tdx-x-mahafaly_reg/41-MAT.usfm

\id MAT
\ide UTF-8
\h Matio
\toc1 Matio
\toc2 Matio
\toc3 mat
\mt Matio
\c 1
\cl Toko 1
\p
\v 1 Ty boky ty raza ndre Jesosy Kristy ana ndre Davida ana ndre Abrahama.
\v 2 Abrahama ro baba Isaka, vaho Isaka ro baba ndre Jakoba, vaho Jakoba ro baba ndre Joda naho reo rahalahine.
\v 3 Joda ro baba ndds Fareza naho Zara baka tamy ty Tamara, Fareza to baba ndre Herzona, vaho Herzone ro baba ndre Rama.
\v 4 Rama to baba ndre Aminadaba, vaho Aminadaba to baba ndre Nasona, vaho Nasona ro baba ndre Salmona. Salmona ro baba ndre Boaza tamy ty
\v 5 Rahaba, Boaza ro baba ndre Obeda tamy ty Rota, Obeda ro baba ndre Jese.
\v 6 Vaho Jese ro baba ndre Davida mpanjaka, Davida to baba ndre Solomona tamy ty alala ty valy ty Oria.
\v 7 Solomona ro baba ndre Rehoboama, Rehoboama ro baba ndre Abia, vaho Abia ro baba ndre Asa.
\v 8 Asa ro baba ndre Jaosafata, vaho Jaosafata ro baba ndre Jorama, vaho Jorama ro raza ndre Ozia.
\v 9 zia ro baba ndre Jotama, Jotama ro baba ndre Ahaza, Ahaza ro baba ndre Hezekia.
\v 10 Hezekia ro baba ndre Manase, Manase ro baba ndre Amona, vaho Amona ro baba Josia.
\v 11 Josia ro raza ndre Jekonia naho reo rahalahine tamy ty fotoa ty fandroaha ho agny Babylona.
\p
\v 12 Tafara ty fandroaha ho agny Babylona, le Jekonia ro baba ndre Sealtiela, vaho Sealtiela ro raza ndre Zerobabela.
\v 13 Zerobabela ro baba ndre Abihoda, Abihoda ro baba ndre Eliakima, vaho Eliakima ro baba ndre Azora.
\v 14 Azora ro baba Zadoka, Zadoka ro baba ndre Akima, vaho Akima ro baba ndre Elihoda.
\v 15 Elihoda ro baba dre Eliazara, Eliazara ro baba ndre Matana, vaho Matana ro baba ndre Jakoba.
\v 16 Jakoba baba ndre Josefa zay valy ndre Maria, iaze nisamake ahy ndre Jesosy, le kinaiky tihoe Kristy.
\p
\v 17 Ty foko iaby manomboke amy ndre Abrahama le hatra agny amy ndre Davida le taranake folo efats' amby, manomboke amy ndre Davida le zisike amy ty fandroaha ho agny Babylona le taranake folo efats' amby, vaho manomboke amy ty fandroaha ho agny Babylona le zisike amy Kristy le taranake folo efats'amby.
\p
\v 18 Nanahake zao ro nisehoa ty fahateraha ndre Jesosy Kristy. Ty renine, Maria, le fa natoka hanambaly ahy ndre Josefa, neda taolo ty niteraha iareo, le hisaky te vesatsy re baka amy ty fagnahy masy.
\v 19 Josefa, valine, le lehilahy mahity, ro sade tsy te-hanalatse aze amaso ondaty. Le nanapa-kevitse reke ty hamara arere ty fifanekegna tamine.
\v 20 Vaho laha reke mboe nisafiry mikasiky reo raraha reo igny, le niseho tamine tamy ty nofe ty anjely ty Tompo, ty tihoe: “Josefa, anadahy ndre Davida, Ko matahotse ty hangalake ahy ndre Maria ho valinao, satria iaze raike zay nitorontoroa ao agnatene le ty Fagnahy Masy ro nampitoetse aze.
\v 21 Hiteraky ajaja lahy reke, vaho iriha hikaike ty agnarane tihoe Jesosy, te reke ro hamonje ty ndatine hiala amy ty faharatia iareo.”
\v 22 Zaka iaby zay le niseho soa hahatanterake ze nambara ty Tompo tihoe:
\v 23 “Ingo, ty zaza tsy mahasake lahy hivesatse le hiterake ajajalahy, vaho iareo hikaike ty agnarane tihoe Imanoela" zay midika tihoe: “Amintika Andriamanitra.”
\v 24 Nifoha tamy ty torimasone Josefa vaho nanao ze araky ty nandilia ty anjely ty Tompo aze vaho nangalake aze ho valine.
\v 25 Feie tsy nandry tamine reke zisiky niterahane ajajalahy. Vaho kinaikine tihoe Jesosy ty agnarane.
\c 2
\cl Toko 2
\p
\v 1 Tafara ty nahateraha ndre Jesosy tao Betlehema ndre Jodia tamy ty andro ndre Heroda mpanjaka, le avy teo Jerosalema reo lehilahy manam-pahaiza bak' agne atignana nitsara tihoe:
\v 2 “Aia Reke zay teraky ho Mpanjaka ty Jiosy? Nahisaky ty vasiane bak' egne atignana zahay vaho avy soa hankalaza aze.”
\p
\v 3 Lafa naheno zane re Heroda mpanjaka, le nihorohoro reke, naho re Jerosalema iaby niarake tamine.
\v 4 Nandesy ndre Horada niarake ty loha ty mpisoro iaby naho ty mpanoratsy lalàgna ty ndaty, vaho nagnontane aiereo reke tihoe: “Aia ro hahateraha ndre Kristy?”
\v 5 Nitsara tamine iareo tihoe: “Ao Betlehema ndre Jodia, te zao ro voasoratsy ty mpitoke tihoe:
\v 6 'Te iriha, Betlehema, agne amy ty tane ty Joda, le tsy kele loatse amy reo mpitondra ndre Joda, te bak' aminao ro hiavia ty mpanapake zay hiamby ty ndatiko Israely.”
\p
\v 7 Vaho nikaike arere reo lehilahy manam-pahaiza re Heroda soa nagnontane aiereo mazava soa ty fotoa niboaha iaze vasia.
\v 8 Nalefane tagne Betlehema iareo, manao tihoe: “Mandehana vaho fotoro soa ty amy iaze ty ajaja. Lafa hisanareo reke, le ampitalilio raho, soa ahazahoako mandeha agne avao kea le hankalaza aze.”
\p
\v 9 Tafara ty nahareza iareo ty mpanjaka, le nandeha tamy ty lalane iareo, vaho ty vasia ze hisa iareo tegne atignana ro nialoha aiereo mandra-pijanognane teo ambony ty toera nisy iaze ajaja.
\v 10 Lafa nahisake ty vasia iareo, le niravo tamy ty hafaleam-bey.
\v 11 Nizilike tao amy iaze ajomba iareo vaho nahisake ty ajaja niarake tamy ndre Maria Renene. Niankohoke naho nankalaza aze iareo. Nanokatse ty fitoeram-panagnane iareo vaho nagnomey fagnomeza volamena, linten-kazo magnitse, vaho miora ho aze.
\v 12 Nampitandre aiereo tamy ty nofe Andragnahare soa tsy himpoly agne amy ndre Heroda, le lala hafa ro nandehana iareo namonje ty tanane iaby.
\p
\v 13 Lafa lasa iareo, le nisy anjely ty Tompo niseho tamy ndre Josefa tamy ty alala ty nofy vaho nitsara tihoe: “Miambina andeso ty ajaja naho ty renene, vaho milaisa agne Egypta. Mitoboha agne mandra-pitaliliako aminao, te re Heroda le mipay iaze ajaja soa hamonoa aze.”
\v 14 Ty halik' igny Josefa le nifoha vaho nanday ty ajaja naho ty renene le nandeha agne Egypta. Nitoboke tagne reke mandra-pahavilasy ndre Heroda.
\v 15 Zane le nagnatanterake ze nitalily ty tompo tamy ty alala ty mpitoky tihoe: “Nikinaiko hiala tagne Egypta ty anako.”
\v 16 Bak' eo Heroda, lafa nahisake te voafitaky reo lehilahy manam-pahaiza, le nasiaky mafe. Nagnirake naho nampamono ty ajajalahy iaby roe tao magnambane ze tao Betlehema naho tao amy igny faritse iaby igny reke, arake ty fotoa ze nifotorane mazava tamy reo lehilahy manam-pahaiza.
\v 17 Bak' eo le tanterake ty tsara ze nitalily tamy ty alala ndre Jeremia mpitoky tihoe:
\q
\v 18 “Nisy feo heno tao Rama fitomania naho fisaognam-bey, mitomagny noho ty amy ty anane Rahely, vaho tsy nagnina ty ho ampitsigne re, satria falasa iareo.”
\p
\v 19 Lafa vilasy re Heroda, ingo, nisy anjely ty Tompo niseho tamy ndre Josefa tagne Egypta tamy ty nofy vaho nitsara tihoe:
\v 20 “Mifohaza vaho andeso ty ajaja naho ty renine le mandehana agne amy ty tane ty Israely, te fa vilasy reo ze nisafiry ty fiay ty ajaja.”
\v 21 Nifoha Josefa, nandesine ty ajaja naho ty renine, vaho nandeha tagne amy ty tane ty Israely.
\p
\v 22 Te lafa heno te re Arkelaosy ro nanjaka tagne Jodia nisolo ahy ndre Heroda babane, le natahotse ty ho agne reke. Tafara ty nampitandrema ty Andragnahare aze tamy ty nofy, le niala nandeha amy ty faritsy ndre Galilia reke
\v 23 le nandeha vaho nitoetse tao amy ty tanà kinaiky tihoe Nazareta. Zane le nahatanterake ze voatalily tamy ty alala reo mpitoky tihoe: “Nazareta ro hikaiha aze.”
\c 3
\cl Toko 3
\p
\v 1 Tamy zay andro zay le nandeha nitalily tagne agn'efitsy ndre Jodia re jaona mpanao Batisa manao tihoe:
\v 2 “Mibebaha, te fa marine ty fanjaka ty lagnitse.”
\v 3 Te reke ro iaze nitalily ndre Isaia mpitoky, manao tihoe: “Misy feo raike mikaike mafe agne agn'efitse tihoe: 'Amboaro ty lala ty Tompo, ahitio ty lalane.'”
\p
\v 4 vaho jaona nisiky volon-drameva naho nanao fehikibo holitse tamy ty valahane. Valala naho tantele remby ro nataone fihina.
\v 5 vaho Jerosalema, Jodia iaby, naho ty faritse iaby magnodide le vavarano ndre Jordana le namonje aze.
\v 6 Nanoene batisa tegne amy ty vavarano ndre Jordana iareo, lafa nagnina ty haratiane.
\p
\v 7 Te lafa nahisake reo Fariseo naho Sadiseo lahialy namonje aze soa ho atao batisa re, le nanao tihoe re tamy iareo: “Ry foko menara feno poizy, ia ro nampitao anareo hilay ty heloke zay ho avy?
\v 8 Mamoaza voa mitove ty fibebahaa.
\v 9 Vaho ka misafiry ty hitalily ty hikilily agnarofo tihie: 'Mana ahy ndre Abrahama ho babanay zahay.' Te talilliko aminareo te Andragnahare le mahavita mananga anake ho ahy ndre Abrahama na le bak' amy reto vato reto kea.
\v 10 Vaho fa napoky eo am-pototsy ty hetae ty famake. Le reo hetae iaby ze tsy mamoa voa soa le ho tapahy vaho atprake agne ampo ty afo.
\p
\v 11 Manao batisa anareo amy ty rano hoamy ty fibebaha raho. Te mahere noho iraho reke ze avy afarako, vaho iraho le tsy maeva na ty handay ty kapane kea. Hanao Batisa anareo amy ty fagnahy masy naho ty afo Reke.
\v 12 Fa egny an-tagnane ty fikororohane soa hagnadiova ty famotiane vaho hamory ty varine agne antanem-bare. te reke le hagnoro reo lilam-bary amy ty ze tsy mete mate.”
\p
\v 13 bak'eo Jesosy baka agne Galilia le avy teo amy ty vavarano ndre Jordana soa ho atao ndre Jaona batisa.
\v 14 Feie re Jaona le niezake nanaka aze, manao tihoe: “Raho ro mipay ataonao batisa, nefa riha koa va ro mamonje ahike?”
\v 15 Jesosy namaly vaho nitsara tamine tihoe: “Inao avao amy henanizao, te zao ro mete amintika hahatanterake ty fahamarigna iaby. Bak'eo Jaona nagnina aze.
\p
\v 16 Lafa vita batisa Reke, le nipoake ty rano Jesosy, vaho ingo, nisokatse tamine ty lagnitse. Hisane ty Fagnahy ty Andragnahare nizotso manahake ty voromahilala vaho nandeha eo ambonine.
\v 17 Vaho ingo, nisy bak'agne an-dagnitse nanao tihoe: “Toy ro anako malalako. Zay teko loatse.”
\c 4
\cl Toko 4
\p
\v 1 Bak' eo Jesosy nitarihy ty fagnahy ho agne amy ty tsy mmisy raraha soa hala ty devoly fagnahy.
\v 2 Lafa baka nifaly hany efapolo andro naho efapolo halike reke, le kere.
\v 3 Namonjy ty mpangala fagnahy le nirehaky tamy tihoe: “Laha Anak'Andragnahare Iriha, le rehafo ho lasqa mofo reto vato reto.”
\v 4 Te Jesosy namaly le nanao tamine tihoe: “Voasoratsy tihoe: 'Tsy ty mofo avao ro hiveloma ty ndaty te ze tsara amboaky ty saotsy ty Andragnahare.”'
\v 5 Bak'eo ty devoly nanday aze tagne amy ty tanà masy le napitoboky aze teo amy ty farany ambony ty tempoly,
\v 6 vaho nirehaky tamine tihoe: “Laha anak'Andragnahare iriha, le miatonta agne ambany agne, te voasoratse tihoe: 'Reke handily reo anjely hiaro anao' naho' hanondrotse Anao eo amy ty tagna iareo, le tsy ho tototahatse amy ty vato ty tombonao.'”
\v 7 jesosy nitsara tamine tihoe: “Le mboe voasoratsy ndraiky tihoe: 'Tsy tokone hitsapa ty Tompo ty Andragnaharenai Riha.'”
\p
\v 8 Nandesy ty devoly handeha agne amy ty toera ambo ndraike Re vaho nampiseho aze ty fanjaka iaby amy zao tontolo zao naho ty hasoa reo.
\v 9 Nanao tihoe reke tamine: “Reo iaby reo le homeiko anao, laha ohatsy miankohoke eto agnatrehako naho midera ahike riha.”
\v 10 Bak'eo Jesosy nitsara tamine tihoe: “Mindrisoa eto riha, ry satana! Te fa voasoratsy tihoe: 'Riha le hibeko ty Tompo Andragnaharenao, vaho reke arere avao ro ho tompoenao.'”
\v 11 bak'eo nangnega Aze ty devoly, vaho inddregny, nisy anjely avy le nanompo Aze.
\p
\v 12 Vaho lafa heno Jesosy te voasambotsy Jaona, le nimpoly nandeha agne Galilia reke.
\v 13 Nagnenga ahy ndre Nazareta reke le nandeha vaho nitoboke tao kapernaomy, zay eo sisindranomy ty Galilia, ao amy ty zara-tane ndre Zebolona naho Naftaly.
\v 14 Zany ro niseho soa hahatanterake zay nambara ndre Isaia mpitoky tihoe:
\q
\v 15 “Ty tane ndre Zebolona naho ty tane ndre Naftaly, mandeha agne amy ty ranomasy agne am-pita ndre Jordana, Galilia ahaya reo Jentilisa!
\q
\v 16 Reo ndaty nitoboke tamy ty maike le nahisake fahazava befoloay, vaho reo ze nitoboke tamy ty faritse naho ty aloky ty fahatesa, le teo amy iareo ro niboha ty fahazava.”
\p
\v 17 Vaho tamy zay foto zay Jesosy le nanomboke nitory naho nitalily tihoe: “Mibebaha, te fa marine ty fanjaka ty lagnitse.”
\p
\v 18 Laha nadeha tegne amy sisy ty Ranomasy ndre Galilia Reke, nahisake mpiralahy roe, Simona zay nikinaike tihoe Petera, vaho Andrea rahalahine, nanorake ty haratone tegne amy ty ranomsy, te mpanarato iareo.
\v 19 Andao, hagnarake Ahike, te hataoko mpanarato ndaty nareo.”
\v 20 Teo no eo avao le nagnenga reo harato iareo le nagnorike Aze.
\p
\v 21 Vaho laha mboe nandroso Jesosy nahisake mpirahalahy roe hafa, Jakoba ana ndre Zebedio, vaho Jaona rahalahine. nagnamboatse ty haratone tao an-tsambo iareo niarake tamy ndre Zebedio baba iareo. Nikaike aiereo Reke,
\v 22 Le teo no eo avao le nagnenga ty sambokeline naho ty babane iareo le nagnarake Aze.
\p
\v 23 Nandeha feno ahy ndre Galilia Jesosy nampianatse tao amy ty Synagoga iareo nitory ty filazantsara ty fanjaka, vaho nagnafake reo karaza ty arety iaby miarak'amy ty jale iaby teo amy ty ndaty.
\v 24 Niele feno ahy ndre Syria ty vaovao mikasike Aze, le nandesy ty ndaty teo Amine reo ze marary iaby, marary ty karaza tyy arety naho fangirifiria, reo demonia, naho ze marary ty androbey naho marary ty paralysisa. nisatragny Jesosy iaby.
\v 25 Vahoake maro bak'agne Galilia, Dekapolisy, Jerosalema, Jodia vaho ty bak'agne am-pita ndre Jordana ro nagnarake aze.
\c 5
\cl Toko 5
\p
\v 1 Lafa nahisake reo vahoake Jesosy, le niankatse teo ambone vohitse. lafa tafatoboke Reke, le namonje Aze reo mpianane.
\v 2 nanokatse ty vavane Reke vaho nampianatse aiereo, manao tihoe:
\q
\v 3 Votontse ty mahantra am-pagnahy, te aiareo ty fanjka ty lagnitse.
\q
\v 4 Votontse reo misao, te hampionone iareo.
\q
\v 5 Votontsy reo malemy fagnahy, te iareo ro handova ty tane.
\q
\v 6 Votontsy reo zay kere naho mangetaheta ty fahamarigna, te ho vokisa iareo.
\q
\v 7 Votontsy reo mpamindra arofo, te hahazo famindragn'arofo iareo.
\q
\v 8 Votontsyreo malio agn'arofo, te hahisake ahy ty Andragnahare iareo.
\q
\v 9 Votontsy reo mpampilongo, te iareo ro kinaiky tihoe anak'Andragnahare.
\q
\v 10 Votontsereo ze enjehy noho ty fahamarigna, te aiereo ty fanjaka ny lagnitse.
\q
\v 11 Votontse nareo laha manevateva anareo naho magnejike anareo ty ndaty, vaho mirehake ty karaza vande rate iaby hanohitse anareo noho ty amiko.
\v 12 Mifalia naho miravoravoa, te foloay ty valesoanare agne an-dagnitse. Te manahake zay ty fomba nagnenjeha ty ndaty reo mpitoky ze nivelo talohanareo.
\p
\v 13 Nareo ro sira ty tane. Te laha ty sira ro tonga matsatso, amy ty fomba manao akory ro ampasira zan ndraiky? Tsy ho soa na amy ty ino na amy ty ino sasy zane te haria naho ho lia ty tmbo ty ndaty sisa.
\v 14 Nareo ro fahazava zao tontolo zao. Ty tagna miory eo amy ty kaboa le tsy azo havony sase.
\v 15 Tsy misy ndaty mandrehitsy jiro mametraky zay agne ambe haro, te eo amy ty fitobohan-jiro, le magnazava ty iaby ao an-tragno zane.
\v 16 Lonike hazava eo agnoloa ty ndaty manahake zane fomba zane ty fahazavanareo soa ahisaha iareo ty asa soa ataonareo vaho ankalazane ty Babanareo zay agne an-dagnitse.
\p
\v 17 Ko mifasiry tihoe avy handrava ty lalàgna na reo mpitoky Raho. Tsy avy hamotike reo Raho, te hagnatanterake aiereo.
\v 18 Te talilieko marine aminarei te mandra-paharava ty lagnitse nho ty tane, le tsy ho rava amy ty lalàgna na ty litera raiky naho tendron-tsoratse raike kea, mandra-pahatanterake ty raraha iaby.
\v 19 Noho zay na ia na ia mandika na ty kele loatse amy reo lily reo naho mampianatse ty hafa anao manahake zane ho kaihe tihoe kele loatse ao amy ty fanjaka ty lagnitse. Te na ia na ia magnina naho mampianatse reo le kaihy tihoe bey ao amy ty fanjaka ty lagnitse.
\v 20 Te talilieko aminareo te laha tsy mihoatse noho ty ahy ty mpanora-dalàgna naho ty fariseo ty fahamarignanareo, le tsy hizilike ao amy ty fanjaka ty lagnitse zao nareo.
\p
\v 21 Fa henonareo te voatalily tamy iareo ntaolo tihoe: 'Ko mamono ndaty,' vaho 'Na ia na ia mamono ndaty le helofa agne amy ty fitsara.'
\v 22 Te talilieko aminareo te zay iaby meloky amy ty rahalahine le maeva ty ho hasia agne amy ty fitsara; vaho na ia na ia mirehaky ty rahalahine tihoe: 'Riha le ndaty tsy misy dikane!' le ho helofa agne amy ty filan-kevitse; vaho na ia na ia mitalily tihoe: 'Adala riha!' le maeva ty ho agne amy ty lavake mirehitsy afo.
\v 23 Noho zay laha magnomey ty fagnatitsao eo amy ty alitara iriha le tiaronao teo te manana alahelo aminao ty rahalahinao,
\v 24 le apoho eo agnoloa ty alitara ty fagnatitsao, le mandehana ndehana amy ty lalanao. Milongoa aloha amy ty rahalahinao, vaho bak'eo mimpolia le omeo ty fagnatitsao
\v 25 Milongoa malaky amy ty mpitanjake anao laha mboe miara-dia amine agne amy ty fitsara riha, sao ty mpitanjake anao hagnomey anao amy ty mpitsara, vaho ty mpitsara mety hagnomey anao amy ty manan-kasy, le hatao ao an-tragno maiky riha.
\v 26 Talilieko mariny aminareo, te tsy ho afake miboake ao sase riha mandra-pandoavanao ty vola farany ty kele loatse amy ty trosanao.
\p
\v 27 Fa henonareo te voatalily tihoe: Ko mandrato.'
\v 28 Te lazaiko aminareo te ze iaby magnety ampela le magniry aze le fa mandrato tao agn'arofone avao.
\v 29 Laha mandavo anao ty masonao ankavana, le afaho zane vaho atoraho lavitsy anao. Te soa vatane ho anao laha ilany raike amy ty vatanao ro tokone simbay te tsy ty vatanao iaby ro atorake agne amy ty helo.
\v 30 Laha mandavo anao ty tagnanao ankavana, le tapaho vaho atoraho lavitse hiala aminao. Te soa vatane ho anao laha ty ilane raike amy ty vatanao ro tokone ho very te tsy ty vatanao iaby ro atorake agne amy ty helo.
\p
\v 31 Vaho fa voatalily avao kea tihoe: 'Na ia na ia misaraky amy ty valine, le lonike re hagnome aze ty taratsy fisaraham-panambalia.'
\v 32 Te Raho kea mitalily aminarei te ze iaby misarake amy ty valine, ankoatsy noho ty fandratova, le mampijangajanga aze. Na ia na ia manambaly aze afara ty fisarahane le mijangajanga.
\p
\v 33 Vaho kea, henonareo te voatalily tamy ty ntaolo tihoe: 'Ko mifanta fifanta diso, te andeso agnatreha ty Tompo ty fantanao.'
\v 34 Te Raho kea mitalily aminareo, ko mifanta amy ty raraha iaby, na amy ty lagnitsy kea, te seza fitoboha ty Andragnahare zay;
\p
\v 35 na amy ty tane, te fitoboha ty tombone zane; na kea amy ty Jerosalema, te tanà ty mpanjaka bey zane.
\p
\v 36 Ko mifanta amy ty agnambonao, te tsy afaky magnafoty na magnamaity ty singam-bolo raike riha.
\v 37 Te lonike ty tsaranao ho, 'Eka, eka,' na Aha, aha.' ze mihoatsy zay le bak'amy ty iaze raty.
\p
\v 38 Henonareo te voatalily tihoe: 'Maso solo ty maso, vaho nify solo ty nify.'
\v 39 Te Raho kea mitalily aminareo tihoe, ko manohitse ze raty. Te kea, na ia na ia mamofoke ty fifinao ankavana omeo aze kea ty ilane.
\v 40 vaho laha misy ndaty magniry ty hiarake aminao ho agny amy ty fitsara le magnafaky ty akanjonao, le ampoho ho aze avao kea ty lamabanao.
\v 41 Na ia na ia maery anao andeha kilometatsy raike, mandeha miarake amine amy ty kilometatse roe.
\v 42 Omeo ze mangatake aminao, vaho ko mandietse na ia na ia magniry ty hindra aminao.
\p
\v 43 Fa henonareo te voatalily tihoe: 'Tsy maintse mitea ty mpiara-belo aminao riha vaho malaigna ty fahavalonao.'
