tbt-x-kirhinyihinyi_reg/46-ROM.usfm

\id ROM
\ide UTF-8
\h Abaroma
\toc1 Abaroma
\toc2 Abaroma
\toc3 rom
\mt Abaroma
\c 1
\cl Cigabi 1
\p
\v 1 Nie Paulo mwambali wa Yesu Kristo, wahamagalagwa mpu abe ntumwa, aberulwa mpu ayigirize emyanzi minja ya Nnamahanga.
\v 2 Eyo myanzi minja Nnyamuzinda alaganyagya kurhenga mira omu kanwa k'abalebi, omu mandiko mazir'ishembo,
\v 3 ayerekire mugala wage waburhagwa omu buko bwa Daudi nkoku mubiri.
\v 4 Ahamagalwa mugala wa Nnyamuzinda oku buhashe, kushimbana na Muka mwimana, n'okufuka kwage k'okurhenga omu bafu, Yesu kristu Nnahamwirhu.
\v 5 Ye warhumaga rhwahabwa olukogo n'obukozi bw'entumwa, lyo okw'izino lyage nderha abapagani boshi oku bukenge b'obwemere.
\v 6 Omukarhi k'abo moninyu muli, mwe mwahamagalagwa na Yesu kristu,
\v 7 emwabo boshi bali e Roma, bazigirwa ba Nnyamuzinda, bahamagalagwa oku babe bacesibwa; olukogo n'omurhula bibe haguma n'inyu kurhenga larha wirhu na wa Nnahamwirhu Yesu kristu.
\p
\v 8 Burhangiriza nvuzire Nnyamuzinda wani omunkwa muli Yesu kristu, erhi mwe murhuma mweshi, bulya obuyemere bwinyu bwa desirwe omw'igulu lyoshi.
\v 9 Nnamahanga, oyu nkolera n'omurhima gwani goshi nka naderha Emyanzi minja y'omugala, y'oli muhamirizi wani oku ntaleka okumuderha ensiku zoshi omuku salira kwani.
\v 10 N'okuhuna ngasi kasanzi omu nsengero zani nti mbone lero omu bulonze bwa Nnyamuzinda mbone amango minja g'okuja emwinyu.
\v 11 Bulya ncifinjire okumubona lyo muha oluhembo lwa Muka Mwimana lyo musimika, nonzize mbe haguma ninyu.
\v 12 Na bwenene lyo rhweshi rhuhanana omurhima haguma omu kagarhi kinyu oku bwemere bw'eci nyabuguma emwinyu n'emwani.
\v 13 Cikwone nonzize mumanye bene wirhu, kanji kanji nakagilonza okuyisha emwinyu nti mbone amalehe emwinyu ntyo nk'omu b'eyindi milala; cikwone nahanzibwa na kuhika buno ngwerhe omwenda gw'okuyisha.
\v 14 Bulya okuja emwa Abagiriki n'emwa Ababarbare, emw'abo bwenge, n'emw'abahwinja.
\v 15 Ntyo ngwerhe olwifinjo lunene n'olo kumu yigiriza emyanzi y'akalembe mwe muli e Roma.
\p
\v 16 Bulya nta gwarhwa na nshonyi z'emyanzi minja, buli buhashe bwa Nnamahanga bwo bucunguke bwa ngasi yeshi wa yemera, oku muyahudi burhanzi n'oku mugriki ntyo.
\v 17 Bulya muli ye mw'obushinganyanya bwa Nnamahanga bubera oku buyemere, nk'oku binayandisirwe: Ow'okuli alama oku bwemere.
\p
\v 18 Bulya Nnamahanga ayerekine oburhe bwage kurhenga empingu, ci bwenene oku byaha n'oku mabi gajirwa n'abantu, bulya ebijiro by'obwo bubi binarhume okuli kurha manyikana.
\v 19 Nnamahanga abahana, bulya ebi banka manya kuli ye bili bya bonekana n'obwalagale.
\v 20 Bulya kurhenga amango Nnamahanga alemaga igulu, amorhere gage garhabonekana, ko kuderha ok'ubuhashe bwage bw'ensiku n'amango n'obu mungu bwage, ebyo byombi bibonekana omu mikolo ajiraga. Aho ho abantu banka bimanyira, co cina rhumire barhanka bona ebi baderha.
\v 21 Kulya kuba bamanyire Nnamahanga barhana mukuzagya nka Nnamahanga, barhana muvugaga omunkwa; bacihabula omu ntanya zabo, n'omu mirhima yabo buzira bwenge bacikweba omu mwizizi.
\v 22 Baci rhundulika mpu bali benge lero kwashuba kuhwinjagala;
\v 23 Erhi bahika aho, bahindula irenge lya Nnamahanga orhanka fa nshushano z'omuntu w'okufa, n'ez'orhunyunyi, n'ez'ensimba zigendera oku magulu gani, n'ezi bululuka n'enda.
\p
\v 24 Co carhumire Nyamuzinda abalekera ebjiro ebijiro bizizire, nk'okw'irala ly'emirhima yabo lyanali, ciru okuci bulira obukenge omu mibiri yabo bone na nene.
\v 25 Abola bahindula okuli kwa Nnamahanga bushumi, bacikumba n'oku kolera ebi alemaga ahali ha lulema mugishe ensiku n'amango. Bibentyo.
\p
\v 26 Co carhumire Nnamahanga abalekera enyifinjo z'ebyenshonyi, bulya abakazi babo bone bahindwire oku kolesa emibiri yabo okuleka okukola ebishinganine. Bajira ebirha jirwa.
\v 27 Kwo nokwo abalume baleka obworhere bw'okuli bw'omukazi, bayagalwa omw'irala lyabo baguma kuli abandi balume n'abalume bajira eby'enshonyi, bayankirira oku mibiri yabo oluhembo lukwanine okuhabuka kwabo.
\p
\v 28 Bulya barha lonzagya okumanya bwinja Nnamahanga, Nnamahanga naye abalekera omu bwenge bwabo burhagwerhi aha buyimangire, lyo bajira oku barhali gwasirwe bajire.
\v 29 Bayunjwire obubi bwa ngasi lubero, obushombanyi, okusima eby'en'igulu, okugona, okuci finja ebya bene, okunigana, emilongwe, obushumi, obwenge hushu, akalimi kabi;
\v 30 oku shobeka abandi busha, bali bashombanyi ba Nnamahanga, bakucibona, ba kucikunga, okuba ntwali omukujira amabi, bigamba, barhagwerhi bwenge,
\v 31 Barha rhanya, ba ntalika hyabo, bakuvuna ilagano lyabo, nabo barhasima ab'omu nyumpa zabo, nabo barhagwerhi bwonjo.
\v 32 Ciru bamanyire olubanja lw'okuli lwa Nnamahanga, okwabo bajira ebijiro biri nk'ebya bakwanine okufa, arhali eyi myanzi yone bajira, cikwone bana simisibwe nabo babijira.
\c 2
\cl Cigabi 2
\p
\v 1 W'emuntu, ciru akaba w'endi, oli watwa emanja nawe orhanka yera; bulya, oli watwira abandi, okola ociyazize wene, bulya ok'utwira abandi emanja ogali k'ajira akabo.
\v 2 Rhumanyire, muli uko kutwa olubanja kwa Nnamahanga kuli emwa balya bali bajira bya mwene ebyo kuli omukulu.
\v 3 Kandi k'orhanyize we muntu oli watwa emanja oku bali bakola bya mwene ebyo, n'abali babijira, ka wehe warhulubuka oku lutwirwa na Nyamuzinda?
\v 4 Erhi oli wa ganyagusa obugale bw'obwinja bwage, obu shibirizi, n'obutudu bwage, k'orha manyiri oku obwinja bwa Nnamahanga buku kulwire ok'uciyunjuze?
\v 5 Cikwone, omu buzibu bwawe n'omurhima gwawe, gurhana lonza okuchiyunjuza, k'orhishi oku oli wacibikira obukunizi, olwo lusiku lwa Nyamuzinda lw'okutwa olubanja lw'okuli.
\v 6 Owayishi lyula ngasi muguma nk'oku anakozire;
\v 7 Abikire obuzine bw'ensiku n'amango, kuli balya bacihangana okujira aminja, balongereza obukuze n'okurha sherera.
\v 8 Cikwone obwo burhe, n'obwo bukunizi kuli balya bamugomera okuli baka kenga amabi.
\v 9 Obuhanya n'amalibuko byaba oku boshi, oku muntu okola amabi, burhangiriza oku bayuda, na buzinda oku ba Giriki.
\v 10 Obuhimi, obukuze n'omurhula emwa ngasi yeshi oly'ajira aminja, oku bayuda burhangiriza na buzinda oku ba Giriki.
\v 11 Bulya embere za Nnamahanga erhaba kabolo oku bantu.
\v 12 Ngasi boshi bajira ebyaha buzira irhegeko bahererekere buzira irhegeko, na balya boshi bajira ebyaha okw'irhegeko bayishi twirwa olubanja kugerera ago marhegeko.
\v 13 Bulya arhali abayunvirhiza amarhegeko bone b'okuli embere za Nnamahanga, cikwone n'abajira oku amarhegeko gadesire bayishi kuganjirwa.
\v 14 Amango g'abapagani barhajira irhegeko, nkabajira oku nkomedu oku irhegeko lidesire bali bo barhagwerhi irhegeko, bakola bali irhegeko kuli bo bone.
\v 15 Bayerekine ok'umukolo gw'irhegeko guli muyandike omu mirhima yabo, n'entimanya zabo omu kuhamiriza, n'entanya zabo zibahane, erhi kuba halira kasanzi oku kasanzi.
\v 16 Ko byayishiba kushimbana n'enyigirizo zani, Nnamahanga ayishi hana ebyajiragwa omu bufulisi kugerera Yesu Kristu.
