See in Reader
81 lines
8.6 KiB
Plaintext
81 lines
8.6 KiB
Plaintext
\id 2PE
|
|
\ide UTF-8
|
|
\h 2 Petero
|
|
\toc1 2 Petero
|
|
\toc2 2 Petero
|
|
\toc3 2pe
|
|
\mt 2 Petero
|
|
\c 1
|
|
\cl Cigabi 1
|
|
\p
|
|
\v 1 Simoni Petro, murhumisi na ntumwa ya Yezu Kristu, emw'âbayankirire obwemere buguma bw'ecishingo cidarhi akirhu, erhi obushinganyanya bwa Nnamahanga wirhu n'omuciza Yezu Kristu burhuma:
|
|
\v 2 mashi olukogo n'omurhula biyushuke emunda muli omu bumanye bwa Nnamahanga na Nnahamwirhu Yezu!
|
|
\v 3 Nk'oku bushashe bwage bwarhumire ebirhukwanine okulama omu bucèse, omu bumanye bolya warhuhamagalaga omu bukuze (irenge) lyage omu bwinja bwage,
|
|
\v 4 ebyo birhuhire burhali bwinja na biragane bya kucifinjwa, lyo muli byo mwîshîba n'olushange lwimana, omukucungulwa kurhenga obusherere bûba omw'igulu omu nyifinjo.
|
|
\v 5 Ahanyanya lyoko, mujire êmisi yoshi mucishwekere oku bwemere bwinja, omu bwinja bwinyu okumanya,
|
|
\v 6 omukumanya kwinyu olugero, oku lugero, bushîbirizi, omu bushibirizi bwinyu bucesê,
|
|
\v 7 omu bucesê buzigire bw'abalondanyi, omu buzigire bw'abalondanyi buzigire.
|
|
\v 8 Bulya erhibyo bya nkâmubamwo, bina hâbe okubwinji, birhanka mulika bushâbusha erhi ngumba yo kurhaleheka amalehe omu bumanye bwa Nnawirhu Yezu Kristu.
|
|
\v 9 Cikwone orhali mw'ebyo erhy 'ahûsire, arhanali abona hâli, anayibagire obucèse bw'ebyaha bya mira.
|
|
\v 10 Corhumire, bene wani, mucihangane bwenene okuhamagalwa kwinyu n'okulondolwa kwinyu, bulya, omukujira ntyo, murhanka sarhala ciru n'ehitya.
|
|
\v 11 Birintyo, lyo okuyigulirwa omu bwami bwensiku na mango bwa Nnawirhu n'omuciza Yezu Kristu mwayishihabwa.
|
|
\p
|
|
\v 12 Ntyo kwo kurhûmire na cirheganya omu kubakengeza ebyo, lyo mubimanyirira na muyimanzibwe omu kuli kwa buno.
|
|
\v 13 Mbwine oku b'impunyire amango ncîri omwer'ihema, mmuzusê omu kumurhonda kumubwira burhanzi,
|
|
\v 14 bulya nmanyire oku na cirirhêngemwo dubaduba, ntya kwo Nnahamwirhu Yezu Kristu abimanyisagya.
|
|
\v 15 Cikwone nacihangana enyûma lyo kurhacihâba kwani mukabikengera.
|
|
\v 16 Ntya, rhurhacimbaga emigani ya jiragwa omu burhebanyi, mwo rhumuhire okumanya obuhashe n'okuyisha kwa Yezu Kristu Nnahamwirhu, cikwone nkakulya rhwabona obukulu bwage na masugu girhu.
|
|
\v 17 Bulya ayandikire kurhenga Nnamuzinda Ishe w'olukengwa n'irenge amango obukuze bwa yalagazibagwa lwa mujira okuyunva: izu lya yunvîkine lya derha: oyu ali mwana wani muzigirwa, ônsima.
|
|
\v 18 Rhwanayunvirhe erizu kurhega empingu, omago rhawali naye oku ntondo ntakatifu.
|
|
\v 19 Nirhurhugwerhe ogundi mwanzi gw'obulebi, muli gwo mugwasirwe murhêgere arhwiri nk'itara lya kulomeka omu mwizizi, kuhika obuce buyishe n'entondê yesezi ezuke omu mirhima yinyu;
|
|
\v 20 mumanye burhangiriza mwene oku nta bulebi bwa mandiko ga nka hâba cirugu ca kuhugula cone,
|
|
\v 21 bulya nta mango obulebi bwa sagi lebwa oku bulonza bw'omuntu ca bantu barhumirwe na Nnamuzinda mpu baderhe kuderhezibwa bakagiderhezibwa na Mûka Mtakatifu.