\v 44 Te talilieko aminareoi, tiavo ty fahavalonareo vaho miavavaha ho ahy zay magnenjiky anareo, 
\f + \ft [fagnamariha: Ty dikan-tsara ntaolo soa loatse le mangalaky tihoe: “Misaora reo mgnozo anareo, manaova ty soa amy reo ze malay anareo.”] \f*
\v 45 soa ho avy anaky ty Babanareo ze agne an-dagnitse nareo. Te Reke le mampiposake ty masoandrone amy ty raty fagnahy naho ty soa vaho mampilatsake ty ora amy ty mary naho ty tsy mary.
\v 46 Te laha reo ze tea anareo ro tiavinareo, ino ro valesoa azonareo? Nao na le ty mpitaky haba aza tsy mba manao manahaky zay kea?
\v 47 Laha ty rahalahinareo arere avao ro salamainareo, ino ro mba ataonareo mihoatse ty hafa? Nao na ty Jentilisa kea tsy mba manao manahake zay kea?
\v 48 Noho zane le tsy maintse tanterake nareo, manahake ty fahatanteraha ty Babanreo zay agny an-dagnitsy
\c 6
\cl Toko 6
\p
\v 1 Miambena soa tsy hanao ty asa ty fahamarignanareo eo agnatreha ty ndaty nareo soa ho hisa iareo, te laha tsy zay le tsy hahazo ty valesoa bak'amy ty Babanareo ze agny an-dagnitse.
\v 2 Noho zay lafa maneho fihantra nareo, le ko mitioke trompetra misariky ty hafa manahaky ty atao ty mpitsara velatsy agny amy ty synagoga naho egny amy ty lala, le soa mete hahazo ty tsiriry ty ndaty iareo. Talilieko aminareo, te iareo le fa nahazo ty valesoane.
\v 3 Te lafa maneho ty fiatra nareo ko atao hay ty tagnanareo havia ze atao ty tagnanareo havana,
\v 4 le soa homea arere ty fagnomezanareo. Bak'eo ty Babanareo zay mahisake amy ty mangiky ro hamale soa anareo.
\p
\v 5 Lafa mivavaky nareo, ko manao manahaky ty mpihatsaravelatsihy, te iareo tea mitsanga naho mivavake eo amy ty synagoga naho eo sisin-dala, le soa mety ho hisa ty ndaty. Talilieko marine aminareo, te iareo le fanandraby ty valesoane.
\v 6 Te nareo, lafa moivavake, miziliha ao amy ty efi-tragnonareo. Hilio ty varavara, le mivavaha amy ty Babanareo zay ao amy ty mangiky. Bak'eo ty Babanareo zay mahisaky ao amy ty mangingiky ro hamale soa anareo.
\v 7 Lafa mivavaky nareo, ko manao tsara maro tsy misy impaiva aze manahake ty atao ty Jentilisa, ty amy ty safirine te ho heno iareo noho ty tsara maro zay ataone.
\v 8 Noho zay, Ko manao manahake aiereo, te ty Babanareo le fa mahay reo raraha ze mpaiavinareo miaolo ty angatahanareo Amine.
\v 9 Noho zay mivavaha manahaky zao tihoe: 'Raenay ze agny an-dagnitsy, ho hamasigny vatany ty agnaranao.
\q2
\v 10 Ho avy vatane ty fanjakanao. Hatao vatany ty sitra ty arofonao etoy an-tane manahaky ty agny an-dagnitsy.
\q2
\v 11 Omeo anay amizao ty mahatanjaky sahaza ho anay.
\q2
\v 12 Mamelà ty helokay, manahaky ty hamelanay ze meloky taminay.
\q2
\v 13 Vaho ka manday anay amy ty fangalam-pagahy, te magnafaha anay amy ty raty.'” 
\f + \ft [Fanamarihana: Ny dika teny taloha tsara indrindra dia manala ny hoe" “Fa Anao ny fanjakana naho ty hery vaho ty voninahitsy mandrakizay. Amen.”] \f*
\p
\v 14 Te laha mamela ty handisoa ty ndaty nareo, le hamela anareo avao kea ty Raenareo zay agny an-dagnitsy.
\v 15 Te laha tsy mamela ty hadisoa iareo nareo le tsy hamela ty handisoanareo zao ty Raenareo.
\p
\v 16 Ankoatsy zay, lafa mifaly hany nareo, ko mampimboake tarehe mampalahelo manahaky ty atao ty mpiatsaravelatsihy, te manaraty tarehe iareo le soa mety ho hisa ty ndaty te vatane mifaly hane. Talilieko marine aminareo, te fa nandrambe ty valesoane iareo.
\v 17 Te iriha, lafa mifaly hane, osoro menaky ty agnambonao vaho sasao ty tarehenao,
\v 18 le soa tsy ho hisa ty hafa tihoe mifaly hane, te amy ty Raenao zay ao amy ty mangingiky avao; vaho ty Raenao zay mahisaky ao amy ty mangingiky, ro hamale soa anao.
\p
\v 19 Ko mamory ty fanaganareo etoy an-tane, zay simbay ty kandradraky naho heriky vaho hizilihny reo mpangalatse an-kerene le hangalatse.
\v 20 Te kea, avorio ty fanagnanareo agne an-dagnitsy, zay tsy simba ty kandradraky naho hoheriky, vaho tsy hizilihany reo mpangalatse.
\v 21 Te ze misy ty fanaganao, ro itoboha ty arofonao avao kea
\p
\v 22 Ty maso ro jiro ty vata. Noho zay, laha soa ty masonao, le ho feno fahazava ty vata iaby,
\v 23 Te laha raty ty masonao, le ho feno iike ty vatanao iaby. Noho zane, laha maiky ty fahazava zay ao amponao amy zao, manao akory ty hafoloay zay iiky zay!
\p
\v 24 Tsy misy afake hanompo tompo roe, te hankahala ty raeke re vaho hitea ty raeke, laha tsy zay hanolo-tegna ho ahy ty raeke le halay ty raiky hafa. Iriha le tsy afake hanompo ahy ty Andragnahare naho ty fanagna.
\p
\v 25 Noho zay talilieko aminareo, ko misalasala mikasiky ty fiainareo, ze hotavainareo na ze hinominareo - na mikasiky ty vatanareo, ze hisikinareo. Te tsy bey noho ty mahatanjaky va ty fiay, vaho ty vata bey noho ty fisikina?
\v 26 Jereo reo voro egny amy ty lagnitse. Iareo regny le tsy mitongy na mamokatsy na mamory ao an-trano fisia vokatsy te ty Raenareo zay agne an-dagnitsy ro mamaha azy regny. Tsy sarobidy mihoatsy regny vao nareo?
\v 27 Ia aminareo ro afake magnampy kilometasy raiky amy ty andro hiaignany amy ty fisalasala?
\p
\v 28 Nanao akory nareo ro misalasala mikasiky ty fisikinareo? Safirio ty mikasiky ty ankata egny amy ty baibo, nanao akory ty fitiria iareo regny. Tsy mba miasa iareo regny, vaho tsy mamoly fisikina.
\v 29 Taliliko aminareo, te na re Solomona kea amy ty hasiny iaby le tsy nisiky manahaky ty raiky amy regny.
\v 30 Laha ampikiny ty Andragnahare manahaky zay ty akata agny am-baibo, ze iaby misy henanizao naho hamaray le hatorake ao am-pata, manahaky ty manao akory ro ampisikinane anareo bey bey, nareo ry kele finoa?
\v 31 Noho zay ko misalasala le mitalily tihoe: 'Ino ro hohaninay?' na tihoe" 'Ino ro hinominay?' na tihoe: 'Ino ty fisikina ho anaovanay?'
\v 32 Te reo Jentilisa mipay reo raraha reo, vaho ty Raenareo ze agne an-dagnitsy le mahay te mipay reo nareo.
\v 33 Te paiavo tse ty fanjaka naho ty fahamarignany le homea anareo reo raraha reo.
\v 34 Noho zay, ko misalasala ty hamaray, te ty hamaray hanahy ty aze. Ampe ho any ty andro tsikiraikiraky ty raty ao amine.
\c 7
\cl Toko 7
\p
\v 1 Ko mitsara, le tsy hotsaray nareo.
\v 2 Te amy ty fitsara nataonareo, ro hitsara anareo, vaho amy ty fandrefesa andrefesenareo, ro handrefesa anareo.
\v 3 Nanao aakory riha ro magnete ty vaky ty ravin-ketae kele ze aoa ampo ty maso ty rahalahinao, feie tsy tiaronao ty fiankina ao ampo masonao?
\v 4 Nanao akory ro hirehafanao ty rahalahinao tihoe: 'Ampoho raho hangalake ty vaky ravy ketae ao ampo ty masonao,' laha mbo ao ampo ty masonao iaze andry?
\v 5 Ry mpihatsaravelatsihy! Afaho aloha ty andry zay ao ampo ty masonao, vaho bak'eo hahisaky soa lafa mangalaky ty vaky ty ravy ketae zay eo amy ty maso ty rahalahinao
\p
\v 6 Ko omea ty alika zay masy, vaho ko hatoraky eo agnoloa ty koso ty vatosoanareo. Laha tsy zane le mete ho voaliane ty tombo iareo, vaho bak'eo himpoly hamotipotike anareo amy ty fahapoteha.
\p
\v 7 Mangataha, le omea nareo zay. Mipaiava, le hahisaky nareo. Pepeho te hivoha ho anareo zane.
\v 8 Te ze iaby mangatak, le mahazo; reo iaby zer mipay, le mahisake; vaho ho ahy ty ndaty mamepeke, le ho voha.
\p
\v 9 Sa ia aminareo, laha anagataha ty anane mofo, ro hagnomey vato ho aze?
\v 10 Na kea laha nangatahany fia, le hagnomea bibilava aze?
\v 11 Noho zay, laha nareo ze raty kea mahay magnome reo fagnomeza ze soa ho ahy ty anakareo, moa tsy bey mihoatsy vao ty raraha soa omea ty Raenareo ze agne an-dagnitse ho ahy reo ze mangatake amine?
\p
\v 12 Noho zay na ino na ino raraha teanareo ho atao ty ndaty amy ty vatanareo, le tokone hanao manahake zay amy iareo avao kea nareo, te zay ro lalàgna naho reo mpitoky
\p
\v 13 Miziliha amy ty vavahade ifitsy. Te bey ty vavahady vaho malalaky ty lala manday agny amy ty fahavereza, vaho lahialy reo ndaty ze mandeha amy zay.
\v 14 Te tery ty vavahady vaho sarotsy ty lala ze mitarike mandeha agne amy ty fiaigna, vaho kele reo ze mahasike zay.
\p
\v 15 MItao amy reo mpitoky sandoke, ze mamonjy anareo amy ty fisikin'aondry nefa amboaly vatane mpitondriky.
\v 16 Amy ty alala ty voane ro hahaizanareo aiereo. Mangalake voalloboke egne amy ty fatiky vao ty ndaty, na kea aviavy egne amy songosongo?
\v 17 Mitovy amy zay, ty hetae soa iaby lr mamokatse voa soa, te ty hetae raty lemamokatse voa raty.
\v 18 Ty hetae soa le tsy afake ty hamokatse voa raty, na kea ty hetae raty le tsy afake mamokatse voa soa.
\v 19 Ty hetae iaby ze tsy mamokatse voa soa le tapahy vaho atorake agne ampo ty afo.
\v 20 bLe noho zay, ho hainareo iareo amy ty alala ty voane.
\p
\v 21 Tsy reo iaby ze mirehaky amiko tihoe: 'Tompo, Tompo,' le hizilike ty fanjak ty lagnitse, te reo ze manao ty sitra ty arofo ty Raeko ze agney an-dagnitsy avao.
\v 22 Lahialy reo ndaty hitsara amiko amy zay andro zay tihoe: 'Tompo, Tompo, Tsy fa nitoky tamy ty tahinanao vao zahay, tsy fa nandroaky reo demonia tamy ty tahinanao, vaho nanao reo asa bey tamy tahinanao?
\v 23 Bak'eo Raho hagnambara amy iareo ampahibemaso tihoe: 'Tsy nahay anareo Raho! Mindrisoa lavitsy Ahiky, ty mpanao raty!'
\p
\v 24 Noho zay, reo iaby ze mahaheno ty tsarako vaho magnina zay le hanahake ty ndaty hendre ze nagnory ty tragnone egne ambony vatombey.
\v 25 Niavy ty ora, avy ty safon-drano, vaho nitioky namofoke iaze tragno ty tioky, te tsy nilavo zay, satria nahory teo ambony vatombey.
\v 26 Te ty iaby ze mahaheno reo tsarako le tsy magnina aze regny le manahaky ty ndaty biloka ze magnory ty tragnone egne ambony fasiky.
\v 27 Niavy ty ora, avy ty safo-drano, nitioky naho namofoky iaze tragno ty tioky, le nilavo zay, vaho feno ty faharavany.”
\p
\v 28 Vaho lafa baka nagnambara reo tsara reo Jesosy, very tamy ty fampianarany reo vahoake,
\v 29 satria nampianatsy aiereo manahaky ty ndaty ze mana hasy Reke, Te tsy manahaky reo manoratsy lalàgna iareo.
\c 8
\cl Toko 8
\p
\v 1 Lafa nizotso bak'egny am-bohitsy Jesosy, le vahoake lahialy bro nagnarake Aze.
\v 2 Ingo, nisy angamay raiky namonjy Aze vaho nifaly teo agnoloane nanao tihoe: “Tompo, laha teanao, le afake maganalio ahiky Iriha.”
\p
\v 3 namelatsy ty tagnany Jesosy vaho nitsapa aze, nanao tihoe: “Teako. Mahaliova.” Teo no ho eo le nalio tamy ty hangamaine reke.
\v 4 Nanao tihoe Jesosy tamine: “Lonike soa tsy hitalily na ino na ino na amy ia na ia riha. Mandena amy ty lalanao, Le ampoaho amy ty mpisoro ty vatanao vaho omeo iaze fagnatitse ze nadilia ndre Mosesy, soa ho fitsangana vavolombelo amy iareo.”
\p
\v 5 v Lafa niziliky tao Kapernaomy Jesosy, Le namonje Aze ty kapitene raiky vaho nagnontane Aze,
\v 6 nanao tihoe: “Tompo, mamndry ao an-trgno ty mpanompoko te malemy vaho ao agnaty fanaintaigne mafe.”
\p
\v 7 Nanao tihoe Jesosy tamine: “Ho avy Raho vaho hagnafake aze.”
\p
\v 8 Namly iaze kapiteny vaho nanao tihoe: “Tompo, tsy maeva raho ty tokone hizilihanao ao ambane tafon-tragnoko, tsarao avao ty tsara le ho afake ty mpiasako.
\v 9 Te raho avao kea le lehilahy ze natoboke ao ambany ty fahefa, vaho mana miaramila ze faheziko rako. Mirehaky amy ty raiky raho tihoe: 'Mandena', le mandeha re, vaho amy ty hafa raiky tihoe: 'Avia,' le mamonjy reke, vaho ammy ty mpiasako tihoe: “Amboaro zao,' le amboarine zay.”
\p
\v 10 Lafa heno ndre Jesosy zay, le vere Reke vaho nitsara tamy reo ze nagnaraky Aze tihoe: “Taliliko marine aminareo, te tsy mboe nahisake ndaty nanam-pinoa manahake zane Raho teto Israely.
\v 11 Taliliko aminareo, te maro ty bak'agny atignana naho bak'agne andrefa ro ho avy, vaho iareo le hitoboke eo an-databatse miarake amy ndre Abrahama, Isaka vaho Jakoba, agny amy ty fanjaka ty lagnitse.
\v 12 Te reo anaky ty fanjaka le hatorake agne ambaliky ty iike lavitsy agne ze hisy ty fitomagnia naho fararia-nify.”
\v 13 Nanao tihoe Jesosy tamy iaze kapitemny: “Mandena! Arake ty ninoanao, le loniki zay ho atao ho anao.” Vaho le afake tamy zay lera zay vatane iaze mpiasa.
\p
\v 14 Lafa nizilike tao an-tragnoi ndre Petera Jesosy, le nahisake ty rafozany Petera ampela nandre nanrary ty tazo Reke.
\v 15 Nirinamby ndre Jesosy ty tagnane, vaho niala tamine ty tazo. Le nitsanga re vaho nanomboke nandroso mahatanjake Aze.
\p
\v 16 Lafa avy ty hariva, le lahialy reo nirohiza ty demony nandesy ty ndaty teo amy ndre Jesosy. Nandroake reo fagnahy tamy ty tsara Reke vaho nagnafake reo iaby ze nanry.
\v 17 Manahaky zane ro nahatanterake ze nambara tamy ndre Isaia mpitoky, nanao tihoe: “Reke vatane nangalake ty faharariantika naho nanday reo arentetika.”
\p
\v 18 Vaho lafa hisa ndre Jesosy reo vahoake nagnodidy Azy, le nagnomey toromarike soa hiala ho egny ampita ty ranomasy Galilia Reke.
\v 19 Bak'eo ty mpanoratsy lalàgna raiky namonjy Aze vaho nanao tihoe: “Ry mpampianatse, hagnaraky Anao raho na ia na ia andehananao.”
\p
\v 20 Nanao tihoe Jesosy tamine: “Ty amboaly manan-davake, vaho reo voro ty lagnitse mana tragno, te ty Anak'Ondaty tsy mana na aia na aia ampandrea ty ambonine.”
\p
\v 21 Raike hafa tamy reo mpianatsy nitsara tamine tihoe: “Tompo, ampoho raho aloha andeha vaho handevy ty raeko.”
\p
\v 22 Te nanao tihoe Jesosy tamine: magnaraha Ahike, vaho ampoho ty nate andevy ty mate ao amiane arere.”
\p
\v 23 Lafa nizilike tao amy ty sambokele raiky Jesosy, nagnarake Aze tao ampo io reo mpianane.
\v 24 Ingo, nisy tafio ty tioke bey niseho teo amy ranomsy, le feno ty onja ty sambo. Te azon-tory Jesosy.
\v 25 Nandeha Amine reo mpianatsy vaho namoha Aze, nanao tihoe: “lombaho tika, Tompo; ho maty tika!”
\p
\v 26 Nanao tihoe Jesosy tamy iareo: “Nanao akory nareo ro matahotsy, ry kele finoagny?” Le nitsanga Re bak'eo vaho nitsara ty tioke naho ty ranomasy. le nisy finjanogna bey bak'eo.
\p
\v 27 Very reo lehilahy vaho nirehaky tihoe: “Te karaza lehilahy ino toy, te na ty tioky naho ty ranomasy kea magneky Aze?”
\p
\v 28 Lafa avy tegny ampita naho teo amy ty tanà ty Gadarenesa Jesosy le nisy lihilahy roe ze nirohiza ty demonia nifanonjeky Tamine. Iareo le niboake bak'agny amy reo valavato vaho vatane nahere zaka, noho zay le tsy nisy mpandeha afake nandalo zay lala zay.
\v 29 Ingo, nikoaiky mafy iareo vaho nanao tihoe: “MOa mpiino akory zahay naho Riha, ry Anak'Andragnahare? Avy eto vao Riha hampitahotsy anay miaolo ty fotoa voatendry?”
\v 30 Vaho nisy kosoa lahialy nitava teo, tsy lavitse aiereo.
\p
\v 31 Mbo nangataky ahy ndre Jesosy avao reo demonia vaho nanao tihoe: “Laha mandroaky anay riha, le alefaso ao ampo reo koso reo zahay.”
\p
\v 32 Nanao tihoe Jesosy tamy iareo: “Mandena!” Li niboaky reo demony le nandeha ao amy reo koso; vaho ingo reo koso iaby nilia nizotso ty vohitsy nandeha agny an-dranomasy vaho maty teo ampo rano iareo.
\v 33 Reo ze nikolokolo reo koso le nilailay vaho nadeha agny an-tanà iareo vaho nitalily ty raraha iaby, vaho losotsy ze niseho tamy reo lehilahy ze nirohiza reo demony.
\v 34 Ingo, niboaky reo tao an-tanà iaby soa hihao amy ndre Jesosy. Lafa hisa iareo Reke, le nagataky Azy soa hiala ty faritany iareo.
\c 9
\cl Toko 9
\p
\v 1 Niziliky tao an-tsambokele Jesosy, niampita, vaho avy tao amy ty tanàne.
\v 2 Ingo, nisy lehilahy marary ty paralysisa nandre teo am-pandrea nandesy iareo teo Amine. Lafa nahisaky ty finoa iareo, le nanao tihoe Jesosy tamy iaze lehilahy marary ty paralisisa: “Anake, lonike riha hifale. Fa voavela ty helognao
\p
\v 3 Ingo, ty ilane tamy reo mpanoratsy lalàgna nanao tihoe tagna'arofone tao: “Mirehaky raty io lehilahy io.”
\v 4 Hay ndre Jesosy ty safiry iareo vaho nitsara tihoe: “Nanao akory nareo ro misafiry raty ao agn'arofonareo?
\v 5 Te ia ro moramora ty mirehaky aze tihoe: 'Voavela ty helognao,' sa ty mirehaky tihoe: 'mitsangana le mandena?'
\v 6 Te soa ho hainareo te ty anak'ondaty le mana fahefa hamela heloke etoy ambony ty tane...” nanao tihoe Reke tamy iaze marary ty paralisisa: “Mitsangàna, taranjo ty fandreanao vaho mandena agne an-tragnonao.”
\v 7 Bak'eo nitsanga iaze lehilahy vaho nandeha agne an-tragnone.
\v 8 Lafa nahisaky zay ty vaohake, le vere iareop vaho niboke ahy ty Andragnahare, ze nagnome fahefa manahaky zay ho ahy ty ndaty.
\p
\v 9 Vaho laha niala bak'eo Jesosy, le nahisaky lahilahy nikikaiky tihoe Matio Re, ze nitoboky teo amy ty aloke famoria haba. Nanao tihoe Reke tamine: “Magnaraha Ahike.” Nitsanga re vaho nagnarake Aze.
\v 10 Vaho laha nitoboky hitava tao an-jomba Jesosy, ingo, mpamory hamba naho ndaty mpanao raty lahialy avy niara-nitava tamy ndre Jesosy naho reo mpianane.
\p
\v 11 Lafa nahisaky zay reo fariseo, le nirehaky tamy reo mpianany iareo tihoe: 'Nanao akory ty mpampianatsinareo ro miara-mitava amy ty mapamory haba naho ty ndaty mpanao raty?”
\p
\v 12 Lafa nahaheno zane Jesosy, le nanao tihoe Reke: “Ty ndaty matanjaky ara-bata le tsy mila mpitsabo, te reo ze marary avao.
\v 13 Tokone mandeha mianatsy nareo ty dika ty tihoe: 'Famindragn'arofo ro iriko te tsy soro.' Te avy Raho, tsy hikaiky reo marine hibebaky, te reo mpanao raty.”
\p
\v 14 Bak'eo namonjy aiereo mpianatsy ndre Jaona le nirehaky tihoe: “Nanao akory zahay naho reo fariseo ro mifaly hany matetiky, te reo mpianatsinao kea tsy mifaly?”
\p
\v 15 Nanao tihoe Jesosy tamy iareo: “Mety alahelo vao reo longo ty mpampakatsy, laha mbo miaraky eo amy iareo ty mpampakatsy? Te ho avy ty andro hangala ty mpampakatsy eo amy iareo, le amy zay iareo vao hifaly hany.
\p
\v 16 Tsy misy ndaty manampy akanjo ronta amy ty tapa-damba vaovao, te ty tampina hanataky ty lamba, vaho hisy tataky raty lavitsy.
\v 17 Tsy misy ndaty manisy divay vaovao ao ampo siny holitsy raty. Laha manao zay iareo, Le ho tataky ty siny holitsy, hetete ty divsy vsho ho potiky ty siny holitsy. Te kea, manisy divay vaovao ao ampo siny holitsy vaovao iareo, vaho voahaja iareo.”
\p
\v 18 Laha mboe nitsara reo raraha reo tamy iareo Jesosy, le ingo, nisy mana-pahefa raiky avy le nihohoke teo ammine. Nirehaky reke tihoe: “Maty zao henanizao ty anak'ampelako, te miavia vaho apoho eo amine ty tagnanao, le ho velo re.”
\v 19 Bak'eo nitsanga Jesosy vaho nagnaraky aze, le nanao manahaky zay kea reo mpianany.
\v 20 Ingo, nisy ampisafy ze fa nandeha lio agnaty ty folo roa amby tao, nandeha ao afara ndre Jesosy vaho nitsapa ty sisy ty akanjone.
\p
\v 21 Te laha mahavoatsapa ty lambany avao raho, le ho afaky.”
\p
\v 22 Te nitoliky Jesosy le nahisaky aze, le nitsara tihoe: “Ty anak'ampelako, mahereza; ty finoanao ro nahafaky anao.” Vaho afaky iaze ampisafy nanomboky tamy io lera io.
\p
\v 23 Lafa avy tagny amy ty tragno iaze manam-pahefa Jesosy, le nahisaky reo mpitioky sody naho reo vahoake nitabataba bey Reke.
\v 24 Le nanao tihoe Reke: “Mandena, te tsy maty iaze ajajampela te matory reke.” Te nihomehy Azy tamy ty fagnamboka iareo.