\p
\v 17 We wacihire izino ly'omuyahudi, w'oyegemera amarhegeko, we ocikuza muli Nyamuzinda,
\v 18 Ndi omanyire obulonza bwage, ndi oshagalukire olubibi lw'ebi byoshi, nk'oku wayigirizibwe amarhegeko;
\v 19 Wecikubagira okuba cirongozi c'emihurha, na bulangale oku bali omu mwizizi,
\v 20 Weri mwigiriza w'abahwinja mwalimu w'ebi ngolongolo bulya mpu okwenge ogw'erhi irhegeko n'okumanya okuli;
\v 21 we, oyigiriza abandi, ci orha ciyigiriza wene! We ohanula oku okuzimba kurhali kwinja, ci oliwazimba?
\v 22 Weli waderha oku okugona kuli kubi, ciwehe oliwa gona? We oshomba okugashaniza enshushano, bici hirhumire oliwayishi igashaniza? Onali warhola eby'omu kalunga.
\v 23 We ocika cikuza omw'irhegeko ogali kalivuna, oli wagayisa Nnamahanga.
\v 24 Bulya izino lya Nnamahanga lijacirwe omu bapagani nk'oku bina yandisirwe.
\v 25 Okukembulwa kushinganine, nk'oliwa hikiriz'amarhegeko; cikwone akaba orhakenziri amarhegeko, erhi kw'onali nk'orhakembulagwa.
\v 26 Erhi ankaba orhali mukembule okashimba amarhegeko ona gakulikire k'orhanka ganjwa nk'omu kembule?
\v 27 Okurha kembulwa kw'obworhere kuhikirizize irhegeko kurhaciyishi twirwa olubanja, w'orahali wakenga amarhegeko onagwerhe amaruba g'oku kembulwa?
\v 28 Omuyuda arhali oyu oli kw'ecimanyuso c'oku mubi yene, arhali okuli kwaboneka oku mubiri kwone kukembulwa.
\v 29 Ci omuyuda, olya oli ye endalala omu murhima n'oku kembulwa kuli kulya kw'emurhima, kushimbana na Muka, c'arhali mandiko.
\c 3
\cl Cigabi 3
\p
\v 1 Bici Omuyahudi arhalusire kwo, erhi buguke oku kwembulwa kumulerhera?
\v 2 Bunene bwenene, na bwa ngasi lubero! Burhanzi, bo Nnamahanga arhanziri Visa ebinwa byage.
\p
\v 3 Ewe? Akaba baguma muli bo bahindusire ndyalya, kw'obulyalya bwabo bwankarhuma Nyamuzinda arhajira e bya alaganyagya?
\v 4 Rhuyishi oku Nyamuzinda arhanywerha, ciru n'ehitya ci ngasi muntu kujalira ajalira, nk'oku biyandisirwe, mpu: ly'oyera omu binwa byawe, onayaze, abakuheka lubanja.
\p
\v 5 Ci akaba obubi bwirhu buyerekana obushinganyanya bwa Nyamuzinda, Gurhi rhaderhaga? Ka Nyamuzinda arhali mubi erhi arhukunirira? (Namaderha nkakula abantu baderha).
\v 6 Ciru n'ehitya! Acibaga ntyo, Gurhi Nyamuzinda ali ayishi twa olubanja lw'igulu?
\v 7 Ci akaba obunywesi bwani buyerekana irenge lya Nnamahanga omu kumanyisa oku ye namuderha- kuli, ca nkacirhuma nganjirwa omu banya-byaha?
\v 8 Erhi kandi nk'oku baguma barhuhambara, ca nkarhuma rhurhajira amâbi lyo aminja garhenga mwo? Aba bantyo bashinganine obuhane.
\p
\v 9 Gurhigi karhulushine? Ciru n'ehitya! Bulya rhwadesire nti Abayahudi n'Abagreki bali banya byaha boshi,
\v 10 nk'oku biyandisirwe, mpu: Nta mtu mwimana, ntaye ciru n'omuguma;
\v 11 ntamurhimanya, ntaye olonza Nyamuzinda.
\q
\v 12 Boshi Bali mihabwe, boshi bahindusire kuguma. Nta muntu ojira aminja nanga. Ntaye ciru n'omuguma.
\q
\v 13 Omumiro gwabo erinshinda e yashamire; Olulimi lwabo luyunjwire bulyalya; Marhi ga mpiri gababa e mukanwa;
\v 14 n'orhunwa rhwabo rhuyunjwire buheherere n'obukali.
\q
\v 15 Amagulu gabo gaba malembu okugenda bulaga omuko;
\v 16 aha bagera biguka bahasiga n'obuhanya.
\q
\v 17 Enjira y'omurhula barhayiyishi;
\v 18 Okurhinya Nyamuzinda kurhababa e busu.
\p
\v 19 Rhurhanahabiri oku ebi omundagano ya mira yoshi eyerekire abayihabagwa, lyo ngasi kanwa kahulika, lyo nangasi muntu abona oku ali mubi embere za Nyamuzinda.
\v 20 Bulya embere zage nta muntu ciru n'omuguma wayere mpu okwenge ashimbire amarhegeko, kulya kuba nta cindi amarhegeko gajira okurhali kumanyisa.
\p
\v 21 Bulya lero buzira irhegeko, Nyamuzinda ayerekeni obwimana bwage buhamirizibwa n'irhegeko n'abalebi.
\v 22 Obwo bwimana bwa Nyamuzinda buhabwa abayemera Yesu Kristu. Buhabwa abemezi boshi, bulya nta kanana.
\v 23 Boshi bajijire e byaha, bahiza irenge lya nyamunda;
\v 24 nakandi boshi bajirwa beru kweru n'engalo y'olukogo lwage, erhi bucunguzi buli muli Kristu Yesu burhuma.
\v 25 Ye Nyamuzinda acishozire mpu abe nterekero y'okulwula ebyaha n'omuko gwage, erhi buyemere burhuma. Nantyo ayerekana obwimana bwage omu kurhubalira ebyaha byamira.
\v 26 Amango Nyamuzinda ali atuzire; alonza okuyerekana obwimana bwage omu gano mango, mpu lyo abamuciza, anacize ngasi oyemire Yesu.
\p
\v 27 Cici cirhuma omuntu acikuza? Ntaco. Irhengeko lihi lirhumire ciba ntaco? Kalya bijiro? Nanga, ci irhengeko ly'obuyemere.
\v 28 Bulya Rhumanyire oku omuntu ajirwa kweru kweru n'obuyemere, buzira bijiro bya marhegeko.
\v 29 Ewe? Ka Nyamuzinda akolaga Nyamuzinda w'Abayahudi bone? Karha ciri wagandi mashanja goki? Neci, Ali w'agandi mashanga nago,
\v 30 bulya Nyamuzinda aba muguma yene, ye wacize abakembule n'abarhali bakembule, erhi buyemere burhuma.
\p
\v 31 Karhwamakundula amarhegeko erhi buyemere burhuma? Kunywerha! Ciru kuzibuhya rhugazibuhize.
\c 4
\cl Cigabi 4
\p
\v 1 Nantyo, gurhigi rhwaderha kuli Aburahamu, larha wirhu, ahabirwe oku mubiri?
\v 2 Erhi akaba Aburahamu aganjirwe okuli erhi bijiro binja birhuma, acikuza, c'arhali emalanga ga Nnamahanga.
\v 3 Bulya gurhi Abrahamu ayemeraga Nyamuzinda, nantyo aganjirwa okuba n'okuli,
\v 4 Cikwone kuli uy'omuntu okola omukolo, oluhembo lwage lurhanka jirwa omu njira y'obwonjo, cikwone omu njira y'omwenda.
\v 5 Cikwone amang'omuntu arhahikirizi oukolo gwage, akacikubagira Nnamahanga atwira abanya byahaolubanja, Nnamahanga anamusimire obwemere bwage, akamubona nka mushinganyanya.
\v 6 Ntyo kwo Daudi adesire mpu ali mun'iragi omuntu Nnamahanga abona mushinganyanya buzira oku muganjira emikolo.
\p
\v 7 Aderha erhi: Bali ban'iragi abantu Nnamahanga ababalire amabi gabo, n'ebyaha byabo abi zaza.
\q
\v 8 Ali mun'iragi oyu Nnamuzinda arhaci kengera ebyaha byage.
\p
\v 9 Kelyo iragi liri ly'abantu bakembule bone? Kalirhali ly'abarha kembulagwa bohe? Rhudesire bulya oku "Nnamahanga ayemire oku Abrahamu ali mushinganyanya erhi bwemere bwage burhuma."
\v 10 Mangaci ebyo byabaga? K'amango abrahamu ali amakembulwa, erhi amango arhali ci kembulwa? Arhali amango ali ama kembulwa, ci kwone embere arha ci kembulwa.
\v 11 Erhi kugera nsiku, Abrahamu akembulwa mpu lyo eco ciba cimanyiso: cali cimanyiso ca ktyerekana oku Nnamahanga ayemire okw'akola mushinganyanya erhi bwemere bwage burhuma, amango arhali cikembulwa. Ntyo kwo Abrahamu abire mwo ishe wa ngasi boshi bayemire Nnamahanga buzira kukembulwa, na Nnamahanga ayemire oku bakola bashinganyanya.
\v 12 Anali ishe w'aba kembule, kwo kuderha okw'ali ishe wa balya barha cidinira kukembulwa, cikwone bashimbulira olwiganyo lw'obwemere larha wirhu Abrahamu aligwerhe amango arhali cikembulwa.
\p
\v 13 Nnamahanga alaganyize Abrahamu n'obuko bwage oku abagabira igulu ly'oshi gube mwimo gwabo. Eco ciragane cajijirwe, arhali mpu kwenge Abrahamu ayunvirhe amarhegeko, ci kwone bulya Nnamahanga ayemire oku Abrahamu ali mushinganyanya erhi bwemere bwage burhuma.
\v 14 Acibage abayunva amarhegeko bwone bw'ogo mwimo guli gwabo, obwemere bwankabire buligi bwa busha, n'eciragane ca Nnamahanga nta bunguke caka cigwasire.
\v 15 Bulya amarhegeko ganalerhe obuhane bw'omu burhe bwa Nnamahanga, cikwone aharhaba marhegeko, harhanaba kuvuna marhegeko.
