tbt-x-kirhinyihinyi_reg/59-HEB.usfm

\id HEB
\ide UTF-8
\h Abaebrania
\toc1 Abaebrania
\toc2 Abaebrania
\toc3 heb
\mt Abaebrania
\c 1
\cl Cigabi 1
\p
\v 1 Mungu, olya waderhaga mira na ba larha omu balebi omu bigabi binji n'omu njira nyinji.
\v 2 Buzinda omu zino nsiku ali aderha na nirhu omu Mwana, wahebagwa kuba mwimi wa byoshi, na kandi kugerera ye ajijire igulu.
\v 3 Ye bulya ali mpenzi y'obukuze bwage na mpincha ya nafsi yage, ali abigwerhe byoshi nkoku buhashe bwage buli, erhi amajira obucese bw'ebyaha, atamala ekulyo kw'omukulu eyo nyanya.
\v 4 Ajirwa mushinganyanya kulusha ba malaika, nk'oku izino ayimaga lili likulu kulusha elyabo.
\v 5 Bulya amubwizire malaika ohi ngasi mango, We mwana wani, nye ene nku busire? Na kandi, nye naba emwalarha, Naye aba mwana emwani?
\p
\v 6 Na kandi, hano amulerha omuburhwa wa burhanzi omw'igulu, adesire, Bana cikumbe ba malaika boshi ba Nnamahanga.
\p
\v 7 N'oku myanzi ya ba malaika adesire, Okajira ba malaika bage okuba bazimu, n'abakozi bage kuba nka miriro.
\p
\v 8 Ci oku myanzi y'omwana adesire, Ecirhi cawe c'obwami, Nnamahanga, ciri c'ensiku n'amango; n'akarhi k'obwami bwawe kali karhi ka adili.
\q
\v 9 Osimire okuli, ogayire amabi; okwo Mungu, Mungu wawe, aguhebire amavurha, mavurha g'obushagaluke kulusha abinyu.
\q
\v 10 Na kandi, We Larha, aho burhanzi wahebire emisingi y'igulu, n'empingu guli mukolo gw'amaboko gawe.
\q
\v 11 Ezo za haribika, ci wehe oli w'ensiku zoshi, nazo za koya nka mishangi.
\q
\v 12 Na nka mishangi waijira nka magoti ena yemere, ci kwoki oli oyo, n'emyaka yawe erhaka hwa.
\p
\v 13 Ka hali malika abwizire mango maguma, Otamale ekulyo kwani kuhika mpebe abashombani bawe edako lyawe?
\p
\v 14 K'abo boshi erhali mirhima eli yakola, yakarhumwa okukolesa bene bantu balya bayishi yima obucunguke?
\c 2
\cl Cigabi 2
\p
\v 1 Omuntyo birhu hunyire oku singiriza bwinja bwinja ebyo bya yunvagwa rhurha yishi bibula.
\v 2 Bulya, nkaba kalya kanwa kaderhwaga na malaika kali kashinganine, na nkasi igosa n'obuasi byahabirwe oluhembo lushinganine.
\v 3 Rhwehe gurhigi! Gurhi rhwacira mwo, nkarhurha yemiri obucunguke bukulu nk'oku? Bulya burhanzi bwaderhagwa na Nnahamwirhu na buzinda bwahikirira emwirhu n'emwa balya bayunvirhe.
\v 4 Nnamahanga naye ahamiriza haguma nabo oku bisomerine n'amakulu ga njira nyinji, n'oku bigabi bya muka mwimana, nk'oku asimire yene.
\p
\v 5 Bulya arhahebaga edako lya ba malaika igulu elyo liyishire rhuli rhwaderha, ci muntu muguma ahamirizize ntyo hantu haguma, aderha.
\v 6 Mwene muntu biri bici kuhika omu kengere, erhi mwana wa binadamu, lyo oulola?
\q
\v 7 Ojijire omurho hitya kulusha malaika, omuyambisire ishungwe ly'obukuze n'olukengwa.
\q
\v 8 Ohebire ebintu byoshi edako lyage, bulya omu kuheba ebintu byoshi edako zage harhasigalaga kantu koshi koshi karhahebagwa edako lyage. Cikwone rhurhacibona ebintu byoshi kuhebwa edako zake.
\v 9 Ci rhubwine olya wajijirwe murho   kulusha ba malaika, ye Yesu, enyanya ly'amalumwa g'olufu, ayambisirwe ishungwe ly'obukuze n'olukengwa, ci oku lukunda lwa Nyamahanga ahonje olufu enyanya lya nkasi muntu.
\v 10 Bulya kwali muhunyire, olya kugerera ye n'aku gerera enjira yage ebintu byoshi byahabire, alerha bana banji bahikirire obukuze, oku hikiriza ecirongozi cikulu c'obucunguke bwabo oku njira y'ebizibu.
\v 11 Bulya oyo ocesa n'abacesibwe boshi barhenga emwa muguma. Kugerera okwo arhayunvirhi nshonyi okuba hamagala bene wabo.
\v 12 Aderha, nahubiri izino lyawe emwa bene wirhu, omu kagarhi k'akalulema naku yimbira obukuze.
\p
\v 13 Na kandi, naba ndagalire ye. Na kandi alaga, nye ndi hano na bana nahabagwa emwa Mungu.
\p
\v 14 Omuntyo, bulya abana bashangire omuko n'omubiri, naye kw'onokwo ashangire okwolira, lyo kugerera enjira y'olufu aharibise olya waligwerhe emisi y'olufu, ye lyangombe.
\v 15 Aleke balya bali akalamu kabo koshi omu bwoba bw'olufu bali nka baja.
\v 16 Bulya kobinali, arha rhoziri okwa ba malaika, ci arhozire okw'iburha lya Ibrahimu.
\v 17 Omuntyo, kwamu kwanine okushusha bene wabo omu byoshi, abe mudahwa mukulu w'obwonjo, mwimana omu bintu bya Mungu, lyo ajira esuluhu oku byaha by'abantu bage.
\v 18 Na bulya yene asumbusire erhi arhangulwa, akwanine oku rhabala balya barhangwirwe.
\c 3
\cl Cigabi 3
\p
\v 1 Kugerera okwo, bene wirhu batakatifu, ba shirisire omwito gw'empingu, murhanye bwinja entumwa n'omukulu w'amaungamo girhu.
\v 2 Ali mwimana emwage oyo wamu hebaga, nk'oku Musa naye aliyosire, omu nyumpa yoshi ya Nnamahanga.
\v 3 Bulya oyo aganjirwe obukuze kulusha Musa, nk'olya okatengeneza enyumpa oku ajira olukenge kulusha eyo nyumpa.
\v 4 Bulya ngasi nyumpa enaka tengenezebwa n'omuntu; ci owatengenezagya ebintu byoshi ali Mungu.
\v 5 Na Musa ali mwirhonzi omu kagarhi k'enyumpa yoshi ya Nnamahanganka mukozi, abe muhamiriza we byana derhwe buzinda.
