tdx-x-mahafaly_reg/43-LUK.usfm

\id LUK
\ide UTF-8
\h Lioka
\toc1 Lioka
\toc2 Lioka
\toc3 luk
\mt Lioka
\c 1
\cl Toko 1
\p
\v 1 Maro reo niezake nanoratre tantara mikasike reo zaka-niseho te nisy teto amintika,
\v 2 arake ze le fa naolora iereo aze tamintika, te le fa vavolombelo nagnatre maso vaho mpanompo ty tsara zisikagne amboalohane.
\v 3 Naho amiko avao kea le hoe mete- laha fa nagnotane soa ty fandeha ty zaka iaby hatramity voalohane- ty hanoratre talily arake ty filaharane ho anao, ty Teofilo soa vatane.
\v 4 Zay le mba hahaianao ty mare miomba roe zaka ze nampianare anao.
\p
\v 5 Tamity andro Heroda, mpanjaka Jodia, le nisy raike tamity mpisoro atao ty hoe Zakaria, bakamity antoko Abia. Ty valine le bakamity anakampela Arona, naho ty agnarane le Elizabeta.
\v 6 Sambe mare tagnoloan'Agnahare iereo, naho nino reo lily iaby vaho reo fotsipeke Tompo.
\v 7 Fa tsy nanagnanake nefa iereo, satria tsy miterake Elizabeta, naho sambe le fa antetre iaby kea ie roe tamize andro zay.
\p
\v 8 Naho zay le mikasike Zakaria tagnoloan'Agnahare, nanao reo asa ty soro arake ty fifampisoloa ty isan-tokone.
\v 9 Arake ty fomba fatao iereo ty amity fifilia mpisoro ze tokone hanompo, le voafily ty Kodia kede hilitre hagnoro ty emboke magnitre ao antempoly Tompo re.
\v 10 Tamity lera nagnoroa ty emboke magnitre le nivavake tegne ambalike ty vahoake iaby.
\v 11 Naho nisy anjele Tompo niseho tamine naho nitsanga tankavana ty alitara nisy emboke magnitre.
\v 12 Laha fa nahita aze ty Zakaria, le natahotre naho vatane natahotre re.
\v 13 Fa hoe ty anjele tamine: “Ko matahotre, ry Zakaria, te fa nidranjigne ty vavakenao. Hisy aja lahy aminao ty Elizabeta valinao. Jaona ro hataonareo agnarane.
\v 14 Hanam-pifalea vaho haravoa riha, naho maro kea ro ho fale amity haterahane.
\v 15 Satria ho foloay re eo amaso Tompo. Tsy hino divay ndra zaka nome mahere vatane re, naho ho feno ty Fagnahy Masy zisikagne antron-drenene re.
\v 16 Maro amity vahoake Israely ro hitolike amy Tompo Zagnahare iereo.
\v 17 Handeha aloha ty vata Tompo eo amity fagnahy vaho ty here Elia re. Zay ro ataone le ty mba hitoliha ty arofo ty rae amity anaka, mba handehana ty tsy magnenke amity lala ty hamarea ty mare mba hagnoma vahoake te fa vogno hoahy Tompo ro homane hoaze.”
\p
\v 18 Naho Zakaria nirehake tamity anjele ty hoe: “Akore ro hahaizako zay? Fa zaho te fa antetre naho ty valiko kea.'
\p
\v 19 Naho hoe ty anjele namale vaho nirehake tamine: “Zaho ro Gabriela, ty mitsanga eo agnoloan'Agnahare. Naho voairake raho mba hitalily aminao, handay ze vaovao soa zao aminao.
\v 20 Ka ingo! Ho moa riha, ke tsy afake hirehake, mandram-piavy ty andro hisehoa reo zaka reo. Satria tsy nino ty nirehako riha, te ho lefe amity andro voamare.”
\p
\v 21 Naho ty vahoake rerake niambe Zakaria. Gaga naho ty fijanognane ela teo an-tempoly iereo.
\v 22 Ta laha fa niakatre re, le tsy afake nirehake tamiereo. Naho hay iereo fa nahita fahitaha re tamity ao an-tempoly. Nanao baiko moa tamiereo re naho nijano ho moa.
\p
\v 23 Naho laha fa avy ty andro fitampera ty fanompoane, le lasa noly tagne antragnone re.
\p
\v 24 Tafara reo andro reo, le ni betroke ty Elizabeta naho nietake zisike ty dime vola. Hoe re ty hoe:
\v 25 “Zao ro natao ty Tompo hoahy laha fa nitsinjo ahy Re mba hagnafake ty hegnako eo agnoloa ty ndaty.”
\p
\v 26 Teo amity fahaenem-bola, le nirahen'Agnahare ty anjele Gabriela nimbaeo amity tana raike tao Galilia atao ty hoe Nazareta, 
\v 27 hoagne amina verijine raike te valina lahilahy atao ty hoe Josefa. Te mboe foko Davida re, naho ty agnara ty verijine le Maria.
\v 28 Nimbaeo amine re naho nanao ty hoe: “Arahaba, ry iaze nihasoave vatane! Ty Tompo ho aminao ao.”
\v 29 Fa vatane vere hevetre tamity rehane re nagnontane vata ty hoe karaza fanalama hoe ty ino zay.
\v 30 Hoe ty anjele tamine: “Ko matahotre, ry Maria, fa le fa nahita hasoa tamin'Agnahare riha.
\v 31 Ingo, ho be troke riha ka hiterake lahilahy. Naho ty agnarane hatao ty hoe' Jesosy.'
\v 32 Ho bey Re naho hatao ty hoe Ana ty agnabo vatane. Ty Tompo Zagnahare hagnomea Aze ty sezan-droandria Davida razambeine.
\v 33 Naho hanjaka zisikezay amity foko Jakoba re, naho tsy ho tampetre ty fanjakane.”
\p
\v 34 Hoe ty Maria tamity anjele: “Akore ro hisehoa zay, fa mboe tsy niara-niroro tamina lahilahy raho?”
\v 35 Ty anjele namale vaho nanao tamine hoe: “Hipoke aminao ty Fagnahy Masy, naho ty here ty agnabo Vatane ro hoavy aminao. Ka ty masy ho lefe le hatao ty hoe Anan'Agnahare.
\v 36 Ingo, Elizabeta longonao le nibetroke lahilahy avao kea ndra le tamity fiterahane aza. Te fa enem-bola ty aze zao, re ty aze atao ty hoe tsy miterake.
\v 37 Satria tsy misy zaka tsy ho azo atao amin'Agnahare.”
\p
\v 38 Hoe ty Maria: “Ingo, zaho ro mpanompo vave Tompo. Ao ho lefe amiko zay arake ty hafanao. “Naho niala tamine eo ty anjele.
\p
\v 39 Naho tamize andro zay ty Maria le nandeha malaky nimbaeo amity tane ambone, agne amity tana Jodia.
\v 40 Nimbaeo amity tragno Zakaria re naho nanalama Elizabeta.
\v 41 Naho laha naharey ty salama Maria ty Elizabeta, le nibitake ty kolo antrone ao, naho feno ty Fagnahy Masy Elisabeta.
\v 42 Nagnadram-peo vaho nirehake mafe re ty hoe: “Nihasoave naho ty ampela iaby riha, naho nihasoave ty natera ty trokenao.
\v 43 Nagnino zay ro miseho amiko fa ty rene Tompo ro avy hamonje ahy?
\v 44 Fa ingo, laha fa niavy tantsofiko eo ty salamano, le nanao hafalea ty kolo antroko ato.
\v 45 Sambatre re ty nino fa ho lefe reo zaka ze nirehafe Tompo tamine.”
\p
\v 46 Hoe ty Maria: “Miantsa Tompo ty fagnahiko,
\q
\v 47 naho ty fagnahiko nifale amin'Agnahare ao mpamonje ahy.
\q
\v 48 Fa nagnete ty fahantra ty mpanompo vavene Re. Naho ingo, manomboke zao ty foko iaby hikaike ahy ty hoe sambatre.
\q
\v 49 Satria nanao zaka bey tamiko ty mahefa ty zaka iaby, naho masy ty agnarane.
\q
\v 50 Fa mahita hoahy ty foko afara ze matahotre aze ty fandeferane.
\q
\v 51 Nanoro ty herene tamity sandrine re; naho nanjara reo ze nirehareha tamity dine ty arofo iereo.
\q
\v 52 Naongane tamity sezan-droandriane ty anadahy ty mpanjaka naho reo ambane nakarene.
\q
\v 53 Nataone voky zaka-soa reo kere, fa ty mpagnarivo nataone tsy nana ndra ino ino.
\q
\v 54 Nagnomea fagnampea Israely mpanompone Re, mba hahatiarovane hanoro fandefera
\v 55 (arake ty nirehafene tamireo raentika) tamy Abrahama vaho ty fokone zisikagne.”
\p
\v 56 Nijano nitoboke tao amy Elizabeta tokone ho telo vola ty Maria naho bakeo nihere tagne antragnone.
\p
\v 57 Naho avy ty fotoa hiteraha Elizabeta ty anane naho niterake ajalahy re.
\v 58 Naharey ty fandeferam-bey natao Tompo tamine reo mpiara-belo amine vaho reo longone, naho niara-fale tamine iereo.
\v 59 Naho tamity andro fahavalo le lasa hanavatre ty kolo iereo. Fa ho natao iereo ty hoe “Zakaria,” arake ty agnaran-draene re.
\v 60 Fa ty renene kea namale naho nanao ty hoe: “Aha. Jaona ro hikaiha aze.”
\v 61 Naho hoe reo tamine: “Tsy misy amity longonao kaihe amize agnara zay.”
\v 62 Nanao baiko moa tamity raene iereo ty amity teane hatao agnarane.
\v 63 Nangatake aridoazy fanorata ty raene naho nanoratre ty hoe: “Jaona ro agnarane.” Naho le gaga tamizay ie iaby.
\v 64 Naho niarake tamizay le nivoha ty vavane naho nafaha ty lelane. Nirehake re naho niantsa an'Agnahare.
\v 65 Niavy amireo iaby nagnodidy iereo ty tahotre. Naho niele era ty tana ambone Jodia ty zaka niseho iaby teo.
\v 66 Naho reo iaby naharey reo le nahazo rey tangnarofone ao, naho nanao ty hoe: “Ho lasa ino are ty kolo toy?” Fa miomba aze ty tagna Tompo.
\v 67 Naho feno ty Fagnahy masy Zakaria rane naho namisavisa, ka nanao ty hoe:
\q
\v 68 “Antsae anie ty Tompo, Zagnahare Israely, fa niavy nagnampe vaho nanao ty fagnafaha hoahy ty vahoakene Re.
\q
\v 69 Nagnakatre ambone ty trifam-pagnavota hoantika ao antragno Davida mpanompone Re,
\q
\v 70 manahake ze nirehafene tamity vava reo mpamisavisa masy tamity andro taloha tagne.
\q
\v 71 Handay famonjea amity fahavalontika vaho amity tagna reo iaby malay antika re.
\q
\v 72 Zay ro hataone le ty mba hanoroa ty fandefera amireo raentika vaho hampahatiarova ty fagnekeam-pilongoa ty Masy,
\q
\v 73 le ty fifanta natalily tamy Abrahama raentika.
\q
\v 74 Nifanta ty hahazoantika, laha fa afake tamity tagna ty fahavalontika, manompo Aze tsy amin-tahotre,
\q
\v 75 am-pahamasigna vaho ampahamarea eo agnoloane amity androntika iaby.
\p
\v 76 Egne, naho riha, ry kolo, le hatao ty hoe mpamisavisa ty Ambone Vatane, fa handeha hialoha ty tarehe Tompo riha naho hamboatre ty lala, mba hagnoma ty ndaty ty amity fiaviane,
\q
\v 77 mba hagnomea fahaiam-pamonjea hoahy ty ndaty amity alala ty famotora ty helo iereo.
\q
\v 78 Zay ro hiseho le naho ty fandefera masin'Agnaharentika, naho ty amizay ro hiakara ty masoandro bakamity ambone mba hoavy hagnampe antika,
\q
\v 79 hagnazava reo ze mitoboke ao agnate ty ieke vaho reo ao agnate ty aloke ty fate. Hataone zay mba hitariha ty tombontika amity lalam-pilamina.”
\p
\v 80 Naho ty kolo le nitombo naho lasa nahere amity fagnahy, naho tagne agnefetre re mandram-pahavia ty andro hiboahane miharehare amy Israely.
\c 2
\cl Toko 2
\p
\v 1 Naho tamize andro zay, le nandefa lily mibaiko ty mibaiko ty hagnisaha ty ndaty iaby velo eto amizao tontolo zao Aogosto Kaisara.
\v 2 Zay ro fagnisaham-bahoake natao voalohane tamy Kyrenio ro mpandily ty tane Syria.
\v 3 Laha zao ty ndaty iaby le nimbaeo amity tana nahaviane iaby mba hisoratre agnara hoahy ty fagnisaham-bahoake.
\v 4 Le nandeha niakatre bakagne Galilia kea Josefa, bakagne antana Nazareta, hoagne Jodia, tana Davida te atao ty hoe Betlehema, satria re bakamity tragno vaho longo Davida.
\v 5 Nandeha tagne re mba hisoratre agnara niarake tamy Maria, ty fofom-baline naho nibetroke.
\v 6 Naho laha mboe tagne iereo, le niavy ty andro hiterahane ty anane.
\v 7 Niterake kolo lahy re, anane voalohane, naho re nandrakoke lamba-naja Aze vaho nampandre Aze teo amity fihinanam-bilo, satria tsy nisy toera hoaze ty tao amity hotely.
\p
\v 8 Nisy mpiarake agnondry tamize faritre zay ty nijano tagne ambaibo, niarake ty agnondrine tamity hale.
\v 9 Nisy anjele Tompo niseho tamiereo, naho ty hasy Tompo namirapiratre magnodidy aze, naho feno tahotre bey iereo.
\v 10 Le nirehake tamiereo ty anjele nanao ty hoe: “Ko matahotre, fa handay vaovao soa ty handay hafaleam-bey hoahy ty ndaty iaby raho.
\v 11 Androany le nisy mpagnavotre te terake hoanareo agne antana Davida! Re ro Kirisity Tompo!
\v 12 Zao ro famantara zay hamea anareo: Hahita kolo-kele mirakotre lamba-naja naho miroro eo amity fihinanam-bilo nareo.”
\p
\v 13 Tampoke eo niarake tamity anjele, le nisy tafike ty lagnitre bey niantsa an'Agnahare nanao ty hoe:
\q1
\v 14 “Hasy ho an'Agnahare agne amity ambone vatane, naho hisy fiadagna anie eto antane eo amity ndaty ze teane.”
\p
\v 15 Naho laha fa niala teo amiereo nimbaeo andagnitre reo anjele, ty mpiarake agnondry nifampirehake ty hoe: “Andao tika amizao hoagne Betlehema, naho hagnete ze zaka nisy zao, te nampahaie Tompo antika zay.”
\v 16 Nandeha malaky tagne iereo naho nahita Maria vaho Josefa, naho nahita ty ajakele niroro teo amity fihinanam-bilo.
\v 17 Tafara ty nahita iereo Aze, le nampahaie iereo ty zaka iaby nirehafe amiereo miomba i kolo o.
\v 18 Iaby ze naharey zay le gaga ty amity nirehafe ty mpiarake agnondry tamiereo.
\v 19 Fa Maria kea nanohy nidineke miomba ty zaka iaby ze reine, naho nita rey tao agnarofone.
\v 20 Nihere reo mpiarake agnondry, nagnomea hasy vaho nandaza an'Agnahare naho ty zaka iaby ze rey iereo vaho hita iereo, arake ze nirehafe tamiereo.
\p
\v 21 Laha nitampetre ty andro fahavalo, laha fa sinavatre Re, le nomea agnara ty hoe Jesosy, ty agnara nomea ty anjele Aze taloha ty nametraha Aze antroke ao.
\p
\v 22 Naho laha fa losotre ty isa ty andro tinake hiliovane, arake ty lily Mosesy, le nanday Aze niakatre hoagne antempoly tao Jerosalema ty Maria vaho Josefa mba hanolotre Aze eo amy Tompo.
\v 23 Arake ze voasoratre ao amity lily Tompo ty hoe: “Ty lahy iaby ze voaloham-piterake le hatoka hoahy Tompo.”
\v 24 Laha zao le nanolotre soro arake ze voatalily ao amity lily Tompo iereo,” domohina roe ndra ana ty voromahilala roe.”
\p
\v 25 Naho ingo, nisy lahilahy tagne Jerosalema, Simona ro agnarane, naho ze lahilahy zay le mare vaho mafana arofo. Nipay ty fampionogna Israely re, naho tamine ao ty Fagnahy Masy.
\v 26 Natalily ty Fagnahy Masy tamine fa tsy hahita fate aloha ty hahitahane ty kirisitine Tompo re.
\v 27 Tinary ty Fagnahy, nimbaeo antempoly Simona. Laha fa nanday Jesosy kolo kele nilitre ty rae-amandrenene, mba hanao Aze arake ty fomba ao amity lily,
\v 28 le niraesene ho egne antsandrine Re vaho niantsa an'Agnahare naho nanao ty hoe:
\q1
\v 29 “Henanezao engao handeha ampilamina ty mpanomponao, ry Tompoko, arake ty safanao.
\q1
\v 30 Fa ty masoko nahita ty famonjeanao,
\q1
\v 31 te nomagnenao teo amity fiatreha ty ndaty iaby:
\q1
\v 32 Le hazava ho fagnambara hoahy ty Jentilisa naho hasy hoahy Israely ndatinao.”
\p
\v 33 Ty rae vaho rene ty kolo le hiake tamity zaka nirehafe mikasike Aze.
\v 34 Nitso-drano aze reo Simona naho nanao tamy Maria renene ty hoe: “Ingo, ty kolo toy le voatendre ho amity fandoava vaho fagnakara ty ndaty Israely maro naho ho famantara ze niliere-
\v 35 naho hisy meso handoake ty fagnahinao- mba ho voa talily ty heve ty arofo maro.”
\p
\v 36 Nisy mpamisavisa vave raike atao ty hoe Ana teo. Anakampela Fanoela bakamity foko Asera re. Vatane antetre re. Nitoboke niarake tamity valine fito tao tafara ty nahaverijine aze re,
\v 37 naho mpivem-bata zisike ty efatre amby valompolo tao. Tsy niala ty tempoly zao re fa nanompo tamity fifalian-kane vaho vavake, andro aman'ale.
\v 38 Tamize lera zay avao le namonje marine iereo re naho nanomboke nagnomea fisaora an'Agnahare vaho nitalily ty miomba ty kolo tamity ndaty iaby ze nimabe ty fagnavota Jerosalema.
\p
\v 39 Laha fa nahavita ty zaka iaby nampanoene arake ty lily Tompo iereo, le nihere tagne Galilia, agne amity tana iereo agne Nazareta.
\v 40 Nihabey ty kolo naho nihanatanjake, nitombo hamarea, naho ty hasoavan'Agnahare le tamine ao.
\p
\v 41 Ty rae-amandrene le nimbaeo Jerosalema isan-tao hamonje ty Hafalea ty Pasake.
\v 42 Laha fa roe ambifolo tao Re, le nandeha nimbaeo arake ty fomba amity fete ndraike iereo.
\v 43 Naho laha fa baka nitoboke tagne zisike ty andro ty fete iaby iereo, le nanomboke nihere noly iereo. Fa jesosy ajalahy nijano tagne Jerosalema nefa tsy hay ty rae-amandrenene zay.
\v 44 Natao iereo fa niarake tamity ndaty niara-dia tamiereo Re, le nandeha zisike ty andro raike iaby iereo. Naho bakeo le nanomboke nipay Aze tagne amireo longone vaho reo namane iereo.
\v 45 Laha fa tsy hita iereo Re, le nihere tagne Jerosalema iereo ka nanomboke nipay Aze tagne.
\v 46 Laha niafake telo andro, le hita iereo tao antempoly re, nitoboke teo agnivo reo mpampianatre, nidranjy aze iereo vaho nametrake fagnotanea tamiereo.
\v 47 Iabe ze naharey Aze le gaga tamity fahaiane vaho reo valen-drehane.
\v 48 Laha fa nahita Aze iereo, le hitake. Ty renene nirehake tamine ty hoe: “Anake, nagnino riha ro nanao hoe zao anay? Dranjigno, zaho vaho ty raenao nipay anao tamintebetebe.”
\v 49 Re nirehake tamiereo ty hoe: “Nagnino nareo ro nipay Ahy? Tsy hainareo vao fa tsy mahaintsy ho ao antragnon-draeko Raho?”
\v 50 Fa tsy azo iereo ze teane ho rehafe tamize rehake zay.
\v 51 Le noly niarake tamiereo tagne Nazareta Re vaho nagneke iereo. Ty renene le nagnaja ze zaka iaby zay tampone ao.
\p
\v 52 Fa Jesosy niha-nitombo famarea vaho nitombo vata, naho nitombo hatea tamin'Agnahare vaho ty ndaty.
\c 3
\cl Toko 3
\p
\v 1 Tamity tao faha dime ambifolo nanjaka Tiberie Kaisara-tamy Pontio Pilato ro governora Jodia, Heroda le mpandily tao Galilia, Filipo rahalahine le mpandily tao amity faritre Itoria vaho Trakonitisy, naho Lysania le mpandily Abilena,
\v 2 zisike ty fisorognambey Aniasy vaho Kaiafa- le niavy tamy Jaona anadahy Zakaria tagne agnefetre ty safan'Agnahare
\v 3 Nandeha tagne amireo faritre iaby magnodidy Jordana Re, nitalily ty batisa ty fibebaha ho famotora reo heloko
\v 4 Arake ty voasoratre ao amity boke ty tsara Isaia mpamisavisa ty hoe: “Nisy feo raike nikaike mafe bakagne agnefetre ty hoe: 'Vognono ty lala Tompo, anaovo mahity ty lalan-kombane.
\q1
\v 5 Ty baibo iaby ho lembefe, naho ty vohitre vaho ty tazoa hatao gebo, naho ty lala miotake le hamboare mahity, naho ty toera korohotre le hatao lala,
\q1
\v 6 naho ty nofo iaby le hahita ty famonjean'Agnahare
\p
\v 7 Ka nirehake tamireo vahoake ze niavy hataone batisa ty Jaona ty hoe: “Nareo ry foko ty menara! Ia ro nampianatre anareo mba hilahy ty heloke zay hoavy?
\v 8 Laha zao, mamokara voa soa ty fibebaha, naho ko manomboke mirehake ao agnate reo ty hoe:' Zahay mana i Abrahama ho raenay,' fa mirehake anareo raho fa Zagnahare le afake mananga anake hoahy Abrahama bakamity vato toa.
\v 9 Henanezao ko ty famaky le mitoboke eo amity foto ty hetae. Ka ty hetae iaby ze tsy voa soa le ho tampake naho hatorake agne amireo afo.”
\p
\v 10 Naho reo vahoake le nagnontane aze zisikagne, nanao ty hoe: “Ino are ro hataonay?”
\p
\v 11 Namale re ka nanao tamiereo ty hoe: “Laha misy ndaty mana akanjo lava roe, tokone mizara zay amity ndaty raike ze tsy mana re, naho ze mana sakafo kea le tokone hanao hoe zay.”
\p
\v 12 Reo mpamory hetra kea le avy mba hatao batisa, naho nirehake tamine ty hoe: “Mpampianatro, ino ro tsy mahaintsy ataonay?”
\p
\v 13 Re nirehake iereo ty hoe: “Ko mamory vola mihoatre naho ze nampandoavenareo.”
\p
\v 14 Miaramila maromaro ka nagnotane aze, nanao ty hoe: “Akore ty miomba anay? Ino ro tsy mahaintsy ataonay?” Re nirehake tamiereo ty hoe: “Ko mangalake vola amity ndaty an-kere, naho ko mita vande ndaty. Mifalea amity karamanareo.”
\v 15 Naho laha niambe mafe ty fahavia Kirisity ty vahoake, le nagnotane tao agnarofone ty mikasike Jaona ty kirai-kiraike, ndra mete ho ire ndra tsy re ro kirisity.
\v 16 Jaona namale tamity firehafa aze iaby ty hoe: “Laha ty amiko, le manao batisa anareo amity rano raho, fa misy ndaty raike hoavy te mahere mandako ahy, naho tsy soa amiko ndra ty hamaha ty talin-kapane aza. Hanao batisa anareo amity Fagnahy Masy vaho ty arofo Re.
\v 17 Eo antagnane ty fikororohane mba hagnaliova soa ty ao ampamoloane vaho hamoria ty vare hoagne amity sompine. Fa horoane amity afo tsy mete vonoe ty afoka.”
\p
\v 18 Niarake tamity fagnanara maro hafa avao kea, Jaona nitalily vaovao soa hoahy ty vahoake.
\v 19 Heroda mpandily Laha fa nagnare naho ty fanambalia ty valin-drahalahine Herodiasy, vaho naho ty zaka raty hafa iaby ze vitane,
\v 20 le ho fagnampe ze iaby zay, le nandeha tagne ampigadra ty Jaona.
\v 21 Naho, laha fa vita batisa iaby ty ndaty iaby, le natao batisa kea Jesosy, naho laha mboe nivavake re, le nivoha ty lagnitre,
\v 22 naho ty Fagnahy Masy nangalake toera ka nandeha teo amine manahake ty voromahilala, naho nisy feo bakagne an-dagnitse nanao ty hoe: “Riha ro Anako, malalako. Fale Raho naho ty aminao.”
\v 23 Laha fa nanomboke ty asa fanompoane Jesosy, le teo amity telo-polo tao eo Re. Re ro anadahy (arake ty fandineha) Josefa, anagny Hely,
\v 24 anagn' i Matata, anagn'i Levy, anagn'i Melky, anagn'i Janay, anagn'i Josefa.
