo tika.
\v 15 Fa laha midika fampilongoa zao iaby zao ty faniera iereo, le ino ro handraesa iereo zay fa havelo bakamity fate?
\v 16 Laha voa-toka ty vokatre voalohane, le ty agnilane amity kobam-bare kea. Laha voatoka ty tahone, le hoe zay avao kea reo tahone.
\p
\v 17 Fa laha tinampake ty tahone ilane, naho laha riha, tahon-olivanala, ro naharo teo amiereo, naho laha nifampizara tamiereo ty taho-mamokatre ty hetae oliva riha,
\v 18 ko mirehareha amireo tahone. Fa laha mirehareha riha, le tsy riha ro manday ty tahone, fa ty tahone ro manday anao.
\v 19 Le hirehake riha ty hoe: “Tinampake hiala reo tahone mba hahafahako mifandray amine.”
\v 20 Mare zay. Naho ty tsy finoa iereo le tinampake hiala iereo, fa nareo le mitsanga soa naho ty finoanareo. Ko manao ty vatanareo ho ambone, fa matahora.
\v 21 Fa laha ty vatane tahone aza tsy nengan'Agnahare, le tsy ho engane avao kea riha.
\p
\v 22 Naho, Henteo, ty hamoram-po vaho ty hasarom-pon'Agnahare. Ty agnilane, ty hasarom-po le niavy amireo Jiosy ze nilavo. Fa ty eroa kea, ty hasoampagnahin'Agnahare le avy aminareo, laha maharetre ao amity hasoam-pagnahine nareo. Fa laha tsy zay le ho tampahe kea nareo.
\v 23 Naho ndra rey aza, laha tsy manohy amity tsy finoane iereo, le haharo. Fa Zagnahare le afake magnere mangaro iereo ndraike.
\v 24 Fa laha tinampake tamity hetae oliva-le nareo, ka naharo tamity hetae oliva soa, le hoe ty akore ty fihoara ty hamaro reo Jiosy, te sampagna voajagnahare, naharo tamity hetae oliva iereo arere?
\p
\v 25 Fa tsy teako tsy hahay nareo, ry rahalahy, ty amize zaka-mihaja zay, mba tsy haha-hendre anareo amity eretrerenareo arere. Ze zaka mihaja zay le fa nahamafe loha ty ambaky Israely, mandrampahavy ty hafenoa reo Jentilisa.
\v 26 Laha zao le ho vonje iaby ty Israely iaby, arake ty voasoratre ty hoe: “Hiakatre bakagne Ziona ty mpagnafake. Hagnafake ty haratiam-pagnahy amy Jakoba Re,
\p
\v 27 naho zay ro ho fagnen-keam-pilongoako amiereo, laha fa hagnafake ty hadisoa iereo Raho.”
\p
\v 28 Amity lafine raike mikasike ty zaka-soa, le fahavalo iereo naho ty aminareo. Amity lafine raike hafa arake ty safidin'Agnahare, le malala iereo naho reo raza.
\v 29 Fa reo fagnomea vaho kain'Agnahare le tsy miova.
\v 30 Fa nareo le tsy nagnenke an'Agnahare taloha, kanefa amizao nareo le nandrae ty fandefera naho ty tsy fagnenkea iereo.
\v 31 Tahake zay avao kea, henanezao reo Jiosy le tsy nagnenke. Ty vokane le tamity alala ty fandefera ze natoro anareo ro mete handraesa iereo ty fandefera avao kea amizao.
\v 32 Fa Zagnahare le fa nagnily ty tsy fagnenkea iaby, mba hahafahane manoro fandefera amiaby.
\p
\v 33 Hehe, ty halale reo harea ty hamarea vaho fahaian'Agnahare! Tsy taka ty say reo fitsarane, naho reo lalane le tsy hay metare!
\v 34 “Fa ia ro mahay ty dine Tompo ndra ia ro hoavy ho mpagnomea-hevetre Aze?
\v 35 Ndra ia ro nagnomea zaka an'Agnahare aloha, ka tsy mahaintsy hagnoregnan'Agnahare aze ndraike?”
\p
\v 36 Fa bakamine avo amity alalane naho ho Aze ty zaka iaby. Ho Aze zisikagne ty hasy. Amena.
\c 12
\cl Toko 12
\p
\v 1 Mangatake anareo raho naho zay, ry rahalahy, naho reo fandeferan'Agnahare, mba hanolotre ty vatanareo ho soro velo, masy, enken'Agnahare. Zay ro fanompoanareo arake ty tokone ho ie.
