tbt-x-kirhinyihinyi_reg/67-REV.usfm

\id REV
\ide UTF-8
\h Okufululirwa
\toc1 Okufululirwa
\toc2 Okufululirwa
\toc3 rev
\mt Okufululirwa
\c 1
\cl Cigabi 1
\p
\v 1 Okufululirwa kwa Yesu Kristu, ahabagwa na Mungu abalangule abaja bage ebintu birhayimange hikirire; naye arhuma oku kuboko kwa Malaika amulangula omuja wage Yohana;
\v 2 owa shuhudiyaga omwanzi gwa Mungu, kwo kuderha, ebintu byoshi abwine.
\v 3 OMun'iragi okasoma na balya bakayunva emyanzi ya buno bulebi, n'oku bishimbuliza ebiyandisirwe mwo; bulya akasanzi kayegerire.
\p
\v 4 Yohana, oku makanisa nda gali eyo e Asia; Olukunda lub'emwinyu n'omurhula, kurhenga emwage oyo wahabaga wanayishi yisha; na birhenga oku mirhima nda eli embere l'ecirhi cage c'obwami;
\v 5 kandi birhenga emwa Yesu Kristo, ye mudima mwimana, burhwa murhanzi w'abafire, na mukulu w'abami b'igujlu. Ye orhusima n'okurhu chesa ebyaha birhu omu muko gwage,
\v 6 n'okurhujira kuba bwami, na badahwa emwa Mungu, naye ali ishe; obukuze n'obuku buli naye ensiku n'amango. Bibe ntyo.
\q
\v 7 Alaga, ayisha n'olwikungu; na nkas'isu lya mubona, na balya bamu tumirhaga; n'amashanja goshi g'omw'igulu ga ciyunjuza enyanya lyage. Nantyo. Bibentyo.
\p
\v 8 Nie Alpha na Omega, murhangiro na buzinda, adesire Larha Mungu, ohali n'owahali n'owanaka habe, Nyamuzinda.
\p
\v 9 Nie Yohana, mwene winyu na muguma omu mwe omu malibuko n'obwami n'esubira ya Yesu Kristu, nali indi omu cisanga ca Patmosi, enyanya ly'omwanzi gwa Nnamahanga, n'obushuhuda bwa Yesu.
\v 10 Nali kiroho, olusiku lwa Nnahamwirhu; nayunva izu enyuma lyani, nk'izu lya mushekera.
\v 11 Lyaderha, Ebi obwine obiyandike omu citabu, obiheke okw'ago makanisa nda: Efeso, na Simirna, na Pergamo, na Thiatira na Sardi, na Filadelfia, na Laodikia.
\v 12 Nahindamuka mpu mbone ely'izu lyakagi derha na nani. N'erhi mpindamuka, nabona by'amatara nda by'enfaranga.
\v 13 N'omu kagarhi k'ebyo binara n'abona omuntu nka Mwene muntu, ayambirhe omushangi guhisire oku magulu, ashwesirwe n'omukaba gwenfaranga omu cifuba.
\v 14 Irhwe lyage n'enviri zage byali byeru byeru nka sufu nyeru, Theluji; n'amasu gage nka ngulumira ya muliro.
\v 15 N'amagulu gage nka shaba elya yashusirwe bwenene, nkeya shusirwe omu muliro; n'izu lyage nk'izu lya nshoko nyinji.
\v 16 Naye aligwerhe ntonde nda omu kuboko kwage kulyo; n'omupanga mukali, gw'okutwira enyunda zoshi, gwarhenga omu kanwa kage; namalanga gage nk'izuba lyaja lomeka oku misi yalyo.
\v 17 Nani erhi mubona, nahirima oku magulu gage nka muntu walifire. Aheba okuboko kwage kulyo enyanya zani, aderha erhi: Orha yobohe, nie wa burhanzi na wa buzinda,
\v 18 n'ozine; nani nali nfire, alaga, ndi nzine ensiku n'amango. Nangwerhe enfungulo z'olufu, n'eze kuzimu.
\v 19 Ntyo, oyandike ebyo bintu wabwine, n'ebyo bihali, n'ebyo bayishi haba enyuma ly'ebyo.
\v 20 Ihwe ly'ezo ntonde nda wabonaga omu kuboko kwani kw'okulyo, n'ebyo binara nda by'enfaranga. Ezo ntonde nda bali ba malaika b'ago makanisa nda; n'ebyo nda gali makanisa nda.
\c 2
\cl Cigabi 2
\p
\v 1 Oyandikire malahika wakanyamuzinda k'Efezi: Ala okw'adesire olya ofumbasire entondé nda omu kuboko kwage kulyo, olya waja lambagira ekarhi k'ebinara (bimanikiro) nda bye noro:
\v 2 Nmanyire ebijiro byawe, omukolo gwawe, n'obushibirizi bwawe. Nmanyire okurhashangira n'enkola maligo; n'oku wabwine oku bali banywesi;
\v 3 okujira obushibirizi, walibuzibwe ahanyanya ly'izino lyani, oku orhana rhamaga.
\v 4 Cikwone oburhe ngwerhe enyanya zawe, kuli kuba walesire obuzigire bwawe bya burhanzi.
\v 5 Okengere ngahi wahirimire, ohungame, onashubirire emikolo yawe ya burhanzi; buzira ntyo, nakuyishira, n'okurhenza ecinara cawe ahantu haco, nko rhaciyunjuzizi.
\v 6 Cikwone ogwerhe ebi, ebirigi ogayire ebijiro byaba Nikolaiti, byo nani nangaya.
\v 7 Ogwerhe okurhwiri ayunve ebinwa Mûka abwizire amakanisa: Oku owayishi hima namuha okulya oku murhi gw'akalamo, guba omu hantu h'amasima gwa Nnâmahanga.
\p
\v 8 Oyandikire malahika wakanyamuzinda k'Esimirna: Ala okw'adesire oyu waburhanzi ye na wabuzinda, oyu wafaga anashubi galuka omu kalamu:
\v 9 Nmanyire amalibuko gawe n'obukenyi bwawe (ciru wakaba mugale), n'ebijaci wajacirwe n'abalya baderha mpu bali Bayahudi barha nalibo, ci bali mashengero ga shetani.
\v 10 Orhayobohaga ebi wayishi libuzibwa. Ala oku shetani akweba baguma omu mpamikwa, mpu lyo bamurhangula, wanajibona malibuko ga nsiku ikumi. Obe mwikubagirwa kuhika okufa, nayishi kuha n'ishungwe ly'akalamo.
\v 11 Ogwerhe amarhwiri ayunve ebi Mûka abwizire amakanisa: Owayishi hima arhakabon'amlibuko g'olufu lw'akabiri.
\p
\v 12 Oyandikire malahika w'Akanyamuzinda k' Epregame: Ala oku adesire aly ofumbasire y'amoji abiri:
\v 13 Manyire aha olama, Manyire oku Aho eli ntebe ya Shetani. Ob'osezize buzibu izino lyani, orhana hakanaga obwemere bwani ciru n'omu mango ga Antipasi, muhamirizi mwikubagirwa, olya wanigiragwa e mwinyu, eyo munda shetani alama.
\v 14 Cikwone ngwerhe bisungunu nkutumuzize, eyo mwawe ogwerhe abashimba obworhere bwa Balamu, olya wayigirizagya Balaka okuhira omurhego (ibuye lya kusarhaza) embere zaben'Israeli, mpu balye enyama zarherekirwe abazimu mpu kuhika banakazi husha.
\v 15 Kwona kuguma, nawe, ogwerhe abakulikira obworhere bw'abashimbulizi ba Nikolasi.
\v 16 Obage wa chiyunjuza; akaba nanga, nakuyishira dubaduba, n'okubalwisa n'engorho y'akanwa kani.
\v 17 Ogwerhe okurhwiri ayunve ibi Muka abwiwire ama akanisa: Oku ye wayishi hima namuha amane gali mafulike, n'oku muha ibuye lyeru; na kuli eryo ibuye izino lihyahya, na ntaye olimanyise orhali olihabirwe.
\p
\v 18 Oyandikire malahika w'Akanyamuzinda k'e Tiayatire: ala oku adesire mugala wa Nnâmahanga, oly'ogwerhe amasu ngulumira ya muliro, n'amagule gagegali nka marhale:
\v 19 maynire ebijiro byawe, obugire bwawe, obwere bwawe, oburhimanya okolamwo, olugero lwawe n'emikolo yawe mizinda yo minji kulusha eya burhazi.
\v 20 Ci ebibnkugayire, oleke oyu mukazi Yezebeli, oly'okachiderha mpu mulêbi, ayigiriza n'okurheb'abakozi bani, mpu lyo bachilikir'okuhusha n'okuly'enyama zirherekirwe abazimu.
\v 21 Namuhire akasanzi, lyo achiyunjuza, arhanalonzagya okuchi yunjuza omuhurha kwage.
\v 22 Ala, namuhonya oku ncingo, n'okulerha malibuko manji emwa balya bashungula boshi naye, nkaba bachi yunjuz'ebijiro byabo.
\v 23 Naniguz'abana bage have kubi; n'amashengero goshi bayishi manyusa oku nye Nnâmahanga oshola ebiri omu bibunu n'omu mirhima, nanamuhe nk'oku ngasi muguma akozire.
\v 24 Kuli mwe, n'oku bandi boshi b'e Tiyatira, barhayankiriri obubbworhere, barhana manyisagya obuliri bwa shetani, nk'oku abahamagire, mubwizire: ntachihebiri bundi muchimba;
\v 25 ogu, mugwerhe gone, muguseze buhika ngaluke.
\v 26 Oku ye wayishi hima, n'okulang'emikolo yani kuhika oku buzinda, nayishi, uha obuhashe okumashanja.
\q
\v 27 Ayishi bayabula n'echikoma c'echuma, nka kula ecikombe c'ibumba cina vungunyuka, kwo nani na hanaywa na larha.
\v 28 Nanayishi muha enyenyezi y'ecisezi.
\v 29 Ngasi ogwerhe amarhwiri ayunv'ebi Mûka abwizire amakanisa.
\c 3
\cl Cigabi 3
\p
\v 1 Oyandikire malaika w'akanyamuzinda k'e Sardi: Ala oku adesire oly'ofumbasire emyuka nda ya Nyamuzinda n'eynenyewi nda: mpanyire ebijiro byawe. Manyirire oku oli nk'oli omu bazine, ci oli ocire.
\v 2 Obage masu, n'okukomeza ebicisigigire bulya biri nka byahera; bulya ntabonaga emikolo yawe bw'inja e, here za Nyamuzinda wani.
\v 3 Okengere nkaba gurhi was yankirire n'okuhuna, onalangen'okuciyunjuza. Nk'orhalaliri, hayisha now cishambo, orhakanamanya nsa zinga nakuyishire.
\v 4 Okumuha ogwerhe abantu barha chesagya enyambalo yabo; bayshi genda haguma nanani omu myambalo myeru, bulya gayishiyushuka.
\v 5 Owayishi hima ayishi yambikwa enyambalo ndukula; n'izino lyage lirhaka yibagirwa omu chitabi c'obulamu, nanayishi hamagaza izino lyage embere za Larha na ba malaika.