\v 25 Josefa le anagn'i Matitia, anagn'i Amosa, anagn'i Nahoma, anagn'i Elsy, anagn'i Nagay, anagn'i Mata,
\v 26 anagn'i Matatia, anagn'i Semey, anagn'i Josefa, anagn'i Joda.
\v 27 Joda le anagn'i Jonatana, anagn'i Rase, anagn'i Zerobabela, anagn'i Sealtiela, anagn'i Nery,
\v 28 anagn'i Melky, anagn'i Ady, anagn'i Kosama, anagn'i Elmadama, anagn'i Era,
\v 29 anagn'i Josoa, anagn'i Eliezara, anagn'i Joreima, anagn'i Matata, anagn'i Levy.
\v 30 Levy le anagn'i Simeona, anagn'i Joda, anagn'i Josefa, anagn'i Jonama, anagn'i Eliakima,
\v 31 anagn'i Melea, anagn'i Mena, anagn'i Matata, anagn'i Natana, anagn'i Davida,
\v 32 anagn'i Jese, anagn'i Obeda, anagn'i Boaza, anagn'i Salmona, anagn'i Nahasona.
\v 33 Nahasona le anagn'i Aminadaba, anagn'i Adimina, anagn'i Arny, anagn'i Herzona, anagn'i Fazera, anagn'i Joda,
\v 34 anagn'i Jakoba, anagn'i Isaka, anagn'i Abrahama, anagn'i Tera, anagn'i Nahora,
\v 35 anagn'i Seroga, anagn'i Reo, anagn'i Palega, anagn'i Ebera, anagn'i Sela.
\v 36 Sela le anagn'i Kenana, anagn'i Arpaksada, anagn'i Sema, anagn'i Noa, anagn'i Lameka, anagn'i
\v 37 Metosela, anagn'i Enoka, anagn'i Jareda, anagn'i Mahalalila, anagn'i Kenana,
\v 38 anagn'i Enosa, anagn'i Seta, anagn'i Adama, anan'Agnahare.
\c 4
\cl Toko 4
\p
\v 1 Tafara zay Jesosy, laha fa feno ty Fagnahy Masy, le nihere bakagne amity Rano Jordana, naho niente ty Fagnahy Masy tagne angefetre
\v 2 te nangala ty devoly fagnahy Aze zisike ty efaplo andro. Tsy nihina ndra ino ino Re zisike reo andro reo, naho tamity andro farane le kere Re.
\v 3 Ty vevoly nirehake tamine ty hoe: “Laha anan'Agnahare Riha, le lilio hinjare mofo o vato o.”
\p
\v 4 Jesosy namale aze ty hoe: “Voasoratre ty hoe:' Tsy ty mofo avao ro hahavelo ty ndaty.”'
\p
\v 5 Bakeo niente ty devoly tegne amity toera ambone Jesosy naho natorone Aze tsiela iaby ty fanjaka iaby zao iaby zao.
\v 6 Ty devoly nirehake tamine ty hoe: “Homeiko anao ty fahefa iaby vaho ty famirapirane iaby, satria le fa namoeane ahy reo, naho afake ameako, ty ndaty ze teako amea aze.
\v 7 Laha zao, laha mihohoke vaho manompo ahy Riha, le ho lasanao zay.”
\p
\v 8 Kanefa Jesosy namale ka nanao aze ty hoe: “Voasoratre ty hoe: “Hiantsa Tompo Zagnaharenao riha, naho Re arere avao ro ho tompoenao.”'
\p
\v 9 Bakeo ty devoly le nanday Jesosy tagne Jerosalema naho nataone tegne amity fara-tampo ty tempoly, naho nanao tamine ty hoe: “Laha anan'Agnahare Riha, le antotao baketoy ty vatanao.
\v 10 Satria le fa voasoratre ty hoe:' Hibaiko ty anjelene ty aminao Re, mba hiaro anao,'
\v 11 naho,' Re ro hagnakatre anao amity tagnane, mba tsy ho tafintohy ty vato ty tombonao.”'
\p
\v 12 Namale aze, Jesosy nirehake ty hoe: “Le fa nambara ty hoe:' Ko mangalake fagnahy ty Tompo Zagnaharenao.”'
\p
\v 13 Laha fa vita ty fangala ty devoly fagnahy Jesosy, le lasa re naho nienga aze zisike ty hahavia ty andro hafa.
\p
\v 14 Bakeo Jesosy nihere tagne Galilia tamity here ty Fagnahy, naho ty vaovao miomba Aze le fa niele nagnera ty faritre magnodidy iaby.
\v 15 Le nanomboke nampianatre tao amity Synagoga iereo Re naho niteagn'i iaby.
\p
\v 16 Nandeha tagne Nazareta Re, ty tana nahabe aze, naho arake ty fomba fataone, le nilitre tao amity Synagoga tamity andro Sabata Re ka nitsanga mba hamaky tene mafe.
\v 17 Natolotre aze ty sare taratasy Isaia mpamisavisa. Sinokane ty boke naho hitane ty toera nanorata aze,
\q1
\v 18 “Ty Fagnahy Tompo le amiko ato, satria Re nagnosotre ahy hitalily ty vaovao mahafale hoahy mahantra. Re ro nandefa ahy hitalily fahafaha hoahy reo ze azo, naho hampipoly ty fahitaha hoahy ty goa, hagnafake reo ze ampijale,
\q1
\v 19 hagnombara ty taon-katean'Agnahare.”
\p
\v 20 Bakeo le naorene ty taratasy, naherene tagne amity mpiambe, naho nitoboke Re. Ty maso reo iaby tao amity Synagoga le niambe Aze.
\v 21 Nanomboke nirehake tamiereo re ty hoe: “Androany ty soratre Masy toy le lefe eo ampijanjignanareo.”
\p
\v 22 Iaby tao le nitalily soa ty miomba Aze naho gaga tamity tsaram-pahasoava te nakare ty vava iereo, naho nagnotane iereo ty hoe: “Fa tsy ty anagn'i Josefa ay vao toy io?”
\p
\v 23 Re nirehake tamiereo ty hoe: “Azo antoke fa hitalily ty ohabola toy amiko nareo ty hoe:' Dokotera, sitrano ty vatanao. Ndra ino ino reinay fa nataonao tao Kapernaomy, le mova hoe izao agne amity tanenao.”'
\v 24 Nefa nirehake Re ty hoe: “Rehafeko mare aminareo, tsy misy mpamisavisa voarambe ao amity tanene.
\v 25 Kanefa rehafeko mare aminareo fa maro ty ampela mpivem-bata tagne Israely tamity andro Elia, laha nihily ty lagnitre zisike ty telo tao vaho enem-bola, naho nisy kere bey tamity tane iaby.
\v 26 Nefa ty Elia tsy nalefa ndra tamity raike tamiereo aza, fa tao Zerapata agne Sidona avao, tagne amity mpivem-bata ze nitoboke tagne.
\v 27 Fa maro reo boka tao Israely tamity andro Elisa mpamisavisa, nefa tsy nisy ndra le raike tamiereo aza afake laha tsy Namana Syriana.”
\v 28 Ty ndaty iaby tao amity Synagoga le heneke ty heloke laha fa naharey reo zaka reo.
\v 29 Nitsanga iereo, nanere Aze hiala ty tana, naho nandefa Aze tegne ambone ty tazoa ty nioregna ty tagna iereo, mba hitontane amity lavake.
\v 30 Nefa nandeha namakivaky teo agnivo iereo Re le lasa nandeha tagne amity toeran-kafa.
\p
\v 31 Bakeo Re le nandeha tagne Kepernaomy, tana raike agne Galilia, naho nanomboke nampianatre iereo tamity Sabata Re.
\v 32 Iereo le nigaga tamity fampianara nataone, satria nirehake tamity fahefa Re.
\v 33 Naho tao amity Synagoga le nisy lahilahy nisy ty fagnahy maloto ty demonia, naho re le nikorake tamity feo mafe ty hoe:
\v 34 “Ah! Ino ro ifandraisanay aminao, ry Jesosy bakagne Nazareta? Avy mba hamoteke anay vao Riha? Haiko hoe ia Riha- ty Raike Masin'Agnahare!”
\p
\v 35 Jesosy nirehake mafe ty demony, ka nanao ty hoe: “Ko mirehake naho miala amine ao!” Laha fa nanorake ty lahilahy hitonta teo agnivo iereo ty demony, le niala tamine ao, naho tsy namere aze kea.
\p
\v 36 Nigaga iaby ty ndaty iaby, naho nanohy nifampirehake ty miomba zay. Nirehake re ty hoe: “Fa rehake hoe ty akore rie zay?” Baikoene amity fahefa vaho here ty fagnahy maloto le miakatre.”
\v 37 Laha zao le nanomboke niele nagnera ty faritre magnodidy ty lazane.
\p
\v 38 Le niala ty Synagoga Jesosy naho nilitre tao antragno Simona. Naho nampijale ty tazo mahere ty rafozam-bave Simona, naho nangatake tamine hoaze iereo.
\v 39 Ka nitsanga teo agnoloane Re naho nirehake mafe ty tazo, le niala tamine zay. Bakeo re le nitsanga naho nanomboke nanompo iereo.
\p
\v 40 Laha fa nilenteke ty masoandro, le nanday ty ndaty iaby narere ty arete maro sambehafa amy Jesosy ty ndaty. Nametra-tagna tamity kirai-draike iaby amiereo Re ka nagnafake iereo.
\v 41 Ty demony avao kea le niala tao amity maro tamiereo, nikorake mafe vaho nanao ty hoe: “Riha ro anan'Agnahare!” Jesosy nirehake mafe reo demonia ka tsy namototre iereo hirehake, satria hay iereo fa Re ro kirisity.
\p
\v 42 Vaho maraindray, le nandeha tagne amity toera mangike Re. Vahoake maro bey ro nipay Aze naho nimbaeo amity toera ze nisy Aze. Iereo le niezake ty nita Aze mba tsy hiala eo amiereo.
\v 43 Fa Re nirehake tamiereo ty hoe: “Tsy mahaintsy mitalily ty vaovao mahafale miomba ty fanjakan'Agnahare amity tana maro hafa avao kea Raho, satria zay ro antone nagniraha Ahy etoy.
\v 44 Bakeo Re le nanohy nitalily tao amireo synagoga magnera Jodia.
\c 5
\cl Toko 5
\p
\v 1 Naho zao ro niseho, laha nivory nagnodidy Jesosy ty ndaty naho nidranjy ty safan'Agnahare, le nitsanga teo amoro ty Rano Genesareta Re.
\v 2 Nahita sambo kele roe nijano teo amoro ty Rano re. Le niakatre tao iereo mpamita naho nanasa ty haratone.
\v 3 Nilitre tao amity raike tamireo sambo kele Jesosy, ze ahy Simona, naho nangatake aze mba handefa zay egne amity rano lavidavitre ty tane. Bakeo le nitoboke re ka nampianatre reo ndaty tegne ambaly ty sambo kele.
\v 4 Laha fa nijano nirehake re, le nirehake tamy Simona re ty hoe: “Ento hoagne amity rano laleke ty sambo kele le ampoho ty haratonareo mba hahazoanareo zaka-andrano ao.”
\p
\v 5 Simona namale Aze ty hoe: “Tompo o, te fa niasa ty hale iaby zahay, fa tsy nahazo ndra ino ino, fa naho ty safanao, le hapoko ty harato.”
\v 6 Laha fa natao iereo zay, le nahazo zaka-andrano maro vatane iereo, naho niriatre ty harato iereo.
\v 7 Ka nanao fihetreke tamireo namane ze tao agnate ty sambokele raike hafa iereo fa iereo le tokone ho avy naho hagnampe iereo. Le niavy iereo ka nameno ty sambokele roe, ka le nanomboke nilepotre ie roe.
\v 8 Fa Simona, laha vaho nahita zay, le nihohoke teo antombo Jesosy, nanao ty hoe: “Miala amiko, fa lahilahy mpanonta Raho.”
\v 9 Fa gaga re, vaho iereo ze niarake tamine, naho ty habey ty zaka-tandrano ao ze niazo iereo.
\v 10 Tagnate zay ty Jakoba vaho Jaona, anagn'i Zebedio, te mpiaramiasa amy Simona. Jesosy nirehake tamy Simona ty hoe: “Ko matahotre, fa manomboke zao le hagnarato ndaty riha.”
\v 11 Laha fa niente iereo tegne antane ty sambo kele iereo, le nagnega ty zaka iaby iereo ka nagnorike aze.
\p
\v 12 Le nisy ty hoe zao laha mboe tao amity raike tamireo tana Re, le nisy lahilahy feno fagnaboka teo. Laha nahita jesosy re, le nihohoke tamine eo naho nangatake amine, nanao ty hoe: “Tompo, laha mete aminao, le afake magnalio ahy.”
\p
\v 13 Naho le namototre ty tagnane Jesosy naho nikaiske aze, nanao ty hoe: “Mete raho. Maliova.” Teo naho eo le niafake tamine ty fagnaboka.
\v 14 Rinarane re mba tsy hitalily ndra aminia ia, fa nirehafene tamine ty hoe: “Oriho ty lalanao, miboaha amity mpisoro naho manolora soro hoahy ty fandiova anao, arake ty nandilia Mosesy, mba ho fitsangana vavolombelo amiereo.”
\v 15 Kanefa ty talily miomba aze le niele lavitre kea aza, naho vahoake maro bey ro niarake avy mba hidranjy aze nampianatre naho mba ho afake amity arete iereo.
\v 16 kanefa mateteke Re le niala nimbaeo amity tane foa naho nivavake.
\p
\v 17 Naho tamity andro raike tamireo andro nampianarane, le nisy Fariseo vaho mpampiana-dily nitoboke teo te bakamity tana sambehafa ao amity faritre Galilia vaho Jodia, naho kea ty ao amity tana Jerosalema. Ty here Tompo ro tamine ao mba hagnafaha.
\v 18 Naho nisy lahilahy ilane niavy, nanday lahilahy raike voa ty paralisisa teo amity fandreane, naho iereo le nipay hevetre handaisa aze agnatene ao mba hanaova aze ho agnoloa Jesosy eo.
\v 19 Tsy nahita hevetre hampilira aze tao agnatene iereo naho reo vahoake, laha zao le nimbaeo amity ambone tragno iereo naho nanjotso ty fandrea ty lahilahy bakeo an-tafo tragno, tamity fandreane, tagnivo ty ndaty, tagnoloa Jesosy eo.
\v 20 Laha fa nahita ty finoa iereo, le hoe ty Jesosy ty hoe: “Ralahilahy, vototse ty helonao.”
\p
\v 21 Nanomboke nagnotane reo mpanora-dily vaho reo Fariseo, ka nirehake ty hoe: “Ia moa ty mirehake raty Ty io? Ia ro afake mamototre ty hadisoa laha tsy Zagnahare arere avao?”
\p
\v 22 Fa Jesosy, nahay ze dine iereo, namale naho nirehake iereo ty hoe: “Nagnino nareo ro magnotane amponareo ao?
\v 23 Ino ty mora rehafe kea:' Vototre ty helonao' sa ty mirehake ty hoe:' Mitsangana naho mandehana?'
\v 24 Nefa mba hahaianareo fa ty anagn'Ondaty le manam-pahefa hamototre heloke antane eto, le ataliliko aminao, mitsangana, ento ty fandreanao nao mandehana agne antragnonao.”
\v 25 Teo naho eo le nitsanga tagnoloa iereo re naho nangalake ty fandrea ze nandreane. Bakeo le niala nandeha antragnone re, nagnomea hasy an'Agnahare.
\p
\v 26 Nahitake iaby naho nagnomea hasy an'Agnahare iereo. Lako tahotre iereo, nanao ty hoe: “Nahita zaka-mahagaga tika androany.”
\p
\v 27 Tafara ty nisehoa reo zaka reo, le niala tao Jesosy ka nahita mpamory hetra raike atao ty hoe Levy nitoboke teo amity tragno lay ty mpamory hetra. Nirehake tamine re ty hoe: “Magnoriha Ahy.”
\v 28 Le nitsanga ty Levy ka nagnorike Aze, ka nienga ty zaka iaby.
\p
\v 29 Le nanao fagnafaram-bey tantragnone ao hoahy Jesosy ty Levy. Maro reo mpamory hetra vaho reo ndaty hafa ze nitoboke teo amity latabatre naho nihina niarake tamiereo.
\v 30 Kanefa reo Fariseo vaho reo mpanora-dily le nitaray tamireo mpianane, nanao ty hoe: “Nagnino riha ro mihina vaho mino miarake amireo mpamory hetra vaho ty ndaty mpanonta hafa?”
\p
\v 31 Namale iereo Jesosy ty hoe: “Tsy mipay dokotera ty salama; fa reo marare avao.
\v 32 Tsy avy hikaike ty mare ho amity hibebake raho, fa hikaike ty mpanonta mba hibebake.”
\p
\v 33 Le hoe iereo tamine ty hoe: “Reo mpiana Jaona le mateteke mifaly hane vaho mivavake, naho reo mpianatre reo Fariseo le manao hoe izay koa. Kanefa ty mpiananao le mihina vaho mino.”
\p
\v 34 Jesosy nirehake iereo ty hoe: “Feie vao misy ndaty mahavita mampifaly hane ty longo ty mpangalake laha ohatre mboe mitoboke eo amiereo ty mpangalake?
\v 35 Fa hoavy ty andro ty hagnafaha ty mpangalake amiereo eo, naho amize andro zay le hifaly hane iereo.”
\p
\v 36 Le nanao fagnohara tamiereo kea Jesosy. “Tsy misy ndaty mandriatre tampandamba bakamity lamba vao naho mampiasa zay mba hamboara ty lamba riatre. Laha manao zay re, le hanimba ty lamba vao, naho ty tampandamba bakamity lamba vao le tsy hitovy amity lamba riatre.
\v 37 Tsy misy ndaty magnisy divay vao agnate ty siny holitre riatre. Laha manao zay re, la handriatre ty holitre ty divay vao, naho le hirarake ty divay, naho ho simba ty siny holitre.
\v 38 Fa ty divay vao le tsy mahaintsy atao ao agnate ty siny holitre vao.
\p
\v 39 Tsy misy ndaty baka nino ty divay taloha ka hipay ty vaovao, fa hoe re ty hoe:' Ty taloha ro soa.”'
\c 6
\cl Toko 6
\p
\v 1 Naho tamity Sabata le nandeha nimbaeo antanembare ty Jesosy naho reo mpianatre nangalake ty salohim-bare, nakose zay amity tagna iereo naho nihina ty voane.
\v 2 Fa ty ilane tamireo Fariseo kea nanao ty hoe: “Nagnino nareo ro manao zaka tsy ara-dala ty manao aze amity andro Sabata?”
\p
\v 3 Namale iereo, Jesosy ty hoe: “Mboe tsy vinakinareo kea vao ze natao Davida laha fa kere re, re vaho reo lahilahy ze niarake tamine?
\v 4 Nandeha mbaeo antragnon'Agnahare re, naho nandrae ty mofo ty fiatreha vaho nihina ty agnilane tamizay, naho nameane ty agnilane kea ty lahilahy ze niarake tamine mba hihina, ndra le ty mpisoro avao aza ro arake ty lily laha mihina zay.”
\v 5 Bakeo Re nirehake tamiereo ty hoe: “Ty anagn' Ondaty le Tompo ty Sabata.”
\p
\v 6 Naho tamity Sabata le nandeha tao amity synagoga Re le nampianatre ty vahoake tao. Nisy lahilahy raike mate tagna havana tao.
\v 7 Nagnara maso aze soa reo mpanora-dily vaho reo fariseo mba hahita laha hagnafake ndaty amity Sabata Re, mba hahafaha iereo mahita antone hitana Aze.
\v 8 Kanefa haine ze tao antsay iereo naho nirehake tamity lahilahy mate tagna Re ty hoe: “Mitsangana, naho mandena bakao agnivo ty ndaty maro eto.” Ka nitsanga ty lahilahy naho nitsanga teo.
\v 9 Jesosy nirehake tamiereo ty hoe: “Magnotane anareo raho, ara-dala amity Sabata vao ty fanoa soa sa ty fanoa ty raty, ty magnavotre arofo sa ty mamoteke Aze?”
\v 10 Naho nangete ty magnodidy aze iaby Re ka nirehake tamity lahilahy ty hoe: “Ahitio ty tagnanao.” Nanao zay re, naho afake ty tagnane.
\v 11 Nefa lako heloke iereo naho nifampirehake miomba ze mete hatao iereo amy Jesosy.
\p
\v 12 Tamize andro zay le nandeha mbaeo ambohitre Re mba hivavake. Tinohy zisike ty hale iaby ty fivavaha tamin'Agnahare.
\v 13 Laha fa avy ty andro, nikaike ty mpianane hoamine ao Re, naho nifily roe ambifolo tamiereo Re, teie atao ty hoe kea Apositoly.
\v 14 Ty agnara reo Apositoly reo le Simona (re ty atao ty hoe Petera) naho ty rahalahine Andrea, Jakoba, Jaona, Filipo, Bertelemeo,
\v 15 Matio, Tomasy, Jakoba anadahy Alfeo, Simona ty atao ty hoe Zelota,
\v 16 Jodasy anagn'i Jakoba, naho Jodasy Iskariota, te lasa nivadike.
\p
\v 17 Bakeo Jesosy nizotro ty vohitse niarake tamiereo le nitsanga tamity tane mare niarake tamity mpianane maro vaho vahoake maro bakagne Jodia vaho Jerosalema naho ty sisin-tane Tyro vaho Sidona.
\v 18 Avy reo mba hidranjy Aze naho mba ho hafahe amity arete iereo. Afake ty vahoake te sahiragna ty fagnahy maloto.
\v 19 Ty ndaty iaby tamireo vahoake le niezake ty hikasike Aze avao satria niakatre bakamine ty here magnafake, naho afake ie iaby iaby.
\v 20 Le nagnete ty mpianane Re, naho nanao ty hoe: “Sambatre nareo ze mahantra, fa anareo ty fanjakan'Agnahare.
\v 21 Sambatre nareo ze kere henanezao, fa ho voky nareo. Sambatre nareo ze mitagny henanezao, fa hihehe nareo.
\p
\v 22 Sambatre nareo laha fa malay anareo ty ndaty naho laha fa ahify iereo vaho haratie iereo nareo, naho ty amity ndaty.
\v 23 Mifalea amize andro zay naho mibitaha an-kafalea, satria azo antoke fa hahazo valesoa bey agne andagnitse nareo, fa mitovy amizay ro nandaisa razanereo ty mpianane.
\p
\v 24 Fa loza ho anareo ze manan-kare, te le fa azonareo ze maha-po anareo.
\v 25 Loza hoanareo ze voky henanezao, fa mboe ho kere nareo agne afara agne. Loza hoanareo ze homehe henanezao, fa handala vaho hitagny nareo agne afara agne.
\v 26 Loza hoanareo, laha fa mirehake soa miomba anareo ty ndaty iaby, fa mitovy amizay ty natao ty raza iereo tamireo mpianane sandoke.
\p
\v 27 Fa mirehake aminareo ze midranjy raho, teavo ty fahavalonareo naho manova ty soa amize malay anareo.
\v 28 Tahio ze magnozo anareo naho mivavaha hoahy reo ze manao tsinontsino anareo.
\v 29 Laha misy mamofoke ty fifinao raike, le ameo aze kea ty ilane raike. Laha misy ndaty mangalake ty lambanao, ko mita ndra le ty ankajonao kea aza.
\v 30 Ameo iaby ze mangatake aminao. Laha misy ndaty mangalake ty zaka ze anao, ko mangatake ty hagneregna zay aminao.
\v 31 Manahake ze teanao hatao ty ndaty aminao, le tokone hataonao amiereo kea zay.
\p
\v 32 Laha ze ndaty tea anao avao ro teavenao, ino ro soa ho azonao amizay? Fa ndra ty mpanota aza mba te ze tea aze kea.
\v 33 Laha amize ndaty manao soa anao avao riha ro manao soa, ino ro soa hoazonao amizay? Fa ndra ty mpanota aza manao hoe izay. 
\v 34 Laha tsy mampindra laha tsy amize ndaty lignasa fa hampipoly zay aminao avao riha, ino ro soa hoazonao amizay? Fa ndra ty mpanota aza mampindra ty mpanota, mba hahazoa hoe zay kea.
\v 35 Fa teavo ty fahavalonareo naho manova ty soa hoahy rey. Mampindrama ko miambe valene naho ho bey ty valesoanareo naho ho Ana ty Ambone ao vatane nareo, fa Re vatane le soa fagnahy amize tsy misaotre vaho ty ndaty raty fagnahy.
\v 36 Managna fandefera, manahake ty Raenareo mpandefetre.
\p
\v 37 Ko mitsara, naho tsy ho tsarae nareo. Ko masiake, naho tsy ho helofa nareo. Mamotora ty hafa, naho ho votora nareo.
\v 38 Magnomeza, le hamea anareo zay. Fahafoezam-bey_ teie milobaloba, miarake-mitoba naho mitobake_ro hararake eo aminao. Arake ty famaharanareo, ro hamahara anareo hoe zay kea.”
\p
\v 39 Bakeo Re nanao fagnohara tamiereo kea. “Feie vao ty ndaty Goa afake mitarike ndaty goa hafa? Laha manao zay re, le mete hipoke agne andavake ie roe, sa Vande?
\v 40 Ty mpianatre raike le tsy bey naho ty mpampianane, fa iaby nahalefe ty fiofagna le hitovy amity mpampianane.
\p
\v 41 Fa nagnino riha ro magnete ty tsilan-ketae kele ao agnate ty maso ty rahalahinao, kanefa tsy mahita ty vatan-ketae ao agnate masonao?