\v 2 Ko mitovy amizao iaby zao, fa miova amity fagnavaoza ty sainareo. Anovo zao mba ho hainareo ze soa, azo enke, naho ty sitrampon'Agnahare.
\p
\v 3 Fa ambarako, naho ty hasoava ze nameane ahy, ty tsy tokone hanagna iaby ze eo aminareo eretreretre hagnambone ty vatane mihoatre ze tokone ho dinehene. Fa kea, tokone hidineke ampahamarea iereo, manahake ty nagnomean'Agnahare finoa ty kirai-kiraike iaby.
\v 4 Fa mana tahone maro amity vatantika tika, kanefa tsy mitovy iaby ty asa reo tahone reo.
\v 5 Mitovy amizay, tika te maro bey le vata raike avao ao amy Kirisity, naho tahone arere amity kirai-kiraike.
\v 6 Manana fagnomeam-pahasoava sambe hafa tika arake ty hasoava ze namea antika. Laha famisavisa ro fagnomeam-pahasoava raike, le ao hatao arake ty habey ty finoane.
\v 7 Laha fanompoa ro fagnomeam-pahasoava ty raike, le ao re hanompo. Laha nisy raike nahazo fagnomeam-pahasoava hampianatre, ao re hampianatre.
\v 8 Laha homafese ro fagnomeam-pahasoava ty raike, ao re hagnamafe. Laha magnomea ro fagnomeam-pahasoava ty raike, ao re hanao zay amin-kafoeza. Laha hitarike ro fagnomeam-pahasoava ty raike, ao zay ho vita ampiambena. Laha hanoro fiferenaigna ro fagnomeam-pahasoava ty raike, ao zay ho vita ampifalea.
\p
\v 9 Ao ty hatea tsy hisy fihatsaram-belatsihy. Hejegno ty raty; tano mafe ze soa.
\v 10 Laha ty miomba ty hatea ty mpirahalahy, mifankateava aminareo kirai-kiraike iaby. Laha ty miomba ty fagnomean-kasy, mifagnaja.
\v 11 Laha ty miomba ty fiareta, ko misalasala. Laha ty miomba ty Fagnahy, ao hafana arofo. Miomba ty Tompo, tompo Re.
\v 12 Mifalea ao amity fatokia ze anagnanao miomba ty hoavy. Mahareta amireo ndatinao. Mivavaha zisikagne.
\v 13 Mifampizara amize paie ty mpino. Mipaia fomba maro handraesanao ndaty.
\v 14 Misaora reo ze magnenjeke anao; misaora naho ko magnozo.
\v 15 Miaraha-fale amireo ze mifale; miaraha-mitagny amireo ze mitagny.
\v 16 Mitovia fisaigna amity kirai-kiraike. Ko midineke amity fomba mirehareha, fa enkeno reo ndaty ambane. Ko midineke ty vatanao ho mare.
\v 17 Ko mamale raty ty raty. Manova zaka soa maro eo amaso ty ndaty iaby.
\v 18 Laha mete, arake ze azonao atao, milongoa amity ndaty iaby.
\p
\v 19 Ko mamale raty vatanareo, ry malala, fa ameo lala ty heloke an'Agnahare. Te le fa voasoratre ty hoe: “Ahy ty vale-fate; Zaho ro hamale,' hoe ty Tompo.”
\v 20 Fa laha kere ty fahavalonao, ameo sakafo re. Laha marandrano re, ameo hinomene re. Fa laha manao zay riha, le hamory vaen'afo eo amity lohane.”
\v 21 Ko mete ho rese ty raty, fa reseo amity soa ty raty.
\c 13
\cl Toko 13
\p
\v 1 Ao ty fagnahy iaby hagnenke reo manam-pahefa ambone, fa tsy misy fahefa laha tsy bakamin'Agnahare. Naho reo manam-pahefa misy le fa voatedren'Agnahare.
\v 2 Laha zao ze mandietre ze fahefa zay le mandietre ty lilin'Agnahare; naho reo ze mandietre zay le hahazo fitsara amity vata iereo.
\v 3 Satria reo mpandily le tsy fampitahora hoahy reo asa soa, fa ho ahy reo asa raty. Magniry ty tsy hatahotre ty raike ao amity fahefa vao nareo? Manova ty soa, le ho anstae amizay riha.
