tbt-x-kirhinyihinyi_reg/47-1CO.usfm

\id 1CO
\ide UTF-8
\h Abakorinto Ba Burhanzi
\toc1 Abakorinto Ba Burhanzi
\toc2 Abakorinto Ba Burhanzi
\toc3 1co
\mt Abakorinto Ba Burhanzi
\c 1
\cl Cigabi 1
\p
\v 1 Nie Paulo, Nnamahanga ampamagalaga n'obulonze bwage mpu mbe ntumwa ya Kristu Yesu, na mwene wirhu Sostene.
\p
\v 2 Aga maruba ngarhumire omurhwe gwa bakristu b'e Korinto, balya bahamagalagwa mpu balame muli Nnamahanga na balya bakola baba bantu bageerhi Kristu Yesu orhuma, n'abandi bali ngasi hoshi, bala baderha izino lya Nyakasane wirhu na wabo ntyo.
\p
\v 3 Olukogo n'omurhula gw'emwa Nnamahanga Larha Nyakasane Yesu Kristu bibe haguma na ninyu mweshi.
\p
\v 4 Ntahusa okuvuga Nnamahanga omunkwa erhi mwe murhuma okwa lulya lukogo lwa Nnamahanga muli Kristu Yesu.
\v 5 Bulya erhi mulungana mweshi na Kristu, mwashobola ngasi buhiri, ci bwenene eri nshobolo y'oluderho n'ey'obumanye.
\v 6 Obuhamirizi kristu ajiriragwa bwabezire muli mwe.
\v 7 Mpu lyo murhaki bulirwa n'enshokano nguma ya Nnamahanga, mwe muli mwalinda akasangi Nyakasane wirhu Yesu Kristu ayalagala.
\v 8 Ye wamu imanza buzi buzibu kuhika oku buzinda, lyo haleki jira akanwa kabi bamushobeka olusiku lwa Nyakasane wirhu Yesu Kristu.
\v 9 Namahanga arhatwa omu kanwa kage, ye warhu hamagalaga mpu rhulungane haguma n'omugala Yesu Kristu Nyakasane wirhu.
\p
\v 10 Bene wirhu, mmuyinjibine omw'izino lya Nyakasane wirhu Yesu Kristu nti: Muka yunvanya, harhanabaga obwiyungule muli mwe; mulungane buzi buzibu mube na borhere buguma omu ngererezo muka nahiga kuguma.
\v 11 Yaga bene wirhu bene Kloe bambwizire mpu muli mw'akadali.
\v 12 Ka mubwiragi: Ngasi muguma muli mwe akol'akaheka kwage. Hali oli aderha mpu: Niono mba wa Polo n'owundi mpu: Niehe mba wa Apolo; owundi ashui derha mpu: nani mba wa Petero; n'owundi mpu: Mba wa Kristu.
\v 13 Kako mucikebirwe mpu Kristu aba agabanukine? Ka Polo ye babambaga oku musalab erhi mwe murhuma? K'erhi mubatizibwa ka mwayunvirhe izino lya Paulo?
\v 14 Nvuzire Nnamahanga omunkwa bulya ntaye nabatizize muli mwe, aha nyuma lya Krispo bone Gayo bone.
\v 15 Ntaye wankaderha mpu okw'izino lyani mw'o abatizibagwa.
\v 16 Neci nama kengera oku nabatizize na bene Stefano, nta wundi ncikebirwe.
\v 17 Kristu arha ntumaga mpu mbatize, ciantumire mpu nyalize emyanzi y'akalembe, buzira kukolesa obwenge bw'enderho, lyo ntaki rhenza obuhashe olufu lwa Kristulwaberaga oku musalaba lujira.
\p
\v 18 Enyigirizo zidesire olufu lwa Kristu lwa beraga oku musalaba, bwo buhwinja emihera yohe ederha; cikwone rhwe rhuli omu njira y'obucire zo rhuderha buhashe bwa Nnamahanga.
\v 19 Yunvagyi oku amandiko gadesire: Nashereza obumanye bwa bana bumanye naheza obwenge bwa bana bwenge.
\p
\v 20 Ngahi ali omurhimanya? Ngahi ali omwandisi? Ngahi ali ow'amakengu? Kali mira Nnamahanga ayerekanaga ok'ubumanye bwer'igulu buba buhwinja?
\v 21 Ecirhumire bulya abantu b'en'igulu bayabirwe bwamanya Nnamahanga omw'obwo bumanye bagwerhe, barha cibwiraga aha obumanye bwa Nnamahanga bwarhengaga. Okwo kwo kwarhumire Nnamahanga ahiga okw'akolaga acungula ngasi bayemire akanwa karhali mwo buhwinja rhuli rhwayigiriza.
\v 22 Abayahudi bohe birhangaza bahuna, n'abagiriki bahuna obumanye.
\v 23 Cikwone rhwehe rhuhamiriza Kristu wabambagwa oku musalaba: Ogwo guli mwanzi gwaku sarhaza abayahudi bunali buhwinja oku barhali bayahudi.
\v 24 Cikwone kuli balya Nnamahanga ahamagala, bayahudi n'abarhali bo, Kristu ye rhuyishi oku ye buhashe bwa Nnamahanga ye na bumanye bwage.
\v 25 Bulya ebiboneka nka buhwinja bwa Nnamahanga byo bigwerhe obumanye hali obumanye bw'abantu, n'ebi bonekana nka bugonyo byo bizibu kulusha emisi y'abantu.
\p
\v 26 Bene wirhu musinze bahi na bahi Nnamahanga ahamagire mpu bayubake omurhwe gwinyu: nk'oku abantu banayorha, mulli mwo babumanye banyi; na banyi b'omu mulala gujir'irenge.
\v 27 Cikwone Nnamahanga acishoga ebi abantu bahindula buhwinja aba byo abonesa mwo ab'obumanye nshonyi; acishoga ebi abantu bahindula buzamba abonesa mwoba ciri misi nshonyi.
\v 28 Acishoga ebi abantu bahindula bya busha n'oku biganyaguza, ebi abona nka busha aba by'ashereza mwo ebi babona nka bigwerhe akamalo.
\v 29 Intyo kwo kwankarhuma ntaye wanka cikungira emalanga ga Nnamahanga.
\v 30 Cikwone mira Nnamahanga amulungaga haguma na Yesu Kristu, aba Kristu ye ahindula bumanye bwirhu: Oyo Kristu ye warhumaga rhwajira bashinganyanya embere za Nnamahanga. Rhukolaga bantu bakulama muli Nnamahanga, rhwacungwirwe oku byaha.
\v 31 Nka kulya amandiko gadesire mpu: Owalonza okucikunga, acikungire ebi Nyamuzinda ahikirize.
\c 2
\cl Cigabi 2
\p
\v 1 Kuli nie, bene wirhu, erhi inje e mwinyu, arhali bukulu bwa ludeho bwa burhimanye bwa rhumaga nnamulerherera abuhamirize bwa Nnamahanga.
\v 2 Bulya ntagwarhaga entanya z'oku manga muli mwe kandi kantu orhali Yezu Kristu, Yezu Kristu walibuzibagwa.
\v 3 Nie na nene bali e kagarhi kinyu omu bugonyogonyo, omu bwoba n'omu kujuguma;
\v 4 n'enderho zani n'obugo bwani birhali nka binwa by'okuyemeza by'obushinganyanya; ci bwali buhamirizi bwa Muka n'obuhashe bwage,
\v 5 ly'obuyemere bwinyu burhayegemera obushinganyanya bw'abantu, ci obuhashe bwa Nyamuzinda yene.
\p
\v 6 N'obo abakola bimana bya bugula mbabwiriza, cikwone arhali bula bugula bwa mwer'igulu, arhanali bula bwa abaluzi ben'igulu bayishi-hirigirha.
\v 7 Ci obushinganyanya rhuderha, bunali bushinganyanya bwa Nyamuzinda, bumanye bw'ihwe bwa yorha bûba bufulike, bulya Nyamuzinda ali arhubikire bwo kurhenga embere lya amagana g'emyaka, mpu buyishi ba irenge lirhu.
\v 8 Obwo bushinganyanya nta muluzi wa mwer'igulu obuyishi, bacibumanyaga- baci bumanyaga, barhakabambire nyakasane w'irenge oku musalaba,
\v 9 ci nka kulya biyandisirwe, rhudwirhe rhwa mubwira ebi isu lirhasagi bone, n'ebi okurhwiri kurhasagi yunva, n'ebirha sagi sokera omu murhima gw'omuntu, birya byoshi nyamuzinda arheganyizagya abamuzigira.
\p
\v 10 Bulya rhwe Nyamuzinda abimanyisize n'Omuka gwage; na Muka ye vulula byoshi, ciru n'amashwe ga Nyamuzinda.
\v 11 Omu bantu kahali oyishi eciba omu muntu okuleka Omuka gwage? Kwon'okwo, ntaye oyishi amahwe ga Nyamuzinda okuleka Omuka gwa Nyamuzinda.
\v 12 Cirhwono, arhali Muka gw'en'igulu rhwa habirwe, ci Muka gwa Nyamuzinda, lyo rhumanya enshokano Nyamuzinda arhugabire.
\v 13 Nanka rhwaziderha, rhurhaziderhwa omw'iderha lya igirizibagwa n'obushinganyanya bw'abantu, ci omw'iderha rhwayigirizibagwa na Muka; ye manyisa eby'o Muka omu iderha ly'omuka.
\v 14 Omuntu ocikubagira oku bwage yenene, arharhimanyanya ebirhanga e mwa Muka gwa Nyamuzinda, bulya kuli-ye lir'isirhe, arhanka na bimanya, bulya ebyo bimanyikana n'oburhale bwa Muka.
\v 15 Omuntu ocikubagira Muka yehe, atwa emmanja za ngasi byoshi, ci yeshe arha twirwa na ndi.
\q
\v 16 Ndi okolaomanyire ebi Nyakasane agererize, akaderhaga mpu amuhanula? Ebi Kristu agererize rhwehe rhubigwerhe.