\v 25 Lafa niboaky tagna ambaliky ty vaohake, le niziliky tao agn'efitsy Reke vaho nandramby aze tamy tagna, vaho nitsanga iaze ajaj'ampela.
\v 26 Niely feno ty faritsy iaby ty vaovao mikasiky zay.
\p
\v 27 Vaho Laha niala teo Jesosy, le nisy poaky roa lahy nagnaraky Aze. tsy ninjano nikaiky iareo vahonirehaky tihoe: “Mamindrà arofo aminay, anaky ndre Davida!”
\v 28 Lafa avy tei an-tragno Jesosy le namojy Azy reo lehilahy goa. Nanao tihoe Jesosy tamy iareo tihoe: “Mino vao nareo fa mahay manao zay Raho?” Le nanao tihoe iareo tamine: “Eka, Tompo.”
\p
\v 29 Bak'eo nikasihy ndre Jesosy ty maso iareo vaho nitsara tihoe: “Ho avy aminareo araky ty finoanareo vatane zay,"
\v 30 vaho nahisaky ty maso iareo. Bak'eo Jesosy nandily mafy aiereo vaho nitsara tihoe: “Loniky tsy hisy ndaty ahay mikasiky zao.”
\v 31 Te nandeha reo roe lahy le nampimboraky ty vaovao mikasiky zay feno zay faritsy zay.
\p
\v 32 Vaho laha nadeha reo roe lahy, le ingo, nisy lehilahy moa nitoboha ty demony nandesy teo amy ndre Jesosy.
\v 33 Vaho lafa niboaky iaze demonia, le nirehaky iaze lehilahy moa. Vere ty vahoake le nirehaky tihoe: “Tsy mboe fahisaky nanomboky tamy Israely zao!”
\p
\v 34 Te nanao tihoe reo fariseo: “Tamy ty fanapaha reo demonia ro nandroasane reo demony.”
\p
\v 35 Nandeha nitety reo tanàm-bey reo vohitsy iaby Jesosy. Nanohy nampianatsy tagny amy reo synagoga iareo Reke, nitalily ty filazantsara ty fanjaka, vaho nagnafaky reo karaza arety iaby naho reo karaza fahararia iaby.
\v 36 Lafa nahisaky reo vahaoky Reke, le nana fiferegnesa agnarofo tamy reo, satria nisalasala naho kivy iareo. Manahaky ty aondry tsy misy mpiaraky iareo
\v 37 Le nanao tihoe re tamy reo mpianane: “Lahiali ty voakatsy, te reo mpiasa ro kele.
\v 38 Noho zay mivavah malaky amy ty Tompo ty vokatsy soa andefasany mpiasa egny amy ty vokatsy.”
\c 10
\cl Toko 10
\p
\v 1 Nikinaigne ndre jesosy tamy reo mpianane roe ambine folo naho nameane aze reo voninahetse amy reo fanahy maloto, soa handroahane aze reo, naho nagnafake reo karaza arety naho karaza fahararia iaby.
\v 2 Vaho toagn'aby ty agnara reo apostoly roe ambine folo. Ty voalohane, Simona (zay kinaike avao kea tihoe Petera), vaho Andreo rahalahine; Jakoba zanadahy ndre Zebede, naho Jaona rahalahine;
\v 3 Filipo, naho Barteleomy; Tomasy, naho Matio iaze mpitake haba; Jakoba zanadahy ndre Alfeosy, vaho Tadeosy;
\v 4 Simona iaze Zelota, vaho Jodasy Iskariota, iaze hamadike aze.
\p
\v 5 Nirahe ndre Jesosy iareo folo roa amby. Nanoro aiereo Reke vaho nirehaky tihoe: “ko mandeha agne amy ty toerane zay hitoera ty Jentilisa nareo, vaho ko mizilike amy ty rovany reo Samaritana.
\v 6 Te mandena kea agne amy reo aondry robake amy ty taranagn'Isiraely;
\v 7 lafa mandeha nareo, le mitoria vaho antalilio tihoe: 'Fa mariny ty fiavia ty fanjaka ty lagnitse.'
\v 8 Afaho ty marary, atsangano ty mate liovo reo angamay, vahoroaho reo demony. Arake ty nahazahoanareo maimaimpoa.
\v 9 Ko manday volamena, volafoty, na saba ao amy ty kitapom-bolanreo.
\v 10 Ko manday manday kitapom-batia amy ze andenanareo, na fisikina hafa, na kiraro, na fitogno, te ty mpiasa le maeva hahazo ty mahatanjakine.
\v 11 Na ino na ino tanàm-bey na tanà kele hizilihanreo, paiavo ze maeva ao, vaho mitoboha ao mandra-pialanareo.
\v 12 Laha vao miziliky ao amy iaze tragno nareo, le miarahabà ty ao. Laha maeva iaze tragno, le lonike ty fiadagnanareo ho avy ao.
\v 13 Te laha tsy maeva kea zay, le loniky ty fiadagnanareo himpoly aminareo.
\v 14 Hoahy reo zay tsy mandrambe anareo na tsy miheno ty rehagnareo, le apopoho ty lemboke amy ty tombognareo, lafa nandeha amy zane tragno na tanàm-bey zane nareo.
\v 15 Taliliako marine aminareo, te ho moramora vatane ty ahy ty tana ndre Sodoma naho Gamora amy ty andro fitsara noho zay tanàm-bey zay.
\p
\v 16 Ingo, handefa anareo manahake ty aondry eo ampagnivoa ty amboaly Raho, kea hendre manahake ty menarana vaho tsy manan-tsikone manahake ty voro mahilala.
\v 17 Mitao ty amy ty ndaty! Hagnomey anareo eo amy ty filan-kevetse iareo, vaho hamofoke anareo amy ty sinagoga iareo
\v 18 Bak'eo le handese eomagnoloa ty governora naho ty mpanjaka nareo noho ty amiko, soa ho vavolombelo ho aiereo naho ho ahy ty Jentilisa.
\v 19 Lafa magnomey anareo iareo, le ko mana fisalasala ty amy ty tihoe manao akore na ino ro ho talilianareo, fa homea anareo amio leraio zay tokone hovolagne.
\v 20 Te tsy nareo ro hitsara, te ty fagnahy iaze Babanareo ro hitsara ao aminareo.
\v 21 Ty rahalahy le hagnomey ty rahalahy ho amy ty fahafatesa, vaho ty baba le ty anagne. Ty anake le mitsanga hanohitse ty rae aman-drenene ka hahatonga ty fahafatesa iareo.
\v 22 Ho hejene on-daty nareo naho amy ty agnarako. Te naia naia maharitse amy ty farane, Le ho voavonje zane ndaty zane.
\v 23 Lafa magnenjeke anareo ao amy io Tana-bey io iareo, le milaisa agne amy ty magnarake, te talilieko marine aminareo, te tsy hanapitse reo tanagn'Israely miaolo ty hiavia ty anagn'Ondaty nareo.
\p
\v 24 Ty mpianatse le tsy bey noho ty mpampianatse, na ty mpiasa ho ambone noho ty tompone.
\v 25 Ampe ho ahy ty mpianatse laha avy manahake ty mpampianane reke, vaho ty mpiasa avy ty tompone. Laha kinaign'iareo tihoe Belzeboba ty tompo ty tragno, le ho raty lavitse manahake ty manao akory reo agnara fikaiha iareo ty saky ty mpilongo
\p
\v 26 Noho zay ko matahotse aze reo, te tsy hisy hatsioke ze tsy himboake, vaho zaka-mitsioke ze tsy ho hay.
\v 27 Ze ataliliko anareo ao amy ty maieke, le talilio amy ty andro mazava, vaho ze bisibisike janjinareo amy ty sofignareo, le ambarao egne ambone tafon-tragno.
\v 28 Ko matahotse ahy reo ze mamono ty vata feie tsy afake mamono ty fagnahy. Te kea, matahora ahy ze afake mamotike ty fagnahy naho ty vata agne amy helo.
\v 29 Nao tsy vola malinike kele vao ro hamarota foly roe? Te tsy mboe nisy na raiky amy iareo milavo amy ty tane laha tsy misy ty fahaiza ty Babanareo.
\v 30 Ty na ty volon-dohanareo kea le voaisake iaby.
\v 31 Ko matahotsy. Misy dikane vatane noho ty foly maro nareo.
\v 32 Noho zay ze iaby magneke Ahike eo agnatreha ty ndaty, le ho ekegniko avao kea eo agnatreha ty Babako ze agne an-dagnitse.
\v 33 Te ze mandà Ahike eo agnatreha ty ndaty kea, le ho laviko avao kea eo agnatreha ty Babako ze agne an-dagnitse.
\p
\v 34 Ko mieritseritse te raho le ho avy handay fiadagna eto an-tane. Tsy avy handay fiadagna Raho, te meso bey.
\v 35 Te avy raho hagnaraky ty anandahy amy babane, vaho ty anak'ampela amy ty renine, vaho ty vinanto ampela amy ty rafoza ampelane.
\v 36 Reo ze ao an-tokan-tragnone avao ro ho lasa fahavalo ty ndaty
\v 37 Ze tea vatane ty rae na rene mihoatse Ahike le tsy maeva Ahike; vaho ze tea vatane ty anandahy na ty anak'ampela mihoatsy Ahike le tsy maeva Ahike.
\v 38 Ze tsy mandrambe ty hazofijaleane le magnarake Ahike le tsy maeva Ahike.
\v 39 Ze manarobake ty fiaigne le haharobake say. Te ze mahavere ty fiaigne noho ty amiko le hahisake zane.
\p
\v 40 Ze mandrambe anareo le mandray Ahike, vaho ze mandray Ahike le mandray iaze nagnirake Ahike avao kea.
\v 41 Ze mandrambe ty mpitoky lefa mpitoky re le hahazo ty valesoa ty mpitoky, vaho ze mandrambe ty ndaty mahity satria ndaty mahity re hahazo ty valesoa ty ndaty marine.
\v 42 Na ia na magnomey ty raiky amy regny malinikeloatse regny, na le ramo manitsy kapoake raeke hinome avao, satria re mpianatsy, le talilieko marine aminareo te, tsy ho rombaky ty valesoane.”
\c 11
\cl Toko 11
\p
\v 1 Vaho lafa baka nampianatsy reo mpianane folo roa amby Jesosy, le niala bak'eo Re hampianatsy naho hitali; ly agn e amy ty tana iareo.
\p
\v 2 Vaho lafa janjy ndre Jaona tao am-pingandra ty mikasiky reo asa ndre Kristy, le nandefa hafatsy tamy ty alala reo mpianane re
\v 3 Le nitsara Aze tihoe: “Iriha vao iaze raike ho avy, sa tokone hipay hafa zahay?”
\p
\v 4 Jesosy namaly vaho nitsara aiereo tihoe: “Mandena vaho talilio amy ndre Jaona ze hisanareo naho janjinareo.”
\v 5 Mahazo fahisaha reo goa, mandeha reo ndaty maleme, liovy reo angamay, mahare ndraike reo ndaty ngy. atsangan-ko velo reo ndaty maty, vaho italiliako reo vaovao mahafaly ty mijaly.
\v 6 Vototsy ze tsylavo noho ty amiko.”
\p
\v 7 Laha nandeha tegny amy ty lalane reo lehilahy reo, le nanomboky nitalily mikasiky ahy ndre Jaona tamy reo vahoake Jesosy thoe: “Hivamba ino ro niboahanareo agny amy ty tane tsy misy raraha - volotara tiofy ty tioky?
\v 8 Feie hivamba ino ro niboahanareo - lehilahy manao fisikina lafo vily? Ingo, reo ze manao fisikina lafo vily le mitoboke ao an-jomba reo mpanjaka.
\v 9 Feie hivamba ino ro niboahanareo mpitoky? Eka, mitsara aminareo Raho, vaho mihoatse lavitse noho ty mpitoky.
\v 10 Reke iaze ze vaosoratse tihoe: 'Vambao magnirake ty irako hiaolo ty vatanareo Raho, ze hagnoma ty làlagnareo miaolo anareo.'
\p
\v 11 Talilieko marine amainareo, te amy reo ze nasama ty ampisafy le tsy misy bey mihoatsy noho Jaona mpanao Batisa. Feie ty ndaty tsy misy dikany loatse eo amy ty fanjaka ty lagnitse le bey noho re.
\v 12 Nanomboky tramy ty andro ndre Jaona mpanao batisa le hatramy zao le miaritse amy ty herizaka ty fanjaka ty lagnitse, vaho reo ndaty mahare zaka le mangalake aze an-kerene.
\v 13 Te reo mpitoky iaby naho ty lily le fa nitoky hatramy ndre Jaona:
\v 14 vaho laha teanareo ty hagnina zane, le Re ro Elea iaze ho avy.
\v 15 Ze manan-tsofy handesy minjanjy, lonike re hijanjy.
\p
\v 16 Amy ino ro tokone hamampahafiko toy taranake toy? zane le manahake ty ajaja mihisa egne amy ty tsena, ze mitobotoboke naho mifampikaikaiky
\v 17 le mirehaky tihoe: “Nitioky sody ho anareo zahay, te tsy nisinjaky nareo. namboatse antsa fisaogna zahay, te tsy nitagny nareo.'
\v 18 Te jaona le tsy avy hitava mofo na hino divay, le nanao tihoe iareo: 'Mana demone re.'
\v 19 Ty Anak'Ondaty le avy hitava naho hino le nanao tihoe iareo: 'vamba, lehilahy tea hany naho mpino toaky re, ragnine reo mpitaky haba naho reo mpanao rate! Te ty fahandrea le voamarine tamy reo asane.”
\p
\v 20 Bak'eo Jesosy nanomboky nistara mafe reo tanà ze nanaovane ty ankamaroa ty asane mahavere, satria tsy mifona iareo.
\v 21 “Loza ho anreo ry Korazina! Loza ho anarep, Ry Betsaida! Laha natao tagnye Tyra naho sidona reo asa mahavere ze nataop teto aminareo, Le fa ela ro nifona tamy ty lamba fisaogna naho lavenoke iareo.
\v 22 Feie ho moramora vatane ty ahy ty Tyra naho sidona amy ty andro ty fitsara mihoatse noho ty anreo.
\v 23 Nareo, Kapernaomy, mihevitra vao nareo te hasondrotse agne an-dagnitse? Aha, handesy hizotso agny amy ty helo nareo. Satria laha tagne Sodoma ro natao reo asa mahavere ze natao teto aminareo, le mboe ho tavela zane zisik'androane.
\v 24 Feie mitalily aminareo Raho te ho mora vatane ho ahy ty tane ndre Sodoma ty andro ty fitsara noho ty ho aminareo.”
\p
\v 25 Tamy zay andro zay Jesosy nitsar tihoe: “Miantsa Anao Raho, Baba, Tompo ty lagnitse naho ty tane satria Iriha ro namony reo raraha reo tamy ty hendre naho ty mahay, vaho nagnambara reo tamy reo ze tsy mahay, manahake reo aja kele.
\v 26 Eka, Baba, satria zay le nahafinaritse teo amy ty fanjonao.
\p
\v 27 Ty raraha iaby nankine tamiko le bak'amy ty Raeko; vaho tsy misy mahay ty Anake ankoatsy ty Baba vaho tsy mahay ty Baba ankoatsy ty Anake, naho ze fily ty Anake hagnambara Aze.
\v 28 Mandeha atoy amiko, nareo iaby ze miasa naho manday mavesatse, le omeiko fitofa nareo.
\v 29 Andeso ty jongako vaho mianara amiko, te malemy fagnahy naho miambany vata agn'arofo Raho, le hahisake fitofa ho ahy reo fagnahinareo nareo.
\v 30 Te mora ty jogako vaho amiva ty entako.”
\c 12
\cl Toko 12
\p
\v 1 Tamy zay fotoa zay Jesosy nandeha namakivaky ty tanembare tamy ty andro Sabata. Kere reo mpianane le nanomboke nitsongo voam-bary le nihina reo.
\v 2 Feie noho hisa reo Fariseo zay, le nanao tihoe iareo tamy ndre Jesosy: “Vambao, reo mpianatrao manao ze tsy ara-lily ty manao aze amy ty Sabata.”
\p
\v 3 Te Jesosy nitsara aiereo tihoe: “Mbo tsy nivakinareo vao raraha nanoe ndre Davida, lafa kere re, naho reo lehilahy iaby niarake tamine?
\v 4 Nizilike tao amy ty anjomba ty Andragnahare re vaho nitava ty mofo ty fagnatreha, ze tsy ara-dalàgna ho aze laha tavay vaho tsy ara-dalagna ho ahy reo ze niarake tamine, feie ara-dalàgna ho ahy ty bey ty mpisoro arere avao.
\v 5 Tsy mboe nivakinareo vao ty ao amyu ty lily, te amy ty Sabata reo mpisoro ao an-tempoly le manao raty ty Sabata feie tsy misy tsikone?
\v 6 Feie talilieko aminareo te etoa ty raike bey noho ty tempoly.
\v 7 Laha hainareo ty heve ty tihoe 'indrafo ro iriko te tsy soro,' le tsy nagnameloke ty tsy manan-tsikone nareo.
\v 8 Te ty Anak' Ondaty ro Tompo ty Sabata.”
\p
\v 9 Bak'eo Jesosy niala tao le nizilike tao amy ty Synagoga iareo.
\v 10 Ingo, nisy lehilahy ze maleme tagna teo. Nagnontane ahy ndre Jewsosy reo Fariseo, nanao tihoe: “Ara-dalàgna vao ty magnafaky amy ty Sabata?” soa hitanjaha iareo Aze amy ty haratea.
\p
\v 11 Nanao tihoe Jesosy tamy iareo: “Ndaty ia eo aminareo, ia, laha aondry raike avao ro anagnane, laha latsake ampo lavake lalike iaze aondre amy ty Sabata, ro tsy hisambotse aze vaho tsy hampiakatse aze?
\v 12 Tsy manan-danja mihoatse lavitse, vao, ty ndaty noho ty aondry! Le noho zay le ara-dalagna ty manao soa amy ty andro Sabata.”
\v 13 Bak'eo nanao tihoe Jesosy tamin-dralahilahy: “Ahitio ty tagnanao.” Le nahitine zay, le nimpoly ty fahasalamane manahaky ty tagnane ilane.
\v 14 Te niboake reo Fariseo le nitetike ty hamono Aze. Nipay hevitse ty amy ty fomba mete hamonoa Aze iareo.
\p
\v 15 Lafa nahay zay Jesosy, le nila teo Re. Ndaty lahialy ro nagnarake Aze, vaho nafahane iaby iareo.
\v 16 Le nandily aiereo Re soa tsy hampafantatse Aze amy ty hafa,
\v 17 soa hahatanterake, ze fa natalily tamy ty alala Isaia mpitoke, manao tihoe:
\q
\v 18 “Vambao, ty mpiasako ze nifilko iaze teako, ze teako ty fagnahiko loatsy. Hapoko ao amine ty fagnahiko, vaho hitalily ty fitsarà amy ty Jentilisa re.
\q
\v 19 Tsy hifandietse na hikaike mafe re; vaho tsy hisy ndaty handre ty feone egny an-dalà.
\q
\v 20 Tsy hanapake ty volotara torotoro re; tsy hamono ze lahin-jiro manentroke, mandra-panaone ty hitine ho fandresea,
\q
\v 21 vaho amy ty agnarane ro hanagan reo Jentilisa fagnantegna.”
\p
\v 22 Bak'eo nisy ndaty goa naho moagne, nitiboha ty demone, nadesy teo amy ty Jesosy. Nafahane re, vokatsy zay le nitsara naho nahisake iaze moagne.
\v 23 Vere reo vahoake iaby le nivola tihoe: “Mete io lehilahy io vao ro ana ndre Davida?”
\p
\v 24 Feie lafa nahajanje zay fahaveregna zay reo Fariseo, le nanao tihoe iareo: “Io lehilahy io tsy mandroake demony laha-tsy amy ty lala ndre Belzeboba, bey ty demony.”
\p
\v 25 Feie hay ndre Jesosy ty eritseritsy iareo le nitsara iareo re tihoe: “Ty fanjaka iaby mialy an-tragno le tsy haharitse, vaho ty tanà na tragno iaby mialy an-tragno le ho rava.
\v 26 Laha mamoake satana ty satana, le mialy an-tragni re. Manao akore noho zay ro hijoroa ty fanjakane?
\v 27 Vaho laha mamoake reo demonia amy ty alala ndre Belezeboba Raho, le amy ty alalan'ia zay ro adroaha ty anakareo aiareo? Noho zay antone le ho mpitsaranao iareo.
\v 28 Feie laha madroake reo demone amy ty alala ty fagnahy ty Andragnahare Raho, le fa avy aminareo ty fanjaka ty Andragnahare.
\p
\v 29 Amy ty fomba manao akory ro ahafaha ty ndaty mizilike ao an-tragno ty lehilahy mahere vaho mangalake reo fanagnane laha tsy haharohy aloha iaze lehilahy mahere? Bak'eo hangalake reo fanagnane ao an-tragnone re.
\p
\v 30 Ze tsy mikasike Ahike le manohitse Ahike, vaho ze tsy miharo miarake Amiko le miparitake
\p
\v 31 Noho zay talilieko aminareo te, ho voavela heloke ty ndaty amy ty faharatia naho fitenenan-drate iaby, te ty fitenenan-drate amy ty fagnahy Masy le tsy hahazoa famelan-keloke.
\v 32 Na ia na ia mirehaky manohitse ty Anak'Ondaty, le ho voavela re. Te na ia na ia mitsara manohitsy ty Fagnahy Masy, le tsy ho voavelo re, na amy zao fiaigna zao, na amy ze ho ave.
\p
\v 33 Ataovo soa ty hetea hamoa soa zay, na ataovo rate ty hetea le hamoa rate zane, te hainao amy ty amy ty voane ty hetea.
\v 34 Nareo taranake ty menara, satria rate fagnahy nareo, kea manao akore ro afahanreo mitsara raraha soa? Te avy amy ty habey ty ao agn'arofone ro irehafane ty vavane.
\v 35 Ty ndaty soa bak'amy ty fanagna soa ao am-pone le mamokatse ze soa, vaho ty ndaty rate bak'amy ty fanagna rate ao agn'arofone le mamokatse ze rate.
\v 36 Talilieko aminareo te amy ty andro ty fitsara le ho adigny amy ty tsara tsy voadinike hitaliliene iaby ty ndaty.
\v 37 Te ty tsaranao ro hagnamarigna anao, vaho ty tsaranao ro hagnameloha anao.”
\p
\v 38 Bak'eo nisy mpanora-dalàgna naho Fariseo sasantsasane namale ahy ndre Jesosy vaho nitsara tihoe: “Mpampianatse, magniry ty ahisake fahaiza bak'aminao zahay.”
\p
\v 39 Te namale Jesosy vaho nitsara aiareo tihoe: “Misy taranake rate fagnahy naho mpijangajanga mipay fahaiza. Feie tsy misy famatara omea aze ankoatsy ty famatara ndre Jaona mpitoky.
\v 40 Te manahaky ahy ndre Jonah ze telo andro naho telo halike tao an-kibo ty fia bey, le hanahake zay kea ro hitoboha ty anak'ondaty telo andro naho telo halike ao ampo ty tane.
\v 41 Reo ndaty Ninive le hitsanga eo amy ty fitsara miarake amy toy taranake tiy vaho hagnameloke zay. Te nifona iareo tamy ty toriteny ndre Jonah, vaho ingo, misy ndaty bey noho Jonah eto.
\v 42 Ty mpanjak'ampela ty atimo le hiara-hitsanga amy reo lehilahy toy taranake toy amy ty andro ty fitsara vaho hagnameloke zane. Avy bak'agne amy ty fara ty tane re soa hajanjy ty fahendrea ndre Salomona, vaho ingo, misy ndaty noho Solomona eto
\p
\v 43 Lafa nisy fagnahy rate niala tao amy ty lehilahy raike, le mandalo tane maike re vaho mipay fitofa, feie tsy mahisake zay.
\v 44 Zane le mitalily tihoe: 'Himpoly agne amy ty tragnoko ze nihaviako raho.' Vaho lafa avy, le nahisake te voafafa ty tragno vaho nilamy.
\v 45 Bak'eo le nandeha zay vaho naday fagnahy raty fito niarake tamine ze rate mihoatse aze, le nizilike nitoboke tao iareo iaby. Bak'eo niha-rate noho ty voalohane ty fiafara zane lehilahy zane. Vaho hanahake zane kea ty amy toy taranake rate fagnahy toy.”
\p
\v 46 Laha mboe nitsara tamy rei vahoake Jesosy, le indreo, ty renine naho reo rahalahine nitsanga tagne ambalike, nipay hirehake amine.
\v 47 Nisy ndaty raike nitsara tamine tihoe: “Vambao, ty reninao naho reo rahalahinao mitsanga ao ambalike, mipay irehake aminao.”
\p
\v 48 Te namaly Jesosy vaho nitsara tamy iaze nitsara Aze tihoe, “Ia ro reniko vaho ia ty reo rahalahiko?”
\v 49 Bak'eo nahitine tamy reo mpianane ty tagnane vaho nitsara tihoe: “Jereo, Indreto ty reneko naho reo rahalahiko!
\v 50 Te ze manao ty sitrapo ty Raeko ze agny an-dagnitse, le zay ndaty zay ro rahalahiko, naho ty rahavaviko, vaho reneko
\c 13
\cl Toko 13
\p
\v 1 Tamy zay andro zay Jesosy nandeha niboaky ty tragno vaho nitoboke teo amisisy ty ranomasy.
