tdx-x-mahafaly_reg/42-MRK.usfm

\id MRK
\ide UTF-8
\h Marka
\toc1 Marka
\toc2 Marka
\toc3 mrk
\mt Marka
\c 1
\cl Toko 1
\p
\v 1 Toy ty fiandoha ty filazantsara ndre Jesosy Kristy, iaze Anagn'Andragnahare.
\v 2 Arake ze voasoratse ao amy Isaia mpitoke tihoe: “Ingo, Raho magnirake ty irako hiaolo Anao, iaze rake hagnamboatse ty lalanao.
\q
\v 3 Misy feo re mikaike mafe agne amy tyy tane tsy raraha tihoe: “Amboaro vonogne ty lala ty Tompo; ataovo mahity ty lala handehanane.”'
\p
\v 4 Avy Jaoana, nanao batisa tagne amy ty tane agn'efetse vaho nitory ty batisa ty fifona ho amy ty famelan-keloke noho ty haratia.
\v 5 Ty tane ndre Jodia iaby naho ty vahoake iaby ao Jerosalema le avy namonje aze. Nataone batisa tao amy ty sihana ndre Jordana iareo, lafa nagneke ty hafatiane.
\v 6 Jaoana le nisike lamba volon-drameva vaho nanao satira holitse teo am-balahane, vaho valala naho tantele rembe no nihannine
\v 7 Nagnambara re tihoe: “MIsy raeke ho avy magnarake ahike ze mahere mihoatse ahike, vaho tsy maeva raho na ty hagnaha ty fehin-kanane.
\v 8 Raho nanao Batisa anareo tamy ty rano, te Re kea hanao batisa anareo amy ty Fagnahy Masy.”
\p
\v 9 Tamy reo andro nahaavy ndre Jesosy bak'agne Nazareta tao Galilia ro nitsanga zay, vaho natao ndre Jaona batisa tao amy ty sihana ndre Jordana Reke.
\v 10 Laha vao niboake ty rano Jesosy, le hisane nisokatsy ty lagnitse vaho nizotso teo amine manahake ty voromahilala ty Fagnahy.
\v 11 Vaho nisy feo bak'agne an-dagnitse nanao tihoe: “Riha ro Anako malalako. Iriha ro teako.”
\v 12 Bak'eo le nitaomy ty Fagnahy ho agne amy ty tane tsy misy raraha Jesosy.
\v 13 Efapolo andro Reke ro tagne amy ty tane tsy misy raraha, nala ty satana fagnahy. Nitoetse nirake tamy ty bibily Reke, vaho nanompo Aze reo anjele.
\p
\v 14 Vaho lafa voasambotse Jaona le avy tao Galilia Jesosy nitory ty filazantsara ty Andragnahare,
\v 15 vaho nitalily tihoe: “Fa avy ty fotoa, vaho fa marine ty fanjaka ty Andragnahare. Mifona le matokia ty filazantsara.”
\p
\v 16 Lafa nandeha tegne sisin-dranomasy ndre Galilia Re, le nahisake ahy ndre Simona naho Andrea rahalahy ndre Simona nagnarato, satria mpagnarato iareo.
\v 17 Nanao tihoe Jesosy tamy iareo: “Avia magnaraha Ahike, te ataoko mpagnarato ndaty nareo.”
\v 18 Teo no eo le nagnenga ty harato iareo le nagnarake Aze
\v 19 Lafa nandeha lavilavitse Jesosy le nahisake ahy ndre Jokaba ana ndre Zebedio naho Jaona rahalahine; ze tao an-tsambokele namboatse ty harato.
\v 20 Nikaike aiareo Reke le nengane tao an-tsambokele Zebedio babane niarake tamy reo mpikarama, le nagnarake Aze iareo.
\p
\v 21 Bak'eo le avy tao Kapernaomy iareo, vaho tamy ty andro Sabata, le nizilike tao amy ty Synagoga Jesosy vaho nampianatse.
\v 22 Vere tamy ty fampianarane iareo, satria nampianatse aiereo manahake ty ndaty mana fahefa Re te tsy manahake reo mpanora-dalàgna.
\v 23 Bak'eo nisy lehilahy raeke tao amy ty Synagoga iareo ze nana fagnahy maloto nikoike mafe,
\v 24 nanao tihoe: “Ino ro hifandraisanay aminao, ry Jesosy bak'agne Nazareta? Avy hamotike anay vao Riha? Haitso tihoe ia Riha. Riha iaze Masy ty Andragnahare!”
\p
\v 25 Nitsara mafe ty demne Jesosy le nanao tihoe: “Mitsigna vaho miboaha amine!”
\v 26 Vaho iaze fagnahy maloto nanota aze naho niboake tamine le nikaike tamy ty feo mahere.
\p
\v 27 Vere ty ndaty iaby, le nafagnontane iareo tihoe: “Ino toy? Fampianara vaovao misy fahefa? Baikoine na le reo fagnahy maloto vaho magnina Aze iareo!”
\v 28 Ty vaovao mikasike Aze le niparitake tegne iaby tegny tao amy faritse ndre Galilia iaby.
\p
\v 29 Lafa baka niboake ty synagoga, le avy tao an-tragno ndre Simona naho Andrea iareo, niarake tamy ndre Jakoba naho Jaona.
\v 30 Vaho ty rafozam-bavy ndre Simona nandre narary ty tazo, le nitalily iareo ahy ndre Jesosy ty mikasike aze.
\v 31 Le namonje Re, le nandrambe aze tamy ty tagnane, vaho nandrene aze; le afake ty tazone, vaho nanomboke nanompo aiereo re.
\p
\v 32 Tamy io hariva io, tafara ty fitsofara ty masoandro, le nandesy iareo teo amine ze narare iaby na misy demone.
\v 33 Tafavore niarake teo am-baravara ty tao an-tanà iaby.
\v 34 Nagnafake ndaty maro ze narere ty arete samihafa Re vaho nandroake demone maro, te tsy nampone hitsara reo demone satria nahay Aze iareo.
\p
\v 35 Nifoha maraindray bey Reke, laha mboe maike ty nadro; niala teo Re le nandeha tagne amy ty toera mitoka vaho teo reke ro nivavake.
\v 36 Nipay Aze Simona naho reo niarake tamine.
\v 37 Nahisake Aze iareo vaho nitalily tamine tihoe: “MIpay Anao ty ndaty iaby.”
\p
\v 38 Nanao tihoe Reke: “Ndao tika ho agne amy ty toeran-kafa, agne ambalike ao amy reo tanà magodidy, soa hazahoako mitory tegne agne kea. Te zay ro antone niboahako tatoy.”
\v 39 Le nandesy ahy ndre Galilia iaby Reke, nitory tsara tao amy ty Synagoga iareo sade nandroake demone maro.
\p
\v 40 Nisy ndaty voa ty angama raeke avy teo Amine vaho nitalily tamine tihoe: “Laha teanao le afake madio ahike Iriha.”
\p
\v 41 Nahafirignay aze, le namelatse ty tagnane Jesosy vaho nikasike aze, nanao tamine tihoe: “Teako Miliova iriha.”
\v 42 Niala tamine eo noho eo ty angamay, vaho nalio re.
\v 43 Nametse mafe aze Jesosy vaho nandefa aze.
\v 44 Nanao tihoe Reke tamine: “Tandremo tsy hitalily na ino na ino ami ia na amy ia riha, te mandena, asehoy amy ty mpisoro ty vatanao, vaho manaova fagnatitse noho ty fagnadiova anao arake ty nandilia ndre Mosesy, soa ho fitsangana vavolombelo ho aiereo.”
\v 45 Te niboake re vaho nanomboke nitilily tamy ty ndaty iaby naho nampiele loatse ty tsara le tsy afake nizilike an-kalalaha tagne amy ty tanà iaby sase Jesosy. Le nitoetse tagne ambalike tagne amy try toera mitoka Reke vaho namonje Aze ty ndaty bak'amy ty toera iaby.
\c 2
\cl Toko 2
\p
\v 1 Lafa nimpole tao Kapernaomy Reke afake andro kelekele, le jajy te tao an-tragno reke.
\v 2 Maro vatane ty ndaty nivpria teo le tsy nisy toera sase, na le ty teo am-baravara kea, vaho nagnambara ty tene tamy iareo Jesosy.
\v 3 Le nisy lehilahy maromaro namonje Aze ze nanday lehilahy maleme raeke; ze nitaranjoa ty ndaty efa-dahy.
\v 4 Lafa tsy afake namonje Aze marine iareonoho ty habetsake ty vahoake, le nafa iareo ty tafon-tragno ze teo ambone ndre Jesosy, vaho lafa voasokatse iareo, le nampizilihy iareo ty fandrea ze nandrea iaze lehilahy maleme.
\v 5 Lafa hisake ty finoa iareo, le nanao tihoe Jesosy tamy iaze lehilahy maleme tihoe: “Anake, voavela ty helognao.
\p
\v 6 Vaho nisy sasane tamy reo mpanoratse lalàgna nitoboke teo, le nimoemoe tao agn'arofone iareo tihoe: 
\v 7 “Nanao akore ro ahafaha io lehilahy io mitsara manahake zay? Mitsara rate Reke! Te tsy andragnahare raeke avao vao ro afake mamela heloke?”
\p
\v 8 Te Jesosy avy le nahay amy ty fagnahine ty zaka nieretrerety iareo. Vaho nanao tihoe Reke tamy iareo: “Nanao akore nareo ro misafiry zay raraha zay ao agn'agnorofo nareo?
\v 9 Ino ro moramora ty mitsara amy iaze lehilahy maleme tihoe: “Voavela ty helognao' sa ty tihoe: 'Mitsangà, batao ty fandreanao, le mandena'?
\v 10 Te soa hahaizanareo te mana fahefa ty hamela heloke etoy an-tane ty Anagn'Ondaty,” nanao tihoe Reke tamy iaze maleme:
\v 11 “Ataliliko aminao, mitsangàna batao ty fandreanao, le mandena agne an-tragnonao.”
\p
\v 12 Le nitsanga re le nibata ty fandreane eo no eo, vaho niboake ahy ize tragno magnoloa ty iaby, le vere iareo iaby le nagnome voninahitse ahy ty Andragnahare, vaho nanao tihoe iareo: “Tsy mboe nahisake zaka manahake toy zahay.”
\p
\v 13 Bak'eo niboake teo amy sisin-dranomasy ndraike Reke, vaho nagnotane aze iaby ty vahoake, le nampianarene iareo.
\v 14 vaho lafa nandalo Re, le nahisake ahy ndre Levi ana ndre Alfeo nitoboke teo amy ty toera famoria haba le nanao tihoe Reke tam, ine: “Magnaraha Ahike.” Le nitsanga reke le nagnarake Aze.
\p
\v 15 Nisakafo tao an-tragno ndre Levy Jesosy vaho mpitaky haba naho ndaty mpanao rate maro ro niara-nihina tamine naho reo mpianane, te maro iareo ro tao vaho nagnarake AZe.
\v 16 Vaho reo mpanora-dalàgna ze Fariseo, lafa nahisake ahy ndre Jesosy niara-nintava tamy reo ndaty rate naho reo mpitaky haba, le nagnontane ty mpianare tihoe: “Nanao akore Re ro miara-mitava amy ty mpitake haba naho ndaty rate?”
\p
\v 17 Lafa nahajanje zay Jesosy le nanao tihoe Reke tamy iareo: “Tsy ty salama ro mipay mpitsabo; te ze marare avao ro mipay zay. Tsy avy hikaike ty ndatymare Raho te ty ndaty rate.”
\p
\v 18 Vaho nifaly hane reo mpianatsy ndre Jaona naho reo Fariseo. Lehilahy maromaro ro namoje Aze le nitsara tamine tihoe: “Nanao akore ty mpiana ndre Jaona naho ty mpianatsy reo Fariseo ro mifale hane, te ty mpianatrao kea tsy mifale?”
\p
\v 19 Le nanao tihoe Jesosy tamy iareo: “Afake mifale hane vao ty mpagnatrike ty fangalam-bale laha mbe eo ty mpangalake? laha mbo miarake amy iareo eo ty mpangalake, le tsy afake mifale hane iareo.
\v 20 Ho avy ty andro hangala ty mpangalam-bale eo amy iareo, le amy zay andro zay, ro hifale hane iareo.
\p
\v 21 Tsy misy manampe lamba rota amy ty lamba vaovao, laha tsy zay le hiala amine iaze tapa-damba, ty vaovao hiala amy ty taloha, vaho holosotse ho rate ty fitatahane
\v 22 vaho tsy misy ndaty magnisy divay vaovao ao ampo vatavo holitse farate, laha tsy zay le ho rovitse ty divay ty holitse le sambe ho rombake ty divay naho ty svatavo holitse. Te kea, divay vaovao atao ao ampo vatavo holitse vaovao.”
\p
\v 23 Tamy ty andro sabata Jesosy nandeha tegne amy ty tanembare maromaro, vaho nanomboke nitsongo voambare ty mpianane.
\v 24 Le nanao tihoe reo Fariseo: “Vambao, nanao akore iareo ro manao zaka tsy arake ty lalàgna ty andro Sabata?”
\p
\v 25 Nanao tihoe Reke tamy iareo: “Mboe tsynivakinareo moa ze nanoe ndre Davida lafa tao amppo ty fahampia naho kere reke_ naho reo lehilahy nirake tamine_
\v 26 nanao akore ty fomba nizilihane tao agn'anjomba ty Andragnahare tamy ty andro ndre Abiatara mpisorobey, le nihina ty mofo ty fagnatreha, ze tsy ara-dalàgna ho hy ia na ia ty mihina aze ankoaty ty mpisoro avao, vaho mboe nagnomezane maromaro reo ze niarake tamine kea?”
\v 27 Jesosy nitsara tihoe: “Ty Sabata le nanoe ho ahy ty anagn'ondaty, te tsy ty angn'ondaty to ho ahy ty Sabata.
\v 28 Noho zay, ty Anagn'Ondaty ro Tompo, na amy ty Sabata ka.”
\c 3
\cl Toko 3
\p
\v 1 Le nandeha tao amy ty synagoga ndrake Jesosy vaho nisy lehilahy mate tagna tao.
\v 2 Nivamba marine Aze ty ndaty sasantsasane soa hahisake laha hagnahfake aze amy ty Sabata Re soa afaha iareo magnameloke Aze.
\v 3 Nanao tihoe Jesosy tamy iaze lehilahy mate tagna: “Miongàha vaho mitsangana eto ampagnivoa ty ndate iaby eto.”
\v 4 Le nitsara tamy ty ndtay Reke tihoe: “Ara-dalàgna vao ty manao soa am, y ty andro Sabata sa ty manao rate; ty mamonjy fiay, sa ty mahafate? Feie iareo tsy nahaboake tsara.
\v 5 Nivamba aiereo tamin-tsiake Jesosy, vaho nalahelo Reke noho ty hamafy ty arofo iareo, le nitsara tamy iaze lehilahy Re tihoe: “Ahitio ty tagnanao.” Le naampatsy iaze lehilahy ty tagnane le afake.
\v 6 Niboake reo fariseo vaho ninisafiry malake niarake tamy ty Herodianaq hipay ze fomba hamonoa Aze.
\p
\v 7 Bak'eo Jesosy, niarake tamy reo mpianane, nandeha agne an-dranomasy, vaho nisy vahoake maro nagnarake bak'agne Galilia naho bak'agne Jodia
\v 8 vaho bak'agne Jerosalema naho bak'agne Edoma naho hatragne amy ty sihana ndre Jordana naho magnodidy ty Tyra naho Sidona. Lafa nahajanjy mikasike reo raraha nanoene iareo, le nisy vahoake maro nandeha eo amine.
\v 9 Le nampipay sambokele ty mpianane Jesosy ho Aze noho ty ndaty teo, soa tsy hifanoseha ty ndaty Reke.
\v 10 Noho Reke nagnafake ndaty maro, le nifandrombake namonje Aze ty ndaty iaby ze nana arete soa hikasike Aze.
\v 11 Sake ty nahisake Aze reo fagnahy maloto. le nihohoke teo agnoloane vaho nikoaike, vaho nanao tihoe iareo: “Riha ro Anagn'Andragnahare.”