\c 3
\cl Cigabi 3
\p
\v 1 Bene wirhu, niehe ntahasha oku bashambaza nka bantu bacikubagira Muka, ci nka bantu bacikubagira eby'omubiri, nka bana barho muli Kristu.
\v 2 Mpyuhyu namuhire nti munywe, ci ntamulisagya biryo bizibu, bulya murhanka shubiri bigala; ciru na buno murhankashubi bihasha,
\v 3 kulya kuba mucicikubagira eby'omubiri. Oku haciri obwagalwa n'akadali ekarhi kinyu, k'erhi murhaciri bantu bacikubagira eby'omubiri obwo, k'erhi n'olugendo lwinyu lurhali nka lw'abantu kone obwo?
\v 4 Bulya mubwirana, mpu: «nnani Apolo yendi kwo>>, ka kurhali kw'abantu kwone okwo?
\v 5 Apolo aligi cici? Na Paulo aligi cici? Bashizi bamuhisagya kw'obuyemere, na ngasi muguma wa mulibo nk'oku Nyakasane amushobozize.
\v 6 Niono nazindaga nahinga, Apolo adomerera; ci Nyamuzinda ye wa kuzize emburho.
\v 7 N'ohinga arhali cici, n'odomerera kwonakwo, ci okuz'emburho yene, Nyamuzinda.
\v 8 Ohinga n'odomerera bo baguma, ci ngasi muntu ayishi hembwa nk'oku anakozire.
\v 9 Bulya kugwasa rhugwasa Nyamuzinda; muli ishwa lya Nyamuzinda, muli bubake bwa Nyamuzinda.
\p
\v 10 Nk'oku nanali mpirwe enshokano ya Nnamahanga, naj'aho, nabanda ibuye lirhanzi omu ciriba, nka kula omûbasi mwinja anajira. Owundi ayubakira kwo. Ci ngasi muguma alola bwinja gurhi ayubasire kwo.
\v 11 Bulya ntaye wankabanda ecindi ciriba kuleka ecihali, kw'okuderha Yezu Kristu.
\v 12 Erhi omuntu ankayubakira kwo eco ciriba n'amasholo, erhi n'ebyuma, erhi n'amabuye g'engolo ndarhi, erhi n'emirhi, erhi n'obukere nisi n'obwasi,
\v 13 omukolo gwa ngasi muguma gwa nayishi bonekana. Olusiku lwana guyerekane, bulya ol'olusiku omu muliro lwa yishi manyirwa, n'ogo muliro gwo gwanyise omulimo ngasi muguma nk'oku gunali.
\v 14 Obubake bw'omuntu erhi bwankasera oku ciriba, nnabwo anahabwa oluhembo.
\v 15 Obubake bw'omuntu erhi bwankagulumira, nnabwo anahona; yehe anacira yene, cikwone nka owagera omu bwihire.
\p
\v 16 Ka murhamanyiri oku muli nyumpa ya Nyamuzinda n'oku Omuka gwa Nyamuzinda gumuli mwo?
\v 17 Erhi hankajira owashaba aka- Nyamuzinda, Nyamuzinda anamushabula. Bulya aka- Nyamuzinda kaba katagatifu, nako ka- Nyamuzinda, mweko.
\p
\v 18 Ntaye wacirhebaga yene! Muli mwe erhi hankajira owacikebwa mpu ali mushinganyanya omu masu ger'igulu, acijire musirhe lyaba mushinganyanya;
\v 19 bulya obushinganya bwa mwer'igulu bûba isirhe omu masu ga Nyamuzinda. Kuyandisirwe, mpu: Ye gwakiza abashinganyanya omu mirhengo yabo;
\v 20 na kandi, mpu: Nyakasane ayishi enkengero z'aba-shinganyanya; arhahabiri oku ziri zabusha.
\v 21 Ntyo, ntaye ocikuzizagye irenge ly'abantu; bulya byoshi biri binyu:
\v 22 abe Paulo, abe Apolo, abe Kefa, libe igulu, bube buzine erhi lufu, bibe by'ene erhi b'irhondo, byoshi biri binyu;
\v 23 ci mw'oyo muli ba Kristu, na Kristu aba wa Nyamuzinda.
\c 4
\cl Cigabi 4
\p
\v 1 Mukwanine muka rhusinza nka bakozi ba Kristu; bantu balya bahabirwe ihwe ly'okuli kwa Nnamahanga.
\v 2 Ecibahuna omuntu olangisibwe akantu abe mwikubagirwa.
\v 3 Oku lwani niehe ntababala nti kwenge mwama ntwira olubanja, erhi okulutwirwa n'engombe z'abantu. Oli nani ntacitwira lubanja.
\v 4 Entimanya zani ziba nyinja bulya zirhanjisa lubanja, cikwone okwo arhali kwo kuderhaga mpu nkola mweru kweru. Nyamuzinda yene y'enjisa lubanja.
\v 5 Co cirhumire irhondo murha hiraga mpu mwatwir'owinyu olubanja n'amango garhacihika. Mulinde Nyakasane aishe: Ye wayishi moleka ngasi bifulisirwe omu mwizimya, ayerekane n'entanya ziri omu mirhima y'abantu. Ago mango lyo ngasi muntu ahabwa obukuze buna mukwanine.
\p
\v 6 Bene wirhu, ebyo ndesire enyanya za Apolo n'enyanya zani niene, nabijijire mpu lyo muyigiriza, nalonza nti mumanye emigani hano murhulolera kwo: kukwanine barha rhalukaga aha amandiko gaderhire. Ntaye muli mwe wanka cibona oku hali muguma olushire owundi.
\v 7 Wehe indigi wakujijire oku okulire abandi? Karhali Nnamahanga wakuhag'ebyujira? Obwo kobirigi ntyo bicigi ocikugira kwo ebi ogwerhe n'obu eri nsokano?
\v 8 Mukola mujira ngasi ebi mwaci finjaga! Mukola bahiri! Mukola mucibera bami n; obu rhwehe rhurhaba bo! Nankasimire mube bami nirhu rhube akinyu.
\v 9 Bulya bibonekinage oku rhuli ntumwa, Nnamahanga arhujijire ba buzinda: Kwo rhukola rhuli nka bantu batwirirwe oku yirhirwa omuluhya lwengabo y'abantu, igulu ly'oshi likola lirhuja cilolero, oli ciru na ba malaika, oli ciru n'abantu.
\v 10 Rhukola rhuba bahwinja erhi Yesu Kristu orhuma, cikwone muli ba bumanye muli Yesu Kristu, rhuli ngonyo ci mwehe muli bazibu, rhuba bagayaguze ci mwehe mujira olukengwa!
\v 11 Ciru kuhika buno ishali n'obuma byarhu yisire, rhurha cijira ebi rhucibwika, barhulibuzize barhushurha, rhunakola rhuja rhwa hulula.
\v 12 Rhwa rhamire rhwakola nti lyo rhucilamya rhwene. Baka rhujacira rhwehe bunabe obwanga bwo rhuhana, baka rhulibuza rhuna lembe;
\v 13 Baka rhuderha kubi, rhwehe ehuna shuze bwinja. Kandi ko bakola barhulola nka nvungu na nka canvu cenigulu.
\p
\v 14 Mmuyandikire ebyo arhali mpu lyo mumbonesa nshonyi, cikwone nti lyo mmuyigiriza nka bana bani bazigirwa.
\v 15 Bulya ciru mwanka gwarha nshokolezi bihumb'ikumi omu kalamu kinyu muli Kristu, ishe winyu anali muguma yene; na kandi, oku biyerekire akalamu kinyu muli Yesu Kristu, nie nabirage ishe winyu erhi muhisa kw'emyanzi y'akalembe.
\v 16 Muyinjibanage mushimbe olw'iganyo lwani.
\v 17 Muli oko, mmurhumirage mugala wani muzigirwa Timoteyo, aba mw'ikubagirwa muli Nyakasane; ye wamukengeza amarhegeko ndamire kwo muli Yesu Kristu nk'oku nja nagayigiriza ngasi hoshi hali emirhwe y'ab'emezi.
\v 18 Baguma muli mwe bakola baka cibona, bacikebirwe mpu nkaba ntakaci yishi murhangula.
\v 19 Cikwone Nyakasane akalonza ntaka yorherera okuhika eyo emwinyu; obwo lyo namanya emyanzi y'abo bacibonyi, arhali yone, ciru na ngasi bindi bamanyire!
\v 20 Bulya obwami bwa Nnamahanga burhaba bwa binwa, cikwone bwa buhashe.
\v 21 Bici biguma musimire? Kanyishe eyo n'obuhiri erhi byishe n'omurhima gw; obuzigire n'obwirhonzi?
\c 5
\cl Cigabi 5
\p
\v 1 Mwayunvirhe oku emyanzi ya desirwe okw'emwinyu eri obugonyi bwinji, bulya burhasangi haba. Ciru e mw'abapagani; oku omuntu ali ayanka mukishe!
\v 2 Ninyu, mwa cirhundulika! Ciru murhabaga burhe mpu arhenzibwe, omu kagarhi kinyu oyo wajiraga eco cijiro ca ntyo.
\v 3 Emwani, ntaliho oku mubiri, cikwone ndiho omurhima, mira natagwa olubanja nkakulya honali, nk'olya olubanja mira iko ahali okwoyu wajiraga eci cijiro, nka honali.
\v 4 Okw'izino lya Nnahamwirhu Yezu, mube n'ecinyabuguma oku murhima muguma, haguma n'oburhwali bwa Nnahamwirhu Yezu,
\v 5 oyo mulume ahebwe emwa Shetani ly' omubiri gulibuzibwa, lyo omurhima gucira oku lusiku lwa Nnahamwirhu Yezu.
\v 6 Okucikuza kwinyu mwenye kurhali kwinja. Kamurhamanyiri oku etya hy'engezo hinarhume obuntu bwoshi bwarhunda?