\v 16 Co carhumire eciragane cajirwa erhi bwemere burhuma, lyo ciba nshokano Nnamahanga ashobozize busha, lyo cigendekera okukola oku bantu b'omu bukobwa Abrahamu bwoshi, bashobole kwone. Bulya arhaliabayunvirhe amarhegeko bone, cikwone n'aba yemire kw'oku Abrahamu naye ayemire. Abrahamu ali larha wirhu rhweshi,
\v 17 nk'oku amandiko gadesire mpu: Nakujijire ishe w'amashanja manji. Ali larha wirhu emalanga ga Nnamahanga olya ayemeraga, ye Nnamahanga ofula n'okujira ebirha habaga mpu bihabe.
\v 18 Abrahamu ayemire ana langalira, nobu arhali gwerhe bulangalire, nantyo kwo abire mwo ishe w'amashanja manji, nk'oku Nnamahanga anamubwiraga erhi: "Ntyo kwo omuku ganja iburha lyawe byaba."
\v 19 Aligwerhe hofi miaka igana, cikwone obwemere bwage burha nyihaga erhi agerereza omubiri gwage gwalikola nk'ogufire n'erhi agerereza Sara arhanka cibusire.
\v 20 Arha hezagya obwemere bwage, arhanabaga na karhinda oku ciragane ca Nnamahanga. Ci oku byabire, obwemere bwage bwamu zibuhya aja akuza Nnamahanga.
\v 21 Ali manyire bwinja oku Nnamahanga agwerhe obuhashe bw'okujira eby'alaganyize.
\v 22 Yunvagi ebyarhumaga Nnamahanga ayemera oku Abrahamu ali mushinganyanya, Nnamahanga amuyemera erhi bwemere bwage burhuma.
\v 23 Cikwone ebyo binwa bidesire oku: "Ayemerirwe oku ali mushinganyanya" arhali yene byayandikirwe.
\v 24 Nirhu rhwabi yandikirwe rhwe rhugwasirwe rhu bonwe oku rhuli bashinganyanya, rhwe rhuyemirwe owafulaga Yesu Nyakasane.
\v 25 Nyakasane Yesu ahanagwa mpu afe erhi byaha birhu birhuma, anafulwa mpu lyo arhujira bashinganyanya emalanga ga Nnamahanga.
\c 5
\cl Cigabi 5
\p
\v 1 Ntyo erhi rhuba rhwamaganjwa bashinganyanya oku njira y'obwemere, rhukola rhugwerhe omurhula haguma na Nnamahanga muli Nnahamwirhu Yesu Kristu.
\v 2 Kuli ye rhwahabirwe okunjira y'obwemere okuhika kuli olwo lukogo, rhulamire mwo rhu simisire, rhunali rhwa cikuza omu bulangalire bw'irenge lya Nnamahanga.
\v 3 Na bwenene, rhuli rhwa cikuza ciru oku mazibu, rhumanye oku amarhangulogana lerhe obushibirizi.
\v 4 Obushihibirizi obuhimi omu marhangulo, rhumanye oku amarhungulo gana lerhe obu shibirizi.
\v 5 N'obulangalire burharhebana bulya obuzigire bwa Nnamahanga bwabulagirwe omu mirhima yirhu muli Muka Mwimana rhwahabagwa.
\v 6 Bulya amango rhurhali cigwarha emisi akasangi kahika Kristu afa enyanya za bana mahushe.
\v 7 Kuli kuzibu omuntu kufa enyanya z'owokuli, cikwone byahashikine omuntu okufa enyanya z'omuntu mwinja.
\v 8 Cikwone Nnamahanga abonesa obuzigire bwage, emwirhu yene omukuba amango rhwaciri ba nyabyaha Kristu afa enyanya zirhu.
\v 9 Kulusha bwenene kurhumire kugerera omuko gwage, rhwacizibwa naye kurhenga omu bululu.
\v 10 Bulya la rhwali bashombanyi, rhwahumanyibwa haguma na Nnamahanga oku kufa kw'omwana wage, na bwenene erhi rhuba rhwama humanyibwa, rhwacizibwa enyanya z'obulamu bwage.
\v 11 Arhali okwo kwone, ci kandi rhuli rhwacikuza muli Nnamahanga kugerera Nnahamwirhu Yesu Kristu, kuli ye rhwa habirwe oku humanyibwa.
\p
\v 12 Co cirhumire kuli muntu muguma ecaha cajire omw'igulu, na kuli ecaha olufu nalo, nantyo kwo lwalumire kuli boshi bulya boshi bajijire ecaha.
\v 13 Bulya embere l'irhegeko ecaha cabaga omw'igulu, n'obwo ecaha cirha shobekagwa amango irhegeko lirha habaga.
\v 14 Kurhenga kuli Adamu kuhika kuli Musa, gwo mango olufu lwayimaga, n'okwa balya barhali jijir'ecaha, oku buhindamusi bushushire obwa Adamu yo eri nshusho y'owali shinganine okuyisha.
\p
\v 15 Bulya harhaba nshokano ya busha nk'irhangulo, bulya enyanya 'amahushe ga muguma bantu banji bafire, kulusha olukogo lwa Nnamahanga, n'enshokano y'olukogo byaishaga muli muguma Yesu Kristu, byayalagazibagwa oku banji.
\v 16 N'orhagwerhi enshokano ly'olya wayishaga enyanya za muguma wajijire ecaha; bulya enyuma ly'amahushe ly'okutw'olubanja kwabire buhane, n'obwo enshokano ya kone yajirwa bushinganyanya enyanya za amahushe manji.
\v 17 Erhi akaba enyanya amahushe ga muguma olufu lwarhambwire kugerera oyo yene, na kulushisa ngasi owa yankirire obwinji bw'olukogo na bwinji bw'enshokano y'obushinganyanya yo eyishi kahana obuzine muli Yesu Kristu yene.
\v 18 Ntya kwo biri, oku mahushe ga muguma obuhane bwagwasire abantu boshi, kwonokwo enyanya za cijiro ciguma c'okuli obushinganyanya buhana akalamu bwalumira abantu boshi.
\v 19 Bulya, okurha kenga kwa muntu muguma banji babire ba nyabyaha, kwo nokwo n'oku kukenga kwa muguma bajirwa bashinganyanya.
\v 20 N'obwo, irhegeko lyahabire ly'amabi galuga, cikwone aha amabi galugire ho n'olukogo lwa Nnamahanga lwayushukire kulusha.
\v 21 Nka kulya, ecaha ca rhambwire oku lufu, kwo nokwo olukogo lwa rhambwire oku bushinganyanya bw'obulamu bw'ensiku n'amango muli Yesu Kristu Nnahamwirhu.
\c 6
\cl Cigabi 6
\p
\v 1 Kurhigi rhwaderha? Ka rhuyorhe rhulamire omu byaha ly'olukogo lwa Nnamahanga luluga?
\v 2 Nanga la! Rhuli bantu bafire oku kuyerekire ebyaha, kurhigi rhwanka cilama omu byaha?
\v 3 Kamurha manyiri oku rhweshi rhwe rhwabatizibwe muli Kristu Yesu, rhwabatizibwe omu lufu lwage?
\v 4 Aligi omu kubatizibwa mwo rhwa bishirwe rhweshi naye, omu kufa rhweshi naye, lyo nka kulya Kristu afukaga oku buhashe bw'irenge l'Ishe, n'irhu kwo nokwo rhulame omu bulamu buhyahya.
\v 5 Bulya erhi ankaba rhwahumine haguma naye omu lufu lushushine n'olwage, rhwana humana haguma naye omu bufuke bushushine n'obwage.
\v 6 Rhumanye bwinja oku omuntu wirhu wa mira rhwaligwerhe afire, abambirwe oku musalaba boshi na Kristu lyo oku banyabyaha kwirhu kusherera, lyo n'irhondo rhurhacibe baja ba byaha.
\v 7 Bulya owama fa erhi akola afumire ebyaha.
\v 8 Erhi ankaba rhwafirire haguma na Kristu rhuyemire oku rhwana lame haguma naye.
\v 9 Bulya rhumanyire oku kurhenga amango Kristu afukaga, arhacigwasirwi okufa: Nta buhashe olufu lucimugwerhe kwo.
\v 10 Omukufa kwage, afirire ebyaha liguma hona hoshiaho; ci kwone obuzine bwage akolaga ali mwo buno, alamire Nnamahanga.
\v 11 Ninyu kwo nokwo, muka cijira nka bantu bafire oku byaha na nka bantu balamire Nnamahanga omu bulamu bwinyu, muli Kristu Yesu.
\p
\v 12 Muli okwo, ebyaha birha cigwasirwi oku rhambula emibiri yinyu y'okufa mpu lyo mujira okw'enyifinjo z'eyo mibiri zidesire.
\v 13 Murha cihebaga ebirumbu by'emibiri yinyu omu kukolera ebyaha mpu cibe cirugu c'oku kolera amabi. Ci oku mwajira, mucihane kuli Nn amahanga, nka kuno bantu bafusire, ngasi muntu akolera Nnamahanga, abe nkakuno cirugu c'oku kola ebishinganine.
\v 14 Bulya ebyaha birha gwasirwi oku murhambula, bulya amarhegeko garha murhambwiri, cikwone murhambwirwe n'olukogo lwa Nnamahanga.
\p
\v 15 Kurhigi obwo? Ka rhukajira ebyaha bulya amarhegeko garha rhurhambwiri, okwenge rhurhambwirwe n'olukogo lwa Nnamahanga? Nanga la!
\v 16 Muyosire mumanyirire oku erhi mwanka kolera omuntu mukanaka murhumikira erhi mukola baja b'olya Nnahano muli mwa rhunikira: ERhi mwanka rhumikira ebyaha byana muheka omu lufu, n'erhi mwanka rhumikira Nnamahanga, anamuyerekeza ebwa buzine bw'okunali.
\v 17 Cikwone Nnamahanga aganze: Burhanzi mwe mwali baja ba byaha, buno lero mukola muyunva n'omurhima gwinyu gw'oshi, murha cilahira enyigirizo mwayankiriraga.
\v 18 Nnamahanga amu cizize kw'ebyaha binyu, mwaba baja ba bushinganyanya.