\v 2 Nisy vahoake lahialy nivory nagnodidy Azy, le nizilike tao an-tsambokele Re vaho nitoboke tao amy zay, laha nitsanga teo amy sisin-dranomasy kea ty vahoake iaby
\v 3 Bak'eo Jesosy nitalily raraha lahiale tamy iareo tamy ty alala ty fagnohara. Nanao tihoe Re: “Ingo, nisy mpambole raike nandeha niboake hitonge voa.
\v 4 Laha re nitonge igne, le nisy voa sasane latsake tegne amy sisin-dala, vaho avy reo voro le nitely reo.
\v 5 Reo voa hafa ndraike le latsake tegne amy ty tane bey vato, ze tsy nahazo reo nofon-tane soa. le avy le nitiry reo, satria tsy laike ty tane.
\v 6 Te lafa niposake ty masoandro, le maike reo satria tsy nisy vahane, vaho nalazo.
\v 7 Nipoke teo amy ty fatike reo voa hafa. Nitiry reo fatike vaho nandrakoke aiereo.
\v 8 Reo voa hafaa nilatsake tamy ty tane soa vaho namoa voane, ty ilane ambo zato mihoatse, ty ilane enem-polo, vaho tty ilane telo-polo.
\v 9 Ze manan-tsofy, lonike re hijanje.”
\p
\v 10 Avy bak'agn e reo mpianatse vaho nitsara ahy ndre Jesosy tihoe: “Nanao akore Riha ro mirehake amy reo vahoake amy ty alala ty fagnaohara?”
\p
\v 11 Namale Jesosy vaho nitsara aiereo tihoe: “Nareo ro nomey tombone hahay reo raraha mivone ty fanjaka ty lagnitse, te ho aiereo le tsy nomey zane.
\v 12 Satria na ia na ia mana, le ho vatane ro homea. Te na ia na ia kea tsy mana, na ze hanagnane kea hala amine.
\v 13 Zay ro antone hitsarako amy iareo amy ty alala ty fagnohara: Na le mivamba ke aaiareo' le tsy mahisake vaho na le mijanje kea iareo, le tsy mahare, na mahazo.
\v 14 Amy iareo ty fitokia Isaia ro tanterake, ze magnambara tihoe: 'Lafa mijanje le hahare nareo, feie tsy hahazo avao, lafa mivamba le hahisake nareo, feie tsy hahatakatse.
\p
\v 15 Te lasa bado ty arofo toy vahoake toy, vahomafe sofe iareo, vaho napy iareo ty maso iareo, na hahare amy ty sofy iareo, na hahazo amy ty arofo iareo, Le hifona ndraike iareo, vaho hagnafake aiereo Raho.'
\p
\v 16 Te sambatse tsy fanjonareo, satria mahisake; vaho ty sofinareo, satria mahare.
\v 17 Talilieko marine aminareo te mpitoky naho ndaty marene lahilay ro nagniry ty hahisake ahy reo. Nagniry ty hahare iareo raraha ze henonareo iareo, feie tsy nahare ahy reo.
\p
\v 18 Kea mijanjigna vaho ty fagnohara ty amy ty mpamoble raeke ze nitongy ty voane.
\v 19 Lafa misy mahare ty tsara ty fanjaka nefa tsy mahazo zay, le avy iaze rate vaho magnom, botse ze tinongy tao agn'arofone. Io iaze voa tinongy tegne amy ty sisin-dala.
\v 20 Iaze tinongy tegne amy ty tane maro vato le ty ndaty ze mahare ty tsara vaho lasa le mandray aze am-pifalea,
\v 21 feie tsy mboe miory lalike ao agn'arofone re vaho le tsy ela avao. Lafa avay ty fijalea na ty fagnenjeha noho ty amy ty tsara, le malaky lavo re.
\v 22 Iaze tinongy tegne amy ty fatike, io le ty ndaty ze mahare ty tsara, feie ty fisalasala amy zao tontolo zao naho ty fitake ty hanagna ro mandrakoke ty tsara, vaho le lasa tsy mamoa re.
\v 23 Iazze tinongy teo amy ty tane soa, io ro ndaty ze mandre ty tene vaho mahazo zay. Mamoa voankazo re vaho mahaavy ty voa raeke, hagnomey ambone ty zato mihoatse ze nambole, ty ilane enim-plo, ty ilane avo telo-polo.”
\p
\v 24 Naneho fagnohare raeke hafa tamy iareo Jesosy. Nanao tihoe Re: “Ty fanjaka ty lagnitse le manahake ty lehilahy raeke ze nitonge voa soa tao amy ty baibone.
\v 25 Te laha natore igny ty ndaty, le avy ty fahavalone vaho nitonge voan-tsiparifary avao kea tao amy reo vare vaho nandeha.
\v 26 Lafa nitiry reo vare vaho bak'eo namokatse reo voane, le nipoitse avao kea reo voan-tsimparifary.
\v 27 Avy reo mpiasa ty tompon-tane vaho nitsara tmine tihoe: 'Tompoko, tsy nitongy voa soa tao amy ty baibonao vaho riha? Nanao akory re amy henanizao ro misy voan-tsiparefare?'
\p
\v 28 Nanao tihoe re tamy iareo: 'NIsy fahavalo namboatse zay.' Nanao tihoe iareo mpiasa tamine: 'Kea teanao vao ty handenanay magnombotse aiereo?'
\p
\v 29 Iaze tompon-tane nitsara tihoe: 'Aha. Satria laha magnombotsy reo tsiparefare nareo, le mete hagnombotse ty vaha reo vare miarake amy reo kea.
\v 30 Apoho hiarake hitiry iareo roe hatramy ty fanampaha. Amy ty androm-panampaha le hitsar amy ty mpanampake raho tihoe: “Afaho aloha reo akata rate vaho afatoro ho fatotse maromaro soa horoa aiereo, te avorio ao amy ty fisiam-bokatso kea reo vare.”'”
\p
\v 31 Bak'eo Jesosy naneho fagnohara raike hafa tamy iareo. Nanao tihoe Re: “Ty fanjak ty lagnitse le manahake ty voatsinampe ze nala ty lehilahy raeke vaho tinongine teo amy y baibone.
\v 32 Io voa io vatane kele loatse amy ty voa hafa iaby. Te lafa nitiry zay, le bey noho reo zaka-mitiry ao amy ty baibo. Lasa hetae zay, soa hiavia reo voro ty habakabake vaho hamboatse tragno iareo eo amy reo rantsane.”
\p
\v 33 bak'eo Jesosy nitalily fagnohara raeke hafa. “Ty fanjaka ty lagnitse le manahake ty lalivae ze nala ty amprla raike vaho naharone tamy ty lafarine intelo fameza mandrta-piakatse ty foto-koba iabe.”
\p
\v 34 Fagnohara ro nagnambara ndre Jesosy reo raraha iaby reo tamy ty vahoake; vaho tsy nitalily na ino na ino tamy iareo ankoatsy tamys ty fagnohara Re.
\v 35 Zane le soa hahatanterake zew nitalily tamy ty alala ty mpitoke, lafa nitsara Re tihoe: “Raho hiboa-bava amy ty alala ty fagnohara. Hitalily raraha ze navone nanomboke nagnoregna zao tontolo zao Raho.”
\p
\v 36 Bak'eo Jesosy nagnenga reo vahoake vaho nandeha ao an-tragno. Nandeha eo amine reo mpianane vaho nitsara tihoe: “AZavao aminay ty fagnohara mikasike iaze tsimparefare ty baibo.”
\p
\v 37 Namale Jesosy vaho nitsara tihoe: “Iaze nitongy voa soa le ty Anak'Ondaty.
\v 38 Ty baibo le zao tontolo zao; vaho ty voa soa, reo ro ana ty fanjaka. Ty tsimparefare le reo ana iaze rate,
\v 39 vaho ty fahavalo ze namafe aiereo le ty devole. Ty fanampaha le fahatapera zao tontolo zao, vaho ty mpanampake le reo anjele.
\v 40 Noho zay, manahake ty amosria naho agnoroa reo tsimparefare amy ty afo, ro atao kea amy ty fahatapera zao tontolo zao.
\v 41 Hagnirake reo anjelene ty Anagn'Ondaty, vaho havory iareo hiala amy ty fanjakane reo raraha iaby ze mahaavy haratia, naho reo ze manao rate.
\v 42 Hatora iareo ao amy ty laforo bey mimbelak'afo iareo, ze hisy fitagnia naho fangotsoha-nife.
\v 43 Bak'eo hamiratsse manahake ty masoandro ao amy ty fanjaka ty Baba iareo ty ndaty mare. Ze manan-tsofy, lonike re hijanje.
\p
\v 44 Ty Fanjaka ty lagnitse le manahake ty hanagna ze mivone ao amy ty baibo raeke. NIsy lehilahy nahisake zay vaho navonine. Nandeha tamy ty hafaleane re, Nivarotse ze iaby nanagnane, vaho nivily sio baibo io.
\p
\v 45 Vaho kea, fanjaka ty lagnitse le manahake ty lehilahy ze mpamarotse mipay voahange lafo vile.
\v 46 Lafa nahisake voahange raeke ze vatane lafo vile re, le nandeha le nivarotse ze iabe nanagnane le nivily zay.
\p
\v 47 vaho kea, ty fanjaka ty lagnitse le manahake ty harato ze natorake tagne an-dranomasy, vaho namore reo karazan-draraha-manam-piay iaby.
\v 48 Lafa feno zay, le nitarihy reo mpagnarato ho eo amy sisin-dranomasy. Bak'eo iareo nitoboke le namore reo raraha soa ho ao amy ty fitoerane, te reo raraha tsy mpaiave kea naria iareo.
\v 49 Hanahake zay amy ty fitapera zao tontolo zao. Ho avy reo anjele vaho hagnasarake reo rate fagnahy amy reo to.
\v 50 Hatora iareo ao amy ty fagnoroa bey mibelaka afo iareo, ze hisy ty fitomagnia naho fagnotsoha-nify.
\p
\v 51 Azonareo vao zay raraha iaby zay?” Nanao tihoe reo mpianane tamine: “Eka.”
\p
\v 52 Bak'eo Jesosy nitsar tamy iareo tihoe: “Noho zay ty mpanora-dalagna iaby ze lasa mpianatse eo amy ty fanjaka ty lagnitse le manahake ty lehilahy tompon-tragno raeke, ze mamoake reo raraha fa ela naho reo raraha vaovao bak'ao amy ty fanagnane.”
\p
\v 53 Bak'eo lafa nahavita reo fagnohara reo Jesosy, le niala tamy zay toera zay Re.
\v 54 Bak'eo Jesosy nizilike tao amy ty tanine arere vaho nampianatse reo vahoake tao amy ty synagoga iareo. Vokatse zay le vere iareo vaho nitsar tihoe: “Baka aia ro ahazoa toy lehilahy toy ty fahendrene naho reo fahaveregna reo?
\v 55 Tsy io lehilahy io vao ro anagn'iaze mpandrafitse? Tsy Maria vao ro hikaiha ty renine? Tsy Jakoba, Josefa, Simona, vaho Jodasy vao ro rahalahine?
\v 56 Tsy miarake amintika vao reo rahavavine iaby? Baka aia ro nahazoane reo raraha iaby reo?”
\p
\v 57 Meloke noho ty amine iareo. Te nanao tihoe Jesosy tamy iareo: “Tsy misy mpitoke tsy misy hajane laha tsy ao amy ty firenegny naho ao amy ty fianakaviane avao.”
\v 58 Tsy le nanao fahagaga bey tao Re noho ty tsy finoa iareo
\c 14
\cl Toko 14
\p
\v 1 Tamy zay andro zay, Heroda mpanapake naheno ty vaovao mikasike ahy ndre Jesosy.
\v 2 Nanao tihoe re tamy reo mpiasane: “Re Jaona mpanao batisa zay; nitsanga tamy ty mate re, Noho zay le miasa ao amine reo here reo.”
\p
\v 3 Te Heroda nisambotse ahy ndre Jaona nandrohy aze, vaho nandefa aze tagne an-tragno maike noho re Herodiasy valy ndre Filipo rahalahine.
\v 4 Te nanao tihoe Jaona tamine: “Tsy ara-dalagna ho anao ty mana aze ho valenao.”
\v 5 Nagniry ty hamono aze heroda, feie natahotse reo vahoake re, satria nirambese iareo manahake ty mpitoke re.
\p
\v 6 Te laha avy ty fimpolia ty andro nitereha ndre Heroda, le nisinjaky teo ampagnivoa reo mbahine nagnambara ty anak'ampela ndre Herodiasy le nahafinaritse ahy ndre Heroda.
\v 7 Ho valeny zay, le nampagnantegna tamy ty fifanta reo ty hagnome ze hangatahine na ino na ino.
\v 8 Lafa baka nitoroa ty renine marike, le nanao tihoe re: “Omeo ahike andeso ambony ty finga, ty loha ndre Jaona mpnao Batisa.”
\v 9 Nalahelo mafe noho ty fangatahane ty mpanjaka feie noho ty sarekine noho reo iaby nitava niarake tamine, le nagnome baiko re te tokone ho vita zay.
\v 10 Nagnirake le nanapake ty loha ndre Jaona tao am-pingandra re.
\v 11 Bak'eo nandesy tamy ty finga ty agnambone vaho nomea iaze ajaja ampela vaho nandesy teo amy ty renine zay.
\v 12 Bak'eo le avy reo mpianane, nangalake iaze fate, vaho nandeve zay. Tafara zay, le nandeha iareo vaho nitalily tamy ndre Jesosy.
\v 13 Vaho lafa nahajanje zay Jesosy, le niala bak'eo tamy ty sambokele raike re handeha amy ty toera mitoka raeke. Lafa naheno zay reo vahoake, le nagnarake Aze an-tomboke bak'agne amy reo tanàm-bey.
\v 14 Bak'eo Jesosy nandeha eo agnoloa iareo vaho nahisake reo vahoake lahiale. nahaferegnay aiereo Re vaho nagnafake ty arete iareo.
\p
\v 15 Lafa avy ty hariva, le nandeha eo amine reo mpianatse vaho nitsar tihoe: “Toy le toera tsy raraha, vaho fa tapitse avao ty andro. Alefaso reo vahoake, soa hahafaha iareo mandeha agne amy reo tanà vaho hivile mahatanjake ho ahy ty vata iareo.”
\p
\v 16 Te Jesosy nitara aiereo tihoe: “Tsy mila mandeha lavitse iareo. Omeonareo raraha hane iareo.”
\p
\v 17 Nanao tihoe iareo tamine tihoe: “Mofo lime naho fia roe avao ro hanagnanay eto.”
\p
\v 18 Nanao tihoe Jesosy: “andeso atoy amiko zay.”
\v 19 Bak'eo Jesosy nibaiko reo vahoake soa hitoboke eo amy ty boka. nalane reo mofo limne naho fia roe. Niandrandra tagne an-dagnitse, le nisaotse Re vaho nanapake reo mofo le nomeine reo mpianatse, vaho reo mpianatse nagnome zay ho ahy reo vahoake.
\v 20 Nitava iareo iaby vaho voke. Bak'eo le navory iareo ty sisa reo potiky ty mahatanjake le nahafeno folo roa amby vaha.
\v 21 Teo amy ty dimy arivo lahy teo reo nitava ankoatsy reo ajaja amin'ampela.
\p
\v 22 Va le nampandehanine nnandeha ao amy ty sambokele vaho handeha hiaolo Aze ho egne ampita reo mpianane laha mbo nandefa reo vahoake Re.
\v 23 Tafara ty nandefasane reo vahoake, le nandeha niakatse tegne ambone vohitse arere Reke soa hivavake. lafa avy ty hariva, le arere teo Re.
\v 24 Vaho ty sambo le fa lasa lavitse ty tane, natopatopa ty onja, satria nitioke nanohitse aiereo ty tioke.
\v 25 Tamy ty fiambena fahaefatsy ty halike le namoje aiereo Jesosy, nandeha tegne ambone ranomasy.
\v 26 Lafa nahisake Aze nandeha tegne ambone ranomasy reo mpianatse, le natahotse le nisara tihoe: “Angatse io,” vaho le nikoikoike tamy ty tahotse iareo.
\v 27 Te Jesosy nitsara tamy iareo tihoe: “Mahereza! raho toy! Ko matahotse.”
\p
\v 28 Namale Aze Petera le nanao tihoe: “Tompo, raha Iriha io, le ataovo mamonje Anao egne ambone ty rano raho.”
\p
\v 29 Nanao tihoe Jesosy: “Mamonjea” kea le niala bak'ao amy ty sambokele Petera vaho nandeha teo ambone rano soa hamonje ahy ndre Jesosy.
\v 30 Te laha nahisake ty tioke Petera, le lasa natahotse. Laha igny re nanomboke nilentike igne, le nikoike mafe re nitsara tihoe: “Tompo vonjeo raho!”
\p
\v 31 Tonga le nagnity ty tàgnane, nitanjake ahyn dre Petera, vaho nitsara tamine tihoe: “Iriha kele finoa, te magnino ro nisalasala?”
\v 32 Bak'eo Jesosy naho Petera nandeha namonje ty sambokele nijano tioke ty tioke.
\p
\v 33 Bak'eo reo mpianatse tao ampo sambokele niantsa andre Jesosy vaho nitsar tihoe: “Riha marine ro Anagne ty Andragnahare.”
\p
\v 34 Lafa baka niampita iareo, le avay tegne an-tanete tao Genesareta.
\v 35 Lafa nahay andre Jesosy reo lehilahy tao amy zay toera zay, le nandefa hafatse tegne amy ty faritse magnodide iaby, vaho nandesy iareo teo Amine ze ndaty narare iaby.
\p
\v 36 Nisoloho Tamine iareo soa hahafaha iareo mikasike ty sisy ty akanjone avao, vaho lahialy reo nikasike zay le afake.
\c 15
\cl Toko 15
\p
\v 1 Bak'eo nisy fariseo naho mpanoratse lalagna sasatsasane bak'agne Jerosalema namonje ahy ndre Jesosy. Nanao tihoe iareo:
\v 2 Nanao akore reo mpianatsai ro mandika ty fomban-drazagne reo raoke ndaty? Te tsy manasa tagnane iareo mialoha ty hitava.”
\p
\v 3 Namale Reke vaho nitsara tamy iareo tihoe: “Kea nanao akore vaho nareo ro mandika ty lalàgna ty Andragnahare noho ty fomban-drazanareo?
\v 4 Te Andragnahare nitsara tihoe: 'Iasio ty babanareo naho ty reninao', vaho 'Ze mitsara rate ty babane ty renine, le ho mate vatane.'
\p
\v 5 Te nareo mitsara tihoe: 'Na ia na ia mitalily amy ty babane na renine tihoe: “Na ino na ino fagnampea ze azonareo bak'amiko le fagnomeza ho ahy ty Andragnahare amy henanezao,'”
\v 6 zay ndaty zay le tsy mipay miasy ty babane. Amy zay fomba zay le niravanareo ty tsara ty andragnahare noho ty tombotsoa reo fomban-drazanareo.
\v 7 Ty mpihatsaravelatsiihe! To ty fitokia Isaia mikasike anareo laha nitalily reke tihoe:
\v 8 Toy vahoake toy le miasy ahike amy ty sogn'iareo, te ty arofo iareo le lavitse ahike.
\v 9 Tsy misy dikane ty fiantsane ahike, satria iareo mampianatse ty lily ty ondaty manahake ty fampianara iareo.
\p
\v 10 Bak'eo ty vahoake ho eo Amine Re vaho nitsara tamy iareo tihoe: “Mijanjigna le mahazoa -
\v 11 Tsy ty mizilike ao ambava ty ndaty ro mampaloto ty ndaty. Te kea, ze amboake ty vava, ro mampaloto ty ndaty.”
\p
\v 12 Bak'eo namonje reo mpianatse vaho nitalily tamy ndre Jesosy tihoe: “Nao hainao vao fa meloke reo fariseo noho ty naheno zay tsara zay”
\v 13 Jesosy namaly ke nitsara tihoe: “Reo raraha mitiry e tsy nambole iaze Babako agne an-dagnitse le ho lany iaby.
\v 14 Apoho iareo ho eo, iareo le mpitarike goa. Le ha misy goa raeke mitarike goa raeke hafa, le sambe hivare an-davake iareo roe.”
\p
\v 15 Petera namale le nitsara tamy ndre Jesosy tihoe: “Azavao aminay zay fagnaohara zay.”
\p
\v 16 Nanao tihoe Jesosy: Tsy manam-pahalala avao kea vao nareo?”
\v 17 Tsy hisinarei vao te ze mizilike amy ty vava le mandeha ao an-kibo vaho bak'eo le haboake agne amy ty lavake fiboaha?
\v 18 Te reo raraha ze amboake ty vava bak'amy ty arofo. Reo raraha reo ro mampaloto ty ndaty raeke.
\v 19 Te ave amy ty arofo ro iboaha ty Saen-drate, ty vono ndaty, ty halatse, fijoroa vavolombelo tsy marene, vaho ty firehafa rate.
\v 20 Reo raraha reo ro mampaloto ty ndaty raeke. Te ty mitava amy ty tagna tsy misasa le tsy mampaloto ty ndaty raeke.”
\p
\v 21 Vak'eo Jesosy niala teo le nimpole tagne amy ty faritane ndre Tyro naho Sidona.
\v 22 Ingo, nisy ampela Kananita raeke bak'amy zay faretse zay. Nikaike lafe re vaho nitsara tihoe: “Mamindrà arofo amiko, Tompo, ana ndre Davisa o! Ty anak'ampelako le ampinjale ty demone mafe.”
\p
\v 23 Te Jesosy tsy namale tsara aze. namonje reo mpianane le nangatake Tamine, nanao tihoe: “Roaho re, te mikorakorake mafe amintika.”
\p
\v 24 Te Jesosy namale vaho nitsara tihoe: “Tsy nirahe ho ahy ty ia na ia Raho ankoatse ho ahy ty oandre rombake amy ty hasaveregna ty Israely.”
\p
\v 25 Te avy nangatake naho nihohoke teo agnatrehane re, nanao tihoe: “Tompo, lombaho raho.”
\p
\v 26 Namale Re le nanao tihoe: “Tsy rarene laha ala ty mofo ty ajaja le atorake ho ahy ty alika.”
\p
\v 27 Te nanao tihoe re: “Eka, Tompo, na ty alika kea le mba mihina ze sombitsombine latsake bak'amy ty latabatse ty tompone.”
\p
\v 28 Le namale Jesosy vaho nitsara tamine tihoe: “Rampela bey ty finoanao; ho avy aminao vatane zay arake ze irinao.” Le afake ty anak'ampela tamy zay lera zay.
\p
\v 29 Niala teo jesosy le nandeha marine ty ranomasy ty Galilia. Bak'eo le niakatsy tegne ambone vohitse raeke reke le nitoboke teo.
\v 30 Vahoakelahiale ro namonje Aze. Nandesy iareo niarake tamy iareo ty maleme, ty goa, ty moa ty sembana, vaho marare maro hafa kea. Natobo iareo teo am-tombo ndre Jesosy reo; le nafahane.
\v 31 Kea le vere ty vahoake laha nahisake reo moa mitsara, ty sembana afake, ty maleme afake mandeha, vaho ty goa mahisake. nankalaza ty Andragnahare ty Israely iareo.
\p
\v 32 NIkaike reo mpianane soa hamonje Aze Jesosy vaho nitsara tihoe: “Mahaferegnay reo vahoake Raho, satria fa telo andro iareo ro nitoboke niarake tamiko feie tsy manan-ko hane. Tsy te handefa aiereo tsy mitava Raho, tsy noho mety ho tsipeke egne an-dalàgna egne.”
\p
\v 33 Nanao tihoe reo mpianatse Tamine tihoe: “aia ro hahisanay mofo ampe reo vahoake lahiale reo atoy amy ty tane tsy misy raraha?”
\v 34 Nanao tihoe Jesosy tamy iareo: “Mofo firy ro gne aminareo?” Vaho nanao tihoe iareo: “Fito, fia malineke kele.”
\p
\v 35 Bak'eo Jesosy nandily ty vahoake soa hitoboke amy ty tane.
\v 36 Nandrambe ty mofo fito miarake amy ty fia Re, vaho lafa nisaotse, le namake ty mofo la nagnomey reo ho ahy reo mpianatse, Reo mpianatse nagnome ho ahy ty vahoake.
\v 37 Nihina le afa-po ty vahoake iaby. Bak'eo iareo namore vaha haro fito feno sombitsombine ze tsy lane.
\v 38 Reo ze nihina le efatsy arivo lahy, tsy ao ampone ty ajaja amin'ampela.
\p
\v 39 Bak'eo Jesosy nampole ty vahoake le ninjo an-tsambokele vaho le nandeha agne amy ty faretse ndre Magadana.
\c 16
\cl Toko 16
\p
\v 1 Avy reo Fariseo naho Sadoseo vaho nitsapa Aze le nangatake Aze soa hampiboake aiereo famantara abak'agne an-dagnitse.
\p
\v 2 Te Reke namale vaho nitsara aiereo tihoe: “Lafa hariva, le manao tihoe nareo: 'Ho soa ty andro, te mena ty lagnitse.'
\v 3 Lafa maraindray, le manao tihoe nareo: 'Ho rate ty andro, te mena naho magnimbonke ty lagnitse.' Hainareo ty mamantatse ty tarehe ty lagnitse, te narei tsy afake mandike reo famantara ty fotoa.