\v 6 Ogwerhe amarhwiri ayunve ebi Muka abwizire akanisa.
\p
\v 7 Oyandikire malaika w'aka nyamuzinda k'Efiladalefiya: Ala oku adesire oyu ocire, oyu w'okuli oly'ogwerhe olwigulo lwa Daudi, olyoyigula, na ntaye muntu wankaciyigala, olya oyigala na ntaye wanka ciyigula:
\v 8 Manyire ebijiro byawe, Ala, omukuba obuhashe buli busungunu n'oku walanzire omwanzi gwani, n'oku orhahakanaga izino lyani, najijire olunvi lwigule, na ntaye wanka luyigala.
\v 9 Ala, nkuhire oku oku bala b'omu ishengero lya Shetani, Bala back derha Bayahudi barhanali bo, ci bqdesi ba bunywesi; qla, nalerha, bayuname aha magulu gawe, n'okumanya oku nakuzigire.
\v 10 Omukuba walanzire omwanzi gw'obushbirizi muli nye, nayishi kulanga omu kasanzi k'amarhangulo gashi yisha omu igulu lyoshi, okuheba igulu lyoshi oku lugero.
\v 11 Nyishire duba duba. Oseze ehi ogwerhe, harhagi jir'owa rhola ishungwe lyawe.
\v 12 Owayishi hima, namujira mutungo omu ka Nyamuzinda ka Nnâmahanga wani, arhanakachi murhenga; nayishi yandika kuli ye izino lya Nyamuzinda wani, n'izino ly'omurhundu gwa Nyamuzinda wani, lya yerusalemu muhyahya wahonoka enyanya emwa Nyamuzinda wani, n'izino lyana lihyahya.
\v 13 Ogwerhe amarhwiri ayunve ebi Muk'abwizire akanisa.
\p
\v 14 Oyandikire malahika w'akanisa k'e Laodokia: Ala oku adesire neck ntyo, omuhamirizi w'okuli na mwikuba girwa murhangiro ggq'okulema kwa Nyamuzinda
\v 15 Manyir'ebijiro byawe. Manyire oku orhali mboho orhali n'idurhu. Wankabire idurhu erhi mboho!
\v 16 Nk'oku oli murhiba, orhanali mboho orhali n'idurhu nakushal'orhenge omu kanwa kani.
\v 17 Bulya oli wa derha mpu: Ndi mugale, nachigalire, ntanacicifinjiri bici buly'orhamanyiri oku ohanyagire, mukenyi, mugaraganda, ohusire onali mushugunu,
\v 18 nkuhanwire oyishe ogul'enoro ziyohibwe n'omuliro, ly'obonenekana mugale, n'emyambalo myeru, ly'obonekana oyambirhe n'obushugunu bwawe burhaciboneke, ogule n'omushogolera oshige omu masu, ly'ohash'okubona.
\v 19 Nyehe, aba nzigira nanka ba kanukira. Obage wa bushiru, onachiyunjuze.
\v 20 Ala, oku nyimanzire aha lunvi, ndi nakomomba. Erhi omuntu ankayunva izu lyani n'okuyigula olunvi, nanaja omu mwage, n'okushega haguma naye, naye haguma naye.
\v 21 Owana hime, nayishi mudamaza haguma nanani oku ntebe yani, Nk'oku nani nanahimire Nana damala haguma na Larha oku ntebe yage.
\v 22 Ogwerhe amarhwiri ayunve ebi Muka abwizire akanisa!
\c 4
\cl Cigabi 4
\p
\v 1 Buzinda bw'ebyo, nanaci sinza, alaga, olunvi lwali luyigule omu mpingu. Izu lurhanzi bayunvirhe, nk'izu lya mushekera, lyanachi nderheza, lyambwira mpu: Yinamukira hano, nakuyeresa ebyayishi yisha buzinda.
\v 2 Honahalya Hanaciyisha, ulwa muli Muka. Alaga, hali entebe enyanya, n'oku eyo ntebe omuntu ali tamire kwo.
\v 3 Owaliku tamire aligwerh'enshusho y'ibuye ly'enshangabuye, Kandi nka njuma ndukula; n'eyo ntebe yalizungulusirwe n'omutirigongo gushusa enjuma y'akasi.
\v 4 Eburhambi bw'eyo ntebe babona zindi ntebe makumi ga birhi na zini, na kuli ezo ntebe bagula makumi gahirhi na bani bazitamire kwo, bayambirhe emyambalo myeru, n'oku marhwe gabo amashungwe g'enoro.
\v 5 Kuli eyo ntebe kwakazigi rhenga emyangazimu (mishalazi), amasu n'emikungulo. Embere z'eyo ntebe talk yasire rhubonyo nda, yo erigi myuka nda ya Nyamuzinda.
\v 6 Kandi aha mbere z'eyo ntebe hali enyaja yalangashana, nka chirahuli. Aha karhi k'entebe n'eburhambi bw'entebe, yali biremwa bini biyunjwire masu-masu embere n'enyuma.
\v 7 Echiremwa cirhanzi cishushire entale, echiremwa cha kabirhi ciyosire nka kanina, echiremwa cha kasharhu chi gwerhe amalanga nka ga muntu, n'eciremwa cha kani cashusha enyunda yaja ya balala.
\v 8 Ebyo biremwa bini ngasi ciguma cigwerhe byubi bini binayunjwire masu eburhambi n'endalala. Obudufu n'omushi birhahulik'okuderha mpu: Mutagatifu, Mutagatifu, Mutagatifu ye Nnâhamwirhu Nnâmahanga, Ogalabyoshi, owahali y'onahali, ye onayishire!
\p
\v 9 N'oku ebi biremwa byakuza n'obukenge n'obukuze oku oly'otamire oku ntebe, kuli oly'olam'emyaka n'emyaka,
\v 10 abo bagula nda nabo bali bayunama embere ly'otamire oku ntebe, n'oku kweba amshungwe gabo embere ly'entebe banakaderha:
\v 11 Oshinganine, Nahamwirhu na Nyamuzinda wirhu, oku habw'irenge n'obukenge n'emisi; bulya walemire byoshi, n'oku bulonza bwawe bihano kwo byana lemirwe.
\c 5
\cl Cigabi 5
\p
\v 1 Buzinda nanacibona omu kuboko k'oyu wali tamire oku ntebe ecitabu ciyandik'endalala n'emugongo, cirikw'obunanire nda.
\v 2 Nanaci bona malaika w'emisi, akazigi Yakuza n'izu linene mpu: Ndi wankabhasha oku yigul'eci citabu n'okubera obwo bunanire?
\v 3 N'omu mpingu n'eno igulu ciru n'ekuzimu ntaye wanka hashire okuyigul'ecio citabu ciru oku ci lola kwo.
\v 4 Nanaci laka bwenene omu kuba nta muntu wanka hashire oku yigul'echo citabu erhi ciru okuci lola kwo.
\v 5 Na muguma muli abo bagula nda amubwira mpu: Orhacilake; Alaga, entale y'omu buko bwa Yuda, iburha lya Daudi, ahashire okuyigul'ecitabu n'ago mananire nda.
\v 6 Okuhandi, akarhi k'entebe na birya biremwa bini na balya bagula, na nacibona Omwa-buzi ayimanzire, alink'ofire. Ali agwerhe mahembe nda na masu nda; yo arya Myuka nda ya Nyamuzinda akarhuma omw'igulu lyoshi.
\v 7 Anaciyisha, ayanka ecitabu cali omu kuboko kulyo kw'olya otamire oku ntebe.
\v 8 Erhi arhola cirya citabu, birya biremwa bini bya balya bagula makumi abrhi na bani bya fukamira omwanabuzi. Ngasi muguma wa muli bo ali agwerhe olulnga n'orhubehe rhw'enoro rhuyunjwire nshange, kokuhuna kw'ab'omu olubaga Nnamahanga.
\v 9 Baka yimba olwimbo luhyahya: Mpu, okwanine okurhola eci citabu ovune n'orhu rhuhamiko. Bulya wayisirwe n'omuko gwawe to gwa chungwire obo Bantu, aha ngasi buko, aha ngasi lubaga, aha ngasi luderho na ngasi mulala, wabahereza Nnamahanga.
\q
\v 10 Waba jijire bwani bwa bajiji mpu bakakolera Nnamahanga wirhu n'igulu bo wanaliyime mwo.
\p
\v 11 Bashubi Lola, bayunva bamalahika banji bwenene: Bali ebihumbi g'ebihumbi. Bayiamanga bazunguluka entebe, na birya biremwa, na balya bagula.
\v 12 Bali bayimba n'izu linene mpu: Oyu mwanabuzi Waburhagwa, ashinganine oku habwa obuhashe, obugale n'buùanye, n'emisi, n'olukengwa, n'irenge, obukuze!
\p
\v 13 Nayunva ebiremwa byoshi biba oku nkuba, n'ebiba en'Igulu, n'ebiba e Kuzimu, n'ebiba omu Nyanja, n'ebiba omu Igulu lyoshi byakayimba mpu: Obukuze n'olukengwa n'irenge n'emisi bibe kuli oly'otamire oku ntebe, bibe n'oku mwanabuzi w'ensiku n'amango.
\p
\v 14 Birya biremwa bini byakashuza mpu: Bibe ntyo! Na balya bagula bafuka Baja baharamya.
\c 6
\cl Cigabi 6
\p
\v 1 Enyuma ly'aho, nabona olya Mwana-Buzi avuna akahamiko karhanzi ka muli erya nda, lero nayunva ciremwa ciguma ca muli birya biremwa bini. Nayunva caderha n'izu liyosire nka lya mulazo. Lyaderha mpu: Yisha!
\v 2 Nalola nabona Eciterusi ca keru. Owaciri kwo ali afumbasire omuherho, abuli yambikwa ishungwe, agenda erhi akola ahimire, n'oku shubi hima.
\p
\v 3 Enyuma ly'aho, olya Mwana-Buzi avuna akahamiko ka kabiri, nayunva eciremwa ca kabirhi caderha mpu: Yisha!
\v 4 Ago mango ecindi citerusi cahuluka, cali ca kalinga. Owaciri kwo ahabwa obuhashe bw'oku lumiza entambala en'igulu, lyo abantu bone na bone bayirhana. Oyo ahabwa engorho nnene.
\p
\v 5 Enyuma ly'aho, olya Mwana-Buzi avuna akahamiko ka kasharhu, nayunva eciremwa ca kasharhu, caderha mpu: Yisha! Nalola, nabona eciterusi c'e cibogo, owali citamire kwo alifumbasire olugero omu maboko gage.
\v 6 Nayunva eliri nk'izu lyarhenga aha karhi kabilya biremwa bini, lyaderha mpu: Ciro ciguma ca ngano cife omulegerege gw'omunya kasi, n'ebiro bisharhu by'iporoji bife omulegerege g'omu nyakasi. Cikwone orhashereze amavurha n'idivai.
\p
\v 7 Enyuma lyaho, olya Mwana-Buzi avuna akahamiko k'akani, nayunva eciremwa ca kani caderha mpu: Yisha!