\v 7 Muciceze murheze engezo ya mira lyo muba buntu buhyabuhya, nka kulya munali murhanahebagagwa mw'engezo, bulya Kristu, ye Pasaka wirhu, yahanyirwe kuba ntulo.
\v 8 Rhujire idinye erhali engezo ya mira arhali oku engezo ya mahushe na amabi ci oku erhahudusire.
\p
\v 9 Erhya ecire y'omurhima gw'okuli namuyandikire omu maruba gani oku murhabe n'olushange na abagonyi.
\v 10 Ntadesiri nti murhabelushange bwenene n'abagonyi bw'omwel'igulu, cikwoki balya n'abanyazi, n'abacikumba enshushano bulya abo bali bashinganine okubarhenza omu karhi kel'igulu.
\v 11 Cikwone, eci namuyandikire arhali mpu murhabe lushange n'omuntu ordesirwe, mulondanyi, erhi mujijiranyi, erhi mulalu, erhi murujazi, muntu wa ntyo murhayemeraga ciru okulira haguma n'oyo mulume.
\v 12 Bulya inshinganyire okutwa olubanja lwa abali embuga? Ninyu kamurhatwe olwabali endalala?
\v 13 Cikwone abali e mbuga Nnamahanga ye wabatwira, "Ninyu murhenze omubi oli ekagarhi kinyu!"
\c 6
\cl Cigabi 6
\p
\v 1 Nka omuntu muguma muli mwe, akaba n'akanwa n'owabo, kw'okumuheka lubanja emalanga ga abarhali b'okuli, ci kerhali emalanga ga bashinganyanya.
\v 2 Kandi kamurhamanyiri oku abashinganyanya bayishitwira igulu olubanja? N'erhyankab'igulu lyatwirwa olubanja, kamushinganine ninyu okutwa ezili ntya?
\v 3 Kamurhamanyiri oku rhwatwira na bamalaika olubanja? Lero kabirhalushe bwenene ebya ako kalamu?
\v 4 Lero erhi mwankaba n'ahantu h'okutwira emanja ebya aka kalamu wanabaheba ho kuba bazuzi balya baliganjirwe nka kerhali kantu omu ka Nnamuzinda!
\v 5 Ndesire ebyo limbubonya nshonyi. Kandi nta muguma muli mwe ogwerhe oburhimanye wa kaderha eyo myanzi e mwababo.
\v 6 Cikwoki, omulondanyi agwerhe ayandika owabo e malanga g'abarhali b'okuli.
\v 7 Okwo kwaba kubi bwenene okuba muli mwayandikana mwene na mwene. Bulya gurhi kushinganine?
\v 8 Cikwoki e nyuma ly'ebyo mwene mulibuzibwe na abantu na okubarhola ebirugu byabo, na kandi bene winyu.
\v 9 Kamurhamanyiri oku ababi barhakahika omu bwami bwa Nnamahanga? Murhacirhebe abagonyi barhayime omu bwami bwa Nnamahanga?
\v 10 Abacikumba enshushano na ebishungu abafiraji erhi balawiti, ebishambo, abacifinja na abalalu n'abajaciranyi, barhakaja omu bwami bw'empingu.
\v 11 N'omu karhi kinyu mw'obolé abo ntyo cikwoki mwaganjirwe okuli omu karhi k'îzino lya Nnahamwirhu Yezu Kristu n'omu kagarhi kw'omurhima gwa Nnamahanga wirhu.
\p
\v 12 Byoshi biyemerirwe cikwone birhali byoshi binja e mwani. Okubikolesa nko kubinali.
\v 13 Ebiryo biri bya nda n'enda eli ya ebiryo, cikwone omubiri gurhali oku bugonyi cikwone kwa Nnahamwirhu na Nnahamwirhu oku mubiri na Nnamahanga w'afulaga.
\v 14 Nnahamwirhu na kandi ye w'arhufulaga nirhu oku buhashe bwage.
\v 15 Na kandi ka murhamanyiri oku emibiri yinyu biri birumbu bya Kristu. Ntya ka ntole ebirumbu bya Kristu mbijire kuba birumbu bya mbaraga guli mubiri bwage nagwo? Nanga!
\v 16 Erhi kamurhamanyiri oku wacishwekire oku mbaraga gukola mubiri gwage bulya adesire oku abo babiri bakola mubiri muguma.
\v 17 Cikwone owacishwekire haguma na Nnahamwirhu murhima muguma nayehe
\v 18 Muyake obugonyi ngasi byaha ajira mwene muntu ali embuga ya omubiri gwage, cikwoki ajira obugonyi anakajira ebyaha enyanya ly'omubiri gwage yene.
\v 19 Erhi kamurhamanyiri omubiri gwinyu eri nyumpa ya omurhima gucesibwe ali endalala zinyu olya mwahabagwa na Nnamahanga.
\v 20 Cibirhali birugu binyu mwene Bulya mwaguzirwe okw'ibeyi lizibu lero mukuzagye Nnamahanga omu kagarhi k'emibiri yinyu.
\c 7
\cl Cigabi 7
\p
\v 1 Okubiyerekire emyanzi mwayandikaga ntanyize oku biri binja emw'omulume arhahumaga oku mukazi.
\v 2 Nakandi oku biyerekire obugonyi ngasi mulume abe na mukage ngasi mukazi abe n'iba.
\v 3 Omulume ahe mukage okuli kwage n'omukazi ahe iba okuli kwage.
\v 4 Omukazi arhagwerhi luhuma oku mubiri gwage. Cikwoki iba na kandi iba arha gwerhi luhuma yene oku mubiri gwage ci mukage.
\v 5 Ci mukayunvanya oku kasanzi lyo muhabwa oburhulirire omukugerera na kandi muje haguma lyo Shetani arhasangi murhangula omu kurhaba n'olugero.
\p
\v 6 Ndesire ebyo n'entanya zani ci kurhali okw'irhegeko.
\v 7 Eci nonzize abalume bayorhe okunyosire cikwone ngasi muntu agwerhe eyage nshokano Nnamahanga amuhire oyu kwage n'ola kwage.
\v 8 Emw'abarhaciyanka na abakana, ndesire kube kwinja bayorhe oku nandi.
\v 9 Cikwoki nkabarhankahasha oku cihanza bayanke kushinganine kulusha obulunga enyifinjo.
\v 10 Emwabala bayansire mbabwizire ciru arhali niene ci Nnahamwirhu, "omukazi arhalekane n'omulume wage."
\v 11 Cikwoni nkabalekana, arhaciyanke banacigalukirana n'omulume arhalekaga mukage.
\v 12 Okubandi arhali Nnahamwirhu ci nye-ndesire nka mwene wawe agwerhe omukazi orhayemiri n'oyo mukazi ayemire kubera arhamuleke;
\v 13 n'omukazi ogwerhe omulume orhayemiri naye kwo n'okwo.
\v 14 Bulya olya mulume arhayemiri acesibwa omu kagarhi ka mukage, n'olya mukazi arhayemiri acesibwe omu kagarhi kw'omulume wage, nka byakaba arhali ntyo abana binyu banaba barhali bacire.
\v 15 Orhayemiri, nka akarhenga anagenda oyo mwali wirhu arhali mushweke omw'ebyo. Nnamahanga arhuhamagire mpu rhulame omu murhula.
\v 16 Kurhi omanyire, we mkazi, okuwamuciza balu? Omulume wawe, erhi we mulume gurhi omanyire waciza mukawe.
\v 17 Cikwone ngasi muguma agende oku Nnahamwirhu amujijire. Oku Nnamahanga amurhegesire kwona ntegesire omu ngasi Ishengero.
\v 18 Nka muntu mulebe akahamagalwa anakembwirwe, arhacijire nko rhacikembulwa.
\v 19 N'okahamagalwa arhanacikembulwa arhanacijire mpu akembulwe okukembulwa buli busha, n'okurhakembulwa buli busha. Cikwone okuseza amahano ga Nnamahanga bihashire.
\v 20 Ngasi muntu alame halya anahamagalirwe.
\v 21 Nka wahamagalirwe omu buja kuja omu murhula ogu yankirire duba.
\v 22 Bulya omuja wahamagirwe omu Nnahamwirhu omu buja ali mushwekule omuntu wahamagirwe ali muja wa Kristu.
\v 23 Mwaguzirwe oku cishingo cinene; murhacibe baja b'abantu.
\v 24 Ngasi muntu, bene wani, alame emalanga ga Nnamahanga, ngasi mango nka kulya anahamagalagwa.
\p
\v 25 Emwabala baciri banyere, nta gwerhi irhegeko ly'abarhacishenga Nnahamwirhu, Cikwone nahana ihano lyani niene nahabirwe kurhenga Nnahamwirhu.
\v 26 Labagi ebimbwine bishinganine, okw'ako kasanzi kazirhu kayishire: bishinganine omuntu ayorhe ntya.
\v 27 Acishwekire oku mukage, arhalonze oku shaba okyo balamire, abe acishwekire oku mukazi muguma, arhacilonze wundi.
\v 28 Nkaba wayansire, orhajira caha; na kandi nkaba oyo munyere aherusire, arhajira caha; cikwone abo bantu bayishiba balubero omu mubiri, na nnonzize bahumanye.
\v 29 Lolagi oku ndesire, bene wani, akasanzi karhali kanene; c'abagwerhege abakazi bwayorhaga nka barhabagwerhi,
\v 30 n'abali balaka babe nka barhali balaka, n'abali lushange babe nka abarhaluli, n'abaguzi babe nka barhagwerhi,
\v 31 n'abalya bashosihire n'igulu babe nkabarhashosihiri, bulya enshusho yel'igulu yagera.
\v 32 Kandi, nalicifinjire oku murhabe n'ecoba. Okubalya bacirhola banakayoboha ebintu bya Nnahamwirhu, omu kumusimisa Nnahamwirhu;
\v 33 na balya barhozire banakayoboha ebintu byen'igulu, birya bisimisa mukage.