\v 4 ty taranake rate mpijangajanga le mipay famantara, te tsy hisy famantara homea aze ankoatse ty famantara ndre jona.” Bak'eo Jesosy nagnenga aiereo le lasa.
\p
\v 5 Lafa avy tegne ampita reo mpianatse, le haligno iareo ty nanday mofo.
\v 6 Nanao tihoe Jesosy tamy iareo: “Miambena vaho mitao amy ty masirasira reo Fariseo naho Sadoseo.”
\p
\v 7 Niale hevitse reo mpinatse le nitalily tihoe: “Noho tika tsy nanday mofo zay.”
\p
\v 8 Jesosy nahay zay le nitsara tihoe: “Nareo kele finoa, nanao akore nareo ro miale hevitse aminareo le mitsara te noho ty tsy nandesanareo mofo zay?
\v 9 Mboe tsy hainareo na tiaronareo vao ty mofo lime ho ahy ty dimy arivo, vaho haro fire ro navorinareo?
\v 10 na reo mofo fito ho ahy reo efats'arivo, vaho haro fire ro nalanareo?
\v 11 Nanao akore ro tsy ahazoanareo te tsy mikasike ty mofo ro nitalilieko anareo? Miambena vaho mitao amy ty masirasira reo Fariseo naho Sadoseo.”
\v 12 Bak'eo azo iareo te tsy hitao amy ty masirasira ty mofo ro nitaliliene aiereo, te hitao ty amy ty fampianaragny reo Fariseo naho Sadoseo.
\p
\v 13 Vaho lafa avy tagne amy ty faritse marine ty Kaisaria-filipo Jesosy, le nagnontane reo mpianane Re, Manao tihoe: “Atao ty ndaty ho ia moa ty Anagn'Ondaty?”
\p
\v 14 Nanao tihoe iareo: “Ty ilane mitalily te Jaona mpanao batisa, ty ilane, Elia, vaho reo hafa, Jeremiana raeke amy reo mpitoke.”
\p
\v 15 Nanao tihoe Re tamy iareo: “Te nareo kea manao Ahike ho ia?”
\p
\v 16 Namale, Simona Petera nanao tihoe: “Iriha ro Kristy Anagn'iaze Andragnahare velo.”
\p
\v 17 Namale Jesosy le nanao tihoe tamine: “Vototse iriha, Simona Bar-jona te tsy ty nofotse naho lio ro naneho zay taminao, te ty Babako ze agne an-dagnitse.
\v 18 Talilieko aminao avao kea te iriha ro Petera, vaho ambone toy lamelame toy ro hagnoregnako ty fiangonako. Ty vavahade ty valavato le tsy haharese zay.
\v 19 Homeiko anareo ty lakile ty fanjaka ty lagnitse. Na ino na ino fehezinao eto embone ty tane le ho feheze agne an-dagnitse, vaho na ino na ino vahanao etoy an-tane le ho vaha agne an-dagnitse.”
\v 20 Bak'eo Jesosy nandily reo mpianatse te iareo le tsy tokone hitalile na amy ia na ia te Re ro Kristy.
\p
\v 21 Tamy zay andro zay Jesosy nanomboke nitsar reo mpianane te tsy maintse ho agne Jerosalema Re, hiaritse fijalea maro eo an-tagna ty ndaty bey naho loha ty mpisoro vaho reo mpanoratse lalàgna, ho vonoa, naho hatsanga ndraeke amy ty andro fahatelo.
\v 22 Bak'eo Petera nangalake Aze le nitsara mafe Aze, manao tihoe: “Ho lavitse anao vatane zay, Tompo; Tsy hiseho aminao vatne zay.”
\p
\v 23 Te Jesosy nitolike le nitsara tamy ndre Petera tihoe: “Mindrisoa agne ambohoko, ry Satana! Iriha le fandavoa ho Ahike, Noho riha tsy midare reo raraha ty Andragnahare, te reo raraha ty ndaty.”
\p
\v 24 Bak'eo Jesosy nitsara tamy reo mpianane tiheo: “Laha misy te-hagnarake Ahike, le tsy mainmtse mandà ty vatagny re, handay ty hazofijaleane, vaho magnarake Ahike.
\v 25 Te na ia na ia te-hanarombake ty fiaine le haharombake aze, vaho na ia na ia ro hahavere ty fiaine noho ty amiko, le hahazo zay.
\v 26 Te ino moa ro soa ho azo ty ndaty mahazo zao tontolo zao nefa rombake ty fiaine? ino ro omea ty ndaty ho solo ty fiaine?
\v 27 Te ty Anagn'Ondaty le ho avy amy ty hasine ty Babane miarake amy reo Anjeline. Bak'eo Re hamale soa ty ndaty kiraikiraike arake ze vitane.
\v 28 Talilieko marine aminareo, te misy sasane aminareo ze mitsanga eto ro tsy hitsapa ty fahafatesa mandrapahisaha iareo ty Anagn'Ondate avy amy ty fanjakane.”
\c 17
\cl Toko 17
\p
\v 1 Enegn'andro tatoy afara Jesosy le nangalake ahy ndre Petera, Jakoba, naho Jaona rahalahine niarake tamine, vaho nanday aiereo niakatse ty ambone vohitse ambo tamy ty vata iareo.
\v 2 Niova tarehe teo agnoloa iareo Re, namiratse manahake ty masoandro ty vatane, avho reo fisokinane lasa namiratse manahake ty hazava.
\v 3 Ingo, niseho tamy iareo Mosesy naho elia nirehake tamine.
\v 4 Namale Petera vaho nanao tamy ndre Jesosy tihoe: “Tompo, soa amintika ty etoa. Laha teanao, le hanao aloke telo ho antika eto raho - raeke ho anao, raeke ho ahy ndre Mosesy, vaho raeke ho ahy ndre Elia.”
\p
\v 5 Laha mboe nitsara Re, ingo, nisy hiboke mazava nanaro aiereo, vaho ingo, nisy feo niboake bak'ao amy ty hiboke, nanao tihoe: “Toy ty Anako malalako, ze teako vatane, Janjgno Reke.”
\v 6 Laha heno reo mpianatse zay, le lavo iareo vaho natahotse mafe.
\p
\v 7 Bak'eo bak'agne Jesosy vaho nikasike aiereo le nitsara tihoe: “Mitsanga vaho ko matahotse.”
\v 8 Bak'eo le nagnete ambone iareo te tsy nahisake na ia na ia ankoatsy Jesosy raike avao.
\p
\v 9 Laha nizotso ty vohitse iareo, le nandily aiereo Jesosy, nanao tihoe: “Ko mitatitse zao fahisaha zao na amy ia na ia mandra-pitsanga ty Anagn'Ondaty amy ty mate.”
\p
\v 10 Nagnontane Aze reo mpianane, nanao tihoe: “Nanao akore vao reo mpanoratse lalàgna ro mitalily te Elia le tsy maintse ho ave aolo?”
\p
\v 11 Jesosy namale vaho nitsara tihoe: “Elia le ho ave vatane vaho hampimpole amy ty misy aze ty raraha iaby.
\v 12 Feie ataliliko aminareo, te fa ave Elia, te iareo tsy nahay aze. Mifanohitse amy zay, nanao ty raraha iaby ze teane natao tamine iareo. vaho manahake zane avao kea, ty Anagn'Ondate avao kea le hijale eo an-tagna iareo.
\v 13 Bak'eo le azo reo mpianatse te nitsara tamy iareo ty mikasike andre Jaona mpanao Batisa reke.
\p
\v 14 Lafa avy teo amy ty vahoake iareo, le nisy lehilahy raike namonje Aze, nandohalike teo agnoloane, vaho nitsara tihoe,
\v 15 Tompo, manàgna famindragn'arofo amy ty anandahiko, te voa ty kopoke re vaho mijale mafe. te milavo matetike agne ampo afo na rano re.
\v 16 Nanday aze teo amy reo mpianatsao raho, te tsy afake nagnafake aze iareo.”
\p
\v 17 Namale Jesosy vaho nitsara tihoe: “Ry taranake tsy mpino naho simba toetse, zisikim-bia ro tokone hitobohako miarake aminareo? zisikim-bia ro tsy maintse iaretako miarake aminareo? Andeso atoy amiko reke.”
\v 18 Nitsara mafe ty demone Jesosy, le niboake tamine zay vaho le afake tamy zay lera zay iaze ajajalahy.
\p
\v 19 Le namonje ahy ndre Jesosy mangingike reo mpianatse vaho nanao tihoe: “magnino ro tsy nahavita namoake an'igny zahay?”
\p
\v 20 Jesosy nitsara aiereo tihoe: “Noho ty finoa kelenareo. Te ataliliko marene aminareo, laha mana finoa na le kele manahake ty voatsinampe nareo, le afake mitsar amy toy vohitse toy nareo tihoe: 'Mifindrà bak'etoa ho etia,' le hifindra zay vaho tsy hisy na ino na ino tsy ho hainareo atao.
\v 21
\f + \ft fagnamariha: Ty dikan-teny taolo soa loatse le tsy ahisaha ty tihoe v. 21. “Te toy karaza demony toy le tsy miboake laha tsy miarake amy ty vavake naho fifadian-kane.” \f*
\p
\v 22 Laha nitoboke tagne Galilia iareo, le nanao tihoe Jesosy tamy reo mpianane: “TY Anagn'Ondaty le homea eo an-tagna ty ndaty,
\v 23 vaho iareo hamono Aze, vaho ty andro fahatelo le hatsanga Re.” Lasa nalahelo tanterake reoi mpianatse.
\p
\v 24 Lafa avy tagne Kaperinaomy iareo, le nandeha amy ndre Petera reo lehil; ahy ze namore ty haba atsasake ty sekele vaho nitsara tihoe: “Tsy mandoa ty haba atsasake ty sekele vao ty mpampianatsinareo?”
\v 25 Nanao tihoe re: “Eka.” Te laha nizilike tao an-tragno Petera, le Jesosy aloha ro nirehake tamine le nanao tihoe: “Ino ro dinehinao, ry Simona? Reo mpanjaka etoy an-tane, bak'amy ia ro andrambesa iareo haba na habagn'ondaty? Bak'amy reo vahoakine vao sa bak'amireo mbahine?”
\p
\v 26 Lafa nitsara Petera tihoe: “Bak'amy reo mbahine,” le nanao tihoe Jesosy tamine: “Le afake amy ty fandoava zay reo vahoake.
\v 27 Te soa tsy hahampanotantika ty mpitake haba, le mandehana agne amy ty ranomasy, manoraha fita ao, vaho alao ty fia ze miakatse voalohane, lafa voasokatsao ty vavane, le hahisake sekele riha, alao zane vaho ameo reo mpitake haba ho Ahike naho ho anao.”
\c 18
\cl Toko 18
\p
\v 1 Tamy zay andro zay avao le avy teo amy ndre Jesosy reo mpianane vaho nitsara tihoe: “Ia ro bey agne amy ty fanjaka ty lagnitse?”
\p
\v 2 Jesosy nikaike ajaja kele ho eo amine. nampitoboke aze teo amy iareo,
\v 3 Vaho nitsara tihoe: “ataliliko marine aminareo, te laha tsy miova manahake reo ajaja kele nareo. le tsy hisy hevitse ty hizilihanareo agne amy ty fanajaka ty lagnitse.
\v 4 Noho zay, na ia na ia magnambane vata manahake toy ajaja kele toy le bey loatse ze agne amy ty fanjaka ty lagnitse.
\v 5 na ia na ia mandrabe Ahike.
\p
\v 6 Te na ia na ia mahaave ty raeke amy reto ajaja kele reto ze mino Ahike hanao rate, le ho soa vatane ho aze ty hagnatogna ty famofoham-bare befoloay eo amy ty vozone, le halentike agne amy ranomasy lalike re.
\v 7 Loza ho ahy zao tontolo zao noho ty fotoa ty fanafintohigna! Te mpaiave ty ahaave zay andro zay, feie loza ho ahy ty ndaty niavia zay fotoa zay!
\v 8 Laha miterake fahalavoa ho anao ty tagnanao na ty tombonao, le tapaho zay vaho afaho eo aminao. Soa ho anao ty mizilike sembana na maleme agne amy ty fiaigna zisikam-parane noho ty ho rombake agne amy ty afo tsy mete mate amy ty fanagna tagna roe na tomboke roe.
\v 9 Laha miterake fanafintohigna ho anao ty masonao raeke, homboto zay vaho afaho eo aminao, Soa ho anao ty mizilike agne amy ty fiaigna zisikam-parane miarake amy ty maso raeke noho ty tihoe rombane agne amy ty afo tsy mete maty miarake amy ty maso roe.
\p
\v 10 Tandremo tsy hanao tsy dikane reo ajaja malineke reo nareo. Te mitalily aminareo Raho te agne an-dagnitse reo anjeline le mivamba avao ty tarehe ty Babako ze agne an-dagnitse.
\v 11
\f + \ft Fagnamariha: Ty dikan-tene taloha soa loatse le tsy ahisaha ty fehezantene ze mimboake ty v. 11. tihoe: “Te ty Anagn'Ondaty le avy soa hanorombane ze vere.” \f*
\v 12 Ino ro eritseritsareo? Laha misy mana aondry zato, le mandeha amy ty lala-diso ty raeke amy iareo, le tsy handao ty sivam-polo sivy ambe eo amy ty havoa vao re vaho andeha hipay iaze raeke ze nandeha agne amy ty lalan-diso?
\v 13 Laha hisane zane, le ataliliko marene aminareo, te mifale amy zay mihoatse noho reo sivam-polo sivy ambe ze tsy nandeha amy ty lalan-diso re.
\v 14 Manahake zay avao kea, tsy tea ty Babanreo agne an-dagnitse ty hahavere ty raeke amy reo malinike reo.
\p
\v 15 Laha manao rate aminao ty rahalahinao, mandehana vaho talilio aze ty hadisoane, aminao naho re raeke avao. Laha mijanje anao re, le hifankahazo ammy ty rahalahinao ndraike riha.
\v 16 Nefa laha tsy mijanje anao re, le mangalà raeke na roe hafa miarake aminao, amy zeay soa amy ty vavany reo vavolombelo roe na telo ro ahazahoa magnamarine ty tsara iaby.
\v 17 Vaho laha mandà ty hijanje aiereo reke, le talilio amy ty fiangona ty zaka-miseho. Laha tsy magnina hijane ty fiangona avao kea re, le ampoho re hanahake ty jentilisa naho ty mpitake haba.
\v 18 Ataliliko mare aminareo, na ino na ino fehezinareo etoy an-tane le ho feheze agne an-dagnitse; vaho na ino na ino avelanareo etoy an-tane le ho voavela agne an-dagnitse.
\v 19 Le mboe ataliliko aminareo ndraike tihoe: “Laha misy roe aminareo magnina etoy an-tane ty amy ze iaby angataha iareo, le ho atao ho aiereo zay amy ty alala ty babako ze agne an-dagnitse.
\v 20 Te na aia misy roe na telo mirake mivore amy ty Agnarako, le eo ampagnivoa iareo eo Raho.”
\p
\v 21 Bak'eo namonje Petera vaho nitsara tamy ndre Jesosy tihoe: “Tompo, impiry hanao rate amiko ty rahalahiko le hamela aze raho? Hatramy ty im-pito vao?
\p
\v 22 Jesosy nitsara aze tihoe: “Tsy mitsara aminao Raho tihoe im-pito, te hatramy ty fitopolo im-pito
\v 23 Noho zay ty fanjaka try lagnitse le manahake amy ty mpanjaka raeke ze te hifandame ara-bola miarake amy reo mpiasane.
\v 24 Laha vao nanomboke ty fandamina re, le nisy mpiasa raeke nandese teo amine ze nana talenra raeke.
\v 25 Nefa satria tsy nana fomba handoava zane re, le nandily ty hamarota aze ty tompoe, miarake amy ty valine naho reo anane vaho ze hanagnane iaby, le ho vita ty fandoavan-trosa.
\v 26 Noho zay le niondrike iaze mpiasaa, vaho nihohoke teo agnoloane, vaho nitsara tihoe: “Tompo manàgna fahareta amiko, le haloako aminao ty raraha iaby.'
\v 27 Noho zay ty tompo zay mpiasa zay, le nahaferegnay, le nagnafake aze vaho namela ty trosa tamine.
\v 28 Te niboake io mpiasa io le nahisake ty raeke tamy reo mpiara-miasa amine, ze nanagnane dinaria zato. Nisamborine re, nirambesine tamy tendane, vaho nirehake tihoe: 'Aloavo amiko ze nitrosanao.'
\p
\v 29 Nefa niondrike io mpiara-misa amine io vaho nasoloho tamine, nanao tihoe: 'Manàgna fahareta amiko, le haloako amina ndraike.'
\v 30 Nefa nandà iaze mpisa voalohane. MIfanohitse amy zay, nandeha re vaho nataone tagne am-pigadra iaze mpiara-miasa amine zisike handoavane amine ze nitrosaine.
\v 31 Lafa nahisake ze niseho reo mpiara-miasa amine, le nalahelo vatane iareo. Nandeha vaho nitalily tamy ty tompone ze iabe niseho iareo.
\p
\v 32 Bak'eo nikaike aze ty tompo io mpiasa io, vaho nitsara aaze tihoe: 'Iriha ry mpiasa rate fagnahe, namela ty trosa iaby taminao raho satria iriha nisoloho tamiko.
\v 33 Tsy tokone hana famindram-po amy ty mpiara-miasa aminao vao iriha, manahake ty nanagnako famindram-po tamminao?'
\v 34 Meloke ty tompone vaho nanday aze tagne amy reo mpampijale zisike handovane ze iaby nitrozane.
\v 35 Manahake zay avao kea ro hatao ty babako agne an-dagnitse aminareo, laha tsy mamela ty rahalinareo amy ty aforone ty tsikiraikiraike iaby aminareo.”
\c 19
\cl Toko 19
\p
\v 1 Vaho lafa nahavita reo tsara reo Jesosy, niala tagne Galilia Re, vaho nandeha agne amy ty faritse ndre Jodia ze tane andaffy ty vavarano ty Jordana.
\v 2 Vahoake maro ro nagnarake Aze, le nagnafake aiereo tagne Reke.
\p
\v 3 Namonje Aze reo fariseo, nitsapa AZe nitsara tamine tihoe: “Ara-dalagna ho ahy ty lehilahy vaho ty misarake amy ty valine noho ze mete ho antone iaby?”
\p
\v 4 Jesosy namale vaho nitsara tihoe: “Tsy nivakinareo vao te Reke ze nanao aiereo tamy ty voalohane le nanao aiereo ho lahy naho vave?
\v 5 Reke ze nanao aiereo le nitsara avao kea tihoe: 'Te noho zay antone zay le hagnenga ty babane naho renene ty lehilahy le hiharo amy ty valine, vaho ho lasa nofotse raeke iareo roe?'
\v 6 Le tsy ho roe sase iareo, te ho nofotse raeke. Le ze naharo ty Andragnahare, lonike tsy hisy hagnasarake.”
\p
\v 7 Nanao tihoe iarei tamine: “Nanao akore zane MOsesy ro mandily anay hagnome taratase fagnamarignam-pisaraha vaho bak'eo hampole aze?”
\p
\v 8 Nanao tihoe Re tamy reo: “Te ty hamafe ty aforonareo ro nampimpoha ndre Mosesy anareo hisarake amy ty valinareo, te tamy ty voalohane le tsy zay ro fomba.
\v 9 Ataliliko anareo na ia na ia misarake amy ty valine, afa-tsy noho ty fandratova, le manambale hafa, le fagnitsaha-bale; vaho ty lehilahy manambale ampela ze fa nisara-bale le mijangajanga.”
\p
\v 10 Reo mpianatse nitsara tamy ndre Jesosy tihoe: “Laha zay ro toetse ty lehilahy amy ty valine, le tsy zoa ty manambale.”
\p
\v 11 Te jeosy nitsara tamy reo tohoe: “Tsy ty ndaty iaby ro afake magnina zay fampianara zay, te reo ze napoke hagnine zay avao.
\v 12 Te misy reo inoke ze fa manahaky zay hatragne an-kibondreny iareo, vaho misy reo ionoke ze manao ty vata iareo ho ionoke noho ty fanjaka ty lagnitse. Re ze afake mandrambe zay fampianara zay, lonike re handrambe zane.”
\p
\v 13 bak'eo nisy ajaja malinike sasantsane nandesy teo amine soa hametrahane tagna amy iareo le hivavake, nitsara mafe aiereo reo mpianatse.
\v 14 Te nanao tihoe Jesosy: 'Apoho ty ajaja malinike, vaho ko rarà iareo hamonje Ahike, satria ty fanjaka ty lagnitse le ahy ty manahak'iareo.”
\v 15 Nampone teo amy reo ajaja ty tagnane, vaho bak'eo niala teo Re.
\p
\v 16 Ingo, nisy lehilahy namoje andre Jesosy vaho nitsara tihoe: “Mpampiantse, Ino ro raraha soa tsy maintse anoeko soa hahazahoako ty fiaigna zisikam-parane?”
\p
\v 17 Jeosy nitsara tamine tihoe: “Nanao akore riha ro magnontane mikasike ze soa atoy amiko? Raeke avao ro soa, te laha te-hizilike agne amy ty fiaigna riha, le tao reo lily.”
\p
\v 18 Nanao tihoe iaze lehilahy tamine: “Lily ino? Le nanao tihoe Jesosy: “Ko mamono nday, ko mijangajanga, ko mangalatse, ko mete vavolombelo diso,
\v 19 iasio ty babanao naho ty renegnao, vaho teavo ty tana raeke aminao manahake ty vatanao.”
\p
\v 20 Iaze mpamarake nitsara tamine tihoe: “Fa nataoko iaby zay iaby zay. Ino ro mboe mpaiaviko?”
\p
\v 21 Jesosy nitsara tamine tihoe: “Laha magniry ty ho avy lafatse iriha, le mandena, amilio ze anagnanao, vaho omeo ty mahantra, le hana harena gne an-dagnitse iriha; vaho avia, magnaraha Ahike.”
\v 22 Te lafa naheno ze nitalily ndre Jesosy iaze, pamarake, le niala tamy ty alahelo re, satria nana fanagna lahiale.
\p
\v 23 Nanao tihoe Jesosy tamy reo mpianatse: “Ataliliko marene aminareo, sarotse ho ahy ty mpagnarivo ty hizilike ty fanjaka ty lagnitse.
\v 24 Vaho mboe talilieko marene ndraike, mmora vatane ho ahy ty kofehe ty mizilike amy ty volim-panjaitse noho ty iliha ty magnarivo ao amy ty fanjaka ty Andragnahare.”
\p
\v 25 Lafa naheno zay reo mpianatse, le vatane vere le nitsara tihoe: “Ia vaho zay ro afake ho sarombahy?”
\p
\v 26 Nivamba aiereo Jsosy vaho nitsara tihoe: “Amy ty ndaty le tsy hay atao zay, te amy ty ty Andragnahare ty raraha iaby le azo atao.”
\p
\v 27 Bak'eo Petera namale vaho nitsara tihoe: “Ingo, naponay ty raraha iaby vaho nagnarake Anao zahay. Ino ty ho azonay?”
\p
\v 28 Jesosy nitsara aiereo tihoe: “Ataliliko marene aminareo, amy ty vanem-potoa vaovao lafa mitoboke eo amy ty seza fitoboha ty hasine ty Anagn'Ondaty, le hitoboke eo amy ty sez fiankina folo roa ambe avao kea nareo ze nagnarake Ahike, hitsara reo foko folo roa ambe ty Israely.
\v 29 Ty ndaty iaby ze nagnenga tragno, rahalahy, rahavavy, baba, rene, anake, na tane nho ty agnarako, le handrambe mihoatse zato vaho handova fiaigna zisikam-parane.
\p
\v 30 Te maro reo voalohane ho lasa farane, vaho ty farane ho voalohane.
\c 20
\cl Toko 20
\p
\v 1 Te ty fanjaka ty lagnitse le manahake ty tompon-tane ze nandeha mbo maraindray bey hagnakarama mpiasa ho ahy ty tanem-boalobone.
\v 2 Lafa baka nifagnarake tamy reo mpiasa re te ho denaria raike san'andro ty karama iareo, le nalefane tagne amy ty tanem-boalobone iareo.
\v 3 Niboake ndraike re tamy ty ora fahatelo vaho nahisake mpiasa hafa nitsangatsanga tao an-tsena.
\v 4 Nanao tihoe re tamy iareo: 'Nareo kea, mandena agne amy ty tanem-boaloboke, vaho ze an-kevene to le omeiko anareo.' Le nandeha niasa iareo.
\v 5 Mboe niboake ndraike re teo ho eo amy ty lera faha ene vaho kea tamy ty lera fahasive, vaho nanao manahake zay avao.
\v 6 tamy ty lera faharaeke amby ty folo le niboake ndraike mandeha kea re vaho nahisake mpiasa hafa nitsangatsanga. Nanao tihoe re tamy iareo: 'Nanao akore nareo ro mitsanga eto agnate ty tontolo andro?'
\p
\v 7 Nanao tihoe iareo tamine: 'Tsy misy ndaty magnakarama zahay.' Nanao tihoe re tamy iareo: 'Nareo avao kea mandena agne amy ty tanem-boaloboke.'
