See in Reader
128 lines
12 KiB
Plaintext
128 lines
12 KiB
Plaintext
\id COL
|
|
\ide UTF-8
|
|
\h Abakolosai
|
|
\toc1 Abakolosai
|
|
\toc2 Abakolosai
|
|
\toc3 col
|
|
\mt Abakolosai
|
|
\c 1
|
|
\cl Cigabi 1
|
|
\p
|
|
\v 1 Paulo, ntumwa ya Yezu kristo omu malonza ga Nnamahanga, na mwene wirhu Timoteo,
|
|
\v 2 Oku bene wirhu batakatifu bikubagirwa muli Yezu kristo bali Ekolosai, mâshi obugashane n'omurhula kurhenga Nnamahanga larha wirhu bibe haguma ninyu!
|
|
\p
|
|
\v 3 Rhuvuzire omunkwa emwa Nnamahanga, ishe wa Nnahamwirhu Yezu kristo, n'oku muhunira ensiku zoshi.
|
|
\v 4 Amango rh'wayunvagya emyanzi y'obwemere bwinyu muli Yezu kristo nogw'obuzigire bwinyu oku batakatifu,
|
|
\v 5 Enyanya ly'obulangalire mwa bikiragwa empingu, n'oku emyanzi y'okuli, mwanzi gw'akalembe gwarhangigi mumanyusa.
|
|
\v 6 Erhi omu kagarhi kinyu, n'omw'igulu lyoshi; n'okuburha amalehe, n'okukula, nk'oku byanabire ninyu em'inyu kurhenga lulya lusiku mwayunvagya n'oku manya olukogo lwa Nnamahanga kushimbana n'okuli,
|
|
\v 7 Nkoku mwayigirizibagwa na Epafra, muzigirwa ntumwa haguma na nirhu, oy'oli murhumisi mwikubagirwa wa kristo kuli mwe,
|
|
\v 8 Owarhubwiraga obuzigire muka wa mungu amuhire.
|
|
\p
|
|
\v 9 Enyanya lya ntyo nirhu haguma, kurhenga olwo lusiku rhwayunvagya, rhurhasangi leka okumuhunira Nnamahanga, n'okuhuna oku muyunjuzibwe okumanya obulonze bwage, omu bukwengukwe bwoshi n'obwenge bw'omurhima,
|
|
\v 10 Lyo mugenda oku bishinganine na Nnahamwirhu n'oku musimisa lwoshi, muburhe amalehe omu ngasi mukolo mwinja n'okukula omu kumanya Nnamahanga.
|
|
\v 11 Nka mwakahabwa emisi y'obuhashe bwoshi oku lugero lw'obuhashe bw'obukuze bwage, mube ensiku zoshi n'obushagaluke omu bushibiriri n'okulindirira.
|
|
\v 12 Mukavuga larha omunkwa, ow'amushinganyagya okushangira ecihimbi gw'omwimo gw'abatakatifu omu bulangale,
|
|
\v 13 Bulya arhucungwire omu buhashe bw'omwizimya abuli rhuheka omu bwami bw'omugala muzigirwa,
|
|
\v 14 Muli ye rhugwenrhe obu cunguke, n'oku babalirwa ebyaha.
|
|
\v 15 Naye ashushire mungu orhabona, omuburhwa murhanzi w'ebiramwa byoshi.
|
|
\v 16 Bulya muliye ebintu byoshi byalemagwa ebiba empingu n'igulu, ebiboneka n'ebirha boneka, entebe z'obwami, obukulu, oburhambuzi, n'oburhegesi. Byoshi byalemagwa naye n'enyanya lyage.
|
|
\v 17 Abaga ho embere ly'ebintu byoshi, n'ebintu byoshi biyimanzire ahantu habyo muliye.
|
|
\v 18 Al'irhwe ly'omubiri gwage ko kanisa; ye murhondero, muburhwa wa burhanzi kurhenga omubafu, lyo mulibyoshi abe ye murhanzi oku kereka.
|
|
\v 19 Bulya mungu asimisibwe oku okuhihirira kwoshi kubere muli ye.
|
|
\v 20 Nantyo alonzize oku aciihumanya kwo ngasi kantu omu njira y'omugala, ebiri omw'igulu n'ebiri empingu, omu kujira omurhula kugerera ye, oku muko gwabulajikaga oku musalaba.
|
|
\v 21 Na ninyu, mwali kuli burhanzi na bashombanyi omu ngererezo z'inyu n'omu bijiro binyu bigalugalu, ci lero buno amuyinjibanyize
|
|
\v 22 omu kufa kwage omu nyama y'omubiri gwage, lyo amuyerekana emalanga gagenka batakatifu, buzira ishembo erhi lubanja,
|
|
\v 23 Nka mwakabera omu bwemere bugwihe buzibu buzibu omu ciriba n'okuyimanga n'emisi, murhana hindusiri oku bulangalire bw'emyanzi yakalembe erya mwayunvagya, eya y'igirizibagwa oku biremwa byoshi idako ly'empingu, n'enyanya lyaho nie Paulo najijirwe mukozi.
