tbt-x-kirhinyihinyi_reg/48-2CO.usfm

\id 2CO
\ide UTF-8
\h Abakorinto Ba Kabiri
\toc1 Abakorinto Ba Kabiri
\toc2 Abakorinto Ba Kabiri
\toc3 2co
\mt Abakorinto Ba Kabiri
\c 1
\cl Cigabi 1
\p
\v 1 Paulo, ntumwa ya Yesu Kristu oku bulonze bwa Nnamahanga, n'omulumuna Timoteo, oku kanisa ka Mungu kali e Korinto, nabatakatifu bali omu Akaya:
\v 2 Olukogo n'omurhula gube kuli mwe kurhenga emwa larha Nnamuzida n'emwa Nnahamwirhu Yesu Kristu!
\p
\v 3 Agishwe Nnamuzinda, Ishe wa Nnahamwirhu Yesu Kristu, Larha w'olukogo na Mungu w'oburhulirize bwoshi,
\v 4 orhu rhuliriza omu ngasi mazibu girhu goshi, lyo, kugerera obwo burhulirize mwo rhuli kantu oluhande lwa Nnamahanga, rhu rhulirize abali omu mazibu ga ngasi lugero!
\v 5 Bulya, kwo n'okwo kw'amalumwa ga kristu garhulugire mwo rhweshi, kwo n'okwo oburhulirire bwirhu buluzire muli Kristu.
\v 6 Akaba rhulibusire, muli omu burhulirire bwinji n'omu kucira kwinyu, akaba rhurhulirizibwe, omu burhulirize bwimyu, bukahikirira omu kulindirira omu kuhasha amalibuko goshi rhulirhwa gera mwo.
\v 7 N'obulangalire bwirhu emalanga ginyu busezire, bulya rhumanyire oku, nkaba mulikw' omu bizibu, mukwaninwe muhabwe n'obu rhulirize.
\v 8 Rhurha lonzizi ntyo, muyorhe murha manyiri, bene wirhu, oku mwanzi gwa malibuko gwarhuyishiraga e Asia, byali birhuzibuhire bwenene, kulusha emisi yirhu, kuhika rhwatwa obulangalire bw'okulama.
\v 9 Rhwanaka lola nk'aba twirirwe okufa, lyo rhuleka okuka cikubagira rhwene, ci abe Nyamuzinda ye rhucikubagira, ye fûla abafu.
\v 10 Ye warhukulaga omu ntambala nzibu bwenene z'olufu, ye rhulangalire wa rhuyokola kandi,
\v 11 Mwe na nene murhurhabale oku mahuno, mpu lyo olukunda rhwahabirwe oku banji lube oku banji mwanzi gwa kugalula obukuze enyanya lirhu.
\p
\v 12 Bulya ecijira obukuze bwirhu, buli obwo buhamirizi bw'entimanya zirhu, kwo rhu longolanwa omwel'igulu, na kurhaluka olunda lwinyu n'obucicese bw'okuli embere za Nnamuzinda, arhali omu bwenge bw'omubiri, ci haguma n'olukogo lwa Nnamuzinda.
\v 13 Rhurha cimuyandikiri bindi bintu nkebi musomire, n'ebi mumanyire. Nantonyize oku mwabimanyirira kuhika obuzinda,
\v 14 Nkoku mukola muishi omu chigabi oku rhuli bukuze bwinyu, ntyo kwo mwayorha emunda rhuli kandi olusiku lwa Nnahamwirhu Yesu.
\p
\v 15 Omwobwo bulangalire, nalonzize okuja emwinyu burhangiriza eunda muli, lyo muhabwa olukogo lwa kabiri;
\v 16 Ndonzize okuger emwinyu kuja e Makedonia, na kandi kurhenga e Makedonia kuja e mwinyu, muna nduse et buyahudi.
\v 17 K'amango nagererezagya okwo, ka kobinali nakalonzize obulembu? Erhi, amashuzo gayerekire omubiri lyo omu nie mba neci na nanga?
\v 18 Kandi kwinja Nyamuzinda aba mwikubagirwa, akanwa rhwamubwira karhali neci erhi nanga.
\v 19 Bulya mwene Mungu, Yesu Kristo, wayigirizibwagwa na nirhu omu karhi kinyu, na nani, na Silvan, na Timoteyo, arhali nanga na neci ci kwone ali neci ye wali muli ye;
\v 20 Bulya oku biyerekire ebiragane byoshi bya Nyamuzinda, omu ye mo muli neci; byo birhumire kandi amena oku ye anakaderhwa na nirhu oku bukuze bwa Nnamuzinda.
\v 21 N'oyo orhu humanize na ninyu omu Kristu, n'oku rhushiga, ye Nnamuzinda;
\v 22 Ye wana rhuhebire kwo ecimanyuso anahira omu mirhima yirhu emisi ya muka.
\p
\v 23 N'obwo, ntozire Nnamuzinda nka muhamirizi oku murhima gwani, kuli mwe omu kuciberula ntacijaga e Korinto.
\v 24 Arhali omu kurhengeka obwemere bwinyu, ci rhuyushula oku bushagaluke bwinyu, bulya muli bazibu omu bwemere.
\c 2
\cl Cigabi 2
\p
\v 1 Nalâlire nti ntashubira emwinyu omu burhe.
\v 2 Bulya erhi nankamujira burhe, ndi wankaci nsimisa, nka arhali olya wamberire burhe?
\v 3 Nayandisire nkoku nanajijire lyo ntaki ba burhe, hano mpika, erhi abâli bansimisa b'o barhumire, bulya manyire bwinja oku okusima kwani kunali kwinyu mweshi.
\v 4 Omu burhe bwinji, n'omurhima gwani gwali mw'omutula munene, n'emirenge minji, arhali kumujira burhe, cikwone nti lyo mumanya ngahi obuzigire bwani buhisire kuli mwe.
\p
\v 5 Nka hali owajirine burhe, arhali nye ajijire burhe, cikwone mweshi, nkaba okurharhalusa, banji muli mwe.
\v 6 Burhali buhane bunyi obwo kuli oyo muntu wahanyirwe na banji,
\v 7 Mumubabalirage erhi kwo naku murhuliriza, omukuyoboha oburhe bulushire bwomugala.
\v 8 Co cirhumire namuhunyire nti muyerekane obuzigire kuli ye;
\v 9 Bulya nanamuyandikire omu kulonza okumanya, oku agera mwo, nkaba muli birhonzi oku nkasi kantu.