\p
\v 8 Lafa avy ty hariva, le nitsara tamy ty mpiamby ty rarahanw ty tompo iaze tanem-boaloboke tihoe: 'Kaiho reo mpiasa vaho haloavo ty karama iareo, manomboke bak'agne amy ty farane mandeha agne amy ty voalohane.'
\v 9 Lafa avy reo mpiasa ze nala tamy ty lera faharaik'amby ty folo, le nahazo denaria raike tsikiraekiraeke iaby iareo.
\v 10 Lafa avy reo mpiasa voalohane, le nihevitse te ahazo mihoatse iareo, nefa iareo avai le nahazo denaroa raeke tsikiraekiraeke iaby.
\v 11 Lafa nahavoaray ty karamane iareo, le nitaray mikasike iaze tompon-tane iareo.
\p
\v 12 Nanao tihoe iareo: 'Reo mpiasa farane reo le niasa lera raike avao, feie le nampitozinao taminay iareo, zahay ze niaritse ty vesa ty tontolo andro naho niharitse hafana ty andro.'
\p
\v 13 Te namale iaze tompon-tane le nitsara tamy ty raeke tamy iareo tihoe: 'Ry namako, tsy manao ze tsy mete aminao raho. Tsy denaria raeke vao to nifagnarahanao tamiko?
\v 14 Rambeso ze anao vaho hitio ty lalanao. Raho le nifily ty hagnome ho ahy reo mpiasa nikarama farane manahake ty anao avao.
\p
\v 15 Tsy manan-jo hanao arake ze teako amy ze ahike vao raho? Sa mialo vao nareo satria malala-tagna raho?'
\v 16 Le ty farane le ho voalohane, vaho ty voalohane ho farane.” 
\f + \ft Fagnamariha: Ty dikan-teny taolo soa loatse le mangalaky ty tihoe: “Lahialy ro kinaike te vitsy ty voafile.” \f*
\p
\v 17 Laha handeha ho agne Jerosalema Jesosy, le nangalake reo folo roa ambe teo agnilane Re, vaho tegne an-dalagna Re nitsara tamy iareo tihoe:
\v 18 “Ingo, hiakatse ho agne Jerosalema tika, vaho ty Anak'Ondaty le hamea eo amy ty loha ty mpisoro naho reo mpanora-dalàgna. Iareo le hagnameloke Aze ho fatse
\v 19 vaho homea Aze amy reo Jentilisa soa hiheheza ho fofohy, vaho hamatsiha Aze amy ty hazofijalea. Te amy ty andro fahatelo le hatsanga ndraeke Re.”
\p
\v 20 Bak'eo ty reniny reo anandahy ndre Zebedio namonje ahy ndre Jesosy niarake tamy reo anandahine. Niankohoke teo agnatrehane iareo nangatake raraha bak'amine.
\v 21 Nanao tihoe Jesosy tamine: “Ino ro irinao?” Nanao tihoe re tamine: “Mandilia soa hitoboha reto anandahiko roe reto, ty raeke eo an-tagnanao ankavana vaho ty raeke eo an-tagnanao an-kavia, ao amy ty fanjakanao.”
\p
\v 22 Te Jesosy namale vaho nitsara tihoe: “Tsy hainareo ty raraha angatahinareo. Afake ty hino kapoake ze hinome vao nareo?” Namale iareo tihoe: “Afake zahay.”
\p
\v 23 Nanao tihoe Reke tamy iareo: “Hino ty kapoakako vatane nareo. Te ty hitobke eo an-tagnako ankavanako naho ankaviako le tsy anjarako ro magnome, te ahy reo ze fa niomany ty Babako.”
\p
\v 24 Lafa naheno zay rei mpianatse folo lahy hafa, le meloke mafe tamy reo mpirahalhy roe
\v 25 Te Jesosy nikaike aiereo handeha eo amine vaho nitsara tihoe: “Hainareo te reo mpanakae reo Jentilisa le hanery aiereo, vaho reo lehilahy manan-danja iareo le hampiasa ty fahefane eo amy iareo.
\v 26 Te tsy tokone hanahake zay ty aminareo. Mifanohitse amy zay, na ia na ia magniry ty ho lasa bey aminareo le tsy maintse ho mpiasanareo,
\v 27 vaho na ia na ia magniry ty ho voalohane eo aminareo ltsy maintse ho mpiasanareo,
\v 28 manahake ty Anagn'Ondaty tsy avy ho tompoe, fa hanompo, vaho hagnome ty fiaine soa ho vilim-pagnavota ho ahy ty maro.”
\p
\v 29 Laha niboake bak'agne Jeriko iareo, lew vahoake lahiale ro nagnarake Aze.
\v 30 NIsy lihilahy goa roe nitoboke teo amy sisin-dala. Lafa naheno te nandalo Jesosy, le nikoke mafe iareo tihoe: “Tompo, ana ndre Davida, mamindrà arofo aminay.”
\v 31 Nasiaky aiereo ty vahoake, nitsara aiereo soa hitsy, nefa vao mainke iareo nikaikaike mafe tihoe: “Tompo, ana ndre Davida, mamindrà arofo aminay.”
\p
\v 32 Bak'eo Jeosy nijano vaho nikaike aiereo sade nitsara tihoe: “Ino ro irinareo ho ataoko aminareo?”
\v 33 Nanao tihoe iareo tamine: “Tompo, hahisaha ty masonay.”
\v 34 Bak'eo Jesosy, nahafegnay, le nitsapa ty maso iareo. Avy le nahiratse iareo vaho nagnarake Aze.
\c 21
\cl Toko 21
\p
\v 1 Laha namonje andre Jerosalema Jesosy naho ty mpianane le nandeha ao Betifaga, agne amboe vohitse ndre Oliva, le nandefa mpianatse roe Jesosy,
\v 2 nitalily tamy iareo tihoe: “Manena ao amy ze vohitse magnarake ao, te eo noho eo nareo le hahisake borike mirohy vaho ana ty borike raeke miarake amine. Vahao iareo vaho handeso atoy amiko.
\v 3 Laha misy mitsara anareo mikasike zay, le talilio tihoe: 'Misy impaiava ty Tompo aireo,' vaho eo noho eo zay ndaty le handefa aziereo miarake aminareo.”
\p
\v 4 Vaho niseho zay soa hahatanterake ze natalily tamy ty alala ty mpitokine. Nanao tihoe Reeke:
\v 5 “Atalilio ty anak'ampela ndre Ziona tihoe: “Ingo, ty Mpanjakanao mamonje anao, Miambane vata vaho mijo borike- ana-borike lahy.”'
\p
\v 6 Bak'eo le lasa reo mpianatse vaho nanao arake ze nandilia ndre Jesosy aiereo.
\v 7 Nandesy iareo iaze ampondra naho iaze ana-borike vaho nampimpoke ty lamba iareo teo amine, le nitoboke teo amy iaze lamba Jesosy.
\v 8 Ty ankamaroa ty vahoake le namelatse ty lamabane tamy ty tane, vaho reo hafa nanapake ratsan-ketae vaho nanaparitake zay tamy ty lala.
\v 9 bak'eo reo vahoake niaolo ahy ndre Jesosy naho reo ze nagnarake aze nikorakorake tihoe: “Hosana ho ahy ty ana ndre Davida! Isaora iaze avy bak'amy ty agnara ty Tompo, Hosana agne amy ty ambone loatse!”
\p
\v 10 Lafa nizilike ty raeke tanà le nanao tihoe: “Ia moa io?”
\p
\v 11 Ty vahoake namale tihoe: “Reke ro Jesosy iazy mpitoke bak'agne Nazareta agne Galilia.”
\p
\v 12 Bak'eo nizilke tao an-tempoly Jesosy niroahine iaby reo mpivile naho mpivarotyse tao an-tempoly, vaho navalikine ty latabatsy reo mpanakalo vola naho ty fitoboha reo mpivarotse voromahilala.
\v 13 Nanao tihoe Re tamy iareo: “Fa voasoratse tihoe: 'Ty tragnoko le ho kaihy tihoe tagno fivavaha,' nefa ataoanareo trano fitsioha ty ndaty rate.”
\p
\v 14 Lafa bak'eo le nisy goa naho maleme namonje Aze tao an-tempole, le nafahane iareo.
\p
\v 15 Te lafa nahisake ty raraha mahavere nanoane ty bey ty mpisoro naho ty mpanora-dalagna, vaho lafa heno iareo ty ajaja malinike nikorakorake tao an-tempoly tihoe: “Hosana ho ahy ty ana ndre Davida,” le meloke mafe iareo.
\p
\v 16 Nanao tihoe iareo tamine: “henonareo vao zay talily reo ndaty reo?” Namale aiereo Jesosy tihoe: “Eka! te tsy mboe nivakinareo vao ty tihoe: “Bak'amy ty vava ty ajaja malinikenaho ajaja minono ro nampahitianareo ty fiantsa?”
\p
\v 17 Bak'eo nagnenga aiereo Jesosy le nadeha tagne amy ty tanà ndre Betania vaho nitoboke tao ty halike.
\p
\v 18 Vaho lafa maraindray laha nimpoly tyagne an-tanà Re, le kere.
\v 19 Nahisake hetae aviave tegne an-tsisin-dala, le namonje tegne Re vaho tsy nahisake na ino na ino teo ankoatsy ty ravine. Nanao tihoe re tamine: “Lonike tsy hisy voa sase bak'amina zisikam-parane,” vaho niarake tamy zay le maike iaze aviave.
\p
\v 20 Lafa nahisake zay reo mpianatse, le vere iareo vaho nitsara tihoe: “Nanao akore ro nahalasa nahamaike toy aviave toy?”
\p
\v 21 Namale Jesosy vaho nitalily aiareo tihoe: “Ataliliko marene aminareo, laha manam-pinoa naho tsy misy fisalasala nareo le tsy ze natao tamy io aviave io avao to hataonareo, te na le hitsara amy toy vohitse toy kea tihoe: 'miombota vaho mitotà agne an-dranomasy.' le ho atao zay.
\v 22 Na ino na ino angatahinareo am-bavake, am-pinoa le ho azonareo.”
\p
\v 23 Lafa nizilike tao an-tempoly Jesosy, le namonje aze Azwe ty bey ty mpisoro naho ty ndaty bey laha nampianatsy Re vaho nitsara tihoe: “Fahefa bak'aia moa ro anaovanao regny raraha regny, vaho ia ro nagnome anao zay fahefa zay?”
\p
\v 24 Namale Jesosy vaho nitsara tamy iareo tihoe: “Hametrahako fagnontanea raeke avao kea nareo. Laha talilienareo amiko, le hataliliko aminareo ty fahefa anaovako regny raraha regny.
\v 25 Ty batisa ndre Jaona- baka aia ro niaviane? Bak'agne an-dagnitsy sa bak'amy ty ondaty?” Nialy hevitse iareo, nanao tihoe: “laha mitsara tike tihoe, 'bak'agne an-dagnitse,' Reke hitsara amaintika tihoe: 'Te nanao akore zane nareo ro tsy nino aze?
\v 26 Te laha mitsara tika tihoe: Bak'amy ty ondaty,' matahotse ty vahoake tike, satria iareo iaby le mihevitse andre Jaona manahake ty mpitoke.” Le namale ahy ndre Jesosy iareo le nitsara tihoe: “Tsy hainay.”
\v 27 Vaho nanao tihoe Reke Tamy iareo: “Raho avao kea le tsy hitalily aminareo tihoe bak'aia ty fahefa anaovako regny raraha regny.
\p
\v 28 Nanao akore ty hivitsaraeo? Nisys lehilhay raeke nana anandahy roe. Nandeha agne amy iaze vaolohane re vaho nanao tihoe: 'Anake, mandenà miasa agne amy ty tanem-boaloboke androane.'
\p
\v 29 Iaze anandahine namale aze tihoe: “Tsy ho agne raho,” Te avy eo niova hevitsy re le nandeha.
\p
\v 30 Bak'eo le nandeha amy iaze faharoe re vaho nitsara manahake zay avao kea. Namale re le nitsara tihoe: Ho agne raho, tompoko,' feie tsy nandeha agne reke.
\v 31 Ia tamy reo anane roe reo ro nanao ty tea ty raene?” Vaho nanao tihoe iareo: “Iaze voalohane.” Jesosy nitsara aiereo tihoe: “Talilieko marene aminareo, reo mpitake haba naho reo makorele le hizilike ty Fanjaka ty Andragnahare alohanareo.
\v 32 Te Jaona namone anareo tamy ty fahamarigna, te tsy nino aze nareo. Te reo mpitaky haba naho makorele nino aze. Te nareo, na le nahisake zay kea, le tsy nibebake naho tsy nino aze.
\p
\v 33 Janjigno toy fagnohara raeke hafa toy. Nisy lehilahy raeke, tompon-tane. Nanao tanem-boaloboke re, nofefene zay nandavahane fananigna tao ampone, nampitsangane tilikampo, vaho nampagnofaine tamy reo mpambole voaloboke. Bak'eo le nandeha agne amy ty tanà hafa reke.
\v 34 Lafa narinike ty taom-pahavokara, le nagnirake ty ialne tamy reo mpiasa re ho agne amy reo mpambole voaloboke hangalake ty vokatse.
\v 35 Te nisambory reo mpambole voaloboke reo mpiasane, nifofohine ty raeke, nivonoane ty hafa, le mboe nitorahine vato ty hafa.
\v 36 Vaho mboe, nandefa mpiasane hafa ndraeke iaze tompon-tane, lahiale noho ty tamy ty voalohane, te natao iareo manahake zay avao kea.
\v 37 Tafara zay, le nagnirake ty anandahine lahitoka tagne amy reo ty tompon-tane, nitalily tihoe: 'Hiasay ty anako iareo.'
\p
\v 38 Te lafa nbahisake iaze anandahine reo mpambole voaloboke, le nifampiresake iareo tihoe: 'Toy ro mpandova. Ndao ho vonoantika re vaho halantika ty lova.'
\v 39 Noho zay le nisambory iareo re, natorake tao ampo ty tanem-boaloboke vaho nivonoa.
\v 40 Vaho lafa avy ty tompo ty tanem-boaloboke, ino ro hataone amy reo mpambole voaloboke?”
\p
\v 41 Nanao tihoe iareo tamine: “Haravane amy zay fomba mafe loatse reo ndaty loza, vaho bak'eo hampagnofaine amy reo mpambole voaloboke hafa ty tanem-boaloboke, ndaty hagnome aze ty anjara voline amy ty fotoam-pahavokara.”
\p
\v 42 Jesosy nitsara tamy iareo tihoe: “Tsy mboe namake ty soratse masy vao nareo tihoe: 'Ty vato nihalane ty mpagnore-tragno ro natao vato fototse. Bak'amy ty Tompo zay, mahavere eo amasontika'?
\p
\v 43 Noho zay ataliliko aminareo, hafaha aminareo ty fanjaka ty Andragnahare vaho hamea ty firenena ze mamokatse reo voane.
\v 44 Na ia na ia ho lavo io vato io le ho potipotike. Te ze hitontane kea le ho torotoro.”
\p
\v 45 Lafa naheno reo fagnaohare reo ty bey ty mpisoro naho reo Fariseo, le azo iareo te mikasike aiereo ro niresahane.
\v 46 Nisaviry ty hisambotse aze, feie natahotse ty vahoake iareo, satria natao ty ndaty ho mpitoke Re.
\c 22
\cl Toko 22
\p
\v 1 Nitsara tamy ty fagnohara tamy iareo ndraeke Jesosy, nanao tihoe:
\v 2 “Ty fanajaka ty Lagnitse le mitovy amy ty mpanjaka ze nagnoma fagnambara amy ty fangalam-bale ho ahy ty anandahine.
\v 3 Magnirake reo mpiasane hikaike reo ze nahazo fagnambara hagnatrike ty lanonam-pangalam-bale re, te tsy nete ho ave iareo.
\v 4 Nandef reo mpiasane hafa ndraeke ty mpanjaka, manao tihoe: “Italilio reo ze nagnambara tihoe: “Jereo, fa nikarakarako ty mahatajako. Fa nivonoako ty aombe naho ty anak'aombe mifahako, vaho fa vonogne ty raraha iaby. Miavia ao amy ty havoriam-pangakam-bale.”'
\v 5 Feie tsy nidary iareo vaho lasa nandeha, ty raeke namonje ty toeram-pihariane, ty hafa tamy ty raraham-borotsine.
\v 6 Reo sasane nisambotse reo mpiasa ty mpanjaka, nanala nalatse aiereo, vaho namono aiereo.
\v 7 Neloky ty mpanjaka le nagnirake reo miaramilane, vaho namono mpamono ndaty reo iareo, vaho nagnoro ty tanàne.
\v 8 Bak'eo nitsara tamy reo mpiasane re tihoe: 'Fa vonogne ty fampakarambale, te reo ze nagnamabara ro tsy maeva.
\v 9 Noho zay mandena egne amy ty sampagnan-dalambey vaho magnambara ndaty maro arake ze hisanareo ho ao amy ty havorim-pangalam-bale.'
\v 10 Nandeha niboake tagne amy ty lalam-bey reo mpiasa vaho nanambatse ty ndaty iaby ze hisa iaew, na ty soa na ty rate. Noho zay le feno mbahine iaze efi-tragno bey nisy ty fangalam-bale.
\v 11 Te lafa nizilike ty mpanjaka soa hivamba reo mbahine, le nahisake lehilahy tsy nisiky akanjo fadesy amy ty fangalam-bale re.
\v 12 Nitsara tamine ty mpanjaka tihoe: 'Ragnitse, nanao akore ro izilihanao ato tsy miarake amy ty fisikina fandesy amy ty fangalam-bale?' Te tsy nahatsara iaze lehilahy.
\v 13 Bak'eo nitsara tamy reo mpiasane ty mpanjaka tihoe: “Arohizo ty tagna naho ty tombo toy lehilahy toy, vaho atoraho agne amy ty maike agne ambalike re, agne ro misy fitomagnia naho rare-nife.'
\v 14 Te ndaty maro nikinaike, feie kele ro ho voafile.
\p
\v 15 Bak'eo nandeha reo fariseo vaho nagnoma ty fomba mete hamandriha ahy ndre Jesosy amy zay nitsaraine.
\v 16 Bak'eo nirahy iareo andeha Amine reo mpianatse iareo, niarake tamy reoi Herodiana. Nitsara tamy ndre Jesosy iareo thoe: “Mpampianatse, hanay te marene Iriha, vaho mampianatse ty lalagna ty Andragnahare amy ty marine. Tsy midary ty hevitsy ty hafa Riha, vaho tsy mivamba mivilake.
\v 17 Noho zay talilio aminay, ino ty hevegnao? Ara-dalàgna vao ty fandoavan-kaba agne amy ndre Kaisara sa tsia?”
\p
\v 18 Nefa azo ndre Jesosy ty faharatia reo nitsara tihoe: “Nanao akore ro mitsapa Ahike nareo, ry mpiatsaravelatsihy?
\v 19 Aseho Ahike ty vola amy ty haba.” Bak'eo nanday denaria teo amine iareo.
\v 20 Nanao tihoe Jesosy tamy iareo tihoe: “An'ia toy sare naho agnara toy?”
\p
\v 21 Nitsara tamine iareo tihoe: “Ahy ndre Kaisara.” Bak'eo Jesosy nitsara aiereo tihoe: “Omeo ahy ndre Kaisara sreo ze ahy ndre Kaisara, vaho ahy ty Andragnahare reo ze ahy ty Andragnahare.”
\v 22 Lafa naheno zay iareo, le vere. vaho niala teo Amine iareo le nandeha.
\p
\v 23 Tamy zay andro zay avao ty Sadoseo ilane, reo ze nitalily te tsy misy fitsangana amy ty maty, namone=je Azwe. Nagnontane aze iareo,
\v 24 nanao tihoe: “Mpampianatse, Mosesy nitsara tihoe: 'Laha maty ty ndaty, tsy mana anake, le tokone hanambale ty valine ty rahalahine vaho hanan-janake ho ahy ty rahalahine
\v 25 Nisy mpiralahy fito. Nanambale ty voalohane vaho mate bak'eo. Lasa tsy namela anake, nampone ho ahy ty rahalahine ty valine.
\v 26 Bak'eo nanao raraha mitovy amy zay ty faharoe, bak'eo ty fahatelo, manahake zay avao zisik'amy iaze rahalahine fahafito.
\v 27 Tafara zay le maty iaby iareo, le mate iaze ampela.
\v 28 Vaho amy ty fitsangana ty mate, ho valin'ia amy reo mpirahalahy fito re? Te fa nanambale aze iaby iareo.”
\p
\v 29 Te namale Jesisy vaho nitsara aiareo tihoe: “Diso nareo, satria tsy mahay ty Soratse Masy na ty here ty Andragnahare.
\v 30 Te amy ty fitsangana ty mate le sade tsy hanambale iareo ro tsy omena halà. Te kea, mitove amy reo anjele agne an-dagnitse.
\v 31 Te mikasike ty fitsangana ty mate, mboe tsy nivakinareo vao ze nitalily ty Angragnahare taminareo, manao tihoe:
\v 32 'Raho ro Andragnahare ndre Abrahama, Andragnahare Isaka, vaho Andragnahare ndre Jakoba'? Andragnahare le tsy amdragnahare ty mate, fa ahy ty velo.”
\p
\v 33 Laha nahare zay reo vahoake, le vere tamy ty famoianarane.
\p
\v 34 Te lafa a heno reo Fariseo ty nampatsigna ndre Jesosy ty Sadoseo, le niara-nikamba iareo.
\v 35 Ty raeke tamy iareo, mpahay lalàgna, nametra-pagnontanea tamine, nangalake fagnahy Aze tihoe:
\v 36 “Mpampianatse ia ro bey loatse amy ty lily eo amy ty lalàgna?”
\p
\v 37 Nitsara tamine Jesosy tihoe: “Teavo amy ty arofonareo iaby, amy tyt fagnahinareo iaby, vaho amy ty sainareo iaby ty Tompo Andragnaharenareo.'
\v 38 Zay ro lily bey naho voalohane.
\v 39 Vaho ty lily faharoe le manahake zay avao: 'Teavo ty tana-raike aminareo manahake ty vatanareo.'
\v 40 May reo lily roe reo ro iankina ty lalàgna iaby naho reo mpitoke.”
\p
\v 41 Vaho laha mboe niara-nikamba reo Fariseo, le nametra-pagnontanea aiareo Jesosy.
\v 42 nanao tihoe Re: “Ino ro sarifinareo mikasike nadre Kristy? Anandahin'ia Reke?” Nitsara reo tihoe: “Anandahyndre Davida.”
\p
\v 43 Nanao tihoe Jesosy tamy iareo: “Nanao akore vaho Davida mitoboke ao amy ty Fagnahy ro mikaike Aze tihoe Tompo, manao tihoe:
\v 44 'Ty tompo nitsara tamy ty Tompoko tihoe: “Mitoboha eo amy ty tagna ankavanako, mandra-panaovako ty fahavalonao ho fitobohan-tombonao?'
\v 45 Laha Davida kea mikaike andre Kristy tihoe: 'Tompo,' Le nanao akore ro maha-ana ndre Davida Aze?”
\v 46 Tsy nisy nahavale AZe tamy ty tsara, vaho tsy nidy ndaty nahasake nametra-pagnontanea hafa sase nanomboke tamy zay andro zay.
\c 23
\cl Toko 23
\p
\v 1 Vaho Nitsara tamy reo vahoakew naho reo mpianane.
\v 2 Nanao tihoe Re: “Reo mpanora-dalagna naho fariseo le mitoboke eo amy ty fitoboha ndre MOsesy.'
\v 3 Noho zay na ino na ino handilia iareo anareo hanoe, le ataovo regny raraha regny le mitoa aireo. Te ko tahafe ty asa iareo, satria iareo le mitsara raraha feie bak'eo tsy mamboatse zay.
\v 4 Eka, fatora iareo ty enta-mavesatse ze sarotse andese, vaho bak'eo le ampo iareo eo amy ty soro ty ndaty. Te tsy hagnetsike ty rambon-tagna raeke akore ty vata iareo soa handay aiereo.
\v 5 Manao ty asane iabt aireo soa ho hisa ty ndaty. Te atao iareo malalake ty filakiterane, vaho tohiza iareo ty sisin'akanjone.
\v 6 Tea iareo ty toera ty manan-kase agne amy ty fagnasa naho ty toera ty bey ao amy ty synagoga,
\v 7 naho ty fiarahaba miavake egne an-tsena, vaho soa ho kaihy ty ndaty tihoe: 'Raby.'
\v 8 Te nareo tsy azo kaihe tihoe: 'Raby', te rake avao ty mpampianatsinareo vaho mpirahalahy nareo iaby.
\v 9 Vaho ko mikaike ty ndaty etoy an-tane tihoe babanareo, te raike avao ty Babanareo, vaho Reke le agne an-dagnitse.
\v 10 Nareo ko mete kaihy tihoe: 'Mpampianatse', te rake avao ty mpampianatsinareo, le re Kristy.
\v 11 Te ze bey loatse aminareo ro ho mpiasanareo.
\v 12 Na ia na ia magnambone tegna le ambane, vaho na ia na ia magnambane tegna le hasondrotse.
\p
\v 13 Te lozanareo, mpanora-dalagna naho fariseo, mpihatsaravelatsihy! Te ahilinareo amy ty ndaty ty fanjaka ty lagnitse. Te nareo tsy mampizilike ty vatanareo, vaho tsy amponareo reo ze mipay hizilike.