\v 12 Nitsaraine mafe reo soa tsy hampahafantatse Aze.
\p
\v 13 Niakatse tegne ambone vohitse Reke, vaho nikaike reo ze teane, le nandeha amine reo.
\v 14 Nanendre reo folo roa amby Reke (ze kinaikine tihoe Apostoly), soa hafaha iareo miarake amine naho hafahane mandefa aze reo mitalily ty hafatse,
\v 15 vaho hana fahefa handroake reo demone.
\v 16 Bak'eo le nanendre reo folo rao ambe Reke: Simona ze nomeine agnara tihoe Petera;
\v 17 Jakoba ana ndre Zebedio, naho Jaona rahalahine, ze nomeine ty agnara tihoe Boanarijesy, ze midika tihoe, ana-baratse;
\v 18 vaho Andrea, Filipo, Baritolomeo, Matio, Tomasy, Jakoba ana ndre Alfeo, Tadeo, Simona Zelota,
\v 19 Jodasy Iskariota, ze hamadike Aze.
\p
\v 20 Le noly tagne an-tragno Reke, baho niara-niavy ndraeke ty vahoake, le lasa tsy afake nitava iareo.
\v 21 Lafa nahajanjy ty mikasike zay ty longone, le niboake iareo hangalake Aze, satria nitalilia iareo tihoe: vere say Reke.”
\p
\v 22 Vaho reo mpanora-dalàgna ze nizotso bak'agne Jerosalema le nitalily te: “Itoboha ndre Belzaboba Reke,” le, “Amy ty alala ty mpanapakr ty demone ro androahane ty demone.”
\p
\v 23 Le kinay ndre Jesosy handeha eo amine reo le nitsara aze reo tamy ty alala ty fagnohara tihoe: “Nanao akore ro hazahoa ndre Satana mandroake ahy ndre Satana?
\v 24 Laha misy fanjaka mialy an-tragno, le ho rava zay,
\v 25 Vaho laha misy tokan-tragno mialy an-tragno, le tsy haharitse zay tokan-tagno zay.
\v 26 laha nitsanga nanohitse ty vatane Satana vaho nisarake, le tsy haharitse le hijano.
\v 27 Te tsy misy afake mizilike ao amy ty tragno lehilahy mahere raeke vaho mandrava ty fanagnane laha tsy mamatotse iaze mahere aloha, vaho handrava ty tragnone re bak'eo.
\v 28 Talilieko aminareo ty to, ho voavela iaby ty heloke ty anagn'ondaty, na reo rehake rate iaby ze amboaky ty vavane kea,
\v 29 te ze mitsara rate ty Fagnahy Masy kea le tsy ho voavela heloke zisikam-parane, te meloke noho ty haratiane zisikam-parane.”
\p
\v 30 Nagnambara zay Jesosy noho ty fitalilia iareo tihoe: “Mana fagnahy maloto Reke.”
\p
\v 31 Bak'eo le avy ty renine naho reo rahalahine vaho nitsanga tegne ambalike. Nandefa ndaty nampahafantatse Aze iareo, le nampikaike Aze.
\v 32 Nitoboke magnodidy Aze ty vahoake vaho nanao tihoe iareo tamine: “Ty renegnao naho reo rahalahinao le ao ambalik'ao, vaho mipay anao iareo.”
\p
\v 33 Vaho Reke namale tihoe: “Ia ro reneko naho rahalahiko?”
\v 34 Vaho nivamba magnodidy Aze Re vaho nanao tihoe: “Vambao, reto ty reneko naho ty rahalahiko!
\v 35 Te na ia na ia manao ty tea ty Andragnahare, le zay ndaty zay ro rahalahiko, naho rahavaveko, vaho reneko.”
\c 4
\cl Toko 4
\p
\v 1 Vaho nanomboke nampianatse teo sisy ty ranomasy ndraeke Re, vaho nisy vahoake bey nivory nagnodidy Aze. nizilike tao an-tsambokele ze teo an-dranomasy Reke, vaho nitoboke tao amy zay. Ty vahoake iaby kea le nijano teo sisy ty ranomasy.
\v 2 Nampianatse aiereo zaka maro tamy ty alala ty fagnaohara Reke, vaho tao amy ty fampianarane, le zao ro nitaliliene tamy iareo.
\v 3 Janjigno, nisy mpitoke handeha hitonge voa.
\v 4 Vaho laha nitongy re, le nisy voa sasane nirarake tamy ty lala, le avy reo voro vaho nihina zay.
\v 5 ty voa ilane nirarake tamy ty tane feno vatovato, ze tsy nisy tane fire, Avy le namake eo no ho eo iareo regne, satria tsy laike ty tane nisy aze.
\v 6 te lafa niposake ty masoandro, le nalazo iareo, vaho satria tsy nisy vahane iareo, le maike.
\v 7 Ty voa hafa nirarake tamy ty tane feno fatike. Vaho namake niha-bey reo fatike reo le nanery aze, le tsy namoa voa.
\v 8 Ty voa hafa nirarake tamy ty tane soa le namokatse voa teo am-pitomboa vaho nihamaro, vaho ty ilane nitombo ty telopolo mihoatse, ty sasane enempolo, vaho ty ilane zato.”
\v 9 Bak'eo le nanao tihoe Reke: “ze manan-tsofy handesy mijanje, lonike re hijanje!”
\p
\v 10 Lafa arere Jesosy, le nagnontane Aze mikasike io fagnohara io reo ze marine Aze naho reo mpianane folo roa ambe.
\v 11 Nanao tihoe Reke tamy iareo: “Ho anareo ro nagnomeza ty zaka-mivone ty fanjaka ty Andragnahare. te ho ahy reo ze agne ambalike le fagnohahara iaby,
\q
\v 12 soa amy ty fotoa hagnetea iareo, eka hignete iareo, feie tsy hahisake, vaho soa amy ty fotoa hijanjigna iareo, egne hahajanjy iareo, feie tsy hahay zay, na kea hiodike iareo le hamindra arofo amy reo Andragnahare.”
\p
\v 13 Vaho nanao tihoe Re tamy iareo: “Tay azonareo vao zay fagnohara zay? Nanao akore avao ro hahazoanareo reo fagnohara hafa iaby?
\v 14 Iaze mpambole ze mitoke ty voa le iaze raeke ze mamafe ty tsara.
\v 15 Reto ro iazenirarake tegne an-dala, ze nitongise ty tsara, te lafa janjy iareozay, le avy Satana vaho hanagalatse ty tsara ze voatonge tamy iareo.
\v 16 Reto ro iaze voatonge tamy ty tane feno vatovato, ze, lafa nahajanje ty tsara, le nandrambe zay eo no ho eo tami-pifalea.
\v 17 Tsy misy vahane ao amy iareo reke, te maharitse fotoa fohike avao. Le avy ty fahoria na ty fagnenjeha noho ty tsara, le eo no ho eo le lavo iareo
\v 18 Reo hafa ro iaze voatongy tamy ty tane feno fatike. Janjy iareo ty tsara,
\v 19 te ty fisalasala zao tontolo zao, ty famitaha ty hanagna, naho ty fimpiava ty raraha hafa le tafilitse le nanery ty tsara, le tsy mamoa vokatse zay.
\v 20 Vaho reo ze voatongy tegny amy ty tane soa le reo ze mandre ty tsara vaho mandrambe zay, le namoa vokatse iareo_ telopolo, enempolo, na mihoatse zato ambone ze tinongy.”
\p
\v 21 Jesosy nitsara tamy iareo tihoe: “Nao andesinao ao an-tragno vao ty jiro soa ho atao ao ambane haro, na ambane ty fandrea? Andesinao mizilike zay le hanoenao ambone ty fitobohan-jiro.
\v 22 Te tsy misy zaka-mivone ze tsy ho hay, vaho tsy misy tsiambaratelo ze tsy hiboake.
\v 23 Laha misy manan-tsofy handesy mijanje, lonike reke hijanje!”
\p
\v 24 Nanao tihoe Re tamy iareo: “Mitoa amy ty tsara ze janjinareo, te arakarake ty ohatse anoharanareo avao, ro anohara anareo, vaho ho amea aminareo zay.
\v 25 Satria na ia na ia mana, le hone maro vatane reke, vaho na ia na ia tsy mana, na ze anagnane kea hafaha amine.”
\p
\v 26 Vaho nanao tihoe avao Reke: “Ty fanjaka ty Andragnahare le manahake ty ndaty raeke hafa mitongy ty voane amy ty tane.
\v 27 Matory reke amy ty halike mifoha amy maraindray, vaho ty voa le mamake le mitiry, te tsy haine tihoe manao akore.
\v 28 Ty tane le mamoa amy ty vatane avao: Voalohane ty rantsane, bak'eo ty tahone, bak'eo ty voa matoe eo amy ty tahone.
\v 29 Vaho lafa matoe ty voa le lasa reke le handefa fijinjagna, te fa avy ty fotoam-pijinjagna.”
\p
\v 30 Vaho nanao tihoe ndraeke Reke: “Ino ro azontika ampitovize ty fanjaka ty Andragnahare, na ino ro fagnohara hampiasantika hagnazava zay?
\v 31 Zane le manahake ty voatsinampe ze, lafa hitongy, le re ro voa kele loatse amy ty voa iaby etoy ambone ty tane.
\v 32 Feie, lafa voatonge zay, le mamake vaho lasa bey noho ty hetae iaby, vaho mamoa rantsa befoloay, le azo ty voromitily hanaova ty tagnone eo amy ty alokalone.”
\p
\v 33 Vaho fagnaohara maro manahake zay ro nagnamabarane ty tsara tamy iareo aze,
\v 34 vaho tsy nitsara tamy iareo ankoatsy tamy ty fagnohara Reke. Feie lafa arere Reke, le nihazavaine tamy reo mpianane manoka ty raraha iaby.
\p
\v 35 Tamy zay andro zay, lafa avy ty halike, le nanao tihoe Reke tamy iareo: “Ndao tika hiampita eroy am-pita.”
\v 36 Le niala teo amy reo vahoake iareo, nanday ahy ndre Jesosy niarake tamy iareo, laha igny Reke, tao ampo ty sambokele igny. Nisy sambokele hafa nandeha niarake tamine.
\v 37 Bak'eo nanomboke nisy tafio-tioke bey vaho ty onjan-drano nanafotse ty sambokele le fa saike feno rano ty sambokele.
\v 38 Vaho Jesosy arere natory teo ambody ty sambokele, tambone ty onda. NIfohaze iareo Reke, nanao tihoe: “Mpampianatse, tsy mampanino Anao zao laha ho mate eto tika?”
\p
\v 39 Laha nifoha Reke, le nitsara mafe tamy ty tioke, vaho nitsara tamy ranomasy tihoe: “Mitofa! milamina!” Vaho nitofa ty tioke, le nisy filamina bey.
\v 40 Vaho nanao tihoe Reke tamy iareo: “Nanao akore nareo ro matahotse? Mboe tsy manam-pinoa avao vao nareo?”
\p
\v 41 Feno tahotse iareo le nifampitsara tihoe: “Ia moa toy, te na ty tioke naho ty ranomasy kea magneke Aze?”
\c 5
\cl Toko 5
\p
\v 1 Avy tagne andafy ty ranomasy iareo, tao amy ty faritse ndre Gerasena.
\v 2 Lafa niala bak'ao amy ty sambokele Jesosy, eo noho eo le nisy lehilhay raeke azo ty fagnahy maloto namonje Aze bak'egne amy ty valavato
\v 3 Nitoboke tegne amy ty valavato toy lehilahy toy, Tsy nisy afake nitanjake aze sase, na le tamy ty silisily.
\v 4 Voarohy imaro tamy ty gadra vy maho silisile re. Nitapahane reo silisile vaho potike reo gadra vy. Tsy nisy nana here narohy aze.
\v 5 Sake halike naho san'andro tegne amy reo valavato naho tegnyam-bonevohitse, le nikoaikoaike reke vaho nadrasy ty vatane tamy ty vato maragnitse.
\v 6 Lafa nahisake ahy ndre Jesosy bak'agne lavitse reke, le nilailay nandeha eo amine vaho nihohoke teo agnoloane.
\v 7 Vaho nikoaike tamy ty feo mahere reke tihoe: “Ino moa ro ifandraisako aminao, ry Jesosy, Anagn'Andragnahare Ambone Loatse? Mangatake anao amy ty agnara ty Andragnahare raeke avao raho, ko mampijale ahike.”
\v 8 Te Reke nitsara tamine tihoe: “Miboaha amy io lehilahy io, fagnahy maloto.”
\p
\v 9 Vaho Reke nagnontane aze tihoe: “Ia ty agnaranao? Le nivaleane tihoe: “Legiona ro agnarako, satria marobe zahay.”
\v 10 Vaho nangatake mafe tamine avao reke tsy handroake aiereo agne ambalike ty faritse.
\v 11 Vaho nisy antokon-kisoa niroake tegne ambone vohitse,
\v 12 vaho natangake tamine iareo, nanao tihoe: “Alefaso ao amy reo koso zahay; apoho zahay hizileke ao amy reo.”
\v 13 Le napone iareo; vaho niboake reo fagnahy maloto le nizilike tao amy reo koso, vaho lasa le nilay tegne amy ty hantsa ho agne andranomasy reo, vaho koso teo amy ty roa arivo teo ro mate an-dromasy.
\p
\v 14 Nitoake nilay reo namaha ty koso vaho nitatitse ty zaka-niseho tao an-tanà naho tane ambanevohitse vaho ndaty maro ro niboake hivamba ty zaka-niseho.
\v 15 Bak'eo iareo nandeha eo amy ndre Jesosy vaho hisa iareo iaze lehilahy nitoboha ty demone, iaze raeke ze nitoboha ty legiona, nitoboke teo, nisike vaho vore say; le natahotse iareo.
\v 16 Reo ze nahisake ty zaka-niseho tamy iaze lehilahy nitoboha ty demone le nitalily tamy iareo ty mikasike zay tamy ty fandeha ty raraha, vaho kea nitalily mikasike reo koso tamy iareo.
\v 17 Le nanomboke nangatake Aze iareo soa hialane eo amy ty faritse iareo.
\p
\v 18 Lafa hiakatse tao amy ty sambokele Re, le nangatake tamine iaze lehilahy nitoboha ty demone soa hiarake amine.
\p
\v 19 Feie tsy nagnenga aze Jesosy, te nanao tamine tihoe: “Mandena moly agne amy ty tragnonao naho ty longonao vaho talilio amy iareo ze natao ty Tompo taminao, naho ty namindrane ty arofone taminao!”
\v 20 Le lasa noly reke vaho nanomboke nagnambara ty zaka-bey ze natao ndre Jesosy tamine tagne Dekapolisy, vaho vere ty iabe.
\p
\v 21 Vaho lafa nandeha tegne am-pita ndraeke Jesosy, tamy ty sambokele, le ndreo nisy vahoake lahiale nivore nagnodide Aze, laha teo sisy ty ranomasy igny Re.
\v 22 Bak'eo avy ty raeke amy reo mpitarike ty synagoga, atao tihoe Jairo, le laha vao nahisake Aze, Le niantorake teo an-tombone.
\v 23 Nitalaho avao reke, nanao tihoe: “Marare mafe fa ho mate ty anak'ampelako. Misoloho aminao raho, avia vaho apoho amine ty tagnanao soa ho afake naho velo re.”
\v 24 Le lasa niarake tamine Reke, vaho vahoake lahilahy ro nagnarake naho nanere nagnodide Aze.
\p
\v 25 Vaho nisy ampela raeke teo azo ty fahaverezan-dio agnate ty folo roe ambe tao.
\v 26 NIjale bey vatane re vaho nitsetsike mpitsabo maro naho nandane ty fanagnane iaby, feie tsy nahisake fahasitragna te vao nihalotse niharate.
\v 27 Lafa nahare reo tatitse mikasike andre Jesosy reke, le nandeha tao farane tao ampo vahoake reke vaho nikasike ty fisikinane.
\v 28 Satria nanao tihoe reke: “Laha mahakasike ty lambane avao raho, le ho afake.”