\v 10 N'obu, nka mwanka babalira, na mbababalire nnani; n'eci na babalire, nka nababalire akantu, mwe murhumire, emalanga ga Kristu,
\v 11 Mpu lyo ntakileka shetani arhuhima, bulya rhumanyirire emihigo yage.
\p
\v 12 Ebisigire, erhi mpika e Trowa enyanya ly'omwanzi gwa Kristo, ciru akaba Nnahamwirhu onyigulire olunvi,
\v 13 Omurhima gwani gurhadekereraga, bulya ntabonaga Tito, mwene wirhu; okwo kwarhumire, n'aba sengeruka, naja e Makedonia.
\p
\v 14 Aganze Nnamahanga, orhuhimira nkasi mango muli Kristo, anarhu kolesé mpu lyo rhumanyisa Kristo nkasi hantu ibaya lya malashi g'obuhashe bwage!
\v 15 Rhuli, emwa Nnamahanga ibaya linja lya Kristo, omu bachungwirwe n'omu karhi k'abahezire:
\v 16 Emwa baguma, ibaya ly'e mifu, lyo lihana olufu; n'okubandi, ibaya lya buzine, lyo lihana obuzine. Nandi okwanine kulusha ebyo bintu?
\v 17 Bulya rhurhali nk'abarhimbuzi b'omwanzi gwa Nnamahanga, nk'oku bajira abandi; ci nk'oku biri, rhunaderhe okubinali emalanga ga Mungu nk'aba kolera Kristo emalanga ga Nnamahanga.
\c 3
\cl Cigabi 3
\p
\v 1 Karhurhondire rhwa cikunga rhwenene? Erhi rhuli n'olwifinjo, aka bandi baguma, rhube n'amaruba g'okucimanyisa emunda muli, erhi g'emwinyu?
\v 2 Mw'oyo mwe maruba girhu, mayandike omu mirhima yirhu, gamanyikane n'okusomwa n'abantu boshi.
\v 3 Muli n'obwalagale maruba ga Kristu, mayandike n'omukolo gwirhu, garhayandikagwa n'obwino, ci oku mbaho z'emibiri, oku mirhima.
\v 4 Obwo bwikubagirwa, rhubugwerhe muli Kristo hofi na Mungu. Kandi erhi kwo rhuchikubagire Mungu ntyo, erhi Kristu orhuma.
\v 5 Arhali kuderha mpu oku lwirhu rhugwerhe obuhashe bw'okuderha mpu kalebe karhenga oku misi yirhu rhwene. Ebirhankahasha okujira, omuhandi, emwa Mungu birhenga.
\v 6 Ye warhuhashisagya okuba bantu b'okukolera okulaganana kuhyahya, erhali ya mandiko, ciya muka; bulya olwandiko lunakayirha, cikwone Muka buzine ahana.
\v 7 Amarhegeko gayandikagwa mperufi oku mperufi, oku mbao z'amabuye n'obulangashane bwa Mungu bwalangashana ago mango. Obusu bwa Musa bwakagilangashana, okwo kwarhuma abisraeli bakayabirhwa okumulola kwo, na ciru akaba ntyo abwobulangashane bwali gwasirwe buhirigirhe,
\v 8 Omukolo muka gwa Mungu ajiire gurhigi gurhagwasirhwi gurhaluse omu kuba n'obulangashane wani!
\v 9 Erhi omukolo gw'obuhane akaba gwali gwa bulangashane, gurhi omukolo gw'obushinganyanya, gurhi omukolo gw'obushinganyanya gurharhaluse bwenene okuba okuba n'obulangashane wani.
\v 10 Cirhu rhwanaderha, oku obukuze bwalangashanaga miira buli bwa busha, omu kubugerera okubukuze bw'ene buli bukulu bwene'ne.
\v 11 Bulya, erhi ankaba akantu kalamaga hisanzi hisungunu kali kakuzibwe, gurhi akantu k'okubera ho ensiku n'amago karhaluse okuba n'obukuze wani.
\p
\v 12 Bulya rhulangalire ntyo co cirhumire rhuli ntwali bwenene,
\v 13 Rhurhajira aka Musa wakag'icibwika e citambara ebusu, mpu lyo abisraeli barhag'ibona oku bulangashane bw'okugera bwamurhenga ebusu.
\v 14 Cikwone bahinduka bazibu bokuyunva. Nakuhika ene obwenge bwabo bubwisirwe n'eco citambara, erhi basoma ebitabu byomukulaganana kwa mira, n'eco citambara cirharhenga nkaba erhi oku muntu ahuminee haguma na Kristu.
\v 15 Kuhika ene, erhi basoma ebitabu bya Musa, ecitambara cinababwike emirhima;
\v 16 Cikwone amango omuntu ahindamukira nahamwirhu, ecitambara cinakulwe.
\v 17 N'obwo, nahamwirhu ali muka; n'aha Muka gwa nahamwirhu aliho halin'obuhuru.
\v 18 Rhweshi rhwe, amalanga gabwikwirwe, rhuli rhwalomeka n'obulangashane bwa nahamwirhu nkakula omu cilolere, rhulirhwahindamulwa mpu rhushushe n'eyo nshusho, rhulangale kulusha rhunalangashane, nk'oku nahamwirhu alonzize, bulya aba Muka.
\c 4
\cl Cigabi 4
\p
\v 1 Co cirhumire, rhwahabwa ogu mukolo, rhwe rhwaberirwe obwonjo, rhurhaleka oku ciseza.
\v 2 Rhukabulire ebijiro by'enshonyi bijirwa kw'ihwe, rhurhakola n'obwenge bw'obulyalya, n'akanwa ka Mumgu rhurhakahindula. Ci, kuba kumanyisa okuli n'obwalagale, n'oku ci kengeesa omu ntimanya za ngasi muntu emalanga ga Mungu.
\v 3 Nkaba Emyanzi y'omurhula rhuyigiriza eciri mifulike, efulisirwe oku balya bahezire;
\v 4 Muli bo Mungu w'eri igulu ahusize engererezo z'abo barhayemiri, mpu ly'obulangale bw'Emyanzi minja y'obukuze bwa Kristu oli nshushano ya Mungu burhaki bamolekera.
\v 5 Rhurhaciyigiriza rhwe na nnene; Yezu Kristu Nnahamwirhu ye rhu yigiriza, rhuna cihamagale bakozi binyu ahanyanya lya Yezu.
