69 lines
5.9 KiB
Plaintext
69 lines
5.9 KiB
Plaintext
\id 2TH
|
|
\ide UTF-8
|
|
\h 2 Abatesalonika
|
|
\toc1 2 Abatesalonika
|
|
\toc2 2 Abatesalonika
|
|
\toc3 2th
|
|
\mt 2 Abatesalonika
|
|
\c 1
|
|
\cl Cigabi 1
|
|
\p
|
|
\v 1 Paulo, na sylvé, na timoteyo, oku kanyamuzinda k'abatesalonika, bali muli Larha Nnâmahanga na muli Yezu Kristu muciza wirhu:
|
|
\v 2 olukogo n'omurhula bib'emwinu kuerhenga emwa Nnâmahanga Larha na Nnawirhu Yezu Kristu!
|
|
\p
|
|
\v 3 Rhukwanine kuli mwe bene wirhu, rhugenderere rhwagalulire Nnâmahanga omunkwa, nk'okubinashinganine bulya obwemere buyushusire bwenene n'obuzigire bwa ngasi muguma buli bunji.
|
|
\v 4 Kandi rhucikuzize enyanya linyu om'omashengero ga Nnâmahanga, enyanya ly'obulangalire bwinyu n'obwemere bwinyu omu malibuko ginyu goshi n'omukubera omu malibuko.
|
|
\v 5 Eci ciri cimanyiso co lubanja l'okuli e mwana Nnâmahanga, lyo mutwirwa bwinja olubanja ly'obwami bwa Nnâmahanga, byo burhuma mulibuzibwa.
|
|
\v 6 Bulya kushinganine emwa Nnâmahanga okulibuza balya bamulibuzagya,
|
|
\v 7 anamuhe haguma na nirhu mwe mulibuzibwa, okuluhuka, hano omuciza Yezu ayisha enyanya haguma na bamalaika by'ohashe bwage,
|
|
\v 8 omungulumira y'omuliro omukuhàna abarha yishi Nnâmahanga na barhakenga emyanzi ya kalembe y'omuciza wirhu Yezu.
|
|
\v 9 Bayishi hanwa n'obusherere bw'emyaka n'emya, n'okuberulwa hali n'amalanga ga Nnâhamwirhu n'irenge ly'emisi yage,
|
|
\v 10 erhy'akayisha okuyishi kuzibwa, olw'olusiku omubucese n'okuyemerwa ekarhi k'abamuyemire, bulya obuhamirizi bwirhu emwenyu byayemirwe.
|
|
\v 11 Co cirhuma nirhu rhushenga burhahusa enyanya zinyu, lyo Nnâmahanga wirhu amutwira olubanja lwinja l'okuhamagalwa, anahikirize okubuhashe bwage n'emihigo yage minja y'obwinja bwage, n'omukolo gw'obwemere bwinyu,
|
|
\v 12 lyo izino ly'omuciza Yezu likuzibwa muli mwe, na ninyu mukuzibwe muliye kushimbulirana n'olukogo lwa Nnâmahanga wirhu n'olw'omuciza Yezu Kristu.
|
|
\c 2
|
|
\cl Cigabi 2
|
|
\p
|
|
\v 1 Okubiyerekire okugaluka kwa Nnawirhu Yezu Kristu n'ihano lirhu haguma naye, rhumuhunyire bene wirhu,
|
|
\v 2 murhacirekerere okurhebwa oku lugenzi lwinyu lwinja, kandi murhacilekerere bamudunda kugerera omûka, nkw'okubinwa, erhi oku ngasi myandiko bayishi derha erhanga omurhwe nko kwenzo nsiku omuciza abire akola ahali.
|
|
\v 3 Omuntu yeshi yeshi arhamurhebeba muli njira ndebe. Bulya olwo lusiku lurhakayisha na bulya bugoma bukulu bya buzinda burhaciboneka, n'olya Mubi orhenganyizibweobusherere arhaciboneka.
|
|
\v 4 Omushombanyi ayimuka oku byoshi biderhwa bwa Nnâmahanga n'oku ngasi byoshi bicikumbwa, mpaka atamala omu kagombe ka Nnâmahanga, aciyalagaza oku yene ye Nnâmahanga.
|
|
\v 5 Kamurhacikengiri oku na kagi mubwir'ebyo, amango naciri emwinyu?
|
|
\v 6 Kamumanyire ebi mushwesire, bulya arhayishi boneke okusanzi kage.
|
|
\v 7 Bulya ebirhangaza bikola bili byakola, bihunyirage kwone ebimushwesire kandi bya hirigirha.
|
|
\v 8 Aho hayishi rhenga amâbi, gwo Nnâhamwirhu Yezu Kristu amubûha n'omûka gwekanwa anamushereze n'irenge ly'okuyisha kwage.
|
|
\v 9 Okuyisha kw'ôbubi kwarijikana oku buhashe bwa shetani, haguma na ngasi birhangaza, bimanyiso by'ebisomerine byo bushumi.