\v 6 Ci Kristo, nka mwana, enyanya ly'e nyumpa ya Nnamahanga, ye enyumpa yage ali rhwe, nka rhwanka seza bwenene obujasiri bwirhu n'efahari y'e taraja yirhu kuhik'obuzinda.
\v 7 Omuntyo, nk'oku adesire Muka mucesibwa, ene, nkaba mwayunva izu lyage,
\v 8 murhajire emirhima yinyu kuba mizibu, nka asanzi k'oburhe, olusiku lw'oku rhangulwa omu irungu.
\q
\v 9 Erhi ba sho bantagulaga, ba mpima, babona ebijiro byani miaka makumi gani.
\q
\v 10 Omuntyo nagayisibwa na lino iburha, naderha, ensiku zoshi bali bantu ba potosire emirhima, barhamanyaga enjira zani.
\q
\v 11 Nk'oku nalapaga omu burhe bwani, barhaje omu bushagaluke bwani.
\p
\v 12 Musinze, bene wirhu, omu karhi kinyu murhabe ciru omuguma w'omurhima gw'okurha yemera, omu kuci berula na Nnamahanga ozine.
\v 13 Ci muhanulane ngasi lusiku, maadamu; lyo ciru omuguma winyu arhajirwe muzibu omu kurhebwa kw'ebyaha.
\v 14 Bulya rhukola rhuli ba haguma na Kristu, nka rhwanka seza n'omurhangiro gw'obuzabiti bwirhu n'emisi kuhika obuzinda.
\v 15 Hano biderhwa, ene, nkaba mwayunva izu lyage, murhajire emirhima yinyu, nk'amango g'oku gayisibwa.
\p
\v 16 Bulya bo bandi bagayire, erhi bayunva? Karhali balya boshi barhengaga e Misri balongolinwe na Musa?
\v 17 Na kandi bandi agayisibwe nabo miaka makumi gani? Karhali balya bahushaga, emifu yabo yahirima omw'irungu?
\v 18 Kandi bandi alapiraga oku barhaje omu bushagaluke bwage, ci balya bahushire?
\v 19 Buzinda rhubwine oku barhahashaga oku daha bulya barha yemeraga.
\c 4
\cl Cigabi 4
\p
\v 1 Ntyo, ngaba haciri eciragane c'okuja omu bushagaluke bwage, rhuna yobohe, ciru omuguma winyu arhabnekaga abuzire mwo.
\v 2 Bulya kwo binali, na nirhu wayigirizibwe emyanzi y'akalembe nkabo. Cikwoki emyanzi bayunvirhe erhaba shingananaga bohe, bulya erha changanyikaga n'obwemere omu ndalala zabo bayunvagwa.
\v 3 Bulya rhwe rhwayemire rhudahire omw'obo bushagaluke; nka kulya aderhaga, nk'oku nalapa omu burhe bwani, barha dahe omu bushagaluke bwani.
\v 4 Bulya akudesire olwa kali nda hantu haguma, Nnamahanga arhamusimire olusiku lwa kali nda, aleka emikolo yoshi yoshi.
\v 5 N'aho naho, barhaje omu bushagaluke bwani.
\p
\v 6 Ntyo, bulya guno mwanzi gusigalire oku hali abantu bayishidaha omo, n'abo bayigirizibwe ogwo mwanzi mira babuzire kwadaha aha nyanya ly'okuhusha kwabo.
\v 7 Aheba kandi nsiku nsungunu, akaderha omu Daudi enyuma lya kasanzi kanji nk'oku, ene, nk'oku bya desirwe kurhenga mira, ene, nkaba mwayunva izu lyage, murhajire emirhima yinyu kuba mizibu.
\p
\v 8 Bulya nkaba Yoshua anali bahire eraha arhanka desire olundi lusiku enyuma ly'aho.
\v 9 Buzinda, kusigalire eraha y'olwa kali nda lwa bantu ba Nyamuzinda,
\v 10 Bulya olya wayingire omu eraha yage arhamusire yene bwinja omu mukolo gwage.
\v 11 Ntyo, rhujire emisi rhuje omw'obo eraha, ly'omuntu yeshi yeshi arha hirimaga okw'ogo mfano gw'okuhusha.
\v 12 Bulya omwanzi gwa Nnamahanga guzine, guna gwerhe emisi, na kandi ligwerhe obukali kulusha omupanga gukaniga n'okutwira enyunda zoshi zibiri, na kandi lina yoche n'okugaba nafsi n'omurhima, n'ebirumbu n'amavurhagali mwo; na kandi guli duba oku manya entanya n'amakusudi g'omurhima.
\v 13 Na ntaco ciremwa cifulike embere zage, bulya ebintu byoshi bili busha n'oku fululwa emalanga gage ye ogwerhe ebintu birhu.
\p
\v 14 Ntyo, ciru ankaba rhugwerhe omu dahwa mukulu wajaga omu mpingu, Yesu, Mwana wa Nnamahanga, rhuna seze bwenene amahungamo girhu.
\v 15 Bulya murha gwerhi omudahwa mukulu orhanka rhu yunvirhira bonjo omu bintu birhu by'obuzamba, ci yehe arhangwirwe nka rhwe omu bintu byoshi, buzira kujira caha.
\v 16 Omuntyo, rhuyegerere ecirhi c'olukunda oku bujasiri, ly'o rhuhabwa oku babalirwa, n'okuhabwa olukunda lw'oku rhurhabala amango g'e nyifinjo.
\c 5
\cl Cigabi 5
\p
\v 1 Bulya nkasi mudahwa warhozirwe omu bene bantu ahebirwe enyanya lya bene bantu omu bintu bilabire nyamahanga, lyo ahana enterekero y'ezabihu enyanya ly'ebyaha.
\v 2 Owanka hasha oku barhabala oku bulembu bwabo abarhamanyiri bana hezire, bulya yene ali omu buzamba.
\v 3 Na kugerera okwo kushinganine, nk'enyanya ly'abantu, kwonoko enyanya lyage yene, okuhana enterekero enyanya ly'ebyaha.
\v 4 Na ntaye muntu w'oku cirholera yene olukengwa, ci olya ohamagirwe na Nnamahanga, nka Haruni.
\v 5 Omuntyo Kristu naye arha cikuzagya nafsi yage okujirwa mudahwa mukulu, ci ye wamu bwiraga, we mwana wani, nye nkubusire ene.
\p
\v 6 Nk'oku adesire ahandi hantu, We mudahwa w'ensiku n'amango oku mfano gwa Melkizedeki.
\p
\v 7 Yehe, ezo nsiku z'omubiri gwage, amuhire, owakahasha oku muciza n'okumukula omu lufu, amahuno haguma n'okuyama bwenene n'emilenge, ayunvizibwa kushimbana n'oku ali acikumba Nnamahanga.
\v 8 Na cirwankaba ali Mwana, aciyigiriza oku kenga okw'ebyo bizibu apataga.
\v 9 Naye rhi ama kamilishwa, aba sababu y'obucunguke bw'ensiku n'amango oku bantu boshi bamuyunva.
\v 10 Kandi adesirwe na Mungu okuba mudahwa mukulu oku mufano gwa Melkizedeki.