\v 6 Bulya Nnamahanga, ye waderhaga erhi: Obulangale bwa moleka omu karhi k'omwizizi! Ajijire obulangale bumoleke omu mirhima yirhu lyo arhuha okumanya okuli kwalomeka kw'obukuze bwa Nyamuzinda bulangashane ebusu bwa Kristu.
\p
\v 7 Rhudwire obwo bugale omu mibiri y'obudaka, lyo obwo buhashe bunene bubonekane bwa Nnamahanga, ci burhali bwirhu.
\v 8 Rhulibúsire n'amalumwa ga ngasi lubero, cikwone rhurha vungunyulwa; rhuzungulusire irhwe, ci rhurha zungulusiri;
\v 9 Rhushimbulirwe, ci rhurhali balikirire, rhukubirwe, ci rhurha shangusiri;
\v 10 Rhudwirhe ngasi mango omu mubiri olufu lwa Yezu, ly'obuzine bwa Yezu buci yerekana n'omu mubiri gwirhu.
\v 11 Omu bulamu bwirhu, ngasi mango rhuba bayerekeze ebwa lufu erhi Yezu orhuma mpu lyo obuzine bwage buchiyerekana n'omu mubiri gwirhu guli gw'okufa.
\v 12 Ntyo kw'olufu lujira omukolo muli rhwe, n'obuzine kukola muli mwe.
\v 13 Na, nkoku rhugwerhe murhima gw'obwemezi nkoku bya yandikagwa erhi: nayemire, byo byarhumire naderha! Na nirhu rhu yemire, byo binarhumire rhuli rhwaderha,
\v 14 Omu kumanya oku olya wafulaga Nnahamwirhu Yezu aishi rhufula nirhu haguma na Yezu, n'oku rhulerha emalanga gage haguma na ninyu.
\v 15 Bulya ebyo byoshi bihisire enyenye linyu, mpu lyo olukogo omu kuluga bwenene, lurhuma omunkwa gwaluga, oku bukuze bwa Nnamahanga, n'omunkwa gw'inema gwa bantu banji.
\p
\v 16 Co cirhuma rhurhaleka kuchiseza. Na ciru erhi omuntu orhuli embuga akasherera, omuntu wirhu w'endalala akaba muhyahya ngasi lusiku.
\v 17 Bulya okwo kulibuka kusungunu kwirhu kwa buno kuli kwa kasanzi kasungunu, kurhurheganiza kulusha ngasi lubero, omwandu gw'irenge ly'ensinku zoshi,
\v 18 bulya rhunalole, arhali oku birugu bibonekana, ci oku byo birha boneka; bulya ebirugu biboneka biri bya kugera, n'ebirha boneka biri by'ensiku n'amango.
\c 5
\cl Cigabi 5
\p
\v 1 Rhumanyire oku, ihema rhuba mwo en'igulu erhi ryanka sherezibwa, rhugwerhe enyumpa omu malunga yayubakagwa na Mungu, múbako gw'ensiku zoshi gurhajiragwa n'enfune za muntu.
\v 2 Na buno rhuli rhwalumba, rhucifinjire okuyambisibwa enyumpa y'empingu,
\v 3 Caziga rhurhinganwe rhuyambirhe carhali bushunzi.
\v 4 Bulya amango rhuciri omw'el'ihema, rhuli omu mirenge, rhuli rhwanalibula, arhali mpu rhulonzize okukulwa kw'omubiri, cikwone rhulonzize oku yambisibwa omubiri gw'empingu, lyo obuzine bumirangusa ngasi bya kufa.
\v 5 N'owa rhubumbaga ntyo, ye Mungu, ye warhuhaga omuka gwage kuba bugwasi.
\v 6 Rhuyorha rhugwerhe aha rhucikubagira, rhuna manyire oku amango rhuciba muli ogu mubiri, erhi rhunali kuli na Nnahamwirhu-
\v 7 bulya rhuli rhwagenda n'obwemere carhali mpu omu kukabona,
\v 8 Rhugwerhe oku cikubagira, rhuna simire bwenene okurhenga omu guno mubiri n'okulama hofi na Nnahamwirhu.
\v 9 Enyanya lyebyo lyo nirhu rhwaka ciseza omu kuka musimisa, akaba rhubezire omw'oguno mubiri, erhi ankaba rhugu rhenzire mwo.
\v 10 Bulya rhugwasirwe okuja emalanga lya kagombe ka Kristu, lyo ngasi muguma ahabwa kushimbana n'aminja erhi mabi akaba akozire, erhi ali omu mubiri gwage.
\p
\v 11 Bulya rhumanyire oku yoboha Nnahamwirhu, rhuli rhwalonza oku yemeza abantu; Mungu arhumanyire, n'andangalire oku omu ntimanya zinyu murhumanyire ninyu.
\v 12 Rhurhali rhwacikungira aha muli; ci kuderha nti rhumuhe ecarhuma rhwacikuza erhi rhwe rhurhumire, lyo muhasha okushuza balya balya balimbira ebi boneka babule okulimbira ebiri omu murhima.
\v 13 Akaba, rhwahezize obukengere, kuli kwa Mungu; ci akaba ndi mugumana, erhi mwe murhumire.
\v 14 Bulya obuzigire bwa Kristu burhusezize, bulya rhumanyire oku, nkaba muguma afire enyanya lya boshi, kokuderha oku boshi bafire;
\v 15 ana naferirage boshi, erhi abazine barhacibe bazine kuli bo bone, ci enyanya ly'owafire anafuka enyanya lyabo.
\v 16 Co cirhumire, na buno, rhw'ono ntaye muntu rhucimanyire oku mubiri; n'erhi akaba rhwali manyire Kristu oku mubiri, buno lero rhurhacimu manyira ko.
\v 17 Erhi akaba omuntu ali wa Kristu, anabe ciremwa cihyahya. Ebya mira bina hirigirhe, ebintu byoshi bihinduke bihyahya.
\v 18 Ebyo byoshi kuli Mungu birhenga, ye warhumaga Kristu, arhuhumanya rhweshi naye.
\v 19 Bulya Mungu ali omu Kristu, oku humanya abantu boshi muli ye, buzira kusinza amabi gabo, ana hebire muli rhwe omwanzi gw'obushanganyanya.
\p
\v 20 Rhuli rhwajira emikolo y'oburhumisi bwa Kristu, aligi nka Mungu yene yeri amuhamagala omu kurhukolesa; rhumu yinginzire okw'izino lya Kristu: mpu mushanganyibwe na Mungu!