\v 4 Fa re le mpanompon'Agnahare ho anareo amity soa. Fa laha manao ty raty nareo, le matahotre, satria tsy manday ty meso tsy amity antone re. Fa re le mpanompon'Agnahare, mapamale ty heloke amize manao raty.
\v 5 Laha zao le tokone hagnenke nareo, tsy naho ty heloke avao, fa naho ty dineke avao kea.
\v 6 Laha zao le mandoa hetra avao kea nareo. Fa mpanompon'Agnahare reo manam-pahefa, te mita ze zaka zay tsy ankijano.
\v 7 Aloavo amity kirai-kiraike ze tokone hoahy iereo: mandoava hetra amize tokone handoava aze; mandoava falin-tseragna amize tokone handoava aze; matahotre ze tokone hatahora; magnaja ze mete amizay.
\p
\v 8 Ko mana trosa ndra aminia ia, laha tsy ty fifankateava avao. Fa ze tea ty magnodidy aze le nahalefe ty lily:
\v 9 Maro reo lily: “Ko mangala-baly Ondaty, ko mamono ndaty, ko mangalatre, ko mitea,” naho laha misy lily hafa reo kea, le voafehe amity tsara toy zay: “Teavo ty namanao manahake ty vatanao.”
\v 10 Ty hatea le tsy mahafere ty magnodidy; laha zao, ty hatea ro fahalefea ty lily.
\p
\v 11 Laha zao, hainareo ty andro, te le fa andro fifohazanareo amity roro sahady zao. Fa henanezao le fa miharine naho ze ninoantika tamity voalohane ty fagnavota antika.
\v 12 Mandeha ty hale, naho miharine ty andro. Laha zao andao haria reo asa ty maieke, naho andao tika hisiky ty fialia ty hazava.
\v 13 Andao hombeo amity lala mahity, manahake ty amity andro, fa tsy hoe ty amireo hafalea tsy ampahamarea ndra kea ty hamamoa; naho andao tsy handeha amity zaka-raty ndra amity paia tsy voamare, naho tsy amity fifandiera ndra fialogna.
\v 14 Fa misikina Jesosy Kirisity Tompo, naho ko magnomea lala hoahy ty nofo, mba hagnomea haentsaha ze paiene.
\c 14
\cl Toko 14
\p
\v 1 Raeso ndra zay iaby maleme amity finoa, ko mitsara miomba ty tohan-kevetre.
\v 2 Ty ndaty raike mana finoa hihina ndra ino ino, fa ty raike hafa ze amleme letsy hihina laha-tsy voa-kentae.
\v 3 Ao ze mihina ty zaka-raty tsy hagnaraty ze tsy mihina iaby iaby; naho ze tsy mihina ty zaka-iaby kea tsy hitsara ze hafa mihina iaby iaby. Fa Zagnahare le nagnenke aze.
\v 4 Ia moa riha, riha ze mitsara ty mpanompo ty ndaty hafa? Eo agnoloa ty tompone re ro mitsanga ndra mitonta. Fa hatsanga re, satria ty Tompo le afake mananga aze.
\p
\v 5 Ty ndaty raike le midineke fa misy ty andro soa naho ty iaby. Ty hafa kea le midineke fa mitovy ty andro iaby. Engao ty kirai-kiraike ho rese lahatre arake ty saine iaby.
\v 6 Ze mandineke ty andro, le mandineke zay hoahy tompo; naho ze mihina, le mihina hoahy tompo, fa misaotre an'Agnahare re. Ze tsy mihina, le mifaly-hane hoahy tompo, ie avao kea le misaotre an'Agnahare.
\v 7-8 Fa tsy misy miay hoahy ty vatane tika, naho tsy misy mate hoahy ty vatane. Fa laha mivelo tika, le velo hoahy tompo, naho laha mate, le mate hoahy tompo. Arake zay ndra belo tika ndra mate, le ahy tompo.
\v 9 Fa hoamize antone zay ro nahafate Kirisity naho nivelognane ndraike, mba hahavy Aze ho vaho tompo ty mate ro tompo ty velo.
\p
\v 10 Fa riha, nagnino riha ro mitsara ty rahalahinao? Naho riha, nagnino riha ro malay ty rahalahinao? Fa tika iaby le mboe hitsanga ho tsarae eo agnoloa ty seza fitsaran'Agnahare.
\v 11 Te le fa voasoratre ty hoe: “Laha mboe velo kea raho.” hoe ty Tompo, “le hiforetre agnoloako eo ty ongotse iaby, naho ty lela iaby le hiantsa an'Agnahare.”