\p
\v 11 Olya rhugwerhe myanzi minji ya kuderha enyanya zage; binali bizibu oku biderha bulya muli bagazi b'okuyunva.
\v 12 Bulya, nka bibahunyire okuba balimu, (bulya kasanzi kanji kagezire), mucifinjire oku yigirizibwa n'omuntu enyigirizo za burhanzi ye myanzi ya Mungu; na ninyu muli mucifinjire amarha ci arhali bilyo bizibu.
\v 13 Bulya nkasi muntu okalya amarha arhamanyiri bwenene omwanzi mwimana, bulya ali mwana murho.
\v 14 Cikwoki ebiryo cizibu biri bya bantu bakulu, balya obwenge bwabo, oku kurhumwa, bukomire oku manya ebinja n'ebibi.
\c 6
\cl Cigabi 6
\p
\v 1 Co cirhumire, enyigirizo kuli Kristu zikwanine abaci rhondera, rhwarhangi zileka, rhugenderere kuhika enyigirizo z'abimana, rhurhana cihebaga ho eciriba co kuciyunjuza, n'oku mikolo y'okufa, n'eyobuyemezi emwa Mungu,
\v 2 n'ezo bubatizo, n'ezo kulambulirwa amaboko, n'ez'obufuke bw'abafire, n'ezo lubanja lw'ensiku n'amango.
\v 3 Kwo rhwajira ntyo akaba nyamahanga arhu yemerire.
\v 4 Neci kurhanka hashikana nka balya barhanziri bona obulangashane, balya barhanziri nunirwa n'enshokano y'empingu, bana shangira Mûka Mutakatifu,
\v 5 balya barhenziri nunirwa n'oluderho lwinja lwa Nyamuzinda n'ebirhangazo by'igulu lyaishe,
\v 6 Banagali hirima, kurhanka hashikana okuciri bahindula n'oku balerha omu njira y'obuci yunjuze, kulya kuba nabo kandi, bali babamba mugala wa Nyamuzinda oku musalaba n'oku mubonesa nshonyi embere ly'abantu.
\v 7 Bulya, obudaka bwa nywire amishi g'enkuba ya bunire kwo kanji, bukayera emburho zikwanine balya babuhingaga, bunahabwe emigisho ya Nyamahanga.
\v 8 Ci kwoki gukaburha emishugi n'emisihe gwana lahirwa, na hofi haku hehererwa na buzinda baguyoche.
\p
\v 9 Ciru rhwanka derha ntyo, bira bani, rhuli rhwa mulinda kwo obworhere bwinja kulusha n'obukwanine bucire.
\v 10 Bulya Nyamuzinda arhali mubi. W'okuyibagira omukolo gwinyu n'obuzigire bwinyu mwayerekine oku izino lyage, bulya mwakolire abatakatifu, muna cigwerhe mwa kujira.
\v 11 Rhucifinjire nti ngasi muguma muli mwe ayerekane obwo bushiru, lyo obulangalire bwinyu bubikwa kuhika okbona ebi mulangalira.
\v 12 Ntyo, ahali hokuba bagazi, muyige balya bayima omu ndagano, balya bana zisera mwo.
\p
\v 13 Neci erhi Nyamuzida alaganana na Abrahamu, bulya nta mukulu kumulusha ankalahire, acilahira yene,
\v 14 erhi: "nakugisha n'okukuyololosa oyololoke."
\v 15 Nantyo, Abrahamu acihangana abona eyo ndagano.
\v 16 Bulya abantu bana cigashire omukulu kubalusha bone, n'okulahira kwo kumala nkasi kadali ekarhi kabo.
\v 17 N'eco co carhumaga Nyamuzinda, erhi alonza oku manyisa bwinjinja emimo y'endagano oku eciragane cage cirhanka hinduka, acigasha.
\v 18 Mpu lyo ebyo bijiro bibirhi birhanka hinduka na ntako nyamuzinda ankahashi nywerha muli byo birhukomeza omurhima rhwe rhwabwine olwakiro omu kusera oku bulangalire rhwa habirwe.
\v 19 Obwo bulangalire rhubugwerhe nka mutungo kutunga omurhima gwirhu,
\v 20 Aho ho Yezu arhujirire nka mushokolezi, erhi ahinduka mudahwa mukulu aka Melkisedeki ensiku n'amango.
\c 7
\cl Cigabi 7
\p
\v 1 Bulya, oyu Melkisedi, mwami w'e Salemi mudahwa wa Nyamuzinda w'enyanya, aji buganana na Abrahamu warhenganga emunda ahimiraga abami anamuha obwanga.
\v 2 Oyo abrahamu amuha ecihimbi ca kal'ikumi c'ebirugu byage byoshi, aderhwa burhanzi mpu mwami w'obushinganyanya, kandi mpu mwami we Salemi, kwo kuderha mwami w'omurhula.
\v 3 Arhajira ishe, arhajira nnina, erhi omu mulala gwage arhajira muderho gw'ensiku zage, n'obuzine bwage burhajira buzinda. Ci kwone ashushanyizibwe na mugala wa Mngu, ayorha aba mudahwa ensiku na mango.
\p
\v 4 Mulolage oku ali mukulu oyo shakulu larha wirhu Abrahamu amuha ecihimbi ca kali kumi c'ebirugu.
\v 5 N'omu bana ba Lawi nabo bahabwa omukolo gw'obukuhani, bajira irhegeko, okurhula eciguma c'ikumi oku bantu babo, kwo kuderha mpu bene wabo, ciru ankaba bali binjikuluza ba Abrahamu.
\v 6 Ci oyo, orhali w'omu mulala gwabo, arhola ecigabi ca kali ikumikuli Abrahamu, amugisha oyo w'ilagano.
\v 7 Cikwone buzira kadali omurho anagishwe n'omukulu.
\v 8 N'aho abantu bayankirira entulo y'ecigabi ca kal'ikumi, kufa bâfa; ci oyo yehe badesire oku ali muguma guma.
\v 9 Ciru rhwanaderha mpu Lawi yene, orhula ecigabi ca kali ikumi, ye w'acirhuzire erhi Abrahamu akujira.
\v 10 Bulya arhali ciburhwa amango Melkisedeki ashigananaga bonaye.
\p
\v 11 Akaba obudahwa bwa bene Lawi bwali bwimana, -bulya kuli bo nyamuzinda ahaga olubaga amarhegeko-, co cirhumaga owindi mudahwa oli aka Melkisedeki aciyisha; cana rhumaga barhaderha oku ali aka Aroni?
\v 12 Bulya obudahwa bwahindusire, kukwanine amarhegeko nago gahinduke.
\v 13 Bulya oyo baderhire ebyo ali wa bundi bûko na ntaye w'obwo bûko wasihire aha barherehéra.
\v 14 Bulya bibonekine n'obwalagale oku Nahamwirhu arhengaga muli Yuda; na kuli ogu mulala Musa arhaderhaga omwanzi ciru n'omuguma enyanya ly'obukuhani.