\v 21 Orhali gwerhe byaha, ajirwa byaha aha nyanya lirhu, lyo rhuba emwage okuli kwa Mungu.
\c 6
\cl Cigabi 6
\p
\v 1 Bulya rhukola na Mungu, rhuba yingizire nti mumanye mwayankirira olukunda lwa Mungu busha.
\v 2 Bulya adesire erhi: oku mango gakwanine nakuyunvirhe, olusiku l'okucira naku rhabazize. Ololage buno amango gakwanine, ololage lero olusiku lw'obuchungule.
\v 3 Rhurhabaga cisarhazo oku myanzi yoshi yoshi, ly'omukolo gurhaki ganyagusibwa.
\v 4 Ci omu ngasi mwanzi rhunaci yerekane nk'oku bihunyirwe, nka bakozi ba Mungu, omu bushibirizi bwinji, omu malumwa n'oburhe,
\v 5 Omu kushurhwa, omu mpamikwa, omu kasheke, omu mikolo, omu kubula eliro, n'omu kurhalya;
\v 6 Omu buchesibwe, omu bumanye, omu kulemberera amalumwa, omu butudu, muli Mûka mucesibwa n'obuzigire bw'okunali,
\v 7 N'omu myanzi y'okuli, n'oku buhashe bwa Mungu, omu matumu g'okulwa n'okulwira okuli;
\v 8 Omu bukuze n'enshonyi, omu kuderherwa bwinja n'oku derherwa kubi; omu kulolwa nka bashumi, n'obu rhuli bantu b'okuli;
\v 9 Nka barha rhumanyiri, n'obu rhumanyikine; nka mifu, n'obu rhurhafiri;
\v 10 Nka bali burhe, n'obu rhuba rhuli omu bushagaluke; nka bakenyi, n'obwo rhugaza banji bwenene; nka barha gwerhi kantu, n'obu rhugwerhe byoshi.
\p
\v 11 Orhunwa rhwirhu rhwabumbirwe emwinyu, mwe bakorinto, omurhima gwirhu gwayushwirwe.
\v 12 Murha fuzirwi muli rhwe; cikwone mufuzirwe omu mirhima yinyu mwene.
\v 13 Ntyo mujuhe nk'oku mwa habirwe, - ndesire na ninyu nka bana bani, - muyushuke- na ninyu!
\v 14 Murha shangiraga n'abarha yemiri oku nkomyo. Bulya lushange luli omu kagarhi k'okuli n'okubi? Erhi ilagano lici liri aha karhi k'obulangashane n'omwizizi?
\v 15 Bwira buci bwankaba omu karhi ka Kristu na Beliari? Erhi bwira buci bwankaba omu karhi k'omwemezi n'orhali mwemezi?
\v 16 Lushange luci lwankaba omu karhi k'enyumpa ya Mungu n'ensanamu? Bulya rhuli nyumpa ya Mungu ozine, nkoku Mungu akuderhaga mpu: Nashi yubaka na nayishi kagenda omu karhi kabo; nashiba Mungu wabo, n'abo bayishiba lubaga lwani.
\p
\v 17 Co cirhumire, murhenge omu karhi kabo, muna likane, kwo Nnahamwirhu adesire; Murhahume oku byo biri b'izinga, Na nayishi bayankirira.
\q
\v 18 Nashiba sho winyu, ninyu mwashiba emwani nka bagala bani na bali bani, adesire Nnahamwirhu w'obuhashe bwoshi.
\c 7
\cl Cigabi 7
\p
\v 1 Omu kugwarha amo malaganyo, bene wirhu, rhuci cese- na nkasi izinga ly'omubiri n'elyo murhima, n'okuyukiriza omukolo omu karhi k'oku muyoboha Mungu.
\p
\v 2 Murhuyankirire omu mirhima yinyu! Rhurhajiriraga muntu yeshi yeshi kubi, rhurha sherezagya, rhurha lyanga bunguke bwa muntu yeshi yeshi.
\v 3 Arhali kumu heka lubanja kurhumire naderha ntyo; bulya nadesire oku muli omu mirhima yirhu omu buzine n'omu kufa.
\v 4 Ngwerhe obulangalire bwinji bwenene emunda muli, ntana himwa cakumunegenera, nyunjwire burhulirire, nyunjwire bushagaluke ou malibuko girhu.
\p
\v 5 Bulya, kurhenga okuhika kwirhu e Makedonia, omubiri gurha rhamukaga ciru n'ehitya; ci kwone rhwalibuzibwa omu ngasi njira: emugongo yali entambala, necoba caba endalala.
\v 6 Cikwone Mungu, y'orhuliriza balya abarhamire, arhurhuliriza kugerera okuyisha kwa Tito,
\v 7 Arhanali omu kuhika kwage kwone, ci omu karhi k'obu rhulirize Tito arhulirizwe na ninyu, arhulibikire olwifinjo lwinyu, emirenge yinyu, n'obushiru bwinyu aha nyanya lyani, kwarhuma omwishingwe gwani gwaba munene kulusha.
\v 8 Ci akaba amaruba namurhumire gamu jijire burhe, ntaci yunjuzagya kuli ebyo. N'akaba, naci yunjuzize, -bulya mbwine okw'ago maruba gaba jijire burhe, hisanzi hisungunu, -
\v 9 Nkola nshagalusire buno, arhali bulya mwali burhe, ci bulya oburhe bwinyu bwabadwirhirhe obuciyunjuze; bulya mwa gayisibwe emalanga ga Mungu, nantyo ntako kantu kabi rhwamujirire.
\v 10 Nantyo, bulya oburhe burhenga emwa Mungu buna lerhe obu ciyunjuze bulerha obucunguke burhanka hasha oku hindulwa, ci kwone oburhe bw'en'igulu bunalerhe olufu.
\v 11 Sinzagyi, obwo burhe bwa kuli Mungu, bwihanganyi buci obwo burhe bwajijire muli mwe! Kuyemera kwinyu kuci, kugaya kwinyu kuci, coba cinyu cici, n'irala linyu lici, na mujina gwinyu muci, buhane buci! Mwayerekine oku mwali beru kweru omw'olo lubanja.
\v 12 Akaba namuyandikire, arhali enyanya ly'owajiraga burhe, erhi enyenye ly'owabajirire okubi; ci kwali mpu lyo obwihangane bwinyu enyanya lirhu bubonekana emalanga ga Mungu.
\v 13 Co cirhumire rhwa rhulirire, cikwoki, kandi oburhulirize bwirhu, rhwa simire kulusha enyanya ly'obushagaluke bwa Tito, bulya omurhima gwage gwa rhulirire enyanya linyu mweshi.