\v 29 Lafa nikasike Aze re, le nijano ty fahaverezan-dio, vaho tsapane hatragny ampone te afake tamy ty aretine reke.
\p
\v 30 Hay ndre Jesosy niarake tamy zay te nisy here niala bak'amine. Nitolike tagne amy ty vahoake Reke vaho nitsara tihoe: “Ia ro nikasike ty fisikinako?”
\p
\v 31 Le namale Aze reo mpianane tihoe: “Vambanao reo vahoake lahiale mifanosike aminao reo, kea nanao tihoe Riha: “Ia ro nikasike Ahike.”
\v 32 Te nivamba magnodide Aze Jesosy soa hahisahane ze nanao zay.
\p
\v 33 Iaze ampela, nahay ze niseho tamine, le natahotse naho nititike. Nandeha reke vaho niantorake teo agnoloa ndre Jesosy le nitalily tamine ty to iaby.
\v 34 Le nanao tihoe Jesosy tamine: “Anake, ty finoanao ro nahaafake anao. Mandena amy ty fiadagna vaho Afake amy ty aretenao.”
\p
\v 35 laha mboe nitsara Rek, le avy ty ndaty sasane bakagne amy ty mpitarike ty Synagoga, nanao tihoe: “Fa mate ty anagnao. Nanao akore ro mboe manahira ty mpampianatse avao?”
\p
\v 36 Te lafa nahajanje ze nitalily iareo Jesosy, le nanao tihoe Reke tamy iaze mpitarike ty synagoga: “Ko matahotse. Minoa avao.”
\v 37 Vaho tsy nisy napone hiarake amine, ankoatsy Petera, Jaoba, vaho Jaona, rahalahy ndre Jakoba.
\v 38 Avy tagne an-tragno iaze mpitarike ty synagoga iareo vaho nahisake ndaty nikorakorake bey teo Reke; nitomagne naho nigogogogo mafe iareo.
\v 39 Lafa nizilike ty tragno Reke, le nanao tihoe Reke tamy iareo: “Nanai akore nareo ro mikorakorake naho mitomagny? Tsy mate ty ajaja te matore.”
\v 40 Nihehy aze iareo. Feie naboakine tagne ambalike iareo iaby vaho nangalake ty raeke naho rene ty iaze ajaja naho reo ze niarake tamine, vaho nizilike tao amy ty efitse nisy iaze ajaja Reke.
\v 41 NIraisine ty tagna iaze ajaja vaho nitsara tamine tihoe: “Talita, komy!” ze laha adika le tihoe: “Ajaj'ampela, mitsara aminao Raho, mitsangàna.”
\v 42 Avy hatragne le nitsanga ajaj'ampela vaho nandeha (satria folo roa ambe tao reke). Vere avy hatragne iareo.
\v 43 Niraràne mafe iareo soa tsy hisy na ia na ia hahay ty mimkasike zao. Bak'eo le nangatahine nomea hane ajaj'ampela.
\c 6
\cl Toko 6
\p
\v 1 Niala io toera io Reke le namonje ty tanindrazane, vaho nagnarake Aze reo mpianane.
\v 2 Vaho lafa avy ty andro Sabata, le nampianatse teo amy ty synagoga Reke. Maro ty ndaty nahajanje Aze le vere iareoe. Nanao tihoe iareo: “Bak'aia ro nahazoane reo fampianara reo?” “Ino zao fahendrea ze nomeine Aze zao?” “Ino reo haveregna ze nataone tamy tagnane reo?”
\v 3 “Tasy iaze mpanmdrafitse vao io, iaze ana ndre Maria vaho rahalahy ndre Jakoba naho Josesy naho Jodasy vaho Simona? Tsy miarake amintika etoa vao reo rahavavine?” Nalahelo tamy ndre Jesosy iareo.
\p
\v 4 Vaho nanao tihoe Jesosy tamy iareo: “Tsy misy mpitoke tsy omein-kase ankoatse ao amy ty tanindrazane naho ao amy ty longone marinike vaho ao amy ty hasaveragnane arere avao.”
\p
\v 5 Tsy afake nanao asa mahavere Reke, ankoatsy ty fametrahanne tagne amy ty marare kelekele vaho magnafake aiereo.
\v 6 Vere noho ty tsy finoa iareo Reke. Bak'eo nandeha nagnodidy reo tanà Reke Hampianatse.
\p
\v 7 Bak'eo le nikaike reo folo roa ambe lahy Reke vaho nanomboke nagnirake aiereo kiroekiroe, vaho nameane fahefa teo amy ty fagnhy maloto iareo,
\v 8 vaho nandily aiereo tsy handay na ino na ino amy ty liane, na mofo, na kitapo, ndrala amy ty setira iareo_ ankoatsy fitogno avao_
\v 9 Te hanao hana, vaho tsy hanao akanjo roe.
\v 10 Nanao tihoe Reke tamy iareo: “Na ombia na ombia nareo mizilike amy ty tragno raeke, le mitoboha ao mandra-pialanareo agnhe.
\v 11 Vaho laha misy tanà tsy mandrambe anareo na mijanje anareo, lafa miala ao amy zay toera zay narep, le ampopoho ty vovoke amy ty tombonareo soa ho fijoroa vavolombelo amy iareo.”
\v 12 Le niala iareo vaho nitore tebty ndaty le tokone hifona amy ty harateane.
\v 13 nandroake demone maro iareo, le nagnosotse marare lahiale tamy ty menake le nagnafake aze regne.
\p
\v 14 Janjy ndre Heroda mpanjaka zay, satria lasa fanta-daza ty agnara ndre Jesosy. Ty ilane nitalily tihoe: “Nitsanga tamy ty maty Jaona mpanao batisa vaho noho zay, le miasa ao apo reo here mahavere reo.”
\v 15 Teo ilane kea mitalily tihoe: Elia Reke.” Ty ilane mboe nitsara tihoe: “Mpitoky Reke, manahake raeke amy reo mpitoke tamy ty andro taolo.”
\p
\v 16 Te lafa nahajanje zay Heroda le nanao tihoe reke: “Jaona, iaze nitapahiko loha, ro nitsanga tamy ty mate.”
\p
\v 17 Te heroda ro nampisambotse ahy ndre Jaona le nandefa aze tagne an-tragnomaike noho ty raraha Herodiasy (vale ndre Filipo rahalahine), satria nivaline ampela igne.
\v 18 Te Jaona nitsara ahy ndre Heroda tihoe: “Tsy arake ty lalàgna ty hanambalianao ty valy ty rahalahina.”
\v 19 Te nasiake tamine Herodiasy le nipay ze hamonoa aze, feie tsy afake,
\v 20 noho ty fatahora ndre Heroda ahy ndre Jaona; haine te ndaty marene naho feno fahamasina reke, vaho niaro aze reke. Nanahiran-tsay aze ty fihenioa aze, feie mboe nijanje aze tamim-pifalea reke.
\p
\v 21 Bak'eo nisy irike tamy ty fitsingeregna ty tao niteraha ndre Horada le nanao fagnamabara ho ahy reo lehibeine, naho reo mpifehine, vaho reo mpitarike ty Galilia reke.
\v 22 Le nizilike ty efitragno fagnasa ty anak'ampela Herodiasy vaho nisijake ho aiereo, vaho nahafinaritse ahy ndre Heroda naho reo mbahine nagnambarane tamy ty fitava reke. Nanao ty mpanjaka tamy ty ajaj'ampela tihoe: “Angataho amiko ze iaby teanao le omeko anao zay.
\v 23 Vaho nifanta tamine reke nanao tihoe: “Na ino na ino angatahinao amiko, le homeiko anao, hatramy ty antsasake ty fanjakako.”
\p
\v 24 Le niboake reke vaho nitsara tamy ty renine tihoe: “Ino ro tokone angatahiko amine?” Le nanao tihoe renine: “Ty loha ndre Jaona mpanao Batisa.”
\p
\v 25 Teo no ho eo le nimpole tagne amy ty mpanjaka reke, le nangatake, nanao tihoe: “teako omeanao ahike, henane zao, eo ambone finga ty loha ndre Jaona mpanao batisa.”
\v 26 Na le nampalahelo mafe ty mpanjaka kea zay, le tsy afake nandà ty fangatahane reke noho ty fifantane nataone naho reo mbahinine nagnambarane tamy ty fitava.
\v 27 Noho zay le nandily miaramila rake bak'amy ty mpiambe ty mpanjaka vaho nandily aze handay ty loha ndre Jaona ho eo amine. Lasa iaze mpiambe vaho nanapake ty lohane tao an-tragnomaike.
\v 28 Nandesine teo ambone finga ty lohane vaho nomeine ahy ty ajaj'ampela, vaho iaze ajaj'ampela nagnomey zay an-drenine.
\v 29 Lafa nahajanje zay reo mpianane, le avy iareo vaho nangalake nofone le nampipoke zay tao am-balavato
\p
\v 30 Nimpole tagne amy ndre Jesosy reo apostole vaho nitalily tamine ze iaby vita iareo naho nampianary iareo.
\v 31 Vaho nanao tihoe Re tamy iareo: “Ndao tika ho agne amy ty tane tsy misy raraha le hitofa kele.” Te maro ty ndaty ro nivezeveze, vaho tsy nanam-potoa hinana mahatanjake iareo.
\v 32 Le nandeha an-tsambokele iareo soa ho agne amy ty tane tsy raraha.
\v 33 Te iareo nahisake aiereo nandeha vaho lahiale ro nahay aiereo, le niara- nilailay an-tamboke bak'agne teo amy tanà iaby iareo, vaho teo taolo iareo.
\v 34 Lafa avy tegne amy ty sisine iareo, le nijilo vahoake maro Reke vaho nahaferegnay aiereo Reke satria manahake ty aondre tsy mana mpiarake iareo. le nanomboke nampianatse zaka maro aiereo Reke.
\p
\v 35 Vaho lafa hariva ty andro, le namonje Aiereo mpianane le nanao tihoe: “Toera tsy mihy raraha toy vaho ty andro fa marine ho hariva kea.
\v 36 Alefaso iareo soa handehanane agne amy reo vohitse naho tanà magnodide hivile hane aho ahy ty vata iareo.”
\p
\v 37 Te namale Reke le nanao tamy iareo tihoe: “Ameonareo zaka hoane iareo.” Le nanao tihoe iareo tamine: “Afake mandeha vaho mivile mofo azo ty denaria roanjato vao zahay le ganome zay aiereo hoane?”
\p
\v 38 Le nanao tihoe Reke tamy iareo: “Firy ty mofo anagnanareo? Mandena vaho heteo.” Lafa hisane, le nanao tihoe iareo: “MOfo lime naho fia roe.”
\v 39 Le nadile ty ndaty iaby soa hitoboke mitsitokotoko teo amy ty ankata maitso Reke.
\v 40 Le nitoboke an-tokone iareo; an-tokone zato naho dimampolo.
\v 41 Nagalake reo mofo lime naho fia roe Reke, niandrandra ty lagnitse le nisaotse le nizarazara ty mofo vaho nagnome zay tamy ty reo mpianane soa homeine eo agnoloa ty ndaty. Nizaraine avao kea ty fia roe ho ahy iareo iaby.
\v 42 Le nihina iaby iareo zisike nahavoke aiereo.
\v 43 Nala iareo ty sisasisa mofo, zay nahafeno roambinifolo haro, vaho kea sisasisa reo fia.
\v 44 nisy dime arivo lehilahy nihina ty mofo.
\p
\v 45 Teo no ho eo le nangatahine niakatse tao an-tsambokele reo mpianane soa hiaolo Aze ho egne ampita, ho agne Betsaida, laha nandefa ty vahoake Reke.
\v 46 Lafa lasa iareo, niakatse tagne ambone vohitse Reke soa hivavake.
\v 47 Avy ty hariva, vaho fa teo agnivo ty ranomsy ty sambokele, te re raeke tegne an-tane.
\v 48 Vaho hisane te sahira mafe iareo nive ty sambokele, satria nanohitse mafe aiereo ty tioke. Tokone amy ty ora fiambena fahefatsy ty halike le nandeha o amy iareo Reke, nandeha tegn ambone ranomasy, vaho te-handalo teo amy iareo Reke.
\v 49 Te lafanahisake AZe nandeha tegne ambone ranomasy iareo, le natao iareo ho angatse Reke le nikoaikoaike iareo,
\v 50 satria nahisake Aze iareo le natahotse. Teo no eo le nitsara tamy iareo Reke le nitalily aiereo tihoe: “Matokia! Raho avao toy! Ko matahotse!”
\v 51 Vaho nizilike tao an-tsambokele niarake tamy iareo Reke, le nijano tsy nitioke ty tioke. Le vere iaby iareo.
\v 52 Vaho Tsy taka ty say iareo ty dika iaze mofo. Te kea, nihamafe ty arofo iareo.
\p
\v 53 Lafa tafita iareo, le avy tao Genesereta reo le ninjano tao.
\v 54 Vaho lafa nizotso bak'ao amy ty sambokele iareo, avy hatragne le hay ty ndaty tao Reke,
\v 55 le nilailay feno ty faritse iaby iareo vaho nanomboke nanday ty marare tamy ty fandreane tagne amy ze iaby heno iareo misy Aze.
\v 56 Te na aia na aia nalehane na an-tanà, na tanàm-bey, na tegne amy ty vohitse kele, le napo iareop teo amy ty kianja ty marare. Nangatake Aze iareo soa hagnenga aiereo hikasike ty rambo ty akanjone, vaho reo maro ze nikasike Aze le afake.
\c 7
\cl Toko 7
\p
\v 1 Reo fariseo naho ty mpanoratse lalagna ilane ze bak'agne Jerosalema le avy nivory nagnodidy Aze.
\v 2 Vaho hisa iareo ty mpianane ilane nihina mofo tamy ty tana tsy voasasa.
\v 3 (Ty fariseo naho ty JIosyt iaby le tsy mihina lahy tsy fa nanasa ty tagna iareo, satria magnarake ty fombafomba reo ndaty bey.)
\v 4 Vaho lafa mimpoly bak'agne an-tsena reo Fariseo, le tsy mihina iareo laha tsy baka niamdro, vaho mitao fomba maro hafa mafe iareo, manahake ty fanake saba, vaho ty fandre ze ihinana iareo.)
\p
\v 5 Reo Fariseo naho ty mpanoradalagna nagnontane ahy ndre Jesosy tihoe: “Nanao akore ty mpianatsinao ro tsy mandeha arake ty fombafomba reo ndaty, te mihina ty mofo iareo amy ty tagna tsy voasasa?”
\p
\v 6 Feie Nanao tihoe Reke tamy iareo: “Isaia nitoke soa mikasike anareo mpihatsaravelatsihy. nisoratane tihoe: 'Toy vahoake toy miasy Ahike amy ty sognine te ty arofone kea lavitse Ahike.
\q
\v 7 Ravao ty fivavaha omea iareo Ahike, laha mampianatse ty fitsipiky ondaty ho fampianara iareo.'
\p
\v 8 Afoinareo ty lily ty Andragnahare le tananareo mafe ty lily ty ndaty.”
\v 9 Vaho nanao tihoe Reke tamy iareo: “Manahake ty manao akore ty fagnarianareo ty lily ty Andragnahare soa hiambenareo tyy fomban-drazanareo!
\v 10 Te nanao tihoe Mosesy: 'Miasia ty raenao naho ty reninao,' vaho kea 'Ze misafa rate ty babane na ty renine le ho mate vatane.'
\v 11 Nefa nareo mitsara tihoe: 'Laha misy lehilahy raike mitsara ty raene na ty renine tihoe: “Na ino na ino teanao ho azo tamiko le fa korbana,"' (zane hoe: “Nomey ahy ty Andragnahare') --
\v 12 le tsy aponareo hanao na ino na ino amy ty babane naho ty renine sase reke.
\v 13 Mandrava ty tsara ty Andragnahare nareo noho ty fomban-drazanareo ze nitajanareo. vaho rarah maro mitovy amy zayt keo ro anoenareo.'
\p
\v 14 Vaho nikaike ty fokonolo ndraeke Reke le nitsara tamy iareo tihoe: “Mijanjigna Ahike, nareo iaby, le fantaro.