\v 14
\f + \ft Fagnamariha: ty kombognan-taratasy taolo le tsy ahisaha ty fehezantene tihoe: 'Te lonareo mpanoran-dalàgna naho ty fariseo, mpihatsaravelatsuhy! Te mandane ty tragno ty vantotse, vaho manao vavaka lava nareo. Noho zay le hahazo fagnameloha bey nareo.' \f*
\p
\v 15 Lozanareo mpanoran-dalàgna naho fariseo, mpihatsaravelatihy! Te mandeha magnorike ty ranomasy naho ty tane nareo soa hampiova arofo ty ndaty raeke, vaho lafa miova re, le ataonareo ty ana ty helo ambo roe mihoatse noho nareo re.
\p
\v 16 Lozanareo, ry mpitarike goa, nareo ze mitalily tihoe: Na ia na ia mifanta amy ty tempoly, le tsy misy dikane zay. Te na ia na ia mifanta amy ty volamena ty tempoly, le vaorohy ty fifantane re.'
\v 17 Nareo goa adala! Ia ro bey vatane, ty volamena sa ty tempoly ze manao ty volamena ho masy?
\v 18 Vaho, 'Na ia na ia mifanta amy ty alitara, le tsy misy dikane zay. Te na ia na ia mifanta amy ty fagnatitse ze ao ambone zay, le voarohy ty fifantane re.'
\v 19 Nareo ndaty goa! ia ro bey vatane, ty fagnatiste sa ty alitara ze manao ty fagnatitse ho masy?
\v 20 Noho zay, ze mifanta amy ty alitara, le mifanta amy zay naho amy ty raraha iaby eo ambonine.
\v 21 Ty raeke ze mifantaamy ty tempoly, le mifanta amy zay naho amy ze mitoboke ao amine,
\v 22 vaho raike ze mifanta amy lagnitse, le mifanta amy ty seza fiankina ty Andragnahare naho amine ze mitoboke eo ambone zay.
\p
\v 23 Lozanareo, ry mpanora-dalàgna naho fariseo, mpihatsaravekatsihy! Te mandoa ty fahafolo ty solila naho aneta vaho komina nareo, te nareo le tsy nagnina ty raraha mavesa-danja loatse amy ty lalàgna le ty hitine naho ty famindragn'arofo vaho ty finoa. Te reo ro tokone nataonareo vaho tsy tokone naponareo ho tsy vita ty raeke hafa.
\v 24 Nareo ty mpitarike goa, nareo ze maniva ty lalitse nefa mitele rameva!
\p
\v 25 Loza ho anareo, mpanora-dalàgna naho fariseo, mpihatsaravelatsihy! Te sasanareo ty amabaliky ty kapoake naho ty finga, nefa ty ao agnatine le feno fagniria naho fila.
\v 26 Nareo fariseo goa! Sasao aloha ty alo ampo ty kapoake naho ty finga soa ho lasa malio avao kea ty ambalikine.
\p
\v 27 Loza ho anareo, ry mpanora-dalàgna naho fariseo, mpiahatsaravelatsihy! Te nareo le manahake ty valavato voalalotse foty; ze soa ambalike, te ty ao ampone kea le feno ty taolampate naho ty loto iaby.
\v 28 Manahake zay avao kea, etoy ambalikine nareo miseho ho marene eo amy ty ndaty, nefa aoa amponareo le feno fihatsaram-belatsihy naho heloke.
\p
\v 29 Loza ho anareo, mpanora-dalàgna naho fariseo, mpihatsaravelatihy! Te magnory ty valavota ty mpitoke nareo vaho mampimpoze ty valavoto ty ndaty to.
\v 30 Nanao tihoe nareo: 'Laha niay tamy ty andro ty razambeitika tika, le tsy ho nandrambe anjara niarake tamy iareo tamy ty fandatsaha ty lio ty mpitoky tika.'
\v 31 NOho zay le mitsanga vavolombelo amy ty vatanareo nareo te anagny reo ze namono ty mpitoke
\v 32 Nareo avao kea le nahafeno ty faharatiagny reo razambeinareo.
\v 33 Nareo bibilava, nareo taranake ty menara, nanao akore ro hilaisanareo ty fagnameloha ho agny amy ty helo?
\v 34 Noho zay, ingo, magnirake mpitoke naho ndaty matotse vaho mpanora-dalàgna ho anareo Raho. Ty ilane amy iareo le ho vonoanareo naho fatsihinarei; vaho ty ilane ho fofohinareo ao amy ty synagoganareo vaho handroake aze hiala ao na-tanà.
\v 35 ty vokatsy zay le hagnozo anareo ty lio marene iaby ze napoke teto an-tane, nanomboke tamy ty lio ndre Abela marene, le hatramy ty lio ndre Zakaria ana ndre Barakia, ze nivonoanareo teo agnelagnela ty fitoera masy naho Alitara.
\v 36 Ataliliko marene aminareo, te ty raraha iaby le ho avy amy toy taranake toy.
\p
\v 37 Jerosalema, Jerosalema, rihoa ze mamono ty mpitoke naho mitorake vato ze irahy ho aminao! Impiry Raho ro magniry ty hamory anagnao miarake, manahake ty akoho vave raike mamory ty akoho kele ao ambane elane, nefa tsy nete nareo!
\v 38 Ingo, ty tragnonareo ro ampoke ty hisy ho anaoreo.
\v 39 Te ataliliko aminareo, hatramy zao tsy hahisake Ahike vatane nareo zisikim-pitalilinareo tihoe: 'Isaora vatane ze bak'amy ty agnara ty Tompo.”'
\c 24
\cl Toko 24
\p
\v 1 Niboake ty tempoly Jesosy vaho lasa nandeha, namonje Aze reo mpianane soa hatoro Aze ty rafitsy ty tempole.
\v 2 Feie namale Re vaho nitsara tamy iareo tihoe: “Tsy hisanareo vao reo raraha iaby reo? Talilieko aminareo, tsy vato ho tavela amy ty raeke hafa ze tsy haravà
\p
\v 3 Laha nitoboke teo ambone vohits'Oliva Reke, le namonje Aze mangingike reo mpianane vaho nitsara tihoe: “Talilo anay, ombia reo raraha iaby reo ro hiseho? Ino ro famantara ty fiavianao naho ty fara-andro?”
\p
\v 4 Namale Jesosy vaho nitsara aiereo tihoe: “Mitao soa tsy hisy hamitake anareo.”
\v 5 Te ho lahiale ty ho avy amy ty agnarako. Vaho hitsara iareo tihoe: 'Raho ro Kristy,' vaho lahiale ro ho voafitake.
\v 6 Hahare aly naho talily aly nareo. mitao soa tsy hitebiteby nareo, te tsy maintse hiseho zay raraha iaby zay; nefa tsy mboe avy ty farane.
\v 7 Te hisy firenena hitsanga hanohitse firenena vaho fanjaka hanohitse fanjaka. Hisy kere naho horohoron-tane amy ty toera samihafa.
\v 8 Nefa zay raraha iaby zay le fiandoha ty fanaintay ty fiteraha avao.
\p
\v 9 Le hamea iareo ho amy ty fahoria nareo vaho ho vonoane. Ho heje ty firenena iaby nareo noho ty agnarako.
\v 10 Vaho maro ty ho lavo, vaho hifamalike naho hifankahala ty tsikiraikiraeke.
\v 11 Mpitoke sandoke lahiale ro hitsanga le hamitake ndaty maro.
\v 12 Satria ty faharatea le hitombo, vaho hihanitsy ty fitiava ty maro.
\v 13 Te iaze raeke ze miharitse hatramy ty farane le ho voavonje.
\v 14 Toy filantsara ty fanjaka toy le ho hatalily feno zao tontolo zao ho vavolombelo amy ty firenena iaby. Bak'eo le ho avy ty farane.
\p
\v 15 Noho zay, laha mahisake ty fahavetaveta ty fandrava nareo zenitalily ndre Daniela mpitoke, le hitsanga eo amy ty toera Masy nareo" (lonike ty mpamaky hahatakatse),
\v 16 “Lonike reo ze agne Jodia hilay ho agny ambone vohitse,
\v 17 lonike ze ambony ty tragno tsy hizotso hangalake raraha bak'ao an-tragnone,
\v 18 vaho lonike ze agne am-baibo tsy himpoly hangalake ty lambane.
\v 19 Te loza ho ahy reo bevohoka naho mampinono amy zay andro zay!
\v 20 Mivavaha a soa tsy ho amy ty ririny na amy ty Sabata ho hiseho ty filaisanreo.
\v 21 Te hsy fahoria bey, ze tsy mboe nisy manahake zay nanomboke am-piandoha zao tontolo zao zisik'amy henanezao, aha, vaho tsy hisy sasa.
\v 22 Laha tsy amborimbory reo andro reo, le tsy hisy nofo ho vonje. Te noho ty ndaty voa file, le hafohesy reo andro reo.
\p
\v 23 Te laha misy ndaty mitsara anareo tihoe: 'Ingo, toy iaze Kristy' na, indroy iaze Kristy' le ko mino zay.
\v 24 Te ty kristy sandoke naho ty mpitoke sandoke le ho ave vaho hampieseho fahamatara bey naho raraha-mahavere, soa hamitake, laha azo atao, eke te na reo ndaty voafile kea.
\v 25 Indro, fa nitalilieko anareo mialoha ty fotoa.
\v 26 Noho zay, laha mitsara anareo iareo tihoe: 'Ingo, agne amy ty tane tsy misy raraha re,' le ko mandeha agne amy ty tane tsy raraha. na tihoe 'Ingo agne ampo efitragno re' le ko mino zay.
\v 27 Te manahake ty hotroke ze mitselatse bak'agne antignana le mazava hatragne andrefa, le manahake zay ty fihavia ty Anagn'Ondaty.
\v 28 Na ia na ia misy biby mate, le agne ro hiangona ty voltora.
\p
\v 29 Vaho laha vao afake ty fahoria amy reo andro reo le ho maike ty masoandro, tsy hagnome ty hazavane ty vola, hipoke bak'agne an-dagnitse ty vasia, vaho hihozohozo ty here ty lagnitse.
\v 30 Bak'eo hiboake egny amy ty lagnitse ty famantara ty Anagn'Ondaty, vaho ty foko iaby ambone ty tane hisao. Hahisake ty Anagn'Ondaty avy amy ty hiboky ty lagnitse miarake amy ty here naho hasy bey Iareo.
\v 31 Handefa reo anjeline Reke miarake amy ty feo trompetra mafe, vaho hamory ty olom-boafiline bak'agne amy vazan-tane efatse iareo, manomboke amy ty fory ty lagnitse le hatragne amy ty hafa.
\p
\v 32 Mianara ty leso bak'amy ty aviave. Laha vantane vao matoe ty ratsane vaho mamoake ty ravine, le hainareo te mariny ty fahavaratsse.
\v 33 Manahake zay avao ke, laha mahisake zay raraha iaby zay nareo, le tokone ho hainareo te famarine Re, eo amy reo vavahade vatane.
\v 34 Talilieko marene aminareo, te tsy ho lane toy taranake toy mandra-pisehoa zay iaby zay.
\v 35 Tsy hisy sase ty lagnitse naho ty tane, te ty tsarako le tsy ho rava zisikam-parane.
\p
\v 36 Kanefa ty mikasike zay andro naho lera zay le tsy misy mahalala, na ty Anjele ty lagnitse kea, na ty Anandahy, te ty Baba avao.
\v 37 Manahake ty andro ndre Noa, le manahake zay avao kea ty fihavia ty Anagn'Ondaty.
\v 38 Te manahake tamy reo andro mialoha ty safo-drano le nihina naho nino iareo, nanambaly naho nala vale mandra-piavia iaze andro niziliha ndre Noa tao ampo iaze sambo fiara,
\v 39 vaho tsy nahay na ino na ino iareo mandra-piavaia ty safon-dranole nandrava aze iaby- le manahake zay ty fihavia ty Anagn'Ondaty.
\v 40 Bak'eo hisy lehilahy roe egne am-baibo ty raike ho rambese, vaho ty raeke hapoke.
\v 41 Ampela roe ro handisa vare- ty raike ho rambesa, vaho ty raeke hapoke.
\v 42 Noho zay le miambena, te tsy hainareo ze andro hiavia ty Tomponareo.
\v 43 Te fantaro zao, laha hay ty tompon-tragno tihoe amy firy halike ro hiavia ty mpangalatse, le ho niamby re vaho tsy nagnenga ty tragnone ho vake.
\v 44 Noho zay le tsy maintse mivonogne avao kea nareo, te ho avy ty Anagn'Ondaty amy ty lera tsy ambinareo.
\p
\v 45 Kea ia moa iaze mpiasa azo antoke naho hendre ze nitendre ty tompone hanapake ty hasaveregnane soa hagnomeza aiero ty mahatajake iareo amy ty fotoa mete?
\v 46 Vototse zay mpiasa zay ze hisa ty Tompone te manao zay lafa avy reke.
\v 47 Taliliko marene aminareo te ty tompone ro hanapake aze ho ambone ty raraha iaby ze agnane.
\v 48 Te laha misy mpiasa rate mitsara ao agn'arofone tihoe: 'Ela fiave ty tompoko',
\v 49 le manomboke mamono reo manompo namane, naho mitava vaho misotro miarake amy reo mpimamo;
\v 50 le ho avy ty tompo iaze mpiasa amy ty lera ze tsy haine.
\v 51 Le ho tapatapahy ty tompone re vaho hataone manahake ty ahy reo mpihatsaravelatsy ty najarane, ze hisy ty fitomagnia naho ty fangotoha-nife.
\c 25
\cl Toko 25
\p
\v 1 ty fanjaka ty lagnitse le manahake ty ampela tsy mahasaky kahy folo ze nangalake ty jirone la nandeha nifamonje tamy ty mpangalake.
\v 2 Biloka ty limy tamy iareo te ty lime kea le hendre.
\v 3 Vaho lafa nanday reo jirone reo ampela tsy mahasake lahy biloke, le tsy nanday menake niarake tamine.
\v 4 Te reo ampela tsy mahasake lahy hendre kea le nanday fagnanjaria menake niarake tamy ty jirone.
\v 5 Vaho laha tara ty mpangalake, le tandregna iareo aiaby le natory.
\p
\v 6 Te tamy ty vakimira haly le nisy nikaike mafe tihoe: “Ingo, ty mpangalake! miboaha soa hiaogne amine.”
\v 7 Bak'eo niare reo ampelatsy mahasake lahy iaby le nikarakara ty jirone.
\p
\v 8 Nanao tihoe iareo biloka tamy reo hendre tihoe: “Omeo vakine amy ty manekareo zahay te fahomaty ty jironay.
\v 9 Te namale reo hendre le nitsara tihoe: “Tsy no tsy ho ampe ho anay naho anareo, te mandena kea agne amy reo mpivarotse le mivilia ho ahy ty vatanareo.”
\v 10 laha mandeha nivily iareo, le avy ty mpangalake, vaho ze fa vonogne le niarake nandeha tamine ho ao amy ty havoriam-panambalia, le nihile ty vavahade.
\p
\v 11 lafa afake zay le avy avao kea reo ampela tsy mahasake lahy sasane le nitsara tihoe: 'Tompoko, tompoko, soa vohao zahay.'
\v 12 Te namale re le nitsara tihoe: 'Ataliliko marene aminareo, tsy mahay anareo raho.'
\p
\v 13 Kea noho zay miambena, te tsy hainareo ty andro na ty lera.
\p
\v 14 Te zay le manahake ty lehilahy raike ze handeha ho agne amy ty firenen-kafa. Nikaike ty mpiasane re le nampitanjake aiereo ty fanagnane.
\v 15 Ty raike tamy iareo nameane talenta limy ty raike hafa nomeane roe, vaho ty raike hafa kea nomeane talenta raeke. Ty kiraikiraike le sambe nahazo talenta arake ze fahaizane iaby, vaho nandeha tamy ty liane reo lehilahy reo.
\v 16 Ty raeke ze nahazo talenta liomy le niala teo noho eo le nampiasa aiereo vaho nahazo talenta lime hafa.
\v 17 manahake zay kea iaze raeke ze nahazo roe hafa.
\v 18 te iaze mpiasa raeke ze nahazo talenta raeke kea, nandeha le nialy lavake tamy ty tane, vaho nandeve ty drala ty tompone.
\p
\v 19 Vaho tafara ty fotoa ela le nimpole ty tompo reo mpiasa reo vaho nandamin-draha tamy iareo.
\v 20 Nizilike iaze mpiasa ze nahazo talenta limy ro sade nanday talenta lime hafa. Nanao tihoe re: “Tompoko, nameanao talenta limy raho. Ingo nisy tombone talenta lime raho.”
\p
\v 21 Nanao tihoe ty tompone tamine: “Soa zay, mpiasa soa sade azo antoke! Azo antoke tamy ty raraha kelekele riha. Raho hampitanjake anao amy ty raraha maro. miziliha amy ty fifalea ty tomponao.”
\p
\v 22 Iaze mpiasa ze nahazo talenta roe le namonje naho nitsara tihoe: “Tompoko, nameanao talenta roe raho, ingo, nisy tombone talenta roe hafa raho.”
\p
\v 23 NItsara aze ty tompone tihoe: 'Soa zay, mpiasa soa sade azo antoke! Azo antoke tamy ty raraha kelekele riha. Raho hampitanjake anao amy ty raraha maro. Miziliha amy ty fifalea ty tomponao.'
\p
\v 24 Bak'eo iaze mpiasa ze nahazo talenta raeke namonje ro sade nitsara tihoe: “Tompoko, haiko te lehilahy sarotine hianao. Magnombotse egne amy ze tsy nitongisanao rihe, ro sade mamory vokatse egne amy ze tsy namboleanao.
\v 25 Natahotse raho, le nandeha vaho namine ty talentanai tao ampo ty tane. vambao, ingo ze anao.”
\p
\v 26 Vaho namale aze ty tompone le nanao tamine tihoe: 'Iriha mpiasa rate sady malay, hainao te raho le magnombotse egne amy ze tsy nitongisako naho mamory vokatse egne amy ze tsy namboleako.
\v 27 Noho zay le tokone nameanao ty mpagnanjan-drala ty dralako, le lafa nimpoly raho le nandrambe ty ahike miarake amy ty tombone.
\v 28 Noho zay alao agne amine ty talenta vaho omeo ho ahy iaze mpiasa ze mana talenta folo zay.
\v 29 Te ze iaby mana le hamea bey vatane mihoatse lavitse kea. Te ho ahy reo ze tsy mana ino na ino kea, na ze hanagnane kea le hafaha amine.
\v 30 Ario agne amy ty maike agne ambalike ty mpiasa tsy maeva, agne ro misy ty fitomagnia naho ty fagnohotsoha-nife.
\p
\v 31 Lafa avy amy ty hasine ty Anagn'Ondaty naho ty anjele iaby miarake amine, le hitoboke eo amy try seza fiankina ty hasine Re.
\v 32 Vaho ty firenena iaby le havore eo agnatrehane, vaho hagnavake ty ndaty raeke amy raeke hafa Re, manahake ty mpiambe aondre amy ty aose.
\v 33 Hametrake ty aondry ho eo ankavanane re, te ty aose eo agnilane.
\p
\v 34 Vaho ty mpanjaka hitsara amy rei ze eo an-tagna an-kavanane tihoe: 'Avia, nareo ze nitahy ty Raeko, mandovà ty fanjaka ze fa voahoma ho anareo nanomboke ty nagnoregna ahy zao tontolo zao.
\v 35 Te kere Raho le nameanareo mahatanjake; tahinondrano Raho le nameanareo hinomy; nibahine Raho le nampandroanareo;
\v 36 tsy nisiky Raho le nampisikinareo; narare Raho nikarakaranareo; vaho tagne ampingandra Raho le nandeha agne Amiko nareo.'
\p
\v 37 Vaho reo marene le hamale naho hitsara tihoe: 'Tompo, ombia zahay ro nahisake Anao kere le namaha Anao? Na tahinondrano le nampinominay?
\v 38 Ombia Iriha ro hisanay nimbahine le nampandrosoinay? Na tsy nisiky le nampisikininay?
\v 39 Ombia zahay ro nahisake Anao narare na tagne am-pingandra le nandeha agne aminao?
\p
\v 40 Vaho ty Mpanjaka namale le nitsara aiereo tihoe: 'Talilieko marine aminareo, ze nataonareo tamy regne rahalahiko kele loatse regny, le nataonareo tamiko.'
\p
\v 41 Vaho re hitalily amy reo ze eo ankaviane tihoe: “Mialà amiko, Nareo ze voahozo, ho agne amy ty afo mirehitse zisikam-parane ze fa voahoma ho ahy ty devole naho reo anjeline,
\v 42 satria kere Raho, te tsy nameanareo mahatanjake; tahindrano Raho, te tsy nameanareo hinome;
\v 43 bahine raho, te tsy nampandrosoanareo; tsy nisiky Raho, nefa tsy nampisikininareo; narare naho tao am-pingandra Raho, te tsy nikarakarainareo.'
\p
\v 44 Vaho le hamale kea iareo le hitsara tihoe: 'Tompo! Ombia zahay ro nahisake Anao kere, na tahinondrano, na nimbahine, na tsy nisike, na narare, na tane am-pingandra, le tsy nanompo Anao?
\p
\v 45 Vaho Reke hamale aiereo le hitsara tihoe: 'Ataliliko marene aminareo, te ze tsy nataonareo tamy raeke tamy reo milinke reo, le tsy nataonareo tamiko.'
\p
\v 46 Reo le halefa ho ao amy ty fagnasazia zisikam-parane te reo kea ao amy ty fiaigna zisikam-parane.”
\c 26
\cl Toko 26
\p
\v 1 Lafa vita ndre Jesosy zay tsara iaby zay, le nitsara tamy reo mpianane Re tihoe:
\v 2 “Hainareo te afake roe andro le ho avy ty Paska, vaho hagnaomey hamatsiha amy ty hazofijalea ty Anagn'Ondaty.”
\p
\v 3 Bak'eo ty bey ty mpisoro naho ty ndaty bey niarake nivore tao amy ty lapa ty mpisoro-bey, ze kinaike tihoe Kaiafa.
\v 4 Niarake nanao tetike iareo soa hisambora mangiky ahy ndre Jesosy vaho hamono Aze.
\v 5 Te nanao tihoe iareo: “Tsy amy ty fete, soa tsy hisia ty koronta eo amy ty ndaty.”
\p
\v 6 Vaho Jesosy lafa tao Betania tao an-tragno ndre Simona angamay,
\v 7 laha nitoboke nitava teo amy ty latabatse, le nisy ampela raeke nana tavoara alabastara feno menake lafo vily namonje Aze, le nangnily zane tamy ty lohane.
\v 8 Te lafa hisa reo mpianane zay, le nasiake iareo le nanao tihoe: “Ino ro antony zao fandania zao?
\v 9 Afake namile lafo vaho nomene reo mijale io.”
\p
\v 10 Te Jesosy, nahazay zay, nitsara aiereo tihoe: “Nanao akore nareo ro manahiran-tsay amin'ampela? Te raraha soa ro nataone tamiko.
\v 11 Eo aminareo zisikam-parane ty mijale te Iraho le tsy ho eo aminareo zisikam-parane.
\v 12 Te laha nagnily zay menake magnitse zay tamy ty vatako re, le nataone ho ahy ty fandevegna Ahike zay.
\v 13 Ataliliko marene aminareo, na aia na aia hitoria ty filazantsara eto amy zao tontolo iaby zao, ze natao toy ampela toy le hatalily avao kea ho fahatiarova aze.”
\p
\v 14 Bakeo raike tamy reo folo roe amby ze kinake tihoe Jodasy Iskariota, nandeha agne amy ty bey ty mpisoro,
\v 15 vaho nanao tihoe: “Omeanareo otrino raho hagnomezako Azew aminareo?” Nandanja volafoty malinike telopolo iareo ho aze.
\v 16 Tamy zay fotoa zay le nipay fahafaha re soa hagnomea Aze amy iareo.
\p
\v 17 Tamy ty andro voalohane ty mofo tsy lalivay le namonje andre Jesosy reo mpianatse le nitsara tihoe: “Aia ro teanao hagnomanay ho anay hitava ty mahatanjake ty paske?”
\p
\v 18 Namale Re tihoe: “Miziliha ao an-tanà misy lehilahy raeke vaho talilio re tihoe: 'Nanao tihoe ty mpampianatse tihoe: “Fa marinike ty fotoako. Ato an-tagnonao Raho ro hanao ty paske miarake amy reo mpianatsiko.”
\v 19 Natao reo mpianatse arake ze nandilia ndre Jesosy zay, vaho nagnoma ty mahatanja ty paska iareo.
\p
\v 20 lafa avy ty hariva, le nitoboke nitava niarake tamy ty mpianatse folo roa ambe Reke.
\v 21 Lafa nihina iareo, le nanao tihoe Re: “Ataliliko marene aminareo te hisy raeke aminareo hivadike ahike.”
\p
\v 22 Nalahelo iareo vaho nanomboke nagnontane Aze ty tsikiraikiraike tihoe: “Tsy ho raho avao, Tompo?”
\p
\v 23 Namale Re tihoe: “Ze niara-mampijo ty tagnane tamiko tao ampo ty finga ro iaze hamadike Ahike.