\v 14 Nankaba emalanga gage naci nacikunzire hisungunu erhi mwe murhuma, nta gwarhagwa nshonyi; cikwone, nkoku rhwana babwizire kushimbana n'okuli, okwo rhwaci kunzire hisungunu embere za Tito kwabonekine nako okunali.
\v 15 Alushisa obuzigire bunene kuli mwe, omu kukengera obukenge bwinyu embere lya boshi, n'oku luyegerezo mwa muyegerezize haguma n'ecoba n'omusisi.
\v 16 Nsagalusire bulya omu ngasi mwanzi ngwerhe omurhima gw'obushagaluke kuli mwe.
\c 8
\cl Cigabi 8
\p
\v 1 Rhubamanyusize, bene wirhu, olukunda lwa Nnamahanga lwa ciyerekanaga omu makanisa g'eMakedonia.
\v 2 Omu karhi k'amalibuko manji babwine, obushagaluke n'obukenyi bulushire bwahinduka buhirhi bw'oku rhabala banji.
\v 3 Nkudesire, bàhanyire nk'oku banali hashire, ciru na kurhaluka obugale bwabo,
\v 4 Barhuyinginga bwenene mpu babone oku shangira obu bwonjo bw'oku kolera abatakatifu.
\v 5 Arhanali mpuku rhwali langalire, ci barhengi cihana bone emwa Nnahamwirhu, kisha emwirhu, oku malonza ga Mungu.
\v 6 Rhwana rhuma Tito mpu ayukirize emwinyu bwinja omukolo, nkoku ana gurhangire.
\v 7 Nka kulya mugendekire omu byoshi, omu bwemere, omu kuderha, omu kumanya, omu bushiru burhagwerhi lugero, n'omu kurhusima, ntyo muna lushage n'oku rhabala abandi.
\v 8 Ntadesiri ntyo enyanya ly'okuhana irhegeko, ci kumubwira kwone, ogw'obushiru bw'abandiomu kuyerekana oku obuzigire bwinyu bunali bw'okuli.
\v 9 Bulya muyishi oku gashana kwa Nnahamwirhu Yezu- Kristu, wachijiraga mukeni aha nyanya linyu, n'obwo ali mugale, mpu lyo kugerera obukenyi bwage mu gale.
\v 10 Lir'ihano nani mpanyire, bulya limu shinganine, mwe mwarhonderaga ogw'omukolo kurhenga mwaka njo, arhanali kugurhondera omu kugujira kwone, ci n'omu kugulonza.
\v 11 Muyunjuzagye ogwo mukolo, n'oku mwali mulalire kwo mwashubi biduha, n'okujira nk'oku muna hashire.
\v 12 Obulonza bwinja, nka buhali, eci omuntu agwerhe co cinarhuma asimwa, ci arhali eci arhagwerhi.
\v 13 Bulya kurhali, mpu lyo abandi babona omurhula na ninyu amalibûko.
\v 14 Cikwone kushimbulira ebintu byoshi biyumanane: omw'agano mango okulugirwa kwinyu kurhabale okulonza kwinyu, okulugirwa kwabo kurhabala okulonza kwinyu, ciru emyanzi eyumanane,
\v 15 Nka kulya biyandisirwe erhi: owa shamasire binji birha mulugiraga, n'owa shamasire bisungunu arhabuliragwa.
\p
\v 16 Ayagirwe Mungu oku byo ahebire omu murhima gwa Tito enyenye lirhu;
\v 17 Bulya ayankirire izu irhu, ciru aba bushiru kulusha, ayisha emwinyu omu kulonza kwage yene.
\v 18 Rhumu rhumirage boshi haguma n'olya mwene wirhu bakuza erhi kuyigiriza emyanzi y'omurhula kurhuma omu masengero goshi,
\v 19 Na, okundi, alondolagwa n'amakanisa mpu rhuje rhwabalama naye omw'ogwo mukolo gw'okuhana, rhwacihanganyire kwo erhi bukuze bwa Nnahamwirhu burhuma n'oku yerekana oku rhulonzize oku rhabala abandi.
\v 20 Rhujijire ntyo, mpu lyo arhaki ba muntu warhuheka lubanja oku luhembo rhukolera, rhunanaka lujirira obucese;
\v 21 Bulya rhulonza okujira ebinja, arhanali embere lya Nnahamwirhu yene, ci kwone n'embere ly'abantu.
\v 22 Rhubarhumire haguma n'olya mwene wirhu, warhu yeresire kanji kanji oku aba mushibirizi, na kandi aciyerekine mukombedu kulusha bulya aci mwikubagire bwenene.
\v 23 Ntya, oku biyerekire Tito, rhweshi naye rhuba anali amukolera rhweshi naye; oku biyerekire abandi bene wirhu, bamulusize, makanisa gabarhumaga, obukuze bwa Kristu.
\v 24 Mubayereke ntyo, embere lya makanisa, ebimanyuso by'obusime bwinyu, n'ebimanyuso by'okucisima kwirhu enyanya linyu.
\c 9
\cl Cigabi 9
\p
\v 1 N'ogo mukolo gw'okurhabala abatakatifu, ntacirhanya oku namuyandikira oku gwo.
\v 2 Bulya, manyire, obulonza bwinyu bwinja, bwo ncikungira kwo e Makedonia, oku abe Akaya bali bacirheganyize kurhenga mwaka muguma, n'obwihangane bwinyu buyimanzize emirhima ya bantu banji muli bo.
\v 3 Ntumire bene wirhu, nti lyo oku kunga rhwa mukungaga erhi ebyo byo birhuma kurhagi bonekana oku murha kukwanini, muli okwo, lyo munaba mucirheganyize nk'oku naderhaga.
\v 4 Ntali lonzize, nka abe Makedoniya barhulusize bashingane murha cirheganyizi, enshonyi zirhubumbe ntaki derha nti mwe muli obwola bulangalire.
\v 5 Nabwinage bwinja oku kukwanine ntume bene wirhu banshokolere emwinyu barheganye eyo nshololo yinyu mwalaganyagya eyorhe eri nteganye, enabe nshololo y'okuli, ci karhabaga kantu kabujinisi.
\p
\v 6 Mumanye oku, orhwera binyi binyi ahumbula, n'orhwera oku shinganine ahumbula oku shinganine.