\v 34 Hacirigi olubero luhali emw'omukazi n'omunyere: balya barhanziri heruka banaka shagalukira ebintu bya Nnahamwirhu, mpu lyo baba bacesibwa omu mubiri na muka; na aba rhozire banakashagalukira ebyen'igulu, zibanjira byakushagalusa b'iba.
\v 35 Ndesire ebyo oku bunguke bwinyu; kurhali kulonza mmurhege, kuli kumuhisa oku bishinganine n'oku muhumanya na Nnahamwirhu buzira kujaibagiza.
\v 36 Cikwone nka omuntu nk'akaba arhashinganini e mw'omwali bulya myaka eshinganyire, kuli kwinja amurhole, ajire okw'aciyunvirhe, arhajijiri caha, barholane.
\v 37 Cikwone erhi omuntu anka sera omu mihigo y'omurhima gwage arhanasezibwi na ndi, ci oku bulonza bwage yene ahige omu murhima oku yorhana omunyere wage, ajijire bwinja.
\v 38 Ntyo owaha omwali omulume erhi kwinja ajijire, n'orhamuhire ye erhi kwinja ajijire kulusha.
\v 39 Omukazi, okw'iba anaciri mw'omuka erhi anali mushwekere kuli-ye, ci erhi iba ankafa, nnamukazi anashwekulwa, anaja omu mw'oyu alonzize, cikwone muli Nyakasane.
\v 40 N'obwo, kw'ombwine, anabona omurhula kulusha nk'aka ciyorhera okw'anali. Ncikebirwe nti nnani njira Muka gwa Nyamuzinda.
\c 8
\cl Cigabi 8
\p
\v 1 Oku myanzi y'ebintu byahanagwa oku ntulo y'enshushano, rhumanyire nk'emunda rhuli rhweshi okurhugwerhe obumanye. - Obumanye bunalerhe obucibone, cikwoni obuzigire bunayubake.
\v 2 Omuntu nka kacimanya amanyire omwanzi, oyo arhamanyiri bici ciru n'ehitya ebiyerekire okumanya.
\v 3 Cikwone omuntu nka akasima Nnamahanga, oyo amanyikine naye. -
\v 4 Cikwone oku myanzi y'okulya ebintu byahanagwa ntulo oku nshushano, karhali kantu omu karhi k'igulu, na kandi ntaye Nnamahanga kulusha ogu muguma yene doka.
\v 5 Ciru, hakaba hali aba baderhwa ba miungu, omu mpingu, erhi mun'igulu, nka kulya banaligi ba miungu banji na bana nnahano banji,
\v 6 cikwoki emunda rhuli rhweshi Nnamahanga ali muguma yene, ye Larha, olya ebintu byoshi byarhengaga emwage na nirhu rhulamire emwage, ali olya Nnahamwirhu muguma, Yezu Kristu, olya ebintu byoshi byahebagwa ho na nirhu emw'oyo.
\p
\v 7 Cikwone oby'obumanye burhali endalala za boshi. Ci abandi oku byenshusho bacikumba kuhika buno, banalye ciru barhanaleke mpu Kali kantu kahanyirwe ntulo, n'entanya zabo zaba ngonyo gonyo n'ishembo.
\v 8 Cikwone ebiryo birharhuhise emalanga ga Nnamahanga: bulya nka rhwankalya, ntabyo byakusomerana rhugwerhe; nkandi nkarhurhaliri, rhurha punguzizi bici.
\v 9 Cikwone sinzagya oku buhashe bwinyu burhishi musarhaza bulya bali ba bagonyo gonyo.
\v 10 Bulya, nk'omuntu akakubona, we gwerhe obumanye, adahire alyalya omw'iherero ly'abazimu, enzamiri zage, e mw'orhagwerhi misi, barhakagi mulerhera ebiryo n'enyama zakagi rherekerwa abazimu.
\v 11 N'abarhajira misi bayishi-fa kugerera obwenge bwawe, bandugu balya Kristu afiraga!
\v 12 Nka wankajira ecaha cantyo oku bene-wawe, n'oku lemaza enzamiri nto, munaka gomera Kristu.
\v 13 Co cirhumire, nka ebiryo byanka goga mwene wawe, ntakalya nyama, lyo ntagi gogesa mwene wani.
\c 9
\cl Cigabi 9
\p
\v 1 Kantali ntagengwa? Kantali ntumwa? Kamw'oyo murhali mulimo gwani muli Nyakasane?
\v 2 Akaba oku bandi ntali ntumwa, kuli mwe mwehe ndi yo; bulya mw'oyo mwecimanyiso c'obugo bwani muli Nyakasane.
\v 3 Balya bakanshumira, oku mbashuzize kw'oku:
\v 4 karhurhankalya rhuna nywe.
\v 5 Ewe, karhunkahashi- shimbulirwa n'omukazi mwemezi, ak'ezindi ntumwa, n'aka bene wabo Nyakasane, n'aka Kefa?
\v 6 Nkabaga rhwene rhweki, rhwe na Barnaba, rhwe rhurhayemerirwi oku rhakola?
\v 7 Musirika ohi olyula yene omukolo gwage? Ndi ohinga omuzabibu arhanalye oku mburho ya gwo? Ndi oyabula obuso arhana nywe oku marha g'obw'obuso?
\v 8 K'okwo ndesire lir'iderha lya bantu kwone? K'irhegeko lyoki lirhakudesiri?
\v 9 Omw'irhegeko lya Musa mwokuyandisirwe, mpu: Empanzi ehula emburho orhayishekaga akanwa. Ka- Nyamuzinda anashibirire Empanzi?
\v 10 Karhali rhwerhurhumire aderha ntyo? Neci, okwola rhwe kwayandikiragwa: Ohinga ku kwanine ahinge erhi analangalire, n'ohula emburho erhy'analangalire oku ayigwerhe kwo ecage cigabi.
\v 11 Obula rhwamira aminja gw'omuka muli mwe, ka kuligi kwa kusomeza erhi rhwankasarhula oku binyu byen'igulu?
\v 12 Akaba abandi bagerhe obuhashe bw'okujira ntyo kuli mwe, karhurha balushiri? Ci rhwehe rhurhakolesagya oby'obuhashe; ciruhuna kalembera byoshi, nti lyo: rhurhagi fukira Emyanzi y'Akalembe ka Kristu e njira.
\v 13 Kamurhamanyiri omu ka- Nyamuzinda, ka- Nyamuzinda ka babika, na oku abakola ahaluhero, kugabana bagabana n'oluhero?
\v 14 Ntyo Nyakasane naye arhegesire mpu abaja bayigiriza Emyanzi y'Akalembe, babikwe n'Emyanzi y'Akalembe.
\v 15 Cikwone niehe nta buhashe na kolesize ciru n'obuguma mulya go, nta nayandisiri ebyo ntilyo mubinjirira. Nfe erhi kwo ahali to kuderrha nti omuntu ahez'irenge lyani!
\v 16 Bulya oku hanula Emyanzi y'Akalembe erhal'igwarhiro lya bukuze kuli nie; nta gwerhi oku nanka bula bwakujira; erhi nakaba ntayigirizizi Emyanzi y'Akalembe, erhi na mahera!
\v 17 Acibaga ogwo mulimo ngujira omu kulonza kwani, neci, singa nanshinganine oluhembo; ci akaba kurhali kulonza kwani, kwakuderha oku buli burhindisi nahabirwe.
\v 18 Oluhembo lwani luligi luhi? Lw'olu: omu kuyigiriza Emyanzi y'Akalembe, nyihane buzira kuhembwa, ndeke okukolesa obuhashe mpirwe n'Emyanzi y'Akalembe.
\v 19 Neci, n'obwonali ntagengwa oku bantu boshi, nacijijire muja wa boshi, nti lyo nchungula banji bwenene.
\v 20 Omu Bayahudi nacijijire Muyahudi nti lyo nchungula Abayahudi. Omu bantu barhegekwa n'Irhegeko, nacijira muntu w'Irhegeko, n'obo ntali w'Irhegeko nti lyo nchungula abarhegesirwe n'Irhegeko.
\v 21 Omubarhajira irhegeko, nacijira muzira irhegeko, n'obwo ntali muzir'irhegeko lya Nyamuzinda, bulya ntegesirwe n'Irhegeko lya Kristu, nti lyo ncungula abarhajira irhegeko.
\v 22 Nacijira ngonyi omu ngonyo, nti lyo nchungula engonyo. Nacijira byoshi kuli boshi, nti lukaba lufu k'akaba kalamo, kuhika ncize mwo baguma.
\v 23 N'ebyo byoshi Myanzi y'Akalembe mubinjirira, nti lyo nshangira aminja gayo.
\v 24 Kamuhabe oku abaja mashukwe gw'okulibirha boshi balibirha, ci muguma yene ohabwa oluhembo? Kusiga mulibirhe binyu, lyo muhabwa oluhembo.
\v 25 Ngasi oja mashukwe analeke byoshi. Kuderha mpu ahabwe obukuze bwa lusiku muguma. Rhwehe irenge rhukolera liri ly'ensiku n'amango.
\v 26 Na nnani kwondwirhe nalibirha ntyo, arhali aka orhamanyiri e munda ayerekire; kwondwirhe nalwa ntyo, arhali aka owashurha omu cirêre.
\v 27 Omubiri gwani nangubambule ngujire, cifa, nti nakaba namabwira abandi ngali na tumula.
\c 10
\cl Cigabi 10
\p
\v 1 Bene wirhu, ndozize mukengere oku bashakuluza bajaga bagenda bona Musa oku babaga. Ehikungu hyaka bahalira buzinda bayikira enyanja ndukula.
\v 2 Babatizibwa omu hikungu n'omu nyanja ago mango erhi balungine na Musa.
\v 3 Boshi bakalya biryo biguma bya mûka,
\v 4 Banywa na mishi maguma ga muka, bakanywera kuli ibuye liguma lya muka lyajaga lya balusa, n'er'ibuye ye wali Kristu.