\v 15 tsy misy raraha bak, eo ambalike ze mizilike ao ampo ty ndaty mampaloto aze lafa mizilike ao amine. Te ze miboake bak'ao ampo ty ndaty ro mampaloto aze.”
\v 16
\f + \ft Ty fandika soa loatse le tsy magnisy ty andinine faha 16: Laha misy manan-tsofy hijanjigna, lonike re hijanje. \f*
\p
\v 17 Vaho lafa niala teo amy ty vahoake Jesosy le nizilike tao an-trgno, ty mpianane nagnontane Aze mikasike iaze fagnohara.
\v 18 Nanao tihoe Jesosy tamine: “Nareo kea vao mboe tsy mana fahalala? Tsy hisanareo vao te ze iaby mizilike ao ampo ty ndaty bak'agne ambalike le tsy mampaloto aze,
\v 19 satria tysy afake mizilike ao agn'arofone zay, te ao an-kone avao le miboake agne amy ty fiboahane?” Tamy zay fagnambara zay le naha avy ty hane iaby ho malio ndre Jesosy.
\v 20 Nanao tihoe Reke: “Ze miboake bak'ao ammy ty ndaty ro mahaloto aze.
\v 21 Te bak'ao ampo ty ndaty, bak'ao am-pone, ro iboaha ty sain-rate, ty fahavetaveta, ty halatse, ty famonoa ndaty,
\v 22 ty fijangajanga, ty fagniria, ty haratiam-pagnhy, ty fitake, ty fipozipozia, ty fialona, ty fiatana vande, ty avognavo, ty hadala.
\v 23 Zay zaka rate iaby zay ro miboake bak'ao ampo ty ndaty, vaho reo ro mahaloto aze.”
\p
\v 24 Niala teo Reke le lasa nandeha tagne amy ty faritse Tyro naho Sidona. Nizilike tao an-tragno raeke Reke vaho tsy teane ho hain'ia na ia te tao Reke, nefa tsy afake nitolike.
\v 25 Nefa niarake tamy zay le nisy ampela raeke, ze nisy fagnahy maloto raeke ty anak'ampelane kele, nahajanje ty amine, avy nihohoke teo an-tombone.
\v 26 Vaho Grika iaze ampela, Syro-foinika ro niaviane. Nangatake Tamine reke soa hamoake ty demone hiala amy ty anak'ampelane.
\v 27 Nanao tihoe Re tamine: “Lonike homean-kane aloha ty ajaja. Satria tsy mete ty mangalake ty mofon-jaza le manorake aze ho ahy ty amboa.”
\p
\v 28 Nefa namale reke le nanao Tamine tihoe: “Eka, Tompo, te na ty amboa ao ambane latabatse kea le soa mahina ty sombentsombene amy ty mofon'ajaja.”
\p
\v 29 Le nanao tihoe Reke tamine: “Noho zay tsaranao zay, afake mandeha riha. Fa niboake tamy ty anak' ampelanao ty demone.”
\v 30 Vaho laha nipole tagne an-tragnone rampela le nahisake ty aja nandre teo ambone ty kombane, vaho ty demone fa niala.
\p
\v 31 Vaho Jesosy niboake ndraeke niala ty faritse Tyro, le namake ahy ndre Sidona hatragne amy ty Ranomasy ty Galilia le niakatse ty faritse Dekapolisy.
\v 32 Vaho nandesy iareo teo Amine ty ndaty raeke maregne naho sahira laha mitsara, vaho nisoloho Tamine iareo soa hametrahane ty tagnane amine.
\v 33 Nanday an-dralehilahy navake niala teo amy ty vahoake Reke, le nametrake ty rambon-tagnane tao an-tsofine Reke, vaho laha baka nandrora, le nikasike ty lelane.
\v 34 Le niandrandra ty lagnitse Reke, Le nifoay le nanao tamine tihoe: “Efata,” ty tihoe: “Maladia!”
\v 35 Vaho tsy ela teo ty sofine le nahare, vaho ze namatotse ty lelane le potike vaho afake nitsara mazava soa reke.
\p
\v 36 Vaho Jesosy nandrara aiereo tsy hitalily na amy ia na amy ia. Feie na nirara iareo, vao lositse nampiele zay vatane.
\v 37 Le vere iaby ty ndaty, le nitsara tihoe: “Nanoene soa iaby ty zaka iaby. Nataone mahare kea ty maregny vaho mitsara ty moa.”
\c 8
\cl Toko 8
\p
\v 1 Tamy zay andro zay, le nisy vahoake marobe ndraeke, vaho tsy nanankohane iareo. le nikaike ty mpianane Jesosy vaho nitsara tamy iareo tihoe:
\v 2 “Mampalahelo Ahike reo vahoake, satria fa telo andro reo ro nanohy niarake tamiko vaho tsy manan-kohane.
\v 3 Lafa alefako moly agne An-tragnone tsy mitava reo, le mete ho tora an-dala. Te ilane amy iare le bak'agne amy ty lala lavitse.”
\p
\v 4 Namale Aze reo mpianane tihoe: “Aia ro hahazoantika mofo ampe hamokisa reo vahoake reo etoy an-tane tsy misy raraha manahake zao?”
\p
\v 5 Nagnontane aiereo Reke tihoe: “Firy ty mofo anagnanareo?” Nanao tihoe iareo: “Fito”
\p
\v 6 nandily ty vahoake soa hitoboke amy ty tane Reke. Nirambesine ty mofo fito, le nisaotse Reke, vaho nanapake reo. Nomeine ty mpianane zay soa ho zara iareo amy ty vahoake, vaho napo iareo teo agnoloa ty vahoake zay.
\v 7 Vaho nana fia kele tsy ampe avao kea iareo, lafa baka nisaotse reo Re, le nandily reo mpianatse soa handroso zay kea Reke.
\v 8 Le nihina iareo le voke, vaho nala iareo ty sombetsombine sisa, ze nahafeno haro fito befoloay.
\v 9 Tokone ho efats'arivo teo ho eo ty ndaty tamy zay. bak'eo le nalefane noly iareo. Bak'eo le nalefane noly iareo.
\v 10 Avy hatragne l niakatse tao an-tsomboke niarake tamy reo mpianane Rek, vaho nandeha aggne amy faritse ndre Dalmanota iareo.
\p
\v 11 Le niboake reo fariseo vaho nanomboke nifandietse tamine. Nipay famantara bak'agne an-dagnitse tamine iareo, soa hitsapa Aze.
\v 12 Nifoay lalike tagne amy ty fagnahine Reke vaho nitsara tihoe: “Nanao akore ro mipay famantara toy taranake toy? Feie ataliliko aminareo ty to, te tsy misy famantara omea toy foko toy zao.”
\v 13 Vak'eo le nagnenga aiereo Reke, niakatse tao an-tsambokele ndraeke, vaho niala lavitse ho egne am-pita.
\v 14 Vaho aligno ty mpianatse ty nanday mofo niarake tamy iareo. Tsy nana mihoatse ty raeke iareo tao ampo sambo.
\v 15 Le nampitao aiereo Reke le nitsara tihoe: “Miambena vaho mitaoa amy ty masirasira reo Fariseo naho tyy masirasira ndre Heroda.”
\p
\v 16 Le nifagnontane tegna ty mpianatse tihoe: “Noho tika tsy mana mofo zay.”
\p
\v 17 Hay ndre Jesosy zay, vaho nanao tihoe Reke tamy iareo: “Nanao akore ro amy ty tsy fanagna mofo ty fisaignanareo? Mboe tsy azaonareo vao? Mboe tsy takanareo vao? Nanjare donto vao ty arofonareo
\v 18 Mana maso nareo, te tsy mahisake vao? Manan-tsofy nareo, te tsy mahare vao? Halignoanreo vao?
\v 19 Lafa nanapake ty mofo lime ho ahy ty ndaty dimy arivo Raho, le haro fire feno sombetsombine mofo ro navorinareo?” Nanao tihoe tamine tihoe: “Roambinifolo.”
\p
\v 20 Lafa nanapake reo mofo fito ho ahy ty ndaty efats'arivo Raho, firy sobike ty ambine navorinareo? Nanao tihoe iareo tamine: “Fito.”
\v 21 Vaho nanao tihoe Reke: “Mbe tsy takatsinareo avao vao?”
\p
\v 22 avy tane Betsaida iareo. Vaho nisy goa raeke nandesy ty ndaty teo amine vaho nangatahy iareo Jesosy soa hikasike aze.
\v 23 nandesy ndre Jesosy tamy ty tagna iaze goa, vaho nitarike aze hiboake ty tanà. Lasfa nandora teo amy ty masone Reke vaho nametrake ty tagnane teo amine, le nagnontane aze Reke tihoe: “Mahisaky raraha vao riha?”
\p
\v 24 Le nitraka reke, le nitsara tihoe: “Mahisake ndaty manahake ty hetae mandehandeha raho.”
\v 25 Napo ndre Jesosy teo amy ty masone ndraeke ty tagnane, vaho nimpole tamy ty vatane ie ty fahisahane, vaho nahisake mazava soa ty zaka iaby re.
\p
\v 26 Le nalefa ndre Jesosy noly reke vaho nitsaraine tihoe: “Ko milizike ao an-tanà.”
\p
\v 27 Nandeha Niboake Jesosy naho ty mpianane nandeha agne amy ty tanà ndre Kaisaria Filipo. Tegne an-dala le nagnontane reo mpianane Reke tihoe: “Hatao ty ndaty ho ia moa Raho?”
\v 28 Namale Aze iareo le nitsara tihoe: “Jaona mpanao batisa. Ty hafa mitsara tihoe: 'Elia', vaho ty hafa tihoe: 'Raeke amy reo mpitoke.'”
\p
\v 29 Nagnontane Aiereo Reke tihoe: “Te nareo kea manao Ahike ho Ia?” Le namale Aze Petera tihoe: “Riha ro Kristy.
\p
\v 30 Nampitao aiereo Jesosy tsy hitalily ty mikasike Aze na amy ia na amy ia.
\p
\v 31 Nanomboke nampiantse aiereo Reke te tsy maintse hijale ty Anagn'Ondaty, vaho tsy heke ty ndaty bey naho reo loha ty mpisoro vaho mpanoratse lalàgna, vaho ho vonoa, le hitsanga amy ty mate afake telo andro.
\v 32 Nitaliliene mazava soa zay. Bak'eo kinay ndre Petera amy mangingike Jesosy la nanomboke nitsa mafe Aze.
\v 33 Lafa nitolike Jesosy le nivamba reo mpianane vaho bak'eo nitsara mafe ahy ndre Petera le nanao tihoe: “Mindrisoa lavitse Ahike, satane! Tsy mandiniiek ty raraha ty Andragnahare riha, Te ty raraha ty ndaty.
\p
\v 34 Bak'eo le nikaike ty vahoake naho ty mpianane niarake Reke, vaho nanao tihoe Re tamy aireo: “Laha misy te-haganarake Ahike, le tsy maintse mandà ty vatane re, managalake ty hetae fijaleane, vaho magnarake Ahike.
\v 35 Na ia na ia te-hamonje ty fiaine le hahavere zay, vaho ze mahavere ty fiaine noho ty amiko naho ty filazantsara, le hahavonje zay.
\v 36 Te ino zane ro tombotso azo ty ndaty raeke, laha mahazo zao tontolo zao, vaho bak'eo vere ty fiaine?
\v 37 Ino ro afake omey ty ndatry raeke ho takalo ty fiaine?
\v 38 Na ia na ia megnatse ahike naho ty tsarako eto amy toy taranake mijangajanga naho mpanao rate toy, le ho megnatse aze avao kea ty Anagn'Ondaty lafa avy ao amy ty hasine ty Babane miarake amy reo anjele maasy Reke.”
\c 9
\cl Toko 9
\p
\v 1 Nanao tihoe Reke tamy iareo: “Ataliliko aminareo ty vatane to, te misy aminareo mitsanga etoa ro tsy hagnandra zay fahafatesa zay mialoha ty hahisaha iareo ty fanjaka ty Andragnahare ze ho avy amy ty here befoloay.”
\p
\v 2 Vaho enegn'andro tatoy afara, nandesy ndre Jesosy niarake tamine Petera naho Jakoba vaho Joana tegne ambone vohitse ambo, Vaho iareo arere ro tagne. Bak'eo niova tarehe teo agnatreha iareo Reke.
\v 3 Ty fisikinane niova namirampiratse naho ro mazava, vaho fote loatsse. fote mihoatse ty raraha nampamotia loatse teto ambone ty tane.
\v 4 Bak'eo Elia naho Mosesy nimboake tamy iareo, vaho nitsara tamy ndre Jesosy iareo.
\v 5 Petera namale le nitsara tamy ndre tihoe: “Raby ô, soa laha mitoetse eto tika, kea ndao hanao aloky telo, ty raeke ho Anao, ty raeke ho ahy ndre Mosesy, vaho ty raeke ho ahy ndre elia.”
\v 6 (Te tsy haine ze tokone ho tsarae, satria natahotse mafe iareo.)
\p
\v 7 Nisy hiboke avy le nanaro aiereo. Vaho nisy feo niboake bak'ao ampo ty hiboke tihoe: “Toy ty Anako teako. Mijanjigna Aze.”
\v 8 Tampoke teo, laha nivamba ty magnodide iareo, le tsy nahisake na ia na ia sase, ankoatse Jesosy arere avao.
\p
\v 9 Laha nizotso bak'egne ambone vohhitse iareo, le nirarane mafe soa tsy hitalily na amy ia na amy ia ty raraha hisa iareo, laha tsy fa mitsanga amy ty mate ty Anagn'Ondate.
\v 10 Vaho le nitanjaha iareo ho ahy iareo zay tsara zay, nefa nifagnontane reo ty amy ty mete ho dika zay “fitsangana amy ty mate" zane.
\p
\v 11 Nagnontane Aze iareo tihoe: “Nanao akore reo mpanora-dalàgna ro magnambara te tsy maintse ho avy mialoha Elia?”
\p
\v 12 Fa avy voalohane Elia handrene ty zaka iaby. Vaho nanao akore ro voasoratse te ty Anagn'Ondaty le hijale mafe amy ty raraha maro vaho hatao manahake ty ndaty tsy misy antone?
\v 13 Feie talilieko aminareo te fa avy Elia, vaho natao ty ndaty tamine ze tea arofone, arake ze fa voatalily ty Soratse Masy mikasike aze.”
\p
\v 14 Vaho lafa nimpole teo amy ty mpianatse iareo, le nahisake vahoake bey nagnodidy aiereo vaho reo mpanora-dalàgna niale hevetse tamine.
\v 15 Laha vao nahisake ahy ndre Jesosy iareo, le vere ty vahoake iaby vaho laha igne nilailay namonje Aze igne iareo le nanalama Aze.
\v 16 Nagnontane reo mpianane Re tihoe: “Mikasike ty ino ro hialianareo hevitse amy reo.”
\p
\v 17 Vaho nisy raeke tamy reo vahoake namale Aze tihoe: “Mpampianatse, nandesiko ho eto aminao ty anandahiko. Misy fagnahy rate mampitsara aze re.
\v 18 Misambotse aze io le mandavo aze vaho mandoa vore reke, magnehitsy nife, vaho lasa mihenja re. Nangatake tamy reo mpianatsinao ty vatako soa hondroake zay hiala amine, feie tsy viata iareo zay.”
\p
\v 19 Vaho namale aiereo Reke tihoe: “Taranake tsy mino, Zisikim-bia ro hitobohako eto aminareo? Zisikim-bia ro handeferako aminareo? Andeso eto amiko reke.”
\v 20 Vaho nandesy teo amine iaze ajajalahy, vaho laha vao nahisake ahy ndre iaze fagnahy rate, le nampifanintontsito aze zay. nilavo tamy ty tane iaze ajajalahy vaho feno vore ty vavane.
\v 21 Jesosy nagnontane ty babane tihoe: “Ombia ro nampanao anio aze?” Le nanao tihoe ty rae: “fa hatramy ty nahajaja aze.”
\v 22 kindraindraike io fagnahe rate io nandavo aze tagne ampo afo na tagne ampo rano vaho nagnandra ty hamotike aze. Laha mahay manao raraha iaby Riha, le feregneso zahay vaho ampeo.”