|
|
\c 2
|
|
\cl Cigabi 2
|
|
\p
|
|
\v 1 Habire omu lubaga abalebi bw'obunywesi, ciru namuli mwe hâyishiba abîgiriza b'obunywesi, bâyishi dahya amadini gw'okurhera, ciru balahira Nnawabo w'abacizagya, barhalegama okucilerhera bone obusherere.
|
|
\v 2 Banji ayishiba omu kuhabuka kwabo, n'enyanya zabo enjira y'obushinganyanya ya jacirwa.
|
|
\v 3 Enyanya ly'enyifinjo zabo bone, bacilongez'obuke muli mwe kugerera emyanzi y'obunywesi, obuhane bwabo kurhenga mira burhahwa. Obusherere bw'awbo burhahunga.
|
|
\v 4 Nkoku Nnamahanga arhalekaga bamalaika bahushaga cikwone abakweba omu muliro anabakire okuyishi batwira olubanja;
|
|
\v 5 nkoku arhalekaga igulu lirhanzi cikwone akaba acizize Nuhu ye wakali munani okuyigiriza obushinganyanya amango hayishag'ecihonzi omw'igulu ly'abagoma;
|
|
\v 6 kandi arhaleka bw'ahana ecihugo c'Esodoma n'Egomora omu kubidulika muliro abajira okuba lwiganyo oku bagoma bayishihaba buzinda,
|
|
\v 7 nka kulya aciza Luth mushinganyanya omutula mwinji erhi guba gwamamugwarha enyanya za mâbi gabo bantu barrhacigwèrhe lugero,
|
|
\v 8 bulya oyo mushinganyanya, walilamire muli bo, akazagiyunva ngasi lusiku obululu omu murhima gwage enyanya ly'okuyunva n'okubona ebibakazagijira by'okuniga;
|
|
\v 9 nnahamwirhu ocire aciza abashinaganyanya n'obuhanya, n'enkola maligo azibikire okuyishi zihana olusiku lw'okutwa olubanja.
|
|
\v 10 Kulusha balya bagenda omu magene (miru) gabo gw'omubiri n'okuganyagusa oburhegesi. Bikâka n'ababucibone, barharhinya okujacira ebiremwa b'irenge.
|
|
\v 11 Cirwankaba bamalaika bakulu oku misi n'okubuhashe, barhalerha olubanja lw'ebijaci enyanya zabyo embereze za Nnahamwiru,
|
|
\v 12 cikwone, aba nkabasimba barhajira bukengere baburhiragwa okuyirhwa, n'okusherezibwa, banakaderha okulugerero lwebijaci barhamanyiri, bayishisherera omubusherere bwabo bone,
|
|
\v 13 bahabwa oluhembo lw'ihushe lyabo banacikebwa mpu endalwe n'irala omumango g'omulegerege kwanalerha ebinjibinji; bantu balikw'ishembo, n'okujirira ebwenshonyi; bacishwekire omuburhebanyi, n'okujira indiye haguma na ninyu.
|
|
\v 14 Bayunjwire obugonyi omu masu gabo; barhogogola okujira ebyaha; banakagwarhira emirhima erhayimanziri bwinja omu mirhego yabo; bali bana bakuhera.
|
|
\v 15 Erhi baba bamarhenga omunjira, ekubusire baciberula omu kushimba izû lya Baâlamu mwene Besore, wasimaga oluhembo lw'obulyalya,
|
|
\v 16 ci akalihirwa okububi bwage: Endogomi erhaderha, ya yunv'izû ly'omuntu, yayimanza ya hanza isirhe lyage.
|
|
\v 17 Abo bantu galimaliba garhali mw'omishi, biri bintû by'ayehulwa nakalemera: omwizimya n'omwizizi gwobabikirwe.
|
|
\v 18 N'emyanzi minji ye nzizi zabo, omw'irala ly'omubiri, n'omukusimisa, banayinginge abantu barhengigiyaka abobagenda omu burhebanyi.
|
|
\v 19 Banabalaganye omurhula n'obwo bone bali baja. Bakusherere, bulya ngasi yeshi alimuja w'oli'enyanya zage.
|
|
\v 20 Na ntyo, akaba abarhanziri yaka izinga ly'enigulu, enyanya ly'enyigirizo za Nnawirhu Yezu Kristu, bakacirigwarhwa n'emyanzi yabo obubi bwabo bwa buzinda, bunalushe obwa burhanzi.