\v 5 Cikwone baguma muli bo barhasimisagya Nnamahanga co carhumire ba holokera omu mpinga.
\v 6 Ebyo babaga byarhulangwire olwiganyo mpu ly'o rhulaki ba n'irala libi liri nk'elyabo.
\v 7 Kurha kwanini muka rherekera enama nka kulya baguma muli bo bajiraga. Nkakulya amandiko gadesire mpu: Abantu batamala bakalya, banaka nywa, buzinda bayimuka baka sama.
\v 8 Rhura kwanini rhukajira obugonyi nka kulya baguma muli bo bakagi jira, lero bafa mwo bantu bihumbi makumi abirhi na bisharhu lusiku luguma.
\v 9 Rhurha kwanini rhuka rhangula Nnamuzinda nka kulya baguma muli bo bajiraga lero enjoka zabamala.
\v 10 Murha kwanini muka ciduduma nka kulya baguma mui bo bajiraga, omushereza aba hololaboshi.
\v 11 Bajire kw'ago mahanya mpu lyo baba lwiganyo oku bandi; ago mahanya ga yandikwa mpu gaka rhurhonda, bulya rhuli rhw'alama omu mango obuzinda buli hofi.
\v 12 Okubirigi, olyacikebwa mpw'ayimanzire acilange arhaki hirima.
\v 13 Amashumi mwabwine gali gala abandi bantu banabona. Nnamahanga arhatwa omu ciragane cage, arhanka naziga mwarhangulwa kulusha olugero mwankahasha; cikwone hano amarhangulo gaba gakolagayishire, anamuha emisi y'okugahasha n'oku waga rhenga mwo.
\p
\v 14 Co cirhumire bira bani mucilange oku kurherekera eneme z'abazimu.
\v 15 Ndi nababwira ntyo bulya muli ba kurhimanya; mwene mucijage emurhima kuli ebyo mubwizire.
\v 16 Mugerereze kalya kabehe k'omugiso rhuvuga mwo Nnamahanga omunkwa: N'amango rhukanywa rhurhaba kulungana n'omuko kwa Kristu? Na gula mukati rhubega: Galya mango rhugulya kurhaba kulungana n'omubiri gwa Kristu?
\v 17 Haba mugati muguma: na kandi ciru rhukaluga, rhuba mubiri muguma bulya rhweshi rhushangire kuli ogwo mugati.
\v 18 Musinze olubaga lw'abisiraeli: bala balya oku biryo bihanyirwe nterekero, baba balungine haguma na Nnamahanga warhumaga bacesa irherekero.
\v 19 Ka nana derhaga obw'oku enama z'abazimu nisi erhi birya biryo barherekera mwo, hali kamalo bigwerhe?
\v 20 Nanga, cikwone nyemire oku bira abapagani bahana nterekero, nnama babiha ci arhali Nnamahanga. N'obwo ntalonzizi mulungane haguma n'ennama z'abazimu.
\v 21 Murhaka nywera oku kabehe ka Nyamuzinda mugali nywera oku k'abazimu. Murhaka lira oku cibo ca Nyakasane mukagali lira oku ca bazimu.
\v 22 Nisi karhwalonza rhuzuse obwagalwa kuli Nyakasane? Ka mucikebirwe mu rhukolaga rhwaba bazibu kumulusha?
\p
\v 23 Baguma muli mwe banaka derha mpu: Ntabyo rhurhanzibwe. N'obwo arhali byoshi biba binja. Bashubi derha mpu: Ntabyo rhurhanzibwe n'obwo arhali byoshi biyubaka.
\v 24 Ntaye wakagi lonza oku cikaliza yene, ci kwone akakaliza abandi.
\v 25 Muyemerirwe okulya ngasi ehi munabuganyire baguza omu cibuye murha rhamaga mwadosa erhi kuyoboha. Entimanya kurhuma,
\v 26 Bulya amandiko gadesire mpu: Igulu n'ebiba mwo byoshi biba bya Nyamuzinda.
\v 27 Erhi orhali mwemezi ankakulalika oku cibo aha mwage nawe okana yemera oku wayija, ona lyage ngasi byoshi akuhire, orha rhamaga wadokereza erhi ntimanya zirhuma.
\v 28 Cikwone hamajira owakubwira mpu: Ebi biryo rhwarherekeraga mwo ennama z'abazimu, omanye orha bilyaga erhi olya waku kengulaga orhuma haguma n'entimanya.
\v 29 Ndesire ntyo ahola, arhali ntimanya zinyu zirhumire, cikwone za wundi. Banadosa mpu: Cirhumirre nie ndi ntagengwa omu bijiro naka cikwa n'entimanya z'owundi muntu?
\v 30 Erhi nankavuga Nnamahanga omunkwa kuli ebi ndi nalya canka cirhuma banganya oku biryo navugire omunkwa?
\v 31 Okubiri amango mwalya n'amango mwanywa kandi erhi kujira kandi kantu munajire byoshi omu kulerha irenge lya Nnamahanga.
\v 32 Mulame bwinja, mumanye mwanka sarhaza Abayahudi kandi erhi Abemezi ba Nnamahanga.
\v 33 Mukajira akani: Mba ncihanganyire nti nsimise abantu boshi muli ngasi kantu; ntalonza bunguke bwani niene, nnonza bunguke bwa boshi ntilyo boshi bacunguka.
\c 11
\cl Cigabi 11
\p
\v 1 Munyige nka kula nani nyiga Kristu.
\p
\v 2 Mmusimire bulya omu ngasi kantu mmuna nkengere, na bulyala mukashimba emigenzo nammusigiraga.
\v 3 Cikwone nnonzize mumanye oku ngasi mulume oku Kristu ye Nnnawabo; n'omukazi nnawabo ye mulume; na ye Kristu Nnawabo ye Nyamuzinda.
\v 4 Omulume wahuna erhi owaleba n'irhwe Liri libwike, anabonesa nnawabo enshonyi.
\v 5 Ci n'omukazi wahuna erhi owaleba n'irhwe lirhali libwike, anabonesa nnawabo nshonyi; bulya kw'alinkaokungwirwe.
\v 6 Omukazi erhi ankaleka oku cibwika irhwe, amomwe n'enviri nazo! Cikwone akaba ziri nshonyi nshonyi oku mukazi oku momwa enviri erhi oku kungulwa irhwe, abwike irhwe lyage.
\v 7 Omulume hehe kurhakwanini acibwike irhwe, bulya all nshusho anali bulangashane bw'irenge lya Nyamuzinda. Naye omukazi ali bulangashane bw'irenge ly'omulume.
\v 8 Bulya arhali Omulume ye warhengaga oku mukazi, ci omukazi ye warhengaga oku mulume;
\v 9 arhanali Omulume ye wabumbiragwa omukazi, ci omukazi ye wabumbiragwa omulume.
\v 10 Okwola kwo kurhumire ku kwanine omukazi ayambale omw'irhwe eci manyiso c'obukulu bw'iba erhi bamalahika barhuma.
\v 11 Caba, muli Nyamuzinda, nta mulume buzira mukazi, na nta mukazi buzira mulume.
\v 12 Bulya, neci, omukazi oku mulume arhengaga, ci n'omulume naye mukazi omu burha, na byoshi kuli Nyamuzinda birhenga.
\v 13 Lero mwene mulutwage; ka ku kwanine omukazi ahune Nnamahanga n'irhwe lirha libwike?
\v 14 Kw'obworhere bw'omuntu bwone burhamuyigiriza oku ziri nshonyi oku mulume okujira enviri ndiri,
\v 15 ci oku mukazi lir'irenge okujira enviri ziri ntyo? Bulya anahabagwa enviri mpu zibwikir'irhwe lyage.
\v 16 Akabaga osimire okuja kadali, rhwehe rhurhakomera kwa mene okwo, n'Eklezia za Nyamuzinda zirha kukomera.
\p
\v 17 Obundwirhe namuhanula, lekagi mmubwire oku nta musimiri, bulya okuja mwinyu hagama kurhammujirira minja, ci mabî.
\v 18 Burhanzi, nayunvirhe mpu amango muli baguma omu ndeko, muli mwe, lyo abantu b'enkomedu zikomire bamanyikana.
\v 20 Mwehe erhi mwacija haguma, kurhaciri kuderha mpu mulye erhi ishega lya Nyakasane.
\v 21 Bulya erhi muhika oku cibo, nta kucilinda abandi, ci ngasi muguma aje kwo alya ebyage yene; na ntyo oku baguma bafa n'ishali, abandi erhi balalusire.
\v 22 Nkabaga murhajira emwabinywe mwankalira muna nywe? Nisi erhi kugaya Eklezia ya Nyamuzinda n'oku lindira abarha gwerhi bici? Gurhi nacimubwiraga? Ka mpu mukuzagye? Nanga, ntamukuzizi kuli okwo.
\v 23 Neci, nnani ebi nabwiragwa na Nyakasane byomuyigirizize: obuduku Nyakasane Yezu agwarhagwa mwo, arhola omugati,
\v 24 n'erhyaba amavuga omwonkwa agubega, erhi: ogu guli mubiri gwani gwahanwa mwe murhuma; ninyu mukajira ntyo lyo munkengera.
\v 25 Kwonakwo, erhi bamala balya barhola akabehe, erhi: aka kabehe eri ndagano mpyahya y'omuko gwani; mukajira ntyo ngasi kuywa lyo munkengera.
\v 26 Neci, ngasi kulya kw'ogo mugati na ngasi kuywa kw'aka kabahe erhi mumanyisize olufu lwa Nyakasane, kuhika olusiku anayishe.
\v 27 Co cirhumire, ngasi yeshi olya kw'ogo mugati erhi onywa kw'ako kabehe ka Nyakasane arhanakwanini, ayishijisibwa lubanja erhi mubiri n'omuko gwa Nyakasane birhuma.
\v 28 Kusiga ngasi muguma acije e murhima, akali lya kw'ogo mugati ananywe kw'ako kabehe.