\v 15 Ciru okwo rhudesire kulushirize obwalagale bulya hayishire owindi mudahwa oli nka Melkisedeki,
\v 16 Oyo arhajiragwa mudahwa n'irhegeko lya bantu bishimba iburha ly'omubiri, ci n'obuzibu bw'obuzine burhagwerhi kuhwa.
\v 17 Bulya ye kuderhirwe mpu: Oli mudahwa ensiku n'amango aka Melkisedeki.
\p
\v 18 Bulya hali okurhenzibwa kw'irhegeko lya rhanganga bulya lirhagwerhe nsimiko nalyo lirhali likwanine,
\v 19 Nta kantu irhegeko lyajijire kimana, ci lyali nshokolezi y'obulangalire bulushire, oburhuha okuyemera Nnamahanga.
\v 20 Na bulya, birhajiragwa buzira mwigasho,
\v 21 Bulya abo bandi bali bakuhani buzira omwigasho, cikwone yehe haguma n'omwigasho emw'ayo wamubwirag erhi: Nnahamwirhu acigashire, naye arha cihindamuke: oli mukuhani ciru n'ensiku n'amango, oku lwiganyo la Melkisedeki.
\p
\v 22 Nantyo Yezu ali mweza w'endagano elushire.
\v 23 Kandi, abo bali bakuhanibanji bulya okufa kwabahamirize boyorha ensiku zoshi.
\v 24 Cikwone yehe, bulya ali w'ensiku n'amango, agwerhe obwo bukuhani burhanka hasha oku rhenga.
\v 25 Co cinarhumire anahash'iciza lwoshi abayegera Nyamuzinda oku burhabale bwage, bulya aba azine ensiku n'amango, ahashe oku bahunira.
\v 26 Bulya kwali kurhukwanine okuba n'omukuhani mukulu nk'oyo, ye mwimana mweru-kweru arhali kwo ishembo, orhalukira haguma na banya-byaha, owali enyanya kurhaluka empingu.
\v 27 Orhagwerhi lwifinjo ak'abandi badahwa n'oku hana enterekero ngasi lusiku, nk'abo bandi bakuhani, burhanzi oku byaha byage yene, buzinda enyanya ly'ebyaha byolubaga, bulya yehe ajijire ntyo liguma amango acihanaga yene.
\v 28 Bulya, irhegeko lina hebeho abantu bazamba mpu babe badahwa bakulu. Cikwone omwanzi gw'omwigasho gwayishaga enyuma l'irhegeko lihebire omwana oy'ohikirire ensiku n'amango.
\c 8
\cl Cigabi 8
\p
\v 1 Ntyo, omwanzi mukulu rhudesire muli eyi gw'ogwo: rhugwerhe mukuhani mukulu, atamire omu kuboko kulyo kw'entebe y'obukulu omu mpingu.
\v 2 Ye murhumisi wa hacesibwa n'oweciralo c'okuli cayubakagwa na Nyakasane, ci arhali n'omuntu.
\v 3 Bulya nkasi kuhani ajijirwe mpu ahane oluhembo n'enterekero, ntyo naye akwanine okuba n'akantu k'oku hana.
\v 4 Nkali omu igulu, arhanka bire mukuhani, bulya hali abakuhani bahana entulo nk'oku birhegesirwe.
\v 5 Ci ebi bajira luba lwiganyo na cizungu zungu ce by'omu mpingu, nka kulya Musa abwiraga na Nnamahanga, erhi, ojire byoshi oku lwiganyo wayeresirwe oku ntondo.
\v 6 Cikwoone buno yehe akola agwerhe omukolo mwinja kulusha, nkoku ali mushinganya w'ilagano linja kulusha, elyo liimanzibwe oku ilagano linja kulusha.
\v 7 Bulya nkelyo lya burhanzi lyali lishinganine, ahantu arhanka cilonzibwe elyo lya kabiri.
\v 8 Bulya akabona igosa omu kagarhi abo anaderhe: mulole ensiku ziyishire, kwo Nnamahangaadesire, nani najirira enyumpa ya Israeli, n'enyumpa ya Yuda ilagano lihyahya.
\q
\v 9 Lirhabe nkelyo ilagano najiraga na bishe wabo, muli olo lusiku nagwarhaga amaboko gabo mbashokolere kurhenga omu cihugo ce Misiri; bulya barhakomeraga omw'ilagano lyani, nani ntyo ntalibukaga enyanya lyabo, kwo Nahamwirhu adesire.
\q
\v 10 Bulya liri ilagano nanajire n'enyumpa y'Israeli, enyua ly'ezo nsiku, Nnahamwirhu adesire erhi: Nahira irhegeko lyani omu ngererezo zabo, n'omu mirhiba yabo naziyandika; nani naba Nyamuzinda wabo, nabo baba bantu bani.
\q
\v 11 Barha yigirizanye ngasi muntu n'omulungu wage, aderhe erhi: omanye Nnahamwirhu! Bulya boshi bammanya, kurhenga omurho kuhika omukulu;
\v 12 Bulya na babalira obubi bwabo, n'ebyaha byabo ntaka cibikengera bundi.
\p
\v 13 Omu kuderha, ilagano lihyahya ajijire eryo lya burhanzi okuba lya mira; chikwone echirugu chankarhangira okuba cikulu kulu, n'oku co cirhali erhi ciri hofi n'oku hererekera.
\c 9
\cl Cigabi 9
\p
\v 1 Ilagano lya burhanzi lyali ligwerhe eyayo migenzo y'oku cikumba Nnamahanga n'akayo ka Nnamuzinda k'omweli igulu.
\v 2 Bulya ihema lya yubasirwe; burhanzi lyali gwerhe itara n'ameza n'emigati y'oku yerekana kuli Mungu, aho haderhagwa mpu hantu hatakatifu.
\v 3 N'enyuma l'ipaziya lya kabiri, hali ihema lyaderhagwa mpu hantu hatakatifu ha hatakatifu.
\v 4 Hali ecifuniko c'ezahabu enyunda zoshi, n'omu kagarhi kalyo mwali igopoly'ezahabu n'isanduku l'ilagano limana, n'akarhi ka Haruni ako kameraga n'embaho z'amalagano.
\v 5 N'enyanya lyalyo ba makerube b'obukuze, gakaheba ecihoho enyanya ly'entebe y'obwonjo. Ntyo buno rhurhanka hasha okuderha eyo myanzi muguma muguma.
\v 6 Ntyo ebyo birugu nka byama yubakwa, abakuhani banaje omu ihema lya burhanzi ensiku zoshi bayukirize emyanzi y'okuhuna.
\v 7 Cikwone omu ihema lya kabiri omukuhani mukulu yene waja mwo liguma omu ngasi mwaka, ciru arhanka jire mwo buzira omuko ahanyire enyanya lyage yene n'oku byaha bya bantu.
\v 8 Muka Mutagatifu ayerekana ogu mwanzi oku enjira ejire ahantu hatakatifu erhali eciyiguka n'obwalagale, amango ihema lya burhanzi lyali liciyimanzire.
\v 9 Olwo luli lwiganyo lwa gano mangoga buno, lurhumanyisa oku entulo n'enterekero zirhagwerhi buhashe ou hindula obworhere bw'engererezo owa haramya mwimana.