\v 19 Naderha kwa mwene kula abantu baderha erhi bugonyo gonyo bwa mibiri yinyu burhuma. Burhanzi, mwali nka baja, mwali mucihebire mweshi mweshi okumukolo gw'ebi zinzire n'amabi. Ebyo byo byarhumaga mwali lamire omw'ishababe; kwonokwo buno, mujirage ak'abaja, mucihire mweshi mweshi omu mukolo gw'obu shinganyanya lyo mulama omu bwimana.
\v 20 Amango mwali baja ba byaha, murhali rhambwirwe n'obu shinganyanya.
\v 21 Bunguke bucigi mwabwine omu bijiro mukola mukabera nshonyi? Ebyo bijiro lufu binalerha.
\v 22 Cikwone buno murhaciri baja ba byaha, munakola muli mwakolera Nnamahanga; muyungusire mwo kula kuja hekwa omu bulamu bwimana, na buzinda, muhabwe obuzine bw'ensiku n'amango.
\v 23 Bulya omukamarho gw'ecaha luba lufu, ci enshokano ya Nnamahanga buba buzine bw'ensiku n'amango muli Nyakasane Yesu Kristu.
\c 7
\cl Cigabi 7
\p
\v 1 Kamuyibagire bene wirhu, bulya n'abantu bamanyire irhegeko, okw'irhegeko linakajira obuhashe oku muntu amango acizire?
\v 2 Ntyo, omukazi wa herusire ali mushweke n'irhegeko amang'omulume wage acizine, ci amango amafa erhi arha cishwesirwi n'irhegeko limushwekwire okw'iba.
\v 3 Erhi ankaba, iba acizine agali heruka omu mw'owindi mulume, ana hamagalwa cishungu; cikwone nk'omulume akafa akola ali mulikule n'irhegeko, ago mango arhaciri mugonyi nk'akayankwa n'owundi.
\v 4 Kwonoko, bene wani, ninyu komwali, omu kugerera omubiri gwa Yesu Kristu gwahebwa omu lufu oku biyerekire irhegeko, lyo muba b'owundi, olya wafulagwa omu bafu. Lyo rhuleheka amalehe emwa Nnamahanga.
\v 5 Bulya, amango rhwali lamire omu mubiri, rhwakagi kululwa n'amarhegeko omu birumbu birhu, mpu lyo rhuyishi leheka amalehe enyanya ly'olufu.
\v 6 Cikwone buno, nk'abafire omw'eri irhegeko rhwali shwesirwe nalyo, lyo rhukola muli Muka Mwimana, ci arhali oku mariba gashosihire.
\p
\v 7 Kurhi rhwanka derha, k'irhegeko ciba caha? Nanga! Cikwone ntakajira ecaha okurhali oku njira y'irhegeko.
\v 8 N'ecaha erhi cibona ntyo, caburha muli nie kugerera omw'irhegeko ngasi lubero lw'irala, bulya buzira irhegeko ecaha cinafe.
\v 9 Kuli nie, nka muntu ntaligwerhe irhegeko, ci erhi amarhegeko gayisha, ecaha naco cayulubuka,
\v 10 abaga nie nfa. Ntyo irhegeko lihekana omu buzine kuli nie lyampeka omu lufu.
\v 11 Bulya ecaha erhi cibona amarhegeko caniga, erhi irhegeko lirhuma.
\v 12 Kuziga irhegeko n'ebi rhegesirwe biri bimana, lishinganine liri na linja.
\p
\v 13 K'ebiri binja lero byabirage byaku nyirha? Nanga la! Cikwone ebyaha byo byandwirhe okwo. Byakolesa ebyali binja mpu lyo binyirha, na kugerera irhegeko ecaha cagenderera caba cibi bwenene.
\v 14 Rhumanyirire oku irhegeko liba lya murhima, cikwone niehe ndi mugonyogonyo, naguzibwe enyanya ly'ebyaha.
\v 15 Bulya ntamanyiri bici ngwerhe najira, ntalinajira ebi nonzize, ndi najira ebi ngayire.
\v 16 N'obwo, erhi njira ebi ntalonzizi, namanye ago mango okw'irhegeko liri linja.
\v 17 Nabuno arhaciri nie ndi nabijira ci caha cidekerire muli nie.
\v 18 Okuli kwinja, nkumanyire kurhaba muli nie, kwo kuderha oku omu mubiri: ngwerhe obulonza, cinta gwerhi buhashe bw'okujira ebinja.
\v 19 Ntajira binja nsima, nanjire n'obubi ntali lonzize.
\v 20 N'erhi njira ebi ntali lonzize, arhaba niene nbijira, ci caha cindi mwo.
\v 21 Mbwine muli nie el'irhegeko nka nonzize okujira obwinja, amabi gana cinshwekere kwo.
\v 22 Bulya nyunve nsimire irhegeko lya Nnamahanga, nka muntu w'endalala.
\v 23 Cimbwine omu birumbu byani erind'irhegeko liri lya lwisa irhegeko ly'engererezo zani, lina ngwarhe na mpira n'irhegeko ly'ecaha, lyo liri omu birumbu byani.
\v 24 Nie mugalaganda! Ndi wanyokola n'ogu mubiri gw'okufa?
\v 25 Olukogo lumugalukire Nnamahanga kugerera Yesu Kristu mucunguzi wirhu. Ntya niehe ndi naciyunva muja w'irhegeko lya Nnamahanga, na kugerera omubiri ndi muja w'irhegeko ly'ecaha.
\c 8
\cl Cigabi 8
\p
\v 1 Harhaciri okutwirwa olubanja okuhanwa kwa balya bâli omu karhi ka Yezu Kristu.
\v 2 Bulya, irhegeko ly'omuka gw'obuzine muli Yezu Kristu andikuzize okw'irhegeko ly'ecaha n'ely'olufu.
\v 3 Bulya ec'irhegeko lirhankahasha okujira, bulya omubiri gwakazi bijira ngonyo, Mungu atwira ecaha olubanja, omu kurhuma, enyanya ly'ecaha, Mugala wage doka omu mubiri gushushire ogwo gw'ecaha,
\v 4 N'eco mpu lyo obushinganya bw'irhegeko buhikirira omu karhi kirhu, rhwe, rhwajagenda arhali oku mubiri, ci oku muka.
\v 5 Ntyo, okwokwo, abalamire okukulikira omubiri, banacigerereza ebya muka.
\v 6 Bulya enyifinjo z'omubiri, luli lufu, ci kwone, enyifinjo za mûka, buli buzine n'omurhula;
\v 7 Bulya engererezo z'omubiri eri nshombo kuli Mungu, bulya gurhakenga amahano ga Nnamahanga.
\v 8 Na ntyo abalama kukulikira omubiri barhanka simisa Nnamahanga.
\v 9 Kuli mwe, murha lamiri okukulikira omubiri, ci kukulikira mûka, akaba mûka wa Mungu ali omu ndalala zinyu. Nk'omuntu arhagwerhi mûka wa Kristu, erhi arhali wage.
\v 10 Nanka Kristu ali omu ndalala zinyu, mubiri, okunali, afire erhi byaha birhuma. Ci kwone mûka ali bulamu erhi obushinganyaya burhuma.
\v 11 N'erhi ankaba mûka w'olya wafulaga Yezu omu bafu ali omu ndalala zinyu, olya wafulaga Kristu omu bafu agalulira obugumaguma omu mibiri yinyu y'okufa oku mûka wage oli omu ndalala zinyu.
\p
\v 12 Ntyo lero, bene wani, rhurhagwerhi mwenda gw'omubiri, mpu lyo rhulama oku kulikira omubiri.
\v 13 Mukalama kukulikira omubiri mwafâ; c'akaba oku mûka muyisire ebijiro by'omubiri, mwalama.
\v 14 Bulya boshi balongolinwe na mûka wa Nnamahanga, bo bali bana ba Nnamahanga.
\v 15 Na murhahabagwa mûka wobuja, mpu lyo muciriba omu chôbâ; ci kwône mwayankirire mûka w'okujirwa bâna, okw'oyo rhunalake nti Abba! Larha!
\v 16 Mûka yene doka ahamirize omu murhima gwirhu okurhuli bâna ba Mungu.
\v 17 Ntyo, akaba rhuli bana, ntyo rhunali mímo: mímo ya Mungu, na bagwarh'emímo haguma na Kristu, na nka rhwankalibula haguma naye, rhwanishikuzibwa haguma naye.
\p
\v 18 Bulya mmanyire oku okulibuzibwa kwirhu kuli busha, nka rhwanka kugerera kuli okwo bukuze rhwashifunulirwa.
\v 19 Bulya ebilemwa byoshi biri bya lindirira n'irala linene bwenene okufululwa kw'abana ba Mungu.
\v 20 Bulya ebiremwa byoshi bihizire idako ly'obusha, arhali omu kulonza kwabyo. Cikwone enyanya ly'oyo wabihiraga idako,
\v 21 N'oku bulangalire oku n'abyo byashi shwekulwa kurhenga omu buja bw'okusherera, n'okuja omu kushwekulwa kw'obukuze kw'abana ba Mungu.
\v 22 Bulya, rhumanyire oku, kuhika buno ebiremwa byoshi haguma byalumba bigwerhe obululu haguma nka bwa kuburha.
\v 23 Arhanali ntyo kwone, ci nirhu haguma, rhwe rhugwerhe emburho ntanzi za mûka, nirhu ntyo rhuli rhwalumba omu ndalala zirhu, rhuli rhwalinda oku jirwa bana, n'oku cunguka kw'emibiri yirhu.
\v 24 Bulya rhwacizibwe omu kulangalira. Ci kwone, obwo bulangalire bubonesire burhali bulangalire: ebiri bya bonekana, ka byana cilangalirwa?
\v 25 Ci, nkarhwanka langalira ebi rhurhabwini, rhuna bilindirire oku bushibirizi.
\p
\v 26 Na ntyo Mûka anarhurhabale omu bugonyo bwirhu, bulya rhurhamanyiri oku rhukwanine okuderha omu masengero girhu; ci kwone Mûka yene anarhuhunire omu kulumba okwo kurhankahashwa okuderhwa;
\v 27 Oyo alolereza emirhima anamanyire engererezo za Mûka. Bulya omu malonza ga Mungu kwahunira abatakatifu.