\v 42 Ino ro irehafanao ty rahalahinao ty hoe:' Ry rahalahy, mamotora ahy hagnafake ty tsilan-ketae eo amity masonao eo o,' laha fa tsy hitanao kea ty vatan-ketae eo amity masonao? Ry mpiatsaravelatsihy! Afaho eo amity masonao heke ty vatan-ketae, bakeo le hahita soa riha ka afake hagnafake ty tsilan-ketae eo amity maso ty rahalahinao.
\p
\v 43 Fa tsy misy hetae soa hamokatre voa lo, ndra ty hoe hetae lo hamokatre voa soa.
\v 44 Fa ty hetae kirai-kiraike le hay amity karazam-boane ze vokarene. Fa ty afake ty hihaza aviavy amity fatike ty ndaty, ndra hangalake voaloboke amity hetae voaroy.
\v 45 Ty ndaty soa mamokatre ze soa bakamity harea soa ty arofone, naho ty ndaty raty mamokatre ty raty bakamity harean-draty ty arofone. Fa ze akare ty arofone ro rehafe ty vavane.
\p
\v 46 Fa magnino nareo ro mikaike ahy ty hoe:' Tompo,' kanefa nareo tsy magnenke ze zaka rehafeko?
\v 47 Ty ndaty iaby magnotane Ahy vaho maharey ty rehako naho magneke zay, le ho rehafeko aminareo hoe ty ino re.
\v 48 Manahake ty ndaty ze nagnore tragno re, te nihaly laleke teo amity tane naho nagnore ty foto ty tragno teo ambone vato. Laha fa niavy ty ranobey, le nandriake nandietre ze tragno zay ty ranobey, fa tsy nagnozo aze, satria soa ore reke.
\v 49 Naho ze ndaty maharey ty rehako nefa tsy magneke zay, le mitovy amity ndaty ze nagnore tragno teo ambone ty tane ka tsy nagnisy fototre. Laha fa nandriake nagnisy tragno o ty ranobey, le nitonta kea zay, naho rava vatane ze tragno zay.”
\c 7
\cl Toko 7
\p
\v 1 Laha fa nahavita nirehake ty zaka iaby teo agnoloa ty vahoake Jesosy, le nilitre tao Kapernaomy Re.
\v 2 Naho nisy kapitene raike nana mpanompo ze vatane hajaene, naho narare le fa ho nimate re.
\v 3 Laha fa naharey ty miomba Jesosy ty kapitene, le nagnirake olobey Jiosy hoagne amine re, hangatake Aze mba hoavy naho hagnafake ty mpanompone.
\v 4 Naho laha fa niavy teo amy Jesosy iereo, le nangatake mafe tamine, nanao ty hoe: “Soa ty hanaovanao zay hoaze re,
\v 5 satria teane ty firenenay, naho re ty nanao ty Synagoga ho anay.”
\p
\v 6 ka le nanohy ty lalane niarake tamiereo Jesosy. Te laha mboe tsy lavitre ty tragno Re, le nandefa nama ty kapitene nirehake tamine ty hoe: “Tompo, koy misahira riha, satria tsy soa ty hiliranao ao ambane ty tafon-tragnoko raho.
\v 7 Laha zao le tsy nidineke ty vatako ho mete hombaeo aminao raho, fa mirehafa rehake raike avao le ho afake ty mpanompoko.
\v 8 Ka satria zao kea le lahilahy te ambane fahefa, mana miaramila ao ambaneko kea. Hoe raho amity raike toy ty hoe: 'Mandehana,' le mandeha re, naho amity raike hafa:' Avia,' le niavy re, naho amity mpanompoko ty hoe:' Anovo toy,' naho le ataone zay.”
\p
\v 9 Laha fa naharey zay ty Jesosy, le hitake tamine Re, naho nitolike tamireo vahoake ze nagnorike Aze le nanao ty hoe: “Rehafeko aminareo, fa ndra le tagne Israely aza tsy nahitako finoa hoe zao.”
\v 10 Laha fa nimpoly tagne antragno reo ze nirahe, le nahita fa salama soa ty mpanompo.
\p
\v 11 Tafara kele zay, le nadeha tagne amity tana atao ty hoe Naina Jesosy, naho niarake tamine reo mpianane vaho reo vahoake maro bey.
\v 12 Laha niharine ty vavahady ty tana Re, ingo, nisy lahilahy raike te fa mate niente niakatre, anadahy toka ty renene (te mpivem-bata), naho vahoake maro bey bakao amity tana ro niarake tamine.
\v 13 Laha nahita aze ty Tompo, le nalahelo vatane aze ka nanao tamine ty hoe: “Ko mitagny.”
\v 14 Bakeo le niakatre re naho nikasike ty hazo nandaisa iereo ty fate, naho nijano reo nanday aze. Hoe Re ty hoe: “Ry ajalahy, hoe Raho aminao, miaregna.”
\v 15 Le niare ty mate ka nanomboke nirehake, naho Jesosy nanolotre aze teo amity renene.
\p
\v 16 Naharese aze iaby ty tahotre, ka nanohy niantsa an'Agnahare zisikagne iereo, nanao ty hoe: “Mpamisavisa bey ro natsanga eto amintika" naho" Zagnahare nitsinjo ty ndatine.”
\v 17 Ty vaovao miomba Jesosy toy le niele nagnera Jodia vaho reo faritre magnodidy iaby.
\p
\v 18 Reo mpiana Jaona nanao tamine ty miomba reo zaka reo.
\v 19 Le nikaike roe tamireo mpianane Jaona ka nagnirake iereo hoagne amity Tompo mba hanao ty hoe: “Riha vao ty hoavy, sa tokone mboe hagnete hafa zahay?”
\p
\v 20 Naho laha fa namonje marine Jesosy iereo, le hoe reo lahilahy ty hoe: “Jaona mpanao batisa ro nagnirake anay atoy aminao hagnotane ty hoe:' Riha vao ty hoavy, satokone mboe hagnete hafa zahay?”'
\p
\v 21 Naho tamize lera zay le nahafake ndaty maro tamity arete vaho fijalea naho hirifiry bakamireo fagnahy raty Re, naho ndaty goa maro ro nampahitavene.
\v 22 Jesosy namale ka nanao tamiereo ty hoe: “Laha fa baka nandeha tamity lalanareo nareo, ento amy Jaona ze hitanareo vaho reinareo. Nahita ty goa, nandeha ty kitsa, reo nalio ty haboka, naharey ty maregne, nitsangan-ko velo ty mate, naho nitalilia ty zaka soa ty ndaty mboe tsy ampe zay.
\v 23 Sambatre ty ndaty ze tsy mitofa ty mino Ahy naho ty ataoko.”
\p
\v 24 Naho laha lasa reo ira Jaona, le nanomboke nirehake tamity vahoake Jesosy ty miomba Jaona ty hoe: “Hagnente ino ro niakara nareo tagne agnefetre? Volontara hinozo ty tioke vao?
\v 25 Fa hagnete ino ro niakaranareo tagne? Lahilahy miakanjo soa vao? Henteo, reo ze misiky akanjo lafo vily vaho reo mivelo ao amity havelo soa le ao amity lampa ty mpanjaka.
\v 26 Fa hagnete ino ro niakaranao tagne? Mpamisavisa vao? Eka, hoe Raho aminareo, naho mihoatre lavitre naho ty mpamisavisa.
\v 27 Re ro iaze voasoratre ty hoe:' Ingo, alefako aloha nao ty mpanday taliliko, te hagnoma ty lalanao mialoha anao.'
\p
\v 28 Ataliliko aminareo, fa aminareo ze nateran-ampela le tsy misy bey mandako Jaona. Nefa ty kele vatane ao amity fanjakan'Agnahare le bey naho re.”
\p
\v 29 (Laha fa naharey zay ty ndaty iaby, agnate zay reo mpamory hetra, le nagnambara fa mare ty Zagnahare, satria natao batisa tamity batisa Jaona iereo.
\v 30 Fa reo Fariseo vaho reo mpahay lily Jiosy kea nilietse ty dinen'Agnahare hoahy ty vata iereo, satria tsy natao Jaona Batisa.)
\p
\v 31 Amity ino, naho, ro hahafahako mampitovy ty ndaty amity foko toy? Manahake ty ino vao iereo?
\v 32 Manahake ty aja mihisa egne ambazary iereo, mitoboke naho mifampikaike naho manao ty hoe:' Nitioke sody hoanareo zahay, le tsy nandihy nareo. Nano antsa fandala hoanareo zahay, le tsy nitagny nareo.'
\v 33 Fa Jaona mpanao Batisa niavy tsy nihina mofo naho tsy nino divay, le hoe nareo ty hoe:' Misy devoly re.'
\v 34 Ty ndaty niavy hihina vaho hino, le hoe nareo ty hoe:' Henteo, fa mahake vaho mpino re, nama reo mpamory hetra vaho mpanota!”
\v 35 Fa ty hamarea le voamare amity anane iaby.”
\p
\v 36 Naho ty raike tamireo Fariseo nagnafatre Jesosy hisakafo miarake tamine. Ka laha fa baka nilitre tao antragno ty Fariseo Jesosy, le nitoboke nihina teo amity latabatre.
\v 37 Ingo, nisy ampela tao antana teie mpanota. Naho laha fa nahita re fa nitoboke teo amity latavatre tao antragno ty Fariseo Re, le nanday tavoara alabastara feno menake magnitre re.
\v 38 Naho laha nitsanga tafarane teo agnila ty tombone re, le nitagny, ka nanomboke nande ty tombone tamity ranomasone, ka le finafane tamity volon-dohane reo vaho nagnoroke ty tombone naho nagnosotre reo tamity menake magnitre.
\v 39 Laha fa nahita zay reo Fariseo nagnafatre Jesosy, le nidineke, nirehake ty hoe: “Laha mpamisavisa io lahilahy io, le tokone ho haine ty hoe karazan-ampela manao akore io mikitike aze eo, fa mpanota ao.”
\p
\v 40 Jesosy namale ka nirehake tamine ty hoe: “Simona, misy zaka ho rehafeko aminao.” Hoe re ty hoe: “Rehafo zao, Mpampianako!”
\v 41 Jesosy nanao ty hoe: “Nisy mpampindram-bola nana mpitrosa roe lahy. Ty raike le tokone handoa diman-jato denaria, ty raike dimam-polo.
\v 42 Laha fa tsy afake nandoa zay tamine iereo, le sambe nengane ie roe lahy. Laha zao, ia amie roe lahy ro vatane ho tea aze?”
\p
\v 43 Simona namale aze ka nanao ty hoe: “Dineheko fa ty iaze namoezane bey.” Le hoe Jesosy tamine ty hoe: “Mare ty tsaranao.”
\v 44 Naho Jesosy nitolike tagne amity ampela ka nanao tamy Simona ty hoe: “Hitanao io ampela ao. Nilitre tato antragnonao Raho. Tsy nagnomea rano hanasa ty tomboko riha, fa re nahale ty tomboko tamity ranomasone naho namafe aze tamity volon-dohane.
\v 45 Tsy nagnoroke Ahy riha, te zisike ty nilirako tato le tsy nijano nagnoroke ty tomboke re.
\v 46 Tsy hinoso nao diloilo ty lohako, fa re nagnosotre ty tomboko tamity menake magnitre.
\v 47 Laha zao le mirehake aminao Raho fa, reo hadisoane, ndra maro, le afake_satria re lako hatea. Fa nenga kele, le tea kele.”
\v 48 Le hoe Re tamine ty hoe:' Afake reo hadisoanao.”
\p
\v 49 Reo niara-nitoboke nihina teo le nanomboke nifampirehake teo amiereo ty hoe: “Ia moa ty naho le mamototre ty heloke?”
\p
\v 50 Bakeo hoe Jesosy tamin-drampela ty hoe: “Ty finoanao ro nahavonje anao. Mandehana ampilamina.”
\c 8
\cl Toko 8
\p
\v 1 Naho tafara kele zay le nanomboke nandeha nitete tana vaho vohitse sambehafa Jesosy, nitalily vaho nagnambara ty zaka soa mikasike ty fanjakan'Agnahare. Niarake tamine reo roe ambifolo lahy,
\v 2 manahake reo ampela ilane ze afake tamity fagnahy raty vaho ty arete: Maria te atao ty hoe Magdalena, zay te fa nagnakara devoly fito;
\v 3 Johana, valy Koza, ty mpitan-draraha Heroda, naho Sosana; vaho reo maro hafa kea, zay, tamity fanagna iereo, le nagnomea ze paie iereo.
\p
\v 4 Laha mboe nisy vahoake maro nivory, le avy hamonje aze reo ndaty tamity isan-tana, Le nanao fagnohara re ty hoe:
\v 5 “Nisy mpambole niakatre mba hambole ty voane. Laha re namboleigne, le nipoke tegne andala ty ilane naho le voalialia zay, naho lany ty voron-dagnitse.
\v 6 Ty ilane kea voavole tegna amity vato, ka laha vaho niakatre le nalazo zay, satria tsy nisy lende.
\v 7 Naho ty ilane le voavole teo amity fatike, naho ty fatike niarake nitiry tamity voane ka nipake zay.
\v 8 Ty ilane voavole tegne amity tane lonake ka namoa vokatre zay soa lavitre ambone ty zato. “Tafara Jesosy nirehake reo zaka reo, le nikaike mafe re ty hoe: “Ze manan-tsofy hidranjigna, ao re hidranjy.”
\p
\v 9 Nagnontane aze reo mpianane ty amity tea ze fagnohara zay hambara.
\v 10 Hoe Re ty hoe: “Ty fahaia ty zaka mihaja ty fanjakan'Agnahare le namea anareo, fa hoahy ty hafa le mirehake amity fagnohara raho, mba hahita iereo ndra le mahita aza, naho tsy hahay ndra le maharey aza.”
\p
\v 11 Naho zao ro dika ty fagnohara: ty voane le ty safan'Agnahare.
\v 12 Reo voavole tagne amity sisin-dala le reo ze maharey, feie bakeo le niavy ty devoly ka mangalake ty tsara tao agnarofone, mba tsy hino vaho ho voavonje iereo.
\v 13 Naho reo teo amity vato kea le reo ze, laha fa maharey ty tsara, le mahazo zay amin-kafalea. Nefa tsy misy tahone reo; tsiela avao ty finoa iereo, naho amity andro fitsapa le lavo iereo.
\v 14 Reo voa voavole teo amity fatike le reo ndaty maharey ty rehake, fa laha fa mandeha amity lalane iereo, le voata ty fisalasala vaho ty harea naho ty hasoa ze havelo zao, ka tsy matoe ty voane.
\v 15 Fa ty voa voavole tamity tane soa, le reo ro, maharey ty tsara tamity arofo mare vaho soa, naho iereo mita aze soa naho namokatre ampahareta.
\p
\v 16 Naho, tsy misy ndaty, laha fa nandrehetre Jiro, le manako aze amity takone ndra manao zao ao ambane fandrea. Fa kea, manao aze eo amity fanoan-jiro, mba ho hita ty ndaty iaby ze militre ty hazava.
\v 17 Satria tsy misy tako te tsy hampahaize, ndra zaka mihaja zay tsy ho hay naho hiseho eo amity haza.
\v 18 ka midranjigna soa, ze mana, le mboe ho mea ndraike, fa riha ze tsy mana kea, ndra ze kele ataone anagnane aza le hafahe amine.”
\p
\v 19 Bakeo ty renene vaho ty rahalahine namonje aze, nefa tsy afake niharine Aze naho ty vahoake.
\v 20 Nisy nirehake tamine ty hoe:' Ty renenao vaho ty rahalahinao le mitsanga ambalike eo, te hahita anao.”
\p
\v 21 Fa Jesosy namale vaho nirehake tamiereo ty hoe: “Ty reneko vaho ty rahalahiko le reo ze maharey ty safan'Agnahare vaho manao zay.”
\p
\v 22 Naho andro raike le nandeha sambo kele Re niarake tamireo mpianane, naho re nirehake tamiereo ty hoe:' Andao tika hoegne andafe ty rano.” Le lasa iereo.
\v 23 Fa laha nandeha ay iereo le azon-droro Jesosy. Naho nisy tioke tamiereo eo, ka feno rano ty sambo kele, naho nirien-doza iereo.
\p
\v 24 Bakeo nimbamine eo namoha Aze reo mpiana Jesosy, nanao ty hoe: “Tompo o! Ho mate tika!” Naho nifoha re ka nirehake mafe ty tioke vaho ty rano magnonja, naho nitampetre reo, ka nisy alahelo teo.
\p
\v 25 Naho nirehake tamiereo Re ty hoe: “Aia ty finoanareo?” naho natahotre mafe iereo. Naho natahotre ro vaho gaga avao kea iereo, naho nifagnotane ty hoe: “Ia vao io, ro mandily ndra ty tioke vaho ty rano aza, naho magneke Aze eo?”
\p
\v 26 Iereo le nahazo ty faritre Gerasena, ty tandrife ty rano Galilea.
\v 27 Naho laha fa niakatre hombaeo antane Jesosy, le nifanoje tamity lahilahy raike bakao antana ty nisy devoly. Naho le fa re ro tsy nisiky, naho tsy nitoboke tao antragno fa tegne amity kibory.
\p
\v 28 Laha fa nahita Jesosy re, le nikorake mafe vaho nihohoke teo agnoloane ka nirehake tamity feo mafe ty hoe: “Ino iarahanao amiko, ry Jesosy, anan'Agnahare Ambone ao? Mangatake anao raho, ko mampijale ahy.”
\v 29 Fa Jesosy nandily ty fagnahy maloto hiala tao amity lahilahy. Te le fa zisike ty andro maro ro nita aze zay, ka ndra le finehe tamity sene vy vaho gadra naho niambena aza re, le pinotene ty senene naho niente ty devoly tagne agnefetre re.
\p
\v 30 Jeosy nagnotane aze ty hoe: “Ia ro agnaranao? Naho hoe re ty hoe: “Legiona,” fa maro ty demonia le fa nilitre tao amine.
\v 31 Iereo nangatake Aze zisikagne mba tsy handefa aze hoagne amity lavake tsy hita popoke.
\v 32 Naho nisy kisoa maro nihina teo agnila ty tazoa. Ka nangatake aze ty devoly mba hamototre iereo ho ao amireo, ka namototre aze re.
\v 33 Ka niakatre tao amity lahilahy ty devoly naho nifindra tao amireo kisoa, naho nilailay tagne amity lavake nimbaeo amity rano kisoa rey ka mate.
\p
\v 34 Naho laha nahita ty zaka niseho reo mpiarake kisoa, le nilay ka nitalily zay tao antana vaho tagne ambaibo.
\v 35 Laha zao le niakatre ty vahoake tao antana mba hagnete ty zaka niseho, naho namonje Jesosy iereo ka nahita ty lahilahy te niakara ty devoly. Naho re nitoboke teo antombo Jesosy, nisiky vaho vory say; naho natahotre iereo.
\v 36 Bakeo reo ze nahita zay nirehake iereo ty fomba nahafaha ty lahilahy najaka ty devoly.
\v 37 Naho ty vahoake iaby tao amity faritane Gerasena le nangatake Jesosy mba hiala amiereo eo, satria lasa natahotre mafe iereo. Laha zao le nandeha sambo kele Re mba hahafaha iereo mihere.
\v 38 Ty lahilahy niakara ty devoly le nangatake tamine mba hamototre aze handeha hiarake amine, fa Jesosy nandefa aze, nanao ty hoe:
\v 39 “Miheregna agne antragnonao ka magnomea talily feno miomba ze nataon'Agnahare taminao.” Naho ty lahilahy nandeha tamity lalane, le nagnambara magnera ty tana iaby ze natao Jesosy tamine.
\p
\v 40 Naho laha fa nihere Jesosy, le nandrae aze ty vahoake, fa iereo le fa niambe aze.
\v 41 Ingo, nisy lahilahy raike atao ty hoe Jairo, ty raike tamireo mpitarike tao amity Synagoga, namonje vaho nihohoke teo antombo Jesosy, ka nangatake aze mba hoagne antragnone,
\v 42 satria ty anakampelane toka, te ajampela teo amity roe ambifolo tao eo, le fa eo ambava ty fate. Laha nandeha tamity lalane Jesosy, le niarake nifandrombake nagnodidy aze ty vahoake maro.
\v 43 Naho nisy ampela raike teo le fa nandeha lio zisike ty roe ambifolo tao naho le fa nandany ty volane iaby, 
\f + \ft Fagnamarea: Reo manam-pahaia le mizarazara hevetre laha tokone atao eto ty fehen-tsara ty hoe: “Nandany ty volane iaby \f* naho tsy nisy nahafake aze ndra ia ia.
\v 44 Naho re le nimbaeo afara Jesosy ka nikasike ty rambon-dambane, le nijano amizay ty lione.
\v 45 Jeosy nanao ty hoe: “Ia ty nikasike Ahy teo?” Laha fa nilietre iaby, le hoe ty Petera ty hoe: “Tompo, magnodidy anao ty vahoake iaby naho manere anao.”
\p
\v 46 Fa Jesosy nanao ty hoe: “Nisy nikasike raho, satria haiko fa nisy here niala bakamiko ato.”
\v 47 Laha fa hita ty ampela fa tsy tako re, le nihotre re naho nihohoke tamine eo. Nambarane teo amaso ty ndaty ty antone nikasihane Aze, vaho ty fomba nahafake aze eo naho eo.
\v 48 Naho re nirehake tamine ty hoe: “Ry anakampela, ty finoanao ro nahafake anao. Mandehana ampilamina.”
\p
\v 49 Bakeo laha mboe nirehake re, le nisy ndaty raike bakamity tragno ty mpitarike synagoga, nanao ty hoe: “Mate ty anakampelanao. Ko manahira ty mpampianatre sase.”
\p
\v 50 Te laha fa naharey zay ty Jesosy, le namale Jairo Re ty hoe: “Ko matahotre; minoa avao, le afake re.”
\v 51 Laha fa nimbaeo antragno Re, le tsy namototre ndra le ndaty raike aza hiarake hilitre amine laha tsy Petera vaho Jaona vaho Jakoba, vaho ty rae ty kolo naho ty renene.
\v 52 Naho iaby le nandala vaho nitagny aze,
\v 53 Fa re nanao ty hoe: “Ko mitagny; tsy mate re eo fa miroro.” Le nihehe aze iereo, satria hay fa mate ty ajampela.
\v 54 Fa nalaene tamity tagnane re ka nikaike mafe, nanao ty hoe: “Anake, mitsangana!”
\v 55 Naho nihere ty fagnahine, ka niare amizay re. Naho nibaiko iereo Re mba hagnomea hane hoaze.
\v 56 Naho gaga ty rae-aman-drenene, fa Re kea nandrara iereo mba tsy hitalily ndra aminia ia ty zaka nisy.
\c 9
\cl Toko 9
\p
\v 1 Nikaike reo roe ambifolo Re naho nagnomea iereo ty here vaho fahefa amireo demonia iaby naho hagnafake reo arete.
\v 2 Nalefane iereo hitalily ty fanjakan'Agnahare vaho hagnafake ty marare.
\v 3 Hoe Re tamiereo ty hoe: “Ko manday ndra ino ino amity lianareo_tsy misy tehe, tsy misy kitapom-basy, tsy misy mofo, tsy misy vola, naho tsy misy akanjo fagnampene.
\v 4 Ze tragno iliranareo, le mijanogna ao mandra-pialanareo.
\v 5 Ndra ia ia tsy handraesa iereo anareo, laha fa mienga ze tana zay nareo, le ahintsagno hiala amity tombonareo ty deboke mba ho fisehoa vavolombelo handiera iereo.'
\p
\v 7 Naho rey Heroda mpanjaka iaby reo zaka nisy, naho le vere hevetre re, satria voareha ty ilane fa Jaona mpanao Batisa le nitsanga tamity mate,
\v 8 naho voalaza fa niseho Elia, naho ty ilane kea mirehake fa raike tamireo mpamisavisa taloha ro nitsanga amity mate.
\v 9 Hoe ty Heroda ty hoe: “Zaho ro nanam-padoha Jaona, ka ia koa ze ndaty ahareizako zaka hoe izao?” Naho niezake ty hahita Aze re.
\p
\v 10 Laha fa nihere reo apositoly, le nitalily tamine reo zaka iaby vita iereo. Bakeo nientene niarake tamine iereo, naho nandeha nitoka hoamity tana atao ty hoe Betsaida.
\v 11 Fa vaho naharey ty miomba zay reo vahoake, le nagnorike Aze. Le niraesene iereo naho nambarane iereo ty miomba ty fanjakan'Agnahare, naho nagnafake reo ze nipay fagnafaha Re.
\p
\v 12 Naho laha fa ho hariva ty andro, le namonje aze reo roe ambifolo ka nanao ty hoe: “Ampandenao vahoake reo mba hahafaha iereo mandeha agne amireo tana magnodidy vaho ambanevohitre mba hahita firoroa vaho hane, satria amity tane foa atoy tika.”
\p
\v 13 Fa hoe Re tamiereo ty hoe: “Ameonareo zaka ho hane iereo.” Naho nirehake iereo hoe: “Tsy mana laha tsy mofo dime vaho fia roe zahay_laha tsy hoe mandeha zahay naho mivily hane hoahy reo ndaty iaby reo.”
\p
\v 14 (Teo le nisy teo amity lahilahy dime arivo eo). Naho nirehake tamireo mpianane Re ty hoe: “Anovo kidimampolo isane iereo.”
\v 15 Ka le nanao zay iereo, naho nampitoboke reo vahoake.
\v 16 Nandrae reo mofo dime vaho fia roe, le nagnandrandra ty lagnitse re, nisaotre reo naho zinarazarane, ka le nameane reo mpianatre zay mba ho tolora reo vahoake.
\v 17 Nihina ie iaby ka afa-po, naho naovry ze sisa tsy lany_ka nisy pitopitone roe ambifolo haro.