|
|
\v 10 Na ngasi burhebanyi n'âmabi okw'obalya bâhezire bulya barhahabagwa obuzigire bw'okunali bw'okubaciza.
|
|
\v 11 Kandi Nnâmahanga abarhuma mw'obuhashe byo kuciberula lyo bayemera obushumi.
|
|
\v 12 Lyo ngasi barhayemerag'okuli ci abacisimisa okuula obushinganyanya bahanwe.
|
|
\p
|
|
\v 13 Kurhwe, bazigirwa ba Nnâhamwirhu rhukawanine okubiyereki rhugenderere rhwagalulira Nnâmahanga obwukuze, bulya Nnâhanga amulondwire kurhenga omurhondero mpu mube obucèse, omukucibwa na Mûka n'okubwemere bw'okunali.
|
|
\v 14 Kwokwarhumaga amuhamagala kugerera emyanzi ya kalembe lyo muba n'irenge lya Nnawirhu Yezu Kristu.
|
|
\v 15 Muli nyo, bene wirhu, muyimange buzibu mugwarhe enyigirizo mwa habirwe, akabomunyigirizo erhi akaba oku maruba.
|
|
\p
|
|
\v 16 Lyo Nnawirhu Yezu Kristu, na Nnâmahanga Larha wirhu arhuzigira arhuha n'okulokogo lwage oburhulirize bw'emyaka n'emyaka n'obulangalire bwinja.
|
|
\v 17 Rhulirizi emirhima yinyu, muzibuhe omubijiro binja byoshi n'omunderho nyinja.
|
|
\c 3
|
|
\cl Cigabi 3
|
|
\p
|
|
\v 1 Okubuzinda, bene wirhu, murhuhunire, ly'omwanzi gwa Nnâmahanga gushandala guna kuzibwe nka kulya guli emwinyu,
|
|
\v 2 nalyo rhucizibwa n'abantu bakali na bâbi; bulya boshi barhagwerhi buyemere.
|
|
\v 3 Nnâhamwirhu abamwikubagirwa, yewa bayimanza bwinja n'okubaciza n'olya mwenge hushu.
|
|
\v 4 Rhugwerhe obulangalire e mwinyu muli Nnâhamwirhu oku muli mwajira aminja mwanagendekera mwajira ngasi byoshi rhwamukomerize.
|
|
\v 5 Nnâhamwirhu alongolane emirhima yinyu okubuzigire bwa Nnâmahanga n'oku bushibirizi bya Kristu!
|
|
\p
|
|
\v 6 Rhumurhegesire, bane wirhu, omw'îzino lya Nnâhamwirhu Yezu Kristu okumuciberele na ngasi mwene winyu olama omwishababe arhanali okunyigirizo mwayankirire emwirhu.
|
|
\v 7 Mumanyire mwane gurhi mwakarhuyiga, bulya rhurhali lamire e mwinyu okw'ishababe.
|
|
\v 8 Rhurhakagilya omugati gw'omuntu bûsha; cikwone, omu mukolo n'omu malibuko, obudufu n'omushi rhwali oku mukolo, lyo rhurhaki yabiza muguma muli mwe.
|
|
\v 9 Arhali mpu rhurhali bishinganine, cikwone rhwalonzagya rhumuhe olwiganyo lw'okuyiga.
|
|
\v 10 Bulya, amango rhwali e mwinyu, rhakagi mubwira n'obwalagale: nka hakaba muguma orhalonz'okukola arhanalyaga.
|
|
\v 11 Bulya rhulirhwayunva, oku muli mwe hali baguma baguma balamire omu ishababe, barhali bakola, cikwone bacihebire omu myanzi y'abandi.
|
|
\v 12 Rhulalisire abo bantu, n'okubayinginga muli Nnâwirhu Yezu Kristu, oku bakalya emigati y'omu maboko gabo bonene bakakola banadekerire.
|
|
\v 13 Kuli mwe, bene wirhu, murharhame okujira aminja.
|
|
\v 14 N'erhi hankaba halimuguma orhakenziri okw'ebi rhuyandisire omw'aga maruba, mubiyandike, murhanabaga n'olushange haguma naye, lyo abona nshonyi.
|
|
\v 15 Murhamubonaga nka mushombanyi, cikwone mumuhanule nka mwene winyu.
|
|
\p
|
|
\v 16 Nnâhamwirhu w'omurhula amuhe yene omurhula omu ngasi mango, n'omu ngasi bworhere! Nnâhamwirhu abe haguma na ninyu mweshi!
|
|
\v 17 Nmlamusize, nie paulo, n'okuboko kwani: bw'obunanire bwani omu maruba gani goshi kw'omuyandikire.
|
|
\v 18 Olukogo lwa Nnâhamwirhu Yezu Kristu bubere haguma na ninyu mweshi.
|