\v 8 Nalola, nabona eciterusi c'ecivuruvundu. Owaciri kwo izino lyage ye cifu, anali ashimbirwe n'olya orhambwire igulu ly'abafire, babaha obuhashe omu cihimbi ciguma c'omu bini b'igulu, mpu bayirhe abantu n'itumu, n'ecizombo, n'endwala, n'ebiryanye by'omw'igulu.
\p
\v 9 Enyuma ly'aho, olya Mwana-Buzi avuna akahamikoka karhanu. Ago mango, ah'idako l'irherekero, nabona ho emyuka ya balya bafiraga akanwa ka Nnamahanga n'obu hamirizi bwabo bw'obushinganyanya.
\v 10 Baka yakuza bwenene mpu: Nyamubaho Nnamahanga Mwimana w'okunali, mangaci watwira abantu b'en'igulu olubanja n'oku bahana bulya bakuyirhaga?
\v 11 Ngasi muguma muli bo ahabwa cishuli ceru, babuli babwira mpu bashubi rhamuka hisanzi hisungunu kuhika omuganj gwa bene wabo na balya baja bakolaboshi guhikirire. Baligi balya bagwasirwe bafe akabo.
\p
\v 12 Enyuma lyaho, nabona olya Mwana-Buzi avuna akahamiko ka kalindarhu. Igulu lyagera mwo omusisi mudarhi, izuba lyahoha, ly'aba nka mulondo muguma murhunu mwiru, n'omwezi gwoshi gwahinduka mudukula, gwaba nka muko.
\v 13 Enyenyezi zamanuka oku nkuba, zacirhimba okw'idaho nka kulya amalehe mabishi g'omutini gahungumuka nk'empusi nkali eri yagera.
\v 14 Oku nkuba kwahirigirha nka citabu ca luhu cibunge, entondo zoshi n'ebirhwa byoshi babirhenza aha biba.
\v 15 Abami b'omu igulu n'abarhanbo, n'abo buhashe n'abandi bantu boshi, abaja n'abantagengwa bacifulika omu nkunda n'omu nyala z'omu ntondo.
\v 16 Ago mango bakabwira entondo n'enyala mpu: Rhuhonere kwo murhufulike, olya otamire oku ntebe arhaki rhubona, murhufulike n'obuhane bw'obukunizi bwo Mwana-Buzi.
\v 17 Bulya olusiku ludarhi, lw'okuhana obuhane lurhenzire omu bukunizi bwabo lwahisirage, indi wankahasha oku lulindira?
\c 7
\cl Cigabi 7
\p
\v 1 Enyuma ly'oko, nabona ba malahika bani bayimanyinzire oku marhwerhwe gani g'igulu, erhi bashwesire empusi z'igulu oku zinali zini, mpu zileki hukiza oku cihugo, erhi oku nyanja, erhi oku murhi.
\v 2 Okuhandi na nacibona owundi malahika ayinamukiraga kurhenga ebushoshokero bw'izuba; erhi afumbasire ecimanyiso ca Nyamuzinda ozine. Ayakuza n'izu linene balya bamalahika bani bali bahabirwe obuhashe bw'okuhererekeza igulu n'enyanja, erhi:
\v 3 Mmumanye mwankahererekeza igulu, erhi enyanja, erhi emirhi, kuhika rhuhebe bambali ba Nyamuzinda ecimanyiso emalanga.
\v 4 Nayunva banga bahabirwe kw'ecimanyiso: bihumbi igana na makumi ani na bini (114,000), b'omu mulala yoshi ya bene Israeli.
\q
\v 5 Omu buko bwa Yuda, bihumbi ikumi na bibirhi byahebwa kw'ecimanyiso; omu buko bwa Rubeni, bihumbi ikumi na bibirhi.
\q
\v 6 Omu buko bwa Gadi, bihumbi ikumi na bibirhi, omu buko bwa Azeri, bihumbi ikumi na bibirhi; omu buko Nefutali, bihumbi ikumi na bibirhi; omu buko bwa Manasi, bihumbi ikumi na bibirhi;
\v 7 omu buko bwa Simoni, bihumbi ikumi na bibirhi; omu buko bwa Levi, bihumbi ikumi na bibirhi; omu buko bwa Isakari, bihumbi ikumi na bibirhi;
\v 8 omu buko bwa Zabuloni, bihumbi ikumi na bibirhi; omu buko bwa Yozefu, bihumbi ikumi na bibirhi; omu buko bwa Benyamini, bihumbi ikumi na bibirhi.
\p
\v 9 Enyuma ly'oko, nabona ehitu hy'abantu barhaka ganjwa: Bali ba ngasi cihugo, ba ngasi buko, na ngasi ishanja, na ba ngasi lulimi luderhwa; erhi bayimanzire embere ly'entebe y'Ombwana-buzi, banayambirhe e myambalo myeru, banafumbasire amashami g'emishugushugu omu nfune.
\v 10 Bakayakuza n'izu linene, mpu: Ayagirwe Nnawirhu Nyamuzinda otamire oku ntebe bon'Omwana-buzi!
\p
\v 11 Na bamalahika erhi bamuzungulusire n'entebe n'abagula na zirya nsima oku ziri ini; banacikwemba okw'idaho embere ly'entebe baharamya Nyamuzinda, mpu:
\v 12 Neci mushana, Nnamahanga Nyamuzinda Ayagirwe, Ajir'irenge, Arhimanya, avugwe omwonkwa, aluze obuhashe n'emisi omu myaka n'e myaka bibentyo!
\p
\v 13 Muguma muli balya Bagula anacijaho, ambwira erhi: Aba bayambirhe e myambalo myeru bobahi, na ngahi barhenga?
\v 14 Nani, nti: Waliha, wene omanyire. Anacimbwira, erhi: Abo balya bazindi rhenga omu malibuko madarhi; bashushire e myambalo yabo banayiyeruhiza omu muko gw'Omwana-buzi.
\q
\v 15 Co cirhumire Bali ahambere za Nyamuzinda, co cinarhumire bamukolera mushi na budufu omu luhero lwage; n'otamire oku ntebe akola ayishi yubaka e cihando cage e karhi kabo.
\q
\v 16 Barhakacishalika erhi kuyunva nyorha bundi; nta mango izuba lyacibalibuze, na ntahidurhu hyacibajire gurhi.
\q
\v 17 Bulya omwana-buzi, oyimanzire aha karhi k'entebe, yene aba lungere wabo anabalangule e njira e heka ebwa iriba ly'amishi g'obuzine. Na Nyamuzinda abahorhola emirenge yoshi eba oku masu.
\c 8
\cl Cigabi 8
\p
\v 1 Erhi ayigula eciziriko ca kali nda, akahwenyenye kaba omu malunga, kayusa nka cihimbi ca nsa.
\v 2 Okubundi na nacibona balya ba malahika nda bayimanga embere za Nyamuzinda; babaha mushekera nda.
\p
\v 3 N'owundi malahika ayisha, erhi afumbasire ehijo hy'amasholo. Bamuha mugavu munji, mpu aguhise haguma n'ensengero z'abacesibwa boshi oku lusho lw'amasholo luli aha mbere z'entebe.
\v 4 Omugi gw'omugavu haguma n'ensengero z'abacesibwa gwarhenga omu nfune za bamalahika, gwasokera embere za Nyamuzinda.
\v 5 Oyo malaika anciyanka emilazo, n'emikunguli, n'orhumeme, n'igulu lyagera mwo omusisi.
\p
\v 6 Na balya ba malahika nda bali bagwerhe emishekera nda, bacirheganya okuyibuha omo.
\p
\v 7 Oku handi omurhanzi agubuha kwone: lwashuba lubula n'omuliro haguma n'omuko babikweba okw'igulu. Ecihimbi ca kasharhu c'igulu ca boyoka, eci himbi ca kasharhu c'emirhi ca sirira, na ngasi hyasi hibishi hyahya.
\p
\v 8 Malahika wa kabirhi naye abuha omushekera. Eri nka ntondo nnenene edwirhe ya gulumira ya ciyoha omu nyanja, n'ecihimbi ca kasharhu c'enyanja cashuba muko;
\v 9 ecihimbi ca kasharhu c'amarho ca hererekera.
\p
\v 10 Malahika wa kasharhu aguhira mwo amarhama. Okubundi enyenyezi nnenene eri nkacimole c'ayaka ya manuka e malunga; ya rhogera ecihimbi ca kasharhu c'enyishi n'amaliba.
\v 11 Izino ly'eyola nyenyezi ye Mutuzo. Ecihimbi ca kasharhu c'amishi gwaba mutuzo; Bantu banji banaci fa n'ago mishi erhi bululu burhuma.
\p
\v 12 Naye malahika wa kani abuha. Ecihimbi ca kasharhu c'izuba ca hukulwa, n'ecihimbi ca kasharhu c'omwezi, n'ecihimbi ca kasharhu c'enyenyezi kwonakwo; na ntyo ebyo bya byo bya kasharhu byashuba muzimya, n'omushi gwabula cihimbi ciguma ca kasharhu c'obumoleke bwago, n'obudufu kwonakwo.
\p
\v 13 Nashubi bona, na nayunva enyunda ya yisha ya balala omu nkuba karhi, yaderha n'izu linene, erhi: Bamahera! Bamahera! Bamahera! Aba ba omw'igulu! Bamahera abaynva izu ly'eyindi mishekera balya bamalahika basharhu babuha mwo!
\c 9
\cl Cigabi 9
\p
\v 1 Okubundi Malaika wa karhanu abuha omushekera. Nanacibona enyenyezi yahona emalunga yarhogera eno igulu. Bayiha olwigulo lw'omwina gw'ekuzimu.
\v 2 Nabona nayo yayigula gulya mwina gw'ekuzimu. Mw'ogwo mwina mwarhenga omugi guyosire nka gw'omu lubanda lunene. Izuba n'amalunga byahinduka mwizimya erhi ogwo mugi gw'omogwo mwina gurhuma.
\v 3 Ogwo mugi gwarhenga mwo enzige, zalumira omu igulu, zahabwa obuhashe bushushine na bulya bwa kalumira habirhi.
\v 4 Zabirwa mpu rhurhajiraga olubaga kubi, erhi murhi ciru n'omuguma, erhi mburho ciru n'enguma, cikwone zishereze balya bantu barhali kwo cimanyuso ca Nnamahanga ebusu bone.
\v 5 Ezo nzige zirha yemereragwa okuyirha abo bantu, ci mpu ziba rhindibuze kwone miezi irhanu. Amalumwa zabajirire omu kubarhindibuza, ko gali nka galya omuntu ayunva nk'alunirwe na kalumira habiri.
\v 6 Muli eyo miezi irhanu yoshi, abantu balonza olufu cikwone barha lubone. Bacifinja okufa, cikwone olufu lwabayakira hali.
\v 7 Ezo nzige ko ziyosire nka citerusi caja oku matabaro. Oku marhwe gazo kuli ebiyosire nka bimane bitule n'enoro, n'obusu bwazo buyosire nka busu bwa bantu.
\v 8 Enviri z'azo ko ziyosire nka nviri za bakazi, n'amino gazo gayosire nka ga ntâle.
\v 9 Omu bifuba byazo muli ebiyosire nka mpenzi ya cuma, n'omululumo gw'ebyubi byazo guyosire nka lubi lwa mwandu gw'engale zaja zakululwa n'eciterusi zalibirhira oku matabaro.