\p
\v 18 Naho laha fa nivavake arere Jesosy, le niarake tamine reo mpianatre. Le nagnotane iereo Re, nanao ty hoe: “Ataonareo vahoake ho ia vao raho?”
\p
\v 19 Namale iereo ty hoe: “Jaona Mpanao batisa. Fa ty ilane nanao ty hoe Elia, naho ty ilane mirehake fa nitsanga amity mate ty raike tamireo mpamisavisa taloha.”
\p
\v 20 Naho nirehake tamiereo re ty hoe: “Fa ataonao ho ia vao Raho?” Namale Petera ty hoe: “Ty kirisitin'Agnahare.”
\p
\v 21 Fa rinara mafe iereo tsy hitalily zay ndra aminia ia,
\v 22 nanao hoe: “Ty anagn'Ondaty le tsy mahaintsy hijale amity zaka maro naho ho liere reo olobey vaho loha ty mpisoro naho reo mpanora-dily, ho vonoe Re naho amity andro fahatelo le hatsanga.”
\p
\v 23 Naho hoe Re tamie iaby ty hoe: “Laha misy tehagnorike Ahy, le tsy mahaintsy milietre ty vatane re naho manday hetae fijaleane isan'andro naho magnorike Ahy.
\v 24 Ndra ia ia te hagnavotre ty arofone le hagnary zay, fa ndra ia ia magnary ty arofone naho ty fitea Ahy le hagnavotre zay.
\v 25 Ino ro soa azo ty ndaty amity fanagna zao iaby zao, kanefa magnary ndra mamoteke ty arofone?
\v 26 Fa ndra ia ia megnatre ty amiko vaho reo rehako, le ho megnatre aze kea ty Ndaty laha fa avy amity hasine, vaho ty hasy ty Rae vaho reo anjele masy Re.
\v 27 Fa rehafeko mare aminareo, fa ty ilane amireo ze mitsanga eto le tsy hahita fate aloha ty hahitane ty fanjakan'Agnahare.”
\p
\v 28 Naho valo andro teo eo tafara ty nitalilia Jeosy reo rehake reo, le nientene niarake tamine Petera vaho Jaona naho Jakoba ka niakatre ty vohitse hivavake.
\v 29 Laha nivavake ey re, le niova ty toera ty tarehene, naho nivalike foty bey ty akanjone.
\v 30 Ingo, nisy roe lahy nirehake tamine, Mosesy vaho Elia,
\v 31 te niseho tamin-kasy mamirapiratre. Nirehake miomba ty fialane Re, te hoentene hatao agne Jerosalema.
\v 32 Naho Petera vaho reo ze niarake tamine le navesatre ty roro, fa laha fa vatane taitre vatane iereo, le nahita ty hasine vaho reo lahilahy roe ze nitsanga niarake tamine.
\v 33 Naho laha fa niala nagnalavitre Jesosy iereo, le hoe ty Petera tamine hoe: “Tompo, soa amintika ty mijano eto. Engao zahay hamboatre aloke eto, raike ho anao, raike hoahy Mosesy, naho raike hoahy Elia.” (Tsy haine ty ho rehane.)
\v 34 Teo ampirehafa zay re, le nisy raho niavy nanako iereo, ka le natahotre iereo laha fa nilitre tao amity raho.
\p
\v 35 Nisy feo niakatre bakagne amity raho, nanao ty hoe: “Ty ro anadahiko, ty raike ty voafily; dranjigno re.”
\v 36 Laha fa nirehake ty feo, le Jesosy arere avao ro hita teo. Nita ty filaminane iereo naho tsy nirehake taminia ia tamize andro zay ty miomba iaby ze hita iereo.
\p
\v 37 Naho ty andro magnarake eo, laha fa nandeha bakagne ambohitre iereo, le vahoake maro nifanoje tamine.
\v 38 Ingo, nisy lahilahy raike bakao amity vahoake ro nikorake mafe, nanao ty hoe: “Ry mpampianatro, managatake aminao raho mba hagnete ty anadahiko toy, fa anako toka re.
\v 39 Hitanao, misy fagnahy mibaiko aze le mikorake tampoke re; mampifaninto aze zay ka mampamore ty vavane. Tsy miala amine zay naho mampaletre aze vatane.
\v 40 Nangatake tamireo mpiananao raho mba hagnafake zay, fa tsy afa iereo.”
\p
\v 41 Namale Jesosy ka nanao ty hoe: “Nareo tsy mpino vaho foko raty etam-bata, jale ro tsy mahaintsy hitobohako miarake aminareo vaho hiaretako miarake aminareo? Andeso etoy ty anagnao lahy.”
\v 42 Laha fa namonje ty ajalahy, le natora ty devoly tamity tane re naho nampiotakotake aze. Fa Jesosy nirehake mafe ty fagnahy maloto naho nagnafake ty ajalahy, naho nampimpoly aze tagne amity raene.
\v 43 Naho bakeo le vere iaby ie iaby nahita ty habein'Agnahare. Laha gaga tamity zaka iaby nataone igne iereo, le hoe Re tamity mpianane ty hoe: 
\v 44 “Engao ty tsara toa ho lasa laleke ao antsofinareo: ty anagn'Ondaty le hivadiha eo antagna ty ndaty.”
\v 45 Fa tsy azo iereo ze fagnambara zay. Zay le nahaja tamiereo, laha zao le azo iereo ty dika zay, naho mboe natahotre iereo ty hagnotane ty miomba ze fagnambara zay.
\p
\v 46 Naho bakeo nisy fifandiera nanomboke teo amiereo ty amize ho bey vatane amiereo.
\v 47 Fa Jesosy, nahay hevetre tagne agnarofo iereo, le nangalake aja raike ka natobone tagnilane eo
\v 48 naho nirehake tamiereo ty hoe: “Fa ndra ia mandrae ty kolo toy amity agnarako, le mandrae Ahy; naho ndra ia ia mandrae Ahy, le mandrae ty Rae nagnirake Ahy. Fa ze kele vatane aminareo iaby ro ho bey.”
\p
\v 49 Jaona namale ty hoe: “Tompo, nahita ndaty raike zahay nagnafake devoly tamity agnaranao le nisakanenay re, satria re tsy magnara-dia miarake aminay.”
\p
\v 50 “Ko rara re,” hoe ty Jesosy, “satria ze tsy mandietre anareo le miomba anareo.”
\p
\v 51 Laha fa niharine ty andro ampianara Aze, le nitarike hoagne Jerosalema Re.
\v 52 Nandefa mpanday talily re hoalohane, naho nandeha iereo ka nilitre tao amity tana Samaritana raike mba hagnoma ty zaka iaby hoaze.
\v 53 Fa ty vahoake tao tsy nandrae aze, satria nitolike hoagne Jerosalema Re.
\v 54 Laha fa nahita zay ty Jakoba vaho Jaona mpianatre, le hoe iereo ty hoe: “Tompoko, teanao vao zahay laha handefa afo mipoke bakagne andagnitse mba hamoteke iereo?”
\v 55 Fa nitolike re naho nirehake mafe tamiereo,
\v 56 naho nandeha agne amity tana hafa iereo.
\p
\v 57 Naho laha fa nandeha tegne andala iereo, le nisy ndaty raike nirehake tamine ty hoe: “Hagnorike anao raho ndra aia aia hombanao.”
\p
\v 58 Jesosy nirehake tamine ty hoe: “Ty amboadala manan-davake, naho reo voro egne andagnitse mana ty tragnone, fa ty Ndaty tsy mana ty toera hisiane ty lohane.”
\v 59 Naho hoe Re tamity hafa ty hoe: “Magnoriha Ahy.” Fa hoe re ty hoe: “Tompoko, engao he raho handeha handeve ty raeko.”
\p
\v 60 Fa hoe Re tamine ty hoe: “Engao ty mate handeve ty mate ao amine. Fa hoanao, mandehana ka mitalilia agne lavitre agne naho habeizo ty fanjakan'Agnahare.”
\p
\v 61 Naho nisy ndaty hafa nanao ty hoe: “Hagnorike anao raho, Tompo, fa engao raho he hanao veloma iereo agne antragnoko.”
\p
\v 62 Jesosy namale aze ty hoe: “Tsy misy ndaty mita fangaly naho mimpoly ka hosoa ho ao amity fanjakan'Agnahare.”
\c 10
\cl Toko 10
\p
\v 1 Naho tafara rey zaka rey, le nifily fitompolo lahy 
\f + \ft Fagnamarea: Maro amireo fandika taloha soa vatane ro mivalike ty hoe: “Fitompolo,” Fa ty ilane mivaky ty hoe: “roe ambi-fitompolo.” \f* hafa ty Tompo, naho nandefa aze rey kiroe-roe niaolo aze tagne amity tana iaby vaho toera ze le fa hombane.
\v 2 Hoe Re tamiereo ty hoe: “Bey ty vokatre, fa kele ty mpiasa. Laha zao angataho ty Tompo ty vokatre mba handefa mpiasa mba hoegne amity vokatre.
\v 3 Mandehana amity lalanareo. Henteo, alefako manahake ty anakagnondry eo ampagnivoa ty amboan'ala nareo.
\v 4 Ko manday fitoeram-bola, ndra fisienta, ndra kapa, naho ko manalama ndra ia ia egne andala.
\v 5 Ze tragno iliranareo, rehafo aloha ty hoe:' Fiadagna anie ho amity tragno toy!'
\v 6 Laha misy ndaty ty fiadagna ao, le hitoboke amine ty fiadagna ze rehafenareo, fa laha tsy misy kea, le hihere aminareo zay.
\v 7 Mitoboha ao amio tragno io avao, mihinana vaho minoma ze amea iereo, fa ty mpiasa le soa amity karamane. Ko mifindrafindra tragno.
\v 8 Fa amize tana iliranareo, ka mandrae anareo, hano ze atao eo alohanareo,
\v 9 naho afaho ty marare ze ao. Rehafo iereo ty hoe:' Le fa miharine anareo ty fanjakan'Agnahare.'
\v 10 Ndra mbia mbia nareo ro militre tana ka tsy mandrae anareo iereo, le miakara egne andala naho rehafo ty hoe:
\v 11 'Fa ndra ty deboke ty tagnanareo te mipiteke amity tombonay aza le ho fafanay handietre anareo! Haizo anefa zao: Le fa miharine anareo ty fanjakan'Agnahare.'
\v 12 Rehafeko aminareo fa amity andro ty fitsara le ho azo lefere kea ty ahy Sidona naho ty ahy ze tana zay.
\p
\v 13 Loza ho anao, ry Korazina! Loza ho anao, ry Betsaida! Fa laha ty asa foloay ze natao tao aminao ro natao tagne Tyro vaho Sidona, le fa ela iereo ro nibebake, nitoboke tamity lamba fandala vaho lavenoke.
\v 14 Fa ho azo lefere kea ty ahy Tyro vaho Sidona amity fitsara naho ty aminareo.
\v 15 Riha, ry Kapernaomy, midineke vao riha fa ho akare egne andagnitse? Aha, ho ente mandeha agne amy Hadesy riha.
\p
\v 16 Ze midranjy anareo le midranjy ahy, naho ze milietre anareo le milietre ahy, naho ze milietre ahy le milietre ty nagnirake ahy.”
\p
\v 17 Nihere ankafalea reo fitom-polo, ka nanao ty hoe: “Tompo, ndra le ty devoly aza le nagneke anay tamity agnaranao.”
\v 18 Jesosy nirehake tamiereo ty hoe: “Nagnete ty Satana nipoke bakagne andagnitse hoe ty helatse raho.”
\v 19 Henteo, fa le fa nameako anareo ty fahefa handia ty menara, ty mengoke, naho ambone ty here iaby ty fahavalo, naho ndra ino ino le tsy hisy hamere anareo amity fomba iaby.
\v 20 Ndra le zay aza le ko fale amizay avao, ka nagnenke anareo ty fagnahy, fa mifalea kea ty hoe voasoratre agne andagnitse ty agnaranareo.”
\p
\v 21 Tamio andro o avao le nifale vatane tao amity fagnahy masy re, naho nanao ty hoe: “Miantsa anao Raho, ry Rae, Tompo ty lagnitse vaho ty tane, te le fa nahajanao rey zaka rey tamity mare vaho ty manantsay, naho natalily tamireo tsy manampahaia, ty aja kele. Eka, Raeko, fa zay ro teave soa amasonao eo.”
\v 22 Ty zaka iaby le nankine ty Rae tamiko, naho tsy misy mahay ty hoe ia ty Anake laha tsy ty Rae, naho tsy misy mahay ty hoe ia ty Rae laha tsy ty Anake vaho ze finily ty Anake hatoro Aze.”
\p
\v 23 Bakeo le nihere teo amireo mpianatre Re ka nitalily milamy ty hoe: “Sambatre ze mahita reo zaka ze hitanareo.
\v 24 Ataliliko aminareo, mpamisavisa vaho mpanjaka maro ro nagniry hahita ze zaka nihitanareo, fa tsy hita iereo zay, naho haharey reo zaka ze reinareo, fa tsy rey iereo zay.”
\p
\v 25 Ingo, nisy mpampianatre ty lily ty Jiosy raike nitsanga mba hitsapa Aze, ka nanao ty hoe: “Mpampianako, ino ro tsy mahaintsy hataoko mba handova ty havelo zisikagne?”
\p
\v 26 Jesosy nanao tamine ty hoe: “Ino ro voasoratre ao amity lily? Akore ro famakianao zay?”
\p
\v 27 Nagnomea valendrehake re le nanao ty hoe: “Teavo ty Tompo Zagnaharenao amity arofonao iaby, amity fagnahinao iaby, amity herenao iaby, naho amity sainao iaby, naho ty namanao manahake ty vatanao.”
\p
\v 28 Jesosy nirehake tamine hoe: “Mare ty navalenao. Anovo zay, le ho velo riha.”
\p
\v 29 Fa ty mpampianatre, nagniry hagnamare ty vatane, le nirehake tamy Jesosy ty hoe: “Ia ro namako?”
\p
\v 30 Namale aze Jesosy nanao ty hoe: “Nisy lahilahy raike nibakagne Jerosalema hoagne Jeriko. Re le niazo ty mpandrava, teie nagnafake ty hanagnane iaby tegne amine, vaho namofoke aze, naho namototre aze teie le fa ho mate.
\v 31 Naho sendra nisy mpisoro nandrio tamize lala zay, naho nahita aze re, le nandeha tegne andafe.
\v 32 Hoe izay kea ty Levita raike, laha fa nandrio tamity toera ka nahita aze, le nandeha tegne andafe.
\v 33 Fa nisy Samaritana raike, laha fa nandeha tamity niombane re, le niavy teo amity nisy aze. Laha fa nahita aze re, le nitsereke aze.
\v 34 Le namonje aze re ka namehe ty ferene, naho nagnily menake vaho divay tamizay. Nampitikirene ty bibine re, ka nientene tagne amity tragnom-bahiny, naho kinara-karane.
\v 35 Ty hamaray le nangalake denaria roe re, naho nanolotre zay tamity tompon-tragno, naho nanao ty hoe:' Kara-karao re, naho ndra fire-fire laninao tafahoatre, laha fa mihere raho, le haloako.'
\v 36 Ia amie telo reo, arake ty eretrerenao, ro nama ty azo ty mpandrebake?”
\p
\v 37 Namle ty mpampianatre ty hoe: “Ty raike ze nanao fiferenaigna amine.” Jesosy nirehake tamine ty hoe: “Mandehana naho manova hoe izay kea.”
\p
\v 38 Naho laha-niara nandeha iereo, le nilitre tao amity tana raike Re, naho nisy ampela raike atao ty hoe Marta nampandroso aze tao antragnone.
\v 39 Nana rahavave atao ty hoe Maria re, ty nitoboke teo antombo ty Tompo naho naharey ty safane.
\v 40 Fa Marta sahiram-bey tamity fikara-kara ty sakafo haroso. Nimbaeo amy Jesosy re, le nanao ty hoe: “Tompo, tsy mampagnino anao vao ty namotora ty rahavaveko ahy hanompo arere? Ka rehafo re mba hagnampe ahy.”
\p
\v 41 Fa namale ty Tompo ka nanao tamine ty hoe: “Marta, Marta, i misalasala amity zaka maro bey riha,
\v 42 kanefa zaka raike avao ro vatane paie. Maria le fa nifily ze soa vatane, te tsy hafaha amine.”
\c 11
\cl Toko 11
\p
\v 1 Le zao ro niseho laha fa nivavake tao amity toera raike Jesosy, nisy raike tamireo mpianane nirehake tamine hoe: “Tompo, mba anaro mivavake zahay hoe ty nampianara Jaona reo mpianane.”
\p
\v 2 Hoe Jesosy tamiereo ty hoe: “Laha fa mivavake nareo le rehafo ty hoe:' Ray o, ho hamasigne anie ty agnaranao. Ho avy anie ty fanjakanao.
\v 3 Ameo anay ty hanenay isan'andro.
\v 4 Engao ty hadisoanay, manahake ty nagneganay ze meloke taminay. Ko manday anay ho amity fangalam-pagnahy.”
\p
\v 5 Jesosy nirehake tamiereo ty hoe: “Ia aminareo ro hana nama, naho handeha hoagne amine amity vakimira-hale, naho hanao amine ty hoe:' Ry nama, mba ampindramo mofo telo raho,
\v 6 fa misy namako raike vaho avy lavitre, naho tsy mana ndra ino ino haroso hoaze raho.'
\p
\v 7 Naho mete hamale aze ty raike tao antragno ka hanao ty hoe:' Ko magnelengele ahy.' Le fa mihily varavara, naho ty anako, le fa ampandrea eo, miarake amiko. Tsy afake mitsanga raho hagnomea mofo anao.'
\v 8 Mitalily aminareo raho, fa ndra le tsy mitsanga vaho magnomea mofo anareo aza re satria namane nareo, le naho ty zizonareo ty misy hegnatre, le hitsanga re naho hagnomea anareo ty mofo iaby ze paienareo.
\v 9 Mboe mitalily aminareo kea raho, Mangataha, le hamea anareo zay; mipaia, le hahita nareo; dondogno, le ho voha nareo.
\v 10 Fa ty ndaty iaby ze mangatake le mahazo, naho ze mipay le mahita; naho ze ndaty mandondo, le ho voha.
\v 11 Ia mainareo raem-poko reo ro, laha mangatake fia ty anagnareo, le homea aze ty mere fa tsy fia? 
\f + \ft Fagnamariha: Reo fandika soa vatane misy vaki-tene bory kea, zay orihentika eto. Ty fandika taloha ilane le misy vakitene lavalava kea, hitake ao amity Matio 7: 9 avao kea: “Raem-poko ia aminareo, laha mangatake mofo ty anagnareo, ro hagnomea aze vato? Ndra fia, le hagnomea aze mere?” \f*
\v 12 Ndra laha mangatake atoly re, le homeanareo mengoke vao re?
\v 13 Laha zao, laha nareo raty fagnahy aza mahay magnomea fagnomea soa hoahy ty ananareo, le akore ty habey ty Fagnahy Masy homea ty raenareo zay agne andagnitse hoahy reo ze mangatake amine?”
\p
\v 14 Naho Jesosy nandroake devoly moa. Laha fa niakatre ty devoly, le lasa nahay nirehake ty lahilahy moa, naho le gaga ty vahoake.
\v 15 Fa ty ndaty ilane nirehake fa: “Amity alala Belzaboba, ty mpitarike ty devoly, ro androahane devoly.”
\v 16 Ty ilane nitsapa Aze naho nipay famantara bakagne andagnitse tamine.
\p
\v 17 Nefa hay Jesosy ze tao antsay iereo ka nirehake tamiereo Re ty hoe: “reo fanjaka iaby ze mizara-zara le ho rava, naho ty tragno ze mizara-zara le hirotsake.”
\v 18 Ka laha mialy antragno are ty Satana, akore ty hampahiratre ty fanjakane? Fa hoe nareo ty hoe mandroake devoly amity alala Belzaboba Raho.
\v 19 Fa laha mandroake devoly amity alala Belzaboba are Raho, amity alalan'ia kea ro androaha ty mpagnori-dia anareo aze? Laha zao, le iereo ro hitsara anareo.
\v 20 Fa laha mandroake ty devoly amity alala ty rambotagnan'Agnahare Raho, le avy aminareo ty fanjakan'Agnahare.
\p
\v 21 Laha fa ampe fiasa soa ty lahilahy mahere raike miambe ty tragnone, le voaaro ty hareane,
\v 22 nefa kea laha mahere naho re ty lahilahy raike ka maharese aze, le alae ty lahilahy mahere kea amity lahilahy ty fialiane, naho halaene ty fanagna ty lahilahy.
\v 23 Ze tsy miarake amiko le mandietre ahy, naho ze tsy mivory miarake amiko le misarake.
\p
\v 24 Laha fa miala amity ndaty raike ty fagnahy raty, le lasa re mamakivaky toera tsy misy rano naho mipay fitofa. Naho laha fa tsy mahita, le hoe re ty hoe:' Handeha hihere agne amity tragno nahaviako raho.'
\v 25 Laha fa tafim-poly, re le mahita ze tragno zay malio naho milamy.
\v 26 Bakeo le lasa re naho mangalake fagnahy hafa raty mihoatre ty vatane misake fito miarake amine re naho le militre mba hitoboke ao ie iaby. Ka raty naho ty voalohane ty hiafara ze ndaty zay.”
\p
\v 27 Naho laha nirehake reo zak reo re, le nisy ampela raike nagnakatre ty feone tao agnate vahoake naho nanao tamine ty hoe: “Sambatre ty troke ze niterake anao vaho ty nono ze ninonoanao.”
\v 28 Fa hoe re kea ty hoe: “Sambatre, kea aze, reo ze midranjy ty safan'Agnahare vaho mita zay.”
\p
\v 29 Naho laha mitombo ty vahoake, le nanomboke nirehake Jesosy ty hoe: “Ty foko toy le foko raty. Mipay famantara re, nefa tsy hisy famantara atoro aze laha tsy ty famantara Jona.
\v 30 Fa manahake ty nahavy Jona ho famantara tamireo Ninivita, hoe zay kea le ho famantara ty anagn'Ondaty amity foko toy.
\v 31 Ty Mpanjaka vave ty Antimo le hitsanga amity fitsara miarake amireo lahilahy amity foko toy ka ho meloke iereo, fa avy bakagne amity fara ty tane re mba hidranjy ty hamarea Solomona, naho ingo, eto ty ndaty bey naho Solomona.
\v 32 Ty lahilahy Ninive le hiarake hitsanga amity foko toy amity fitsara naho homeloke aze, satria nibebake tamity nitalilia Jona iereo, naho ingo, misy ndaty bey naho Jona eto.
\p
\v 33 Tsy misy ndaty raike, laha baka nandrehetre Jiro, le manao zay amity toera tako ndra oa ambane ty haro, fa atao eo amity fisy jiro, mba ho hita ze militre ty hazava.
\v 34 Ty masonao ro jiro ty vata. Laha fa soa ty masonao, le feno hazava ty vata iaby. Fa laha raty kea ty masonao, le feno maieke ty vatanao.
\v 35 Laha zao, miambena nareo mba tsy haieke ty hazava aminareo ao.
\v 36 Naho, laha feno hazava naho ty vatanao iaby, ka tsy misy agnila zay amity ieke, le hanahake ty jito ze mampamiratre ty hazavane aminao eo ty vatanao iaby.
\p
\v 37 Laha fa vita ty rehane, le nisy Fariseo nagnafatre aze hisakafo amine antragnone agne, le nilitre Jesosy ka nitoboke.
\v 38 Gaga ty fariseo fa tsy nisasa he Jesosy aloha ty hihina.
\v 39 Fa hoe ty Tompo tamine ty hoe: “Henanezao, Nareo Fariseo, le magnalio ty ambaly ty kopy vaho ty finga, nefa ty ao agnate reo le feno rebake vaho raty.”
\v 40 Nareo ry kele say! Tsy nanao ze ao agnate avao kea vao ze nanao ty ambalike?
\v 41 Ameo ty mahantra ze agnatene ao, le halio hoanareo iaby ty zaka iaby.
\p
\v 42 Fa loza ho anareo ry Fariseo, satria mandoa ty ampahafolo ty solila vaho ty rota naho ty hetae hafa egne ambaibo nareo, nefa tsy niraharahanareo ty hamarea vaho ty hatean'Agnahare. Paie ty manao ty mare vaho mitean'Agnahare, ro vaho tsy magnaligno ty manao reo zaka hafa avao kea.
\v 43 Loza ho anareo ry Fariseo, fa teanareo ty toera voalohane egne amity synagoga vaho ty salama lako fagnaja anareo egne ambazary.
\v 44 Loza ho anareo, fa nareo le manahake ty kibory tsy misy famantara te lia ty ndaty fa tsy haine zay.
\p
\v 45 Ty raike tamireo mpampianatre lily nirehake tamie hoe: “Mpampianatre, ze tsaraenao zay le magnaraty anay kea.”
\p
\v 46 Jesosy nanao ty hoe:' Loza ho anareo, ry mpagnana-dily! Fa mpampinday enta-mavesatre tsy zaka ty ndaty nareo, nefa tsy mikasike ze enta mavesatre zay kea ndra le ty rambotagna nareo raike aza.
\v 47 Loza ho anareo, satria magnore kibory hoahy reo mpamisavisa nareo, nefa ty razambeinareo ro namono iereo.
\v 48 Ka vavolombelo naho magneke ty asa ty razanareo nareo, fa namono iereo vatane iereo naho nareo ro magnore ty kiborine.
\v 49 Laha zay avao kea, ro nagnambara ty hamarean'Agnahare ty hoe:' Handefa mpamisavisa vaho apositoly amiereo Raho, naho iereo hamono vaho hagnia ty ilane amiereo.”