\v 7 Ngasi muguma ahane nkoku omurhima gwage guna mubwizire, arhanali omu burhe erhi omu kusezibwa; bulya Mungu asima ohana n'obushagaluke.
\v 8 Na Mungu anayushula olukogo lwage, mpu lyo, nka mwankaba n'oku kwanine kwoshi omu ngasi mwanzi, habuli na musigalira birhali binyi bikajira emikolo minja.
\v 9 Nk'oku biyandisirwe: oku agabire aminja gage, ashoboza abakenyi; obushinganganye bwage buli bw'ensiku zoshi.
\p
\v 10 Olyala ohana emburho oku muhinzi, N'omugati nka biryo byage, amuha n'okumuyushulira emburho, anayishi yushula amalehe g'okuli kwinyu.
\v 11 Amugaza kulya kunahashire omu mango goshi lyo muhasha ngasi lusiku okuci yerekana oku munaba bahanyi, aho bantu banji bakuza Mungu erhi bulya burhabale bwinyu bwagereraga emunda rhuli bwo burhuma.
\v 12 Bulya ogu mukolo mujijire gurhayukiriza enyifinjo z'abatakatifu kwone, ci gunazûse n'okushenga kunji kw'okuvuga Mungu omunkwa.
\v 13 Oburhabale bwinyu bukola bwaba yigula amasu, bakakuza Mungu oku mukolo gw'emyanzi y'omurhula ya Kristu, buzira kuyibéra nshonyi, nabulya murha jinikaga omu kubarhabala n'omu kurhabala boshi.
\v 14 Namahuno bamuhunira, gayerekine oku bwenene bamu rhonya ahanyanya z'oobugashane Mungu amu shobozizé.
\v 15 Mungu akonkwa erhi kulya kushoboza kwage kurhanka gererwa kwo bici kurhuma!
\c 10
\cl Cigabi 10
\p
\v 1 Nie Paulo, mmuhunyire, oku butudu, n'obwinja bwa Kristu burhumire, nie erya ngonyo nka ndi embere zinyu, na nka ntamuliho shube ntwali,
\v 2 Mmuhunyirage mwe mukonkwa, hano mpika eyomunda, ntarhengaga mwo bulya burhwali abagerereza mpu mubiri gurhuheka, bacikebwa mpu gumbà mwo.
\v 3 Nkaba rhunagende kushimbana n'omubiri, ci rhurhalwa kushimbana n'omubiri.
\v 4 Buly'empenzi rhulwa mwo zirhaba za mubiri; ci zigwerhe obuhashe bwa Mungu, okuhirimya ebyogo by'entambala.
\v 5 Rhuna sherereze engererezo na nkasi kantu k'enyanya enyanya ly'oku manyirira kwa Mungu, rhuna gwarhe mpirha engererezo z'abantu zoshi rhulerhe nti ziyunve oku Kristu adesire.
\v 6 Rhucirheganyize okuhana ngasi okurha kengana, kuhika amango obukenge bwinyu bwana bwahikirira.
\v 7 Munalole emalanga! Erhi hankaba ocikubagire oku ali wa Kristu, ashubi cijà emurhima amanye, okw'ali wa Kristu, na nirhu rhuli ba Kristu.
\v 8 Bulya ciru obwo buhashe bwirhu nankabulimbira okurhalusire olugero, obwo buhashe Nnahamwirhu arhuhaga mpu rhuyubake mwo ci arhali mpu rhushabe mwo, ntanka bubéra nshonyi.
\v 9 Lyo ntakiba nka wakuba yobohya omu maruba gani.
\v 10 Bulya, bakaderha mpu, amaruba gâbo gali makali na mazibu; cikwone, nka yene ali haguma na nirhu, arhaba mukali, n'emyanzi yage eri ya kuganyagusibwa.
\v 11 Mashi oli wakaderha ntyo amanye bwinja oku rhuyosire omu myanziya maruba girhu, amango rhurhahali, n'oku rhuyosire omu bijiro birhu, nka rhuliho.
\v 12 Rhurha hiraga oku ciyumanyanya erhi kuci gerera kuli balya bacikunga bone na nnene. Ci, omu kuci gerera kuli bone na bone n'okuciyumanyanya bone kuli bone, babuzire obwenge.
\v 13 Rhwehe, rhurha cikuza kulya kurhalusire embibi Mungu ajiraga; rhwajira ntyo, omu, kushimbulira zirya mbibi Mungu ajiraga, muli kulya kurhulaganya oku arhuhisa emwinyu.
\v 14 Rhurha rhaluka mbibi ziirhu, nka kulya rhurhali hisire emwinyu, cibiri binja bulyalira rhwamuhikirire n'emyanzi y'omurhula ya Kristu.
\v 15 Rhurha cikuzizi kurhaluka olugero lwirhu, arhali emikolo ya bene, yo rhuci kungira; ci haguma n'obulangalire, nk'obwemere bwinyu bwanka yushuka, kugendekera bwakula omu mwe, kushimbana n'embibi rhwajirirwe.
\v 16 N'okuyigiriza emyanzi minja kuli ezo ngo ziri emalanga kurhaluka engo zinyu, rhurha cikuza oku lubibi lw'owindi muntu kuli eyo myanzi rhwa rheganyizibagwa.
\q
\v 17 Olonzize okucikunga acikungire ebi Nnahamwirhu ajijire.
\v 18 Bulya arhali omuntu oyemerirwe yene ocikuza, ci kwone oyo okuzibwa na Nnahamwirhu.
\c 11
\cl Cigabi 11
\p
\v 1 Yoo! Acibage mwanka nembire hitya kuli eri sirhe lyani lisungunu! Ci mwe, munembere la!
\v 2 Bulya ngwerhe obwagalwa ahanyanya linyu bunali bwagalwa bwa Mungu, bulya naba shebesise oku mulume muguma yene, lyo balerha embere lya Kristu nka mu bikira muguma.
\v 3 Cikwone, nka kulya enjoka yarhebaga Eva oku bwenge bwayo, nyobohire nti obwenge bwinyu bwa sherera nti mwaleka n'oku cishwekera kuli Kristu.
\v 4 Bulya, nka owindi akayisha bayigiriza owindi Yesu kuleka oyu rhwaba yigirizize, erhi nka mwakahabwa owindi mûka kulusha oyu mwa habirwe, erhi yindi myanzi ya kalembe kuleka eyi mwa yankiriraga, murhanka bula bwa lemberera.
\v 5 N'obwo, nchikebirwe ntalushirwi bici n'ezo ntumwa nkulu.