\v 10 Ezo nzige zigwerhe emicira ye by'okubandana nka kulya engobe ziyoyorha, na kuli eyo michira yazo, kwali obuhashe bw'oku yagaza abantu muli erya miezi irhanu.
\v 11 Oku marhwe gazo zigwerhe kw'omwami, yeri malaika w'ekuzimu. Omu cierbraniya aderhwa Amadoni n'omu cigiriki Apolioni (ko kuderha oku olya mushereza).
\p
\v 12 Obuhanya burhanzi bwagezire. Agandi mahanya abirhi gagwasirwe nago gayishe enyuma ly'ebyo.
\p
\v 13 Enyuma ly'aho, malaika wa kalindarhu abuha omushekera. Nayunva izu lyarhenga aha marhwerhwe gani g'irherekero ly'ennoro. Lyo irherekero liba emalanga ga Nnamahanga.
\v 14 Eryo izu lyabwira oyo malaika wakali ndarhu, alifumbasire omushekera erhi: Lika bala ba malaika bani bashwekirwe aha lwishi lwa Efrata.
\v 15 Bashwekula abo ba malaika bani, bali erhi barheganyibwe okunali muli eyo nsa, muli olwo lusiku, muli ogwo mwezi, na muli ogwo mwaka, lyo bayirha cihimbi ciguma c; omu bisharhu bya bantu.
\v 16 Nabwizirwe n'abasirika bali oku citerusi bali banga: Bali bahisire milioni magana abiri.
\v 17 Yunvagi kurhi nabwine ebyo biterusi n'aba bishona kwo erhi nkanguka. Bali badwirhe empenzi ndukula nka muko, zushushine n'omukara gw'ecibogo n'ecibiriti. Amarhwe g'ebyo biterusi ko gali yosire nka ga ntale, n'eknwa gabyo yakagi rhenga pmuliro n'omugi n'ecibiriti.
\v 18 Cihimbi ciguma c'omu bisharhu by'abantu cayirhwa n'amahane asharhu: Muliro, mugi n'ecibiriti. Ebyo byoshi byakagi rhenga omu kanwa k'ebyo biterusi.
\v 19 Bulya obuhashe bw'ebyo biterusi biri omu rhunwa n'omu micira yabyo, emicira yabyo eyosire nka njoka. Zijira amarhwe zikolesa amango zikola zaluma abantu kubi.
\v 20 Emisigala y'abo bantu, ngasi abayirhagwa n'ago mahanya goshi barha gokolaga kuli ebi bajijire bone. Barha lekaga okugashanyiza enama n'enshushano z'enoro, n'eze chuma c'enfaranga, n'eze chuma c'omulinga, n'eza mabuye, n'eze mirhi na zirya zirhanka bona erhi kuyunva erhi kugenda.
\v 21 Abo bantu nabo barhalekaka obwisi bwabo, n'amakurungu gabo, n'oku gona kwabo erhi obushambo bwabo.
\c 10
\cl Cigabi 10
\p
\v 1 Nnana cibona owundi malahika muzibuzibu amanuka e malunga, ecitu cali muhundikire, n'omutirigongo erhi gumuli okw'irhwe; obusu bwage erhi buli nk'izuba, n'amalanga gage erhi Bali nka mitungo ya muliro.
\v 2 Ali afumbasire ehitabu hiyigule omu nfune. Anaciheba okugulu kulyo oku nyanja, n'okulembe okw'idaho,
\v 3 ayama n'izu linene nka kulya entala eluluma. Oku anayama ntya, Emilazo nda ya kungula.
\v 4 Erhi eyo milazo nda eba ya makungula, na nkola nti nyandike, nana ciyunva izu lya rhenga e malunga, erhi: Ebyola emilazo nda edesire obihebe kw'akahamikizo, omanye wankana biyandika.
\v 5 Obo, olya Malahika nabonaga ayimanzire oku nyanja n'okw'igulu, alambulira okuboko kulyo e malunga,
\v 6 alahira ozine omu myaka n'emyaka, owalemaga amalunga n'ebi gaba mwo, n'igulu n'ebi muba, n'enyanja n'ebi muba, mpu nta mango gacihali,
\v 7 ci mpu ensiku banayunve Malahika wa kali nda abuha omu mushekera, erhi ihwe lya Nyamuzinda lya mayunjula, nk'oku abwiraga bambali bage n'abalebi.
\v 8 Liryal'izu narhangigi yunva e malunga, lyashubi nganiza, erhi: Ogendi rhola e citabu cibungule omu nfune za Malahika oyimanzire oku nyanja n'oku igulu.
\v 9 Nanaci kanya, naja e munda Malahika ali, na mubwira nti ampereza cirya citabu. Ambwira, erhi: Orhole eco, onacivuguse; ca kululira hano cikuhika omu nda, ci ekanwa ca kununira nka buci.
\v 10 Na rhola cirya citabu omu nfune za Nyamuzinda, nacivugusa; omu kanwa erhi cinuna nka buci, ci erhi mba na macirya canshakamiza enda.
\v 11 Banacimbwira, erhi: bishinganine oshubi lebera e mulala n'amashanja n'endimi na bami banji.
\c 11
\cl Cigabi 11
\p
\v 1 Enyuma ly'aho bashubi mpa olusheke sheke lw'olugero luli nka karhi, bana mbwira mpu: Yimuka ogere aka Nnamahanga n'irherekero, oganje n'abali baharamiza omu ka Nnamahanga.
\v 2 Cikwone oleke engo y'embuga y'aka Nnamahanga, orhaigeraga bulya yagabirwe abapagani; bo banakola barhegeka ecishagala cimana myezi makumi ani n'ibiri.
\v 3 Narhuma abahamirizi bani babiri bayambirhe amasunzu, bo bayigiriza akanwa ka Nnaahanga muli ezo nsiku cihumbi na magana abiri na makumi galindarhu.
\v 4 Abo bahamirizi, eri erya mirhi y'emizetuni yombi ya galya matara gombi gayimanga emalanga ga n'igulu.
\v 5 Owanka lonza oku bajira kubi, omuliro guna barhenge ekanwa, gushereze abashombanyi babo. Intyo kwo agwasirwe okufa owalonza okubajira kubi.
\v 6 Bagwerhe obuhashe bw'okuhamika oku nkuba ly'enkuba erhaki nia amango bali bayigiriza emyanzi ya Nnamahanga. Bagwerhe n'obuhashe bw'oku hindula amishi gabe muko, bagwerhe n'obwokuheba ngasi lubero lw'amahanya omw'igulu amango bana lonzize.
\v 7 Hanobaba bamayusa barhondeka emyanzi yabo, ensimba yahuluka omu mwina yaba lwisa n'oku bahima n'oku bayirha.
\v 8 Emirhumba yabo yabera omu muhanda gw'omu chishagala cinene, halya nawabo abambiragwa oku musalaba. Eco cishagala caderhwa oku lwiganyo mpu Sodoma, erhi Misiri.
\v 9 Abantu b'omu ngasi cihugo, n'abangasi milala, n'abangasi luderho, na ba ngasi mbaga bakahenguza emirhumba yabo nsiku isharhu n'enusu, barhana yemerwe mpu ebishwe.
\v 10 Abantu b'enigulu basima okufa kwabo balebi, bulya emyanzi abo balebi bombi bakagi kaleba, yali yama bahahaza, bakarhuulana erhi mwishingo gurhuma.
\v 11 Cikwone enyuma ly'ezo nsiku zisharhu n'ecihimbi, omuka gw'obuzine gwarhenga emwa Nnamahanga gwabaja mwo, bayimanga. Ngasi ababonaga boshi bagwarhwa n'obwoba bwenene.
\v 12 Ago mango abo balebi bayunva izu linene oku nkuba. Lyaba bwira mpu: Yinamuki murhenge aha! Bayinamukira oku nkuba omu citu, erhi n'abashombanyi babo bali babagalamira.
\v 13 Honaho, omusisi mudarhi gwagera, ecihimbi ca kal'ikumi c'omu cishagala cahongoka n'abantu bihumbi nda byafa muli ogwo musisi. Abandi bayoboha bwenene baha Nnamahanga w'empingu obukuze.
\p
\v 14 Obuhanya bwa kabiri bwamagera cikwone mucilange bulya obwa kasharhu bwarhibuka bona buno.
\p
\v 15 Enyuma ly'aho malaika wa kali nda abuha omu shekera. Ecihogero c'amazu manenene cayunvikana oku nkuba, cakaderha mpu: Obuhashe bw'okurhambula igulu bukola bwa Nnamahanga bone Masiya wage, arhambula ensiku n'amango!
\p
\v 16 Bulya bagula makumi gabiri na bani batamire oku ntebe zabo emalanga ga Nyamahanga, bahwera okw'idaho bakaharamya Nnamahanga.
\v 17 Erhi baka haramya, bakaderha mpu: Nyamubaho Mugala byoshi we We ohali, We wanahali rhuku vuzire omunkwa buya wakolesize obuhashe bwawe na bulya warhambwire.
\q
\v 18 Embaga zirii burhe, cikwone amango gahisirage, g'obuhane n'obukunizi bwawe bwaciyerekana mwo, go na mango abafire batwirwa olubanja. Amango gahisirage go wahemba mwo bambalibawe ba balebi, na ngasi baba bawe boshi bana kukenga, ci ankaba bakulu erhi barho amango gahisirage, go washereza mwo abashereza igulu!
\p
\v 19 Okuhandi obwo, aka nyamubaho kaba omu mpingu kayiguka, isanduku ly'okulaganana lyaka bonekana omu ka Nyamubaho kage. Hana cizuka emishabaganyo, n'amazu, n'emilazo, n'igulu lyagera mw'omusisi n'olubula ludarhi lwania.
\c 12
\cl Cigabi 12
\p
\v 1 Oku handi ecimanyiso cirhali cinyi ca boneka e malunga; omukazi oyambirhe izuba, n'omwezi ahamagulu gage, n'ecimane ca nyenyezi ikumi n'ibirhi omw'irhwe lyage.
\v 2 Ali nda, adwirhe ayama erhi mikero erhuma n'amalumwa gw'okuburha.
\v 3 N'ecindi cimanyiso ca boneka e malunga; enkuba-joka nnenene eshushire isese, ya marhwe nda n'amahembe ikumi, na mashungwe nda oku marhwe gayo.
\v 4 N'omucira gwayo gwayisha bwa bulula ecihimbi ca kasharhu c'enyenyezi z'omu malunga, gwa nazikweba okw'idaho. Erya nkuba-joka ya yimanga embere z'olya mukazi wali buburha, yalinga mpu hano aburha emulya omwana.
\v 5 Nyamukazi anaciburha omwana murhabana ye wayishi yabula amashanja goshi n'ehirhi hy'ecuma; nyamwana banacimuka enyanya, banamuheka hali na Nyamuzinda na aha ntebe yage.
\v 6 Nyamukazi yehe, ayakira omw'irungu, ashanga Nyamuzinda amurheganyize mwo aha abera, mpu bamuhere ho eci alya nsiku cihumbi na magana abirhi na makumi galindarhu.
\p
\v 7 Okubundi entambala yanacizuka e malunga: Mikaeli bona ba Bamalahika bage balwisa enkuba-joka. Enkuba-joka yarhangira entambala boshi na Bamalahika bage.