\v 28 Rhumanyire, ntyo, oku emikolo yoshi ena kolwe oku bwinja bwa balya bazigira Mungu, muli balya ahamagire oku bulonza bwage.
\v 29 Bulya balya amanyaga kurhenga mira, abalondolaga burhanzi mpu bashushane n'enshusho y'omugala, mpu omugala abe muburhwa wa burhanzi omu milala minji.
\v 30 Nabo alondolaga kurhenga mira, ntyo abahamagala; n'abo abahamagala, abaganjira okuli; n'abo aganjiraga okuli abakuza ntyo.
\p
\v 31 Na ntyo gurhi rhwaderha enyanya ly'eyo myanzi? Akaba Mungu ali enyanya zirhu ndi wanka rhuhima?
\v 32 Oyo orhaberenaga o Mugala, ci kwone amuhana nterekero enyanya lirhu rhweshi. Gurhi ankaleka okurhuha ebirugu byoshi haguma naye?
\v 33 Ndi wankaheka lubanja abalondolwa ba Mungu? Mungu yene wankaba ganjira okuli!
\v 34 Ndi wabatwira emanja? Kristu ye wâfaga; na kulusha, afusire, oy'oli ebwa kuboko kulyo kwa Mungu, ali arhuhunira.
\v 35 Ndi wanka rhuberula n'obuzigire bwa Kristu? Ka malibuko, erhi malumwa, erhi mbaka, erh'ishali, erhi kurhayambala, erhi buhanya, erhi ngorho?
\v 36 Nk'oku byayandikagwa: enyanya lyawe rhuli rhwanigwa mushi gwoshi, rhuganjirwe nka bibuzi bya kubagwa.
\p
\v 37 Ci kwone muli eyi myanzi yoshi rhunahime kulusha abahima enyanya ly'oyo warhusimaga.
\v 38 Bulya nmanyire bwenene oku ciru olufu erhi obuzine, erhi bamalahika, erhi amami, erhi myanzi ya buno erhi myanzi yana ciishe, erhi mahashe,
\v 39 Erhi eyo nyanya, erhi eyo eri idako, erhi ecindi ciremwa coshi coshi, birhankahasha oku rhuberula n'obuzigire bwa Mungu obwo buli muli Yezu Kristu Nnahamwirhu.
\c 9
\cl Cigabi 9
\p
\v 1 Ndesire okuli muli kristo, ntadesiri bushumi, entimanyo zani zimpamirize omu karhi ka mûka mweru.
\v 2 Ngwerhwe n'oburhe bunene, n'omumurhima ndi mw'amalumwa, gagendekire.
\v 3 Bulya nalilonzize nyene ntezibwe na mberulwe na kristo oku bene wirhu, babusi kushimbana n'omubiri.
\v 4 Bo b'Israeli, bayemereragwa okuba bana, n'irenge, n'ebiragane, n'irhegeko n'obugashanize,
\v 5 N'ebiragane, na abaja bugo, na omwabo, kushimbana n'omubiri mwo kristo arhengaga, yeli enyanya ly'ebintu byoshi, Nnamuzinda agishwe emya-na emyaka. Bibe ntyo.
\p
\v 6 Kurhali kuderha mpu omwanzi gwa Nnamahanga gwayorha buzira ebi gujijire. Mpu kwenge boshi barhengaga Israeli barhali ba Israeli boshi.
\v 7 Na, kuderhwa buko bwa Abrahamu, bali boshi bali bana bage; chi bidesirwe: kugerera Isaki baishi derhwa kuli we ishanja,
\v 8 Kwo kuderha oku arhali abana b'omubiri bo bali bana ba Nnamahanga, chi abali bana b'eciragane basinzibwe bana b'omwimo.
\v 9 Lola, kuliebyo, omwanzi gw'eciragane: Nashubira hano bundi buli nka buno, erhi Sara agwerhe omwana.
\v 10 Na, okundi, akujirire na Rebeka, ayunva omwalalo gw'Isaki yene larha wirhu;
\v 11 Bulya, abana barhali ciburhwa, barhali cijira cibi erhi cinja, lyo omuhigo gw'obulondozi bwa Nnamahanga guimanga, buzira kulola ebijiro, na oku bulonza bwoli ahamagala.
\v 12 Abwira Rebeka: omukulu akolera omurho;
\v 13 Nkoku biyandisirwe: Nasimire Yakobo nagaya Esau.
\p
\v 14 Gurhi rhwankaciderhaga? K'emwa Mungu eba nzigirizi? Biri kuli ebyo.
\v 15 Bulya abwizire Musa: nayishi babalira oyu mbabalira, nayishi bera bwonjo oyu mbera bwonjo.
\p
\v 16 Ntya, arhali mpu olonzize, erhi olya olibisire, ci emwa Mungu oka babalira.
\v 17 Bulya amandiko gabwira Farao: Naku yimisire erhi mpizire oku nkulangule obuhashe bwani, na nti mpu lyo izino lyani liderhwa omw'igulu lyoshi.
\v 18 Ntyo, anaka babalira emw'oywalonzize, na anamujire muzibu oywalonzize.
\p
\v 19 Waishi mbwira: Bici birhumire ociri aganyangu? Ndi wankalahira obulonza bwage?
\v 20 Yo mwana w'omuntu, wenoyo, olindi wakaja kadali we na Nnamuzinda? K'akabindi k'ibumba kanabwira owakabumbaga: kurhi kwarhumire wanjira ntya?
\v 21 K'omubumbi arhali ye mukulu w'ibumba, muliryo lyo nanene anabumbe mwo ecirugu cokukengwa, abumbe mwo n'ecobusha busha?
\v 22 Na kurhi rhwankaderha, nka Nnamahanga, akalonza okuyerekana oburhe bwage na okumanyisa obuhashe bwage, olya wankalindira haguma n'obushiru bunene orhu rhubindi rhw'oburhe rhwa bumbagwaoku buhezi,
\v 23 Na nk'ali simire okumanyisa obuhirhi bw'irenge lyage oku birugu by'olukogo arhaganyizagya burhanzi irenge?
\v 24 Co cirhumire arhu hamagire ci arhali omubayahudi mwone, ci kwone na omu bapagani,
\v 25 Nkoku bidesirwe muli Hosea: Naishi hamagala olubaga lwani olurhali lubaga lwani na muzigirwa wani orhali muzigirwa wani,
\v 26 N'aha bakagi babwira: Murhali lubaga lwani! Baishi hamagalwa bagala ba Nnamahanga ozine.
\p
\v 27 Isaya, oku luhande lwage, ayakuza oku biyerekire Abisraeli: Erhi omuganjo gw'abana b'Israeli gwankaba nka mushenyi gw'omu nyanja, misigala yone yacire.
\q
\v 28 Bulya Nahamwirhu ahikiriza byoshi na dubaduba omw'Igulu eby'akozire.
\p
\v 29 Na, kulya Isaya aderhaga burhanzi: Nka Nahano we mirhwe arhanka rhulekire iburha, rhwankabire nk'abe Sodoma, rhushushanyibwe na abe Gomora.
\p
\v 30 Kurhi rhwanka derha? Abapagani barhalongezagya obushinganya, bahalirwe obushinganya, buisha omu bwemere,
\v 31 Ci kwone ab'Israeli, walonzagya irhegeko ly'obushinganya, barhali hikaga kwo.
\v 32 Bulya gurhi? Bulya Israeli abilongize, arhali oku bwemere, ci nk'ebyarhenga omu bijiro. Basarhala okw'ibuye ly'ecisarhazo,
\v 33 Nkokubiyandisirwe: Lola, nahebire omu Sioni ibuye ly'oku sarhaza Na cikunguzo cakuhirimya, Na nkasi waliyemera arhakabulabula.
\c 10
\cl Cigabi 10
\p
\v 1 Bene wirhu, ndonzize bwenene omu murhima gwani n'amahuno gani emwa Nnamahanga oku bo, mpu bacizibwe.
\v 2 Naba twirire olubanja oku bali bacizire emwa Nnamahanga cikoki buzira bwenge:
\v 3 Bulya nkaba marhamanyiri okuli kwa Nnamahanga, n'okulonza okuzibuhya obushinganyanya bwabo, barhana ciciheba oku bushinganyaya bwa Nnamahanga;
\v 4 Bulya Kristu ye buzinda bw'irhegeko, lyo ngasi oyemire ajajirwa okuli.
\v 5 Bulya, ntyo kwo Musa ahugwire obushinganya buyish'omwi rhegeko: Omuntu washiheba ebyo omu bworhere alama omubyo.
\v 6 Cikwone sinzagi gurhi baderha obushinganyanya buyisha omu bwemere: Orhaderhaga omu murhima gwawe: Ndi wayishi shona okuja emalunga bulya kuli kuhonola Kristu;
\v 7 Erhindi wayishi honoka okuja omu kuzimu? Analerha Kristuenyanya kurhenga omu bafire.
\v 8 Cikwone gurhi gudesire? Ogwo mwanzi gulihofi nawe, omu karhi ka kanwa kawe n'omu karhi k'omurhima gwawe. Nobu, eri myanzi ya bwemere, rhuli rhwayigiriza.
\v 9 Nka wakahungama okukanwa kawe Nnahamwirhu Yesu, nanka wankayemera omu murhima gwawe oku Nnamahanga amufuzire kurheng'omu bafu, wayishi chungulwa.
\v 10 Bulya omu kuyemera kwo omurhima kwo kuhikira omu bushinganyanya, omu kuhungama oku kanwa kwo kuhikira obuchunguke,
\v 11 Kushimbana n'oku amandiko gadesire: Ngasi yeshi omuyemire arhankabona nshonyi.
\v 12 Arhali lubero, oku bayahudi n'oku ba giriki, boshi bulya boshi bagwerhe muciza muguma, oli mugale okuboshi bacikumbaye.
\v 13 Bulya ngasi yeshi wana cikumbe izino lya Nnamahanga anacire.
\v 14 Cikwone gurhi bankacikumba oyu barhayemeraga? Na gurhi bakamuyemeramo barhana yunvirhi omwanzi? Erhi gurhi bakayunva nantaye oli wayigiriza?