\v 10 Bulya gali marhegeko g'obworhere bw'omubiri gone, ebirugu by'okulya n'okunywa n'okukalaba kwa ngasi lubero ebya rhegekagwa kuhika amango gokurheganya kuhyahya.
\p
\v 11 Cikwone Kristo amayisha nka kuhani mukuluw'aminja gânayishe. Agera omw'ihema likulu n'elishinganine kulusha, eryo lirhajiragwa n'amaboko kwo kuderha oku lirhali ly'en'igulu.
\v 12 Erhi arhali oku mûko gw'empene, erhi gwa nkafu, cikwone oku mûko gwage yene aja lwoshi ca liguma omu ka Nyamuzinda, erhi amahabwa obucunguke bw'ensiku n'amango.
\v 13 Akaba omuko gw'empene n'enkafu, n'oluvu lw'endaku bakagi shahiziza oku bazinzire, byakagi bashuka n'okubaha obucese bw'omubiri.
\v 14 Kanga kulusha omukogwa Kristu, ye, kuli Muka w'ensiku n'amango, owa cihanaga yene kuli Mungu okuba nterekero erhagwerhi ishembo gwashuka engererezo zinyu n'ebijiro by'okufa, lyo muhasha okukolera Mungu w'obuzine.
\v 15 N'enyanya lya ntyo yehe ali mulagizi w'ilagano lihyahya, lyo abo bahamagalagwa bayankirira ilagano ly'omwimo gw'ensiku n'amango, bulya olufu lwajiragwa okuhingula ebyaha byajiragwa idako ly'ilagano lya burhanzi.
\v 16 Bulya ahali ilagano, kukwaninwe olufu lwajiragwa luhabe ntyo.
\v 17 Bulya ilagano, lirhagwerhi misi buno lyone omu kasanzi k'okufa, bulya lirhagwerhi misi ciru n'ehitya nk'owa lijiraga achizine.
\v 18 Enyanya lya ntyo ciru eryo ilagano lya burhanzi lirhajiragwa buzira mûko.
\v 19 Bulya erhi Musa amayusa okubwira olubaga lwoshi amarhegeko garhegesire, arhola omûko gw'amanina n'ogw'ebihebe haguma n'amishi n'obwoya budukula n'ebyasi biderhwa mpu hisopo ashahiza oku citabu cone n'oku lubaga lwoshi, aderha erhi:
\v 20 Ogu gw'omûko gw'ilagano Nyamuzinda abarhegekaga.
\v 21 Kandi kwo na kwo ashahiza omuko okw'ihema n'oku bintu byoshi by'okuhunira.
\v 22 N'omu marhegeko hôfi, ebirugu byoshi bicesebwa n'omuko na buzira okubulaga omuko nta kubabalirwa.
\p
\v 23 Ntyo, olwiganyo lw'ebyo by'e mpingu byali bikwanine okucesibwa ntyo, cikwone eby'empingu byone oku nterekero nyinja bwenene kulusha ezi.
\v 24 Bulya Kristu arhajaga omu hantu hatakatifu hajiragwa n'amaboko, gw'omugani gw'okuli, cikwone aja omu mpingu yene, abonekine buno amalanga ga Mungu enyanya lirhu.
\v 25 Arhanali kandi mpu lyo acihana kanji kanji nka kulya omudahwa mukulu akaja ngasi mwaka ahantu hatakatifu oku muko gurhali gwage.
\v 26 Bici bage ntyo, kwali kumukwanine oku libuzibwa kanji kurhenga okulemwa kw'igulu, cikwone buno, liguma lyone omu kuhikirira kw'amango abonekana mpu arhenze ebyaha okucihana yene.
\v 27 Na bulya abantu liguma lyone bafa, n'enyuma ly'aho batwirwe olubanja.
\v 28 Ntyo Kristu naye acihanyire liguma lyone mpu lyo aheka ebyaha bya banji aciboneka obwakabiri linri liguma arhali kwo byaha kandi mpu alerhere abamulinda abacire.
\c 10
\cl Cigabi 10
\p
\v 1 Ntyo bulya irhegeko ciri cihoho c'ago minja gana ciyishe, ciru erhali nshusho yago yone, garhanka hasha oku gendereza abo baku yegera hofi ciru n'eriguma oku nterekero bahana ngasi mwaka amango goshi.
\v 2 Nk'arhali ntyo, barhanka lesire oku zihana bulya nk'abokuhuna banka shukwa liguma, rhinga kandi barha manyaga ebyaha omu murhima?
\v 3 Cikwone muli ezo nterekero kuli kukengera kw'ebyaha ngasi mwaka.
\v 4 Bulya birhanka hashikana omuko gw'empanzi okurhenza ebyaha.
\v 5 Kwo kwarhumaga, erhi Kristu aja en'igulu, aderha, erhi: orhalonzagya nterekero n'entulo, ci wanteganyize omubiri;
\v 6 Orhalonzagya nterekero z'okuyochibwa n'enterekero z'ebyaha orhazilonzagya.
\q
\v 7 Obwo nana ciderha nti: Olole, nyishire omu isura ly'ebitabu bya yandisirwe enyanya lyani, okujira okulonza kwawe, ewe Mungu.
\p
\v 8 Arhanziri derha erhi: Enterekero n'entulo z'oku yochibwa n'entulo z'ebyaha orhalonzagya, ciru orhasimisibagwa nabyo oku irhegeko.
\v 9 Buzinda aderha erhi: olole, oku nayishire okujira obulonza bwawe. Arhenzire elya burhanzi mpu lyo ayimanza elya kabiri.
\v 10 Muli obwo buhashe bwo bulonza rhwacesibwe, enyanya ly'okuhanwa kw'omubiri gwa Yesu Kristu liguma lyone.
\v 11 Na nkasi mukuhani ayimanga ngasi lusiku okukola n'oku hana ezo nterekero kanjikanji, ezo zirhanka hasha ciru n'ehitya oku rhenza ebyaha.
\v 12 Yehe amango ahanaga enterekero nguma enyanya ly'ebyaha, agenda ajitamala ensiku n'amango omu kuboko kulyo kwa Mungu.
\v 13 Akalinda kuhika amango abashombanyi bage bahirwe idako ly'amagulu gage.
\v 14 Bulya oku ntulo nguma ahikirize obw'oku cesibwa kuhika ensiku n'amango.
\v 15 Ntyo Muka Mucesibwa arhuderhire obudima, bulya enyuma ly'okuderha erhi:
\v 16 Ilagano naba jirira, enyuma ly'ezo nsiku, Nnahamwirhu adesire erhi: Nahira amarhegeko gani omu kagarhi k'emirhima yabo, n'omu ngererezo zabo nagayandika ntyo.
\p
\v 17 N'ebyaha byabo, n'okurha kengera kwabo ntacibikengera kandi.
\p
\v 18 Ntyo, ahantu eyi myanzi ya babalirwa, nta ntulo y'ebyaha kandi.
\p
\v 19 Ntyo bene wirhu, bulya rhugwerhe oburhwali bw'okuja ahantu hatakatifu oku muko gwa Yesu.