\v 8 Ci bahimwa babula na aha bacibezire omu mpingu.
\v 9 Olya wankuba-joka munenene, olya mujoka wamira olya baderha mpu yo Ndyalya, mpu ye Shetani, olya ohabula rubanda, bamukweba okw'igulu, bamukulikiza na Bamalahika bage.
\v 10 Nanaci yunva izu linene e malunga, mpu: lero obucire n'obuhashe n'obwami bwa Nyamuzinda wirhu, n'oburhegesi bwa Kristu wage bwamayisha bulya olya okazi shobeka bene wirhu olya ajugucirwa!
\q
\v 11 Abo bene wirhu bamuhimire n'omuko gw'Omwana-buzi oluderho ly'obuhamirize bwabo, barhana babaliraga amagala gabo kuhika okufa.
\q
\v 12 Simagi, mwe malunga n'abamuba mwo! We igulu, nawe we nyanja, mwamahera, bulya erya ndyalya emwinyu yayandagalire, erhi enakunire bwenene, kulya kuba emanyire oku nsiku zayo ziri nganje.
\p
\v 13 Erhi wankuba-joka abona bamujucira omw'igulu, ashimbulula olya mukazi, erhy'amana burha omugala.
\v 14 Banaciha Nyamukazi byubi bibirhi bya nyunda mpu abalalire omw'irungu halya hage anabera, mpu bamuhembere ho nsiku n'amango n'oluhande lw'ensiku kuli na wanjoka.
\v 15 Wanjoka anacimeshera amishi Bali nka lwishi, aganika kwo nyamukazi, mpu olwishi lumuheke.
\v 16 Ci igulu lyafungira nyamukazi, lya murangusa lulya lwishi wanjoka amesheraga kurhenga e kanwa kage.
\v 17 Wanjoka ajihokolera nyamukazi, akanya, ajilwisa abarhengaga omu nda yage balisigire, balya bashimba amarhegeko ga Nyamuzinda, banagwerhe obuhamirizi bwa Yesu.
\v 18 Anaciyimanga oku mushenyi gw'enyanja ago mango.
\c 13
\cl Cigabi 13
\p
\v 1 Anayimanga oku mushenyi gw'omunyanja. Nakandi nanacibona omusimba arhenga omu nyanja agwerhe mahembe ikumi na birhwe nda, n'okwago mahembe kwali mashungwe ikumi, n'okwebyo birhwe kwali amazino g'ebijaci.
\v 2 Eco ciryanyi nabonágà calishushire engwi; amagulu gaco gali nka kanwa ka ntale, enjoka ya muha omuhashe bwayo, n'entebe yayo yo burhumbazi n'obuhashe bunji.
\v 3 N'abona liguma ly'omwago marhwe lya berwa oluguma lw'okufa, oluguma lwage lw'okufa lwanafuma, n'igulu lyoshi lyasomerwa n'oyo msimba.
\v 4 Bacikumba oyo mujoka, bulya ahire oyo msimba obuhashe; bacikumba n'oyo msimba, n'okuderha: Ndi oli nkoyu msimba, na ndi wakamulwisa?
\v 5 Naye anacihabwa akanwa kanene k'okuderha ebinwa ly'obucibone n'ebijaci; anahabw'obuhashe bw'okujira omukolo gwage miezi makuni gani n'ibirhi.
\v 6 Canabibumbula akanwa kaco okuderha ebijaci enyanya za Nyamuzinda, omu kulogorhera Izino lyage, n'olurhamba lwage, na ngasi babâ emalunga.
\v 7 Ca nahabwa okujir'entambala n'abacesibwa, n'okubahima. Canahabwa obuhashe oku ngasi bûko, na ngasi mulala, na ngasi luderho, na ngasi ishanja.
\v 8 Na ngasi boshi babâ omw'igulu bakamugashaniza, balya amazino gabo garhali gayandisirwe omu citabu c'obulamu c'omwanabuzi wanigagwa.
\v 9 Ogwerhe amarhwiri g'okuyunva ayunve.
\q
\v 10 Omuntu waheka empira, ahekwa mpira, owaniga oku ngorho, anigw'oku ngorho. Aha hohobushibizi n'obwemere bw'abacebwa.
\p
\v 11 Okuhandi nanabona owundi msimba arheg'omw'igulu, ali gwerhe mahembi abirhi gali nka mwana-buzi, anali gwerhe aderha nka nkuba-joka.
\v 12 Aligwerhe akolesa obuhashe bw'olya msimba murhanzi, anajira igulu lyoshi n'abali mwo boshi mpu bacikumbe oyo msimba wa burhanzi, olya wafumaga oluguma lwali lw'okumuyirha.
\v 13 Anacijira bisomerine binji, ciru kuhika ahonôla omuliro kurheng'emalûnga, gwayandagalira okw'idaho abantu bagubona.
\v 14 Anaheba abantu boshi b'omw'igulu nabirya bisomerine alihirwe okujira omu masu g'omusimba, cabwira abantu n'igulu mpu bajire enshushano y'omusimba w'olikw'oluguma lw'engôrho lwanafuma.
\v 15 Ahâbwa obuhashe bw'okub'erya nshushano y'omusimba mwo Mûka, lyo eyo nshushano y'omusimba ederha, mpu nalyo ngasi boshi barhacikumbiri eyo nshushano y'oyo musimba bayirhwe.
\v 16 Byanaciba oku ngasi boshi, barho n'abakulu, bagale n'abakenyi, abalikule n'abaja, bahebwe ecimanyiso oku kuboko kwabo kw'elulyo erhi oku malanga.
\v 17 Na ntaye muntu yeshi wagula ery'aguze, arhanali kwo cimanyiso, izino ly'oyo msimba erhi mubalé gwalyo.
\v 18 Aha hohobukengukwe. Ngasi ogwerhe aganje omubalé gw'oyo msimba. Bulya guli mubalé gwa muntu, n'ogwo mubalé gali magano ndarhu na makumi gali ndarhuru na ndarhu.
\c 14
\cl Cigabi 14
\p
\v 1 Nanacisinza, nabona, omwanabuzi ayimanzire oku ntondo ye Siyoni, erhyali boshi na bishogwa bantu bihumbi igani na makumi gana na bini, baliyandisirwe izino lyage n'ery'Ishe ahamalanga.
\v 2 Nanayunva izu emalanga, nk'izu lya nshalalo ya mishi manji manji; n'eryo izu nayunvagya lya yorha nka bazihi bananga bakomera enanga zabo.
\v 3 Erhi banadwirhe bayimbayimba olwimbo luhyahya embere z'entebe ya Nyamuzinda n'embere za zirya nsimba okuzinali ini na balya bagula. Na ntaye wakadesire mpu ayigo olwo lwimbo aha nyuma lya birya bihumbi igana na makumi gani byacungulagwa omw'igulu.
\v 4 Abôla bobalya barhacihemûlaga n'abakazi: bo balamba bakulikîre omwanabuzi ngasi hoshi anajîre, balicishozirwe omugarhi ka abantu mpu babe mburho mpyahya ya Nyamuzinda n'omwanabuzi;
\v 5 harhanabonekaga ecinwa c'obunywesi omu kanwa kabo, bulya barhalikw'ishembo.
\p
\v 6 Nanacibona owundi malahika ayisha ayerera omu nkuba-karhi emalunga, adwirhe omwanzi gwa kalembe gw'ensiku n'amango, mpu agumanyise abantu b'igulu, na ngasi ishanja, oku ngasi buko, oku ngasi luderho, n'oku ngasi lubaga.
\v 7 Akagiderha n'izu linene: Muyobohe Nyamuzinda, munamuhe irenge lyage, bulya akasanzi k'olubandja kayishire; munacikumbe owajiraga amalunga, n'okw'igulu n'enyanja, n'enshoko z'amiishi.
\p
\v 8 N'owundi malaika wa kabiri akulikira, aderha: cahirimire, cahirimire cirya ci Babiloni cinênênè canywesagya amashanja goshi idivayi ly'omutula gw'okuhusha kwaco.
\p
\v 9 N'owundi, ye malaika wakasharhu, naye ayisha akulikiire ababo, ayakûuza n'izu linene, erhi: Hakajira omuntu ogashanisa olya w'eciryanyi n'enshushano yage, akanahebwa ecimanyiso cage emalanga kandi erhi omu nfune,
\v 10 oyo anywa okw'idivayi ly'obukunizi bwa Nyamuzinda, lyahungulirwa buzira okuligusha omu kabehé k'omutula gwage, anayishi rhindibukira omu muliro gunamulyanyé, embere za bamalaika bimana n'embere z'omwanabuzi.
\v 11 N'omugi gw'amalumwa gabo gwasôkera enyanya kuhik'emyaka n'emyaka, barhanarhamuka mushi ciru n'abudufu, bulya bagashaniza olya w'eciryanyi n'enshushano yage, na ngasi ojakw'ecimanyiso c'izino lyage.
\v 12 Aha hohobushibirizi bw'acesibwa, lanzire amarhegeko ga Nnâmahanga n'obwemere bwa Yezu.
\p
\v 13 Nanacuyunva izû lya derha: Erhi yandika: Aban'iragi kurhenga buno abafu balya bafa muli Nyakasane! Neci, kwo mûka adesire, bahashe okurhamuka enyuma lyemikolo yabo, kulya kuba ebijiro byabo bya bakulikira.
\p
\v 14 Buzinda nasinza, nabona, erhi hyeru, na kulihyo hitû kwalitamire muguma, olinka mugani gwa mwene-muntu, ogwerhe ishungwe ly'enoro enyanya z'irhwe lyage; n'omu kuboko kwage omusholo mwoji.
\v 15 N'owundi malahika arhenga omu omurhamba, ayama n'izu linene enyanya z'oyo walitamîre oku hitû (hikungu): Heba omusholo, onahumbule, bulya akasanzi k'okuhumbûla kahisire, bulya ebihumbulwa l'igulu byayezire.
\v 16 N'owalitamire okuhitu akweba omusholo gwage okw'igulu, igulu lyahumbulwa.
\p
\v 17 N'owundi malahika arhenga omu lurhamba luli emalunga, agwerhe, naye, omusholo mwoji.
\v 18 N'owundi malahika waligwerhe obuhashe oku muliro, arhenga oku luherero, naye amuyamira n'izu linene, olya waligwerhe omusholo mwoji, aderha: Kweba omusholo gwawe mwoji, onayimbule (kuhumbula) amalehe ge engano y'omwigulu; bulya amalehe g'omw'igulu gakola gayezire.
\v 19 N'oyo malahika akweba omusholo gwage omw'igulu, anayimbula amalehe gw'omw'igulu, anacikweba ebihumbulwa omu mukenzi gw'obukunizi bwa Nnâmahanga.
\v 20 Ogwo mukenzi gwa labarhirwa embuga ly'olugo, n'omuko gwarhenga omw'ogwo mukenzi, kuhiko okumirhamba yebiterusi, okulugero lwa ngero magana abiri (200m).
\c 15
\cl Cigabi 15
\p
\v 1 Buzinda nabona ecindi cimanyiso Empingu (emalunga), cinene, na can kusomerana; ba malahaika nda, baligwerhe mashurho nda, ga buzinda, bulya kuligo kw'omutula gwa Nnâmahanga guhikirire.