|
|
\p
|
|
\v 24 Nantyo buno nsagalusire omu malibuko gani enyanya linyu; n'ebibuzire oku marhindibuko ga kristo, mbihikirize omu mubiri gwani, enyanya ly'omubiri gwage, bo bemezi.
|
|
\v 25 Gwo gwarhumaga najirwa mukozi kukulikira omukolo Nnamahanga ampaga mpumujirire emunda muli, mpu nderhe n'obwalagale omwanzi gwa Nnamahanga,
|
|
\v 26 Ihwe lyayorhaga lifulike amango goshi, n'emyaka yoshi, cikwone alifulwirage buno emw'abatakatifu bage.
|
|
\v 27 Kuli abo Nnamahanga alonzize okubamanyisa obugale bw'omu bukuze bwage omu kagarhi k'eyindi milala, kumanya: kristo muli mwe, bulangalire bw'obukuze.
|
|
\v 28 Ye rhuli rhwayigiriza ogwage, oku hanula abantu boshi n'okuji yigiriza ngasi muntu oku bukengukwe bwoshi, lyo rhulerha emwa Nnamahanga mgasi muntu okwanine muli Yezu kristo.
|
|
\v 29 Enyanya lya ntyo nankole, n; okulwisa n'emisi yage, eliyakola okubuhashe muli nie.
|
|
\c 2
|
|
\cl Cigabi 2
|
|
\p
|
|
\v 1 Ndonzinze, ntyo, mumanye kanga eri nene entambala ndi namuluira, n'oku bantu be Laodikiya, n'okuli balya boshi barhasagibona amalanga gani omu mubiri,
|
|
\v 2 Lyo emirhima yabo eyunjula burhulirize, babe cinabuguma omu buzigire, banagale boshiboshi omu bwenge okumanya ihwe lya Nnamahanga, kumanya kristo,
|
|
\v 3 Ihwe lifulikemwo emihaho yoshi y'obukengukwe n'eyokumanya.
|
|
\v 4 Ndesir'eco ly'omuntu yeshi arhamurhebaga n'emyanzi y'okurheba.
|
|
\v 5 Bulya, ciru nakaba ntali haguma na ninyu oku mubiri, ndi haguma naninyu oku murhima, nama shagaluka okubona obworhere bwinja ekarhi kinyu, n'emisi y'obwemerebwinyyu muli kristo.
|
|
\p
|
|
\v 6 Ntyo, nkoku mwayankiriraga Nnahamwirhu Yezu kristo, mugende ntyo muli ye.
|
|
\v 7 Mumùherhe mwo emizi yinu n'okuyubakwa muli ye, n'oku yimanzibwa omu bwemere, kukulikira enyigirizo mwahabirwe, na mulushise bwenene okuvuga omunkwa.
|
|
\p
|
|
\v 8 Mucilange ly'omuntu yeshiyeshi arhamujiraga mpira n'obwenge bwage bw'obusha n'oburhebanyi, buyimangira olworhere lw'abantu bàja basigirana, n'emyanzi y'igulu, cikwone burhayimangira kuli kristo.
|
|
\v 9 Bulya muli ye okuhikirira kwoshi kwa Nnamahanga kw'omubiri kuli.
|
|
\v 10 Naninyu mwahirhire muli ye, oy'oli irhwe ly'amami goshi n'obuhashe.
|
|
\v 11 Na muli ye mwakarhagwa okukarhwa kurhajiragwa n'amaboko, cikwone kukarhwa kurhenzire kuli kristo, n'okwo kuli kwa kukulwa kw'obuhashe bw'ogu mubiri gurhajira ebyaha:
|
|
\v 12 Bulya mwabishirwe haguma naye omu bubatizo, na muli bwo mwafulwa haguma naye, omu kuyemera emisi ya Mungu wamufulaga kurhenga omu bafû.
|
|
\v 13 Ninyu mwali bafû enyanya ly'ebyaha binyu n'okurhakarhwa oku mubiri gwinyu, amujijire bagumaguma haguma naye, arhubabalire ebyaha birhu byoshi.
|
|
\v 14 Azaza emyandiko y'irhegeko lyali enyanyalirhu lyaligwerhe n'obushombanyi kuli rhwe, ayirhenza n'okuyishwekera oku musalaba n'emisumari.
|
|
\v 15 Erhi aba amanyaga amami n'obuhashe, abiyerekana n'olwalagale, abihima okw'ogo musalaba.