\v 24 Handeha ty Anagn'Ondaty, arake ze fa voasoratse mikasike Aze. Nefa loza ty ndaty ze hamadike ty Anagn'Ondaty! Soa loatse ho ahy zay ndaty zay ro tsy terake.”
\v 25 Jodasy, ze hamadike Aze nitsara tihoe: “Iraho vao zane, Tompo o?” Nanao tihoe Reke tamine: “Hainao soa.”
\p
\v 26 laha mboe nitava iareo, le nangalake ty mofo Jesosy, nisaotse, vaho nanapake zay, Nomeine reo mpianatse zay vaho nitsar tihoe: “Rambeso, hano. Toy ro vatako.”
\v 27 Nandrambe ty kapoake Re vaho nisaotse, vaho nagnome zay aireo le nitsara tihoe: “Nareo iaby, inomo toy.
\v 28 Te toy ty lio ty fagnekem-pilongoa alatsake ho ahy ty maro famelan-keloke.
\v 29 Te talilieko aminareo, te tsy hino ty vokatse ty voaloboke sase Raho, zisikim-piavia ty finoma vaoavao hiarahoko aminareo agne amy ty fanjaka ty Babako.”
\p
\v 30 Lafa niantsa hiantsa fiantsa iareo, le nandeha tagne amy ty vohitse ndre Oliva.
\p
\v 31 Bak'eo nanao tihoe Jesosy tamy iareo: “Nareo iaby le hagnenga Ahike noho ty amiko haliky zao, te voasoratse tihoe: 'Hamofoke ty mpiandre aondry Raho le hioaritake ty aondre.'
\v 32 Te afara ty fitsanganako amy ty mate, le hiaolo lala anareo agne Galilia.
\p
\v 33 Te Petera nanao tamine tihoe: “Na hagnenga noho ty aminao kea ty iaby, raho tsy hagnenga anao zao.”
\p
\v 34 Nanao tihoe Jesosy tamine: “Ambarako marene aminao, te anio halike laha mbo tsy magneno akoho, le handà Ahike intelo riha.”
\p
\v 35 Petea nitsara tamine tihoe: “Na le tsy maintse ho mate miarake aminao raho, le tsy handà anao.”
\p
\v 36 Vaho Jesosy nandeha nirake tamy iareo nandeha amy ty toera kaihe tihoe Getsemane vaho nitalily tamy ty mpianane tihoe: “Mitoboha eto laha mbo handeha eroy hivavake Raho.”
\v 37 Nanday ahy ndre Peteraa miarake amy ty andre Zebedio roe lahy Re vaho nanomboke nalahelo naho mijale.
\v 38 Bak'eo nanao tihoe Re tamy iareo: “Mijake ty fagnahiko, manahake ty fa ho mate. Mitoboha etoa vaho miambane miarake amiko.”
\v 39 Niale kele Reke, nihohoke vaho nivavake. Nanao tihoe: “Babako, laha azo anoe, le lonike afaha amiko toy kapoake toy. Feie lonike tsy arake ty teako, te ty teanao.”
\v 40 Namonje reo mpianatse Re vaho nahisake aiereo ny azo tore, le nanao tihoe Re tamy ndre Petera tihoe: “Ino, tsy mahavita miambe miarake amiko na le lera raike vao nareo?
\v 41 Miambe vaho mivavah soa tsy ho azo ty fagalam-pgnahy nareo. Mete avao ty fagnahy, te ty nofotse ro maleme.”
\p
\v 42 Mboe nandeha fagnindroane reke vaho nivavake. nanao thoe: “Babako, laha ohatse tsy azo afaha amiko toy raha tsy mino raho, le ho atao vatane ty teanao.”
\p
\v 43 Nimpole ndraeke Reke vaho mboe nahisake aiereo natory, te navesatse ty maso iareo.
\v 44 Le nagnenga aiereo ndreke Re, lasa vaho nivavake fagnintelone, nitalily reo tsara reo avao.
\v 45 Bak'eo Jesosy namonje reo mpianatse le nanao tihoe tamy iareo: “Mboe matory naho mitofa vao nareo? Vambao famarine ty lera, vaho ty Angn'Ondaty le homea eo an-tagna reo mpanao rate.
\v 46 Mitsangà, ndao tika. Vambao, fa marinike iaze hamadike Ahike.”
\p
\v 47 Laha mboe nitsara Re, le avy Jodasy, raek amy reo folo roa ambe. Nisy vahoake maro avy niarake tamine bak'amy ty bey ty mpisoro naho reo ndaty bey. Avy niarake tamy ty mesa bey naho langilangy iareo.
\v 48 Vaho nagnome famantara aiereo iaze lehilahy hamadike ahy ndre Jesosy, manao tihoe: “Ze horofako, ro Reke. Samboro Reke.”
\v 49 Teo ho eoavao le namonje ahy ndre Jesosy re vaho nitsara tihoe: “Salame, Raby!” Vaho nagnoroke AZe re.
\p
\v 50 Nanao tihoe Jesosy tamine: “Ragnitse, ataovo ze lianao etoa.” bak'eo avy iareo, nagnenja tagna tamy ndre Jesosy, vaho nisambotse AZe.
\v 51 Ingo, raeke tamy rei niarake tamy ndre Jesosy nagnenja ty tagnane, nampitsoake ty masane, nanapake ty mpiasa ty mpisoro be, vaho nahafake ty sofine.
\v 52 Bak'eo nanao tihoe Jesosy tamine: “Ampolio amy ty toerane ty mesonao, te reo ze mandrambe meso le ho vonoa amy mesa.
\v 53 Mieritseritse vao nareo te tsy afake mikake ty Babako Raho, vaho Reke le afake mandefa ho Ahike maramila anjele mihoatse noho ty folo roe ambe?
\v 54 Te atao akore zay ro hahatanterake ty Soratse Masy, ze mitalily te tsy maintse hiseho zay?”
\p
\v 55 Tamy zay andro zay Jesosy nitsara tamy ty vahoake tihoe: “Avy miarake amy ty meso bey naho langilangy hisambotse Ahike manahake ty malaso vao nareo? San'andro le nitoboke nampianatse teo amy ty tempoly Raho, te tsy nisamborinareo.
\v 56 Te zay iaby zay le niseho soa hahatanterake ze voasatsy reo mpitoke.” Bakeo nagnenga Aze reo mpianatse iaby le nilay.
\p
\v 57 Nandesy reo nisambotse Aze tagne amy ndre Kaiafa mpisorobey Jesosy, ze nivoria reo mpanora-dalàgna naho ndaty bey.
\v 58 Te Petea nagnarake Aze bak'egne lavitse nandeha agne amy ty kianja ty mpisorobey. Nizileke tao ampone re vaho nitoboke niarake tamy reo mpiandre raraha soa hahisake ze hiafarane.
\p
\v 59 Vaho reo bey ty mpisoro naho reo Synedriona iaby nipay fitana tsy to manohitse ahy ndre Jesosy, soa mete ahafaha iareo mamono Aze.
\v 60 Tsy nahisake na ino na ino iareo, na le nisy mitsanga vavolombelo maro tsy to avy teo. Vaho kelekele bak'eo le nisy roe avy namonje teo
\v 61 vaho nitsara tihoe: “Io lehilahy io le nisara tihoe: 'Afake mandrava ty Tempoly ty Andragnahare Raho vaho mananga zay ndraeke afake telo andro.'”
\p
\v 62 Nitsanga iaze mpisorobey le nanao tihoe tamine: “tsy manan-kavale vao Riha? Ino zay hitanjaha iareo Anao zay?
\v 63 Te nitsy Jesosy. Nanao tihoe ty mpisorobey tamine: “Mandily Anao amy ty alala ty Andragnahare velo raho, talilio aminay laha Riha ro Kristy, Anak'Andragnahare.”
\p
\v 64 Jesosy namale aze tihoe: “hainao soa. Te talilieko aminareo, manomboke zao le ho hisanareo ty Anagn'Ondaty hitoboke eo an-tagna ankavana ty Here, vaho avy eo amy ty hiboke ty lagnitse.”
\p
\v 65 Bak'eo ty mpisorobey nanantake ty ankajone vaho nitalily tihoe: “Nitsara rate Re! Nanao akore tika ro mboe mipay mpijoro vavolombelo? Ingo, henonareo ty tsara rate zao.
\v 66 Ino ro hevinareo?” Namale iareo vaho nanao tihoe: “Maeva ty ho mate Re.”
\v 67 Bak'eo iareo nandora ty vatane naho namofoke Aze, vaho namofoko tampifemaeke Aze,
\v 68 vaho nanao tihoe: “Mitokia aminay Kristy. Ia ro namofoke Anao?”
\p
\v 69 Vaho Petera nitoboke ambalike ty kainja, vaho nnisy mpiasa ampela avy namonje aze nitsara tihoe: “Riha avao kea le niarake tamy ndre Jesosy ty Galilia.”
\p
\v 70 Te nagnina zay teo agnoloa iareo re, manao tihoe: “Tsy hainao ze resahinareo.”
\p
\v 71 Lafa niboake ty vavahade re, le nisy mpiasa ampela hafa nahisake aze vaho nitsara tamy reo ze teo tihoe: “Toy lehilahy toy avao kea le nirake tamy ndre Jesosy bak'agne Nazareta,"
\p
\v 72 Mboe nandà ndraeke re niarake tamy ty fifanta tihoe: “Tsy hainao zay lehilahy zay!”
\p
\v 73 Lafa afake kelekele le namonje ze nitsanga teo vaho nitsara tamy ndre Petera tihoe: “Riha avao kea le vatane raeke amy iareo, te ty fomba fitsaranao le fitanjaha anao.”
\p
\v 74 Bak'eo re nanomboke nagnozo naho nifanta le tihoe: “Tsy haiko zay lehilahy zay.” Vaho teo ro eo le nagneno ty akoho.
\p
\v 75 Tiaro ndre Petera ty tsara nambara ndre Jesosy tihoe: “Mboe tsy magneno akoho le handà Ahike intelo riha.” Bak'eo re niboake vaho nitomagny mafe.
\c 27
\cl Toko 27
\p
\v 1 Vaho lafa avy ty marene, le nitetike hanohitse ahy ndre Jesosy soa hamono Aze reo bey ty mpisoro naho ndaty bey iaby.
\v 2 Iareo nandrohy Aze, nitarike Aze tagne ambalike, vaho nagnomey aze tamy ndre Pilato governora.
\p
\v 3 Vaho Jodasy, iaze namadike Aze, vaho nahisake te voaheloke Jesosy, le nifona re vaho nampimpoly reo volafoty telopolo tamy reo bey ty mpisoro naho reo ndaty bey,
\p
\v 4 vaho nitsara tihoe: “Nanao rate raho tamy ty namadihako lio tsy misy tsikone.” Te iareo nitsara tihoe: “Ahoanay ino? Anao zay.”
\v 5 Le natorane tao an-tempoly reo volafoty, vaho nandeha, naho niboake vaho nagnanto ty vatane Reke.
\p
\v 6 Reo bey ty mpisoro nangalake volafote vaho nitsara tihoe: “Tsy ara-dalàgna ty mpampiko toy ao amy ty fagnajariam-drala, satria toy le vily ty lio.”
\v 7 Niarake nirehake ty olana iareo vaho nivily ty baibo ty mpanao velagne tanemanga ze handevagne reo bahine tamy reo drala.
\v 8 Vaho zay ro antone nikaiha zay baibo zay tihoe: “Baibo ty lio" zisik'androane.
\p
\v 9 Vaho le tanterake ze voatalily tamy ty mpitoke Jeremia, manao tihoe: “Nangalake ty volafote telopolo iareoe, vily nivatovatoa reo vahoagn'Israely Aze,
\v 10 vaho reo nagnome zay ho ahy ty baibo ty mpanao velagny tanimanga arake ty natoro ty Tompo ahike.”
\p
\v 11 Vaho Jesosy nitsanga teo agnoloha ty governora, vaho ty governora nagnontane Aze tihoe, “Riha vao ro mpanjaka reo Jiosy?” Jesosy namale aze tihoe: “Hainaosoa.”
\p
\v 12 Te lafa nitanagny reo bey ty mpisoro naho ndaty bey Reke, le tsy namale na ino na ino.
\p
\v 13 Le nitsara tamine Pilato tihoe: “Tsy henonao vao ty fitana iaby atao aminao?”
\v 14 Te tsy namale na le tsara raeke Re, vere tanterake noho zay ty governora.
\p
\v 15 Vaho saky ty firavoravoa le fomba ty governora ty mamotsotse gadra raeke voafily ty vahoake.
\v 16 Tamy io fotoa io, nana gadra malaza rate kinaike tihoe Barabasy iareo.
\p
\v 17 Noho zay lafa niara-nivory iareo, le nanao tihoe Pilato tamy iareo: “Ia ro teanareo halefako ho anareo? Barabasy, sa Jesosyze kinaike tihoe Kristy?”
\v 18 Haine te noho ty fialogna ro nanoloraiareo ahy ndre Jesosy tamine.
\p
\v 19 Laha nitoboke teo amy ty Seza fitsara re, le nandefa tegne tamine ty valine vaho nanao tihoe: “Tsy mana na ino na ino atao amy toy lehilahy tsy manan-tsikone toy rao. Te mijale loatse raho androane noho ty nofe azoko mikasike Aze.”
\p
\v 20 Vaho reo bay ty mpisoro naho reo ndaty bey nandresy lahatse ty vahoake soa hangatake ahy ndre Barabasy, vaho hampamono ahy ndre Jesosy.
\v 21 nagnontane aiareo ty Governora tihoe: “Ia amy iareo roe ro teanareo halefako ho anareo?” nanao tihoe iareo: “Barabasy.”
\p
\v 22 Pilato nitsara tamy iareo tihoe: “Ino ro tokone ataoko amy ndre Jesosy ze kinaike tihoe Kristy?” Iareo iaby namale tihoe: “Fantsiho amy ty hazofijalea Re.”
\v 23 Le nanao tihoe Re: “Nanao akore ro heloke nataone?” Te vao mainke iareo nikoike mafe tihoe.”
\p
\v 24 Te lafa hisa ndre Pilato te tsy afake hanao na ino na ino re, nefa fa nanomboke ty korakorake, le nagalake rano re, nanasa ty tagnane teo agnoloa ty vahoake, vaho nanao tihoe: “Tsy manan-tsiny amy ty lio toy lehillahy tsy manan-tsikone toy raho. Te asanareo zay.”
\p
\v 25 Reo ndaty iaby nitsara tihoe: “Ho aminay naho ty anagnay vatane ty lione.”
\v 26 Le nalefane ho ahy iareo Barabasy, te namofoke karavasy ahy ndre Jesosy re vaho nagnomey Aze ho fantsihy.
\p
\v 27 Bak'eo reo miaramila ty governora nangalake ahy ndre Jesosy handeha ao an-dapa vaho namory reo fikambana miaramila iaby.
\v 28 Nagnalake ty fisikinane iareo vaho nampnao akanjo jaky Aze.
\v 29 Nagnamboatse satro-boninahitse fatike iareo vaho nametrake zay teo agnambone, vaho nametrake fitogno teo amy ty tagnane ankavana. Nandohalike teo agnatrehane iareo vaho nagneso Aze, nanao tihoe: “Salama, mpanjaka ty Jiosy!”
\v 30 Nadora iareo Re, vaho nala iareo ty fitogno le namofoke Aze im-be le bey teo amy ty agnambone.
\v 31 Lafa baka nagneso Aze iareo, le nangala ty akanjo lavane vaho nampisiky Aze ty fisikinane, vaho nanday Aze niboake soa hamantsike Aze amy ty hazofijalea.
\p
\v 32 Lafa niboake iareo, le nahisake lehilahy raeke bak'agne Syrena kinaike tihoe Simona, ze nitere iareo hiarake amy iareo soa hampiranjoa ty hazofijaleane.
\v 33 Nandeha agne amy ty toera kinake tihoe Golgota iareo, ze malinike tihoe “Toera ty Karandoha.”
\v 34 Nomey iareo divay miharo amy ty afero Reke hinome. Te lafa nandramane zay, le tsy nino Reke.
\v 35 Lafa nifantsihy iareo tamy ty hazofijalea Re, le natao iareo loka ty fizara reo fisikinane,
\v 36 le nitoboke iareo vaho nijano niamby Aze.
\v 37 Teo ambone ty angnombone ro nametraha iareo soratse mitalily ty nimelofa Aze, ze mivaky tihoe: “Toy ro Jesosy mpanjaka reo Jiosy,"
\v 38 Nisy malaso roe nifantsihy niarake tamine, ty raeke teo ankavanane vaho raek teo ankavia.
\v 39 Reo ze nandalo le nanao tsara rate Aze, nagnolignoly ty loha iareo
\v 40 vaho nanao tihoe: “Riha ze handrava ty tempoly vaho hagnamboatse zay ndraeke ao agnate ty andro, vonjeo ty vatanao! Laha Iriha ro Anagn'Andragnahare, mizotsoa bak'egne amy ty hazofijalea!”
\p
\v 41 manahake zay kea reo bey ty mpisoro nagnaboka Aze, niarake tamy reo mpanora-dalàgna naho reo ndaty bey, vaho nitsara tihoe:
\v 42 “Nagnavotse reo hafa Reke, te tsy afake magnavotse ty vatane, Reke ro mpanjaka ty Israely. Apoho Re hizotso egne amy ty hazofijalea, vaho le hino Aze tika.
\v 43 Natoke ahy ty Andragnahare re, apoho Andragnahare hamonje Aze zao, laha tea ty Andragnahare ty hagnafake Aze. Te na Re kea le nitsara tihoe: 'Raho ro Anagn'Andragnahare.'”
\v 44 manahake zay kea reo malaso ze nifatsihy niarake tamine nitsara tsisy dikane tamine avao kea.
\p
\v 45 Vaho nanomboke tamy ty lera fahaeny le nandrakotse ty tane iaby ty ike le hatramy ty lera fahasivy.
\v 46 Teo amy ty lera fahasive, le nikoke tamy ty feo mafe Jesosy vaho nanao tihoe: “Ely, Ely, lamà sabaktani? ze midika tihoe: “Andragnahariko, Andragnahariko, nanao akore ro nagnenga Ahike Riha?”
\v 47 Lafa heno ty ilane tamy reo ze nnitsanga teo zay, le nanao tihoe iareo: “Miantso ahy ndre Elia Re.”
\v 48 Teo no eo le nilailay ty raeke tamy iareo vaho nangalake epozy, nando zay tamy ty vinengira, nametrake zay tamy ty tohiza bararata, vaho nagnome zay Aze soa hinome.
\p
\v 49 Ty ilane tamy iareo nitsara tihoe: “Apoho Reke. Hisantika eo laha ho avy hamonje Aze Elia.”
\v 50 Le nikoke tamy ty feo mafe ndraeke Jesosy vaho nagnomey ty fagnahine.
\v 51 Ingo, ty lamba ty tempoly nitatake roe hatragne ambone le hatragne ambane vaho nihorohoro ty tane, vaho vake nisasake reo lamelame.
\v 52 Nisokatse reo valavatp, vaho ty faty reo ndaty ty Andragnahare lahiale ze nivilasy le nitsanga.
\v 53 Iareo le niboake bak'ao amy ty valavato tafara ty fitsanganane tamy ty mate, nizilike ty tanà masy, vaho niseho tamy ty maro
\p
\v 54 vaho reo Kapitene naho reo ze nivamba ahy ndre Jesosy lafa nahisake ty horohorontane naho reo raraha ze niseho, le lasa natahotse mafe vaho nanao tihoe: “Anagn'Andragnahare marene toy.”
\p
\v 55 Nisy Ampela maro ze nagnarake ahy ndre Jesosy hatragne Galilia soa hikarakara Aze teo nivamba bak'egne lavitse.
\v 56 Tamy iareo Maria Magdalena, Maria rene ndre Jakoba naho Josefa, vaho ty rene reo anandahy ndre Zebedio.
\p
\v 57 Lafa hariva ty andro, le nisy lehilahy raeke manan-kanagna bak'agne Armatia avy, kinake tihoe Josefa, ze mpianatsy ndre Jesosy avao kea.
\v 58 Namonje ahy ndre Pilato re vaho nangatake ty havilasy ndre Jesosy. Le nibaiko ndre Pilato omea aze zay
\v 59 nangalake ty havilasy Josefa, namogno zay tamy ty lamba rongone malio,
\v 60 vaho nampande zay tamy ty valavatone vaovao ze nilavahane tamy ty lamelame. Le nandrose vato bey hanampe ty varavara ty valavato re vaho niboake.
\v 61 maria Magdalena naho reo Maria hafa le teo, nitoboke teo ampita ty valavota.
\p
\v 62 Ty andro magnarake, ze andro afara ty fanaomana, le niara-nivory tamy ndre Pilato reo bey ty mpisoro naho reo Fariseo.
\v 63 nanao tihoe iareo: “Tompoko, tiaronay te tamy ty mboe velo igny mpamitake igny, le nanao tihoe Reke: 'Afara ty telo andro, le hitsanga ndraeke Raho.'
\v 64 Le noho zay, mandilia soa hambena ty valavato hatramy ty andro fahatelo, laha tsy zay reo mpianane mete ho avy vaho hangalatse Aze le hitsara amy ty ndaty tihoe: 'Nitsanga tamy ty mate Reke', vaho try fitake farane le ho rate noho iaze tamy ty voalohane.”
\p
\v 65 Nanao tihoe Pilato tamy iareo: “Mangalà mpiamby. Mandehana vaho ambeno soa arake ze vitanreo zay.”
\v 66 Le nadeha iareo vaho niamby ty valavato, nagnisy tombo-kase ty vato vaho nitoboke ty mpiambe.
\c 28
\cl Toko 28
\p
\v 1 Vaho tamy ty halike ty Sabata, laha vao nanomboke mazava rate ty andro voalohane amy ty heregnandro, le lasa nandeha nivamba ty valavota Maria Magdelena naho iaze Maria raeke hafa.
\v 2 Ingo, nisy horohoron-tane bey, naho te ty anjele ty Tompo ro nizotso bak'agne an-dagnitse, avy vaho nandroseke ty vato, le nitoboke teo ambone zay.
\v 3 Ty tarerihine le manahake ty helatse, vaho ty akanjone le foty manahake ty ando.
\v 4 Nahotahotse reo mpiambe le nanjare manahake ty lehilahy mate.
\p
\v 5 Nirehake tamy reo ampisafy iaze anjele vaho nitsara tamy iareo tihoe: “Ko matahotse, hainao te mipay ahy ndre Jesosy nareo, iaze nifantsihe tamy ty hazofijalea.
\v 6 Tsy ato Reke, te fe nitsanga, arake ty fa nitaliliene. Avia heteo ty toera ze nandrea ty Tompo.
\p
\v 7 Mandena malaky vaho teneno reo mpianane tihoe: 'Nitsanga tamy ty mate Reke. Ingo, fa nandeha niaolo anareo agne Galilea Re. Agne ro hahisahanareo Aze.' Ingo, fa voataliliko taminareo.”
\p
\v 8 Nagnenga malay ty valavato tamy ty tahotse naho tany ty hafalea bey reo ampisafy, vaho nilailay soa hitsara reo mpianane.
\v 9 Ingo, nifakahisake tamy iareo Jesosy vahi nitsara tihoe: “Salama!” Namonje reo ampisafy, nitanjake ty tombone vaho niantsa Aze.
\v 10 Vaho bak'eo Jesosy nitsara tamy iareo tihoe: “Ko matahotse. Mandehana mitsara amy reo rahalahiko soa hiala le handeha ahy ndre Galilia, Agne ro hahisaha iareo Ahike.”
\p
\v 11 Vaho laha mboe igny nandeha igny reo ampisafy, ingo, ty ilane tamy reo mpiambe nandeha agne amy ty tanàn-bey vaho nitsara tamy ty loha ty mpisoro ty raraha iaby ze niseho.
\v 12 Lafa nifakahisake tyamy reo ndaty bey ty mpisoro vaho nirehake mikasike ty olagne tamy iareo, nagnome ndrala bey ahy reo miaramila iareo
\v 13 vaho nitsara aiereo tihoe: “Atalilio amy reo hafa tihoe: 'Avy tamy ty andro halike reo mpianatse ndre Jesosy vaho nangalatse ty vatane laha mbo natore zahay.'
\v 14 Laha avy agne amy ty governora zay tatitse zay, le handrese lahatse aze tika vahoo hangalake ty fisalasalane aminareo.”
\v 15 Vaho le nala ty miaramila ty drala vaho nanao arake fa nitalily aze iareo. Vaho zay tatitse zay le niele teo amy reo Jiosy vaho mitohy zisike henane zao.
\p
\v 16 Te nandeha aggne Galilia reo mpianatse folo raike ambe, tagne amy ty vohitse ze fa natoro ndre Jesosy aiereo.
\v 17 Lafa nahisake Aze iareo, le niantsa aze, te ty ilane kea nisalasala.
\v 18 Namonje aiereo Jesosy le nirehake tamy iareo vaho nitsara tihoe: “Fa nomeine Ahike ty fahefa iaby agne an-dagnitse naho etoy an-tane.
\v 19 Kea mandena vaho ataovo avy mpianatro ty firenena iaby. Ataovo batisa iareo amy ty agnara ty Baba, ty Anake, vaho ty Fagnahy Masy.
\v 20 Ampianaro iareo hagneke ty raraha iaby ze nandiliako anareo. Ingo, miarake aminareo avao Raho, eke te na hatramy ty fiafara zao tontolo zao kea.”