\p
\v 23 Jesosy nitsara tamine tihoe: “'Laha maha riha'?
\p
\v 24 Ty raraha iaby le hay ze matoky.” Vaho niarake tamy zay ty baba iaze ajaja le nikoike mafe nanao tihoe: “Matoke raho! Ampeo raho amy ty tsy fatokiako!”
\p
\v 25 lafa hisa ndre Jesosy reo vahoake nilailay namonje aiereo, le nitsaraine mafe iaze fagnahy maloto vaho nanao tihoe: “Ty fagnahy moa naho maregne, mandile anao raho, miboaha amine, vaho ko mipole mizilke ao amine sase.”
\p
\v 26 Nikiakiake mafe zay le nampifaninto mafe iaze ajajalahy vaho bak'eo niboake. Manahake ty ndaty mate iaze ajajalahy, le maro ro nitsara tihoe: “Mate re.”
\v 27 Te Jesosy nandrambe aze tamy ty tagna le nandrene aze, le nitsanga iaze ajajalahy.
\p
\v 28 Vaho lafa nizilike tao an-tragno Jesosy le nagnontane Aze manoka reo mpianane tihoe: “Nanao akore zahay ro tsy nahavoaroake iaze fagnahy rate?”
\p
\v 29 Nanao tihoe re tamy iareo: “Ty manahake regne le tsy afake roasy ankoatse amy ty alala ty vavake.”
\p
\v 30 Niala teo iareo vaho nandalo tagne Galilia. Tsy teane ho hay na ia na ia tihoe taia iareo,
\v 31 Te nampianatse reo mpianane Reke. Nanao tihe Reke tamy iareo: “Ty Anagn'Ondaty le hamea egne an-tagna ty ndaty, le ho vonoa iareo Reke. Vao lafa voavono Re, le hitsanga amy ty mate ndraeke afake telo andro.”
\v 32 Te tsy taka iareo io fagnambara io, vaho natahotse iareo hagnontane Aze.
\p
\v 33 Bak'eo avy tao Kapernaomy iareo. Lafa nizilike tao an-tragno Reke le nagnontane iareo tihoe: “Ino ty zaka nifampiresahanareo tegne an-dala?”
\v 34 Te nitsy iareo. Satria fa nialy hevitse tegne an-dala iareo ty amy ze bey loatse.
\v 35 Nitoboke, le nikaik reo roambinifolo lahy niarake Reke vaho nitsara tamy iareo tihoe: “Laha misy te-ho voalohane, le tsy maintse farane amy ty raraha re vaho ho mpiasa ty raraha.”
\v 36 Nangalake ajajakele raeke Reke vaho nataone teo agnivo iareo. nitrotroane tegne an-tsandrine re vaho nitsara tamy iareo tihoe:
\v 37 “Na ia na ia mnandrambe ty ajaja manahake zao amy ty agnarako, le mandrambe Ahike, le tsy mandrambe Ahike arere reke, te Iaze nagnirake Ahike kea.”
\p
\v 38 Nanao tihoe Jaona tamine: “Mpampianatse, Nahisake ndaty namoake demone tamy ty agnaranao zahay vaho nirarànay reke, satria tsy magnarake antika.”
\p
\v 39 Te Jesosy nanao tihoe: “Ko mandrara aze, te tsy misy ndaty hanao asa befoloay amy ty agnarako feie tsy ele afara zay le hitalily raraha rate mikasike Ahike.
\v 40 Na ia na ia tsy manohitse antika le miaro antika.
\v 41 Na ia na ia magnome rano feno ty kope ho hinome satria ahy ndre Kristy riha, le ataliliko aminao vatane ty to, te tsy hovere ty valem-piteane.
\p
\v 42 Te na ia na ia mandavo ty raeke amy reo kele Ahike reo, le soa ho aze ty agnantogna vato befoloay famofaham-bare mirohy eo amy ty vozone vaho halavo agne an-dranomasy.
\v 43 Laha ty tagnanao ro mahaavy anao ho fahalavoa, tapaho zay. Te soa aminao ty mizilike sembana agne amy ty fiaigna toy zay mana tagnan-droe vaho handeha agne amy ty helo, agne amy ty afo tsy mete vonoe.
\v 44
\f + \ft Fagnamariha: Ty fandika soa le tsy magnisy faha 44 naho 46 tihoe: “'Ze tsy mate zao tsy kanka iareo ty afo tsy ho mate zisikam-parane.”' \f*
\v 45 Laha tombonao ro mandavo anao, tapaho zay. Soa vatane aminao ty mizilike kitsa agne amy ty fiaigna noho ty mana tomboke roe vaho haria agne amy ty helo.
\v 46
\f + \ft Heteo ty fagnamariha eo amy ty andinine faha 44 \f*
\v 47 Laha masonao ro mandavo anao, afaho hiala zay. Soa aminao ty mizilike nty fanjaka ty Andragnahare miarake amy ty maso toka toy zay maso roe vaho haria agne amy ty helo,
\v 48 agny amy ty toera ze tsy mahafate ty kanka iareo, vaho ty afo tsy mete vonoe.
\p
\v 49 Te ty ndaty iaby le sambe ho voasira amy ty afo.
\v 50 Soa ty sira, Te laha ty sira ro lasa matsatso, manao akore ro ahazahoanao mampasira aze ndraeke? Asio sira ao aminareo, vaho milongoa amy ty tsikiraikiraike iaby.”
\c 10
\cl Toko 10
\p
\v 1 Niala teo amy zay toera zay Jesosy vaho nandeha tagne amy ty faritse ndre Jodia naho tegne amy ty faritse ambane ty Vavarano ndre Jordana, vaho nandeha eo amine ndraeke ty vahoake. Vaho arake ty fataone, le nampianatse aiereo ndraeke Reke.
\v 2 Le namonje Aze reo fariseo soa hitsapa Aze le nagnontane tihoe: “Ara-dalàgna ho ahy ty lehilahy vao ty misarake amy ty valine?”
\p
\v 3 Namale Reke tihoe: “Ino ro nandilia ndre Mosesy anareo?
\p
\v 4 Le nanao tihoe iareo: “MOsesy le namela ty lehilahy raek hanoratse taratasy fagnamariha fisaraham-panambalia vaho mandefa aze bak'eo.”
\p
\v 5 Nanao tihoe Jesosy tamy iareo: “Noho ty hamafy ty arofonareo ro nanoratane ho anareo zay lalàgna zay.”
\v 6 “Te tagne am-panomboha ty famorogna, 'Andragnahare namboatse aiereo ho lahy naho vave.'
\v 7 'Amy zay antone zay le hagnenga ty babane naho renine ty lahy le hiharo amy ty valine,
\v 8 vaho lasa ho nofotse raeke iareo roe.' Le tsy ho roe sase iareo te ho nofotse raeke avao.
\v 9 Kea ze naharo ty Andragnahare, le lonike tsy ho sarahign'ondate.”
\p
\v 10 Vaho lafa tao an-tragno iareo, le mboe nampimpoly nagnontane mikasike zay ndraeke reo mpianatse.
\v 11 Nanao tihoe Reke tamy iareo: “Na ia na ia lehilahy misarake amy ty valine le mangalake ampela hafa le mijangajanga.
\v 12 Laha misarake amy ty valine ty ampela le manamba lehilahy hafa, le mijangajanga reke.”
\p
\v 13 bak'eo iareo le nizilike ty anagn'iareo teo Amine soa hametrahane tagna, te nihelofa reo mpianatse iareo.
\v 14 Te lafa nihisa Jesosy zay, le nasiake mafe Reke le nitsara tamy iareo tihoe: “Apoho ty ajaja hamonje Ahike, vaho ko rarà iareo, te ty fanjaka ty Andragnahare le ahy reo ze manahake aiereo.
\v 15 Talilieko aminareo vatane ty to, na ia na ia tsy mandrambety fanjaka ty Andragnnahare manahake ty ajajakele le tsy hizilike zay ame zay sase.”
\v 16 Bak'eo le nitrotroane reo ajaja reo le nitsimpazane rano naho nametrahane tagna.
\p
\v 17 Vaho lafa nanomboke ty liane Reke, le nisy lehilahy nilailay le nandohalike teo agnatrehane, vaho nagnontane tihoe: “Mpampianatse soa, ino ro tsy maintse anoeko soa handovàko ty fiaigna zisikam-parane?”
\p
\v 18 Jesosy nanao tihoe: “Nanao akore ro kaihinao tihoe soa Raho? Tsy misy soa, ankoatse Andragnahare raeke avao.
\v 19 Hainao ty lily tihoe: “Ko mamono ndaty, ko mijangajanga, ko maganlatse, ko mitsanga ho vavolombelo tsy to, ko mamitake, iasio ty baba naho ty renegnao.'”
\p
\v 20 Le nanao tihoe iaze lehilahy: “Mpampianatse, fa narahiko hataramy ty fahatanorako iaby reo iaby reo.”
\p
\v 21 Nivamba aze Jesosy le tea aze. Vaho nanao tihoe Reke tamine tihoe: “Misy raraha banga raeke ao aminao. Tsy maintse avilinao ze iaby anagnanao vaho omea ty mijale zay, le hana fanagna agne an-dagnitse riha. Bak'eo, magnaraha Ahike.”
\v 22 Te noho zay fitalilia zay le nalahelo re le nandeha vere satria nana fanagnam-bey vatane reke.
\v 23 Nivamba ty magnodide Aze Jesosy vaho nitsara tamy reo mpianane tihoe: “vatane sarotse ho ahy reo mana hanagna bey ty mizilike ty fanjaka ty Andragnahare!”
\v 24 Le vere tamy ty tsara reo mpianatse. Te nanao tihoe ndaeke Jesosy tamy iareo: “Anake, sarotse ty filiha ao amy ty fanjaka ty Andragnahare!
\v 25 Mora vatane ho ahy ty rameva ty mizilike amy ty voly fanjaitse, noho ty hiziliha ty manakanagna ao amy ty fanjaka ty Andragnahare.”
\p
\v 26 Le mboe vere ndraeke ty mpianatse vaho le nifagnontane reo tihoe: “Ia zane ro afake ty ho voavonje?”
\p
\v 27 Nivamba aiereo Jesosy vaho nanao tihoe Reke: “Tsy vita ty ndaty zay, te vita ty Andragnahare. Satria ty zaka iaby le hay ty Andragnahare anoe.”
\p
\v 28 Le nanomboke nitsara tamine re Petera tihoe: “vambao, Zahay reto le nahafoe ty iaby vaho naganarake Anao.”
\p
\v 29 Vaho nanao tihoe Jesosy: “Ataliliko aminareo ty to, tsy misy ndaty ze nagnenga ty tragnone, na ty rahalahine; na ty rahavavine, na ty renine noho ty amiko, naho ty filazantsara,
\v 30 le tsy nahazo ambone zato hene amy zao taonjato amy henane zao: le tragno, rahalahe, rahavave, rene, anake naho tane, miarake amy ty fagnenjeha, vaho amy ty taonjato ho ave, le ty fiaigna zisikam-parane.
\v 31 Te maro ty voalohane ro ho lasa farane, vaho ty farane ho lasa voalohane.”
\p
\v 32 Tegne an-dalagna iareo, hiakatse ho agne Jerosalema, vaho Jesosy nandeha nialoha aiereo. Vere reo mpianatse, vaho reo ze nagnarake Aze tafara le natahotse. Kinay ndre Jesosy ho eo Amine ndrake iareo roambinifolo vaho le nanomboke nitalily zy zaka hajo Amine tsy ho ela Reke.
\v 33 “Jereo, miakatse ho agne Jerosalema tike zao, vaho ty mpanoran-dalàgna. Ho helohy iareo ho amte Reke vaho homeane amy ty Jentilisa.
\v 34 Reo le hamasoke Aze, handora Aze, hamofoke Aze, naho hahafate Aze. Te afake telo andro le hitsanga amy ty mateRe.”
\p
\v 35 Jakoba naho, Ana ndre Zebedio, namonje Aze vaho nitsara Tamine tihoe: “Mpampianatse, soa teanay laha soa ataonao ze iaby angatahinay aminao.”
\p
\v 36 Le nanao tihoe Reke tamy iareo: “Ino ro teanareo ho atanoeko ho anareo?”
\p
\v 37 Nanao tihoe iareo: “Apoho zahay hiara-hitoboke aminao ao amy ty hasinao, le ty raeke eo an-tagna ankavananao vaho ty raeke eo ankavianao.”
\p
\v 38 Te Jesosy namale aiereo tihoe: “Tsy hainao ze angatahinareo. Nareo vao afake mino amy ty kapoake ze hinomako na hiaratse ho atao batisa amy ze hanaova batisa Ahike?”
\p
\v 39 nanao tihoe iareo Tamine: “Vitanay zay.” Vaho nitsara tamy iareo Jesosy tihoe: “Ty kapoake ze hinomeko, le le hinominareo, vaho amy ty batisa ze hanaovam-batisa Ahike, ro hanaovam-batisa anareo kea.
\v 40 Te ze hitobohako eo an-tagna ankavanako na eo ankaviako kea letsy mianke amiko zay, te zay le ho ahy reo ze nanomana zay.”
\p
\v 41 Laha nahajanje ty miakasike zay reo mpianatse folo hafa, le nanomboke nasiake mafe tamy ndre Jesosy naho Jaona.
\v 42 Kinaike ndre Jesosy ho eo amine iareo vaho nitsara tihoe: “Hainareo te reo ze dinehe ho mpanapake ty Jentlisa le mampanompo aiereo, vaho ty bey mpifehe aiereo le manampatse fahefa amy iareo.
\v 43 Te tsy tokone hanahake zay ty aminareo. Te na ia na ia magniry ho bey aminareo le lonike reke ho mpiasanareo,
\v 44 vaho na ia na ia magniry ho voalohane aminareo le lonike reke ho andevonareo iaby.
\v 45 Te ty Anagn'Ondaty tsy avy soa ho tompoe, te soa hanompo, naho hagnomey ty fiaine ho takalo ty fiay ho ahy ty maro.”
\p
\v 46 Avy tao Jeriko iareo. Lafa niboake te tanà niarake tamy ty mpianane naho vahoake marobe Reke, ty ana ndre Timeo, Bartolomeo, ze mpangatake naho goa, nitoboke teo amisisin-tane.
\v 47 Lafa nahare reke te Jesosy bak'agne Nazareta zay, le nanomboke nikoike mafe reke vaho nitsara tihoe: “Jesosy, Ana ndre Davida, mamindrà arofo amiko!”
\v 48 Lahiale ro nitsara mafe iaze goa, nitsara tamine soa hangina. Te vao lositse re nikoike mafe tihoe: Ana ndre Davida, Mamindrà arofo amiko!”
\p
\v 49 Nijano Jesosy vaho nampikaike aze. Kinay reo iaze goa, vaho nitsaraine tihoe: “Mahereza! Mitsangàna! Mikaike anao Reke.”
\v 50 Nariane ty lambane, vaho nitsanga, le nandeha amy ndre Jesosy reke.
\p
\v 51 Le namale aze Jesosy vaho nitsara tihoe: “Ino ro teanao anoeko aminaoe?” Nanao tihoe iaze lehilahy goa: “Mpianatsse te-hahiratse raho.”
\p
\v 52 Vaho nanao tihoe Jesosy tamine: “Mandena. Ty finoanao ro nahavonje anao.” Le nahaisake niarake tamy zay ty masone, vaho nagnarake ahy ndre Jesosy tegne an-dala reke.
\c 11
\cl Toko 11
\p
\v 1 Vaho laha nandeha tagne Jerosalema iareo, narine ndre Betifaga naho Betenia, agne ambone vohitse Oliva,
\v 2 vaho Jesosy nagnirake roe tamy iareo tihoe: “Manena amy ty vohitse kele magnoloa antika eroy. Laha vao tafilitse ao nareo, le hahisake ana-borike raeke mboe tsy nijogna ty ndaty. Hahao reke le andeso atoy amiko.
\v 3 Laha misy ndaty mitsara aminareo tihoe: 'Nanao akore nareo ro manao zao?' Le ataovo tihoe: 'Misy ila ty Tompo aze le hampoline tsy ela atoy re.”'