\v 29 Bulya owalya n'okunywa arhanakengiri oku guli mubiri gwa Nyakasane, erhi kulya alire n'okunywa olufu lwage.
\v 30 Eco cocirhumire muli mwe banji bali balwala, n'abandi bali bazamba, n'abarhali banyi bafire.
\v 31 Acibe rhucije emurhima, singa rhurhahekwa lubanja.
\v 32 Nyakasane akarhuheka lubanja erhi kukoma arhuma, lyo rhurhagi hanwa haguma n'igulu.
\v 33 Mmuyunvire obwo, bene wirhu, amango muyishire hagumu omu ishega, munalindane.
\v 34 Erhi hankajira oshalisire, analire e mwage lyo muleki jira haguma okuyishi hanwa. Ebindi niene nabikomeza amango nayisha.
\c 12
\cl Cigabi 12
\p
\v 1 Rhugerage omu bidesire enshokano za muka mwimana. Bene wirhu ndonzize mumanye ezo nshokano oku zinali.
\v 2 Mmumanyire oku amango mwacili bapagani mwakagi kululirwa ebwa nsanamu zirhaderha.
\v 3 Co cirhumire ndonza nti mukumanye: Nta muntu wankaba ashokolirwe na muka mwimana akaderha mpu: Yesu akahera! Na kandi ntaye wankaderha mpu Yesu ali Nyakasane nka arha shokolirwi na muka mwimana.
\p
\v 4 Haba nshokano nyinji za muka mwimana, ci muka ozihana aba muguma.
\v 5 Haba kunji abantu bakola mwo, cikwone Nyakasane muguma bana kolera.
\v 6 Haba emikoloya mbero mbero, cikwone Nnamahanga yene ojira yoshi muli byoshi.
\v 7 MUka mwimana anashoboze omuntu enshokano, ebe bunguke bwa bantu boshi.
\v 8 Muka anashoboze enshokano y'okuderha n'obumanye, ye n'oyo muka muguma ashoboze owindi enshokano y'okuderha n'obwenge.
\v 9 Oyo muka muguma anahe muguma obwemere, ashoboze n'owundi enshokano y'okufumya abalwala.
\v 10 Muka anashoboze muguma enshokano y'okujira ebirhangaza, ahe n'owundi ey'obulebi, ahe n'owundi enshokano y'oku manyirira muka w'obunywesi n'ow'obuzine. Ana shoboze muguma enshokano y'okumanya endimi zirha manyikini, ahe n'owindi ey'okuzi hugula.
\v 11 Oyo muka muguma yene ojira ebyo byoshi; anashoboze ngasi muntu eyage nshokano nk'oku analonzize.
\p
\v 12 Kristu kw'ayorha nka kulya omubiri gujira birumbu binji; gunayorhe guli muguma ciru gwanka gabikana mwo ebirumbu bya ngasi lubero.
\v 13 Nirhu rhweshi, Abayahudi nabarhali bo, Abaja n'abarhali bo, rhwabatizibwe lyo rhujira mubiri muguma muli muka mwimana, rhwana nywesibwe kuli oyo muka muguma.
\v 14 Omubiri gurhajira cirumbu ciguma cone ci birumbu binji.
\v 15 Erhi okugulu kwankaderha mpu: niono ntali kuboko, ntali w'oku mubiri, k'okwo kuligi kuderha oku kurhacirigi kw'oku mubiri.
\v 16 N'okurhwiri kuderhe mpu: Niono ntal'isu, ntali w'oku mubiri, okwo kuligi kuderha oku kurhaciri kw'oku mubiri.
\v 17 Omubiri gwoshi licibag'isu bici gwali gwakayunva mwo? Na kandi gucibage kurhwiri, bici gwakabayiza mwo?
\v 18 Okunali Nnamahanga ahizire ngasi cirumbi ca mubiri aha cinakwanine, ajira nk'oku anali alonzize.
\v 19 Gurhankabire mubiri gucigwarhage cirumbu ciguma cone!
\v 20 Haba birumbu binjikuli mubiri muguma.
\v 21 Isu lirhanka bwira okuboko erhi ntagwerhi bunguke kuli we! Nalyo irhwe lirhanka bwira amagulu erhi: Ntagwerhi bunguke kuli mwe.
\v 22 Ebirumbu bibonekana oku mubiri nka bisungunu, byo bijira ko obunguke;
\v 23 Ebi rhubona nka byo bisungunu rhunabe byo rhuka halira bwenene kulusha ebindi; ebi ciru kurhali kwinja rhubiderhe, byo rhulanga kwabyo kwabyo.
\v 24 Kulya ciru rhurhanka langa ebindi birumbu by'omubiri gwirhu. Nnamahanga ajijire omubiri gukaha ebirumbu birhahali olukengwa.
\v 25 Muliuko omubiri gurhaba gugabanukine mwo, cikwone ebirumbu bya gwo bijira malagirire maguma, ngasi ciguma oku cabo.
\v 26 Rhi hankajira ecirumbu calumwa, ebindi binakalumwa haguma naco; n'erhi ecirumbu ciguma canka habwa olukengwa, ebindi byoshi bina shagaluke haguma naco.
\v 27 Mweshi mulimubiri gwa Kristu, na ngasi muguma muli mwe ali cirumbu ca kuli ogwo mubiri.
\v 28 Ntyo kwo kwarhumire arhengi ba ntumwa zo aheba omu bemezi, akulikiza abalebi, bwa kasharhu aheba mwo abigiriza; buzinda aheba mwo ab'okuka jira ebirhangaza, n'abo kufumya abalwala, n'aba rhabalaabandi, n'abimangizi, n'abagwerhe enshokano y'okuderha endimizirha manyikini.
\v 29 Abantu boshi barhaba ntumwa erhibalebi erhi bigiriza. Arhali boshi bagwerhe obuhashe bw'okujira ebirhangaza.
\v 30 Kandi erhi oku fumya abalwala, erhi okuderha endimi zirhamanyikini, erhi kuzi hugula.
\v 31 Ntyo mulongereze enshokanonkulu. Cikwone nkolaga nabayeresa enjira nkulu hali zoshi.
\c 13
\cl Cigabi 13
\p
\v 1 Ciru nanka haluka omu nderho z'abantu n'eza bamalaika, cikwone nka ntajira buzigire, eri konandi nka kula omulihyo gw'engoma guyunvikana, nanka kulya omudende gudendera.
\v 2 Ciru n'ankagwarha ecigabi c'okuleba, ciru nanka gwarha ecigabi c'okumanya amenge goshi n'amahwe goshi, ciru nanka gwarha obwemere bwanka hamisa entondo, cikwone nka ntajira buzigire, erhi nandi wa busha.
\v 3 Ciru nanka gaba ebirugu byani, ciru nanka hana omubiri gwani mpu guhye n'omuliro, cikwone nka ntajira buzigire okwo kurhanka njirira bici.
\v 4 Obuzigire burhuza, obuzigire buba bwa murhima mwinja, obuzigire burha yagalwa, burha cikunga, burha cibona.
\v 5 Obuzigire burhajira bya kubonesa nshonyi, burha cikaliza, burhaba burhe, burha bika mujina.
\v 6 Obuzigire burha shagalukira mabi, cikwone bushinganyanya bwone bushagalukira.
\v 7 Obuzigire bunaka lembera ngasi kantu, bunarhume rhwalanga obwemere, n'obulangalire, n'obushibirizi muli kanga.
\v 8 Obuzigire buba bw'ensiku n'amango. Obulebi bwacihwa lusiku luguma, enshokano z'okuderha endimi zirhamanyikini zacihwa, obwenge bwaci hirigirha.
\v 9 Bulya rhurha yishi byoshi, rhurhana leba byoshi.
\v 10 Cikwone hano ebihikirire biyisha ebirha hikiriri bya hirigirha.
\v 11 Erhi nciri murho nakagi derha nka mwana na naka gerereza n'okurhanya nka mwana; cikwone erhi mba mulume wa bwanwa naleka eby'omu burho.
\v 12 Na bunola ebi rhukola rhujire rhwabona bishushine n'ecizungululu c'omwizizi ciri cabonekana omu cilolero. Cikwone lero ago mango rhwayishi cibonera. Buno ntamanyisizi byoshi ci ago mango namanyisa byoshi nka kulya Nnamahanga anaba amanyisize.
\v 13 Cikwone buno ebi bintu bisharhu biri ho: Obuyemere, obulangalire n'obuzigire; Ci ecikulu muli ebyo bisharhu buli buzigire.
\c 14
\cl Cigabi 14
\p
\v 1 Mucisece okuba n'obuzigire; mulongereze n'enshokano za Muka Mtagatifu, ci bwenene e nshikano y'obulebi.
\v 2 Bulyala oderha omu ndimi mwandu, arhali bantu aderheza, ci Nyamuzinda. Ntaye omu yunva, ci anakaderhezibwa na Muka ebirhankayunvikana.
\v 3 Omuntu oleba yehe, bantu aderheza, ku yigiriza ayigiriza, kuhanula ahanula, kurhuliriza arhuliriza.
\v 4 Oderha ndimi nyinji, yene ociyigiriza; oleba, ayigiriza e ndeko y'abemezi.
\v 5 Ntankabaga mweshi muderhe ndimi mwandu, na nnasima kulusha mulebe; bulyala oleba alushire Oderha e ndimi, akaba owa derha e ndimi arhahugwiri, lyo e ndeko y'abemezi erhenza mwo e nyigirizo.
\v 6 Bene wirhu, erhi nakamuganiza omu ndimi erhi mwinja kuci mmujirire, akaba ntaco mmufululire, na nkaba ntaco mmumanyisize, na nkaba ntaco mmulebire na ntaco mmuyigirizize?
\v 7 Kwobiri ntyo ebirhajira buzine, akarhera erhi olulanga, erhi byankayunvisa izu; gurhi omuntu ankamanya bici akarhera kazihire, erhi olulanga, akaba amazu ga byo garha twikanusiri bwinja?