|
|
\p
|
|
\v 16 Ntyo omuntu arhaci muhekaga lubanja omukulya erhi omukunywa, enyanya l'idinye, erhi omwibalukwe gw'omwezi, erhi lusiku lwa sabato:
|
|
\v 17 Eyi myanzi yali cirholo c'emyanzi yayisha, cikwone omubiri guli gwa Kristo.
|
|
\v 18 Omuntu yeshi yeshi, omu kucirhohya oku kulonza kwage yene n'okuhûna ba malaika, arha munyagaga omukulonza kwage oluhembo lwinyu, ciru ankaciheba omu bilorho byage alorhaga, n'okucibona busha,
|
|
\v 19 Arha lungini n'ihwe, kuliye omubiri gwoshi, guna rhabalwe n'okuhebwa haguma n'enjingo n'emisi. Gunakule n'okuyushulwa kwa Mungu,
|
|
\v 20 Ntyo nkawafire haguma na kristu oku myanzi y'enigulu, bici birhumire, mwaciheba edako l'irhegeko, nkabantu bomw'igulu:
|
|
\v 21 Orha mamarhaga! Orha labulaga! Orha humaga!
|
|
\v 22 Eyi myanzi yooshi yana sherera, amango yakolwa, nka mahano n'enyigirizo z'abantu.
|
|
\v 23 Okuli, ago mahano, ganabonekane nka gali ga bukwenguke, haguma n'oku gashaniza kwaago kurhenzire omu malonze gabo bone, n'omu kucirhohya, n'okucilibuza omubiri n'obukali, ci kwone ebi birhakahasha okuhanza irala ly'omubiri.
|
|
\c 3
|
|
\cl Cigabi 3
|
|
\p
|
|
\v 1 Ntyo nka mwamafulwa haguma na kristo, mulongerezagye ebili enyanya, aha kristo atamire ekuboko kulyo kwa Mungu.
|
|
\v 2 Muka koyakoyera ebiba enyanya c'arhali ebyiri omu igulu.
|
|
\v 3 Bulya mw'afire n'obuzine bwinyu bufulisirwe haguma na Kristu muli Mungu.
|
|
\v 4 Amango Kristo, oy'oli buzine bwinyu, abonekana, lyo mwabonekana ninyu haguma naye omu bukuze.
|
|
\p
|
|
\v 5 Ntyo muyirhe ebyo birumbu binyu biri en'igulu, obugonyi, izinga, irata libi, n'enyifinjo mbi, n; oku yagalwa, kwo kuli nk'okugashaniza enshushano.
|
|
\v 6 Enyanya ly'ebyo oburhe bwa Mungu bunaishe enyanya ly'abantu barhajira bukenge.
|
|
\v 7 Muli ebyo mwo mwakagi genda mira, Amango mwali muciri omw'ebi byaha.
|
|
\v 8 Cikwone buno, mujandage ebyo byoshi, obukumizi, n'oburhe, obulyalya, okushombanya, n'emyanzi y'enshonyi omu rhunwa rhwinyu.
|
|
\v 9 Murha bwiranaga obunywesi, Bulya mwarhenzize omuntu wa miira n'ebijiro byage.
|
|
\v 10 Wayambirhe omuntu muhyahya, ojirwa buhyahya, omu bwenge, mpu abe n'enshusho y'ayo wamulemaga.
|
|
\v 11 Harhaciri Muyunani erhu Muyahudi, oku karhwa erhi kurhakarhwa, ecigili erhi omuciga, omuja erhi abarhali bo; ci kwone kristo Ali byoshi na muli byoshi.
|
|
\p
|
|
\v 12 Ntyo, nka bishogwa ba mungu, ba takatifu na bazigirwa bwenene, muyambale omurhima gw'obwonjo, gw'obwinja, gw'obwirhohye, n'obutudu, n'obushibirizi.
|
|
\v 13 Muka lemberana n'okubabalirana, nk'omuntu agwerhe omwanzi gw'oku songera owabo, nk'oku Nnahamwirhu amubabaliraga, muka babalirana ninyu.
|
|
\v 14 Nakulusha eyi myanzi yoshi muyambale obuzigire, gw'omugozi gw'obushibirizi.
|
|
\v 15 Masashi omurhula gwa kristo, ogwo mwa hamagaliragwa mpu mube mubiri muguma, gurhambule omu mirhima yinyu. Munabe bantu b'okuvuga omunkwa.
|
|
\v 16 Omwanzi gwa kristo gube omu karhi kinyu oku bwinji; muyigirizanye n'okuhanulana mwene na mwene omubukengukwe, oku muvuga omunkwa omu nanga n'omu nyimbo zokuchitakira, n'enyimbo z'omurhima, mukayimbira Mungu oku lukogo omu mirhima yinyu.
|
|
\v 17 Na ngasi kantu mwajira, oku mwanzi erhi oku bijiro, mujire byoshi oku izino lya Nnahamwirhu Yezu, muka vuga Mungu omunkwa muli ye.