\v 15 Na gurhigi bacibona abigiriza, nka barhali barhume? Nkoku biyandisirwe: Gali minja amagulu ga balya baka manyisa omurhula, ga balya baka manyisa emyanzi minja!
\p
\v 16 Cikwone boshi barha kengaga emyanzi minja. Isaya, naye aderha: Nnahamwirhu, ndi wayemeraga oku nyigirizo zirhu?
\v 17 Nantyo obwemere buyisha omu kuyunva, n'ebi bayunva binaka rhenga omu mwanzi gwa Kristu.
\v 18 Cikwone ndesire: barha yunvagwa? Nobu! Izu lyabo lya lumire omw'igulu lyoshi, et mianzi yabo kuhika oku buzinda bw'igulu.
\p
\v 19 Cikwone ndesire: kab'isiraeli barhakumanyaga? Musa murhanzi adesire: Namuheba akagongolyo oku bantu barhali cihugo, nayishi muzusa mw'oburhe oku cihugo cirhagwerhi bwenge.
\p
\v 20 Isaya n'oburhwali bwinji aderha: nabwinwe n'abarhali ndonzize, naci yerekana oku barhali mpunyire.
\p
\v 21 Cikwone kuli Israeli aderha, nabaheba kwo amaboko omu legerege gwoshi bantu barhakengana na barhengu.
\c 11
\cl Cigabi 11
\p
\v 1 Ndesirage ntyo: ka Mungu akabulire lwoshi olubaga lwage? Nanga ciru nehitya! Bulya nanindi mw'Israeli, w'omu bana ba Abrahamu, bomu mulala gwa Benjamini.
\v 2 Mungu arhakabuliraga abantu bage, balya amanyaga burhanzi. Ka murha manyiri ebi amandiko gadesire enyanya ly'Eliya, nkoku ahunaga Mungu, okusongera ab'Israeli:
\v 3 Nnahamwirhu, bâyisire abalebi bawe, bashâbire ahantu hawe haku rherekerera; na nani nsigire niene, nabo bali balonza? Oku nnîga?
\v 4 Ci kwone gurhi Mungu amushuzize? Niene ncibikire bantu bihumbi nda, abo barhafukamiraga baali.
\v 5 Na ntyo kwoliri gano mango hali bantu batyungunu, balondolagwa oku bwonjo bwa Mungu.
\v 6 Ci kwone, akaba oku bwonjo, arhali oku bijiro kandi; erhi obwonjo burhaciri bwonjo. Ci kwone n'erhi akaba oku bijiro erhi arhaciri bwonjo kandi, n'ebijiro birhaciri bijiro kandi.
\v 7 Ntyo gurhi? Eci Izraeli alonzagya, arhacibonaga, Ci kwone abalondolagwa bacibwine, oku mango abandi bajirwa emirhima mizibu,
\v 8 Nk'oku kuyandisirwe: Mungu abahîre omurhima gw'okuj'îro, n'amasu ci kwone barekibona, n'amarhwiri mpu barhaki yunva, kuhika buno.
\p
\v 9 Na Daudi adesiren'amasu: Ameza gabo gabe murhego, na gasirha, cisarhaza c'oku bahirimya, lube luhembo lwabo!
\q
\v 10 Amasu gabo gahebwe mw'omwizimya ciru barhaki bona, ona yunamye emigongo yabo ensiku zoshi.
\p
\v 11 Na ntyo ndesire: ka basarhire mpu bahirime bwenene? Nanga! Ci kwone, enyanya ly'okuhirima kwabo, obucize bwayishira ab'eyindi milala (bapagani), Ciru bone bahebwe kwo obwagalwa.
\v 12 Ntyo, erhi ankaba oku hirima kwabo kwabire bugale bw'igulu, n'oku nyihirwa kwabo kwabire bugale bw'abey'indi milala. Kanga bâshimba ntyo hano bama ciyunjuza boshi.
\v 13 Mmubwizire mwe, b'embaga: bulya ndi murhumisi w'eyindi milala, nkuzize omukolo gwani,
\v 14 Lyo, nkabyaka hashikana okubaheba kw'oluhali lw'abo bo bûko bwani, n'okuciza abandi ba kulibo.
\v 15 Bulya nkokukabulirwa kwabo kwadwirhe obuhumanye bw'igulu, oku yankirirwa kwabo biri bici, akaba burhali buzine kurhenga omu bafu?
\v 16 Bulya, nk'amalehe ga burhanzi (mwigamba) gali matakatifu (mimâna), erhi cirhumbwa câgo nacô canaba citakatifu; na nk'omuzi guli gucîre n'amarhambi nago ganaba ntyo.
\v 17 Ci kwone nkakaba agandi mashami gatwirwe, nawe we, wali muzeituni gw'emuzirhu wahizirwe omu kagarhi kagwo, waba lushangi haguma nago, ecikundukundu (mizi) n'amagazi g'omuzeituni.
\v 18 Orha cikuzagya enyanya ly'aga marhambi. Ci kwone, omanye oku arhali w'obarhwire ecikundukundu, ci kwone ecikundukundu co cikubahwire.
\v 19 Ntyo waderha erhiecikundukundu: Amarhambi gatwirwe, mpu lyo mpebwa ho.
\v 20 Kuli kwinja; batwirwe enyanya l'yokurha yemera kwabo, nawe, nawe oyimanzire enyanya ly'obwemere bwawe. Orhabe waku chibona, ci kwone oyobohe;
\v 21 Bulya nka Mungu arhalekaga amarhambi g'omubworhere bw'okuli, nawe arhanka kuleka.
\v 22 Ntyo olole obwinja n'obukali bwa Mungu: Bukali kuli abo bahirimire, ci kwone kuli we obwinja bwa Mungu, nka wankabera osimire omubwo bwinja; ankaba arhali ntyo watubwa.
\v 23 Nabo ntyo, nka barha beziri omu kurha yemera kwabo, bahirwa mwo; Bulya Mungu ali n'obuhashe okubahira mwo kandi.
\v 24 Bulya we, nkawatwirwe kurhenga omu muzeituni gw'emuzirhu gw'omu bworhere bw'okuli, wana hebwa mwo omu ku berulukana n'ogwo gwomu bworhere bw'okuli omu muzeituni gwabo bone.
\p
\v 25 Bulya ntalonzizi, bene wirhu, muleke okumanya eri ihwe, lyo murhagi cibona benge, bulya oku cihimbi ciguma ca ab'Israeli oku buzibu bw'emirhima yabo cahirimire, kuhika amango g'okuhikirira kw'ab'eyindi milala kwaba.
\v 26 Na ntya ab'Israeli boshi bacunguka, nkoku bya yandikagwa oku: omuchunguzi ayisha kurhenga e Sayuni, arhenza okurha kenga kwa Yakobo.
\q
\v 27 Neri liri ilagano lyani kuli bo, amango nakûla ebyaha byabo kuli bo.
\p
\v 28 OKu biyerekire omwanzi gwa kalembe, bali bashombanyi erhi mwe murhuma; ci akuyerekire oku londolwa, bali barhonyi enyanya za bîshe.
\v 29 Bulya Mungu arhahindamuka omu mpembo zage n'omu kuhamagala kwage.
\v 30 Bulya nkoku murhakengaga mira n'okw'okwo kurha kengana kwabo mukola muhabirwe obwonjo.
\v 31 Kw'on'okwo abô nabo buno barha kenziri ntyo, mpu lyo okw'obulya bwonjo bwa yerekanagwa kuli mwe, hahabwe obwonjo ntyo.
\v 32 Bulya Mungu abashwesire boshi omu kurha kengana ly'alerha obwonjo oku boshi.
\q
\v 33 Obugale bwa Nnamahanga buli bunene, obumanya bwage n'obwenge bwage, emanja zage zirhanka manyikana, n'enjira zage zilushire okumanya kwirhukengana! Bulya
\v 34 Ndi wamanyire engererezo za Nnahamwirhu, erhi kandi ndi wali muhanuzi wage?
\q
\v 35 Ndi wamuhire akantu burhanzi, mpu naye ayishi mugalulira akandi?
\p
\v 36 Bulya emwage, kuli ye, n'omuli ye, ebirugu byoshi birhenga. Obukuze bube emwage, ensiku n'amango! Bibe ntyo!
\c 12
\cl Cigabi 12
\p
\v 1 Ntyo muhunyire, bene wirhu, n'obwonjo bwa Nnamahanga, muhane emibiri yinyu kuba nterekero ezine, ecesibwe, y'oku simisa Nnamahanga, obwo bugashanize bw'okuli mugwasirwe oku mujirira.
\v 2 Murha cishushanyibagwa n'abo bworhere bw'eri igulu, ci muhindulwe okujirwa buhyahya omu nkengero, lyo mumanya obulonze bwa Nnamahanga, ebiri binja byokumu simisa, birhali kw'ishembo.
\p
\v 3 OKu lukogo nahirwe, mubwizire ngasi muguma winyu arhacikuze kulusha okumukwanine oku gerereza, cikwone agerereze omu bwenge nk'oku Nnamahanga anahire ngasi muntu omu lugero lw'obwemere.
\v 4 Bulya nk'oku rhujira birumbu binji omu mubiri muguma, na kulya ebirumbu byoshi birhajira mukolo muguma.
\v 5 Ntyo rhwe rhuli banji rhujire mubiri muguma muli Kristu, na rhuli rhweshi birumbu biguma omu bandi.
\v 6 Bulya rhugwerhe ebigabi birha shushini kushimbana n'olukogo nk'oku ngasi muguma anashobwire, ogwerhe ecigabi c'obulebi alebe oku lugero lw'obwemere.
\v 7 Owahamagalirwe omukolo akole bwinja; n'oli ayigiriza acishwekere kwo okuyigiriza.
\v 8 Ow'oku hanula omu kuhanula kwage, ow'oku hana aka kujira n'obu shagaluke; ow'oku yimangira akujire omu bushibirizi; ow'oku babalira akujire omu bushagaluke.
\p
\v 9 N'obusime bube buzira kurhebana. Mugaya ebibi; muci shwekere oku minja.
\v 10 OKu buzigire bwa bene wirhu, muzigirane mwene na nene; omu bukenge mulushisanye ngasi muguma akashokoz'owabo.