\v 6 Akaba ntali mwenge omu kuderha, ci kwone oku by'oku manya arhali kwo biri ntyo, rhwabayeresire byo n'obwalagale omu nkasi kulola n'omu nkasi kantu.
\v 7 Amango namubwiraga emyanzi y'akalembe ya Mungu, nayihana kwone; niono nyono nacirhohize nti lyo mmukuza. Nahabire erhi njira ntyo?
\v 8 Nayemire nti nka kamasibwa n'amakanisa g'aba kristu gw'ahandi hantu, ndigi nka nabayusize ebyabo nti lyo mmurhabala.
\v 9 N'amango nali emwinyu n'erhi nankabire ndi omu lwifinjo, ntaye nalolaga kwo enfaranga, bulya bene wirhu kurhenga eMakedonia bo bambire ebi nali mbuzire. Omu ngasi kantu naci lanzire ntakimuyabiza, na na cilanga.
\v 10 Oku kuli kwa Kristu oli omu nye, ndesire oku kucisima kwani ntaye muntu wanka kumpaza omu cihugo c'e Akaya.
\v 11 Bulya gurhi? Bulya ntaba simiri? Mungu y'emanyire!
\v 12 Cikwone njijire kwo nana gendekera najira, lyo mbatwira omu myanzi abo balonza omwanzi, lyo babonekana nka rhwe omu bintu bacilimbira.
\v 13 Abo bantu bali ntumwa za bunywesi, bakozi bashumi, bana cihindule bone nka ntumwa za Kristu.
\v 14 N'ebyo birhali bisomerine, bulya Lyangombe yene ana cihindule mpu malaika w'obulangashane.
\v 15 Ntyo gurhali mwanzi mudarhi nk'abaganda bage ntyo bankacihindula okuba bakozi b'okuli. Obuzinda bwabo bwashiba kushimbana n'ebijiro byabo.
\p
\v 16 Nshubiri biderha, oku nta muntu yeshiyeshi wansinza nka cihwinja; erhi, nka mwankabona nka cihwinja, buzinda nani nyishi cikuza hisungunu.
\v 17 Oku ndesire, omu burhwali bw'oku cikuza, ntagudesiri nk'ihano lya Nnahamwirhu, ci oku buhwinja.
\v 18 Bulya hali banji bacikunga kwa mubiri, nacikunga nani.
\v 19 Buya muna shibirire abahwinja omu bushagaluke, mwe mugwerhe obwenge.
\v 20 Nka hakaba owa muheba omu buja, nka hakaba owa mumira, nka hakaba owa munyaga, nk'aka cisima, nkaka bashurha ebusu, muna mulemberere.
\v 21 Ngwerhe enshonyi z'oku kuderha, rhwayerekine obwabirwa. Cikwone, ngasi ec'omuntu yeshi yeshi ankalonza okujira, -ndesire omu buhwinja, -na nani, n'ankujire!
\v 22 Ka bali Baebrania? Na nani. Ka bali Baisraeli? Na nani. Ka bali b'omu buko bwa Abrahamu? Na nani.
\v 23 Ka bali bakozi ba Kristu? -Ndesire nka muntu orhagwerhi irhwe. -Na mulushire: omu mikolo, bwenene kulusha; omu kushurhwa, bwenene kulusha; omu kushwekwa, bwenene kulusha. Ciru n'omu bizibu by'okufa.
\v 24 Karhanu nahabirwe n'abayahudi rhurhi makumi asharhu na mwenda,
\v 25 Kasharhu nashusirwe n'Abaroma, nabandwa amabuye liguma, amashuwa g'amampusha kasharhu, nayusa mulegerege n'obudufu omu mishi.
\v 26 Amango najaga na balama, enyishi ziyunjwire zaka mpusha, ebi shumusi bya mpushire, nashusirwe nab'emwirhu eBuyahudi, nahushwa na banya byaha, na hushwa omu bishagala, nahushwa omw'irungu, nahushwa oku nyanja, nahushwa omu banywerha mpu bali bene wirhu.
\v 27 Nali omu mikolo n'omu bizibu, n'omu marhangulo madarhi, omw'ishali n'omu ndwala, omu mafungo ga ngasi mango, omu mboho n'omu kurha yambala.
\v 28 Na, buzira okuderha ebisigire, ngasi lusiku barhula omuzigo gw'emikolo mpirwe n'amakanisa.
\v 29 Ndi oba ngonyo, nani ntanabe yo? Indi osarhazibwe, ntana lumwe?
\v 30 Nkaba kukwaninwe nci kunge nacikungira obu gonyo bwani!
\v 31 Nnamahanga, oli ishe wa Nnahamwirhu Yesu, onali mugishe ensiku zoshi, amanyire oku ntashuma!
\p
\v 32 E Damaski, omurhambo wa mwami Areta arhegeka mpu balange olugo lw'e Damaski lyo bangwarha;
\v 33 Cikwone bangeza omw'idirisha, ly'olukuta lw'eco cishagala babuli nyandagaza erhi ndi omu cirhimbiri, nantyo kwo nabafumire mwo.
\c 12
\cl Cigabi 12
\p
\v 1 Kukwanine nchikunge... Okwo kurhali kwinja. Cikwone nkolaga naderha okubonekerwa n'okufululirwa kwa Nnahamwirhu.
\v 2 Mmanyire omuntu muguma muli kristo, ali hô kurhenga miaka ikumi n'ini, alengezibwa enyanya kuhika omu mpingu ya kasharhu (akaba oku mubiri gwage erhi akaba buzira mubiri gwage ntamanyiri, Mungu abimanyire).
\v 3 Nani mmanyire oku oyo muntu (akaba kwali oku mubiri gwage erhi emugongo gwage ntamanyiri, Mungu akumanyire)
\v 4 Alengezibwa kuhika omu paradizo, anaciyunviriza yo emyanzi erhanka shubululwa na nta muntu yeshiyeshi oyemerirwe okuyiderha.
\v 5 Naci kungira omuntu oli nk'oyo, cikwone enyanya lyani nyene ntacikunge, nkaba enyanya ly'obugonyo bwani.
\v 6 Ncilonzagye oku cikunga, ntakabire muhwinja, bulya nankadesire okuli; cikwone nchihanzize okucikunga, ly'omuntu arhaki nganjira kulusha nk'oku ambwine erhi okwayunvirhe omu kanwa kani.