\v 20 Muli ezo njira arhangiraga enyanya zirhu mpyahya nguma nguma agezire omu ipazia, gwo mubiri gwage.
\v 21 Na kulya kuba rhugwerhe omu kuhani mukulu enyanya ly'enyumpa ya Mungu.
\v 22 Rhu yegerere oku murhima gw'okuli, omu kuhikiriza bwenene obuyemezi, nk'emirhima yirhu yama shahizibwa okuleka engererezo mbi, n'emibiri yirhu oku shukwa n'amishi minja.
\v 23 Rhukulikire bwenene obudima bw'obu langalire bwirhu, lyo burhaki hinduka, bulya oyo wa laganyagya ashinganine.
\v 24 Rhurhabalane rhwene na rhwene, rhuna hanane omurhima omu buzigire n'omu kukola aminja.
\v 25 Rhurhaleke oku shinganana haguma, nk'oku bworhere bw'abandi, cikwone rhuhanulane kulusha bwenene nk'oku mubwine olwo lusiku luli hofi.
\p
\v 26 Bulya, nka rhwanka jira ebyaha n'okulonza kwirhu buzinda bw'oku yankirira okumanya okuli, arha cisigiri kandi enterekero enyanya ly'ebyaha.
\v 27 Cikwone kulinda olubanja omu kuyoboha n'obukali bw'omuliro gwo gurheganyibwe okulya abashombanyi.
\v 28 Omuntu akavuna irhegeko lya Musa anayirhwe buzira lugoko, caziga habonekane bahamirizi basharhu erhi babiri.
\v 29 Gurhi mugererize? Ka kurha kwanini buhane bunene kulusha kuli olya muntu walabarhaga omwana wa Mungu, n'okuganja omuko gw'ilagano achesibagwa kuli gwo okuba kantu k'izinga n'okujacira Muka w'olukogo?
\v 30 Bulya rhumanyire olya waderhaga erhi, okucihola kuli kwani, n'okuhana oluhembo kuli kwani! Na kandi: Nnahamwirhu atwira abantu bage olubanja.
\v 31 Ciri cintu ca kuyoboha okuhirima omu maboko ga Mungu w'obuzine.
\p
\v 32 Cikwone mukengere ensinku ntanzi, muli'zo, buzinda buzinda bw'okuhabwa obulangale, mwacihanganyire omu mbaka nene z'amalibuko.
\v 33 Oku lunda luguma, amango mwaganyagusibagwa omu njira y'oku jacirwa n'amalibuko, n'oku lundi lunda amango mwashangiraga haguma nabo bajiragwa ntyo.
\v 34 Bulya mwa babalire abo bali omu migozi, mwana yemera omu buzine oku nyagwa ebirugu binyu mwamanya oku mugwerhe ebirugu empingu muli mwe, ebyo binja kulusha, ebyalama.
\v 35 Ntyo murhakabuliraga obulangalire bwinyu, bulya bugwerhe oluhembo lunene.
\v 36 Bulya mukwanine obushibirizi lyo mwajira obulonza bwa Mungu muhabwe eryo ilagano.
\q
\v 37 Bulya oku kasanzi kantya bwenene: Oyo wayisha ayisha, arhana cilegerere.
\q
\v 38 Cikwone ow'okuli alama omu buyemezi; naye, nka ankashubira enyuma, omu murhima gwani gurhagwerhi busime kuliye.
\p
\v 39 Cikwone rhwehe rhurhali bantu bakushubira enyuma omu kuhera cikwone rhuli haguma nabo b'obuyemezi bw'okuciza emirhima yirhu.
\c 11
\cl Cigabi 11
\p
\v 1 Intyo obuyemezi kuli kumanya n'okunali emyanzi elangalirwe, kuyemera bwenene emyanzi erhasangi bonekana.
\v 2 Bulya ntyo abashosi birhu baderhirwe obudima.
\v 3 Omu buyemezi rhumanyirire oku igulu lya lemagwa oku mwanzi gwa Mungu, ciru ebirugu biboneka birhajiragwa oku birugu bya bonekine.
\p
\v 4 Oku buyemezi Abeli ahana interekero nyinja bwenene emwa Mungu kulusha Kaini; enyanya lyantyo aderherwa obudima oku ali w'okuli, Mungu aderha obudima enyanya ly'entulo yage ciru akaba ali mufu, chikwone aciri aderha.
\p
\v 5 Oku buyemezi Enoki ahekwa mpu arhaki bona olufu, ciru arhaci bonekaga bulya Mungu ana muyimusa; bulya burhanzi bw'okuhekwa kwage ali anaderherwa obudima oku asimisize Mungu.
\v 6 Cikwone buzira obuyemezi rhurhanka hasha oku musimisa; bulya owanka yisha emwa Mungu bihunyire yemere oku ho ali n'oku ye anahe abo bamukulikire oluhembo.
\p
\v 7 OKu buyemezi erhi Nowa ama hanulwa na Mungu enyanya ly'emyanzi erha ciboneka, omu ku yoboha Mungu, ayubaka obwarho, mpu lyo ahasha oku chiza enyumpa yage; ntyo atwa olubanja lw'igulu aba mwimo gw'okuli okwo kuboneka omu buyemezi.
\p
\v 8 Oku bwemere amango Abrahamu ahamagalagwa, mpu agende kuhika ahantu ahabwa omwimo, ayemera aharhenga arhamanyaga ahantu aja.
\v 9 Oku bwemere abera omu cihugo c'ilagano nka cigolo omu cihugo cirhali cage, abera omu ihema haguma na Isaka na Yaboko mimo haguma naye muli ilagano.
\v 10 Bulya ali alinzire olugo lugwerhe eciribba, owaluyubakaga n'oku lujira ali Mungu.
\v 11 Oku bwemere ciru Sarah yene ayankirire obuhashe okurhola izimi, amango akasanzi kage kali erhi kagezire bulya ali cikubagire owa mulaga nyagya.
\v 12 N'enyanya lyantyo baburhagwa na muntu muguma, naye nka mufû, bantu banjink'oku nyenyezi z'e mpingu ziri nyinji, na nk'oku mushenyi gw'eburhambi bw'enyanja gurhankahasha oku ganjwa.
\p
\v 13 Abo boshi omu buyemezi bafire, buzira okubona ebi balaganyibagwa; cikwone bagabwine kurhenga kuli n'okugalamusa, n'oku yerekana obudima oku bali bigolo naba balama en'igulu.
\v 14 Bulya abo baderha emyanzi ya bene eyo bana yerekane n'obwalagale oku balonzize ecihugo cabo bone.
\v 15 Na nka bali bakengire eco cihugo barhenganga mwo, hinga babwine ahantu h'oku shubira mwo.
\v 16 Cikwone buno balonzize ecihugo cinja kulusha, co c'e mpingu. Enyanya lya ntyo Mungu arhanka gwarhwa n'enshonyi okuderhwa Mungu wabo, bulya abarheganyize olugo.
\p
\v 17 Oku bwemere Abrahamu amango arhangulagwa, ahana Isaka abe nterekero n'oyo wa yankiriraga ilagano, ahana omugala, omwana wage w'echusha.