\p
\v 2 Kandi nabona akantu nka mugani lubonera (ciyo) bibushe haguma n'omuliro, na abahimire omusimba, n'enshusho yage, n'omu ganjo gw'izino lyage, bayimanyizire eburhambi bweyo nyanyaja yolubonera habari, erhi banagwerhe enyanya za Nnâmahanga.
\v 3 N'erhi baduirhe bayimba olwimbo lwa Musa, murhumisi was Nnâmahanga, n'olwimbo ly'omwanabuzi, bakaderha: Biri binene, na bya kusomeza, ebijiro byawe, Ewe Nnâhamwirhu w'obuhashe, zirizabushinganyanya, na z'okuli, enjira zawe, mwami w'olubaga.
\q
\v 4 Ndi orhankayoboha, Nnawirhu, nandi orhankuz'izino lyawe? Bulya wene doka'weba ocîre. N'olubaga lwoshi lwanayishe, n'okufukama embere zawe, bulya ebijiro byawe byaciyerekîne.
\p
\v 5 Enyuma ly'ebyo, nalangîra akanyamuzinda k'ihema hayigulwa omumpingu.
\v 6 N'abalya bamalahika nda balifumbasire galya mashurho nda barheng'omukanyamuzinda, erhi bayambirhe omushangi gucîre, gwaja moleka, erhiba na yambirhe n'omukaba gw'enoro ecibuno.
\v 7 Na muguma w'omubalya b'ozine bani aha balya bamalahika nda rhubehe nda rhwa noro, nrhuyunjwire mutula gwa Nnâmahanga ozine emyaka n'emyaka.
\v 8 N'Akanyamuzinda kayunjula mugi, enyanya z'irenge lya Nnâmahanga n'obuhashe; na ntaye wankacihashire okudaha omu Kanyamuzinda, kuhika galya mashurho nda g'abalya Bamalahika new gahike.
\c 16
\cl Cigabi 16
\p
\v 1 Nanaciyunva izu linene Kurhenga omu Kanyamuzinda, lyanakagiderha n'abalya bamalahika nda, mugende, munabulagire omw'igulu orhwo rhubehe nda rhw'omutula gwa Nnâmahanga.
\p
\v 2 Owaburhanzi agenda, anacibulagira akabehe kage omw'igulu. N'amahurhe mâbi, magalugalu baja kuli balya balikwo akashé k'oyo musimba n'okubakagi cikumba enshusho yage.
\p
\v 3 N'oyo wakabiri abulagira akabehe kage omunyandja. Yahinduka muko, nka muko gw'ofîre, n'ebiremwa byoshi byanafa, byoshi omu nyanja.
\p
\v 4 Owakasharshu abulagira akabehe kage omunyishi n'omu nshoko z'amishi. Zanahindamuka muko.
\v 5 Kandi bayunva makahika wa misi aderha: Erhi oli w'okuli, we hali, we wanahali, oli ocîre, bulya watwîre olw'olubanja.
\q
\v 6 Bulya babulazîre omuko gw'abacesibwa n'ogw'abalebi: wanabahîre omuko gw'okunywa: bali bakwanine.
\p
\v 7 Naciyunva oluherero lwaderha: mpu neci, Namwangirwa Namuzinda ogala byoshi, okutw'emanja, kushinganine kunali kwo kuli.
\p
\v 8 N'oyo wakani, abulagira akabehe kage okw'izuba, lyanahabwa obuhashe bw'okuyoca abantu n'omuliro.
\v 9 N'abantu bana boyôka bwenene n'ogwola muliro, banajacira Nyamuzinda waligwerhe obuhashe okweryo ishurho, banaciyunjuzagya n'okumuha obukuze.
\p
\v 10 Owakarhanu abulaga akabehe oku ntebe y'omusimba. N'obwami bwage bwabwikwa n'omwizimya, n'abantu bafa n'amalumwa g'ezindi ndimi zaba,
\v 11 banajacira Nyamuzinda enyanya z'amalumwa gabo n'enyanya z'amahurhe gabo, barhanaciyunjuzagya ebijiro byabo.
\p
\v 12 N'owakalinderhu abulagira akabehe kage okulwishi lunene, EEfrati. N'amishi galwo gagana, lyo enjira y'Abami b'okurhenga emunda izuba lizikira ekubulwa.
\v 13 Nanacibona kurhenga omu kanwa k'enkubajoka, n'omu kanwa k'omusimba, n'omu kanwa k'omulebi w'obuywesi, myûka isharhu mibî, eshushire emidoki (bakré).
\v 14 Bulya yali myûka ya bazimu, bajira ebirhangaza, banaja omu mami g'igulu lyoshi, lyo babashubûza enyanya zentambala y'olusiku likulu lwa Nyamuzinda ogala byoshi.
\v 15 Sinza, nayisha nka cishambo. Iragi ly'owaba alalire, n'olanzire emyambalo yage, lyo alekigenda bushunzi barhanabone! Enshonyi zage.
\p
\v 16 Abashubuliza omu hantu haderhwa omu habrania Harmagedone.
\p
\v 17 Owakalinda abulagira akabehe kage omu malunga. N'izu linene lyarhenga omukanyamuzinda, omu ntebe lyaderha: Byabîre.
\v 18 Hanaciyisha orhukemezo, n'amazû, n'emikungulo, n'omujugumo gw'igulu, nk'oku gurhasigiba kurhenga omuntu ajaga en'igulu; kandi gwanali mujugumo munene.
\v 19 N'olo lugo lunene lwagabanûka mwo kasharhu, n'erhundu y'embaga yahirimira; n'olya Babeli mukulu akangerwa embere za Nnâmahanga, akuhabwa akabehe k'ecinywebwa c'omuntu n'obukunizi bwage.
\v 20 Na ngasi ntula zayaka, n'entondo zahirigirha.
\v 21 N'omusirûla munene, bulya amabuye gagwo bagwerhe buzirhu bwa talanta nguma, gamanuka emalunga gacihonda okubantu; n'abantu bajacira Nnâmahanga, enyanya ly'ishurho lyogw'omusirûla.
\c 17
\cl Cigabi 17
\p
\v 1 Kandi muguma w'omu balya malahika nda balifumbasire rhulya rhubehe nda rhw'ecinyobwa, ambwira, aderha, erhi yisha, eno nkulagule olubandja lwolya wecishungu mukulu olya otamire oku mishi manji.
\v 2 Ye abami boshi b'omw'igulu bali bashungula naye, n'ecimanyobwa c'obushungu bwage co ngasi bayubaka omw'igulu boshi badwuirhe balaluka.
\v 3 Anacimpeka omwirungu muli Mûka, nabona omukazi atamîre oku musimba mudukula bwenene, ayunjwire mazino ga bijaci, erhi agwerhe birhwe nda n'amahembe ikumi.
\v 4 Oyo mukazi aliyambirhe omushangi gw'ecivuruvundu, n'omudukula; n'enoro z'icîre, amabuye g'ecishingo na magerha. Alifumbasire omufune zage, akabehe k'enoro, kayunjwire eby'okugayisa n'amabi g'obushungu bwage.
\v 5 Ahamalanga gage galiyandisirwe izino, ly'ihwe, Babiloni mukulu, nnina wamabi n'eby'okugayîsa by'omw'igulu.
\p
\v 6 Nabona oyo mukazi alalusire omuko gw'abacesibwa n'omuko gw'orhumasi rhwa Yezu. Na, omu kulusinza, nasomerwa bwenene.
\v 7 Na malahika ambwira: carhuma wasomerwa? Bamubwira ihwe ly'oyo mukazi n'oyo msimba omuhesire, ogwerhe birhwe nda n'amahembe ikumi.
\v 8 Oyo musimba wabwine ahali, naye arhacihali. Akwanine okushona arhenga ekuzimu n'okuja ebwakuhera. Na ngasi bayubaka omw'igulu, balya izino lyabo lirhayandikagwa omu citabu c'obuzine kurhenga igulu lyalemagwa, nasomerwa okubona oyo musimba, bulya ahali, ci arhacihali, anacishihaba.
\v 9 Aho hoh'obwenge bw'oburhimanya, ebyo birhwe nda, ziri ntondo nda, z'oyo mukazi antamire kwo.
\v 10 Kandi gon'amami nda: garhanu gahirimire, na baguma bucihali, n'obundi burhacihaba, n'erhi bukayisha, bwahaba kasanzi katya.
\v 11 N'omudukula wahali, ci arhacihali, aliye mwami wakalimunani, ali na muguma w'omu balinda, naye, anahirigirha.
\v 12 Ago mahembe ikumi wabanaga bali bami ikumi, barhacihabwa obwami, cikwone bahabirwe obuhashe nka bami lugero lwa kasanzi katya boshi n'oyo musimba.
\v 13 Balaganana, n'okuhana obuhashe bwabo n'obukulu bwabo emw'oyo musimba.
\v 14 Bayishilwisa omwanabuzi, n'omwanabuzi anabahîme, bulya ali Nnawirhu na bannawirhu, na mwami wa bami, na abahamagirwe, n'abishogwa n'abikubagirwa, bali boshi, naye nabo anabahima.
\v 15 Anacimbwira erhi: Ezo nyishi wabonaga, eco cishungu citamire kwo, eri milala, mwandu, mbaga, n'enderho.
\v 16 Ago mahembe ikumi wabonaga n'oyo musimba bajacira eco cishungu, bamusiga buzira bici na bushunzi (bushugunu), bulya enyama zage bana mudulike muliro (kumusingola).
\v 17 Bulya Nyamuzinda ahebire omu mirhima yabo okujira ihano lyage n'okujira ihano liguma, n'okula oyo musimba bwabo kuhika Emyanzi ya Nnâmahanga ehikirire.
\v 18 N'oyo mukazi wabonaga, guli murhundu munene gugwerhe obwami enyanya z'amami goshi gw'omw'igulu.
\c 18
\cl Cigabi 18
\p
\v 1 Enyuma zaho, nabona owundi malahika ayandagala, aligwerhe buhashe bunene; n'igulu lyoshi lya molekerwa n'irenge lyage.
\v 2 Ayama n'izu linene, aderha: Anahirimire, Anahirimire: Babiloni mukulu! Anabîre nyumpa ya shetani, cogo can bazimu babi, cogo can rhunyunyi rhubî na rhwabushabusha,
\v 3 bulya embaga zoshi zanywire ecinyobwe c'obukuni bw'obushungu bwage, n'abami b'omw'igulu bashungwîre boshi naye, n'abarhunzi b'omw'igulu babwine ebirugu okumisi yenzizi zage.
\q
\v 4 Nanaciyunva elindi izu kurhenga empingu lyaderha: rhengi ekarhi kage, lubaga lwani, lyomulekibalushange n'ebyaha byage, mubone mwamagwarhwa ninyu n'ibala lyage (ishurho).
\q
\v 5 Bulya ebyaha byage byalumîre kuhik'emalanga, na Nnâmahanga akengèra amabi gabo.
\q
\v 6 Mumulyule nk'oku anajijire, n'okumugalulira kabiri oku mikolo yage, akabehe abushiraga, mumubushire mwo kabiri.