\v 50 Ty foko toy, zay, ro ho tomponantoke amity lio reo mpamisavisa iaby nipoke zisikamity nahavita zao iaby zao,
\v 51 nanomboke teo amity lio Abela ka zisikamity lio Zakaria, te vinono teo ampagnivoa ty alitara vaho ty toera masy. Eka, ataliliko mare aminareo, fa ty foko toy ro ho tomponantoke.
\v 52 Loza ho anareo ry mpampianatre ty lily Jiosy, satria nalaenareo ty lakile ty fahaia; tsy militre ao ty vatanareo, naho sakananareo reo ze militre.”
\p
\v 53 Tafara ty niala Jesosy teo, le nandietre Aze ty mpanora-dily vaho ty Fariseo naho nialy hevetre tamine mikasike ty zaka lako,
\v 54 vaho niezake ty hamandrike Aze tamity rehane avao.
\c 12
\cl Toko 12
\p
\v 1 Tamizay, laha fa niarake nivory ty vahoake agnarivone maro, maro loatre ka nifandia kitro iereo, voalohane vatane le nanomboke nirehake tamiereo mpianane Re ty hoe: “Ambeno ty masirasira reo Fariseo, te fihatsaram-belatsihy.
\v 2 Fa tsy misy tako ze tsy hatoro, naho tsy misy mihaja te tsy ho hay.
\v 3 Ka ndra ino ino ro rehafenareo tao amity ieke le ho rey ao amity mazava, naho ze rineha nareo tantsofy eo tagnate tragno le hatalily egne ambone tragno.
\p
\v 4 Mitalily aminareo raho ry namako, ko matahotre reo ze mamono ty vatane, naho afara zay le tsy misy ndra ino ino azone atao sase.
\v 5 Fa hampiambe anareo Raho ty amize hatahora. Matahotre ty Raike zay, laha fa baka mamono, le mana ty fahefa ty hagnary anareo agne amity afobey. Eka, mirehake aminareo raho, matahora Aze.
\v 6 Tsy avily farantsa kele roe vao ty tsintsigna dime? Kanefa tsy misy raike amirey ty haligno eo amason'Agnahare.
\v 7 Fa ndra ty volon-dohanareo aza le voa isake iaby. Ko matahotre. Fa manan-danja mihoatre naho ty tsintsigne maro nareo.
\p
\v 8 Hoe raho aminareo, iaby ze magneke Ahy eo agnoloa ty ndaty, ty anagn'Ondaty avao kea le hagneke aze eo agnoloa reo anjelen'Agnahare,
\v 9 fa ze milietre Ahy eo agnoloa ty ndaty le ho liere eo agnoloa reo anjelen'Agnahare.
\v 10 Iaby ze mirehake mandietre ty anagn'Ondaty, le henga amine zay, fa iaby ze mirehake raty mandietre ty Fagnahy Masy kea, le tsy ho vototre zay.
\v 11 Laha fa manday anareo eo agnoloa ty Synagoga, reo mpandily, vaho reo manam-pahefa iereo, le ko misalasala ty amizay ho fomba firehanareo ho fiarovanareo, ndra ze ho rehafenareo,
\v 12 satria ty Fagnahy Masy ro hampianatre anareo ze tokone ho rehafenareo amize andro zay.”
\p
\v 13 Bakeo nisy ndaty raike bakao amireo vahoake nirehake tamine ty hoe: “Ry mpampianatre, rehafo ty rahalahiko mba hizara ty lova amiko.”
\p
\v 14 Jesosy nirehake tamine ty hoe: “Ralehilahy, ia ro nanao Ahy ho mpitsara ndra mpanarake anareo?”
\v 15 Hoe Re tamiereo ty hoe: “Miambena mba hitana nareo ty vatanareo lavitre reo fagnirian-draty iaby, satria ty fiaigna ty ndaty raike le tsy mianky amity halako ty fanagnane.”
\p
\v 16 Bakeo Jesosy nanao fagnohara raike tamiereo, nanao ty hoe: “Namokatre bey ty baibo ty lahilahy mpagnarivo raike,
\v 17 naho nagnotane-vata re, nanao ty hoe:' Ino ro hataoko, fa tsy mana toera hisia reo vokako reo raho?'
\v 18 Hoe re ty hoe:' Ezao ro hataoko. Herebako ty tragno fisy ty vokako le hagnore bey hafa raho, naho ao ro hasiako ty vokako vaho reo vokatre hafa.
\v 19 Le hirehake amity fagnahiko raho ty hoe: “Ry fagnahy, riha le mana vokatre maro voatahiry ho amity tao maro. Mitofa soa, mihinana, minoma, mifalea.”'
\p
\v 20 Fa Zagnahare nirehake tamine ty hoe:' Ralehilahy gege, androany ty fagnahinao ro halae aminao, ka reo zaka ze vinognonao, ho aia reo?'
\p
\v 21 Zay ty ndaty ze mamoy harea hoahy ty vatane naho tsy manan-karea magnoloan'Agnahare.”
\p
\v 22 Jesosy nirehake tamireo mpianane ty hoe: “Laha zao le rehafeko aminareo, ko matahotre ty amity arofonareo-te ho hanenareo, ndra ty miomba ty vatanareo-te ho sikinareo.
\v 23 Fa ty arofo le mandako ty sakafo, naho ty vata le mandako naho reo siky.
\v 24 Dineho ty Goake, tsy mambole rey ndra mihaza. Tsy mana fisy vokatre rey ndra tragno famoria, kanefa amean'Agnahare hane rey. Manahake ty akore ty fihoaranareo lanja mihoatre naho reo voro!
\v 25 Ia aminareo ro afake magnampe metatre raike ty andro ivelognane amity fitahia?
\v 26 Ka laha ze zaka kele vatane zay aza tsy hainareo atao, nagnino nareo ro misalasala ty amity sisa?
\v 27 Dineho reo lilia-manao akore ty fitirine. Tsy miasa rey, ndra mambole. Kanefa rehafeko aminareo, ndra Solomona tamity hasine iaby aza tsy nisiky manahake ty raike tamirey.
\v 28 Laha sikinen'Agnahare manahake zay reo akata egne ambaibo, ze eo androany, naho ty hamaray le aria agnate fata, hoe ty akore ty hanikinane anareo mihoatre lavitre naho zay, nareo ry kele finoa o!
\v 29 Ko mipay ze ho hanenareo vaho ze ho nomenareo, naho ko misalasala.
\v 30 Fa reo firene iaby eto amizao iaby zao reo le mipay rey zaka rey, naho hay ty Raenareo fa mipay rey nareo.
\v 31 Fa paio ty fanjakane, le homea ho fagnampene ho anareo rey zaka rey.
\p
\v 32 Ko matahotre, ry agnodry kele, satria ty Raenareo le vatane fale ty hagnomea anareo ty fanjaka.
\v 33 Avilio reo fanagnanareo naho ameo ty mahantra. Manova fisy vola ho ahy ty vatanareo ze tsy mete ho rovitre-harea agne andagnitse zay tsy mete lany, te tsy misy mpangalatre miharine, nahon tsy misy neno manimba.
\v 34 Fa agne amizay hitoboha ty harenanareo, le ho agne avao kea ty arofonareo.
\p
\v 35 Ao ty akanjo lavanareo hasikinareo ty valahanareo, naho ao ty jironareo hirehetre zisikagne,
\v 36 naho manova manahake reo ndaty miambe ty tompone hihere bakagne amity fagnakaram-baly, mba laha fa avy re ka mandondo, le ho afake hamoha ty varavara hoaze amizay iereo.
\v 37 Sambatre reo mpanompo, ze hita ty tompone fa niambe laha fa avy re. Ambarako mare aminareo, fa hisiky ty lamba lavane amity valahane re, naho hampitoboke iereo eo andatabatre, ka hoavy re naho hanompo iereo.
\v 38 Laha fa hoavy amity lera faharoe amity hale ty tompo, ndra amity lera fahatelo aza, ka mahita aze reo vogno, le ho sambatre reo mpanompo reo.
\v 39 Ho fagnampe zay le haizo zao, fa laha hay ty tompo tragno ty lera hahavia ty mpangalatre, le tsy nienga ty tragnone ho vakie re.
\v 40 Mivognona avao kea, fa tsy hainareo ty lera hiavia ty anagn'Ondaty.”
\p
\v 41 Petera nanao ty hoe: “Tompo, aminay avao vao ro irehafanao ze fagnohara zay, sa amityy ndaty iaby avao kea?”
\p
\v 42 Ty Tompo nanao ty hoe: “Ia are ro mpita matoky vaho mare ze ho tendre ty tompone ho ambone reo mpanompone hafa mba hagnomea iereo ty anjara hane iereo amity andro mete?
\v 43 Sambatre ze mpanompo zay, te hita ty tompone manao zay laha fa avy re.
\v 44 Ataliliko mare aminareo fa ho tendrene handily ty fanagnane iaby re.
\v 45 Fa laha mirehake ao ampone ze mpanompo zay ty hoe:' Nahemo ty tompoko ty fiheregnane,' ka manomboke mamono reo mpanompo lahy vaho vave, naho mihina vaho mino, ka lasa mamo,
\v 46 ty tompo ze mpanompo zay le hoavy amity andro tsy ampoieze, naho amity lera tsy haine, naho hanampatampake aze ka hagnoma toera hoaze miarake amireo tsy matoky.
\v 47 Ze mpanompo zay, nahay ty sitrampo ty tompone, kanefa tsy nivogno ndra nanao arake ty sitrampone, le ho fofohe amity famofoha maro.
\v 48 Fa ze tsy nahay naho nanao ze soa ahazoa fofoke kea, le ho fofohe amity famofoha kele. Fa reo iaby ze nomea bey, le ho bey kea ro ho takea amine, naho reo ze nagnakina bey, le ho bey lavitre aza ro hangatahe amine.
\p
\v 49 Avy Raho hanorake afo egne ambone ty tane, naho hoe ty akore ty fagniriako mba hireheta zay sahady.
\v 50 Fa mana fanoam-batisa mba hanoa batisa raho, naho hoe ty akore ty fijaleako mandra-pahalefea zay!
\v 51 Midineke vao nareo fa avy Raho mba handay fiadagna eto antane? Aha, mitalily aminareo raho, fa fisaraha aza.
\v 52 Manomboke zao le hisy dime ao amity tragno raike te hisara-tsarake ndaty telo mandietre ty roe, naho ndaty roe mandietre ty telo.
\v 53 Hisara-tsarake iereo, ty rae handietre anadahy, naho ty anadahy handietre ty rae; ty rene handietre ty anak'ampela naho ty anak'ampela handietre ty rene; ty rafozam-bave handietre ty vinanto vave, naho ty vinanto vave handietre ty rafozam-bave.”
\p
\v 54 Nirehake tamireo vahoake kea Jesosy ty hoe: “Laha fa mahita raho miforo egne ahandrefa nareo, le hoe nareo ty hoe: 'Hisy ranon'ora hoavy,' naho le misy zay.
\v 55 Laha fa misy tioke mitioke bakagne antimo, le hoe nareo ty hoe:' Hisy hafanam-bey hoavy,' naho misy zay.
\v 56 Ry mpihatsaravelatsihy, hainareo ty mandika ty toera ty tane vaho ty lagnitre, fa akore ro tsy ahaizanareo mamantatre ze andro henanezao zao?
\p
\v 57 Nagnino nareo ro tsy mitsara ze mare hoahy ty vatanareo?
\v 58 Te laha fa mandeha miarake amity mpifanao aminareo eo agnoloa ty mpitsara ambone nareo, egne andala le miezaha handamy ty ndaty miarake amine mbe tsy handehanane handrirotre anareo eo amity mpitsara, naho mba tsy hanolora ty mpitsara anareo agne amity mpamehe, naho mba tsy handefasa ty mpamehe anareo agne ampigadra.
\v 59 Hoe raho aminareo, tsy ho tafavoake ao vatane nareo mandram-pandoanareo ty vola farane ze kele vatane.”
\c 13
\cl Toko 13
\p
\v 1 Tamize andro zay, nisy ndaty ilane teo nitalily tamine ty miomba reo Galiliana zay ty lio iereo ro naharo Pilato tamity sorone arere.
\v 2 Namale Jesosy naho nanao tamy iereo ty hoe: “Nareo vao midineke fa reo Galiliana reo le mpanota mandako naho reo Galiliana hafa iaby satria nijale hoe zay?
\v 3 Aha, Zaho mirehake anareo. Fa laha tsy mibebake nareo, nareo iaby le ho mate hoe zay.
\v 4 Ndra rey ndaty valo ambifolo tao Siloama ty nitonta ty tilikambo ka namono iereo, midineke vao nareo fa vatane mpanota raty mihoatre naho reo lahilahy hafa tao Jerosalema rey?
\v 5 Aha, hoe raho. Fa nareo laha tsy mibebake, nareo iaby avao kea le ho mate.”
\p
\v 6 Jesosy nanao ze fagnohara zao ty hoe: “Nisy ndaty nana hetaen'aviavy raike nambole teo amity tanem-boalobone naho niavy re naho nagnete voane teo amine nefa tsy nahita ndra ino ino.
\v 7 Ty lahilahy le nirehake tamity mpanao baibo ty hoe: 'Ingo, niavy teto raho zisike ty telo tao naho niezake nipay voane tamity hetae aviavy toy kanefa tsy nahita kea. Tampaho io. Nagnino io ro enga manimba ty tane?'
\p
\v 8 Namale ty mpanao baibo ka nirehake ty hoe:' Engao ho eo aloha amity tao toy mandram-pihaliako magnodidy aze vaho hagnisiako zezeke amine eo.
\v 9 Laha namoa re amity tao magnarake, soa; fa laha tsy zay, le tampaho re!”'
\p
\v 10 Naho Jesosy nampianatre tao amity raike tamity Synagoga zisike ty Sabata.
\v 11 Ingo, nisy ampela raike ze nana ty fagnahy raty ty halemea zisike ty valo ambifolo tao teo, naho re le nivokoke naho tsy nahavita nitsanga soa.
\v 12 Laha nahita aze Jesosy, le nikaike aze ka nanao ty hoe: “Ry ampela, afake amity halemeanao riha.”
\v 13 Natobone tamine eo ty tagnane, naho niarake tamizay le nitranga ty ampela naho nifale an'Agnahare.
\p
\v 14 Feie ty mpandily ty Synagoga le meloke naho ty fagnafaha natao Jesosy tamity Sabata. Laha zao le namale ty mpandily naho nanao tamity vahoake ty hoe: “Misy enegnadro ty tokone hiasa. Miavia ka misalama, fa kea tsy amity andro Sabata.”
\p
\v 15 Ty Tompo namale aze ka nanao ty hoe: “Ry mpihatsaravelatsihy! Feie vao tsy sambe mamaha ty borike ndra ty agnombene ao amity valane nareo ka manday zay hino rano amity Sabata?
\v 16 Naho hoe zay kea ty anakampela Abrahama, te voafehe ty Satana zisike ty valo ambifolo tao toy, tsy tokone mba ho vavahe vao ty mahazo aze amity andro Sabata?”
\v 17 Naho laha nirehake ze zaka iaby zay re, le megnatre reo iaby ze nandietre Aze, fa ty vahoake iaby le fale naho reo zaka iaby malaza nataone.
\p
\v 18 Naho Jesosy nanao ty hoe: “Hoe ty akore ty fanjakan'Agnahare, naho hoe ty ino ro afake agnoharako zay?”
\v 19 Zay le hoe ty voan-tsinampe nalae vaho nambole ty lahilahy raike teo ambaibo, ka nanjare hetae bey raike, naho ty voro ty lagnitse le namboatre ty tragnone tamireo tahone.”
\p
\v 20 Mboe nirehake avao Re ty hoe: “Ino ro afake hampitovizeko ty fanjakan'Agnahare?
\v 21 Zay le hoe ty masirasira nalae ty ampela raike ka naharone tamity koba in-telo ty fagnarana mandram-pizarane ao agnate ty koba iaby.”
\p
\v 22 Jesosy nandeha nitete ty tana vaho ty vohitre kirai-kiraike tegne andala mbaeo Jerosalema naho nampianatre iereo.
\v 23 Nisy raike nirehake tamine hoe: “Tompo, feie vao tsy ampe ty ndaty ro ho vonje?” Naho hoe re tamiereo ty hoe:
\v 24 “Mialia ty hilitre ty varavara tere nareo, satria, Zaho mirehake aminareo, maro ro te-hitsofoke, fa tsy ho afake ty hilitre.
\v 25 Laha fa indraike mitsanga ty tompon-tragno naho magnily ty varavara, le hitsanga ao ambaline eo nareo ka handondo ty varavara naho hanao ty hoe: 'Tompo, ampiliro zahay.' Re hamale ka hirehake aminareo ty hoe: 'Tsy haiko nareo ndra ty nahavianareo.'
\p
\v 26 Naho hirehake nareo ty hoe: 'Nihina vaho nino teo agnoloanao zahay, naho Riha le fa nampianatre tegne andalambey.'
\p
\v 27 Fa Re le hamale ty hoe:' Mitalily aminareo raho, tsy haiko ty nahavianareo. Miala amiko eto, nareo mpanao raty!'
\v 28 Hisy fitagnia vaho fikotroha-nife laha fa ingo nareo mahita i Abrahama, Isaka, Jakoba, vaho ty mpamisavisa iaby ao amity fanjakan'Agnahare, feie voaroake agne ambalike nareo.
\v 29 Iereo le hoavy bakagne antignana, ahandrefa, avaratrem naho antimo ka hitoboke eo amity latabatre ty fanjakan'Agnahare.
\v 30 Haio zao, reo ze tsy le manan-danja ro ho voalohane, naho reo ze vatane manan-danja ro ho farane.”
\p
\v 31 Tafara kele zay, nisy Fariseo ilane niavy naho nanao tamine ty hoe: “Mandehana ialao ty eto satria Heroda le te-hamono Anao.”
\p
\v 32 Jesosy nanao ty hoe: “Mandehana naho rehafo zay amboalohane zay ty hoe: 'Ingo, zaho mandroake devoly vaho manao fagnafaha androany vaho hamaray, naho amity andro fahatelo le ho tratreko ty tanjoko.'
\v 33 Ndra ino ino miseho, zaka-bey amiko ty manohy io, hamaray, vaho ty andro magnarake, satria tsy azo ekene ty famonoa ty mpamisavisa lavitre Jerosalema.
\p
\v 34 “Ry Jerosalema, ry Jerosalema, ze namono ty mpamisavisa vaho mitora-bato reo ze nirahe tagne aminareo. Impire raho ro nagniry ty hamory ty ananareo manahake ty akoho vave mamory ty anane ambane elane, kanefa tsy nagniry zay nareo.
\v 35 Ingo, nidisoa ty tragnonareo. Zaho le mirehake aminareo, tsy ho hitanareo Raho mandram-pirehafanareo ty hoe: “Sambatre ze avy amity agnara Tompo.”'
\c 14
\cl Toko 14
\p
\v 1 Naho indraike Sabata, laha fa nimbaeo amity tragno ty raike tamireo mpitarike ty fariseo hihina mofo Re le nagnara-maso Aze marine iereo.
\v 2 Ingo, teo agnoloane nisy lahilahy raike ze nampijale edema.
\v 3 Jesosy nagnotane reo manam-pahaia amity lily ty Jiosy vaho reo Fariseo ty hoe: “Azo atao vao ty magnafake amity andro Sabata, sa tsy azo?”
\v 4 Fa iereo le nitsy. Laha zao le rinae Jesosy re, naho nafahane, le nalefane handeha.
\v 5 Hoe re tamiereo ty hoe: “Ia aminareo ty managnanale lahy ndra agnombe poke agnate ty fantsaka amity andro Sabata ro tsy haninto aze bakagne?”
\v 6 Iereo le tsy nisy nahavita nagnomea valene reo zaka reo.
\p
\v 7 Laha fa hita Jesosy ty fomba fifilia reo ze hinafatre te toeran-kasy, nanao fagnohara re, nirehake tamiereo ty hoe:
\v 8 “Laha fa hafare amity fetem-panambalia nareo, ko mitoboke eo amity toeran-kasy, satria mete nisy ndaty hinafatre mboe manan-kasy naho nareo.
\v 9 Laha fa niavy ty ndaty ze nagnafatre anareo, le hirehake anareo re ty hoe:' Ameo ty ndaty hafa toy ty toeranao,' naho ampahamegnara ro andehananareo hamonje ty toera ambane vatane.
\v 10 Fa laha fa hafare nareo, mandehana le mitoboha amity toera ambane vatane, amizay laha mandrio eo ty nagnafatre anao, le mete hirehake anao re ty hoe:' Ry nama, miakara amity ambonembone.' Naho bakeo le homean-kasy nareo eo agnoloa reo iaby ze miraike latabatre aminareo.
\v 11 Fa reo ze miambane le hakare.”
\p
\v 12 Jesosy avao kea le nirehake tamity lahilahy nagnafatre Aze ty hoe: “Laha fa magnomea sakafo ndra fagnafara riha, le ko magnafatre reo namanao ndra reo rahalahinao ndra reo marine anao ndra reo mpagnarivo magnodidy anao, amity mete hagnafarane anao ka ho takalo zay, naho le ho voavale riha.
\v 13 Fa laha fa manao fagnafara riha, hafaro ty mijale, ty kitsa, ty mpandringa, naho ty goa,
\v 14 le ho sambatre riha, satria tsy afake hamale anao iereo. Fa riha le ho voavale amity fitsangana ty mare.”
\p
\v 15 Laha fa naharey reo zaka reo ty raike tamiereo niara-latabatre tamy Jesosy, le nanao tamy iereo ty hoe: “Sambatre ze hihina ty mofo ao amity fanjakan'Agnahare!”
\p
\v 16 Fa Jesosy nanao tamine ty hoe: “Nisy lahilahy raike nikarakara sakafo bey naho nagnafatre ndaty maro.
\v 17 Laha fa voakarakara ty sakafo, le nagnirake ty mpanompone re hirehake reo ze hinafatre ty hoe:' Mandrosoa, fa ty zaka iaby le fa vogno.'
\p
\v 18 Ie iaby le nitovy say naho nanomboke nanao fialan-tsiny. Ty voalohane nirehake tamine ty hoe:' Nivily baibo raho, ka tokone hiakatre raho naho hagnente zay. Miala tsiny raho.'
\p
\v 19 Ty raike hafa nirehake ty hoe:' Nivily agnombe folo raho, naho handeha hamolily iereo. Miala tsiny raho.'
\p
\v 20 Bakeo nisy lahilahy raike hafa nirehake ty hoe: “Vaho baka nagnaka-baly raho, naho laha zao le tsy afake ty hoavy raho.'
\p
\v 21 Le niavy ty mpanompo naho nirehake tamity tompone reo zaka reo. Bakeo ty tompo-tragno meloke ka nirehake tamity mpanompone ty hoe: “Mandehana malaky egne amireo lalambey vaho sakelen-dala antana eto le andeso atoy ty mahantra, ty mpandringa, ty goa, naho ty kitsa.'
\p
\v 22 Nirehake ty mpanompo ty hoe: “Tompo, te fa vita ty nibaikoanao, fa mboe misy toera avao.'
\p
\v 23 Hoe ty tompone tamity mpanompone ty hoe: “Mandehana egne amireo lalambey vaho sisim-bole naho sereo iereo hoavy, amizay ho feno ty tragnoko.
\v 24 Fa ataliliko aminareo, tsy hisy hagnadra ty sakafo reo lahilahy ze hinafatre.”'
\p
\v 25 Naho vahoake maro ro nandeha niarake tamine, naho nitolike Re naho nirehake iereo ty hoe:
\v 26 “Laha misy aminareo mamonje Ahy naho tsy malay ty raene, ty renene, ty valine, ty anane, reo rahalahine vaho reo rahavavene, naho ndra ty havelone aza, le tsy afake ty ho mpianako re.
\v 27 Ndra ia ia tsy manday ty hetae-fijaleane naho magnorike ahy le tsy afake ty ho mpianako.
\v 28 Fa ia aminareo, ty magniry hananga tilikambo, ro tsy mitoboke aloha naho midineke ty ho lany laha mana ty paie hamita aze re?
\v 29 Laha tsy zay, laha fa manao ty fotone re nefa tsy hahavita zay kea, le hanomboke handatsa aze iaby iaby reo mahita zay,
\v 30 manao ty hoe: 'Io lahilahy io ro nanomboke namboatre kanefa tsy nahavita kea.'
\p
\v 31 Ndra kea mpanjaka ino, laha handeha hifanifatre amity mpanjaka hafa amity aly, ro tsy hitoboke aloha naho hangalake hevetre laha miarake amity lahilahy ray ale le afake hialy amity mpanjaka hafa ze avy mandietre aze miarake amity lahilahy roe ale?
\v 32 Laha tsy zay, laha mboe lavitre ty tafike hafa, le mandefa antoko re naho mangatake fepotoa ho amity fivavaha.
\v 33 Ka laha zao, ndra ia ia aminareo tsy mahafoe iaby ze hanagnane le tsy afake ty ho mpianako re.
\p
\v 34 Soa ty sira, fe laha robake ty tsiro ty sira, akore ro himpoliane hasira ndraike?
\v 35 Tsy misy ipaia ty tane aze ndra le ty zezen-tane aza. Aria avao zay. Ze manan-tsofy ho ente-mitsano, ao reke hidranjy.”
\c 15
\cl Toko 15
\p
\v 1 Naho reo mpamory hetra iaby vaho ty mpanota ilane le niavy teo amy Jesosy hidranjy Aze.
\v 2 Nimenomeno reo Fariseo vaho reo mpanora-dily, nanao ty hoe: “Io lahilahy io le mandrae mpanota, naho miara-mihina amiereo vatane aza.”