\p
\v 4 nandeha niboake iareo le nahisake ana-borike raeke nifatotse reo ambalike ty tragno agnila ty varavara raeke eo amoron-dala, vaho nivaha iareo ty fehine.
\v 5 Nisy ndaty sasane nitsanga teo vaho nitsarane tamy iarei tihoe: “Ino toy ataonareo, mamaha io ana-borike io?”
\v 6 Le nitaliliene aiereo ty tsara ndre Jesosy tamy iareo, vaho navela ty ndaty handeha amy ty lalane iareo.
\p
\v 7 Vaho nandesy reo mpianatse roe lahy teo amy ndre Jesosy ty ana-borike le nataone teo ambone zay ty lamba iareo le afake ninjo aze Jesosy.
\v 8 Maro ty ndaty namelatse ty lambane tegne an-dala, vaho ty ilane kea namelatse rantsan-ketae ze nitapatapahane bak'agne am-baibo.
\v 9 Reo ze nandeha teo alohane naho reo naganrake Aze nikaikaike tihoe: “Hosana! Antsay iaze raeke bak'amy ty agnara ty Tompo.
\v 10 Antsay ty fanjaka ho avy ndre davida babantika! Hosana agne amy ty ambone loatse!”
\p
\v 11 Bak'eo Jesosy nizilike tao Jerosalema le nandeha ao an-tokontane ty tempole vaho nivambavamba ty raraha iaby. Vaho, fa niha-hariva ty andro, le nandeha agne Betenia Reke naho reo roambinifolo lahy.
\p
\v 12 Ty andro magnarake, laha nimpole bak'agne Betania iareo, le kere Reke.
\v 13 Vaho nahisaha hetae aveave raeke nandrave baka eroy lavidavitse, le namonje Reke mba hivamba laha misy voa teo amine, vaho lafa nandeha eo amy zay Reke, le tsy nahisake na ino na ino ankoatsy ravine avao, te tsy mboe taom-pamoaza ty aveave tamy io.
\v 14 Vaho Reke nitsara tamy zay tihoe: “Tsy hisy hihina ty voa bak'aminao sase zisika-parane.” Vaho ty mpianane nahajanje zay.
\p
\v 15 Nandeha Jerosalema iareo, vaho nizilike tao an-takontane ty tempole Reke vaho nanomboke nandroake ty mpivarotse naho ty mpivily iaby tao. Natontene ty latabatsy reo mpanakalo vola naho ty seza reo mpivarotse voromahilala.
\v 16 Tsy namela ahy ia na ia handay zaka ze azo amily hizilike ty kianja ty tempole Reke.
\v 17 Le nampianatse aiereo Reke la nitalily tihoe: “Tsy fa voasorotse vao tihoe: 'Ty tragnoko le ho kinaike tihoe tragno fivavaha ho ahy ty firenena iaby'? Feie nataonareo ho zohy fiere ty mpangalatse.”
\v 18 Heno reo loha ty mpisoro naho reo mpanoradalagna ze nitaliliene, le nipay fomba hamonoa Aze iareo. Te natahotse aze iareo satria ty vahoake iaby le vere tamy ty fampianarane.
\v 19 Lafa avy ty hariva, le niala ty tanà iareo.
\p
\v 20 Vaho laha nandeha iareo ty maray, le nahisake iaze hetae aveave nalazo hatramy ty vahane.
\v 21 Vaho Petera nahatiaro le nitsara tihoe: “Mpampianatse, vambao! Nalazo iaze aveave nafatsinao.”
\p
\v 22 Jesosy namale aiereo tihoe: “Manàgna finoa ahy ty Andragnahare.
\v 23 Ataliliko aminareo vatane ty to te na ia na ia mitsara amy toy vohitse toy tihoe: 'Mitsangàna le miantota agne an-dranomasy,' le laha tsy misy fisalasala ao agn'arofone te mino te hiseho amine ze nitaliliene, le manahake zay ro hatao ty Andragnahare.
\v 24 Noho zay Raho mitaliliko aminareo tihoe: Ze iaby hivavahanreo naho angatahinareo, matokia te fa nandrambe zay nareo, le ho azonareo zay.
\v 25 Lafa mitsanga naho mivavake anreo, le tsy maintse mamela ze alahelo iaby anagnanareo amy ia na ia nareo, soa ho avela ty Babanareo Ze agne an-dagnitse avao kea ty haratianareo.
\v 26
\f + \ft Fagnamariha: Ty fandika soa loatse le tsy magnisy ty tihoe (Vambao ao amy ty Mat. 16:15) Mk. 11:26 “Te laha tsy mamela heloke kea nareo, le tsy hamela ty fahonareo avao kea ty babanreo ze agne an-dagnitse.” \f*
\p
\v 27 Le niakatse ho agne Jerosalema ndraeke iareo. Vaho laha nandehandeha tao an-tokontane ty tempole Jesosy, le avy avy namonje Aze ty lohandoha ty mpisoro, ty mpanoradala, vaho reo ndaty bey.
\v 28 Nanao tihoe iareo tamine: “fahefa bak'aia ro hanaovanao regne zaka regne, vaho ia ro nagnomey Anao fahefa hanao regne?”
\p
\v 29 Jesosy nitsara tamy iareo tihoe: “Hametrake fagnontanea raeke aminareo Raho. Talilio Amiko le ho talilieko nareo tihoe fahefa bak'aia ro anaovako regne raraha regne.
\v 30 Ty batisa ndre Jaona, bak'agne an-dagnitse zao zay sa bak'amy ty ndaty? Valeo Raho.”
\p
\v 31 NIfampidineke miarake iareo sade nifamale naho nitsara tihoe: “Laha mamale tika tihoe: 'bakagne an-dagnitse,' le hitsara Reke tihoe: 'Te nanao akore vaho ro tsy natoke aze nareo?'
\v 32 Te laha mamale kea tika tihoe: 'Bak'amy ty ndaty,'...” Natahotse ty ndaty iaby te Jaona le mpitoke vatane.
\v 33 Bak'eo namale ahy ndre Jesosy iareo le nanao tihoe: “Tsy namale ahy ndre Jesosy iareo le nanao tihoe: “Tsy hainay.” Le nanao tihoe Jesosy tamy iareo: “Raho avao kea tsy hitalily aminareo tihoe fahefa bak'aia ro hanaovako regne raraha regne.”
\c 12
\cl Toko 12
\p
\v 1 Nanomboke nampianatse aiereo tamy ty alala ty fagnohara Jesosy. Nanao tihoe Reke: “Nisy lehilahy nanao tanem-boaloboka, nagnisy fefe magnaodidy zay, vaho nandavake fananigna. Nananga tilikambo re vaho bak'eo nampagnofa iaze tanem-boaloboke tamy ty mpambole voaloboke. Le niala na lavitse reke bak'eo.
\v 2 Tamy ty fotoa mete, le nagnirake mpiasa ho agne amy iaze mpambole voaloboke reke soa hangalake amy iareo ty ilane amy reo ze tokone ho anjarane amy ty vokatse iaze tanem-boaloboke.
\v 3 Te nisambore iareo reke, nifofohine, vaho niroahine tsy handay na ino na ino.
\v 4 Nagnirake mpiasa hafa ho agne amy iareo ndraeke reke, le niratsay iareo teo amy ty lohane vaho nisalarine.
\v 5 Le mboe nandefa hafa avao reke, vaho nivonoa iareo io raeke io. Natao iareo manahake zay reo maro hafa, nifofohine ty sasane vaho nivonoine reo hafa.
\v 6 Mboenana ndaty raeke hafa hirahy reke, le anake malala. Reke ro farane nalefane tagne amy iareo. Nanao tihoe reke: “Soa hiasa ty anandahiko iareo.”
\v 7 Feie nifampitsara reo mpambole voaloboke tihoe: “Toy iaze mpandova. Avia, ndao ho vonoantika reke, le ho lasantika ty lova.”
\v 8 Nisambory iareo, le nivonoa, vaho natorane tagne ambalike ty tanem-boaloboke.
\v 9 Kea, ino vao ro ho atao iaze tompo ty tanem-boaloboke? Ho avy reke
\v 10 Tsy nivakinareo vao zao soratse Mase zao? 'Ty vato ze nihala ty mpagnoren-tragno, ro natao vato fodasio.
\v 11 Bak'amy ty Tompo zay, vaho le mahavere eo amasontika.”'
\p
\v 12 Nipay ty hisambora ahy ndre Jesosy iareo, feie natahotse ty vahoake, satria hay iareo te fagnohera aiereo ro nitsarane zay fagnohara zay. Kea le napo iareo Reke vaho lasa nandeha iareo.
\p
\v 13 Le nagnirake ty Fariseo naho Herodiana ilane ho agne Amine soa hamndrike Aze amy ty tsara iareo.
\v 14 Lafa avy iareo, le nanao tihoe iareo tamine: “Mpampianatse, hainay te tsy mindary ty hevitsy ty ndaty Riha, vaho tsy maneho fiangara eo amy ty ndaty, Mpampianatse ty to lalagna ty Andragnahare Riha. Ara-dalàgna vao tsy ara-dalagna ty mandoa haba amy ndre Kaisara? Tokone handoa haba vao zahaty?”
\p
\v 15 Te hay ndre Jesosy ty fiatsarambelatsihy iareo le nitsara aiereo tihoe: “Nanao akore nareo ro mitsapa Ahike? Andeso denaria raeke Raho soa hombaeko zay.”
\v 16 Le nanday iareo drala raeke Jesosy. Nanao tihoe Reke tamy iareo: “Tarehen'ia toy sare naho soratse toy?” Nanao tihoe iareo: “Ahy ndre Kaisara.”
\p
\v 17 Nanao tiohe Jesosy: “Omeo ahy ndre Kaisara, vaho omeo ahy ty Andragnahare ze ahy ty Andragnahare.” le vere tamine iareo.
\p
\v 18 bak'eo reo Sadoseo, ze mitalily te tsy misy ty fitsangana amy ty mate, le avy teo amine. Nagnontane AZe iareo, nanao tihoe:
\v 19 “Mpampianatse, nanoratse zao gi anay Mosesy tihoe: 'Laha mate ty rahalihe ty lehilahy raeke vaho nagnenga vale reke, feie tsy nanagn'anake, le tokone manambale iaze valin-drahalahine iaze lehilahy, le le hana taranake ho ahy ty rahalahine.'
\v 22 Vaho laha nitoboke teo ambone vohitse Oliva tandrife ty tempole Reke, le nagnontane Aze arere Petera, Jakoba naho Andrea tihoe:
\v 23 “Atalilio aminay, Ombia ro hiseo zay raraha iaby zay? Ino ro famantara lafa hiseho reo raraha reo?”
\p
\v 24 Vaho nanao tihoe Jesosy: “Tsy zay vao ro anotne maha-diso hevitse anareo, satria tsy hainareo na ty Soratse Masy na ty here ty Andragnahare?
\v 25 satria lafa mitsanga amy ty mate iareo, le tsy hanambale na homea amy ty fanambalea, te hanahake ty anjele agne an-dagnitse.
\v 26 Te makasike ty amy ty fitsangana ty tegna amy ty mate, tsy nivakinareo vao ty ta amy ty boke ndre Mosesy, ao amy ty andala mikasike iaze voaroy, ty nitsara ty Andragnahare tamine le nitaliliene tihoe: “Raho ro Andragnahare t ndre Abrahama naho Andragnahare Isaka vaho Andragnahare ndre Jakoba'?
\v 27 Reke le tsy Andragnahare ty mate, te ahy ty velo. Somare diso hevitse nareo.”
\p
\v 28 NIsy raeke tamy reo mpanora-dalàgna bakagne vaho nahajanje ty safa iareo; hisane te nivalea ndre Jesosy spa iareo, Vaho nagnontane aze reke tihoe: “Ino ro lily bey loatse amy iareo iaby?”
\p
\v 29 Jesosy namale tihoe: “Ty bey loatse le tihoe: “Mijanjigna, ty Tompo Andragnaharentika, Israely, raeke ty Tompo.
\v 30 Tsy maintse mitea ty Tompo Andragnaharenao amy ty arofonao iaby riha, amy ty fagnahinao iaby, amy ty saianao iaby, naho amy ty herenao iaby.'
\v 31 Toy ro lily fahoroe: 'tsy maintse mitea ty namanao manahake ty vatagnao riha.' Tsy misy lily hafa bey mihoatse noho reo.”
\p
\v 32 Nanao tihoe iaze mpanora-dalagna tihoe: “Soa zay, Mpampianatse! Hainao marene te Andragnahare le Raeke, vaho tsy misy ankoatsy Reke.
\v 33 Vaho ty mitea aze amy ty arofo iaby naho amy ty say iabe naho ty here iaby, vaho ty mitea ty nama manahake ty vata, le soa lavitse mihoatse ty fagnatitse oroa naho soro iaby.”
\p
\v 34 Lafa hisa ndre Jesosy te nagnome valen-drehake hendre Reke, le nitsara tamine Reke tihoe: “Tsy lavitse ty fanjaka ty Andragnahare riha.” Vaho tafara zay le tsy nisy ndaty nahasake nametrake fagnontanea tamy ndre Jesosy sase.
\p
\v 35 Namale Jesosy, laha nampianatse tao amy ty tempole Reke; Le nanao tihoe: “Nanao akore moa ro italilia ty mpanora-dalàgna te Kristy le ana ndre Davida?
\v 36 Davida vatagne, tamy ty Fagnahy Masy, nanao tihoe: 'Ty Tompo nitsara tamy ty Tompoko tihoe: mitoboke eo an-tana ankavanako, mandram-panoeko ty fahavalonao ho fitobohan-tombonao.'
\v 37 Davida vatane kea nikaike Aze tihoe 'Tompo,' kea manao akore ro maha ana ndre Davida ahy ndre Kristy?” Nijanje Aze tamim-pifalea reo vahoake lahiale.
\p
\v 38 Tamy ty fampianarane Jesosy le nitsara tihoe: “Mitaoa amy reo mpanora-dalàgna, ze tea mandehandeha amy ty akanjo lava vahoa tea iareo ty fanalama azo iareo egne an-tsena
\v 39 vaho tea iareo ty mahazo ty seza voalohane agne amy ty synagoga naho ty toera voalohane agne amy ty fete.
\v 40 Mandrava ty tragno reo vatotse iareo, vaho manao vavake lava bey soa ho hisa ty ndaty. Reo lehilahy reo le handrambe fagnameloha bey.”
\p
\v 41 Bak'eo Jesosy nitoboke nifandrife ty vatan-drakitse tao amy ty faritse ty tempole; nnivamba reo ndaty iaby ze nandatsake vola tao amy ty vatan-drakitse. Mpanankarena maro ro nandatsake drala bey tao.
\v 42 Le nisy ampela mijale vatotse raeke avy nandatsake farantsakele roe, ze kele vareroevente oharine amy ty iraimbilanja.
\v 43 Le kinaine reo mpianane vaho nanao tihoe Reke tamy iareo: “Ataliliko amireo vatane ty to, te toy ampisafe mijale vatotse toy ro nandatsake maro mihoatse amy ty ndaty ze nandatsake drala tao amy ty vatan-drakitse.
\v 44 Satria ty iaby le nagnomey tamy ty fanagnam-bey iareo, te toy vatotse toy kea, tamy ty fijaleane, le nandatsake ty vola iaby ze tokone hivelomane tao.”
\c 13
\cl Toko 13
\p
\v 1 Vaho laha niala tao an-tokontane ty tempole Jesosy, le nitsara tamine ty raeke tamy reo mpianane tihoe: “Mpampianatse, vambao ty hasoa ty vato naho ty hasoa ty rafitse!”
\v 2 Nanao tihoe reke tamine: “Hisanao vao reo rafitse bey reto? Tsy hapoke hisy vato raeke hifanongoa eo le tsy ho rava.”
\p
\v 3 Vaho laha nitoboke teo ambone vohitse Oliva tandrife ty tempole Reke, le nagnontane Aze arere Petera, Jakoba naho Andrea tihoe:
\v 4 “Atalilio aminay, Ombia ro hiseo zay raraha iaby zay? Ino ro famantara lafa hiseho reo raraha reo?”