\v 8 N'omushekera erhi izu lyago lya nkaba lirhatwikanusiri, ndi wankashibirira mpu aja oku birha?
\v 9 Ninyu kwonokwo; erhi olulimi lwinyu lyankaba lurhadesiri ebinwa bihumanusire, gurhi bankayunva ebi mudesire? Erhi omu cirere mudwirhe mwaganirira.
\v 10 Omw'igulu muli ntishi mbero zinga za ndimi, na ntuluguma lurhayunvikana.
\v 11 Ci erhi nanka haba eci enderho zidesire, na naba munyamahanga kuli olya waderha, n'odwirhe waderha anaba munya- mahanga kuli nie.
\v 12 Ntyo ninyu, bulya kuba mudwirhe mwalonza enshokano za Muka, muciseze okulushana mulizo, lyo e ndeko y'abemezi erhenza mw'obunguke.
\v 13 Co cirhumire, oderha endimi, akwanine ahune enshokano y'okuzihugula.
\v 14 Bulya erhi nanka huna omu ndimi Omuka gwani gwana huna, ci nta bunguke obukengere bwani bwa nkakula mwo.
\v 15 Gurhi omuntu ankajiraga obo? Na nnahuna n'omuka gwani, na nnahuna n'obukengere bwani; na nnaimba n'omuka gwani, na nnayimba n'obukengere bwani.
\v 16 Caba erhi wankakuza Nnamahanga omu muka mwone, gurhi omuntu kwone akashuza «Amena» oku minkwa gwawe, arhanamanyiri bici adesire?
\v 17 Neci, okuvuga omunkwa kwawe kuli kwinja, cikwone owundi arhankarhenza mwo enyigirizo.
\v 18 Nvuzire Nnamahanga omunkwa, bulya nanderherere omu ndimi ku mulusha mweshi;
\v 19 cikwone omu ndeko y'abemezi, nsima kulusha oku derha binwa birhanu n'obukengere bwani, lyo nyigiriza abandi nabo, ahali h'oku derha bihumbi ikumi omu ndimi.
\p
\v 20 Bene wirhu, murhabaga bana barho nka mwarhimanya. Oku bubi, neci, mube bana barho, ci omu kurhimanya, mube bantu bakulu.
\v 21 Kuyandisirwe omu marhegeko, mpu: «Olu lubaga naluyigiriza n'abantu baderha olundi lulimi n'omu kanwa k'abantu b'ihanga, barhanayunvirhize obwo», kwo Nyakasane adesire.
\p
\v 22 Kw'okuderha oku enshokano y'endimi cinali cimanyiso, arhali oku bemezi, ci oku barhali bemezi; ci obulebi bwohe birhali bw'abarhali bemezi ci buli bw'abemezi,
\v 23 erhi Eklezia yoshi yankaja haguma, n'erhi boshi bankaderhera omu ndimi, nabo abarhamanyiri gurhi bigenda erhi abarhali bemezi bankaja mwo, kabarhanka derha mpu kusiraha musirahire?
\v 24 Ci erhi boshi bankaba badwirhe baleba, n'erhi hankayisha orhali mwemezi erhi orhishi emunda binja, boshi bana muyagiriza, boshi bana mutwira olubanja;
\v 25 ebi fulisirwe omu murhima gwage byana fululwa. Obwo anacishurha okw'idaho, anayubika obusu, aharamye Nyamuzinda, anaderhe, erhi: «Okuli Nnamahanga ali e karhi kinyu.»
\p
\v 26 Gurhi rhwashwinja ebyo bene wirhu? Amango muli omu bugashanize, mugua muli mwe abe agwerhe olwimbo owindi enyigirizo owindi abe agwerhe oku fululirwa, n'owundi abe agwerhe omwanzi omu nderho zirha manyikini n'owundi abe anahugula ogwo mwanzi: Ebyo byoshibyana rhabala omurhwe gw'abemezi okuja mbere omu buyemere.
\v 27 Erhi banka ciheba omu kuderha enderho zirha manyikini, kukwanine babirhi erhi basharhu bone bakujire, na ngasi muguma akage kasanzi, n'owundi ahugule ebi badesire.
\v 28 Erhi ankaba arhabonesiri amahugulo, kukwanine ngasi muguma aleke oku hababukira omu ndeko: Agwasirwe acibwire yene na Nnamahanga.
\v 29 Nabo abaleba, banakaderha babiri erhi basharhu, n'abandi baje bagera omw'ebi bali baderha.
\v 30 Cikwone ciru hankajira owama fululirwa akanwa na Nnamahanga ho naho, oliwaderha anarhengi hulika.
\v 31 Mwanahasha okuj'aleba muguma muguma lyo boshi barholera ho enyigirizo n'okuba n'obushiru.
\v 32 Abaleba myanzi ya mene eyo banasigalana eyo nshokano bahabirwe,
\v 33 Bulya Nnamahanga arha rhuhamagalaga mpu rhuyishilama omw'ishababe cikwone mpu rhulame omu murhula. Nk'omu mirhwe y'abemezi y'omu lubaga lwa Nnamahanga yoshi.
\v 34 Abakazi bashinganine bakahulika omu ndeko. Nka kulya amarhegeko ga Nyamahanga ganakudesire, bakwaninwe bakacirhohya.
\v 35 Erhi bankalonza okumanya akantu kalebe banadokeze b'iba emwa babwe. Kurhali kwinja mpu omukazi akaderha omu ndeko y'abemezi.
\v 36 Gwarhi, k'emwinyu y'o akanwa ka Nnamahanga karhengaga? Kandi ka mwene mwehe akanwa ka Nnamahanga kayishire?
\p
\v 37 Erhi hankajira owa cikebwa oku ali mulebi, erhi acikebwe oku agwerhe enshokano ya muka, agwasirwe amanye kul'ibi muyandikire gali marhegeko ga Nnamahanga.
\v 38 Cikwone erhi ankaba arhamanyiri ntyo, oyo barha muhebaga kwo murhima.
\p
\v 39 Ntyo bene wirhu bici mwalonza cigwasirwe cibe ebe nshokano yaku leba, cikwone murha cikaga okuderha enderho zirha manyikini.
\v 40 Mashi byoshi bijirikane omu bwinja n'omu bw'orhere nkana.
\c 15
\cl Cigabi 15
\p
\v 1 Bene wirhu, namukengeza erya myanzi y'akalembe namubwiraga, mwayi yankirira, mana ciyisezire mwo buzibu,
\v 2 yo yana muchiza erhi mwanka yilanga nk'oku namubwiragayo. N'akaba arhali ntyo, erhi wayemire bya busha.
\v 3 Burhanzi, namuhisakwo ebi nani niene nahabagwa: oku Kristu afirire ebyaha birhu nk'oku Amandiko gadesire,
\v 4 oku abishirwe omu nshinda, n'oku olusiku lwa kasharhu lwa fusire nk'oku Amandiko gadesire.
\v 5 N'oku abonekire Kefa, abuli bonekera na balya ikumi na babiri.
\v 6 Okuhandi abonekera bene wirhu magana arhanu na kulusha cacigumiza, na banji muli bo ho baciba, ci baguma bafire.
\v 7 Ashubija ho, abonekera Yakobo, abonekera n'entumwa zoshi.
\v 8 Cazinda ambonekera nani nka kulya ankabonekera ecimomano.
\v 9 Neci, nie munyi omu ntumwa zoshi, ciru nta kwanini izino ly'entumwa bulya nalibuzize e Eklesia ya Nyamuzinda
\v 10 Cikwone eri nshokano ya Nyamuzinda yanjiraga okula ndi, n'enshokano anshobozagya erhagumbaga muli nie. Ci nie nakozire kubalusha boshi! Caba nanga, arhali nie, ci enshokano ya Nyamuzinda haguma nani.
\v 11 Akaba nie, erhi akaba bo, kwo rhuyigiriza ntyola; kwo mwana yemire okwo.
\p
\v 12 N'akaba bayigiriza oku Kristu afusire omu bafu, kurhi baguma muli mwe bankaciderhaga mpu nta bufire bw'abafire?
\v 13 Akaba nta bufuke bw'abafire, Kristu naye arhafufuka;
\v 14 N'akaba Kristu arhafukaga, enyigirizo cirhu ziri busha, n'obuyemere bwinyu nabo buli busha.
\v 15-16 Ciru nirhu erhi rhwamaba bahamirizibabeshera Nyamuzinda, bulya rhwamu nywerhire nti afusize Kristu n'obwo arhamufulaga, akaba kwo binali abafu barha fuka, Kristu naye arhafukaga.
\v 17 N'akaba Kristu arhafukaga, obuyemere bwinyu buli busha, munaciri omu byaha binyu.
\v 18 Kuziga n'abafire muli Kristu bahererekire.
\v 19 N'akaba muli obula buzine bw'enigulu mwone rhulangalire Kristu, omu bantu boshi erhi rhwe rhunali bahanya kulusha.
\p
\v 20 Cikwone nanga Kristu afusire omu bafu, ashokolera abagwishire.
\v 21 Bulyala muntu wadwirhe olufu, kwo na kwo muntu wadwirhe okufuka kw'abafire.
\v 22 Neci, nka kulya boshi bafa muli Adamu, kwo na boshi bayishishubiramwo omuka muli Kristu.
\v 23 Cikwone ngasi muguma omugage mango: Kristu ye murhanzi rhanzi kandi abayishi ba bakristu olusiku ayisha.
\v 24 OKuhandi bwanaba buzinda, go mango ashubiza Nyamuzind' Ishe obwami, amayus'ishaba amani goshi na ngasi burhegesi na ngasi buhashe.
\v 25 Neci, kukwaninwe ayime kuhika ahebe abashombanyi bage boshi ah'idako ly'amagulu gage goshi.
\v 26 Omushombanyi muzinda wayishishabulwa, lwo lufu.