\p
\v 3 Jesosy nanao ze fagnohara zao tamiereo, nanao ty hoe:
\v 4 “Ia aminareo, laha mana agnondry zato re naho bakeo robake ty raike amiereo, ro tsy hienga ty sive amby sivam-polo agne antane efetre, naho handeha hipay ty raike robake mandra-pahitane aze?
\v 5 Naho laha fa hitane zay, le atobone antsorone eo naho mifale re.
\v 6 Laha fa avy antragno ao re, le atao ty vahoake reo namane vaho reo mpiara-belo amine, mirehake iereo ty hoe:' Mifalea miarake amiko, fa hitako ty agnondriko robake.'
\v 7 Hoe zay kea, mitalily aminareo raho, fa hisy hafalea agne andagnitse naho ty mpanota raike ze mibebake, mihoatre naho reo ndaty mare sive amby sivam-polo te tsy mila mibebake.
\p
\v 8 Ndra ia ro ampela ze mana farantsa kele folo, laha robake ty farantsa raike, ro tsy handrehetre ty jiro, hamafa ty tragno, naho hipay am-pazotoa mandra-pahitane aze?
\v 9 Laha fa hitane zay, le kaihe ty vahoake reo namane vaho reo mpiara-belo amine, ka hanao ty hoe:' Mifalea miarake amiko, fa hitako ty farantsa kele raike ze nirobake.'
\v 10 Hoe zay kea, Zaho mitalily aminareo, misy hafalea eo agnoloa ty anjelen'Agnahare amity mpanota raike ze mibebake.”
\p
\v 11 Bakeo Jesosy nanao ty hoe: “Nisy lahilahy raike nanagnanake roe lahy,
\v 12 naho ty faralahy tamiereo nirehake tamity raene ty hoe:' Baba, ameo ahy ty anjara harea ze tokone hoahy.' Ka le zinarane tamiereo ty hareane.
\v 13 Tsy ela tafara zay, ty faralahy namory ty anjarane iaby ka nandeha tamity firene raike lavitre, naho tagne re ro nandany fahatane reo hareane iaby tamity fiaigna marehareha.
\v 14 Naho laha fa lanine iaby iaby, le nisy kere-bey niele tamio firene eo, ka nanomboke tao agnate ty hamaike re.
\v 15 Nandeha re naho nikarama tamity raike tamireo vahoake tao amio firene eo, ty nandefa aze tagne amity baibone mba hamaha kisoa.
\v 16 Te hihina kea ty hane reo kisoa re, satria tsy nisy ndaty nagnomea aze ndra ino ino.
\v 17 Te laha fa nahatsapa ty faralahy, le nirehake re ty hoe: 'Fire amireo mpanompon-draeko ro mana hane mihoatre ty ampe, naho toy raho, mate ty hakere!
\v 18 Hialako ty eto ka hoagne amin-draeko raho, naho raho hirehake amine ty hoe: “Ray o, te fa nanota tamity lagnitse raho, vaho amasonao eto.
\v 19 Tsy soa ty hatao ty hoe anagnao sase raho; anovo hoe ty raike amireo mpanomponao raho.”
\v 20 Laha zao nandeha ty faralahy ka nimbaeo amity raene. Laha mboe lavitre re, le hita ty raene, naho tohy nalahelo, ka nilailay, naho namihy vaho nagnoroke aze.
\v 21 Ty anadahine nanao ty hoe: 'Ray o, te fa nanota tamity lagnitse vaho tamasonao eo raho. Tsy soa te hatao anagnao raho.'
\p
\v 22 Ty Raene nirehake tamity mpanompone hoe: 'Ento malaky reo akanjo soa vatane, ka ampiakanjo aze, naho asio peratre ty tagnane, vaho kapa ty tombone.
\v 23 Bakeo ento ty anak'agnombe vondrake ka vono zay. Andao tika hankalaza amity fete!
\v 24 Satria ty anako lahy le mate, naho henanezao le hita ndraike.' Bakeo le nanomboke nifete iereo.
\p
\v 25 Naho ty lahine voalohane le tambaibo. Naho laha niavy namonje ty tragno re, le naharey mozika vaho dihy.
\v 26 Nikaike ty raike tamireo mpanompo re naho namonje aze hoe mete ho ino ze zaka zay.
\v 27 Ty mpanompo nanao tamine ty hoe: “Noly antragno ato ty rahalahinao ka vinonon-draenao ty anak'agnombe vondrake, satria niavy soa avao re.'
\p
\v 28 Meloke ty lahine voalohane, naho tsy nimete nilitre, le niakatre ty raene, naho nangatake aze.
\v 29 Feie namale ty lahine voalohane naho nanao tamine ty hoe: 'Henteo, le fa antaone maro ro nanompoako anao, naho mboe tsy nandika ty lilinao raho, naho riha tsy mboe nagnomea ndra le anak'ose niafahako nideba niarake tamireo namako aza,
\v 30 kanefa laha fa niavy ty anadahinao, te nandany ty hanagnanao tamity mpivaro-bata, le vinono nao hoaze ty anak'agnombe mirohy.'
\p
\v 31 Hoe ty raike tamine ty hoe:' Anake, riha le miarake amiko avao, naho iaby ze ahy le anao.
\v 32 Kanefa rarene ho antika ty mideba vaho mifale, satria ty rahalahinao le fa mate, naho henanezao le velo ndraike; robake re, naho henanezao le hitake ndraike.”'
\c 16
\cl Toko 16
\p
\v 1 Le hoe Kea Jesosy tamireo mpianane ty hoe: “Nisy lahilahy mpanan-karea raike nana mpita, naho tinao tagne amine fa io mpita ao ro nandany ty fanagnane iaby.
\v 2 ka nampikaike aze ty lahilahy mpanan-karea naho nanao tamine ty hoe:' Ino ty reiko miomba anao zao? Magnomea talily miomba ty asa fitana nao, fa riha tsy ho afake ty ho mpita-fanagna sase.'
\p
\v 3 Naho ty mpita-fanagna nidineke antsaine ty hoe: “Ino rie ro tokone hataoko, fa magnafake ahy amity asa ataoko ty tompoko? Tsy manan-kere hiasa tane raho, naho megnatre ty hangatake raho.
\v 4 Haiko ty hataoko, mba laha fa afahe amity asa ataoko raho, le hampandroso ahy ao antragno iereo ty ndaty.'
\v 5 Bakeo ty mpitan-draharaha nikaike ty kirai-kiraike tamireo mpitsosa ty tompone, naho le nagnotane ty voalohane re ty hoe:' Hotrino ro anagna ty tompoko agne aminao?'
\p
\v 6 Nirehake re ty hoe:' Menake oliva zato litatre.' Nirehake tamine re ty hoe:' Alao ty taratasy nao, mitoboha malaky, naho dimampolo soratre.'
\p
\v 7 Naho bakeo ty mpita nirehake tamity raike ty hoe:' Hotrino ty trosanao?' Nirehake re ty hoe:' vare zato fagnarana.' Nirehake tamine re ty hoe:' Raeso ty taratasy nao, naho sorato ty hoe valompolo.'
\v 8 Bakeo ty tompo le niantsa ty mpita tsy mare satria niasa tamin-kahihira re. Fa mahihitse kea ty ana ty zao iaby zao ty amity fifagnaraha amire sambe ndaty naho ty ana ty hazava.
\v 9 Mirehake aminareo raho, mipaia nama amity alala ty vola tsy mare, amizay laha fa lany zay, le mete ho raese iereo ao amity tana zisikezay nareo.
\v 10 Ze matoky amity kele vatane le mare amity bey kea, naho ze tsy mare amity kele vatane le tsy mare amity kea.
\v 11 Laha tsy matoky amity fampiasa vola tsy mare nareo, ia ro hatoky anareo amity harea mare?
\v 12 Laha tsy matoky amity fampiasa ty vola ty ndaty hafa nareo, ia ro hagnomea vola ho anareo arere?
\v 13 Tsy misy mpanompo afake manompo tompo roe, fa ndra re halay ty raike le h tea ty raike, ndra kea re hanolo-bata hoahy ty raike le hanao tsinontsino ty hafa. Tsy afake manompo an'Agnahare vaho ty harea nareo.”
\p
\v 14 Naho ty Fariseo, ze tea vola, laha fa naharey ze zaka zay, le nandraty iereo.
\v 15 Nirehake tamiereo Re ty hoe: “Nareo le magnamare ty vatanareo eo amsao ty ndaty, fa Zagnahare mahay ty arofonareo. Fa ze hakare eo amity ndaty le ho hejegne eo amason'Agnahare.
\p
\v 16 Ty lily vaho reo mpamisavisa le nisy mandram-pahavy Jaona. Te fa hatramize fotoa zay, ro le fa nitalilia ty zaka soa ty fanjakan'Agnahare, naho ty kirai-kiraike le niezaka nagnity ty lalane hoamizay.
\v 17 Fa mora kea ty hahafoa ty lagnitse vaho ty tane naho ty soratre kele vatane ao amity lily hoavy tsy manan-kere.
\p
\v 18 Ze misarake amity valine ka magnakatre ampela hafa le mpitsangatsanga, naho ze magnakatre ampela ze le fa nisara-baly le mpitsangatsanga.
\p
\v 19 Naho nisy mpanan-karea raike ze niakanjo voloparasy vaho rongone manify naho nitea isan'andro ty haream-beine.
\v 20 Nisy mpangatake raike atao ty hoe Lazarosy nitoboke teo amity vavahadine, feno fere,
\v 21 naho nagniry mba hihina ze poke bakeo ambone latabatre ty lahilahy mpanan-karea. Fa ndra ty amboa aza niavy nitsela ty ferene.
\v 22 Naho ingo mate ty mpangatake ka niente reo anjele ho eo agnila Abrahama. Mate avao kea ty mpanan-karea ka naleve,
\v 23 naho tao amity harobaha, laha nampijale, le nagnakatre ty masone re naho nahita i Abrahama tegne lavitre vaho Lazarosy tagnilane eo.
\v 24 Ka nikorake mafe re vaho nanao ty hoe:' Abrahama Rae, mandefera amiko naho alefaso Lazarosy, mba handrebahane ty loha ty rambotagnane ao agnate rano naho hampanintsy ty lelako, fa ato agnate ty jale mafe agnate ty afo toy raho.'
\p
\v 25 Fa Abrahama nanao ty hoe:' Anake, tiarovo fa tamity androm-pivelognanao le nahazo zaka soa riha, naho ty ahy Lazarosy kea zaka raty. Fa henanezao re atoy le voatambetambe, naho riha ao amity jale.
\v 26 Hafa ze iaby zay, le nisy lavake bey natoboke, mba tsy ho afake hitsaha ze te-hitsake baketoy mbaminareo egne, naho tsy misy afake hitsake bakegne hombaminay etoy.'
\p
\v 27 Ty lahilahy manan-karea nirehake ty hoe:' Mangatake anao raho, ry Abrahama Re, mba hagnirahanao aze hoagne antragnon-draeko
\v 28 fa mana rahalahy dime raho_mba hahafahane mampiambe iereo, naho ty tahotre ty hahavia iereo atoy amity toera ty fijalea toy avao kea.”
\p
\v 29 Fa Abrahama nanao ty hoe:' Mana Mosesy vaho ty mpamisavisa iereo; ao iereo hidranjy iereo.'
\p
\v 30 Naho namale ty lahilahy mpanan-karea ty hoe:' Aha, ry Abrahama Rae, fa laha misy bakamity mate mbaeo amiereo, le hibebake iereo.'
\p
\v 31 Fa Abrahama kea nanao tamine ty hoe:' Laha tsy midranjy Mosesy vaho reo mpamisavisa iereo, le tsy ho rese lahatre vatane ndra misy ndaty mitsanga amity mate aza.”'
\c 17
\cl Toko 17
\p
\v 1 Jesosy nirehake tamireo mpianane ty hoe: “Azo antoke fa hisy zaka afake hanosike antika hanota, fa loza hoahy ty ndaty ze hiavia zay!
\v 2 Soa hoaze kea laha asia vato bey eo amity vozone ka atorake agne an-driake, toe zay hanafintohy ty raike amireo madineke reo.
\v 3 Miambena nareo. Laha manota ty rahalahinareo, rehafo mafe re, naho laha mibebake re, maotora aze.
\v 4 Laha manota aminao impito ao agnate ty andro raike re, ka impito mihere aminao re, manao ty hoe:' Mibebake raho,' le tsy mahaintsy mamototre aze riha!”
\p
\v 5 Reo apositoly nirehake tamy Tompo hoe: “Atombo ty finoanay.”
\p
\v 6 Ty Tompo nanao ty hoe: “Laha mana finoa hoe ty voatsinampe nareo, le afake mirehake amio voron-katae eo ty hoe:' Miombota, naho mitiria agne andriake,' le hagneke anareo re.
\p
\v 7 Fa ia aminareo, ro mana mpanompo miasa tane ndra miarake agnondry, ka hirehake amine laha fa bakagne ambaibo re ty hoe:' Avia malaky ka mitoboha mba hihina'?
\v 8 Fa tsy hirehake amine vao re ty hoe:' Amboaro zaka hohaneko raho, ka asio santira magnodidy ty ankajonao le manompoa ahy mandram-pilania ty haneko vaho ty finomako. Le bakeo riha mihinana vaho minoma'?
\v 9 Tsy misaotre ty mpanompo re satria nanao reo ze nibaikoa aze re, sa misaotre vao re?
\v 10 Ndra le nareo kea aza, laha fa nahavita reo zaka iaby ze nadilia anareo nareo, le tokone hirehake ty hoe:' Zahay le mpanompo tsy soa. Ze tokone nataonay avao ro nataonay.”'
\p
\v 11 Naho laha nandeha hoagne Jerosalema Re, le nandeha teo amity sisin-tane teo ampagnivoa Samaria vaho Galilia.
\v 12 Laha fa nilitre tao amity tana raike re, le nisy azo ty haboka folo lahy nifanoje tamine tao. Nitsanga lavitre aze iereo
\v 13 naho nagnakatre ambone ty feo iereo, nanao ty hoe: “Jesosy, Tompo, mandefera aminay.”
\p
\v 14 Laha fa nahita iereo Re, le nirehake tamiereo ty hoe: “Mandehana le atoro amireo mpisoro ty vatanareo.” Laha nandeha igne iereo le nalio.
\v 15 Laha fa nahita ty raike tamiereo fa afake re, le nihere, niarake tamity feo ambone nandaza an'Agnahare.
\v 16 Nihohoke teo antombo Jesosy re, nanolotre fisaora hoaze. Re le Samaritana.
\v 17 Naho Jeosy nanao ty hoe: “Tsy le fa voadio vao ie folo? Fa aia ty sive?
\v 18 Tsy nisy hafa nihere hagnomea hasy an'Agnahare vao, laha tsy ty vahiny toy?”
\v 19 Naho hoe Re tamine: “Mitsangana, ka mandehana. Ty finoanao ro nahafake anao.”
\p
\v 20 Laha nagnotanea reo Fariseo ty hoe ombia ty fanjakan' Agnahare ro hoavy, le namale iereo Jesosy ka nanao ty hoe: “Tsy hita-maso ty hahavia ty fanjakan'Agnahare.
\v 21 Tsy hirehake kea iereo ty hoe:' Henteo, Toy re!' ndra ty hoe:' Ty re!' Fa ingo, ty fanjakan'Agnahare le ao agnatenareo.”
\p
\v 22 Hoe re tamireo mpianane: “Avy ty andro hagnirianareo ty hahita ty raike amity andro ty anagn'Ondaty, fa tsy hahita zay nareo.
\v 23-24 Naho iereo le hirehake aminareo ty hoe:' Henteo, eroy! Henteo, etoy!' Fa ko miakatre ty helatre mamiratre mazava laha fa mitaratre bakagne amity agnila ty lagnitse ka zisikagne amity ilane raike, le hoe zay ty anagn'Ondaty amity androne.
\v 25 Fa voalohane le tsy mahaintsy hijale amity zaka maro Re naho liere ty foko toy.
\v 26 Manahake ze niseho tamity andro Noa, ro niseho kea amity andro ty anagn'Ondaty.
\v 27 Nihina iereo, nino, nanambaly, natolotre hakare, mandram-pahavia ty andro ze nilira Noa tao amity sambo_naho niavy ty safo-drano ka nandrava ie iaby.
\v 28 Manahake ze niseho tamity andro Lota_ nihina vaho nino iereo, nivily vaho nivarotre, nambole vaho nanao tragno.
\v 29 Fa tamity andro ze niakara Lota bakao Sodoma, le afo vaho solifara ro nipoke bakagne andagnitse ka nandrava iaby iaby.
\v 30 Le hoe zay kea ty amity andro hisehoa ty anagn'Ondaty.
\v 31 Amize andro zay, ko enga hizotro hangalake reo entane hoegne ambaly ty tragno ze egne amity ambone-tragno; naho ko enga hihere ze agne ambaibo.
\v 32 Tiarovo ty valy Lota.
\v 33 Ndra ia ia mipay hamonje ty arofone le haharobake aze, fa ndra ia ia haharobake ty arofone le hamonje aze.
\v 34 Mitalily aminareo raho, fa amize hale zay le hisy ndaty roe eo ambone ty fandrea raike. Ty raike le halae, naho raike le hapoke.
\v 35 Naho hisy roe vave miara-mandisa vare. Ty raike halae, naho roe hapoke.”
\v 36
\f + \ft Fagnamarea: reo fandika taloha soa vatane le magnafake ty andanene faha 36 ty hoe: “Hisy roe lahy agne ambaibo; ty raike halae, naho ty raike hapoke.” \f*
\p
\v 37 Nagnotane aze iereo ty hoe: “Aia, Tompo?” naho Re nirehake tamiereo ty hoe: “Ze hisy ty fate, le agne kea ro hisy votoro hiara-mivory.”
\c 18
\cl Toko 18
\p
\v 1 Bakeo Re nitalily fagnohara tamiereo ty miomba ty tokone hivavaha iereo zisikagne, naho tsy ho kivy,
\v 2 nanao ty hoe: “Tao amity tana raike le nisy mpitsara te tsy natahotre an'Agnahare naho tsy nagnaja ndaty.
\v 3 Naho nisy mpivem-bata raike tao amio tana ao, naho re nimbaeo amine mateteke, nanao ty hoe:' Ampeo raho mba hahazoako rarene magnoloa ty fahavaloko.'
\p
\v 4 Fa te fa hatra ela re ro tsy vogno ty hagnampe aze, fa tafara zay kele le nirehake tamity vatane re ty hoe:' Ndra le tsy matahotre an'Agnahare aza raho ndra tsy magnaja ndaty,
\v 5 fa satria manahira ahy ty mpivem-bata toy, le hagnampe aze raho mba hahazoane rarene, mba tsy handrerake ahy naho ty fivezevene lava atoy sase re.”'
\v 6 Bakeo nirehake ty Tompo ty hoe: “Dranjigno ze ambara ty mpitsara tsy mare.
\v 7 Naho tsy handay rarene hoahy ze voafiline ze mikaike mafe Aze andro aman'ale kea vao ty Zagnahare? Hangatak'andro lava amiereo vao re?
\v 8 Ataliliko aminareo fa handay rarene malaky amiereo re. Hoe zay kea, laha fa avy ty anagn'Ondaty, hahita finoa atoy antane vatane vao Re?”
\p
\v 9 Bakeo Re nirehake ze fagnohara zao tamity ilane ze natoky ty vata iereo fa te hoe mare vaho ze manivativa reo ndaty hafa:
\v 10 “Nisy roe lahy niakatre tao antempoly mba hivavake_ty raike le Fariseo naho ty raike hafa le mpamory hetra.”
\v 11 Ty fariseo nitsangga naho nivavake toa zaka miomba ty vatane toa ty hoe:' Zagnahare o, misaotre anao raho fa tsy mitovy amity ndaty hafa-mpangalatrea- ndra manahake ty mpamory hetra toy aza.
\v 12 Mifaly hane indroe isan-kerengnadro raho. Magnomea ty ampahafolo ze azoko iaby raho.'
\p
\v 13 Fa ty mpandoa hetra, nitsanga tegne lavitre, tsy nimete nagnakatre ty masone tegne amity lagnitse kea, fa niteha-tratra, nanao ty hoe:' Zagnahare o, mandefera amiko, mpanota.'
\v 14 Mitalily aminareo raho, io lahilahy io le nihere nimbaeo antragnone voamare naho ty raike, satria iaby ze magnambone tegna le hoambane, fa iaby ze niambane ro hakare.”
\p
\v 15 Ty ndaty kea le nanday ty anane kele tamine eo, mba hikasihane iereo, fa laha fa nahita zay reo mpianatre, le nirehake mafe aze ty hoe.
\v 16 Fa Jesosy nikaike iereo hamonje Aze, nanao ty hoe: “Engao ty kolo hamonje Ahy, naho ko rara iereo. Fa antogno iereo ty fanjakan'Agnahare.
\v 17 Ataliliko mare anareo, ndra ia ia tsy handrae ty fanjakan'Agnahare hoe ty kolo le tsy hilitre ao amizay vatane.”
\p
\v 18 Naho nisy mpandily raike nagnotane Aze, nanao ty hoe: “Mpampianatre soa o, ino ro tsy mahaintsy hataoko mba handovako ty havelo zisikagne?”
\p
\v 19 Jesosy nanao tamine ty hoe: “Nagnino raho atao nao ty hoe soa? Tsy misy ndaty soa, laha-tsy Zagnahare arere avao.
\p
\v 20 Hainao reo lily_Ko mitsangatsanga, ko mamono ndaty, ko mangalatre, ko manao vavolombelo vande, magnaja ty raenao vaho ty renenao.”
\p
\v 21 Nirehake ty mpandily ty hoe: “Iaby iaby zay le nataoko hatra tamy zaho mboe nikele.”
\p
\v 22 Laha fa naharey zay Jesosy, le nanao tamine ty hoe: “zaka raike ro tsy ampe aminao. Tsy mahaintsy mivarotre iaby ze anagnanao riha naho mizara zay amity mijale, naho hana harea agne andagnitse riha_naho avia, magnoriha Ahy.”
\v 23 Fa laha fa naharey reo zaka reo ty mpandily, le nanjare nalahelo vatane, fa nanan-kaream-bey re.
\v 24 Naho Jesosy, nahita aze, nanjare nalahelo mafe
\f + \ft Fagnamarea: Reo manam-pahaia le misara-kevetre laha tokone hampilire eto ty tsara ty hoe: [Re] le nanjare nalahelo mafe. Amitovio ty And 23 \f* naho nanao ty hoe: “Manao akore ty hasarota ty filira ao amity fanjakan'Agnahare hoahy reo ze mpanan-karea!
\v 25 Fa mora kea hoahy rameva ty hilitre amity volim-panjaitse, naho ty hilira ty ndaty mpanan-karea raike ao amity fanjakan'Agnahare.”
\p
\v 26 Reo ze naharey zay le nirehake ty hoe: “Ia are ro afake ho vonje?”
\p
\v 27 Jesosy namale ty hoe: “reo zaka ze tsy hay ty ndaty le hain'Agnahare.”
\p
\v 28 Petera nanao ty hoe: Ingo, niala ty zaka iaby ze anay zahay naho nagnorike anao.”
\p
\v 29 Naho Jesosy nirehake tamiereo ty hoe: “Ataliliko mare aminareo, fa tsy misy ndaty ze nahafoe tragno, ndra valy, ndra rahalahy, ndra rae-aman-drene, ndra anake, naho ty fanjakan'Agnahare,
\v 30 ze tsy hahazo beibey kea amity zao iaby zao toy, naho amity andro hoavy, le fiaigna zisikagne.”
\p
\v 31 Laha fa baka namory ty roe ambifolo lahy teo amine Re, le hoe re tamiereo: “Ingo, miakatre hoagne Jerosalema tika, ka reo zaka iaby ze voasora reo mpamisavisa miomba ty anagn'Ondaty le ho lefe.
\v 32 Fa hatolotre eo amireo Jentilisa re, ka hiheheza, vaho hoafa-baraka, naho handrora.
\v 33 Afara ty hamofoha Aze, le ho vonoe iereo Re naho amity andro fahatelo le hitsanga ndraike Re.”
\v 34 Tsy nahatakatre ndra ino ino tamireo zaka reo iereo, naho nahaja tamiereo ze rehake zay, naho tsy azo iereo ty zaka rinehake.
\p
\v 35 Naho laha niharine Jeriko Jesosy, le nisy lahilahy goa raike nitoboke teo antsisin-dala,
\v 36 naho laha naharey ty vahoake nandrio, le nagnotane ze zaka nisy re.
\p
\v 37 Nitalily tamiereo ty hoe nandrio teo Jesosy bakagne Nazareta.
\p
\v 38 Ka nikaike mafe ty lahilahy goa, nanao ty hoe: “Jesosy, ana Davida, mandefera amiko.”
\v 39 Fa reo ze nandeha aloha le nirehake mafe ty lahilahy goa, ka nirehake tamine mba hitsy. Fa re vaho maike nitoka mafe ty hoe: “Ry ana Davida, mandefera amiko.”
\p
\v 40 Jesosy nijano naho nandily ty mba handaisa ty lahilahy ho amine eo. Naho laha fa teo agnilane ty lahilahy goa, le nagnotane aze Jesosy ty hoe:
\v 41 “Ino ro teanao hataoko ho anao?” Nirehake re ty hoe: “Tompo, te-hahita raho.”
\p
\v 42 Jesosy nirehake tamine ty hoe: “Mahitaha. Ty finoa nao ro nahafake anao.”
\v 43 Teo naho eo le nahita re naho nagnorike Aze, nagnomea hasy an'Agnahare. Ty ndaty iaby, laha fa nahita zay, le nanolotre fiantsa ho an'Agnahare.
\c 19
\cl Toko 19
\p
\v 1 Nilitre Jesosy naho nandrio Jeriko.
\v 2 Ingo, nisy lahilahy atao ty hoe Zakaiosy teo. Re le bey ty mpamory hetra vaho nanan-karea.