\p
\v 12 Laha zao are, tika kirai-kiraike iaby le hanao talily ty vatane eo amin'Agnahare.
\p
\v 13 Ka, ao tika tsy hifampitsara sase, fa kea handily zao, mba tsy hisy hametrake vato manafintohy ndra fandrike hoahy ty rahalahine.
\v 14 Mahay raho naho rese lahatre ao amy Tompo Jesosy, fa tsy misy tsy malio amity vatane. Fa hoahy ze mandrae ndra ino ino ho tsy malio zay, le tsy malio zay ho aze.
\v 15 Satria laha malahelo naho ty amity sakafo ty rahalahinao, le tsy mandeha amikan-tea sase riha. Ko simbae naho ty amity sakafonareo reo ze namoeza kirisity ty arofone.
\v 16 Ka ko mamototre ze dinehenareo ho soa ho haratie.
\v 17 Fa ty fanjakan'Agnahare le tsy mboe ty sakafo vaho rano finome, fa miomba ty hamarea, fiadagna, naho hafalea ao amity Fagnahy Masy.
\v 18 Fa ze manompo Kirisity arake zay le tean'Agnahare vaho enkene ty ndaty.
\p
\v 19 Laha zao, ao tika hanohy reo zaka ty fiadagna vaho reo zaka ze manefe ty kirai-kiraike iaby.
\v 20 Ko simbaeo naho ty amity sakafo ty asan'Agnahare. Malio vatane ty zaka iaby, fa raty hoahy ty ndaty ze mihina aze naho mahavy aze ho tafintohy.
\v 21 Soa ty tsy mihinan-kena, ndra mino divay, ndra ty zaka iaby ze mete hanafintohy ty rahalahinao.
\v 22 Ty finoa anagnanao, tano ao aminao vaho Zagnahare. Sambatre ze tsy meloke ty vatane amize enkene.
\v 23 Ze misalasala le meloke laha mihina, satria tsy tamity finoa zay. Naho ndra ino ino tsy bakamity finoa le hadisoa.
\c 15
\cl Toko 15
\p
\v 1 Naho tika ze mafe le tokone handefetre ty halemea ty maleme, naho tsy tokone hanao ze mhafale ty vatantika.
\v 2 Ao ty kirai-kiraike iaby amintika hanao ze mahafale ty mpiara-belo amine fa zay ro soa, mba hagnakara aze.
\v 3 Fa ndra Kirisity aza tsy manao ze nahafale ty vatane. Fa kea, zay le arake ty voasoratre ty hoe: “Ty fagnaratia reo ze magnaraty anao le nahazo ahy.”
\v 4 Fa ndra ino ino voasoratre taloha le voasoratre ho fagnanara antika, mba amity alala ty fiareta vaho amity alala ty fagnamafea ty Soratre Masy ro hanagnantika toky.
\p
\v 5 Naho ty Zagnahare ty fahareta vaho fagnamafea anie hagnomea say mitovy hoahy ty kirai-kiraike iaby arake Kirisity Jesosy.
\v 6 Ie anie hanao zay mba ho amity say raike vaho amity vava raike avao ro hiantsanao an'Agnahare vaho Rae ty Tompontika Jesosy Kirisity.
\p
\v 7 Laha zao mifandraesa, manahake ty nadraesa Kirisity anareo avao kea aza, ho fiantsa an'Agnahare.
\v 8 Fa rehafeko fa Kirisity le fa lasa mpanompo ty voasavatre hoahy hamarean'Agnahare, mba hahafaha magnamare reo fampagnategna ze namea reo rae,
\v 9 naho hoahy reo Jentilisa mba hagnomean-kasy an'Agnahare naho ty fandeferane. Zay le arake ty le fa voasoratre ty hoe: “Laha zao le hagnomea fiantsa Anao eo amity Jentilisa Raho naho hihira antsa ty agnaranao.”
\v 10 Mboe voarehake zisikagne ty hoe: “Mifalea, miarake amity vahoakene, ry Jentilisa.”
\v 11 Naho kea ty hoe: “Antsao ty Tompo, ry Jentilisa iaby; engao ty ndaty iaby hiantsa Aze.”
\v 12 Hoe ndraike, Isaia ty hoe: “Hisy tahone ty Jese, naho ty raike ze hitsanga handily eo amity Jentilisa. Hana fatokisa amine reo Jentilisa.”