\v 11 Mube ba bushiru, ci murhabaga bagazi, mube n'omurhima gw'obushiru mukolere Nnahamwirhu.
\v 12 Mushagaluke omu bulangalire. Mucihangane omu malibuko, mushibirire amahuno.
\v 13 Mushangire n'abatakatifu omu byo balonzize, n'oku yankirira ebigolo.
\v 14 Mukagisha abamulibuza; mukagisha ci murha kagiheherera.
\v 15 Muka shagaluka n'aba shagaluka, muka laka n'abali balaka.
\v 16 Mube n'engererezo nguma mwene na mwene. Murha hebaga emyanzi y'okuci kuza omu ngererezo zinyu, cikwone mushangire haguma n'abo bwirhohye, murhabaga benge omu masu ginyu mwene.
\v 17 Murhagaluliraga omuntu amabi oku mabi. Mulongereze ebiri binja embere z'abantu boshi.
\v 18 Nka byanka hashikana, kuli mwe mube n'omurhula okubantu boshi.
\v 19 Murha ciholaga mwene, bazigirwa, ci muleke oburhe; bulya biyandisirwe okucihola kuli kwani, niene nayishi lyula kw'adesire Nnahamwirhu.
\q
\v 20 Ci nka omushombanyi wawe anka shalika, omuhe eby'alya, erhi anka yunva enyorha, omuhe anywe; bulya omu kujira ntyo gali makala ga muliro omu berhuzize.
\p
\v 21 Orhacilekaga wahimwa n'amabi, ci ohime amabi n'aminja.
\c 13
\cl Cigabi 13
\p
\v 1 Ngasi muntu agwasirwe oku gomba oku barhegesi b'ecihugo. Bulya nta burhegesi burha rhenga emwa Nnamahanga, n'abakulu bahaba Nnamahanga yene waba jiraga.
\v 2 Co cirhumire olahira oku omurhegesi w'ecihugo badesire erhi alahire irhegeko Nnamahanga ajiraga. Abalahira oku abarhegesi badesire lubanja bacilerhera.
\v 3 Bulya abarhambo barhali bantu bakuyobohwa n'abajira aminja, cikwone bali bakuyobohwa n'abajira amabi. K'olonzize obe wakurhayoboha omurhegesi okajiraga aminja, akuh'irenge.
\v 4 Bulya Nnamahanga wabarhumaga mpu bakujire muntu mwinja. Cikwone erhi wankajira amabi, okwanine oba yobohe! Bulya obuhashe bw'okuhana agwerhe burhali bwa busha; Nnamahanga ali akolera omu kuyerekana obuhane burhenzire omu burhe bwa Nnamahanga muli kulya kuhana ojira amabi.
\v 5 Co cirhumire kukwanine okugomba oku barhegesi b'ecihugo, arhali kuyaka obuhane burhenzire omu burhe bwa Nyamuzinda kwone, ci n'entimanya.
\v 6 Co cinarhuma muvurh'ikodi, bulya abavurhisa Nnamahanga bali bakolera nka bali bajira ogwo mukolo n'obwirhonzi.
\v 7 Ngasi muvurhisa mumuhe ehyage: Omuvurhisa w'ikoli, mumuhe ikoli, omuhoza mumuhe ihoro; ow'oku kengwa mumukenge; n'oshinganine irenge naye mumuhe lyo.
\p
\v 8 Murhabaga n'omwenda gw'omuntu ahanyuma ly'omwenda gw'obuzigire. Ozigira owabo erhi ayunvirhe loshi ebi amarhegeko gadesire.
\v 9 Bulya gala marhegeko gadesire mpu: Orhagonaga, orha yirhaga, orha zimbaga, orha lalikiraga ebya bene, aga marhegeko, n'agandi goshi, gali muli eryo irhegeko liguma lidesire mpu: Mpu ozigire owinyu nk'oku cizigira wene.
\v 10 Ozigira owabo nta mabi amujirira. Kuziga obuzigire bw'oburhenga mw'okuyunva amarhegeko.
\p
\v 11 Caba murhahabiri mango gahi gano rhulimwo. Amango g'okuzuka gahisire. Obucire bukola burhuli hofi kulusha amango rhwarhonderaga okuyemera.
\v 12 Obudufu bwalingigera, n'obuche buyiruka. Kuziga rhulekage e'bijiri byo mwizimya, rhufumbarhe amtumu g'obulangashane.
\v 13 Rhucikenge omu lugendo lwiru nk'oku kukwanine okujir'izuba lyabasha. Rhuleke obudambi n'endalwe, nta kuhusha nanta kujira ebyo obumaguza; nta nongwe na nta mbuvu.
\v 14 Mucihundukire Nyakasane Yesu Kristu murhana cikagi rhogoza omubiri omukushimba enyifinjo zagwo.
\c 14
\cl Cigabi 14
\p
\v 1 Okayegereza oli muzamba omu bwemere, ci orha mujisagya kadali oku ngererezo zage.
\v 2 Nka hali oyemire oku anakalya ngasi bilyo byoshi, n'owundi, ali muzamba arhalya ezirhali nshogo za lubala zone.
\v 3 OLi walya arhaganyagusagya orhali walya, n'orhali walya arhatwaga olubanja lw'oli walya ngasi bilyo, bulya Mungu amuyankirire.
\v 4 Oligi ndi, we oli watwa olw'omukozi wa bene? Emwa Nnahamwabo yehe ayimanzire, kandi erhi arha yimanzire, ebyo bisinze nnahamwabo. Cikwone kuyimanga anayorha ayimanzire, bulya Nnahamwirhu yogwerhe obuhashe bw'oku muzibuhya.
\v 5 Hali okujira olubibi omu nsiku; n'abandi bazibone zoshi oku zo zinali nguma. Ngasi muguma ashimbe nk'oku abwine omu murhima gwage n'oku bwenge bwage.
\v 6 Ngasi yeshi oberula nsiku; erhi ali akuza Nnahamwirhu. Oli walya, erhi enyanya za Nnahamwirhu ali alya; cikwone luli lukogo ahabirwe na Nnamahanga n'orhali walya, eri enyanya za Nahamwirhu okurha lya, oyo naye anavuge Nnamahanga omunkwa oku lukogo lwage.
\v 7 Bulya ntyo, ntaye oba ocilamisize yene, na ntaye ociniga yene.
\v 8 Bulya erhi ankaba rhulamire, rhulamire enyanya za Nnahamwirhu; n'erhi rhwanka fa, rhufe enyanya za Nnahamwirhu.
\v 9 Bulya Kristu afire anafuka, mpulyo arhambula abafire n'abazine.
\v 10 Cikwone wehe, cirhumire oli watwa olwa mwene winyu? Erhi we, cirhumire oli waganya mwene winyu? Bulya rhweshi rhwayishi yimanga embere l'Itribunali lya Nnamahanga.
\v 11 Bulya biri biyandisirwe: Ndi nzine, kw'adesire Nnahamwirhu, ngasi idwi lyafukama embere zani, na ngasi lulimu lwahana obukuze emwa Nnamahanga.
\p
\v 12 Co cirhumire ngasi muguma muli rhwe ahana oluporo lwage embere za Nnamahanga yene.
\p
\v 13 Rhurhaka twirana emanja rhwene na nene; ci rhumanye rhwankajira eby'o kuhirimya mwene wawe, obe nk'ibuye ly'oku sarhaza erhi kulonza oku hirimya.
\v 14 Mmanyire na nyemire muli Nnahamwirhu Yesu oku nta kantu kaba kabi omu bworhere bwako, ci obwine oku kantu kalebe kali kabi, oyo kana muhumanya.
\v 15 Cikwone, oku biyerekire ebiryo, erhi ankaba mwene wawe agayisibwe, erhi arhaciri omu lugenzi lw'obu zigire: orhamu hirimye n'ebilyo, n'ecihombo ciri oku balya Kristu afiraga.
\v 16 Ntyo, obwinja bwinyu burha rhume abandi oku muderhera kubi.
\v 17 Bulya obwami bwa Nnamahanga, burhali kulya n'okunywa, ci kuba n'obushinganyanya, murhula n'obu shagaluke, muli Muka Mwimana.
\v 18 OLi wakolera Kristu kwa mwene oko erhi asimisize Nnamahanga n'oku yemerwa n'abantu.
\v 19 OKu bili rhulongereze ebyanka rhulerhera omurhula n'oku rhuzibuhya haguma.
\v 20 Oku biryo, orha sherezagya omukolo gwa Nnamahanga. Okuli byoshi biri binja; ci kuli kubi emw'omuntu, nka akalya ebi muyerekine nk'ibuye ly'oku hirimya owundi.
\v 21 Kuli kwinja oku rhalya enyama, n'okurha kanywa idivai, n'oku rhajira akantu kankarhuma mwene winyu asarhala erhi kuhirima, erhi kubula emisi.
\v 22 Oku bwemere ogwerhe, obulange wene embere za Nnamahanga. Iragi lyage omuntu omurhima gwage gurha cilongoza amango adwirhe ahiga eby'ajira!
\v 23 Ci ngasi yeshi orhindira oku by'ali alya erhi mira ayaga, bulya arhashimbiri izu ly'obuyemere bwage. Ngasi nkantu karharhenga omw'izu ly'obuyemero ciri caha.
\c 15
\cl Cigabi 15
\p
\v 1 Rhwe rhugwerhe emisi, rhugwasirwe rhubarhule obuzamba bw'abarhagwerhi misi, n'okurha cisimisa rhwene.
\v 2 Ngasi muntu wirhu asimise omulungu oku minja omukulonza rhuyubakane.
\v 3 Bulya Kristu arhacisimisagya yene, cikwone, nkoku biyandisirwe: amabi g'abali boku gayisa gampirimire kwo.
\v 4 Nobwo, ngasi ebya yandisirwe burhanzi byahabire oku rhuyigiriza, lyo, oku kulindira n'oku burhuliriza kuyisha omu mandiko, rhubâ n'obulangalire.