\v 18 Ye wabwiragwa erhi: Muli Isaka mwo omwimo gwawe gwaderhwa,
\v 19 Agerereza oku Mungu anahasha oku mufula omu bafû; amubona kandi nkoku lwiganyo lw'okufuka.
\v 20 Oku bwemere Isaka agishire Yakobon'Esau enyanya ly'emyanzi yanachiyishe.
\v 21 OKu bwemere amango Yakobo ali hofi n'okufa agisha bana babiri ba Yosefu, ahuna erhi ayegemire enyanya ly'obuhiri bwage.
\v 22 Oku bwemere Yosefu erhi amango gage ga buzinda gakola gali hofi aderha emyanzi y'oku rhenga kw'abana b'Israeli, ajira irhegeko enyanya ly'ebivuha byage.
\p
\v 23 Oku bwemere Musa, amango aburhagwa, afulikwa miezi isharhu nababusi bage, bulya babwine oku ali mwana mwinja, chiru barha yobohaga irhegeko lya mwami.
\v 24 Oku bwemere Musa, amango ali akola muntu mukulu, alahira okuderhwa mugala wa mwali wa Farao.
\v 25 ASima oku kwanine okubona amalibuko haguma n'abantu ba Mungu kulusha ebirugu by'e misiri, bulya ali langalire oluhembo.
\v 26 Abona oku okujacirwa enyanya za kristu buli bugale bunene kulushaebirugu by'e misiri, bulya ali langalire oluhembo.
\v 27 Oku bwemere arhenga e Misiri, arha yobohaga oburhe bwa mwami; bulya ahimire nk'oku abonaga oy'orhaboneka.
\v 28 Oku bwemere ajira pasaka n'oku shiga omuko oku nyunvi lyo oyo washereza abana b'olubere arhagi bahuma kwo.
\p
\v 29 Oku bwemere bayikira enyanja ndukula nk'omu bulambo, cikwone, abanya Misri mpu bacigereka bamirwa n'amishi.
\v 30 Oku bwemere olukuta lw'eyeriko lwa hongoka, erhi bana luzunguluka nsiku nda.
\v 31 OKu bwemere w'omu baraga arha heraga haguma n'abo barha kengana, bulya ayankirire abalanguza n'omurhula.
\p
\v 32 Bici naciderha kandi? Bulya ntacigwerhi akasanzi k'okuderha emyanzi ya Gideoni, Baraka, na Samsoni, na Yefuta, na Daudi, na Samueli n'abalebi.
\v 33 Abo bahimaga amami omu bwemere, bajijire okuli, bahabirwe ilagano, bashwesire orhunwa rhw'entale.
\v 34 Bazimiza emisi y'omuliro bacizibwa omu bwoji bw'engorho, kurhenga omu bugonyo bahabwa emisi, bali ntwali omu ntambala, balibisa emirhwe z'ebigolo.
\v 35 Abakazi bagalulirwa abfu babo bafulagwa; n'abandi bashurhwa kuhika okufa, barha yemeraga okuleka obwemezi lyo babona oku fuka kwinja kulusha.
\v 36 Abandi barhangwirwe omu kushekerwa n'oku shurhwa, ciru n'omugozi n'empamikwa.
\v 37 Babandwa amabuye, babatwa mwo kabiri, n'ebikezo, barhangwirwe, banizirwe n'engorho, baja bazunguluka zunguluka baka yambala empu z'ebibuzi, n'empu z'empene, barhali bagwerhe chiru akantu balumizibwa, bajirirwa kubi,
\v 38 Abo bantu igulu lirhali lishinganine okuba nabo. Baja zunguluka omu irungu n'omu ntondo n'omu lwala n'omu mina y'idaho.
\p
\v 39 N'abo boshi n'obwo bali baderhirwe obuhamirizi obwemere bwabo burhumire, arhali bo bacibwine eci balaganyibagwa;
\v 40 Bulya Nyamuzinda arhujirire akantu kinja kulusha bwenene, lyo barhaki hikirizibwa buzira rhwe.
\c 12
\cl Cigabi 12
\p
\v 1 Ntyo nirhu, bulya rhuzungulusirwe n'ecintu cinene c'abadima, rhurhibe ngasi muzigo, n'ebyaha ebyo birhu zonzire duba bwenene, na rhunalibirhe n'obulangalire muli ezo ntambala zihizirwe emalanga girhu.
\v 2 Nka rhwanka lola kwo Yesu, ow'oku rhangira n'oku hikiriza obwemezi bwirhu, yene enyanya ly'obushagaluke bwahiragwa emalanga gage, acihangana oku musalaba, n'oku ganyaguza enshonyi, naye atamire ebwa kuboko kulyo kw'entebe y'obwami bwa Mungu.
\v 3 Neci mukengere bwenene oyo wacihanaga omu kadali kanene nk'aka ka banyabyaha enyanya lyage, lyo murhagi rhama, erhi okulemba omu ngererezo zinyu.
\p
\v 4 Ninyu murhasingi lwa entambala erhi okubulaga omuko, n'oku himana n'ebyaha.
\v 5 Kandi mwayibagira ago mahano wahanulagwa nka bana, mugala wani, orha ganyaguse obuhane bwa Nnahamwirhu, ciru orha rhemukaga omu murhima nk'ama kukalihira.
\q
\v 6 Bulya ntyo oyo Nnahamwirhu asima, ana mucize oku malibuko naye anashurhe ngasi mwana ayankirira.
\p
\v 7 Enyanya ly'oku hanwa muna cihangane: Mungu anamujirire nka bana, bulya mwana'ndi orha ashurhwa n'ishe?
\v 8 Cikwone mka murhahirwi obuhane obwo abantu boshi bashangira, ntyo muli bana b'abaherula ciru murhali bana b'okuli.
\v 9 Na haguma n'eyi myanzi rhwali rhugwerhe balarha b'omubiri bakagirhuhana, rhwaka bakenga ntyo, ka kurha kwanini bwenene okuchihira idako lya larha w'emirhima, lyo rhulama.
\v 10 Ba larha b'omubiri barhuhanyire nsiku nsungunu, nk'oku bone babonaga kukwanine; ci yehe arhuhana oku bunguke bwirhu, mpu lyo rhushangira obutakatifu bwabo.
\v 11 Neci ngasi buhane burhaboneka nka kantu ka busime omu mango gabwo, cikwone ka burhe, na ntyo buzinda bunaburhe amalehe g'okuli g'omurhula kuli abo bayigirizibwe nabwo.
\v 12 Mulambule ago maboko galembire n'amadwi g'okudirhimana.
\v 13 Na mushinganyize amagulu ginyu enjira zishinganine, lyo ab'ebirema barhaki habulwa, cikwone bacizibwe.
\p
\v 14 Mulonze okuba n'omurhula n'abantu boshi, bulya buzira bwo nta muntu wankabona Nnahamwirhu.
\v 15 Mulole bwenene omuntu arhayishiragwa n'obwonjo bwa Mungu; emizi y'obululu erhagikula n'okulibuza banji, n'enyanya lya ntyo banji bahebwa kw'izinga.