|
|
\p
|
|
\v 18 Mwe bakazi, mukenge abalume binyu, nk'oku bishinganine muli Nnahamwirhu.
|
|
\v 19 Mwe balume, musime abakazi binyu, murhana baberaga burhe.
|
|
\v 20 Mwe bana, mukenge ababusi binyu oku myanzi yoshi, Bulya okwo kuna simise Nnahamwirhu.
|
|
\v 21 Mwe balarha, Murha gayisagya abana binyu, barhagi yoloha omu mirhima yabo.
|
|
\v 22 Mwe bashizi, mukenge ba nahamwinyu b'omubiri oku myanzi yoshi arhali embere ly'amasu gabo nka kucisimisa emalanga ga bantu. Cikwone oku murhima mulembu, omu kuyobora Nnahamwirhu.
|
|
\v 23 Ngasi kantu mwankajira, mukajire oku murhima mwinja, nka kuli Nnahamwirhu c'arhali oku bantu,
|
|
\v 24 Mumanye oku mwacikamarha emwa Nnahamwirhu oluhembo lw'omwimo. Mukolere kristo, Nnahamwirhu.
|
|
\v 25 Bulya okola amabi anahabwe amabi akozire, ciru nta kabolo.
|
|
\c 4
|
|
\cl Cigabi 4
|
|
\p
|
|
\v 1 Mwe banahano, muhe abambali binyu eby'okuli n'ebikwanine, Mumanye oku ninyu Ntyo mugwerhe Nahamwinyu empingu.
|
|
\p
|
|
\v 2 Mukagihuna bwenene, muyorhe muli masu n'okuka vuga omunkwa.
|
|
\v 3 Muka rhuhunira nirhu, lyo Mungu arhuyigulira omu lango gw'omwanzi gwage, rhuderhe ihwe lya kristo, enyanya ly'okwo ndi omu migozi.
|
|
\v 4 Lyo mu yerekana n'oku nshinganine okuderha.
|
|
\v 5 Mugende n'obwenge emalanga gabo bali eburhambi, muhigule akasanzi.
|
|
\v 6 Okuderha kwinyu kwoshi kube nobwonjo, kulungwe n'omunyu, lyo Muka manyirira oku kwanini okushuza ngasi muntu.
|
|
\p
|
|
\v 7 Tikiko, mwene wirhu muzigirwa n'omukozi oshinganine, mushizi haguma nanani muli Nnahamwirhu, amu manyisa eyanzi yani yoshi.
|
|
\v 8 Namurhumire emwinyu, nty mumanye obworhere bwinyu, naye arhulirize emirhima yinyu.
|
|
\v 9 Nmurhumire haguma na Onezime, mwikubagirwa na mwene wirhu muzigirwa, oyo alzi w'emwinyu. Bo bamu manyisa emyanzi ya hano mwirhu yoshi.
|
|
\p
|
|
\v 10 Aristoriko, mushwekwa haguma na nani, amulamusize, na Marko, muzaala wa Barnaba, enyanya lyage mwahabirwe irhegeko (ankaba ahika emwinyu mumuyankirire);
|
|
\v 11 Na Yezu oy'oderhwa Yusto, amulamusize naye. Bali bomu bantu bakarhe, bone bali bakola haguma na nani enyanya ly'obwami bwa mungu, bo bantu bantulilizagya.
|
|
\v 12 Epafra, muntu w'emwinyu amulamusize: mwambali wa Yezu kristo, anajira obushibirizi ensiku zoshi enyanya linyu omu kuhuna kwage, mpu lyo, muyorha musimirine n'okuba bantu bacirheganyize lwoshi okujira ngasi byo mungu alonzize.
|
|
\v 13 Bulya, mmuderhire obudima oku ogwerhe obushibirizi bunji enyanya linyu, n'enyanya lyabo bali e Laodikiya, n'enyanya lyabo bali e Hierapoli.
|
|
\v 14 Luka, olya mufumu muzigirwa, amu lamusize, na Demaa ntyo.
|
|
\v 15 Mulamuse bene wirhu bali e Laodikiya, na Nimfa, n'akanisa kali omu mwage.
|
|
\v 16 N'amango mwamasoma aga maruba omu kagarhi kinyu, mujire nkakulya gankasomwa n'omu kanisa k'e Laodikia, ninyu ntyo musome amaruba kurhenga e Laodikia.
|
|
\v 17 Mubwire Arkipo: olole omukolo wa habagwamuli Nnahamwirhu, oguhikirize bwinja.
|
|
\p
|
|
\v 18 Omusingo gwani, nie Paolo, oku kuboko kwani niene. Mukengere okushwekwa kwani. Olukogo lubere haguma na ninyu!
|