\v 7 Cikwone lyo ntagiyishi bona bweene, enyanya ly'okufulûlirwa kunene, nahambulirwekwo omushugi omu mubiri, omuganda wa shetani andibuze n'okupanza ntagi ciibona.
\v 8 Nashenzire Nnahamwirhu kasharhu kooshi erhi eyi ndwala yo erhuma, nti ayinkule kwo;
\v 9 Ashuza erhi: obugashane bwani bukwanine kuli we; bulya obuhashe bwani buhikirizibwa omu bugonyogonyo. Ntyo naci kungiraga bwenene obugonyo bwani, ly'obuhashe bwa kristo bubera enyanya kûli nie.
\v 10 Co cirhumire nshagalusire omu magonyo, omu bijaci, omu buligo, omu malibuko, n'okulibwa n'amagala, erhi kristo orhuma; bulya, amango ndi ngonyo ago mango erhi lyo nzibuhire.
\p
\v 11 Nali muhwinja: ci kwone mwanseza mpu njire ntyo. Mwe mwaligwasirwe okunfungira, bulya ntali munyi ciru n'ehitya oku ntumwa nkulu. Ciru nani ntali cici.
\v 12 Ebijiro by'oburhumisi bwani byajirikiine omu kagarhi kinyu, ebyo byajirikanaga n'obu shimbirizi bw'okunali, oku bimanyiso, n'ebisomerine n'ebirhangaza.
\v 13 Bici mwanyihirwe kwo kulusha eyindi mirhwe y'aba kristo ya handi hantu, nkaba bulya ntaderhaga nti abe mwe ndola kwo? Mumbabalire kuli eci caha.
\p
\v 14 Mulole, oku kuli kwa kasharhu nacirhaganya okuja emwinyu; arhali mwe nakalola kwo; bulya arhali ebirugu binyu by'ononzize, ci mwenene. Bulya, gurhali mukolo gw'abana obubikira ababusi omuhako gw'enfaranga, ci guli mukolo gw'ababusi okuhakira abana bâbo.
\v 15 Oku bwami, nankasimire oku hana ebi njira byooshi; nnani niene nchihaana mmurhabale mwo emirhima yinyu, n'akandi nahanwa enyanya ly'emirhima yinyu akaba mmunsimire kulusha, ka nyihirwe n'obusime bwinyu.
\v 16 Cikwone bibe ntyo, ntamu yabizagya; cikwone naligwerhe obwenge, namugwarha omu bwenge.
\v 17 Ka nabwine obunguke kuli mwe kandi erhi muli abo bantu narhumaga emwinyu?
\v 18 Nahanwire Tito nti aje emwinyu, na haguma naye narhumire olya mwene wirhu: ka hali ebinyi Tito amùlire? Ka rhurha gendaga omu murhima muguma muli eyo mikâba?
\p
\v 19 Cankaba kurhenga mango garhali manyi mwakagi gerereza mpu ankaba oku rhwayishi samba emunda muli. Emalanga ga Mungu, muli kristo, mwo rhudedesire; cikwone omweco coshi, bazigirwa, eri enyanya ly'okumuyubaka
\v 20 Bulya nyobohire nti akaba amango nayisha emwinyu, ntamurhimane, nk'oku nnonzize oku murhimana, ciru na ninyu mubone nyosire arhali nk'okumulonzize mboneke kuli mwe. Nyobohire nti nankashimana emirongwe, n'obwagalwa, n'enshombo, obujinisi, oku shobekana, okulegana, obucibone n'ishababe.
\v 21 Nyobohire nti nkaba hano nyiisha Mungu wani antohya emalanga ginyu, obone nama lakira banji muli abo bajiraga ebyaha burhanzi barhana ciyunjuzagya iru izinga lyabo, n'okugona n'irala libi ebyo bajiraga.
\c 13
\cl Cigabi 13
\p
\v 1 Obu bwo bwa kasharhu naj'emwinyu. Ngasi lubanja lwatubwa oku buhamirize (budima) bwa bantu babiri erhi basharhu.
\v 2 Amango nâli emwimyu obwa kabiri, namubwirizize, na gano mango nshubiri derha embere emwa balya bajira ebyaha burhanzi n'okubandi boshi oku, hano nshubira emwinyu, ntankachi babera obwonjo.
\v 3 Bulya mulonzize muyerekwe oku kristo ananderhe mwo, yehe arhali ngonyo kuli mwe, ci kwone agwerhe obuhashe muli mwe.
\v 4 Bulya abambirwe oku musalaba erhi bugonyo bwage burhumire, cikwone ali mugumaguma omu buhashe bwa Mungu; bulya nirhu, rhuli ngonyo omu karhi kâge, ci kwone rhwalama haguma naye oku buhashe bwa Mungu kuli mwe.
\v 5 Mucûlabe mwene, lyo mumanya erhi muli omu bwemere; mucîrhangule mwene. Ka mwehe mwene murhamanyiri oku Yezu kristo ali muli mwe? Nka murha hakanagwa.
\v 6 Cikwone nnangalire oku, mwamanya oku, rhwe rhurha hakanagwa.
\v 7 Cikwone rhuhunyire Mungu kulya murhanka jira obubi ciru n'obuguma, arhali lyo rhubonekana oku rhwa yemerirwe, cikwone mujire ebiri binja ciru rhwe, rhwankabonekana nka rhulahirwe.
\v 8 Bulya rhurhagwerhi obuhashe okulwisa okuli; ci kwone okw'okuli kwone rhwankakolera.
\v 9 Bulya rhuna shagaluke amango rhuli omu bagonyo, ninyu mugwerhe emisi; na ntya kwo rhuhuna omu kushenga kwirhu oku mube bimana.
\v 10 Enyanya lya ntyo nyandisire eyi myanzi amango ntali emwinyu, lyo ciru nankaba haguma na ninyu, ntacimukoleese buzibu buzibu, omu kukoleesa obuhashe Nnahamwirhu ampire enyanya ly'okuyubaka c'arhali enyanya ly'oku shaba.
\p
\v 11 Ntyo, bene wirhu, mube omu bushagaluke, muhumike, murhulilizanye, mugerereze kuguma, mulame omu murhûla; na Mungu w'obuzigire n'omurhula aba haguma na ninyu.
\v 12 Mulamusanye omu kununugurhana kutakatifu.
\p
\v 13 Abatakatifu boshi bamu lamusize.
\v 14 Maashi, olugashane lwa Nnahamwirhu Yezu Kristo, l'obuzigire bwa Mungu, n'olushange lwa Mûka mutakatifu lube haguma na ninyu mweshi!