\v 16 Arhabe w'okugona erhi w'oku rhakenga nka Esau owaguzagya omwimo gwage gw'oku burhwa burhanzi enyanya ly'ebiryo bya liguma.
\v 17 Bulya mumanyire oku ciru buzinda amango alonzagya okuyima omugisho, alahirirwa, ciru arhabonaga aho kuciyunjuza.
\p
\v 18 Murha hikaka oku ntondo yanka hashire oku hunirwa kwo eyo ya yaka muliro, n'omu citu ciru, n'omwizimya, n'ecihusi.
\v 19 Erhi izu ly'omushekera, n'izu ly'emyanzi, ciru abo bayunvagya bahuna mpu barha cibabwiraga bindi.
\v 20 Bulya barhanka hashire er'irhegeko: ngasi owankahuma kwo eyi ntondo, ciru yankaba nsimba ana bandwe amabuye.
\v 21 Ebyo byabonekana bya kuyobohya bwenene, ciru Musa aderha erhi: ngwerhwe n'oboba, nnandwirhe nadirhimana!
\v 22 Ci mwehe mwayegerire entondo ya Sioni, n'olugo lwa Nyamuzinda ozine, Yerusalemu y'empingu, n'embaga ya ba malaika bihumbibinji.
\v 23 N'endeko nnene ya'ababurhwa ba burhanzi ya yandisirwe omu mpingu, na mugula w'abantu boshi, n'emirhima y'abantu b'okuli abo bahikirizibagwa.
\v 24 Na Yesu mulangizi w'ilagano lihyahya, n'omuko gw'oku shahiza oguderha aminja kulusha ogwo gwa Abeli.
\v 25 Mumanye mwankabula kwayunvirhiza izu lyoyo waderha; bulya akaba balya balahiraga okuyunva izu ly'oyu waba hanulaga en'igulu, barhafumaga obuhane, kuziga rhwehe ntako rhwankafuma erhi rhwanka gomera oyo ogwerhe warhuhanula kurhenga empingu.
\v 26 Ye izu lyage lya dirhimanyagya igulu ye ohanyire eci ciragane: Liguma nacidirhimanya igulu lyone, cikwone n'empingu ntyo.
\v 27 Ogwo mwanzi, liguma kandi guyerekine okurhenzibwa kw'ebirugu ebyo bya dirhimanyibwa, nka birugu byalemirwe, lyo ebirugu birhankahasha okudirhimanyibwa bihabera.
\v 28 Ntyo nka rhwanka yankirira obwami burhankahasha oku dirhimanyibwa, rhube n'olukogo, lyo rhuha Mungu omukolo gw'okumusimisa.
\v 29 Rhube n'olukogo na kandi obwoba, bulya Mungu Nyamuzinda wirhu guli muliro gwo kuyocha.
\c 13
\cl Cigabi 13
\p
\v 1 Musere omu buzigire bw'ecinyabuguma.
\v 2 Murha yibagiraga okuka yankirira ebigolo; bulya hali aba yankiriraga ntyo ebigolo, bahandisa ba malaika buzira kumanya.
\v 3 Mukengere abali omu mpamikwa, nka kulya mwankabire babohe haguma nabo; n'abali balibuzibwa, bulya ninyu mugwerhe omubiri.
\v 4 Obuhya bukengwe n'abantu boshi, n'encingo y'obuhya erhabaga kwo izinga bulya abagonyi n'ebitwamba Nyamuzinda anabaheke lubanja.
\v 5 Muyake obujinisi omu lugenzi lwinyu; musimisibwe n'ebi mugwerhe, bulya Nnamahanga yene adesire erhi: Ntaka kuleka, ntaka nakulikirira.
\p
\v 6 Co cirhumire rhwanahash'iderha n'oburhwali, nti: Nyakasane ye murhabazi wani; ntaco nankayoboha. Kurhi abantu bakanjira?
\p
\v 7 Mukengere abakulu binyu babayigiriza akanwa ka Nyamuzinda; mulole obuzinda bw'obuzine bwabo munashimbe olwiganyo lw'obuyemere bwabo.
\v 8 Yezu Kristu, oku ali nnjo n'ene, kwo anayorha ensiku n'amango.
\v 9 Mumanye mwanka rhebwa n'enyigirizo za ngasi lubero n'ezi murhamanyiri emunda zarhenga; bulya nshokano ya Nyamuzinda ezibuhya omurhima, ci arhali biryo birhalerhera ababikolesa bunguke.
\v 10 Rhujira oluherero abarhumisi b'ecihando barha nkalira kwo.
\v 11 Kali, erhi omudahwa mukulu aba amaheka omuko gw'embagwa omu ka Nyamuzinda oku kulyula.
\v 12 Okwo kwo kwarhumire Yesu naye, erhi akola acesa olubaga n'omuko gwage, alibuzibwa embuga ly'olugo.
\v 13 Kuziga nirhu rhurhulire, rhuje embuga rhubarhule ebijaci byage, rhumu shimbulire.
\v 14 Bulya rhurhagwerhi en'igulu ecishagala cayorhaho, ci rhwalonza ecayisha.
\v 15 Oku bulagizi bwage rhurhule Nyamuzinda enterekero y'obukuze ngasi mango kwo kuderha emburho y'orhunwa rhuhamirize izino lyage.
\v 16 Okujira aminja nakwo n'okushangira ebintu n'abandi, murhakayibagira entulo za mwen'ezo zo Nyamuzinda asima.
\v 17 Mukayunva abakulu binyu muna bakenge, bulya bo balanga emyuka yinyu, bana yish'iyidosibwa. Kukwanine bajire ogwo mukolo n'obushagaluke, ci arhali n'oburhe, bulya okwo kurhanka mulerhera obunguke.
\p
\v 18 Murhu sengerere emwa Nyamahanga. Rhumanyire oku rhugwerhe omurhima mwinja, n'olugenzi lwirhu rhulonza lube lwimana muli byoshi.
\v 19 Mpunyire bwenene nti munsengerere lyo mugalulirwa duba.
\p
\v 20 Nyamuzinda w'omurhula, w'afulaga omu bafu Nnahamwirhu Yesu, yre lungere mukulu w'ebibuzi, erhi nterekero y'omuko gwage gw'endagano y'ensiku n'amango erhuma.
\v 21 Yene amujire bantu nkana, lyo mukajira aminja gage omu minja ga ngasi lubero: Yene ajire muli mwe ebimusimisize, Yezu Kristu orhumire. Irenge libe lyage emyaka n'emyaka! Amen!
\p
\v 22 Bene wirhu mmuhunyire nti muyankirire bwinja ebi binwa by'ihano, mubwine oku nta yandisiri binji.
\v 23 Mumanye oku mwene wirhu Thimoteyo ashwekwirwe akayisha duba rhwayishi mulola rhwe naye.
\p
\v 24 Mundamukize abakulu binyu boshi n'abatagatifu boshi. Bene wirhu b'omu Italiya bamu lamusize.
\p
\v 25 Olukunda lwa Nnamahanga lube haguma ninyu mweshi.