\p
\v 13 Naho ty Zagnahare ty fatokisa anie hamneo anareo amity hafalea vaho fiadagna iaby amity finoa, mba ho lako fatokisa nareo, bakamity here ty Fagnahy Masy.
\p
\v 14 Ty vatako zao avao kea le rese-lahatre ty miomba anareo, ry rahalahy. Rese lahatre raho fa nareo avao kea le lako hasoa, lako ty fahaia iaby. Rese lahatre raho fa nareo avao kea le afake mifagnanatre.
\v 15 Fa manoratre ampahasahia aminareo raho miomba reo zaka ilane mba hampitiarove anareo ndraike, naho ty fagnomeam-pahasoava ze nomean'Agnahare ahy.
\v 16 Ze fagnomeam-pahasoava zay le ty tokone mba hanompoako Kirisity Jesosy nalefa tagne Jentilisa, mba hanolotre hoe ty soro ty talily soan'Agnahare. Tokone hataoko zay mba ho azo enkene ty fagnate reo Jentilisa, voatoka ty Fagnahy Masy.
\p
\v 17 Laha zao ty hafaleako le ao amy Kirisity Jesosy vaho reo zakan'Agnahare.
\v 18 Fa tsy hahasahy hirehake ndra ino ino laha tsy reo zaka vita Kirisity tamity alalako hoahy ty fagnenkea reo Jentilisa raho. Reo azak reo le vita tamity tsara vaho ty asa,
\v 19 tamity here reo famantara vaho fahagaga, naho tamity here ty Fagnahy Masy. Zay le mba bakagne Jerosalema, vaho lavi-davitre manahake i Ilyrikioma, ro hahafahako manao ty zaka-soa Kirisity.
\v 20 Amizay, ty fagniriako le ty hitalily ty zaka soa, fa tsy agne amize hahaia Kirisity amity agnara, mba tsy hagnoregnako eo amize le fa nagnoregna ty hafa.
\v 21 Zay le arake ty voasoratre ty hoe: “Tamireo ze tsy nirehafa Aze ro hahita Aze, naho reo ze tsy naharey ro hahazo.”
\p
\v 22 Laha zao avao kea le voasaka mateteke tsy hoagne aminareo raho.
\v 23 Fa henanezao, tsy mana toera amireo faritre reo sase raho, naho tao maro ro le fa nagniriako mafe hoagne aminareo.
\v 24 Laha zao ndra mbia mbia handehanako agne Espagna, le manantena raho ty hahita anareo laha fa mandrio, naho herentao agne amity ombako, laha fa baka tea ty fiaraha nareo tsiela Raho.
\v 25 Fa henanezao hoagne Jerosalema Raho hanompo reo mpino.
\v 26 Fa hafalea Makedonia vaho Akaia ty hanao fandraesa anjara hoahy reo mahantra agnate ty mpino ze agne Jerosalema.
\v 27 Eka, hafalea hoahy iereo zay, naho, mpitrosa amine vatane iereo. Fa laha ty Jentilisa ro nizara tamity zaka masy iereo, le tokone hanompo iereo avao kea iereo amireo zaka ara-materiele.
\v 28 Laha zao, laha fa nataoko ze asa zao naho nagnamafe fa voarae iereo ty vokatre ze navory, le hoagne Espaigne raho naho hitlike anareo amity lalako.
\v 29 Haiko fa laha mbaeo aminareo raho le hilitre amity hafenoa ty fitahia Kirisity.
\p
\v 30 Henanezao mandrisike anareo raho, ry rahalahy, amy Jesosy Kirisity Tompontika, vaho amity hatea ty Fagnahy, mba hiarake hialy amiko nareo amity vavake ataonareo amin'Agnahare hoahy.
\v 31 Mivavaha mba ho avotre amireo ze tsy magnenke agne Jodia raho, naho mba ho enkene reo mpino ty fanompoako hoahy Jerosalema.
\v 32 Mivavaha mba hahaviako aminareo amin-kafalea amity sitrampon'Agnahare, naho mba hahafahako, mahita fitofa, miarake aminareo.
\v 33 Zagnahare ty fiadagna anie hiomba anareo iaby. Amena.
\c 16
\cl Toko 16
\p
\v 1 Ankineko aminareo ty Foiby anabaventika, te mpanompo ty fiangona agne Kenkrea,
\v 2 mba handraesanareo aze ao amy Tompo. Anovo zay amity fomba soa amireo mpino, naho miatreha aze amize ndaty mete hopaiene ty fagnampeanareo. Fa re vatane avao kea le lasa mpagnampe ty maro, naho ty vatako avao kea.