\p
\v 5 Vaho Jesosy nanomboke nitsara tamy iareo: “Mitaoa soa tsy hisy ndaty hampitsile lala anareo.
\v 6 Te maro ro ho avy amy ty Agnarako naho hitalily tihoe: 'Raho ro ie,' vaho maro ro ho voafitane.
\v 7 Lafa mahajanje aly naho resabey mikasike ty ale nareo, le ko misalasala; tsy maintse hiseho reo, te tsy mboe zay ty farane.
\v 8 Te hisy firenena hitsanga hamofoke ty firenena, vaho hisy fanjaka hamofoke fanjaka. Vaho hisy horohoron-tane amy ty toera maro sade hisy kere. Zay ro fiandoha ty fijalea ty fiteraha.
\p
\v 9 Mitaoa nareo. Hamea iareo amy ty Synedriona nareo, vaho hofofohy ao amy ty synagoga. Hitsanga magnoloa reo mpanapake naho reo mpanjaka noho ty Amiko nareo, ho vavolombelo amy iareo.
\v 10 Te ty Filazantsara le tsy maintse ho tory agne amy ty firenena iaby aolo.
\v 11 Lafa misambotse naho magnomea anareo iarei, le ko misalasala ty may ze tokone ho talilinareo. Te amy igne lera igne, le homea nareo ze tokone ho tsarainarei; tsy nareo sase ro hitsara, te ty Fagnahy Masy.
\v 12 Ty rahalahe hagnomey ty rahalahine ho mate, vaho ty rae hagnomey ty anane. Ty anake hitsanga hanohitse ty rae aman-drenine le hahafate aiereo.
\v 13 HO heje ty ndaty iaby nareo noho ty Agnarako. Te na ia na ia maharitse hatramy ty farane, le voasarombake zay ndadty zay.
\p
\v 14 Te laha hisanareo mitsanga eo amy ty tsy tokone hitsanganane ty fahavetaveta ty fandrava (lonike handineke ze mamake), le lonke ze bak'agnee Jodia iaby hilay egne ambone vohitse,
\v 15 ze ao amy tafon-tragno blonike tsy hizotso ao an-tragno lonike tsy hizilke ao an-tragno na hamoake raraha bak'ao amy zay,
\v 16 vaho ze agne an-tsaha lonike tsy himpole hangalake ty lambane.
\v 17 Loza reo ampela bevoka naho mampinono amy zay andro zay!
\v 18 Mivavaha nareo soa tsy ho amy ty asotry ro hisehoa zay.
\v 19 Te hisy fijalea bay, ze tsy mboe nisy hatramy ty voalohane, lafa namoro zao tontolo zao Andragnahare, le zisike amy henane zao, aha, vaho zisikam-parane tsy hisy sase zay.
\v 20 Vaho laha tsy tihoe nihafohesy ty Tompo zay andro zay, le tsy hisy nofotse ho sarombake, ze nifiniline, le nihafoze ty isake zay andro zay.
\v 21 Vaho laha misy ndaty mitsara aminao tihoe: 'Vambao, atia Iaze Kristy! na kea tihoe: 'Vambao, Eroy Reke!' Le ko mino zauy.
\v 22 Te hisy Kristy Tsy ie naho mitoke tsy ie himboake vaho haneho famantara naho haveregna, soa hamitaha, na le ty ndaty voafile kea, laha azo atao.
\v 23 Miambena! Fa voataliliko taminareo miaolo ty fotoa reo zaka iaby reo.
\p
\v 24 Feie afara ty fijalea reo andro reo, le hihamaike ty masoandro, ty vola tsy hagnome ty hazavane,
\q1
\v 25 reo vasia hipopoke bak'egne amy ty lagnitse, vaho reo here ao an-dagnitse ho hozongnizongne.
\v 26 Le ho hisa iareo ty Anagn'Ondate bak'egne amy ty hiboke amy ty here bey naho hase.
\v 27 Vaho hagnirake ty anjele reke le hamore miarake reo ndaty voafile bak'agne amy ty vazan-tane efatse, bak'agne amy ty fara ty tane le hatragne amy ty fara ty lagnitse.
\p
\v 28 Mangala lesona bak'amy ty hetae aveave. Laha vao mitaroke naho mandrave ty rantsane, le hainareo te fa marine ty lohatao.
\v 29 Manahake zay kea, laha vao hisanareo miseho zay raraha iaby zay, le hainareo te famarine Reke, marinike ty vavahade.
\v 30 Ataliliko aminareo vatane ty to, toy taranake toy le tsy koake zisike hisehoa zay raraha zay.
\v 31 Ho rava ty lagnitse naho ty tane, te ty tsarako kea tsy ho rava zisikam-parane.
\v 32 Te ty mikasike zay andro na lera zay, le tsy misi mahay, na reo anjele agne an-dagnitse, na ty Anake, te ty Baba avao.
\v 33 Mitaoa! MIambena, satria tsy hainareo ty lera. 
\f + \ft fagnamariha: reo fahefa taolo le tihoe: Mitaoa! Miambena vaho mivavah, satria... \f*
\v 34 Zay le manahake ty lehilahy raeke handeha lavitse_nagnenga reke le reo mpiasane ro nataone nitanjake ty tragnone, sambe amy ty rarahane iaby, vaho nadily ty mpiambe Reke soa tsy hatore.
\v 35 Kea miambena, satria tsy hainareo tihoe ombia ro ho avy ty tompon-tragno; met ho amy ty halike zay, na amy ty sasak'alike, na magneno akoho, maraindray.
\v 36 Te laha avy tampoke reke, le ko apoke hahisake anareo matore re.
\v 37 Ze talilieko aminareo le talilieko amy ty ndaty iaby kea: Miambena!”
\c 14
\cl Toko 14
\p
\v 1 Vaho roe andro miaolo ty Paske naho ty fankalaza ty fihinana ty Mofo tsy misy masirasisa tamy zay. Nipay fomba hisambora ahy ndre Jesosy arere reo loha ty mpisoro naho ty mpanorandalàgna vaho hamono Aze bak'eo. e nanao tihoe iareo: “Aleo tsy amy
\v 2 ty andro fete, soa tsy hikorakorake ty ndaty.”
\p
\v 3 Laha tagne Betania tao an-tragno ndre Simona angamay Jesosy, laha nitoboke teo an-databatse reke, le nisy ampisafe raeke namonje Aze nanday tavoange alabastara misy menake lafo vile, ze narda tsy fangarone. Nivakine iaze tavoange le nailine teo amy ty agnambone zay.
\v 4 Nampasiake ty ndaty sasane anefa zay. Nifampiresake iareo le nanao tihoe: “Ino ro antone zao fandaniandania fahatane zao?
\v 5 Io menake magnitse io le afake navile mihoatse ty denaria telonjato, vaho nomea ty mijale. le nasike iaze ampisafe iareo bak'eo.
\p
\v 6 Feie nanao tihoe Jesosy: “Apoho re. Nanao akore nareo ro manao ze mampalahelo aze? Zaka soa ro nanoene tamiko.
\v 7 Ty mijale le eo aminareo ziskam-parane, vaho afake hanao asa soa ho aiereo avao nareo na amy ty andro ino na andro ino, te raho kea tsy hitoboke eo amianareo ziskamparane.
\v 8 Nanaoze azone atao reke, nagnosotse ty vatako hoa amy ty fandevagna reke.
\v 9 Ataliliko aminareo ty to, na ia na ia hitoria ty Filazantsara manera zao tontolo zao, le ho taliliene ty nanoe toy ampisafe toy, soa ho fahatiarova aze.”
\p
\v 10 Bak'eo Jodasy Iskariota, raeke tamy iareo roambinifolo lahy, lasa nandeha agne amy reo loha ty mpisoro hazahoane magnone Aze eo amy iareo.
\v 11 Laga nahajane zane reo loha ty mpisoro, le fale iareo le nampagnantegna hagnomey ndrala aze. Le nanomboke nipay hirike hagnomeza Aze iareo reke.
\p
\v 12 Tamy ty andro voalohane ty fihinana ty mofo tsy misy masirasira, lafa nanao soro ty aondre ty Paska iareo, le nanao tihoe reo mpianane tyamine: “Aia ro teanao alehanay hikarakara mahatanjake, soa hitavanao ty mahatanjake ty Paske?”
\p
\v 13 Le nagnirake roe tamy reo mpianane Reke le nitsara tamy iareo mpianane Reke le nitsara tamy iareo tihoe: “Mandena agne an-tanà, vaho hisy lehilahy manday vatavo feno rano nifanonjo aminareo. Magnaraha Aze.
\v 14 ze tragno izilihane, magnaraha aze le talilio ty tompo zay tragno zay tihoe: 'Nanao tihoe ty mpampianatse: “Aia ty efitragno fandrambesam-bahine ahazahoako miara-mitava ty Paske amy reo mpianatsiko?”'
\v 15 Hampitoro anareo efitragno bey ambone etaze misy fanake ze favonogneso reke. Ao ro ataovo ty fanomagna iaby ho antika.”
\v 16 Le lasa ty mpianatse vaho nitanjake ty tanà. Hisa iareo arake fa nitaliliene tamy iareo ty zaka-iabyle nagnoma ty mahatanjake ty Paska iareo.
\v 17 Lafa hariva ty andro, le avy niarake tamy reo roambinifolo lahy Reke.
\p
\v 18 Lafa nitoboke teo an-databatse naho nitava iareo, le nanao tihoe Jesosy: “Atliliko aminareo ty to. te ty rake aminareo ze miara-mitava amiko etoa le hamadike Ahike.”
\p
\v 19 Nalahelo mafe iareo iaby, le nitsara tamine ty kiraikiraike tihoe: “Tsy raho zay?”
\p
\v 20 Jesosy namale le nitsara aiereo tihoe: Ty raeke aminareo roambinifolo zay, iaze miara-mampijomboke mofo amiko ampo finga zao.”
\v 21 Te ty Anagn'Ondaty le handeha amy ty lala ze fa voatalily ty Soratse Masy mikasike Aze. Te loza kea ho ahy zay lehilahy ze mamalike ty Anagn'Ondaty zay. Soa ho aze vatane laha tsy terake reke.”
\p
\v 22 Laha mboe teo am-pitava iareo, le nandrambe ty mofo re Jesosy, nisaotse, vaho nizarazara zay. Natolone aiereo zay nsho nsnso tihoe: “Rambeso, toy ro vatako.”
\v 23 Le nandrambe ty kapoake Re, nisaotse, vaho nagnomey zay aiereo, le nino tamy zay iareo iaby.
\v 24 Le nanao tihoe Reke tamy iareo: “Toy ty lio ty fagnekem-pilongoa, lio ze apoko ho ahy ty maro.
\v 25 Ataliliko aminareo ty to, tsy hino toy vokatse ty voaloboke toy sase Raho zisike iavia ty andro ze hinomako zay ndraeke agne amy ty fanjaka ty Andragnahare.”
\v 26 Lafa avy fiantsa iareo, le nandeha tegne ambone vohitse Oliva. nao tihoe Jesosy tamy iareo:
\p
\v 27 “Hagnenga Ahike iaby nareo iaby, te voasoratse tihoe: 'Hamofokew ty mpiandre aodre Raho vaho himbognake ty aondre.'
\v 28 Te lafa avy hitsanga amy ty mate Raho, le hiaolo lala anareo ao Galilia.”
\p
\v 29 Le nanao tihoe Petera tamimne: “Na le hagnenga iaby ty iaby, raho tsy hagnenga.”
\p
\v 30 Nanao tihoe Jesosy tamine: “Talilieko aminao ty to, te androane hale, laha mboe tsy magneno in-droe ty akoho, le fa nandà Ahike in-telo riha.”
\p
\v 31 Te nanao tihoe Petera: “Na tsy maintse hiarake mate aminao raho, tsy handà Anao.” Le sambe nampagnantegna manahake zay iaby iareo iaby
\p
\v 32 Vaho avy tagne toera atao tihoe Getsemane iareo, le nanao tihoe mpianane tihoe: “Mitoboha eto laha mboe mivavake Raho.”
\v 33 Le nanday ahy ndre Petera, naho Jakoba, vaho Jaona niarake tamine Reke vaho nanomboke nalahelo sade nijale.
\v 34 Le nanao tihoe iareo: “Mijale loatse ty Fagnahiko, manahake ty fa ho mate. Mitoboha eto le miambena.”
\v 35 Nagnalavitse kelekele Jesosy, nihohoke tamy ty tane, le nivavake Reke laha ohatse azo atao, le hiala Amine zay lera zay.
\v 36 Nanao tihoe Reke: “Baba, ty raraha iaby hainao atao. Afaho amiko toy kapoake toy. Feie lonike tsy ty teako ro hatao, te ty Anao.
\v 37 Nimpole Reke le nahisake aiereo natore, le nanao tihoe Reke tamy ndre Petera: 'Simona, matore vao riha? Tsy nahavita niambe lera raeke vao riha?
\v 38 Miambena le mivavaha soa tsy hizilihanareo amy tyy fakam-pagnahy. Ty fagnahy mete mazoto vatane, te ty nofotse ro malemy.”
\v 39 Le lasa ndraeke Reke nisintake kele vaho nivavake, vaho le nampimpole ty tsara nataone teo aloha avao.
\v 40 NImpole ndraeke Reke le nahisake aiereo natore, te navesatse ty torimaso ty maso iareo vaho tsy hisa iareo ze nitaliliene tamine.
\v 41 Namonje fagnintelone Reke le nitsara aiereo tihoe: “Mboe matore naho mitofa avao vao nareo? Ampe zay! Fa ave ty fotoa. Vambao! Ty Anagn'Ondaty nivaliha hagnomey eo an-tagna ty haratea.
\v 42 Mitsangàna ndao andeha tika. Vambao, Fa marinike iaze hamalike Ahike.”
\p
\v 43 Vaho laha mboe teo am-pitenena Reke le avy Jodasy, Raeke amy reo roambinifolo lahy, niarake tamina vahoake maro ze nilanja votontse naho langilangy, bak'amy reo loha ty mpisoro, ty mpanoradalàgna, vaho ty ndaty.
\v 44 Vaho iaze mpamadike Aze nagnome famantara aiereo, nitsara tihoe: “Ze horofako, zay ty ie. Samboro Reke le ambeno.”
\v 45 Lafa avy Jodasy, le namonje ahy ndre Jesosy ave hatragne reke naho nitsara tihoe: “Mpampianatse,” vaho nagnoroke Aze re.
\v 46 Bakeo le nisambore iareo Jesosy.
\v 47 Te nisy raeke tamy reo nitsanga teo nampiboake ty mesone vaho namofoke iaze mpiasa ty mpisorobey le nanapake ty sofine.
\p
\v 48 Nanao tihoe Jesosy tamy iareo: “Avy hanambotse Ahike, manahake ty hanambotse malaso, miarake amy ty meso bey langilangy vao nareo?
\v 49 Tamy Raho teo aminareo san'andro naho nampianatse teo amy ty tempoly, tsy nisamborinareo. Te natao zao soa hahatanterake ty Soratse Mase.”
\p
\v 50 Le nagnenga Aze iaby reo niarakr tamy ndre Jesosy vaho nietake.
\v 51 Vaho nisy mpamarake raeke, tsy nisike ankoatsy lamba harire avao nagngarake ahy ndre Jesosy. Lafa nisambory ty ndaty reke
\v 52 le napone teo ty lamabane le lasa nilay tsy nisike reke.
\p
\v 53 Nandesy iareo tagne amy ty mpisorobey Jesosy. NIara-nivore tamine teo iaby ty mpisoro iaby, naho ty ndaty bey, vaho reo mpanora-dalàgna.
\v 54 Vaho Petera nagnarake Aze bak'egne Lavidavitse egne, hatragne amy ty tokontane ty mpisorobey. Nitoboke teo amy reo mpiambe re, ze namindro teo agnila ty afo.
\v 55 Vaho reo loha ty mpisoro naho ty Synedrione Jiosy le nipay vavolombelo manohitse ahy ndre Jesosy soa hahafaha iareo mamono Aze ho mate. Feie tsy nahisake iareo.