\v 5 Mungu w'oku lindirira kwoshi na wakurhuliriza abahe okuba n'obwo bworhere oku bandi nk'oku Yesu kristu,
\v 6 Lyo mweshi haguma, okw'izu liguma mukuza Nnamahanga n'Ishe wa Nnahamwirhu yezu Kristu.
\p
\v 7 Muyegerezanye baguma oku bandi nkoku kristu anuyegerezagya oku irenge lya Nnamahanga.
\v 8 Ndesire, muli okwo, oku Kristu abire mukozi waku kembulwa, lyo alangulana okuli kwoshi kwa Nnamahanga n'okuhikiriza ebiragane balarha bahabagwa.
\v 9 Cikwone abapagani banakuze Nnamahanga enyanya ly'olukogo lwage, nk'oku biyandisirwe: co cirhumire nashi kukuza omu mashanja, na nayishi yimba okw'irenge ly'izino lyawe.
\p
\v 10 Kandi biyandisirwe: Mashanja, mushagaluke haguma n'olubaga lwage.
\p
\v 11 Nakandi: Mukuze Nnahamwirhu, mwe mashanja goshi, mumuyimbire, mwe mbaga zoshi!
\p
\v 12 Isaya naye adesire: Omu buko bwa Yese mwayishi shenga omulala, gwayishi yimanga okurhambula amashanja; N'amashanja gayishi mulangalira.
\p
\v 13 Nnamahanga w'obulangalire amuyuguse bushagaluke na murhula omu bwemere, lyo obulangalire bwinyu buyushuka okubuhashe bwa Mûka mwimana!
\p
\v 14 Oku bimuyerekire, bene wirhu, niene nyemire oku muyunjwire minja, gayunjwire ebumanyi bwoshi, bwaka bahashisa okuhanulana mwene na mwene.
\v 15 Muli okwo, okubiguma, muyandikire n'oburhwali, nka ku mukengeza enyanya z'olukogo Nnamahanga ampire.
\v 16 Okuba mukozi wa Yezu Kristu omwa abapagani, n'okulyula omukolo gw'empingu gw'emyanzi y'akalembe ya Nnamahanga, lyo abapagani baba nterekero njinja, ekola ecesibwe na Mûka mwimana.
\v 17 Ngwerhe ecirhumire cokucikuza muli Yezu Kristu, oku balanzire eba Nnamahanga.
\v 18 Bulya ntaka derha akantu Kristu arhanjirire, omu kulerha abapagani omu bukenge, oku nderho n'oku bijiro,
\v 19 Okubuhashe bw'ebisomerine n'ebirhangaza, oku buhashe bwa Mû ka gwa Nnamahanga, lyo, kurhangira e Yerusalemu n'ebihugo bizungulusire kuhika e Iliriko na yalagazize emyanzi y'akalembe oku bwinji.
\v 20 Naciru nacihire olukengwa lw'okuyigiriza emyanzi y'akalembe aha Kristu arhali sagi derhwa, lyo ntaki yubakira oku ciriba cabene, nk'oku biyandisirwe:
\v 21 Abarhali sagi bwirwa babona, n'abarhali sagi yunva bamanya.
\p
\v 22 Byo byakagi rhuma ntayisha emwinyu.
\v 23 Cikwone ene, ntacigwerhi ebi ashwesire omwezo nciga, n'okuba n'olwifinjo lw'okuyisha emwinyu kurhenga myaka minji,
\v 24 Nangalire okumubona omukugera hano nja e Espanya n'okulusibwa na mwe, enyuma lyaho nashiba nama twa okw'irala ly'okuyisha emwinyu.
\v 25 Bunola naja e Yerusalemu, oku mukolo gw'abacesibwa.
\v 26 Bulya Makedonia na Akai, bacilaka okujira oburhabale barhumire abakenyi b'abacesibwa b'e Yerusalemu.
\v 27 Bakulonzize, banali kuhunyirwe, bulya nkaba abapagani balabuzibwe oku minja g'omurhima, bagwasire nabo baba rhabale oku bintu byokugera.
\v 28 Hano malira ogwo mukolo, na hano mba nama bagabira byo, nayishi ja e Espanya kugerera emwinyu.
\v 29 Mmanyire oku omu kuyish'emwinyu, nab'erhi nyunjwire migisho ya Kristu.
\p
\v 30 Mmuyigirizize, bene wani, kuli Nnamahanga Yezu Kristu n'okubuzigire bwa Mûka, okulwa entambala haguma na nani, n'okumpunira emwa Nnamahanga.
\v 31 Lyo nfuma abarhayemire Eyudea, lyo n'oburhabale naheka e Yerusalemu buyemerwa n'abacesibwa.
\v 32 Lyo nyisha emwinyu oku bushagaluke, n'ankaba gali malonza ga Nnamahanga, nalyo ntamuka hitya emwinyu.
\v 33 Nnamahanga w'omurhula abe haguma ninyu mweshi! Bibe ntyo!
\c 16
\cl Cigabi 16
\p
\v 1 Mmurhumire mwali wirhu Febe ali akolera omu kanisa kali e Kenkereya,
\v 2 Mumu yankirire okw'izino lya Nyakasane nk'oku bina rhegesirwe okujira omu bantu b'omu lubaga lwa Nnamahanga, muna murhabale muli nkasi kantu, nka kulya anagwasirwe okuba haguma mweshi naye. Yene naye arhabire bantu banji, ciru na nani antabire kulusha.
\p
\v 3 Mundamukize Pricila na Akila, bantu rhugenda rhweshi omu kukola omukolo gwa Kristu Yesu,
\v 4 bali bakola bafa mpu lyo banchiza. Arhali niene mbavuzire omunkwa, emirhwe y'abakristu y'en'igulu yoshi abarhali bayahudi, nabo baba vuzire omunkwa.
\p
\v 5 Mundamukize abakristu bashimanana omu nyumpa z'abo birhu. Mundamukize n'owirhu Epaineto, ye wali murhanzi oku yemera Kristu omu Asia.
\p
\v 6 Mundamukize Maria, olya wamu koleraga bwenene.
\p
\v 7 Mundamukize Adroniko na Yuniya, baba baci bani, rhweshi nabo rhwabaga n'omu mugozi. Entumwa kukenga ziba kenga bwenene, bo bana rhangigi ba bakristu embere lyani.
\p
\v 8 Mundamukize Ampulyoto, mwira wani muli Nyakasane.
\p
\v 9 Mundamukize Urbano, wirhu rhugenda rhweshi omu kukola omukolo gwa Kristu, n'owirhu Stakisi.
\p
\v 10 Mundamukize Apele, muntu wayerekine okw'anaba mwemezi muli Kristu. Mundamukize abahamwa Aristobulo.
\p
\v 11 Mundamukize Herodyoni, aba w'omu bukobwirhu. Mundamukize abahamwa Narkiso, bayemire Nyakasane.
\p
\v 12 Mundamukize Trifaina bona Trifosa, bantu bakolera Nyakasane, n'omwirakazi wani Persisi, muntu wakolire Nyakasane bwenene.
\p
\v 13 Mundamukize Rufu, olya wayerekinwe okwali mwambali wa Nyakasane, mundamukize na nnina, anali nnyama.
\p
\v 14 Mundamukize Asinkrito, na Fulegole, na Herme, na Patroba, na Herma n'abandi bene wirhu bali boshi nabo.
\p
\v 15 Mundamukize Filologo na Juliya na Nereya bona mwali wabo, na Olimpa. Mundamukize n'abo mulubaga lwa Nnamahanga boshi, balya bali haguma nabo.
\p
\v 16 Mulamusanye omu kununugurhana kw'eci nyabuguma. Omurhwe gw'abakristu ba Kristu boshi bamu lamusize.
\p
\v 17 Mmuhunyire bene wirhu, nti mucilange kuli bala bantu balerha okuberulukana n'oku habula abemezi omu kulahira enyigirizo mwayigirizibwe. Abo muba yake.
\v 18 Bulya abantu ba mwene abo barhakolera Nyakasane wirhu Kristu, cikwone nda zabo bone! Oku myanzi yabo minunu minunu n'oku nshambalo z'oku yinginga, bana rhebe mwo emirhima y'abantu barhagwerhi bubi.
\v 19 Abantu boshi bayishi oku kuyunva muyunva ebi Nyakasane adesire. Nsimire erhi mwe murhuma, ci kwone nonzize mube bantu ba bumanye omu kujira aminja, kandi munabe bantu bacire omu kuyaka amabi.
\v 20 Nnamahanga ahana omurhula, buno buno atuntumira Shetani ahadako ly'amagulu ginyu. Mashi olukogo lwa Nyakasane wirhu Yesu Kristu lube haguma na ninyu!
\p
\v 21 Owirhu Timoteyo rhukola rhweshi, amulamusize, na Lukiyo naye, na Yasoni bona Sosipatro, balya b'omu buko bwani.
\v 22 Nani nie Tertiyo, nie nayandikaga aga maruba, mmurhumire omusingo muli Nyakasane orhuma rhuba rhulungine.
\v 23 Gayo, ompandisa aha mwage, ho omurhwe gw'abakristu boshi bashimanana, amulamusize. Na Erasto, obika ebirugu by'ecishagala, bone mwene wirhu Kwarto, bamu lamusize.
\v 24 Mashi olukogo lwa Nyakasane Yesu Kristu lube haguma na ninyu mweshi. Bibentyo!
\q
\v 25 Rhucitakira Nyamahanga! Bulya agwerhe obuhashe b'oku muzibuhya omu bwemere, nk'oku emyanzi y'akalembe ndi namubwira edesire, emyanzi ndi nayigiriza edesire ogwa Yesu Kristu, nanka kulya kumanya rhwahirwe kurhenga omu burheganye Nnamahanga aba afulisire! Obwo burheganye bwali bufulike kurhenga mira bwenene bwenene,
\v 26 cikwone buno, ebitabu by'abalebi bikola bibufulwire; nk'oku n'irhegeko lya Nnamahanga w'ensiku n'amango lidesire. Obu burheganye buhekirwe amashanja goshi lyo bayemera, bayunve n'oku Nnamahanga adesire.
\q
\v 27 Nnamahanga muguma yene w'obumanye aj'irenge muli Yesu Kristu emyaka n'emyaka! Bibentyo.