\p
\v 3 Manova veloma i Prisila vaho Akoila, mpiara-miasa amiko ao amy Kirisity Jesosy,
\v 4 ze nahafoe ty fiay iereo hoahy arofoko. Misaotre iereo raho, naho tsy zaho avao, fa reo fiangona iaby ty Jentilisa avao kea.
\v 5 Manova veloma ty fiangona ze ao amity tragno iereo. Manova veloma agne amy Epaineto malalako, ty voalohamboka Asia hoahy Kirisity.
\v 6 Manova veloma Maria, te niasa mafe ho anareo.
\v 7 Manova veloma i Androniko vaho Jonia, longoko marine, naho niarake-nigadra tamiko. Malaza eo agnivo reo apositoly iereo, te tao amy Kirisity talohako avao kea.
\v 8 Manova veloma i Ampilato, malalako ao amy Tompo.
\v 9 Manova veloma i Orbano, mpiara-miasa amintika ao amy Kirisity, vaho Staky, malalako.
\v 10 Salamao Apela, ty saore ao amy Kirisity. Salamao reo ze ao amity tokantragno Aristobolo.
\v 11 Manova veloma Herodiona, longoko. Manova veloma reo ze ao amity tokantragno Narkisa, te ao amy Tompo.
\v 12 Manova veloma Tryfena vaho Tryfosa, te miasa mafe ao amity Tompo. Salamao Perysa malala, te niasa mafe tao amy Tompo.
\v 13 Manova veloma i Rofosy, te voafily tao amy Tompo, naho ty renene vaho ty reneko.
\v 14 Manova veloma i Asynkrito, Flegona, Hermesy, Patroba, Herma, naho reo rahaahy ze miarake amiereo.
\v 15 Manova veloma i Filologia vaho Jolia, Nerea vaho ty anabavene, vaho Olimpa, naho reo mpino iaby miarake amiereo.
\v 16 Mifanova veloma amity fifagnohara masy. Reo fiangona Kirisity iaby le manao veloma anareo.
\p
\v 17 Henanezao mandrisike anareo raho, ry rahalahy, mba hidineke ty miomba reo ze mahavy ty fizara vaho ty fagnafintohina. Iereo le mihoatre lavitre ty fagnanara ze niraesenareo. Midisoa lavitre iereo.
\v 18 Fa tsy manompo Kirisity Tompontika ty ndaty hoe rey, fa ty trone raike avao. Amity tsara maleme vaho mitsiriry ro amitaha iereo ty arofo ty tsy manan-tsiny.
\v 19 Fa ty ohanareo amity fagnenkea le tafita agne amity kirai-kiraike. Laha zao, fale raho, ty aminareo, fa teako mba ho mare amize soa nareo, naho tsy hanan-tsiny amize raty.
\v 20 Zagnahare ty fiadagna hanorotoro ty Satana eo ambane tombonareo afake andro kele. Ho aminareo anie ty hasoava ty Tompontika Jesosy Kirisity.
\p
\v 21 Timoty, mpiara-miasa amiko, le manao veloma anareo, vaho Losio, Jasona naho Sosipatro, longoko.
\v 22 Zaho, Tertio, ty nanoratre ty epistily toy, le manao veloma anareo ao amy Tompo.
\v 23 Gaio, ty mpampiatragno ahy vaho ty fiangona iaby, le manao veloma anareo. Erasto, mpitam-bola ao amity tana, le manao veloma anareo, miarake amy Koarto ty rahalahy.
\v 24
\f + \ft Fagnamarea: Ty fandika taloha soa vatane le magnafake ty andinene toy. (Henteo ty Romana 16:20). and 24: “Ho aminareo iaby anie ty hasoava ty Tompontika Jesosy Kirisity. Amena.” \f*
\p
\v 25 Naho ty hasy le ho Aze ze mahavita mampitsanga anareo arake ty zaka-soako vaho ty talily i Jesosy Kirisity, arake ty fagnambara ty misitery ze nitane ho tsiambaratelo ela bey taloha agne,
\v 26 Kanefa nambara henanezao, naho tamity alala ty boke ty famisavisa ro nampahafantare tamity firene iaby, arake ty lilin'Agnahare zisikagne, ho fagnenkea ty finoa.
\v 27 Hoahy ty Zagnahare toka ty hamarea, anie ty hasy zisikagne, amity alala Jesosy Kirisity. Amena.