\v 56 Te maro ro nitanjake vande Aze, feie na ty fitana iareo tsy nilame zao.
\v 57 Vaho nisy ndaty ilane nitsanga le nitanjake vande Aze; nanao tihoe iareo:
\v 58 “Janjinay Reke nitsara tihoe: 'Ho ravako toy tempole natao tana toy, vaho ao ampo ty telo andro Raho le hananga raeke hafa tsy nataon-tagna.”'
\v 59 Te mboe tsy nifagnarake avao ty fitana iareo.
\p
\v 60 Vaho ty mpisorobey nitsanga teo amy iareo le nagnontane ahy ndre Jesosy tihoe: Tsy misy havale vao Riha? Ino zay hitana reto ndaty reto Anao zay?”
\v 61 Te nitsy Reke naho tsy namale na ino na ino. Le mboe nagnontane Aze ndraekety mpisorobey le nanao tihoe: “Riha vao ro Kristy, Anagn'Iaze voatahy?”
\p
\v 62 Le nanao tihoe Jesosy: “Raho ro Reke; vaho ho hisanareo ty Angn'Ondaty lafa mitoboke eo an-tagna ankavana ty here ty Andragnahare naho bak'egne amy ty hiboke ty lagnitse.”
\p
\v 63 Vaho ty mpisorobey nanatake ty fitafiane naho nanao tihoe: “Mboe vavolombelo avao tika?
\v 64 Te henonareo ty fitsaran-drate. Ino ro fanapahan-kevitsinareo?” Reke iaby le sambe nagnameloke Aze manahake ty ndaty maeva ty ho mate.
\p
\v 65 Ty ilane nanomboke nandora Aze vaho nanaro ty vatane le namofoke Aze vaho nanao tamine tihoe: “Mitokia! Vaho reo manan-kase Aze le namofoke Aze.
\p
\v 66 Vaho laha teo ambane teo an-tokontane Petera, le namonje aze ty raeke tamy reo mpiasa ampela ty mpisorobey.
\v 67 Nahaisake ahy ndre Petera nitsanga namindro teo amy ty afo reke tamine tihoe: “Riha kea niarake tamy iaze Nazarena, Jesosy.”
\p
\v 68 Te reke nandà zay, nanao tihoe: “Tsy haiko naho tsy azoko ze tsaranao.” Bak'eo lasa niala ty tokontane reke. 
\f + \ft Fagnamariha: Reo fandika ialane magnampe tihoe: “Le nagneno ty akoho,” te reo fandika taolo soa loatse le tsy misy io tsara io. \f*
\p
\v 69 Te iaze aja ampela nahisake aze le nanomboke nitsara tamy reo ndaty nitsanga magnodidy ndraeke tihoe: “Io lehilahy io le raeke amy iareo!”
\p
\v 70 Te mboe nandà zay ndraeke reke. Kelekele bak'eo le nanao tihoe nitsanga teo tamy ndre Petera tihoe: “Raike amy iareo sase riha, satria riha kea le Galiliana.”
\p
\v 71 Te nanomboke nagnozo vata naho nifanta reke tihoe: “Tsy haiko zay lehilahy talilinareo zay.”
\p
\v 72 Vaho niarake tamy zay le nagneno fagnindroane ty akoho. Bak'eo le nahatiaro ty tsara ndre Jesosy tamine Petera tihoe: “Laha tsy mboe magneno fagnindroane ty akoho, le handà Ahike intelo riha,' Le nalahelo mafe reke naho nitomagne.
\c 15
\cl Toko 15
\p
\v 1 Vao maraindray bey, le nivore ty mpiusorobey niarake tamy reo ndaty bey naho reo mpanora-dalàgna vaho ty Synedriona Jiosy raeke iaby. Narohy iareo Jesosy vaho nandesy iareo niboake.
\v 2 Nagnontane Aze ty Pilato tihoe: “Riha vao ro mpanjak ty Jiosy?” Nivaleane tihoe: “Hainao soa.”
\v 3 Nomea fitana maro manohitse ahy ndre Jesosy reo loha ty mpisoro.
\v 4 Nagnontane Aze ndraeke Pilato tihoe: “Tsy manome valin-drehake vao Riha? Vambao ty haliale ty fitana andesy iareo manohitse Anao!”
\v 5 Te tsy namale ahy ndre sase Jesosy, le mnahavere aze zay.
\p
\v 6 Vaho tamy ty andro firavoravoa, le namototse gadra raeke ho aiereo avao Pilato, gadra ze angataha iareo.
\v 7 Niarake tamy reo mpilietse tao am-pingandra, teo amy reo mpamono ndaty ze voatajake noho ty fandraisa iareo anjara tamy ty filiera, le nisy lehilahy raeke kinaike tihoe Barabasy.
\v 8 Le nandeha eo amy ndre Pilato ty vahoake le nanomboke nangatake tamine soa hanao hoaa aiereo arake ty fanaone tagne aloha.
\v 9 Pilato namale aiereo le nanao tihoe: “Teanareo vao laha ty mpanjaka ty Jiosy ro halefako ho anareo?”
\v 10 Satria haine te fialogna ro nagnomeza ty loha ty mpisoro ahy ndre Jesosy tamine.
\v 11 Te nanenta ty vahoake reo loha ty mpisoro soa hikoike mafe te tokone ho Barabasy kea ro havototse.
\v 12 Le namale aiereo ndraeke Pilato le nanao tihoe: “Ino vaho zay ro tokone ho ataoko amy ty amy ty Mpanjaka ty Jiosy?”
\p
\v 13 Le nikoikoike ndraeke iareo tihoe Fatsiho Reke!”
\p
\v 14 Nanao tihoe Pilato tamy iareo: “Ino ro rate nataone?” Te nikoike mafe avao iareo tihoe: “Fantsihoe Reke.”
\v 15 Te-hanao ze mahafa-po aiereo Pilato, kea le nafahane ho aiereo barabasy. Nikapohine Jesosy vaho bak'eo nomeine soa hofatsihy.
\p
\v 16 Nandesy reo miaramila ho eo an-kianja Reke (Ze ampagnivoa), vaho kinaigny reo iaby ty antoko miaramila iaby
\v 17 Nisikina iareo lamba voloparasy Jesosy, vaho nitale fihiloha fatike iareo le nametrake zay teo amine.
\v 18 Le nanomboke nanalama AZe iareo vaho nitsara tihoe: “Salama, ty Mpanjaka ty Jiosy!
\v 19 Nifofohy iareo tamy ty volotara ty agnambone naho nandora teo amine. Le nandohalike teo agnatrehane iareo sare niantsa Aze.
\v 20 Lafa avy namsoke Aze iareo, le nafaha iareo tamine ndrake ty lamba volomparase vaho nampisikiny iareo Aze ty fisikinane arere, vaho le nandesy reo niboake Rek soa hamatsiha Aze.
\p
\v 21 Nisere iareo try mpandrio raeke ze bak'agne am-baibo soa hitaranjo ty hazofijalea ndre Jesosy, lehilahy rake kinake tihoe Simona Kyreniana baba ndre Aleksandra naho Rafosy.
\v 22 Nandesy reo miaramila tagne amy ty toera atao tihoe Gologota Jesosy (ze midika tihoe “Toera ty karandoha").
\v 23 Nomey iareo divay niharo miora Reke, te tsy nino zay Reke.
\v 24 Le nifantsihy iareo Reke vaho nifampizara iareo tamy ty alala ty ankitsapake ty fisikinane soa hahaiza ze vakine rambesy miaramila kiraikiraike.
\p
\v 25 Tamy ty lera fahatelo Reke ro nifatsihy iareo.
\v 26 Vaho teo amy ty takaleke hetae raeke ro nisorata iareo ty fitanjaha nanohitse Aze tihoe: “Mpanjaka ty Jiosy.”
\v 27 Jiolahy roe ro niarake nifatsihe iareo tamine, ty raeke teo ankavanane vaho ty raeke kea teo ankaviane.
\v 28
\f + \ft fagnamariha: Reo fandika taolo soa loatse le tsy magnise Marka 15:28 tihoe: “Le tanterake ty Soratse Masy manao tihoe: 'Natao ho isa ty mpanao rate Reke.' (Ampitovio ty Lioka 22:35) \f*
\v 29 Reo ze nandalo teo tsy nagnise dikane Aze, niholikole-doha vaho nanao tihoe: “Aha! Riha iaze afake mandrava ty tempoly vaho magnore zay ao agnate ty telo andro,
\v 30 sarombaho ty vatanao vaho mizotsoa bak'eo amy io hazofijalea io!”
\p
\v 31 Ty loha ty mpisoro kea le nagneso Aze manahake zay, niarake tamy reo mpanora-dalàgna, vaho nitsara tihoe: “Nanarombake ty hafa Reke, fewie tsy mahasarombake ty vatagne.
\v 32 Lonike iaze Kristy, iaze Mpanjaka ty Israely, hizotso bak'eo amy ty hetaefijalea, soa ho hisanay vaho hatokianay,” vaho reo nifatsihy niarake tamine kea le namasoke Aze.
\p
\v 33 Tamy ty lera faha-ene, le avy teo amy ty tane iaby ty ike hatramy ty lera fahasivy.
\v 34 Vaho tamy zay lera fahasivy zay le nikoike tamy ty feo mafe Jesosy tihoe: “Eloy, Eloy, Lamà sabaktany?” ze midika tihoe: “Andragnahare, Andragnahare, nanao akore Riha ro nahafoe Ahike?”
\p
\v 35 Ty ilane tamy reo ze nitsanga teo nahajanje ty tsarane le nirehake tihoe: “'Heteo, mikaike ahy ndre Elia Reke.”
\p
\v 36 Nisy ndaty raike nilailae, nando divay mandiro naho epoze, vaho naditike zay tamy ty volotara, le nagnome zay ho inomine, Iaze lehilahy nitalily tihoe: “Lonike ho hisanay laha ho avy ampizotso Aze eo Elia.”
\v 37 Bak'eo Jesosy nikoike tamy ty feo mafe le mate.
\v 38 Tatake nizara roe zisik'ambone le zisik'ambane ty lamba ty tempole.
\p
\v 39 Lafa hisa iaze lehilahy kapiteny ze nitsanga naho nifagnatrike tamy ndre Jesosy te mate tamy zay fomba zay Reke, le nanao tihoe Reke: “Vatane Ana ty Andragnahare marene vatane io lehilahy io.”
\v 40 Le nisy ampela kea nagnete tegne lavitse tegne, agnatiny zay Maria Magdalena, Maria (Rene ndre Jakoba ziane naho Jesosy), vaho Salome
\v 41 Tamy Reke tagne Galilia le nagnarake Aze naho nanompo Aze iareo. Vaho ampela maro hafa kea ro niara-niakatse tamine tagne Jerosalema.
\p
\v 42 Kea lafa avy ty halike, satria Andro Fiomagna, zane hoe, andro mialoha ty Sabata io,
\v 43 le avy teo Josefa bak'agne Arimatia. Mpikamba hajay ao amy ty Synedriona reke, ze niambe ty Fanjaka ty Andragnahare. Nana fahasakia re nandeha agne amy ndre Pilato hangatake ty havilasy ndre Jesosy.
\v 44 Vere Pilato tihoe vilasy Jesosy; le kinaine iazy kapitene vaho nagnontane aze reke laha vilasy Jesosy.
\v 45 Lafa nahazo antoke tamy iaze kapitene reke te mate Jesosy, le nomeane andre Josefa ty havilasy.
\v 46 Vaho Josefa nivily hariry malinike. Nampizotso ahy ndre Jesosy teo amy ty hetaefijalea reke, le namogno hariry malinike Aze, vaho nametrake Aze tao amy ty valavato ze nilavaha tao amy ty lamelame. bak'eo nandrosy vato teo amy ty varavara ty valavato reke.
\v 47 La hisa ndre Maria Magdalena naho Maria rene ndre Jesosy ty toera nandevegna Aze.
\c 16
\cl Toko 16
\p
\v 1 Lafa tapitse ty andro Sabata, le nivile zaka-magnitse hagnosora amy ty havilasy ndre Jesosy re Maria Magdalena naho Maria rene ndre Jakoba, vaho Salome nivily hagnitse soa handeha vaho hagnosotse ty faty ndre Jesosy.
\v 2 Vao maraindray-bey tamy ty andro voalohane ty heregnandro, le nandeha egne amy ty valavato iareo lafa niposake ty masoandro.
\v 3 Le nifampirahake iareo tihoe: “Ia ro handrosy ty vato eo amy ty varavara ty valavato ho antika?”
\v 4 Lafa niandra iareo, le hisane te favoarose niala iaze vato, ze vatane bey vatane
\p
\v 5 Nizilike tao amy ty valavato iareo le nahisake mpamarake niakanjo foty, nitoboke teo ankavana, vaho le vere iareo.
\v 6 Le nanao tihoe Reke tamy iareo: “Ko matahotse. Mipay ahy ndre Jesosy nareo, iaze Nazarena, ze nifatsihy. Nitsanga Reke! Tsy eto Reke. Vambao ty toera ze nametraha iareo Aze.
\v 7 Te mandena, talilio reo mpianane naho Petera te hiaolo lala anareo agne Galilia Reke. Agne ro hahisahanreo Aze, arake ze nitaliliene taminareo.”
\v 8 Niboake iareo le nilailay niala ty valavato; nititike naho vere iareo. Tsy nitalily na ino na ino tamy ty ndaty iareo satria vatane natahotse mafe.
\p
\v 9
\f + \ft Fagnamariha: Te fandika taloha soa loatse le mangalake ty Marka 16: 9-20 \f* Vao maraindray tamy ty andro voalohane ty heregnandro, tafara ty nitsanganane, le niseho tamy ndre Maria Magdalena aloha Reke, iaze nandroahanew demone fito.
\v 10 Le lasa Maria vaho nitalilia ty vaovao tamy reo niarake tamy ndre Jesosy, laha mboe nisao naho nitomagne iareo.
\v 11 Heno iareo te velo Reke vaho nahisake Aze reke, feie tsy natoky iareo.
\v 12
\f + \ft Ty fandika taloha soa loatse le mangalake ty Marka 16:9-20 \f* Tafara reo zaka reo Jesosy le nimboake tamy ty tarehe hafa tamy ty roe tamy iareo, laha nandeha ho agne an-tanà iareo.
\v 13 Le lasa iareo vaho nitalily tamy reo mpianatse sisa, feie tsy natoky iareo.
\v 14
\f + \ft Fagnamariha: Ty fandika taloha soa loatse le mangalake ty Marka 16:9-20 \f* Tafara kele le niseho tamy ty raika amby folo lahy Jesosy laha mboe teo am-pitava iareo, vaho nitsara mafe aiereo Reke noho ty tsy fatokia naho hamafy ty arofo iareo, satria tsy nino reo ze nahisake Aze tafara ty nitsanganane tamy ty havilasy iareo.
\p
\v 15 Vaho nanao tihoe Reke tamy reo: “Mandena agne amy zao tontolo zao, vaho torio amy ty ndaty iaby ty Filantsara.
\v 16 Ze mino naho atao batisa ro vonjena, vaho ze tsy mino kea le ho helofa.
\v 17
\f + \ft Fagnamariha: Ty fandika taloha soa loatse le mangalake ty Marake 16: 9-20 \f* Reto famantara reto le hagnarake reo ze mino: Amy ty agnarako ro handroaha iareo demone. Hitsara amy ty tsara vaovao iareo.
\v 18 Handrambe menara amy ty tagna iareo, vaho laha mino zaka-mahafate iareo, le tsy hampagnino aiereo zane. Hametra-tagna amy ty marare iareo, le ho afake regne.”
\p
\v 19
\f + \ft Ty fandika taloha soa loatse le mangalake ty Marka 16: 9-20 \f* Lafa baka nisafa tamy iareo ty Tompo, le nampiakary ho agne an-dagnitse Reke vaho nitoboke eo an-tagna ankavana ty Andragnahare.
\v 20 Le lasa reo mpianatse nitore iaby tegne, vaho ty Tompo niara-niasa tamy iareo vaho nagnamafe ty tegne tamy ty alala ty famantara ze niarake tamy iareo.