\q
\v 7 Okulugero acikuze n'ocilimbisa, lwo na lugero mwamulisa n'amagala n'émishibo. Bulya yene acibwira emurhima: Erhi ndi mwamikazi, ntasagibà mukana, ntaka nabona mishibo!
\q
\v 8 Enyanya lyantyo, lwo n'olwo n'omuliro. Bulya ogala byoshi, Nyamuzinda wamutwigo olubandja.
\v 9 N'abami boshi b'omw'igulu, balya bacihandyire okujira obushungu naye n'okulimba naye, babandé ndulun'okucidudumira ye, erhi bamabona omugi gw'engulumira edwirhe ya muboyôla.
\v 10 Bayimanga kuli n'okuyoboha amalumwa gage kurhumire, baderha, mpu: Buhanya! Buhanya! Murhundu munênênè, Babiloni, Murhundu muzibu! Oku kasanzi katya otwirirwe olubanja!
\p
\v 11 N'abarhunzi bw'omw'igulu bamulakira baja n'omu mishibo erhi ye rhuma, buly'oburhanzi bwabo ntaye wacibagulira bwo,
\v 12 oburhunzi bw'amasholo (horo), ensaranga, amabuye g'ecishingo cidarhi, amagerha, mushangi gwa kanyiki, ogw'ecivuruvundu, myusi z'abisholero endukula, ngasi lubero lwa mirhi yibaya lindja, ngasi luberu lwa mahembe, ngasi lubero lwa mirhi ya cishingo cidarhi, emiringa (marhale), eby'ecûma, n'amabuye galabuka;
\v 13 ecinnamomo n'amomo, obw'ogavu n'obukû, n'enshange, obwidivayi n'obw'amavurha, obw'enshano, n'obw'enkafu, ebibuzi, ebiterusi, engalé, n'obwabaja n'abantu.
\v 14 Amalehe omurhima gwawe gwacifinjaga, gajîre kuli nawé; na ngasi bintu bindja byoshi n'eby'obulimbe byakuhezire, orhakanacibibona ciru n'ehitya.
\v 15 Abarhunzi b'ebyo bintu, balya bamugalira ga kwo, bayishiciyegûla kuli, omu. Côba c'amalumwa gage, bayishika band'endulu baje n'omu mishibo,
\v 16 banaciderha: obuhanya! Obuhanya! Omurhundu munene, gwaliyambisibwe omushangi gw'ecishingo, gwa civuruvundu na mudukula, na mushige amasholo, n'amabuye g'engulo ndarhi n'amagerha! Oku nsa nguma obw'obuhirhi bwoshi bwasherezîbwe.
\q
\v 17 Na ngasi baheka endege, ngasi bagera omu bwarho, ngasi balama omu nyanja, ngasi boshi bakola okunyanya baciyegûla,
\v 18 banakayakuza n'izu linene, omukubon'omugi gw'okuboyôka: Murhundu guli gwalishushine n'omurhundu munene wani?
\v 19 Bakakweba akatulo oku marhwe gabo, bakalaka banaja omu mishibo, bakayakûza n'okuderha mpu: obuhanya! Murhundu munene, mwo bagaliraga ngasi boshi bajira amarho oku nyandja erhi buuhirhi bwagwo burhuma, oku kasanzi katya (nsa nguma) camagulumira.
\q
\v 20 We malunga, simaga nkuabîre! Na ninyu, mwe bacesibwa, mwe ntumwa, na mwebalebi simagi ninyu! Bulya Nyamuzinda anamuhîre olubandja lw'obushinganyanya.
\p
\v 21 N'owundi malahika waligwerhe emisi anarhol'ibuye linene liri nka lwanjikwa (lusho) alikweb'omunyandja, n'okuderha: kwabene oku kwo akwebwa n'emisi munene oyu Babeli, murhundu munene, arhanacibonekana.
\q
\v 22 N'emwawe erhakaciyunvikana abazihi b'enanga, n'erhya abimbiza, n'erhya b'orhurhera, nab'okubuha omushekera, harhacibonekana emwawe omulanga w'omukolo mulebe, nta lusiku emwawe ya cunvikane izu ly'olwanjikwa,
\v 23 Obumoleke bw'itara burhakacifà bwa langazize emwawe, n'izu ly'omuhya mulume erhi ery'omuhya mukazi lirhacifà lya yunvikine emwawe, bulya abarhunzi bawe bo bali bakulu b'igulu, buly'embaga zoshi zarhebirwe n'obukurungu (bulozi) bwawe.
\q
\v 24 Nabulya ye barhimanyire m'omuko gwabalebi n'ogw'abacesibwa, n'ogwa ngasi banigagw'omw'igulu.
\c 19
\cl Cigabi 19
\p
\v 1 Enyuma ly'ebyo, nayunva izu linene kurheng'mpingu nka lubaga lunji lyaderha mpu: Zigashane! Obucire, irenge, n'obuhashe biri bya Nnâhamwirhu Nyamuzinda wirhu,
\v 2 bulya enyanja ziri z'okuli na zabushinganya; bulya atwire olw'olya wecishungu mukulu washerezagya eihugo n'obushungu bwage, anacibuka omungo gw'omuko gw'abambali bage n'okucishushanya omu nfune yage.
\p
\v 3 Bashubi n'aderha obwakabiri: Zigashane! N'omugi gwage gwayinamuk'emyaka n'emyaka.
\p
\v 4 N'abalya boshi makumi abiri n'abani, na birya biremwa bini by'obuzine byafukama n'okucikumba Nyamuzinda otamire oku ntebe, n'okuderha: Bibetyo! Zigashane!
\p
\v 5 N'izu lyaderhanga oku ntebe, lyaderha: Kuzi Nyamuzinda wirhu, mweshi mwe bakozi bage, mwe mumukenga, barho n'abakulu!
\p
\v 6 Naciyunva kand'izu ly'olubaga linene (lwinji), nka lubi lwa mishi manji, na nka lubi lwa mukungulo gwa mukazi, lyaderha mpu: Zigashane! Bulya Nnawirhu Nyamuzinda ogala byoshi Aku ntebe.
\q
\v 7 Rhushagaluke rhube omukucibalaza, rhunamuhe irenge; bulya obuhya bw'omwanabuzi bwamayisha, n'omuhya akola acirheganyize,
\v 8 anahabirwe okuyambala omushangi mwinjinja gw'ecitani, cakêru, bwenene. Bulya omwambalo mwinja gw'etani, byobiri bijiro bindja by'abacesibwa.
\p
\v 9 Na malahika amwira mpu: Yandika: Aban'iragi abali bahamagale okubuhya bw'omwanabuzi! Anabwira: Eyo mwanzi eri y'okuli myanzi ya Nyamuzinda.
\v 10 Nanacihirima aha magulu gage mpuncikumbe ye; cikwone ambwira: Leka orhajirentyo! Bulya nani ndi mukozi akawe, na akâbene winyu bagwerhe obuhamirizi bwa Yezu. Ocikumbe Nyamuzinda. - Bulya obuhamirizi bwa Yezu guli murhima gwa bulebi.
\p
\v 11 Kandi nabon'empingu yayiguka, na nabona, nabona hayisha ecitrusi ceru. Owalikushonîre ahamagîrwe mushinganyanya na wokuli, n'okutw'olubanja n'okulw'entambala nyinja.
\v 12 Amasu gage gali nka ngulumira ya muliro; okw'irhwe lyage kwali mashungwe manji, aligwerhe izino liyandike, na ntaye muntu walimanyire, orhali yene;
\v 13 aliyambirhe omushangi gujimire n'omuko. Izino lyage lwali luderho lwa Nnâmahanga.
\v 14 Emirhwe y'abarungu b'omulunga erhi bamukunjusire kwo banashanire oku biterusi byeru, baliyambirhe; omwambalo mwinjinja gw'ecitani, mweru, bwenene.
\v 15 Ekanwa kage yakagirhenga engorho nyoji mpu ayirhimbe ab'omu mashandja, ayishi bayabula n'akarhi k'ecuma, anayishilabarha omukenzi gw'ecinyobwa c'obukunizi bwa Nyamuzinda ogala byoshi.
\v 16 Okumushangi n'okucibero cage kwali kuyandik'izino: Mwami wa Bami na Nnakuno wa Bannakuno.
\p
\v 17 Nanacibona malahika muguma waliyimanzire omw'izuba. Anayama n'izu linene, abwira orhunyunyi rhwoshi rhwaja balala omu hantu he malunga mpu: Yishi muje okwidinye linene lya Nyamuzinda,
\v 18 mulye eminyafu y'abami, eminyafu y'abakulu ba barungu, eminyafu y'entwali, ebiterusi n'eyabishonire kwo, eminyafu ya boshi, abalikûle n'abajà, abarho n'abakulu.
\p
\v 19 Nanacibona omusimba, n'abami b'omw'igulu balundusire okujir'entambala kuli olya walitamîre oku citerusi n'abarungu bage.
\v 20 N'omusimba agwarhwa, anagwarhirwa haguma n'omulebi w'obunywesi, ye wajiraga ebisomerine by'arhebaga mwo ngasi balya boshi balikankire ecimanyiso coyo musimba n'okucikumb'enshusho yage. Bombi oku banali babiri babakweba banacizine omu cina c'omuliro mukali.
\v 21 N'abandi banaciyirhwa n'engorho yarhengaga omu kanwa k'olya walitamîre oku citerusi, n'orhunyunyi rhwaciyigusa n'enyama zage.
\c 20
\cl Cigabi 20
\p
\v 1 Kandi nanacibona malahika ahonoka kurhenga empingu, aligwerh'enfugulo z'ekuzimu, n'omugozi munene omu kuboko kwage.
\v 2 Agwarh'olya mujoka, mujoka wa mira, yeri kaheza shetani, anamushweka myaka cihumbi.
\v 3 Ananacimukweb'omucina, ahamika anazirika amuli mpu lyo irhondo arhacihiraga arhebire ndi, kuhika erya myaka cihumbi ehike. N'enyuma lyaho, ashwekulwe oku kasanzi katya.
\p
\v 4 Nanacibon'entebe; n'abalizitamîre kwo bahabwa obuhashe bw'okutwa olubandja. Nanabona enyuma ya balya batubagwa ebirhwe enyanya z'obuhamirizi bwa Yezu-Kristo n'enyanya z'omwanzi gwa Nnâmahanga, n'abarhacikumbaga omusimba erhi enshusho yage, n'abarhajakw'ecimanyiso emalanga n'oku kuboko kwabo, bashibira mwo Mûka, barhambula haguma na Kristi myaka cihumbu.
\v 5 Abandi bafu bohe barhafukaga kuhika myaka cihumbi yahika, bwo bufuke bwa burhanzi.
\v 6 Ban'iragi n'abacesibwa abagwerhe ecigabi okw'obw'obufuke bwa burhanzi! Olufu lwa kabiri lurhagwerhi buhashe kulibo; ci bay'ishiba bakozi ba Nyamuzinda n'aba Kristo, bayishi rhambula boshi naye myaka cihumbi.
\p
\v 7 Erhi myaka cihumbi ekahika, shetani anashwekûlwe omu mpamikwa.