\v 3 Niezake ty hahita re hoe ia ty Jesosy, kanefa tsy afake nahita tao agnate vahoake, satria bory re.
\v 4 Ka nilay magnaloha reo ndaty re naho nanganike ty hetaen'aviavy raike mba hahita Aze, satria handrio amize lala zay Jesosy.
\v 5 Laha niavy teo amity toera Jesosy, le niandrandra Re ka nanao tamine ty hoe: “Ry Zakaiosy, mizotroa malaky, fa amizao le tsy mahaintsy hijano antragnonao ao raho.”
\v 6 Le nizotro malaky re naho nandrae Aze tamin-kafalea.
\v 7 Laha fa nahita zay iaby iaby, le nitaray iaby, nanao ty hoe: “Nilitre hamangy ty lahilahy mpanota Re”
\p
\v 8 Nitsanga Zakaiosy ka nirehake tamy Tompo ty hoe: “Henteo, ry Tompo, ty ambaky ty fanagnako le ho meako ty mahantra, naho laha ohatre ka nisy zaka namerevereako ndaty, le havahako efatre ambonene.”
\p
\v 9 Jesosy nirehake tamine ty hoe: “Androany ty famonjea ro hoavy ato amity tragnonao toy, satria re kea la anagn'i Abrahama.
\v 10 Fa ty anagn'Ondaty le avy mba hipay vaho hamonje reo ndaty ze robake.”
\p
\v 11 Laha naharey ze zaka zay iereo, le nanohy nirehake Re naho nanao fagnohara raike, satria teo agnila Jerosalema Re, naho iereo nidineke fa hiseho eo naho eo ty fanjakan'Agnahare.
\v 12 Laha zao Re le nirehake ty hoe: “Nisy tandapa raike nandeha tagne antane lavitre mba hahazo fanjaka hoahy vatane naho hihere bakeo.
\v 13 Nikaike folo lahy tamireo mpanompone re, naho nagnomea farantsa folo iereo, naho nirehake tamiereo ty hoe:' Manova raraham-barotre mandram-pihereko.”
\p
\v 14 Kanefa reo vahoakene nalay aze naho nandefa solontegna nagnorike aze, nanao ty hoe:' Tsy paienay ty hanjaka io lahilahy io aminay eto.'
\v 15 Naho laha fa nihere ndraike re, baka nandrae ty fanjaka, le nandily reo mpanompone ze nameane vola mba ho amine eo re, mba hahaiane ze tombone azo iereo tamity fanoa raraham-barotre.
\p
\v 16 Niavy teo agnoloane ty voalohane, nanao ty hoe: 'Tompo, ty farantsanao le nahazo tombone farantsa folo mihoatre.'
\p
\v 17 Nirehake aze ty tandapa ty hoe:' Soa zay, ry mpanompo soa. Naho riha natoky tamity kele, le hanam-pahefa amity tana folo riha.'
\p
\v 18 Avy ty faharoe, nanao ty hoe: “Ty farantsanao, tompo, le nahavita farantsa dime.'
\p
\v 19 Naho nirehake tamine ty tandapa hoe:' Hita tana dime riha.'
\p
\v 20 Avy ty raike hafa, nanao ty hoe: 'Tompo, ingo ty farantsanao, te nahajako soa tao agnate lamba,
\v 21 fa natahotre anao raho, satria lahilahy masiake riha. Ka mangalake ze tsy natobonao, naho mihaza ty tsy nambolenao.'
\p
\v 22 Nirehake tamine ty tandapa ty hoe:' Amity rehanao arere ro hitsarako anao, riha ry mpanompo raty fagnahy. Hainao fa zaho le lahilahy masiake, mangalake ze ty natoboko, naho mihaza ty namboleko.
\v 23 Ka nagnino ro tsy natobonao tagne amity mpamory vola ty volako, ka laha fa nihere raho le ho nandrae zay niarake tamity anane?'
\v 24 Ty tandapa nirehake tamireo ze nitsanga teo marine teo ty hoe: 'Afaho amine ty farantsa, naho ameo ty mana farantsa folo.'
\p
\v 25 Naho hoe iereo tamine ty hoe: “Tompo, mana farantsa folo re.'
\p
\v 26 'Zaho mirehake aminareo, fa iaby ze mana le homea mihoatre, fa ze tsy mana, ndra ze anagnane aza le halae.
\v 27 Fa reo fahavaloko, reo ze tsy nagniry ahy hanjaka eo amiereo, ento atoy iereo naho vono agnoloako eto.”'
\p
\v 28 Laha fa baka nirehake reo zaka reo re, le nandeha aloha, nimbaeo Jerosalema.
\v 29 Naho laha niavy teo agnila Betifaga vaho Betania Re, teo amity vohitse atao ty hoe Oliva, le nagnirake ty roe tamireo mpianane Re,
\v 30 nanao ty hoe: “Mandehana agne amity tana magnarake. Laha fa militre nareo, le hahita-anaka-borike raike mboe tsy nitikira ty ndaty. Bahao zay le andeso amiko atoy.
\v 31 Laha misy magnotane anareo ty hoe:' Nagnino ro bahanareo io?' la ambarao ty hoe:' Misy ipaia Tompo aze.'
\v 32 Reo ze nirahe le nandeha naho nahita ty ana-borike arake ty nirehafe Jesosy tamiereo.
\p
\v 33 Laha teo am-pamaha ty ana-borike iereo, le hoe reo tompone tamiereo ty hoe: “Nagnino ro bahanareo ty ana-borike?”
\p
\v 34 Nirehake iereo ty hoe: “Misy ipaia Tompo aze.”
\v 35 Niente iereo tagne amy Jesosy zay, naho natobo iereo teo ambone ty ana-borike ty lambane naho nanao Jesosy tambonene eo.
\v 36 Laha nandeha ay Re, le vinela iereo teo amity lala ty lamba iereo.
\p
\v 37 Naho laha fa niharine ty toera fizotsoa amity vohitse Oliva Re, le nanomboke nifale reo mpianane maro bey naho niantsa an'Agnahare tamity feo mafe naho ty asa bey iaby ze hita iereo,
\v 38 nanao ty hoe: “Lazao anie ty mpanjaka ty bakamity agnara Tompo! Fiadagna agne andagnitse naho hasy agne amity ambone vatane!”
\p
\v 39 Ty Fariseo ilane teo amity vahoake le nirehake tamine ty hoe: “Mpampianako, rehafo mafe reo mpianako.”
\p
\v 40 Namale Jesosy naho nanao ty hoe: “Ataliliko aminareo, fa laha mitsy reo, le hikorake ty vato.”
\p
\v 41 Laha fa namonje ty tana Jesosy, le nitagny aze,
\v 42 nanao ty hoe: “Laha mba hainao vao amize andro zao, eka riha, reo zaka ze manday fiadagna ho anao! Nefa henanezao rey le mihaja amity masonao.
\v 43 Fa hoavy aminao reo andro, ze hananganane ty fahavalonao manda magnodidy anao, naho hagnodidy anao, naho hanere anao amity lalane iaby.
\v 44 Iereo le hanota anao amity tane miarake amity anagnao. Tsy hamototre ndra le vato raike mifanikitre aza iereo, satria riha tsy nahay zay tamy Zagnahare niezake ty hamonje anao.”
\p
\v 45 Nilitre tao antempoly Jesosy naho nanomboke nandroake reo ze nivarotre,
\v 46 nirehake tamiereo ty hoe: “Te fa voasoratre hoe: 'Ty tragnoko le natao tragno fivavaha,' fa nareo kea nanao zay ho zaka fivoria ty jomake.”
\p
\v 47 Ka le nampianatre isan'andro tao antempoly Jesosy. Reo loha ty mpisoro vaho reo mpanora-dily naho reo mpitarike ty vahoake le nipay hamono aze,
\v 48 fa tsy nahita fomba hanova zay iereo, satria nazoto nidranjy Aze iaby ty vahoake iaby.
\c 20
\cl Toko 20
\p
\v 1 Naho indraike andro, laha nampianatre ty vahoake tao amity tempoly Jesosy naho nitalily ty zaka soa, le namonje Aze reo loha ty mpisoro vaho mpanora-dily niarake tamireo olobey.
\v 2 Nirehake iereo, nanao tamine ty hoe: “Ambarao anay ty hoe amity fahefa ino ro hanovanao reo zaka reo? Ndra kea ia ro nagnomea anao ze fahefa zao?”
\p
\v 3 Namle Re naho nirehake iereo ty hoe: “Zaho kea le hametrake ontane aminareo. Ambarao Ahy ty mikasike
\v 4 ty batisa Jaona. Feie vao zay bakagne andagnitse sa bakamity Ondaty?”
\p
\v 5 Nialy hevetre iereo, nanao ty hoe: “Laha hamale tika ty hoe: 'Bakagne andagnitse' le hirehake Re ty hoe:' Ka nagnino nareo ro tsy nino Aze?'
\p
\v 6 Fa laha mirehake tika ty hoe:' Bakamity ndaty,' le hitora-bato antika ty vahoake iaby, satria iereo le rese lahatre fa Jaona le mpamisavisa.”
\v 7 Laha zao le namale iereo fa tsy hay iereo ty niaviane.
\p
\v 8 Jesosy nirehake tamiereo ty hoe: “Zaho kea tsy hitalily aminareo ze fahefa hanovako ze zaka iaby zao.”
\p
\v 9 Nirehafene tamity vahoake ze fagnohara zao: “Nisy lahilahy raike nanao tanem-boaloboke, nampagnofa zay tamity mpambole voaloboke, naho nandeha tagne amity firene hafa zisike ty andro ela.
\v 10 Tamity lera voamare le nandefa mpanompo re hoagne amireo mpambole voaloboke, fa tokone hagnomea aze ty voa ty hetae voaloboke iereo. Finofo reo mpambole anefa re, naho nalefane nihere tagnam-polo.
\v 11 Bakeo nandefa mpanompo hafa ndraike re naho le finofo iereo avao kea, nafahane baraka, naho nalefa iereo tagnam-polo.
\v 12 Mboe nandefa fagnintelone re naho finere iereo kea re, naho rinoane.
\v 13 Laha zao le nirehake ty tompo ty tanem-boaloboke ty hoe:' Ino ro hataoko? Halefako agne ty anadahy malalako. Mete mba ho hajae iereo re.”
\p
\v 14 Fa laha fa hita reo mpambole voaloboke re, le nifampirehake iereo, nanao ty hoe:' Io ty mpandova. Ndao ho vonoentika re, mba ho lasantika ty lova.'
\v 15 Rinoa iereo niala ty tanem-boaloboke re naho vinono iereo. Ino are ro hatao ty tompo ty tanem-boaloboke amiereo?
\v 16 Hoavy re naho hamoteke reo mpambole voaloboke, naho hagnomea ty tanem-boaloboke hoahy ty hafa.” Laha fa naharey zay iereo, le nanao ty hoe: “Sagnatria amin'Agnahare!”
\p
\v 17 Fa nagnete iereo Jesosy, nanao ty hoe: “Ino ty heve ty voasoratre ty hoe:' Ty vato ze niliere reo mpagnoren-tragno ro lasa vato mafe'?
\p
\v 18 Ty kirai-kiraike ze mitonta ao amio vato o le ho torotoro. Fa ndra ia ia hitontane, le ho poteke.”
\p
\v 19 Ka nipay hitsepake Aze tamio lera ao reo mpanora-dily vaho reo mpisoro, fa hay iereo fa nirehafene fagnohara ao handietre iereo. Kanefa natahotre ty vahoake iereo.
\v 20 Teo am-pandiniha Aze soa, le nandefa mpijilo kisare mare iereo, mba hahafaha iereo mahita tsiny amity rehane, ka hanolotre Aze eo amity fandilia vaho ty fahefa ty governora.
\v 21 Nagnotane Aze iereo, nanao ty hoe: “Mpampianatre, hainay Riha fa mirehake vaho mampianatre am-pahamarea, naho tsy voatary ty heve nia ia, fa riha le mpampianatre ty hamarea miomba ty lalan'Agnahare.
\v 22 Ara-dala hoanay vao ty mandoa hetra amy Kaisara, sa tsy ie?”
\p
\v 23 Fa Jesosy le nahatakatre ty fahihira iereo, naho nirehake tamiereo ty hoe:
\v 24 “Manoroa denaria raike Amiko. Ania io sare vaho agnara amine eo o?” Nirehake iereo ty hoe: “Ahy Kaisara.”
\p
\v 25 Hoe Re tamiereo ty hoe: “Laha zao ameo Kaisara ty raraha ze ahy Kaisara, naho an'Agnahare, reo raraha ze an'Agnahare.”
\v 26 Tsy nahita tsiny tamize nirehafene teo agnoloa ty vahoake iereo, fa le nigaga tamity valen-drehane ka nitsy.
\p
\v 27 Laha fa niavy teo amine ty ilane tamireo Sadoseo, reo ze nirehake fa tsy misy fitsangana amity mate,
\v 28 nagnotane aze iereo, nanao ty hoe: “Mpampianatre, Mosesy le nanoratre hoantika fa laha matety rahalahy ty lahilahy raike, manam-baly, naho tsy managnanake, le tokone hagngala-baly ty valin-drahalahine ty lahilahy, naho hagnomea anake hoahy ty rahalahine.
\v 29 Nisy mpirahalahy fito naho ty voalohane manam-baly, naho nimate tsy nanagnanake,
\v 30 naho ty faharoe kea hoe zay.
\v 31 Nagnakatre aze ty fahatelo, naho hoe zay iaby ie fito sambe tsy nanagnanake, naho nimate.
\v 32 Tafara zay le mate kea ampela ay.
\v 33 Amity fitsangana amity mate, ho valinia vao re? Fa sambe le fa nanambale aze ie fito.”
\p
\v 34 Jesosy nanao tamiereo ty hoe: “Reo ana zao tontolo zao le magnaka-baly vaho akare.
\v 35 Fa reo ze hita amize andro zao fa soa ty hahazo ty fitsangana amity mate le tsy hagnaka-baly ndra hakare.
\v 36 Tsy ho mate sase iereo, satria mitovy amireo anjele vaho reo anan'Agnahare, ty ana ty fitsangana amity mate.
\v 37 Fa ty mate le natsanga, ndra Mosesy aza le nanoro, teo amity toera ze nisy ty voaroy, ty nikaihane ty Tompo ho Zagnahare Abrahama vaho Zagnahare Isaka naho Zagnahare Jakoba.
\v 38 Naho Re le tsy Zagnahare ty mate, fa ty velo, satria iaby iaby le velo amine ao.”
\p
\v 39 Ty ilane tamireo mpanora-dily namale ty hoe: “Mpampianatre, namale soa Riha.”
\v 40 Satria tsy nahasaky nametrake fagnotanea hafa tamine sase iereo.
\p
\v 41 Jesosy nirehake iereo ty hoe: “Akore ro irehafa iereo fa Kirisity le anadahy Davida?
\v 42 Fa Davida avao ro nirehake tao amity boke Salamo ty hoe: Ty Tompo nirehake tamity Tompoko ty hoe: 'Mitoboha eo antagnan-kavanako,
\q
\v 43 mandram-panoako ty fahavalonao ho fisy ty tombonao.'
\p
\v 44 Laha zao Davida le nikaike Kirisity hoe: 'Tompo', ka akore ro maha ana Davida Aze?”
\p
\v 45 Teo agnoloa ty ndaty iaby le nirehake tamireo mpianane Re ty hoe:
\v 46 “Miambena amity mpanora-dily, te magniry handeha miarake amity akanjo lava, vaho tea fanalama arere egne ambazary, vaho seza voalohane ao agnate synagoga, naho toera voalohane agne amity fagnafara.
\v 47 Iereo kea mandany ty tragno reo mpivem-bata, naho manao vavake lavabey ho fiboaha. Ty lahilahy hoe zay le hahazo fimeloha bey kea.”
\c 21
\cl Toko 21
\p
\v 1 Jesosy nagnete ka nahita reo lahilahy manan-karea te nampipoke ty fagnate iereo tao amity fampipohan-draketre.
\v 2 Nahita mpivem-bata mijale raike nampipoke farantsa roe Re tao.
\v 3 Ka hoe Re ty hoe: “Ataliliko mare aminareo, ty mpivem-bata mijale toy le nampipoke maro naho ie iaby.
\v 4 Iaby reo le nagnomea fagnatetre arake ty habey ty hareane. Fa ty mpivem-bata toy, tamity fijaleane, le nampipoke ty hivelomane iaby.”
\p
\v 5 Laha nisy maro nirehake miomba ty tempoly, fa voaravake vato soa tarehe vaho fagnatetre zay, le hoe Re ty hoe:
\v 6 “Fa ty amireo zaka hitanao reo, mboe hoavy ty andro ze tsy hisy ndra vato raike aza hijano amity hafa ka tsy ho ravae.”
\p
\v 7 Ka nagnotane Aze iereo, nanao ty hoe: “Ry mpampianatre, mbia reo zaka reo ro hiseho? Ino ro famantara laha fa hiseho reo zaka reo?”
\p
\v 8 Jesosy namale ty hoe: “Miambena mba tsy ho voa fitake nareo. Fa ro hoavy amity agnarako, hanao ty hoe: 'Zaho ro ie,' naho, Le fa marine ty andro.' Ko magnorike iereo.
\v 9 Laha fa maharey aly vaho vande nareo, le ko matahotre, fa reo zaka reo le tsy mahaintsy hiseho aloha, fa ty farane le tsy hiseho eo naho eo.”
\p
\v 10 Naho hoe Re tamiereo ty hoe: “Ty firene le hitsanga handietre firene, naho ty fanjaka handietre fanjaka.
\v 11 Hisy horohoron-tane bey, naho kere vaho arete-mandany agne amity toera sambe hafa. Hisy zaka mampatahotre naho famantaram-bey bakagne andagnitse.
\v 12 Fa aloha reo zaka iaby reo, le hitsepake anareo iereo naho hagnia anareo, hanolotre anareo ao amity synagoga vaho ty hagadra, handay anareo eo agnoloa reo mpanjaka vaho reo mpandily naho ty agnarako.
\v 13 Zay le hagnomea fahafaha ho amity fanoa nareo vavolombelo.
\v 14 Laha zao le manampaha hevetre ao agnarofonareo mba tsy hagnoma ty fiaronareo aloha ty fotoa,
\v 15 fa zaho hagnomea rehake vaho hamarea anareo, te tsy afake liere vaho lliere reo mpandietre anareo.
\v 16 Fa nareo kea le hatolotre ty rae-aman-drene, reo rahalahy, reo longo vaho reo nama, naho iereo le hamono ho mate ty ilane aminareo.
\v 17 Ho heje ty kirai-kiraike naho ty agnarako Nareo.
\v 18 Fa tsy hisy ho robake ndra le pilam-bolo raike eo amity lohanareo aza.
\v 19 Amity faharetanareo ro hamonjeanareo ty fagnahinareo.
\p
\v 20 Laha fa hitanareo voahodidy miaramila Jerosalema, le haio fa le marine ty haharavane.
\v 21 Le ao reo ze agne Jodia hilay agne ambohitse, naho ao reo ze agne agnivo ty tana hiala, naho ko enga hilitre ao reo ze agne ambanevolo.
\v 22 Fa reo ro andro ty valefate, mba ho lefe reo zaka iaby te fa voasoratre.
\v 23 Loza hoahy reo ze manday troke vaho hoahy reo mampinono amize andro zay! Fa hisy fijaleam-bey eo amity tane, naho heloke amio vahoake eo.
\v 24 Ho lavo ty meso iereo naho hoente ho azo agne amity firene iaby, naho Jerosalema le ho voatsiboda reo Jentilisa, mandram-pahalefe ty andro ty Jentilisa.
\p
\v 25 Hisy famantara egna maity masoandro, egne amity vola, vaho egne amity kinta, naho antane eto. Ho azom-pijalea reo firene, hangirifiry naho ty eron-driake vaho reo onjane.
\v 26 Hisy lahilahy ho tora ty tahotre vaho ty fandignasa reo zaka ze hoavy antane eto. Fa ho hozogne ty here ty lagnitse.
\v 27 Bakeo le ho hita iereo ty Anagn'Ondaty avy egne amity raho miarake amity here vaho ty hasy bey.
\v 28 Fa laha fa manomboke miseho reo zaka reo, le mitsangana naho akaro ty lohanareo, satria te fa marine ty fagnafaha anareo.”
\p
\v 29 Nanao fagnohara tamiereo Jesosy ty hoe: “Henteo ty hetaen'aviavy, vaho reo hetae iaby.
\v 30 Laha fa mitaroke reo, le ho hitanareo arere fa le fa marine ty lohatao.
\v 31 Hoe zay kea, laha fa hitanareo miseho reo zaka reo, le hainareo fa le fa marine ty fanjakan'Agnahare.
\v 32 Ataliliko aminareo, mare vatane, ty foko toy le tsy ho mate mandram-pisehoa reo zaka reo.
\v 33 Ty lagnitse vaho ty tane le ho rava, fa reo tsarako le tsy ho rava zisikagne.
\p
\v 34 Fa miambena amity vatanareo, mba tsy ho vesare ty voka ty finoma vaho ty hamamoa ty arofonareo, vaho reo fisalasala ty havelo, ka bakeo le hihily tampoke aminareo manahake ty fandrike ze andro zay.
\v 35 Fa zay le hoavy amity kirai-kiraike ze velo magneran-tane.
\v 36 Fa mba miambe amity andro iaby, mivavaha mba ho ampe here nareo hilay reo zaka iaby ze hiseho, naho ty agnoloa ty anagn'Ondaty eo le hitsangana.”
\p
\v 37 Ka zisike ty andro le nampianatre tao amity tempoly Re, naho hale le nandeha niakatre Re naho nijano teo ambohitse Oliva.
\v 38 Reo vahoake iaby le niavy vaho maraindray mba hidranjy Aze tao amity tempoly.
\c 22
\cl Toko 22
\p
\v 1 Naho le fa marine ty Hafalea amity Mofo tsy misy masirasira, te atao ty hoe Pasake.
\v 2 Nialy hevetre reo loha ty mpisoro vaho reo mpanora-dily ty amity fomba hahafaha iereo mamono Jesosy, satria natahotre ty ndaty iereo.
\p
\v 3 Bakeo Satana nilitre tamy Jodasy Iskariota, ty raike tamireo roe ambifolo.
\v 4 Jodasy nandeha nimbaeo amireo loha ty mpisoro vaho reo kapitene naho nialy hevetre tamiereo ty amity fomba hivaliha amy Jesosy amiereo eo.
\v 5 Fale iereo, naho nagneke ty hagnomea vola aze.
\v 6 Nagneke re, naho nipay kendren-tohy mba hanolora Aze amiereo eo lavitre ty vahoake.
\p
\v 7 Niavy ty andro ty mofo tsy misy masirasira, te tsy mahaintsy hanoa soro ty anak'agnondry ty Pasake.
\v 8 Jesosy nagnirake Petera vaho Jaona, nanao ty hoe: “Mandehana naho vognono hoantika ty sakafo ty Pasake, mba hahafahantika mihina zay.”
\p
\v 9 Iereo nagnotane Aze ty hoe: “Aia ty teanao hanovanay ty fagnomana?”
\p
\v 10 Namale iereo Re ty hoe: “Dranjigno, laha fa militre ty tana nareo, le hisy lahilahy raike manday sinin-drano hifanalaka aminareo. Magnoriha aze amize tragno ilirane.
\v 11 Le rehafo ty tompo ty tragno ty hoe: 'Ty Mpampianatre mitalily aminao ty hoe: “Aia ty tragno fandrambesa vahiny, ty hihinanako ty sakafo ty Pasake miarake amireo mpianako?”'
\v 12 Re hanoro anareo efetragno ambone tafo bey misy enta. Anovo ao ty fagnomana.”
\v 13 Ka le nandeha iereo, naho nahita ty zaka iaby arake ze nirehafene tamiereo. Naho nagnoma ty sakafo ty Pasake iereo.
\p
\v 14 Laha fa niavy ty andro, le nitoboke niarake tamireo apositoly Re.
\v 15 Le nirehake tamiereo Re ty hoe: “Nagniry mafe ty hihina ty Pasake toy miarake aminareo Raho aloha ty hijaleako.
\v 16 Fa ataliliko aminareo, tsy hihina toy sase Raho, mandram-pahalefea zay agne amity fanjakan'Agnahare.”
\v 17 Le nandrae kapoake Jesosy, naho laha fa nisaotre Re, le nanao ty hoe: “Raeso toy, naho zarao aminareo.
\v 18 Fa ataliliko aminareo, tsy hino ty voka ty voaloboke sase Raho, mandram-pahavia ty fanjakan'Agnahare.”
\v 19 Le nandrae ty mofo Re, naho laha fa nisaotre, le tinampane zay, naho nomeane iereo, le nanao ty hoe: “Toy ty vatoko te amea ho anareo. Anovo zao ho fahatiarova Ahy.”
\v 20 Niraesene manahake zay kea ty kapoake laha fa vita ty sakafo, le hoe re ty hoe: “Ty kapoake toy le ty fifagnekea vaovao amity lioko, te napoko ho anareo.
\v 21 Fa miambena. Ty raike ze hivadike Ahy le miarake amiko eto andatabatre.
\v 22 Fa ty anagn'Ondaty le mandeha kea arake ze voatendre. Fa hoahy ze lahilahy zay hamadike Aze zay!”
\p
\v 23 Nanomboke nifagnotane iereo ty amity raike amiereo ze mete hanao zay.
\p
\v 24 Le nisy fifandiera kea tamiereo eo miomba ty dinehe ho bey vatane amiereo.
\p
\v 25 Nirehake tamiereo Re ty hoe: “Reo mpanjaka ty Jentilisa le tompo iereo, naho reo ze mana fahefa amiereo le hatao ho hoe reo ze manao soa hoahy ty vahoakene.