|
|
\v 21 Ankabîre kwo kukulu kulibô barhamanye enjira y'okuli, ahâli hokuimanya bagaleka, irhegeko licire bahabagwa.
|
|
\v 22 Byabahikira nk'omugani mwinja gudesi: akabwa kashubirire ebishaliza, n'engulube ya shukagwa yaciricivuruvunza omu bijonda.
|
|
\c 3
|
|
\cl Cigabi 3
|
|
\p
|
|
\v 1 Sinzi, bira bani agamaruba ga kabirhi nmwandikire. Omu maguma n'omugandi nmkengezize oku mucèse obwemere bucîre,
|
|
\v 2 nonzize mukengere emyanzi ya lebagwa nabalebi batagatifu, n'irhegeko lya Nnahamwirhu na Mciza,
|
|
\v 3 yayigirizibwaga n'entumwa zinyu, kulusha byoshi, mumanye oku munsiku nzinda, hayishe abantu bokugayaguza ababo n'okubacekera, bakashimba irala lyabo,
|
|
\v 4 n'okukaderha: ngahi ciri cirya ciragane cokuyisha kwage? Karhali kurhenga Balarha bâfaga, na byoshi kobinaciri kulyabyali kurhenga okulemwa kw'igulu.
|
|
\v 5 Balonza okuyibagira, n'oluhinzo okukurhenga mira erhi ho amalunga gaba na kanwa ka Nnamuzinda, n'igulu n'oluderho lwa Nnamahanga lwarhenzagya omumishi, lizonzirwe n'amishi,
|
|
\v 6 n'oku ololuderho lo lwarhuma igulu lya muli agomango lya mirwa n'amishi, lya hererekera, ly'amirwa n'amishi,
|
|
\v 7 nago amalunga n'igulu biri ho buno ako kanwa, kanabilanga muhako bîbikirwe omûliro oku lusiku lolubanja n'olo kuhererekeza kw'abantu babi.
|
|
\p
|
|
\v 8 Cikwone hali kuguma, bira bani, alagi webi murhakwanini muhabe, oku, embère za Nnahamwirhu, olusiku luguma koluli nka myaka cihumbi, n'emyaka cihumbi kweri nka lusiku luguma.
|
|
\v 9 Nnahamwirhu arhayorherere oku hikiriza eciragane cage, nko ku baguma bakanya mpu anayorherire; cikwone lukogo akamubera, kulya kuba arhalonza ciru n'omuguma ahere, ci alonza boshi baciyunjuze.
|
|
\v 10 Olusiku lwa Nnahamwirhu ko lyayishe nka cishambo, olw'olusiku amalunga gahirigirhe n'omululumo munene, ebiremwa bijonge n'idurhu n'igulu lisingonoke haguma n'ebiribamo.
|
|
\v 11 Okuba ebi byoshi kujonga bya n'ajonge, kamurhakwanini okuba batakatifu omu lugendo lwinu loshi n'omubucesibwe,
|
|
\v 12 omukulinda n'omukucifinja okuyisha kw'olusiku lwa Nnamuzinda, amalunga gagulumire ganasingonoke n'ebiremwa bijonge n'idurhu!
|
|
\v 13 Cikwone rhulinzire, nka kulya arhulaganyagya, amalunga mahyahya, n'igulu lihyahya, mw'obushinganyanya bw'ayishiba.
|
|
\p
|
|
\v 14 Co cirhumire, bazigirwa, omukulinga ebyo muciseze ayishi mushimana omu murhula buzira ishembo na beru kweru.
|
|
\v 15 Neci mumanye oku olukogo lwa Nnahamwirhu luba lwa kulonzo, okurhuciza, nka kulya mwene wirhu muzigirwa Paulo naye amuyandikiraga byo omubrhimanye ahabirwe.
|
|
\v 16 Ntyo ko anakajira omu maruba goshi, mw'adesire ogwe byo binwa, omu maruba gage maguma muba ebinwa biguma bizibu oku yunva, abahwinja barhabikanyiri mwo banaka bihindamula, nka kulya bajira agandi mandiko, na ntyo bacilerhere nnamanja erhi obusherere.
|
|
\v 17 Mwêhe, bazigirwa, mukola mumanyire, mube masu (mucilange), murhagirhebwa n'obunywesi bwezo ntunva, obone mwamahirirma n'okurhenga omu buzibu bwinyu.
|
|
\v 18 Cikwone mukule omu lukogo n'omu kumanya Nnahamwirhu n'omucunguzi wirhu Yezu Kristu. Obukuze bube kuli ye buno na kuhika ensiku na mango! Bibe ntyo!
|