\v 8 Ayishishwekulwa mpu arhebe embaga z'empande zini z'igulu lyoshi. Gog na Magog, mpu abarhaganye oku ntambala; obwinji bwabo buli nka mushenyi gw'omu nyanja.
\v 9 Bashona oku bugali bw'igulu lyoshi, banagwarhe omurhundu gw'abacesibwa n'olugo luzigirwa. Cikwone omuliro gwahona emalunga gwabasingonola.
\v 10 Na shetani, ye wabarhebaga, akwebwa omu nyenga y'omuliro n'amalumwa, mulya olya w'erianya ali n'olya mulebi w'obunywesi. Omwôla mwobayorha balibukira bwacabwira emyaka n'emyaka.
\p
\v 11 Buzinda nabona entebe hehehe nyeru, n'owaliyitamîre kwo. Igulu n'amalumwa byakayaka embere z'obusu bwage, harhanacibonekanaga ciru n'omuguma muli bo.
\v 12 Nanabona abafu, abakulu n'abarho baj'embere z'entebe. Ebitabu bya bungulwa. N'ecindi cabungulwa, co câli citabu c'obuzine. N'abafu batwira olubandja kushimbulirana n'ebijiro byabo, okubo baliyandisirwe mwebyo bitabu.
\v 13 Enyishi zashala abafu bali mwo, n'olufu n'encinda za bafu zashala abafu bali mwo, na ngasi muguma akatwira olubandja nk'oku emikolo yage yanali.
\v 14 Enyanja n'encinda z'abafu byakabulirwa omunyenga y'omuliro lwolufu lwa kabiri, Enyenga y'omuliro.
\v 15 Na ngasi yeshi orhabonekaga alimuyandike omu citabu c'obulamu akabulirwa omunyenga y'omuliro.
\c 21
\cl Cigabi 21
\p
\v 1 Kandi nabona empingu mpyahya n'igulu lihyahya; bulya empingu ntanzi n'igulu lirhanzi byahirigirha, n'enyanja yagana.
\v 2 Nabona kurhenga empingu, hofi na Nnâmahanga, omurhundu mucesibwa yo Yerusalemu mpyahya, nteganye nka muhya walinga iba wage.
\v 3 Nanaciyunva izu linene kurheng'oku ntebe lyaderha mpu: Alaga akanyamusinda haguma n'abantu! Ayishi handa haguma nabo, banabe lubaga lwage, na Nyamuzinda yene aba haguma nabo.
\v 4 Ayishi bahorhola ngasi mulenge omu masu gabo, n'olufu lurhakacihaba, n'amalumwa, bulya ebya burhanzi byoshi byagezire.
\v 5 N'olya walitamire oku ntebe aderha: Ala, njizire byoshi buhyahya. Anaciderha erhi: Yandika, bulya eyo mwanzi eri-ho eri nayo y'okuli.
\v 6 Anacimbwira erhi: Byamaba, Nie Alfa na Omega, waburhanzi na wabuzinda, nahà ngasi olin'enyorha, ye nshoko ya mishi g'obuzine, kwone (busha).
\v 7 Owahima ayima omwebi; naba nie Nnâmahanga wage, naye abe mugala.
\v 8 Cikwone, abarhemiri, abokugayisa, abokunigana, abokushungulo, abalozi, abacikumba enshusho, n'abashumi boshi bayishi kwebwa omu nyenga y'omuliro mukali na gwa malibûko, lwo luli lufu lwa kabiri.
\p
\v 9 Kandi muguma wo mubalya bamalahika nda balifumbasire rhulya rhubehe nda rhuyunjwire mashurho nda ga buzinda, na kulangûla omuhya, mkazi w'omwanabuzi.
\v 10 Ampeka muli muka kuhika oku ntondo nnene, ndiri. Anangûla gulya murhundu (lugo) mucesibwa, Yerusalemu, lwayandagala kurheng'omumpingu emwa ntebe nne ntebe n'amahanga.
\v 11 Obulangale bwage bwali shushire ibuye linjanja, ibuye lyo Yaspe lya kulangalushane nka lubala (ciyo).
\v 12 Lyali ligwerhe ecibambazi cinene ciri. Ca mihango ikumi n'ibiri, n'okwezo nyunvi bamalahika ikumi na babiri, n'amazino gali mayandike kwo, gog'emilala ikumi n'ibiri y'abana b'Israheli:
\v 13 ebushoshokero bw'izuba mihango isharhu, idako mihango isharhu, enyanya mihango isharhu, n'ebuzikiro mihango isharhu.
\v 14 Eco cibambazi caliyimanzire oku mabuyé ikumi na gabiri colwo lugo, na kuli go mazino ikumi na gabiri ga ntumwa ikumi na zibiri z'omwanabuzi.
\v 15 Owakagi mbwira aligwerhe nka lugero mulongo gwa nyoro lwo lugera olugo, enyunvi n'ecibambazi calwo.
\v 16 Olwo lugo, lwoshi lwali yumanine obuli n'obugali oku mpande zini agérà olugo n'omulonge, agérà lulya lugo abona stadi bihumbi ikumi na bibiri; obuli, ubugali n'oburherema byoshi byali biyumanine.
\v 17 Anagera eco cibambazi, abona bihumbi igana na makumi gani bya kuboko.
\v 18 Ecibambazi cali ciyubake n'ejapse, n'olugo lwali yubasirwe n'enyoro zicîre, zishushire olubonera habiri.
\v 19 Amabuye g'ecogo colwo lugo caliyubasire kwo gali minjanja na ngulo ndarhi, ibuye lirhanzi lya yaspidi; elya kabiri lya zafiri, elya kasharhu lyali lya kaledoni, elya kani lyali lya sumarado,
\v 20 elya karhanu lyali lya sadonidi, elya kalindarhu lyali lya sadiya, elya kalinda lyali lya krizoliti, elya kali munani lyali lya berulo, elya kali mwenda lyali lya topozi, elya kali kumi lyali lya krisospoli, elya kali ikumi na liguma lyali lya hyasinti, elya kali ikumi na kabiri lyali ly'amotusta.
\v 21 N'ezo nyunvi ikumi na zibiri gali magerha ikumi na gabiri; na ngasi lunvi lyagwerhe igerha liguma. Aha olwo lugo lwali haliha masholo minjinja, ga, bya kulangashana nka lobenera habiri (ciyo).
\v 22 Ntabana kanyamuzinda omw'olwo lugo; bulya Nyakasane Nyamuzinda ogala byoshi yene ye kanyamuzinda, bon'omwanabuzi.
\v 23 Olwo lugo lurhanacifinj'izuba erhi mwezi okulilomekera; bulya irenge lya Nyakasane ko kalome kalwo, n'omwanabuzi n'engulumira yage.
\v 24 Embaga zoshi zayishikagenda omu bulangale bw'olwo lugo, n'abami bomw'igulu lyoshi mwo bayishi kaheka ubuhirhi bwabo.
\v 25 Enyunvi zalwo zirhakayigalwa mushi, bulya nta budufu byanabe mwo.
\v 26 Mwobayishi kaheka irenge n'olukengwa lw'embaga.
\v 27 Murhakaja kantu kagonyogonyo, na ngasi yeshi okajira eby'okugayisa n'obunywesi, cikwone balya bayandisirwe omu citabu c'obuzine c'omwanabuzi.
\c 22
\cl Cigabi 22
\p
\v 1 Okubundi anacinangûla olwishi lulimwo amishi g'obulamu, lunashogwîre lunali lwalangashana ak'olubonera abiri, lwakagirheng'omuntebe ya Nyamuzinda n'eny'omwanabuzi.
\v 2 Ekagarhi kaho lw'olwishi, hali omurhi gw'obulamu, gwakayana amalehe kal'ikumi na kabiri, ngasi mwezi gwakahana amalehe, n'ebyasi by'eyo mirhi byali byakukabuka olubaga.
\v 3 Harhakagi bonekana buheherere. Entebe ya Nyamuzinda n'ey'omwanabuzi yaishibà omu lugo; abakozi bage bayishikamukolera n'okubon'obusu bwage.
\v 4 N'izino lyage lyaba liyandikire oku malanga gabo.
\v 5 Harhaba mwizimya; na ntakucifinja kalome erhi bulangale, bulya Nyakasane yene wabamolekera. Bayishi yima emyaka n'emyaka.
\p
\v 6 Anacimbwira mpu: Eyo myanzi ehali eri nay'okuli; na Nyakasane, ye Nyamuzinda w'emyuka y'abalebi, arhumire malahika wage okuyereka abakozi bage ebiri hofi okubà.
\v 7 Na ala, myishire duba. Alimuniragi olanzire emyanzi y'obulebi bw'eci citabu!
\p
\v 8 Niene nie Yohana, nayunvagya n'okubon'ebyo. N'erhimbiyunva n'okubibona, nahirima amagulu g'amalahika wakaginangûla, ntincikumbe ye.
\v 9 Ci ambwira: Omanye orhajire ntyo! Ndi winyu mukozi akawe, na wa ngasi balanga Emyanzi yeci citabu, bacikumbe Nyamuzinda.
\p
\v 10 Kandi ashubi mbwira erhi: Omanye ebinwa by'obulebi bw'eci citabu wakabiheba kw'obunanîre, bulya amango gakola gali hofi.
\v 11 Owo kulyalyanya ashubà mulyalya, ohemusire anaciri hemuka kandi; n'omushinganyanya ashubi gendekera ajira ebishinganine, n'ocîre agendekere acesibwa.
\p
\v 12 Alaga, okunyishire, n'oluhembo lwani luli haguma nani, omu kulyula ngasi muntu nk'oku omukolo gwage gunali.
\v 13 Nie Alfa na Omega, wa burhanzi na wabuzinda, nie murhondero, nie na buzinda.
\v 14 Baniragi abacesize Emyambalo yabo lyo bayemererwa okulya oku murhi gw'obulamu, bagere n'omu mihango y'olugo.
\v 15 Embuga orhubwa, abalozi, ebishungu, abanizi, abacikumb'enshusho, na ngasi yeshi ohamiriza obunywesi n'okuywerha!
\p
\v 16 Nie, Yezu, Narhumîre malahika wani mpu amanyisé ebyo omu mashengero. Ndi muzi na ndi bûko bwa Dahudi, ntonde emoleka ya sezi sezi.
\p
\v 17 Na Mûka n'omuhya badesire: Yisha. N'oyunvirhe aderhe: Yisha. N'ogwerhwe n'enyorha ayishe; ngasi walonza, arhole amishi g'obulamu, busha.
\p
\v 18 Nkudesire oku ngasi yeshi oyunvirhe emyanzi y'obulebi buli omw'eci citabu: Owakayûshula-kwo ebindi, Nyamuzinda anamushurha amahanya gayandisirwe mweci citabu;
\v 19 n'owanyihya oku binwa by'obulebi buli omeci citabu, Nyamuzinda amunyihiza ogwage mwanzi gw'oku murhi gw'obula n'ogw'olugo lucîre luyandisirwe mweci citabu.
\p
\v 20 Omanyisiz'ebyo adesire: Neci, nyishire duba. Bibentyo! Oyishe Nnâhamwirhu Yezu!
\p
\v 21 Olukogo lwa Nyakasane Yezu lube na ninyu mweshi!