\v 26 Fa tsy hoe zay kea ty aminareo. Hafa zay, ao ze bey vatane aminareo ho lasa hoe ty kele vatane, naho ao ze manan-danja vatane ho lasa manompo.
\v 27 Fa ia ro bey kea, ze mitoboke amity latabatre, sa ze manompo? Tsy ze mitoboke eo amity latabatre vao? Kanefa raho aminareo eto hoe ty raike manompo.
\p
\v 28 Fa nareo ro ndaty nanohy niarake tamiko tao amity fangalam-pagnahy nahazo ahy.
\v 29 Ameko fanjaka nareo, manahake ty Raeko ka nagnomea fanjaka hoahy,
\v 30 mba ho afake hihina vaho hino eo andatabako agne amity fanjakako nareo, naho hitoboke eo amity sezan-droandria hitsara ty foko Israely roe ambifolo nareo.
\p
\v 31 Simona, Simona, miambena, mipay anareo ty Satana, mba hahafahane maniva anareo manahake ty vare.
\v 32 Fa nivavake ho anao Raho, mba tsy ho mate ty finoanao. Afara ty himpolianao ndraike, le hamafeso reo rahalahinao.”
\p
\v 33 Petera nirehake tamine ty hoe: “Tompo, vogno hiarake aminao raho ndra agne ampigadra ndra hoagne amity fate.”
\p
\v 34 Jesosy namale ty hoe: “Ambarako anao, ry Petera, tsy hikekeo ty akoho amize andro zay, aloha ty handieranao Ahy intelo ty hoe mahay Ahy riha.”
\p
\v 35 Le nirehake tamiereo Jesosy ty hoe: “Laha fa nandefa anareo tsy niarake tamity fisy vola, kitapom-batse, ndra kiraro raho, nisy zaka tsy niampe anareo vao?” Namale iereo ty hoe: “Tsy nisy.”
\p
\v 36 Le nirehake tamiereo Re ty hoe: “Fa zao, ze mana fisy vola, ao re hangalake zay, ndra kitapom-batse avao kea. Ze tsy mana meso le tokone hivarotre ty lambane naho hivily raike.
\v 37 Fa zaho mirehake aminareo, ze voasoratre miomba Ahy le tsy mahaintsy lefe:' Re le rinae hoe ty raike anireo tsy magnori-dily.' Fa ze nirehafe aloha miomba Ahy le fa ho lefe”
\p
\v 38 Le nirehake iereo ty hoe: “Tompo, Henteo! Toa misy meso roe.” Re nirehake tamiereo ty hoe: “Ampe zay.”
\p
\v 39 Tafara ty sakafo, le nandeha Jesosy, hoe ty fataone mateteke, tagne ambohitre Oliva, naho nagnorike Aze reo mpianane.
\v 40 Laha fa niavy iereo, le hoe Re tamiereo: “Mivavaha mba tsy hiliranareo amity fangalam-pagnahy.”
\v 41 Niala teo amiereo teo naho eo amity indraike mitora-bato Re, l nandohaleke Re naho nivavake,
\v 42 nanao ty hoe: “Ray o, laha mete, le afaho amiko ty kapoake toy. Ndra zay aza tsy ty teako, fa ty Anao ro hatao.”
\v 43 Le nisy anjele bakagne andagnitse niseho tamine, nagnamafe Aze.
\v 44 Tagnate ty jale, nivavake tamin-kafana-narofo mafe kea Re, naho ty hafanane le hoe ty lio nitete tamity tane.
\v 45 Naho laha fa nitsanga baka nivavake Re, le nimbaeo amity mpianatre, naho nahita iereo niroro naho ty alahelo iereo,
\v 46 ka nagnotane iereo ty hoe: “Nagnino ro miroro nareo? Mitsangana naho mivavaha, mba tsy hiliranareo amity fangalam-pagnahy.”
\p
\v 47 Laha mboe nirehake Re, ingo, nisy vahoake niseho, niarake tamy Jodasy, raike amireo roe ambifolo, nitarike iereo. Namonje Jesosy re mba hagnoroke Aze,
\v 48 Jesosy nanao tamine ty hoe: “Jodasy, mamadike ty anagn'Ondaty amity oroke vao riha?”
\p
\v 49 Laha fa nahita ty zaka niseho reo ze nagnodidy Jesosy, le nirehake re ty hoe: “Tompo, tokone hamofoke amity meso vao zahay?
\v 50 Bakeo ty raike tamiereo namofoke ty mpanompo ty mpisorom-bey, naho nadily ty sofine havana.
\p
\v 51 Jesosy nanao ty hoe: “Ampe zay!” Kinasine ty sofine, naho sinitrane re.
\v 52 Jesosy nirehake tamity loha ty mpisoro, tamireo kapitene ty tempoly, naho tamireo olobey ze niavy handietre Aze ty hoe: “Avy manahake ty hitsepake mpangalatre vao nareo, miarake amity meso vaho kopikopy?
\v 53 Tamizaho niarake taminareo isan'andro tao antempoly, tsy nitsepake Ahy nareo. Fa zao ro leranareo, vaho ty fahefa ty faieke.”
\p
\v 54 Tamity nitsepaha Aze, le tinary iereo Re, naho niente iereo tagne antragno ty mpisorom-bey. Fa Petera nagnorike bakegne lavi-davitre.
\v 55 Laha fa baka nandrehetre afo teo agnivo ty tokotane naho niara-nitoboke iereo, le nitoboke teo agnivo iereo ty Petera.
\v 56 Nisy mpanompo vave raike nahita aze laha nitoboke teo amity hazava ty afo re, naho nagnete mahity aze vaho nanao ty hoe: “Ty lahilahy ty kea niarake tamine.”
\p
\v 57 Fa Petera nilietre zay, nanao ty hoe: “Ry ampela, tsy haiko Re.”
\p
\v 58 Afake kele le nisy ndaty hafa nahita aze, naho nanao ty hoe: “Riha kea raike amiereo.” Fa Petera nanao ty hoe: “Ry lahilahy, tsy ie raho.”
\p
\v 59 Laha afake lera raike teo le nisy lahilahy hafa nizizo vaho nanao ty hoe: “Mare fa niarake tamine kea ty lahilahy tia, fa re le Galilia.”
\p
\v 60 Fa Petera nanao ty hoe: “Ry lahilahy, tsy haiko ty rehanao.” Teo naho eo, laha mboe nirehake re, le nisy akoho nikekeho.
\p
\v 61 Nagnete, ty Tompo nagnete Petera, naho Petera nahatiaro ty tsara Tompo, tamity nirehake tamine Re ty hoe: “Aloha ty hikekeoa ty akoho androany le hilietre Ahy intelo riha.”
\v 62 Niakatre tagne ambalike ty Petera naho nitagny mafe.
\p
\v 63 Naho reo lahilahy niambe Jesosy le nagnanihany naho namofoke Aze.
\v 64 Nasia iereo sarone Re naho nagnotane aze iereo, nanao ty hoe: “Mamisavisa! Ia ty ndaty namofoke anao?”
\v 65 Nirehake zaka hafa maro handietre Jesosy iereo, nirehake raty Aze.
\p
\v 66 Laha vaho nazava ty andro, le niarake-nivory reo olobey, ty loha ty mpisoro vaho ty mpanora-dily. Niente iereo tagne amity Synedriona Re
\v 67 naho nanao ty hoe: “Laha Riha ro kirisity, le rehafo aminay.” Fa Re nirehake tamiereo ty hoe: “Laha ho rehafeko aminareo, le tsy hino nareo,"
\v 68 naho laha hagnotane anareo Raho, le tsy hamale nareo.
\v 69 Fa manomboke zao, ty Anagn'Ondaty le hitoboke eo antagna havana ty heren'Agnahare.”
\p
\v 70 Ie iaby nanao ty hoe: “Le Anan'Agnahare zay Riha?” Jesosy nirehake tamiereo ty hoe: “Hainao fa raho ro ie.”
\v 71 Iereo nanao ty hoe: “Nagnino ro mboe mipay vavolombelo tika? Fa tika vatane ro naharey ty bakamity vavane.”
\c 23
\cl Toko 23
\p
\v 1 Nitsanga ty ndaty iaby tamiereo, naho nanday Jesosy teo agnoloa Pilato.
\v 2 Nanomboke nita Aze iereo, nanao ty hoe: “Hitanay ty lahilahy tia maniva ty firenenay, nandrara ty hagnomea ty hetra hoahy Kaisara, naho nanao ty hoe ire ro Kirisity mpanjaka.”
\p
\v 3 Pilato nagnotane Aze, nanao ty hoe: “Riha vao ro mpanjaka Jiosy?” Jesosy namale aze naho nanao ty hoe: “Hainao.”
\p
\v 4 Pilato nirehake atmireo loha ty mpisoro vaho reo vahoake ty hoe: “Tsy mahita hadisoa amity lahilahy toy raho.”
\p
\v 5 Fa mboe nizizo iereo, nanao ty hoe: “Magnoronta ty vahoake eo, mampianatre era Jodia iaby, manomboke agne Galilia ndra hatratoy amity toera toy aza.”
\p
\v 6 Ka laha fa rey Petera zay, le nagnotane re laha ohatre ka Galilia i lahilahy io.
\v 7 Laha fa hitane fa tao ambane fahefa Heroda Re, le nalefane Jesosy nimbaeo amy Heroda, te tagne Jerosalema avao kea tamize andro zay.
\v 8 Laha fa hita Heroda Jesosy, le vatane fale re, satria le fa te-hahita Aze avao. Naharey ty miomba Aze re naho nagnatena ty hahita hagaga maro nataone.
\v 9 Heroda nagnotane Jesosy tamity rehake maro, feie Jesosy tsy namale ndra ino ino aze.
\v 10 Reo loha ty mpisoro vaho reo mpanora-dily nitsanga, nita mafe Aze.
\v 11 Heroda vaho reo miaramilane naniva Jesosy vaho nagnaraty Aze. Bakeo le nampiankajo Aze lamba soa tarehe iereo naho nalefa iereo nihere tagne amy Pilato Re.
\v 12 Fa Heroda vaho Pilato le ninjare mpinama tamity andro o (Taloha zay le nialy iereo).
\p
\v 13 Bakeo Pilato nikaike reo loha ty mpisoro vaho reo mpandily naho reo vahoake maro niarake,
\v 14 naho nirehake tamiereo ty hoe: “Nientenareo teto amiko ty lahilahy toy manahake ty lahilahy ty mitarike ty ndaty hanao raty, naho henteo, raho, laha nagnotane tamine tagnoloanareo, le tsy mahita hadisoa amity lahilahy toy mikasike reo zaka ze hitananareo Aze.
\v 15 Aha, ndra le Heroda aza, satria nalefane nihere tatoy amintika Re, naho henteo, tsy misy ndra ino ino te soa amity fate vitane.
\v 16 Laha zao le ho liloveko Re, naho havotoko Re.”
\v 17
\f + \ft Fagnamarea: Reo fandika soa vatane le tsy magnisy ty And 17 ty hoe: Naho Pilato le voatere namototre gadra raike hoahy reo Jiosy tamity andro hafalea. \f*
\p
\v 18 Fa niarake nikorake mafe iereo, nanao ty hoe: “Ento agne eo lahilahy ui, naho avotoro ho anay ty Barabasy!”
\v 19 Barabasy le lahilahy raike te nilitre hagadra naho ty vande maro nataone vaho vonoa ndaty.
\v 20 Naho nirehake tamiereo ndraike Pilato, nagniry ty hamototre Jesosy.
\p
\v 21 Feie nitabataba mafe iereo, nanao ty hoe: “Heheo Re, Hefeo Re.”
\v 22 Nirehake tamiereo fagnintelone re ty hoe: “Nagnino, fa ino ro raty vita ty lahilahy toy? Tsy nahita ndra ino ino ze saze mete famonoa tamine raho. Laha zao laha fa nandilo Aze, le hamototre Aze raho.”
\v 23 Fa iereo nizizo tamity feo ambone, nangatake Aze mba feheze. Ty feo iereo le nandrese lahatre Pilato.
\v 24 Ka le nanam-pakevetre ty hagneke ty hata iereo ty Pilato.
\v 25 Nabotone ty raike nangatahe iereo ty nalefa tagne ampigadra naho ty vande vaho vonoa ndaty. Fa natolone ho amity sitrampo iereo ty Jesosy.
\p
\v 26 Naho teo ampindesa Aze iereo, le nita Simona bakagne Syrenia, ty bakagne ambanevolo, naho natobo iereo tamine eo ty hetae fijalea mba ho entene, nagnorike Jesosy.
\v 27 Maro tamireo vahoake, vaho reo ampela ty nalahelo mafe vaho nandala Aze, ro nagnorike Aze.
\v 28 Fa laha fa nitolike tagne amiereo, le nirehake Jesosy ty hoe: “Ry anakampela Jerosalema, ko mitagny Ahy, fa mitagnia hoahy ty vatanareo vaho hoahy reo anagnareo.
\v 29 Fa ingo, hoavy ty andro ze hirehafa iereo ty hoe:' Sambatre reo tsy miterake vaho reo troke ze tsy niterake, naho ty nono ze tsy nampinono kolo.'
\v 30 Naho le hanomboke hirehake amireo vohitse iereo ty hoe: 'Mitonta aminay,' naho amity tazoa ty hoe: “Manakona any.”
\v 31 Fa laha manao ze zaka zay iereo laha mboe mikaike ty hetae, ino ro hiseho laha fa maike zay?”
\p
\v 32 Nisy lahilahy hafa, ndaty raty roe, niente niarake tamine mba ho vonoe.
\v 33 Laha fa niavy teo amity toera raike atao ty hoe “Ikarandoha” iereo, le teo ro namonoa iereo Aze, vaho reo ndaty raty- ty raike tankavana naho ty raike tamity havia.
\v 34 Jesosy nirehake ty hoe: “Ray o, mamotora iereo, fa tsy hay iereo ty hataone.” Bakeo le niloka iereo, nizara ty sikine.
\v 35 Le nitsanga nagnete teo reo ndaty laha mboe nagnanihany Aze kea reo mpandily, nanao ty hoe: “Namonje reo hafa Re. Engao Re hamonje ty vatane, laha Re ro Kirisitin'Agnahare, ty aze voafily.”
\p
\v 36 Reo miaramila avao kea le nagnafa-baraka Aze, namonje Aze, nagnomea Aze vinangetre,
\v 37 naho nanao ty hoe: “Laha Riha ro mpanjaka Jiosy, vonjeo ty vatanao.”
\v 38 Nisy famantara avao kea teo ambonene ty hoe: “Toy ty mpanjaka Jiosy.”
\p
\v 39 Ty raike tamireo ndaty raty ze nihanto teo ro nandraty Aze tamity nirehafane ty hoe: “Tsy riha vao ro Kirisity? Vonjeo ty vatanao vaho zahay.”
\p
\v 40 Fa ty ty raike nirehake mafe aze, nanao ty hoe: “Tsy mba matahotre an'Agnahare vao riha, laha sambe ambane ty fimeloha mitovy avao?
\v 41 Tika le eto ara-drarene kea, satria tika. Fa ty lahilahy toy tsy nanao zaka raty.”
\v 42 Bakeo re nanao ty hoe: “Jesosy o, tiarovo raho laha fa avy agne amity fanjakanao riha.”
\p
\v 43 Jesosy nanao tamine ty hoe: “Ataliliko mare aminao, fa androany riha le hiarake amiko agne amparadisa.”
\p
\v 44 Naho lera faha-ene teo tamizay, naho ty ieke baka nanako ty tan iaby zisikamity lera fahasive
\v 45 laha niha maieke ty hazava ty masoandro. Bakeo ty lamba ty tempoly le nizara bakeo agnivone.
\v 46 Nikorake tamity feo mafe, Jesosy nanao ty hoe: “Ray o, antagnanao eo ro agnisiako ty fiaignako.” Laha fa baka nirehake zay re, le mate Re.
\p
\v 47 Laha fa hita ty kapitene ty zaka nisy, le nagnomea hasy an'Agnahare re, nanao ty hoe: “Azo antoke vatane fa ndaty mare ty lahilahy tia.”
\v 48 Laha fa hita reo vahoake iaby ze niarake-niavy ho vavolombelo nagnatre-maso reo zaka niseho reo, le nihere niteha-tratra iereo.
\v 49 Fa iaby reo ze nahay Aze, vaho reo ampela ze nagnorike Aze bakagne Galilia, le nitsanga tegne lavitre, nagnete ze zaka zay.
\p
\v 50 Naho ingo, nisy lahilahy raike atao ty hoe Josefa, ty mpikamba tao amity Synedriona. Ndaty soa vaho mare re.
\v 51 Lahilahy io le tsy nagneke ty fanam-pahakeve ty Synedriona vaho ty asa iereo. Bakagne amity tana ty Jodiana tagne Armatia re; naho re le nipay ty fanjakan'Agnahare.
\v 52 Lahilahy io, laha namonje Pilato, le nangatake ty vata Jesosy.
\v 53 Nalaene nizotro zay, rinakone hariry malineke, naho natobone tao agnate kibory raike ty vinaky tamity vato, te tsy mboe nisy ndaty nileve ao.
\v 54 Andro ty Fiomana tamizay, naho mboe nazava raty ty Sabata.
\v 55 Reo ampela, ze niarake tamy Jesosy niala tao Galilia, le nagnorike bakao afara naho nahita ty kibory vaho ty fomba nanoa ty fatene.
\v 56 Nihere iereo, naho nagnoma zaka-magnitre vaho menake magnitre. Naho tamity sabata le nihasoa iereo arake ty lily.
\c 24
\cl Toko 24
\p
\v 1 Vaho maray tamity andro voaloha ty heregnandro, le nimbaeo amity kibory iereo, nanday reo zaka-magnitre ze namboare iereo.
\v 2 Hita iereo niala lavitre ty kibory ty vato.
\v 3 Nilitre tao iereo, kanefa tsy nahita ty vata i Tompo Jesosy.
\v 4 Naho, laha mboe sahiran-tsay miomba zay iereo, tampoke teo, le nisy lahilahy roe nanao siky mamirapiratre nitsanga teo agnila reo.
\v 5 Naho laha fa feno tahotre reo ampela le nihohoke tamity tane, nirehake tamireo ampela iereo ty hoe: “Nagnino nareo ro mipay ty velo atoy amity mate?
\v 6 Tsy ato re, fa le fa natsanga! Tiarovo ty nirehafane anareo tamy Re mboe tagne Galilia,
\v 7 nagnambara fa ty anagn'Ondaty le tsy mahaintsy hatolotre ho eo antagna ty ndaty mpanota ka ho pehe eo amity hetae fijalea, naho amity andro fahatelo le hitsanga ndraike.”
\v 8 Reo ampela le nahatiaro reo rehane,
\v 9 ka nihere bakagne amity kibory naho nitalily ze zaka iaby zay tamireo raike ambifolo vaho ty sisane iaby.
\v 10 Naho Mary Magdalena, Johana, Mary rene Jakoba, naho reo ampela hafa niarake tamine le hitalily ze zaka zay tamireo apositoly.
\v 11 Fa ze talily zay le hoe ty tsy nisy dikane tamireo apositoly, ka tsy nino ampela reo iereo.
\v 12 Kanefa nitsanga Petera, le nilay nimbaeo amity kibory, naho niondreke vaho nagnete tao, le nahita reo lamba-pate nitoka. Naho Petera noly tagne antragnone, nagnotane vata ty amize zaka zay.
\p
\v 13 Reo, ty roe tamiereo nandeha tamio andro o hoagne amity tana atao ty hoe Emaosy, te enem-polo stadio miala Jerosalema.
\v 14 Iereo le nifampirehake miomba reo zaka iaby ze nisy.
\v 15 Naho, laha niara-nirehake vaho niara-nagnotane iereo, le namonje vaho nandeha niarake tamiereo Jesosy.
\v 16 Fa ty maso iereo le sinaka mba tsy hahay Aze.
\v 17 Jesosy nanao tamiereo ty hoe: “Ino ro rehafenareo roe etoy ampandehana?” Le nijano iereo vaho nalahelo.
\p
\v 18 Ty raike tamiereo, natao ty hoe Kleopasy, namale Aze hoe: “Iriha arere vao ro ndaty tao Jerosalema tsy nahay reo zaka niseho tagne tamize andro zay?
\p
\v 19 Jesosy nanao tamiereo ty hoe: “Zaka ino?” Iereo namale Aze ty hoe: “Reo zaka mikasike Jesosy Nazareta, te mpamisavisa, nahere tamity asa vaho ty tsara teo agnoloan'Agnahare vaho ty ndaty iaby,
\v 20 naho ty fomba nanolora reo loha ty mpisoro vaho reo mpandilinay Aze mba ho melofa ho mate vaho ty namonoa Aze teo amity hetae-fijalea.
\v 21 Kanefa zahay nanantena fa Re ro hagnafake Israely. Eka, naho hafa ze iaby zay, telo andro androany zao ro nisehoa ze zaka iaby zay.
\v 22 Nefa kea, ty ampela ilane tamity namanay le nahatama anay, ty tagne amity kibory vaho maray.
\v 23 Laha fa tsy nahita ty vatane iereo, le naho, nirehake fa iereo kea le nahita fahitava anjele te nitalily fa velo Re.
\v 24 Ty lahilahy ilane ze niarake taminay le nandeha tagne amity kibory, naho nahita zay arake ze rineha reo ampela. Feie tsy nahita Aze iereo.”
\p
\v 25 Jesosy nanao tamiereo ty hoe: “Ry lahilahy gege vaho votsa vaho mino reo iaby voatalily ty mpamisavisa!
\v 26 Feie vao tsy pinay hoahy Kirisity ty nijale tamirey zaka rey, ka hilitre agne amity haisne?”
\v 27 Naho nanomboke tamy Mosesy ka zisikamireo mpamisavisa iaby, le nandika Jesosy tamiereo ao amity Soratre Masy ty miomba ty Vatane.
\p
\v 28 Laha niharine ty tana ze niombane iereo, le nanoro hetseke hoe ty hoe handeha lavitre ty Jesosy.
\v 29 Fa nanere iereo, nanao ty hoe: “Mijanogna aminay eto, fa le fa ho hariva zao naho le fa hitsofotre ty andro.” Ka nilitre mba hijano niarake tamiereo Jesosy.
\v 30 Naho, laha fa nitoboke mba hiarake hihina tamiereo Re, le nangalake ty mofo, nisaotre zay, vaho namaky zay, naho nagnomea zay iereo.
\v 31 Bakeo nivoha ty maso iereo, ka nahay Aze, naho nanjavo teo amaso iereo Re.
\v 32 Iereo nifampirehake ty hoe: “Feie vao ty arofontika tsy tamintika ao, laha nirehake tamintika tene andala Re, laha namoha ty Soratre Masy tamintika Re?”
\v 33 Nitsanga iereo tamio lera ao, ka nihere tagne Jerosalema. Nahita reo raike ambifolo niara-nivory iereo, vaho reo ze niarake tamiereo,
\p
\v 34 nanao ty hoe: “Ty Tompo le nitsanga vatane, naho niseho tamy Simona.”
\v 35 Ka nirehafe iereo ze zaka niseho tegne andala, vaho ty fomba nisehoa Jesosy tamiereo tamity fanampaha ty mofo.
\p
\v 36 Laha nirehake ze zaka zay iereo, le nitsanga teo agnivo iereo Jesosy vatane, naho nanao tamiereo ty hoe: “Fiadagna anie hoanareo.”
\v 37 Feie taitre vaho natahotre iereo, naho nidineke fa nahita fanahy.
\v 38 Jesosy nanao tamiereo ty hoe: “Nagnino nareo ro matahotre? Nagnino ro misy fagnotanea amponareo ao?
\v 39 Henteo ty tagnako vaho ty tomboko, fa Zaho vataho toy. Kasiho Raho ka henteo. Fa ty fagnahy tsy mana nofo vaho taola, arake ty ahita nareo Ahy ty hoe mana.”
\v 40 Laha fa nirehake zay Re, le natorone tamiereo ty tagnane vaho ty tombone.
\v 41 Mboe tsy nino zay iereo naho ty hafalea, naho gaga iereo. Jesosy nirehake iereo ty hoe: “Mana zaka hohane vao nareo?”
\v 42 Namea iereo fia natono re,
\v 43 ka nalaene zay naho nihanene tagnolao iereo eo.
\p
\v 44 Re nirehake tamiereo ty hoe: “Tamizaho niarake taminareo, le nitalily taminareo fa iaby ze voasoratre tao amity lily Mosesy vaho reo mpamisavisane naho reo Salamo le tsy mahanitsy ho lefe.”
\v 45 Naho sinokane ty say iereo, mba hoazo iereo ty Soratre Masy.
\v 46 Nirehake iereo Re ty hoe: “Zao ro voasoratre, fa Kirisity le hijale, naho hitsanga amity mate ndraike amity andro fahatelo.
\v 47 Fibebaha vaho famotoran-keloke ro tokone ho talilie amity agnarane agne amity firene iaby, manomboke ao Jerosalema.
\v 48 Nareo ro vavolombelo rey zaka rey.
\v 49 Ingo, halefako aminareo ze nampagnategnae ty Raeko. Kanefa mitoboha antana ao mandram-pisikinareo ty here bakagne ambone.”
\p
\v 50 Naho Jesosy nitarike iereo mandram-pahavia iereo tagne Betania. Nakarene ty tagnane, naho nitahiene iereo.
\v 51 Naho, laha fa nitso-drano iereo Re, le nienga iereo Re naho lasa niakatre tane andagnitse.
\v 52 Le niantsa Aze iereo, naho nihere tagne Jerosalema tamity hafaleam-bey.
\v 53 Nitohy nimbaeo amity tempoly iereo, nandaza an'Agnahare.