\v 27 Bulyala Nyamuzinda ahizire byoshi ah'idakoly'amagulu gage. Ci amango aderha mpu byoshi biri idako ly'amagulu gage. Rhumanyire n'obwalagale oku olya warhuhaga ebintu by'oshi arha ganjirwi muli byo.
\v 28 N'amango ebintu byoshi byoshi byaba bikola bili idako ly'amagulu gage, naye omugala yene anacihira idako ly'owamuhaga byoshi lyo Nnamahanga ashuba byoshi muli boshi.
\p
\v 29 Acibaga birhali ntyo balya babatizibwa abafu barhumire, singa bunguke buci barhola mwo? Acibaga abafire barhafuka ciru n'ehitya, cici cirhuma baci batizibwa ahali habo?
\v 30 Nirhu hwene cici cirhuma rhucihira omu kaga ngasi kasanzi?
\v 31 Nkasi lusiku erhi ndi omu lufu, bene wirhu n'oko kunali nkokula muli irenge lyani muli Nnawirhu Yesu Kristu.
\v 32 Acibaga bunyamuntu bw'one bwarhumaga nalwisa ebirhanyi e Efezi, singa bunguke buci nakula mwo? Akaba abafire barhafuka, rhulyage rhunywe, bulya irhondo rhwafa.
\p
\v 33-34 Mumanye murha rhebwagwa: oku komera ababi kuna shereze engeso nyinja. Murhenge omu balalwe nk'oku bikwaninwe, murhana cihira mukajira ebyaha; bulya muli mwe muli abarha yishi Nnamahanga, nkudesire nti enshonyi zibagwarhe.
\p
\v 35 Kwone owaderha, erhi: Kurhi abafire bafuke wani? Mubiri guhi bagalukane?
\v 36 Eci hwinja! Eci orhwera cirhaja mwo buzine cirhana rhanziri fa.
\v 37 Nanka warhwera, arhali omubiri gwamurhenga gw'orhwera ci mburho yone orhwera bumu bumu kulyala enali, nka ngano erhi yindi mburho.
\v 38 Nnamahanga ye oyiha omubiri nk'oku yene alonzize na ngasi mburho gwayo mubiri.
\v 39 Emibiri yoshi erhali yo miguma: ogwa bantu guba gwago, ogw'ensimba gwago, ogw'ehinyunyi gwagwo, n'ogw'enfi gwago.
\v 40 Haligi emibiri y'eby'emalunga n'ey'ebyahano byoshi, ci obulangale bw'eby'emalunga buba bwago, n'obulangale bw'ebyahano nshi bwago.
\v 41 Obulangale bw'izuba buba bwago, n'obulangale bw'omwezi buba bwago, n'obulangale bw'enyenyezi bwago, ciru n'enyenyezi erha langashana kuguma n'eyindi.
\v 42 Intyo kwo biri n'oku bufuke bwa bafu. Omubiri gurhwerwa guli gwakubola gufuke gurhaciri gwa kubola.
\v 43 Gurhwerwa buzira bukuze gufuke omw'irenge. Gurhwerwa erhi ngonyo gufuke guli muzibu.
\v 44 Banarhwere omubiri gw'obunyama hafuke omubiri gw'obunyamuka. Ankaba haba omubiri gw'obunyama hanaba n'omubiri gw'obunyamuka.
\v 45 Intyo kwo biyandisirwe, mpu omuntu murhanzi Adamu ajijirwe ciremwa ciri mw'obuzine; Adamu muzinda yehe ajirwa muka guhana obuzine.
\v 46 Ci arhali ec'obunyamuka co cirhangi boneka, ec'obunyamubiri co cirhanga ec'obunyamuka cikulikire.
\v 47 Omuntu murhanzi omu badaka arhengaga anali w'eno igulu, owa kabirhi arhenga empingu.
\v 48 Oku omuny'igulu ali ayosire kwo n'aben'igulu bayorha na okwo owomu mpingu ali ayosire kwo n'abo omu mpingu bayorha.
\v 49 Na kulyala rhwaliko enshusho y'omuno igulu, kwo rhukwaninwe rhuje kwo n'enshusho y'omu mpingu.
\p
\v 50 Kwo ndesire ntyo bene wirhu: Omubiri n'Omuka birhanka yima omu bwami bwa Nnamahanga, n'ebyo kubola birhaka yima omu birhankahashibola.
\v 51 Nkolaga namubwira ihwe: Rhweshi rhurhakafa ci rhweshi rhwayishi hinduka kundi kundi,
\v 52 oku irindo liguma, omu kugohya ntya, oku izu ly'omushekera muzinda; bulya bayishi buha omushekeran'abafire bayishi fukana emibiri erhanka cifa, na nirhu rhwayishi hinduka kundi kundi.
\v 53 Bulya ogula mubiri gubola, kukwanine guyambale obuhashe bw'okurhabola, n'ogumuburi gufa, kukwanine guyambale obuhashe bw'okurhafa.
\v 54 Ci amango guno mubiri gubola gwaba gwamayambala obuhashe bw'oku rhabola n'ogu mubiri gufa guyambala obuhashe bw'okurhafa, ly'olu luderho lw'Amandiko lwayunjula: Olufu lwahimirwe, lwamirwa n'irenge.
\q
\v 55 Lufu we, okuhima kwawe nkahi kuli? Lufu we, akababo kawe ngahi kaligi?
\p
\v 56 Olufu ecaha ko kababo kalwo, n'ecaha Irhegeko bwo buzibu bwaco.
\v 57 Ci, neci, Nyamuzinda akonkwa, owarhuhaga okuhimana erhi Nnawirhu Yesu Kristu orhuma!
\v 58 Ntyo bene wirhu bazigirwa, musimike murhadundaganaga, ensiku zoshi mugazija embere omu mukolo gwa Nnamahanaga, bulya mmumanyire oku omukolo gwinyu muli Nnamahanga gurhaka fa busha.
\c 16
\cl Cigabi 16
\p
\v 1 Naciri derha bindi binwa bisungunu bidesire ogw'oku shololera abantu b'omu lubaga lwa Nnamahanga baba omu cishagala c'e Yerusalemu: Mujire kulya nanabwirizagya Emirhwe y'Abakristu b'Egalatiya kwo na nene.
\v 2 Ngasi lwamungu, ngasi muguma muli mwe agwasirwe akagoshola enfaranga aha mwage nk'okw'anarhesize, abe azibisire, lyo hano ayisha barhak'iba lyo bakola bazisholola.
\v 3 Hano mpika, narhuma abantu mwayish'ilondola, baheke n'amaruba g'okubalamukiza baheke obwo burhabale bwinyu e Yerusalemu.
\v 4 Erhi byakayish'ikwanana nani nyije, rhwana genda rhwe nabo.
\v 5 Hano mba namatwikanya omu Makedoniya lyo naja emwinyu (bulya nnonzize ntwikanye muli eco cihugo).
\v 6 Nayishi yorha emwinyu nkabaga kasanzi, nkabaga ciru yo nagereza ampondo yoshi, ninyyu mwayishi ntabala kwoki okuja ahantu nakayishi ja.
\v 7 BUlya ntalonzizi nyishi mubona nandi oku magulu enyanya. BUlya nnangalire oku nabera emwinyu mango garhali manyi akaba Nyamuzinda anyemerera.
\v 8 Ci kwoki yo nciri eno munda e Efeso kuhika oku lusiku lukulu lwa Pentekote.
\v 9 Bulya amango minja g'oku hikiriza omukolo mukulu gamantimana ciru abashombanyi bakaluga.
\p
\v 10 Nka Timoteyo akayisha, munajire kulya akaciyunva mwo okw'ali muyankirire bwinja na ninyu, bulya kwo akola omukolo gwa Nyakasane akani.
\v 11 Ntaye wamuganyagusagya. Mube kurhabala mumurhabala okugenderera n'olugenzi lwage n'omurhula, lyoo abona oku agaluka emunda ndi, bulya ndi namulinda rhwene bene wirhu.
\v 12 OKu kunyerekire mwene wirhu Apolo naye, nankaz'imukogosa nti aje emwinyu haguma n'abandi bene wirhu, cikwone arhacilonza okujira buno. Kwo kuderha ayija hano abona oluhuma.
\p
\v 13 Mube masu, mukomere omu buyemere, muciseze munazibuhe.
\v 14 Mukole byoshi omu buzigire.
\p
\v 15 Muyishi Stefana n'omulala gwage: Mumanyire oku bo bali barhanzi okuyemera omu Akaya, bana rhondera oku kolera abantu b'omu lubaga lwa Nnamahanga. Bene wirhu mmunyinjibine nti muleke,
\v 16 mushokolerwe na bantu ba mwene abo, kuja n'abandi bakola n'obushiru haguma nabo.
\v 17 Ndi mwo omwishingo gw'okuyisha kwa Stefana na Fortunato na Akaiko; bo bampaga ebyali bimbulire amango murhahali.
\v 18 Banampa omurhima nk'oku ninyu banamuhaga gwo. Kukwanine okumanya kurhi abantu bali nk'abo mwaka kabaha enkunya.
\p
\v 19 Emirhwe y'Abakristu b'omu cihugo c'e Aziya mpu asinge! Akila na Prisila, n'Omurhwe gw'Abakristu bajirira endeko aha mwabo bamurhumire emisingo yabo y'eci nyabuguma muli Nyakasane orhulunga haguma.
\v 20 Bene wirhu bali hano boshi mpu asinge! Mulamusanye mwene na nnene n'ehi nunugurho hy'ecinyabuguma.
\p
\v 21 Kuboko kwani uku niene nyandisire mwo ebi binwa bidesire mpu: Omusingo gwa Polo kuli mwe.
\v 22 Mashi, nkaba hali orha zigira Nyakasane erhi akahera Marana ta Nyakasane wirhu Yisha.
\v 23 OLukogo lwa Nyakasane Yesu kristu lube haguma na ninyu.
\v 24 Obuzigire bwani buli kuli mweshi muli Yesu Kristu.